Pas mbylljes së shkollave për pesë ditë në Santorini, mësohet se institucionet arsimore do të mbyllen edhe në ishujt përreth siç janë Mykonos, Paros dhe Tinos.

Ky zhvillim vjen si pasojë e aktivitetit të lartë sizmik në Santorini në shtatë ditët e fundit, ku sipas EMSC janë regjistruar mbi 555 tërmete të magnitudave nga 2 Rihter deri në 5.1 Rihter.

“Për shkak të aktivitetit intensiv sizmik në Santorini, shkollat, kopshtet publike dhe çerdhet në Paros do të mbyllen për arsye parandalimi ditën e martë, 4 shkurt dhe të mërkurën, 5 shkurt”, njoftuan autoritete në Paros dhe Tinos.

Ndërkohë që në Mykonos mbyllja e shkollave është vetëm për nesër 4 shkurt.

Banorë të shumtë të ishullit të Santorinit dhe turistë që kishin shkuar atje për pushime janë dyndur drejt aeroportit për t’u larguar nga ishulli për shkak të aktivitetit të lartë sizmik që është regjistruar në vend ditët e fundit.

Komiteti i Sizmologëve u mblodh mesditën e sotme në prani të ministrit të krizës klimatike, Vasilis Kikilias dhe zv.ministrit Evangelos Tournas.

U vendos që shkollat të qëndrojnë të mbyllura deri të premten, më 7 shkurt, në Thira , Anafi , Ios dhe Amorgos , ndërsa qytetarëve iu dhanë një sërë rekomandimesh për të shmangur pasojat e mundshme nga një tërmet.

Qytetarët këshillohen të mos banojnë në ndërtesa të vjetra, në rast lëkundjesh të forta, të mos i afrohen bregdetit, të mos bëjnë panik dhe t’u binden autoriteteve.

The post Aktiviteti i lartë sizmik në Santorini/ Qytetarët të shqetësuar për tërmetet, mbyllen shkollat edhe në ishujt përreth appeared first on Gazeta Shqiptare Online.

Dhjetëra zyrtarë të lartë janë dërguar me leje të detyruar. Mijëra kontraktorë janë shkurtuar. Një ngrirje e fondeve ka pezulluar ndihmat prej miliarda dollarësh për vendet e tjera.

Gjatë dy javëve të fundit, administrata e Presidentit Donald Trump ka bërë ndryshime të konsiderueshme në agjencinë amerikane që menaxhon ndihmat humanitare për vendet e tjera. Kjo i ka lënë organizatat e ndihmave në pikëpyetje nëse mund të vazhdojnë me programet, si p.sh. ndihmat ushqimore për foshnjet e kequshqyera dhe për fëmijët.

Duke folur me gazetarët në El Salvador, Sekretari i Shtetit Marco Rubio tha të hënën se:

“Jam unë ushtruesi i detyrës së drejtorit të USAID-it. Ia kam deleguar këtë autoritet dikujt, por qëndroj në kontakt me të. Dhe sërish, qëllimi ynë ishte të angazhoheshim për ta përafruar ndihmën tonë për vendet e tjera me interesin kombëtar”.

“Zhgënjimi im me USAID-in daton që nga koha ime në Kongres. Është një agjenci që nuk ka aspak llogaridhënie. Duhet t’u përgjigjet direktivave të politikave të Departamentit të Shtetit dhe refuzon ta bëjë këtë”.

“E thashë shumë qartë që gjatë seancës time të konfirmimit, se çdo dollar që shpenzojmë dhe çdo program që financojmë do të jetë në përputhje me interesin kombëtar të Shteteve të Bashkuara. Dhe USAID-i vazhdimisht e ka injoruar këtë dhe ka vendosur që të jetë një organizatë globale bamirësie, e ndarë nga interesi kombëtar. Këta janë dollarë të taksapaguesve, dhe kështu unë jam shumë i shqetësuar nga këto njoftime se ata nuk kanë qenë të gatshëm të bashkëpunojnë me njerëz që po bëjnë pyetje të thjeshta se çfarë bën ky program? Kush i merr paratë? Kush janë kontraktorët tanë? Kush financohet, dhe një lloj i tillë mosbindjeje e bën të pamundur kryerjen e një lloji rishikimi të pjekur dhe serioz, që mendoj se duhet ta ketë ndihma për vendet e tjera”

“USAID-i nuk është një entitet i pavarur joqeveritar. Është një entitet që shpenzon dollarët e taksapaguesve dhe duhet t’i shpenzojë, siç thotë statuti, në përputhje me direktivat e politikave që ata marrin nga Sekretari i Shtetit, Këshilli i Sigurisë Kombëtare dhe Presidenti”, tha Sekretari Rubio.

Gjatë periudhës së Luftës së Ftohtë, ish-Presidenti John F. Kennedy themeloi Agjencinë e Shteteve të Bashkuara për Zhvillimin Ndërkombëtar, të njohur si USAID. Në dekadat në vazhdim, republikanët dhe demokratët kanë debatuar në lidhje me agjencinë dhe financimin e saj.

Le t’i hedhim një vështrim USAID-it, historikut të tij dhe ndryshimeve të bëra që kur mori detyrën Presidenti Trump.

Çfarë është USAID-i?

Ish-Presidenti Kennedy e krijoi USAID-in në kulmin e Luftës së Ftohtë me ish-Bashkimin Sovjetik. Ai dëshironte një mënyrë më efikase për t’iu kundërvënë ndikimit sovjetik në skenën ndërkombëtare, nëpërmjet ndihmave për vendet e tjera, një funksion për të cilin Departamenti i Shtetit iu duk më burokratik se ç’duhej.

Kongresi miratoi Ligjin për Ndihmën e Jashtme dhe ish-Presidenti Kennedy krijoi USAID-in si një agjenci të pavarur, në vitin 1961.

USAID-i vazhdoi të funksionojë edhe pas rënies së Bashkimit Sovjetik në vitin 1991. Në ditët e sotme, mbështetësit e USAID-it thonë se ndihma e USAID-it në vendet e tjera, i kundërvihet ndikimit të Rusisë dhe Kinës. Kina ka programin e saj “Një Brez Një Rrugë” për ndihmat për vendet e tjera dhe ushtron aktivitet në shumë vende që Shtetet e Bashkuara dëshirojnë t’i kenë partnere.

Kritikët thonë se programet janë një shpërdorim dhe nxisin një axhendë liberale.

Çfarë po ndodh tani me USAID-in?

Në ditën e tij të parë në detyrë më 20 janar, Presidenti Trump vendosi një ngrirje 90-ditore të ndihmave për vendet e tjera. Katër ditë më vonë, Peter Marocco, i emëruar politik që nga administrata e parë Trump, hartoi një interpretim më të ashpër se ç’pritej të këtij urdhri, duke mbyllur mijëra programe në mbarë botën, duke shkaktuar shkurtime dhe shkarkime.

Sekretari i Shtetit Marco Rubio ka ndërmarrë hapa për të ruajtur funksionimin gjatë ngrirjes, të disa programeve të emergjencës që shpëtojnë jetë njerëzish. Por konfuzioni se cilat programe përjashtohen nga urdhrat për ndalimin e punës dhe frika se mund ta humbasin përgjithmonë ndihmën amerikane, ka ndalur punën për ndihmat dhe zhvillimin në mbarë globin.

Dhjetëra zyrtarë të lartë janë larguar me leje të detyruar, mijëra kontraktorë janë shkurtuar dhe punonjësve iu tha të hënën të mos hyjnë në selinë qendrore në Uashington. Dhe faqja e internetit e USAID-it dhe llogaria e saj në platformën X nuk janë funksionale.

Kjo është në kuadrin e masave që administrata e Presidentit Trump po ndërmerr në qeverinë federale dhe për programet e saj. Por USAID-i dhe ndihma për vendet e tjera janë ndër ato që janë goditur më shumë.

Sekretari Rubio tha se qëllimi i administratës ishte një rishikim, program pas programi, për të parë se cilat projekte e bëjnë “Amerikën më të sigurt, më të fortë ose më të begatë”.

Vendimi për mbylljen e programeve të financuara nga Shtetet e Bashkuara gjatë rishikimit 90-ditor nënkuptonte se SHBA-të “do të merrnin shumë më tepër bashkëpunim” nga përfituesit e ndihmës humanitare, për zhvillimin dhe sigurinë, tha Sekretari Rubio.

Çfarë thonë kritikët e USAID-it?

Republikanët zakonisht kërkojnë që t’i jepet Departamentit të Shtetit – që i jep udhëzime të përgjithshme për politikën e jashtme USAID-it – më shumë kontroll mbi politikën dhe fondet e tij. Demokratët zakonisht kërkojnë autonominë dhe autoritetin e USAID-it.

Republikanët kanë synuar tradicionalisht të shkurtojnë financimin për agjencitë e Kombeve të Bashkuara, përfshirë agjencitë paqeruajtëse, të të drejtave të njeriut dhe refugjatëve. Administrata e parë Trump ndërmori hapa për të reduktuar shpenzimet për ndihmat ndërkombëtare, duke pezulluar pagesat për agjenci të ndryshme të OKB-së, përfshirë Fondin e Popullsisë së OKB-së dhe fondet për Autoritetin Palestinez.

