Gjesti ka surprizuar ndjekësit duke shfaqur një pamje krejt të re me flokë rozë, një transformim që e ka ndarë vetë në rrjete sociale.

Ky ndryshim tregon një tjetër dimension të stilit të tij personal, duke reflektuar kreativitetin dhe guximin për të eksperimentuar me pamjen.

Ai ka një histori të gjatë të eksperimenteve me flokët, veçanërisht gjatë kohës së tij në Big Brother, ku shpesh provonte ngjyra dhe stilime të ndryshme që e bënin të dallohej.

Transformimi i fundit nuk është thjesht një ndryshim estetik, por edhe një shprehje e natyrës së tij të lirë dhe krijuese, që nuk ndalet para asnjë sfide estetike.

Pamja e re me flokë rozë duket se i jep një energji të freskët dhe të gjallë, duke e treguar sërish si një personazh që nuk frikësohet të eksperimentojë dhe të dalë jashtë normave tradicionale të stilit.

Për këtë pati reagime nga palët e përfshira, ndonëse pritet të shihet në vazhdim.

The post Transformim i guximshëm – Gjesti kthehet me flokë rozë appeared first on Albeu.com.

Pas një ndalese të shkurtër në Firence, këngëtarja vazhdoi të shtunën për në Siena për festivalin Palio di Siena, një garë mesjetare me kuaj midis dy lagjeve të qytetit.

Madonna e ndoqi garën nga Palazzo Pannocchieschi d’Elci, një pallat luksoz me pamje nga Piazza del Campo.

Sipas mediave italiane, festa e ditëlindjes vazhdoi në një hotel me pesë yje në qendrën historike të Sienas.

Kjo nuk është hera e parë që Madonna feston ditëlindjen e saj në Itali. Vitin e kaluar, ajo ishte në Pompei, qytetin e lashtë pranë Napolit.

Madonna Louise Veronica Ciccone, e lindur më 16 gusht 1958 në Bay City, Michigan, është një nga yjet e muzikës më të famshme dhe me ndikim në historinë e kulturës.

Ajo u rrit në një familje katolike me prejardhje italiane dhe franceze, dhe fëmijëria e saj e hershme u formua nga përvoja e humbjes së nënës së saj, e cila vdiq kur Madonna ishte vetëm pesë vjeçe.

Në fillim të viteve 1970, ajo u zhvendos në New York me ambicien për t’u bërë balerinë. Në atë moment, ajo nuk kishte pothuajse asgjë – mbërriti me disa dollarë në xhep dhe një vendosmëri të madhe për të pasur sukses.

Ishte kjo periudhë që formësoi personalitetin dhe qasjen e saj ndaj artit: një etikë e fortë pune, këmbëngulje dhe pa kompromis.

Fillimi i karrierës së saj muzikore u shoqërua me punën në klube dhe bashkëpunimin me grupe të reja muzikore, por ajo shpejt u dallua si një artiste solo që kombinon vallëzimin, meloditë pop dhe një imazh të guximshëm.

The post Madonna feston 67 vjetorin e lindjes në një ngjarje të veçantë në Itali appeared first on Albeu.com.

Aktorja e njohur dhe e dashur për publikun shqiptar, Olta Gixhari, vazhdon të mbetet një ndër emrat më të komentuar në rrjetet sociale.

Së fundmi, ajo po shijon disa ditë pushimi në një destinacion luksoz, prej nga ka ndarë me ndjekësit e saj disa imazhe mjaft tërheqëse.

E veshur me një fustan të shkurtër dhe të ngushtë, Olta ka theksuar linjat e saj trupore, ndërsa dukja e saj provokuese ka marrë vëmendjen jo vetëm të pushuesve në vendin ku ndodhet, por edhe të fansave online.

Postimet e aktores kanë marrë me dhjetëra komente dhe pëlqime, duke dëshmuar edhe një herë popullaritetin e saj të madh në publik.

The post Olta Gixhari mahnit ndjekësit me poza provokuese nga pushimet luksoze appeared first on Albeu.com.

Ledian Spaho avokati i Enedio Gurit ka folur për mediat, pasi gjykata e Korçës dha masat për tetë të arrestuarit për vrasjen e 14-vjeçarit në Pirg të Maliqit. Avokati u shpreh se autori ka shprehur pendesë në sallën e gjyqit duke thënë se nuk donte që veprimet e tij të sillnin këtë pasojë.

“Shpreh ngushëllimet për humbjen e familjarëve. Gjykata vendosi që autori të caktojë masën arrest në burg. Kjo pasojë e krijuar nga konflikt i çastit, edhe pse fëmijë, gjykata vlerësoi të vlefshëm arrestit, edhe për babain E. Guri, po ashtu edhe për xhaxhain. Të miturit e tjerë, gjykata vendosi jo të ligjshëm arrestimin, por vendosi mbikëqyrjen nga prindërit dhe paraqitjen para gjykatës. Autori shprehu pendesë. Tha nuk doja të kishte këtë pasojë, se dija që veprimet e mia do krijonin këtë pasojë, shpreh ngushëllimet për familjen. Të njëjtën gjë ka deklaruar edhe babai i të miturit duke thënë se na vjen keq për pasojën”, tha avokati i autorit 14-vjeçar.

