Ish-luftëtari i UFC-së, Ben Askren, foli nga shtrati i spitalit mbrëmë (e mërkurë) dhe tha se vdiq katër herë gjatë luftës së tij për jetë, pasi iu nënshtrua një transplanti të dyfishtë të mushkërive.

Konkretisht, Askren përfundoi në spital muajin e kaluar për shkak të pneumonisë së rëndë, e cila supozohet të jetë rezultat i një infeksioni stafilokoksik, kështu që e futën në koma të induktuar përpara se të operohej me sukses dhe të merrte një mushkëri të re.

“Sapo lexova shënimet e ditarit të gruas sime sepse nuk mbaj mend asgjë nga 28 maji deri më 2 korrik. Nuk kam asnjë ide se çfarë ka ndodhur. Lexova ditarin e gruas sime Amy. Ishte sikur të shikoja një film, krejtësisht e pabesueshme”, ka thënë fillimisht ish-luftëtari i MMA.

“Vdiqa katër herë. Zemra ime ndaloi për rreth 20 sekonda. Kjo nuk është gjë e mirë, shpresoj ta dini këtë. Megjithatë, mora mushkëri të reja. Po fitoj forcë dhe po mësoj të përdor përsëri të gjitha funksionet e trupit tim”.

“Dje dola në peshore dhe peshova 66.6 kilogramë. Nuk kam peshuar aq pak që kur isha 15 vjeç. Humba rreth 22 kilogramë në 45 ditë. Ishte një luftë e vërtetë. Nuk e mbaj mend pjesën më të madhe të saj”.

 

View this post on Instagram

 

A post shared by Ben Askren (@benaskren)

Komuniteti i arteve marciale dhe mundjes është angazhuar fuqimisht për të ndihmuar familjen e Askrenit, dhe operacioni shpëtues i jetës u bë i mundur falë një donacioni anonim prej 425,000 eurosh.

“Ajo që më preku më shumë ishte sasia e dashurisë që ndjeva nga të gjitha anët. Ishte sikur të kisha funeralin tim. Mbaj mend, 30 vjet më parë, kur vdiq Dave Phillips, të moshuarit më tregonin sa shumë e donin, sa shumë domethënës ishte ai për ta. Dhe sigurisht, ai nuk e dëgjoi kurrë”.

“Reagimi nga komuniteti i mundjes ishte i pabesueshëm. Ndihesha kaq i dashur. Jam më i motivuar se kurrë të kthehem, të bëj më të mirën time dhe të ndihmoj sa më shumë që të mundem. Ju dua të gjithëve, jam mirënjohës ndaj të gjithëve”.

“Ka qenë e vështirë, jo vetëm për mua, por për të gjithë familjen dhe komunitetin tim. Faleminderit të gjithëve për gjithçka. Shpresoj që ky postim të ketë pasur diçka domethënëse për ju. Siç thashë, ndoshta një ditë unë dhe Amy do të jemi në gjendje ta tregojmë të gjithë historinë me më shumë detaje”, përfundoi Askren.

Si kujtesë, Askren pati një karrierë mbresëlënëse në botën e MMA-së, pasi ishte kampion në kategorinë ‘welter’ në organizatat Bellator dhe ONE Championship, dhe në UFC ai arriti një fitore dhe dy humbje para se të tërhiqej. /Telegrafi/

The post Ish-kampioni i MMA në shtratin e spitalit: Vdiqa katër herë dhe humba 22 kilogramë appeared first on Telegrafi.

Jamal Musiala ka kërkuar që të mos fajësohet askush për lëndimin e tij.

Mesfushori i Bayern Munichu postoi një video-mesazh në rrjetet sociale.

Më parë, Musiala iu nënshtrua një ndërhyrjeje kirurgjikale për një frakturë të fibulës që pësoi në një përplasje me portierin e PSG-së, Gianluigi Donnarumma, në ndeshjen çerekfinale të Kupës së Botës për Klube (0–2).

“Faleminderit për dashurinë dhe mbështetjen që kam marrë nga të gjithë ju. Do të thotë shumë për mua”, ka thënë fillimisht talenti gjerman.

“Është mirë të shohësh botën e futbollit të bashkohet në momente si kjo dhe e vlerësoj vërtet këtë. Operacioni shkoi mirë.

“Jam nën mbikëqyrje të ngushtë. Dua të them se nuk ka askush për t’u fajësuar për atë që ndodhi”.

“Këto situata ndodhin dhe tani kam ndërmend ta shfrytëzoj këtë kohë për të rifituar forcën dhe mentalitetin tim pozitiv”.

“Pres me padurim t’ju shoh përsëri”, përfundon mesazhin e tij Musiala. /Telegrafi/

The post Donnarumma ia theu këmbën, Musiala del me video-mesazh për italianin appeared first on Telegrafi.

Jamal Musiala flet për herë të parë pas dëmtimit të rëndë dhe mbron portierin Gianluigi Donnarumma nga kritikat që ka marrë gjatë dhe pas ndeshjes mes PSG e Bayern Munchen: “Nuk ka askënd për të fajësuar, situata të tilla ndodhin”.

Pas disa ditësh diskutimi në lidhje me atë që ndodhi, futbollisti gjerman, i cili është operuar me sukses në klinikën e specializuar të Murnau në Bavari, ka folur për herë të parë dhe ka dashur të dërgojë mesazhin e tij për ata që kanë kritikuar portierin italian për kontaktin që çoi në dëmtimin e tij.

Musiala mbron italianin: “Nuk ka askënd për të fajësuar”

Musiala ka publikuar një video në Instagram ku ka dashur të theksojë se është mirë dhe ka vlerësuar mbështetjen e botës së futbollit: “Përshëndetje të gjithëve, doja t’ju falënderoja për gjithë mbështetjen e ngrohtë që kam marrë, do të thotë shumë për mua. Është prekëse të shohësh se si bota e futbollit arrin të bashkohet në momente të tilla, dhe e vlerësoj jashtëzakonisht”.

