Ushtria izraelite ka njoftuar për një ofensivë të re tokësore më 4 prill në lindje të Qytetit të Gazës, me qëllim zgjerimin e zonës së sigurisë që ka krijuar brenda enklavës palestineze.

Sipas njoftimit të ushtrisë, operacionet ushtarake janë përqendruar në zonën Shejaija, në veri të Gazës.

Izraeli tha se gjatë operacionit, trupat e tij kanë eliminuar një numër të terroristëve dhe kanë shkatërruar infrastrukturë të Hamasit, përfshirë një qendër komanduese që grupi terrorist e përdorte për të planifikuar dhe realizuar sulme terroriste.

Për më tepër, kryeministri izraelit, Benjamin Netanyahu, ka paralajmëruar se sulmet në Gazë, që kanë shkaktuar qindra viktima, janë vetëm “fillimi” i ofensivës. Ministri izraelit i Mbrojtjes, Israel Katz, ka theksuar se shteti izraelit do të rrisë praninë ushtarake në Rripin e Gazës për të pastruar zonën nga terroristët dhe infrastrukturën terroriste, me synimin për të marrë nën kontroll zona të mëdha dhe t’i inkorporojë ato në zonën izraelite të sigurisë.

Izraeli ka shtuar se civilët do të lejohen të evakuohen nga zonat e luftimeve përmes “rrugëve të organizuara për sigurinë e tyre”.

Ky operacion është pjesë e përpjekjeve për të detyruar Hamasin të lirojë pengjet e marrë gjatë sulmit të tetorit 2023, i cili shkaktoi një valë të re dhune dhe ka nxitur luftën e vazhdueshme në Gazë.

Gjatë sulmit të 7 tetorit 2023, Hamasi vrau afër 1.200 persona dhe rrëmbeu rreth 250 të tjerë, ndërsa ofensiva izraelite ka sjellë më shumë se 50.000 viktima palestineze.

/GazetaSinjali/

The post Izraeli njofton për një ofensivë të re tokësore në Qytetin e Gazës appeared first on Sinjali.

Problemi me parkimin e automjeteve në shumicën e qyteteve në vendin tonë është një problem i kahmotshëm. Incidente të shumta eskalojnë në kanosje e përleshje si pasojë e mosmarrëveshjeve, për çka nevojitet edhe intervenimi i Policisë. Një rast i tillë ka ndodhur të enjten paradite në Prishtinë, raporton Gazeta Sinjali.

Një mosmarrëveshje për një vend parkimi në lagjen Ulpiana, afër marketit “Beni Dona”, përfundoi me ndërhyrjen e policisë.

Burimet e Gazetës Sinjali kanë bërë të ditur se incidenti u zbulua pasi një qytetar ka njoftuar policinë për një person të armatosur.

Sipas informacioneve të para, dy persona u përfshinë në konflikt, një 42-vjeçar dhe një 81-vjeçar, lidhur me parkimin e automjeteve.

Gjatë përplasjes, 42-vjeçari ka vërejtur një armë në çantën e të moshuarit dhe ka lajmëruar menjëherë Policinë.

Si rezultat, njësitet policore janë nisur menjëherë në vendngjarje dhe më pas kanë shoqëruar të dyshuarin për armë ilegale në stacion policor.

Gjatë kontrollit, i është gjetur dhe konfiskuar një pistoletë me karikator të zbrazët, që i posedonte pa leje.

Lidhur me rastin, është vënë në dijeni edhe Prokurori i Shtetit.

Me urdhër të tij, është iniciuar rasti dhe janë ndërmarrë veprimet e nevojshme.

/GazetaSinjali/

The post Plas sherri për parking në Prishtinë: 42-vjeçari kapet me 81-vjeçarin, të moshuarit i gjejnë armë appeared first on Sinjali.

Një numër i madh i të dyshuarve që kërkohen nga organet e rendit arrijnë ta shijojnë lirinë nga arratia. Plot të akuzuar e të dënuar për vepra të ndryshme penale, që kanë ikur nga duart e drejtësisë, shpallen në kërkim dhe ndaj tyre lëshohen urdhër arreste. Kështu ka ndodhur edhe me një 32-vjeçar, i cili u kap së fundmi në Prishtinë, raporton Gazeta Sinjali.

Policia e Kosovës e ka ndaluar të riun, i dënuar me burgim, bazuar në urdhëresën e Gjykatës Themelore në Prishtinë.