Në mandatin e parë të Presidentit Trump, Shtetet e Bashkuara u tërhoqën nga Këshilli i OKB-së për të Drejtat e Njeriut dhe detyrimet e saj financiare ndaj këtij organi. Shteteve të Bashkuara gjithashtu u ndalohet të financojnë agjencinë e OKB-së për refugjatët palestinezë, ose UNRWA, sipas një projektligji të nënshkruar nga ish-Presidenti Joe Biden marsin e kaluar.

Përse Elon Musk-u është përqëndruar tek USAID-i?

Departamenti i Efikasitetit të Qeverisë (DOGE), i drejtuar nga zoti Musk, ka nisur një përpjekje gjithëpërfshirëse, të autorizuar nga Presidenti Trump, për të shkurtuar punonjësit e qeverisë dhe për të shkurtuar triliona dollarë nga buxheti i qeverisë. USAID-i është një nga objektivat e tij kryesore. Zoti Musk pretendon se fondet e USAID-it janë përdorur për të ngritur programe vdekjeprurëse dhe e quajti atë një “organizatë kriminale”.

Cilat janë pasojat e ngrirjes së fondeve të USAID-it?

Afrika Nën-Sahariane mund të vuajë më shumë se çdo rajon tjetër gjatë pauzës së ndihmës. Shtetet e Bashkuara i dhanë rajonit mbi 6.5 miliardë dollarë ndihma humanitare vitin e kaluar. Pacientët me HIV/AIDS në Afrikë që mbërrinin në klinika të financuara nga një program i mirënjohur amerikan që ndihmoi në frenimin e epidemisë globale të AIDS-it të viteve 1980, i gjetën dyert të mbyllura.

Tashmë ka pasoja edhe në Amerikën Latine. Në Meksikë, një qendër pritjeje për emigrantët në jug të Meksikës ka mbetur pa mjek. Një program për të ofruar mbështetje për shëndetin mendor për të rinjtë nga komuniteti LGBTQ+ që iknin nga Venezuela, u shpërbë.

Në Kolumbi, Kosta Rika, Ekuador dhe Guatemalë, të ashtuquajturat “Zyrat e Lëvizjes së Sigurt” ku emigrantët mund të aplikojnë për të hyrë ligjërisht në SHBA, janë mbyllur.

Komuniteti i organizatave të ndihmave po përpiqet të krijojë një ide të plotë – se sa mijëra programe janë mbyllur dhe sa mijëra punonjës janë pushuar nga puna me ngrirjen e programeve?

Sa shpenzojnë SHBA-të për ndihmën për vendet e tjera?

Në total, Shtetet e Bashkuara shpenzuan rreth 40 miliardë dollarë në ndihma për vendet e tjera në vitin fiskal 2023, sipas një raporti të publikuar muajin e kaluar nga Shërbimi Kërkimor i Kongresit, një entitet jopartiak.

Shtetet e Bashkuara janë kontribuesi më i madh i ndihmës humanitare në nivel global, megjithëse disa vende të tjera shpenzojnë një pjesë më të madhe të buxhetit të tyre për këtë qëllim. Ndihma për vendet e tjera në përgjithësi arrin në më pak se 1% të buxhetit të Shteteve të Bashkuara.

A mundet ta shkrijë Presidenti Trump USAID-in pa miratim nga legjislativi?

Demokratët thonë se presidentëve u mungon autoriteti kushtetues për të eliminuar USAID-in. Por nuk është e qartë se çfarë do ta ndalonte një përpjekje të tillë.

Një version në miniaturë i betejës së mundshme ligjore u zhvillua në mandatin e parë të Presidentit Trump, kur ai u përpoq të shkurtonte me një të tretën buxhetin për operacionet e huaja.

Kur Kongresi refuzoi, administrata Trump përdori ngrirje dhe taktika të tjera për të shkurtuar fluksin e fondeve të caktuara tashmë nga Kongresi për programet e jashtë vendit. Zyra e Përgjithshme e Kontabilitetit më vonë vendosi se ishte shkelur një ligj i njohur si Akti i Kontrollit të Mbylljes.

Është një ligj për të cilin mund të dëgjojmë më shumë në periudhën në vazhdim.

“Jeto me urdhër ekzekutiv, vdis me urdhër ekzekutiv”, tha zoti Musk të shtunën në rrjetin X, duke iu referuar USAID-it./VOA

The post Mbyllja e agjencisë USAID/ Sekretari i Shtetit Marco Rubio: Nga vijnë këto para dhe sa shpenzojnë SHBA-të për ndihma për vendet e tjera appeared first on Gazeta Shqiptare Online.

Analisti Fitim Zekthi solli sot në studion e emisionit ”Open” në News 24 lidhur me Kuvendin Rinor që zhvilloi ditën e shtunë Partia Socialiste.

Zekthi tha se një pjesë e konsiderueshme e të rinjve shqiptarë nuk kanë asnjë lidhje me politikën dhe se sipas tij ata nuk njohin as politikanet kryesorë të Shqipërisë.

Fitim Zekthi: PS është kthyer në një objekt adhurimi nga ata që e ndjekin. Aty ekziston vetëm Rama dhe askush tjetër, kushdo që shkon aty shkon për shkak të kultit për Ramën. Rama ndoshta e bën me qëllim, ai e di që këto janë gjëra që njerëzit mund t’i tallin. Kontakti i asaj moshe me politikën është zero. Rinia studentore as s’e dinë fare kush janë politikanet shqiptarë.
Nuk e dinë fare Aleksandër Meksin, kanë dëgjuar vetëm Berisha, Rama. Rinia tufë e madhe grup i madh votuesish nuk e kanë idenë fare se çfarë ndodh në politikë, ata qe janë 16 deri në 25.

Rama me këto meme bie në kontakt me të rinjtë.
Teknikë komunikimi i kryeministrit, ndonëse e di që do tallet nga populli, por të paktën të rinjtë do bien në kontakt me Ramën. Sot kërkohet thjesht vëmendja. Këta të rinj që shkojnë te Rama nuk janë e mirë për Shqipërinë…

The post “Rinia tufë e madhe votuesish që nuk e kanë idenë se çfarë ndodh në politikë”- Buja që bëri Kuvendi Rinor i PS, Zekthi: Kushdo shkon për shkak të kultit për Ramën appeared first on Gazeta Shqiptare Online.

Gazetari Martin Leka ka komentuar fjalimet e të rinjve në Kuvendin Rinor Kombëtar të Partisë Socialiste. Sipas tij këta të rinj kanë zgjedhur modelin e vjetër, që siç thotë ai duhet zhbërë.

I ftuar në emisionin “Open” në News24, Leka deklaroi se të rinjtë mundohen të kopjojnë liderët e tyre, por theksoi se fjalimet e Ramës nuk mund të kopjohen, pasi ngjajnë shumë shëmtuar.

“E kam thënë para shumë pak kohësh, që edhe të rinjtë e partive kanë zgjedhur modelin dhe modeli është modeli i vjetër. Modeli i Sali Berishës dhe i Edi Ramës. Ka një ndryshim, sepse në fakt Rama për natyrën e vet ato fjalimet i qan dhe cdo kopje e tij është gjeja më e shëmtuar që mund të bëhet. Kurse e njëjta histori nuk mund të thuhet për palën tjetër, por është e njëjta gjuhë prej vitesh. Kur shikon këta të rinj që nuk ikin nga shtrati i fjalimeve që janë vetëm elozhe për liderët e partive, dalim në konkluzion që beteja që bëhet me të rinjtë është beteja që ka në themel kolonat e së vjetrës. Këta janë një model që duhet zhbërë. Këta duhet të ndjekin një model tjetër dhe jo atë të liderit”, tha Leka.

The post “Rama i qan fjalimet, çdo kopje e tij është gjëja më e shëmtuar”- Gazetari Leka: Të rinjtë duhet të ndjekin një model tjetër appeared first on Gazeta Shqiptare Online.

Klubi i Aston Vilës ka bërë në lëvizje të rëndësishme në ditën e fundit të merkatos së transferimeve për të përforcuar radhët e tij. Klubi anglez ka siguruar firmën e një emri shumë të njohur, spanjollit Marko Asensio.

Futbollisti i cili ishte pjesë e Real Madrid për shumë vite, duke fituar 3 herë Ligën e Kampioneve me të, ishte bërë pjesë e PSG-së por nuk po gjente hapësira nën drejtimin e Luis Enrikes, ndaj po kërkonte një sistemim të ri.

Në këtë moment ka hyrë në garë Aston Vila, e cila kërkonte përforcime për mesfushën dhe repartin e avancuar, e dobësuar ndjeshëm pas shitjes së Xhon Duran te Al Nasr. Akordi është arritur shpejt për huazimin deri në fund të sezonit, me të drejtën e blerjes përfundimtare të futbollistit 29-vjeçar spanjoll.

The post Aston Vila bën goditjen e madhe, zyrtarizon fituesin e tre Ligave Kampionesh me Real Madridin appeared first on Gazeta Shqiptare Online.

