Victoria Beckham ka treguar se jeta në qendër të vëmendjes për më shumë se 30 vite i ka sjellë shumë vështirësi.

Në një dokumentar të ri të Netflix, që do të publikohet në shtator, ajo zbulon se presioni i mediave dhe kritikat e ashpra në vitet ’90 i shkaktuan probleme me imazhin trupor dhe e shtynë drejt një diete shumë të kufizuar.

Në dokumentar, Victoria shfaqet e emocionuar dhe pranon se ka pasur lot gjatë rrëfimit të saj.

Ajo kujton se si shpesh ndihej e gjykuar nga publiku dhe mediat britanike, madje edhe në momente delikate të jetës private.

Një prej rasteve më të vështira, sipas saj, ishte kur në vitin 1999 u detyrua të peshohej live në televizion vetëm dy muaj pas lindjes së djalit të saj, Brooklyn.

Lexo po ashtu Të gjitha lajmet nga Victoria Beckham

Burime pranë saj thonë se ky presion e bëri shumë të rreptë me veten, duke stërvitur çdo ditë dhe duke ndjekur një regjim ushqimor të njëjtë për dekada.

David Beckham ka pranuar se bashkëshortja e tij ka konsumuar për 25 vite vetëm peshk dhe perime të ziera, ndërsa vetë Victoria ka rrëfyer se e vetmja “shkelje” e vogël ka qenë një gotë tequila.

Dokumentari ndalet edhe tek rrugëtimi i saj nga këngëtare e “Spice Girls” në një nga emrat më të njohur të botës së modës.

Victoria tregon se nuk ka qenë e lehtë të fitonte respekt në këtë industri dhe se shpesh është përballur me skepticizëm, por gjithsesi ka arritur të krijojë markën e saj dhe të vendoset në skenën e madhe të javës së modës në Paris. /Telegrafi/

The post Victoria Beckham flet hapur për problemet me trupin dhe ushqimin në dokumentarin e ri appeared first on Telegrafi.

Brooklyn Beckham nuk ka ftuar asnjë nga të afërmit e tij për të rinovuar betimet e martesës me Nicola Peltz , me David dhe Victoria Beckham të shqetësuar se djali i tyre i madh është “larguar përgjithmonë nga familja”.

Prindërit e tij u njoftuan për ceremoninë nga media.

26-vjeçari dhe gruaja e tij, të cilët u martuan për herë të parë në vitin 2022, shkëmbyen betimet përsëri më 2 gusht në New York, në një ceremoni të vogël ku mori pjesë familja e Nicola Peltz. Nusja veshi fustanin e nusërisë së nënës së saj nga viti 1985, ndërsa babai i saj, Nelson Peltz, shërbeu si drejtues i ceremonisë. Asnjë anëtar i familjes Beckham, madje as prindërit apo vëllezërit e motrat e tij, nuk u ftuan, sipas një raporti në Sun.

Një burim pranë çiftit i tha gazetës se mungesa e familjes, e kombinuar me rolin qendror të Nelson Peltz në ceremoni, ishte “veçanërisht e dhimbshme për David Beckham”. Ai shtoi se as 30 anëtarët e familjes së tij të zgjeruar nuk ishin informuar, ndërsa gjyshërit e Brooklyn Beckham janë “të shkatërruar”. I njëjti burim e përshkroi këtë veprim si “mizor dhe hakmarrës”, duke vlerësuar se 2 gushti mund të shënojë “ditën kur Brooklyn pushoi së qeni anëtar i familjes Beckham”.

Përçarja duket se ka filluar që në vitin 2022, para dasmës së parë, kur Nicola Peltz zgjodhi të mos vishte krijimin e vjehrrës së saj, por një fustan nusërie Valentino, gjë që thuhet se nuk i pëlqeu Victoria Beckham. Që atëherë, dy familjet nuk janë takuar, ndërsa Nicola Peltz rrallë fotografohet me familjen Beckham. Situata u përkeqësua në maj, kur Brooklyn Beckham mungonte në 50-vjetorin e babait të tij, ndërsa ai dhe Nicola Peltz nuk i ndjekin më vëllezërit e tij, Romeo dhe Cruz, në rrjetet sociale, një veprim që, sipas miqve të tyre, u bë pas një bllokimi nga dy Beckham-at më të vegjël.

The post David dhe Victoria Beckham kanë frikë se Brooklyn ‘e ka braktisur familjen’! Si e morën vesh për rinovimin e betimeve të tij appeared first on iconstyle.al.

