Kryetari i Partisë Demokratike të Kosovës (PDK), Memli Krasniqi ka thënë se Bedri Hamza duhet të jetë kandidat për kryeministër nga PDK edhe në zgjedhjet e ardhshme.

Krasniqi ka thënë se për këtë është i bindur 100 për qind.

“Unë jam i bindur që Bedri Hamza duhet të jetë kryeministër i Kosovës në këtë fazë, 100% jam i bindur, sepse mendoj që kompetenca e tij, karakteri depolarizues, përvoja e tij sidomos në fushat ku sot ka nevojë me u implementu një program për me i rikuperu dëmet që ia ka shkaktu dëmet Kosovës”, ka deklaruar Krasniqi në T7.

“Unë mendoj që Bedriu do të duhej të ishte kandidat për kryeministër edhe në zgjedhjet të cilat janë i bindur që kanë me u mbajtë shumë shpejt, sepse nuk ka ndryshu asgjë nga konteksti aktual”, ka thënë Krasniqi.

The post Krasniqi: Hamza duhet të jetë kandidat i PDK-së për kryeministër edhe në zgjedhjet e ardhshme appeared first on Telegrafi.

Ka nisur konventa e përgjithshme e Partisë Demokratike të Kosovës.

Nënkryetari i partisë, Bedri Hamza në fjalimin e tij tha se PDK nuk ka lindur në zyre, por ka lindur me përballje dhe shpirtin e rezistencës, transmeton Telegrafi.

“Jemi forca me kontributin më të madh në lirinë dhe demokracinë e këtij vendi. Jemi të gatshëm për ta udhëhequr vendin, ne jemi partia e Hashim Thaçit dhe Kadri Veselit. Ata nuk u thyen dhe nuk u përkulen kurrë”, tha ai.

Ai tha se edhe në rezultatet e 9 shkurtit kanë pasur rezultat të mirë, pasi kanë bashkuar qytetarët me programin e tyre për një jetë më të mirë.

“PDK nuk është alternativë, është nevojë e domosdoshme”, pohoi Hamza.

Pas Hamzës, u deklarua edhe kryetari i partisë, Memli Krasniqi, i cili tha se e ardhmja e partisë është ajo që e bëjnë bashkë.

“Sot më shumë se kurrë besoj se e ardhmja e partisë është nga ajo që bëjmë së bashku, e jo veç e veç. Kur jemi të bashkuar jemi të pandalshëm. Më 9 shkurt e pamë, se kur jem bashkë rritem e ngritëm”, potencoi ai. /Telegrafi/

The post Nis konventa e përgjithshme, Hamza: PDK nuk është alternativë, është nevojë e domosdoshme appeared first on Telegrafi.

Nënkryetari i Lëvizjes Vetëvendosje, Glauk Konjufca, tha se partia e tij e ka përjashtuar një koalicion me PDK-në, ndërsa tregoi se me Fatmir Limajn kanë pasur gatishmëri për bashkëpunim.

Sipas Konjufcës, LDK-ja ka refuzuar dy herë ftesën e Kurtit për bashkëpunim, ndërsa Limaj është i vetmi opsion që ka treguar hapje për marrëveshje.

“LDK-ja na kundërshtoi dy herë. Ne dy letra ia drejtuam Kryeministri Kurti, kurse nga ana e Vetëvendosjes nuk ekziston vullneti jonë për një koalicion me PDK-në. Me kënd ne jemi të vullnetshëm ta bëjmë qeverinë dhe këtë e kemi hasë edhe prej palës tjetër. Në këtë rast po flas për zotin Limaj, për shembull”, tha Konjufca në ATV.

Ai theksoi se konstituimi i Kuvendit do të zbulojë nëse Kurti ka numrat për të formuar Qeverinë, në të kundërtën i hapet rruga partive të tjera ose zgjedhjeve.

“Nëse zoti Kurti nuk e ka kapacitetin për me ndërtu numrat për Qeverinë, atëherë i vjen radha Bedri Hamzës apo sido që është në diskrecionin e Presidentes për të dhënë mundësinë e dytë. Pas kësaj ezaurohen të gjitha dhe kemi një rrugë të çarë drejt zgjedhjeve”, u shpreh Konjufca.

The post Konjufca: Nëse Kurti s’i ka numrat, radha i vjen Bedri Hamzës appeared first on Telegrafi.

Kandidati për kryeministër i Partisë Demokratike të Kosovës (PDK), Bedri Hamza, ka thënë se është shumë e ulët tallja nga ana e Albin Kurtit, i cili ka deklaruar se i ka votat për qeveri.

Ai ka thënë se, nëse Lëvizjes Vetëvendosje nuk i duhet ndihma dhe vota e PDK-së.

