Aq mirë është pritur Kombëtarja e Serbisë në Tiranë, sa që kanë marrë edhe përgëzime nga një ultra nacionalist serb si Novak Djokovic.

Tenisti serb i cili gjithmonë poston gjëra kundër Kosovës, ka përgëzuar dy ekipet Kombëtare pas barazimit pa gola 0-0 në Air Albania.

Djokovic ka bërë bashkë disa foto ku shihen futbollistët e Shqipërisë duke treguar sjellje korrekte me ata serb.

Sigurisht këto sjellje shihen nga një popull i qytetëruar siç janë shqiptarët, pasi në Serbi nëntë vite më parë ka munguar respekti nga nikoqiri dhe ka pasur vetëm sjellje shtazore.

“Respekti dhe loja e ndershme janë gjithmonë të mundshme! Bravo të dyja ekipeve për sjelljen e tyre”, ka shkruar Djokovic.

Nacionalisti serb po lavdëron sjelljet nga ndeshja e mbrëmshme, por tjera fjalë ai ka pasur nëntë vite më parë, ku ka përkrahur dhunën dhe agresionin e tifozëve dhe policisë serbe në Beograd ndaj futbollistëve shqiptarë.

Gjithsesi nacionalisti serb ka kohë për të shkruar dhe shikuar futboll, pasi në profesionin e tij më tenis u eliminua nga gjysmëfinalja e French Open nga tenisti italian Sinner. /Telegrafi/ 

The post Nacionalisti serb Djokovic përgëzon lojtarët e Shqipërisë për sjelljen ndaj atyre të Serbisë appeared first on Telegrafi.

Tenisti 19-vjeçar çek Jakub Mensik mposhti Novak Djokovicin me rezultat 2-0 në sete, në finalen e turneut ATP Masters 1000 në Miami, duke arritur kështu suksesin më të madh në karrierë. 

Ai madje e pengoi tenistin serb të fitojë titullin e 100-të në karrierën e tij. Të vetmit me 100 ose më shumë tituj në epokën e Open janë ende Jimmy Connors me 109 trofe dhe Roger Federer me 103. 

Me këtë disfatë, Djokovic nuk arriti të barazojë rekordin e Andre Agassit, i cili fitoi shtatë herë në Miami dhe si humbës në finale mori 552,614.78 euro.  

Mensík mori fitimet e karrierës së tij. Në finalen e tij të dytë të karrierës, ai fitoi turneun e tij të parë. Atë që nuk arriti ta bëjë vitin e kaluar në Doha, ku u ndal një hap larg triumfit, ia doli në një turne shumë më të fortë në Florida. 

Triumfi i parë në karrierë i solli edhe një çmim të madh. Ai ka marrë rreth 1,039 milionë euro, pra ka fituar në total këtë vit 1.4 milion eurovit.  

Në një karrierë që filloi pak më shumë se tre vjet më parë, ai ka fituar nga tenisi gjithsej rreth 3 milionë euro. 

The Student Becomes The Master(s) Champion

The moment @mensik_jakub_ completed his 7-6 7-6 victory over Novak Djokovic! #MiamiOpen pic.twitter.com/GDqFHrvsPB

— Tennis TV (@TennisTV) March 31, 2025

Pikët e fituara në Miami i sollën edhe një kërcim prej 30 vendesh në renditjen e ATP-së, duke e bërë atë tenistin e 24-të të renditur sot në botë. /Telegrafi/  

The post Tenisti i talentuar çek fitoi para më shumë se kurrë në karrierën e tij dhe e la Djokovicin pa rekorde appeared first on Telegrafi.

Çerekfinalet e Miami Open priten me shumë interes nga fansat e tenisit, ndërsa sytë janë te përballja mes Novak Djokovic dhe amerikanit Sebastian Korda.

E vështirë do të jetë, por asgjë nuk është e pamundur në sport, dhe këtë do të përpiqet të bëjë në mbrëmje tenisti amerikan Korda, ndaj serbit që cilësohet si favorit. Megjithatë, forma e të dyve është tejet pozitive në këtë event, ku të dy vijnë me 3 fitore radhazi.

Natyrisht, diferencat në kualitete janë të mëdha, po ashtu dhe në renditjen e përgjithshme, por nuk përjashtohet mundësia e surprizave.

Ashtu si ndodhi më herët me Alcaraz apo me vetë 37-vjeçarin Djokovic në kompeticione të tilla, gjithçka mund të ndodhë.

Në Miami luhen ndeshjet e fundit të këtij kompeticioni, ku këtë të enjte, krahas përballjes Korda-Djokovic, luhen edhe dy të tjera. Korda dhe Djokovic janë përballur vetëm një herë më parë, në vitin 2023, ku serbi arriti të kalonte më tej pas fitores 2-1 me sete, rezultat të cilin e synon edhe në Miami.

Pavarësisht se Djokovic ka shfaqur ndonjëherë luhatje të formës së tij, kompanitë që matin performancën dhe statistikat e konsiderojnë atë jo vetëm favorit për të arritur gjysmëfinalen, por edhe për të fituar trofeun.

LEXONI GJITHASHTU:

• Tenisti spanjoll Alcaraz në çerekfinalet e Indian Wells Open, sfidohet nga Cerundolo
• Djokovic vendos rekord absolut në tenis, serbi parakalon Roger Federer

The post Duelet e Miami Open, spikat çerekfinalja Korda-Djokovic, serbi ëndërron trofeun appeared first on Euronews Albania.