Një toreadori dhe një spektator humbën jetën pasi u sulmuan brenda arenës në Lisbonë nga një dem. Manuel Maria Trindade ishte në Campo Pequeno dhe vrapoi drejt një demi të madh, që peshonte rreth 700 kilogramë, duke e sfiduar atë të sulmonte.

Demi lëvizi me shpejtësi të lartë drejt 22-vjeçarit Manuel Maria Trindade. I riu u përpoq t’i kapte brirët e kafshës për ta kontrolluar, por brenda sekondave kafsha e ngriti në ajër dhe e hodhi për muri.

Spektatorët në një arenë me 6,848 vende bërtitën nga tmerri ndërsa Trindade shtrihej pa ndjenja në tokë. Demi u ndalua përfundimisht nga toreadorë të tjerë që i tërhoqën bishtin dhe ngritën pelerina shumëngjyrëshe para syve të tij.

Sipas faqes portugeze të internetit Zap, një spektator 73-vjeçar që po shikonte u rrëzua dhe gjithashtu vdiq, ndoshta nga tensioni dhe tronditja e momentit. Ekipet e shpëtimit nxituan menjëherë për t’i dhënë ndihmën e parë të riut në arenë. 22-vjeçari u dërgua në spital ku ra në koma por vdiq brenda 24 orëve për shkak të dëmtimit të pakthyeshëm të trurit.

The post Ndeshja me dema kthehet në tragjedi në Lisbonë, demi sulmon dhe vret 22-vjeçarin appeared first on Albeu.com.

I heshtur, me kokën Ulur dhe pa asnjë koment për Gazetarët . Ky është momenti kur Pandeli Nakoleci, 40 vjecari shqiptar që vrau bashkëshorten e tij në Volos të Greqisë u paraqit këtë të diel në Prokurori.

Autori I krimit makabër nuk zgjodhi ti përgjigjej pyetjes “Pse e bëre ?” të gazetarëve duke ruajtur kështu heshtjen. Mediat greke raportuan se 40 vjecari nuk kishte treguar shenja pendese për krimin e kryer  sipas dëshmive të tij të para përballë hetuesve, ndersa kishte pretenduar se motiv I krimit kishte qene tradhtia nga 36 vjecarja.

Pandeli Nakoleci u arrestua të shtunën, 24 orë pasi kreu krimin e rëndë në një parking në qendër të Volosit, rreth 200 metra larg shtëpisë ku jetonte me bashkëshorten dhe fëmijët e tyre.

40-vjecari Pandeli Nakoleci  i cili vrau në mënyrë makabre bashkëshorten e tij në sytë e fëmijëve të tyre të mitur njihej si përdorues i lëndëve Narkotike dhe familjare te tij kane treguar për ABC News se ai kishte pasur probleme te shëndetit mendor.

Çifti kishte pasur shumë debate kohët e fundit, ndërsa autori 40-vjeçar qershorin e kaluar me urdhër të prokurorit, u dërgua në një klinikë për ekzaminim psikiatrik, pasi tentoi vetëvrasje.

Pandeli Koleci ishte arrestuar dy herë më parë për posedim droge në vitin 2019, ndërsa në vitin 2018 ai u dënua me një vit burg për dëshmi të rreme. Në vitin 2020 ai u dënua me 4 vjet burg për pjesëmarrje në një organizatë kriminale dhe trafik droge. Më herët, në vitin 2013, ai u arrestua për falsifikim dhe hyrje të paligjshme në shtetin fqinj.

Këtë të premte, një ngjarje e rëndë është regjistruar në Volos të Greqisë, ku 40-vjeçari shqiptar Pandeli Nakoleci, ka vrarë gruan e tij 36-vjeçare Marjola Nakolecin, nënën e 4 fëmijëve pas një sherri.

Sipas mediave greke, krimi ndodhi në ndërtesën ku jetonte familja, në rrugën Konstanda.

Mësohet se sherri mes tyre filloi brenda apartamentit dhe vazhdoi në hyrje të ndërtesës.

Ai qëlloi me thikë për vdekje Marjola Nakolecin, nënën e 4 fëmijëve pas një sherri.

The post Kush është shqiptari që vrau gruan në Greqi (EMRAT+FOTO) appeared first on Albeu.com.