“Po, nëse nuk i duhet ndihma dhe vota jonë, fare mos të na pyesin. Nëse i duhen numrat edhe përkrahja prej Partisë Demokratike, ne nuk po kufizohemi në një, dy apo tre – nuk po japim emra, sepse është në të drejtën e tyre – por prej 40 vetave nuk po e gjejnë një me propozu…”, ka thënë ai, për RTV Dukagjini.

Hamza është pyetur nëse PDK-ja do ta votojë Fatmir Limajn për kryetar të Kuvendit. Ai është përgjigjur se, siç po shihet, nuk kanë marrëveshje.

“Ne po themi për kandidatin e propozuar prej Vetëvendosjes, e që mund të jetë ai që e propozon partia e cila ka fituar më së shumti për ulëse”.

Ai ka thënë se PDK-ja që nga fillimi ka qenë konsistente.

“Për mua është e pëlqyeshme, e dëshirueshme, koalicioni me partitë që kanë qenë në opozitë, dhe në këtë drejtim kemi qenë të gatshëm, jemi të gatshëm, jemi ulur për të biseduar. Jemi partia e vetme që kemi biseduar me të gjitha partitë politike…”, ka thënë Hamza.

“Prandaj, partia e parë e ka të drejtën, por e drejta vjen edhe me përgjegjësi. Nuk ka: ‘kam veç të drejtë’ – ke edhe përgjegjësi. Nëse e ke të drejtën ti me propozu kandidatin për kryetar të Kuvendit apo kandidaten, atëherë ke edhe përgjegjësi me ia ba votat. Është absurd kjo lojë e fjalëve dhe është shumë e ulët me thënë ‘i kemi votat për qeveri, por s’i kemi votat për kryetar të Kuvendit’. Kjo është tallje”, ka thënë Hamza. /Dukagjini/

The post Hamza kritikon Kurtin: Tallje e ulët të thuhet se ka vota për Qeveri, por jo për kryetar Kuvendi appeared first on Telegrafi.

Kandidati për kryeministër i Partisë Demokratike të Kosovës (PDK), Bedri Hamza, ka folur lidhur me takimin e djeshëm me kryeministrin në detyrë, Albin Kurti, takim ky që u zhvillua në objektin e Komunës së Mitrovicës së Jugut, të cilën Hamza e udhëheq si kryetar.

Hamza ka theksuar se asnjëherë nuk ka vënë pengesa për takime e biseda me askënd, duke nënvizuar gatishmërinë e tij për bashkëpunim, sidomos kur është në interes të qytetarëve.

“Dje jemi takuar me Kurtin në ndërtesën e Komunës së Mitrovicës, ku kemi biseduar për projektet që janë në interes të qytetit, edhe të Komunës së Mitrovicës së Jugut, edhe të Mitrovicës së Veriut. Një ndër obligimet ligjore është krijimi i bordit të përbashkët prej 11 anëtarësh: 5 nga Mitrovica e Jugut, 5 nga Mitrovica e Veriut, dhe një e cakton Qeveria,” deklaroi Hamza, duke përmendur edhe disa projekte të tjera të përbashkëta për qytetin.

Ai shtoi se është i kënaqur që si kryetar i Mitrovicës ka realizuar projekte në të dy anët e qytetit, pa zhurmë e pompozitet, por me rëndësi për komunitetin.

“Një prej projekteve është shëtitorja përgjatë lumit Ibër, edhe në pjesën veriore edhe në atë jugore. Gjithmonë jam i gatshëm për bashkëpunim, si me kolegët nga Mitrovica e Veriut ashtu edhe me komunat e tjera në veri të Kosovës, për çështje që janë në interes të përbashkët,” tha ai në RTVDukagjini.

Hamza sqaroi se temat e takimit kanë qenë vetëm për çështje lokale dhe projekte konkrete për Mitrovicën.

Sa i përket spekulimeve për diskutime rreth koalicioneve në nivel qendror, ai i mohoi kategorikisht.

“Sigurisht që ka pasur spekulime se a ka pasur biseda edhe rreth koalicionit në nivelin qendror. Unë po ua them jo, se me kon pas, kisha thënë po,” përfundoi Hamza.

The post A u bisedua me Kurtin edhe për koalicion, flet Bedri Hamza appeared first on Telegrafi.

Kryeministri i Kosovës, Albin Kurti, ishte sot në Mitrovicë, në jug dhe në veri. Ndalja e tij në jug, te kryetari i Mitrovicës së Jugut, Bedri Hamza, mori më së shumti vëmendje. Zyra e Kryeministrit njoftoi për takimet. Në atë me Hamzën, tha se Kurti foli me kandidatin e PDK-së për kryeministër për bashkëpunim ndërmjet nivelit qendror dhe atij komunal. Nuk u përmend ngërçi në Kuvend.

