Një studim inovativ nga Kolegji i Mjekësisë Baylor zbulon se psilocibina – përbërësi psikoaktiv që gjendet në kërpudhat “magjike”, mund të ketë veti të fuqishme kundër plakjes. Hulumtimi, i botuar në npj Aging, tregon se psilocibina jo vetëm që përmirëson jetëgjatësinë e qelizave, por edhe rrit mbijetesën e brejtësve të moshuar, duke hapur potencialisht rrugën për qasje të reja ndaj plakjes së shëndetshme.

Deri vonë, psilocibina ishte e njohur gjerësisht për efektet e saj në funksionin e trurit, duke treguar premtues në trajtimin e gjendjeve psikiatrike si depresioni dhe ankthi. Ndikimi i saj në trup mbeti kryesisht i paeksploruar.

“Ne e dimë se si psilocibina ndikon në tru”, tha Dr. Louise Hecker, autore kryesore e studimit dhe profesoreshë e asociuar e mjekësisë dhe kërkimit kardiovaskular në Baylor. “Gjetjet tona sugjerojnë se ajo ka efekte të fuqishme në të gjithë trupin , duke përfshirë vetitë kundër plakjes.”

Një nga gjetjet më të habitshme të studimit është efekti i psilocibinës në telomere – kapakë mbrojtës në skajet e kromozomeve, të cilët shkurtohen me moshën dhe konsiderohen një shenjë dalluese e plakjes qelizore. Eksperimentet në qelizat njerëzore treguan se psilocibina duket se ruan gjatësinë e telomereve, duke vonuar kështu plakjen qelizore . Në varësi të dozës, jetëgjatësia qelizore u zgjat deri në 57%.

The post Kundër plakjes! Sekreti i rinisë së përjetshme qëndron në një ushqim “magjik” appeared first on iconstyle.al.

Bashkimi Evropian ka njoftuar një plan të ri për përballimin e krizave, që përfshin krijimin e rezervave strategjike me mallra jetike si ushqimi, uji, karburanti dhe ilaçet. Strategjia e re vjen mes shqetësimeve në rritje për kërcënime të mundshme ushtarake nga Rusia, si dhe fatkeqësi natyrore, pandemi dhe sulme kibernetike.

Plani, i quajtur “Strategjia e re e grumbullimit të stoqeve”, synon të shmangë kaosin e ngjashëm me atë të pandemisë së Covid-19, kur shumë vende të BE-së nuk ishin të koordinuara dhe përballuan mungesa të rënda. Komisionerja për Menaxhimin e Krizave, Haja Labib, deklaroi se qëllimi është “të sigurohet që furnizimet që shpëtojnë jetë të jenë gjithmonë të gatshme. Sa më të përgatitur të jemi, aq më pak në panik do të jemi.”

Plani përfshin edhe krijimin e një rrjeti europian për stoqet e mallrave të nevojshme në raste emergjente: nga ilaçet, gjeneratorët dhe lëndët e para, te paisjet për pastrimin e ujit dhe urat e lëvizshme. Vendet anëtare do të përshtasin stoqet sipas rreziqeve specifike – për shembull, Finlanda dhe Estonia për përballje me sulme, ndërsa Spanja për zjarret masive.

Pjesë e planit është edhe krijimi i një sistemi paralajmërimi për sëmundjet infektive përmes analizës së ujërave të ndotura, si dhe forcimi i flotës së emergjencave civile të BE-së.

BE i ka bërë gjithashtu thirrje qytetarëve që të kenë gati një “kit mbijetese” për të përballuar të paktën 72 orë krizë, ndërsa vende si Suedia dhe Danimarka kanë nisur fushata të ngjashme informimi. Edhe Britania ka publikuar së fundmi strategjinë e saj të sigurisë për vitin 2025, ku pranon se territori i saj është për herë të parë pas dekadash nën kërcënim të drejtpërdrejtë.

The post BE përgatitet për kriza: Shtetet grumbullojnë ushqime, karburant, ilaçe dhe ujë appeared first on Lapsi.al.

Forcat izraelite kanë vrarë të paktën 67 njerëz në Rripin e Gazës të hënën, duke kryer sulme ajrore në pjesë të ndryshme të territorit palestinez, thanë dëshmitarët, spitalet dhe zyrtarët shëndetësorë.

Një sulm ajror goditi kafenenë Al-Baqa në qytetin e Gazës, kur ajo ishte e mbushur me gra dhe fëmijë, tha Ali Abu Ateila, i cili ndodhej brenda.

“Pa paralajmërim, papritmas një avion luftarak goditi vendin, duke e shkundur sikur të ishte tërmet”, tha ai.

Të paktën 30 njerëz u vranë dhe dhjetëra u plagosën në kafene, tha Fares Awad, kreu i shërbimit të urgjencës dhe ambulancës së Ministrisë së Shëndetësisë në veri të Gazës.

Awad tha se shumë prej të plagosurve janë në gjendje të rëndë. Dy sulme të tjera në një rrugë të qytetit të Gazës vranë 15 njerëz, sipas Spitalit Shifa, i cili mori viktimat.

Kafeneja, një nga bizneset e pakta që kanë vazhduar punën gjatë luftës 20-mujore, ishte një vend takimi për banorët që kërkonin qasje në internet dhe për t’i mbushur bateritë e telefonave të tyre.

Video në rrjetet sociale shfaqin trupa të gjakosur dhe të deformuar në tokë dhe të plagosurit që barteshin me batanije.

Ndërkohë, forcat izraelite vranë 11 njerëz që po kërkonin ushqim në jug të Gazës, sipas dëshmitarëve, spitaleve dhe Ministrisë së Shëndetësisë në Gazë.

Spitali Nasser në qytetin jugor Han Junis tha se i pranoi trupat e njerëzve të qëlluar ndërsa po ktheheshin nga një pikë e shpërndarjes së ndihmave ushqimore, e lidhur me Fondin Humanitar të Gazës (GHF), i mbështetur nga Izraeli dhe Shtetet e Bashkuara.

Në këtë mënyrë janë vrarë mbi 500 palestinezë gjatë muajit të fundit në këtë program kaotik dhe kontrovers të shpërndarjes së ndihmave.

