Një sulm i gjerë ajror nga Rusia gjatë natës ka shkaktuar vdekjen e tre personave dhe plagosjen e gjashtë të tjerëve në qytetin e Dnipro dhe rajonin përreth.

Sipas Forcave Ajrore të Ukrainës, forcat ruse lëshuan gjithsej 235 dronë dhe 27 raketa, duke goditur ndërtesa banimi dhe objekte tregtare, si dhe duke shkaktuar zjarre të mëdha. Nga këto, 10 raketa dhe 25 dronë goditën nëntë objektiva të ndryshme. Pjesa tjetër u rrëzua nga mbrojtja ajrore ukrainase.

“Një natë e tmerrshme. Një sulm masiv i kombinuar ndaj rajonit,” shkroi guvernatori i rajonit Dnipropetrovsk, Serhiy Lysak.
Ai konfirmoi se tre persona humbën jetën, ndërsa gjashtë të tjerë u plagosën në qytetin Dnipro dhe zonat përreth.

Lysak publikoi fotografi ku shfaqeshin zjarrfikës në përpjekje për të shuar flakët, ndërtesa banimi me dritare të thyer dhe makina të djegura.

Presidenti i Ukrainës, Volodymyr Zelensky, u zotua për sulme hakmarrëse ndaj infrastrukturës ushtarake dhe logjistike të Rusisë.
“Ndërmarrjet ushtarake ruse, logjistika dhe aeroportet e Rusisë duhet të ndiejnë se lufta e vetë Rusisë po kthehet kundër saj me pasoja reale,” deklaroi ai në Telegram.

Në muajt e fundit, sulmet mes Ukrainës dhe Rusisë janë intensifikuar ndjeshëm, me shkëmbime të vazhdueshme dronësh dhe luftime të ashpra përgjatë një vije fronti që shtrihet për më shumë se 1,000 kilometra. / abcnews.al

Specialistët e Seksionit për Hetimin e Trafiqeve, si rezultat i hetimeve të kryera me metoda proaktive, në drejtimin e Prokurorisë, prej disa javësh, për goditjen e veprimtarisë së kundërligjshme të prostitucionit, finalizuan operacionin policor të koduar “Shame”.

Si rezultat i këtij operacioni, u zbuluan në Elbasan 2 apartamente të marra me qira, që ishin përshtatur për ushtrimin e prostitucionit dhe u arrestuan në flagrancë:

-shtetasit kinezë K. Ch., 44 vjeç, dhe R. C., 38 vjeçe, për veprat penale “Shfrytëzimi i prostitucionit” dhe “Falsifikimi i vulave , stampave ose i formularëve”, të kryera në bashkëpunim;

-shtetaset kineze e braziliane L. N., 46 vjeçe, B. G., 52 vjeçe, dhe E. S., 23 vjeçe, për veprën penale “Prostitucioni”.

Këto shtetas kishin përshtatur për shfrytëzim prostitucioni ambiente të marrë me qira, si dhe duke u promovuar në faqe online ofronin favore seksuale kundrejt pagesave.

Gjithashtu, u arrestuan në flagrancë shtetasit Shqiptarë A. P., 38 vjeç dhe L. T., 38 vjeç dhe R. F., 28 vjeç, për veprën penale “Prostitucioni”.

Më tej, u referuan materialet në Prokurori ku nisi procedimi penal për 2 pronarët e apartamenteve shtetasit A. V.,46 vjeç,  B. H., 36 vjeçe dhe sanitarja shtetasja O. T., 19 vjeçe, për veprën penale “Mbajtja e ambienteve për prostitucion”.

Sekuestrohen shuma parash të valutave të ndryshme, dokumente personale, letërnjoftime, vula të dyshuara false dhe 10 celularë.  / abcnews.al

Kryeministrja italiane Giorgia Meloni deklaroi të shtunën se njohja e shtetit të Palestinës përpara se ai të jetë realisht i themeluar mund të sjellë pasoja të padëshiruara dhe të dëmtojë procesin e paqes.