Ndërsa në Mitrovicën e Veriut, zyra e Kryeministrit tha se nga kryetari i Komunës, Erden Atiq, u njoftua për punën e deritanishme dhe realizimin e projekteve që sjellin zhvillim ekonomik dhe shërbime efikase në interes të të gjithë qytetarëve pa dallim.

“Në Mitrovicë të veriut dhe të jugut, me kryetarët Erden Atiq dhe Bedri Hamza, biseduam për bashkëpunimin qeveri-komunë dhe rëndësinë e realizimit të projekteve të përbashkëta. Këto dy komuna janë më pranë njëra-tjetrës se kurrë më parë, duke punuar tashmë për të fuqizuar gjithëpërfshirjen dhe mirëqenien qytetare.

Shpreha mbështetjen për të punuar bashkë dhe jetësuar sa më shumë projekte e nisma në interes të të gjithë qytetarëve pa dallim. Vizita e sotme rastisi dhe në ditëlindjen e kryetarit Erden Atiq, të cilit i uruam jetë të gjatë, shëndet të plotë e shërbim me integritet të lartë” – shkruan Kurti në postimin e tij në rrjetet sociale. /LAPSI.al

The post FOTO/ Kurti i shkon në zyrë kandidatit të PDK për kryeministër të Kosovës appeared first on Lapsi.al.

Kryeministri në detyrë, Albin Kurti, po zhvillon një takim me kryetarin e Partisë Demokratike të Kosovës, Bedri Hamza.

Takimi po vazhdon në zyrën e Hamzës në Komunën e Mitrovicës.

Ende nuk janë dhënë detaje zyrtare nga takimi, por lëvizja e Kurtit shihet si një hap drejt zbutjes së tensioneve politike dhe funksionalizimit të institucioneve.

LEXONI GJITHASHTU:

• Dështimi i 29-të, deputetët e Kosovës nuk arrijnë ta konstituojnë Kuvendin
• Kosova në pritje të heqjes së masave nga BE, shpreson përmirësime në veri

The post Albin Kurti takohet me Bedri Hamzën appeared first on Euronews Albania.

Partia Demokratike e Kosovës ka mbledhur sot Këshillin Drejtues, ku është diskutuar për zhvillimet aktuale politike në vend, rezultatin zgjedhor të 9 shkurtit dhe përgatitjet për zgjedhjet lokale.

Kryetari i PDK-së, Memli Krasniqi ka thënë se zgjedhjet e 9 shkurtit shënuan një pikë kthese për Kosovën, sepse vendi u nxor nga monizmi dhe sundimi i një partie të vetme dhe një kapitull të ri për PDK-në, si dhe një kapitull të ri për PDK-në.

“Me kandidat për Kryeministër kompetent dhe të besueshëm si Bedri Hamza, me strukturë të qëndrueshme dhe anëtarësi që nuk u ndal asnjë çast drejt ringritjes dhe forcimit të partisë, me një ofertë zhvillimore dhe të matshme, me një listë kandidatësh të jashtëzakonshëm, me afro 200 mijë qytetarë që na dhanë besimin e tyre, PDK dëshmoi se jo vetëm është forca më stabile në vend, por se është edhe streha e shpresës për një Kosovë ma të mirë. Ky është kapitulli ynë i ri dhe ne nuk guxojmë të ndalemi këtu, sepse ky rezultat, i cili është ndër më të mirët në historinë e partisë tonë, nuk është thjesht një numër, por është një sinjal i qartë se qytetarët duan maturi, përmbajtje dhe drejtim të sigurt”, tha Krasniqi.

Kryetari Krasniqi kritikoi Albin Kurtin për bllokadë institucionale dhe arrogancë politike, ndonëse PDK ka ofruar zgjidhje për të dalë nga vakumi.

“Ne kemi kërkuar ndërrimin e kandidatit për Kryetar të Kuvendit. Kemi pranuar dhe ftesën e Albin Kurtit për takim, e cila ishte më shumë si një kurth për të na futur edhe ne në një thes me partitë tjera, si parti refuzuese. Kemi propozuar mbajtjen e një takimi gjithëpërfshirës nga Presidentja, që u mbajt më 15 maj. Dhe kemi ofruar edhe mundësinë e krijimit të një Qeverie të re nga PDK, LDK, AAK dhe Nisma, me Kryeministër Bedri Hamzën, jo për interesa partiake, por për interesin e Kosovës. PDK ka qenë dhe është e gatshme të marrë përgjegjësi për të ndërtuar një Qeveri të opozitës së djeshme, me një plan dinamik për të trajtuar sfidat emergjente për shtetin dhe qytetarët, një qeveri që do t’i jepte përparësi rimëkëmbjes ekonomike, sigurisë kombëtare, forcimit të institucioneve dhe partneritetit me SHBA dhe BE. Sot, më shumë se kurrë, Kosovës i duhet një qeveri që punon, jo që bllokon”, tha ai.