Të shtënat ndodhën rreth 3 kilometra larg vendit të GHF në Han Junis, ndërsa palestinezët po ktheheshin nga vendi përmes rrugës së vetme të qasshme. Palestinezët shpesh detyrohen të udhëtojnë distanca të gjata për të arritur në qendrat e GHF në shpresë për të marrë ndihma.

Spitali Nasser tha se një person tjetër u vra pranë një qendre të GHF në qytetin jugor Rafah.

Dhjetë të tjerë u vranë në një depo ndihmash të Kombeve të Bashkuara në veri të Gazës, sipas shërbimit të ambulancës dhe urgjencës të Ministrisë së Shëndetësisë.

Ushtria izraelite tha se po i rishikon informacionet rreth sulmeve.

 

 

 

 

The post Mbi 65 të vrarë në Gazë pasi forcat izraelite godasin turmën që po kërkonte ushqim appeared first on Euronews Albania.

Ëmbëlsirat janë gëzimi i çastit qofshin çokollata, bakllava, torta apo një copë kek shtëpie. Por çfarë ndodh në trupin tonë pas një doze të mirë sheqeri?

Kur konsumojmë ëmbëlsira, trupi ynë përthith shumë shpejt glukozën, duke shkaktuar një “boom” energjie. Por kjo energji bie po aq shpejt, duke lënë pas ndjesinë e lodhjes, nervozizmit ose uri të përsëritur.

Ndikon në humor dhe kujtesë
Studimet tregojnë se konsumimi i tepruar i sheqerit lidhet me luhatje të humorit dhe ulje të funksioneve kognitive. Një ëmbëlsirë në kohë të duhur është në rregull, por konsumimi i përditshëm mund të dëmtojë përqendrimin dhe balancën emocionale.

Shëndeti i zemrës dhe rreziku nga diabeti
Sheqeri i tepërt ndikon drejtpërdrejt në shtimin në peshë, rezistencën ndaj insulinës dhe rrezikun për diabet të tipit 2. Gjithashtu, mund të rrisë nivelin e triglicerideve, duke dëmtuar zemrën.

Dhëmbët janë të parët që dorëzohen
Bakteret në gojë ushqehen me sheqer, prandaj konsumimi i ëmbëlsirave pa larë dhëmbët më pas çon drejt prishjes së tyre. Sidomos te fëmijët, është një problem shumë i zakonshëm.

The post E ëmbla që të mbush por edhe të lodh! Si ndikojnë ëmbëlsirat në shëndetin tonë? appeared first on iconstyle.al.

Një studim i ri nga Universiteti i Bath në Mbretërinë e Bashkuar tregon se njerëzit që hanë mëngjes rregullisht kanë nivele më të larta të energjisë dhe përqendrim gjatë ditës, si dhe raportojnë më pak episode ankthi dhe nervozizmi.

Sipas shkencëtarëve, ushqimi i parë i ditës aktivizon trurin dhe sistemin nervor, ndihmon në stabilizimin e niveleve të sheqerit në gjak dhe ndikon drejtpërdrejt në balancën emocionale.

Ndërkohë, ata që e anashkalojnë mëngjesin, shpesh përballen me luhatje humori, rënie të fokusit dhe prirje për të ngrënë më shumë gjatë darkës, gjë që ndikon negativisht në gjumë dhe mirëqenie.

The post Mos e anashkaloni mëngjesin, studimi tregon se ndikon edhe në gjendjen shpirtërore appeared first on iconstyle.al.

Vera sjell temperaturat e larta dhe nevojën për ushqime që na japin energji pa na rënduar. Të ngrënit në mënyrë të zgjuar në mesditë është çelësi për të mbajtur trupin të hidratuar dhe të lehtë, pa bërë kompromis me shijen.

Më poshtë do të gjeni një listë me 10 ushqime ideale për drekë në verë, të pasura me lëndë ushqyese, të lehta për tretje dhe perfekte për të përballuar vapën:

1.Sallatë perime të freskëta
2.Kos me kastravec dhe kopër (tarator)
3.Sallatë me domate, mocarela dhe borzilok (Caprese)
4.Fileto pule me avokado dhe rukola
5.Sanduiç me bukë integrale, salmon dhe krem djathi
6.Makarona me perime dhe vaj ulliri
7.Oriz i ftohtë me ton dhe misër
8.Pjatë me fruta deti dhe limon
9.Supa e ftohtë me domate (gazpacho)
10.Fruta të freskëta me pak fara chia dhe kos i lehtë

Kjo menu e verës nuk është vetëm ushqyese, por edhe super freskuese!

The post Top 10 ushqimet më të mira për drekë gjatë verës, të lehta, freskuese dhe plot vlera! appeared first on iconstyle.al.

Nga Gazeta Si- Decanter World Wine Awards, një nga konkurset më të mëdha dhe me ndikim në botë i verërave, ka publikuar rezultatet për verërat më të mira për vitin 2025 dhe mes fituesve është edhe Shqipëria me 5 verëra, ku 4 prej tyre kanë fituar medalje bronzi dhe një argjendi.

Këtë vit, verërat nga 57 vende u vlerësuan nga 248 ekspertë ndërkombëtarë.

Nymphaion Superior 2020, karnavalet Debinë e bardhë, Serenata dhe Xha Beqo janë 4 verërat e vlerësuara me medalje bronzi ndërsa vera Arya Shesh i zi është vlerësuar me medalje argjendi.

Nymphaion Superior dhe Arya Shesh i zi janë verëra nga Kantina Arianiti, Karnavalet Debinë e bardhë dhe Serenata janë nga Kantina Korça2000 dhe Xha Beqo nga Alpeta.

Në ndarjen e çmimeve të vitit 2025, u dhanë 50 medalje “Best in Show” (që përfaqësojnë vetëm 0.30% të të gjitha verërave të degustuara), së bashku me 137 medalje Platini dhe 732 medalje ari, të dyja një rritje krahasuar me vitin e kaluar.

