Kryetari i Lidhjes Demokratike të Kosovës, Lumir Abdixhiku ka njoftuar se ka ndërruar jetë Bahrije Mustafa, bashkëshortja e veprimtarit të njohur Xhemajl Mustafa dhe nëna e Besiana Mustafa.

Përmes një postimi në rrjetin social në Facebook, Abdixhiku e përshkroi Bahrije Mustafën si një grua të rrallë, e cila përballoi me dinjitet dhe forcë humbjen e bashkëshortit të saj, duke mbetur përherë ruajtëse e kujtimit dhe veprës së tij.

“Zonja Bahrije ishte një grua e rrallë. Jeta i kishte ngarkuar mbi supe peshën e një humbjeje të madhe, por ajo kishte ditur ta shndërronte dhimbjen në dinjitet, forcë dhe përkushtim për familjen dhe vendin. Me qetësinë, urtësinë dhe fisnikërinë e saj, ajo mbeti përherë gardiane e kujtimit dhe veprës së bashkëshortit të saj, veprimtarit tonë të madh Xhemajl Mustafa”, ka shkruar Abdixhiku.

Ai theksoi se me ndarjen nga jeta të Bahrije Mustafës, largohet edhe një pjesë e rëndësishme e kujtesës kolektive, duke kujtuar pjesëmarrjen e saj të vazhdueshme në përvjetorët kushtuar Xhemajl Mustafës.

“Çdo takim me të ishte një kujtim i gjallë i qëndresës, besnikërisë dhe fisnikërisë. Edhe kur vitet e kishin lodhur, ajo nuk reshti së ruajturi me krenari kujtimin e Xhemajlit dhe vlerat për të cilat ai jetoi”, u shpreh ai. /Telegrafi/

Ksamil është përfshirë sot nga një fenomen i pazakontë atmosferik, teksa mbi ujërat e detit janë shfaqur vorbulla ajri të ngjashme me tornado, duke krijuar një spektakël të rrallë natyror që ka tërhequr vëmendjen e banorëve dhe turistëve.

Pamjet e fenomenit janë filmuar nga qytetarë dhe pushues që ndodheshin pranë plazheve të Ksamilit.

Vorbullat e ajrit u shfaqën për disa minuta mbi sipërfaqen e detit, duke krijuar një skenë mbresëlënëse dhe jo të zakonshme për këtë zonë bregdetare.

Analisti i sigurisë, Avni Islami ka reaguar përmes një statusi në Facebook lidhur me deklaratat e politikanit serb Milovan Drecun, i cili ka komentuar vizitën në Kosovë të ministrit shqiptar për Evropë dhe Punë të Jashtme, Ferit Hoxha.

Në reagimin e tij, Islami ka kritikuar ashpër deklaratat e Drecun, duke i cilësuar ato si pjesë e propagandës dhe narrativave dezinformuese ndaj Kosovës dhe shqiptarëve.

"Reagim me shkas. Milovan Drecun, i njohur si një ndër eksponentët më të zëshëm të ultra-nacionalizmit serb dhe propagandës kundër shqiptarëve dhe Republika e Kosovës, ka reaguar ndaj vizitës së fundit në Kosovë të Ministrit për Evropë dhe Punë të Jashtme të Republika e Shqipërisë, Ferit Hoxha", ka shkruar ai.

tutje Islami tha se Drecun deklaroi se qëndrimi i ministrit shqiptar, sipas të cilit Kosova përbën prioritet absolut të politikës së jashtme të Shqipërisë, paraqet vazhdimësi të së ashtuquajturës “politikë të Shqipërisë së Madhe” dhe, sipas tij, përbën kërcënim për sigurinë e Serbisë.