Futbollisti i Bayern Munchen vazhdoi ndërhyrjen e tij të shkurtër duke u fokusuar tek përplasja me portierin Donnarumma dhe e çliroi italianin nga çdo përgjegjësi: “Operacioni shkoi shumë mirë, jam në duar të mira dhe doja të thoja se nuk ka askënd për të fajësuar për atë që ndodhi. Janë gjëra që ndodhin, dhe do ta përdor këtë kohë për të rikuperuar forcat dhe energjinë pozitive. Mezi pres t’ju shoh sërish”.

Jamal Musiala’s message following his surgery pic.twitter.com/SCYgGmc9ri

— Bayern & Germany (@iMiaSanMia) July 9, 2025

Musiala i operuar pas dëmtimit: kohët e rikuperimit

Jamal Musiala është operuar në klinikën e specializuar të Murnau, në Bavari, pas dëmtimit të rëndë të pësuar në çerekfinalet e Botërorit për Klube kundër Paris Saint-Germain. Futbollisti gjerman 22-vjeçar pësoi një frakturë të fibulës dhe dëmtime në ligamentet e kyçit të këmbës së majtë: Bayern komunikoi zyrtarisht rezultatin e operacionit përmes kanaleve të tij sociale.

Kohët e rikuperimit të nevojshme për të parë sërish talentin Jamal Musiala në fushë do të jenë mes 5 dhe 6 muajsh: kur futbollisti gjerman me shumë talent të jetë gati dhe të ketë rikuperuar gjendjen më të mirë fizike, atëherë do të kthehet në fushë. Është shumë e mundshme që rikthimi i tij të ndodhë mes fundit të dimrit dhe pranverës 2026.

Mesazhi mesazh Whatsapp në pushim të ndeshjes

Gigio Donnarumma ishte shumë i mërzitur për dëmtimin e gjermanit Musiala dhe i shkroi një mesazh në Whatsapp gjatë pushimit të ndeshjes mes PSG-së dhe Bayern, menaxherit të tij Vincenzo Raiola: “Sapo hyri në dhomat e zhveshjes madje hapi edhe telefonin. Në kaq vite që punojmë bashkë nuk e ka bërë kurrë. Zakonisht e fik një orë para fishkëllimës së parë për t’u përqendruar tek ndeshja dhe e ndiz përsëri pas ndeshjes. Kësaj here më dërgoi një mesazh për të më thënë që ishte i tronditur dhe që nuk e kishte bërë me qëllim”.

The post Donnarumma i theu këmbën, Musiala thyen heshtjen pas dëmtimit të rëndë : bën një apel appeared first on Lapsi.al.

Jamal Musiala ka reaguar për herë të parë pas dëmtimit të rëndë që pësoi në ndeshjen mes Bayern Munich dhe PSG në Botërorin e Klubeve. Përmes një video-mesazhi në rrjetet sociale, ai falënderoi tifozët dhe botën e futbollit për mbështetjen. Mesfushori gjerman theksoi se nuk fajëson askënd për dëmtimin, duke e konsideruar një situatë që […]

The post Musiala “fal” Donnarumma-n: Gjëra që ndodhin, nuk fajësoj askënd për dëmtimin appeared first on BoldNews.al.

Nuk qëndroi pranë Jamal Musiala në ato momente sepse ishte i tronditur nga dëmtimi, që, sigurisht, nuk do të kishte dashur kurrë t’ia shkaktonte një kolegu. Gianluigi Donnarumma megjithatë përfundoi gjithsesi në shënjestrën e rrjeteve sociale, pas çerekfinales së Botërorit mes Psg dhe Bayern Munchen. Dhe gjithashtu të portierit bavarez, Manuel Neuer, i cili e akuzoi se ndërhyri në mënyrë të panevojshme të ashpër. Një version i kundërshtuar nga portieri i Real Madrid, Thibaut Courtois, i cili do ta sfidojë italianin në gjysmëfinale. Dhe po ashtu nga Vincenzo Raiola, menaxheri i kapitenit të Italisë. Vetë Donnarumma gjithashtu ka treguar versionin e tij për Gazzetta dello Sport: “Jam shumë i tronditur nga ajo që ndodhi, nuk ishte aspak qëllimi im të dëmtoja Musiala.”

NDJESHËMRIA

Në aksionin e diskutuar, Donnarumma ndërhyri për të kapur topin para gjermanit Musiala. Një ndërhyrje e rregullt, që nuk u ndëshkua nga gjyqtari Taylor. “Është çështje fraksionesh sekonde — thekson Vincenzo Raiola —, mjafton një çast që pritja të kthehet në penallti. Gigio arriti i pari te topi dhe nuk mund ta shmangte më përplasjen. Është e padrejtë të mendohet se donte ta dëmtonte kundërshtarin, të cilit i urojmë të rikuperohet sa më shpejt për t’u kthyer më i fortë se më parë”.

Lexo më tej:

Në pamjet filmike, Donnarumma duket i hutuar: largohet, ulet në gjunjë, bën sikur ecën drejt pankinës, kthehet pas i vrerosur. “Nuk deshi të bënte sikur nuk ndodhi gjë — vazhdon menaxheri —, Gigio është një djalë shumë i ndjeshëm. Nuk do të kishte mundur ta përballonte skenën dhe preferoi të largohej që mjekët të kujdeseshin sa më mirë për Musiala. Sapo hyri në dhomat e zhveshjes madje hapi telefonin. Në kaq vite që punojmë bashkë, nuk e ka bërë kurrë. Zakonisht e fik një orë para fillimit të ndeshjes për t’u përqendruar dhe e ndez pas ndeshjes. Kësaj here më dërgoi një mesazh për të më thënë se ishte i tronditur dhe që nuk e kishte bërë me qëllim”.

