Klubi basketbollistik, Bashkimi ka zyrtarizuar sot emërimin e Igor Jovovic si trajnerin e ri për sezonin 2025/2026, duke hapur një kapitull të ri në historinë e klubit prizrenas.

Me një përvojë të gjatë dhe të pasur ndërkombëtare, Jovovic pritet të sjellë ekspertizë, disiplinë dhe ambicie të reja në skuadrën portokalli e zi.

Trajneri malazez vjen me një CV mbresëlënëse, e ndërtuar gjatë më shumë se një dekade në klube të nivelit të lartë evropian:

Budućnost Voli (2012–2016) – Si trajner i parë për tri sezone, Jovovic fitoi gjashtë trofe dhe dy herë e dërgoi ekipin në gjysmëfinale të ABA Ligës (2012 & 2015).

Mitteldeutscher BC (2016–2018) – Kampion i ProA dhe siguroi promovim në Bundesliga-n gjermane (BBL).

Zielona Gora (2018–2019) – Trajner në elitën e basketbollit polak.

Bayern Munich (2019–2020) – Ndihmës trajner në një nga klubet më të njohura të Evropës, si në BBL, ashtu edhe në EuroLeague.

Telekom Baskets Bonn (2020–2021) dhe SYNTAINICS MBC (2021–2023) – Trajner i parë në Bundesliga për disa sezone radhazi.

Kazma SC, Kuvajt (2024/25) – Drejtoi klubin nënkampion të Kuvajtit si trajner i parë.

Jovović njihet për qasjen e tij strategjike, përkushtimin ndaj zhvillimit të lojtarëve dhe aftësinë për të ndërtuar skuadra konkurruese në ligat më sfiduese të kontinentit.

“Mirë se erdhe në Prizren, Coach Jovovic!” – ka shkruar klubi në njoftimin zyrtar, duke shprehur besimin se ky emërim do të jetë fillimi i një epoke të re suksesi për Bashkimin në basketbollin vendor dhe rajonal.

Tifozët e klubit tashmë presin me entuziazëm të shohin vizionin e trajnerit të ri në parket dhe ndikimin e tij në ndërtimin e një skuadre që synon majat. /Telegrafi/

The post Zyrtare: Igor Jovovic emërohet kryetrajner i ri i KB Bashkimi appeared first on Telegrafi.

Teksa Shqipëria synon të anëtarësohet në BE në vitin 2030 një hendek i madh mbetet i hapur në aftësitë e punonjësve shqiptare me ata të BE-s referon një raport i fundit i Organizatës për Bashkëpunim dhe Zhvillim Ekonomik (OECD) për konvergjencën e vendeve të Ballkanit me BE-në. Ndërsa mesatarja e Bashkimit Europian në fushën e […]

The post Alarm për tregun e punës, aftësitë e punonjësve shqiptare sa 37% e atyre në BE appeared first on BoldNews.al.

Në Shkodër, objekti në sfond njihet si “Shtëpia e Abatit” ose selia e shoqërisë “Bashkimi” (sot në Rrugën Justin Godard, pranë Katedrales së Shën Shtjefnit).

Shoqëria letraro-politike “Bashkimi” u themelua në vitin 1899 nga abati i Mirditës, Imzot Preng Doçi – në fotografi i ulur në qendër- dhe personalitete të tjera fetare dhe laike të kohës ndër të cilët si At Gjergj Fishta, Luigj Gurakuqi, Dodë Koleci, Dom Ndoc Nikaj, Anton Xanoni, Imzot Jak Serreqi, Imzot Lazër Mjeda, Atë Ambroz Marlaskaj, Nikollë Sheldija.

Programi i shoqërisë ishte përhapja e gjuhës së shkruar shqipe përmes botimeve. Shoqëria hartoi “Alfabetin e Bashkimit” i cili hodhi bazat e alfabetit të sotëm shqip që u miratua në Kongresin e Manastirit, si dhe botoi “Fjaluer i ri i i shqypes përbam prej shoqnijet Bashkimi” (1908).