"Ai pretendoi se mbështetja për pavarësinë e Kosovës lidhet drejtpërdrejt me realizimin e këtij projekti politik, duke shtuar se deklaratat e Hoxhës dëshmojnë se Kosova trajtohet si pjesë integrale e Shqipërisë. Deklarata të tilla përfaqësojnë vazhdimësi të propagandës dhe dezinformatave që Serbia përdor sistematikisht në kuadër të luftës hibride kundër Republika e Kosovës dhe stabilitetit në rajon. Pretendimet se institucionet shqiptare e konsiderojnë Kosovën pjesë të territorit të Shqipërisë janë narrativë politike e fabrikuar, me qëllim të nxitjes së tensioneve, ushqimit të frikës dhe pengimit të proceseve të normalizimit", ka shkruar Islami. /Telegrafi/

Kandidatja për presidente, Vjosa Osmani sot ka qëndruar në Dobrajën e Madhe, në komunën e Lipjan, ku është pritur nga qytetarë dhe përfaqësues lokalë.

Gjatë vizitës së saj, Osmani ka shprehur mirënjohjen për mbështetjen dhe mikpritjen e banorëve të kësaj zone, duke falënderuar gjithashtu strukturat lokale për organizimin e takimit.

“Faleminderit Dobrajë e Madhe! Faleminderit Lipjan! Faleminderit kryetar Imri Ahmeti”, ka deklaruar Osmani.

Në këtë takim ishte i pranishëm edhe kryetari i komunës së Lipjanit, Imri Ahmeti, të cilin Osmani e falënderoi për mbështetjen dhe kontributin e tij në organizimin e aktivitetit. /Telegrafi/

Një person ka raportuar se një grua është larguar nga shtëpia dhe ende nuk është kthyer.

Sipas raportit 24 orësh të Policisë së Kosoëvs bëhet e ditur se rasti ka ndodhur më 02.06.2026, në Vushtrri.

Tutje bëhet e ditur se lidhur me rastin eshte njoftuar prokurori kujdestar, ndersa rasti po hetohet nga ekipet kompetente.

“Vushtrri / 02.06.2026 – 09:00. Ankuesi mashkull kosobar ka raportuar se viktima femer kosovare është larguar nga shtepia dhe ende nuk është kthyer. Lidhur me rastin eshte njoftuar prokurori kujdestar, ndersa rasti po hetohet nga ekipet kompetente”, thuhet në raport. /Telegrafi/

Zhduket një grua në Fushë Kosovë, rasti po hetohet

Një mjet i dyshuar shpërthyes është gjetur të mërkurën në Gjakovë gjatë patrullimit të rregullt të zyrtarëve policorë.

Sipas raportit të Policisë së Kosovës, rasti është evidentuar më 3 qershor 2026, rreth orës 10:04, kur një patrullë policore ka hasur në një objekt që dyshohej se mund të ishte mjet shpërthyes.

Menjëherë pas identifikimit të mjetit të dyshuar, policia ka siguruar perimetrin e vendit të ngjarjes për të shmangur çdo rrezik të mundshëm për qytetarët dhe kalimtarët.

"Gjakovë / 03.06.2026 – 10:04. Është raportuar se patrulla policore gjatë patrullimit ka hasur në një mjet të dyshuar shpërthyes. Patrulla policore ka siguruar vendin e ngjarjes derisa aty ka dalë njësia për deminim e FSK-së , te cilet kane ndermar veprimet e nevojshme", thuhet në raport.

Në vendin e ngjarjes kanë dalë edhe ekspertët e njësisë për deminim të Forca e Sigurisë së Kosovës, të cilët kanë ndërmarrë veprimet e nevojshme për trajtimin dhe menaxhimin e situatës. /Telegrafi/

Policia e Kosovës është në kërkim të një personi të dyshuar për përfshirje në shitblerjen e narkotikëve, pasi i njëjti ka arritur të largohet nga vendi i ngjarjes sapo ka vërejtur prezencën e zyrtarëve policorë.

Sipas raportit policor, rasti ka ndodhur më 3 qershor 2026 rreth orës 20:00 në Ferizaj.