Kievi thotë se propozimi i Uashingtonit për paqe deri më tani është “plan i dështuar”, duke argumentuar se përpjekjet e Uashingtonit për një armëpushim dhe zgjedhje në Ukrainë nuk janë të mjaftueshme për të “frikësuar” presidentin rus, Vladimir Putin.

Keith Kellogg, i dërguari i posaçëm i presidentit amerikan Donald Trump, tha më 2 shkurt se të dyja palët duhet të bëjnë koncesione nëse shpresojnë të negociojnë një zgjidhje për luftën.
Presidenti ukrainas, Volodymyr Zelensky, “veçse ka lënë të kuptohet se do të zbusë qëndrimin e tij”, tha Kelogg. “Dhe presidenti rus, Vladimir Putin, po ashtu do të zbusë qëndrimin e tij”.

“Ne do të kemi diskutime me të gjithë dhe besoj në një të ardhme të afërt”, shtoi ai. “Do kjo është e mirë për të dyja palët”.
Kellogg i tha Reuters se Uashingtoni dëshiron që Ukraina të mbajë zgjedhje, potencialisht në fund të këtij viti, veçmas nëse arrihet marrëveshje për ndaljen e luftimeve.

Dmytro Lytvyn, ndihmës i Zelenskyt, tha më 2 shkurt se “nuk e kemi parë intervistën e plotë të zotit Kellogg, por vetëm disa citate për zgjedhjet, prandaj është e vështirë që të vlerësohet qëndrimi i tij”.

“Por, nëse plani i tij është vetëm armëpushim dhe zgjedhje, është një plan i dështuar – Putin nuk do të frikësohet vetëm me këto dy gjëra”, tha ai për Reuters.

Në Ukrainë vazhdon të jetë në fuqi gjendja e luftës dhe shteti nuk ka mbajtur zgjedhje që kur Rusia ka nisur pushtimin e shtetit më 2022 – diçka që Kellogg tha se lejohet sipas Kushtetutës ukrainase.

Putin e ka cilësuar Zelenskyn si udhëheqës “jolegjitim”, pasi mandati i tij presidencial zyrtarisht ka skaduar.

Pas deklaratave të Kelloggit, Trump tha se bisedimet me Ukrainën dhe Rusinë po shkojnë “shumë mirë”.

“Ne kemi takime dhe bisedime të arazhuara me shumë palë, përfshirë Ukrainën dhe Rusinë. Mendoj se këto diskutime janë duke shkuar shumë mirë”, tha ai pa përmendur diçka specifike.

Zelensky ka refuzuar çfarëdo marrëveshje që do t’i kërkonte atij të bëjë koncesione territoriale me Rusinë, shtet që kontrollon pjesë të mëdha të juglindjes së Ukrainës dhe Gadishullin e Krimesë.

Disa nga territoret, Moska i ka marrë nën kontroll më 2014 para se të niste pushtimin në shkallë të plotë.

Megjithatë, Ukraina – që ka më pak armë e më pak ushtarë sesa forcat ruse – ka pësuar humbje të mëdha në fushëbetejë në muajt e fundit, duke rritur presionin ndaj Zelenskyt që të zbusë qëndrimin sa i përket humbjes së territorit, të paktën përkohësisht.

E ardhmja e ndihmës ushtarake amerikane po ashtu është e paqartë. Trump ka kritikuar sasinë e ndihmës që i është dhënë Kievit, që sipas Kellogg arriti në vlerë prej 174 miliardë dollarësh gjatë administratës paraprake.

Rusia po ashtu ka pësuar humbje të mëdha në fushëbetejë dhe ekonomia e saj është rrënuar për shkak të shpenzimeve ushtarake dhe sanksioneve të vendosura nga Perëndimi.

Trump është zotuar se do t’i japë fund luftës shpejtë, por nuk ka dhënë detaje për ndonjë plan të mundshëm me të cilin do të mund të pajtoheshin palët.

Kellogg më 31 janar tha se Trumpi kishte një strategji “solide” për t’i dhënë fund luftës në Ukrainë, brenda muajsh. Por, as ai nuk ka dhënë detaje se si do të ndodhë kjo.

Vlerësimi i të dërguarit Kellogg vjen teksa në prapaskenë po zhvillohen negociata për të gjetur një mënyrë për t’i dhënë fund luftës gati trevjeçare.

Putin ka thënë se ka vullnet që të takohet dhe ka përgëzuar Trumpin për nismën. Ai po ashtu ka hedhur poshtë mundësinë e bisedimeve me Zelenskyn, gjë që potencialisht mund të ndërlikojë çfarëdo negociate në të ardhmen.

Ukraina kërkon garanci afatgjata të sigurisë, përfshirë edhe mundësinë e dërgimit të trupave paqeruajtëse perëndimore për të parandaluar Rusinë që të rindërtojë forcat e saj dhe ta sulmojë sërish pas një armëpushim./REL/

The post “Propozimi i Uashingtonit për paqe ‘plan i dështuar'” – Kievi për luftën mes Rusisë dhe Ukrainës: Putin nuk do të frikësohet vetëm me… appeared first on Gazeta Shqiptare Online.

Astologia Meri Shehu bën renditjen e shenjave të horoskopit për muajin shkurt.

Në intervistën e saj për “Rudina” në Tv Klan astrologia bëri renditjen nga shenja më me pak fat në ajo që do të triumfojë muajin e dashurisë.

12. Virgjëresha – Duhet të presin fundin e muajit sepse në datën 28 do të ndodhë një Hënë e re përballë shenjës së tyre dhe shumë Virgjëresha do të komplikohen pak në çështje bashkëpunimesh ose ekonomike. Nga ana tjetër mund të marrin një fillim të ri.

Nuk do të komplikohen dhe aq shumë sepse Hëna e plotë në fakt do u japë një lloj shpagimi shpirtëror, por nuk do të ndjehen të hapur. Do të ndjehen sikur nuk janë vetvetja. Pikërisht fakti që nuk ndjehen vetvetja do të çlirohet në fund të Shkurtit dhe gjithë atë presionin e muajit që nuk e kanë dhënë siç duhet do e japin në fund të muajit. Pas datës 4, Virgjëreshat ngelen një nga shenjat që fati mund t’iu trokasë atje ku nuk e presin.

11. Bricjapi – Do të bëjnë një trekëndësh të fuqishëm me Afërditën në shenjën e Dashit, që do u japë një lloj energjie. Por, kanë qenë disi të çoroditur në lidhje me punën dhe rrëmujë në përditshmërinë e tyre. Shpresojmë që ta marrin veten pas datës 4. Mërkuri në Peshk do u japë miqësi dhe afrimitete të mira. Por, Afërdita që futet në Dash dhe në shtëpinë e tyre të katërt, duhet ta shfrytëzojnë për të normalizuar marrëdhëniet e tyre familjare ose për të rregulluar çështjet e punës.

Marsi qëndron përballë tyre në shenjën e Gaforres, i cili deri në datën 25 do të jetë i kundërt. Duhet të kenë kujdes në bashkëpunimet me eprorët dhe në martesat në çift në këtë periudhë.

10. Peshorja – Është në kundërshtim me Afërditën në Dash, do të thotë që Peshoret kanë nevojë për një partner që do u japë shumë dashuri ose e kanë të nevojshme që dikush t’u japë iniciativën e parë, qoftë në bashkëpunime, qoftë në variant pune, qoftë në dashurinë e tyre. Kështu që fakti që po e presin nga dikush tjetër i lë në këtë pozicion.

Megjithatë Afërdita në Dash është një simbol i mirë dhe do u ofrohen shumë bashkëpunime dhe partneritete, madje fejesa e martesa të mira. Por, nuk janë sipas stilit të tyre sepse u del përpara një partner shumë herë më shumë erotik nga sa do të pretendonin. Të mos harrojmë Marsin në Gaforre, kështu që në karrierë deri në datën 25 duhet të bëjnë maksimumin për të përmirësuar gjërat.

9. Gaforrja – Janë një nga shenjat kardinale që do të kenë katërkëndësh me Afërditën në Dash. Këta do të kenë një ngritje në karrierë, një performancë më të mirë, do të marrin një stimul, reklamim, do të bien në sy. Dhe këtu pretendohet që të kemi fejesa apo martesa. Por, vazhdon që të ngelet Marsi në shenjën e tyre, planeti i luftës kështu që deri në datën 25 do të ketë situata të komplikuara në çështje delikate, të marrëdhënieve me të tjerët dhe në gjëra që ata duan të bëjnë.

8. Demi – Duke qenë deri në datën 12 nën ndikimin e Hënës së Plotë në Luan do të merren shumë me çështje që kanë të bëjnë me familjen. Këtu do të vendoset një plan shumë i fuqishëm, thuhet fjala e fundit, ose “ndahet shapi nga sheqeri”, në disa çështje të rëndësishme familjare.

