“Asi” i Guangzhou FC, Jasir Asani, njoftoi transferimin e tij në Iran në mes të sezonit. Klubi Esteghlal njoftoi përmes faqes zyrtare se: “Ne kemi nënshkruar një kontratë 18- mujore me Asanin.”

Kontrata e Asanit me klubin e tij aktual, Guangzhou FC, skadon në janar të vitit të ardhshëm. Megjithatë, Esteghlal shtoi se po punojnë me Guangzhou FC për të siguruar që Asani t’i bashkohet ekipit sa më shpejt të jetë e mundur. Esteghlal është një klub prestigjioz, me nëntë tituj kampion dhe shtatë kupa në historinë e tij. Gjithashtu, ai ka bërë vazhdimisht paraqitje të mira në Ligën e Kampionëve të Konfederatës Aziatike të Futbollit (AFC).

Asani iu bashkua Guangzhou FC përpara sezonit 2023 dhe tërhoqi shpejt vëmendjen e tifozëve me goditjet e tij karakteristike me të majtën dhe depërtimet e shpejta. Ai ishte veçanërisht kërcënues nga distanca dhe në goditjet standarde, duke i dhënë gjallëri sulmit të Guangzhou FC-së. Në Ligën e Kampionëve AFC Elite (ACLE) 2024–25, të mbajtur në mars, ai luajti në dhjetë ndeshje, duke shënuar nëntë gola dhe duke dhënë një pasim për gol, çka e çoi skuadrën në çerekfinale.

Asani bëri transferimin duke përfituar nga rregulli “Bosman”, i cili u lejon lojtarëve të negociojnë lirisht me klube të tjera gjashtë muaj para skadimit të kontratës së tyre. Për shkak të situatës financiare të Guangzhou FC, pritej që Asani të transferohej te Yokohama F. Marinos në Japoni këtë verë, por ai zgjodhi të qëndrojë. Lajmi i papritur i transferimit, së bashku me mundësinë e largimit të tij të parakohshëm gjatë sezonit, ishte një tronditje për tifozët e Guangzhou FC-së.

Në Korenë e Jugut, disa e panë vendimin si zhgënjyes. “Asi” i skuadrës, Asani, sipas tyre, i zhgënjeu tifozët duke shpallur transferimin e tij ndërkohë që kontrata e tij ishte ende e vlefshme. Një burim i brendshëm i klubit korean tha: “Situata midis Esteghlalit dhe Asanit është e rrallë në futboll. Kur një lojtar transferohet, të dy klubet zakonisht bien dakord ta njoftojnë njëkohësisht në një moment të caktuar. Ose, zakonisht është klubi ‘mëmë’ që e bën njoftimin. Ky njoftim nga Esteghlal për transferimin e Asanit tregon mungesë respekti për Guangzhou FC-në.”

Vetë Guangzhou FC deklaroi: “Asani premtoi të qëndronte me ekipin nëse nuk do të transferohej deri në periudhën shtesë të regjistrimit të lojtarëve (24 korrik), por ai e tradhtoi besimin. Ne konfirmuam përmes rrjeteve sociale se Esteghlal dëshironte që ai të bashkohej më herët, por asgjë nuk është vendosur ende.” Një zyrtar i klubit korean përmblodhi situatën: “Nuk ka pasur ende kontakt me Esteghlalin. Nëse ata dëshirojnë që Asani të transferohet para kohe, do të duhet të zhvillohen negociata për një tarifë transferimi. Por përpara kësaj, vendimi i trajnerit është thelbësor. Ne do të vendosim nëse Asani do të luajë pjesën e mbetur të sezonit apo jo. Lojtarët aktualisht janë me pushime. Do të takohemi me trajnerin për të shqyrtuar situatën aktuale.”

The post Firmosi në Iran, Jasir Asani rrezikon të përfundojë në tribunë appeared first on Albeu.com.

Princ Leka dhe Blerta Celibashi po shijojnë disa ditë pushimi së bashku, larg zhurmës së jetës publike. Çifti së fundmi ka pushuar nën shoqërinë e njëri-tjetrit ne mës të detit, në një jaht luksoz.

Blerta ka ndarë një fotografi të veçantë, ku vëmendjen e marrin qindra trëndafila që e rrethojnë.

Një gjest romantik nga ana e Princit, që duket se ka zgjedhur t’i shprehë dashurinë në mënyrën më të ëmbël.

Me këtë gjest, Princ Leka konfirmon edhe një herë se lidhja e tij me Blertën është e fortë dhe plot ndjenja të sinqerta.

The post FOTO/ Romancë mbretërore në det! Princ Leka nuk kursehet për Blertën, i mbulon jahtin luksoz me trëndafila appeared first on Albeu.com.

