Dashi
Të lindur më: 21 Mars – 19 Prill
Në dashuri sot mund të ndjeni nevojën për më shumë hapësirë personale, por komunikimi i qetë do t’ju ndihmojë të ruani harmoninë. Në punë, do të shfaqen mundësi të reja për të treguar aftësitë tuaja, ndaj mos hezitoni të merrni iniciativa. Kujdesuni për shëndetin, sepse stresi mund të ndikojë në energjinë tuaj fizike. Në aspektin financiar, shmangni shpenzimet impulsive dhe planifikoni më mirë buxhetin tuaj.

Demi
Të lindur më: 20 Prill – 20 Maj
Sot marrëdhëniet romantike do të jenë të ngrohta dhe do të keni mundësi të forconi lidhjet me partnerin përmes bisedave të sinqerta. Në punë do të ndiheni të motivuar dhe bashkëpunimi me kolegët do t’ju sjellë rezultate pozitive. Kujdesuni për veten duke bërë një pushim të shkurtër për të rifituar energjinë. Në financa, një lajm i mirë mund të vijë nga një burim i papritur.

Binjakët
Të lindur më: 21 Maj – 20 Qershor
Ditën e sotme, një takim romantik mund të sjellë emocion dhe ndjesi të reja, ndaj hapuni ndaj eksperiencave të reja. Në punë, do të ndiheni të frymëzuar për të ndjekur projekte të reja ose për të mësuar diçka të re. Shëndeti do të jetë i mirë nëse i kushtoni rëndësi aktivitetit fizik. Financiarisht, mbani nën kontroll shpenzimet për të shmangur vështirësi të vogla.

Gaforrja
Të lindur më: 21 Qershor – 22 Korrik
Në dashuri, sot është koha ideale për të sqaruar keqkuptime dhe për të ndërtuar më shumë besim me partnerin. Puna do të kërkojë vëmendje ndaj detajeve, por këmbëngulja juaj do të shpërblehet. Kujdes me shëndetin e shpinës ose kyçeve dhe mos harroni të bëni ushtrime shtrirjeje. Financat janë të qëndrueshme, por mos merrni vendime të nxituara për investime.

Luani
Të lindur më: 23 Korrik – 22 Gusht
Marrëdhëniet do të jenë të ngrohta dhe mund të merrni një surprizë të këndshme nga partneri ose një mik i afërt. Në punë, idetë tuaja do të vlerësohen dhe mund të merrni një përgjegjësi të re. Shëndeti duhet të jetë prioritet, ndaj kushtoni më shumë vëmendje ushqimit dhe pushimit. Financat janë në përmirësim, por bëni kujdes me shpenzimet e tepërta.

Virgjëresha
Të lindur më: 23 Gusht – 22 Shtator
Sot do të ndjeni një lidhje të veçantë me dikë që ju intereson, dhe një bisedë e thellë mund të forcojë marrëdhënien. Në punë do të përballeni me disa sfida, por kreativiteti juaj do t’ju ndihmojë t’i kaloni. Ruani ekuilibrin mendor duke marrë kohë për veten. Në aspektin financiar, është mirë të shmangni huamarrjet ose investimet e rrezikshme.

Peshorja
Të lindur më: 23 Shtator – 22 Tetor
Romanca sot mund të kthehet në qendër të vëmendjes, dhe një takim i papritur do të sjellë emocione të bukura. Në punë, bashkëpunimi me të tjerët do të jetë çelësi i suksesit tuaj. Kujdesuni për shëndetin duke kaluar më shumë kohë në natyrë ose duke u relaksuar. Financat do të jenë të qëndrueshme, por është e këshillueshme të kurseni për të ardhmen.

Akrepi
Të lindur më: 23 Tetor – 21 Nëntor
Sot mund të ndiheni më të hapur ndaj ndjenjave dhe bisedat me partnerin do të jenë të frytshme. Në punë do të vlerësoheni për përkushtimin dhe profesionalizmin tuaj, ndaj mos hezitoni të merrni përgjegjësi shtesë. Shëndeti është i mirë, por mos neglizhoni shenjat e lodhjes. Financat janë të mira, por planifikoni më mirë për shpenzimet e ardhshme.

