Në episodin e 29-të të podcastit “Shëndeti në rend të parë” është diskutuar për shëndetin fizik.

Fizioterapeuti Feim Gashi ka folur për dhimbjet e shpinës dhe dhimbjet muskulore që janë bërë pjesë e përditshmërisë për shkak të qëndrimit ulur për periudha të gjata kohore dhe mënyrës së jetesës.

Gashi po ashtu ka treguar se cilat janë simptomat që tregojnë se një person duhet të kërkoj ndihmë te një fizioterapeut.

“Alarmi i parë është dhembja…dhembja të shtyn, të udhëzon për fizioterapi, ndërsa, sa i përket trajtimeve post-operative ose traumave të ndryshme, fizioterapia ka qasje qysh në ditën e parë dhe janë planet varësisht patologjisë…”, tha Gashi.

Fizioterapeuti theksoi se edhe para intervenimeve kirurgjikale dhe pas intervenimeve terapia fizikale është shumë e domosdoshme.

“Roli kryesor është riaftësimi për aktivitetet e përditshme”, tha tutje ai.

Fizioterapeuti ka folur edhe për pasojat e qëndrimit ulur për periudha të gjata kohore, shkaqet më të zakonshme të dhimbjeve muskulore, fizioterapinë për lehtësimin e dhimbjeve të gjurit.

Gashi ka folur edhe për problemet me herni diskale dhe me nervin shiatik.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post Qëndrimi i gjatë ulur, dhimbjet e shpinës dhe problemet me herni diskale e nerv shiatik – Feim Gashi flet për ndikimin e fizioterapisë appeared first on Telegrafi.

Nutricistja Albulena Shabani Ilazi në podcastin “Shëndeti në rend të parë” ka folur për rëndësinë e madhe që kanë probiotikët dhe prebiotikët në organizëm.

Shabani Ilazi ka bërë të ditur se ndonëse flitet pak për to, probiotikët dhe prebiotikët kanë rëndësi të madhe për zorrët dhe imunitetin.

“Krejt ushqimet, suplimente, të shëndetshme e të pashëndetshme krejt përfundojnë në zorrë dhe duhet të mendojmë për shëndetin e zorrëve. Në rast se shkatërrohen probiotikët në zorrë atëherë 70 për qind  e sistemit imunitar varet prej zorrës sonë, mikroflorës sonë”, tha ajo.

Nutricistja tutje ka shpjeguar se probiotikët janë bakterie të mira që ndodhen në zorrë, ndërkaq prebiotikët i marrim përmes ushqimit, për shembull përmes kufirit, kosit, bananes etj. Prebiotikët i ushqejnë probiotikët.

Më poshtë mund ta shikoni podcastin “Shëndeti në rend të parë”, ku nutricistja Albulena Shabani Ilazi flet për rëndësinë e të ushqyerit të shëndetshëm, mirëmbajtjen e peshës, rëndësinë e vitaminave dhe mineraleve, etj.

Ky podcast mbështetet nga kompania “Muqa Solar”. /Telegrafi/

The post “Nuk flitet shumë për probiotikët dhe prebiotikët, por kanë shumë rëndësi për zorrët dhe imunitetin”, nutricistja Shabani Ilazi tregon rolin e tyre appeared first on Telegrafi.

Nutricistja Albulena Shabani Ilazi në podcastin “Shëndeti në rend të parë” ka folur për rëndësinë e ushqimit të shëndetshëm për organizimin, rolin e vitaminave dhe mineraleve.

Shabani-Ilazi në këtë podcast ka treguar në detaje rëndësinë e magnezit në organizëm dhe simptomat që mund t’i kemi në mungesë të këtij minerali.

“Kohëve të fundit po i kushtohet shumë rëndësi dhe në bazë të studimeve përdorimi i magnezit parandalon plot sëmundje shëndetësore… është një prej mineraleve esenciale…”, tha ajo.

