Korea e Jugut ka konfirmuar se më herët gjatë javës qëlloi me armë për të paralajëmruar ushtarët e Koresë së Veriut, të cilët kaluan kufirin tokësor mes dy vendeve.

Incidenti ndodhi teksa Koreja e Veriut po punon vazhdimisht që nga viti i kaluar për të mbyllur përgjithmonë kufirin e saj me Jugun.

Shefat e Përbashkët të Shtabit të Koresë së Jugut thanë në një deklaratë se disa trupa të Koresë së Veriut që punonin në rajonin kufitar kaluan vijën e demarkacionit ushtarak midis dy vendeve rreth orës 15:00 sipas orës lokale në Seul të marten. Ushtria e Seulit përdori një mitraloz për të qëlluar më shumë se 10 të shtëna paralajmëruese drejt ushtarëve të të vendit fqinj, të cilët më vonë u kthyen në very të vijës.

Ngjarja u bë publike teksa Presidenti i ri i Koresë së Jugut, Lee Jae Myung, u largua nga Seuli të shtunën për një vizitë në Tokio dhe Uashington.

Media shtetërore e Koresë së Veriut i quajti të shtënat një provokim të qëllimshëm dhe Pheniani ka akuzuar Seulin se rrezikon tensione të pakontrollueshme.

Një rrip toke i quajtur Zona e Demilitarizuar ndan veriun dhe jugun, dhe incidentet që rrisin tensionet nuk janë të pakëta. Kufiri nuk është i rrethuar dhe tabelat rrugore janë të mbuluara nga bimësia e dendur.

Dy Koretë kanë qenë të ndara që nga përfundimi i Luftës Koreane në vitin 1953.

Ato nuk nënshkruan një traktat paqeje dhe për këtë arsye teknikisht kanë mbetur ende në luftë që atëherë, megjithëse kanë kaluar vite që kur secila palë e ka bombarduar tjetrën. / abcnews.al /

Në luftë me zjarret në temperature ekstreme, sakrifica për të shpëtuar jetë dhe pronën e shqiptarëve. Në këto ditë verë kemi parë se forcat zjarrfikëse, heronjtë e heshtur përballen me rreziqe të mëdha në çdo ditë të punës. Në çdo zjarr, ata nuk rrezikohen vetëm nga flakët, por edhe nga tymi dhe gazrat toksikë që çlirohen gjatë emetimit.

Jorgo Canollari, prej 5 vitesh punon si zjarrëfikës në qarkun e Tiranës.

“Jemi në Damian, morëm sinjalin se ka flakë, kemi 40 minuta që po e shuajmë….

Në qindra aksione të kryera për shuarjen e zjarreve, 35 vjeçari tregon vështirësitë e hasura në terren. Përveç temperaturave të larta dhe përballjes me flakët, ai thotë se shpesh herë është gjendeur në vështirësi edhe nga intoksikimi për shkak të tymit.

“Ne me intoksikim përballemi çdo ditë në punë. Ndjejmë marrje mednsësh, vështirësi në frymëmarrje,  dhimbje koke”…

Mjekja toksikologe në QSUT, Esmeralda Thoma shpjegon se intoksikimi i zjarrëfikësve ndodh për shkak të ekspozimit për një kohë të gjatë ndaj gazrave të ndryshme që emetohen në ajër, siç është ai i monoksidit të karbonit.

“Nëse flasim në rastet e monoksidit të karbonit në ambientet e jashtme siç ka ndodh në rastet e zjarrit, si rasti i komisarit, në këto raste ndodh, për të çlirimit të sasis së madhe të monoksidit të karbonit, për njësi kohe. Rrjedhimisht individi është i ekspozuar në sasi të madhe monoksidi në njësi kohe”.

Për zjarrëfikësit, zjarret në bodrume janë më të vështirat për tu shuar, ndërsa për bluzat e bardha ambjentet e mbyllura shihen më të rrezikuara për intoksikim, për shkak se sasia e gazrave toksik është më i lartë. Toksikologia Thoma shpjegon shenjat që shfaqë një individi në rastet e helmimit nga tymi.

“Ambientet e bodrumeve janë më të vështira për ne….”