Njësia policore kishte identifikuar një mashkull kosovar të dyshuar për aktivitetet e paligjshme që lidhen me narkotikët, por ai është larguar me shpejtësi me veturë në drejtim të panjohur.

Gjatë veprimeve hetimore në afërsi të vendit të ngjarjes, policia ka gjetur dhe sekuestruar 188.9 gramë substancë të dyshuar narkotike të llojit marihuanë.

Sipas vlerësimeve fillestare, vlera e lëndës së sekuestruar arrin rreth 2 mijë euro.

“Ferizaj / 03.06.2026 – 20:00. Njësia policore ka identifikuar një mashkull kosovar i dyshuar për shitblerjen e narkotikëve, i cili me të vërejtur policinë është larguar me veturë me vrull në drejtim të panjohur. Në afërsi të vendin të ngjarjes është gjetur dhe sekuestruar 188.9 gramë substancë e dyshuar narkotike e llojit marihuanë në vlerë rreth 2000 euro. I dyshuari është në kërkim policor, ndersa lidhur me rastin po zhvillohen hetime intensive”, thuhet nw raport. /Telegrafi/

Policia e Kosovës ka arrestuar një person të dyshuar për veprën penale “Lëndim i rëndë trupor”, i cili ishte në kërkim nga autoritetet që nga muaji maj.

Sipas raportit policor, arrestimi është kryer më 3 qershor 2026 në Gjilan.

Tutje në raport thuhet se i dyshuari kërkohej nga organet e rendit pasi dyshohet se më 14 maj 2026 kishte sulmuar një person tjetër me një mjet të fortë, duke e goditur në kokë.

“Gjilan / 14.05.2026 – 12:00. Më 03.06.2026 është arrestuar i dyshuari mashkull kosovar i cili kishte qenë në kërkim pasi më 14.05.2026 dyshohet se kishte sulmuar me një mjet te fortë në kokë, viktimën mashkull kosovar duke i shkaktuar lëndime trupore. Viktima kishte pranuar trajtim mjekësor, ndërsa i dyshuari me vendim të prokurorit është dërguar në mbajtje”, thuhet në raport. /Telegrafi/

Dy persona janë arratisur nga Qendra Edukuese Korrektuese në Lipjan, por janë arrestuar nga Policia e Kosovës pak kohë pas largimit të tyre.

Sipas raportit policor, më 3 qershor 2026, rreth orës 21:28, policia është njoftuar nga zyrtarët korrektues të Qendrës Edukuese Korrektuese në Lipjan se dy persona kishin ikur nga institucioni.

“Lipjan / 03.06.2026 – 21:28. Policia është njoftuar nga zyrtarët korrektues të Qendrës Edukuese Korrektuese në Lipjan se dy persona kishin ikur nga qendra. Policia me të marr informacionin ka ndërmarr veprimet taktiko-operative ku edhe ka arritur ti arrestojë të dyshuarit të cilët janë kthyer në Qendër Korrektuese në Lipjan”, thuhet në raport. /Telegrafi/

Të mërkurën raportohet se njësiti policor gjatë tentimit për ta kontrolluar të dyshuarin, i njëjti ka filluar ikjen në oborret e shtëpive përreth dhe gjatë ikjes ka hedhur disa gjëra.

Sipas raportit 24 orësh të Policisë së Kosovës bëhet e ditur se ngjarja ka ndodhur të mërkurën rreth orës 21:47, në Graqanicë.

Tutje bëhet e ditur se gjatë kontrollit të lokacionit, janë gjetur dhe konfiskuar një armë zjarri pistoletë me një fishek, dhe një sasi e vogël e substancës narkotike.