Demët që nuk kanë pasur guxim për të ndarë gjërat tashmë do e kenë. Do të thonë gjërat dhe madje do të jenë të prerë në vendimet e tyre. Kështu që ose do të bëhen shumë uzurpues e askush nuk del nga perimetri i sigurisë së tyre ose ata njerëz që i kanë mbajtur me shumë forcë do i zbojnë një herë e përgjithmonë. Është një “perandori” që mund të hapë portat përfundimisht për të hyrë ose për të dalë dikush.

7. Shigjetari – Do të flirtojnë shumë këtë muaj. U vjen fati ashtu siç e duan, sepse Afërdita në Dash dhe Hëna e plotë në Luan do ua sjellin gjërat ashtu siç i duan. Njihen që janë shenjë me fat, por këtë muaj do e shijojnë fatin e tyre më së miri. Do të udhëtojnë, do kenë kontakte me jashtë dhe në këtë periudhë do të ndjehen më të relaksuar. Gjërat dhe punët e tyre do të marrin një drejtim, do të kenë guxim të sqarojnë, të bashkëpunojnë dhe të jenë vetvetja. Do të mendojnë seriozisht për fillime të reja e punë të mira në fund të muajit.

6. Luani – Do të kenë Hënën e plotë në fund të muajit në datën 12 dhe ky është një lajm i mirë për ta, sepse kanë qenë të lodhur dhe kanë kaluar shumë peripeci. Marsi në Gaforre, në shtëpinë e tyre të 12-të ka bërë namin në këtë periudhë. Por, do të ndriçohen, do të marrin guximin për të thënë, për të bërë dhe për të pretenduar gjëra.

Kështu në çështje pune dhe ekonomike duhet të pranojnë faktin që mund të humbin diçka që nuk iu përket. Gjithsesi do të kenë guximin që të humbasin dhe të fitojnë gjërat me dinjitet.

5. Ujori – Janë një nga shenjat më me fat në dashuri. Afërdita ua jep këtë mundësi, madje edhe të udhëtojnë apo të kontaktojnë. Mund të bëjnë për vete këdo në këtë periudhë. Kanë një armë të fortë, Afërditën në Dash dhe Hënën e plotë në shenjën e tyre që u jep mundësi për një bashkëpunim, fejesë dhe martesë.

4. Binjakët – Pavarësisht se në çështjet ekonomike kanë disa trazira dhe shkelin në monopate të pasigurta me Mërkurin që do të futet në datën 14 në shenjën e Peshqve, do të bëjnë biseda, por gjithmonë do të kenë një rrëmujë apo paqartësi.

Pavarësisht kësaj Jupiteri në shenjën e tyre kthehet në kurs të drejtë dhe gjithë ngatërresat, vonesat, pezullimet, që kanë ndodhur deri tani këto muajt e fundit në jetën e tyre do të fillojnë të çlirohen. Kështu që pas datës 4 Binjakët edhe do të flirtojnë bukur, por edhe do të zgjidhin shumë çështje nga e kaluara.

3. Akrepi – Kanë pasur periudha të mira erotike me Afërditën në shenjën e Peshkut dhe tashmë që futet Afërdita në shenjën e Dashit do të merren shumë me punën. Do të argëtohen shumë në jetën e përditshme, do të shpenzojnë, do të duken bukur, do jenë të këndshëm dhe do të çlirohen shumë nga çështjet e komplikuara.

Por, dhe këta me Hënën e plotë në Luan në datën 12 do të gjejnë guximin që të thonë dhe të kërkojnë gjëra dhe të bëhen më të fortë nga sa pretendohet se janë.

2. Peshqit – Deri tani kaluan disi mirë, pavarësisht se është Saturni në shenjën e tyre, megjithëse pas disa muajsh do të çlirohen nga “polici” që është në shenjën e tyre. Me Afërditën në Dash do të merren shumë me çështjet ekonomike. Por, në datën 14 futet Mërkuri në shenjën e tyre dhe Peshqit do të kenë shumë komunikim, do të kenë udhëtime dhe kontakte. Çështjet familjare pas datës 4 do të marrin një drejtim shumë pozitiv.

1. Dashi – Pranvera këtë vij vjen më shpejt! Duke u futur Afërdita në shenjën e tyre Dashët do të përjetojnë një pranverë në mes të këtij dimri. Do të kenë erotizma, para, do të ndjehen mirë, do të bëhen më sharmantë, do të hedhin të gjithë paratë në ajër. Hëna e plotë që është në datën 12 do u japë një avantazh shumë pozitiv Dashëve.

The post “Takime romantike, flirtime dhe…” Renditja e shenjave të horoskopit sipas Meri Shehut: Do të kenë më shumë fat në muajin e ‘dashurisë’ appeared first on Gazeta Shqiptare Online.

Presidenti i SHBA-ve, Donald Trump ka rënë dakord të ndalojë tarifat 25% për mallrat nga Meksika, disa orë përpara se ato të hynin në fuqi, ndërsa të martën pritet të hyjnë në fuqi tarifat  për Kanadanë dhe Kinën.

Por presidentja meksikane ka thënë se do të dërgojë 10,000 ushtarë në kufirin amerikan në një marrëveshje me Donald Trump për të “pezulluar” tarifën prej 25%.

Claudia Sheinbaum thotë se ka pasur një “bisedë të mirë” me Trump, ku të dy diskutuan një “gamë çështjesh”.

Ajo thotë se telefonata zgjati të 30-45 minuta dhe u zhvillua disa orë përpara se tarifa për mallrat nga Meksika të hynte në fuqi.

“Ne folëm për interesat tona të përbashkëta,” thotë ajo.

“Ne thamë se do të punonim së bashku për migracionin, i cili funksionoi mirë.”

Sheinbaum thotë se “do të ketë një pezullim” që SHBA të vendosë tarifa 25% për mallrat nga Meksika për një muaj.

Meksika gjithashtu do të përforcojë kufirin e saj të përbashkët me SHBA-në me 10,000 trupa të Gardës Kombëtare, të cilët do të vendosen menjëherë, shton ajo.

Presidentja meksikane thotë gjithashtu se ajo “shpjegoi seriozitetin” e armëve me fuqi të lartë që mbërrinin nga SHBA dhe  shkonin në duart e grupeve kriminale.

“Kjo u jep atyre fuqi,” thotë ajo. “Ne kërkuam që SHBA të ndihmojë gjithashtu vendin tonë duke ndihmuar në ndalimin e këtij trafiku të armëve… ai ra dakord”, u shpreh Presidentja e Meksikës.

The post “Do të vendosim 10 mijë trupa në kufi me SHBA” – Pezulluan tarifën në Meksikë, ja marrëvesha mes Trump dhe Sheinbaum appeared first on Gazeta Shqiptare Online.

Presidenti i SHBA Donald Trump nënshkroi sot një urdhër ekzekutiv, përmes të cilit urdhëron Departamentin e Thesarit dhe Tregtisë amerikane të krijojë një fond sovran të pasurisë.

Sipas burimeve të Reuters, Trump hodhi në tryezë mundësinë që SHBA të blejë nga Kina platformën e rrjeteve sociale blejë TikTok.

“Ne do ta përballojmë këtë gjë brenda 12 muajve të ardhshëm. Ne do të fitojmë para nga ana e aseteve të bilancit të SHBA për popullin amerikan,” u tha gazetarëve Sekretari i Thesarit Scott Bessent.

Sipas mediave të huaja, Trump ka thënë se fondi sovran amerikan mund të përdoret gjithashtu për të blerë platformën e mediave sociale TikTok.

Që prej rikthimit në Shtëpinë e Bardhë për mandatin e tij të dytë si president i SHBA, Trump ka lëshuar një ‘stuhi’ urdhrash ekzekutivë për një gamë të gjerë çështjesh,  duke nisur nga tarifat tregtare deri te njohja e vetëm dy gjinive, mashkull dhe femër.

Kujtojmë se vetëm 12 orë pas mbylljes së TikTok në Shtetet e Bashkuara nga administrata e ish-presidentit Biden, Trump sapo u emërua president i vendit riktheu aplikacionin  për shumë përdorues, thuajse sikur të mos ishte bllokuar kurrë.

Kjo lëvizje erdhi sapo Donald Trump u betua zyrtarisht si president i SHBA-ve më 20 janar.

The post Urdhëron krijimin e fondit sovran të pasurisë amerikane! Donald Trump hedh në tryezë mundësinë për të blerë aplikacionin ‘TikTok’ appeared first on Gazeta Shqiptare Online.

Diant Ramaj është zyrtarisht lojtar i Borusias së Dortmundit. Gjigantët e Bundesligës e kanë prezantuar portierin shqiptar me kontratë të vlefshme deri në verën e vitit 2029.

23-vjeçari i ka kushtuar 5 milionë euro Dortmundit, që e transferoi nga Ajaksi. Ramaj nuk do të qëndrojë në Gjermani, por do të huazohet.

Kopenhagen do të ketë shërbimet e tij deri në fundin e sezonit. Kjo lëvizje e bujshme për portierin erdhi në çastet e fundit të merkatos, ndërsa ishte paralajmëruar më parë.

PANORAMASPORT.AL

The post ZYRTARE/ Lëvizje e bujshme, Dortmundi prezanton lojtarin shqiptar në çastet e fundit të merkatos appeared first on Gazeta Shqiptare Online.

