TIRANË, 10 korrik /ATSH/ Ministria e Mbrojtjes informoi sot në lidhje me situatën nga zjarret në vend.

Sipas njoftimit për medie të Ministrisë së Mbrojtjes “gjatë 24 orëve të fundit janë raportuar 18 vatra zjarri, nga të cilat 3 janë ende aktive. Këto vatra zjarri janë evidentuar në bashkitë: Vlorë, Dibër, Maliq, Korçë, Lezhë, Kurbin, Bulqizë, Malësi e Madhe, Përrenjas, Sarandë, Himarë, Poliçan, Kuçovë, Gjirokastër e Durrës”.

Ministria e Mbrojtjes bën të ditur se aktualisht mbeten aktive vatrat: Orikum, bashkia Vlorë – Në vendin e quajtur “Sotiran” ndërmjet fshatrave Tragjas dhe Dukat, në një sipërfaqe me shkurre dhe ferra në lartësi të malit. Situata është mbajtur në monitorim gjatë natës. Ditën e sotme në zonë po operojnë 8 forca zjarrfikëse, 4 forca bashkiake, 4 forca nga Shërbimi Pyjor, të ndihmuar nga 20 forca ushtarake të FA.

Qarku Dibër – Vijon të jetë në monitorim vatra e zjarrit në një sipërfaqe pyjore me pisha dhe dëllinja në vendin e quajtur “Livadhi i Peladhisë”, njësia administrative Zerqan, bashkia Bulqizë. Sipërfaqja e përshkuar nga zjarri vlerësohet në rreth 18 ha. Ditën e sotme po vazhdon puna nga forcat operacionale, por pritet të vijnë në ndihmë rreth 25 persona në mbështetje të tyre.

Dibër – Në vendin e quajtur “Liqeni i Luleve”, pjesë e Parkut Kombëtar Lurë ka vijuar puna për shuarjen e zjarrit të rënë në një sipërfaqe pyjore me pisha dhe livadh. Ditën e djeshme për shuarjen e tij janë angazhuar 7 efektivë të MZSH Dibër dhe 5 forca të AdZM. Zjarri është aktiv brenda perimetrit të tij dhe po vazhdon me intensitet të ulët. Diten e sotme po vazhdon puna nga forcat operacionale për shuarjen e plotë të tij.

Në total, nga zjarret e rëna, kryesisht në sipërfaqe me pemë, shkurre dhe barishte, janë djegur rreth 36 hektarë bimësi. Ndërsa u dogjën edhe 2500 rrënjë ullinj të moshës mbi 10 vjeçare, në fshatin Zgërbonjë, bashkia Poliçan. Policia e Shtetit ka ndaluar një shtetas, i cili është shoqëruar në komisariat, pasi dyshohet autori i ngjarjes.

Po ashtu janë djegur edhe rreth 30 rrënjë dru frutorë si, ullinj, kumbulla, fiq dhe hardhi pranë spitalit Kuçovë, në lagjen “11 Shkurti”, bashkia Kuçovë. Shkaku i zjarrit është nga këputja e telave elektrikë të tensionit të ulët.

Në operacionet për shuarjen e zjarreve u angazhuan 28 automjete zjarrfikëse dhe 237 forca. Gjithashtu në operacionet e ditës së djeshme morën pjesë edhe Forcat e Armatosura me 40 efektivë dhe 1 helikopter Cougar.

Bazuar në parashikimet e Institutit të Gjeoshkencave, në Qendrën Kombëtare Operacionale të Emergjencave Civile, sot priten reshje të dobëta shiu në qarqet: Shkodër, Kukës dhe Elbasan, ndërsa në qarqet Dibër, Durrës, Tiranë, Berat, Korçë, Vlorë dhe Gjirokastër priten reshje lokalisht të dobëta.

Sa i përket zjarreve, pritet nivel “I LARTË” rreziku në qarqet Fier dhe Vlorë, nivel rrezik “I MODERUAR” në qarqet Lezhë, Durrës, Tiranë, Elbasan, Berat, Korçë dhe Gjirokastër dhe nivel rrezik “I ULËT” në qarqet Shkodër, Kukës dhe Dibër.

Strukturat e Mbrojtjes Civile bëjnë me dije se vijojnë të jenë plotësisht të angazhuara, në bashkëpunim me të gjitha institucionet përgjegjëse, për monitorimin dhe ndërhyrjen në kohë në çdo vatër zjarri, me qëllim minimizimin e dëmeve në mjedis dhe rrezikut për jetën e qytetarëve.

/m.q//r.e//a.f/

The post MM: Tri vatra zjarri aktive nga 18 të raportuara gjatë 24 orëve të fundit appeared first on Agjencia Telegrafike Shqiptare.

TIRANË, 7 korrik/ATSH/ Gjatë 24 orëve të fundit janë raportuar 19 vatra zjarri, nga të cilat gjashtë vatra janë ende aktive. Këto vatra zjarri janë evidentuar në bashkitë e Finiqit, Vlorës, Elbasanit, Poliçanit, Beratit, Hasit, Bulqizës, Malësisë së Madhe, Lezhës, Kolonjës, Korçës, Tiranës, Kavajës e Fierit.

Sipas njoftimit të Agjencisë Kombëtare të Mbrojtjes Civile, aktualisht mbeten aktive vatrat:  në vendgrumbullimin e mbetjeve, në bashkinë Elbasan, ku edhe sot vijon puna për shuarjen e plotë të vatrës, pas izolimit të saj nga forcat operacionale, ditën e djeshme.

Puna vijon në vatrën e zjarrit midis fshatit Grazhdan, njësia administrative Livadhja dhe fshatit Malçan, njësia administrative Dhivër, bashkia Finiq. Gjatë natës forcat e MZSH Finiq dhe efektivët e Forcave të Armatosura qëndruan në monitorimin për të parandaluar ndonjë riaktivizim të mundshëm. Ditën e sotme zjarri vazhdon të jetë aktiv në zonën lindore të fshatit Leshinicë e Poshtme, por është larg zonës së banuar.

Gjithashtu, sipas AKMC-së, zjarri, në vendin e quajtur “Sotiran” ndërmjet fshatrave Tragjas dhe Dukat, njësia administrative Orikum, bashkia Vlorë vazhdon të jetë aktiv në tri vatra të shpërndara. Terreni e vështirëson ndërhyrjen, por zjarri nuk paraqet rrezikshmëri për zonën.

AKMC njofton se aktive mbetet vatra në fshatin Zgërbonjë, njësia administrative Vërtop, bashkia Poliçan. Gjatë natës vatra e zjarrit u mbajt në monitorim nga MZSH Poliçan dhe ditën e sotme kafilluar puna për shuarjen e plotë të vatrës së fundit aktive me 10 efektivë dhe 5 forca bashkiake. Sipas një informacioni paraprak nga shërbimi pyjor deri ditën e djeshme janë përshkuar rreth 50 ha.

Në vendin e quajtur “Livadhi i Peladhisë”, njësia administrative Zerqan, bashkia Bulqizë, gjatë natës për shkak të erës dhe temperaturave të larta vatra e zjarrit është transferuar duke shtrirë në territor drejt “Malit të Bardhë”. Ditën e sotme në terren ndodhen1 automjet zjarrfikës me 11 efektivë, 5 forca pyjore dhe 10 forca bashkiake.

Në vendin e quajtur“Bjeshkët e Parrusë”, njësia administrative Shkrel, bashkia Malësi e Madhe pati një riaktivizim të vatrës së zjarrit. Ditën e sotme në terren ndodhen 6 efektivë nga MZSH, 5 forca bashkiake, 5 forca nga shërbimi pyjor dhe 8 forca vullnetare.