David Beckham ka ndarë me ndjekësit një moment të ngrohtë familjar, ndërsa po shijonte kohë cilësore me të birin, Cruz Beckham, në restorantin luksoz Chez Camille në St Tropez.

Në një fotografi të postuar në Instagram, ish-kapiteni i Anglisë dhe djali i tij 20-vjeçar shihen duke qeshur me të madhe, teksa Cruz përpiqej t’i vendoste babait të tij një parzmore me logon e restorantit.

Me humor, Beckham e shoqëroi postimin me fjalët: “Dikur isha unë që të ndihmoja të ngisje biçikletën @cruzbeckham… duket se tani është radha jote të sigurohesh që të mos derdh ushqimin tim @victoriabeckham”.

Klani Beckham ndodhet aktualisht në jug të Francës, megjithatë Brooklyn ka qëndruar larg pjesës tjetër të familjes, duke kaluar kohën me bashkëshorten e tij, Nicola Peltz, në SHBA.

Më herët gjatë javës, çifti shënoi tre vjet martesë me një ceremoni intime të rinovimit të betimeve.

Një burim për Daily Mail e përshkroi këtë si një “moment për të festuar dashurinë dhe përkushtimin e tyre”.

Pavarësisht distancës, Brooklyn nuk mungoi në takimet familjare luksoze. Ai u pa në pushime me familjen e gruas në St Tropez, ku shijoi një birrë me vjehrrin miliarder, Nelson Peltz, dhe mori pjesë në një drekë me kumbarin e tij, Sir Elton John.

Elton, mik i ngushtë i familjes Beckham për mbi 30 vite, sipas burimeve, ka ndërmarrë disa gjeste miqësore për të ulur tensionet mes palëve. /Telegrafi/

The post David Beckham kalon momente të gëzuara me të birin Cruz në St Tropez appeared first on Telegrafi.

Victoria dhe David Beckham u fotografuan në një përqafim intim në jahtin e tyre prej 16 milionë funtesh në Saint Tropez romantik.

Çifti dukej ende po aq i dashuruar sa në fillim të lidhjes së tyre, duke shkëmbyer vështrime plot mall. Ata u fotografuan gjithashtu të shtrirë në krahët e njëri-tjetrit.

Pasi pritën Eva Longoria-n, e cila është shoqja e ngushtë e Victoria-s, në jaht në fillim të kësaj jave, çifti nuk mund të ndahej nga njëri-tjetri.

Love is in the air! Victoria and David Beckham spark romance on their stunning yacht in beautiful Saint Tropez.
https://t.co/FUsjPMnZ2Y pic.twitter.com/vhCLg0dP3Y

— H24 News UK (@h24news_uk) August 2, 2025

Ata u filmuan në Saint Tropez dhe, ndërsa ishin me pushime në Francë, vizituan edhe Kanë, ku influencuesja nga Bosnja dhe Hercegovina Hana Hadžiavdagić arriti t’i takojë.

Ndërsa ajo po argëtohej në restorantin La Guerite, duket se edhe çifti i famshëm Beckham ishte në të njëjtin vend dhe ajo u mburr me një foto me Victorian në Instagram.

Çifti i dashuruar, i cili u martua në vitin 1999, vërtetoi se problemet familjare nuk e pengojnë martesën e tyre, duke ndarë një moment shumë intim së bashku.

Ata kanë qenë në fokus të mediave britanike muajt e fundit për shkak të sherrit të supozuar midis Brooklyn Beckham dhe gruas së tij Nicole Peltz me anëtarë të tjerë të familjes. /Telegrafi/

The post David dhe Victoria Beckham fotografohen në çaste intime me njëri-tjetrin në jahtin e tyre luksoz në Saint Tropez appeared first on Telegrafi.

David Beckham është parë në një version më të “thjeshtë” të stilit të tij të famshëm, duke hequr dorë nga pantallonat e bardha të ngushta që i kujtojnë fushatat e tij ikonike të të brendshmeve Armani.

Gjatë pushimeve me jaht në jug të Francës, ish-ylli i futbollit u pa pa bluzë, me pantallona të shkurtra modeste, ndërsa shijonte ditët e nxehta mes miqve dhe familjes.

Pushimet luksoze po zhvillohen në jahtin 16 milionë funte të familjes Beckham, Seven – emri që i referohet numrit të famshëm të Davidit në fushë. Familja Ramsay iu bashkua udhëtimit, me Gordon dhe bashkëshorten e tij Tana që u shfaqën në humor të mirë, duke u argëtuar me çiftin Beckham, shkruan DailyMail.