Në GJKKO ka përfunduar seanca paraprake ndaj deputetit demokrat Asllan Dogjani, i cili akuzohet nga SPAK për fshehje pasurie.

Pas seancës, për mediat, Dogjani është shprehur se kërkesat e tij janë pranuar dhe se gjyqtarja e çështjes vendimin përfundimtar do ta shpallë të premten, 24 janar, ora 10:00.

Dogjani: Vendimi i gjyqtares Rudina Palloj tregoi se ka gjyqtarë të zotë. Uroj që sistemi i drejtësisë të ketë sa më shumë gjyqtarë si kjo sot, që vendosi pavlefshmëri, papërdorshmëri dhe dha një vendim shumë të drejtë. Ajo vendimin përfundimtar do ta japë të premten, por kërkesat tona u pranuan. Sot dha papërdorshmëri, atë që kishim kërkuar ne dhe do të shprehet për pushimin e çështjes ditën e premte.

AKUZA E SPAK

Sipas SPAK, Dogjani ka bërë deklarim të rremë për përfitimin e një apartamenti.

Më 24 Mars 2010, në deklaratën e interesave private para fillimit të detyrës pranë ILDKPKI, deklaroi se kishte përfituar një apartament banimi me sipërfaqe 128.4 m2, i cili ndodhet në rrugën “Hamid Shijaku” në Tiranë, nga shoqëria e ndërtimit “Protial”, në këmbim të konsulencave juridike që i kishte ofruar dhe do t’i ofronte në të ardhmen.

Në mbështetje të këtij deklarimi, ai paraqiti kontratën, tek e cila, i pandehuri u mbështet sërish edhe në deklarimin e datës 16 Qershor 2023, pas zgjedhjes së tij si deputet në Kuvendin e Republikës së Shqipërisë, thotë SPAK.

Ndër të tjera, Prokuroria e Posaçme bën me dije se në ndryshim nga deklarimet e bëra, hetimet e këtij procedimi penal treguan Dogjani është bërë pronari i apartamentit të lartëpërmendur, në të cilën parashikohej se vlera e apartamentit do të ishte 121.980 euro, shumë të cilën i pandehuri ia ka likuiduar shoqërisë, përmes pagesave cash.

“Nga provat shkresore dhe ato të paraqitura nga dëshmitarë, rezulton se kontrata e datës 6 dhjetor 2006 mban të njëjtin numër rep. dhe kol. si ajo e datës 6 shtator 2006, por me ndryshimin e mënyrës së përfitimit të këtij apartamenti. Kjo tregon se kontrata është hartuar në mënyrë fiktive me qëllim deklarimin e rremë të burimit të krijimit të pasurisë së paluajtshme”, thotë SPAK.

The post I pandehur për fshehje pasurie, përfundon në GJKKO seanca ndaj Asllan Dogjanit! Deputeti i PD: Kërkesat e mia u pranuan appeared first on Gazeta Shqiptare Online.

Kryeministri Edi Rama, në Forumin Ekonomik Botëror në Davo, është shprehur se turizmi për Shqipërinë është diçka e re dhe që po sheh një zhvillim të jashtëzakonshëm.

Kreu i qeverisë është shprehur se Shqipërisë i kanë ardhur propozime si ai i dhëndrit të Donald Trump, Jared Kushner, për të investuar në ishullin e Sazanit.

“Turizmi për ne është diçka e re nga e cila po shohim një zhvillim të jashtëzakonshëm, nga hapja e maleve për turistet që duan të ngjiten apo me propozime si ai i Jared Kushner për të investuar, e kompani të mëdha të Lindjes së Mesme që po ndërtojnë një port të madh turistik”, tha Rama.

Më tej, kryeministri tha se “s’ka shans që ne ta minojmë turizmin, pasi është kali ynë i betejës”.

Edi Rama: Turizmi për ne është diçka e re nga e cila po shohim një zhvillim të jashtëzakonshëm, nga hapja e maleve për turistet që duan të ngjiten apo me propozime si ai i Jared Kushner për të investuar, e kompani të mëdha të Lindjes së Mesme që po ndërtojnë një port të madh turistik.

Kështu që nuk ka asnjë shans që ne ta minojmë turizmin, turizmi është kali ynë i betejës. Në të gjitha renditjet e botuara nga të tjerë, shihni që vendet në zhvillimin e turizmit janë krah për krah, Arabia Saudite, Katari dhe ne, por ne nuk patëm Botërorin.

The post “S’ka shanse që ne të minojmë turizmin!”- Rama nga Forumi i Davos: Shqipëria po sheh një zhvillim të jashtëzakonshëm! Kanë ardhur propozime si ai i Jared Kushner appeared first on Gazeta Shqiptare Online.

Kryeministri Edi Rama, nga Forumi Ekonomik i Davos ka folur lidhur me marrëdhëniet e Shqipërisë në Arabinë Saudite, duke thënë se janë vende prej të cilave mund të mësojmë shumë.

Rama tha gjithashtu se Europa duhet të shkurtojë burokracitë, të jetë më e lirë dhe fleksible.

“Doja të shtoja diçka që mendoj se është e rëndësishme lidhur me këtë. Kemi disa avantazhe që jemi pak pas për tu rritur e zhvilluar nga ato që kanë bërë të tjerët. Për shembull, Arabia Saudite dhe vendet e Gjirit janë një vend i jashtëzakonshëm prej të cilëve mund të mësosh.

Dhe sapo mëson për mënyrën sesi bëhen gjërat, mëson se përtej miteve dhe stereotipeve, ata po investojnë në mënyrë të jashtëzakonshme në dije, në arsimim në nivelin më të lartë. Kjo është ajo që po përpiqemi të bëjmë në një nivel tjetër. Po angazhojmë arkitektë të jashtëzakonshëm nga bota dhe po u japim jetë produkteve arkitekturore që nuk i gjen në rajon.

Kur e krahason me Europën, Europa është e bekuar nga e shkuar e lavdishme.

Problemi i Europës sot është të ndajë mendjen dhe të fillojë të shkurtojë burokracinë, ta bëjë kontinentin më të lirë dhe fleksibël”, tha Rama.

Kreu i qeverisë foli edhe për turizmin duke thënë se 2024 Shqipëria e ka mbyllur vitin me 12 milionë turistë.

“Ne patëm një aeroport që ishte i shkretuar për të ardhur në Shqipëri duhet të ishe marksist leninist. Kishim një mesatare prej 5 mijë turistësh, ndërsa vitin e kaluar e mbyllëm me një 12 milionë të tillë. Ka një rritje trafiku me hyrje dalje të jashtëzakonshme”, tha Rama.

The post Forumi Ekonomik Botëror, Rama: Europa të heqë dorë nga burokracitë, duhet ta bëjë kontinentin më… appeared first on Gazeta Shqiptare Online.

Presidenti amerikan Donald Trump tha se ai ka të ngjarë të vendosë sanksione ndaj Rusisë, nëse presidenti i saj Vladimir Putin, refuzon të negociojë për t’i dhënë fund luftës në Ukrainë.

Presidenti Trump nuk dha hollësi mbi sanksionet e mundshme shtesë. Shtetet e Bashkuara tashmë e kanë sanksionuar rëndë Rusinë për shkak të agresionit të saj në Ukrainë, në shkurt të vitit 2022.

Ai tha të martën se administrata e tij po shihte gjithashtu çështjen e dërgimit të armëve në Ukrainë, duke shtuar pikëpamjen e tij se Bashkimi Evropian duhet të bëjë më shumë për të mbështetur Ukrainën.

“Ne po flasim me (Presidentin ukrainas Volodymyr) Zelensky, do të flasim shumë shpejt me Presidentin Putin”, tha zoti Trump.

Ai tha se kishte bërë trysni Presidentit kinez Xi Jinping në një bisedë telefonike, të ndërhyjë për ta ndaluar luftën në Ukrainë.

“Ai nuk ka bërë shumë për këtë. Ai ka shumë … pushtet, sikurse ne kemi shumë pushtet. Unë i thashë, “duhet ta rregullojmë këtë. Ne e diskutuam këtë çështje”, shtoi Presidenti Trump.

Menjëherë pas inaugurimit të tij, Presidenti Trump tha se duke mos negociuar një përfundim të luftës së saj me Ukrainën, Presidenti rus Vladimir Putin po “shkatërron Rusinë”./voa

The post Donald Trump paralajmëron Rusinë: Do vendosim sanksione nëse Putini nuk negocion për Ukrainën appeared first on Gazeta Shqiptare Online.

Edhe pse duhet të konsumojmë vitaminë C çdo ditë, shumë mund të jetë e dëmshme.

Vitamina C shpesh përmendet si lëndë ushqyese që rrit sistemin imunitar, por në fakt është thelbësore për shëndetin e përgjithshëm, jo ​​vetëm për sistemin imunitar.

Trupi ka nevojë për vitaminë C për të prodhuar kolagjen të ri, indin lidhor që i jep lëkurës elasticitet dhe ndihmon në shërimin e plagëve.