Shigjetari
Të lindur më: 22 Nëntor – 21 Dhjetor
Në dashuri, mund të ndjeni një nevojë për ndryshim ose aventura të reja, ndaj diskutoni hapur me partnerin. Puna juaj do të ketë progres të ngadaltë, por qëndrueshmëria do të japë rezultatet e dëshiruara. Kujdes me shëndetin mendor, sepse ankthi mund të rritet nëse nuk relaksoheni mjaftueshëm. Në financa, shmangni rreziqet dhe mos u nxitoni në vendime të rëndësishme.

Bricjapi
Të lindur më: 22 Dhjetor – 19 Janar
Sot në marrëdhënie do të ndiheni të mbështetur dhe do të keni mundësi të forconi lidhjet me partnerin ose familjen. Në punë, një ide e re mund të marrë vëmendje dhe mbështetje nga eprorët. Kujdesuni për shëndetin duke bërë aktivitete fizike të lehta. Financiarisht, situata është e qëndrueshme, por mos harroni të planifikoni për shpenzimet e papritura.

Ujori
Të lindur më: 20 Janar – 18 Shkurt
Në dashuri, një bisedë e sinqertë mund të sjellë sqarime dhe të forcojë marrëdhënien tuaj. Në punë, priten përparime dhe mundësi për të treguar talentin tuaj, ndaj jini të hapur ndaj sfidave të reja. Shëndeti kërkon më shumë vëmendje ndaj ushqyerjes dhe pushimit. Financat janë të balancuara, por shmangni shpenzimet e panevojshme.

Peshqit
Të lindur më: 19 Shkurt – 20 Mars
Sot mund të përjetoni emocione të thella në marrëdhënie, ndaj mos kini frikë të shprehni ndjenjat tuaja. Në punë, do të keni sukses nëse bashkëpunoni me të tjerët dhe tregoni fleksibilitet. Kujdesuni për shëndetin duke shmangur lodhjen e tepruar dhe duke pushuar më shumë. Në aspektin financiar, mund të merrni një bonus ose shpërblim të vogël që do të përmirësojë buxhetin tuaj.

The post Horoskopi 17 Korrik, ja çfarë kanë parashikuar yjet për ju appeared first on Albeu.com.

Një sulm nga forcat ruse të mërkurën në një qendër tregtare dhe treg në Dobropillia, një qytet pranë vijës së frontit të luftës, vrau dy persona, plagosi rreth 27 të tjerë dhe shkaktoi dëme të mëdha, thanë zyrtarët. Vadym Filashkin, guvernatori i rajonit lindor të Donjeckut, tha se një bombë 500-kilogramësh u hodh në orën 17:20, kur qytetarët ishin nëpër dyqane.

Ai tha se dy persona humbën jetën dhe 22 u plagosën, ndërsa tetë blloqe banimi dhe tetë automjete u shkatërruan. Video të postuara në internet shfaqnin zona rreth qendrës tregtare në flakë dhe tym.

“Zjarrfikësit po shuajnë zjarrin pasi ekziston mundësia që ende të ketë njerëz brenda qendrës tregtare”, tha Filashkin për televizionin ukrainas.

“Okupuesi e hodhi bombën në një kohë kur Dobropillia ishte plot me njerëz. Shumë ishin duke bërë pazar. Okupuesi e shënjestroi qëllimisht qendrën tregtare. Të gjitha qendrat tregtare përreth janë shkatërruar ose dëmtuar”, shtoi ai.

Shërbimet kombëtare të emergjencës së Ukrainës deklaruan se numri i të plagosurve ishte 27. Filashkin më herët kishte thënë se rreth 30 stenda tregtare ishin dëmtuar. Presidenti i Ukrainës, Volodymyr Zelensky, duke folur në fjalimin e tij të përnatshëm me video, e përshkroi sulmin si “thjesht terror i tmerrshëm dhe idiot nga Rusia. Nuk ka logjikë ushtarake në këto sulme, vetëm përpjekje për të marrë sa më shumë jetë njerëzish”.

Dobropillia ndodhet në veriperëndim të Pokrovskut, një pikë kyçe e avancimit të ngadaltë rus drejt perëndimit të rajonit të Donjeckut prej muajsh. Një sulm me raketa, raketahedhës dhe dronë në Dobropillia në mars kishte vrarë 11 persona, përfshirë pesë fëmijë./ REL

The post Sulmet ruse në Ukrainë, vriten dy persona dhe plagosen 27 të tjerë appeared first on Albeu.com.