DUELI

Në pjesën e dytë, tifozët e fishkëllyen, si paralajmërim për fyerjet që më pas erdhën në rrjetet sociale. Dhe gjithashtu për kritikën publike të Neuer: “Në të vërtetë — pranon Raiola — e kuptoj Neuer. Siç thotë Courtois, është normale të mbrojë shokun e skuadrës. Dhe ka të drejtë edhe kur thotë që mund të sillesh ndryshe. Është e vërtetë, por jemi të gjithë të ndryshëm dhe secili sillet si mundet. Ishte një episod loje në duelin e përjetshëm mes portierëve dhe sulmuesve. Në dhjetor, Gigio gati sa nuk humbi një sy në një përplasje me një lojtar të Monaco (Singo, shën. red.). Edhe Neuer në 2014 goditi me grushta në dalje Higuain, në një ndeshje mes kombëtareve. Pastaj kërkoi falje edhe pse pranoi se donte të shmangte një rrezik për skuadrën e tij, duke ditur që rrezikonte të dëmtonte kundërshtarin.”

RINOVIMI

Gigio në fund të ndeshjes u këshillua me Raiola për të ditur nëse duhej të shkonte ta vizitonte Musiala në spital: “Ishte shumë i shqetësuar dhe i mërzitur.” Orët në vijim postoi një mesazh mbështetës dhe urimi për gjermanin, që u kontaktua gjithashtu nga presidenti Al Khelaifi. Por ndërsa Psg përgatitet për gjysmëfinalen me Real Madrid, kontrata e italianit që skadon më 2026 mbetet pezull: “Po flasim — përfundon Raiola —, nuk është e pazakontë një negociatë kaq e gjatë sepse flitet për portierin më të fortë në botë. Për mua, Gianluigi e meriton Topin e Artë. Dembélé ka bërë shumë me golat e tij, por pa pritjet e Gianluigit ndaj Liverpool, Aston Villa dhe Arsenal, Psg nuk do ta kishte fituar kurrë Champions. Jemi optimistë. Psg është një klub i madh. Të kalojnë ndeshjet e fundit. Në lojë është kulmi i një sezoni tashmë historik. Pastaj do të mundohemi të gjejmë një marrëveshje në një kohë të arsyeshme.”

The post “Ndihem keq por s’kam faj”: Donnarumma nën akuzë, zbulohet mesazhi whatsapp në pushim appeared first on Lapsi.al.

Gjatë ndeshjes çerekfinale të Botërorit për klube mes PSG e Bayern Mynih Jamal Musiala është dëmtuar rëndë, pas një përplasje loje me Ëillian Pacho e portierin Donnarumma. Këmba e gjermanit është përthyer në mënyrë jo natyrale, duke pësuar frakturë. Donnarumma mbeti i tronditur, ndërsa disa nga shokët e skuadrës të Bayern u afruan te Musiala duke vënë duart në kokë.

Një top po shkonte ngadalë drejt portierit Donnarumma, me Pacho që mbronte daljen e italianit. Musiala u përpoq ta parakalojë, por portieri kapi topin e njëkohësisht ra mbi këmbët e lojtarit të Bayern. Gjermani bërtiti nga dhimbja, pamjet janë tmerrësisht të qarta: kyçi i këmbës së majtë është kthyer në një mënyrë jo natyrale, është e dukshme që ka një frakturë. Episodi ndodhi në kohën shtesë të pjesës së parë të PSG-Bayern, me rezultatin 0-0. Donnarumma ishte me shpinë nga Musiala, por pa mbrojtësin Hakimin që kapi kokën me duar. Portieri i PSG u kthye dhe e kuptoi çfarë kishte ndodhur, duke u ulur në gjunjë dhe duke shpërthyer në lot.

Donnarumma’s reaction to Musiala’s injury…

pic.twitter.com/XD60si524r

— Bayern & Football (@MunichFanpage) July 5, 2025

Lexo më tej: PSG me 9 lojtarë eliminon Bayern Mynih: Doué e Dembélé, francezët në gjysmëfinale

Reagim natyral për numrin një të francezëve, edhe pse sigurisht që nuk pati asnjë qëllim në ndërhyrje. Musiala doli me barelë, i zëvendësuar nga Gnabry (përveç kësaj, Bayern kishte humbur për shkak dëmtimi Stanisic dhjetë minuta më parë, në vend të tij kishte hyrë Sasha Boey). Në fillim të pjesës së dytë kamerat fokusuan në plan të afërt portierin e PSG, i cili dukej ende i tronditur nga ajo që ndodhi. Vetë Donnarumma kishte qenë viktimë e një dëmtimi të rëndë dhjetorin e kaluar, kur kishte marrë një goditje me shkelm në fytyrë nga Singo i Monaco, që i kushtoi disa qepje.

The post Musiala dëmtohet rëndë në PSG-Bayern: Donnarumma i thyen këmbën e shpërthen në lot appeared first on Lapsi.al.

Ndeshja mes Paris Saint-Germain dhe Bayern Munich në kuadër të çerekfinales së Kupës së Botës për Klube, që po zhvillohet në “MetLife Stadium”, ka sjellë tensione të mëdha në fund të pjesës së parë, e jo vetëm për rezultatin 0-0.

Gjermanët ishin në kontroll të lojës dhe po kërkonin golin me ngulm, por gjithçka ndryshoi kur ylli i Bayernit, Jamal Musiala, pësoi një dëmtim të rëndë.

Musiala u përplas me portierin Gianluigi Donnarumma, i cili ndërhyri me forcë në zonë për të larguar topin, por përfundoi duke i shkaktuar një frakturë të rëndë në këmbë mesfushorit gjerman.

Lojtari u largua me barelë nga fusha, ndërsa situata në stadium ishte dramatike.