“Shenjat klinike që fillojn janë jo specifike, karakterizohen nga marrje mend, ndjesi të vjella, dobësim. Dhe me kalimin e kohës e të sasisë së ekspozimit të monoksidit të karbonit, shenjat klinike avancojnë. Derisa mund të shkojë në gjendje kome apo në vdekje, është vrasës i heshtur, pacienti nuk e kupton asnjë momentë, vetëm në rastet kur dikush tjetër qëllon aty, sidomos në ambjentet e mbyllura.”

Helmimet nga gazrat toksik nuk kanë pasoja afatgjata. Megjithatë, për punonjësit e zjarrëfikësve, të cilët janë të ekspozuar vazhdimisht ndaj këtyre rreziqeve, mjekët thonë se pasojat shkojnë deri në humbje të përkohëshme të kujtesës.

“Problemi i intoksikimit me monoksid karboni, është afatshkurtër, thjeshtë koha ku qëndron zjarrëfikësi apo një indivit tjetër në atë ambjent ku është duke u emetuar dioksid karboni. Aty është i gjithë rreziku…. Në rast se aty kalohet ky rrezik, nxirret personi koshient nga ai ambjent ku emetohet monoksidi i karbonit, pasojat do ishin të përgjithshme. Irritim të rrugëve respiratore të sipërme, me kollë e tështima, dhimbje koke e cila persiston pas kalimit të situatës akute të rrezikëshme, dhimbja mund të jetë edhe 1-2 javë, jo problematike.”

Në çdo rast zjarri, mjekët këshillojn largimin nga vendi ku ka emetim gazi, ndërsa për zjarrëfikësit rekomandojn veshje specifike kundra gazit, dhe konsumimi i sa më shumë lëngjëve për hidratim e vetëpastrim të organizmit. / abcnews.al /

Pesë persona humbën jetën pasi një autobus turistik që po kthehej nga ujërvara e Niagarës u përmbys në perëndim të Nju Jork.

Shumica e personave 54 që ishin në autobus ishin nga India, Kina dhe Filipinet. Disa u hodhën nga automjeti, dhe të tjerë mbetën të bllokuar brenda për disa orë.

Zyrtarët e policisë dyshojnë se shoferi i autobusit u shpërqendrua dhe humbi kontrollin duke dalë jashtë rrugës e duke rënë në një kanal.

Shkaku i përplasjes është ende nën hetim, por problemet mekanike janë përjahstuar. Hetuesit nuk kanë vendosur ende nëse do të ngrenë akuza për rastin.

Pasagjerët ishin të moshës midis një dhe 74 vjeç dhe disa fëmijë ishin në mjet në kohën e aksidentit dhe policia beson se shumica nuk kishin vendosur rripa sigurie.

Të paktën 30 persona u dërguan në spitale me një sërë lëndimesh nga kritike deri te të lehta. Disa kishin lëndime në kokë dhe dhe thyerje kockash, ndërsa të tjerë ishin në gjendje të qëndrueshme.

Autobusi turistik po kthehej në Nju Jork nga ujëvarat e famshme në kufirin SHBA-Kanada, kur u përplas midis Buffalos dhe Rochesterit. (Roçester)

Autostrada ndërshtetërore u bllokua përkohësisht pas aksidentit dhe zyrtarët u bënë thirrje shoferëve të shmangnin zonën. Disa ambulanca dhe helikopterë mbërritën në vendngjarje për të marrë të plagosurit. / abcnews.al /

Si rezultat i koordinimit të punës dhe shkëmbimit të informacioneve me partnerët spanjollë, nëpërmjet INTERPOL-it, shërbimet e Drejtorisë së Forcës së Posaçme Operacionale, në kuadër të operacionit “Operacionalja 58”, lokalizuan, kapën dhe vunë në pranga, me qëllim ekstradimin në Spanjë, shtetasin Gj. Gj., alias Gj. M., alias Gj. R., alias Gj. R., 40 vjeç, lindur në Lezhë.

Gjykata e Instruksionit nr. 1 Castellon de la Plana/Spanjë, në vitin 2025, ka caktuar masën e sigurisë “Arrest në burg”, për veprat penale “Krime kundër shëndetit publik/Kultivim i bimëve narkotike”, “Pjesëmarrje në organizatë kriminale” dhe “Vjedhje e energjisë elektrike”.