Sinjali ka mësuar ekskluzivisht se i arrestuari është Shkëlqim Abdullahu, i cili ishte në kërkim për një vendim gjyqësor të formës së prerë.

Arrestimi i Abdullahut është realizuar të enjten, në një lokacion në qytetin e Prishtinës.

Gjykata kishte shqiptuar ndaj tij një dënim me 1 vit burgim efektiv dhe një gjobë në shumën prej 300 euro.

Pas arrestimit, i dënuari është dërguar në Qendrën e Paraburgimit në Hajvali, ku do të qëndrojë për të vuajtur dënimin e plotë.

/GazetaSinjali/

The post Prishtinë: Arrestohet 32-vjeçari i dënuar me 1 vit burg, zbulohet emri i tij appeared first on Sinjali.

DASHI
Gjatë ditës mund të ndiheni të shtyrë të riktheheni emocionalisht në të kaluarën, sidomos në aspektin sentimental, ndonëse marrëdhënia aktuale është e qëndrueshme. Në punë, tregohuni të durueshëm me eprorët, edhe kur kërkesat e tyre ju duken të tepruara.

DEMI
Tensionet në dashuri fillojnë të zbuten. Nëse jeni në një lidhje afatgjatë, mund të keni kaluar nëpër keqkuptime që tani po qartësohen. Në fushën profesionale, intuita ju ndihmon të lëvizni me zgjuarsi edhe në situata sfiduese.

BINJAKËT
Kjo ditë mund të sjellë debate, sidomos nëse keni tendencë t’i shprehni dëshirat në mënyrë impulsive. Në punë, priten angazhime urgjente, ndaj durimi është çelësi për të mos humbur fokusin.

GAFORRJA
Një kohë shumë pozitive për lidhjet personale. Mos e nënvlerësoni ndikimin e miqësive të reja – disa prej tyre mund të shndërrohen në diçka më të thellë. Në punë, dinamizmi juaj reflektohet në rezultate konkrete.

LUANI
Jeni në kërkim të një pikë të fortë referimi emocional. Mund të lindin miqësi të reja që, me kalimin e kohës, marrin kuptime më të mëdha. Në punë, energjia juaj është në nivelin më të lartë, duke ju ndihmuar të përballeni me çdo sfidë.

VIRGJËRESHA
Mund të ndjeni tension në ajër – kujdes me fjalët, pasi mund të keqkuptoheni lehtë. Në sferën profesionale, ka hapësirë për risi dhe zhvillime pozitive, por përgatituni për shpenzime të paparashikuara.

PESHORJA
Ndryshime të mëdha janë në horizont. Edhe ndarjet apo mbylljet do të shoqërohen me një ndjesi qetësie. Në punë, java është e ngarkuar dhe bashkëpunëtorët e duhur do të luajnë rol vendimtar.

AKREPI
Venusi në anën tuaj sjell harmoni në marrëdhënie. Në dashuri, keni më shumë vullnet për të zgjidhur situatat e ndërlikuara. Në punë, është koha të bëni vlerësime reale – kush ka punuar mirë, do të shpërblehet.

SHIGJETARI
Mos e lini pas dore dashurinë për shkak të stresit apo angazhimeve të tjera. Kjo është një periudhë kur mund të shkëputeni nga peshat e tepërta dhe të hapni rrugë për ide të freskëta. Në punë, dita premton më shumë lehtësi dhe risi kreative.

BRICJAPI
Një muaj i përshtatshëm për të rigjetur afërsinë me partnerin. Konsideroni një udhëtim të shkurtër për të dalë nga rutina. Në sferën profesionale, durimi është thelbësor – rezultatet varen edhe nga bashkëpunimet që ndërtoni.

UJORI
Një njohje e re mund të ndikojë thellësisht në jetën tuaj emocionale. Liria është e rëndësishme për ju, por kini kujdes që të mos largoni njerëzit për shkak të nevojës për hapësirë. Në punë, nismat e reja mund të rezultojnë të suksesshme nëse bëhen me kujdes dhe planifikim.

PESHQIT
Mërkuri dhe Venusi janë në anën tuaj, ndërsa Marsi sjell energji pozitive. Kjo është një ditë ideale për të riforcuar marrëdhëniet dhe për të hapur veten ndaj njerëzve të rinj. Në punë, priten lajme të mira për projekte të nisura së fundmi.

/GazetaSinjali/

The post Horoskopi për ditën e sotme appeared first on Sinjali.