Gjithashtu bëhet me dije se autori ka qenë i përlotur në para togave të zeza duke thënë se ka dashur të bëj vrasje dhe ishte grindje momentale.

“Nuk kam dashur të bëj vrasje. Ishte grindje e momentit. Jam shumë i penduar. Ngushëllime për familjen”, shprehet autori Enedio Guri.

Sakaq edhe babai i autorit, Edison Guri mësohet të ketë shprehur ngushëllimet e tij për familjen, ndërsa gjykata e la edhe atë në qeli për përfshirjen e tij pas vrasjes së bashku me të vëllanë.

The post “Nuk kam dashur ta bëj”/ Vr*u me th*kë në zemër bashkëmoshatarin, Enedio Guri përlotet në sallën e gjyqit: Jam shumë i penduar… appeared first on Albeu.com.

Gjykata e Korçës ka dhënë masën për të arrestuarit për vrasjen e 14-vjeçarit në Pirg të Maliqit.

Në pranga ranë 4 të mitur të tjerë të pranishëm në konflikt pasi me dëshminë e tyre tentuan të mbulonin ngjarjen, si dhe një 34 vjeçar i identifikuar si Flori Çela pasi ndihmoi autorin të largohej nga vendngjarja. Ndaj të miturit Guri rëndon akuza e vrasjes me dashje dhe drejtim i mjetit në mënyrë të parregullt.

Konflikti mes viktimës dhe Gurit nisi një vit më parë, ndërkohë që situate agravoi të premten ku viktima kishte shkuar të qethej në berberhanen e fshatit aty ku kishte hasur autorin.

Ndërkohë, në rrjetin social TikTok, autori i vrasjes postonte video me armë, duke sjellë në fokus rastet e të miturve që paralajmërojnë të tilla fatalitete.

The post Vr*sja e Erald Xhejos në Maliq/ Gjykata lë në burg autorin e mitur së bashku me të atin dhe xhaxhain appeared first on Albeu.com.

Ngjarja ka ndodhur në lagjen nr 16 të qytetit, ku një 70 vjeçar është vetëhedhur nga kati i pestë i pallatit ku banonte, siç raporton korrespondentja e Top Channel Dhorjela Çule.

Dyshohet se i moshuari vuante nga probleme të shëndetit mendor. Policia ka mbërritur në vendngjarje për zbardhjen e rrethanave ndërsa trupi do të transportohet drejt morgut të spitalit për ekspertizën mjekoligjore.

The post E rëndë në Korçë, i moshuari i jep fund jetës duke u hedhur nga lartësia appeared first on Albeu.com.

Georgina Rodriguez dhe Cristiano Ronaldo janë bashkë prej nëntë vitesh, që nga viti 2016.

Influencuesja dhe futbollisti portugez kanë formuar një familje shumë të madhe, duke qenë një nga çiftet më të njohura dhe të shquara në skenën ndërkombëtare.

Vetëm pak ditë më parë, CR7 i propozoi asaj martesë, siç e ndau Georgina në rrjetet e saj sociale, duke treguar unazën mbresëlënëse të fejesës, e cila vlerësohet të paktën gjashtë milionë euro.

Ky ishte mesazhi nga influencuesja: “Po, po. Në këtë dhe në të gjitha jetët e mia”. Epo, në ‘D Corazon’, gazetari Alberto Guzman dha detaje rreth planeve të dasmës së çiftit.

Alberto Guzman jep më shumë detaje

“Mund t’ju them se nuk ishte dhurata e vetme që i ka bërë Georginas – unaza – por i ka dhuruar asaj edhe një Porsche, dy ora, me vlerë më shumë se 50 mijë euro dhe rroba nga dy stilistë të njohur për më shumë se 30 mijë euro”.

Në këtë drejtim, gazetari dha më shumë aspekte kyçe rreth një martese hipotetike midis të dyve.

“Kam folur me një person të afërt me Georginan, sepse po shqyrtojnë se kur do të jetë dasma. Me sa duket data nuk është caktuar ende”.

“Por ata më thonë se ka shumë të ngjarë që kjo të ndodhë pas 19 korrikut 2026, kur përfundon Kupa e Botës, të cilën Cristiano Ronaldo dëshiron ta luajë, në moshën 41 vjeçare, dhe t’i thotë lamtumirë botës së futbollit”, shtoi ai.

Së fundmi, Guzman zbuloi se ku mund të mbahet dasma.

“Duket se kjo tregon se dasma mund të mbahet në Portugali”, tha ai

The post Zbulohet se kur mund të martohen Cristiano Ronaldo dhe Georgina Rodriguez appeared first on Albeu.com.

Si rezultat, janë kryer 22 matje të nivelit të zhurmës nga muzika, të cilat kanë rezultuar brenda kufijve të lejuar.