Ky shtetas ka qenë pjesë e një grupi kriminal, me ndarje të qartë të funksioneve të anëtarëve, duke filluar nga gjetja e ambienteve, marrja me qira, përshtatja e ambienteve për kultivim droge dhe montimi i pajisjeve me qëllim kultivimin e drogës. Gjatë operacionit policor në Spanjë janë gjetur dy ambiente të përshtatura për kultivim, një në Oropesa dhe një në Cabanes. / abcnews.al /

Kjo e shtunë ka shënuar fluks të shtuar në pikën e kalimit kufitar të Qafë Thanës. Numri i lartë i udhëtarëve është regjistruar si në hyrje ashtu edhe në dalje të territorit shqiptar.

Siç shihet në këto pamje, dhjetëra automjete kanë krijuar radhë në të dyja kahet, duke shtuar kohën e pritjes për udhëtarët.

Për të përballuar situatën dhe për të lehtësuar qarkullimin, autoritetet kufitare shqiptare dhe ato të Maqedonisë së Veriut po punojnë me 8 sportele aktive në total.

Sipas burimeve zyrtare, masat synojnë të menaxhojnë më mirë lëvizjet e shtuara, që lidhen kryesisht me fundjavën dhe periudhën e pushimeve verore.

Megjithatë, pritjet vijojnë të mbeten një shqetësim për udhëtarët që kalojnë në këtë nyje të rëndësishme kufitare, që lidh Shqipërinë me Maqedoninë e Veriut.

/ abcnews.al /

Read More...

Këta dy vjet i pati disa probleme.

Bajerni u detyra të kapitullonte në 2024, kur kampion doli Leverkusen, si dhe të lodhej ca edicionin e kaluar, kur e rimori titullin pikërisht në garë me “aspirinat”.

Këtë herë duket se do të jetë ndryshe.

Edhe pse është luajtur vetëm ndeshja e parë, dhe janë në rradhë 33 të tjera, sërish mënyra sesi u fitua në “Alianc Arenë” ishte domethënëse.

Një rival direkt si Lajpcigu u shkatërrua 6-0, dhe nuk pati vend për dyshim.

Bavarezët arritën epërsinë 3-0 që në pjesën e parë kur dy gola i shënoi Olise dhe një sulmuesi I ardhur nga Liverpuli, Luis Diaz.

Pas pushimit, në “katedër” u ngjit kapiteni I Anglisë, Harri Kejn.

Sulmuesi kryesor I Bajernit realizoi tri herë e duket se do të jetë përsëri favoriti për të fituar Këpucën e artë në Bundesligë.

Skuadra e trajnerit Vinsent Kompani pati epërsi të madhe, dhe Lajpcigu bëri vetëm një gjuajtje në portë ndaj 10 të vendasve, që mbajtën topin 63 për qind.

Tifozët padyshim që kanë shpresë për fitoren e kampionatit, por sidomos për triumfin në Champions. / abcnews.al /

Në dy muaj aksion, janë liruar 53 mijë m2 hapësira publike të zaptuara prej vitesh. Inspektorati i Mbrojtjes së Territorit ka bërë bilancin nga qershori deri në gusht, pas urdhërit të kryeministrit Rama për operacionin “Çlirimi”.

Janë lliruar 1408 hapësira publike. Thirrjes për çmontime vullnetare i janë përgjigjur vetëm 1 mijë e 167 qytetarë, ndërkohë deri më tani janë ekzekutuar vetëm 241 vendime.

Ndërkohë subjektet të cilat janë njoftuar janë 1785. Nga të dhënat rezulton se mbeten ende dhe disa qindra të pabindur të cilët nuk i janë përgjigjur thirrjes për çmontim vullnetar, por presin fadromat, me shpresën se qeveria do i harrojë.

Por qytetarët nuk harrojnë lehtë. Prej dy javësh, nga hapja e platformës hapësira ime publike, janë 6812 raste të denoncuara nga syri vigjilent i tyre.

 1746 raste janë zgjidhur nga IMT dhe Policia, kurse 5066 mbeten ende në process.