Foto e Muzeut Kombëtar të Fotografisë “Marubi”./Tema/ KultPlus.com

Deputeti i Partisë Demokratike të Kosovës, Përparim Gruda, ka komentuar takimin mes kryeministrit Albin Kurti dhe kryetarit të Komunës së Mitrovicës, Bedri Hamza, gjatë një ndeshjeje basketbolli mes ekipeve Trepça dhe Bashkimi.

Në një konferencë për media, Gruda theksoi se praninë e përbashkët të Kurtit dhe Hamzës në tribunë nuk duhet ta shohim si një zhvillim politik.

Lexo po ashtu Kurti e Hamza së bashku, dy kandidatët për kryeministër shijojnë finalen në Minatori

Ai sqaroi se Hamza, në cilësinë e nikoqirit, ka ndjekur normat e protokollit dhe ka qëndruar pranë kryeministrit gjatë eventit sportiv.

“Ky është një takim rastësor dhe nuk ka asnjë konotacion politik. Ishte një ngjarje sportive, dhe si nikoqir, Hamza e kishte për detyrë të ulej afër kryeministrit, siç e kërkon edhe protokolli,” deklaroi Gruda. /Telegrafi/

The post Takimi Kurti-Hamza në ndeshjen Trepça-Bashkimi, PDK: Ishte vetëm protokoll, pa konotacion politik appeared first on Telegrafi.

Trepça është kampioni i ri i Kosovës në basketboll për sezonin 2024/25 në Superligë.

Në ndeshjen e gjashtë finale, Trepça triumfoi me rezultat të thellë 82:67 dhe me rezultat të përgjithshëm 4-2 fituan titullin e kampionit.

Më meritori për këtë fitore ishte Michael Green i vendasve me 20 pikë, tre kërcime e pesë asistime.

Lojtarët tjerë që kontribuuan në këtë sukses ishin edhe Drilon Hajrizi me 13 pikë, Koton me 12 dhe Myers me 11 të tjera.

Te mysafirët më efikasi ishte Green me 20 pikë, por që nuk ishin të mjaftueshme për titullin.

Për Trepçën ky ishte titulli i dytë radhazi i fituar, derisa i gjashti në histori të basketbollit kosovar. /Telegrafi/

The post Trepça kampione e Kosovës në basketboll, ‘Minatorët’ demolojnë Bashkimin në ndeshjen e gjashtë appeared first on Telegrafi.

Ka përfunduar pjesa e parë e finales së gjashtë të Superligës së Kosovës në basketboll mes Trepçës dhe Bashkimit, me rezultat 45:30 në favor të skuadrës mitrovicase.

Trepça ka dominuar në parket gjatë 20 minutave të para, duke e mbajtur epërsinë dhe kontrollin e lojës ndaj një Bashkimi që po e ka të vështirë të reagojë.

Kjo është finalja e gjashtë e serisë, ku ‘Minatorët’ udhëheqin 3-2 me fitore dhe janë vetëm një hap larg titullit kampion.

Nëse Trepça arrin të fitojë sonte, do të shpallet kampione e Kosovës për këtë sezon, duke e mbyllur serinë pa pasur nevojë për një ndeshje të shtatë.

Nga ana tjetër, Bashkimi ka nevojë për një përmbysje të madhe në pjesën e dytë për të mbajtur gjallë shpresat për titullin dhe për ta dërguar serinë në ndeshjen vendimtare. /Telegrafi/ 

The post Përfundon pjesa e parë në Minatori: Trepça në epërsi të lartë ndaj Bashkimit appeared first on Telegrafi.

Finalja e Superligës së Kosovës në basketboll po zhvillohet në Minatori.

Trepça dhe Bashkimi po luajnë ndeshjen e gjashtë finale, teksa ‘Minatorët’ janë duke udhëhequr 3-2 në serinë finale.

E në një atmosferë të jashtëzakonshme në palestrën ‘Minatori’ në Mitrovicë, ndeshjen po e shikojnë së bashku edhe dy kandidatët për kryeministër të Kosovës nga zgjedhjet e fundit.

Bedri Hamza nga radhët e PDK-së dhe Albin Kurti nga radhët e VV-së janë pranë njëri tjetrit në finalen e madhe.