Victoria Beckham zgjodhi një pamje elegante me një fustan të bardhë dhe një kapelë kashte me strehë të gjerë, ndërsa Romeo dhe Harper u panë duke shijuar diellin, përpara se të vinte edhe Cruz Beckham me të dashurën e tij Jackie Apostel.

Cruz, 20 vjeç, u bë protagonist i momenteve më të komentuara në jaht, pasi pozoi me pantallona Prada të bardha – një pamje që i kujtoi fansave ditët kur babai i tij ishte imazhi i fushatave të të brendshmeve BOSS dhe Armani.

Madje, ai bëri shaka me babain e tij në Instagram, duke rikrijuar një nga qëndrimet e famshme të Davidit.

Ndërkohë, djali i madh Brooklyn Beckham mungoi në pushime, pasi është rikthyer në SHBA me gruan e tij Nicola Peltz, duke humbur aventurën verore të familjes në brigjet e Rivierës Franceze.

Familja Beckham vazhdon të tërheqë vëmendjen me stilin dhe dinamiken e saj, duke e kthyer çdo dalje në një ngjarje të kometuar nga fansat në rrjetet sociale. /Telegrafi/

The post David Beckham heq dorë nga pantallonat ikonike të bardha, shfaqet pa bluzë gjatë pushimeve luksoze me jaht appeared first on Telegrafi.

Victoria dhe David Beckham po shijojnë pushimet e tyre verore luksoze në St Tropez, ku së fundmi mirëpritën djalin e tyre Cruz, 20 vjeç, dhe të dashurën e tij Jackie Apostel në bordin e jahtit të tyre prej 16 milionë paundësh (afërsisht 18.9 milionë euro).

Në udhëtim i shoqëruar edhe nga aktorja Eva Longoria dhe bashkëshorti i saj Jose Baston, familja Beckham po kalon disa ditë relaksuese në brigjet franceze.

Ndërsa atmosfera duket e qetë në jaht, vëmendja ka rënë sërish mbi mungesën e Brooklyn Beckham dhe gruas së tij, Nicola Peltz, shkruan DailyMail.

Çifti po kalon pushimet në një jaht të veçantë me vlerë 85 milionë paund (afërsisht 100.3 milionë euro) dhe nuk kanë marrë pjesë në asnjë nga aktivitetet familjare, përfshirë edhe festimet e 50-vjetorit të Davidit, duke thelluar më tej spekulimet për një përçarje familjare.

Ndërkohë, fansat vunë re një veprim domethënës nga Victoria Beckham, e cila i ka pëlqyer disa postime të Brooklyn në rrjete sociale, por asnjë prej tyre nuk përfshinte bashkëshorten e tij.

Nga ana tjetër, as Brooklyn e as Nicola nuk kanë pëlqyer postimet e Victorias kohët e fundit, dhe llogaritë e tyre nuk ndjekin më vëllezërit Cruz dhe Romeo, të cilët raportohet se i kanë bllokuar.

Burime për MailOnline konfirmojnë se tensionet janë rritur pas një sërë mosmarrëveshjesh dhe mungese komunikimi, ndërsa frika për një distancim të plotë të Brooklyn nga familja po shtohet.

Mungesa e tij fizike dhe emocionale është ndjerë edhe gjatë ditëlindjes së Harper-it, ku postimi i tij publik konsiderohet si i vetmi gjest kontaktual në muajt e fundit.

Megjithatë, në mes të gjithë këtyre zhvillimeve, Beckhamët përpiqen të ruajnë unitetin dhe të shijojnë kohën me pjesën tjetër të familjes dhe miqtë e ngushtë, duke dëshmuar se, pavarësisht sfidave, pushimet luksoze vazhdojnë. /Telegrafi/

The post Victoria dhe David Beckham mirëpresin Cruz dhe të dashurën e tij në jahtin e tyre prej 19 milionë eurosh appeared first on Telegrafi.

Harper Beckham, vajza e David dhe Victoria Beckham, festoi të enjten më 10 korrik 14-vjetorin e lindjes së saj. Në këtë ditë të veçantë, familja e saj organizoi një festë të ngrohtë dhe të mbushur me emocione.

Victoria Beckham, dizenjatore mode dhe nënë krenare, ndau në rrjetet sociale disa foto nga festa. Një nga momentet më të bukura ishte ajo ku Harper përqafonte babanë e saj, David Beckham. Të dy u shfaqën me buzëqeshje të ëmbla, duke treguar afërsinë mes tyre.

Në një tjetër foto, Harper dukej e lumtur duke parë tortën e saj me qirinj të ndezur, ndërsa Victoria e shoqëroi foton me mesazhin: “Mendo një dëshirë… dhe ëndrrat e tua do të realizohen!”

