BEOGRAD, 17 gusht /ATSH-DPA/ – Në ditën e katërt radhazi, protestat kundër qeverisë serbe u shoqëruan sërish me dhunë.

Dje në mbrëmje, trazirat më të rënda ndodhën në qytetin qendror të Valjevës, ku kundërshtarët e qeverisë i vunë flakën zyrës së Partisë Progresive Serbe (SNS) dhe dëmtuan ndërtesat e administratës së qytetit dhe zyrën e prokurorit publik lokal.

Zemërimi i demonstruesve në qytetin 100 kilometra në jugperëndim të Beogradit ishte drejtuar kundër faktit se dy ditë më parë, njerën nga partia në pushtet SNS kishin shkatërruar një kafene në pronësi të një simpatizanti të lëvizjes protestuese.

Po atë natë, njerëzit e SNS sulmuan punishten e babait të një aktivisti studentor dhe rrahën keq operatorin e saj deri në shtrimin në spital.

Autoritetet nuk ndërmorën asnjë hap për të ndjekur penalisht këto akte dhune.

Kundërshtarët e qeverisë demonstruan në qytete të shumta në të gjithë Serbinë gjatë natës.

Përleshje me policinë ndodhën edhe në periferi të Beogradit.

Ministri i Brendshëm, Ivica Daçiç tha pak para mesnatës se një polic u plagos dhe se 18 demonstrues ishin arrestuar.

Autoritetet serbe nuk dhanë informacion mbi numrin e protestuesve të plagosur.

Serbët kanë demonstruar pothuajse çdo ditë kundër Vuçiçit që prej më shumë se nëntë muajsh.

Shkaku i protestave ishte shembja e një tendë stacioni të rinovuar rishtazi në qytetin verior të Novi Sadit më 1 nëntor 2024, e cila rezultoi në vdekjen e 16 personave.

Ekspertë të pavarur dhe anëtarë të opozitës fajësojnë neglizhencën dhe korrupsionin nën qeverinë e Vuçiçit./ a.jor.

The post SERBI – Sërish dhunë gjatë protestave kundër qeverisë appeared first on Agjencia Telegrafike Shqiptare.

KIEV, 17 gusht /ATSH-ANSA/ – Presidenti ukrainas, Volodymyr Zelensky dënoi refuzimin e Rusisë për të rënë dakord për një armëpushim, për të cilin ai beson se e ndërlikon situatën në arritjen e planit të paqes të mbështetur nga presidenti amerikan, Donald Trump, pas takimit të tij me Putinin në Alaska.

“Ne shohim që Rusia po hedh poshtë thirrjet e shumta për armëpushim dhe ende nuk ka vendosur se kur do të ndalojë së vrarësh”, shkroi ai në median sociale.

”Kjo e ndërlikon situatën”, shtoi ai.

”Nëse nuk është e gatshme të ndjekë një urdhër të thjeshtë për të ndërprerë armiqësitë, mund të nevojiten përpjekje të konsiderueshme për ta shtyrë Rusinë të zbatojë diçka shumë më të rëndësishme, bashkëjetesën paqësore me fqinjët e saj për dekada të tëra”, theksoi Zelensky./ a.jor.

The post KIEV – Zelensky: Refuzimi i Moskës për armëpushim ndërlikon situatën appeared first on Agjencia Telegrafike Shqiptare.

UASHINGTON, 17 gusht /ATSH-ANSA-DPA/ – Presidenti amerikan, Donald Trump dëshiron të mbajë shumë shpejt një samit me Putinin dhe Zelenskyn.

Ai kërkon që ky samit të zhvillohet të premten, më 22 gusht.

Dy burime të informuara ia thanë këtë korrespondentit të ”Axios” në Uashington, Barak Ravid.

Trump dhe Putin zhvilluan bisedime të drejtpërdrejta në Alaskë, të cilat zgjatën dy orë e 45 minuta.

Ata shoqëroheshin në këtë takim nga këshilltarët e tyre më të lartë.

Sidoqoftë, samiti përfundoi pa asnjë marrëveshje./ a.jor.

The post SHBA – Trump kërkon një samit më 22 gusht me Putinin dhe Zelenskyn appeared first on Agjencia Telegrafike Shqiptare.

MYNIH, 17 gusht /ATSH-DPA/ – Një familje harroi njërin nga dy djemtë e saj në një pikë karburanti, ndërsa udhëtonte me makinë për pushime në Austri, tha policia gjermane.