Hamza që është edhe Kryetar i Komunës së Mitrovicës sigurisht që ka dëshirë të triumfojë Trepça, derisa Kurti në këtë ndeshje është neutral dhe dëshiron vetëm spektakël në parket pasi në tribuna spektakli nuk mungon nga Torcida. /Telegrafi/

The post Kurti e Hamza së bashku, dy kandidatët për kryeministër shijojnë finalen në Minatori appeared first on Telegrafi.

Finalet e “Play-off”-it të ProCredit Superligës po dhurojnë emocione të jashtëzakonshme, me atmosferë fantastike dhe ndeshje të bukura në parket.

Çdo ndeshje është shumë e rëndësishme dhe luftohet deri në sekondën e fundit për çdo top.

Seria finale e “Play-off”-it zhvendoset në Mitrovicë, ku përballen Trepça dhe Bashkimi, dy skuadrat që ishin renditur në dy pozitat e para në garat e rregullta.

Seria finale është 3:2 për ‘Xehetarët’.

Nëse fiton Trepça, atëherë do të mbrojë titullin e kampionit, ndërsa Portokallezinjtë luftojnë për fitore për të barazuar serinë finale në 3:3, në mënyrë që finalja vendimtare të jetë të dielën në Prizren.

Ndeshjen e parë e fituan prizrenasit 84:77, e më pas fituan tri takime radhazi mitrovicasit 79:72, 71:88 dhe 80:74, ndërsa sfidën e fundit Portokallezinjtë 85:77.

Këto dy skuadra u përballën katër herë në edicionin e rregullt me nga dy fitore secila skuadër, e po ashtu ishin përballen edhe në finalen e Kupës, ku triumfuan ‘Xehetarët’.

Ndeshja zhvillohet të mërkurën në Palestrën ‘Minatori’ nga ora 19:00 dhe transmetohet në Art Motion dhe Kujtesa.

Orari

19:00 Trepça – Bashkimi

The post Finalja e gjashtë në Minatori, mund ta përcaktojë fituesin e titullit appeared first on Telegrafi.

Trepça është vetëm një fitore larg titullit të kampionit të Kosovës në basketboll (3-1), pasi mposhti Bashkimin në ndeshjen e katërt të serisë finale me rezultat 80:74, në një përballje tejet dramatike që u zhvillua të mërkurën mbrëma në palestrën “Minatori” të stërmbushur me tifozë.

Mitrovicasit e nisën ndeshjen në mënyrë të shkëlqyer, duke dominuar çerekun e parë të cilin e fituan me rezultat 33:26. Por reagimi i Bashkimit në çerekun e dytë ishte i jashtëzakonshëm – një rikthim i fuqishëm që ndodhet rrallëherë në ndeshje të këtij niveli, veçanërisht në finale.

Prizrenasit lejuan vetëm dy pikë për dhjetë minuta lojë dhe e fituan këtë çerek me rezultat të thellë 18:2, duke kaluar në epërsi 44:35 në përfundim të pjesës së parë.

Në fillim të pjesës së dytë, Bashkimi vazhdoi shkëputjen duke arritur një epërsi prej 15 pikësh (52:37). Por pikërisht në atë moment nisi kthesa e madhe e Trepçës – një seri e jashtëzakonshme prej 19:0 që ndryshoi rrjedhën e lojës.

Nga disavantazh i thellë, mitrovicasit kaluan në epërsi dhe e përfunduan çerekun e tretë me rezultat 63:60. Epërsinë e mbajtën deri në fund, duke e mbyllur ndeshjen me fitore prej 80:74 dhe duke kaluar në epërsi 3:1 në seri.

Michael Myers ishte lideri i Trepçës në këtë sfidë, duke kontribuar me 21 pikë, gjashtë kërcime dhe dy asistime. Mbështetjen më të madhe e mori nga Michael Green, i cili realizoi 16 pikë, shtatë kërcime dhe pesë asistime, ndërsa Drilon Hajrizi shtoi shtatë pikë, gjashtë kërcime dhe katër asistime.