“Graqanicë / 02.06.2026 – 21:47. Më 03.06.2026 raportohet se njësiti policor gjatë tentimit për ta kontrolluar të dyshuarin mashkull kosovar, i njëjti ka filluar ikjen në oborret e shtëpive përreth, dhe gjatë ikjes ka hedhur disa gjera. Gjatë kontrollit të lokacionit, janë gjetur dhe konfiskuar një armë zjarri pistoletë me një fishek, dhe një sasi e vogël e substancës narkotike. I dyshuari është arrestuar dhe pas intervistimit, me vendim të prokurorit është liruar në procedure të rregullt”, thuhet në raport. /Telegrafi/

Kandidati për deputet nga LDK-ja me numrin 105, Riza Krasniqi gjatë paraqitjes së tij mbrëmë në emisionin Rubikon, ngriti shqetësimin për nivelin e ulët të mbështetjes shtetërore për studentët kosovarë që arrijnë të pranohen në universitetet më prestigjioze të botës.

Sot, një student nga Kosova që arrin të pranohet në universitete si MIT, Harvard, Oxford, Cambridge apo Stanford mund të përfitojë vetëm rreth 5,000 deri në 7,000 euro mbështetje nga shteti.

Sipas Krasniqit, kjo është një shumë simbolike krahasuar me kostot reale të studimeve dhe jetesës në këto institucione.

“Po të thjeshtonim buxhetin e Kosovës në 100 euro, studentët tanë më të mirë do të merrnin vetëm 2 cent. Kjo është vlera që po ua japim talenteve tona”, deklaroi Krasniqi.

Ai solli si shembull Maqedoninë e Veriut, e cila prej më shumë se 15 vitesh mbështet studentët e pranuar në universitetet më të mira të botës me fonde që mund të arrijnë deri në 40,000 dollarë në vit.

Sipas të dhënave të Ministrisë së Arsimit, rreth 100 studentë nga Kosova regjistrohen çdo vit në universitete të rangut më të lartë ndërkombëtar.

Krasniqi vlerëson se mbulimi i plotë i shpenzimeve të tyre do t’i kushtonte buxhetit të Kosovës rreth 3 milionë euro në vit.

“Pastaj habitemi pse rezultatet tona në testet ndërkombëtare si PISA mbeten ndër më të dobëtat në Evropë dhe pse shumë të rinj të talentuar nuk e shohin Kosovën si vendin ku mund të ndërtojnë të ardhmen e tyre. Nuk mund të presim rezultate të ndryshme, nëse nuk investojmë tek ata që kanë dëshmuar potencialin e tyre për të qenë ndër më të mirët në botë”, tha ai.

Propozimi i Krasniqit parasheh krijimin e një programi kombëtar që do të mbulojë plotësisht shpenzimet e studentëve të pranuar në 100 universitetet më të mira të botës.

“Studentët më të mirë nuk janë shpenzim. Ata janë investimi më i sigurt për të ardhmen e Kosovës. Nëse duam një ekonomi më të fortë, më shumë inovacion dhe institucione më të suksesshme, duhet të fillojmë duke investuar tek mendjet më të ndritura të vendit”, përfundoi Krasniqi. /Telegrafi/

Në fillim të verës, qershori është një periudhë ideale për të zgjedhur destinacionin e duhur të udhëtimit, shkruan media italiane “Si Viaggia”.

Në këtë përzgjedhje, ekspertët e udhëtimit kanë sugjeruar disa vende, ku mund të udhëtohet gjatë këtij muaji, duke përfshirë destinacionet bregdetare dhe malore.

Me muajin qershor nis zyrtarisht vera, bashkë me udhëtimet drejt destinacioneve më të bukura bregdetare dhe malore, si dhe ndjesinë e çlodhjes, që shumica e njerëzve kërkojnë pas një periudhe të gjatë pune.

Zgjedhja e destinacionit varet nga disa faktorë: dëshira për të vizituar vendet klasike turistike, shpesh në brigjet e Mesdheut, apo dëshira për të zbuluar destinacione më pak të njohura, ku mund të shmangen turmat e mëdha në qytete, plazhe apo shtigje malore për ecje.