Detar Hysi, avokat i të dënuarit me burg përjetë, Laert Haxhia, ka reaguar pas lajmeve se klienti i tij ka zhvilluar takime “speciale” në burgun e Drenovës me persona të paautorizuar, konkretisht modelen Ziza Pajaziti.

“Si mbrojtës ligjor i të dënuarit Laert Haxhia, dua të sqaroj opinionin publik se lajmi për takime me persona të paautorizuar është i pavërtetë. Ky i dënuar nuk ka kryer asnjë veprim të tillë,” thuhet në deklaratën e avokatit.

Detar Hysi thekson se kjo çështje aktualisht është në hetim nga Prokuroria e Korçës dhe shpreh besimin se e vërteta do të dalë në dritë përmes rrugës ligjore.

Kohët e fundit në media kanë qarkulluar lajme se Laert Haxhia ka zhvilluar një takim “special” brenda burgut të Drenovës me modelen nga Kosova, Ziza Pajaziti. Ky takim sipas raportimeve në media, u zhvillua përmes mashtrimit pasi modelja do takonte një të dënuar tjetër, por në këtë takim ishte Laert Haxhiu.

Objekt verifikimi nga Drejtoria e Përgjithshme e Burgjeve janë edhe dy raste të tjera pas raportimeve në media se dy vajza të njohura të shoëbizit kanë hyrë në ambientet e sigurisë së lartë për takime jashtë protokollit në burgun e Reçit.

The post U përfol për takim ‘special’ në burg me modelen Ziza Pajaziti, reagon avokati i Laert Haxhisë: Nuk është e vërtetë! Shumë shpejt do flasë drejtësia appeared first on Albeu.com.

Efi Dhedhes është përballur së fundmi me një koment në rrjete sociale, ku një ndjekëse i tha se ajo është mes vajzave të njohura që takojnë personat e burgosur. Komenti, që përmbante gjuhë fyese dhe akuza personale, nuk mbeti pa përgjigje nga Efi.

“Ça thua më vërtetë? Turp të kem?” – iu përgjigj ajo me ironi, duke mos e lënë pa përgjigje provokimin.

Por replika nuk përfundoi aty. Ndjekësja vijoi me një koment edhe më të ashpër, duke ironizuar publikisht Efin për “favorizim seksual ndaj të burgosurve” dhe duke i kërkuar që të “mos shesë moral”.

Komenti vjen pas lajmit se vajzat e njohura nga showbizi shqiptar futen në ambientet e burgjeve, për takime të ashtuquajtura “speciale” me të dënuar për krime të rënda.

The post ‘Emri yt është i lidhur me burgje’/ Efi përgjigjet ashpër ndaj komentit provokues appeared first on Albeu.com.

Lojtari i ekipit Guanzhu FC, Jasir Asani, është përzgjedhur si përfaqësues për ekipin e “K-League”.

Liga Profesioniste e Futbollit Korean njoftoi listën e lojtarëve “Fan Eleven” të “K-League” që do të përballen me Njukasëllin e “Premier League” në “2025 Coupang Play Series”, event që do të mbahet të mërkurën, 30 korrik në stadiumin e Kupës së Botës “Suwon”.

Asani u zgjodh nga tifozët me 17,980 vota dhe iu dha nderi të luante kundër klubit prestigjioz anglez.

Shqiptari ka 6 gola dhe 2 asiste në 18 ndeshje këtë sezon.

Për këtë event Asani tha: “Jam shumë i emocionuar që do të luaj kundër Njukasëllin me lojtarë që përfaqësojnë ‘K League’.

Jam shumë mirënjohës ndaj tifozëve që votuan për mua dhe do të bëj çmos për të treguar një performancë të mirë”.

The post Jasir Asani përzgjidhet për të luajtur kundër Njukasëllit appeared first on Albeu.com.

Greqia po përballet me një nga valët më të forta të të nxehti, me temperatura që pritet të arrijnë deri në 43°C gjatë ditëve në vijim.

Zonat më të prekura janë Athina, Thesalia, Larisa dhe pjesë të tjera të brendshme të vendit.