Po ashtu, në bazë të ankesave të qytetarëve dhe pushuesve për zhurmat shqetësuese të shkaktuara nga drejtimi i motomjeteve, shërbimet e Forcës së Posaçme “Shqiponja” të DVP Lezhë, në bashkëpunim me patrullat e përgjithshme të Shëngjinit dhe Policinë Rrugore, kanë konstatuar dhe ndëshkuar 25 drejtues motomjetesh, për shkaktim zhurmash shqetësuese, në zonën turistike të Shëngjinit.

Në kuadër të këtyre kontrolleve, 3 drejtues motomjetesh, konkretisht shtetasit Q. Sh., 30 vjeç, L. Sh., 25 vjeç, dhe F. G., 24 vjeç, u arrestuan në flagrancë, pasi u kapën duke drejtuar motomjetet në gjendje të dehur.

Gjithashtu, motomjetet e tyre u sekuestruan, në cilësinë e provës materiale.

Policia e Lezhës do të vijojë praninë e shtuar në të gjithë territorin e njësisë administrative Shëngjin dhe në zonat turistike të qarkut, për të garantuar një sezon veror të qetë dhe të sigurt për qytetarët dhe turistët.

The post Shkaktonin zhurma dhe drejtonin motomjetet në gjendje të dehur, arrestohen 3 shtetas në Shëngjin appeared first on Albeu.com.

Policia e NYPD tha se disa persona të armatosur ishin të përfshirë në incident pas një “mosmarrëveshjeje” dhe se po zhvillohet një kërkim për të gjetur përgjegjësit.

Të shtënat ndodhën rreth orës 3:30 të mëngjesit të dielën në Taste Of The City Lounge në lagjen Crown Heights të Brooklyn.

Komisionerja e Policisë, Jessica Tisch, tha në një konferencë për shtyp se tre burra kishin vdekur – një 27-vjeçar, një 35-vjeçar dhe një mashkull tjetër, mosha e të cilit nuk ishte specifikuar.

Zonja Tisch tha se 11 viktimat ishin të moshës nga 27 deri në 61 vjeç. Shefi i policisë tha se disa persona me armë ishin të përfshirë në incident në vendin e quajtur Franklin Avenue, ku u sekuestruan të paktën 36 gëzhoja.

The post SHBA, tre të vdekur dhe tetë të plagosur nga të shtënat me armë në Nju Jork appeared first on Albeu.com.

Policia e Himarës ka zbuluar një parcelë me 150 bimë narkotike cannabis sativa, mes fshatrave Lukovë dhe Shën Vasil.

Shtetasit me inicialet, F. S., 62 vjeç dhe Ç. Xh., 47 vjeç, u kapën në flagrancë duke u kujdesur për bimët, një veprim që sipas Policisë është i dokumentuar edhe në pamje filmike, gjatë monitorimit me mjetet inteligjente dron.

Gjithashtu, u sekuestruan 3 telefona celular, vegla pune dhe sende të tjera që përdoreshin nga dy shtetasit për këtë veprimtari kriminale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

Njoftimi:

Himarë/Kontrolle intensive në terren, për parandalimin, evidentimin dhe goditjen e rasteve të kultivimit të bimëve narkotike.

Finalizohet me sukses një rast i goditjes së kësaj veprimtarie kriminale, si rezultat i planit operacional policor antikanabis “Koordinata”.

Gjenden të kultivuara, në një parcelë mes fshatrave Lukovë dhe Shën Vasil, 150 bimë narkotike Cannabis Sativa.

Arrestohen në flagrancë 2 autorët e dyshuar të kultivimit të bimëve narkotike.

Shërbimet e Seksionit për Mbështetjen Operacionale të Hetimit në DVP Vlorë, në bashkëpunim me Komisariatin e Policisë Himarë, si rezultat i kontrolleve të kryera në kuadër të planit operacional “Koordinata”, goditën një rast të kultivimit të bimëve narkotike, si rezultat i të cilit u vunë në pranga, për veprën penale “Kultivimi i bimëve narkotike” kryer në bashkëpunim, shtetasit:

            •           F. S., 62 vjeç

            •           Ç. Xh., 47 vjeç

Këta shtetas u kapën në flagrancë duke u kujdesur për bimët, veprim i dokumentuar edhe në pamje filmike, gjatë monitorimit me mjetet inteligjente dron.

Konkretisht, në prroin mes fshatrave Lukovë dhe Shën Vasil, në një zonë me bimësi të dendur dhe shkurre, këta dy shtetas në bashkëpunim me njëri-tjetrin kishin kultivuar rreth 150 bimë të dyshuara narkotike Cannabis Sativa.

Në cilësinë e provës materiale u sekuestruan 20 bimë narkotike, ndërsa pjesa tjetër e bimëve u asgjësua nëpërmjet djegies.

Gjithashtu, u sekuestruan 3 telefona celular, vegla pune dhe sende të tjera që përdoreshin nga dy shtetasit për këtë veprimtari kriminale.