Vitamina C gjithashtu vepron si një antioksidant, duke luftuar radikalet e lira që dëmtojnë qelizat dhe indet dhe rrisin shanset për të zhvilluar sëmundje kronike, duke përfshirë disa lloje të kancerit. Ai gjithashtu lejon trupin të thithë hekurin bimor (jo-hem) dhe luan një rol në metabolizmin e proteinave.

Nivele të sigurta të konsumit

Këto ndryshojnë sipas gjinisë. Meshkujt kanë nevojë për 90 miligramë në ditë, ndërsa femrat 75. Gjatë shtatzënisë dhe ushqyerjes me gji, femrave u nevojiten përkatësisht 85 miligramë dhe 120 miligramë.

Përveç kësaj, nëse pini duhan, duhet të merrni edhe 35 miligramë të tjerë. Për shumicën e njerëzve, një portokall i madh ose një filxhan luleshtrydhe, speca të kuq të copëtuar ose brokoli ofrojnë mjaftueshëm vitaminë C çdo ditë.

Mund të konsumoni në mënyrë të sigurt shumë më tepër pa komplikime serioze, por duhet të kufizoni marrjen tuaj në më pak se 2000 miligramë. Nëse merrni shumë ose disa doza më të vogla gjatë ditës, kjo tepricë mund të çojë në probleme. Vitamina C nuk ka gjasa të shkaktojë probleme serioze nëse jeni përgjithësisht të shëndetshëm.

Megjithatë, meqenëse sistemi juaj do të përpiqet të largojë vitaminën C të tepërt nga zorrët, do të keni probleme gastrointestinale. Dhimbje të forta të barkut, fryrje, diarre, nauze dhe dhimbje koke ose pagjumësi mund të shfaqen pas marrjes së një doze të madhe të vitaminës C. Efekte më serioze shëndetësore janë të mundshme nga doza të mëdha (deri në 10,000 miligram), megjithëse hulumtimet janë të paqarta.

Kur merrni sasi të mëdha të vitaminës, trupi juaj thith më shumë hekur jo-hem nga ushqimet bimore, duke rritur potencialisht nivelet e hekurit në trupin tuaj. Mund të rrisë gjithashtu mundësinë e gurëve në veshka, dhe në disa raste, mund të ndodhin edhe defekte në lindje ose reduktim i kapacitetit antioksidues dhe nivele të ulëta të vitaminës B-12, thonë ekspertët.

Nevojiten kërkime të mëtejshme për të vërtetuar nëse këto efekte anësore lidhen drejtpërdrejt me mbikonsumimin e vitaminës C. Sasi të mëdha të vitaminës C mund të ndërveprojnë me disa medikamente me recetë, siç janë antikoagulantët, prandaj duhet të informoni gjithmonë mjekun tuaj.

The post Efektet anësore të konsumimit të tepërt të vitaminës C appeared first on Gazeta Shqiptare Online.

Janë vetëdorëzuar në policinë e Shkodrës Izmir Sakica dhe Samuel Troshani, të shpallur në kërkim për masakrën me 4 viktima në Dobraç.

 

Dyshohet se dy personat e vetëdorëzuar ditën e sotme kanë lidhje edhe me masakrën me 4 viktima në Dobraç, ku u vra Arlind Bushati, Hamza Lici dhe çifti Flutura dhe Bashkim Basha.

Dy të rinjtë që dyshohen që kanë lidhje me atentatin, por ata zyrtarisht kanë qenë në kërkim nga Policia për rastin e rrahjes së shtetasit Vladimir Bruçi në lagjen Rus në Shkodër.

Troshani dhe Sakica shoqëruan nga avokati Sokol Tahira, gjatë vetëdorëzimit.

Kujtojmë se në masakrën në Dobraç më 30 tetor, humbën jetën katër persona, mes tyre dy qytetarë të pafajshëm.

Prokuroria e Shkodrës ka shpallur moskompetencën, duke ia kaluar dosjen Prokurorisë së Posçme (SPAK), për shkak se ka dyshime se ngjarja është kryer nga një grup i strukturuar kriminal.

ATENTATI

Në masakrën e Shkodrës, më 30 Tetor, humbën jetën 23-vjeçari Hamza Lici, 32-vjeçari Arlind Bushati, dhe çifti i pafajshëm i bashkëshortëve, Flutura e Bashkim Basha.

Ngjarja rreth orës 15:50, në aksin rrugor “Shkodër-Koplik”, ku persona ende të paidentifikuar qëlluan me breshëri plumbash drejt mjetit ku udhëtonin dy viktimat 23-vjeçari Lici (shofer) dhe 32-vjeçari Arlind Bushati (pasagjer).

Pasi mjeti ku udhëtonin dy të rinjtë u qëllua me breshëri plumbash nga atentatorët, devijoi nga rruga dhe u përplas me motorin ku udhëtonin çifti Basha.

Nga përplasja gruaja, Flutura Basha gjeti vdekjen në vendin e ngjarjes, ndërsa bashkëshorti i saj, Bashkim Basha humbu jetën pas disa ditësh në intubim në spitalin e Shkodrës.

Mësohet se autorët e ngjarjes kanë realizuar me detaje atentatin në Dobraç me qëllim për të mos lënë asnjë gjurmë. Aq sa dyshohet se makina tip “Range Rover” është shkrumbuar fillimisht me acid dhe pastaj i është vënë flaka, me qëllim mos lënien e asnjë gjurme për hetuesit.

Përdorimi i acidit është bërë për të shkatërruar numrin e shasisë të makinës dhe elementeve të tjerë identifikues.

Makina “Range Rover” , qe dyshohet se u perdor nga autoret rezulton e vjedhur ne Durrës me 17 Prill te ketij viti. Raportohet se mjeti eshte vjedhur ne lagjen 12 dhe ka qene pronari ne ate kohe qe beri denoncim ne policinë e Durresit.

Kjo e dhënë është përftuar nga grupi hetimor pas krahasimit qe i është bere numrit te shasisë, ne automjetin qe u djeg ne fshatin Golem.

The post Vetëdorëzohen në polici dy të rinjtë nga Shkodra, Izmir Sakica dhe Samuel Troshani! Në kërkim për rrahjen e Vladimir Bruçit! Dyshohet si të përfshirë në m*akrën e Dobraçit appeared first on Gazeta Shqiptare Online.

Deputeti demokrat, Asllan Dogjani, është paraqitur në GJKKO, për të marrë pjesë në seancën paraprake, ku do vendoset për kalimin ose jo për gjykim të dosjes në ngarkim të tij.

Dogjani i cili akuzohet për fshehje pasurie, para hyrjes në ambientet e gjykatës së Posaçme ka thënë para gazetarëve se pret drejtës.

Sipas SPAK, Dogjani ka bërë deklarim të rremë për përfitimin e një apartamenti.

Më 24 Mars 2010, në deklaratën e interesave private para fillimit të detyrës pranë ILDKPKI, deklaroi se kishte përfituar një apartament banimi me sipërfaqe 128.4 m2, i cili ndodhet në rrugën “Hamid Shijaku” në Tiranë, nga shoqëria e ndërtimit “Protial”, në këmbim të konsulencave juridike që i kishte ofruar dhe do t’i ofronte në të ardhmen.

Në mbështetje të këtij deklarimi, ai paraqiti kontratën, tek e cila, i pandehuri u mbështet sërish edhe në deklarimin e datës 16 Qershor 2023, pas zgjedhjes së tij si deputet në Kuvendin e Republikës së Shqipërisë, thotë SPAK.

Ndër të tjera, Prokuroria e Posaçme bën me dije se në ndryshim nga deklarimet e bëra, hetimet e këtij procedimi penal treguan Dogjani është bërë pronari i apartamentit të lartëpërmendur, në të cilën parashikohej se vlera e apartamentit do të ishte 121.980 euro, shumë të cilën i pandehuri ia ka likuiduar shoqërisë, përmes pagesave cash.

“Nga provat shkresore dhe ato të paraqitura nga dëshmitarë, rezulton se kontrata e datës 6 dhjetor 2006 mban të njëjtin numër rep. dhe kol. si ajo e datës 6 shtator 2006, por me ndryshimin e mënyrës së përfitimit të këtij apartamenti. Kjo tregon se kontrata është hartuar në mënyrë fiktive me qëllim deklarimin e rremë të burimit të krijimit të pasurisë së paluajtshme”, thotë SPAK.

The post I pandehur për fshehje pasurie, Asllan Dogjani paraqitet në GJKKO për të marrë pjesë në seancën gjyqësore! Deputeti i PD: Pres drejtësi appeared first on Gazeta Shqiptare Online.

Për disa njerëz, dimri sjell depresion, mërzi, viruse dhe errësirë. Ndërkohë, janë të paktë ata që e shijojnë vërtet këtë periudhë të vitit.

Nga pikëpamja astrologjike, disa shenja janë në krye të listës falë tipareve të tyre unike të personalitetit që i përgatitin të shijojnë këtë periudhë të ftohtë të vitit, qoftë për shkak se u pëlqen të struken me pije të nxehta në divan apo sepse kjo është koha për të përqafuar, pa pasur nevojë të justifikojnë veten, anën e tyre introverte.