“Jam shumë pro shtetit të Palestinës, por nuk jam dakord që ai të njihet përpara se të jetë themeluar,” tha Meloni për të përditshmen italiane La Repubblica.
“Nëse diçka që nuk ekziston njihet në letër, mund të krijohet përshtypja se problemi është zgjidhur, ndërkohë që nuk është,” shtoi ajo.

Deklarata vjen në një moment tensioni në rritje ndërkombëtar pas vendimit të Francës për të njohur shtetin palestinez në Asamblenë e Përgjithshme të Kombeve të Bashkuara që do të mbahet në shtator  një veprim që ka nxitur kritika të forta nga Izraeli dhe Shtetet e Bashkuara, mes konfliktit të vazhdueshëm në Gaza ndërmjet Izraelit dhe grupit militant Hamas.

Të premten, ministri i jashtëm italian theksoi se njohja e shtetit palestinez duhet të ndodhë vetëm nëse shoqërohet me njohjen reciproke të Izraelit nga një entitet i ri palestinez.

Ndërkohë, një zëdhënës i qeverisë gjermane deklaroi se Berlini nuk ka ndërmend të njohë shtetin palestinez në afat të shkurtër. Gjermania, sipas tij, i jep përparësi bërjes së “përparimeve shumë të vonuara” drejt një zgjidhjeje me dy shtete.

Qëndrimet e ndryshme brenda Bashkimit Europian pasqyrojnë kompleksitetin e situatës dhe ndasitë për mënyrën se si duhet të avancojë procesi i paqes mes Izraelit dhe Palestinës. / abcnews.al

Read More...

Presidenti i SHBA-së, Donald Trump, ka mbërritur në Skoci për një vizitë katërditore, e cila përfshin takime të nivelit të lartë dhe hapjen e një fushe të re golfi në Aberdeenshire.

Gjatë një ndalese në aeroportin Prestëick në Ayrshire, i rrethuar nga masa të mëdha sigurie, Trump i dha lëvdata Kryeministrit britanik, Sir Keir Starmer:
“Më pëlqen kryeministri juaj. Është pak më liberal se unë, por është një njeri i mirë. Ai e përfundoi një marrëveshje tregtare të mirë për Mbretërinë e Bashkuar.”

Trump dhe Starmer pritet të diskutojnë për ndryshime të mundshme në marrëveshjen tregtare SHBA–MB, e cila hyri në fuqi muajin e kaluar.

Pas mbërritjes, Presidenti amerikan u drejtua për në resortin e tij në Turnberry, duke vlerësuar pronat e tij skoceze:
“Nuk ka vend si Turnberry. Është ndoshta fusha më e mirë në botë. Dhe do të thosha se Aberdeeni është aty-aty.”

Gjatë qëndrimit, Trump do të zhvillojë gjithashtu takime me Kryeministrin e Skocisë, John Sëinney, si dhe me Presidenten e Komisionit Evropian, Ursula von der Leyen. Zyrtarët e BE-së po kërkojnë të arrijnë një marrëveshje tregtare me SHBA-në përpara afatit të 1 gushtit, kur Trump ka kërcënuar me tarifa deri në 30%.

Trump vlerësoi shanset për marrëveshje me BE-në si “50-50”, por paralajmëroi për “20 çështje të ndryshme” që mbeten pengesë. Një marrëveshje e mundshme përfshin tarifa të përbashkëta prej 15% për mallrat evropiane — gjysma e asaj që kërcënohet aktualisht.

Në një koment të ashpër për çështjen e emigracionit, Trump paralajmëroi liderët evropianë:
“Më mirë merrni masa, përndryshe nuk do të keni më Evropë. Duhet ta ndaloni këtë pushtim të tmerrshëm që po ndodh në kontinent. Imigracioni po e vret Evropën.”

Vizita e Trump në Skoci pritet të sjellë jehonë të madhe politike dhe ekonomike, ndërkohë që ai përgatitet për garën e mundshme për rizgjedhje në Shtetet e Bashkuara. / abcnews.al

Laplanda finlandeze është përfshirë nga një valë të nxehti rekord, me temperatura që kanë kaluar 30°C për 14 ditë rresht, një fenomen i paprecedentë që shkencëtarët e lidhin me ndryshimet klimatike.