Dy pika të vogla, të largëta në Antarktidë, të populluara nga pinguinë dhe foka janë ndër vendet e errëta të shënjestruara nga tarifat e reja tregtare të shpallura nga administrata e ish-presidentit amerikan Donald Trump.

Bëhet fjalë për Ishujt Heard dhe McDonald, një territor australian i izoluar rreth 4,000 kilometra larg Perthit, i cili nuk është vizituar nga njerëzit që nga viti 2016.

Për të arritur atje nevojitet një udhëtim shtatë-ditor me anije, raporton BBC.

Tarifat e reja, të shpallura si pjesë e një hakmarrjeje ndaj barrierave të supozuara tregtare ndaj mallrave amerikane, kanë përfshirë edhe territore të tjera të largëta australiane si Ishujt Cocos (Keeling), Ishulli i Krishtlindjeve dhe Ishulli Norfolk.

Ky i fundit, me rreth 2,200 banorë, është goditur me një tarifë prej 29%, ndërsa pjesa tjetër, përfshirë Heard dhe McDonald, me 10%.

Ishulli Heard, megjithatë, është një zonë e pabanuar, e akullt dhe gjeologjikisht aktive, ku ndodhet vullkani më i madh aktiv i Australisë, Big Ben.

Territori është shpallur nga UNESCO si Trashëgimi Botërore, për shkak të ekosistemit të tij të paprekur dhe jetës së egër të pasur me pinguinë, foka dhe zogj detarë.

Ekspertët shkencorë shprehen të habitur për përfshirjen e këtij territori në tarifat e SHBA-së. Mike Coffin, studiues në Universitetin e Tasmanisë që ka udhëtuar shtatë herë drejt këtyre ishujve për kërkime, thotë:

“Nuk ka asgjë atje. Nuk ka eksporte. Nuk ka as njerëz.”

Sipas tij, vetëm dy kompani australiane kapin peshk dhëmbësh Patagonian dhe akulli skumbri, që janë të vetmet produkte të mundshme për eksport nga rajoni.

Megjithëse në vitet e fundit eksportet drejt SHBA-së kanë qenë minimale, në vitin 2022 SHBA importoi rreth 1.4 milionë dollarë amerikanë në produkte “makinerish dhe pajisjesh elektrike” nga ky territor – produkte që nuk kanë detaje të sakta se nga vijnë saktësisht apo në çfarë kushtesh.

As Administrata e Tregtisë Ndërkombëtare e SHBA-së dhe as Departamenti australian i Tregtisë nuk kanë dhënë komente për këtë çështje deri më tani.

Tarifat kanë nxitur reagime të ashpra nga qeveria australiane.

Kryeministri Anthony Albanese tha se veprimet e administratës Trump janë “krejtësisht të pajustifikuara”.

Ai theksoi absurditetin e përfshirjes së një territori të pabanuar në një konflikt tregtar, ndërsa paralajmëroi se këto masa mund të dëmtojnë jo vetëm marrëdhëniet ekonomike, por edhe ato diplomatike.

/GazetaSinjali/

The post Si një ishull pinguinësh përfundoi në listën tarifore të Trump? appeared first on Sinjali.

Mund të duket e pazakontë, por edhe kafshët e egra që mbahen në robëri mund të zhvillojnë alergji – ndonjëherë edhe ndaj vetë njerëzve.

Në vitin 2018, stafi i kopshtit zoologjik Lincoln Park në Çikago vuri re se një ari polar mashkull, i quajtur Siku, po humbiste qimet dhe kruhej vazhdimisht. Pas ekzaminimeve, mjekët veterinarë zbuluan se shkaku i gjendjes së tij ishte alergjia.

Testet e lëkurës zbuluan se Siku ishte alergjik ndaj merimangave të shtëpisë, polenit të disa bimëve si elbi, mani dhe kedri i kuq – por ajo që habiti më shumë mjekët ishte fakti se ai reagoi fort edhe ndaj zbokthit të flokëve të njeriut, raporton BBC, transmeton Sinjali.

“Një nga gjërat që ai fillimisht tregoi një reagim shumë të fortë ishte zbokthi i flokëve të njeriut,” kujton Kathryn Gamble, drejtoreshë e mjekësisë veterinare në kopshtin zoologjik Lincoln Park.