The post Harper Beckham mbush 14 vjeç, Victoria Beckham tregon momentet e veçanta familjare appeared first on iconstyle.al.

David dhe Victoria Beckham po festojnë 26-vjetorin e martesës dhe me këtë rast, ish-futbollisti ndau një seri fotosh të tyre ndër vite, së bashku me një mesazh urimi për gruan e tij.

Beckham-ët janë një nga çiftet e famshëm që kanë jetuar më gjatë në botë dhe, pasi u takuan në vitin 1996, thanë se ishte dashuri me shikim të parë dhe u martuan tre vjet më vonë.

Duke ndarë foto të tyre së bashku gjatë viteve, David shkroi: “Sot shënon 26 vjet që kur më the ‘Po’. Gëzuar përvjetorin dhe faleminderit që më dhe fëmijët tanë të bukur dhe që ndërtove jetën që kemi së bashku”.

“Të dua znj. Beckham”, tha ai.

 

View this post on Instagram

 

A post shared by David Beckham (@davidbeckham)

Victoria foli për British Vogue në vitin 2016 rreth kohës kur e pa Davidin për herë të parë dhe si u ndje si “dashuri me shikim të parë”.

“Dhe po, dashuria me shikim të parë ekziston. Do të të ndodhë në sallonin e lojtarëve të Manchester United – megjithëse do të dehesh pak, kështu që detajet e sakta janë të paqarta”, tha ajo në atë kohë.

Victoria Adams dhe David Beckham u takuan në vitin 1996, në një kohë kur Victoria po gëzonte famë të madhe me anëtarët e tjerë të grupit britanik Spice Girls. David më pas pati një karrierë të suksesshme futbolli si lojtar i Manchester United. /Telegrafi/

The post David dhe Victoria Beckham festojnë 26-vjetorin e martesës, futbollisti e uroi me fotografi të tyre ndër vite appeared first on Telegrafi.

David Beckham, 50 vjeç, është fotografuar i shtrirë në një shtrat spitali, duke u rikuperuar pas një dëmtimi ende të paqartë. Në imazhin e publikuar nga bashkëshortja e tij Victoria Beckham, ai shfaqet me një buzëqeshje në fytyrë, ndërsa krahu i djathtë i është imobilizuar me një fashë blu.

Postimi është shoqëruar me mesazhin e shkurtër dhe të ndjerë të Victorias: “Shërohu shpejt!” – duke treguar kujdesin dhe përkushtimin familjar.

Një tjetër foto tregon këmbën e Beckham që del lehtë nga poshtë çarçafit, ndërsa në krahun e tij vihet re një byzylyk me mbishkrimin “Shërohu shpejt”, i zbukuruar me zemra.

Edhe pse nuk janë dhënë detaje mbi natyrën e dëmtimit, dyshohet se mund të bëhet fjalë për një frakturë në krah. Megjithatë, Beckham duket në gjendje të mirë shpirtërore, duke reflektuar qetësi dhe humor të mirë në fotot e publikuara.

The post David Beckham në spital, Victoria ndan një mesazh të ndjerë appeared first on iconstyle.al.

Victoria Beckham ka hedhur poshtë thashethemet për një përçarje në familjen Beckham me djalin e madh Brooklyn, pasi ndau në rrjete sociale foto dhe video të gjithë familjespër Ditën e Babait.

Së fundmi ishte raportuar për një distancim mes Brooklyn, 26 vjeç, dhe familjes, pasi ai dhe bashkëshortja e tij, Nicola Peltz, 30 vjeçe, munguan në disa ngjarje familjare të rëndësishme, përfshirë ditëlindjen e Davidit. Ndërkohë, tre fëmijët e tjerë – Romeo, 22 vjeç, Cruz, 20, dhe Harper, 13 – ishin të pranishëm.

Për të shuar zërat, Victoria publikoi një video ku David dhe Harper, Brooklyn dhe Cruz shihen të përqafuar në divan duke kënduar “Sherry” nga Frankie Valli and The Four Seasons.

Në një tjetër postim, ajo ndau një përmbledhje fotosh me gjithë familjen, përfshirë Brooklyn. Dy foto të tjera tregonin David dhe Brooklyn së bashku – një ku qeshin me njëri-tjetrin dhe një tjetër gjatë një feste.

“Gëzuar Ditën e Babait për babin më të mirë që ekziston!”, shkroi Victoria në Instagram.
“Ti gjithmonë udhëheq me dashuri dhe katër fëmijët tanë të bukur janë pasqyrë e kësaj. Të duam shumë! @brooklynpeltzbeckham @romeobeckham @cruzbeckham #HarperSeven xxx.”