Në qytetin arktik të Rovaniemit, vendlindja e famshme e Babagjyshit të Krishtlindjeve, termometri ka shënuar deri në 33°C në diell, duke e bërë të pamundur që ai të dalë jashtë për pjesën më të madhe të ditës.

“Kostumi im është shumë i ngrohtë për këtë vapë, dal vetëm pas orës 18:00 për të notuar”, thotë Babagjyshi.

Sipas Institutit Meteorologjik Finlandez, kjo është vala më e gjatë e të nxehtit që është regjistruar ndonjëherë në Lapland që nga viti 1961. Temperaturat janë rreth 10 gradë Celsius mbi mesataren sezonale, me stacione në Ylitornio dhe Sodankylä që regjistruan deri në 31.7°C.

“Herën e fundit që patëm një valë të tillë ishte në vitin 1972, por zgjati më pak”, tha meteorologu Jaakko Savela, duke shtuar se kjo valë tashmë ka thyer çdo rekord në rajon.

Shkencëtarët theksojnë se, ndonëse kjo valë nuk është shkaktuar drejtpërdrejt nga ndryshimet klimatike, ngrohja globale ka ndikuar fuqishëm në intensitetin dhe gjatësinë e saj. Arktiku po ngrohet 4 deri në 5 herë më shpejt se pjesa tjetër e Tokës.

Nxehtësia ka ndikuar edhe te drerët e Laplandës, të cilët tani shihen duke braktisur pyjet në kërkim të freskisë. Mushkonjat që shumohen në vapë i ndjekin, duke i shtyrë të kërkojnë strehim në fshatra dhe përgjatë rrugëve.

Ekspertët paralajmërojnë se, me përkeqësimin e kushteve klimatike, barinjtë mund të detyrohen të ndërtojnë struktura të reja për t’u ofruar hije kafshëve.

Turistët në fshatin e Babagjyshit janë gjithashtu të tronditur nga temperaturat e larta. Ndërkohë, ditët e gjata verore me diell deri në orën 23:00 po i mbajnë temperaturat lart për më shumë orë, duke e përkeqësuar situatën. / abcnews.al

Presidenti i Shteteve të Bashkuara, Donald Trump, ka mbërritur në Skoci, duke nisur një vizitë katërditore në këtë vend.
Trump ka zbritur në Aeroportin Prestëick pas largimit nga Uashingtoni më herët gjatë ditës së sotme. Në pistë e priste një autokolonë automjetesh zyrtare, teksa avioni presidencial Air Force One ndaloi në tokën skoceze.

Gjatë qëndrimit të tij në Skoci, Trump pritet të zhvillojë takime me figura të rëndësishme politike, përfshirë liderin britanik të opozitës Sir Keir Starmer, kryeministrin skocez John Sëinney dhe presidenten e Komisionit Europian Ursula von der Leyen.

Përveç agjendës politike, Trump do të vizitojë edhe dy nga fushat e tij të golfit në Skoci, pronë e tij personale që ka qenë shpesh në qendër të vëmendjes.
Vizita e tij po zhvillohet nën masa të larta sigurie dhe tërheq vëmendje të madhe mediatike. / abcnews.al

Presidenti i Republikës, Sh.T.Z. Bajram Begaj, vizitoi mbrëmjen e sotme në urgjencën e QSUT-së shefin e Komisariatit të Delvinës, komisar Agim Troci, i cili pësoi djegie në bark, krah dhe këmbë gjatë përpjekjeve për të ndihmuar në shuarjen e një zjarri në zonën e Senicës, Delvinë.

Presidenti vlerësoi aktin e guximshëm dhe përkushtimin e komisar Trocit dhe dha një mesazh ndërgjegjësues për qytetarët:

“Vlerësoj maksimalisht angazhimin e forcave zjarrfikëse, emergjencave civile, forcave të armatosura dhe pushtetit vendor në përballimin e kësaj situate të vështirë me temperatura shumë të larta.
Ftoj qytetarët të tregojnë kujdes dhe përgjegjësi – parandalimi fillon nga secili prej nesh. Bashkëpunimi dhe kontributi me këto struktura është thelbësor për sigurinë e jetës dhe të pronës.
Çdo akt zjarrvënieje është i dënueshëm dhe sjell pasoja të rënda për jetën dhe pasurinë.”