Por përveç subjekteve të pabindura, në këtë aksion po haset pengesë edhe nga vetë gjyqtarët e pabindur, të cilët u kanë dalë në krah ndërtuesve të paligjshëm, si gjyqtarët administrativë, Klarent Demiri apo dhe Hazbi Balliu, të cilët kanë thyer edhe heshtjen disa vjeçare të kryeministrit Rama ndaj vendimeve të Gjykatave. / abcnews.al /

Menjëherë pas njoftimit për një konflikt në familje, në fshatin Flakë, shërbimet e Komisariatit të Policisë Malësi e Madhe shkuan menjëherë për të sqaruar rrethanat dhe identifikuar përgjegjësit.

Si rezultat i veprimeve të shpejta hetimore dhe operacionale:

u arrestuan shtetasit Xh. Ç., 64 vjeç, A. Ç., 30 vjeç dhe S. Ç., 33 vjeç, të tre banues në fshatin Koplik i Sipërm, për veprën penale “Dhuna në familje”, pasi dyshohet se, për motive të dobëta, kanë dhunuar fizikisht dhe psikologjikisht shtetasin A. U., 41 vjeç, duke i shkaktuar dëmtime në kokë dhe trup. / abcnews.al /

Ish-e dashura e burgosur e Jeffrey Epstein, Ghislaine Maxwell,  mohoi vazhdimisht gjate pyetjes nga Departamenti I Drejtësisë, të kishte qenë dëshmitare e ndonjë sjelljeje të papërshtatshëm nga Donald Trump. Administrata Trump publikoi qindra faqe me transkripte dhe audio nga intervistat që Zëvendës Prokurori i Përgjithshëm Todd Blanche zhvilloi me Ghislaine Maxwell muajin e kaluar.

Sipas tyre, Ghislaine Maxwell, u ka thënë zyrtarëve amerikanë se një “listë klientësh” shumë e diskutuar nuk ekziston. Administrata Trump është përballur me presion për të zbuluar informacione rreth Epstein, me të cilin Donald Trump më pare kishte pasur marredhenie miqesore.

Të dhënat tregojnë se Maxwell e lavdëron vazhdimisht Trumpin dhe mohon se e ka parë të përfshirë në ndonjë formë sjelljeje seksuale.”Në fakt, unë nuk e kam parë kurrë Presidentin në asnjë lloj ambienti masazhi”, tha Maxwell gjate deshmise se saj.

AJO kujtoi se kishte dëgjuar për Trumpin dhe ndoshta e kishte takuar atë për herë të parë në vitin 1990, kur babai i saj, manjati i gazetave, Robert Maxwell, ishte pronar i New York Daily News. Maxwell tha se kishte qenë shpesh në pronën e Trump në Mar-a-Lago në Florida, ndonjëherë vetëm, por nuk e kishte parë Trump që nga mesi i viteve 2000.

E pyetur nëse e kishte dëgjuar ndonjëherë Epsteinin ose dikë tjetër të thoshte se Trump “kishte bërë diçka të papërshtatshme me masazhatoret” ose me dikë tjetër rreth tyre, Maxwell u përgjigj: “Absolutisht kurrë, në asnjë kontekst”.

Maxwell u intervistua gjatë dy ditëve ne korrik në një gjykatë në Florida. Asaj iu dha imunitet i kufizuar, duke e lejuar të fliste lirisht pa frikën e ndjekjes penale për çdo gjë që thoshte, përveç në rast të një deklarate të rreme. Maxwell aktualisht po vuan një dënim me 20 vjet burg për një skemë trafikimi seksual dhe i ka bërë një peticion Gjykatës Supreme të SHBA-së për të rrezuar kete dënim.

Ndërkohë, Departamenti i Drejtësisë të premten filloi t’i dërgojë Komitetit Mbikëqyrës të Dhomës së Përfaqësuesve të dhënat nga hetimi që paneli thotë se synon t’i bëjë publike pasi të heqë informacionet e rezervuara.

