TIRANË, 11 korrik/ATSH/ “Syri i kaltër” në Sarandë, i cilësuar si parajsa natyrore në zemër të Shqipërisë, vijon të tërheqë një numër të lartë turistësh, sidomos gjatë sezonit veror.

Ai ndodhet pranë fshatit Muzinë, pranë rrugës nacionale Delvinë-Gjirokastër, rreth 30 minuta larg nga Saranda.

Kryeministri Edi Rama ndau sot në rrjetet sociale pamje nga momentet që turistët kalojnë në këtë pikë turistike.

“Me freskinë që ofron Syri i Kaltër në Sarandë”, shkruan Rama.

Turistët ndalen në këtë pikë turistike, fotografojnë, shijojnë ujin e burimeve që rrjedhin, si dhe gatimet në dy lokalet turistike që ndodhen në park. Nuk mungojnë edhe të rinjtë guximtarë që hidhen në ujin e ftohtë të burimit për t’u larë.

“Syri i kaltër” është burimi më i madh dhe më i bukur i Shqipërisë, që gëzon statusin Monument Natyre. Thellësia e tij arrin deri në 45 metra. Ai është burim me ujëra të freskëta dhe të ëmbla, i rrethuar me bimësi të dendur dhe me gjelbërim të përhershëm.

Ai është një pasuri natyrore e Shqipërisë, i cili me vendimet e muajit janar 2022 ka marrë një status më të lartë mbrojtjeje, atë të Parkut Natyror, me një sipërfaqe të rritur në 293 hektarë, për të mbrojtur më mirë Monumentin e Natyrës me të njëjtin emër që mban brenda parkut.

Pamje nga Syri i Kaltër në Sarandë

1 nga 9

/k.s//r.e//a.f/

The post Turistët shijojnë freskinë e Syrit të Kaltër në Sarandë appeared first on Agjencia Telegrafike Shqiptare.

Thethi është shndërruar në një destinacion turistik mjaft të preferuar për turistët vendas dhe të huaj.

Kryeministri Edi Rama, ndau sot fotografi nga një prej atraksioneve më të veçanta të kësaj zone të veriut të Shqipërisë, siç është edhe Syri i kaltër në Theth.

Në foto, duket Syri i kaltër i mbushur plot me turistë vendas dhe të huaj që kanë zgjedhur ta vizitojnë këto ditë të fundit të muajit maj.

Parku Kombëtar Theth vijon të jetë i preferuari i turistëve në çdo stinë të vitit. Pikat kryesore që turistët vizitojnë në Theth janë Monumenti e Natyrës si Syri i Kaltër, vaskat në Ndërlysë, Ujëvara e Grunasit, kanioni i Grunasit, shtegu Theth-Valbonë, shpella e Arapit, Shtegu i Bjeshkëve të Namuna etj.

Thethi gjendet në mes të Alpeve në veri të Shqipërisë, i mbrojtur nga tre malet, Radohima, Sheniku, Papluku me lartësi mbi 2500 m mbi nivelin e detit.

Pasuritë natyrore të kësaj zone janë të lidhura së bashku edhe me trashëgiminë kulturore dhe historike të banorëve vendas, duke formuar kështu, bazat më të rëndësishme për zhvillimin e turizmit.

TIRANË, 31 maj /ATSH/ Thethi është shndërruar në një destinacion turistik mjaft të preferuar për turistët vendas dhe të huaj.

Kryeministri Edi Rama, ndau sot fotografi nga një prej atraksioneve më të veçanta të kësaj zone të veriut të Shqipërisë, siç është edhe Syri i kaltër në Theth.

Në foto, duket Syri i kaltër i mbushur plot me turistë vendas dhe të huaj që kanë zgjedhur ta vizitojnë këto ditë të fundit të muajit maj.

Parku Kombëtar Theth vijon të jetë i preferuari i turistëve në çdo stinë të vitit. Pikat kryesore që turistët vizitojnë në Theth janë Monumenti e Natyrës si Syri i Kaltër, vaskat në Ndërlysë, Ujëvara e Grunasit, kanioni i Grunasit, shtegu Theth-Valbonë, shpella e Arapit, Shtegu i Bjeshkëve të Namuna etj.