Edhe David publikoi një postim emocionues për Ditën e Babait, me foto të vjetra të familjes, përfshirë një imazh ku Brooklyn mban Harper kur ishte foshnjë.

“Puna më e rëndësishme dhe më e dashur në jetën time është të jem baba… Jam shumë krenar për secilin prej jush,” shkroi ai. “Faleminderit që bëre pjesën më të rëndësishme dhe më bëre baba. S’ka dhuratë më të madhe në jetë.”

 

View this post on Instagram

 

A post shared by David Beckham (@davidbeckham)

Thashethemet për krisje në marrëdhëniet familjare nisën që në vitin 2022, kur u përfol se Nicola nuk kishte pranuar të vishte një fustan të dizajnuar nga Victoria në dasmën e saj. Ajo mohoi se kishte ndonjë konflikt, duke thënë për The Times se kishte dashur të vishte një dizajn të saj, por studioja e Victorias nuk kishte pasur mundësi ta realizonte me kohë.

Zërat u rikthyen sërish këtë maj, pasi Brooklyn mungoi në ditëlindjen e babait të tij. Sipas disa raportimeve, arsyeja lidhej me faktin që e dashura e re e Romeos, Kim Turnbull, ka qenë në një lidhje të shkurtër me Brooklyn në të kaluarën.

The post Victoria Beckham i jep fund thashethemeve për përçarje në familje appeared first on Lapsi.al.

Në Ditën e Babait, David Beckham publikoi një mesazh emocional në Instagram, mes tensioneve në rritje me djalin e madh Brooklyn dhe nusen e tij, Nicola Peltz, të cilët munguan në 50-vjetorin e ish-futbollistit.

“Punën më të rëndësishme që kam në jetë është të jem baba… Jam krenar për ju të gjithë dhe siç ju them çdo ditë: do jem gjithmonë këtu për ju, çfarëdo që të ndodhë,” shkroi David, duke ndarë foto të vjetra familjare me Victoria-n dhe katër fëmijët: Brooklyn, Romeo, Cruz dhe Harper.

Përgjigjja nuk vonoi nga djali i tretë, Cruz, i cili komentoi: “Je gjithçka për ne dhe na frymëzon çdo ditë. Të dua baba.”

Edhe Victoria Beckham postoi një urim për bashkëshortin, duke përfshirë imazhe ku Brooklyn ishte në fokus, pavarësisht mosmarrëveshjeve të fundit dhe faktit që ai nuk e uroi David-in për titullin “Sir”, që iu dha nga Mbreti Charles.

“Gëzuar Ditën e Babait për babain më të mirë! Ti gjithmonë udhëheq me dashuri dhe fëmijët tanë janë pasqyrë e kësaj,” shkroi ajo.

Përkundër krizës familjare, çifti tregoi se dashuria për fëmijët mbetet në qendër të gjithçkaje.

The post David Beckham prek me mesazhin për fëmijët në Ditën e Babait, mes përplasjeve me Brooklyn dhe Nicola appeared first on iconstyle.al.

David Beckham është nderuar zyrtarisht me titullin e Kalorësit nga Mbreti Charles III, në një ceremoni të mbajtur në Pallatin Buckingham. Legjenda e futbollit dhe ambasadori i njohur i sportit britanik ka marrë një nga nderimet më të larta të Mbretërisë së Bashkuar, duke u bërë zyrtarisht “Sir David Beckham”.

I veshur me uniformën tradicionale, Beckham u paraqit përpara Mbretit Charles për të marrë titullin “Knight Bachelor”, një nderim që vjen pas dekadash kontributi në sport, bamirësi dhe përfaqësim të denjë të Britanisë në arenën ndërkombëtare.

“Është një moment që e kam ëndërruar që fëmijë,” është shprehur Beckham për mediat britanike. “Jam krenar jo vetëm për atë që kam arritur si futbollist, por edhe për mundësinë që kam pasur të ndikoj pozitivisht në jetën e të tjerëve.”

Ky nderim vjen pas disa vitesh pritjeje dhe spekulimesh rreth momentit të duhur për këtë titull. Beckham është tashmë pjesë e një liste të ngushtë sportistësh të shquar britanikë që janë nderuar me kalorësi, përfshirë edhe emra si Sir Alex Ferguson dhe Sir Mo Farah.

The post David Beckham emërohet zyrtarisht Kalorës nga Mbreti Charles III appeared first on iconstyle.al.