Kolegji Zgjedhor do të shqyrtojë më 13 gusht, në orën 10:00, ankimimin e Shqipëria Bëhet. Kjo forcë politike ka ankimuar vendimin e Komisionit të Ankimeve dhe Sanksioneve, që i dha mandatin e deputetes, kandidates së parë në listën e mbyllur, Ana Dajko. Shqipëria Bëhet kërkon nga Kolegji Zgjedhor që të njihen dorëheqjet e kandidatëve të listës së mbyllur dhe mandati t’i kalojë kandidatit më të votuar në listën e hapur, Adriatik Lapaj, njëkohësisht drejtuesit të kësaj force politike.

Më 30 korrik, Komisioni i Ankesave dhe Sanksioneve rrëzoi kërkesën e subjektit “Shqipëria Bëhet” që të njihte dorëheqjet e listës së mbyllur nga kandidimi. Në këtë mënyre mandati do t’i kalonte Adriatik Lapajt si më i votuari në listën e hapur. KAS është shprehur në shpalljen e vendimit se akti i dorëheqjeve të kandidatëve nga lista e mbyllur është një akt i pavlefshëm nga ana ligjore dhe nuk mund të merret në konsideratë. Ndërkohë KAS njoftoi se mandati i deputetit të “Nisma Shqipëria Bëhet” në qarkun e Tiranës, do t’i kalojë kandidatës, Ana Dajko.

Ky mandat deputeti është bërë shkak dhe për përplasjet mes koalicionit zgjedhor “Nisma Shqipëria Bëhet”. Dy partitë “Shqipëria Bëhet” dhe “Nisma Thurje” kishin rënë dakord që deputet do të bëhej kandidat ai që merrte më shumë vota nga lista e hapur. Ndërsa ata që ishin në listën e mbyllur do të jepnin dorëheqjen. Ndërkohë, mosmarrëveshjet shpërthyen pasi kandidati i Nismës Thurje në listën e mbyllur në Tiranë, Zeqir Kordhoni tha se nuk do të tërhiqej nga mandati.

Pas disa ditësh akuzash të ndërsjella mes Lapajt dhe Endri Shabanit, daja i këtij të fundit u tërhoq nga mandati dhe kështu KQZ i dha Kleana Xhuvelit. Disa ditë para se të bëhej ndarja e mandanteve, Xhuveli vendosi “të tërhiqte dorëheqjen” e saj të mëparshme. Përmes një letre zyrtare drejtuar KQZ, ajo thoshte se ky vendim vjen pas një rishqyrtimi të plotë të rrethanave dhe një konsultimi të gjerë me mbështetësit, familjen dhe strukturat e angazhimit politik.

The post “Mandati t’i kalojë Lapajt”, Kolegji Zgjedhor shqyrton më 13 gusht ankimimin e Shqipëria Bëhet për vendimin e KAS appeared first on Albeu.com.

Qyteti bregdetar i Vlorës është përballur pasditen e kësaj të mërkure me stuhi dhe reshje te forta shiu, të cilat kanë nisur papritur dhe kanë zënë në befasi pushuesit që kanë zgjedhur jugun.

Siç shihet dhe nga kjo foto, rrugët janë bërë gati të pakalueshme për shkak të intensitetit të lartë të reshjeve dhe sasisë së madhe të ujit që ka përfunduar në rrugë, ndërsa edhe fushëpamja është e kufizuar.

Pamje nga zona historike e Vlores
Problematike situata ka qenë në lagjet “Pavarësia”, “Skelë” dhe “Transballkanike”, ka pasur vështirësi në qarkullimin e mjeteve për shkak të prezencës së ujit në rrugë, por edhe trafikut të rënduar nga lëvizja e menjëhershme e pushuesve dhe banorëve vendas.

Rruga “Albano Romina” është përmbytur dhe niveli i ujit nga stuhia e fuqishme ka shkuar deri ne 30 centimetra. Kjo është një nga zonat më problematike, e cila përmbytet sapo nisin reshjet e shiut.

The post Stuhi me reshje të forta shiu në Vlorë, pushuesit “ia mbathin” nga plazhi, rrugët bëhen “gjol” appeared first on Albeu.com.

Gjykata e Apelit në Tiranë ka shtyrë për ditën e nesërme vendimin për masat e sigurisë ndaj zyrtarëve dhe ish-zyrtarëve të arrestuar për evazionin fiskal të kompanisë së naftës “Bankers Petroleum”.

Prokuroria ka kërkuar arrest me burg për 10 zyrtarët dhe ish-zyrtarët e “Bankers Petroleum”. Ish-drejtori Leonidha Çobo e drejtori aktual i kompanisë Hongping Xiao së bashku me zyrtarë të tjerë të kësaj kompanie, akuzohen për evazion fiskal dhe pastrim parash. Seanca u zhvillua me dyer të mbyllura për shkak të natyrës së çështjes dhe kërkesës së palëve për ruajtje të konfidencialitetit.