Nutricistja theksoi tutje se magnezi është shumë i rëndësishëm për muskujt, sistemin nervor, për personat që bëjnë aktivitet të shtuar fizik, kanë dinamikë të punës.

Ajo tha mungesa e magnezit shkakton lodhje, dhimbje e shtangim muskulor, djersitje, etj.

Ky mineral gjendet te arroret, gjersa farat e kungullit përmbajnë sasi më të lartë.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post “Ngërçe muskulore e lodhje”, nutricistja Albulena Shabani Ilazi tregon simptomat nga mungesa e magnezit në organizëm appeared first on Telegrafi.

Nutricistja, dietologia Albulena Shabani Ilazi në podcastin “Shëndeti në rend të parë” ka folur për rëndësinë e konsumimit të ushqimeve të shëndetshme, ndërsa ka treguar çka duhet të hamë dhe çka jo kur duam të humbim peshë.

Shabani Ilazi thekson se realisht nuk preferon të largojë nga menyja asnjë element, me përjashtim në rastet kur është e nevojshme për shkak të ndonjë alergjie.

“Një vakt ushqimor duhet të jetë e balancuar me makro dhe mikronutrientë. Makronutrientët përfshijnë karbohidratet, yndyrat dhe proteinat… Në radhë të parë janë proteinat, yndyrat e shëndetshme dhe karbohidrat jo të thjeshta (karbohidrat komplekse). Këto (karbohidrat komplekse) janë te frutat, perimet dhe drithërat kokërr-plotë. Pastaj vitaminat dhe mineralet i gjejmë te frutat e perimet…”, tha dietologia.

Ajo tutje tregoi se çka duhet të largohet nga menyja ditore në mënyrë.

“Çka duhet me u hjek janë karbohidrat e thjeshta dhe yndyrat jo të mira… këto janë esenciale (me u largu)”, tha ajo.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post Humbja e shëndetshme e peshës, çka duhet të konsumojmë e çka jo? Shpjegon dietologia Albulena Shabani Ilazi appeared first on Telegrafi.

Nutricistja Albulena Shabani Ilazi në podcastin “Shëndeti në rend të parë” ka folur për rëndësinë e të ushqyerit të shëndetshëm.

Ilazi ka folur po ashtu për ushqimet që i sheh si shumë të nevojshme të largohen nga menyja ditore.

“Çdo gjë që është e paketume, që ka sheqer të shtuar, sheqer të thjeshtë dhe që ka miell të bardhë. Për mu bo buka aq e bardhë, largohen aq shumë vlerat ushqyese që kalon deri në thelb të grurit. Dhe komplet fibrat, vitamina B, komplet eliminohen…”, tha ajo.

Nutricistja Shabani Ilazi tutje tha se që të jenë mielli integral duhet të jetë kokrra e plotë e grurit.

“D.m.th ushqimet që unë i kisha largu janë çdo gjë që ka miell të bardhë dhe sheqeri, pijet e gazuara”, tha ajo.

Nutricistja ka treguar po ashtu se çka duhet të përmbajnë shujtat ditore, rëndësinë e vitaminave dhe mineraleve, etj.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post “Për ta bërë bukën e bardhë i hiqen shumë vlera ushqyese” – cilat ushqime duhet t’i largojmë nga menyja? Flet nutricisja Ilazi  appeared first on Telegrafi.

Hematologu Fitim Gashi në podcastin “Shëndeti në rend të parë” ka folur për sëmundjet më të shpeshta të gjakut, simptomat që paraqesin, anemitë, analizat, etj.

Gashi në këtë podcast ka treguar edhe për atë se çka nuk duhet të konsumojmë kur përdorim preparate të hekurit ose ushqime që përmbajnë hekur.

“Hekuri nuk përthithet mirë nëse përdoret kafja, qaji i zi dhe produktet e qumështit.. d.m.th nuk e lejon mirë të përthihet hekuri… Veçanërisht kur përdoren preparatet e hekur duhet të ndalohen kafja, produktet e qumështit dhe qaji për arsye se nuk e len përthithjen…”, tha ai.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post Çka nuk duhet të konsumojmë kur përdorim preparate të hekurit ose ushqime që përmbajnë hekur? Shpjegon doktor Gashi appeared first on Telegrafi.