Mbreti Çarls pati mbështetjen e disa figurave të famshme ndërsa festoi një përvjetor të veçantë.

Të enjten, më 12 qershor, monarku britanik mori pjesë në ceremoninë vjetore të ndarjes së çmimeve të Fondacionit të Mbretit në Pallatin e Shën Jakobit në Londër, ndërsa organizata festoi 35-vjetorin e saj.

Eventi nderoi punën e studentëve, fakultetit, ish-studentëve dhe atyre që kontribuan në punën e fondacionit në fusha të ndryshme, të tilla si qëndrueshmëria, aftësitë e trashëgimisë tradicionale dhe edukimi mjedisor.

Meryl Streep , David Beckham dhe Kate Winslet ishin midis 200 të ftuarve që morën pjesë në event dhe u fotografuan duke buzëqeshur me Mbretin Charles.

David Beckham , i cili u bë ambasador për Fondacionin e Mbretit në vitin 2024, ka punuar përsëri me monarkun dhe familjen mbretërore britanike, me yllin veteran të futbollit që pritet të marrë një titull kalorësie në listën e Nderimeve të Ditëlindjes së Mbretit Charles në ditët në vijim.

Meryl Streep dhe Kate Winslet janë takuar gjithashtu me Charlesin në raste të mëparshme.

 

View this post on Instagram

 

A post shared by Royal Monarchies (@royal.monarchies)

The post Meryl Streep, David Beckham, Kate Winslet: Arsyeja që i bashkoi të gjithë appeared first on iconstyle.al.

Një nga sulmuesit më të mirë të ditëve të sotme, Harry Kane, festoi fitimin e trofeut të tij të parë pas fitimit të kampionatit gjerman, me gruan e tij Katie Goodland në krah gjatë gjithë kohës.

Historia e dashurisë së Katie Goodland dhe Harry Kane është vërtet unike. Në fakt, ka zgjatur shumë më tepër se gjashtë vitet e fundit që Harry dhe Katie kanë qenë të martuar, të cilat sollën në jetë katër fëmijët e tyre.

Gruaja e Harry-t, Katie, ka qenë gjithmonë në krah të partnerit të saj të jetës. Në vitin 2005, ikona më e madhe e futbollit anglez, David Beckham, pati mundësinë të bënte foto me fëmijët.

Bëhet fjalë për të kaluar kohë së bashku në hapjen e Akademisë Beckham. Duke pozuar përkrah Beckham ishin Katie dhe Harry, miq të shkëlqyer vendas të fëmijërisë, historia e të cilëve kulmoi me martesë 14 vjet më vonë.

Katie ishte në krah të Harry-t gjatë gjithë viteve të “ferrit” në luftën për trofe. Edhe pse shënoi 450 gola si profesionist, ishte golashënuesi më i mirë në të gjitha garat në të cilat luajti (Kupa e Botës, Kampionati Evropian, Liga e Kampionëve, Bundesliga dhe Premier League), ai kurrë nuk fitoi një trofe ekipor.

Shoqja e tij e fëmijërisë dhe gruaja e tij e ardhshme ka përjetuar çdo sukses individual me Harry-n, duke vuajtur së bashku përmes humbjeve dhe sezoneve pa trofe.

When an 11-year-old Harry Kane was pictured with David Beckham at the launch of his academy in 2005.

Also in the photo is Katie Goodland, now Harry's wife and mother of their four children pic.twitter.com/RrEz4RO77v

— ESPN UK (@ESPNUK) May 2, 2025

Ajo ndjeu dhimbjen e çdo humbjeje, ndonjëherë edhe më shumë se vetë Harry, si në momentin kur Kane humbi finalen e Euro 2020 ndaj Italisë kur u filmua duke qarë në tribuna.

Pas gjithë këtyre viteve, Harry Kane ngriti trofeun e tij të parë për kampionët gjermanë me Bayernin fundjavën e kaluar, dhe Katie ishte pranë tij, duke festuar me të njëjtën entuziazëm siç ishte dikur e pikëlluar.

 

View this post on Instagram

 

A post shared by Harry Kane (@harrykane)

Katie, Harry dhe tre fëmijët e tyre pozuan me krenari me trofeun pas ndeshjes midis Bayern dhe Borussia Monchengladbach. Çifti tani jeton i lumtur në Mynih pas vitesh bashkëjetese në Londër dhe po përshtaten me një kulturë të re. /Telegrafi/

The post Vajza dhe djali nga fotoja ikonike me David Beckham janë të martuar sot dhe së fundmi festuan trofeun e tyre të parë appeared first on Telegrafi.