Franca kryesoi përsëri numrin e medaljeve me 187 çmime të nivelit të lartë, duke përfshirë 14 medalje “Best in Show”, 33 medalje Platini dhe 140 medalje ari. Shampanja siguroi 27 çmime kryesore, duke përfshirë tre verëra vintage “Best in Show”.

Italia forcoi pozicionin e saj me 138 medalje të nivelit të lartë (nga 107 në vitin 2024), duke përfshirë gjashtë medalje “Best in Show” dhe 30 medalje Platini.

Toskana udhëhoqi garën me një medalje “Best in Show” për Tenuta Meraviglia Maestro di Cava Bolgheri Superiore 2020, e njëjta verë që arriti një medalje Platini në vitin 2024 me verën e vitit 2019.

Rajoni gjithashtu siguroi tetë medalje të tjera Platini dhe 20 medalje ari. Piemonte nuk ishte shumë larg me dy medalje “Best in Show”, 5 “Platin” dhe 19 “të artë”, duke përfshirë një medalje të parë ari për “Erbuluce, për Tenuta Roletto, Erbaluce di Caluso, Passito 2013”.

Spanja vazhdoi rritjen e saj të gjithanshme, duke arritur një numër prej 105 medaljesh të nivelit të lartë, duke përfshirë pesë medalje “Best in Show”, 16 medalje Platini dhe 84 medalje ari. Ky grumbullim mbresëlënës shfaqi pikat e forta të vendit në verërat e kuqe, të bardha dhe të gazuara.

The post 5 verëra shqiptare mes më të mirave në botë appeared first on Gazeta Si.

Nga Gazeta Si- Shkencëtarët kanë zbuluar se shija e një ‘gin me tonik’ mund të ndikohet nga ndryshimet klimatike.

Modelet e paqëndrueshme të motit, të bëra më të mundshme nga prishja e klimës, mund të ndryshojnë shijen e dëllinjës, që është produkti kryesor që i jep xhinit shijen e tij dalluese.

Shkencëtarët nga Qendra Ndërkombëtare për Prodhimin e Birrarisë dhe Distilimin (ICBD) e Universitetit Heriot-Watt kanë zbuluar se ndryshimi i motit mund të ndryshojë përbërësit e shijes në dëllinjë.

Kokrrat e dëllinjës kanë sezonin e tyre tipike, ashtu si vera, në varësi të reshjeve dhe diellit sipas gjetjeve të botuara në ‘Journal of the Institute of Birrary’.

Shkencëtarët distiluan kokrrat e dëllinjës nga rajone të ndryshme në të gjithë Europën, duke përfshirë Shqipërinë, Bosnjën, Maqedoninë, Malin e Zi, Serbinë, Kosovën dhe Italinë, si dhe nga vite të ndryshme korrjeje. Ata analizuan pijet që dolën nga dëllinja, duke matur nivelet e përbërësve kryesorë të shijes.

Ata zbuluan se kokrrat e dëllinjës nga secili rajon kishin profile të dallueshme kimike, dhe ndryshimet ndikonin në shijen e pijes.

Sasia e reshjeve në një vit të caktuar ndikoi ndjeshëm në shijen e kokrrave të dëllinjës. Moti më i lagësht nënkuptonte se nevojiteshin periudha më të gjata tharjeje për kokrrat, gjë që ndryshoi bollëkun e kimikateve të tretshme në ujë.

Prof. Annie Hill, mbikëqyrësja e studimit, tha se përbërësit më pak të tretshëm në ujë preken më shumë nga tharja pas korrjes.

“Për distiluesit, kjo do të thotë që profili i shijes mund të ndryshojë në varësi të kushteve të vjeljes. Për një industri multimiliardëshe e cila është gjithnjë e më e përqendruar në qëndrueshmëri dhe cilësi për konsumatorët e saj të kujdesshëm, kjo përfaqëson një rrezik.”

Prodhuesit e xhinit premium i zgjedhin me kujdes dëllinjat e tyre nga rajone të caktuara për të ruajtur një shije dhe stil të veçantë të prodhimit, por kjo mund të ndërpritet nga ndryshimi i modeleve klimatike dhe nga disa zona që kanë më shumë reshje shiu se të tjerat.

Mattheë Pauley, profesor, thotë se një vit i lagësht mund të zvogëlojë kokrrat me rreth 12% krahasuar me një vit të thatë.

“Kjo ka implikime të drejtpërdrejta për karakteristikat shqisore që e bëjnë xhinin të ketë atë shije.”

The post Reshjet në Shqipëri dëmtojnë dëllinjën/ Studimi: Shija e ‘gin e tonik’ do të ndikohet nga ndryshimet klimatike appeared first on Gazeta Si.

PRISHTINË, 19 qershor/ATSH/ Agjencia e Ushqimit dhe Veterinarisë (AUV), u bënë thirrje fermerëve kosovarë në zonat kufitare të Kosovës që të rrisin vigjilencën pas regjistrimit të disa rasteve të sëmundjes Murtaja në disa zona të Shqipërisë.

“Duke marrë parasysh shpërthimin e sëmundjes PPR (Mortaja e Dhenve dhe Dhive) në disa zona të Shqipërisë, bëjmë thirrje për kujdes të shtuar nga fermerët në zonat kufitare të Republikës së Kosovës”, thuhet në njoftimin e AUV.

Sipas AUV, për të parandaluar përhapjen e sëmundjes në territorin e Kosovës, kërkohet që të evitohet çdo kontakt i drejtpërdrejtë të deleve dhe dhive me kafshë të ardhura nga territori i Shqipërisë,  të mbahen kafshët e monitoruara, të raportohen menjëherë te veterineri zyrtar çdo shenjë të dyshimtë të sëmundjes (ethet e larta, plagë në gojë, hundë ose sytë që rrjedhin, dobësi të përgjithshme), si dhe të mos lejohet futja e kafshëve tjera në tufat e fermerëve kosovarë.

“Zbatimi i këtyre masave është thelbësor për mbrojtjen e tufave tuaja dhe parandalimin e përhapjes së sëmundjes në Kosovë”, thuhet në thirrjen e AUV.