Autoritetet kanë marrë masa të menjëhershme si mbylljen e Akropoli gjatë orëve të pikut (13:00–17:00) ndërsa në qyteta janë hapur qendra freskuese për qytetarët.

Shëndetësia u bën thirrje qytetarëve të shmangin ekspozimin në diell, të konsumojnë shumë ujë dhe të mbajnë veshje të lehta. Vala e të nxehtit ka përfshirë edhe vende të tjera të rajonit, përfshirë Italinë, Shqipërinë dhe Turqinë.

The post Greqia nën pushtetin e të nxehtit, përgatitet për temperatura që shkojnë deri në 43°C appeared first on Albeu.com.

Njëri nga personat e dyshuar për përfshirje në vrasjen e 23-vjeçarit Renis Dobrës, Petrit Çakri u arrestua sot në Lekbibaj të Tropojës. Ai raportohet se pak ditë më parë në Liqenin e Shkopetit. Bëhet me dije se Çakri ka pranuar për grupin e hetimit që kishte udhëtuar drejt fshatit Madhesh të Matit së bashku me vëllezërit Bushgjokaj pasi ata i kishin thënë se do gjenin drogë. Gazetarja Anila Hoxha raporton se Çakri kishte njohur në burg njërin nga tre vëllezërit.

“Kam qenë në burg me Krisin”, mësohet të jetë shprehur i dyshuari.

Ai ka shtuar se mbaroi dënimin në prill të këtij viti dhe vazhdoi t’i mbajë kontaktet me shokun e qelisë, sot në kërkim për vrasjen e Renis Dobrës. Duke iu referuar dëshmisë së Çakrit, theksohet se grupi i hetimit disponon të dhëna se si vëllezërit ndryshuan makina të shumta dhe se si gjatë udhëtimit u ulën në disa kafe.

“Unë isha në makinën tjetër dhe nuk më treguan, nuk di gjë se çfarë ndodhi me djalin, në lajme e pashë që ishte vrarë. Ata më thanë ik”, mësohet të ketë shpjeguar i dyshuari.

The post Vrasja e Renis Dobrës/ Zbardhet dëshmia e Petrit Çakrit: Nuk di gjë se çfarë ndodhi me djalin, në lajme e pashë që ishte… appeared first on Albeu.com.

Policia bashkiake, Policia e Shtetit dhe IKMT janë parë pasditen e sotme me forcat e tyre përqark stadiumit “Air Albania” në Tiranë në kuadër të aksionit për lirimin e hapësirave publike.

Fokusi i tyre janë subjektet jashtë stadiumit të cilat kanë të vendosura karrige dhe tavolina në pjesën e jashtme.

Si nisi çështja e hapësirave publike?

Në ditët e para të muajit korrik kryeministri Edi Rama bërë një vizitë të befasishme në bashkinë e Vlorës duke kërkuar shkarkimin e drejtorëve në këtë bashki për moskompetencë e që lidhej kryesisht me atë që e cilësoi më vonë si zaptimin e hapësirave publike.

Gjatë vizitës Rama u ka bërë thirrje deputetëve në largim e atyre të zgjedhur dhe drejtuesve vendorë të dalin në terren dhe t’ju japin zgjidhjeve problemeve të qytetarëve, duke i takuar nga afër.

Gjithashtu ai iu ka dhënë ultimatum që brenda dy javëve të kenë gati raportin me punën e bërë.

Ndërkohë më 8 korrik Rama ka kërkuar dorëheqjen e drejtorëve të bashkisë së Fierit dhe Durrësit në institucionet që sipas tij nuk kanë përmbushur detyrën.

Gjithashtu raportohet se ka shprehur kritika të ashpra për menaxhimin e hapësirave publike të zaptuara.

Po në këto ditë të para të korrikut 2025 nisi dhe një aksion në fshatin turistik Theth në veri të vendit për prishjen e ndërtesave pa leje.

Në këtë rast Rama akuzon prokuroren Elsa Gjeli se refuzoi të hapte një çështje penale kundër një biznesmeni të kallëzuar nga Policia e Shtetit për ndërtimin e një fshati të tërë turistik pa asnjë leje.

Ai theksoi se lugina e Thethit do të pastrohet nga betoni dhe do të kthehet në gjendjen e mëparshme.