Victoria Beckham po përjeton “makthin më të madh” për shkak të një përçarjeje të vazhdueshme me djalin e saj të madh, Brooklyn Beckham.

Sipas raportimeve, përçarja është bërë edhe më e thellë pasi Brooklyn dhe bashkëshortja e tij, Nicola Peltz, munguan për herë të dytë në festimet e ditëlindjes së David Beckham-it, i cili mbushi 50 vjeç. Kjo mungesë është parë si një zhgënjim i madh për çiftin Beckham, veçanërisht pasi ata kanë bërë përpjekje për të përmirësuar marrëdhëniet me Nicola pas një përplasjeje të supozuar që nisi në dasmën e çiftit në vitin 2022.

Gjithashtu, përflitet për një konflikt mes Brooklyn dhe vëllait të tij, Romeo Beckham, rreth të dashurës së Romeos, modeles Kim Turnbull – edhe pse disa burime i kanë mohuar këto pretendime duke i quajtur “pa sens”.

Brooklyn dhe Nicola nuk kanë marrë pjesë në disa evente familjare të fundit, përfshirë shfaqjen e modës së Victorias në Paris dhe festimet për ditëlindjen e Davidit në Miami dhe Londër, ndonëse thuhet se kanë shmangur edhe Met Gala-n me shpresën për të kaluar kohë me familjen në atë javë.

The post Përplasja mes Victoria Beckham dhe Brooklyn: “Makthi më i madh” appeared first on Lapsi.al.

David Beckham thuhet se ka refuzuar një ftesë nga djali i tij, Brooklyn dhe gruaja e tij, Nicola Peltz, për ta takuar atë privatisht për ditëlindjen e tij të 50-të.

Kujtojmë se disa javë më parë, raportet flisnin për një përçarje midis Brooklyn dhe Romeo Beckham, që dyshohet se lidhej me marrëdhënien e këtij të fundit me Kim Turnbull. Për më tepër, në mars, djali i madh i ish-futbollistit dhe Nicola Peltz munguan në sfilatën e modës të Victoria Beckham në Paris, në të cilën morën pjesë Romeo dhe partnerja e tij.

Burime me njohuri për situatën i thanë TMZ se Brooklyn Beckham dhe gruaja e tij udhëtuan për në Londër javën e kaluar me qëllimin e vetëm për të festuar me David Beckham. Çifti thuhet se ka kontaktuar familjen, duke kërkuar të takohen privatisht para ngjarjeve të planifikuara. Megjithatë, pjesa tjetër e familjes nuk e priti me sy të mirë kërkesën e tyre.

Sipas të njëjtave burime, atyre u është thënë se ose do të shfaqen në festimet kryesore ose nuk do të kenë asnjë mundësi ta shohin familjen. Çifti në fund zgjodhi thjesht t’i dërgonte urimet e tyre David Beckham, ndërkohë që nuk mori pjesë në festën e tij.

 

View this post on Instagram

 

A post shared by Victoria Beckham (@victoriabeckham)

The post Zbulohet arsyeja se përse David refuzoi ta shihte të birin në ditëlindjen e tij appeared first on iconstyle.al.

David Beckham ka festuar gjysmë shekulli jetë me një seri eventesh që i ngjajnë më shumë një turneu luksoz sesa një ditëlindjeje. Katër ditë festime, udhëtime me avion privat, verë ekskluzive nga Bordeaux dhe yje të Hollywood-it në tavolinë—por me një detaj që nuk kaloi pa u vënë re: mungesa e djalit të madh, Brooklyn Beckham, dhe bashkëshortes së tij Nicola Peltz.

Gjithçka nisi në mënyrë intime, me një darkë familjare në shtëpinë e tyre në Cotswolds, për të vijuar me një udhëtim në vreshtin Petrus dhe për t’u mbyllur në Londër, në një darkë që përfshiu edhe Tom Cruise. Por ndonëse menuja ishte perfekte dhe shampanja rridhte lumë, festa përfundimtare u ndërpre në orët e para të mëngjesit, kur autoritetet ndërhynë për shkak të zhurmës që shqetësoi fqinjët e qetë të Kensington-it.

Në rrjetet sociale, Victoria Beckham ndau me ndjekësit momente të veçanta me fëmijët Romeo, Cruz dhe Harper, si dhe një pozë romantike me Davidin pranë një Fiat 500 të vitit 1972. Por në këtë mozaik kujtimesh mungon një figurë: Brooklyn. Asnjë foto, asnjë përmendje. Dhe kjo heshtje, për fansat dhe mediat, flet më shumë se çdo postim.