Lexo po ashtu Pamje të dhimbshme: Donnarumma ia thyen këmbën Musialas

Megjithatë, ajo që ka shkaktuar zemërim të madh në rrjet është reagimi i Donnarummas pas aksidentit.

Sipas shumë përdoruesve në X, portieri italian u pa duke qeshur pak çaste pas ndërhyrjes fatale ndaj Musialas, çka është cilësuar si “i papërshtatshëm dhe joetik” nga tifozët.

Donnarumma really was out there smirking at Musiala’s ankle injury. Disgusting. pic.twitter.com/mFvavaLjvq

— nate (@aStoicNate) July 5, 2025

Postimet në X janë shpërndarë me shpejtësi, me komente si: “Si mund të qeshësh kur i the theva këmbën një lojtari?” dhe “Donnarumma ka kaluar çdo kufi të sportivitetit.”

Për momentin nuk ka pasur reagim zyrtar nga PSG apo vetë lojtari, por polemikat vazhdojnë të rriten, ndërsa gjendja e Musialas pritet të konfirmohet nga mjekët e ekipit në orët në vijim. /Telegrafi/

I was genuinely celebrating when I saw Donnarumma acting like that because I thought this means it‘s a pen pic.twitter.com/QezQWS69Ht

— bayali (@bayali_) July 5, 2025

Disgusting from Donnarumma smirking at the injury pic.twitter.com/iRJwJhSPwX

— nate (@aStoicNate) July 5, 2025

Donnarumma really was out there smirking at Musiala’s ankle injury. Disgusting. pic.twitter.com/mFvavaLjvq

— nate (@aStoicNate) July 5, 2025

The post Akuza ndaj Donnarummas se po qeshte kur ia theu këmbën Musialas appeared first on Telegrafi.

Paris Saint-Germaini dhe Bayern Munich po luajnë baras me rezultat 0-0 pas pjesës së parë në ‘MetLife Stadium’. 

Këto dy skuadra janë vënë përballë njëra-tjetrës në kuadër të çerekfinales së Kupës së Botës për Klube. 

Gjatë pjesës së parë u vërejt një dominim i gjermanëve, të cilët po e kërkonin me ngulm golin e avantazhit. 

Kur dukej se çdo gjë po shkonte mirë për bavarezët, ndodhi lëndimi i yllit kryesor Jamal Musiala. 

Reprezentuesi gjerman mbeti i lënduar në fund të pjesës së parë, pas një ndërhyrje nga portieri Gianluigi Donarumma. 

Ky i fundit në përpjekje për të spastruar topin nga zona, i ka shkaktuar një lëndim të rëndë Musialas duke ia thyer këmbën. 

I menjëhershëm ishte reagimi i stafit mjekësor dhe në fund u desh që lojtari të largohej me barelë nga fusha./Telegrafi/

The post Pamje të dhimbshme: Donnarumma ia thyen këmbën Musialas appeared first on Telegrafi.

Presidenti amerikan, Donald Trump njoftoi një plan shumë interesant për të organizuar një ndeshje të UFC në lëndinën e Shtëpisë së Bardhë për plotë 25,000 persona.

Bëhet fjalë për një aktivitet që do të organizohej në nder të 250 viteve të pavarësisë amerikane.

Trump deklaroi se “ka shumë tokë” në zonën e Shtëpisë së Bardhë dhe se plani është absolutisht i realizueshëm.

“Pra, secili prej parqeve tona kombëtare, fushave të betejës dhe vendeve historike do të ketë ngjarje të veçanta në nder të 250-vjetorit të Amerikës. Madje mendoj se do të kemi një ndeshje UFC”.

“Imagjinoni këtë në lëndinën e Shtëpisë së Bardhë. Do të ishte reale me 20,000 deri në 25,000 njerëz. Ne kemi shumë tokë atje”, ka thënë Trump.

President Trump announced his plan in Iowa to have a UFC match at the White House during the kickoff for a year’s worth of festivities to celebrate America’s 250th birthday on July 4, 2026.

A White House spokesperson said they had no details to share beyond the president’s… pic.twitter.com/1VkESoYvDy

— ESPN (@espn) July 4, 2025

Edhe pse nuk u ndanë detaje, zëdhënësja e Shtëpisë së Bardhë, Karolina Leavitt, tha më vonë se Trump ishte “shumë serioz” në lidhje me planet e tij për një spektakël të UFC-së në Shtëpinë e Bardhë.

Trump kohët e fundit shijoi disa ndeshje të UFC-së dhe u takua me drejtorin ekzekutiv të organizatës, Dana Ëhite. /Telegrafi/

The post Trump zbulon planin “e çmendur”, dëshiron spektakël të UFC-së në Shtëpinë e Bardhë për 25,000 njerëz appeared first on Telegrafi.

Sportet luftarake na kanë prezantuar me shumë situata të pazakonta vitet e fundit, por ajo që ndodhi në Tajlandë vendosi standarde të reja.

Phuket ishte nikoqir i VVEED Boxing 4, i cili u organizua nën kujdesin e promovimit të quajtur Weed Boxing Championship. Në këtë ngjarje u zhvilluan tetë ndeshje boksi.

Një nga luftëtarët që garuan ishte Ivan Parshikov, një luftëtar rus i MMA-së me 21 ndeshje profesionale në karrierën e tij, 16 prej të cilave përfunduan me fitore dhe 5 humbje.

Ai ka garuar në organizata të tilla si ONE, RCC dhe ACA. Parshikov në fund doli fitimtar nga ndeshja, por festimi i tij pas fitores ishte diçka që është e vështirë të shpjegohet.

Në momentin e festimit, Parshikovi u ngjit në litarë, pastaj kapi strukturën për të ruajtur ekuilibrin. Megjithatë, më pas ai u godit nga rryma.