Për dy ditë me radhë, në sallën “1 Tetori” në Prishtinë, u mbajt edicioni i 24-të Panairit ndërkombëtar “EXPOKOS 2025”, panairi më i madh rajonal për ndërtim, energji, makineri dhe siguri.

Ky organizim e shndërroi Prishtinën në epiqendrën e zhvillimit industrial dhe të partneriteteve të reja biznesore.

Ndër ekspozuesit ishte edhe Xhevat Muqa, pronar i “Muqa Solar”, i cili theksoi rëndësinë që kanë panaire të tilla për promovimin e produkteve dhe zgjerimin e rrjetit të bashkëpunimeve afariste.

Ai për Telegrafin ka thënë se panairet janë të mirëseardhura pasi kanë qasje të drejtpërdrejtë për qytetarët.

“Panaire të tilla janë shumë të mirëseardhura pasi ne kemi qasje direkt me qytetarët e Kosovës ku për shembull studentët, nxënësit, qytetarë të thjesht kanë mundësi që për së afërmi të shohin çka është ky panel solar, si operon paneli solar, etj”, u shpreh ai.

Muqa po ashtu tha se  “Risia e këtij panairi është se tash jemi në prag të verës dhe që nga ky moment kemi pas rrezatim të mjaftueshëm të diellit dhe kjo është risia për çdo konsumatorë. Falë rrezeve të diellit ne kemi mundësi të kemi energji të mjaftueshme, ujë të nxehtë,mbështetje të ngrohjes qendrore, etj”, ka thënë Muqa për Telegrafin.

Ndryshe, EXPOKOS me një histori të gjatë suksesi, u rikthye këtë pranverë me pjesëmarrjen e kompanive nga Kosova, Austria, Gjermania, Franca, Shqipëria, Greqia, Maqedonia e Veriut dhe shumë vende të tjera.

Po ashtu vizitorët kanë mundësinë të shohin nga afër zhvillimet më të fundit në sektorët kyç të ekonomisë. /Telegrafi/

The post U mbajt edicioni i 24-të i Panairit Ndërkombëtar “EXPOKOS”, Muqa: Panairet, një urë mes inovacionit dhe qytetarëve appeared first on Telegrafi.

Hematologu Fitim Gashi në podcastin “Shëndeti në rend të parë” ka folur për sëmundjen e gjakut, analizat që na tregojnë gjendjen e përgjithshme të organizmit, aneminë, etj.

Gashi ka sqaruar se çka do të thotë edhe një sediment i rritur i eritrociteve.

“Një sediment i rritur tregon lëvizjen e eritrociteve. Proceset inflamatore, proceset infektive, sëmundje të ndryshme malinje ndikojnë që sedimenti të rritet. Mirëpo, sa më i vjetër që është personi, në mënyrë natyrale sedimenti rritet, për shkak se lëvizshmëria e eritrociteve është më i ultë.  Pra, një sediment na tregon a kemi një infeksion, a ka ndonjë sëmundje malinje, inflamacion. Të tregon që diçka po ndodh në organizëm”, u shpreh doktori.

Ai potencoi se tek personat e vjetër është më normale që sedimenti të jetë më i rritur.

Podcasti “Shëndeti në rend të parë mbështetet nga kompania Muqa Solar. /Telegrafi/

The post Çka tregon sedimenti i rritur i eritrociteve? Shpjegon doktor Gashi appeared first on Telegrafi.

Në podcastin “Shëndeti në rend të parë” është diskutuar për sëmundjet hematologjike (gjakut).

Hematologu Fitim Gashi në këtë episod ka folur për përbërjen e gjakut, analizat që na tregojnë gjendjen e përgjithshme, sëmundjet më shpeshta, aneminë, ndikimin e ushqimit, etj.