Familja nga qyteti perëndimor i Offenburgut kishte ndaluar për karburant në autostradën A8 pranë Holzkirchen në Bavari.

Më i vogli nga dy djemtë shkoi në tualet, ndërsa prindërit vazhduan drejt Austrisë, me vëllain e tij që flinte.

Vetëm pas rreth gjysmë ore nëna dhe babai kuptuan se vetëm njëri nga djemtë e tyre ishte në makinë.

Kur ata telefonuan policinë, oficerët i qetësuan shpejt, pasi 10-vjeçari ishte afruar te stafi në stacion, të cilët më pas kontaktuan policinë.

Djali u lejua të hipte në një makinë patrullimi deri në stacionin e policisë, ku prindërit e tij e morën.

Sipas policisë, djali e zotëroi qetësisht situatën./ a.jor.

The post SOFT NEWS – A mund ta harrosh fëmijën në një pikë karburanti? appeared first on Agjencia Telegrafike Shqiptare.

IZRAEL – Grevë kombëtare e thirrur nga familjet e pengjeve.

XHAKARTË (Indonezi) – 80-vjetori i Pavarësisë së Indonezisë.

SINGAPOR (Singapor) – Kryeministri Lawrence Wong mban një fjalim të rëndësishëm politik.

ANTANANARIVO (Madagaskar) – Samiti i Komunitetit të Zhvillimit të Afrikës Jugore (SADC).

BOLIVI – Zgjedhje presidenciale dhe legjislative./  a.jor.

The post AXHENDA NDËRKOMBËTARE 17/8/2025 appeared first on Agjencia Telegrafike Shqiptare.

DUBLIN (Irlandë) – ”Oasis” në koncertin e parë, nga dy të tillë, në Irlandë për të mbyllur turneun e tyre “Live’25”.

KANADA – Grevë e mundshme nga ekuipazhi i ”Air Canada”.

MONTREAL (Kanada) – Konferenca e Përbashkët Ndërkombëtare mbi Inteligjencën Artificiale (IJCAI).

TRIPOLI (Libi) – Zgjedhje komunale në më shumë se 50 zona zgjedhore në të gjithë Libinë.

BRAZILIA (Brazil) – Ish-presidenti Jair Bolsonaro i nënshtrohet testeve mjekësore në spital./  a.jor.

The post AXHENDA NDËRKOMBËTARE 16/8/2025 appeared first on Agjencia Telegrafike Shqiptare.

ANCHORAGE, 16 gusht /ATSH-DPA/ – Presidenti i SHBA-së Donald Trump tha se planifikon të flasë me aleatët e NATO-s, si dhe me presidentin ukrainas, Volodymyr Zelensky, pas takimit të tij me presidentin rus Vladimir Putin në Alaska.

“Nuk ka marrëveshje derisa të ketë një marrëveshje”, u tha Trump gazetarëve pas samitit.

“Do t’i telefonoj NATO-s pas pak, do të telefonoj njerëz të ndryshëm që mendoj se janë të përshtatshëm dhe sigurisht, do të telefonoj presidentin Zelensky dhe do t’u tregoj për takimin e sotëm”, tha presidenti i SHBA-së.

“Në fund të fundit, varet prej tyre”, shtoi ai, pa dhënë detaje të mëtejshme mbi bisedimet./ a.jor.

The post ANCHORAGE – Trump: Do të informoj NATO-n dhe Zelenskyn pas samitit të Alaskës me Putinin appeared first on Agjencia Telegrafike Shqiptare.

ANCHORAGE, 16 gusht /ATSH-AFP/ – Presidenti amerikan, Donald Trump dhe homologu i tij rus, Vladimir Putin u larguan nga baza ushtarake amerikane në Alaska, ku mbajtën një samit që zgjati më shumë se tri orë.

Ai u përqendruar në luftën në Ukrainë.

Asnjë detaj nuk u publikua mbi përmbajtjen e diskutimeve.

Aeroplanët e dy udhëheqësve u ngritën pak pas orës 16:00 sipas orës lokale (00:00 GMT të shtunën), sipas pamjeve video të AFP.

Konferenca për shtyp pas takimit midis Donald Trump dhe Vladimir Putin përfundoi pa pranuar pyetje nga gazetarët, të cilët kishin mbërritur në Alaskë në numër të madh.