Përfaqësuesit e ambasadës kineze në Tiranë, që ndodheshin në ambientet e jashtme të Apelit për të ndjekur nga afër procesin, nuk janë lejuar të marrin pjesë në seancë. Arsyeja për këtë është ndjeshmëria e lartë e çështjes. 10 zyrtarë dhe ish-zyrtarë të kompanisë mes tyre dhe ish-drejtori Leonidha Çobo e drejtori aktual i kompanisë Hongping Xiao, kërkuan ndryshimin e masës së “arrestit me burg”.

Drejtuesi i Bankers Hongping Xiao dhe ish-drejtori i përgjithshëm, Leonidha Çobo, u arrestuan nën akuzat e mashtrimit, pastrimit të parave dhe abuzimit me detyrën ndërsa katër persona u shpallën në kërkim.

Sipas prokurorisë, drejtuesit e Bankers akuzohen se kanë fryrë shpenzimet e kompanisë përmes transferimit të parave në palë të lidhura apo me kontrata të dyshimta, gjë që ka sjellë nxjerrjen e kompanisë më humbje dhe mospagesën e tatimit mbi fitimin në buxhetin e shtetit. Sipas ligjit aktual, kompanitë e naftës mundet të arrijnë marrëveshje me autoritetet shqiptare me qëllim që të nxjerrin naftë në operacione private, por në këtë rast, tatimi mbi fitimin është në masën 50%.

Që nga themelimi në vitin 2004, kompania ka shitur naftë me vlerë 532 miliardë lekë ndërsa ka deklaruar shpenzime në masën 684 miliardë lekë, duke i shtyrë prokurorët të pyesin se cili është motivimi që pronarët e kompanisë vijojnë operacionet kur kompania del në vijimësi me humbje si dhe të ngrenë dyshime nëse pronarët, të cilët mbeten të panjohur, kanë gjetur mënyra alternative për të transferuar fitimet nga kompania.

The post Çështja “Bankers”/ Prokuroria kërkoi arrest me burg për 10 zyrtarë dhe ish-zyrtarë, Gjykata e Apelit shtyn për nesër vendimin appeared first on Albeu.com.

Një aksident i rëndë raportohet se ka ndodhur pasditen e sotme në autostradën Fier-Lushnje. Mësohet se në aksident janë përfshirë persë makina.

Si pasojë e përplasjes bëhet me dije se dy persona janë plagosur.

Gjithashtu dy personat e lënduar janë dërguar në spitalin e Lushnjes.

Ndërkohë policia e qarkullimit po devijon trafikun në një kalim rruge dytësore.

The post Aksident në autostradën Fier-Lushnje/ Pesë automjete të përfshira, raportohet për dy persona të plagosur appeared first on Albeu.com.

Presidentja e Kosovës, Vjosa Osmani ka njoftuar se ka tërhequr kërkesën që kishte dorëzuar në Gjykatën Kushtetuese lidhur me konstituimin e Kuvendit. Ajo tha se këtë vendim e ka marrë pasi gjyqtar i si i rastit ishte caktuar gjyqtari Radomir Laban, një person që sipas Osmanit përbën rrezik kombëtar.

“Sot e kam tërhequr zyrtarisht kërkesën e paraqitur më 22 korrik. Vendimi vjen pasi mora konfirmimin se Radomir Laban është caktuar raportues – një person për të cilin institucionet e sigurisë kanë dhënë informacione shqetësuese në vitet 2018, 2021 dhe 2024,” – u shpreh Osmani në një konferencë për media.

Ajo shtoi se përfshirja e Labanit në këtë rast përbën rrezik për sigurinë kombëtare dhe bie ndesh me parimet kushtetuese të vendit.

Radomir Laban është anëtar i Gjykatës Kushtetuese që nga viti 2018, i propozuar nga Lista Serbe dhe i emëruar nga ish-presidenti Hashim Thaçi. Në të njëjtin vit, ai ishte shpallur fajtor për marrje ryshfeti nga një gjykatë serbe dhe ishte dënuar me gjashtë vjet burg. Edhe pse Serbia kërkoi arrestimin e tij përmes EULEX-it, kjo nuk ndodhi, pasi misioni pretendoi se nuk kishte mandat për një veprim të tillë.

Presidentja Osmani theksoi se përfshirja e një personi me të kaluar problematike në një çështje kaq të ndjeshme rrezikon seriozisht integritetin e institucioneve dhe vetë procesin kushtetues.

The post Moskonstituimi i Kuvendit, Osmani tërheq kërkesën e bërë në Gjykatën Kushtetuese: Më vendosën një gjyqtar serb! appeared first on Albeu.com.

Ditën e mërkurë vendi ynë do të ndikohet nga kushte atmosferike relativisht të qëndrueshme.

Moti parashikohet i kthjellët e me vranësira mesatare e hera-herës deri të dendura në orët e mesditës në relievet malore në verilindje e juglindje.

Vranësirat do të shoqërohen me reshje shiu me intensitet të ulët në zonën lindore të vendit, kryesisht në relievet malore, ndërsa pjesa tjetër e territorit parashikohet pa reshje.