“Analizat bazë rutinë të cilat mund të bëhen në çdo qendër të mjekësisë familjare janë sedimenti i eritrociteve, pasqyra e gjakut, etj. Pasqyra e gjakut konsiston në atë sa janë eritrocitet, hemoglobina, leukocitet, trombocitet, etj. Është një pasqyrë e përgjegjshme në bazë të cilave mjeku e vlerëson pastaj gjendjen”, tha ai.

Doktor Gashi ka folur edhe për aneminë.

Ai bëri të ditur se anemia është një gjendje që karakterizohet me zvogëlimin e numrit të eritrociteve, nivelin e ultë të hemoglobinës dhe hematokritit.

Tutje, doktor Gashi ka treguar edhe simptomat që mund t’i kemi kur jemi anemikë, cilat ushqime ndikojnë në përmirësimin e anemisë, etj.

Podcasti “Shëndeti në rend të parë”, mbështetet nga kompania Muqa Solar. /Telegrafi/

The post Sëmundjet hematologjike, analizat e gjakut, anemia dhe ndikimi i ushqimit – flet doktor Fitim Gashi appeared first on Telegrafi.

Përfaqësuesi i Shoqatës së Pacientëve, Besim Kodra në podcastin “Shëndeti në rend të parë” ka folur për ankesat që kanë pacientët në Kosovë.

Kodra theksoi se ankesat janë të natyrave të ndryshme.

“Ka mungesë të shërbimit, mungesë të barnave, mungesë të sjelljes së stafit shëndetësor, ka shërbime diagnostike, gabime në trajtim, sjellje joetike e joprofesionale, lista të gjata e kohë të pritjes”, tha ai.

Kodra tutje theksoi se nëse ankesat e pacientëve nuk shërbejnë si një busulle, si një mekanizëm i udhëheqjes së një institucioni shëndetësor atëherë ankesa do të ketë vazhdimisht.

“Ankesat e pacientëve kanë dy lloj efekte. E para ana tregon se një individ nuk po trajtohet si duhet dhe e dyta na tregon se çfarë duhet të ndryshohet në institucionet shëndetësore. Nëse ankesat nuk shihen në këtë mënyrë, atëherë mund të trajtohet një ankesë, po nuk e kemi ndalë rrjedhjen e problemeve të pacientëve

Prandaj, përderisa institucionet shëndetësore nuk janë të fokusuara në cilësinë e shërbimeve shëndetësore atëherë ankesat e pacientëve nuk kanë kuptim”, tha ai.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post Cilat janë disa nga ankesat kryesore që kanë pacientët në Kosovë? Flet përfaqësuesi i Shoqatës, Besim Kodra  appeared first on Telegrafi.

Një nga format më premtuese të energjisë së pastër është energjia diellore. Panelet diellore, të njohura gjithashtu si panele fotovoltaike, shfrytëzojnë rrezet e diellit për të prodhuar energji elektrike, duke ofruar një alternativë të qëndrueshme dhe ekonomike.

E kompania që merret me panelet solare, Muqa Solar ka pritur në një takim studentët e Fakultetit të Inxhinierisë nga Mitrovica, për ta parë më së afërmi punën e kësaj kompanie.

Pronari, Xhevat Muqa ka bërë të ditur para studentëve se kompania që ai drejton operon në Kosovë prej vitit 2001.

“Kompania Muqa Solar operon në Kosovë prej vitit 2001, kurse prej vitit 2007 kemi filluar të merremi edhe me sektorin e energjisë së ripërtrishme, ku në atë kohë për qytetarët e Kosovës ishte e pakapshme, e pabesueshme, e ndoshta për dikë edhe e paarritshme”, tha ai.

Muqa tutje i njoftoi studentët se në vitin 2007 kanë qenë në trajtim në Austri dhe aty e ka parë sa me interes është paneli termik dhe sa me interes është paneli fotovoltarik.