Te Bashkimi shkëlqeu Wendell Green me 35 pikë, pas rikthimit nga mungesa për shkak të gripit, por përkundër performancës së tij individuale të shkëlqyer, skuadra e tij nuk arriti të përballojë presionin e vendasve.

Mack Smith kontribuoi me 17 pikë dhe 12 kërcime, ndërsa Jayveous McKinnis zhgënjeu me vetëm katër pikë dhe tri kërcime. /Telegrafi/ 

The post Trepça një hap larg titullit të kampionit në basketboll, fiton në ‘Minatori’ ndaj Bashkimit appeared first on Telegrafi.

Finalet e “Play-off”-it po dhurojnë spektakël të basketbollit, sfida me dramë dhe adrenalinë.

Bashkimi dhe Trepça po kërkojnë titullin e kampionit, derisa seria finale është barazuar në 1:1. Për herë të parë, skuadra që shënon katër fitore shpallet kampione e Kosovës.

Ndeshja e parë finale kishte përfunduar 84:77, kurse e dyta 79:72.

Në garat e elitës gjashtë herë sa janë takuar, të gjitha ndeshjet janë fituar nga skuadrat vendase. Mitrovicasit fituan Kupën e Kosovës, duke mundur Bashkimin në kryeqytet. ‘Xehetarët’ kanë fituar edhe Superkupën dhe janë në kërkim të ‘tripletës’.

Portokallezinjtë që përfunduan garat e rregullta në vendin e parë, duan titullin për herë të parë nga viti 2018, që ishte hera e fundit që e fituan, njëkohësisht edhe e para.

Përballjet ndërmjet dy skuadrave gjithmonë kanë qenë interesante dhe kështu pritet edhe sonte mbrëma (e diel) në Prizren, ku pritet spektakël i basketbollit.

Sfida mes Bashkimit dhe Trepçës luhet me fillim nga ora 19:00 në palestrën ‘Sezai Surroi’ në Prizren. /Telegrafi/

The post Bashkimi pret Trepçën në ndeshjen e tretë finale në Prizren appeared first on Telegrafi.

Bashkimi ka triumfuar në finalen e parë të “Play-off”-it. Prizrenasit fituan ndaj Trepçës me shifrat 84:77 (15:18, 23:14, 25:19, 21:26), për të krijuar epërsinë 1:0.

Fillimi i ndeshjes ishte i barabartë, ku asnjëra skuadër nuk arrinte të shkëputej, ku çereku i parë përfundoi 15:18. Por, prizrenasit ishin shumë më të mirë në periudhën e dytë, ku u shkëputën dhe shkuan në pushim me shifrat 38:32.

Pjesa e dytë ishte shumë interesante, me vendasit që kishin epërsi konstante dhe mysafirët që tentuan rikthimin, por nuk ia arritën qëllimit, pasi vetëm ngushtuan rezultatin në 71:67, megjithatë Bashkimi triumfoi në fund 84:77.

Te Bashkimi u dalluan Mack Smith me 22 pikë e tetë kërcime, Jayveous Mckinnis me 13 pikë e 11 kërcime dhe Wendell Green me 22 pikë, kurse te Trepça u dalluan Mikaile Tmusiq me 21 pikë dhe Michael Myers me dhjetë pikë e 13 kërcime.

Ndeshja e ardhshme zhvillohet të mërkurën në Mitrovicë, ndërsa skuadra që shënon katër fitore shpallet kampione e Kosovës./Telegrafi/

The post Bashkimi ka triumfuar në finalen e parë të “Play-off”-it ndaj Trepçës appeared first on Telegrafi.

Klubi basketbollistik Bashkimi ka bërë një komunikatë zyrtare duke sqaruar incidentin që ndodhi ndaj Pejës të dielën.

Bashkimi ia doli që ta mposhtë Pejën me rezultat 84-78 për të marrë epërsinë prej 2-1 në serinë gjysmëfinale.

Sidoqoftë, kjo ndeshje pati një shije të hidhur kur pak sekonda pa përfunduar takimi, një përleshje e madhe që ndodhi jashtë vijave të parketit bëri që dueli të ndërpritet.