Agjencia e Ushqimit dhe Veterinarisë më njëmbëdhjetë qershor (11 qershor) ka njoftuar ndalimin e importit të deleve dhe dhive nga i gjithë territori i Shqipërisë, pas konfirmimit të rasteve të shumta të sëmundjes së murtajës së bagëtive të imta.

AUV ka ndryshuar masën e ndalesës së parakohshme, për import të ruminatëve të vegjël dele dhe dhi.

/Kosovapress/

The post Kosovë – Murtaja e kafshëve, AUV me apel për fermerët në Kosovë appeared first on Agjencia Telegrafike Shqiptare.

Shumë prej nesh e konsiderojnë çokollatën si një kënaqësi të vogël para se të shkojmë në shtrat, por nutricionistët paralajmërojnë se kjo është një nga zgjedhjet më të gabuara për në mbrëmje!

Pse?

Çokollata, veçanërisht ajo e zezë, përmban kafeinë dhe teobrominë, dy substanca që rrisin rrahjet e zemrës dhe stimulojnë sistemin nervor, duke e bërë shumë më të vështirë për trupin të qetësohet dhe të futet në një gjumë të thellë.

Nëse konsumoni çokollatë pas darke, ndoshta pa menduar gjatë, mund të përballeni me:

Vështirësi në fjetje
Zgjime të shpeshta gjatë natës
Ndjenja lodhjeje të nesërmen në mëngjes

Ekspertët rekomandojnë të shmangni çdo ushqim me kafeinë të fshehur të paktën 2-3 orë para gjumit, për një cilësi më të mirë të gjumit dhe më pak ankth gjatë natës.

Alternativa? Zgjidhni diçka relaksuese si kos natyral, bajame ose një filxhan çaj bimor pa kafeinë.

The post Ky ushqim i zakonshëm s’duhet ngrënë para gjumit, ja pse mund t’ju prishë natën! appeared first on iconstyle.al.

Çmimet e produkteve me origjinë shtazore po rriten ndjeshëm, duke rënduar gjithnjë e më shumë buxhetin e qytetarëve shqiptarë. Krahasuar me vitin 2013, një kilogram djathë lope kushton sot 133% më shumë, djathi i deles është shtrenjtuar me 136%, ndërsa çmimi i gjalpit të freskët është dyfishuar, me një rritje prej 100%.

“Në vitin 2013 djathin e lopës e gjenim me 300 lekë\kg, ndërsa sot kushton 700 lekë\kg. Djathi i deles ka qenë 550lekë\kg ndërsa sot kushton 1200-1300 lekë\kg. Djathi i freskët ka qenë 500 lekë\kg, tani kushton 1100 lekë\kg”-, shprehet Artan Hazizaj, tregtar.

Të mbarështosh gjë të gjallë në Shqipëri është e mundimshme dhe aspak fitimprurëse, në mungesë të produkti vendas industria e përpunimit të qumështit dhe bizneset e mishit furnizohen me produkte importi. Nëse qumështi vjen nga Serbia, mishi ka si origjinë nga Rumaninë dhe Bullgarinë. E gjithë kjo ka bërë që një kg mishi viçi për konsumatorin vendas të kushtojë 71% më tepër. Edhe pse mishi i derrit vazhdon të jetë më i liri në treg, ai ka pësuar ndryshimin më të madhe të çmimit përgjatë këtij dhjetëvjeçari, duke shkuar 128% më shumë.
“Mishi në 2013 ka qenë me 700 lekë\kg , tani ka arritur 1100-1200. Mishi I gicit dikur kushtonte 350 lekë\kg, por sot kushton 800 lekë kg”-, shton më tej tregtari.

Tregtarë e qytetarë, të gjithë janë në kërkim të shijes shqiptare, por për ta siguruar këtë është tepër e vështirë.
“Ne mundohemi që t’i gjejmë të gjithë këtu produktet por është shumë e vështirë. Imagjino në një fshat mund të gjesh vetëm një viç”-, përfundoi Artan Hazizaj, tregtar.

Nëse i referohemi të dhënave nga INSTAT, në këtë 10 vjeçar të fundit numri i lopëve, deleve dhe dhive është përgjysmuar. Në vitin 2013 kishim mijë gjedhë, ndërsa në 2013 263 mijë. Të imta në 2013 kishim 2.725.000 nga 1.846.000 që janë regjistruar në 2023.

The post Çmimet në rritje për produktet e bulmetit dhe të mishit! appeared first on Sot News | Lajme.

Gjashtë palestinezë janë vrarë dhe disa të tjerë janë plagosur nga të shtënat me armë në incidentin e fundit vdekjeprurës pranë një qendre shpërndarjeje ndihmash në Gazën jugore. Njerëzit ishin mbledhur për të marrë furnizime ushqimore kur filluan të shtënat. Raportet që citojnë një dëshmitar okular thanë se izraelitët hapën zjarr kur njerëzit u përpoqën […]

The post Do merrnin ushqim, Izraeli vret 6 palestinezë në pikën e shpërndarjes së ndihmave appeared first on BoldNews.al.

Nga Gazeta Si- Në Përmet, thellë në luginën spektakolare të Vjosës në jug të Shqipërisë, mbizotërojnë trëndafilat, qofshin të përdorur për të bërë parfume, ujë me aromë apo ëmbëlsira turke të kërkuara nga mijëra turistë të apasionuar pas ëmbëlsirave.

“Këtu gjithçka sillet rreth trëndafilave, nga gatimi me to deri te virtytet e tyre medicinale, gjithçka shihet me nuancë rozë”, bën shaka mësuesja e biologjisë Ariana Nikolla.

Që kur ishte e vogël, 57-vjeçarja ka mbledhur me delikatesë petalet e varietetit të saj të preferuar, “Trëndafili i Dhëndrit”, i emëruar për aromën e tij delikate.

Në Përmet trëndafilat janë një ritual, dhurata e parë për një të dashur të mundshëm. Dhe ato duhet të jenë rozë, duke simbolizuar dashurinë dhe besnikërinë.