Demi

Asgjë nuk e mbush zemrën e një Demi me gëzim si një ditë e bukur dhe e ndritshme bore. Demi e di se ndonjëherë i ftohti ekstrem do të thotë se nuk do të duhet të largohen nga shtëpia dhe të qëllojnë dhe dinë si ta shfrytëzojnë atë maksimalisht.

Si macja më e mirë e shtëpisë, kjo shenjë e tokës do të mbledhë batanije, do të bëjë filxhanë çaji pafund dhe do të kalojë gjithë ditën duke lexuar në divan, pa u ndjerë kurrë i trishtuar apo i mërzitur.

Ndërsa shenjat e tjera mund të ndihen sikur dimri po rëndon mbi to, Demi e shohin atë si një stinë të bukur plot drita të ndezura, pushime të lezetshme dhe veshje më komode dhe më të lezetshme.

Të sunduar nga Venusi, planeti i bukurisë dhe estetikës, do të thotë se ata janë ekspertë në krijimin e një shtëpie të ngrohtë dhe komode. Ata do ta bëjnë shtëpinë e tyre sa më komode duke ndezur qirinj, duke shtruar qilima të buta dhe duke dekoruar me elementë delikate dhe dimërore.

Ata madje mund të fikin telefonin vetëm për të qenë me veten dhe për të shijuar këto momente, gjë që do t’u japë atyre qartësinë e nevojshme për të marrë vendime që do të jenë më të mirat për jetën e tyre.

Akrepi

Akrepi është një adhurues i madh i dimrit, sepse mund të refuzojë lehtësisht ftesat për të dalë pa u keqkuptuar. Per ta, stina e dimrit është si një kohë më e ngadaltë dhe e qetë ku ata më në fund mund të jenë vetëm dhe të mendojnë thellë.

Si një shenjë uji e sunduar nga Plutoni transformues, një Akrep do të “mbyllet” nga nëntori deri në mars (ndoshta edhe prill). Gjatë kësaj kohe ai do të arrijë të rishpik veten. Ai do të heqë zakonet dhe besimet e vjetra dhe do të bëjë vend për të rejat duke bërë ditar, duke medituar dhe duke u fokusuar te vetja. Ashtu si Demi, Akrepat i duan të gjitha gjërat e ngrohta dhe komode.

Jepini atyre një pallto të madhe dhe një shall me gëzof dhe ata do të ndihen si në shtëpi. Atyre u pëlqen një qiri me erë të këndshme dhe një filxhan çaj në shtëpi, por do të shkojnë në një kafene (që e dinë) për një pije të nxehtë me miqtë që besojnë.

Shigjetari

Shigjetarët me të vërtetë përqafojnë fëmijën e tyre të brendshëm kur moti bëhet më i ftohtë. Nëse zgjohen dhe shohin borë jashtë, ata do të jenë të parët që do të vrapojnë për të luajtur luftime me top bore dhe udhëtim me sajë.

Si një shenjë zjarri energjike dhe aventureske, u pëlqen të përqafojnë momentin dhe të argëtohen sa më shumë. Në fund të fundit, ata e dinë se dimri ka mundësi të pafundme për aktivitete në natyrë. Ata do të bëjnë ski, patinazh dhe patinazh bore. Ata do t’i tërheqin të gjithë miqtë e tyre në një kasolle komode në male për një ikje fundjave.

Dhe ata do ta përballojnë të ftohtin të premten mbrëma kur duan të dalin. Asgjë nuk do t’i mbajë në shtëpi. Shigjetari drejtohet nga Jupiteri, planeti i fatit dhe mençurisë. Kjo do të thotë se ata e dinë shumë mirë se jeta është shumë e shkurtër për të urryer disa muaj të vitit. Ata e përqafojnë dimrin me gjithë lavdinë e tij aq sa e duan pranverën, verën dhe vjeshtën, dhe kështu triumfojnë edhe kur jashtë është ftohtë.

The post Dimri, stina e tyre! Njihuni me shenjat e horoskopit që e adhurojnë të ftohtin appeared first on Gazeta Shqiptare Online.

Në qytetin e Durrësit ka nisur aplikimi i lëvizjes së automjeteve në fasha orare, për të rregulluar trafikun, i cili ishte kthyer në kolaps kryesisht në orët e mëngjesit dhe pasdites.

Policia bashkiake a ka vendosur orare të përcaktuara për mjetet e tonazhit të rendë në qarkullimin rrugor.

“Nga 15 janari deri më 15 maj 2025, në rrugët  kryesore të qytetit të Durrësit do të ketë ndalim qarkullimi të mjeteve ATP (automjetet të transportit të përzier) në fashën orare 07.00-09.00 dhe 16.00-18.00, nga e hëna në të premte. Ndërkohë do të ndalohet qarkullimi i mjeteve të tonazhit të rëndë mbi 6.5 ton, të cilët do të përshkojnë një itinerar të përcaktuar më parë nga bashkia”, u shpreh Ervis Quku, shefi i sektorit të qarkullimit në Policinë Bashkiake.

Urdhri i dalë nga Policia Bashkiake Durrës synon të normalizojë trafikun e rënduar në rrugët e Durrësit në oraret e pikut. Në të gjitha akset kryesore hyrëse dhe dalëse në qytet është vendosur tashmë sinjalistika përkatëse për të paralajmëruar drejtuesit e këtyre mjeteve

Akset e Durrësit që preken nga kufizimi i qarkullimit:

Rruga “Adria”, “Stefan Kaçulini”, “Glaukia”, “Hysen Kërtusha”, “Aleksandër Goga” (nga Drejtoria e Policisë deri tek Prefektura), rruga “Dëshmorëve”, bulevardi “Epidamn”, “Egnatia”, “Taulantia”, “Currilave”, “Mars 91”, si dhe të gjitha segmentet rrugore në brendësi të unazës së përcaktuar sipas hartës.

“Policia Bashkiake i kërkon të gjitha subjekteve tregtare që të kryejnë veprimtarinë e tyre furnizuese sipas orarit përkatës dhe sinjalistikës së vendosur dhe njëkohësisht kërkon mirëkuptimin e tyre për këtë urdhër administrativ që synon normalizimin e trafikut”, deklaroi Quku.

Nga kjo masë ndalim qarkullimi në fashat orare të mëngjesit dhe pasdites bëjnë përjashtim të gjitha mjetet e policisë, urgjencës, zjarrfikësve, Ndërmarrjes së Shërbimeve Komunale Durrës, Ndërmarrjes së Shërbimeve Komunale Plazh, Agjencisë së Parqeve Urbane, Ndërmarrjes Rruga dhe mjetet e transportit publik.

The post Trafiku i rënduar në Durrës, kufizohen oraret për qarkullimin e mjeteve të tonazhit të rëndë appeared first on Gazeta Shqiptare Online.

Gjykata Themelore e Prishtinës ka caktuar datën 27 janar 2025 për zhvillimin e seancës paraprake ndaj Naim Murselit, Granit Plavës, Kushtrim Kokallës dhe Tom Dodajt, të cilët akuzohen për vrasjen e 30-vjeçares Liridona Ademaj.

Zëdhënësja e Gjykatës Themelore në Prishtinë, Mirlinda Gashi, deklaroi se seanca do të fillojë nga ora 11:00.

“Ju njoftojmë se seanca e shqyrtimit fillestar në çështjen penale ndaj të pandehurve N.M., G.P., K.K., dhe T.D. është caktuar të mbahet me datë 27 janar 2025, në ora 11.00”, informoi ajo.

Zbardhet dosja

Prokuroria Themelore në Prishtinë ka ngritur akuzën ndaj Naim Murseli, Granit Plavës, Kushtrim Kokallës dhe Tom Dodajt, për vrasjen e 30-vjeçares Liridona Ademajt, krim i ndodhur më 30 nëntor 2023.

Sipas aktakuzës, bashkëshorti i viktimës, Naim Murseli ka porositur dhe planifikuar vrasjen e Liridonës, duke i premtuar Ganit Plavës një shumë prej 30 mijë euro. Mësohet se Naim Murseli thur planin e eliminimit të bashkëshortes së tij si hakmarrje për shkak të problemeve familjare e martesore mes tyre.

Në dosje thuhet se fillimisht Naim Murseli i ka kërkuar kushëririt të tij, Kushtrim Kokalla që të vriste 30-vjeçaren, nënë e dy djemve, por ai ka refuzuar.

Pasi nuk pranoi të kryente vrasjen, Kushtrim Kokolla prezantoi kushëririn e tij me Granit Plavën dhe ky i fundit mori përsipër kryerjen e ekzekutimit për shumën 30 mijë euro. Ndërsa arma me të cilën u vra Liridona Ademaj u sigurua nga vetë Naim Murseli. Ai bleu armën me 20 fishekë për 280 euro, nga i akuzuari Tom Dodaj.

Ndërsa në dosje detajohet momenti i ekzekutimit të 30-vjeçares nga Ganit Plava, e cila në momentin që u qëllua me plumb në kokë ishte në automjet me dy djemtë e mitur dhe Naim Murseli.