Thethi gjendet në mes të Alpeve në veri të Shqipërisë, i mbrojtur nga tre malet, Radohima, Sheniku, Papluku me lartësi mbi 2500 m mbi nivelin e detit.

Pasuritë natyrore të kësaj zone janë të lidhura së bashku edhe me trashëgiminë kulturore dhe historike të banorëve vendas, duke formuar kështu, bazat më të rëndësishme për zhvillimin e turizmit.

The post Rama ndan foto nga Syri i kaltër në Theth i mbushur me turistë appeared first on Agjencia Telegrafike Shqiptare.

Parku Natyror “Syri i Kaltër” është një nga atraksionet më të vizituara turistike në Sarandë, duke tërhequr vizitorë vendas dhe të huaj gjatë gjithë vitit.

Agjencia Kombëtare e Zonave të Mbrojtura, duke ndarë foto nga peizazhi i mrekullueshëm i Parkut Natyror “Syri i Kaltër”, informon se burimi natyror me origjinë karstike, i vendosur në rrëzë të Malit të Gjerë, ofron një spektakël unik me ujin e tij të kristaltë dhe ngjyrat magjepsëse. “Përveç bukurisë ujore, zona përreth pasurohet nga një ekosistem i larmishëm, me bimësi të dendur dhe fauna të ndryshme, duke e bërë një destinacion ideal për adhuruesit e natyrës”, thuhet në postimin e AKZM.

Agjencia Kombëtare e Zonave të Mbrojtura fton vizitorët të eksplorojnë këtë perlë natyrore, duke respektuar rregullat e mbrojtjes së mjedisit për të ruajtur integritetin e saj ekologjik.

“Syri i kaltër” ndodhet pranë fshatit Muzinë, pranë rrugës nacionale Delvinë-Gjirokastër, rreth 30 minuta larg nga Saranda.

Ai është një pasuri natyrore e Shqipërisë, i cili me vendimet e muajit janar 2022 ka marrë një status më të lartë mbrojtjeje, atë të “Parkut Natyror”, me një sipërfaqe të rritur në 293 hektarë, për të mbrojtur më mirë Monumentin e Natyrës me të njëjtin emër që mban brenda parkut.

Vitet e fundit “Syri i Kaltër” ka tërhequr shumë vizitorë nga vende të ndryshme të botës./atsh/KultPlus.com

TIRANË, 20 mars /ATSH/ Parku Natyror “Syri i Kaltër” është një nga atraksionet më të vizituara turistike në Sarandë, duke tërhequr vizitorë vendas dhe të huaj gjatë gjithë vitit.

Agjencia Kombëtare e Zonave të Mbrojtura, duke ndarë foto nga peizazhi i mrekullueshëm i Parkut Natyror “Syri i Kaltër”, informon se burimi natyror me origjinë karstike, i vendosur në rrëzë të Malit të Gjerë, ofron një spektakël unik me ujin e tij të kristaltë dhe ngjyrat magjepsëse. “Përveç bukurisë ujore, zona përreth pasurohet nga një ekosistem i larmishëm, me bimësi të dendur dhe fauna të ndryshme, duke e bërë një destinacion ideal për adhuruesit e natyrës”, thuhet në postimin e AKZM.

Agjencia Kombëtare e Zonave të Mbrojtura fton vizitorët të eksplorojnë këtë perlë natyrore, duke respektuar rregullat e mbrojtjes së mjedisit për të ruajtur integritetin e saj ekologjik.

“Syri i kaltër” ndodhet pranë fshatit Muzinë, pranë rrugës nacionale Delvinë-Gjirokastër, rreth 30 minuta larg nga Saranda.

Ai është një pasuri natyrore e Shqipërisë, i cili me vendimet e muajit janar 2022 ka marrë një status më të lartë mbrojtjeje, atë të “Parkut Natyror”, me një sipërfaqe të rritur në 293 hektarë, për të mbrojtur më mirë Monumentin e Natyrës me të njëjtin emër që mban brenda parkut.

Vitet e fundit “Syri i Kaltër” ka tërhequr shumë vizitorë nga vende të ndryshme të botës.

Parku Natyror “Syri i Kaltër”, Foto: AKZM

1 nga 2

/r.e/

The post “Syri i Kaltër”, një perlë natyrore mes ujit të kristaltë dhe gjelbërimit appeared first on Agjencia Telegrafike Shqiptare.