Pas takimit të tyre gati treorësh, presidenti rus foli i pari me shtypin, në kundërshtim me protokollin tradicional, i cili dikton që udhëheqësi pritës të flasë i pari.

Pavarësisht pyetjeve nga gazetarët, të grumbulluar në një dhomë të rregulluar posaçërisht, presidenti amerikan thjesht i shtrëngoi dorën homologut të tij rus për të përfunduar konferencën për shtyp./ a.jor.

The post ANCHORAGE – Trump dhe Putin largohen nga Alaska pas takimit të tyre appeared first on Agjencia Telegrafike Shqiptare.

ANCHORAGE, 16 gusht /ATSH-AFP/ – Konferenca për shtyp pas takimit midis Donald Trump dhe Vladimir Putin përfundoi pa pranuar pyetje nga gazetarët, të cilët kishin mbërritur në Alaskë në numër të madh.

Pas takimit të tyre gati treorësh, presidenti rus foli i pari me shtypin, në kundërshtim me protokollin tradicional, i cili dikton që udhëheqësi pritës të flasë i pari.

Pavarësisht pyetjeve nga gazetarët, të grumbulluar në një dhomë të rregulluar posaçërisht, presidenti amerikan thjesht i shtrëngoi dorën homologut të tij rus për të përfunduar konferencën për shtyp./ a.jor.

The post ANCHORAGE – Trump dhe Putin përfundojnë konferencën për shtyp pa pranuar pyetje nga gazetarët appeared first on Agjencia Telegrafike Shqiptare.

ANCHORAGE, 16 gusht /ATSH-AFP/ – Presidenti amerikan, Donald Trump tha se takimi i tij me homologun rus, Vladimir Putinin në Alaska kishte qenë “produktiv”.

Ai përshëndeti “progresin e madh” të bërë.

Presidenti amerikan tha në një deklaratë për shtyp, së bashku me homologun e tij rus, se ata do të telefononin menjëherë udhëheqësit e NATO-s si dhe presidentin ukrainas, Volodymyr Zelensky “për të diskutuar takimin e sotëm”.

Ndërkohë, presidenti rus Vladimir Putin u bëri thirrje Kievit dhe aleatëve të tij evropianë të mos “krijojnë pengesa” për përpjekjet për të gjetur një zgjidhje për konfliktin në Ukrainë”.

“Ne supozojmë se Kievi dhe kryeqytetet evropiane do t’i qasen të gjitha këtyre në mënyrë konstruktive dhe nuk do të krijojnë pengesa ose nuk do të përpiqen të minojnë progresin e pritur përmes provokimeve ose intrigave prapa skenave”, tha Putin./ a.jor.

The post ANCHORAGE – Trump: Takimi me Putinin produktiv appeared first on Agjencia Telegrafike Shqiptare.

ANCHORAGE, 16 gusht /ATSH-AFP/ – Presidenti rus Vladimir Putin u bëri thirrje Kievit dhe aleatëve të tij evropianë të mos “krijojnë pengesa” për përpjekjet për të gjetur një zgjidhje për konfliktin në Ukrainë, pas bisedimeve të tij me presidentin e SHBA-së Donald Trump në Alaska.

“Ne supozojmë se Kievi dhe kryeqytetet evropiane do t’i qasen të gjitha këtyre në mënyrë konstruktive dhe nuk do të krijojnë pengesa ose nuk do të përpiqen të minojnë progresin e pritur përmes provokimeve ose intrigave prapa skenave”, tha Putin në një konferencë të përbashkët për shtyp me Trump./ a.jor.

The post ANCHORAGE – Putin: Kievi dhe evropianët të mos krijojnë pengesa për procesin e paqes në Ukrainë appeared first on Agjencia Telegrafike Shqiptare.

ANCHORAGE, 16 gusht /ATSH-DPA/ – Bisedimet e drejtpërdrejta midis presidentit të SHBA-së Donald Trump dhe presidentit rus Vladimir Putin në Alaskë kanë përfunduar, tha Kremlini, të cilat zgjatën dy orë e 45 minuta me këshilltarët e lartë.

”Një konferencë e përbashkët për shtyp është planifikuar”, thanë Shtëpia e Bardhë dhe Kremlini.