Jo vetëm Siku – edhe dhelpra, majmunët dhe leopardët me alergji

Nuk është vetëm Siku që vuan nga alergjitë. Stafi i kopshtit ka hasur raste të ngjashme edhe te leopardët e zinj, dhelprat fenek, majmunët saki, makakët japonezë dhe arinjtë e zinj.

Sipas Andrew Flies, ekspert i alergjive tek kafshët, kjo është një nga ato raste ku përvoja njerëzore ndihmon për të kuptuar dhe trajtuar sëmundjet tek kafshët.

“Kjo është një nga ato situata të rralla ku ajo që kemi mësuar nga njerëzit mund të ndihmojë kafshët,” shprehet Flies.

Alergjitë po shtohen edhe te kafshët

Ekspertët mendojnë se shtimi i alergjive te kafshët lidhet me mënyrën e jetesës në robëri. Kafshët e fermave, ato shtëpiake dhe në kopshtet zoologjike, jetojnë në mjedise të kontrolluara nga njeriu, larg natyrës, ku nuk ekspozohen ndaj parazitëve dhe mikrobeve natyrale, që në mënyrë normale ndihmojnë sistemin imunitar të zhvillohet në mënyrë të ekuilibruar.

“Tek qentë dhe macet, numrat janë rritur dukshëm, dhe nuk do të çuditesha nëse edhe më shumë kafshë të kopshteve zoologjike po zhvillojnë alergji,” thotë Annette Petersen, dermatologe veterinare në Universitetin Shtetëror të Miçiganit.

Simptoma të ndryshme: te njerëzit rrjedh hundët, te kafshët irritohet lëkura.

Sipas dermatologut veterinar Andrew Rosenberg, shumë kafshë thithin alergjenët përmes lëkurës dhe jo përmes frymëmarrjes, çka bën që sëmundjet të shfaqen në mënyra të ndryshme nga ato që shohim te njerëzit.

/GazetaSinjali/

The post Siku – ariu polar alergjik ndaj qimeve të njeriut appeared first on Sinjali.

Tregjet aziatike dhe australiane kanë ranë për të dytën ditë, teksa tarifat botërore të presidentit amerikan Donald Trump vazhdojnë të ngjallin frikën e një rënieje globale.

Disa orë më parë, tregjet amerikane mbyllën ditën me humbjen më të madhe njëditore që nga qershori 2020 – viti kur filloi pandemia.

Trump ka thënë se “tregjet do të lulëzojnë” sipas skemës së tij të re tarifore ndërsa Dow Jones, Nasdaq dhe S&P ranë të enjten, raporton BBC, transmeton Sinjali.

Nga Pekini në Bruksel, liderët botërorë po zotohen t’i përgjigjen tarifave 10% që u vendosën në shumicën e vendeve.

Tarifat më të larta – duke përfshirë 20% për BE-në dhe 54% për Kinën – do të hyjnë në fuqi nga 9 prilli.

/GazetaSinjali/

The post Tregjet aziatike bien më tej pasi tarifat e Trump nxisin frikën e rënies globale appeared first on Sinjali.

Varësia nga droga sa vjen e shtohet dhe kjo dëshmohet çdo ditë me kapjen dhe arrestimin e dhjetëra personave konsumues e shpërndarës të substancave narkotike. Kështu ndodhi së fundmi edhe në Prizren, ku një 25-vjeçar ka rënë në prangat e Policisë, raporton Gazeta Sinjali.

I dyshuari u kap me marihuanë dhe kokainë dhe për pasojë përfundoi në ndalim policor.

Sinjali ka mësuar ekskluzivisht se personi i arrestuar është Abedin Thaqi.

Burimet e Sinjalit bëjnë me dije se i dyshuari u kap në rrugën “Enver Haradinaj” nga një patrullë policore dhe gjatë kontrollit iu gjetën substancat narkotike dhe një peshore digjitale.

Pas arrestimit, Policia ka bastisur edhe një lokal në Xërxë të Rahovecit, pronë e familjes së të dyshuarit, por nuk ka gjetur sende të kundërligjshme.

I dyshuari është shoqëruar në stacion policor, ku është intervistuar lidhur me rastin.

Me urdhër të Prokurorit të Shtetit, i riu është ndaluar për 48 orë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

/GazetaSinjali/

The post Ekskluzive: Ky është i riu që përfundoi në pranga pasi u kap me drogë nga Policia në Prizren appeared first on Sinjali.

Një tjetër tragjedi ka goditur familjen Kaso nga Bilishti në Shqipëri. Nëna e Rigels Kasos, 42-vjeçarit që u vra vitin e kaluar, është gjetur pa shenja jete në banesën e saj.