Tutje, Krasniqi kërkoi mobilizimin e të gjithë anëtarëve dhe strukturave për përgatitjet për zgjedhjet lokale.

“Sërish, synojmë të garojmë me njerëzit më të përkushtuar, më të ndershëm dhe më kompetent – për të thelluar qeverisjen e mirë që kemi ndërtuar në shumë komuna të vendit. Qëllimi ynë është i qartë: Të rikonfirmojmë fitoren në të gjitha komunat që i udhëheqim sot – dhe bazuar në qeverisjen e mirë të këtyre katër viteve, kjo është më se e arritshme. Të fitojmë edhe në disa komuna të tjera, ku potenciali është i jashtëzakonshëm. Por, fitorja që synojmë nuk arrihet pa ju, pa mbështetjen, energjinë dhe kontributin tuaj”, shtoi lideri i PDK-së.

Kryetari Krasniqi shprehu shqetësimin lidhur me vendimin Dhomave të Specializuara në Hagë për vazhdimin e paraburgimit ndaj Hashim Thaçit, Kadri Veselit, Jakup Krasniqit dhe Rexhep Selimit.

“Vendimi i Dhomave të Specializuara në Hagë për të vazhduar paraburgimin ndaj Presidentit Thaçi, Kryetarit Kadri Veseli, bacës Jakup dhe Rexhep Selimit është një padrejtësi që nuk guxojmë ta normalizojmë. Refuzimi i lirimit me kusht, pavarësisht përfundimit të paraqitjes së provave, është shkelje e parimeve themelore të drejtësisë. Ne nuk kërkojmë favore, por drejtësi. PDK nuk do të ndalet së kërkuari që kjo padrejtësi të marrë fund, në përputhje me të drejtën ndërkombëtare dhe me respekt për sakrificën tonë kolektive”, tha Krasniqi.

Edhe kandidati i PDK-së për kryeministër, Bedri Hamza falënderoi të gjithë anëtarët, përkrahësit dhe strukturat e partisë për mbështetjen, si dhe për angazhimin e madh për rezultatin e arritur.

Ndërkaq, sekretarja e përgjithshme e PDK-së, Vlora Citaku duke theksuar se rezultati i 9 shkurtit ka qenë ndër më të mirët që partia e ka marrë, kërkoi mobilizimin e të gjitha strukturave edhe për garën nëpër komuna.

“Shpresoj që në këtë frymë të unitetit dhe cilësinë e kandidatëve, do të kemi sukses edhe në zgjedhjet lokale”, shtoi ajo. /Telegrafi/

The post Këshilli Drejtues i PDK-së, Krasniqi: Të mobilizohemi për fitore në zgjedhjet lokale appeared first on Telegrafi.

Kryetari i Komunës së Mitrovicës, Bedri Hamza dhe nënkryetari Arian Tahiri kanë pritur sot në takim përfaqësuesit e klubit basketbollistik “Trepça”.

Pas shpalljes së “Trepçës” kampion i ri i Kosovës në basketboll për sezonin 2024/25 në Superligës, Hamza ka thënë se kupat janë më shumë se trofe, shkruan Telegrafi.

“Në zyrën time, bashkë me nënkryetarin Arian Tahiri, sot i prita kampionët,ata që Mitrovicës i japin shumë krenari. Këto janë më shumë se trofe. Janë pasioni ynë, përkushtimi dhe puna e pandalshme për t’i sjellë fitore e tituj qytetit tonë”, ka thënë Hamza.

Hamza është shprehur se atyre i’u ka premtuar mbështetje.

“Faleminderit për angazhimin tuaj Vullnet, Lindrit, Anes dhe të gjithë lojtarëve të klubit ‘Trepça’. Faleminderit edhe tifozëve të Torcidës për përkrahjen e zjarrtë!”, ka thënë Hamza.

Para gjashtë ditësh, Trepça është shpallur kampioni i ri i Kosovës në basketboll për sezonin 2024/25 në Superligë.

Në ndeshjen e gjashtë finale me Bashkimin, Trepça triumfoi me rezultat të thellë 82:67 dhe me rezultat të përgjithshëm 4-2 fituan titullin e kampionit. /Telegrafi/

The post “Janë pasioni ynë”, Hamza dhe Tahiri presin në takim përfaqësuesit e klubit basketbollistik “Trepça” appeared first on Telegrafi.