Presidenti Begaj theksoi se institucionet janë në gatishmëri të plotë dhe të pranishme në të gjitha zonat më problematike të vendit. / abcnews.al

Një stuhi tropikale e fuqishme ka goditur veriun e Filipineve, duke shkaktuar të paktën 25 viktima si pasojë e përmbytjeve dhe rrëshqitjeve të dheut gjatë kësaj jave.

Tajfuni Co-may goditi qytetin Agno në provincën Pangasinan të enjten në mbrëmje, me erëra që arritën deri në 120 km në orë. Stuhia erdhi pas shirave të dendur që kishin përfshirë një pjesë të madhe të vendit për më shumë se një javë. Parashikimet tregojnë se dhjetëra stuhi tropikale pritet të godasin Filipinet deri në fund të vitit.

Sipas zyrtarëve, shumica e viktimave kanë humbur jetën për shkak të përmbytjeve të befasishme, rrëzimit të pemëve, rrëshqitjeve të dheut. Tetë persona të tjerë raportohen të zhdukur.

Në kryeqytetin Manila dhe në 35 provinca të tjera në rajonin verior të Luzonit, shkollat qëndruan të mbyllura për të tretën ditë radhazi. Më shumë se 80 qytete dhe komuna kanë shpallur gjendje emergjente për të lehtësuar aksesin në fondet e ndihmës dhe për të ngrirë çmimet e produkteve thelbësore.

Rreth 278,000 persona janë zhvendosur në strehimore emergjente ose tek të afërmit, ndërsa afërsisht 3,000 shtëpi janë dëmtuar.

Mijëra ushtarë, policë, roja bregdetare, zjarrfikës dhe vullnetarë janë angazhuar në operacionet e shpëtimit.

Autoriteti Rrugor Shqiptar (ARRSH) ka njoftuar sot mbylljen e plotë të urës auto-hekurudhore të Milotit, e cila për shkak të dëmtimeve serioze në strukturë paraqet një rrezik të lartë për qëndrueshmërinë dhe sigurinë e kalimit.

ARRSH ka konfirmuar se po harton një projekt ndërhyrjeje emergjente, në bashkëpunim me Universitetin Politeknik të Tiranës, i cili do të vihet në zbatim brenda pak ditësh. Ndërkohë, në kuadër të programit “100 Ura”, me mbështetjen e Bankës Botërore, është parashikuar ndërtimi i një ure të re në këtë segment strategjik.

POSTIMI I PLOTE

“Ura auto-hekurudhore e Milotit, me një gjatësi prej 788 metrash, paraqet një rrezik serioz për qëndrueshmërinë dhe sigurinë e kalimit, si pasojë e:

• dëmtimeve të konsiderueshme në themelet mbështetëse,
• erozionit të theksuar në bazament, për shkak të shfrytëzimit të pakontrolluar të zhavorrit të lumit,
• dhe gërryerjeve në të gjithë shtratin lumor.

Bazuar në ekspertizën teknike dhe duke marrë parasysh trafikun e rënduar, veçanërisht gjatë sezonit veror, është marrë vendimi për mbylljen e plotë të urës dhe ndërprerjen e qarkullimit, deri në përfundim të projekt ndërhyrjes emergjente që po hartohet nga Autoriteti Rrugor Shqiptar, në bashkëpunim me Universitetin Politeknik të Tiranës. Kjo ndërhyrje do të zbatohet menjëherë në ditët në vijim.

Ndërkohë, ndërtimi i urës krejtësisht të re është parashikuar nga ARRSH si pjesë e programit “100 Ura”, i cili realizohet me mbështetjen e Bankës Botërore.