Gjithashtu Rama ka deklaruar se i ka kërkuar Ministrisë së Drejtësisë të paraqesë një kërkesë në Këshillin e Lartë të Prokurorisë për shkarkimin e saj.

The post Aksion te stadiumi “Air Albania”, IKMT zbarkon për lirimin e hapësirave publike appeared first on Albeu.com.

Franca nuk pritet t’i bashkohet një nisme të mbështetur nga NATO, e cila synon që vendet evropiane të financojnë blerjen e armëve amerikane për Ukrainën. Sipas raportimeve të Politico, presidenti Emmanuel Macron ka theksuar rëndësinë e forcimit të industrisë së mbrojtjes brenda Evropës dhe mbështet prodhimin vendas të armëve, si pjesë e një strategjie për të rritur pavarësinë ushtarake të kontinentit.

Ky qëndrim konsiderohet si një ndër arsyet kryesore pse Parisi ka refuzuar të përfshihet në planin e ri të NATO-s, i cili parashikon përdorimin e rezervave ekzistuese të armëve nga vendet anëtare dhe më pas rimbushjen e tyre me blerje të reja nga SHBA. Përveç kësaj, Franca po përpiqet të rrisë investimet në mbrojtje në një kohë kur përballet me presion për të ulur borxhin publik dhe për të stabilizuar financat e saj.

Nga ana tjetër, Gjermania ka dalë si një ndër mbështetëset kryesore të planit. Kancelari Friedrich Merz i ka komunikuar presidentit amerikan Donald Trump se Berlini është i gatshëm të luajë një rol kyç në furnizimin me armë për Kievin. Për Gjermaninë, blerja e armëve amerikane shihet si një zgjidhje praktike dhe e shpejtë, për shkak të kapacitetit të kufizuar të prodhimit të industrisë evropiane të mbrojtjes.

Ministri gjerman i Mbrojtjes, Boris Pistorius, gjatë një vizite në Uashington, nënvizoi përkushtimin e Gjermanisë për të marrë më shumë përgjegjësi për mbrojtjen evropiane, duke theksuar se roli i SHBA-së mbetet thelbësor për sigurinë kolektive të aleancës. Ai bëri të ditur gjithashtu se Berlini është në bisedime me SHBA-në për një blerje të mundshme të raketave me rreze të gjatë veprimi Typhoon, si një alternativë e shpejtë për forcimin e mbrojtjes së Ukrainës.

Kjo lëvizje vjen pasi Gjermania ka premtuar edhe financimin e dy sistemeve shtesë të mbrojtjes ajrore Patriot për Ukrainën. Ndërkohë, Sekretari i Përgjithshëm i NATO-s, Mark Rutte, ka përmendur Britaninë e Madhe, Holandën dhe katër vende nordike si ndër vendet që mbështesin këtë iniciativë.

Më 14 korrik, Donald Trump konfirmoi një marrëveshje mes SHBA-së dhe aleatëve të saj në NATO për dërgimin e armëve amerikane në Ukrainë, me kusht që kostot të mbulohen nga shtetet anëtare të aleancës.

The post Macron kundër planit të NATO: Nuk pranojmë financimin e armëve amerikane për Ukrainën appeared first on Albeu.com.

Reperi i njohur G-Bani ka publikuar një foto në Instagram Story që ka ngritur menjëherë dyshime dhe reagime të shumta në rrjet. Në foto ai shfaqet krah një vajze të veshur me fustan të bardhë nusërie, duke mbajtur gota shampanje në dorë, një pamje tipike dasmeje. Por është përshkrimi që ngjalli më shumë zhurmë:

“I thashë ‘të du shumë! sa nuk kam dasht tjetër. a martohemi?’ Më tha ‘do shohim’. Nuk e di ça do shohi po un jam tu u martu.”

Sigurisht që kjo nuk është një dasmë e vërtetë, por me siguri foto e realizuar per nje projekt.

The post “Jam duke u martuar”/ Ish-banori i Big Brother Vip ‘shokon’ me foton e dasmës appeared first on Albeu.com.

Loredana Brati në një lidhje dashurie me këngëtarin e njohur? Ja detaji që po habit rrjetin

Së fundmi, Loredana Brati ka postuar disa foto nga pushimet e saj, e cila kaq tërhequr vëmendjen e publikut.