Deputeti i Partisë Demokratike të Kosovës, Përparim Gruda, ka komentuar takimin mes kryeministrit Albin Kurti dhe kryetarit të Komunës së Mitrovicës, Bedri Hamza, gjatë një ndeshjeje basketbolli mes ekipeve Trepça dhe Bashkimi.

Në një konferencë për media, Gruda theksoi se praninë e përbashkët të Kurtit dhe Hamzës në tribunë nuk duhet ta shohim si një zhvillim politik.

Lexo po ashtu Kurti e Hamza së bashku, dy kandidatët për kryeministër shijojnë finalen në Minatori

Ai sqaroi se Hamza, në cilësinë e nikoqirit, ka ndjekur normat e protokollit dhe ka qëndruar pranë kryeministrit gjatë eventit sportiv.

“Ky është një takim rastësor dhe nuk ka asnjë konotacion politik. Ishte një ngjarje sportive, dhe si nikoqir, Hamza e kishte për detyrë të ulej afër kryeministrit, siç e kërkon edhe protokolli,” deklaroi Gruda. /Telegrafi/

The post Takimi Kurti-Hamza në ndeshjen Trepça-Bashkimi, PDK: Ishte vetëm protokoll, pa konotacion politik appeared first on Telegrafi.

Kryetari i Komunës së Mitrovicës, Bedri Hamza dhe nënkryetari, Arian Tahiri kanë vizituar të lënduarit nga shpërthimi i sotëm brenda një shtѱpie që po dyshohet se ka ndodhur nga një bombolë gazi.

Tahiri është shprehur se është shprehur i tronditur nga kjo situatë, shkruan Telegrafi.

Tahiri dhe Hamza fillimisht vizituan vendin e ngjarjes, e më pas të lënduarit.

“Jam i tronditur nga rasti i shpërthimit të bombolës së gazit në një shtëpi në Bair. Bashkë me kryetarin Hamza kemi vizituar vendin e ngjarjes e më pas edhe të lënduarit në Emergjencë”, ka thënë Tahiri.

Ai ka thënë se Komuna do të qëndrojë pranë familjes dhe do t’i jap mbështetjen e nevojshme. /Telegrafi/

The post Hamza dhe Tahiri vizitojnë të lënduarit pas shpërthimit në Mitrovicë appeared first on Telegrafi.

Nuk është miratuar propozim-vendimi për miratimin e hartës zonale të Komunës së Mitrovicës së Jugut.

Me 17 vota pro, 0 kundër dhe 0 abstenim, asamblistët e Kuvendit Komunal të Mitrovicës së Jugut vendosën që të mos e miratojnë këtë propozim-vendim, shkruan Telegrafi.

Kryetari i Komunës së Mitrovicës së Jugut, Bedri Hamza fillimisht i ftoi asamblistët të votojnë sipas bindjeve personale, derisa shtoi se nuk e ndan këtë çështje me parti politike.

“Kemi ftuar edhe kompani e cila ka qenë e kontraktuar për këtë proces. Sot jemi këtu dhe unë ju lus që të diskutojmë dhe në fund secili prej jush të votoni sipas bindjeve personale. Jam i sigurtë, nuk e ndaj me parti politike këtë çështje” ka thënë Hamza.

Plani për hartën zonale që u prezantua gjatë seancës së Kuvendit Komunal, u kundӕrshtua nga asamblistët e VV-së, pikërisht Faruk Mujkës.

Mujka e cilësoi planin e prezantuar sit ë “pafavorshëm”, derisa u shpreh se ekzekutivi i Komunës së Mitrovicës së Jugut ka dhënë shumë leje ndërtimore e që sipas tij, janë shpërfillur planet rregullative për lagjet e caktuara.

“Plani që po prezantoni është i pafavorshëm për ndërtuesit, keni dhënë me grushta leje ndërtimore të pabazura duke shpërfillur edhe planet rregullative për lagjet e caktuara të cilat do të anuloheshin pikërisht ashtu siç kemi caktuar me vendim. Pra, vetëm kur votohet kjo hartë zonale, atëherë anulohen ato rregullative që duhet me qenë ende aktuale deri sot”, ka thënë Mujka.

Për këtë, kryetari Hamza ka thënë se ekzekutivi aktual i komunës ka trashëguar mbi 12 milion obligime të mbetura, sipas tij, disa janë si rezultat i kontratave kolektive dhe rrugët për të cilat u shpreh se ka disa dekada që nuk është investuar në to.