Nga ana e klubit prizrenas kanë thënë se incidenti nuk kishte të bëjë fare me gjyqtarët apo me lojtarët e Pejës dhe se deri në këtë pikë situata arriti shkaku i reagimit jo të duhur në menaxhimin e saj nga sigurimi i brendshëm.

“Duke iu falënderuar për përkrahjen tuaj të vazhdueshme dhe dashurinë ndaj basketbollit, dëshirojmë të ju informojmë dhe sqarojmë lidhur me incidentin e ndodhur në ndeshjen e fundit të zhvilluar nga klubi ynë”.

“Për fat të keq, për shkak të një keqkuptimi dhe reagimit jo të duhur në menaxhimin e situatës nga ana e sigurimit të brendshëm, i cili është kontraktuar nga klubi për t’u kujdesur për sigurinë në sallë, në mënyrë tërësisht të paqëllimshme ndodhi një incident dhe një situatë e papëlqyeshme, vetëm 5 sekonda para përfundimit të ndeshjes, kur rezultati tashmë ishte i qartë”.

“Verpime këto që nuk pasqyrojnë vlerat dhe qëllimet tona sportive”, thuhej ndër të tjerash në reagimin e Bashkimit.

Tashmë seria gjysmëfinale është bartur në Pejë, ndeshje kjo që do të zhvillohet të enjten dhe në rast se Bashkimi arrin fitore, do të kualifikohet në finale./Telegrafi/

The post KB Bashkimi reagon me komunikatë zyrtare, sqaron incidentin që ndodhi ndaj Pejës appeared first on Telegrafi.

Ndeshja e dytë e serisë gjysmëfinale mes Bashkimit dhe Pejës në palestrën ‘Sezai Surroi’ u mbyll me polemika të mëdha.

Bashkimi ia doli që ta sigurojë fitoren me rezultat 84:78 ndaj pejanëve pas vazhdimeve, të cilat lanë një shijë të hidhur për shikuesit.

Teksa kishin mbetur edhe 5.3 sekonda para se të përfundonte takimi, ndodhi një përleshje mes disa personave në parket ku fillimisht pati dyshime se u përfshinë edhe lojtarë.

Nga ana e Pejës përmes një njoftimi në rrjetet sociale kishin bërë me dije se lojtari i tyre Marquez Towns ishte goditur me grushta në kokë, por çuditërisht ky postim u fshi me të përfunduar takimi.

Lexo po ashtu Bashkimi fiton ndaj Pejës ndeshjen e ndërprerë pesë sekonda para fundit , po udhëheq 2-1 në serinë gjysmëfinale

Sidoqoftë, nga pamjet e incidentit që kanë qarkulluar në rrjetet sociale, duket se e vërteta nuk qëndron krejtësisht ashtu.

Sipas asaj që shihet në video, duket se i gjithë ky incident ka ndodhur si pasojë e përleshjes së disa prej tifozëve vendas të Bashkimit të vendosur në tribunën VIP.

Dyshimet ishin se lojtari pejan Townes dhe lojtari vendas Lejson Zeqiri u munduan që të ndajnë palët e përfshira në këtë rast dhe si pasojë u goditën.

Mund ta vlerësoni personalisht se kush ishte fajtori në këtë rast në bazë të pamjeve të mëposhtme./Telegrafi/

The post Dalin pamjet e momentit kur eskaloi situata në ndeshjen mes Bashkimit dhe Pejës appeared first on Telegrafi.

Bashkimi pas vazhdimeve arriti fitore ndaj Pejës me rezultat 84:78 (17:17, 12:17, 23:16, 17:19, 15:9).

Tashmë Portokallezinjtë po udhëheqin 2:1 në serinë gjysmëfinale. Skuadra që shënon tri fitore kualifikohet në finale.

Çereku i parë i ndeshjes ishte mjaft interesant. Mysafirët kishin deri në shtatë pikë epërsi 10:17, por një seri e suksesshme e vendasve me shtatë pikë radhazi, bën që kjo pjesë të përfundojë 17:17. Edhe periudhën e dytë, verdhezinjtë e nisën më mirë, për tu shkëputur në 17:25, por sërish u kundërpërgjigjën vendasit, për të afruar shifrat në 25:26, ndërsa në fund të kësaj pjese, mysafirët sërish për një nuancë ishin më të mirë, për të shkuar në pushim me shifrat 29:34.