Plani operacional policor antikanabis “Koordinata” vijon intensivisht, në të gjithë territorin e qarkut Vlorë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

The post EMRAT/ Parcela me dr*gë në fshatrat turistikë Lukovë dhe Shën Vasil, arrestohen 2 persona appeared first on Albeu.com.

Euro dhe dollari kanë shënuar rekordin historik ndaj lekut ku monedha vendase vazhdon të forcohet, ku dollari këmbehet me 82.6 lekë  dhe euro me 96.76.

Megjithatë banka e Shqipërisë konstaton se lëvizjet janë shumë më të lehta krahasuar me dy vitet e fundit  pare ku monedhat e huaja u zhvlerësuan menjëherë.

Në terma vjetorë, forcimi i Lekut është ngushtuar më tej në tremujorin e dytë, duke zbritur në 2.3%, nga 4.7% në tremujorin e parë të vitit.

Madje institucioni qëndror financiar shprehet se situate nisi më vonë dhe ka qenë më i përmbajtur.

Deri në tre javët e para të muajit korrik, masa e forcimit të Lekut kundrejt dhjetorit të vitit të kaluar ishte vetëm 0.6% krahasuar me 10.2% që shënonte përkatësisht në të njëjtën periudhë të vitit 2024 dhe 2023.

Paralelisht me to, vëllimet e tregtimit kanë vijuar të rriten edhe në tremujorin e dytë.

Po ashtu banka shton se dhe rritja e investimeve të huaja ka qenë në të njëjtin trend rritës si tre mujori I parë.

Ndërkaq ekspertët shtojnë se ndikimin më të fortë në mbiccmimin e lekut e  ka sezoni turistik kur ka një fluks në rritje të pushuesve të huaj.

Ndërkaq dhe rënia e ccmimeve në tregjet e huaja ka bërë që të ketë dhe nëj stabilitet në vlerën e mallrave të importit në Shqipëri.

The post Leku shënon forcim ndaj euros dhe dollarit, investimet dhe turizmi ndikojnë në stabilitet appeared first on Albeu.com.

Shqipëria Jugore ka përjetuar një kthesë të jashtëzakonshme ekonomike në vitet e fundit, falë investimeve të konsiderueshme si nga Banka Botërore ashtu edhe nga bashkitë lokale, sipas “Travel and Tour World”.

Restaurimi i trashëgimisë nxit rritjen e turizmit

Për vite me radhë, Shqipëria Jugore ka përjetuar një zhvillim të ngadaltë ekonomik dhe rënie të ndjeshme të popullsisë, veçanërisht në mesin e brezit të ri që kërkon mundësi pune jashtë vendit.

Megjithatë, investimet e fundit e kanë përmbysur këtë trend. Një nxitës kryesor i këtij ndryshimi ka qenë Projekti i Zhvillimit të Integruar Urban dhe Turistik (PIUTD), një iniciativë e nisur në partneritet me Qeverinë Shqiptare dhe Bankën Botërore.

Fokusi i projektit ka qenë restaurimi i monumenteve historike, përmirësimi i infrastrukturës përreth dhe rritja e shërbimeve që lidhen me turizmin.

Vendet ikonike të trashëgimisë si Kalaja e Beratit, Kalaja e Gjirokastrës dhe shëtitorja e Qafës së Pazarit në Sarandë kanë përfituar të gjitha nga këto përpjekje, duke i bërë ato më të arritshme për turistët.

Restaurimi i gati 200,000 metrave katrorë hapësirë publike ka përfshirë përmirësimin e rrugëve me kalldrëm, ndërtimin e trotuareve të reja, instalimin e ndriçimit dhe shtimin e ambienteve për vizitorët si pikat e informacionit.

Këto ndryshime kanë ndihmuar në transformimin e rajonit në një destinacion turistik të nivelit të lartë, duke tërhequr një numër gjithnjë e në rritje vizitorësh çdo vit.

Një bum turizmi në jug të Shqipërisë

Shifrat flasin vetë. Sipas Institutit të Statistikave të Shqipërisë (INSTAT), vendi përjetoi një rritje marramendëse prej 82% të mbërritjeve turistike në vitin 2024 krahasuar me vitin 2019.

Në pjesën jugore të vendit, rritja ka qenë edhe më e rëndësishme. Qytete si Berati kanë përjetuar një rritje të numrit të turistëve pothuajse katërfish, ndërsa numri i vizitorëve në Gjirokastër është gjashtëfishuar.

Kjo rritje e vizitorëve jo vetëm që i ka sjellë dobi sektorit të turizmit, por ka pasur edhe një efekt në bizneset lokale, duke krijuar mundësi të reja në të gjitha industritë.

Investimet e sektorit publik kanë luajtur një rol vendimtar në tërheqjen e sipërmarrësve të sektorit privat, veçanërisht në industritë e turizmit dhe mikpritjes.

Shumë vendas kanë shfrytëzuar mundësinë për të shndërruar shtëpitë e tyre historike në hotele  ose për të nisur përvoja kulinare dhe kulturore.

