Presidentja Vjosa Osmani, ka zhvilluar sot takime të veçanta me kryetarët e partive kryesore politike, në kuadër të konsultimeve për konstituimin e Kuvendit, pas Aktgjykimit të fundit të Gjykatës Kushtetuese.

Në këto takime, Osmani u takua me kryeministrin në detyrë dhe kryetar të Lëvizjes Vetëvendosje, Albin Kurti, kryetarin e Partisë Demokratike të Kosovës, Memli Krasniqi, kryetarin e Lidhjes Demokratike të Kosovës, Lumir Abdixhiku, dhe kryetarin e Aleancës për Ardhmërinë e Kosovës, Ramush Haradinaj.

Liderët politikë shpalosën qëndrimet dhe interpretimet e tyre lidhur me aktgjykimin dhe hapat që duhet ndjekur për të avancuar procesin e konstituimit të Kuvendit, duke u fokusuar në nevojën për bashkëpunim dhe gjetjen e një marrëveshjeje brenda afatit 30-ditor të përcaktuar nga Gjykata Kushtetuese.

Presidentja Osmani theksoi rëndësinë e konstituimit të institucioneve për të ruajtur vlerat demokratike dhe për të mos penguar zhvillimin e shtetit, si dhe rritjen e besimit të qytetarëve në institucione.

Takimi me Albin Kurtin

Kryeministri në detyrë Albin Kurti u shpreh optimist për vazhdimin e bashkëpunimit në funksion të konstituimit të Kuvendit dhe formimit të Qeverisë së re.

Ai nuk dha detaje specifike nga biseda, por tha se pritjet janë për përparim përmes takimeve të mëtejshme.

Takimi me Memli Krasniqin

Kryetari i PDK-së, Memli Krasniqi, konfirmoi gatishmërinë e partisë së tij për të kontribuar në zgjidhjen e krizës politike, duke theksuar se aktgjykimi i Gjykatës Kushtetuese e ka bërë të pamundur ndryshimin e mënyrës së votimit gjatë procesit.

Ai kërkoi kthimin te rendi i ditës për zgjedhjen e kryetarit të Kuvendit përmes votimit të hapur dhe prezantimin e një kandidati që mund të marrë shumicën.

Takimi me Lumir Abdixhikun

Kryetari i LDK-së, Lumir Abdixhiku, ritheksoi qëndrimin e partisë së tij për votim të hapur dhe bëri thirrje për respektimin e procedurave kushtetuese dhe ligjore.

Abdixhiku theksoi se LDK nuk do të mbështesë asnjë kandidat të Vetëvendosjes për kryeparlamentar dhe nënvizoi nevojën për shumicë politike dhe unitet.

Takimi me Ramush Haradinajn

Kryetari i AAK-së, Ramush Haradinaj, bëri të ditur shqetësimin e presidentes Osmani për afatin e shkurtër dhe theksoi se partia e tij është për kthimin e praktikës së votimit dhe beson në gjetjen e një rrugëdaljeje për konstituimin e Kuvendit përmes votimit të hapur.

Ky cikël konsultimesh i presidentes Osmani pritet të vazhdojë edhe me partitë e tjera në ditët në vijim, ndërsa situata mbetet e tensionuar për shkak të bllokadës në konstituimin e Kuvendit, që vazhdon të zvarritet katër muaj pas zgjedhjeve të 9 shkurtit./Telegrafi/

The post Pas takimeve veç e veç me liderët e partive politike, flet presidentja Osmani appeared first on Telegrafi.

Kryetari i Partisë Demokratike të Kosovës, Memli Krasniqi, pas takimit me presidenten e vendit, Vjosa Osmani, ka rikonfirmuar gatishmërinë e partisë që ai drejton për të kontribuar në tejkalimin e bllokadës për konstituimin e Kuvendit.

Ai theksoi se tashmë ekziston një interpretim i qartë kushtetues mbi kompetencat dhe përgjegjësitë e secilit akter institucional, gjë që, sipas tij, duhet të ndihmojë në rikthimin e funksionalitetit demokratik.

“Si PDK, kemi paraqitur qëndrime të qarta dhe propozime konkrete për të rikthyer funksionalitetin institucional dhe respektin ndaj rendit demokratik. Bashkëpunimi dhe kompromisi mbeten parimet tona udhërrëfyese – të konfirmuara qartë edhe në aktgjykimin e fundit të Gjykatës Kushtetuese”, tha Krasniqi.

Kreu i PDK-së u shpreh se konsultimet e fundit duhet të sjellin reflektim dhe të ndihmojnë në tejkalimin e, siç e quajti ai, “kryeneçësisë politike”.

Ai shtoi se vendi ka nevojë urgjente për institucione funksionale, fuqiplota dhe legjitime.