Si pasojë e zjarreve të rëna kryesisht në sipërfaqe me pemë, shkurre e barishte janë djegur rreth 65 hektarë me bimësi.

“Në operacionet për shuarjen e zjarreve u angazhuan 37 automjete zjarrfikëse dhe 362 forca operacionale si dhe 8 automjete të rënda. Gjithashtu në operacionet e ditës së djeshme morën pjesë edhe Forcat e Armatosura me 104 efektivë, 6 automjete zjarrfikëse, 1 pompë thithëse dhe 1 traktor me zinxhirë”, thuhet në njoftim.

Bazuar në parashikimet e Institutit të Gjeoshkencave, sot pritet nivel rrezik “I LARTË” pothuajse në të gjitha qarqet.

Në qarkun Durrës pritet nivel rrezik “I MODERUAR” dhe lokalisht rrezik “I LARTË” vetёm nё zona tё lokalizuara, konkretisht: qarku Durrës (jug).

I gjithë sistemi i mbrojtjes civile vijon të jetë në ndjekje të situatës dhe në gatishmëri të plotë për ndërhyrje të shpejtë.

Në këtë situatë u bëhet thirrje të gjithë qytetarëve që të tregojnë përgjegjësi maksimale: Mos ndizni zjarre në ambiente të hapura, mos digjni mbeturina, shmangni çdo veprim që mund të shkaktojë zjarr dhe njoftoni në kohë autoritetet vendore.

/e.i//a.f/

The post AKMC: 19 vatra zjarri, nga të cilat gjashtë janë ende aktive appeared first on Agjencia Telegrafike Shqiptare.

TIRANË, 4 korrik /ATSH/ Agjencia Kombëtare e Mbrojtjes Civile njoftoi sot lidhur me situatën e zjarreve në vend.

Sipas të dhënave nga Qendra Kombëtare Operacionale e Emergjencave Civile në AKMC, nga ora 09:00, datë 04.07.2025, deri në orën 20:30, datë 04.07.2025, janë raportuar 14 vatra zjarri. Nga këto janë shuar 10 vatra zjarri dhe janë aktive 4 vatra zjarri.

AKMC bën të ditur se, pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave:

Në fshatin Burrel, Njësia Administrative Komsi, bashkia Mat;

Në fshatin Hajmel, njësia administrative Hajmel, bashkia Vau-Dejës;

Në fshatin Perondi, njësia administrative Perondi, bashkia Kuçovë;

Në lagjen “Gur i Bardh”, njësia administrative Ura Vajgurore, bashkia Dimal;

Në fshatin Draç, njësia administrative Ishëm, bashkia Durrës;

Në fshatin Draç, njësia administrative Ishëm, bashkia Durrës;

Në fshatin Rrashbull, njësia administrative Rrashbull, bashkia Durrës;

Në fshatin Katund i Vjetër, njësia administrative Rubik, bashkia Mirditë;

Në fshatin Fushë-Prezë, njësia administrative Prezë, bashkia Vorë;

Në fshatin Zgërbonjë, njësia administrative Vërtop, bashkia Poliçan.

Aktualisht, janë aktive vatrat në qarkun Vlorë, midis fshatit Grazhdan, njësia administrative Livadhja dhe fshatit Malçan, njësia administrative Dhivër, bashkia Finiq, zjarri i rënë më datë 1 korrik vazhdon të jetë aktiv në malin e Shedenikut mbi fshatin Malçan, në një sipërfaqe me pyll pishe në një distancë shumë të largët dhe të pamundur për tu arritur në këmbë.

Zjarri po monitorohet në distancë nga 1 mjet zjarrfikës me 3 efektivë dhe punonjës të Shërbimit Pyjor në fshatin Malçan. Nuk ka rrezik për zona të banuara.

Në qarkun Elbasan sot ka vijuar puna për shuarjen e zjarrit në vendgrumbullimin e mbetjeve në bashkinë Elbasan. Nisur nga situata e krijuar, ku për shkak të punës me intensitet të lartë dhe orë të zgjatura që prej ditës së Martë, ka përmirësim të situatës në landfill.

Aktualisht në terren janë angazhuar: 4 mjete zjarrfikëse (1 mjet i MZSH Elbasan, 2 mjete të FA; 1 mjet i MZSH Tiranë, pritet edhe një mjet i MZSH Berat); 5 mjete të tonazhit të rënd të bashkisë Elbasan; 2 kamionë vetëshkarkues të ushtrisë nga FA; 15 mjete të tonazhit të rend të subjekteve private (trajlerë); 5 fadroma të bashkisë Elbasan; 1 fadromë e subjektit privat; 1 fadromë e kompanisë së inceneratorit; 1 traktor i Forcave të Armatosura; 1 ekskavator i kompanisë së inceneratorit; 1 ekskavator i subjektit privat; 1 pompë thithëse me kapacitet të lartë nga Forcat e Armatosura.

Në qarkun Kukës, në zonën malore mes fshatrave Gjinaj dhe Domaj, njësia administrative Gjinaj, bashkia Has, vazhdon të jetë aktiv brenda perimetrit të tij zjarri i rënë në një sipërfaqe me pyll pishe.

Në terren, janë angazhuar për shuarjen e tij, 10 punonjës të Shërbimit Pyjor, 4 forca të Mzsh Has me 1 automjet, 4 forca policore, 2 forca bashkiake dhe 10 forca vullnetare. Forcat kanë punuar dhe kanë izoluar vatrën e zjarrit.

Në qarkun Tiranë, në fshatin Bulticë, njësia administrative Vaqarr, bashkia Tiranë, vazhdon të jetë aktiv me intensitet të ulët zjarri i rënë në një sipërfaqe me shkurre e ferra.

Në vendngjarjë ka operuar 1 helikopter Cougar paraditen dhe pasditen e sotme, i cili ka bërë të mundur izolimin e tij. Në zonën e zjarrit po punojnë 20 forca zjarrfikëse, si dhe 20 forca të APR-së së bashkisë Tiranë, të cilat vijojnë me mjete rrethanore dhe ato individuale për shuarjen përfundimtare të vatrave të zjarrit. Sipërfaqe e përshkuar është afërsisht 4 ha. Zjarri është izoluar plotësisht.

/gj.m//r.e//a.f/

The post AKMC: Shuhen 10 vatra zjarri, punohet për 4 të tjerat appeared first on Agjencia Telegrafike Shqiptare.

TIRANË, 4 korrik/ATSH/ Sipas të dhënave nga Qendra Kombëtare Operacionale e Emergjencave Civile në Agjencinë Kombëtare të Mbrojtjes Civile nga ora 09:00 e ditës së sotme deri në orën 14:30 janë raportuar 9 vatra zjarri.

Sipas AKMC-së, nga këto janë shuar 5 vatra zjarri dhe janë aktive 4 vatra zjarri.

Pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në: Fshatin Burrel, njësia administrative Komsi, bashkia Mat; Fshatin Hajmel, nj.adm. Hajmel, bashkia Vau-Dejës; Fshatin Perondi, nj.adm. Perondi, bashkia Kuçovë; Lagjja “Gur i Bardh”, njësia administrative Ura Vajgurore, bashkia Dimal; Fshatin Draç, njësia administrative Ishëm, bashkia Durrës.

Aktualisht janë aktive vatrat në qarkun Vlorë. Ndërkohë që të gjitha zjarret aktive nuk rrezikojnë zona të banuara apo objekte biznesi.