Në vend të Brooklynit, ishte djali i dytë Romeo ai që mbajti një fjalim emocional gjatë darkës finale, duke u kthyer në simbol të unitetit familjar në një moment që ndoshta nuk ishte aq i përsosur sa u duk në Instagram.

A po shfaqen ndarjet brenda “familjes së artë” Beckham? Apo ishte thjesht një rastësi e pakëndshme? Koha do ta tregojë. Deri atëherë, festat vazhdojnë… për ata që ishin të pranishëm.

The post Beckham feston me yje, por mungon një pjesë e zemrës appeared first on iconstyle.al.

David Beckham festoi 50-vjetorin me një seri eventesh luksoze që zgjatën katër ditë, por festa e fundit në Londër u ndërpre në orët e para të mëngjesit pas ankesave për zhurmë.

Dy zyrtarë të këshillit bashkiak vizituan restorantin “Core” në Kensington në orën 3:35 pas mesnate, pas ankesave nga fqinjët.

Festimet nisën me një darkë familjare në rezidencën e tyre në Cotswolds, vijuan me një udhëtim në vreshtin e preferuar të Davidit në Bordeaux dhe përfunduan me një darkë me yje si Tom Cruise, shkruan DailyMail.

Në qendër të vëmendjes ishte mungesa e djalit të madh Brooklyn dhe bashkëshortes së tij Nicola Peltz, të cilët nuk morën pjesë në asnjë nga eventet, duke nxitur thashetheme për tensione familjare. Në vend të tij, djali i dytë Romeo mbajti një fjalim emocional në darkën përmbyllëse.

Victoria ndau në rrjetet sociale pamje nga festimet, përfshirë momentin ku çifti pozon me një Fiat 500 të vitit 1972 dhe momente intime me fëmijët Romeo, Cruz dhe Harper.

Ajo nuk përmendi Brooklynin në postim, një detaj që ka tërhequr vëmendjen e ndjekësve.

Festimet përfshinë edhe një udhëtim me avion privat në Francë, ku familja shijoi verë nga vreshti ekskluziv Petrus.

Ndërsa David u shpreh i lumtur për momentin, mungesa e birit të madh nuk kaloi pa u vënë re. /Telegrafi/

The post Festa e 50-vjetorit të David Beckham ndërpritet për zhurmë në orën tre të mëngjesit appeared first on Telegrafi.

Victoria Beckham e ka festuar ditëlindjen e 50-të të bashkëshortit të saj, David Beckham, me një video prekëse në Instagram që përmbledh dashurinë, jetën familjare dhe momentet gazmore të çiftit ndër vite.

“Je gjithçka që kam ëndërruar dhe më shumë”, shkruan Victoria, ndërsa ndan një montazh emocionesh ku David shfaqet si babai i përkushtuar, bashkëshorti romantik dhe futbollisti që bëri histori – madje edhe si superheroi i “The Incredibles”.

Në klipin që rikthen kujtime nga dokumentari “BECKHAM”, çifti shihet duke kërcyer me këngën e tyre të zemrës “Islands In The Stream”, rrëshqitur në tobogan, apo përqafuar me fëmijët e tyre Brooklyn, Romeo, Cruz dhe Harper.

View this post on Instagram

A post shared by Victoria Beckham (@victoriabeckham)

Festa nisi me stil në rezidencën e tyre në Cotswolds, me të ftuar ‘black-tie’, kokteje dhe një zhytje nate në liqenin privat. Edhe djemtë e çiftit, Romeo dhe Cruz, ndanë urime të përzemërta për babain e tyre, duke e cilësuar atë si “modelin më të madh në jetë”.

The post Victoria Beckham emocionon ndjekësit me dedikimin për Davidin appeared first on iconstyle.al.

David Beckham ka zbuluar një zakon të tij që ndonjëherë shqetëson familjen. Ish-futbollisti është shumë i organizuar dhe kjo është bërë një sfidë për ata që jetojnë me të.

Në një panel të fundit, Beckham pranoi: “Jam shumë i organizuar dhe kjo ndonjëherë është shumë e lodhshme për familjen time. Ndonjëherë e mërzis gruan dhe fëmijët.” Ai shtoi se shpesh i kujton gruas dhe fëmijëve që pa të, asgjë nuk do të ishte në rregull.

Ky zakon ka pasur një pasqyrë edhe në dokumentarin e tij “Beckham”, ku ka folur për obsesionin me rendin, përfshirë veprime të vogla si organizimi i kanaçeve në frigorifer.

The post David Beckham: Zakonet e mia që i lodhin familjarët appeared first on iconstyle.al.