Çdo familje kultivon dhjetëra lloje trëndafilash në kopshtin e tyre, duke përfshirë trëndafilat ‘Damask’ dhe ‘Provence’ me aromë të veçantë, duke e bërë qytetin të famshëm në të gjithë Ballkanin për ujin e tij artizanal të trëndafilave.

Megjithatë, është pothuajse e pamundur ta blesh pasi është thjesht shumë i vlefshëm, thonë vendasit, të cilët dhurojnë disa pika herë pas here dhe ruajnë me xhelozi rezervat e tyre.

‘Uji i trëndafilave është si dashuria’

“Uji i trëndafilave është si dashuria, duhet të kujdesesh për të”, thotë Resmie Tuci e cila prej vitesh e prodhon.

“Procesi i përgatitjes së ujit të trëndafilave me cilësi të lartë është i vështirë dhe do shumë kujdes. Kërkon enë të veçanta bakri dhe gjithashtu duhet të përdorni trëndafilat e duhur dhe të zgjidhni ato me petalet më aromatike”, thotë 70-vjecarja.

Metoda tradicionale, e transmetuar nga një brez në tjetrin, është e listuar në inventarin kombëtar të trashëgimisë kulturore jomateriale të Shqipërisë.

Së pari hap një copë mbi një tas bakri që poshtë ka një tas tjetër të lidhur me fije, i cili vendoset brenda një legeni të madh me fund të sheshtë të mbushur me ujë.

Pastaj petalet e trëndafilave të mbledhura me dorë vendosen me kujdes mbi copë dhe mbulohen me një gur të sheshtë të mbuluar me hi të nxehtë nga një zjarr.

Petalet lëshojnë ujin e tyre të çmuar të trëndafilit përmes kondensimit.

“Është një proces që zgjat me orë të tëra,” i tha Tuci AFP-së.

“Por çdo pikë është e çmuar,” ndërhyn Nikolla, duke mbushur një shishe të vogël me ujë trëndafili, të cilin ajo do ta vendosë në një vend me diell për disa javë para se të jetë gati.

“Është po aq i çmuar sa ari,” shtoi ajo.

– Kënaqësi të ëmbla –

Vendasit e përdorin atë për përfitimet që sjell, nga qetësimi i syve të irrituar deri te një krem ​​anti-inflamator për të ndihmuar në qetësimin e kruajtjes. Dhe, sigurisht, në gatim.

Eftali Qerimi, 63 vjeç, betohet për ujin e trëndafilave.

Kekët me ujë trëndafili me bajame që ajo pjek në punishten e saj janë ndryshe nga çdo “llokum” tjetër vendas.

Të përgatitura vetëm me pluhur bajamesh, sheqer dhe ujë trëndafili, këto ëmbëlsira në formë trëndafili shënojnë ngjarje të rëndësishme për familjet.

Të konsideruara si hajmali me fat, ato shërbehen në ditëlindje, dasma dhe festa për fëmijë. Me gratë në punishten e saj, Qerimi prodhon deri në 10 kilogramë ëmbëlsira në ditë, të cilat i shet me 5 mijë lekë kilogrami.

Herë pas here ajo bën ëmbëlsira të vogla në formën e këmbëve të foshnjës një mënyrë, sipas traditës, për t’u uruar të porsalindurve jetë të gjatë.

Midis serive të produkteve, gratë bëjnë reçel me petalet e trëndafilit, aroma e të cilit mbush punishten.

“Trëndafili është gjithçka për ne; simbolizon zemrën, dashurinë dhe lumturinë e jetës”, tha Qerimi, e cila po punon shumë me fillimin e sezonit të lartë turistik.

“Turistët dynden në qytet dhe pas bukurive natyrore të luginës, me grykat e saj të famshme dhe parkun natyror, ata duan të shijojnë edhe kënaqësitë e saj kulinare”, buzëqesh ajo.

Burimi: France24. Përshtati: Gazeta Si.

The post Në Përmet, ku gjithçka sillet rreth trëndafilave appeared first on Gazeta Si.

Nga Gazeta Si- Midis dietave në rrjetet sociale, debateve mes profesionistëve për produkte të ndryshme dhe përfshirjes së teknologjisë në informacionet për shëndetin, është shumë e lehtë të kthehesh në një ‘manjak’ shëndeti.

Për më tepër, me të gjitha informacionet në internet dhe në mediat sociale, mund të jetë e vështirë të dish se çfarë të nevojitet dhe çfarë nuk të nevojitet kur bëhet fjalë për shëndetin tënd, veçanërisht për ushqyerjen. Ka video kudo në mediat sociale në të cilat njerëzit i referohen ushqimeve të caktuara si “të këqija” ose që përmbajnë “përbërës të rremë”, të cilat vetëm sa nxisin një pasion shoqëror për “të ngrënë shëndetshëm”.

Ndërsa nuk ka asgjë të keqe në të ngrënit një dietë të shëndetshme pasi është një mënyrë e shkëlqyer për të përmirësuar mirëqenien tuaj, ekziston një vijë që të ushqyerit e shëndetshëm mund ta kalojë dhe më pas të kthehet në opsesion.

Një fokus i tepërt në të mund të shndërrohet në diçka të njohur si ortoreksi, një gjendje që po bëhet gjithnjë e më e zakonshme në shoqëri, dhe disa studime thonë se kjo është kryesisht për shkak të presionit nga mediat sociale.

Nuk do ta gjeni ortoreksinë në DSM-5, i cili është manuali zyrtar për diagnozat e shëndetit mendor, por dy dietologë i thanë HuffPost se presin që ajo të bëhet një diagnozë zyrtare përfundimisht.

“Është çrregullim i të ngrënit subklinik, kështu që nuk është diçka që ka një kod diagnostikimi klinik, por njihet gjerësisht në komunitetin e të ngrënit me çrregullime”, tha Beth Auguste, dietologe.

“Ortoreksia mund të kategorizohet përgjithësisht si një preokupim me të ngrënit e shëndetshëm dhe një fiksim në pastërtinë e ushqimit”, shtoi Auguste.

“Është një obsesion me atë që dikush e percepton si mënyrën e duhur të të ngrënit, ose mënyrën e shëndetshme të të ngrënit”, shtoi Beth Heise.