Për më tepër, rajoni po përjeton një bum në turizmin e aventurës, me shtigje të reja për ecje dhe çiklizëm, autobusë elektrikë dhe madje edhe “zip line-t” që po futen për të tërhequr adhuruesit e aktiviteteve në natyrë.

Krijimi i vendeve të punës dhe përfshirja ekonomike

Një nga rezultatet më të rëndësishme të përpjekjeve të rimëkëmbjes është rritja e konsiderueshme e mundësive të punësimit, veçanërisht në sektorët e mikpritjes, turizmit dhe transportit.

Janë krijuar mijëra vende të reja pune dhe një shifër e jashtëzakonshme prej 50% e këtyre pozicioneve janë plotësuar nga individë që më parë ishin të përjashtuar nga tregu i punës, duke përfshirë gratë, të rinjtë dhe personat me aftësi të kufizuara.

Kjo qasje gjithëpërfshirëse jo vetëm që ndihmon në diversifikimin e ekonomisë lokale, por gjithashtu kontribuon në zhvillimin social të rajonit.

Ndërsa bizneset e reja lindin për të përmbushur nevojat e popullsisë turistike në rritje, mundësitë e punësimit po zhvillohen.

Përveç kësaj, shumë ish-banorë të rajonit, të cilët më parë kishin kërkuar punë jashtë vendit, po kthehen në qytetet e tyre të lindjes, të nxitur nga mundësitë e krijuara rishtazi.

Këta të kthyer, shpesh duke sjellë me vete ekspertizë të vlefshme, kanë qenë të dobishëm në nxitjen e investimeve dhe inovacionit të mëtejshëm.

Rijetësimi i këtyre qyteteve është një produkt si i investimeve të jashtme ashtu edhe i një kthimi të talenteve lokale, duke krijuar një cikël të qëndrueshëm rritjeje dhe zhvillimi.

Një model për zhvillim të qëndrueshëm

Projekti PIUTD nuk ka të bëjë vetëm me turizmin dhe infrastrukturën – por ka të bëjë edhe me qëndrueshmërinë.

Restaurimi i vendeve historike, së bashku me zhvillimin e iniciativave të ekoturizmit, pasqyron një angazhim të fortë për ruajtjen e trashëgimisë natyrore dhe kulturore të rajonit.

Kjo qasje siguron që përfitimet e turizmit do të vazhdojnë të rrjedhin në zonë për vitet që vijnë, duke minimizuar ndikimin mjedisor të zhvillimit të shpejtë.

Projekti u ka mundësuar bashkive të krijojnë njësi turistike përgjegjëse për zhvillimin afatgjatë të sektorit.

Këto njësi do të sigurojnë që sektori i turizmit i Shqipërisë Jugore të vazhdojë të evoluojë në një mënyrë të qëndrueshme, duke balancuar rritjen ekonomike me ruajtjen e aseteve të pasura kulturore të zonës.

Duke investuar si në të kaluarën ashtu edhe në të ardhmen, Shqipëria po hedh themelet për një sektor turizmi të begatë dhe të përgjegjshëm ndaj mjedisit.

Shqipëria Jugore, një histori suksesi në turizëm

Transformimi i Shqipërisë Jugore, veçanërisht në rajonet e Beratit, Gjirokastrës, Përmetit dhe Sarandës, qëndron si një dëshmi e fuqisë së turizmit të trashëgimisë.

Suksesi i projektit PIUTD thekson rëndësinë e ruajtjes së trashëgimisë kulturore, duke nxitur njëkohësisht rritjen ekonomike.

Duke tërhequr investime ndërkombëtare, duke promovuar sipërmarrjen lokale dhe duke krijuar mundësi punësimi gjithëpërfshirëse, Shqipëria ka vendosur një standard të ri për zhvillimin e qëndrueshëm në sektorin e turizmit.

The post “Travel and Tour World”: Transformimi ekonomik i Shqipërisë Jugore, ndikimi i turizmit të trashëgimisë appeared first on Albeu.com.

Një trafik i rënduar është krijuar në autostradën Fushë Milot- Lezhë-Shkodër.

Prej më shumë se dy orësh makinat kanë ngelur të bllokuar për shkak trafikut të rënduar.

Situata është rënduar edhe nga mbyllja e urës së vjetër të Milotit, e cila sipas autoriteteve rrezikon shembjen.

Kjo ka detyruar drejtuesit e mjeteve të përdorin vetëm një itinerar për të kaluar në këtë nyje kyçe të qarkullimit drejt veriut dhe bregdetit të Adriatikut.

The post Trafik i rënduar në autostradën Fushë Milot- Lezhë, makinat bllokohen mbi dy orë appeared first on Albeu.com.

Arbenita Ismajli ka reaguar për herë të parë pas rreth orësh në qendër të lajmeve, ku emri i saj është bërë kryefjalë në portale. Mes raportimeve për një urdhërarrest ndërkombëtar, i cili thuhet se lidhet me mosrespektimin e një vendimi gjyqësor, modelja ka zgjedhur të dërgojë një mesazh të qetë e pa tension.