Gjatë periudhës së ndërhyrjes, rekomandojmë përdorimin e këtyre rrugëve alternative:

• Rruga kryesore Lezhë – Milot
• Rruga e Kombit

Të nderuar qytetarë dhe përdorues të rrugës, kjo ndërhyrje është thelbësore për të garantuar sigurinë e të gjithë komunitetit. Ndërgjegjësohemi për vështirësitë dhe shqetësimet që mund të shkaktojë mbyllja e përkohshme e urës, por kjo masë është e domosdoshme për të shmangur rreziqe më të mëdha dhe për të siguruar një infrastrukturë të qëndrueshme dhe të sigurt në të ardhmen.” / abcnews.al

Read More...

Ekspertja ligjore Elsa Peca foli më tepër rreth ligjit për portofolin e identitetit dixhital duke thënë se benefitet e kësaj nisme janë të shumta.

Më tej, Peca theksoi se gjithçka mund të aksesohet përmes një aplikacioni në mënyrë dixhitale dhe se individët por edhe shteti duhet të bëjnë më shumë lidhur me forcimin e sigurisë së mbrojtjes së të dhënave.

“Benefitet e portofolit janë të shumta, duke nisur nga koha e kursyer sepse klienti nuk ka pse vjen në zyrë për identifikim fizik, nuk ka nevojë për printime sepse nënshkrimi bëhet digjital. Ka të njëjtën vlefshmëri ligjore, ka akses 24/7. Edhe transparenca mund të shohë nëse kanë hyrë persona për të akesuar të dhënat e tyre. Është një aplikacion që shkarkohet në smartphone ku duhet të plotësojnë disa elemente të sigurisë dhe mund të aksesojnë portale.

Siguria e të dhënave po bëhet shumë e rëndësishme dhe brenda disa muajsh kemi miratuar ligjin. Pavarësisht të gjitha benefiteve, duhet që individët të forcojnë sigurinë në mbrojtjen e të dhënave që nuk duhet t’i shpërndajnë pasi mund të keqpërdoren nga persona të paautorizuar. Shteti duhet të vijojë me video sensibilizuese për mbrojtjen e të dhënave.” / abcnews.al

Drejtori i Përgjithshëm i Policisë së Shtetit, Ilir Proda, i shoqëruar nga Drejtori i Drejtorisë Vendore të Policisë Tiranë, Elton Alushi, viziton në repartin e djegieve në QSUT Shefin e Komisariatit të Policisë Delvinë, Komisar Agim Troci, i cili pësoi djegie të shumta gjatë përpjekjeve për të shpëtuar disa të moshuar që nuk dilnin dot nga zona e zjarrit në fshatin Vergo të Delvinës.

Drejtori Proda është interesuar që në momentet e para për gjendjen e tij dhe ka ndjekur nga afër organizimin e transportimit me helikopter drejt Tiranës, menjëherë sapo është njoftuar për ngjarjen.

Gjatë vizitës, Drejtori i Përgjithshëm është interesuar pranë stafit mjekësor për gjendjen shëndetësore të Shefit të Komisariatit, duke i uruar atij shërim të shpejtë dhe e ka përgëzuar për aktin e tij të guximshëm dhe human. Po ashtu, ai ka vlerësuar të gjithë punonjësit e Komisariatit të Policisë Delvinë që sot kanë rrezikuar jetën e tyre për të shpëtuar nga flakët shumë  banorë pjesa më e madhe të moshuar, në fshatrat e Delvinës, si pasojë e një zjarri të madh të favorizuar nga era, që ka përfshirë shumë zona të banuara.

Nga QSUT, Drejtori Proda theksoi:

“Shefi i Komisariatit Agim Troci është shembulli më i mirë i përkushtimit dhe sakrificës që mishëron një oficer i Policisë së Shtetit. Ai veproi me guxim dhe ndjenjë të lartë përgjegjësie, për të mbrojtur jetën e të tjerëve. Dua të falënderoj të gjithë, përfshirë Nënkomisar Eridionin, i cili ka pësuar asfiksi dhe po merr ndihmë mjekësore në Spitalin e Delvinës, si dhe gjithë punonjësit e Komisariatit të Policisë Delvinë që, nën drejtimin e Komisar Trocit, me përkushtim dhe guxim, mbështetur dhe nga shërbimet e Komisariatit të Policisë Sarandë, kanë shpëtuar dhjetëra jetë qytetarësh, duke bërë të mundur evakuimin nga banesat e tyre deri jashtë zonës së rrezikut. Edhe disa punonjës të tjerë kanë pësuar. Ky akt është një shembull frymëzues i përkushtimit dhe humanizmit të efektivëve në krye të detyrës.”