“Nuk kemi pse të presim afatin kushtetues 30-ditor për konstituimin e Kuvendit – mund dhe duhet ta bëjmë qysh nesër, në mënyrën e duhur”, theksoi ai.

Në fund, Krasniqi paralajmëroi se nëse nuk ka përparim në këtë drejtim, Gjykata Kushtetuese do të jetë sërish adresa për të konfirmuar “pengmarrjen institucionale të shtetit”.

The post Krasniqi: Konstituimin duhet ta bëjmë qysh nesër, Kosova s’mund të presë appeared first on Telegrafi.

Kryetari i PDK-së, Memli Krasniqi është deklaruar pas takimit që ka pasur me presidenten Vjosa Osmani.

Krasniqi para mediave ka thënë se PDK është e gatshme ta luajë rolin e saj në zgjidhjen e krizës politike, transmeton Telegrafi.

“Edhe në këtë takim e rikonfirmova qëndrimin e PDK-së për të luajtur rolin tonë në zgjidhjen e krizës politike, sidomos edhe tash që e kemi qartësimin nga Gjykata Kushtetuese, e cila i ka bërë të qartë rolet e secilit, në radhë të parë të koalicionit që ka dalë i pari në zgjedhje, ku e ka detyruar përveç tjerash edhe për gjetjen e kompromisit”, ka pohuar Krasniqi.

Lexo po ashtu Përfundon takimi Osmani - Krasniqi

Kreu i PDK-së, tha që shpreson që konsultat me presidenten të jenë në funksion të gjetjes së një rrugëdaljes.

Ai potencoi se Gjykata Kushtetuese e ka bërë të qartë se nuk mund të ndryshohet mënyra e votimi gjatë nisjes së procesit.

Krasniqi po ashtu kërkoi nga LVV që votimi të jetë i hapur dhe të sjellë një propozim tjetër për kryeparlamentar që do të mund ta merr shumicën./Telegrafi/

The post Krasniqi flet pas takimit me Osmanin, kërkon që LVV ta ndryshojë kandidatin për kryeparlamentar dhe votimi të jetë i hapur appeared first on Telegrafi.

Kryetari i PDK-së, Memli Krasniqi ka konfirmuar se ka pranuar ftesë për takim për nesër nga ana e presidentes Vjosa Osmani lidhur me situatën politike të krijuar tash e pesë muaj.

Krasniqi tha se do të jetë pjesë e takimit.

“Kam pranu ftesën dhe besoj nesër është takimi dhe unë do të jem aty. Qëndrimi i njëjtë që kemi pasur gjithmonë. Ka dy tre muaj që jemi duke munduar të gjejmë zgjidhje të ofrojmë kompromise për të dalë nga kjo situatë”, tha Krasniqi.

Lexo po ashtu Abdixhiku: Do të shkoj në takim me Osmanin sapo të ftohem, presidentja duhet të ketë qëndrim për situatën

Ai u shpreh se shpreson që e njëjta gjë të ndodh siç nuk ka ndodh deri tash nga ana e LVV.

“Ne kemi pasur kërkesë edhe më herët që presidentja të merr rolin e saj dhe të involvohet. Kemi pasur edhe takimin që ka qenë para disa javësh, e shoh pozitiv në kuadër të angazhimit por nuk di çka të them për mundësinë e rezultatit sepse në fund të fundit bllokada është prodhim I kryeneçësisë së LVV-së”, tha Krasniqi. /Telegrafi/

The post Krasniqi konfirmon pjesëmarrjen në takimin e nesërm me Vjosa Osmanin appeared first on Telegrafi.

Ai tha se kjo qasje e LVV-së edhe pas vendimit të Gjykatës Kushtetuese është “një nivel i ri jo vetëm i papërgjegjësisë, por i rrezikimit të demokracisë në Kosovë”. Kryetari i Partisë Demokratike të Kosovës, Memli Krasniqi tha se Lëvizja Vetëvendosje sot ka “konsumuar një shkelje e Kushtetutës me vetëdije”.

Krasniqi tha se PDK-ja do ta shqyrtojë “qysh sot” mundësinë e dërgimit të shkeljes së sotme, siç thotë, në Gjykatën Kushtetuese. Këtë, ai tha se mund ta bëjë edhe Presidentja apo të tjerët.

“Dhe normalisht që ne do ta shqyrtojmë qysh sot mundësinë e dërgimit të një lënde të re në Gjykatën Kushtetuese. Ndoshta mundet edhe vetë Presidentja. Ndoshta mundet i njëjti grup i deputetëve që e kanë dërguar edhe në të kaluarën. Pse jo, nëse kanë paqartësi, mundet me e çu edhe vetë grupi i Vetëvendosjes, sepse për ata përnjëmend gjithçka është e paqartë, sepse mendojnë se vetë mmënyra qysh e shohin ata realitetin është e vërteta, por nuk është”, tha ai.