Sipas akuzës, ky i fundit e ka mbajtur nga krahu bashkëshorten në mënyrë që ajo të mos largohej.

Plani i Naim Murselit për vrasjen e Liridonës, inskenimi i grabitjes e marrëveshja për ta paguar 30 mijë euro dorasin

Sipas aktakuzës, për shkak të raporteve të çrregulluara familjare dhe martesore, gjatë të cilave kanë lindur mllefi dhe dëshira për hakmarrje tek i pandehuri i parë Naim Murseli, ky i fundit ka bërë planin ta largojë tani të ndjerën Liridona nga jeta e tij.

Në aktakuzë thuhet se pas datës 25 qershor 2022, kur është paguar polica e sigurimit jetësor në emër të Liridona Murselit me kompaninë Folksam, në shumën prej 3.000.000 kruna suedeze, me qëllim që pas vrasjes të ketë edhe dobi financiare, Naimi të pandehurit të tretë (Kushtrim Kokalla), ia ka shpalosur planin e likuidimit të bashkëshortes së tij dhe nga ai ka kërkuar të gjejë mundësi për vrasjen e saj.

Aktakuza thotë se fillimisht, Kokalla ka refuzuar e më pas ka gjetur të pandehurin e dytë, Granit Plava, me të cilin e ka njoftuar Naim Murselin dhe që të tre janë dakorduar që Graniti të kryejë vrasjen me marrëveshje që Naimi t’ia paguajë kompensimin në shumën prej 30 mijë euro.

Ndërsa, Naimi më 29 nëntor 2023, thuhet se ka siguruar armën e zjarrit dhe 20 fishekë, të cilat i ka blerë rreth orës 14:00 po të njëjtën ditë nga i pandehuri i katërt Tom Dodaj në shumën prej 280 euro, e të cilën armë ia ka dhënë të pandehurit të dytë- Granit Plavës.

Granit Plava, thuhet se armën në fjalë e ka përdorur për vrasjen e tani të ndjerës Liridona. Vrasje kjo e kryer në të njëjtën ditë në orët e mbrëmjes, në intervalin kohor prej orës 20:11 deri në ora 20:18 në vendin për të cilin është dakorduar me Naimin, duke e inskenuar që të duket si grabitje, ndërsa Naimi në mënyrë dinake me dorën e tij të djathtë ka mbajtur Liridonën në krahun e dorës së saj të majtë, me qëllim që ajo mos t’i shmanget plumbit, për çka Naimi me fëmijët ka dalë nga vetura dhe është larguar nga vendi i ngjarjes.

Me këtë, Naim Murseli akuzohet se në bashkëkryerje me të akuzuarit Granit Plava dhe Kushtrim Kokalla, ka kryer veprën penale “Vrasje e rëndë” nga neni 173, par.1., pika 1.3 dhe 1.4 lidhur me nenet 31 dhe 34 të Kodit Penal.

I maskuar e me pistoletë, Granit Plava qëlloi me një plumb në kokë Liridonën

Sipas aktakuzës, më 29 nëntor 2023, në intervalin kohor prej orës 20:11 deri në 20:18 në fshatin Bërnicë në rrugën “Dalip Alshiqi” në Prishtinë, i pandehuri i parë Naim Murseli me veturë në të cilën ka qenë tani e ndjera Liridona dhe fëmijët e tyre të moshës 4 dhe 6 vjeç, pas marrëveshjes paraprake, i ka dhënë shenjë me drita të veturës të pandehurit Plava, për çka ai befas ka dalë përpara veturës me maskë në kokë dhe pistoletë në duar, derisa i pandehuri Murseli, ka ndaluar dhe ka fikur motorin e veturës dhe me dorën e tij e ka mbajtur Liridonën për krahun e dorës së saj të majtë.

Gjithnjë sipas aktakuzës, i pandehuri Granit Plava për kompensim në shumën prej 30 mijë euro, nga afërsia e drejtpërdrejtë përmes dritares gjysmë të hapur nga ana e pasagjerit, ka shtënë një fishek nga pistoleta në drejtim të Liridonës dhe e qëllon në kokë, në pjesën prapa veshit të djathtë, duke i shkaktuar lëndime vdekjeprurëse, ku për pasojë ndërroi jetë në vendin e ngjarjes. Vdekja e saj, sipas raportit të autopsisë erdhi si rezultat i gjakderdhjes së brendshme dhe të jashtme.

Me këtë, Granit Plava akuzohet se në bashkëkryerje me Naim Murselin dhe Kushtrim Kokallën ka kryer veprën penale “Vrasje e rëndë” nga neni 173, par.1, pika 1.6 lidhur me nenin 31 dhe 34 të Kodit Penal.

Në pikën e tretë të aktakuzës, Granit Plava ngarkohet se nga 29 nëntori 2023 rreth orës 14:00 deri më 1 dhjetor 2023 rreth orës 16:15, ku është kryer bastisja në shtëpinë e tij në Cërmjan, Komuna e Gjakovës, ku është gjetur arma, pa autorizim dhe në kundërshtim me Ligjin për armë, ka poseduar pistoletën së bashku me 19 fishekë, me të cilën ka kryer veprën, e të cilën armë Naimi e ka blerë më 29 nëntor 2023 rreth orës 14:00 nga i pandehuri i katërt Tom Dodaj në shumën prej 280 euro.

Me këtë, Plava akuzohet se ka kryer veprën penale “Mbajtja në pronësi, kontroll ose posedim të paautorizuar të armëve” nga neni 366, par.1 të Kodit Penal.

Kushtrim Kokalla njoftoi Granit Plavën me Naim Murselin dhe u dakorduan që Graniti ta kryejë vrasjen për 30 mijë euro

Në aktakuzë thuhet se pasi që i pandehuri i parë Naim Murseli ka kërkuar nga Kushtrim Kokalla që të gjejë mundësi për vrasjen e bashkëshortes së tij- Liridona Murselit dhe i njëjti ka refuzuar, Kushtrimi ka gjetur të pandehurin e dytë Granit Palava me të cilin e ka njoftuar Naimin dhe të tretë janë dakorduar që Graniti ta kryejë vrasjen me marrëveshje që Naimi t’i paguajë kompensim shumën prej 30 mijë euro.

Sipas aktakuzës, Naimi më 29 nëntor 2023 ka siguruar armën dhe 20 fishekë të cilat i ka blerë të njëjtën ditë rreth orës 14:00 nga Tom Dodaj për 280 euro, ia ka dhënë Plavës i cili armën e përmendur e ka përdorur për vrasjen e tani të ndjerës Liridona.

Me këtë, Kushtrim Kokalla akuzohet se në bashkëkryerje me Naim Murselin dhe Granit Plavën ka kryer veprën penale “Vrasje e rëndë” nga neni 173, par.1, pika 1.13 lidhur me nenet 31 dhe 34 të Kodit Penal.

Kokalla s’e lajmëroi vrasjen, edhe pse Naimi e kishte pranuar në dhomën e hotelit

Kokalla po ashtu akuzohet se edhe pse menjëherë pas kryerjes së vrasjes së tani të ndjerës Liridona ka pasur njohuri që veprën penale e kanë kryer i pandehuri Naim Murseli (i cili këtë e ka pranuar derisa kanë qenë në dhomën e hotelit të njëjtën natë pas vrasjes së kryer) dhe i pandehuri i dytë Granit Plava, i pandehuri Kokalla nuk i ka lajmëruar kryerësit e as veprën penale vrasje për planifikimin e kryerjes së të cilës ka marrë pjesë në mënyrë aktive së bashku me Murselin e Plavën, e të cilin rast organet kompetente fillimisht e kanë hetuar si grabitje deri dy ditë më vonë kur është arrestuar (më 1 dhjetor 2023).

Me këtë, Kushtrim Kokalla akuzohet se ka kryer veprën penale “Moslajmërimi i veprave penale apo kryerësve të tyre” nga neni 378, par.1, pika 1.1 lidhur me nenin 34 të Kodit Penal.

Tom Dodaj ia shiti armën Murselit e Plavës për 280 euro

Aktakuza e Prokurorisë ngarkon Tom Dodajn se më 29 nëntor 2023, rreth orës 14:00, në vendin e tij të punës në Novosellë të Epërme- Komuna e Gjakovës, me qëllim të përfitimit të dobisë pasurore, e në kundërshtim me Ligjin në fuqi për armë dhe materiale plasëse, ia ka shitur një armë zjarri- pistoletë të akuzuarve Murseli dhe Plava në shumën prej 280 euro, e cila është përdorur në kryerjen e vrasjes së tani të ndjerës Liridona, vrasje e kryer në të njëjtën ditë në intervalin kohor mes orës 20:11 dhe 20:18 në Bërnicë, në rrugën “Dalip Alshiqi”, Komuna e Prishtinës.

Me këtë, Dodaj akuzohet se ka kryer veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materialeve plasëse nga neni 364, par.1 të Kodit Penal. /Telegrafi

The post Porositi vrasjen e Liridona Ademajt, zbulohet data kur do të nisi gjykimi për bashkëshortin e saj, ekzekutorin dhe 2 të akuzuarit e tjerë appeared first on Gazeta Shqiptare Online.