“Mbi 12 milion obligime të mbetura, borxhe që i ka trashëguar ky ekzekutiv. Një pjesë e madhe janë si rezultat i kontratave kolektive. E dyta rrugët, për 50, 60 vjet nuk i ka prek kërkush”, ka theksuar ai.

Madje, ai ka përmendur edhe disa rrugë të qytetit që punimet në to kanë përfunduar dhe ato në të cilat akoma po punohet, transmeton Telegrafi.

“Rrugën ‘Mbretëresha Teutë’ komplet me infrastatrukturën nëntokësore, rruga ‘Ali Zeneli’ që ka qenë e planifikuar me dekada –  me shumë vështirësi është kah përfundimi, rruga ‘Lah Nimani’ e njejta gjë. Keni dhënë shumë leje, shumica janë në kohën tuaj”, ka potencuar Hamza.

Ndërsa, asamblisti Kushtrim Zeneli nga radhët e VV-së deklaroi se “harta zonale mbështetet në planet e vjetra dhe nuk ka ndryshime demografike”.

Derisa, asamblista Xhyljeta Morina – Imeri nga LDK nuk ishte pjesë e votimit për miratimin e hartës zonale.

Ajo është shprehur se harta zonale, e cila u prezantua gjatë seancës, “nuk i trajton njëjtë prioritetet”.

“Kjo hartë ka sasi të diskrimit dhe nuk i trajton njejtë prioritetet”, ka thënë shkurtimisht Morina – Imeri. /Telegrafi/

The post Nuk miratohet propozim-vendimi për miratimin e hartës zonale të Komunës së Mitrovicës së Jugut appeared first on Telegrafi.

Kryetari i Komunës së Mitrovicës së Jugut, Bedri Hamza ka dorëzuar deklarimin e pasurisë së tij në Agjencinë për Parandalimin e Korrupsionit.

Sipas deklarimit, Hamza ka pasuri të paluajtshme në vlerë prej 244 mijë e 700 euro. Ai ka gjithsej tre banesa, tre garazhe, një shtëpi dhe një parcelë tokë tokë 1 hektarë, shkruan Telegrafi.

Banesat janë: 98.00 m2, 120.00 m2 dhe 60.00 m2. Ndërsa, garazhet: 16.00 m2, 30.00 m2 dhe 35.00 m2. E, shtëpia është 72.00 m2.

Sipas këtij deklarimi, tre banesat janë të blera, dy garazhe janë të blera dhe një është e trashëguar, ndërsa shtëpia dhe toka janë të trashëguara.

Ndërsa, pasuri të luajtshme, kryetari i Komunës së Mitrovicës së Jugut ka mbi tre mijë euro, ku përfshihen dy vetura: Renault dhe Audi.

Bëhet e ditur se Hamza ushtron edhe profesionin e profesorit në kolegjin AAB që nga data 01.10.2017. /Telegrafi/

The post Hamza deklaron mbi 240 mijë euro pasuri të paluajtshme – tri banesa, një shtëpi, dy vetura e një parcelë tokë appeared first on Telegrafi.

Sot është mbajtur mbledhje e jashtëzakonshme e Komitetit për Politikë dhe Financa (KPF) në Kuvendin Komunal të Mitrovicës së Jugut.

Në këtë mbledhje të jashtëzakonshme ka marrë pjesë kryetari i Komunës, Bedri Hamza dhe anëtarëve të Komitetit për Politikë dhe Financa (KPF), derisa është  udhëhequr nga kryesuesja e kuvendit, Vesa Broja, shkruan Telegrafi.

Në këtë mbledhje është shqyrtuar propozim-vendimi për miratimin e hartës zonale të Komunës së Mitrovicës së Jugut.

Kjo pikë e rendit të ditës pasi u shqyrtua nga anëtarët e KPF-së, është proceduar për miratim në mbledhjen e Kuvendit Komunal. /Telegrafi/

The post Mbahet mbledhje e jashtëzakonshme e KPF-së, diskutohet për hartën zonale të Mitrovicës së Jugut appeared first on Telegrafi.

Pas certifikimit të rezultatit të zgjedhjeve të përgjithshme parlamentare të 9 shkurtit në Kosovë, nga Komisioni Qendror i Zgjedhjeve, kandidati për kryeministër i partisë së dytë në garë që ka fituar zyrtarisht 24 ulëse në Kuvend, Bedri Hamza, nga një konferencë për media, theksoj edhe njëherë se PDK nuk ka vija të kuqe dhe se vendit nuk i duhen në këtë moment vakume institucionale, edhe pse nga VetëVendosja e Albin Kurtit nuk i ka ardhur asnjë ftesë konkrete për bashkëqeverisje.