Midis fshatit Grazhdan, njësia administrative Livadhja dhe fshatit Malçan, njësia administrative Dhivër, bashkia Finiq, zjarri i rënë më 1 korrik vazhdon të jetë aktiv në Malin e Shedenikut mbi fshatin Malcan, në një sipërfaqe me pyll pishe në një distancë shumë të largët dhe të pamundur për tu arritur në këmbë. Zjarri po monitorohet në distancë nga 1 mjet zjarrfikës me 3 efektivë dhe punonjës të Shërbimit Pyjor në fshatin Malçan.

Qarku Elbasan

Ka vijuar puna për shuarjen e zjarrit në vendgrumbullimin e mbetjeve në bashkinë Elbasan. Sipas drejtiesit te operacionit situata duket pak me mire se ditën e djeshme. Kryesisht vatra e zjarrit është në pjesën perëndimore aty janë përqendruar edhe mjete zjarrfikese.

Qarku Kukës

Në zonën malore mes fshatrave Gjinaj dhe Domaj, njësia administrative Gjinaj, bashkia Has, vazhdon të jetë aktiv zjarri i rënë në një sipërfaqe me pyll pishe. Në terren, janë angazhuar për shuarjen e tij:10 punonjës të Shërbimit Pyjor, 5 forca të Mzsh Has me 1 automjet, 4 forca policore, 7 forca bashkiake dhe 10 vullnetarë. Terreni i vështirë dhe era e mbajnë zjarrin aktiv.

Qarku Tiranë

Në fshatin Bulticë, njësia administrative Vaqarr, bashkia Tiranë, vazhdon të jetë aktiv me intensitet të ulët zjarri i rënë në një sipërfaqe me shkurre e ferra. Në vendngjarjë ka operuar 1 helikopter Cougar, i cili ka bërë të mundur izolimin e tij. Në zonën e zjarrit po punojnë 20 forca zjarrfikëse, si dhe 20 forca të APR-së së bashkisë Tiranë, të cilat vijojnë me mjete rrethanore dhe ato individuale për shuarjen përfundimtare të vatrave të zjarrit. Zjarri është nën kontroll.

/k.s/j.p/

The post AKMC: 9 vatra zjarri gjatë ditës së sotme, 5 janë shuar dhe 4 aktive appeared first on Agjencia Telegrafike Shqiptare.

TIRANË, 3 korrik /ATSH/ Qendra Kombëtare Operacionale e Emergjencave Civile në AKMC ka dhënë informacione sot në lidhje me situatën nga zjarret në vend.

Sipas të dhënave nga Qendra Kombëtare Operacionale e Emergjencave Civile në AKMC, nga ora 09:00, datë 03.07.2025, deri në orën 20:30, datë 03.07.2025, janë raportuar 14 vatra zjarri.

Nga këto janë shuar dhjetë vatra zjarri dhe janë aktive katër vatra.

Pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në:

• Fshatin Byshek, njësia administrative Shushicë, bashkia Elbasan;
• Në fshatin Vehçam, njësia administrative Hotolisht, bashkia Librazhd;
• Ish-fabrikën e çimentos, njësia administrative Nr 1, bashkia Vlorë;
• Lagjen Nr. 6 Kavajë, bashkia Kavajë;
• Lagjen Yzberisht, njësia administrative Kashar, bashkia Tiranë;
• Fshatin Rraboshtë, njësia administrative Kallmet, bashkia Lezhë;
• Fshatin Moravë, njësia administrative Otllak, bashkia Berat;
• Fshatin Rrencë, njësia administrative Gur i Zi, bashkia Shkodër;
• Fshatin Ashtë, njësia administrative Bushat, bashkia Vau-Dejës;
• Në fshatin Hoçisht, njësia administrative Hoçisht, bashkia Devoll;

Aktualisht, janë aktive vatrat në:

Qarku Vlorë

Midis fshatit Grazhdan, njësia administrative Livadhja dhe fshatit Malçan, njësia administrative Dhivër, bashkia Finiq, zjarri i rënë dje vazhdon të jetë aktiv në Malin e Shedenikut mbi fshatin Malcan, në një sipërfaqe me pyll pishe në një distancë shumë të largët dhe të pamundur për t’u arritur në këmbë. Nga puna e forcave në terren është eleminuar rreziku për banesat. Zjarri po monitorohet në distancë nga 1 mjet zjarrfikës me 3 efektivë në fshatin Malcan.

Qarku Elbasan

Më datë 03.07.2025, ka vijuar puna për shuarjen e zjarrit  në vendgrumbullimin e mbetjeve në bashkinë Elbasan. Në vendngjarje u angazhuan gjatë ditës së sotme 6 automjete zjarrfikëse me 18 efektivë nga  Shërbimi vendor i MZSH të bashkive Elbasan, Cërrik, Librazhd, Tiranë dhe Peqin, 12 mjete të tonazhit të rëndë, 5 fadroma, 2 ekskavatorë dhe 1 traktor me zinxhirë nga bashkia Elbasan. Nga Forcat e Armatosura u angazhuan: 4 automjete zjarrfikëse, 4 kamionë vetëshkarkues, 1 traktor me zinxhirë, 35 trupa, 1 grup ekspertësh për matjen e ndotjes së ajrit dhe 1 helikopter Cougar. Gjatë ditës u punua kryesisht me hedhjen e inerteve dhe kapsulimin e mbetjeve. Zjarri vijon të mbetet problematik.

Qarku Kukës

Në zonën malore mes fshatrave Gjinaj dhe Domaj, njësia administrative Gjinaj, Bashkia Has,  ka rënë zjarr në një sipërfaqe me pyll pishe. Në terren, janë angazhuar për shuarjen e zjarrit: 10 punonjës të Shërbimit Pyjor , 5 forca të MZSH Has me 1 automjet, 4 forca policore, 7 forca bashkiake dhe 10 vullnetarë. Terreni i vështirë dhe era e mbajnë zjarrin aktiv.

Qarku Tiranë

Në fshatin Bulticë, njësia administrative Vaqarr, bashkia Tiranë, në orën 13:30, ka rënë zjarr në një sipërfaqe me shkurre e ferra. Në vendngjarje shkuan 1 automjet zjarrfikës me 4 efektivë nga MZSH Tiranë dhe 3 forca policore. Terreni jo i favorshëm e bën të vështirë kalimin e mjeteve dhe vatra vijon të mbetet aktive.

/m.q//r.e//a.f/

The post Situata nga zjarret në vend, AKMC: Katër vatra aktive, dhjetë janë shuar appeared first on Agjencia Telegrafike Shqiptare.

TIRANË, 3 korrik /ATSH/ Agjencia Kombëtare e Mbrojtjes Civile raporti sot lidhur me situatën e zjarreve në rang vendi.

AKMC bën të ditur se, gjatë 24 orëve të fundit janë raportuar 29 vatra zjarri, nga të cilat 2 vatra janë ende aktive.

Këto vatra zjarri janë evidentuar në bashkitë e Elbasanit, Finiqit, Selenicës, Vlorës, Memaliajt, Libohovës, Dropullit, Kamzës, Tiranës, Durrësit, Kavajës, Rrogozhinës,  Fierit, Divjakës, Vaut të Dejës, Malësisë së Madhe dhe Lezhës.

Aktualisht mbeten aktive vatrat në vendgrumbullimin e mbetjeve, në bashkinë Elbasan, ku vijon puna për shuarjen e plotë të vatrës.