I shtangur, Parshikovi ra jashtë ringut, por shpejt u ngrit sikur të mos kishte ndodhur asgjë. Pastaj ai u hodh në pishinën pranë ringut dhe filloi të notonte në drejtimin e kundërt. /Telegrafi/

The post Po festonte fitoren me nokaut – boksierin e zë rryma në litarët e ringut appeared first on Telegrafi.

Divizioni i peshave të rënda në UFC ka hyrë në një epokë të re. Jon Jones, i konsideruar nga shumë si luftëtari më i madh në histori të MMA-së, është tërhequr zyrtarisht nga sporti.

Me këtë veprim, britaniku Tom Aspinall është shpallur kampioni i padiskutueshëm i UFC-së në këtë kategori, pa arritur të ketë përballjen ëndërruar ndaj Jones.

“Jon Jones na telefonoi dhe na njoftoi se është në pension. Ai nuk do të rikthehet më, dhe Tom Aspinall është tani kampioni i padiskutueshëm i peshave të rënda”, konfirmoi Dana White, presidenti i UFC-së.

Jones largohet me një trashëgimi të jashtëzakonshme: tituj në dy divizione të ndryshme dhe dominim të padiskutueshëm në oktagon.

Megjithatë, karriera e tij ka qenë gjithashtu e mbushur me polemika, skandale dhe probleme jashtë ringut. Vetëm disa ditë para vendimit për pension, ai u përfshi në një aksident me makinë, çka nxit spekulime se një tjetër skandal mund të ketë ndikuar në tërheqjen e tij.

Lexo po ashtu Luftëtari më i mirë në histori të MMA-së, Jon Jones i ka dhënë fund karrierës së tij

Pavarësisht gjithçkaje, emra të mëdhenj të këtij sporti i kanë dhënë nderime Jones-it, përfshirë edhe legjendën nga Dagestani, Khabib Nurmagomedov.

“Urime, legjendë. Edhe pse nuk jemi miq, ti je luftëtari më i mirë në historinë e UFC-së. Ke frymëzuar miliona njerëz. Nuk ke më asgjë për të provuar në këtë sport”, shkroi Khabib, i cili vetë u pensionua në vitin 2021 me një rekord perfekt 29-0. /Telegrafi/ 

The post “Nuk jemi miq, por ti je luftëtari më i mirë në historinë e UFC-së” – Khabib me dedikim për Jones që u pensionua appeared first on Telegrafi.

Një gabim në pasim i portierit Donnarumma mund t’i kishte kushtuar shtrenjtë Paris Saint-Germain (i kualifikuar për në 1/8, do të përballet me Inter Miamin e Messit) në ndeshjen e Kupës së Botës për Klube ndaj Seattle Sounders. Portieri italian pa sërish fantazmat për shkak të të njëjtit defekt që shpesh ka qenë objekt kritikash në drejtim të tij: është shumë i mirë mes shtyllave, por loja me këmbë nuk është pika e tij e fortë dhe mund të mjaftojë edhe një veprim i thjeshtë për ta vënë në vështirësi. Ai bëri një rrëmujë, duke i dhuruar madje topin një kundërshtari i cili, për fat të tij, e goditi lart mbi traversë. Gjithçka nisi nga një pasim mbrapa i Fabian Ruiz, dhe çfarë ndodhi pak çaste më pas përshkruhet për mrekulli nga pamjet e asaj faze të ndeshjes.

Donnarumma ia jep topin kundërshtarit

Dinamika e aksionit është një déjà vu, duket si fotokopje e asaj që ndodhi para disa vitesh në Champions, kur Donnarumma përfundoi në qendër të kritikave (por i ka ndodhur edhe në raste të tjera, përfshirë Ligue 1) për mungesën e aftësisë në kontrollin e topit me këmbë. Atëherë ishte Benzema i Real Madrid që përfitoi nga ajo ngatërresë dhe shënoi gol. Te portieri mbërrin një pasim mbrapa nga mesfushori spanjoll, duket si një top i padëmshëm, që mund të menaxhohet pa ndonjë vështirësi.

Por jo, Gigio bën një gafë të rëndë brenda zonës së tij: e ndal topin por nuk e largon as nuk e pason menjëherë te lojtari më i afërt, vazhdon ta mbajë ndër këmbë duke i bërë ballë presionit të kundërshtarit. Është ai lloj topi “që digjet” për një portier, dhe në atë moment ai bën atë që asnjë portier nuk duhet ta bëjë kurrë: të kërkojë një pasim të rrezikshëm, duke u kapur nga paniku. E gabon dhe përfundon duke i dhënë topin një rivali i cili, me portën bosh, nuk arrin të përfitojë.

Fabian Ruiz e Donnarumma stavano facendo 𝐥𝐚 𝐟𝐫𝐢𝐭𝐭𝐚𝐭𝐚
I Seattle Sounders ad un passo dal vantaggio

Guarda TUTTA la #FIFACWC LIVE e GRATUITAMENTE su #DAZN pic.twitter.com/pZtflEDoIz

— DAZN Italia (@DAZN_IT) June 23, 2025

Donnarumma dhe sfida e ardhshme me Messi në 1/8

Në turin e ardhshëm (të tetat e finales), Paris Saint-Germain do të përballet me Inter Miamin e Messit, ish-lojtarin e tyre. Në Paris kishin besuar se ai mjaftonte për të tentuar sulmin final ndaj Champions-it, por e dështuan, megjithëse në skuadër ndriçonte ylli i tij përkrah atyre të Neymar dhe Mbappé. Donnarumma do ta gjejë përballë numrin 10 argjentinas si kundërshtar. “Me Leon – tha portieri italian pas ndeshjes – kam kaluar dy vite fantastike. Ta sfidosh është pa dyshim diçka e bukur, por në çdo rast ne duam të fitojmë, sepse jemi këtu për të fituar edhe këtë Botëror.”