Temperaturat maksimale do të arrijnë deri në 36 gradë celcius, ndërsa ato minimale në 14 gradë celcius.

Era do të fryjë me drejtim verilindje – veriperëndim me shpejtësi mesatare 7m/s, ndërsa në zonat luginore dhe përgjatë vijës bregdetare hera-herës do të fitojë shpejtësi 7-14m/s.

Valëzimi në det do të jetë i forcës 1-3 ballë.

The post Parashikimi i motit për ditën e nesërme, ja çfarë pritet të ndodhë me temperaturat appeared first on Albeu.com.

Këngëtarja e dashur për publikun, Anxhela Peristeri, ka dhënë së fundmi një intervistë për “Pushime On Top” me Eni Shehun. Moderatori i njohur e ka nisur duke i bërë komplimente për look-un, ku e ka pyetur edhe sa kilogramë ka humbur.

Anxhela nuk ngurroi që të tregonte se kishte rënë 10 kilogramë në mënyrë të shëndetshme, me palestër dhe regjim ushqimor. Ajo shtoi se nuk ka përdorur asnjë gjilpërë dhe nuk ia rekomandon askujt. Artistja vijoi duke thënë se nuk ka përdorur ndonjë dietë specifike, thjesht ka hequr sheqerin, bukën dhe ëmbëlsirat.

Pjesë nga intervista:

Ti dukesh shumë e bukur, shumë e dobësuar, nuk e di nëse është mirë t’u thuash vajzave këto komplimente në lidhje me peshën?

Unë nuk e kam problem, mund t’a thuash

Dukesh yll, sa kilogramë ke humbur?

Në fakt jam munduar, ka 8 muaj. Kam humbur 10 kg, por në mënyrë shumë të shëndetshme, shumë ngadalë, me palestër dhe regjim ushqimor, me asnjë gjilpërë, nuk ua rekomandoj.

Ke patur ndonjë eksperiencë?

Jo asnjëherë

Por i ke frikë nga natyra?

Mendoj se nuk duhet t’i fusësh trupit gjëra që s’ke pse, ndërkohë që me vullnet mund të arrish gjithçka.

Po nga ana e performancës?

E kam ndjerë veten më energjike

Më të lehtë?

Palestra më ka ndihmuar shumë në këtë pjesë, sepse e ndjen veten më energjike, më të çlodhur

Po dietën?

Asgjë, nuk kam bërë ndonjë dietë specifike, përveçse kam hequr gjërat e bardha, sheqer, bukë, ëmbëlsira.

Nga çfarë tundohesh ti Anxhela së fundmi?

Së fundmi nga plazhi

The post Anxhela Peristeri zbulon ‘sekretin’ e rënies në peshë appeared first on Albeu.com.

Rreth 20 mijë maturantë patën kohë deri më 3 gusht që të përzgjidhnin 10 nga programet e studimit që ata preferojnë të vazhdojnë.

Por, ndryshe nga vitet e kaluara ku degët e Mjekësisë kanë qenë më të lakmuara, këtë vit të ri akademik Informatika dhe Inxhinieritë janë fushat më të zgjedhura nga maturantët të cilët prej tetorit do të marrin statusin e studentit.

Mësohet se 30% e maturantëve kanë përzgjedhur degët e Informatikës dhe Inxhinierisë, ndërsa vetëm 17% prej tyre kanë përzgjedhur ato të Mjekësisë.

Ajo që mund të thuhet me bindje të plotë është fakti se të rinjtë çdo vit dhe më tepër i kanë sytë nga Teknologjia e Informacionit dhe Inxhinieritë.

Kjo prirje e të rinjve drejt këtyre degëve, reflekton zhvillimet globale të tregut të punës dhe rritjen e kërkesës për profesionistë në fushat teknologjike dhe inxhinierike, duke i bërë këto degë jo vetëm të preferuara, por edhe më të leverdishme për të ardhmen.

The post Maturantët me sytë nga Teknologjia dhe Inxhinieritë, largohen nga Mjekësia appeared first on Albeu.com.

Autoritetet serbe kanë arrestuar edhe një tjetër shtetas kosovar, njoftoi të martën Ministria e Punëve të jashtme dhe Diasporës e Kosovës (MPJD). Në një njoftim në Facebook, MPJD tha se Behar Preniqi u ndalua të hënën në pikën kufitare Batrovi, në kufirin ndërmjet Kroacisë dhe Serbisë. Nuk është e qartë se për çfarë akuzash u ndalua Preniqi, dhe Ministria tha se u ka dërguar kërkesë zyrtare autoriteteve serbe për të sqaruar arsyet e ndalimit të tij.

“Ministria e Punëve të Jashtme dhe Diasporës e Kosovës shpreh shqetësimin e thellë lidhur me intensifikimin e rasteve të arrestimeve arbitrare dhe të paprovokuara të qytetarëve të Republikës së Kosovës nga autoritetet e Serbisë”, thuhet në njoftim.