Ndërkohë , në vatrën e zjarrit midis fshatit Grazhdan, njësia administrative Livadhja dhe fshatit Malçan, njësia administrative Dhivër, bashkia Finiq, situata sot  është më e qetë dhe intensiteti i zjarrit ka rënë, por situata po monitorohet.

Si pasojë e zjarreve të rëna kryesisht në sipërfaqe me pemë, shkurre dhe barishte janë djegur rreth 18 hektarë dhe rreth 220 rrënjë ullinj.

Në operacionet për shuarjen e zjarreve u angazhuan 64 automjete zjarrfikëse dhe 252 forca operacionale. Gjithashtu në operacionet e ditës së djeshme morën pjesë edhe Forcat e Armatosura me 35 efektivë, 4 automjete zjarrfikëse, 4 kamionë vetëshkarkues, dhe 1 traktor me zinxhirë.

Bazuar në parashikimet e Institutit të Gjeoshkencave, sot pritet nivel rreziku “I lartë” për zjarret në pothuajse të gjitha qarqet.

I gjithë sistemi i mbrojtjes civile është në ndjekje të situatës dhe në gatishmëri për të ofruar mbështetje të menjëhershme nëse do të jetë e nevojshme.

AKMC përsërit thirrjen për qytetarët që, në këto ditë me temperatura të larta dhe rrezik të shtuar për zjarre, të tregojnë kujdes maksimal dhe përgjegjshmëri. Të shmangin çdo veprim që mund të shkaktojë zjarr, si ndezja e zjarreve në ambiente të hapura, djegia e mbetjeve apo hedhja e objekteve të ndezshme në natyrë.

Çdo rast zjarri duhet të njoftohet menjëherë pranë strukturave vendore, thekson AKMC.

/gj.m/j.p/

The post AKMC: 29 vatra zjarri gjatë 24 orëve të fundit, 2 ende aktive appeared first on Agjencia Telegrafike Shqiptare.

TIRANË, 29 qershor/ ATSH/ Ministri i Mbrojtjes Pirro Vengu njoftoi sot se janë shuar 20 vatra zjarri nga 22 të raportuara në total.

Në një postim në rrjetet sociale Vengu ndan pamje nga puna në terren e forcave zjarrëfikëse, por edhe ndërhyrjes mga ajri.

“Deri në orën 20:00, janë raportuar gjithsej 22 vatra zjarri në rang vendi, nga të cilat 20 janë shuar plotësisht, falë angazhimit të strukturave tona operacionale në terren. Aktualisht, vijojnë të jenë aktive vetëm 2 vatra zjarri: në fshatin Hoshtimë, bashkia Vlorë dhe në pyllin e Ballenjës, bashkia Bulqizë”, shkruan Vengu.

“Jemi tërësisht të angazhuar në terren me mjetet dhe forcat tona, përfshirë edhe mbështetjen ajrore me helikopter të Forcave të Armatosura”, garanton ministri i mbrojtjes .

“Situata është nën monitorim të vazhdueshëm dhe strukturat e mbrojtjes janë në gatishmëri të plotë për të reaguar me shpejtësi dhe vendosmëri kudo që të jetë e nevojshme.

“Ftoj qytetarët të bashkëpunojnë duke raportuar çdo sinjal zjarri dhe të shmangin çdo veprim që mund të rrezikojë përhapjen e flakëve. Bashkë për të mbrojtur jetën, pasuritë dhe natyrën tonë!”, përfundon Vengu.

Sakaq, Qendra Kombëtare Operacionale të Emergjencave Civile në AKMC, njofton se pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në:

– Fshatin Zvërnec, njësia administrative Qendër, bashkia Vlorë.

– Lagjen Pavarësia, njësia administrative Rajoni Nr 5, bashkia Vlorë.

– Fshatin Arshi Lengo, njësia administrative Antigonë, bashkia Gjirokastër.

– Fshatin Kosinë, njësia administrative Piskovë, bashkia Gjirokastër.Fshatin Kolsh, njësia administrative Kolsh, bashkia Lezhë.

– Fshatin Markatomaj, njësia administrative Zejmen, bashkia Lezhë.

– Fshatin Hoten, njësia administrative Bushat, bashkia Vau Dejes.

– Fshatin Gojan, njësia administrative Gjegjan, bashkia Pukë.

– Fshatin Frakull, njësia administrative Frakull, bashkia Fier.

– Fshatin Lin, njësia administrative Udenisht, bashkia Pogradec.

– Fshatin Frutikulturë, njësia administrative numër 2, bashkia Kamëz.

– Fshatin Llugaj, njësia administrative Llugaj, bashkia Tropojë.

– Fshatin Golaj, njësia administrative Golaj, bashkia Has.

– Qytetin Selenicë, njësia administrative Selenicë, bashkia Selenicë.

– Afër hotel Adriatikut, njësia administrative Rajoni Nr. 5, bashkia Durrës.

– Në fshatin Kërcukje, njësia administrative Ndroq, bashkia Tiranë

– Në lagjen Matohitaj, njësia administrative Patos, bashkia Patos

– Në fshatin Valias i Vjetër, njësia administrative Nr.1, bashkia Kamëz.

– Në fshatin Laknas, njësia administrative Nr.1, bashkia Kamëz

– Në fshatin Dugagjin, njësia administrative Derjan, bashkia Mat

Aktualisht, janë aktive vatrat në:

– Fshatin Hoshtimë, njësia administrative Qendër, bashkia Vlorë, ku ka rënë zjarr në një sipërfaqe me ferra barishte dhe ullinj. Terreni malor, era dhe temperaturat e larta e bënë të vështirë vënien në kontroll të zjarrit dhe në vendngjarje ndodhen Shërbimi vendor i MZSH Vlorë me 4 automjete zjarrfikëse dhe 14 efektivë, MZSH Fier, Berat dhe Himarë me nga 1 automjet zjarrfikës me 3 efektivë, 2 automjete të FA dhe 14 efektivë, 1 automjet nga ujësjellësi Himarë dhe forca të shumta vullnetare, të cilët po punojnë për shuarjen e zjarrit. Në ndihmë erdhi Helikopteri Cougar i Forcave të Armatosura.

– Në pyllin e Ballenjës, njësia administrative Marranesh, bashkia Bulqizë, ku ka rënë zjarr në një sipërfaqe me pemë pishe. Në vendngjarje ndodhen Shërbimi vendor i MZSH të bashkisë Bulqizë me 2 automjete zjarrfikës dhe 10 efektivë, të cilët po punojnë për vënien nën kontroll të zjarrit. Shkaku i rënies së zjarrit është i panjohur.

Në operacionet për shuarjen e zjarreve, deri tani janë angazhuar 55 automjete zjarrfikëse, 196 forca operacionale, 2 automjete zjarrfikëse dhe 14 efektiv dhe 1 helikopter nga Forcat e Armatosura.

Qendra Kombëtare Operacionale e Emergjencave Civile është në ndjekje të situatës dhe në gatishmëri për të ofruar mbështetje të menjëhershme nëse do të jetë e nevojshme.

/a.f/

The post Vengu: Shuhen 20 vatra zjarri, vetëm 2 aktive appeared first on Agjencia Telegrafike Shqiptare.

TIRANË, 27 qershor /ATSH/ Në ambientet e Agjencisë Kombëtare të Mbrojtjes Civile u zhvillua sot një takim i veçantë mes drejtorit të Përgjithshëm, Haki Çako, dhe atasheve ushtarakë të akredituar në vendin tonë.