Ai tha se LVV-ja po mundohet ta ndryshojë “në mënyrë arbitrare mënyrën e votimit”, me votimin e komisionit, gjë që “ua ndalon aktgjykimi”.

“Një formë ose tjetër, unë jam i bindur që ne do të përfundojmë në Gjykatën Kushtetuese përsëri, sepse nëse deri më 26 korrik nuk përmbushet obligimi që na e ka dhënë aktgjykimi i Gjykatës për ta konstituuar Kuvendin, atëherë përgjigje konkrete në këtë aktgjykim nuk ka. Na mbetet të marrim përgjigje të reja dhe t’i japim vendit zgjidhje”, tha Krasniqi. Kryetari i PDK-ja tha se ka shpresuar vërtetë që në LVV “do të reflektojnë dhe do të tërhiqen nga bllokada”.

“Por shpresa ime ka qenë vërtet – sidomos pas konsuës së pardjeshme kur nuk u mbajt seanca, që ata do t’i thirrin mendjes së shëndoshë, që do të reflektojnë dhe do të tërhiqen nga bllokada, por siç duket kjo nuk ndodhi”, tha ai.

The post “Rrezikimi i demokracisë në Kosovë”/ Reagon ashpër Kryetari i PD, Krasniqi: Jam i bindur që do të përfundojmë në… appeared first on Sot News | Lajme.

Kryetari i Partisë Demokratike të Kosovës (PDK), Memli Krasniqi ka thënë se Bedri Hamza duhet të jetë kandidat për kryeministër nga PDK edhe në zgjedhjet e ardhshme.

Krasniqi ka thënë se për këtë është i bindur 100 për qind.

“Unë jam i bindur që Bedri Hamza duhet të jetë kryeministër i Kosovës në këtë fazë, 100% jam i bindur, sepse mendoj që kompetenca e tij, karakteri depolarizues, përvoja e tij sidomos në fushat ku sot ka nevojë me u implementu një program për me i rikuperu dëmet që ia ka shkaktu dëmet Kosovës”, ka deklaruar Krasniqi në T7.

“Unë mendoj që Bedriu do të duhej të ishte kandidat për kryeministër edhe në zgjedhjet të cilat janë i bindur që kanë me u mbajtë shumë shpejt, sepse nuk ka ndryshu asgjë nga konteksti aktual”, ka thënë Krasniqi.

The post Krasniqi: Hamza duhet të jetë kandidat i PDK-së për kryeministër edhe në zgjedhjet e ardhshme appeared first on Telegrafi.

Memli Krasniqi është rizgjedhur në postin e kryetarit të Partisë Demokratike të Kosovës – subjekt që doli i dyti në zgjedhjet parlamentare të shkurtit. Pas zgjedhjes, ai ka falënderuar delegatët që e votuan gjatë Konventës së 11-të të PDK-së, teksa u zotua se do të punojë që partia e tij të dalë e para në Kosovë. “Krejt çka di dhe krejt çka mundem do ta bëj për ta rikthyer Partinë Demokratike të…

Source

Memli Krasniqi është rizgjedhur në postin e kryetarit të Partisë Demokratike të Kosovës – subjekt që doli i dyti në zgjedhjet parlamentare të shkurtit. Pas zgjedhjes, ai ka falënderuar delegatët që e votuan gjatë Konventës së 11-të të PDK-së, teksa u zotua se do të punojë që partia e tij të dalë e para në […]

The post Krasniqi rizgjidhet kryetar i PDK-së appeared first on BoldNews.al.

Vullneti i delegatëve, e lë Krasniqin në krye të Partisë Demokratike të Kosovës. Ai zotohet ta rikthejë sërish atë, forcë të parë politike.

Memli Krasniqi ka marrë sërish votëbesimin e anëtarëve të Partisë Demokratike të Kosovës për të vijuar detyrën si kryetar I saj. Këtë të shtunë u zhvillua Konventa e Përgjithshme e partisë, sipas së cilës, Krasniqi do të vijojë drejtimin e PDK. Në fjalimin e tij pas rizgjedhjes, kreu i demokratave të Kosovës, falëndëroi delegatët për besimin e dhënë.

“Faleminderit shumë, për besimin. Faleminderit për mbështetjen. Faleminderit që nderin dhe përgjegjësinë më të madhe jetësore ma dhatë edhe sot sepse kur jam bashkuar për herën e parë në PDK në pranverën e vitit 2004 nuk e kam ëndërruar e as nuk e kam pasur ambicie të jem kryetar i partisë së Hashim Thaçit dhe Kadri Veselit”, tha kreu i PDK-së.