Por ajo që ka tërhequr më shumë vëmendjen nuk kanë qenë vetëm fotot, por një koment i reperit Don Xhoni i cili i ka lënë asaj një emoji zemre.
Loredana iu përgjigj me një emoji kurore mbreti, gjë që ndezi edhe më shumë thashethemet në rrjet për një lidhje të mundshme mes tyre.

Prej javësh, përflitet për një afërsi mes dyshes, ndërsa zërat kanë mbërritur deri në redaksinë e “Prive”,

ku është folur për një marrëdhënie më të ngushtë mes tyre, përtej komenteve në rrjetet sociale.

Ende nuk dihet nëse bëhet fjalë vetëm për një miqësi, një bashkëpunim muzikor apo ndonjë gjë më shumë

The post Loredana Brati në një lidhje dashurie me këngëtarin e njohur? Ja detaji që po habit rrjetin appeared first on Albeu.com.

Enea Dine është emri i 29-vjeçarit i cili u gjet i pajetë brenda automjetit të tij në parkimin e një pallati në zonën e Astirit.

Sipas raportimeve, policia ndodhet në vendngjarje për të zbardhur shkaqet dhe rrethanat e vdekjes së të riut 29-vjeçar.

Ishin familjarët ata të cilët lajmëruan policinë se Enea Dine është gjetur i pajetë ndërsa nuk janë konstatuar shenja dhune në trupin e tij.

The post EMRI/ I vdekur brenda në makinë, kush është 29-vjeçari i cili u gjet i pajetë nga familjarët në Tiranë appeared first on Albeu.com.

Një aksident me pasojë plagosjen e dy personave ka ndodhur pasditen e kësaj të mërkure në aksin rrugor Elbasan-Librazhd.

Sipas raportimeve, nga përplasja e dy automjeteve kanë mbetur të plagosur dy pasagjere ndërsa ka nisur procedimi penal për një prej shoferëve.

Të plagosurit janë dërguar për të marrë ndihmë mjekësore në spital ndërsa grupi hetimor ndodhet në vendngjarje për të zbardhur shkaqet e aksidentit.

“Specialistët e Sektorit të Qarkullimit Rrugor referuan materialet në Prokurori ku nisi procedimi penal për shtetasin J. M., 27 vjeç, pasi në aksin rrugor “Elbasan-Librazhd”, automjetin që drejtonte është përplasur me automjetin me drejtues shtetasin K. B., 50 vjeç. Si pasojë janë dëmtuar lehtë 2 pasagjere në automjetin me drejtues shtetasin K. B”, njoftoi policia.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

The post Aksident në aksin Elbasan-Librazhd, dy të plagosura dërgohen në spital, procedohet penalisht një prej shoferëve appeared first on Albeu.com.

Pas skandaleve të njëpasnjëshme në burgjet e vendit, ku të burgosurit janë kapur me celularë si dhe takime speciale me eskotra dhe modele të njohura nga showbizzi shqiptar, Policia e Burgjeve ka zbarkuar në paraburgimin 313 dhe 302 ku po ushtron kontrolle blic.

Nga burimet e para për mediat mësohet se kontrollet e hollësishme po ushtrohen në qeli për sende të ndaluara si telefon dhe arme të ftohta.

Inspektimi i imtësishëm në të gjitha burgjet e vendit ka nisur prej mbrëmjes së djeshme dhe raportohet të ketë përfunduar mëngjesin e sotëm ku është kontrolluar për sende të ndaluara të futura brenda nëpër qeli si dhe gjithashtu është bërë kqyrja e të gjitha kartelave të takimeve për disa të burgosur specifikë.

Kujtojmë se dy javë më parë, gjatë një kontrolli të ushtruar në burgun e Drenovës është kapur me telefon celular Laert Haxhiun, një prej të dënuarve për krime të rënda, i njohur për përfshirjen në “Masakrën e Lushnjës”.

The post Celularë dhe takime speciale me eskorta, policia e Burgjeve kontrolle blic në paraburgimet 302 dhe 313 appeared first on Albeu.com.

Këngëtarja dhe modelja e njohur shqiptare, Morena Taraku, ka ndezur rrjetin me disa fotografi të reja të publikuara në llogarinë e saj zyrtare në Instagram.