Në zonën e përfshirë nga zjarri, në fshatrat Senicë, Vergo dhe Kopaçëz, vijon ndërhyrja intensive e shërbimeve të Zjarrfikëses, Emergjencës Civile, Policisë dhe Ushtrisë, për neutralizimin e vatrave dhe garantimin e sigurisë së banorëve.

Policia e Shtetit ndodhet aty, në krah të qytetarëve. Drejtori i Drejtorisë Vendore të Policisë Vlorë, Elidon Çela, ndodhet në zonë për menaxhimin e situatës.

Policia e Shtetit apelon për kujdes të shtuar nga qytetarët, veçanërisht gjatë lëvizjes në zonat me bimësi të dendur dhe në ato të ekspozuara ndaj zjarreve. Çdo veprim i pakujdesshëm, si ndezja e zjarrit në natyrë, hedhja e cigareve apo djegia e mbeturinave, mund të sjellë pasoja të rënda për jetën dhe mjedisin.

Ekspertja e sigurisë kibernetike Oltjana Beci tha për ‘Sheshi i Dollarit’ se portofoli i identitetit dixhital është një prej detyrimeve që ka vendin ynë për integrimin në BE. Më tej, Beci shtoi se do të jetë një lehtësi për qytetarët në aksesimin e shërbimeve publike.

“Nuk ishte nevoja, por edhe detyrimet që Shqipëria ka në kuadër të integrimit europian. Në kuadër të detyrimeve që Shqipëria ka në saj të integrimit ka ardhur edhe ky projekt EJDAS1 dhe EJDAS 2. Autoriteti ka hartuar një projektligj, nëpërmjet saj në nivel kombëtar krijohet një kornizë e indetitetit digjial. Është një mjet identfikimi që i mundëson qytetarit të aksesojë shërbime publike. Qëllimi është të krijojë një nivel të përshtatshëm duke mundësuar për qytetarët dhe institucionet aksesin në shërbimet digjitale online. Portofoli është vetëm një prej kërtyre mjeteve që do të lehtësojë përdorimin e shërbimeve qytetarëve.

Portofoli i identitetit i siguron qytetarit të marrë të dhënat dhe t’i ruajë dhe t’i përdor për të identifikuar. Mund të jenë diploma, patenta dhe dkomunete të ndryshëm që më pas mund të përdoren për të akesuar shërbime të tjera. Portofoli i mundëson edhe shërbimin e vulës elektronike të kualifikuar. “

Agim Troci, shefi i Komisariatit të Policisë Delvinë, sapo ka mbërritur në QSUT për trajtim mjekësor, pasi ka pësuar djegie nga flakët gjatë operacionit për shuarjen e zjarrit në Senicë.

Sipas burimeve nga QSUT, Troci ndodhet jashtë rreziku për jetën, dhe po i kryhen ekzaminimet, por ka lëndime të shumta, kryesishtë tek gjymtyrët.

Si fillim Troci mori shërbim mjekësor në spitalin e Sarandës, më pas u nis me helikopter për mjekim më të specializuar në Tiranë.

Read More...

Ka deshtuar konstituimi i kuvendit te Kosoves edhe ne tentativen e 52-te.
Seanca ka nisur perseri me vonese, edhe pse trupa e ambasadoreve ishin korrekt dhe u pozicionuan ne salle disa minuta perpara oren 11, kur pritej te niste kjo séance.
Kryesuesi i seances Avni Dehari, kerkoj nga deputetet te jepnin porpozimin e tyre per ngritjen e nje komisioni per votimin e fshehte per kryeparlamentar, por nga rradhet e pdk dhe ldk nuk erdhi asnje propozim, por u kerkua respektim i kushtetutes.

Kaq ka mjaftuar qe edhe kjo tentative te perfundoj pa sukses.
Jashte seances, e shumenominuara Albulena Haxhiu, nga rradhet e VV per kryeparlamentare, konfirmoj se zgjidhja mund te jene edhe zgjedhjet e parakohshme.