Në këtë përzgjedhje ju prezantojmë disa ide se ku mund të shkoni në qershor, me destinacione të ndryshme të arritshme nga aeroportet kryesore italiane, së bashku me një pasqyrë të përgjithshme mbi kostot e udhëtimit.

Media italiane “Si Viaggia” ka rekomanduar 9 destinacione për pushime bregdetare dhe malore, duke përfshirë Shqipërinë, Kroacinë, Provencën në Francë, Greqinë, Kirgistanin, Korsikën, Perunë, Sicilinë në Itali dhe Slloveninë.

Shqipëria, plazhe idilike dhe festivale

Shqipëria ofron plazhe aq të bukura sa mund të krahasohen me ato të Greqisë fqinje dhe, megjithëse popullariteti i saj po rritet, ajo mbetet ende një destinacion alternativ, i përshtatshëm për t’u vizituar në qershor.

Sapo të mbërrini në Aeroportin Ndërkombëtar të Tiranës, merrni një makinë me qira dhe nisni eksplorimin e bregdetit të saj, pa hequr dorë, edhe nga udhëtimet nëpër male, pasi në këtë periudhë ofrohen shumë itinerare për ecje dhe trekking.

Për më tepër, nëse gjatë verë dëshironi të merrni pjesë në festivale, në Shqipëri organizohet një nga eventet më të bukura në Evropë, pikërisht në rivierën e saj: “Kala Festival”.

Ky festival ofron një kombinim të përkryer mes festivalit muzikor dhe pushimeve në plazh. //a.i/

Kryeministri në detyrë, Albin Kurti të mërkurën ka vizituar klubin e motoristëve Vespa Fanatics Prishtina, duke vlerësuar angazhimin e anëtarëve të tij në promovimin e kulturës së motoçiklizmit dhe ndërtimin e lidhjeve mes adhuruesve të markës Vespa.

Kurti përmes një postimi në rrjetin social në Facebook ka shkruar se simbol i stilit italian dhe elegancës në rrugë, vazhdon të mbetet e dashur për shumë breza.

“Pasioni për këtë model motorësh i ka shtyrë dashamirët e tyre të themelojnë klubin Vespa Fanatics Prishtina, i cili funksionon që nga viti 2023. Aktualisht, me mbi 60 anëtarë aktivë, klubi ka arritur të bashkojë entuziastë edhe nga Shqipëria dhe diaspora, duke krijuar ura bashkëpunimi e miqësie përtej kufijve. Vespa Fanatics Prishtina ka filluar të përfaqësohet në ngjarje prestigjioze si Vespa Ëorld Days në Itali, European Vespisti Ëeek dhe në aktivitete të ndryshme rajonale në Ballkan. Prej dy vitesh, në Kosovë organizohet Vespa Festival Prishtina, i cili vitin e kaluar mblodhi në kryeqytet mbi 150 pjesëmarrës, duke e shndërruar në një nga ngjarjet më të rëndësishme të komunitetit të Vespës në rajon “, ka shkruar Kurti. /Telegrafi/

Kryetari i OVL e UÇK-së, Hysni Gucati ka bërë të ditur se është kërcënuar nga një komentuar në rrjetet social.

Gucati përmes një postimi në rrjetin social në Facebook ka shkruar se një komentues i quajtur Eqerem Avdullahu paska shkruar me një gjuhë linçuese, duke kërkuar "pushkatimin" e tij.

“Përballë gjuhës së ulët që qarkullon në rrjete sociale, heshtja nuk është opsion, jo sepse ato fjalë peshojnë, por sepse opinioni publik duhet të shohë dallimin mes atyre që dhanë gjithçka për këtë tokë dhe atyre që guximin e vetëm e kanë pas një ekrani. Një komentues i quajtur Eqerem Avdullahu paska shkruar me një gjuhë linçuese, duke kërkuar ‘pushkatimin’ tim”, ka shkruar Gucati.

Tutje ai shtoi se sot, pikërisht më 3 qershor, mbushen plot 27 vite nga dita kur është lagosur rëndë në Malet e Berishës, duke luftuar ballë për ballë me armikun për lirinë e Kosovës.