Një ngjarje e rëndë është regjistruar në Volos të Greqisë, ku një 40-vjeçar shqiptar ka vrarë gruan e tij 36-vjeçare, me të cilën kishte katër fëmijë dhe më pas është arratisur.

Sipas mediave greke, krimi ndodhi në ndërtesën ku jetonte familja, në rrugën Konstanda.

Mësohet se sherri mes tyre filloi brenda apartamentit dhe vazhdoi në hyrje të ndërtesës.

Më pas 40-vjecari dyshohet se e vrau gruan e tij, gjithashtu shqiptare, me një mjet të mprehtë dhe menjëherë më pas u largua nga vendi i ngjarjes, duke vrapuar përmes rrugës Gladstonos.

Ndërkohë Policia ka nisur një operacion për kapjen e tij, ndërsa zona është rrethuar nga forca të shumta policore dhe në vendngjarje ndodhen gjithashtu ambulanca dhe mjeku ligjor.

Sipas raportimeve nga protothema.gr, nuk kishte histori të dhunës familjare midis çiftit.

Hetimet janë në zhvillim e sipër, ndërsa autoritetet po përpiqen të zbulojnë shkaqet që çuan në këtë vrasje të një gruaje.

The post Krim në familjen shqiptare në Greqi, 40-vjeçari vret bashkëshorten, lë pas 4 fëmijë appeared first on Albeu.com.

Një ngjarje e rëndë ka ndodhur në New Hampshire në SHBA, ku një grua 34-vjeçare vrau bashkëshortin dhe dy fëmijët e tyre përpara se t’i jepte fund jetës së saj.

Emily Long, u gjet e vdekur me një plagë me armë zjarri në kokë.

Autoritetet kanë dyshime se ajo fillimisht vrau bashkëshortin e saj 48-vjeçar, Ryan Long dhe dy fëmijët e tyre, Parker, 8-vjeç, dhe Ryan, 6-vjeç.

Të dy fëmijët u qëlluan në kokë, ndërsa babai i tyre i cili po luftonte me kancerin u qëllua disa herë.

Fëmija trevjeçar i çiftit është i vetmi i mbijetuar dhe brenda shtëpisë. Ai tani është nën kujdesin e anëtarëve të familjes.

Shkaqet e kësaj ngjarjeje të rëndë mbetet të paqarta. 34-vjeçarja punonte si menaxhere për një rrjet restorantesh dhe postonte shpesh video në mediat sociale, duke përshkruar dëshpërimin që përjetoi ndërsa burri i saj përballej me kancerin.

Në një video në TikTok vetëm dy ditë para vrasjes së së hënës, Emily rrëfeu se ishte “shumë e dëshpëruar”, ndërsa përpiqej të rivendoste normalitetin në shtëpi, ndërsa shëndeti i burrit të saj përkeqësohej.

“Jam e vendosur të krijoj normalitet. Po luftoja shumë dhe isha vërtet e dëshpëruar dhe thjesht u mbylla në vetvete dhe doja vetëm të isha me fëmijët dhe burrin tim. Megjithatë, po bëj një ndryshim dhe ai fillon sot… Dhe jam e vendosur të dal nga depresioni im dhe ta bëj këtë për familjen time”, tha 34-vjeçarja.

The post Ngjarje e rëndë/ Gruaja vret burrin dhe dy fëmijët, më pas edhe veten appeared first on Albeu.com.

Në episodin e fundit të ciklit “Heshtja që vret – Klithma e vërtetë e luftës”, i transmetuar në emisionin “Debat Plus”, u dëgjua rrëfimi i fuqishëm i një gruaje që ka përjetuar dy luftëra – atë në Bosnje dhe më pas në Kosovë.

Historia e saj është dëshmi e heshtjes së gjatë, dhimbjes së thellë dhe fuqisë për t’u ngritur përballë traumës që shoqëria tentoi ta fshihte.

Në moshën 16-vjeçare, ajo përjetoi në Sarajevë tmerrin e sulmit në ditën e Bajramit më 6 prill 1992.

Një ngjarje që i ndryshoi përgjithmonë jetën, kur forcat ushtarake hynë në podrumin ku ishte fshehur së bashku me familjen.