Periodën e tretë e nisën më mirë vendasit që përmbysën shifrat në 38:36, ndërsa shifrat pas 30 minutash ishin 52:50. Drama vazhdoi në dhjetëminutëshin e katërt. Edhe pse prizrenasit kishin shtatë pikë epërsi, dy minuta nga fundi, Peja nuk u dorëzua dhe barazoi shifrat në 69:69, me një treshe nga Towns, derisa aksioni i fundit i vendasve nuk ishte i suksesshëm, duke bërë që ndeshja të shkojë në vazhdime. Edhe në vazhdime u zhvillua lojë interesante, ku kësaj radhe vendasit nuk lëshuan pe dhe fituan 84:78.

Te Bashkimi u dalluan Lejson Zeqiri me 27 pikë e tri kërcime dhe Jayveous Mckinnis me 12 pikë e nëntë kërcime, kurse Wendell Green shtoi 19 pikë.

Te Peja u dalluan Marques Towns me 27 pikë e gjashtë kërcime dhe Darryl Morsell me 13 pikë e gjashtë kërcime.

The post Bashkimi fiton ndaj Pejës ndeshjen e ndërprerë pesë sekonda para fundit , po udhëheq 2-1 në serinë gjysmëfinale appeared first on Telegrafi.

“Play-off”-i i ProCredit Superligës po vazhdon me spektakël.

Ndeshjet çerekfinale dhe gjysmëfinale dhuruan spektakël të basketbollit, derisa palestrat janë të mbushura për të hijeshuar edhe më shumë garat shtesë të elitës së basketbollit.

Dramë dhe adrenalinë kishte në sfidat gjysmëfinale, ku seria është 1:1, derisa në fundjavë zhvillohen ndeshjet e treta.

Palestra “Minatori” sërish do të jetë arenë e një super derbi, ku ndeshen Trepça dhe Sigal Prishtina. ‘Xehetarët’ fituan ndeshjen e parë 80:65, kurse ‘bardhekaltrit’ ndeshjen e dytë 90:83 pas vazhdimeve. Të dy skuadrat hyjnë për fitore dhe për të bërë një hap drejt finales.

Në Prizren zhvillohet dueli tjetër ndërmjet Bashkimit dhe Pejës, ku sfida është shumë e rëndësishme për të dy skuadrat. Takimi i parë përfundoi me fitoren e prizrenasve 81:61, kurse i dyti me fitoren e pejanëve 84:79.

Skuadra që shënon tri fitore kualifikohet në finale, derisa për tu shpallur kampion nga ky edicion është me katër fitore.

Orari i gjysmëfinaleve të treta

E shtunë

19:00 Trepça-Sigal Prishtina

E diel

19:00 Bashkimi-Peja

/Telegrafi/

The post Akti 3 i gjysmëfinaleve zhvillohet këtë vikend appeared first on Telegrafi.

Në ndeshjen e dytë gjysmëfinale të play-off-it të Superligës së Kosovës në basketboll, Peja ka reaguar fuqishëm ndaj Bashkimit, duke barazuar serinë në 1:1.

Skuadra pejane e dominoi pjesën e parë të lojës, duke ndërtuar një epërsi të konsiderueshme prej 20 pikësh në fund të pjesës së dytë (42:22).

Por Bashkimi, i cili e kishte përfunduar sezonin e rregullt në pozitën e parë, nuk u dorëzua. Ata shtuan intensitetin dhe ritmin në pjesën e dytë, duke e ngushtuar gradualisht rezultatin dhe madje kaluar në avantazh në fundin e çerekut të katërt.

Për herë të parë në epërsi në pjesën e dytë, Bashkimi kaloi falë pikëve të Valon Bunjakut, duke shënuar 77:76, rreth dy minuta para fundit të ndeshjes. Por Peja reagoi menjëherë – fillimisht me pikët e Amin Hotit për rikthimin e epërsisë në 78:77, e më pas me katër pikë nga Dardan Berisha që çuan rezultatin në 82:79. Fitorja u vulos me dy gjuajtje të lira të realizuara nga Darryl Morsell, duke e përmbyllur takimin me shifrat 84:79.