The post Donnarumma e Fabian Ruiz e katranosin: rrezikojnë eliminimin në Botërorin e Klubeve appeared first on Lapsi.al.

Luftëtari i MMA-së, Francis Ngannou është njohur si një luftëtar me një fizik të jashtëzakonshëm që nga fillimi i karrierës së tij në UFC, por ai është lënë pak pas dore për shkak të mungesës së ndeshjeve dhe kampeve stërvitore të planifikuara.

Konkretisht, mbrëmë ai ndau një video të vetes duke vrapuar në profilin e tij në Instagram me mbishkrimin: “Kush do të garojë?”.

Videoja është modeluar sipas Ashton Hall, një influencues amerikan i fitnesit, i cili është i çmendur pas vrapimit dhe shpesh poston pamje të tilla në rrjetet e tij sociale.

Tifozët u habitën pak nga gjendja fizike e Francis, pasi muskujt e tij të barkut nuk janë më aq qartë të dukshëm dhe janë të mbuluar me depozita yndyre.

Skulptura klasike e Francis mungonte dhe shumë fansa bënë pyetje dhe komente negative për Ngannoun.

Lexo po ashtu Kampioni i UFC-së, Francis Ngannou lë të vdekur një 17 vjeçare nga aksidenti me motoçikeltë

Kamerunasi iu përgjigj njërit prej komenteve se po punon për rikthimin e muskujve të dukshëm të barkut, domethënë, po punon për t’u rikthyer në formën me të cilën jemi mësuar prej tij.

Kjo mund të nënkuptojë se po përgatitet një ndeshje e re, megjithëse nuk ka sfida të mjaftueshme për të në PFL, ndërsa është e dyshimtë se sa tërheqës është emri në tregun e boksit. /Telegrafi/

The post Francis Ngannou i tronditi fansat me fizikun e tij – diçka e paimagjinueshme appeared first on Telegrafi.

Paris Saint-Germain thuhet se i ka lëshuar një ultimatum të ashpër portierit të tyre, Gianluigi Donnarumma, duke i thënë të pranojë një kontratë të re ose do të shitet këtë verë.

Kontrata e 26-vjeçarit italian është e vlefshme deri në vitin 2026, por bisedimet për zgjatjen e saj kanë ngecur për shkak të mosmarrëveshjeve mbi pagën.

Klubi, i cili së fundmi fitoi Ligën e Kampionëve, është i etur të mbajë njërin nga lojtarët kyç, por nuk është i gatshëm t’i përmbushë të gjitha kërkesat e tij financiare.

Ndërkohë, Manchester United po tregon interes të fortë për Donnarumman. Raportet thonë se portieri tashmë ka diskutuar një transferim të mundshëm në Ligën Premier me shokët e tij të ekipit.

Lexo po ashtu Man City dhe Man Utd e duan Donnarumman - tani PSG po shpejton për një kontratë të re

Megjithatë, Donnarumma ka deklaruar publikisht se PSG mbetet përparësia e tij, megjithëse ai po i mban të gjitha opsionet hapur në rast se negociatat dështojnë.

Manchester City, Inter dhe Napoli thuhet gjithashtu se janë të interesuar për portierin italian.

Për çdo rast, PSG tashmë po shqyrton një zëvendësim, duke etiketuar Lucas Chevalier të Lille, i cili është bërë portieri i dytë i zgjedhur për ekipin kombëtar francez. /Telegrafi/

The post PSG i jep ultimatum Donnarummas: Nënshkruaj rinovimin ose largohu appeared first on Telegrafi.

Paris Saint-Germaini ia ka vendosur çmimin Gianluigi Donnarummas, me Real Madridin, Bayern Munichun dhe Interin që po eksplorojnë një lëvizje të mundshme.

Sipas mediumit Italian La Repubblica, PSG-ja po kërkon 40 milionë euro për Donnarumman, kontrata e të cilit do të skadojë në qershor të vitit 2026.

Pasi nuk është arritur një marrëveshje për zgjatjen e saj dhe aspekti financiar ka mbetur i pazgjidhur, klubi është i hapur që ta shesë italianin këtë verë.

Sezoni fantastik që pati Donnarumma, duke përfshirë trofeun e Ligës së Kampionëve, nuk ia ka garantuar atij qëndrimin afatgjatë tek kampioni francez.

Politika strikte e klubit sa i përket pagave dhe kërkesa e tij për një pagë prej 10 milionë eurosh, kanë bërë që të ngecin bisedimet.

Me vetëm një vit të mbetur në kontratën e tij, parisienët rrezikojnë që ta humbasin atë falas verën e ardhshme, andaj kjo ka bërë që ta vënë atë në dispozicion për shitje me një çmim të përgjysmuar.

Kjo ka kapur vëmendjen e klubeve të mëdha evropiane duke përfshirë Real Madridin, Bayernin dhe Interin.

Donnarumma aktualisht është i angazhuar me kombëtaren e Italisë dhe një vendim sa i përket të ardhmes së tij me klubin pritet që të merret së shpejti./Telegrafi/

The post PSG-ja ia cakton një çmim të ulët kartonit të Donnarummas appeared first on Telegrafi.

Profesionalizmi i madh i Kate Abdo, prezantueses së emisionit të zakonshëm të CBS të dedikuar Champions League, bëri që të tejkalohej shpejt dhe me natyrshmëri maksimale momenti i sikletshëm që ndodhi drejtpërdrejt pas finales së fituar nga PSG ndaj Inter. Në Monako ishte i pranishëm edhe legjenda e MMA Khabib Nurmagomedov, i cili iu bashkua panelit të televizionit amerikan në fushën e lojës, së bashku me opinionistët Henry, Carragher dhe Richards, përveç streamer-it iShowSpeed.