Teuta Kaso, 66 vjeçe, u gjet e pajetë në banesë dhe dyshohet se është vetëhelmuar.

Policia ka referuar materialet në Prokurori për vlerësim, ndërkohë që priten rezultatet e ekspertizës mjekoligjore për të përcaktuar shkakun e saktë të vdekjes.

Si u vra Rigels Kaso

Ngjarja tragjike që i parapriu kësaj humbje ndodhi në korrik të vitit 2024.

Rigels Kaso, 42 vjeç, nga Bilishti, u gjet i shtrirë dhe i dhunuar rëndë në rrugën “Sokrat Miho” në Tiranë, dhe ndërroi jetë pak më vonë në spital.

Sipas hetimeve, Kaso dyshohet se ishte ftuar për një takim nga profili i një gruaje me të cilën kishte komunikuar në rrjete sociale.

Por, në vend të saj, në adresën e dhënë doli bashkëjetuesi i saj, Bajram Gjeleshi, i cili e sulmoi fizikisht duke e goditur me grushte.

Ngjarja ndodhi pak pas mesnatës më 15 korrik, dhe Kaso u gjet nga kalimtarët në orët e para të mëngjesit, të cilët lajmëruan ambulancën.

42-vjeçari kishte qëndruar në Tiranë tre ditë para ngjarjes fatale.

/GazetaSinjali/

The post E dhimbshme | Djalin ia vranë një vit më parë, nëna i jep fund jetës appeared first on Sinjali.

Tarifa prej 10% e vendosur nga Presidenti i Shteteve të Bashkuara të Amerikës, Donald Trump, u bë mollë sherri, ndërmjet Presidentes së vendit Vjosa Osmani dhe qeverisë. Pa u bërë 24 orë nga vendimi i Trump, Osmani kërkoi nga Qeveria që t’ia heq tarifën ShBA-ve, sepse tek e fundit vendimi i Trump është reciprocitet.

Ministri në detyrë i Financave të Kosovës, Hekuran Murati, ka reaguar ndaj kërkesës së presidentes Vjosa Osmani për pezullimin e tarifës prej 10% për produktet nga Shtetet e Bashkuara të Amerikës. Ai ka theksuar se çështja është në shqyrtim të kabinetit qeveritar dhe se, sipas tij, politikat fiskale janë në fushën e ekzekutivit dhe jo në duar të mediave.

Murati kritikoi mënyrën se si Osmani e ka trajtuar çështjen, duke e postuar kërkesën në rrjetet sociale dhe pas orarit të punës.

Ai theksoi se vendimet e tilla duhet të merren institucionalisht dhe të komunikohen pas përfundimit të shqyrtimit.

Ndërkohë, këshilltari i presidentes për media, Bekim Kupina, e quajti përgjigjen e Muratit “të turpshme dhe skandaloze”, duke theksuar se kërkesa e presidentes ishte një veprim strategjik për forcimin e marrëdhënieve me SHBA-në, jo thjesht një çështje ekonomike.

Murati gjithashtu theksoi se, gjatë mandatit të tij, Qeveria ka pasur diskutime me përfaqësues të Departamentit të Tregtisë të SHBA-së për një marrëveshje tregtare të lirë, dhe shtoi se Kosova vazhdon të mbështesë idenë e një tregtie të lirë pa barriera me SHBA-në.

Kritikat e presidentit amerikan, Donald Trump, për tarifat ndaj vendeve të ndryshme përfshirë Kosovën, ka shkaktuar shqetësim në sektorin ekonomik të Kosovës, ku dhomat e tregtisë kanë kërkuar tërheqjen e tarifës ndaj SHBA-së.

Murati, megjithatë, ka theksuar se ndikimi ekonomik i tarifës ndaj Kosovës është i vogël, pasi Kosova ka një volum të vogël tregtar me SHBA-në.

Organizatat ekonomike në Kosovë kanë shprehur shqetësim për ndikimin që mund të ketë kjo tarifë në eksportet kosovare, të cilat kanë kanë shënuar një rritje të ndjeshme gjatë viteve të fundit, duke arritur në mbi 131 milionë euro në vitin 2022.

/GazetaSinjali/

The post Përplasja Presidencë-Qeveri pas vendimit të Trump: Reagimet e kundërpërgjigjet e mbrëmshme appeared first on Sinjali.