Kryetari i Demokratëve të Kosovës në fjalimin e tij u ztoua të rikthejë partinë e tij forcë të parë politike në vendin që po kalon një krizë të fortë parlamentare e politike. Që prej zgjedhjeve të 9 Shkurtit, deputetët e zgjedhur të Kosovës, nuk po I konstituojnë dot institucionet kushtetuese, me parlamentin që ka ngecur në krizë pa një kryetar. PDK në zgjedhjet e 9 arriti të marrë vota të mjaftueshme për të dërguar në parlament 9 deputetë.

The post Memli Krasniqi rizgjidhet kryetar i PDK në Kosovë appeared first on Lapsi.al.

Në Konventën e Përgjithshme të Partisë Demokratike e Kosovës, të njëmbëdhjetën me radhë, Memli Krasniqi është rizgjedhur kryetar i PDK-së.

Krasniqi ka falënderuar delegatët e pranishëm për besimin e dhënë, për të vazhduar së bashku punët e mira për Kosovën.

“Faleminderit shumë, për besimin. Faleminderit për mbështetjen. Faleminderit që nderin dhe përgjegjësinë më të madhe jetësore ma dhatë edhe sot sepse kur jam bashkuar për herën e parë në PDK në pranverën e vitit 2004 nuk e kam ëndërruar e as nuk e kam pasur ambicie të jem kryetar i partisë së Hashim Thaçit dhe Kadri Veselit”, tha lideri i PDK-së.

Krasniqi u zotua se do të angazhohet për ta rikthyer PDK-në si partinë e parë në vend.

“Krejt çka di dhe krejt çka mundem do ta bëj për ta rikthyer Partinë Demokratike të Kosovës aty ku e ka vendin, si partinë më të madhe dhe udhëheqëse të Republikës së Kosovës”, tha Krasniqi. /Telegrafi/

The post Memli Krasniqi rizgjidhet kryetar i PDK-së appeared first on Telegrafi.

Ka nisur konventa e përgjithshme e Partisë Demokratike të Kosovës.

Kryetari i PDK-së, Memli Krasniqi foli edhe për situatën aktuale të krijuar, ku vendi ka mbetur pa krijuar institucione të reja, transmeton Telegrafi.

“Vendi ynë për më shumë se katër muaj po mbahet peng i një partie që ndonëse ka dalur e para në zgjedhje, ka humbur legjitimitetin për të qeverisur. Ne si PDK kemi qëndruar me dinjitet në këtë periudhë, duke vendosur interesin e qytetarëve mbi të gjitha. E themi edhe sot, nuk do të votojmë asnjë kandidat për kryetar Kuvendi që ka qenë pjesë e Qeverisë së kaluar, sepse besojmë se Kosova nuk mundet me ec përpara me ata që e kthyen prapa vendin”, tha Krasniqi.

Sipas tij, me udhëheqjen e LVV-së ka pasur vetëm regres.

“Prandaj, PDK vazhdon t’i thotë jo, çdo ide për bashkëqeverisje me partinë që e ka sjell Kosovën në këtë gjendje”

Krasniqi po ashtu ka folur edhe për udhëheqjen që ai ka bërë me PDK-në për katër vite.

“Sot më shumë se kurrë besoj se e ardhmja e partisë është nga ajo që bëjmë së bashku, e jo veç e veç. Kur jemi të bashkuar jemi të pandalshëm. Më 9 shkurt e pamë, se kur jem bashkë rritem e ngritëm”, potencoi ai.

Konventa e PDK-së ka nisur rreth orës 12:00./Telegrafi/

The post Krasniqi i prerë: PDK nuk pranon asnjë ide për bashkëpunim me LVV-në appeared first on Telegrafi.

Ka nisur konventa e përgjithshme e Partisë Demokratike të Kosovës.

Nënkryetari i partisë, Bedri Hamza në fjalimin e tij tha se PDK nuk ka lindur në zyre, por ka lindur me përballje dhe shpirtin e rezistencës, transmeton Telegrafi.

“Jemi forca me kontributin më të madh në lirinë dhe demokracinë e këtij vendi. Jemi të gatshëm për ta udhëhequr vendin, ne jemi partia e Hashim Thaçit dhe Kadri Veselit. Ata nuk u thyen dhe nuk u përkulen kurrë”, tha ai.

Ai tha se edhe në rezultatet e 9 shkurtit kanë pasur rezultat të mirë, pasi kanë bashkuar qytetarët me programin e tyre për një jetë më të mirë.

“PDK nuk është alternativë, është nevojë e domosdoshme”, pohoi Hamza.

Pas Hamzës, u deklarua edhe kryetari i partisë, Memli Krasniqi, i cili tha se e ardhmja e partisë është ajo që e bëjnë bashkë.