Ajo ndodhet aktualisht në Paris, ku po shijon disa ditë relaksi dhe luks në një hotel të njohur në kryeqytetin francez.

Në njërën nga fotografitë më të komentuara, Morena shihet e shtrirë në shtrat bashkë me një mashkull, në një ambient që duket qartë se është një suitë hoteli e sofistikuar.

Dyshja duken të relaksuar dhe në momente intime, teksa fotoja është realizuar përmes pasqyrës që ndodhet përballë shtratit, duke krijuar një efekt të veçantë artistik dhe personal.

Në fotot e tjera, Morena shfaqet e veshur me një fustan elegant saten ngjyrë blu të errët, me aksesorë të shndritshëm dhe taka të kuqe, duke dëshmuar edhe një herë stilin dhe shijen e saj të rafinuar.

Ajo pozon mbi shtrat me shumë vetëbesim dhe hijeshi, ndërsa dallohet për tatuazhet karakteristike dhe pamjen glamuroze që i kanë sjellë vëmendje ndërkombëtare.

Ky postim ka ngjallur interes të madh në rrjetet sociale, me shumë fansa dhe ndjekës që komentojnë për pamjen e saj, si dhe për mashkullin misterioz në krah të saj.

Edhe pse Morena nuk ka dhënë ndonjë koment lidhur me identitetin e tij, spekulimet nuk kanë munguar.

The post Morena Taraku ndez rrjetin, shfaqet në shtrat me një mashkull misterioz appeared first on Albeu.com.

Këshilli i Ministrave në mbledhjen e mbajtur ditën e sotme ka vendosur hapjen e pikës kufitare në aeroportin ndërkombëtar të Vlorës.

Vendimi vjen në një moment që aeroporti i Vlorës është drejt përfunditmit ndërsa pika kufitare do të jetë në përputhje me rregullat ndërkombëtare për kalimin e shtetasve, si në hyrje, ashtu edhe në dalje.

Për këtë qëllim, ngarkohen Ministria e Brendshme, Ministria e Infrastrukturës dhe Energjisë, Ministria e Financave dhe Ministria e Bujqësisë dhe Zhvillimit Rural për zbatimin e këtij vendimi.

VENDIMI I QEVERISË:

HAPJEN E PIKËS SË KALIMIT KUFITAR NË AEROPORTIN NDËRKOMBËTAR TË VLORËS

Në mbështetje të nenit 100 të Kushtetutës dhe të pikës 1, të nenit 8, të ligjit nr.71/2016, “Për kontrollin kufitar”, të ndryshuar, me propozimin e ministrit të Brendshëm, Këshilli i Ministrave

V E N D O S I:

1.Hapjen e pikës së kalimit kufitar në Aeroportin Ndërkombëtar të Vlorës për qarkullimin ndërkufitar ajror të shtetasve.

2.Ngarkohen Ministria e Brendshme, Ministria e Infrastrukturës dhe Energjisë, Ministria e Financave dhe Ministria e Bujqësisë dhe Zhvillimit Rural për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

The post MERRET VENDIMI/ Qeveria miraton hapjen e pikës së kalimit kufitar në aeroportin ndërkombëtar të Vlorës appeared first on Albeu.com.

Moderatorja e njohur dhe e dashur për publikun, Kiara Tito ka ndarë disa foto në Instagramin e saj, ku shihet me mikeshën e ngushtë, Liesa Haxhiasllani dhe me dy vajzat e tyre.

Të veshura me fustane të bardha, Kiara dhe Liesa shihet të lumtura, teksa shijojnë kohën e çmuar me vogëlushet e tyre.

“Nga barku i shtatzënisë te përqafimet e foshnjave. Kemi ëndërruar së bashku, jemi rritur së bashku, dhe tani po rrisim qenie të vogla krah për krah. Disa miqësi kthehen në familje, e pastaj në skuadra mamash” – shkruan Kiara përbri fotove.

Kujtojmë se Kiara dhe Liesa janë shoqe të ngushta prej vitesh. Përveçse shoqe të ngushta ato kanë ndarë edhe skenën së bashku ku kanë qenë nën moderimin e programin “Select” që transmetohej në Top Channel.