Në një video të publikuar nga makina, me një këngë të Rihannës në sfond, ajo ka ndarë një detaj krejtësisht të papërfshirë në situatën ku ndodhet.

“E di çdo tekst këngësh të Rihannës fjalë për fjalë,” – shkruan Arbenita.

The post Arbenita Ismajli thyen heshtjen pas urdhërarrestit ndërkombëtar appeared first on Albeu.com.

Dhoma e Apelit e Gjykatës Speciale e ka refuzuar kërkesën e Kadri Veselit, Rexhep Selimit dhe Jakup Krasniqit për ta hedhur poshtë vendimin e Themelores që nuk ua mundësoi lirimin e përkohshëm treshes së Ushtrisë Çlirimtare të Kosovës, siç raporton Klan Kosova.

Kërkesa e tyre për t’u liruar përkohësisht pas përfundimit të rastit të Prokurorisë së Specializuar ishte hedhur poshtë nga Themelorja më 13 maj 2025, ndërkaq Veseli, Selimi dhe Krasniqi e apeluan vendimin dhe hoqën dorë përkohësisht nga e drejta për rishikim të çdo-dy-muajshëm të paraburgimit deri në vendimin e ri.

Hashim Thaçi nuk e pati dorëzuar fare një kërkesë të tillë për lirim të përkohshëm meqë ndaj tij po zhvillohet edhe një proces tjetër gjyqësor për tentim-pengimi të drejtësisë.

The post Apeli i Gjykatës Speciale refuzon lirimin e përkohshëm për Kadri Veselin, Rexhep Selimin dhe Jakup Krasniqin appeared first on Albeu.com.

Doksan Dushku, i cili vrau vajzën e tij Fatmira Dushku me breshëri automatiku, krim i ndodhur në vitin 2014, ka bërë kërkesë në Gjykatën e Lartë për lehtësimin e dënimit.

Ai bëri rekursin për shkak të shfuqizimit të një paragrafi të nenit për bashkimin e dënimeve.

“Revokimin e vendimit nr. 69, date 02.06.2015 i Gjykates se Shkalles se Pare per Krime te Renda Tirane, vendim i cili eshte lene ne fuqi dhe ka marre forme te prere me vendimin nr. 74, date 07.07.2015 te Gjykates se Apelit per Krime te Renda Tirane, per shkak te shfuqizimit te paragrafit te dyte te nenit 55 te K.Penal, shtuar me ligjin nr. 144/2013, shfuqizuar me vendimin nr. 9, date 26.02.2016 te Gjykates Kushtetuese te Republikes se Shqiperise.

Caktimi i denimeve per disa veprave penale (neni 55 i K.Penal) ne fuqi te jepet nje denim i vetem, me 21 vite burgim qe perbehet nga denimi me i rende i shtuar. Ne aplikim te nenit 406 te K.Pr.Penale perfundimisht denimin me 14 vjet burgim.

Baza ligjore: Neni 29/3 i Kushtetutes, nenet 479, 480 te K.Pr.Penale,nenet 3/3 dhe 55 te K.Penal, vendimi nr. 9, date 26.02.2016 i Gjykates Kushtetuese”, thuhet në kërkesë.

Në datë 28.05.2014, rreth mesit të ditës, Salla Operative e Drejtorisë së Policisë së Qarkut Dibër, mori njoftim se në fshatin Sllatinë, Komuna Sllovë të rrethit Dibër, kishte vdekur shtetësja Fatmira Dushku, dhe se shkaku I vdekjes së saj ishte I dyshimtë. Oficerët e policisë gjyqësore shkuan në banesën e Doksan Dushkut, atit të të ndjerës, dhe aty gjetën familjarë e të afërm të saj, dhe të ndjerën të futur në arkivol në një prej dhomave të shtëpisë. Kontakatuan e morën në pyetje familjarë të të ndjerës, dhe njëkohësisht bënë dhe kqyrje e kontroll në ambientet e brendshme të banesës e jashtë saj, dhe nga të dhënat e marra doli se Fatmira Dushku ishte vrarë disa orë më parë, rreth mesit të natës mes datave 27 e 28 maj 2014, nga I ati Doksan Dushku. Doksan Dushku e pranoi vetë këtë.