Përsa i përket bisedimeve me opozitën, që duket gjithnjë e më e përçarë, Hamza konfirmoj se ka patur bisedime me dyer te mbyllura si me LDK ashtu edhe me partitë e tjera opozitare.

Hamza komentoj edhe zgjedhjen e Presidetit apo Presidentes së vendit, pas përfundimit të mandatit të Vjosa Osmanit, duke e konsideruar si një proces historikisht të vështirë në Kosovë.

Bedri Hamza, hoqi dorë nga mandati i deputetit, për të vijuar punën si kryetar i komunës së Mitrovicës, ndërsa në vend ka filluar zyrtarisht numërimi mbrapsht për formimin e qeverisë së re.

Rradha është e Presidentes Osmani për të përcaktuar datën e mbledhjes së parë në Kuvend, ku do të konstituohet Parlamenti i ri, me dy detyra të para kryesore: betimin e deputetëve dhe zgjedhjen e kryetarit të Kuvendit.

Kjo e fundit komentoj duke deklaruar se ende nuk ka një datë për këtë.

Pasditen e 27 marsit, Komisioni Qendror i Zgjedhjeve (KQZ) ka certifikuar rezultatet e zgjedhjeve të përgjithshme të mbajtura më 9 shkurt, duke i hapur rrugë formimit të institucioneve të reja.

Në këtë proces, disa kandidatë për deputetë, të cilët aktualisht mbajnë poste si kryetarë komunash, kanë dhënë dorëheqje nga mandatet e tyre të deputetit, duke u zëvendësuar me emra të rinj nga partitë përkatëse.

Bedri Hamza, kandidat i Partisë Demokratike të Kosovës (PDK) dhe kryetar i Komunës së Mitrovicës, ka dhënë dorëheqje nga kandidatura për deputet, duke u zëvendësuar me Rashit Qalajn.

Gazmend Muhaxheri, kandidat i Lidhjes Demokratike të Kosovës (LDK) dhe kryetar i Komunës së Pejës, është tërhequr nga lista e deputetëve, duke u zëvendësuar me Arben Gashin.

Imri Ahmeti, kandidat i LDK-së dhe kryetar i Komunës së Lipjanit, është zëvendësuar me Paris Gurin.

Anëtari i PDK-së në KQZ, Ilir Gashi, ka theksuar se zëvendësimi i kryetarëve të komunave është i domosdoshëm, pasi ligji nuk lejon mbajtjen e njëkohshme të pozitës së kryetarit të komunës dhe asaj të deputetit.

Me certifikimin e rezultateve nga KQZ, procesi i formimit të institucioneve të reja parlamentare dhe qeveritare pritet të vazhdojë në ditët në vijim./Telegrafi/

The post Muhaxheri, Ahmeti e Hamza heqin dorë nga mandati i deputetit, zëvendësohen nga Arben Gashi, Paris Guri e Rashit Qalaj appeared first on Telegrafi.

Analisti Imer Mushkolaj ka deklaruar se kreu i LDK-së, Lumir Abdixhiku, po e mban qëndrimin e tij të prerë që partia e tij të mbetet në opozitë dhe nuk sheh ndonjë mundësi për koalicion me Lëvizjen Vetëvendosje, e cila ka fituar zgjedhjet e 9 shkurtit.

Sipas Mushkolajt, qëndrimi i LDK-së është i “betonuar” dhe nuk ka interes për bashkëpunim me ndonjë parti pas zgjedhjeve.

Ai ka theksuar se një mundësi e vetme mbetet bashkëpunimi mes PDK-së dhe LVV-së, por kjo mbetet ende për t’u parë.

“Se a mund të ekzistojë vullneti të bëhet një qeveri LVV-PDK, mbetet për t’u parë”, ka thënë Mushkolaj në TV Dukagjini.

“Qëndrimi i LDK-së është i qartë. Lumir Abdixhiku e ka bërë të ditur se LDK-ja dëshiron të qëndrojë në opozitë. E vetmja alternativë deri më tani është që Vetëvendosja të formojë qeverinë nëse arrin numrin e nevojshëm të deputetëve”.

Ai shtoi se edhe pse PDK-ja fillimisht kishte vija të kuqe ndaj një koalicioni me LVV-në, më vonë Bedri Hamza përmendi disa kufizime, duke e lënë derën hapur për negociata.

Mushkolaj paralajmëroi se një qeveri e mundshme e LVV-së do të ishte e paqëndrueshme dhe me jetë të shkurtër, me gjasë deri në zgjedhjen e presidentes së re.

Ai tha gjithashtu se certifikimi i zgjedhjeve nuk ndryshon dinamikën politike dhe se procesi i formimit të institucioneve mund të zgjasë më shumë se sa pritet.