Meqenëse shumë njerëz kënaqen duke ngrënë ushqime të shëndetshme ose e bëjnë këtë për të mbajtur nën kontroll disa tregues shëndetësorë si kolesteroli dhe sheqeri në gjak, mund të jetë e vështirë të dish se çfarë është thjesht një dietë e shëndetshme dhe çfarë është e rrezikshme.

“Është kaq e vështirë për t’u dalluar saqë edhe profesionistët mund ta kenë të vështirë ta dallojnë atë. Ata bëjnë pyetje, si p.sh., a është ky person vërtet i shëndetshëm, apo është në kufijtë e një çrregullimi?” vuri në dukje Auguste.

Më poshtë, Auguste dhe Heise ndajnë shenjat që tregojnë se mund të jeni duke kaluar në territorin e ortoreksisë dhe çfarë të bëni nëse jeni të shqetësuar për zakonet tuaja të të ngrënit.

Keni kufizime ekstreme ushqimore (që nuk lidhen me një alergji ose sugjerim nga një mjek).

“Ortoreksia mund të shfaqet në të njëjtat mënyra si shfaqet anoreksia, ku mund të jetë kufizuese, të mos hani grupe të caktuara ushqimore, të keni shumë ankth nëse nuk keni kontroll të plotë mbi ushqimin që po hani dhe burimin nga vjen ai”, tha Auguste.

Mund të gjesh veten duke krijuar rregulla strikte në lidhje me konsumin tënd të ushqimit, shtoi Heise. Si, ndoshta i thua vetes se mund të hash vetëm oriz kaf dhe nuk mund të bësh kurrë përjashtime për orizin e bardhë.

“Përfundon duke u përqendruar më pak në të ushqyerit e shëndetshëm, siç zakonisht është në fillim, dhe më shumë në një obsesion të pashëndetshëm me pastërtinë e ushqimit ose ‘të ushqyerit e pastër’, ose ‘të ushqyerit e duhur’,” tha Heise.

Kur dieta ndërhyn në jetën tënde shoqërore

“Kur kalon vijën, atëherë fillon të ndërhyjë në aktivitetet e tua të përditshme,” tha Auguste.

Nëse stresi juaj për ushqimin ndërhyn në angazhimet tua shoqërore, si p.sh. nëse refuzoni planet sepse nuk jeni të sigurt për situatën e ushqimit, kjo mund të jetë shkak për shqetësim.

“Kur ndikon në aftësinë tuaj për të jetuar në botë, rehat, atëherë është një problem që duhet ta adresoni”, shtoi Auguste.

“Përfundon duke u përqendruar më pak te personi mesatar i shqetësuar për ushqimin e shëndetshëm, dhe më shumë te fiksimi pas tij, ku është pothuajse personaliteti juaj”, tha Heise.

Shpenzoni shumë kohë duke analizuar listat e përbërësve

Është normale të kontrolloni listat e përbërësve dhe etiketat ushqyese në ushqime herë pas here, veçanërisht nëse keni një alergji ose një objektiv specifik ushqyes që po përpiqeni të arrini. Por, për dikë me ortoreksi, ata mund të zbulojnë se “në mënyrë kompulsive, gjatë gjithë kohës, po analizojnë të gjithë përbërësit”, tha Heise.

Kjo mund të shndërrohet në orë të tëra të shpenzuara duke planifikuar vaktet ose duke hulumtuar vlerat ushqyese të çdo përbërësi që futet në ushqimin tuaj, vuri në dukje ajo.

Kur shkel rregullat e ushqimit, ndihesh në ankth ose fajtor

“Mendoj se vija e fundit vjen kur fillon të ndihesh sikur po mendon për ushqimin e shëndetshëm gjatë gjithë kohës,” tha Heise.

“Nëse ndihesh sikur ke ankth, je nervoz për të ngrënë diçka dhe ndihesh kështu shpesh, atëherë kjo mund të jetë një shenjë se ndoshta po mendon shumë për të,” tha ajo.

E njëjta gjë vlen edhe nëse ndihesh fajtor pasi ke thyer ndonjë nga rregullat e tua të ushqimit, shtoi Heise.

Auguste shtoi se nëse mendimet e tua për ushqimin po të prishin shëndetin mendor, duhet të mendosh të flasësh me dikë. Auguste tha gjithashtu se nëse ndërhyn në shëndetin tënd fizik, është absolutisht një flamur i kuq.

Çfarë duhet të bëni nëse jenë në këtë situatë

Me mbështetjen e një dietologu ose profesionisti të shëndetit mendor, mund të përcaktoni nëse të ushqyerit tuaj të shëndetshëm është thjesht kaq, apo diçka më shumë.

“Është shumë e rëndësishme të flisni me dikë si një dietolog që specializohet në të ngrënit e çrregullt, një terapist që specializohet në të, i cili mund t’ju ndihmojë të kuptoni nëse ky është një problem për ju”, tha Auguste.

“Patjetër që mund të shërohesh nga ortoreksia nëse ke mbështetjen e duhur”, tha Heise, “prandaj, sapo t’i ndjesh këto pika, trajtoje sa më shpejt të jetë e mundur, në mënyrë që të mos shndërrohet në diçka që do të sundojë jetën tënde”.

The post Mania për të kontrolluar çfarë ha / Ortoreksia po kthehet në një problem gjithnjë e më të zakonshëm appeared first on Gazeta Si.

Haribo po tërheq produktet në Holandë pasi disa prej tyre u gjetën me gjurmë kanabisi.

Disa persona, përfshirë disa anëtarë të një familjeje, raportuan se ndiheshin keq pasi hëngrën nga një pako Haribo Happy Cola F!ZZ.

Një zëdhënës i organit të sigurisë ushqimore në Holandë (NVWA) tha se disa kishin raportuar “marramendje” pasi hëngrën Haribot.

Agjencia tha se u morën mostra dhe u gjet kanabis në to.

Një zëdhënës i Haribo i tha BBC-së se po punonte me policinë për të “përcaktuar faktet rreth kontaminimit”.