Trump e përshëndeti Putinin me një shtrëngim të gjatë duarsh pas mbërritjes së tij në një aeroport ushtarak në Anchorage.

Samiti pritej të përqendrohej në përfundimin e luftës së Rusisë në Ukrainë.

Zëdhënësi i Kremlinit, Dmitry Peskov, tha se Moska priste rezultate reale nga ai që ishte takimi i parë midis Putinit dhe një presidenti të SHBA-së që nga fillimi i pushtimit në vitin 2022.

”Nëse arrihet përparim, një takim pasues mund të përfshijë Ukrainën”, tha ai./ a.jor.

The post ANCHORAGE – Trump dhe Putin përfundojnë pa marrëveshje bisedimet në Alaskë appeared first on Agjencia Telegrafike Shqiptare.

ANCHORAGE (SHBA), 15 gusht /ATSH-ANSA/ – Samiti SHBA-Rusi ka filluar prej më shumë se një ore.

Përveç presidentit Trump, Shtëpinë e Bardhë e përfaqësojnë edhe sekretari i Shtetit, Marco Rubio dhe i Dërguari i Posaçëm Steve Witkoff.

Përveç presidentit Putin, Kremlinin e përfaqësojnë edhe ministri i Jashtëm, Sergei Lavrov dhe këshilltari i Politikës së Jashtme, Yuri Ushakov.

Trump deklaroi më parë se “një armëpushim sot, përndryshe nuk do të jem i kënaqur”.

Ministri i Jashtëm rus, Lavrov deklaroi se “SHBA-ja patjetër do të lehtësojë disa sanksione”.

Ambasadorët e BE-së do të takohen nesër për të diskutuar rezultatin e samitit./  a.jor.

The post ANCHORAGE – Trump dhe Putin bisedime për Ukrainën pas një përshëndetjeje të ngrohtë appeared first on Agjencia Telegrafike Shqiptare.

BRUKSEL, 15 gusht /ATSH-ANSA-AFP/ – Ambasadorët e BE-së do të takohen nesër në mëngjes në orën 09:30 për të diskutuar rezultatin e samitit midis Donald Trump dhe Vladimir Putin.

Ata do të shqyrtojnë edhe marrëdhëniet tregtare BE-SHBA dhe çështjen e tarifave.

Informacioni i sipërcituar u mësua nga burime evropiane në Bruksel.

Samiti midis Trump, Putin dhe këshilltarëve të tyre filloi sot në Alaska.

Pritet që çështja themelore e takimit të jetë ajo e Ukrainës./ a.jor.

The post BRUKSEL – Ambasadorët e BE-së takohen për rezultatet e samitit Trump-Putin appeared first on Agjencia Telegrafike Shqiptare.

NJU ORLINS, 15 gusht /ATSH/ – Një juri e madhe federale akuzoi sot kryetaren e bashkisë së Nju Orlinsit, LaToya Cantrell për konspiracion, mashtrim dhe pengim të një hetim mbi dyshimet se ajo u përpoq të fshihte një marrëdhënie romantike me truprojën e saj, sipas AP.

Aktakuza është kulmi i një hetimi të gjatë federal ndaj kryebashkiakes së parë në historinë 300-vjeçare të qytetit.

Truproja i saj, Jeffrey Vappie kërkoi pafajësinë, pas aktakuzës për mashtrim dhe dhënie deklaratash të rreme.

Ai akuzohet për fshehjen e një marrëdhënieje romantike me Cantrell dhe paraqitjen e të dhënave të rreme të pagave duke pretenduar se ishte në detyrë.

Vappie, i cili doli në pension nga departamenti i policisë vitin e kaluar, është planifikuar të dalë në gjyq në janar.

Prokurorët federalë kanë akuzuar Vappie dhe Cantrell për shkëmbim mesazhesh të koduara përmes një aplikacioni për të shmangur zbulimin dhe më pas për fshirjen e bisedave.

Kryetarja e bashkisë dhe Vappie kanë thënë se marrëdhënia e tyre ishte rreptësisht profesionale.

Prokurori i përkohshëm i SHBA-së, Michael Simpson, e quajti atë një “skemë mashtrimi trevjeçare që ne pretendojmë se shfrytëzuan autoritetin dhe pozicionet e tyre publike”.

”Ata u takuan në një apartament ndërsa Vappie pretendonte se ishte në detyrë, dhe ajo organizoi që Vappie të merrte pjesë në 14 udhëtime”, tha Simpson.