Khabib nuk i jep dorën Kate Abdo, pas finales së Champions

36-vjeçari me origjinë nga Dagestani, i tërhequr i pamposhtur pas 29 fitoreve dhe titullit botëror në UFC të mbajtur mes viteve 2018 dhe 2021 (ka mposhtur gjithashtu me rezultat të thellë Conor McGregor-in), u dha dorën të gjithë të pranishmëve, por jo Abdo-s. Prezantuesja kishte pritur radhën e saj dhe i zgjati dorën luftëtarit, por mori si përgjigje mohimin nga ana e Khabib-it, shumë respektues teksa vuri dorën në kraharor dhe i shpjegoi arsyet e tij.

Abdo e kuptoi menjëherë situatën, tërhoqi menjëherë dorën dhe i kërkoi ndjesë Khabib, për të vazhduar më pas sikur të mos kishte ndodhur asgjë me bisedën me të: “Më fal, shumë faleminderit, është kënaqësi të të kemi këtu”. Prezantuesja më pas e zhvendosi bisedën në tema futbolli: dihet se luftëtari i Arteve Marciale të Përziera është një tifoz i madh i Real Madrid, megjithëse në Monako ishte rreshtuar me PSG.
Pse Khabib nuk i dha dorën prezantueses: është një urdhëresë e Islamit.

UFC legend Khabib Nurmagomedov joins the #UCLToday crew pic.twitter.com/ovSWV4t9bN

— CBS Sports Golazo (@CBSSportsGolazo) May 31, 2025

Arsyeja është fetare

Khabib refuzoi t’i shtrëngonte dorën Kate Abdo për arsye fetare, duke qenë një mysliman sunit, ashtu si shumica e popullsisë së republikës ruse të Dagestanit. Në Islam, i ndalohet një burri të prekë çdo pjesë të trupit të një gruaje, myslimane apo jo, përveç nëse janë të afërm ose të martuar, ose nëse nuk ka një nevojë të veçantë, si për arsye mjekësore apo në situata emergjente. Për më tepër, edhe në palestër Khabib refuzon të stërvitet me atlete profesioniste për shkak të bindjeve të tij fetare, duke e konsideruar këtë të papërshtatshme.

The post Champions, Khabib refuzon t’i japë dorën prezantueses së CBS Abdo: arsyeja fetare appeared first on Lapsi.al.

Andrew Tate, një ish-kikbokser britanik 39-vjeçar dhe personalitet kontrovers i mediave sociale, ka publikuar disa video.

Ai pohon se fundjavën e kaluar, vetëm brenda pak orësh, bëri sparring me 60 persona të ndryshëm, kryesisht amatorë, të cilët iu përgjigjën një lloj reklame që i ftonte në këtë ngjarje.

“Një muaj më parë lashë një mesazh në The War Room me orën dhe datën e saktë”, shkroi Tate në X. “Thashë se do të luftoja me çdo anëtar që do të shfaqej. Dje luftova me 60 burra, njëri pas tjetrit.

“Një raund prej tre minutash secili, me një minutë pushim. Të gjithë u lënduan. Askush nuk mundi të më ndalonte. Lufta është përgjithmonë”, shkroi Tate më tej.

Videot tregojnë se ai nuk i kursen shumë kundërshtarët e tij. Ai i rrëzoi disa prej tyre me grushte, pas të cilave ata nuk ishin më në gjendje të vazhdonin ndeshjet sparing, ndërsa të tjerë e përfunduan seancën stërvitore me gjak në fytyra.

Jo të gjithë ndjekësve u pëlqeu kjo. Ata mendojnë se, si një ish-profesionist, ai duhet të kishte qenë më i kujdesshëm kundër njerëzve pa përvojë të vërtetë në luftime.

Përveç kësaj, ata e kritikojnë atë për publikimin publik të përmbajtjes së ndeshjes, e cila konsiderohet si një nga lëvizjet më të pandershme në botën e arteve marciale. /Telegrafi/

The post Andrew Tate bëri sparing me 60 amatorë në të njëjtën ditë dhe i mposhti të gjithë appeared first on Telegrafi.

Portieri i ekipit kombëtar italian dhe i Paris Saint-Germain, Gianluigi Donnarumma është në radarin e Manchester United, sipas mediave angleze dhe italiane.

Këtë sezon, 26-vjeçari është një nga lojtarët kryesorë të ekipit parisien, i cili tashmë ka siguruar një titull të ri në Le Championnat, si dhe një vend në finalen e Ligës së Kampionëve.

Portieri italian shkëlqeu veçanërisht kundër klubeve angleze Liverpool, Aston Villa dhe Arsenal në raundin e 16-tave, çerekfinalet dhe gjysmëfinalet e Ligës së Kampionëve.

Kontrata e tij me klubin skadon në qershor të vitit 2026, megjithatë ka spekulime se ai mund të largohet këtë verë.

Mediat e “ishullit” po përmendin gjithnjë e më shumë interesin e Manchester United. Raportohet se trajneri i United, Ruben Amorim, kërkoi një ofertë për Donnarumman, i pakënaqur me performancat e Andrea Onanas.

Donnarumma mbërriti në Parc des Princes në qershor 2021 si lojtar i lirë nga Milani, dhe spekulohet se PSG do të kërkojë të paktën 50 milionë euro për të. /Telegrafi/

The post Amorim ka gjetur zëvendësuesin perefekt të Onanas appeared first on Telegrafi.

Gigio Donnarumma u shqua me të paktën tre pritje spektakolare dhe vendimtare gjatë ndeshjes PSG-Arsenal, e vlefshme për kualifikimin në finalen e Ligës së Kampionëve kundër Interit. Portieri ish-Milan ishte gjithashtu protagonist i një episodi mjaft të veçantë në pjesën e dytë. Gardiani i kaltërve, ashtu si i gjithë “Parc des Princes” dhe publiku në shtëpi, nuk kishte kuptuar pse gjyqtari ndaloi lojën papritur për të shkuar te monitori pas thirrjes nga VAR-i. Frika për një penallti në favor të Arsenalit ishte e madhe.