Hetimet vijuese bënë të njohur se familja e Doksan Dushkut përbëhej prej tij (të pandehurit), të bijës, të ndjerës Fatmira, dhe djemve, të pandehurit Lulzim, e Hazizit, ky I fundit në moshë minore. Bashkëshortja e Doksanit kishte vdekur disa vite më parë. Jo shumë larg shtëpisë së Doksanit, banonte vëllai I tij Ahmet Dushku, me të shoqen dhe një djalë, Ramazanin. Ramazani ishte djali biologjik I Doksanit, dhe ja kishte ‘’falë’’ të vëllait Ahmetit, ngaqë nuk kishte pasë fëmijë nga martesa. E bija e Doksanit, viktima Fatmira Dushku, kishte qenë e pamartuar dhe nuk kishte qenë në marrëdhënie pune. Së fundi, I pandehuri Doksan, kishte vënë re që e bija ishte shtatzënë. Ai e kishte pyetutr atë se si kishte ndodhur që kishte mbetur shtatzënë, dhe ajo kishte hezituar ti pohonte atij emrin e personit me të cilin kishte ngelur shtatzënë. Megjithatë, nga bisedat me të bijën per këtë, I pandehuri kishte arritur të kuptonte se bëhej fjalë që personi që me shumë mundësi e kishte lënë atë shtatzënë, ishte njëri nga djemtë e një kushëriri të largët të tij, A.H. Ky I fundit e kishte shtëpinë në të njëjtin fshat me atë. Ai kishte dy djem njëri prej të cilëve ishte A… Megjithëse jo aq I bindur për këtë, dhe ngaqë vajzën e kishte të pafejuar, I pandehuri kishte vendosur të interesohej tek mjekët në spital të Peshkopisë, për të bërë të mundur që e bija ta abortonte foshnjën, ngaqë për të do të ishte një turp I madh nëse ajo vërtet kishte mbetur shtatzënë me një djalë me të cilin kishte lidhje të largët fisnore.

Për këtë, në datë 24 maj I pandehuri Doksan takoi në Spital të Peshkopisë një punonjës të spitalit Q.M, të cilit I kërkoi ta ndihmonte të abortonte e bija. Mjeku e këshilloi të mos e bënte këtë, por ajo ta lindte fëmijën, dhe e bija të jetonte me personin që donte. Por pasi I pandehuri I tregoi atij për dyshimet që ai kishte rreth personit që mund ta kishte lënë atë shtatzënë, e lanë që mjeku do të interesohej të bënte diçka, dhe se mund ta sillte të bijën të nesërmen e asaj dite tek spitali.

Të nesërmen I pandehuri Doksan nuk e çoi të bijën tek spitali në Peshkopi, ndërsa në drekë të datës 27.05.2014, mjeku takoi A.H (të atin e njërit prej djemve që I pandehuri dyshonte se e kishte lënë shtatzënë të bijën) dhe I tha atij për bisedën që kishte bërë me të pandehurin. A.H, duke mos e besuar të kishte ndodhur një gjë e tillë, I telefonoi njërit djalë që ndodhej jashtë shteti, dhe prej tij u sigurua se nuk kishte lidhje me këtë gjë. Pastaj njoftoi me telefon djalin tjetër A. që ishte student, dhe që ndodhej në qytetin e Peshkopisë, dhe I tha të vinte urgjent atë ditë në shtëpi.

Djali u nis menjëherë dhe mbërriti në shtëpi atë darkë. Në darkë të datës 27.05.2014, I pandehuri Doksan kishte thirrë në shtëpi të tij, të vëllanë A. dhe të birin e tij R., për të biseduar se si do vendosnin rreth shtatzanisë së Fatmirës. Pasi kishin ndenjë ca, ata ishin larguar që aty. Ramazani kishte shkuar në shtëpi të A, ku kishte gjetë dhe A (studentin). Aty, studenti kishte mohur që kjo të ishte e vërtetë. Ata vendosën gjithë bashkë dhe shkuan në shtëpi të të pandehurit (ora duhet të ketë qenë rreth 22/22:30 e darkës).

Këtu gjetën të pandehurin, Fatmirën, dhe djalin e vogël H., që ishte në gjumë. Këtu, pas bisedës, Fatmira ishte shprehur ‘’unë e dua A (fjala është për studentin). Duke mos e besuar atë, A (kusheriri) I tha të pandehurit Doksan që të nesërmen në mëngjes, të dy bashkë të dërgonin djalin e vajzën në spital të Peshkopisë, për të bërë analizat, dhe nëse kjo dilte e vërtetë, atëherë ata do të vazhdonin jetën bashkë, por sipas tij djali I tij nuk do të kishte më vend në shtëpi të tij, e në të kundërt, ata nuk do kishin më punë mes tyre (fjala është që nuk do konsideroheshin më farefis mes tyre).

Këtë natë takimi mes tyre nuk zgjati shumë, dhe ata u larguan nga banesa e të pandehurit. Në shtëpi mbeti I pandehuri, me të bijën dhe dy djemtë. Në atë orë të natës, i pandehuri dhe e bija ishin zgjuar, dhe I pandehuri qëndronte në oborr të shtëpisë, ndërsa e bija bënte punë shtëpie, kur rreth mesit të natës I pandehuri merr nga pas shtëpisë një armë automatike, dhe në një moment që e bija ndodhej në oborr të shtëpisë duke kryer punë shtëpie, ai e qëllon atë me breshëri në trup, duke I shkaktuar asaj vdekjen e menjëhershme.