Ministria tha se arrestimi i Preniqit përbën “një tjetër dëshmi të qartë të praktikave të papranueshme dhe destruktive të autoriteteve serbe, të cilat bien në kundërshtim të hapur me të drejtën ndërkombëtare dhe me standardet themelore për mbrojtjen e të drejtave të njeriut”.

Ajo tha se Zyra Ndërlidhëse e Kosovës në Serbi ka kontaktuar familjen e Preniqit dhe se është angazhuar përmes kanaleve diplomatike dhe zyrtare për të siguruar informacione të sakta dhe të plota lidhur me këtë rast. Ministria tha se për arrestimin e tij i ka njoftuar edhe delegacionin e Bashkimit Evropian në Serbi si dhe misionet diplomatike të vendeve të QUINT-it.

“I bëjmë thirrje Bashkësisë Ndërkombëtare që të reagojë zëshëm dhe me vendosmëri ndaj praktikave represive të Serbisë, të cilat janë në kundërshtim me parimet themelore të të drejtës ndërkombëtare dhe me konventat ndërkombëtare për të drejtat e njeriut”, thuhet në njoftim.

Ministria e përsëriti thirrjen për shtetasit e Kosovës që ta shmangin udhëtimet përmes territorit të Serbisë. Arrestimi i Preniqit është më i fundit në një varg arrestimesh të shtetasve kosovarë gjatë udhëtimit transit nëpër Serbi në vitetet e fundit. Tensionet mes dy vendeve janë rritur pasi edhe Kosova ka arrestuar shtetas të Serbisë, përfshirë zyrtarin Igor Popoviç. Ndaj Popoviç, ndihmësit të drejtorit të Zyrës për Kosovën në Qeverinë serbe, autoritetet kosovare ngritën aktakuzë të martën për “nxitje të përçarjes dhe mosdurimit”./ REL

The post Serbia arreston një tjetër person nga Kosova, ministria e Punëve të jashtme dhe Diasporës: Një tjetër dëshmi e praktikave destruktive appeared first on Albeu.com.

Dashi

Jeni në një fazë të plotë rikuperimi, pavarësisht ndikimit të kundërt të planetit Mars. Me gjasë mund të shfrytëzoni momentin për t’u rikthyer në lojë, për të jetuar dhe për të pasur një eksperiencë të mirë personale. Dashuria mund të kthehet protagoniste e ditës.

Demi

Venusi do të ketë ndikim të kundërt, por gjithsesi dashuria do të rezistojë ndaj tij. Mundohuni që të hiqni dorë nga përgjegjësitë, sidomos nëse keni konflikte në familje. Bëni mirë të rigjeni qetësinë, edhe pse nuk do e keni të lehtë.

Binjakët

Në javët në vijim, gjërat do të vijnë duke u përmirësuar. Ndaj mundohuni që të mos e teproni me kritikat, sidomos gjatë së mërkurës dhe të enjtes. Jeni të lodhur por kjo gjë është normale, duke mbajtur parasysh se po bëni shumë gjëra njëkohësisht. Bëni mirë që të mbani nën kontroll debulesën fizike.

Gaforrja

Do të keni mundësi që të rikuperoni kohën e humbur. Bëni mirë që të shfrytëzoni energjinë e favorshme në sferën profesionale, pasi ka probleme që kërkojnë zgjidhje. Jepuni më shumë hapësirë ndjenjave.

Luani

Jeni në kërkim të pak më shumë qetësie. Mundohuni që të mos bëni shumë gjëra njëherësh, pasi Hëna dhe Dielli nuk do të jenë në anën tuaj. Kush ka pasur një problem shëndetësor, do arrijë që të rikuperohet.

Virgjëresha

Jeni të stresuar për shkak të problemeve që kanë të bëjnë me punën. Yjet janë në anën tuaj, veç bëni kujdes pasi mesjava do të vërë në rrezik raportet ndërpersonale. Veproni me maturi.

Peshorja

Saturni do të ketë ndikim të kundërt në shenjën tuaj dhe ndoshta në punë do të hasni në një ngarkesë të madhe. Ditët në vijim do të jenë shumë interesante sa i takon ndjenjave.

Akrepi

Duhet të bëni zgjedhje të rëndësishme, pasi ka disa aspekte thelbësore që kërkojnë zgjidhje në dashuri ose në punë. Sfera sentimentale do të vijë drejt përmirësimit. Dashuritë e reja janë mjaft të favorshme.

Shigjetari

Mund ta gjeni veten të dashuruar krejt papritur. Qielli do të jetë mjaft i favorshëm për gjithë ata që duan të rikthehen në lojë, shkruan noa.al. Persona interesantë do ju vijnë rrotull.

Bricjapi

Situata astrologjike parashikohet e ngarkuar me mendime. Mbani parasysh se shumë nyje do të zgjidhen brenda këtij viti, edhe pse nuk do të jetë e lehtë. Mundohuni që të vini gjërat në rregull, pasi ka zgjedhje që duhen bërë brenda pak javësh.