Presidenti trump i ka akuzuar kundërshtarët e tij politikë se e përdorin çështjen për të shkëputur vëmendjen nga ato që ai i sheh si fitore të administratës së tij. Por ai është përballur gjithashtu me presion edhe nga Partia e tij Republikane për më shumë transparencë rreth hetimeve të Epstein. / abcnews.al /

Ksamili, nje nga perlat e Rivieres shqiptare, terheq shume turiste te huaj, nje pjese e te cileve rikthehen aty per te disaten here. Bukuria e brigjeve dhe plazhi ne kete zone, sherbimi dhe mikpritja jane nder gjerat qe vleresojne te huajt ne Ksamil

Këto dy familje nga Rumania pushimet verore po i kalojnë në Ksamil. Ivashko erdhi në Shqipëri pak kohë më parë për të konkuruar në një garë fitnesi, por shija e mirë që i la vendi ynë e riktheu sërish këtu. Këtë herë së bashku me familjen dhe miqtë e saj për të shijuar bregdetin e jugut.

Në vijën e gjatë të rivierës, Ksamili mbetet i preferuari i tyre.

“Jam Ivashko Adina, 43 vjec nga Rumania. Jam trajnere fitnesi dhe kam palestren time se bashku me bashkëshortin. Kam fituar cmime ne gjithë Europën dhe gjithashtu në Shqipëri fitova kupën e botës. Kjo ishte arsyeja që më solli për herë të parë këtu dhe mbeta e mahnitur nga ky vend.”

Rrjetet sociale e ndihmuan të zbulonte më shumë për Shqipërinë.

“Erdha në Shqipëri kur konkurova në Tirane dhe me pas pashë në Tik Tok video të Sarandes dhe Ksamilit, pas kësaj thamë pse jo, erdhem për pushime dhe na pelqeu, eshte hera e dyte qe kemi ardhur edhe me miqte tane dhe u kemi treguar njerzve per kete ekperience dhe bukuri. Me siguri do te vijme edhe vitin tjeter.”

Plazhet me ujëra të kristalta janë arsyeja kryesore se përse janë dashuruar me Ksamilin, ndërsa ëmimet u duken shumë konkuruese krahasuar me vendet e tjera ku janë pushuar.

“Emri im eshte Andrea Vashko dhe vij nga Rumania. Atmosfera ne plazh eshte shume e mire. Na pëlqen deti, është shumë i pastër, dalim me jetski, kalojmë shumë bukur këtu. Do t’ua sugjeroj miqve të mi për vitin tjeter.

 “Ksamili është shume i bukur. Eshte hera e katërt në Shqipëri. Muzika, deti, njerezit çdo gjë është shumë mire, duhet te vini ne Ksamil!”

“Kam ardhur këtu me familjen time dhe miqtë e mi. Po e shijoj këtë plazh kaq të bukur dhe jam shume e lumtur nese do te vija ketu çdo vit.”

“Çmimet nuk jane të larta, ne kemi qene ne disa vende ne Europe, Greqi, Malta etj, dhe cmimet kane qene me te shtrenjta nga ketu.”

Sezoni turistik në Ksamil është në kulmin e tij, me turistë besnik që rikthehen e të rinjë e vizitojnë për herë të parë.

“Per mua eshte viti i pare ketu, por ka njerez qe vijne ketu prej 13 vjetesh si klient besnik, jemi bere miq, jane shume te kenaqur dhe mezi presin ta bejne pushimin ketu. Shumica e turistave jane te rinj…”

Turizmi patriotik nuk mbetet pas në Ksamil, strukturat turistike janë të përgatitura për të mikpritur më shumë shqiptar të dissporëë e Kosoves në ditët e fundit të gushtit.

“Ne vazhdim presim shqipetar te diaspores, te kosoves nuk mungojne asnjehere, por edhe shume te huaj. Mendoj qe ne vazhdim sezoni do te jete me te njejtin ritem madje edhe me ngritje.”

Për natyrën, detin, gastronominë, turizmin detar dhe natyrën, Ksamili vazhdon te jetë një nga destinacionet më të frekuentuara të pushuesve shqiptarë dhe të huaj, të të gjitha moshave. / abcnews.al /

Përplasja është tashmë publike dhe e dukshme. Ambasadorja italiane në Paris, Emanuela D’Alessandro, u thirr nga qeveria franceze për shkak të “deklaratave të papranueshme” që Matteo Salvini i ka drejtuar ditët e fundit presidentit Emmanuel Macron, raportoi AFP duke cituar burime diplomatike.

Zemërimi i Elizesë, i përmendur edhe nga mediat italiane, erdhi menjëherë pas fjalëve të ashpra të zëvendëskryeministrit ndaj kreut të shtetit francez.