“Bashkë me nënën dhe babën. Kanë kaluar ushtria, kanë nisur të hyjnë edhe nëpër podrume, nuk kanë këqyrë kush është kush, pleqtë, gratë, fëmijët. Unë e kam harruar edhe nënën time kur i kam parë se çfarë bënin me fëmijët. Para syve të mi e kanë zier beben”, ka rrëfyer ajo.

Aty ajo u bë dëshmitare e dhunimeve të tmerrshme, përfshirë edhe atë të nënës së saj, e cila nuk e mbijetoi këtë torturë.

E mbijetuara përshkruan momentet e tmerrit, duke kujtuar se si forcat serbe në luftë dhunuan gratë dhe fëmijët para syve të babait të saj, i cili ndërroi jetë disa vite më vonë si pasojë e stresit të shkaktuar nga këto tragjedi.

Pas ikjes së familjes nga Bosnja, përmes një rruge të gjatë dhe të vështirë, ajo gjeti strehë në Kosovë, ku nisi një jetë të re, por plagët e së kaluarës mbetën të pashëruara.

Ajo rrëfen se gjatë gjithë kësaj periudhe e mbajti fshehur historinë e saj, madje edhe përballë burrit, me të cilin u martua dhe krijoi familje.

Me lindjen e djalit, ajo mori vendimin për të harruar dhe për të ndërtuar një jetë të re, megjithatë kujtimet e tmerrshme nuk e lanë kurrë në paqe.

Pas kthimit në Kosovë, ajo dhe bashkëshorti u përballën me vështirësi të shumta, duke nisur nga fillimi me dy fëmijë të vegjël dhe pa asnjë mbështetje materiale.

Përpjekjet për një banesë sociale u bënë pjesë e një beteje të gjatë. Në këtë rrugëtim, ajo mori mbështetje nga organizata Medica Kosova, të cilën e përshkroi si një familje të dytë që i dha forcë dhe ngushëllim.

Megjithatë, kontakti me institucionet nuk ishte i lehtë.

Në një takim në komunë, ajo u përball edhe me një qëndrim skeptik, duke përmendur drejtpërdrejt deputeten Mimoza Kusari-Lila, e cila sipas saj, i tha që “nuk është as e para dhe as e fundit”.

“Po, aty është procedura që çdo vit të shkoja për të shpjeguar se për çka po rri unë aty. U lodha, a më beson. T’i shpjegon, qitash më duhet ta ceki që kjo Mimoza Kusari, nuk kam kurrgjë kundër, femër është. Më tha nuk je as e para e as e fundit, na ndodhë edhe në familje dhuna”, ka deklaruar ajo.

E mbijetuara shprehu lodhjen e madhe nga nevoja për të rinovuar çdo vit dokumentacionin dhe për të shpjeguar gjendjen e saj, përkundër mungesës së fondeve dhe nganjëherë mungesës së mbështetjes institucionale.

Sot, ajo vazhdon të jetë e lidhur ngushtë me Medica Kosovën dhe u bën thirrje institucioneve të kenë më shumë kujdes dhe solidaritet me viktimat e dhunës.

The post Historia e një gruaje që përjetoi dhunë seksuale gjatë luftës në Bosnje dhe Kosovë appeared first on Telegrafi.

Ditën e sotme rreth orës 10:00 të mëngjesit, një ngjarje tragjike ka ndodhur në Pogradec, ku një bari ka humbur jetën pas goditjes nga rrufeja në fshatin Velçan.

Sipas informacioneve, 47-vjeçari L. Ç. po ruante bagëtitë.

Përveç humbjes së jetës së bariut, rrufeja shkaktoi edhe ngordhjen e rreth 20 krerëve të bagëtive të imëta.

Policia dhe grupi hetimor ndodhen në vendngjarje për zbardhjen e plotë të rrethanave.

Njoftimi i policisë:

“Pogradec/Informacion paraprak

Rreth orës 10:00, dyshohet se si pasojë e goditjes nga rrufeja, gjatë kohës që ruante bagëtitë në fshatin Velçan, ka humbur jetën shtetasi L. Ç., 47-vjeç (çoban). Gjithashtu, si pasojë kanë ngordhur rreth 20 krerë bagëti të imëta.