Ujori

Mundohuni që të mos jeni konfuz gjatë kësaj të marte. Personat më të tensionuar do të tregohen të matur lidhur me ndjenjat. Në punë do të jeni nën stres, si pasojë e një çështje që ka të bëjë me paratë.

Peshqit

Gjatë kësaj dite mund të ndiheni të frymëzuar. Mundohuni që të jeni më mirë, sa i takon anës fizike. Dashuria është në qoshe dhe mundësitë nuk do të vonojnë të vijnë. Nuk është një periudhë e vështirë, por sërish ju do të jeni nervoz.

The post Horoskopi 5 Gusht, ja çfarë kanë parashikuar yjet për ju appeared first on Albeu.com.

Ndër përbërësit natyralë që janë dashur me kalimin e kohës për vetitë e tyre të dobishme në kujdesin e lëkurës, përfshihet edhe mjalti.

I pasur me enzima, vitamina, antioksidantë dhe minerale, është një thesar i vërtetë për ata prej jush që kërkojnë kujdes natyral pa aditivë kimikë.

Pse duhet të përdorni mjaltë në kujdesin e lëkurës?

Mjalti vepron si një hidratues natyral, duke ruajtur lagështinë dhe duke e lënë lëkurën tuaj të butë dhe elastike. Në të njëjtën kohë, ai ofron një eksfolim të butë, duke hequr qelizat e vdekura dhe duke ju dhënë një lëkurë më të pastër, më të freskët dhe më të shndritshme. Falë vetive të tij antibakteriale dhe anti- inflamatore, ai mund të ndihmojë në luftimin e akneve, acarimit dhe skuqjes, ndërsa antioksidantët e tij mbrojnë lëkurën nga plakja e parakohshme dhe dëmtimet e përditshme mjedisore.

Si mund ta përdorni?

Mjalti është jashtëzakonisht i gjithanshëm dhe përshtatet lehtësisht me rutinën tuaj të kujdesit për lëkurën. Ja disa mënyra:

Si maskë për fytyrën: Aplikoni një shtresë të hollë mjalti të papërpunuar në lëkurë të pastër dhe lëreni për 15-20 minuta.

Shpëlajeni me ujë të vakët dhe shijoni butësi dhe hidratim të menjëhershëm. Në kombinim me përbërës të tjerë natyralë : Provojeni me bollgur për eksfolim, me kos për qetësim ose me disa pika limoni për shkëlqim. Nëse keni lëkurë të thatë, shtoni pak vaj ulliri ose bajamesh.
Për zona të thata ose të çara: Mjalti mund të përdoret në mënyrë topike në buzë, bërryla ose thembra për lehtësim të menjëhershëm.

Maskë me mjaltë për lëkurë të butë dhe të hidratuar

Çfarë lloj mjalti duhet të zgjidhni?

Për përfitim maksimal, zgjidhni mjaltë të papërpunuar dhe të papërpunuar, i cili ruan të gjitha enzimat e tij natyrale. Për diçka edhe më të fuqishme, provoni mjaltin Manuka, i njohur për vetitë e tij të përforcuara antimikrobike dhe shëruese.

Këshilla para përdorimit

Është një ide e mirë të bëni një provë të vogël në kyçin e dorës përpara se të aplikoni mjaltin në fytyrë, veçanërisht nëse keni lëkurë të ndjeshme ose alergji. Mjalti është përgjithësisht i sigurt, por çdo lloj lëkure është i ndryshëm. Nëse jeni duke kërkuar një mënyrë të thjeshtë, natyrale dhe efektive për t’u kujdesur për lëkurën tuaj, mjalti meriton një vend në banjën tuaj. Me vetëm disa minuta në javë, mund t’i jepni lëkurës suaj hidratim të thellë, eksfolim të butë dhe një shkëlqim natyral – të gjitha nga një përbërës i vetëm që ndoshta e keni tashmë në kuzhinën tuaj.

The post Mjalti, sekreti natyral për një lëkurë të shëndetshme dhe të shkëlqyeshme appeared first on Albeu.com.

Kompania Tesla ka vendosur t’i japë CEO-së së saj, Elon Musk, një pako aksionesh me vlerë 29 miliardë dollarë, me qëllim që ta mbajë në drejtimin e kompanisë.

Ky vendim vjen pas anulimit nga një gjykatë amerikane të një pakete shpërblimi prej 56 miliardë dollarësh të miratuar në vitin 2018, duke e cilësuar atë si të padrejtë ndaj aksionerëve. Musk ka apeluar këtë vendim të Gjykatës së Delaware, të dhënë në vitin 2024.

Paketa e mëparshme ishte e lidhur me objektiva të qarta si kapitalizimi i tregut, të ardhurat dhe fitimet, të cilat Musk i kishte përmbushur të gjitha.