”Në vitin 2021, Cantrell dhe Vappie zhvilluan një marrëdhënie personale dhe intime. Për të fshehur marrëdhënien e tyre dhe për të maksimizuar kohën e tyre së bashku, Cantrell dhe Vappie shfrytëzuan pozicionet e tyre publike për të zhvilluar dhe zbatuar një skemë për të mashtruar qytetin”, thuhet në aktakuzë.

Zyra e kryetares së bashkisë nuk iu përgjigj menjëherë një mesazhi telefonik ose emaili nga ”The Associated Press”, që kërkonte koment për ngjarjen.

Cantrell, e cila ka një mandat të kufizuar, do të largohet nga detyra në janar.

Demokratja është përplasur me anëtarët e Këshillit Bashkiak gjatë një mandati të dytë të trazuar dhe i mbijetoi një përpjekjeje për shkarkim në vitin 2022.

Roli i kryebashkiakes është dobësuar pas ndryshimeve të miratuara nga votuesit në statutin e qytetit që synojnë të kufizojnë autoritetin e saj./ a.jor.

The post SHBA – Kryebashkiakja e Nju Orlinsit paditet për fshehjen e marrëdhënieve me truprojën appeared first on Agjencia Telegrafike Shqiptare.

ANCHORAGE (SHBA), 15 gusht /ATSH-AFP/ – Samiti midis Trump, Putin dhe këshilltarëve të tyre sapo ka filluar.

”Presidenti rus Vladimir Putin shoqërohet nga ministri i tij i Jashtëm dhe këshilltari diplomatik”, tha Kremlini për CNN, pasi takimi fillimisht u njoftua si një takim kokë më kokë.

Zëdhënësi i presidentit rus, Dmitry Peskov i tha kanalit televiziv amerikan se ministri i Jashtëm Sergei Lavrov dhe këshilltari diplomatik Yuri Ushakov do të jenë të pranishëm në samitin me presidentin Trump./ a.jor.

The post ANCHORAGE – Fillon samiti Trump-Putin appeared first on Agjencia Telegrafike Shqiptare.

ANCHORAGE, 15 gusht /ATSH-ANSA/ – Donald Trump dhe Vladimir Putin shtrëngojnë duart në bazën ajrore ”Elmendorf-Richardson” në Anchorage.

Udhëheqësi i Kremlinit u prit nga presidenti amerikan sapo zbriti nga avioni presidencial.

Ky është takimi i parë midis Putinit dhe një presidenti amerikan që kur Putin u takua me Joe Biden në Gjenevë në vitin 2021.

Shtrëngimi i duarve u zhvillua në qilimin e kuq të shtruar për Putinin.

Trump duartrokiti Vladimir Putinin me mbërritjen e tij në Anchorage, duke i dhënë atij një shenjë miratimi.

”Cari” ia ktheu gjestin me një buzëqeshje të ngrohtë.

Donald Trump dhe Vladimir Putin në një makinë së bashku.

Të dy udhëheqësit hipën në një limuzinë që i priste në aeroport.

Të dy, të filmuar nga kamerat, dukeshin duke buzëqeshur.

Vladimir Putin nuk iu përgjigj pyetjeve të medias në lidhje me armëpushimin në Ukrainë.

As presidenti amerikan nuk foli me gazetarët./ a.jor.

The post ANCHORAGE – Trump dhe Putin shtrëngojnë duart para samitit appeared first on Agjencia Telegrafike Shqiptare.

ANCHORAGE (SHBA), 15 gusht /ATSH-AFP/ – Avioni ”Air Force One” i presidentit të SHBA-së, Donald Trump sapo u ul sot në bazën ajrore ”Elmendorf-Richardson” në Alaska, ku është planifikuar të takohet me homologun e tij rus Vladimir Putin për një samit historik që mund të vulosë fatin e Ukrainës së shkatërruar nga lufta.

Ky samit, në kufirin e Shteteve të Bashkuara, i ofron udhëheqësit rus një rikthim dramatik në skenën diplomatike, pasi ai do të përshëndetet nga vetë Donald Trump pas mbërritjes./  a.jor.

The post ANCHORAGE – Trump mbërrin në Alaska për samitin me Putinin appeared first on Agjencia Telegrafike Shqiptare.