Grupi hetimor është në vendngjarje dhe po punon për dokumentimin e rrethanave të ngjarjes”.

The post E rëndë në Pogradec/ Rrufeja vret bariun, ngordhin dhe 20 krerë bagëti të imëta appeared first on Albeu.com.

(e plotësuar ) – Një tjetër e mbijetuar e dhunës seksuale po rrëfen sonte në ciklin e emisioneve “Heshtja që vret – Klithma e vërtetët e luftës” në Debat Plus, për tmerrin që përjetoi gjatë luftës në Kosovë.

Thotë se babai i jetonte në perëndim, derisa, rrëfen se si gëzoheshin kur flisnin apo vinte në Kosovë.

“Po përpara s’ka pasë telefona, jo, veç me letra, shkrujke, po, na i shkrujke me emër krejtve, të gjithëve, gëzohem ai, gëzohem ky, gëzohem ai, kur e marrshim atë letër krejt u rrokshim dojshim me hangër. Ai baba jem, ai baba jem, kështu qysh, si gjithë fëmijë, kënaqësi më e madhe nuk ka pasë para luftës, pas luftës ma jo”, thotë ajo.

Ajo rrëfen se si kishin harmoni dhe lumturi në familjen e tyre, por që gjithçka e prishi lufta.

“Po, tani lufta shkoi gjithçka, gjithçka ekstrem keq, ma luftë ma, ku ka luftë të paqë, po kjo e jona ka qenë e fëlliqët”.

E mbijetuara e dhunës seksuale po e shpalos rrëfimin tronditës për dhunimin që iu bë asaj gjatë kohës së luftës.

“Momenti i dhunimit katastrof ka qenë, vetëm një dhomë. Vetëm kanë qenë, vjehrrin e morën, vjehrrën e kishin çu tjetër kah. Po, dijke mirë njëri ka qenë i shëndoshë, veç tmerr, i zi, ai i zi që po lyhen a s’po di çka, s’mujshe me këqyrë ata se s’u vrejke t’u këqyrë se me shamia kanë qenë. Tre erdhën, në dhomë aty tre”, rrëfen ajo në ciklin e emisioneve “Heshtja që vret – Klithma e vërtetët e luftës” në Debat Plus.

Ajo tregon se si paramilitarët ia kishin shqyer rrobat me thikë, teksa kujton edhe atë çfarë i kishte thënë vjehrra pas dhunimit.

“Po, as që të kanë vet bile, ai me thikë, tmerr bre tmerr s’po muj as me, tmerr ka qenë bre, ajo ditë me t’u kujtu veç me thanë çelu dhe të hy brenda, nuk ki tjetër, s’di qysh përjetuam, s’di qysh erdhëm deri në këtë kohë, s’di qysh vazhdoj jeta, por po vazhdojka. Edhe mos të thotë kush jo prej së keqi, jo kështu, jo ashtu, çka kemi përjetu na, se një moshë kur nuk je bash e re i di tana këto sene, se me qenë ma i ri shkon, po mosha e pjekun, çuni i vogël, burri në burg, s’ish reni me folë me kërkënd, me ba bisedë me kërkënd, refugjatë s’kishim, vjehrrin e kishin marrë. Çka muj me ditë kur kanë dalë kanë ecë s**** u kryen ato dhunimet, ato punë, ato krejt, jam çu, mëzi kam gjetë diçka me vesh edhe vjehrrën e kam pa, tha ‘ah mbetëm pa burra edhe mbetëm pa fytyrë’ ”, rrëfen ajo.

E mbijetuara e dhunës seksuale thotë se më asnjëherë nuk e kishin diskutuar me vjehrrën për atë çka kishte ndodhur.

The post “Më dhunuan tre veta, vjehrra më tha ‘mbetëm pa burra dhe pa fytyrë'” – rrëfimi tronditës i të mbijetuarës së dhunës seksuale appeared first on Telegrafi.

Mëngjesin e sotëm rreth orës 08:00, një ngjarje e rëndë tronditi qytetin bregdetar të Budvës në Mal të Zi, ku një vrasje e dyfishtë ndodhi pas një konflikti familjar për biznesin e transportit të turistëve me anije.