“Qysh në atë kohë e kam pa se Kosova ka potencial të jashtëzakonshëm sepse i ka 290 ditë me diell…”, tha ai.

Tutje, pronari i kompanisë Muqa Solar u ka treguar studentëve disa panele të ndryshme, si funksionojnë dhe punën në këtë kompani. /Telegrafi/

The post Si funksionojnë panelet solare – pronari i kompanisë Muqa Solar i njofton studentët me punën që bëjnë appeared first on Telegrafi.

Doktoresha e të porsalindurve, Teuta Hasbahta në podcastin “Shëndeti në rend të parë” ka folur për verdhëzën te foshnjat.

Hasbahta thekson se verdhëza është gjë e rëndësishme që duhet trajtuar. Ajo bëri të ditur se verdhëza fiziologjike fillon në ditën e dytë ose të tretë.

“Këtu kemi të bëjmë me një verdhëz fiziologjike për shkak të shkatërrimit të eritrociteve… bilirubina lirohet dhe jep ngjyrën e verdhë…”, tha ajo.

Tutje doktoresha bën të ditur se bilirubina ka shumë efekt në qelizat trunore, prej përgjumjes deri te dëmtimet e qelizave.

Ajo tha se lidhur me verdhëzën i kanë mjetet që e identifikojnë dhe në këtë drejtim punohet mjaft.

“Çdo prind frikësohet kur e sheh fëmijën shumë të zverdhur nga ngjyra dhe e dërgon me kohë”, tha ajo.

Por, sipas saj duhet dalluar verdhëza fiziologjike me atë patologjike pasi siç u shpreh doktoresha me verdhëzën patologjike duhet pasur shumë kujdes.

Ajo theksoi se fototerapia është mënyrë e trajtimit të verdhëzës, është në fakt zgjedhja e parë.

Podcasti “Shëndeti në rend të parë” mbështetet nga kompania Muqa Solar.

Podcastin e plotë ku doktoresha Hasbahta flet për kujdesin ndaj të porsalindurve mund ta shikoni në kanalin e Telegrafit në YouTube. /Telegrafi/

The post Verdhëza te të porsalindurit, flet neonatologia Hasbahta   appeared first on Telegrafi.

Neonatologia Teuta Hasbahta në podcastin “Shëndeti në rend të parë” ka folur për kujdesin që duhet t’i kushtohet të porsalindurve.

Hasbahta ka theksuar se është e gabueshme dalja me fëmijë disajavëshe në ambiente të mbyllura, ku ekziston mundësia për viruse e infeksione.

“Edhe një gjë që nuk pajtohem.. është fakt që është jetë dinamike, por një dalje e një nëne që ka lindur para 1 jave, 2 në kafiteri është e gabueshme”, tha ajo.

Neonatologia tutje theksoi se i porsalindur është gjithmonë i pafajshëm dhe kujdesi është në duar të prindërve.

Podcasti “Shëndeti në rend të parë” sponsorizohet nga kompania Muqa Solar.

Podcastin e plotë ku neonatologia Hasbahta flet për shumë çështje që ndërlidhen me kujdesin e të porsalindurve mund ta shikoni në kanalin e Telegrafit në YouTube. /Telegrafi/

The post Neonatologia Hasbahta: Dalja me foshnje 2-3 javëshe në kafiteri është e gabueshme appeared first on Telegrafi.

Neonatologia Teuta Hasbahta në podcastin “Shëndeti në rend të parë” ka folur për rëndësinë e përkujdesjes ndaj foshnjave, neonatusit (foshnja deri njëmuajshe).

Hasbahta ka folur po ashtu për larjen e rrobave të foshnjave, pështjelljen e tyre dhe vendosjen në djep.

“Përdorimi i kemikaleve, i quaj unë ‘deodorant’, parfumave, aromatizuesve, përdorimi i lagështuesve me aromatizues, i zbutësve i detergjenteve… të gjitha këto bien..”, tha ajo.

Sipas saj, përveç larjes me një detergjent të butë, nuk duhet as tharja në makina.