View this post on Instagram

A post shared by Kiara Tito (@kiaratito)

The post “Nga barku i shtatzënisë te përqafimet e foshnjave”, Kiara Tito dedikim prekës për miqësinë shumëvjeçare me Liesën appeared first on Albeu.com.

Vetëm pak minuta pasi Adriatik Lapaj reagoi në rrjetet sociale, kreu i Nisma Thurje, Endri Shabani ka reaguar me disa vargje në “Facebook”.

“Mora pushkën dola malit,

Të luftoja për atdhe,

Të luftoja në furtunë;

Se armiku isha unë”.

Më herët, Adriatik Lapaj reagoi pasi kandidati për deputet i koalicionit “Nisma Shqipëria Bëhet”, Zeqir Kordhoni, i ka dërguar një letër Komisionerit Shtetëror të Zgjedhjeve, ku shpreh vullnetin për të pranuar mandatin, në rast se do të shpallet fitues i tij.

Kandidatët e këtij koalicioni në listën e mbyllur kishin nënshkruar para zgjedhjeve një deklaratë noteriale ku deklaronin se hiqnin dorë nga mandati, në mënyrë që të futeshin në Parlament kandidatët nga lista e hapur me më shumë vota.

Në postimin e tij, Lapaj shkroi se, “Endri Shabanin dhe dajon e tij do t’i gjykojë populli”.

The post “Ku ta dija unë i varfi, se armiku isha unë”, Shabani i përgjigjet Lapajt lidhur me “luftën” për 1 mandat appeared first on Albeu.com.

Presidentja e Republikës së Kosovës, Vjosa Osmani, është bërë objekt i një kërcënimi të drejtpërdrejtë përmes emailit, të dërguar mëngjesin e sotëm.

Lajmi e ka konfirmuar për Telegrafin, këshilltari për media i presidentes Vjosa Osmani, Bekim Kupina.

Emaili, i dërguar nga një person me emrin Betim Ibrahimi nga adresa betimibrahimi@yahoo.com, kishte për subjektin “Punoni pak ma shumë/shpejt”, por përmbajtja e tij kalonte çdo kufi të komunikimit institucional.

Në mesazhin kërcënues, i cili i është dërguar adresës zyrtare të Zyrës së Presidentes, përveç fjalëve ofenduese dhe gjuhës përçmuese, këshillohen veprime hakmarrëse edhe ndaj familjes së presidentes, për “tradhti” dhe vendime të pretenduara politike si ndërrimi i flamurit apo zbatimi i gjuhësisë në komunikimin zyrtar.

“Edhe familja jote. Për tradhti. Për ndërrimin e flamurit tonë. Për ndjekjen e njerëzve dhe marrjen e vendimeve bazuar në mendimet e tyre… A janë shenjat në Serbi në të dyja gjuhët, shqip dhe serbisht?”,”, shkruhet ndër të tjera në emailin e dërguar më 16 korrik në ora 00:15.

Mesazhi është shoqëruar edhe me një paralajmërim automatik të sistemit informativ të presidencës që e cilëson emailin si të ardhur nga jashtë organizatës.

Ende nuk ka ndonjë reagim zyrtar nga Presidenca apo Policia e Kosovës, por pritet që rasti të hetohet dhe personi në fjalë të merret në përgjegjësi ligjore./Telegrafi

The post Presidentja e Kosovës, Vjosa Osmani kërcënohet me jetë: Do të të vras ty dhe familjen tënde appeared first on Albeu.com.

Moderatorja e njohur Arbana Osmani ka vendosur të jetë e hapur me ndjekësit, duke ndarë për herë të parë detaje rreth ndërhyrjeve estetike që ka bërë. Gjatë një sesioni pyetje-përgjigje në Instagram, ajo ka treguar se ka aplikuar botox në ballë dhe nën sy, për të reduktuar rrudhat.

Gjithashtu, Arbana ka konfirmuar se ka bërë filler në buzë, duke theksuar se rezultati është natyral dhe i pandryshueshëm me kalimin e kohës.

Me këtë deklaratë, Arbana konfirmon edhe një herë qëndrimin e saj të sinqertë ndaj publikut, duke e normalizuar diskutimin për kujdesin estetik pa tabu apo komplekse.

The post FOTO/ Arbana Osmani tregon për herë të parë ndërhyrjet estetike që ka bërë appeared first on Albeu.com.