Të vrarë mbetën babai dhe djali i tij, ndërsa autori i dyshuar është S.S., 65-vjeç, vëllai i viktimës dhe xhaxhai i djalit të vrarë.

Ngjarja ndodhi pranë një lokali në plazhin Slovenska obala, ku dy palët kishin stenda turistike.

Sipas burimeve policore dhe raportimeve të mediave vendase, vrasjes i ka paraprirë një mosmarrëveshje shumëvjeçare për ndarjen e punës në aktivitetin e përbashkët të transportit me anije.

Një ditë para krimit, S.S. thuhet se kishte kërcënuar familjarët se do të “mbyllte hesapet”.

Të nesërmen në mëngjes, ai është paraqitur me armë zjarri, ka qëlluar për vdekje të vëllanë dhe një nga djemtë e tij, ndërsa djali tjetër arriti të shpëtojë.

Pas krimit, i dyshuari është ulur në një lokal aty pranë dhe ka pritur arrestimin nga policia, ku sekuestroi armën dhe e ndaloi menjëherë.

Autoritetet janë në pritje të ekspertizës së plotë, ku po vijojnë hetimet për zbardhjen e plotë të motiveve.

The post Krim i rëndë në familje/ Vëllai vret vëllanë dhe nipin, pas një debati për transportin e turistëve appeared first on Albeu.com.

Autoritetet iraniane kanë konfirmuar vrasjen e shefit të njësisë së inteligjencës së Gardës Revolucionare Islamike (IRGC), gjeneral Mohammad Kazemi, gjatë sulmeve ajrore izraelite të së dielës në Teheran. Sipas agjencisë iraniane Tasnim dhe televizionit shtetëror të Iranit, në të njëjtin sulm humbën jetën edhe zëvendësi i tij, Hassan Mohaqeq, si dhe një tjetër komandant i […]

The post Izraeli vret shefin e inteligjencës së Gardës Revolucionare në Iran, e konfirmon Netanyahu appeared first on BoldNews.al.

Nga Alba Kepi “Po, e bëra. E vrava për të shpëtuar fëmijët.” Ky pretendim – absurd dhe i dhimbshëm – pasqyron një nga narrativat më të rrezikshme që përdoren për të justifikuar feminicidin. Feminicidi nuk është kurrë një krim pasioni, por një krim shoqëror, rezultat i një kulture ende të zhytur në pabarazi gjinore. Kur […]

The post Një tragjedi shqiptare në Itali, që zbulon plagët e një sistemi appeared first on BoldNews.al.

Një tjetër krim tronditës është regjistruar krahas asaj të Austrisë, por kësaj herë në Francë. Ka qenë një nxënës 15-vjeçar, i cili ka sulmuar me thikë pastruesen e shkollës që ai frekuentonte. Ngjarja ka ndodhur në një shkollë të mesme në departamentin Haute-Marne në Francë. Sipas medias “La Stampa”, në oborrin e shkollës po zhvillohej një […]

The post Francë/ Nxënësi 15-vjeçar vret me thikë pastruesen gjatë kontrollit të çantës së shpinës appeared first on BoldNews.al.

Gjashtë palestinezë janë vrarë dhe disa të tjerë janë plagosur nga të shtënat me armë në incidentin e fundit vdekjeprurës pranë një qendre shpërndarjeje ndihmash në Gazën jugore. Njerëzit ishin mbledhur për të marrë furnizime ushqimore kur filluan të shtënat. Raportet që citojnë një dëshmitar okular thanë se izraelitët hapën zjarr kur njerëzit u përpoqën […]

The post Do merrnin ushqim, Izraeli vret 6 palestinezë në pikën e shpërndarjes së ndihmave appeared first on BoldNews.al.

Një ngjarje e rëndë ka ndodhur në një festë në Siberi, ku një 17-vjeçar ka v*arë pesë të mitur duke plagosur katër të tjerë, për shkak se një vajzë 14-vjeçare refuzoi të kryente marrëdhënie s**suale me të.

Autori i krimit është 17-vjeçari Mikhail Paramonov, i cili s*lmoi me th*kë ndërsa, sipas dëshmive, ishte nën ndikimin e alkoolit.

Më pas ai i ka vënë flakën banesës ku ka humbur jetën edhe vetë.