Takimi shërbeu për prezantimin e misionit dhe veprimtarisë së AKMC-së në të gjithë komponentët kryesorë të saj: kuadri ligjor, dokumentet strategjike, bashkëpunimi ndërkombëtar, projektet në zbatim, partneritetet si dhe anëtarësimi në Mekanizmin e Mbrojtjes Civile të Bashkimit Evropian (UCPM).

Ky takim ishte një hap i rëndësishëm drejt forcimit të lidhjeve ndërinstitucionale dhe rritjes së bashkëpunimit ndërkombëtar në fushën e sigurisë dhe menaxhimit të emergjencave.

/gj.m/j.p/

The post Çako pret atashetë ushtarakë të akredituar në Shqipëri: Forcim i lidhjeve ndërinstitucionale appeared first on Agjencia Telegrafike Shqiptare.

TIRANË, 26 qershor /ATSH/ Agjencia Kombëtare e Mbrojtjes Civile informoi sot për situatën e zjarreve në vend.

Bazuar në informacionet e dërguara nga strukturat e sistemit të Mbrojtjes Civile në nivel qendror dhe vendor, në Qendrën Kombëtare Operacionale të Emergjencave Civile, në Agjencinë Kombëtare të Mbrojtjes Civile, gjatë 24 orëve të fundit është raportuar për 8 vatra zjarri, të cilat janë izoluar të gjitha.

AKMC bëri të ditur se, në operacionet për shuarjen e zjarreve u angazhuan 78 forca operacionale, 11 automjete zjarrfikëse dhe mjete të tjera transporti e gërmuese.

Pas një pune të pandërprerë të forcave në terren u shuan vatrat e zjarrit të raportuara në disa zona në qarqet: Fier, Lezhë, Vlorë, Shkodër, Tiranë e Berat.

Sipas informacionit të dërguar nga Instituti i Gjeoshkencave, në Qendrën Kombëtare Operacionale të Emergjencave Civile, sot pritet nivel rreziku “I lartë” për zjarret në qarkun Fier, ndërsa pritet nivel rreziku “I moderuar” në qarqet e tjerë.

Ministria e Mbrojtjes dhe Agjencia Kombëtare e Mbrojtjes Civile përsërisin thirrjen për qytetarët, të bëjnë kujdes në këto ditë me temperatura të larta dhe të njoftojnë në kohë, në çdo rast kur vërejnë një vatër zjarri.

/r.e//a.f/

The post AKMC: Janë izoluar 8 vatra zjarri gjatë 24 orëve të fundit appeared first on Agjencia Telegrafike Shqiptare.

TIRANË, 25 qershor /ATSH/ Ministria e Mbrojtjes njoftoi sot për situatën e zjarreve në vendin tonë.

Bazuar në informacionet e dërguara nga strukturat e sistemit të Mbrojtjes Civile në nivel qendror dhe vendor, në Qendrën Kombëtare Operacionale të Emergjencave Civile, në Agjencinë Kombëtare të Mbrojtjes Civile, gjatë 24 orëve të fundit është raportuar për 13 vatra zjarri, të cilat janë izoluar të gjitha, por në pak prej tyre situata po mbahet nën monitorim.

Në operacionet për shuarjen e zjarreve u angazhuan 118 forca operacionale, 22 automjete zjarrfikëse dhe mjete të tjera transporti dhe gërmuese.

Në qarkun Vlorë, pas një pune të pandërprerë zjarri i rënë në një sipërfaqe me lisa, shkurre dhe ullinj, në fshatin Llaman, njësia administrative Himarë, bashkia Himarë u arrit të shuhej. Në operacion u angazhuan: 4 automjete zjarrfikëse me 12 efektivë nga shërbimi vendor i MZSH të bashkisë Himarë, 3 forca policore, 13 forca bashkiake dhe 4 forca Shërbimi Pyjor. Shkaku i rënies së zjarrit është i papërcaktuar.

Po ashtu u arrit të shuhej edhe zjarri i rënë në një sipërfaqe me shkurre në fshatin Amonicë, njësia administrative Sevaster, bashkia Selenicë, si dhe vatra në një sipërfaqe me shkurre, në lagjen “Ish-Fidanishtja”, njësia administrative Rajoni 5, bashkia Vlorë.

Në qarkun Lezhë, pas një pune të palodhur të forcave, u shua edhe vatra e zjarrit të rënë më datë 23.06.2025, në fshatin Ndërfan, njësia administrative Rrëshen, bashkia Mirditë, në një sipërfaqe me pyll lisi dhe shkurre. Zona po mbahet në monitorim.

Në qarkun Kukës edhe vatra e zjarrit, në vendgrumbullimin e mbetjeve urbane, në fshatin Mamëz, njësia administrative Kolsh, bashkia Kukës u shua plotësisht pas përpjekjeve të forcave, por zona po mbahet nën monitorim.

Në qarkun e Elbasanit janë shuar vatrat: në fshatin Shijon, njësia administrative Bradashesh, bashkia Elbasan, në një sipërfaqe me shkurre dhe ferra; vatra në një sipërfaqe me shkurre dhe barishte në vendin e quajtur “Mali i Dukës”, njësia administrative Rrajcë, bashkia Përrenjas.

Në qarkun Tiranë, një vatër zjarri e rënë dje, në një sipërfaqe me shkurre dhe barishte, rreth orës 16:50, në fshatin Vishnje, njësia administrative Vaqarr, bashkia Tiranë, u arrit të izolohej. Shkaku i rënies së zjarrit është i panjohur.

Në qarkun Durrës është arritur të shuhet një vatër zjarri që ra pasditen e djeshme, në një bazë ushqimore për bagëtitë, në fshatin Borizanë, njësia administrative Thumanë, bashkia Krujë. Si pasojë, pati dëme në objekt dhe në bazën ushqimore. Shkaku i rënies së zjarrit është i panjohur.

Po ashtu u shua edhe vatra e zjarrit, në një sipërfaqe me hamullore, në fshatin Hamallaj, njësia administrative Sukth, bashkia Durrës.

Në qarkun Fier, forcat e angazhuara në terren izoluan zjarrin e rënë dje, rreth orës 17:05, në një sipërfaqe me shkurre, në fshatin Sheqishtë, njësia administrative Zharrëz, bashkia Patos.

Në qarkun Gjirokastër, forcat operacionale punuan për shuarjen e vatrës së zjarrit të rënë dje, rreth orës  20:40, në një sipërfaqe me shkurre dhe barishte, midis fshatrave Valare dhe Dhoksat, njësia administrative Lunxhëri, bashkia Gjirokastër.

Nga qarqet e tjera të vendit nuk janë raportuar raste zjarri.

Sipas informacionit të dërguar nga Instituti i Gjeoshkencave, në Qendrën Kombëtare Operacionale të Emergjencave Civile, sot pritet nivel rrezik “I lartë” në qarkun Fier, ndërsa  pritet nivel rrezik “I moderuar” në qarqet e tjerë.

Nё disa qarqe pritet rrezik “I lartë” vetёm nё zona tё lokalizuara, konkretisht: qarku Shkodër (Jug), Kukës (Juglindje), Lezhë (Qendër), Durrës (Verilindje), Tiranë (Jug), Elbasan (Jugperëndim), Gjirokastër (Veri) dhe Vlorë (Veri).

Ministria e Mbrojtjes dhe Agjencia Kombëtare e Mbrojtjes Civile përsërit thirrjen për qytetarët, të bëjnë kujdes në këto ditë me temperature të larta dhe të njoftojnë në kohë, në çdo rast kur vërejnë një vatër zjarri.