“Shkëndija” e fundit erdhi nga deklaratat e Salvinit kundër idesë franceze për dërgimin e trupave në Ukrainë. “Shko ti vetë. Vish kasketën, jelekun, pushkën dhe shko në Ukrainë”, u shpreh ai me ironi, duke kundërshtuar hapur Macron. Prej muajsh, Salvini ka zhvilluar një fushatë të ashpër kundër këtij projekti dhe kundër vetë presidentit francez.

Parisi vendosi të lëvizë në plan diplomatik. Fillimisht, përmes këshilltarit diplomatik të Macron dhe ambasadorit francez në Itali, u kërkua një reagim për të sqaruar nëse Salvini fliste në emër të qeverisë apo jo. Në mungesë të një përgjigjeje, u thirr ambasadorja italiane në Paris.

Sipas burimeve të AFP-së, i është kujtuar se deklaratat e Salvinit bien ndesh me klimën e besimit dhe marrëdhëniet historike mes dy vendeve, si dhe me bashkëpunimin e tyre të fundit për Ukrainën.

Deklaratat e Salvinit erdhën ndërsa kryeministrja Giorgia Meloni ndodhej në Uashington, krah Macron, për të mbështetur përpjekjet diplomatike për Ukrainën.

Kjo e vë kryeministren përballë një dileme: Të marrë distancë nga partneri i saj i koalicionit, duke rrezikuar tensione të brendshme, ose të heshtë, me rrezikun e përkeqësimit të marrëdhënieve me Francën.

Deri tani, Meloni ka zgjedhur të mos ekspozohet, ndërsa shpesh ka qenë ministri i Jashtëm, Antonio Tajani që ka kërkuar përmbajtje nga Salvini.

Kjo nuk është hera e parë që Salvini sulmon Macron. Që nga viti i kaluar, ai e ka quajtur presidentin francez “i çmendur që flet për luftë bërthamore”, “hipokrit”, “kriminel”, madje edhe “zotëri i dhënë pas shampanjës”.

Një gjuhë e ashpër që ka prodhuar tashmë një krizë të re diplomatike mes Romës dhe Parisit.  / abcnews.al /

Drejtoria Vendore për Kufirin dhe Migracionin Shkodër, në bashkëpunim me Seksionin për Hetimin e Trafiqeve të Paligjshme të DVP Shkodër, nën drejtimin e Prokurorisë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit, në bazë të informacioneve të siguruara në rrugë operative, kanë organizuar dhe finalizuar operacionin policor të koduar “Itinerari”.

Si rezultat i këtij operacioni, u arrestua në flagrancë shtetasi S. M., 28 vjeç, banues në Shkodër.

Nga hetimet dyshohet se ky shtetas ndihmonte emigrantë nga vendet e treta, që të kalonin ilegalisht kufirin tokësor, duke i transportuar nga kufiri jeshil me Greqinë në drejtim të Malit të Zi, kundrejt pagesës 600 euro për person.

Gjatë operacionit, ky shtetas po transportonte 5 shtetas nga vendet e treta.

Autoriteti Kombëtar i Ushqimit, në bashkëpunim me Drejtorinë e Përgjithshme të Tatimeve, ka zhvilluar një aksion të përbashkët kontrolli në tregun ushqimor të Shkodrës. Objektivi i këtij operacioni ishte garantimi i sigurisë ushqimore dhe frenimi i informalitetit në sektor.

Gjatë inspektimeve në pika të ndryshme shitjeje, u konstatuan shkelje të rënda në standardet e ruajtjes së ushqimeve, si dhe mungesë dokumentacioni mbi origjinën e produkteve.

Si pasojë, autoritetet morën 8 masa administrative me gjobë dhe bllokuan rreth 3 mijë kilogramë fruta e perime, që nuk përmbushnin kriteret ligjore për tregtim.