“Logjikisht, nëse partitë do të kishin qenë të interesuara për të formuar qeverinë sa më shpejt, kjo do të ndodhte menjëherë pas certifikimit të zgjedhjeve. Me situatën aktuale, nuk pres që çështjet të zgjidhen shpejt, përfshirë zgjedhjen e kryetarit të Kuvendit dhe caktimin e mandatarit”, shtoi ai.

The post Mushkolaj: LDK-ja e vendosur për opozitë, koalicioni LVV-PDK mbetet për t’u parë appeared first on Telegrafi.

Pas më shumë se një muaji nga mbajtja e zgjedhjeve të 9 shkurtit, Komisioni Qendror i Zgjedhjeve ka shpallur rezultatet përfundimtare.

Partia Demokratike e Kosovës (PDK) ka siguruar 24 mandate në Kuvendin e Kosovës.

Në listën e deputetëve të zgjedhur nga PDK-ja kryeson Bedri Hamza me 173,526 vota, i ndjekur nga Memli Krasniqi me 98,415 vota dhe Uran Ismaili me 44,283 vota.

Po ashtu, ndër kandidatët me më shumë vota janë Vlora Çitaku, Sala Jashari dhe Enver Hoxhaj.

Më poshtë është lista e plotë e deputetëve të zgjedhur të PDK-së sipas votave të fituara.

The post Bedri Hamza më i votuari në PDK – Lista e 24 deputetëve fitues appeared first on Telegrafi.

Kandidati për kryeministër nga Partia Demokratike e Kosovës (PDK), Bedri Hamza, ka deklaruar se zgjedhjet lokale mund të kenë një ndikim në procesin e zgjedhjes së presidentit.

Megjithatë, Hamza refuzoi të komentonte më gjatë mbi këtë çështje, duke theksuar se nuk është e shëndetshme për shtetin të parashikohen proceset e mëvonshme.

Ai potencoi se zgjedhja e presidentit është një proces i ndarë.

“Çështja e presidentit vjen në prill të vitit të ardhshëm dhe është një proces i ndarë. Për t’u zgjedhur presidenti, nevojiten të paktën 80 vota”, tha ai, duke shtuar se aktualisht asnjëra palë nuk i ka këto vota.

“80 vota në këtë format nuk i ka as opozita, por as Lëvizja Vetëvendosje së bashku me minoritetet, pavarësisht se si pozicionohen ato”, shtoi Hamza.

Ai theksoi se është e rëndësishme të krijohet hapësirë për dialog dhe bashkëpunim mes palëve politike.

“Kjo situatë lë hapësirë për ulje në tavolinë dhe diskutime”, u shpreh Hamza në Rubikon.

The post ’80 vota s’i kanë asnjëra palë, as LVV me minoritetet’, Hamza përmend presidentin, thotë se është proces i ndarë appeared first on Telegrafi.

Kandidati për kryeministër nga PDK-ja, Bedri Hamza, ka përsëritur edhe një herë se partia e tij nuk do të bashkëqeverisë me partinë në pushtet.

Ai thekson se është më e mundshme që një qeveri të formohet nga opozita sesa nga Lëvizja Vetëvendosje, duke përmendur dallimet e mëdha konceptuale, politike dhe programore mes tyre.

“Ne kemi bërë të qartë që nuk mund të qeverisim bashkë me Vetëvendosjen për shkak të dallimeve të mëdha, si në rritjen e pagave, pensioneve dhe çështjen e energjisë,” tha Hamza.

Sipas tij, një bashkim i opozitës do të mund të siguronte 52 vota, ndërsa 10 të tjera do të vinin nga minoritetet joserbe, duke krijuar kështu një shumicë të mundshme për formimin e qeverisë, pa përfshirjen e Vetëvendosjes.

Hamza është shprehur i gatshëm për t’u takuar me partitë opozitare.

Në “Rubikon me Adriatik Klemendin”, ai tha se ka hapësirë për t’u ulur në tavolinë për të biseduar, duke i bërë ftesë që sonte partive opozitare për takim.

“Ftesën që sonte jam i gatshëm me u ulë me partitë që kemi qenë në Opozitë që të bisedojmë për marrëveshje politike jo për procedura ligjore e kushtetuese se janë të qartë me përjashtim të zgjedhjes së kryetarit të Kuvendit. Sigurisht në kanal zyrtare do t’iu bëj ftesë me u ul dhe me bisedu që vendin me i dhënë institucione”, tha Hamza.

Tutje, Hamza shtoi se “Sigurisht që nuk do të jetë e lehtë kushdo që do ta krijojë qeverinë”.

The post Hamza: Më e mundshme qeveria nga opozita – nuk bashkëpunojmë me LVV-në appeared first on Telegrafi.