/gj.m//r.e//a.f/

The post MM: Në 24 orët e fundit u izoluan 13 vatra zjarri, disa mbahen nën monitorim appeared first on Agjencia Telegrafike Shqiptare.

TIRANË, 24 qershor/ATSH/ Qendra Kombëtare Operacionale e Emergjencave Civile e ngritur pranë Agjencisë Kombëtare të Mbrojtjes Civile, bën të ditur se gjatë orëve të fundit, në Shqipëri janë raportuar shtatë vatra zjarri, nga të cilat pesë janë shuar plotësisht, ndërsa dy vazhdojnë të jenë aktive.

Sipas AKMC-së, forcat operacionale kanë punuar pa ndërprerje për të izoluar dhe shuar zjarret në disa zona, duke arritur rezultate të rëndësishme.

Në fshatin Ndërfan të njësisë administrative Rrëshen, bashkia Mirditë, si dhe në zonën e Astirit në Tiranë, zjarret janë vënë nën kontroll dhe janë shuar plotësisht.

Po ashtu, flakët u neutralizuan në lagjen “Ish-Fidanishtja” në Vlorë, në fshatin Amonicë të njësisë administrative Sevaster në Selenicë dhe në fshatin Shijon, Bradashesh, Elbasan.

Aktualisht, zjarret aktive ndodhen në qarqet e Vlorës dhe Kukësit. Në Himarë, vatrat në Porto Palermo dhe në zonën Qafë Lerë-Llaman janë fikur, ndërsa në fshatin Kudhës, në vendin e quajtur Vumlo, zjarri, pas izolimit fillestar, u përhap përsëri për shkak të erës dhe nxehtësisë, duke krijuar vështirësi për ndërhyrje për shkak të terrenit të ashpër.

Forcat e MZSH, Shërbimi Pyjor dhe ndërmarrjet lokale po punojnë me mjete rrethanore dhe pompa shpine për të kontrolluar situatën, pa rrezikuar zonat e banuara.

Në Kukës, konkretisht në fshatin Kolsh të njësisë administrative Mamëz, po vijon puna për fikjen e zjarrit të shkaktuar në vendgrumbullimin e mbetjeve urbane.

Për këtë operacion janë angazhuar dy automjete zjarrfikëse me 10 efektivë, një fadromë, një ekskavator dhe katër kamionë nga Drejtoria e Shërbimeve të Bashkisë.

Pavarësisht sfidave dhe kushteve të vështira në terren, forcat në terren po vazhdojnë punën intensive për parandalimin dhe shuarjen e zjarreve, duke mbajtur situatën nën kontroll dhe duke garantuar sigurinë e banorëve në zonat e prekura. /j.p/

The post AKMC: 2 vatra aktive zjarri në Vlorë dhe Kukës, forcat operacionale në terren pa ndërprerje appeared first on Agjencia Telegrafike Shqiptare.

TIRANË, 14 qershor /ATSH/ Akademia e Shkencave e Shqipërisë, në bashkëpunim me Universitetin Politeknik të Tiranës organizoi forumin shkencor “Risku Sizmik dhe Zvogëlimi i tij”, ku u trajtuan çështje thelbësore mbi menaxhimin e këtij rreziku në nivel kombëtar.

Në këtë forum, mori pjesa edhe Adisa Bala, drejtoresha e Zvogëlimit të Riskut nga Fatkeqësitë nga Agjencia Kombëtare e Mbrojtjes Civile, e cila prezantoi kumtesën me titull “Menaxhimi i riskut sizmik në kuadër të mbrojtjes civile shqiptare”, duke vënë theksin te parandalimi dhe nevoja e bashkëpunimit ndërinstitucional në raste fatkeqësisht natyrore.

Sipas njoftimit të AKMC-së, ekspertë të fushës prezantuan qasje dhe metoda për parandalimin dhe reduktimin e pasojave nga tërmetet, duke theksuar rëndësinë e ndërhyrjeve para, gjatë dhe pas ndodhjes së fenomeneve sizmike, si dhe nevojën për koordinim ndërinstitucional.

“Në përmbyllje, forumi prezantoi një sërë gjetjesh dhe rekomandime konkrete për institucionet përgjegjëse, punimet e të cilave janë botuar në librin e kumtesave pranë Akademisë së Shkencave dhe Fakultetit të Inxhinerisë së Ndërtimit”, thuhet në njoftimin e AKMC-së në rrjetet sociale.

Nga forumi shkencor “Risku sizmik dhe zvogëlimi i tij”, i organizuar bga Akademia e Shkencave e...

1 nga 5

/e.i/j.p/

The post “Risku sizmik dhe zvogëlimi i tij”, forum mes institucioneve në Akademinë e Shkencave appeared first on Agjencia Telegrafike Shqiptare.

TIRANË, 20 maj /ATSH/ Në kuadër të Programit Kombëtar të Trajnimeve për Mbrojtjen Civile, në qytetin e Vlorës u zhvillua një trajnim i strukturave vendore, me temë “Përdorimi i Bazës së të Dhënave të Humbjeve nga Fatkeqësitë”.

Trajnimi u organizua nga përfaqësues të Agjencisë Kombëtare të Mbrojtjes Civile (AKMC), me pjesëmarrjen e stafit të emergjencave civile nga bashkitë dhe prefekturat.

Qëllimi i tij ishte forcimi i kapaciteteve institucionale për mbledhjen, administrimin dhe analizimin e të dhënave mbi dëmet e shkaktuara nga fatkeqësitë, njoftoi sot AKMC.

Sipas AKMC, ky aktivitet është një hap konkret drejt zbatimit të Strategjisë Kombëtare për Zvogëlimin e Riskut nga Fatkeqësitë dhe përmirësimit të sistemeve të reagimit dhe planifikimit në nivel vendor.

/r.e/

The post AKMC, forcim i kapaciteteve mbi dëmet nga fatkeqësitë appeared first on Agjencia Telegrafike Shqiptare.

TIRANË, 9 prill/ATSH/ Operacioni stërvitor ndërkombëtar “Flood North Albania”, shënoi sot pikën kulmore me demonstrimin e ndërhyrjeve në ndihmë të banorëve të izoluar, një situatë përmbytjeje.

Ky operacion u zhvillua në lumin Buna, në Shkodër dhe përfshinte disa komponentë.

Gjatë këtij operacioni u demonstrua një operacion shpëtimi për disa banorë të izoluar nga uji, shpëtimi i personave të plagosur, ndërhyrja për shpëtimin e bagëtive, ndërhyrja për të izoluar pasojat nga përmbytja e një magazine plehrash kimike dhe pesticidesh, etj.

Pjesë e stërvitjes ishin edhe helikopterë të ushtrisë shqiptare, të cilët ekzekutuan një operacion delikat shpëtimi të personave që janë duke u mbytur.

Stërvitja ishte e shkallës së gjerë dhe përfshiu edhe shërbimin e urgjencës shëndetësore, forcat e policisë, ushtrisë dhe Kryqin e Kuq.

Shqipëria ishte vendi pritës i kësaj stërvitjeje, ku marrin pjesë 13 partnerëve që vijnë nga rajoni i Ballkanit, por jo vetëm.

Kjo stërvitje ka si objektiv të testojë përgatitjen e forcave të mbrojtjes civile në rast përmbytjesh, gatishmërinë e institucioneve vendase si dhe koordinimin mes vendit pritës dhe ndihmës që vjen nga vendet e tjera.

Stërvitja është një sfidë edhe nga ana organizative për Agjencinë Kombëtare të Mbrojtjes Civile të Shqipërisë.