UASHINGTON, 15 gusht /ATSH-ANSA/ – Samiti i sotëm mes presidentëve Donald Trump dhe Vladimir Putin është i fundit në një seri kulmesh Shtëpi e Bardhë-Kremlin, përfshirë fundin e Luftës së Dytë, epokën e Luftës Ftohtë dhe rënien e Murit të Berlinit.

Ato janë samite të paharrueshme ballë për ballë, me përzierje tensionesh, por edhe të kimisë personale mes udhëheqësve, që ndoshta shmangën epokën më të errët të historisë bashkëkohore të planetit.

ROOSEVELT – STALIN

Ata ishin fitues ndaj Gjermanisë naziste dhe hodhën themelet për botën e pasluftës në Konferencën e Jaltës, në shkurt 1945, së bashku me kryeministrin britanik, Winston Churchill. Puna për ndarjen e Evropës në dy zona ndikimi, u përfundua pas disa muajsh në Potsdam, në prani të presidentit të ri amerikan, Harry Truman.

KENNEDY – HRUSHOV

Këto janë vitet më të errëta të Luftës së Ftohtë, ato të Perdes së Hekurt dhe përpjekja për të zgjidhje, në Samitin e Vjenës, 1961, dështoi. Menjëherë pas kësaj, ndërtimi i Murit të Berlinit, simbol i një epoke të tërë, dhe kriza e raketave kubane e vitit 1962, që fatmirësisht mënjanoi konfliktin e armatosur.

BREZHNJEV – NIXON

Fillojnë të hidhen themelet e shkrirjes. Nën drejtimin e shkathët të Henry Kissinger, sekretar i Shtetit i SHBA-së, filloi çtensionimi i marrëdhënieve mes dy superfuqive. Takimet janë plot me anekdota, ndërkohë që Nixon është presidenti i parë amerikan në Kremlin dhe Brezhnjevi, lideri i parë sovjetik në Camp David. Në Vladivostok në 1974 dhe në Helsinki në 1975, në vend të kësaj, ishte Gerald Ford ai që takoi Brezhnjevin, në një përpjekje për të kufizuar arsenalet bërthamore.

REAGAN – GORBAÇOV

Ishin ata që korrën shpërblimet e relaksimit të marrëdhënieve ruso-amerikane. Katër samite mes Reaganit dhe Gorbaçovit i dhanë fund efektivisht garës së armatimeve dhe Luftës së Ftohtë. Themelet u hodhën në Rejkjavik në 1986. Në vitin 1989 ndodh rënia e Murit të Berlinit.

CLINTON – JELCIN

Rënia e Bashkimit Sovjetik, me samitin e Helsinkit të vitit 1997 i hapi rrugën Rusisë për pjesëmarrje të plotë në jetën e komunitetit ndërkombëtare duke filluar me praninë në G7.

KOHA E PUTINIT

Këto janë vitet e një tkurrjeje në marrëdhëniet mes Uashingtonit dhe Moskës, në të cilat i kthehemi luftës së spiunëve, por edhe nga një përshkallëzim i sulmeve kibernetike si edhe nga synimet ekspansioniste të Moskës për të kërkuar të ushtrojë ndikim në jetën politike amerikane. Marrëdhëniet e ftohta me Barack Obamën, sidomos pas pushtimit rus të Krimesë. E paqartë, në vend të kësaj, marrëdhënia me Donald Trump, i akuzuar se kishte marrë Shtëpia e Bardhë me ndihmën e Putinit./ a.jor.

The post HISTORI – Samitet ruso-amerikane që ndryshuan historinë e botës appeared first on Agjencia Telegrafike Shqiptare.

UASHINGTON, 15 gusht /ATSH-AFP/ – Presidenti amerikan, Donald Trump foli sot në telefon me udhëheqësin bjellorus Alexander Lukashenko, një aleat i fortë i Vladimir Putin, sipas agjencisë zyrtare bjelloruse të lajmeve, Belta.

Kjo ndodh përpara një samiti shumë të pritur midis presidentëve të SHBA-së dhe Rusisë në Alaskë.

“Lukashenko dhe Trump patën një bisedë telefonike”, raportoi agjencia e lajmeve Belta në Telegram./  a.jor.

The post SHBA – Telefonatë Trump-Lukashenko përpara Samitit të Alaskës appeared first on Agjencia Telegrafike Shqiptare.