AKU ka njoftuar se kontrollet do të vijojnë në të gjithë vendin, me qëllim mbrojtjen e konsumatorit dhe rritjen e formalizimit të tregut ushqimor. / abcnews.al/

Pas njoftimit se në fshatin Kosharisht disa shtetas po konfliktoheshin me njëri-tjetrin, shërbimet e Komisariatit të Policisë Kukës kanë organizuar menjëherë punën dhe kanë mbërritur në vendngjarje. Nga ndërhyrja e shpejtë dhe profesionale e shërbimeve të Policisë, u bë i mundur parandalimi i një ngjarjeje të mundshme kriminale, si dhe arrestimi i shtetasve të përfshirë në konflikt, konkretisht:

M.M., 53 vjeç, dhe B.M., 18 vjeç (babë e bir), banues në fshatin Kosharisht.

Këta shtetas, pas një konflikti për motive të dobëta me të afërmin e tyre, shtetasin O. K., 50 vjeç, banues në Tiranë, në hyrje të fshatit e kanë goditur me sende të forta, duke i shkaktuar dëmtime. / abcnews.al /

Më datë 21.08.2025, në lagjen “28 Nëntori”,  dyshohet se është vetëhedhur nga kati i pestë i pallatit ku banonte shtetasja E. M., 32 vjeç, e cila, si pasojë e dëmtimeve, ka ndërruar jetë. Nga hetimet ka rezultuar se kjo shtetase vuante prej disa kohësh nga probleme të shëndetit mendor.

Përpjekjet e Donald Trump për të përfunduar luftën në Ukrainë kanë rikthyer fushatën e tij për të fituar Çmimin Nobel të Paqes. Gjatë një takimi me Presidentin Volodymyr Zelensky dhe liderët evropianë më 18 gusht, Trump tha: “Kam mbyllur gjashtë luftëra”, duke shtuar më pas se në fakt kishte mbyllur shtatë.

Trump nuk ka fshehur kurrë dëshirën e tij për të fituar këtë çmim prestigjioz, dhe përpjekjet e tij janë përmendur që nga mandati i tij i parë si president. Në vitin 2019, Trump deklaroi se Kryeministri i Japonisë, Shinzo Abe, e kishte nominuar për Çmimin Nobel të Paqes pas samitit të tij me liderin koreanoverior Kim Jong Un.

Fushata për Nobel – Përpjekjet e mëparshme

Në shkurt të vitit 2019, Trump tha se Abe kishte dërguar një letër të bukur që e nominonte për çmimin. Më pas, Trump e përdori fitoren e Barack Obamës në 2009 si një shembull, duke e quajtur atë një fitore të shpejtë pa ndonjë sukses të madh pas 9 muajsh si president.

Në vitin 2020, ai tha se meritonte Çmimin Nobel më shumë se Kryeministri i Etiopisë, Abiy Ahmed, për arritjet e tij në marrëveshjen e paqes me Eritrean, një akt për të cilin Trump e ndjeu se kishte kontribuar në mënyrë të drejtpërdrejtë.

Shtatë luftërat që Trump thotë se ka mbyllur

Në takimin e tij më 18 gusht me Zelensky dhe liderët evropianë, Trump u shpreh se kishte “mbyllur shtatë luftëra”, duke përfshirë disa konflikte të cilat përfshinin ndërhyrjen amerikane. Ja një përmbledhje e luftërave që ai pretendon të ketë mbyllur:

1. Armenia dhe Azerbajxhani – Në gusht të vitit 2023, pas disa viteve tensionesh për Nagorno-Karabakh, një marrëveshje paqeje u nënshkrua në Shtëpinë e Bardhë, për të cilën Trump mori lavdërime nga liderët e të dy vendeve.
2. Tajlanda dhe Kamboxhia – Në korrik 2024, pas përleshjeve kufitare mes dy vendeve, Trump ndërhyri për të ndihmuar në arritjen e një marrëveshjeje armëpushimi.
3. Ruanda dhe Republika Demokratike e Kongos – Në qershor 2025, një marrëveshje midis dy vendeve për të ruajtur armëpushimin u nënshkrua në Shtëpinë e Bardhë, edhe pse mungonte përfshirja e grupeve kryesore të rebelëve.
4. Izraeli dhe Irani – Trump pretendoi të kishte ndërmjetësuar një armëpushim ndërmjet dy vendeve pas një periudhe tensioni të lartë në vitin 2024.
5. India dhe Pakistani – Në maj të vitit 2024, pas një periudhe tensionesh në Kashmirit e kontrolluar nga India, Trump thotë se ndërhyri për të arritur një armëpushim të përkohshëm mes dy vendeve.
6. Egjipti dhe Etiopia – Edhe pse konflikti mbi digën e Etiopisë në lumin Nil vazhdon, Trump pretendon se ka luajtur një rol për të zgjidhur mosmarrëveshjet mes dy vendeve.
7. Serbia dhe Kosova – Trump mburret se ka ndërhyrë për të ndihmuar në shmangien e luftës mes dy vendeve.