“… Përveç larjes me një detergjent të butë, tharja jo në makina po në ajër… vetëm një hekurosje, rroba të pambukta…”, tha doktoresha.

Ajo tutje theksoi se po ashtu foshnjat nuk duhet të lidhen ngushtë dhe vendosja në djep është e gabueshme.

Sipas saj, më e preferuar është veshja e lirë, por sipas saj, prapë foshnja duhet të ofrohet.

“Afrimi i foshnjës është një gjë shumë e rëndësishme sepse paramendojeni një i porsalindur ka dalë nga mitra ku ka qenë i kufizuar, ti po e le haptas t’i përnjëherë…”, tha ajo.

Podcasti i plotë ku doktoresha Teuta Hasbahta flet për përkujdesjen ndaj foshnjave, rëndësinë e të ushqyerit me qumësht gjiri, verdhëzën etj mund ta shikoni më poshtë.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post Gabimet që bëjmë në përkujdesjen ndaj foshnjave, neonatologia Teuta Hasbahta: Mos i përdorni zbutësit dhe aromatizuesit për larjen e rrobave appeared first on Telegrafi.

Instrumentarja shëndetësore, Igballe Cakolli ka treguar procedurën dhe punën që bëhet në sallat operative para një ndërhyrjeje kirurgjikale.

Ajo ka treguar para se të nis një operacion gjithçka kontrollohet në sallat operative se a janë në rregull.

Në një bisedë interesante në podcastin “Shëndeti në rend të parë”, ajo thotë të jesh instrumentare shëndetësore është të kesh dy role në të njëjtën kohë.

“Përgatitja është rutinë ditore. Të jesh insturmentare është të kesh dy role në të njëjtën kohë.  Duhet me kontrollu sallën a është gjithçka në rregull, kemi aparatura të shumta, pacienti konektohet përmes tavolinës që është në rrymë… ka aparatura shumë dhe janë të ndryshme për secilin operacion, ka qindra instrumente…”, tha ajo.

Cakolli tregoi tutje se dita e tyre fillon me ndërrimin e gardërobës dhe larjen kirurgjike të duarve.

“Dita si të fillon ki me shku me bo larjen kirurgjike të duarve… E para ndërrohesh, e ndërron gardërobën. Gjatë sallës e përgatit pjesën sterile, kontrollohen të gjitha. Për shkak të kushteve sterile që duhet të jenë, në sallë sterilizohet edhe ajri, nuk duhet të ketë komunikim me ambientin, nuk ka as dritare”, tha ajo.

Sipas Cakollit, pas përgatitjes, personeli shëndetësorë në sallën operative nuk mund ta prekin më as veten, përveç pjesës së sipërme deri te beli.

Podcasti “Shëndeti në rend të parë”, mbështetet nga kompania Muqa Solar. /Telegrafi/

The post “Edhe ajri aty sterilizohet” – instrumentarja Igballe Cakolli tregon se si përgatiten për një operacion appeared first on Telegrafi.

Instrumentarja shëndetësore Igballe Cakolli në podcastin “Shëndeti në rend të parë” ka folur për rëndësinë e madhe që ka dezinfektimi dhe sterilizimi i sallës operative dhe instrumenteve që një operacion kirurgjikal të përfundojë me sukses.

Cakolli duke vënë në pah rëndësinë e punës së instrumentarëve shëndetësorë theksoi se sado që operacioni të jetë i shtrenjtë dhe kirurgu i aftë, nëse instrumentarët nuk e bëjnë punën si duhet i tërë mundi mund të shkojë huq dhe pasojat kryesore i bartë pacienti.

Ajo në këtë podcast ndau një rrëfim emocionues nga puna e saj, në një rast ku disa të rinj kishin rënë në mina.