NVWA tha se tre pako u gjetën të kontaminuara, por Haribo po tërheq të gjithë stokun e saj si masë paraprake.

Qeset në fjalë kanë një datë përdorimi para janarit 2026 ndërkohë që nuk është e qartë se sa njerëz janë sëmurë.

NVWA tha se policia po hetonte se si kanabisi përfundoi në ëmbëlsira, raportojnë mediat holandeze.

Agjencia tha se kishte qese në qarkullim që “mund të çojnë në probleme shëndetësore, të tilla si marramendje, kur konsumohen”.

“Mos i konsumoni”, shtoi deklarata ndërkohë që kompania tha se tërheqja ishte në fuqi vetëm në Holandë, me vende të tjera të paprekura.

The post Haribo tërheq produktet nga tregu, kanë përmbajtje kanabisi appeared first on Gazeta Si.

Andrea Ranxha është një djalë jetim që banon në qytetin e Elbasanit. Banesa e tij u dëmtua rëndë nga tërmeti i vitit 2019. Ai është birësuar nga dy prindër nga Elbasani, të cilët i kanë ndërruar jetë. Ai jeton me macet e tij. Gjatë ditës lan varre, ndërsa mbrëmjeve argëton qytetarët e Elbasanit në bulevard […]

The post Andrea Ranxha i mbytur në borxhe, lan varrezat dhe argëton qytetarët me dajre për bukën e gojës appeared first on BoldNews.al.

Nga Hamburg në SHBA… e deri në çdo qoshe të botës!

Nuk është thjesht një “fast food” – hamburgeri ka një histori që shkon pas në kohë. Thuhet se gjithçka nisi nga emigrantët gjermanë që sollën recetën e mishit të grirë nga qyteti Hamburg, për ta kthyer më vonë në Amerikë në një sanduiç që do pushtonte globin.

Që nga karrocat e rrugës në shekullin e 19-të, deri tek restorantet luksoze sot, hamburgeri është një simbol i shijes së thjeshtë, por të parezistueshme.

Me bukë të butë, mish të ngrohtë, dhe gjithë çfarë dëshiron ti mes tyre – sot është dita për t’i dhënë një “cheers” ushqimit që bashkon kulturat.

S’ka rëndësi nëse je fans i klasikut apo i një versioni vegan – kjo është dita për të thënë: Yes, please!

The post Sot festojmë një ikonë të kuzhinës moderne: Dita Ndërkombëtare e Hamburgerit! appeared first on iconstyle.al.

Nga Gazeta Si- Pas shqetësimeve të ngritura nga shpërthimi i rasteve me salmonelë në kopshtin nr. 1 në qytetin e Gramshit, autoritetet shëndetësore kanë konfirmuar përmes analizave të Institutit të Shëndetit Publik (ISHP) se 17 nga 79 fëmijët e ekzaminuar rezultuan pozitivë me bakterin Salmonella Enteritidis.

Ky bakter është i njohur për praninë e tij në produktet me origjinë shtazore, si mishi i pulës dhe vezët.

Prindërit kanë pohuar për mediat se simptoma si diarre dhe temperaturë e lartë janë shfaqur tek fëmijët menjëherë pas konsumimit të supës me mish pule, pjesë e menusë ditore të së premtes. 

Kjo ka ngritur shqetësime serioze mbi sigurinë ushqimore në institucionet publike.

Cili laborator ka dhënë certifikimin për ushqimin e konsumuar?

Edhe pse hetimet janë ende në proces dhe përgjegjësit pritet të identifikohen nga organet e drejtësisë, një pyetje thelbësore që ngrihet është: cilët laboratorë janë përgjegjës për certifikimin e ushqimeve që konsumohen nga fëmijët në kopshte, çerdhe, spitale, konvikte e burgje?

Sipas të dhënave nga Drejtoria e Përgjithshme e Akreditimit (DPA), në Shqipëri janë aktualisht 10 laboratorë të akredituar për analiza të ushqimeve. 

Disa prej tyre janë:

BIO-V sh.p.k – specializohet në analiza të ushqimeve dhe diagnostikim te kafshët.

Laboratori i ISUV – kryen analiza për ushqime dhe kafshë.

VITROS LAB sh.p.k – ofron testime mikrobiologjike dhe fiziko-kimike për ujë dhe ushqime.

AQSCERT sh.p.k – teston cilësinë e ujit, ajrit, materialeve të ndërtimit dhe ushqimeve.

ECCAT sh.p.k – laborator për analiza të ndryshme, përfshirë edhe ushqimet.

Megjithatë, ende nuk është bërë publike se cili prej këtyre laboratorëve ka dhënë certifikimin për produktet ushqimore që rezultuan të kontaminuara në rastin e Gramshit. 

Transparenca në këtë drejtim është thelbësore për rikthimin e besimit të publikut dhe mbrojtjen e shëndetit të fëmijëve.

Salmonela, një rrezik i padukshëm, por i përhapur

Salmonela është një bakter që mund të gjendet në shumë lloje ushqimesh – përveç mishit të pulës dhe vezëve, ajo mund të jetë e pranishme edhe në perime, fruta, apo produkte të përpunuara.

Problemi është se ushqimet e kontaminuara shpesh nuk kanë as erë dhe as pamje të pazakontë.

Ekspertët paralajmërojnë se infeksioni nga salmonela është veçanërisht i rrezikshëm për fëmijët nën 5 vjeç, të moshuarit dhe personat me imunitet të dobët. 

Për çdo rast të konfirmuar në laborator, vlerësohet se ka të paktën 30 raste të tjera që nuk raportohen.

Rasti në Gramsh është një alarm serioz për sistemin e kontrollit ushqimor në institucionet publike dhe tregon për domosdoshmërinë e forcimit të kontrolleve, rritjes së transparencës dhe garantimit të sigurisë ushqimore.

The post Fëmijët e prekur nga salmonela, cilët laboratorë certifikojnë ushqimet në institucionet publike appeared first on Gazeta Si.

TOKIO, 26 maj /ATSH-AA/ – Sipas një studimi të kryer në Japoni, u zbulua se fëmijët që përtypin më pak, që hanë shpejt dhe me gojën plot janë të prirur ndaj obezitetit.