A mund ta fitojë Trump Çmimin Nobel të Paqes?

Donald Trump është nominuar për Çmimin Nobel të Paqes më shumë se 10 herë, përfshirë nga liderë të ndryshëm si Benjamin Netanyahu dhe Kryeministri i Kamboxhës, Hun Manet. Ndërkohë, disa ekspertë sugjerojnë se ndërhyrjet e tij mund të kenë qenë të dobishme për menaxhimin e konflikteve, por nuk kanë arritur të zgjidhin problemet në thelb të këtyre konflikteve.

Dr. Theo Zenou, një specialist i politikës ndërkombëtare, thotë se ndihma e Trump për arritjen e Marrëveshjes së Abrahamit, që ka ndihmuar disa shtete arabe të njohin Izraelin, është një arritje e tij më e madhe diplomatike. Ai thekson se, pavarësisht kritikave, Trump ka pasur sukses në mbajtjen e paqes në disa raste pa përdorur ndërhyrje ushtarake të drejtpërdrejta.

Në fund, edhe pse Trump ka bërë disa përpjekje për të menaxhuar konflikte, ekspertët theksojnë se ka një dallim të madh mes menaxhimit të konflikteve dhe zgjidhjes së tyre.

Në kuadër të operacionit “Quick Response” për ngjarjen e ndodhur dje rreth orës 12:10 në Kombinat, ku dy shtetas u qëlluan me armë zjarri në drejtim të automjetit me të cilin lëviznin, Policia e Tiranës ka realizuar arrestimin e dy personave dhe ka proceduar penalisht të tjerë.

Për ngjarjen që ndodhi në Kombinat, u arrestuan 2 shtetas, një 28 vjeçar dhe një 30 vjeçar, të dy banues në këtë zonë. Po ashtu, u proceduan penalisht shtetasit 4 të tjerë, të cilët ishin të përfshirë në një konflikt fizik para ngjarjes.

Nga hetimet paraprake, ka rezultuar se pas një konflikti fizik, 28 vjeçari ka qëlluar me armë zjarri në drejtim të automjetit, ndërsa i arrestuari tjetër ka drejtuar automjetin nga ku ka qëlluar po ashtu me armë.

Policia vijon hetimet për zbardhjen e plotë të ngjarjes dhe identifikimin e motiveve të saj.

/ abcnews.al /

Kryeministri Edi Rama me një postim në rrjetet sociale, ftoi qytetarët të bashkohen në nismën ‘Male të pastra’ i cili është një aksion pastrimi organizuar nga Agjencia Kombëtare e Zonave të Mbrojtura.

Kjo nismë do të mbahet në datë 26 gusht në dhjetë parqe kombëtare të vendit. Kryeministri Rama theksoi se ky është një kontribut modest i çdo individi, por një mesazh i fortë për kujdesin ndaj natyrës së përbashkët. / abcnews.al /

Ditën e shtunë vendi ynë do të ndikohet nga kushte atmosferike relativisht të paqëndrueshme.

Moti parashikohet fillimisht me kthjellime si dhe vranësira të pakta kalimtare ndërsa prej orëve të mesditës deri ato të pasdites vonë mot me vranësira mesatare deri të dendura si dhe intervale të herëpashershme me diell.

Vranësirat e dendura do të shoqërohen me reshje shiu të herëpashershme me intensitet të ulët në pjesën më të madhe të territorit ndërsa në relievet malore në zonën e veriut reshjet në periudha afatshkurtra në formën e shtrëngatave shoqëruar me shkarkesa elektrike.

Pas orëve të pasdites mot përsëri i kthjellët në të gjithë territorin.

Era do të fryjë me drejtim veriperëndim – jugperëndim me shpejtësi mesatare 8 m/s, ndërsa në zonat luginore dhe përgjatë vijës bregdetare hera-herës do të fitojë shpejtësi 15 m/s.