Tregu financiar amerikan përjetoi humbjen më të madhe njëditore që nga qershori 2020, viti i pandemisë.

Dow Jones ra 3.9%, Nasdaq ra gati 6% dhe S&P 500 ra 5% – rënia e tij më e madhe që nga marsi 2020, raporton BBC, transmeton Sinjali.

Ndryshe, presidenti amerikan Donald Trump njoftoi për tarifa prej 10% për shumicën e vendeve – përfshirë Mbretërinë e Bashkuar – nga e shtuna, me tarifa më të larta për disa nga partnerët më të mëdhenj tregtarë të Amerikës nga 9 prilli.

/GazetaSinjali/

The post Tregu amerikan pëson humbjen më të madhe njëditore që nga viti 2020 appeared first on Sinjali.

Kryeministrja italiane, Giorgia Meloni, ka reaguar për tarifat që Shtetet e Bashkuara të Amerikës kanë vendosur ndaj shumë shteteve të botës, duke e quajtur vendimin e nënshkruar nga ish-presidentin amerikan Donald Trump si të gabuar.

Megjithatë, Meloni theksoi se është e nevojshme të tregohet kujdes në mënyrën se si shtetet e tjera do të përgjigjen.

Ajo ka shtuar se “nuk është një katastrofë”, duke u shprehur e menduar se nuk duhet të nxisin më shumë alarmin.

Në lidhje me përgjigjen ndaj këtyre tarifave, Meloni u shpreh se nuk është e bindur se mënyra më e mirë për të reaguar është duke vendosur tarifa të tjera, duke pasur parasysh se disa shtete mund të vendosin masa të ngjashme si kundërpërgjigje ndaj tarifave amerikane.

Nga tarifat e ShBA-së është prekur edhe Kosova, ku është vendosur një tarifë prej 10%.

/GazetaSinjali/

The post Meloni: Tarifat e vendosura nga Trump të gabuara, por nuk janë një katastrofë appeared first on Sinjali.

Abuzimi me substanca narkotike nga të rinjtë mbetet një shqetësim i madh në shoqërinë kosovare. Varësia nga droga sa vjen e shtohet dhe kjo dëshmohet çdo ditë me kapjen dhe arrestimin e dhjetëra personave konsumues e shpërndarës të substancave narkotike, shkruan Gazeta Sinjali.

Kështu ndodhi së fundmi edhe në Prizren, ku një 25-vjeçar ka rënë në prangat e Policisë.

Burimet e Sinjalit bëjnë me dije se i dyshuari u kap në rrugën “Enver Haradinaj” nga një patrullë policore dhe gjatë kontrollit iu gjetën substanca narkotike, marihuanë dhe kokainë – si dhe një peshore digjitale.

Pas arrestimit, Policia ka bastisur edhe një lokal në Xërxë të Rahovecit, pronë e familjes së të dyshuarit, por nuk ka gjetur sende të kundërligjshme.

I dyshuari është shoqëruar në stacion policor, ku është intervistuar lidhur me rastin.

Me urdhër të Prokurorit të Shtetit, i riu është ndaluar për 48 orë.

/GazetaSinjali/

The post Abuzimi me drogën: I riu në Prizren kapet me marihuanë dhe kokainë, përfundon në mbajtje appeared first on Sinjali.

Një incident i rëndë raportohet se ka ndodhur mbrëmjen e sotme në Mitrovicë, ku dyshohet për gjuajtje me armë, raporton Gazeta Sinjali.

Sipas informacioneve të para, personat e dyshuar kanë shtënë në drejtim të një lokali.

Policia ka dalë tashmë në vendngjarje dhe po ndërmerren veprimet e nevojshme.

Lajmin e ka konfirmuar edhe zëdhënësi i Policisë për rajonin e Mitrovicës, Avni Zahiti.

Sinjali do të iu mbajë të informuar me detajet e reja.

/GazetaSinjali/

The post Të shtëna me armë zjarri në Mitrovicë appeared first on Sinjali.

I kërkuari me urdhërarrest të lëshuar nga Gjykata Themelore në Prishtinë është kapur nga Policia e Kosovës gjatë ditës së sotme në Prishtinë. Personi që u prangos ishte shpallur fajtor dhe dënuar me burgim për shitblerje të drogës, raporton Gazeta Sinjali.

Burimet e Sinjalit kanë bërë me dije ekskluzivisht se personi i arrestuar është Amir Xhemshiti, rreth 36-vjeçar.