Në njoftimin e saj të së hënës drejtuar aksionerëve, Tesla shprehet se është “e bindur që aksionet në vlerë 29 miliardë dollarë do ta motivojnë Elon që të qëndrojë në kompani”, sidomos në një kohë kur “lufta për talentet në fushën e inteligjencës artificiale po ashpërsohet”.

Kjo pako e re do të forcojë edhe ndikimin e Musk në bord, duke i rritur të drejtat e votës.

“Është jetike të ruajmë dhe motivojmë talentet tona më të mira, duke filluar nga Elon”, tha bordi drejtues i Tesla në një postim në X. Ata shtuan se “asnjë tjetër nuk e përmbush kombinimin e përvojës drejtuese dhe njohurive teknike që ka Elon Musk”.

Sipas kompanisë, Musk ka një “historik të provuar në ndërtimin e bizneseve revolucionare dhe fitimprurëse”.

Megjithatë, Tesla sqaroi se nëse gjykata vendos të rikthejë në fuqi paketën e vitit 2018, Musk do të heqë dorë nga paketa e re prej 29 miliardë dollarësh.

The post Tesla i jep Elon Musk aksione me vlerë 29 miliardë dollarë për ta mbajtur në drejtimin e kompanisë appeared first on Albeu.com.

Holanda është vendi i parë që mbështet financiarisht mekanizmin PURL (Lista e Kërkesave të Prioriteteve të Ukrainës) të NATO-s për dërgimin e armëve në Ukrainë, duke paguar 500 milionë euro, njoftoi sot Ministri holandez i Mbrojtjes, Ruben Brekelmans.

“Ukraina ka nevojë urgjente për përforcime dhe municione të mbrojtjes ajrore”, tha Brekelmans në një postim në Platformën X, duke shtuar se vendi i tij do të ofrojë 500 milionë euro për dërgimin e sistemeve amerikane të armëve (përfshirë raketat Patriot).

“Kjo do ta ndihmojë Ukrainën të mbrojë veten dhe pjesën tjetër të Evropës nga sulmet ruse”, tha ai. Një deklaratë e publikuar në faqen e internetit të Ministrisë Holandeze të Mbrojtjes tha, ndër të tjera, se vendet e tjera janë zotuar të mbështesin programin e ri.

Sipas programit, Ukraina do të jetë në gjendje të tërheqë pajisje ushtarake nga rezervat e forcave të armatosura të SHBA-së, për të cilat do të paguajnë shtetet e tjera anëtare të NATO-s. SHBA-të po japin ndihmë ushtarake në paketa me vlerë rreth 500 milionë dollarë, të cilat përfshijnë sisteme armësh dhe municione të përshtatura për nevojat e Ukrainës.

Presidenti i SHBA-së Donald Trump tha muajin e kaluar se SHBA-të po shqyrtonin dërgimin e armëve në Ukrainë që do të financoheshin nga aleatët evropianë, pa hyrë në detaje të mëtejshme në atë kohë.

The post Holanda vendi i parë që depoziton 500 milionë euro në mekanizmin e NATO-s për të financuar armët për Ukrainën appeared first on Albeu.com.

Një aksident automobilistik ka ndodhur në rrugën e unazës së madhe të qytetit të Vlorës, në zonën e Centrales.

Një motor është përplasur nga një makinë me targa italiane drejtuar nga një shtetas i huaj.

Mjeti i llojit foristradë që është përplasur me motorin. Si rrjedhojë e aksidentit ka mbetur i plagosur drejtuesi i motorit.

Ai është transportuar me urgjencë në spital ndersa ndodhet jashte rrezikun per jeten. Ndërkohë që aksidenti ka bërë që të ketë pengesa në qarkullimin rrugor përgjatë gjithë aksit.

The post Aksident në Vlorë/ Makina përplas motorin, një i plagosur appeared first on Albeu.com.

Një ngjarje e rëndë u regjistrua mbrëmjen e sotme në Vaun e Dejës ku 65-vjeçari Frrok Lleshaj është gjetur i vrarë me armë zjarri.

Lleshaj, ish efektiv i policisë së shteti u gjet i vrarë në rrugë në fshatin Paçram të Shkodrës. Mësohet se 65-vjeçari ka qenë i dënuar më parë më 25 vite burg pasi para 20 vitesh ka ekzekutuar me armë zjarri kushëririn e tij Dode Lleshaj.

Pasi ka vuajtur dënimin me 18 vite burgi, Frrok Lleshaj para dy vitesh, më 16 mars 2023 ishte liruar nga burgu.

“Me vendim nr.37, date 17.03.2006 Gjykatës Shkodër dënuar 25 vite burgim për Vrasje me dashje dhe është liruar më datën 16.03.2023 nga IEVP Shkodër.”

Policia ka mbërritur në vendin e ngjarjes ku po punon për zbardhjen e vrasjes si dhe identifikimin dhe kapjen e autorit/ëve. Pista kryesore e hetimit është gjakmarrja.