Faulli i supozuar i Kvaratskhelia

Pak më herët, në zonën e penalltisë së parizienëve, Kvara duket se kryen faull ndaj një kundërshtari, por aksioni vazhdon. E kështu, kur loja ndalet dhe arbitri vrapon drejt monitorit, të gjithë mendojnë se bëhet fjalë për penalltinë që do t’u akordohej anglezëve. Donnarumma, siç raporton Alessandro Alciato për Prime, vrapon i tërbuar te Gjyqtari i Katërt duke kërkuar shpjegime: “Po çfarë po bëni, çfarë keni fishkëllyer?”. Në një moment, megjithatë, gjyqtari kthehet nga ai dhe i flet. Një frazë e thjeshtë, e qartë dhe e saktë: “Por shiko që është penallti për ty.” Dhe Donnarumma mbetet i habitur.

Lexo më tej: Hakimi, njeriu i finales së Champions për PSG, ku rigjen Inter: “Diçka e veçantë”

Episodi i penalltisë që hutoi portierin Donnarumma

Portieri i kaltërve kishte frikë seriozisht se gjyqtari donte të rishikonte me VAR aksionin që kishte çuar te faulli i supozuar i Kvarës në zonën franceze. Që nga ai moment kalojnë 3-4 minuta derisa gjyqtari, në fakt, vëren një prekje me dorë nga mbrojtja londineze pas një përpjekjeje për gjuajtje nga Hakimi. Një episod që i ka shpëtuar plotësisht edhe syve më të vëmendshëm, si në shtëpi, ashtu edhe në stadium, përfshirë stafin në pankinë dhe vetë lojtarët. Ashtu si Donnarumma, që vrapon i pabesueshëm drejt Gjyqtarit të Katërt, i bindur se ishte penallti kundër tyre.

Faulli që i dha mundësinë PSG-së të gjuante një penallti

Donnarumma kthehet në portën e tij pasi kupton çfarë kishte ndodhur dhe qetësohet. Por atë penallti, Vitinha do ta humbë, edhe pse kjo nuk i ndaloi parizienët të shënonin një tjetër gol me Hakimin përpara se të pësonin rrjetën nga Saka. PSG-ja shkon kështu në finalen e Ligës së Kampionëve ku do të përballet me Interin. Një përballje e veçantë për Donnarumma-n, i cili ka sfiduar zikaltërit në derbit me Milanin, dhe padyshim një ndeshje speciale për Hakimin, i cili te Interi i Contes ishte protagonist i vërtetë i atij titulli të fituar me trajnerin salentin në pankinë.

The post Donnarumma u hutua nga VAR, nuk kuptoi se penalltia ishte për PSG:“Po çfarë po bëni?” appeared first on Lapsi.al.

Një emër tronditës mund ta sfidojë Raphinhan për Topin e Artë 2025 – dhe nuk është një nga gjashtë lojtarët që ylli i Barcelonës i emëroi si rivalë të tij.

Raphinha, 28 vjeç, shënoi golin e fundit të ekipit të tij gjatë humbjes 4-3 (7-6 në total) të Barcelonës kundër Interit në gjysmëfinalet e Ligës së Kampionëve të martën në mbrëmje (6 maj).

Dhe kjo mund të ketë një ndikim negativ në shanset e tij për të fituar Topin e Artë 2025 – megjithëse ai e ka fituar Kupën e Mbretit dhe duket se do ta fitojë La Ligën, pasi Barça është katër pikë përpara Real Madridit me katër ndeshje të mbetura.

Kur foli me gazetaren braziliane Isabela Pagliari, lojtari i kombëtares braziliane përmendi gjashtë lojtarë të tjerë që ai mendon se mund ta sigurojnë Topin e Artë.

Lexo po ashtu Përditësohet lista e favoritëve për Topin e Artë 2025 – Vendi i parë befasi, Salah bie nga ‘top 5’ dhe Vinicius i nënti

“Topi i Artë? Lamine [Yamal], Salah, Mbappe gjithashtu. Pedri, për mua, është një nga lojtarët më të mirë në botë. Vinicius, për mua, është gjithmonë një kandidat, edhe nëse shifrat e tij janë pak më të ulëta se vitin e kaluar”.

“Dhe, sigurisht, Rodrygo do të konsiderohej. Ai është spektakolar, fenomenal, i jashtëzakonshëm, një nga më të mirët që kam parë ndonjëherë”, ka thënë Raphinha.

Megjithatë, pas ndeshjes së mbrëmshme, mund të ketë një tjetër pretendentë që Raphinha nuk e përmendi.

Sipas Odds Checker, Lamine Yamal i Barcelonës është favoriti për të fituar çmimin e madh individual, ndërsa Ousmane Dembele i PSG-së dhe Raphinha përbëjnë treshen e parë të favoritëve.

I katërti është Mohamed Salah i Liverpoolit, ndërsa Pedri i Barcelonës është favoriti i pestë për ta fituar këtë çmim.

Edhe kapiteni i Interit, Lautaro Martinez, i cili shënoi golin e parë të skuadrës së Serie A të martën, është i gjashti në listën e favoritëve, një pozicion që pa dyshim do të forcohej nëse skuadra e tij arrin të fitojë Ligën e Kampionëve.

Pas argjentinasit vijnë Declan Rice, Robert Lewandowski, Gianluigi Donnarumma dhe Khvicha Kvaratskhelia që përbejnë top dhjetëshen.

Jashtë listës së 10 favoritëve kanë mbetur yjet e Real Madridit si Kylian Mbappe, i cili renditet i 11-ti, Vinicius Junior i 13-ti dhe Jude Bellingham i 19-ti. /Telegrafi/

The post Ndryshojnë shanset e pretendentëve kryesor për të fituar Topin e Artë 2025 appeared first on Telegrafi.