Xhemshiti u ndalua dhe u prangos në rrugën “Afrim Loxha” në kryeqytet.

Ai ishte dënuar me 1 vjet burgim pasi akuzohej se ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Pas arrestimit dhe përfundimit të procedurave, i njëjti është dërguar në njërën nga qendrat korrektuese për ta vuajtur dënimin.

/GazetaSinjali/

The post Ekskluzive | I dënuar me 1 vjet burgim për shitblerje të drogës, ky është i arrestuari në Prishtinë appeared first on Sinjali.

Këshilltari për media i Presidentes së Kosovës, Vjosa Osmani, Bekim Kupina, i është kundërpërgjigjur ministrit në detyrë të Financave, Hekuran Murati, pas kritikave të tij ndaj kërkesës së Presidentes për pezullimin e tarifave të importit për produktet amerikane, raporton Gazeta Sinjali.

Kupina ka reaguar ashpër ndaj deklaratave të Muratit, duke e akuzuar atë për mungesë serioziteti dhe për një qasje jo të duhur ndaj çështjeve strategjike të Kosovës.

“Hekuran Murati është njeriu i fundit në këtë shtet që mund të na flasë për seriozitet. Një njeri që ende nuk e ka kuptuar që udhëheqja e shtetit është punë 24/7 dhe jo që përfundon në orën 16:00. Një njeri që nuk e kupton se sipas Kushtetutës dhe komentarit të saj, objektivat e politikës së jashtme i përcakton institucioni i Presidencës. Nuk e kupton që këto gjëra nuk janë thjesht veprime ekonomike, por veprime strategjike në raport me aleatin tonë kryesor dhe ekzistencial,” ka deklaruar Kupina.

Ai ka theksuar se letra e Presidentes drejtuar Kryeministrit është bërë në mënyrë institucionale dhe me respekt ndërinstitucional, ndërsa deklaratat e Muratit i ka cilësuar si “të turpshme, skandaloze dhe me mungesë të respektit bazik institucional”.

“Hiqni tarifat e paarsyeshme ndaj aleatit tonë kryesor dhe lini anash deklaratat e turpshme dhe fëmijërore,” ka përfunduar ai.

Osmani i kërkon Qeverisë të pezullojë tarifat e importit për të gjitha produktet amerikane

Murati godet Osmanin pas kërkesës për heqjen e tarifës ndaj ShBA: Shteti serioz e trajton këtë çështje larg mediave

/GazetaSinjali/

The post Zyra e Osmanit i kundërpërgjigjet Muratit: Je njeriu i fundit në këtë shtet që mund të na flasë për seriozitet appeared first on Sinjali.

Nuk janë të rralla rastet kur qytetarët kërkojnë ndihmën e Policisë për t’i gjetur familjarët e tyre që raportohen të zhdukur. Kështu ndodhi së fundmi në Prishtinë, ku u raportua se dy të mitura janë larguar nga një strehimore, raporton Gazeta Sinjali.

Vajzat e mitura u larguan nga objekti më 30 mars, pak para mesnatës, ndërsa dje u denoncua rasti në Polici nga nëna e njërës prej vajzave.

Sinjali ka mësuar se përveç largimit të tyre, ato dyshohet se kanë kryer vjedhje brenda strehimores, duke marrë një çantë të një punonjëseje, në të cilën ndodheshin dy telefona dhe një shumë e parave.

Me urdhër të Prokurorit të Shtetit, rasti është iniciuar dhe njësitë policore kanë arritur t’i lokalizojnë e t’i gjejnë të miturat.

Të njëjtat burime kanë bërë me dije se gjatë hetimeve, dyshohet se ato mund të jenë përfshirë edhe në vepra penale.

Si rezultat, Drejtoria për Hetimin e Trafikimit me Qenie Njerëzore po ndërmerr veprimet e nevojshme.

/GazetaSinjali/

The post Dy të mitura ikin nga strehimorja dhe kryejnë vjedhje, dyshohen se janë përfshirë në vepra penale appeared first on Sinjali.

36 orë pas gjetjes së trupit të Ilaria Sulës, e cila u masakrua nga i dashuri i saj filipinas, ka dalë rezultati i autopsisë.

Sipas raportimeve të mediave italiane, gjatë një debati me të dashurin e saj, Mark Antony Samson, ky i fundit ka marrë një thikë dhe e ka goditur tri herë 22-vjeçaren, duke i shkaktuar hemorragji të rëndë që e çoi në vdekjen e saj.