The post EMRAT/ U gjet i vrarë me armë zjarri në rrugë, ish-efektivi i policisë 20 vite më parë ekzekutoi kushëririn e tij appeared first on Albeu.com.

Agjencia Kombëtare e Mbrojtjes Civile (AKMC) informoi të hënën se në orët e fundit janë shfaqur tetë vatra zjarri në të gjithë vendin. Nga këto, një është shuar, ndërsa shtatë mbeten ende aktive.

Zjarri në fshatin Vashtëmi, në bashkinë Maliq, është vënë nën kontroll dhe është shuar plotësisht. Megjithatë, situata mbetet shqetësuese në disa zona të tjera. Sipas AKMC-së, vatrat e zjarrit janë ende aktive në:

Gurë-Lurë, bashkia Dibër (Parku Kombëtar Lurë), ku zjarri po izolohet dhe është nën kontroll.

Skërficë, bashkia Delvinë, ku efektivët zjarrfikës dhe Forcat e Armatosura po punojnë thellë në zonën e djegur për të izoluar vatrat e mundshme.

Në terren janë angazhuar mbi 25 efektivë të Forcave të Armatosura, zjarrfikës, punonjës të shërbimit pyjor dhe mjete zjarrfikëse, të cilët po punojnë në koordinim të plotë me autoritetet vendore për të vënë situatën nën kontroll.

Agjencia e Mbrojtjes Civile u bën thirrje banorëve që të tregohen të kujdesshëm, të shmangin ndezjen e zjarreve dhe të raportojnë menjëherë çdo vatër të re.

The post Regjistrohen tetë vatra zjarri në vend, shtatë mbeten aktive appeared first on Albeu.com.

Një ngjarje e rëndë është regjistruar mbrëmje ne kësaj të hënë ne Vaun e Dejës ku një shtetas është gjetur i vrarë.

Sipas njoftimit të Policisë, mësohet se rreth orës 21:00, në fshatin Poçram, është gjetur në mes të rrugës pa shenja jete shtetasi F.Ll, 65 vjeç.

Dyshohet se 65-vjeçari është vrarë me armë zjarri dhe është lënë i vdekur në rrugë. Policia ndodhet në vendin e ngjarjes dhe po punon për zbardhje ne plotë të kësaj ngjarje si dhe identifikimin dhe kapjen e autorit/ëve.

Njoftimi i plotë i Policisë:

Vau i Dejës / Informacion paraprak

Rreth orës 21:00, në fshatin Paçram, Vau i Dejës, në rrugë është gjetur pa shenja jete shtetasi F. Ll., 65 vjeç, i cili dyshohet se është vrarë me armë zjarri.

Shërbimet e Policisë ndodhen në vendngjarje.

Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve.

The post Tronditëse në Vaun e Dejës, 65-vjeçari vritet me armë zjarri dhe lihet i vdekur në mes të rrugës appeared first on Albeu.com.

Kryeministri i Izraelit, Benjamin Netanyahu, ka ndërmarrë vendimin drastik për të pushtuar plotësisht Gazën. Sipas asaj që mediat e huaja raportojnë mësohet se Netanyahu ka konfirmuar këtë të hënë se është marrë një vendim për pushtimin e plotë të Rripit të Gazës, duke përfshirë operacionet ushtarake në zonat ku besohet se mbahen pengjet.

“Ne po angazhohemi për të çliruar Gazën nga tirania e këtyre terroristëve”, tha Netanyahu në një video-adresim të postuar në X.

“Shumë banorë të Gazës vijnë tek ne dhe thonë ‘Na ndihmoni të çlirohemi. Na ndihmoni të çlirohemi nga Hamasi’ dhe kjo është ajo që ne do të bëjmë”, shtoi ai.

Gjithashtu edhe Zyra e Kryeministrisë në një mesazh drejtuar Shefit të Shtabit i vendosi ultimatum që nëse nuk bie dakord atëhere le të japë dorëheqjen.

“Nëse kjo nuk ju përshtatet, atëherë duhet të jepni dorëheqjen”, mësohet të jetë mesazhi që Zyra e Kryeministrit i ka dërguar Gjeneralit Eyal Zamir.

Netanyahu dhe Zamir kanë qenë në kundërshtim me mënyrën se si po zhvillohet lufta në Gaza, me tensione që “kanë arritur kulmin” këtë të hënë.

Njoftimi i Netanyahut vjen pas muajsh bisedimesh të dobëta në Katar midis Izraelit dhe Hamasit, ndërsa ndërmjetësuesit përpiqen të kapërcejnë pengesat nga të dyja palët dhe të arrijnë një armëpushim dhe një marrëveshje për lirimin e pengjeve, ndërsa situata humanitare në Rrip përkeqësohet.

The post Nuk ka paqe! Benjamin Netanyahu merr vendimin drastik: Do të pushtojmë plotësisht Gazën appeared first on Albeu.com.