Të shtënat dëgjohen dhe nga I vëllai I te pandehurit dhe djali I tij, të cilët vijnë menjëherë aty (shtëpitë janë shumë afër) dhe gjejnë të pandehurin Doksan me armë në dorë. Ata shtangen nga ajo që shohin, e megjithatë I marrin armën atij armën nga duart dhe e vendosin atë diku pas shtëpisë. Aty, i pandehuri vendos që vrasjen që bëri, ta paraqesë si vdekje natyrale të së bijës, dhe për këtë duhej porositur e marrë arkivoli në Peshkopi.

Në orët e para të datës 28 maj, Ramazani me një shofer shkoi në Peshkopi e mori arkivolin dhe e solli në banesë. Ndërkohë, në mëngjesin e kësaj date, I pandehuri Doksan hapi lajmin se kishte vdekë e bija Fatmira, dhe se varrimi do bëhej në ora 14’’ të kësaj date. Për këtë u njoftua me telefon edhe A.H (kusheriri), I cili e vuri në dyshim shkakun e vdekjes së saj.

The post V*au me breshëri aut*matiku vajzën e tij shtatzënë, Doksan Dushku rekurs në Gjykatën e Lartë, kërkon lehtësimin e dënimi appeared first on Albeu.com.

Bashkëshortja e Erion Veliajt, Ajola Xoxa është paraqitur ditën e sotme në SPAK. Mësohet se Xoxa është paraqitur në SPAK për të respektuar masën e sigurisë “detyrim paraqitje”, të lënë në fuqi nga Apeli i GJKKO ndaj saj.

Ajola Xoxa është lënë në masën “detyrim paraqitje” lidhur me dosjen Veliaj, ku rezultonte se ishte e përfshirë në skema abuzimesh me fondet publike.

Sipas SPAK, Veliaj edhe bashkëshortja e tij, Xoxa kanë ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal dhe familjar përmes veprimeve të kamufluara dhe të kundërligjshme.

Prokuroria e Posaçme e akuzon Xoxën për “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale”, “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”. Fillimisht ndaj saj u vendos masa e sigurisë “Arrest në shtëpi”, ndërsa pas seancës së vlerësimit të masës, GJKKO vendosi “detyrim paraqitje”.

The post Në zbatim të masës “detyrim paraqitje”, Ajola Xoxa paraqitet në SPAK appeared first on Albeu.com.

The post “Më kërcënove në zyrë kur të shkarkova”, Murrizi sherr në rrjetet sociale me Arben Malajn: O Ben Cenaj je kukuvajkë, shite pronat e piramidave për 5 lekë appeared first on Albeu.com.

Presidenti i Republikës, Bajram Begaj, mori sot një letër nga Presidenti i Shteteve të Bashkuara të Amerikës, Donald Trump, ku theksohet angazhimi për të forcuar më tej miqësinë dhe aleancën mes dy vendeve.

Në mesazh, Presidenti Trump vlerëson marrëdhëniet e ndërtuara mbi respektimin e idealeve që kanë themeluar kombin amerikan dhe nënvizon se, përmes mbrojtjes së sovranitetit, begatisë dhe paqes me anë të forcës, mund të arrihet edhe ajo që duket e pamundur.

“Me kënaqësi pres të vazhdojmë bashkëpunimin tonë me qëllim ndërtimin e një të ardhmeje më të sigurtë, më të qëndrueshme dhe më të suksesshme”, shkruan Presidenti Trump në letrën drejtuar Kreut të Shtetit shqiptar.

Ky mesazh vjen pas urimit që Presidenti Begaj përcolli më herët me rastin e 249-vjetorit të Ditës së Pavarësisë së SHBA-ve, ku ai theksoi miqësinë e qëndrueshme mes dy vendeve dhe rolin e partneritetit strategjik në sigurinë dhe stabilitetin rajonal.

The post Trump, leter Presidentit Begaj: SHBA dhe Shqipëria do të vazhdojnë bashkëpunimin për një të ardhme më të sigurtë appeared first on Albeu.com.

Inan Guney, kryetar i bashkisë së Beyoglut në rajonin e Stambollit u dërgua në paraburgim si pjesë e një hetimi për korrupsion, raportoi Agjencia shtetërore e lajmeve, Anadolu. Sipas gazetës Birgun dhe mediave të tjera turke, ndër të arrestuarit janë edhe truproja i Guney, këshilltari i tij dhe ndihmës të tjerë.

Komuna e Beyoglut drejtohet nga partia kryesore e opozitës, Partia Popullore Republikane (CHP). Bashkitë nën kontrollin e saj janë përballur me valë arrestimesh këtë vit, duke nisur me prangosjen e bujshme të në muajin mars të kryebashkiakut të Stambollit, Ekrem Imamoglu, i cili konsiderohej si rivali më i madh i Erdoganit në presidencialet e 2028-tës.

Stambolli dhe disa qytete të tjera të mëdha kaluan nën drejtimin e CHP-së në vitin 2019, pasi opozita e zgjeroi më tej kontrollin e saj në zgjedhjet lokale të vitit të kaluar.

The post Nuk ndalet Erdogan, arrestohet një tjetër kryebashkiak opozitar në Turqi appeared first on Albeu.com.