Pas krimit, Samson mbajti trupin e studentes shqiptare në apartamentin e tij për 20 orë, duke ngritur dyshime edhe tek prindërit e tij, të cilët mund të ishin bashkëpunëtorë në krim.

Samson e futi trupin e Ilarias në një valixhe dhe e hodhi në një zonë pyjore në Poli, jashtë Romës.

Për disa ditë, ai dërgonte mesazhe nga telefoni i saj dhe bënte postime në rrjetet e saj sociale për të fshirë gjurmët. Megjithatë, pas marrjes në pyetje nga policia, ai pranoi krimin.

/GazetaSinjali/

The post Del rezultati i autopsisë: E reja u godit 3 herë me thikë, i dyshuari e mbajti trupin e saj për 20 orë në banesë appeared first on Sinjali.

Presidentja e Kosovës, Vjosa Osmani, ka kërkuar zyrtarisht nga Qeveria e Kosovës të pezullojë tarifat e importit për të gjitha produktet amerikane, një hap që e cilësoi si të rëndësishëm për thellimin e lidhjeve ekonomike me aleatin më të afërt të Kosovës, Shtetet e Bashkuara të Amerikës.

Në një deklaratë të publikuar në X, Osmani theksoi se kjo është një mundësi për të forcuar marrëdhëniet mes dy vendeve dhe për të dërguar një mesazh të qartë se Kosova është e gatshme për një marrëdhënie më të fuqishme dhe më të thellë me SHBA-në.

“Jam e bindur se ky hap do të hapë mundësi të reja për krijimin e vendeve të punës, shkëmbimin e teknologjisë dhe rritjen afatgjatë ekonomike,” ka theksuar Presidentja Osmani, duke shtuar se kjo është më shumë se një veprim ekonomik, por një objektiv i politikës së jashtme të Kosovës, që riafirmon angazhimin e Kosovës ndaj aleancës me SHBA-në, e cila është bazuar në vlera të përbashkëta të lirisë dhe mbështetjes së vazhdueshme që Kosova ka marrë gjatë viteve.

Today, I formally requested the Government of Kosovo to suspend import tariffs on all U.S. products—an important step to deepen economic ties with our closest ally and to send a clear message: Kosovo is ready for a more robust relationship with the United States, with a clear… https://t.co/zqIcz2FVfR

— Vjosa Osmani (@VjosaOsmaniPRKS) April 3, 2025

/GazetaSinjali/

The post Osmani i kërkon Qeverisë të pezullojë tarifat e importit për të gjitha produktet amerikane appeared first on Sinjali.

Nënkryetarja e Partisë Demokratike të Kosovës (PDK), Vlora Çitaku, ka kritikuar ashpër kryeministrin Albin Kurti për qasjen e tij ndaj institucioneve dhe komuniteteve jo-shumicë, duke e akuzuar për kapje të shtetit dhe pazare politike, raporton Gazeta Sinjali.

Çitaku ka bërë një paralelizëm me ish-liderët e Kosovës, duke e cilësuar Kurtin si një kryeministër që e ka shndërruar zyrën e shtetit në zyrë partie dhe që përdor pushtetin për presion politik në vend të dialogut.

“Mbyllni sytë për një çast dhe imagjinoni sikur Hashim Thaçi, Isa Mustafa apo Ramush Haradinaj të kishin bërë atë që po bën Albin Kurti sot. Do të kishte shpërthyer një revoltë e madhe!”, ka thënë ajo.

Çitaku e ka akuzuar Kurtin se po i shkel ligjet, po i përbuz traditat dhe po i përdhos parimet që dikur i mbronte me pasion.

“Albin, Kosova nuk është parti. Kosova nuk është pronë. Ti nuk je mbi ligjin, nuk je mbi Kushtetutën, nuk je mbi dinjitetin e këtij populli që ka vuajtur për demokraci, jo për t’u shndërruar në spektatorë të një partie që kërkon të kontrollojë gjithçka”, ka theksuar Çitaku.

Ajo ka paralajmëruar se kjo qasje do ta çojë Kurtin drejt një fundi të turpshëm politik, duke shtuar se historia nuk fal dhe populli nuk harron.

/GazetaSinjali/

The post Vlora Çitaku kritikon ashpër Kurtin: Albin, fundi yt politik do të jetë i turpshëm, historia nuk fal appeared first on Sinjali.