Drejtori i AKMC-së, Haki Çako tha se “ky është një hap shumë i rëndësishëm për të perfeksionuar bashkëpunimin mes vendeve të rajonit, për të përballuar së bashku fatkeqësitë natyrore”.

Ky projekt është financuar nga DG ECHO, Bashkimi Europian dhe ka filluar që në Janar të vitit 2024 dhe përfundon në Dhjetor 2025 dhe lider i tij është Agjencia Kombëtare e Mbrotjes Civile të Shqipërisë. dhe në këtë partneritet janë përfshirë, përveç Shqipërisë edhe Mali i Zi, Kosova, Greqia, Italia, Qipro, Maqedonia e Veriut dhe Bullgaria.

1 nga 11

/k.s/j.p/

The post Lumi Buna, arenë e operacionit stërvitor ndërkombëtar “Flood North Albania” appeared first on Agjencia Telegrafike Shqiptare.

TIRANË, 5 prill /ATSH/ Kreu i Emergjencave Civile, Haki Çako mori pjesë sot në aktivitetin e mbajtur në Zall Herr, për prezantimin e arritjeve dhe sfidave të së ardhmes në fushën e mbrojtjes.

Në fjalën e tij ai theksoi se, “pesë vite më parë, Shqipëria iu nënshtrua një reforme të thellë të sistemit të saj të menaxhimit të emergjencave, ku falë vizionit të qartë të qeverisë shqiptare u krijua një mekanizëm funksional, i cili vepron sot me një qasje proaktive, e orientuar në parandalim dhe gatishmëri”.

Sot, theksoi ai, “kemi një kushtetutë të mbrojtjes civile, e garantuar nga një bazë ligjore solide dhe praktika rregullatore konform kuadrit global të Objektivave të Zhvillimit të Qëndrueshëm, të Objektivave të Qëndrueshmërisë së NATOs, të direktivave të Bashkimit Europian dhe atyre rajonale”.

“Themelimi i një institucioni jetik për sigurinë dhe mbrojtjen civile të vendit tonë, siç është Agjencia Kombëtare e Mbrojtjes Civile nën Ministrinë Përgjegjëse të Mbrojtjes, përbën një mision të fortë, për të ndërprerë paradigmat e së shkuarës dhe për të ndërtuar një sistem modern, të integruar dhe eficient në menaxhimin e përgjigjes emergjente”, tha Çako.

Ai shtoi se, Agjencia Kombëtare e Mbrojtjes Civile është struktura solide në zemër të sistemit, që ushtron autoritet koordinues, drejtues, teknik, mbikëqyrës dhe kontrollues në fushën e zvogëlimit të riskut nga fatkeqësitë dhe mbrojtjen civile.

“Ky mision u materializua përmes implementimit të akteve nënligjore të menaxhimit strategjik të riskut nga fatkeqësitë natyrore, të një Plani Kombëtar për Emergjencat Civile dhe me vënien në funksion të Qendrës Kombëtare Operacionale të Emergjencave Civile në ambjentet e reja pranë Garnizonit “Skënderbej”. QKOEC me shërbim 24/7 siguron komunikim të vazhdueshëm, duke realizuar shkëmbimin e informacionit dhe reagimin në kohë reale, ndërvepron me Qendren e Koordinimit të Reagimit ndaj Fatkeqësive Euro-Atlantike (EADRҫ) dhe Qendren e Koordinimit të Reagimit Emergjent (ERҫ)”, tha ai.

Falë këtyre arritjeve, nënvizoi Çako, “ Shqipëria që në janar të vitit 2023, me plotësimin në një kohë rekord të kritereve, bëhet një shtet pjesëmarrës në Mekanizmin e Mbrojtjes Civile Europiane. Ky status, përpos vlerësimit përkthehet në një përgjegjësi të shtuar për bashkëpunim dhe solidaritet reciprok, sikurse në kritere për fuqizim dhe modernizim kapacitetesh të strukturave operacionale, investime të avancuara në mbrojtjen e infrastrukturës kritike, zhvillime në mjete dhe paisje, rritje të ndërveprimit me strukturat homologe”.

“Me mbështetjen e Qeverisë shqiptare, partnerëve tanë ndërkombëtarë dhe bashkëpunëtorëve vendas, po ndërtojmë ura të forta, përmes instrumenteve që konsistojnë në ngritjen e sistemit NICS (Next Generation Incident Command System), platformë për komandimin e Incidenteve, me mbështetjen e NATO-s i cili sherben për të ofruar një përgjigje të koordinuar si në nivel kombëtar ashtu edhe ndërkombëtar ndaj sulmeve kimike/biologjike, duke përfshirë të dhënat shëndetësore dhe mjedisore të disponueshme në platformë.

Ngritjen e “Sistemit Kombëtar të Paralajmërimit të Hershëm” ndaj shumë rreziqeve, me mbulim kombëtar për të krijuar, për herë të parë, një sistem të përshtatshëm, drejt veprimeve të hershme të bazuara në parashikime, duke u mundësuar sektorëve ekonomikë dhe komuniteteve lokale – të ndërmarrin veprime në avancë, në parapritje dhe në përgjigje të ngjarjeve.

Forcimin e bashkëpunimit me pushtetin vendor, përmes rritjes së financimit në programin e emergjencave civile, instalimit të kulturës së menaxhimit të riskut të fatkeqësive, organizimit operacional, parandalues dhe rehabilitues.

Forcimin e kapaciteteve logjistike dhe njerëzore të sistemit të MC, përmes zhvillimit të njohurive, ndërgjegjësim dhe sensibilizim”, tha Çako.

Ndërsa në aspektin operacional ai përmendi, “misionin e parë të AKMC jashtë kufijve të vendit tonë, ofroi ndihmë në zonat e prekura nga tërmeti në Turqi, si dhe operacionet për zjarret në Greqi, ndihmat për përmbytjet në Bosnje, së fundmi evakuimi i një familjeje nga Gaza. Angazhimin në stërvitje ndërkombëtare dhe programe afatgjata teknike”.

Ai prezantoi veçanërisht një nga iniciativat më të rëndësishme, që Agjencia Kombëtare e Mbrojtjes Civile do të udhëheqë këtë vit, që është stërvitja funksionale ndërkombëtare FloodNorthALB FSX, e cila do të zhvillohet në qytetin e Shkodrës nga data 7 deri më 12 prill.

“Një skenar gjithëpërfshirës mbi menaxhimin e një përmbytje, i cili do të mundësojë ndarjen e kapaciteteve dhe burimeve, përmirësimin e vendimmarrjes, përdorimin e mjeteve inovative dhe trajnimin e përbashkët. Kjo stërvitje me pjesëmarrjen e 8 shteteve anëtare do të testojë dhe përmirësojë procedurat e koordinimit kombëtar dhe ndërkombëtar nën monitorimin e Mekanizmit të Mbrojtjes Civile (UCPM)”, tha ai.

Çako u shpreh se, “jemi të vetëdijshëm që duhet të përshpejtojmë përgatitjen për anëtarësim në Bashkimin Evropian, duke qëndruar dinjitozë dhe të vlefshëm për fqinjët tanë dhe shtetet e tjer, ndaj për këtë kërkohet ende shumë bashkëpunim ndërinstitucional, kryesisht nga strukturat e sistemit të MC”.

“Duhet të avancojmë me plotësimin e kuadrit ligjor në zbatim të rekomandimeve të Unionit kryesisht për “Ngritjen dhe funksionimin e numrit të unifikuar te emergjencave 112”, hartimin e ligjit pë Infrastrukturën kritike, zhvillimin teknologjik për vendosjen e lidhjes TESTA, për ndërlidhjen me CECIS, harmonizimin e procedurave të Host National Support etj”, theksoi Kreu i AKMC.