“Sot më shumë se kurrë besoj se e ardhmja e partisë është nga ajo që bëjmë së bashku, e jo veç e veç. Kur jemi të bashkuar jemi të pandalshëm. Më 9 shkurt e pamë, se kur jem bashkë rritem e ngritëm”, potencoi ai. /Telegrafi/

The post Nis konventa e përgjithshme, Hamza: PDK nuk është alternativë, është nevojë e domosdoshme appeared first on Telegrafi.

Kryetari i Partisë Demokratike të Kosovës (PDK), Memli Krasniqi, ka reaguar ashpër ndaj situatës aktuale në sektorin energjetik të vendit, duke kërkuar shpjegime urgjente nga Qeveria për ndaljen e prodhimit të energjisë nga Korporata Energjetike e Kosovës (KEK), për herë të parë që nga përfundimi i luftës.

“Paralajmërimi i fundit nga KESCO se konsumi i brendshëm do të mbulohet tërësisht nga importi është tregues alarmues dhe pasojë e qartë e dështimit të Qeverisë Kurti për të garantuar siguri energjetike”, ka shkruar Krasniqi në Facebook.

Ai theksoi se Kosova ka rezerva të mëdha të thëngjillit dhe infrastrukturë ekzistuese për prodhim vendor, ndërsa qytetarët po përballen me çmime të larta të energjisë dhe kërcënim për reduktime, pa asnjë transparencë nga autoritetet.

“Prej përfundimit të luftës nuk ka ndodhur që mos të ketë fare prodhim të energjisë nga KEK-u!”, ka shkruar ai

Krasniqi ngriti disa pyetje të drejtpërdrejta ndaj Qeverisë në largim:

Pse KEK-u nuk po arrin të prodhojë energji?

A është kjo pasojë e degradimit apo sabotimit të ndërmarrjes?

A janë mafia energjetike dhe sekserët e tregtisë me energji të përfshirë në këtë krizë?

Kush do të mbajë përgjegjësi për këtë situatë të rëndë?

Duke e cilësuar energjinë si çështje të sigurisë kombëtare, ai kërkoi veprime të menjëhershme dhe llogaridhënie institucionale për këtë krizë, që sipas tij, ka prekur drejtpërdrejt interesin publik dhe mirëqenien e qytetarëve të Kosovës./Telegrafi/

The post Krasniqi kërkon sqarime nga Qeveria: Nuk ka ndodhur që nga paslufta, pse KEK-u nuk po prodhon energji? appeared first on Telegrafi.

Deklarata e Presidentit amerikan Donald Trump për raportet mes Kosovës dhe Serbisë ka trazuar ujërat në Prishtinë.

Pas dy minutave e gjysme qe ju desh deputeteve të Kosovës ta mbyllin edhe këtë tentative për konstituimin e Kuvendit të Kosovës, partitë opozitare në Kosove i bëjnë thirrje kryeministrit në detyrë Albin Kurti që të reflektojë dhe të sillen me përgjegjësi përballë çdo thirrje apo ndryshimi gjeopolitik, duke theksuar se “bota po ndryshon çdo ditë”.

“Nëse në një moment, Kosova pranon një kërkesë të shpejtë nga SHBA-ja për të pasur një qasje më proaktive në raport me një marrëveshje potenciale mes Kosovës dhe Serbisë dhe “nëse ne nuk i kemi institucionet e konsoliduara, kjo gjithsesi që i dëmton institucionet e Kosovës”, tha deputeti i PDK Memli Krasniqi.

Ndërsa sipas Lutfi Haziri nga Lidhja Demokratike e Kosovës, presidenti amerikan do të ketë një rol kritik sa i përket procesit të paqes dhe përmbylljes së shtet ndërtimit të Kosovës, duke bërë thirrje që Kosova të bëhet gati për këtë.

“Paralajmërimi më i madh është rikthimi tek ai që ai e quan dëmtim të procesit të paqes. E konfirmon qëndrimin e LDK që Marrëveshja e Ohrit ka qenë e dëmshme. Ne besojmë që mes BE-së dhe administratës Trump do të ketë një koordinim sa i përket këtyre zhvillimeve, por mbi të gjitha roli i tij është i veçantë, pesha specifike e qëndrimit amerikan dhe roli i presidentit Trump në procesin e paqes dhe në përmbylljen e shtet ndërtimit në Kosovë do të jetë kritik. Kështu që duhet të bëhemi gati”, tha deputeti LDK, Lutfi Haziri.

Për Vetëvendosjen, deklarata e Trumpit po “keqpërdoret nga forcat brenda për çështje politike”.