“E kam një histori në vitin 2005, isha tu kujdestaru për sallat e emergjencës… kah ora 6 mbrëmje na thonë se ka ndodh diçka…mos i zini sallat… pritëm atë ditë deri kah ora 5 e 30 mbrëmje …

Për gjysmë ore sa u liruam erdh helikopteri dhe i bie pesë fëmijë që ishin lënduar në mina. Kjo ka qenë një përjetim i rëndë…

Tre prej tyre ishin rëndë, njëri gjatë procedurës e sipër na vdiq… tjetrin e punuam katër- pesë orë.

Ka qenë aq e rëndë, që sot ende ua kujtoj fytyrat … edhe i treti u punua shumë dhe e dërguam në intensiv.  Dy fëmijë tjerë që kemi punuar me orë të tëra e dinim që shpëtojnë se me lëndime më të lehta..

Ngjarja që në fund më ka prek ka qenë kur pas gjithë asaj procedure diku kah ora 3, 4 natës…kemi mrri me dal në korridor edhe kur kam dal e kam gjetur babën e njërit prej tyre i ulur në gjunjë dhe iu lutke Zotit me ja marr fëmijën… është diçka që nuk e harroj kurrë… atë tjetrin e more, merre edhe këtë… këta nuk ishin të afërm, po fëmijë të lagjes”….tha ajo.

Podcastin e plotë ku Cakolli flet punën që bëjnë instrumentaret shëndetësore, dezinfektimin e sallave operative, përgatitjen e pacientëve për operim mund ta ndiqni në kanalin zyrtar të Telegrafit në YouTube.

Ky podcast mbështetet nga kompania Muqa Solar. /Telegrafi/

The post “Ende ua kujtoj fytyrat, është diçka që nuk e harroj kurrë”, rrëfimi i instrumentares Igballe Cakolli se si e kishin përgatit sallën operative për një rast të rëndë appeared first on Telegrafi.

 Faciti i shputës është shkaku më i zakonshëm i dhimbjeve në pjesën e poshtme të thembrës.

Lidhur me këtë ka folur reumatologu Besim Demolli në podcastin “Shëndeti në rend të parë”.

Ai theksoi se ky problem di të jetë mjaft sfidues.

“Dhimbjet e thembrave në shumicën e rasteve janë në formë të fasciteve plantare… proces inflamator kur fasha plantare ngjitet me thembrën dhe këta persona kanë ankesa në hapat e parë gjatë ecjeve … me kalimin e kohës dhimbja lehtësohet.

Është problem mjaft sfidues. Në shumicën e rasteve është traumatike sepse këpuca jonë me rregull duhet të bartet 400 -500 kilometra ecje dhe këtë rregull ne nuk e ndjekim… ecjet në rërë janë zvogëluar dhe pozicionet e shputave kanë ndryshuar…”, tha ai.

Reumatologu Demolli më tej ka folur edhe për sëmundjet reumatizmale, si artritin reumatid, simptomat  që japin këto sëmundje, ka folur edhe për sëmundjen Behçet, Fibriomalgjinë, etj.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post Dhimbjet e thembrave – reumatologu Demolli tregon se si bëhet trajtimi i ‘fascitit plantar’ appeared first on Telegrafi.

Gjinekologu Memli Morina në podcastin “Shëndeti në rend të parë” ka folur edhe për shëndetin riprodhues të grave.

Ai ka folur për ciklin menstrual, ovulacionin, kancerin e qafës së mitrës, ndërsa një pjesë i është kushtuar edhe menopauzës.

Morina theksoi se shenjat e harxhimit të funksionit të vezorëve nisin diku në moshën 35 vjeç.

“Por, mosha 45 vjeçe plus minus është perimenopauzë, kur një grua fillon të ketë ndryshim të ciklit menstrual, shtim kollaj në peshë, luajtje të humorit, afshe të të nxehtit, ndryshon teni i fytyrës, flokët, ndryshon libido…”, tha ai.

Gjinekologu sqaroi se menopauza është atëherë kur ndërpritet menstruacionet, por ndërprerja  e menstruacioneve duhet të zgjat 12 muaj dhe tek atëherë vendoset diagnoza klinike që ajo grua është në menopauzë.