“Prioritetet tona fokusohen gjithashtu në rritjen e koordinimit dhe komunikimit, përfshirjen e komunitetit në planifikim dhe përgjigje të situatave emergjente, edukimin qytetar dhe sensibilizimi për rreziqet natyrore dhe krizat”, tha Çako. /j.p/

The post Çako: Emergjencat Civile të fuqizuara, përshpejtojmë përgatitjet për anëtarësim në BE appeared first on Agjencia Telegrafike Shqiptare.

TIRANË, 19 shkurt /ATSH/ Në qytetin e Shkodrës u zhvillua sot një trajnim i rëndësishëm për ndihmën e parë në raste emergjencash, në kuadër të projektit Flood North Albania, i financuar nga Bashkimi Europian dhe DG ECHO.

Trajnimi i drejtuar nga Ilir Aliaj, drejtor ekzekutiv i CDDI (Qendra për Zhvillimin dhe Demokratizimin e Institucioneve), u mbajt në bashkëpunim me Agjencinë Kombëtare të Mbrojtjes Civile, Qendrën Kombëtare të Urgjencës Mjekësore dhe përfaqësues nga Shqipëria, Kosova, Mali i Zi, Greqia dhe Maqedonia e Veriut.

Pjesëmarrësit përfshinin përfaqësues nga Forcat e Ndërhyrjes së Shpejtë (FNSh), përfaqësues të pushtetit lokal: Shkodër, Vau Dejës dhe Malësi e Madhe, përfaqësues nga strukturat e emergjencave civile në nivel lokal si dhe vullnetarë të angazhuar në menaxhimin e emergjencave.

Trajnimi përfshiu simulime emergjencash të jetës reale dhe praktikë direkte për çdo pjesëmarrës.

Ky trajnim është një hap i rëndësishëm për përgatitjen e strukturave të emergjencave civile dhe angazhimin e vullnetarëve ndaj fatkeqësive natyrore.

Pjesëmarrësit do të jenë të përfshirë në stërvitjen finale në prill.  /j.p/

1 nga 5

The post AKMC, pjesë e trajnimit rajonal për përgatitjen e strukturave të emergjencave civile appeared first on Agjencia Telegrafike Shqiptare.

TIRANË, 4 shkurt /ATSH/ Në kuadër të Presidencës polake të BE-së, Agjencia Kombëtare e Mbrojtjes Civile mori pjesë në seminarin (workshop): “Të Kuptuarit e Komunikimit në Mbrojtjen Civile”, i fokusuar në sfidat dhe mundësitë e komunikimit gjatë emergjencave.

Aktiviteti përfshiu simulime praktike me skenarë emergjencash, ku pjesëmarrësit testuan vendimmarrjen, koordinimin ndërinstitucional dhe menaxhimin e informacionit.

Ky seminar mundësoi shkëmbimin e përvojave dhe përfitimin nga praktikat më të mira evropiane, duke forcuar qasjen kombëtare dhe bashkëpunimin me partnerët ndërkombëtarë.

/r.e/a.f/

The post AKMC, praktika evropiane mbi sfidat dhe mundësitë e komunikimit gjatë emergjencave appeared first on Agjencia Telegrafike Shqiptare.

TIRANË, 30 janar /ATSH/ Kryetarja e bashkisë së Durrësit, Emiriana Sako ka bërë me dije sot se ka përfunduar verifikimi i dëmeve nga reshjet e shiut në 82 banesa, ndërkohë procesi vijon ende.

Në një postim në rrjetet sociale, Sako tha se “gjatë gjithë kohës ndjekim nga afër situatën duke i qëndruar pranë qytetarëve kudo ku ka problematika. Punonjësit e të gjitha ndërmarrjeve të bashkisë, forcat e ushtrisë, grupet e emergjencave, AKMC dhe zjarrfikësit janë të gjithë duke punuar për të normalizuar situatën dhe për largimin e ujit nga banesat”.

Më herët, kryetarja e bashkisë së Durrësit u shpreh se 13 grupe specialistësh janë ngritur nga bashkia për të verifikuar në terren dëmet e shkaktuara nëpër banesa, nga situata e krijuar nga reshjet e denduara.

Në një reagim gjatë ditës së sotme, Sako nënvizoi se “prania e ujit është në shumë banesa në zonën e Durrësit të Ri, Shkozet, Nishtulla, kryqëzimi pranë Institutit të Edukimit të Veprave Penale”.

“Uji ka hyrë në rreth 300 banesa në total, nga të cilat 200 shtëpi janë në zonën e Durrësit të Ri, 60 në zonën e Shkozetit dhe Plazhit, 4 banesa në njësinë administrative 4, 1 shtëpi në njësinë 1, 20 banesa në Sukth, 10 në Katund të Ri dhe 5 shtëpi në Rrashbull”, tha Sako.

Reshjet e shiut përfshinë dje qytetin bregdetar të Durrësit duke sjellë probleme në disa zona.

Nga puna në terren e grupeve të punës nga bashkia Durrës për verifikimin e dëmeve nga reshjet e...

1 nga 20

/r.e/a.f/

The post Sako: Përfundon verifikimi i dëmeve në 82 banesa, procesi vazhdon appeared first on Agjencia Telegrafike Shqiptare.

Në Durrës janë shfaqur disa problematika si pasojë e motit të keq. Agjencia Kombëtare e Mbrojtjes Civile informoi sot se një ekskavator i Drejtorisë së Ujitjes dhe Kullimit ka mbërritur në Kanalin e Ujërave të Larta për ndërhyrje dhe pastrimin e kanaleve. Sipas AKMC-së, ka rritje të nivelit të ujit në rrugë, duke shkaktuar vështirësi në qarkullimin e mjeteve dhe lëvizjen e këmbësorëve.

Source

TIRANË, 15 janar/ATSH/ Në datat 14 dhe 15 janar në Tiranë u zhvillua Konferenca Finale e Planifikimit për projektin FloodNorthALB, një nismë e rëndësishme që synon të trajtojë përmbytjet komplekse në qarkun e Shkodrës dhe të forcojë kapacitetet e reagimit ndaj fatkeqësive të mëdha në Shqipëri dhe rajonin e Ballkanit Perëndimor.

Në këtë konferencë, ishte i pranishëm edhe kreu i Agjencisë Kombëtare të Mbrojtjes Civile, Haki Çako dhe disa përfaqësues të kësaj agjencie, ndërsa i gjithë fokusi u vendos tek gatishmëria, bashkëpunimi ndërkufitar dhe përmirësimi i procedurave për menaxhimin e emergjencave.

Pjesëmarrësit diskutuan për planifikimin e ushtrimit të përbashkët, masat logjistike dhe sigurinë, duke u fokusuar gjithashtu te rëndësia e marrëdhënieve me publikun dhe medias në situata emergjente.

Shqipëria, si një anëtare e re e Mekanizmit të BE-së, po luan një rol të rëndësishëm në forcimin e sistemit rajonal të mbrojtjes civile, duke kontribuar në ndërtimin e një të ardhme më të sigurt për qytetarët. /j.p/

Gjatë punimeve të Konferencës Finale të Planifikimit për projektin FloodNorthALB

1 nga 10

The post FloodNorthALB, AKMC: Forcojmë kapacitetet e reagimit ndaj fatkeqësive natyrore appeared first on Agjencia Telegrafike Shqiptare.