Trump shkroi të dielën në Truth Social se gjatë mandatit të tij të parë presidencial, Kosova dhe Serbia ishin “duke shkuar drejt një përplasje të ashpër” dhe ishte gati shpërthimi i një lufte, por shtoi se ai e ndaloi atë, duke e akuzuar pasardhësin e tij, ish-presidentin Joe Biden, se e “ka dëmtuar perspektivën afatgjatë me disa vendime shumë të pakuptimta, por unë do ta rregulloj, sërish”.

Në tërësinë e zhvillimeve ndërkombëtare Kosova duhet të dëshmojë se është serioze për të përballuar trajtimin e çështjeve të mëdha që mund të ndryshojnë përgjithmonë të ardhmen e vendit.

/abcnews.al/

Partia Demokratike e Kosovës ka mbledhur sot Këshillin Drejtues, ku është diskutuar për zhvillimet aktuale politike në vend, rezultatin zgjedhor të 9 shkurtit dhe përgatitjet për zgjedhjet lokale.

Kryetari i PDK-së, Memli Krasniqi ka thënë se zgjedhjet e 9 shkurtit shënuan një pikë kthese për Kosovën, sepse vendi u nxor nga monizmi dhe sundimi i një partie të vetme dhe një kapitull të ri për PDK-në, si dhe një kapitull të ri për PDK-në.

“Me kandidat për Kryeministër kompetent dhe të besueshëm si Bedri Hamza, me strukturë të qëndrueshme dhe anëtarësi që nuk u ndal asnjë çast drejt ringritjes dhe forcimit të partisë, me një ofertë zhvillimore dhe të matshme, me një listë kandidatësh të jashtëzakonshëm, me afro 200 mijë qytetarë që na dhanë besimin e tyre, PDK dëshmoi se jo vetëm është forca më stabile në vend, por se është edhe streha e shpresës për një Kosovë ma të mirë. Ky është kapitulli ynë i ri dhe ne nuk guxojmë të ndalemi këtu, sepse ky rezultat, i cili është ndër më të mirët në historinë e partisë tonë, nuk është thjesht një numër, por është një sinjal i qartë se qytetarët duan maturi, përmbajtje dhe drejtim të sigurt”, tha Krasniqi.

Kryetari Krasniqi kritikoi Albin Kurtin për bllokadë institucionale dhe arrogancë politike, ndonëse PDK ka ofruar zgjidhje për të dalë nga vakumi.

“Ne kemi kërkuar ndërrimin e kandidatit për Kryetar të Kuvendit. Kemi pranuar dhe ftesën e Albin Kurtit për takim, e cila ishte më shumë si një kurth për të na futur edhe ne në një thes me partitë tjera, si parti refuzuese. Kemi propozuar mbajtjen e një takimi gjithëpërfshirës nga Presidentja, që u mbajt më 15 maj. Dhe kemi ofruar edhe mundësinë e krijimit të një Qeverie të re nga PDK, LDK, AAK dhe Nisma, me Kryeministër Bedri Hamzën, jo për interesa partiake, por për interesin e Kosovës. PDK ka qenë dhe është e gatshme të marrë përgjegjësi për të ndërtuar një Qeveri të opozitës së djeshme, me një plan dinamik për të trajtuar sfidat emergjente për shtetin dhe qytetarët, një qeveri që do t’i jepte përparësi rimëkëmbjes ekonomike, sigurisë kombëtare, forcimit të institucioneve dhe partneritetit me SHBA dhe BE. Sot, më shumë se kurrë, Kosovës i duhet një qeveri që punon, jo që bllokon”, tha ai.

Tutje, Krasniqi kërkoi mobilizimin e të gjithë anëtarëve dhe strukturave për përgatitjet për zgjedhjet lokale.

“Sërish, synojmë të garojmë me njerëzit më të përkushtuar, më të ndershëm dhe më kompetent – për të thelluar qeverisjen e mirë që kemi ndërtuar në shumë komuna të vendit. Qëllimi ynë është i qartë: Të rikonfirmojmë fitoren në të gjitha komunat që i udhëheqim sot – dhe bazuar në qeverisjen e mirë të këtyre katër viteve, kjo është më se e arritshme. Të fitojmë edhe në disa komuna të tjera, ku potenciali është i jashtëzakonshëm. Por, fitorja që synojmë nuk arrihet pa ju, pa mbështetjen, energjinë dhe kontributin tuaj”, shtoi lideri i PDK-së.

Kryetari Krasniqi shprehu shqetësimin lidhur me vendimin Dhomave të Specializuara në Hagë për vazhdimin e paraburgimit ndaj Hashim Thaçit, Kadri Veselit, Jakup Krasniqit dhe Rexhep Selimit.