Sipas TASS, pesë fëmijë të moshës 13 deri në 16-vjeç humbën jetën në sulmin e 17-vjeçarit .

Policia u njoftua nga një fqinj i shtëpisë ku po zhvillohej festa, kur ai u informua nga një vajzë 15-vjeçare, Veronica, pasi ajo ishte shtirur si e vdekur për t’u arratisur.

Oficerët e policisë që mbërritën në shtëpi e panë 17-vjeçarin “të zhveshur dhe duke mbajtur një thikë”.

Trupat e pesë fëmijëve të vrarë nga 17-vjeçari – katër djem dhe një vajzë – u gjetën të djegur brenda shtëpisë.

Tragjike është se shumica e fëmijëve që ishin në festë ua kishin fshehur prindërve të tyre, duke thënë se do të ishin në shtëpitë e miqve.

The post Ngjarje e rëndë/ 17-vjeçari v*et 5 të mitur në një festë dhe plagos 4 të tjerë, pasi 14-vjeçarja refuzoi të kryenin marrëdhënie appeared first on Albeu.com.

Ditën e djeshme, një turist amerikan vrau me thikë bashkëshorten e tij në Shkodër. Njarja ndodhi në hotelin ku çifti po qendronte.

Policia e Shkodrës, ka arrestuar shtetasin amerikan Brandon Saporito 57-vjeç, për veprën penale “Vrasja për shkak të marrëdhënieve familjare”.

Saporito dyshohet se në datën 2 maj, në lagjen “Vasil Shanto”, në një banesë të marrë me qira, në gjendje të dehur dhe për motive të dobëta, ka dhunuar e goditur me sende të forta dhe me mjet prerës, bashkëshorten e tij shtetasen S. S., 54-vjeçe.

Njoftimi:

Specialistët për Hetimin e Krimeve ndaj Personit në DVP Shkodër, arrestuan shtetasin amerikan B. S., 57-vjeç, për veprën penale “Vrasja për shkak të marrëdhënieve familjare”, pasi ditën e djeshme (2 maj) në lagjen “Vasil Shanto”, në një banesë të marrë me qira, dyshohet se në gjendje të dehur, për motive të dobëta, ka dhunuar e goditur me sende të forta dhe me mjet prerës, bashkëshorten e tij shtetasen S. S., 54 vjeçe, e cila si pasojë e dëmtimeve ka humbur jetën në vendin e ngjarjes.

The post Krimi në Shkodër/ Vrau në gjendje të dehur bashkëshorten, arrestohet shtetasi amerikan Brandon Saporito appeared first on Albeu.com.

Ditën e djeshme, tjetër krim i rëndë familjar u regjistrua në vendin tonë ku viktima dhe autori janë shtetas të huaj. Banorët e një lagjes lajmëruan policinë, për një sherr të madh në një banesë të marrë me qira.

Policia kur shkoi në vendin e ngjarjes, konstatoi se gruaja ishte e pajetë pasi ishte goditur me mjet prerës nga bashkëshorti i saj.

Policia bëri me dije se turistja amerikane Sandra Saporito, 54-vjeçe, u vra me thikë nga bashkëjetuesi i saj, Brendon Saporito 57-vjeç.

Çifti amerikan kishte marrë një banesë me qira në lagjen historike të Shkodrës, Gjuhadol. Mëngjesin e të premtes, rreth orës 10:00, Brendon e qëlloi disa herë me thikë partneren në banesë duke i marrë jetën.

Dyshohet se autori i dyshuar i krimit në gjendje të dehur ka goditur 54-vjeçaren me thikë dhe më pas ka tentuar t’i japë fund jetës në kushtet e tronditjes psikologjike, duke prerë damarët.

Nga profili në Facebook i autorit, shihet se kanë hyrë në Rinas më 27 mars, ndërsa në foton e publikuar, Sandra Saporito shkruan se kanë mbërritur shëndoshë e mirë në Tiranë dhe ndodhen të ulur në ambientet e një bar kafeje.

Ata ishin nisur në drejtim të Shqipërisë nga aeroporti i Miamit, në datën 26 mars. Ndërkohë motivet e krimit mbeten të paqarta. Policia bën të ditur se grupi hetimor po punon për zbardhjen e ngjarjes.

“Rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S. Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse”, njofton policia.

The post Vrasja në Shkodër/ Si ndodhi krimi i rëndë, çifti amerikan kishin mbërritur në Shqipëri mbi 1 muaj më parë appeared first on Albeu.com.

Detaje të reja dalin nga krimi në familje që tronditi Shkodrën paraditen e sotme (2 Maj) ku Brandon Saporito masakroi me thikë gruan e tij, 54-vjeçaren Sandra Holley.

Janë zbuluar pamjet nga çifti amerikan i përfshirë në vrasjen e ndodhur sot në Shkodër.

Nderkohe policia ka reaguar për ngjarjen e rëndë në Shkodër, ku një turist amerikan i identifikuari si Brandon Saporito, masakroi bashkëjetuesen me mjet prerës dhe më pas tentoi të vetëvritej.

Ata kishin ardhur me pushime në Shqipëri para pak ditësh.

“Rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S.

Në banesë u gjet bashkëjetuesi i saj, shtetas amerikan, i cili dyshohet se është autori i vrasjes.

Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.

Brandon Saporito raportohet se pasi masakroi 54-vjeçaren ka prerë damarët. Ai mori dëmtime të lehta në dorë dhe u dërgua në spital ku ndodhet jashtë rrezikut për jetën.

57-vjeçari raportohet se ka qenë në gjendje të dehur dhe është i alkoolizuar.

Grupi hetimor, në drejtimin e Prokurorisë, po punon për zbardhjen e rrethanave dhe për dokumentimin ligjor të rastit”, bën me dije policia.

The post Krimi në Shkodër/ Kishin ardhur me pushime në Shqipëri, kush është turisti amerikan që vrau gruan appeared first on Albeu.com.

SHKODËR- Një vrasje ka ndodhur mëngjesin e kësaj të premteje në qytetin Shkodrës.

Gazetari i ABC News, Simon Shkreli, raporton se bashkëshorti ka vrarë gruan dhe më pas ka tentuar t’i japë fund jetës.

Sipas të dhënave paraprake bëhet fjalë për dy shtetas të huaj (dyshohet të jenë shtetas amerikanë) turistë në Shkodër, të cilët kanë qenë të akomoduar në një banesë të marrë me qira.

Krimi është kryer me thikë brenda një banese , ndërsa burri ka tentuar të vrasë edhe veten duke prerë damarët. Aktualisht burri është transportuar në Spitalin e Shkodrës dhe ndodhet nën kujdesin e mjekëve.

Policia është njoftuar për krimin nga pronari i banesës.

Dyshohet se burri ka qenë në gjendje të dehur.

Policia dhe grupi hetimor ndodhen në vendngjarje dhe ka nisur punën për zbardhjen e krimit./abcnews.al

Detaje të reja dalin nga ngjarja e rëndë në Shkodër ku një turist ka vrarë bashkëshorten dhe tentoi ti jepte fund jetës.

Krimi raportohet se ka ndodhur brenda në hotel, ndërsa autori i dyshuar është identifikuar si 57-vjeçari, Brandon Saporito.

The post Emrat/ Foto, ky është amerikani që vr*u gruan në Shkodër appeared first on Lapsi.al.

Pak më parë, Shkodroa u trondit nga një ngjarje e rëndë, ku një turist amerikan vrau bashkëshorten e tij. Lidhur me ngjarjen, policia ka zbardhur detaje të reja.

Mësohet se turistët ishin amerikanë, ndërsa ngjarja ka ndodhur në hotelin ku çifti po qendronte.

Autori i krimit është identifikuar si Brandon Saporito 57-vjeç, i cili ndodhet në gjendje të rëndë pasi pas vrasjes ka tentuar t’i japë fund jetës.

Shkodër/Informacion paraprak

Rreth orës 10:15, në rrugën “At Shtjefën Gjeçovi”, në një banesë të marrë me qira, dyshohet se është vrarë me mjet prerës, shtetasja amerikane, S. S.

Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas, u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.

Grupi hetimor, në drejtimin e Prokurorisë, po punon për zbardhjen e rrethanave dhe për dokumentimin ligjor të rastit.

The post Vrasja në Shkodër/ Policia zbardh ngjarjen (EMRI) appeared first on Albeu.com.