Pas kësaj fitoreje, seria është e barabartë 1:1. Kujtojmë se Bashkimi kishte fituar bindshëm takimin e parë në Prizren me rezultat 81:61. Skuadra që arrin tri fitore do të sigurojë biletën për finalen e madhe, ku e pret fituesi i përballjes mes Trepçës dhe Sigal Prishtinës.

Ndeshja e tretë do të zhvillohet të dielën, në palestrën “Sezai Surroi” në Prizren. /Telegrafi/

The post Peja barazon serinë ndaj Bashkimit pas një fitoreje dramatike appeared first on Telegrafi.

“Play-off”-i i ProCredit Superligës vazhdon me super ndeshje.

Në mesjavë zhvillohen gjysmëfinalet e dyta të garave shtesë në elitën e basketbollit.

Në kryeqytet përballen Sigal Prishtina dhe Trepça, dy skuadra me traditë në basketbollin e Kosovës, që gjithmonë kanë dhuruar spektakël kur janë përballur. Takimi i parë në Mitrovicë përfundoi 80:65 për ‘Xehetarët’. Prishtinasit synojnë fitoren dhe kalimin në finale, e më pas të fitojnë titullin pas pesë vjetësh, kurse mitrovicasit të mbrojnë titullin e kampionit.

Në Pejë po ashtu pritet përballje e zjarrtë ndërmjet Pejës dhe Bashkimit. Ndeshja e parë në Prizren përfundoi 81:61 për prizrenasit. Verdhezinjtë hyjnë për fitore për të barazuar serinë gjysmëfinale në 1:1, ndërsa Portokallezinjtë për të fituar dhe për të bërë një hap drejt finales.

Në gjysmëfinale u kualifikuan direkt Bashkimi dhe Trepça, ndërsa Sigal Prishtina në çerekfinale eliminoi Vëllaznimin, ndërsa Peja eliminoi Golden Eagle Yllin pas tri ndeshjeve.

Kujtojmë se skuadra që shënon tri fitore kalon në finale, derisa për tu shpallur kampion nevojiten katër fitore.

Gjysmëfinalet II

E mërkurë

18:00 Sigal Prishtina – Trepça

E enjte

19:00 Peja – Bashkimi

The post Përballjet e dyta gjysmëfinale në ‘Play-Off’, luhet në Prishtinë dhe Pejë appeared first on Telegrafi.

Bashkimi ka fituar bindshëm ndeshjen e parë gjysmëfinale të “Play-off”-it ndaj Pejës me rezultat 81:61 (26:17, 18:14, 13:19, 24:11).

Sfida e parë u zhvillua në një atmosferë të jashtëzakonshme në Prizren, ku spektakël u zhvillua në tribunë dhe parket.

Pas një fillimi të barabartë, vendasit të përkrahur nga tifozët, u shkëputën dy herë deri në 11 pikë, derisa çerekun e parë e fituan 26:17. Lojë më e barabartë u zhvillua në periudhën e dytë, ku Portokallezinjtë për një nuancë ishin më të mirë, për të shkuar në pushim me shifrat 44:31.

Në pjesën e dytë, vendasit kontrolluan lojën, për të fituar në fund me 20 pikë dallim, 81:61.

Te vendasit u dalluan Lejson Zeqiri me 12 pikë, shtatë kërcime e pesë asistime, Dirk Williams me 12 pikë dhe Erik Copes me tetë pikë e tetë kërcime, ndërsa te mysafirët Darryl Morsell shënoi 13 pikë dhe Marques Townes 12.

Skuadra që shënon tri fitore kualifikohet në finale./Telegrafi/

The post Bashkimi bindshëm fiton ndeshjen e parë gjysmëfinale ndaj Pejës appeared first on Telegrafi.

Pas ndeshjeve emocionuese dhe dramatike të çerekfinaleve, është koha për gjysmëfinalet e “Play-off”-it të ProCredit Superligës së Kosovës në basketboll.