“Vendimi i Dhomave të Specializuara në Hagë për të vazhduar paraburgimin ndaj Presidentit Thaçi, Kryetarit Kadri Veseli, bacës Jakup dhe Rexhep Selimit është një padrejtësi që nuk guxojmë ta normalizojmë. Refuzimi i lirimit me kusht, pavarësisht përfundimit të paraqitjes së provave, është shkelje e parimeve themelore të drejtësisë. Ne nuk kërkojmë favore, por drejtësi. PDK nuk do të ndalet së kërkuari që kjo padrejtësi të marrë fund, në përputhje me të drejtën ndërkombëtare dhe me respekt për sakrificën tonë kolektive”, tha Krasniqi.

Edhe kandidati i PDK-së për kryeministër, Bedri Hamza falënderoi të gjithë anëtarët, përkrahësit dhe strukturat e partisë për mbështetjen, si dhe për angazhimin e madh për rezultatin e arritur.

Ndërkaq, sekretarja e përgjithshme e PDK-së, Vlora Citaku duke theksuar se rezultati i 9 shkurtit ka qenë ndër më të mirët që partia e ka marrë, kërkoi mobilizimin e të gjitha strukturave edhe për garën nëpër komuna.

“Shpresoj që në këtë frymë të unitetit dhe cilësinë e kandidatëve, do të kemi sukses edhe në zgjedhjet lokale”, shtoi ajo. /Telegrafi/

The post Këshilli Drejtues i PDK-së, Krasniqi: Të mobilizohemi për fitore në zgjedhjet lokale appeared first on Telegrafi.

Kryetari i Partisë Demokratike të Kosovës (PDK), Memli Krasniqi, është takuar sonte me Përfaqësuesen e Lartë të Bashkimit Evropian për Politikë të Jashtme dhe të Sigurisë, Kaja Kallas, e cila po qëndron për vizitë në Kosovë.

Përmes një postimi në rrjete sociale, Krasniqi njoftoi se gjatë takimit u diskutua për zhvillimet politike në vend, rëndësinë e stabilitetit institucional dhe përkushtimin për përparimin e Kosovës në rrugën e saj drejt integrimit evropian.

“Znj. Kallas e njoftova se PDK ka dhënë dhe mbetet gjithmonë e gatshme të japë kontributin e saj në zgjidhjen e krizës aktuale politike, si dhe në mbrojtjen e interesit qytetar dhe shtetëror”, theksoi Krasniqi.

Ai shtoi se gjatë takimit ka kërkuar nga përfaqësuesja e lartë e BE-së që të angazhohet për heqjen sa më të shpejtë të masave ndëshkuese ndaj Kosovës, duke e cilësuar këtë si një hap konkret drejt së ardhmes evropiane të vendit.

Kryetari i PDK-së rikonfirmoi përkushtimin e partisë që drejton ndaj vlerave perëndimore, bashkëpunimit me partnerët ndërkombëtarë dhe avancimit të pozitës ndërkombëtare të Kosovës.

“Mirënjohës për vizitën dhe mbështetjen e vazhdueshme të znj. Kallas për vendin tonë”, përfundoi Krasniqi./Telegrafi/

The post Krasniqi pas takimit me Kaja Kallas: PDK e gatshme për zgjidhjen e krizës politike appeared first on Telegrafi.

Kryetari i Partisë Demokratike të Kosovës, Memli Krasniqi, ka hedhur poshtë kategorikisht çdo mundësi për një koalicion mes partisë që ai drejton dhe Lëvizjes Vetëvendosje, duke thënë se ndarjet mes tyre janë thelbësore dhe të pakapërcyeshme.

Në Debat Plus, Krasniqi tha se përgjigjja e shkurtër për një bashkëpunim të tillë është “JO”.

Ai theksoi se ndarja mes PDK-së dhe VV-së nuk është thjesht personale, por ideologjike dhe konceptuale, duke përfshirë qasjen ndaj të kaluarës, të tashmes dhe të ardhmes së vendit.

“Përgjigja e shkurt është JO. Përgjigja e gjatë pastaj varet sa kemi kohë në emisionin. Sepse hendeku mes neve dhe VV-së është jashtëzakonisht i madh. Jo në kuptimin individual, personal. Ato po i abstragojmë për një moment. Por në kuptimin edhe qysh e shohim të kaluarën, tashmen e të ardhmen”, ka thënë Krasniqi.

Krasniqi shtoi se nuk është një politikan utilitarist dhe nuk do të ndërmerrte veprime që bien ndesh me karakterin dhe parimet e partisë që udhëheq.

“Përveç edhe dallim ideologjik, në kuptimin qysh e shohim vendin, perspektivën e Kosovës, çka mendojmë sektorin privat, për qeverinë… dhe nuk shoh asnjë lloj mundësi, çfarëdo ekipe me angazhu, shpeshherë në të kaluarën kur kam qenë nënkryetar i PDK-së, i përshirë në programet qeveritare, unë nuk e di çfarë ekipe.