Studiues nga Universiteti i Osakës në Japoni kryen një studim për të shqyrtuar efektet e zakoneve të përtypjes në obezitetin tek fëmijët.

Në studimin që shqyrtoi zakonet e të ngrënit të afërsisht 1 400 fëmijëve të moshës 9 deri në 10 vjeç, u përcaktua se fëmijët që nuk e përtypin ushqimin mjaftueshëm janë më të prirur ndaj obezitetit.

Fëmijët që e përtypin ushqimin keq, si dhe ata që hanë shpejt dhe me gojën plot, janë gjithashtu të prirur ndaj kësaj sëmundjeje, sipas studimit.

Sipas studimit, fëmijët që përtypnin më dobët kishin një herë e gjysmë më shumë gjasa të ishin obezë, ndërsa fëmijët që hanin shpejt kishin rreth dyfishin e rrezikut të obezitetit.

Ndërsa u zbulua se kjo situatë vërehej më shpesh tek djemtë, 167 fëmijë u vlerësuan në klasën e “obezëve” si rezultat i hulumtimit.

Studimi u publikua në faqen web të “Science Direct”./ /os/

The post FOKUS – Fëmijët që e përtypin pak dhe shpejt ushqimin më të prirur ndaj obezitetit appeared first on Agjencia Telegrafike Shqiptare.

Imagjinoni një moment, do të shijoni një gotë nga vera juaj e preferuar. Mund të mos mendoni shumë për gotën në të cilën po e derdhni, por a e dini se gota mund të jetë heroi (ose antagonisti) i përvojës suaj të shijimit të verës? Forma e gotës së verës nuk ka të bëjë vetëm me sofistikimin apo estetikën; është një mjet i projektuar me përpikëri që mund të lartësojë shijet, aromat dhe kënaqësinë e përgjithshme të verës.

Nga përmirësimi i aromës deri te ndikimi i kontaktit të verës me qiellzën tuaj, gota e duhur mund ta kthejë një pije të thjeshtë në një simfoni të kënaqësive shqisore. Është magjepsëse se si një enë, kaq e thjeshtë në dukje, ka fuqinë për të zhbllokuar dimensione më të thella të verës, duke e bërë eksplorimin e formave të qelqit një kapitull vendimtar në udhëtimin e dashnorit të verës.

Shumëllojshmëria e gotave të verës nuk është vetëm për syrin; është një reflektim i shumëllojshmërisë së verës në vetvete. Vera e kuqe shkëlqen në një gotë me prerje të gjerë për të futur sa më shumë ajër që ndikon në aromën e saj. Vera e bardhë shijon në një gotë më të ngushtë që ndihmon në përqendrimin e notave florale dhe frutore të verës. Vera e gazuar dhe shampanja kërkojnë gota akoma më të holla dhe të gjata. Pas çdo dizajni ka një shkencë që synon ta bëjë sa më të bukur rrugën e verës për në shqisat tona. Lloji i gotës e orienton verën në majë të gjuhës për ëmbëlsi, anash pëer aciditetin dhe në fund për athtësinë, duke transformuar perceptimin tonë për verën, në bazë të gotës që përdorim.

Aroma

Aroma ka një rol thelbësor në përvojën e shijimi të verës dhe forma e gotës është faktor me rëndësi. Një gotë e dizenjuar mirë kap dhe drejton aromën e verës për tek hunda, duke shtuar kështu shijen. Sa më e gjerë gota, aq më e madhe sipërfaqja e verës, duke lejuar avullimin më të madh të etanolit e duke çliruar më shumë aromë.

Por nuk është vetëm madhësia, është edhe forma. Disa gota janë më të ngushta në fillim, duke e bërë aromën më të përqendruar dhe çdo nuhatje të çon shumë më thellë në historinë e verës. Është një rikujtim i bukur që në degustimin e verës, hunda është po aq e rëndësishme sa qiellza.

Cilësia

Udhëtimi i verës nga gota në qiellzë është një tango midis fizikës dhe perceptimit shqisor. Gjerësia e buzës së gotës, forma e vazos së gotës si edhe pjerrësia e saj ndikojnë se si vera vjen në qiellzën tonë dhe shpërndarjen e shijeve. P.sh nëse një gotë e çon verën direkt në qendër të gjuhës, shija do të jetë më e fortë, por një gotë që e çon verën majtas dhe djathtas i jep fokus aciditetit dhe ëmbëlsisë. Ky bashkëpunim i gotës me qiellzën ka një rol kyç se si ne perceptojmë verën, shijen e rrushit dhe aciditetin. Është një kërcim i lëngut dhe shqisave, ku koreografi është gota.

Temperatura dhe koha; efekti termik

Forma e gotës mund të ndikojë edhe temperaturën e verës – një aspekt me rëndësi i degustimit. Një gotë e gjerë lejon që temperatura e dorës të ndikojë tek vera, e duhur për verën e kuqe, që kërkon një lloj ngrohtësie. Por gotat më të ngushta, si tek vera e bardhë, e reduktojnë këtë efekt. Shëbrimi i verës në temperaturën e duhur është art më vete dhe gotat janë të rëndësishme.

Psikologjia e gotës

Besojeni apo jo, shijimi i verës nis nga sytë dhe gota e përdorur mund të ndikojë perceptimin dhe pritshmërinë tonë. Një gotë e dizajnuar bukur, jo vetëm të kënaq syrin, por mund të shijojë edhe më shumë. Efekti psikologjik që vjen si pasojë e bashkimit të estetikës me shqisat, i shton një tjetër shkallë degustimit të verës. 

Eleganca, pesha dhe ekuilibri i një gote kontribuojnë në kënaqësinë e përgjithshme, duke formuar jo vetëm verën, por disponimin dhe momentin tonë. Është një dëshmi e fuqisë së perceptimit dhe rolit të enëve të qelqit në ngritjen e përvojës së verës përtej shijes në diçka vërtet të paharrueshme.

The post Psikologji apo shkencë? Sa dhe si ndikon lloji i gotës që përdorni në shijen e verës appeared first on Gazeta Si.