Ndersa Fatmir Limaj, kreu i Nisma, me te cilin Albin Kurti eshte takuar disa here per te diskutuar mbi nje marreveshje per ta nxjerr vendin nga kriza politike, deklaroj pas seances se Nisma nuk shkon drejt zgjedhjeve parciale.

Komente ka patur edhe per vendimin e gjykates Kushtetuese e cila ka ngrire aktivitetin ne Kuvend nga data 27 korrik deri me 8 gusht.
Kryetari i Partisë Demokratike të Kosovës, Memli Krasniqi, ka thënë se partia të cilën e drejton ai, nuk e ka kërkuar masën që e ka caktuar Gjykata Kushtetuese, megjithatë ky institucion është në drejtën e vet.

Tentativa e fundit pas ketij vendimi do te mbahet ne seancen e 26 korrikut, ora 14, vetem nje dite para se të hyjë në fuqi masa e përkohshme e Gjykatës Kushtetuese.

Më 24 korrik, Kushtetuesja tha se ekzistojnë rrethana të interesit publik, që e përfshijnë rendin kushtetues të Kosovës, që ndërlidhen me themelimin e institucioneve shtetërorë pas zgjedhjeve te pergjithshme. / abcnews.al

Gjykata e Lartë në Beograd i ka caktuar 30 ditë paraburgim Lulzim Halilit, shqiptari i arrestuar në Serbi disa ditë më parë.

Në përgjigjen e kësaj gjykate thuhet se Halili dyshohet “për kryerjen e veprës penale të organizimit dhe nxitjes së kryerjes së gjenocidit dhe krimeve të luftës”.

Lulzim Halili është arrestuar më 22 korrik nga autoritetet serbe në afërsi të qytetit Svilajnac, rreth 100 kilometra nga Beogradi dhe është dërguar menjëherë në mbajtje në Stacionin Policor të këtij qyteti.

Ministria e Punëve të Jashtme dhe Diasporës e Kosovës ka thënë se autoritetet serbe nuk i kanë dhënë informacione lidhur me Halilin.

Ministria pati njoftuar se sapo të konfirmohet nëse Halili do t’i nënshtrohej masës së paraburgimit dhe do të iniciohet procedurë penale ndaj tij, Zyra Ndërlidhëse do të parashtrojë kërkesë zyrtare për vizitë në Qendrën e Mbajtjes.

Read More...

Nëse dëshironi të zbuloni destinacione që ende nuk janë mbushur me turma turistësh, zgjidhni Shqipërinë. Kështu shkruan revista spanjolle “El Nacional”, teksa nënvizon se vendi ballkanik po fiton dalëngadalë titullin si parajsa e pazbuluar e Mesdheut.

“Një nga zonat më të famshme të plazhit ndodhet në jug, në Ksamil , ku kilometrat e rërës së bardhë dhe uji kristal magjepsin të gjithë vizitorët. Ksamili është një kamp bazë ideal për të eksploruar atraksione të tjera shqiptare, siç është Syri i Kaltër”, thotë El Nacional.

Pavarësisht se një pjesë e mirë janë plazhe private, revista spanjolle shkruan se çmimet janë të përballueshme për vizitorët. Veçon parkun e Butrintit, vend i trashëgimisë botërore të UNESCO-s që sipas saj nuk duhet humbur nga turistët. Për adhuruesit e maleve, sugjeron Thethin e Valbonën.

Ndërsa për vizitorët që nuk kanë dëshirë për shëtitje të gjata, rekomandon të vizitojnë Gjirokastrën dhe Berati, qendra historike, pamje mahnitëse dhe arkitekturë të veccantë.

Gastronomia shqiptare zë një vend të veçantë në artikull, një arsye më shumë sipas medias spanjolle se përse turistët duhet ta vizitojnë Shqipërinë. Veçon byrekun, si një nga gatimet tipike dhe më të njohura, teksa shton se kuzhina shqiptare është një ndërthurje unike edhe e ndikime turke, ballkanike e mesdhetare. / abcnews.al