Krejt po i imagjinoj me ardh te një program qeverisës, unë nuk jam utilitarist si karakter politik. Dhe mendoj që nuk duhet me bërë veprime jashtë karakterit të partisë që e udhëheqi.

Mundësi për një koalicion mes PDK-së dhe VV-së në këtë kontekst në asnjë mënyrë nuk e shoh. Dhe nuk pres as e as nuk ka nevojë me na dërgu letër. Besoj që edhe zoti Kurti e di për dallimet mes neve”, ka shtuar Krasniqi.

The post Krasniqi me JO të madhe përjashton mundësinë e koalicionit me Vetëvendosjen appeared first on Telegrafi.

Presidentja e Kosovës, Vjosa Osmani, ka ftuar liderët e partive politike në një takim për të diskutuar rreth situatës së krijuar pas dështimit të konstituimit të Kuvendit të Kosovës.

Takimi, sipas njoftimit nga Presidenca, është propozuar të mbahet të enjten, më 15 maj, në orën 13:00.

Partia Demokratike e Kosovës ka konfirmuar për Telegrafin se ka pranuar ftesën e presidentes.

Nga kjo parti është bërë e ditur se kryetari Memli Krasniqi do t’i përgjigjet pozitivisht ftesës dhe do të marrë pjesë në takim.

Pjesëmarrjen në këtë takim e ka konfirmuar edhe Aleanca për Ardhmërinë e Kosovës. Lajmin e ka bërë të ditur zëdhënësi i AAK-së, Kushtrim Xhemaili.

Takimi pritet të shërbejë si përpjekje për tejkalimin e krizës institucionale të krijuar pas dështimit të përpjekjeve për formimin e institucioneve të reja pas zgjedhjeve.

The post Pas PDK-së edhe AAK-ja konfirmon pjesëmarrjen në ftesën e presidentes Osmani appeared first on Telegrafi.

Kryetari i PDK-së, Memli Krasniqi ka folur për gazetarët pas dështimit të 14-të të konstituimit të Kuvendit të Kosovës.

Krasniqi ka thënë se për Albin Kurtin vazhdon të mbetet më e rëndësishme Albulena Haxhiu dhe se po vazhdon të mbajë peng Kuvendin e Kosovës.

“Duket se për Kurtin, Albulena Haxhiu ka më tepër rëndësi se rreth 1 milion qytetarë”, tha Krasniqi.

Ai e ka quajtur “fatkeqësi institucionale” situatën aktuale.

Sa i përket për një takimi të partive me presidenten Vjosa Osmani, ai ka thënë se PDK-ja është e gatshme të marrë pjesë.

Lexo po ashtu Kuvendi i Kosovës mbetet i bllokuar - dështon konstituimi

Kuvendi dështoi sërish të konstituohet të dielën, kur kanë kaluar tre muaj pas mbajtjes së zgjedhjeve parlamentare më 9 shkurt.

Sikurse në seancat e ditëve të kaluara, edhe të dielën kryesuesi i seancës konstituive, Avni Dehari, kërkoi sërish formimin e një komisioni për mbikëqyrjen e votimit të fshehtë për kryeparlamentar.

Propozimi nuk i mori votat e mjaftueshme dhe seanca u ndërpre për të vazhduar të martën në orën 10:00

Në seancën e së dielës u pa edhe një mungesë më e theksuar e deputetëve, pasi të pranishëm ishin vetëm 92 deputetë nga 120 sa ka Kuvendi i Kosovës. /Telegrafi/

The post Krasniqi: Për Kurtin, Albulena Haxhiu më e rëndësishme se qytetarët appeared first on Telegrafi.

Kryetari i Partisë Demokratike të Kosovës, Memli Krasniqi tha sot pas dështimit të seancës se janë bërë tre muaj që kur janë mbajtur zgjedhjet parlamentare dhe po bëhen tre muaj që kur verdikti i qytetarëve është duke u dhunuar nga qasja imponuese e Lëvizjes Vetëvendosje.

Ai tha se LVV e pamundësoi për të 13-në herë konstituimin e Kuvendit.

“Kjo situatë është bërë tragjikomike”, tha ai, raporton Telegrafi.

Krasniqi tha se PDK ka shprehur vullnetin për të dalë nga kjo bllokadë që sipas tij e ka sjellë partia e parë, ndërsa theksoi se LVV të propozoi  një kandidat ose kandidate për kreun e Kuvendit që merr shumicën.

“Zonja Haxhiu as nuk i ka as nuk do t’i ketë votat”, tha ai. /Telegrafi/

The post Krasniqi: Kjo situatë është tragjikomike, LVV të propozojë një kandidat të pranueshëm appeared first on Telegrafi.