Gjysmëfinale të zjarrta që premtojnë spektakël të basketboll në parket dhe tribuna.

Katërshja e madhe e basketbollit të Kosovës, Bashkimi, Trepça, Sigal Prishtina dhe Peja, duan të kualifikohen në finale, por edhe të fitojnë trofeun më të rëndësishëm në basketbollin e Kosovës.

Në gjysmëfinalen e parë ndeshen kampionia aktuale, Trepça, me skuadrën më të trofeshme në vend, Sigal Prishtinën.

Mitrovicasit përfunduan garat e rregullta në pozitën e dytë, me 19 fitore e nëntë humbje, derisa prishtinasit në pozitën e tretë me 17 fitore e 11 humbje, kurse në çerekfinale eliminuan Vëllaznimin pas tri ndeshjeve.

Në katër sfidat e zhvilluara në elitë këtë edicion, bardhekaltrit kanë tri fitore ndaj mitrovicasve që kanë një fitore ndaj prishtinasve.

Këto dy skuadra u përballën edhe në gjysmëfinale të Kupës, ku ‘Xehetarët’ ishin më të mirë nga dy takimet për të kualifikuar në finale, e ku më pas fituan këtë trofe, ashtu si e kanë fituar edhe Superkupën.

Bashkimi-Peja është një tjetër përballje e zjarrtë e gjysmëfinaleve të “Play-off”-it.

Prizrenasit përfunduan në pozitën e parë me 20 fitore e tetë humbje, ndërsa pejanët në vendin e pestë me 14 fitore e 14 humbje, kurse në çerekfinale eliminuan Golden Eagle Yllin pas tri ndeshjeve.

Portokallezinjtë duan titullin e dytë në histori, pasi të parin dhe të vetmin e fituan më 2018, kurse verdhezinjtë të shtatin në histori, ndërsa herën e fundit e fituan më 2023.

Në katër duelet e zhvilluara këtë edicion në elitë, prizrenasit kanë tri fitore ndaj pejanëve që kanë një fitore.

Orari

E shtunë

19:00 Trepça – Sigal Prishtina

E diel

19:00 Bashkimi – Peja

/Telegrafi/

The post Final 4 i zjarrtë i ‘play-off’-it të Superligës appeared first on Telegrafi.

Bashkimi shënoi fitore shumë të rëndësishme me përmbysje ndaj Pejës me rezultat 75:72 (17:21, 20:23, 21:18, 17:10), në javën e 28-të të ProCredit Superligës së Kosovës në basketboll.

Me këtë fitore, prizrenasit ruajtën pozitën e parë në renditje para garave shtesë.

Mysafirët e nisën ndeshjen më mirë, duke krijuar epërsi deri në 11 pikë në çerekun e parë, 8:19, por prizrenasit nuk u dorëzuan dhe arritën të ngushtojnë shifrat në 17:21, sa përfundoi kjo pjesë.

Edhe në periudhën e dytë verdhezinjtë u shkëputën, deri në 16 pikë epërsi, 28:44, por sërish Portokallezinjtë u rikthyen, për të afruar rezultatin në 37:44, sa përfundoi pjesa e parë.

Prizrenasit në periudhën e tretë arritën të rikthejnë epërsinë në 49:46, por më pas pejanët hyn në një seri të suksesshme, për të kaluar sërish në epërsi, ndërsa rezultati pas 30 minutash ishte 58:62.

Drama ndodhi në dhjetë minutat e fundit, përkatësisht çastet e fundit, ku prizrenasit sërish rikthyen epërsinë në të mirë të tyre dhe arritën të triumfojnë 75:72.

Lejson Zeqiri ishte më i miri te vendasit me 22 pikë e gjashtë kërcime, kurse te mysafirët Amin Hot me 17 pikë.

Bashkimi përfundon garat e rregullta në pozitën e parë me 20 pikë e tetë kërcime, ndërsa Peja e pesta me 14 fitore e 14 humbje./Telegrafi/

The post Bashkimi fiton me përmbysje ndaj Pejës dhe ruan vendin e parë appeared first on Telegrafi.