“Se sa zgjat procesi prej kur nisin simptomat e menopauzës deri te menopauza e plotë është individuale”, u shpreh Morina.

Ai theksoi se në këtë periudhë është i rëndësishëm ushqimi i shëndetshëm, gjumi i mirë dhe aktivitete fizike.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post Kur nis periudha e menopauzës, gjinekologu Memli Morina tregon cilat janë simptomat dhe si t’i menaxhojmë appeared first on Telegrafi.

Alergjitë janë një problem shëndetësor që prekin një numër të madh njerëzish, duke ndikuar në cilësinë e jetës dhe duke kërkuar trajtim dhe menaxhim të kujdesshëm për të parandaluar simptomat dhe komplikimet.

Në podcastin “Shëndeti në rend të parë”, alergologu Enis Halimi ka folur edhe për alergjinë ndaj pickimit të bletës.

Ai theksoi se në rastet kur një person pickohet nga bleta duhet një vlerësim i shpejtë dhe i saktë i gjendjes së personit, nivelin e reaksionit.

“Duhet bëhet një vlerësim i shpejtë dhe i mirë i gjendjes së pacientit, nivelim e reaksionit.  Kjo duhet të trajtohet si situatë jashtëzakonisht serioze dhe personat që janë alergjitë duhet të bartin një terapi me vete, quhet si Epipen ose nor-adrenalinë”, tha ai.

Sipas tij, kjo duhet të mbahet nga ata persona që kanë reaksion anafillaktikë ndaj pickimit të insekteve.

“Kjo injektohet në mënyrë që të shpëtohet jeta deri në momentin kur mbërrin te punkti i parë shëndetësor”, tha ai.

Ndryshe, alergologu Halimi tha se teorisht alergji për herë të parë nuk ka as në bletë dhe as në produkte, përveç në rastet kur organizmi është sensibilizuar më herët me substanca të tilla ose të ngjashme dhe ne nuk e dimë.

Podcasti “Shëndeti në rend të parë” mbështetet nga kompania Muqa Solar. /Telegrafi/

The post Alergji nga pickimi i bletës? Alergologu Halimi tregon si duhet të veprohet në ato momente  appeared first on Telegrafi.

Muaji i Ramazanit është muaji i nëntë i kalendarit hënor islam, dhe është një periudhë e shenjtë për besimtarët myslimanë. Gjatë këtij muaji besimtarët myslimanë agjërojnë, që do të thotë se ata nuk hanë dhe nuk pinë nga agimi deri në perëndimin e diellit.

E shumë nutricistë tregojnë përfitimet e mëdha për organizmin që sjell agjërimi.

Tashmë kur kemi hyrë në muajin e Ramazanit, Urata Rexhepi, nutriciste në podcastin “Shëndeti në rend të parë” ka folur për përfitimet nga agjërimi.

Ajo theksoi përfitimet nga agjërimi janë të shumta, duke nisur nga shkrirja e masës së tepërt dhjamore në trup e deri te përfitimet në sistemin kardiovaskular.

Lexo po ashtu Çka preferohet të hamë për iftar, e çka për syfyr? Shpjegon nutricistja Urata Rexhepi

““Të rrahurat e zemrës bien, metabolizmi bazal përmirësohet, enët e gjakut zgjerohen, stabilizohet tensioni, ulet kolesteroli, largohen toksinat, etj”,

Sipas saj, agjërimi është shumë i mirë edhe për shëndetin e zorrëve.

Podcastin e plotë ku Rexhepi flet për të ushqyerit e shëndetshëm, rëndësinë e vitaminave dhe mineraleve, përfitimet nga agjërimi e procesin e autofagisë mund ta shikoni më poshtë.

Podcasti “Shëndeti në rend të parë” mbështet nga Muqa Solar. /Telegrafi/

The post Cilat janë përfitimet nga agjërimi, çfarë thotë nutricistja Rexhepi? appeared first on Telegrafi.