“Shenjat në trupin tim janë dëshmitare të asaj kohe kur vendosej fati i atdheut, ashtu siç ishte edhe përballja ime me dinjitet në Hagë për të mbrojtur pastërtinë e Luftës Çlirimtare. Është e lehtë të kërkosh "pushkatime" virtuale sot në liri, një liri që u pagua me gjak e sakrifica. Unë mbetem ai që kam qenë gjithmonë, me ballin lart, i palëkundur dhe krenar për rrugën që kemi kaluar”, ka shkruar ndër të tjera Gucati. /Telegrafi/

Delegacioni i organizatës Albanians For America, i përbërë nga: Doc Vranici, Adrian Doko, Nino Rata dhe Gino Mulliqi, zhvilluan dje një drekë pune me Chris Gober, kandidat republikan për Dhomën e Përfaqësuesve të Shteteve të Bashkuara nga Distrikti i 10-të i Teksasit.

Gjatë takimit u diskutua për vizionin e Chris Gober për të ardhmen e Amerikës, me theks të veçantë në zhvillimin e ekosistemit teknologjik në rajonin e Austin-it dhe rëndësinë e ruajtjes së lidershipit amerikan në inteligjencën artificiale, robotikë, eksplorimin e hapësirës, prodhimin e avancuar dhe teknologjitë e reja.

Diskutimi u përqendrua gjithashtu në rëndësinë e inovacionit, konkurrueshmërisë ekonomike dhe sigurisë kombëtare.

Sipas përfaqësuesve të Albanians For America, lidershipi i Shteteve të Bashkuara në këto fusha është thelbësor jo vetëm për zhvillimin ekonomik, por edhe për ruajtjen e avantazhit strategjik dhe sigurisë kombëtare.

Takime të tilla ndërmjet liderëve të komunitetit, politikëbërësve dhe inovatorëve ndihmojnë në ndërtimin e partneritetit të fortë dhe në përgatitjen për sfidat dhe mundësitë e së ardhmes.

Raportet e Albanians For America me Chris Gober janë ndërtuar nga bashkëpunimi i hershëm që nga themelimi i AFA-s.

Si këshilltar ligjor i organizatës, përmes firmës së tij "Lex Politica", ai ka luajtur një rol të rëndësishëm në vendosjen e themeleve, të cilat ia mundësuan AFA-s, të rritet dhe të shndërrohet në një nga organizatat më të fuqishme të avokimit të komunitetit shqiptaro-amerikan në SHBA.

Albanians For America pret me kënaqësi vazhdimin e bashkëpunimit me Chris Gober, e falënderon për bashkëpunimin e deritashëm dhe i uron suksese në garën e tij për Kongresin e Shteteve të Bashkuara. /Telegrafi/

Në hyrje të Mitrovicës së Veriut janë vendosur tabelat e para me emërtimet e reja të rrugëve, në kuadër të procesit të riemërtimit të 88 rrugëve në këtë komunë.

Ministrja në detyrë e Planifikimit Hapësinor, Fitore Pacolli ka dalë në mbështetje të vendimit, duke e cilësuar atë si pjesë të shtrirjes së rendit dhe ligjit në veri të vendit.

Në Mitrovicën e Veriut vendosen tabelat me emrat e rinj të rrugëve

Përmes një postimi në Facebook, Pacolli kritikoi kundërshtarët e këtij procesi, duke thënë se po reagojnë ata që dikur, sipas saj, nuk arrinin të vepronin në veri të Kosovës.

“Po shoh reagime nga ata që edhe nuk është e çuditshme që reagojnë. Ata që dikur as nuk arrinin të shkelnin në veri se lëre më të shtrijnë rend dhe ligj andej. E sot pikërisht këta na sillën si të brengosur me shtrirjen e rendit dhe ligjit andej. Mos keni merak veriu është pjesë e Republikës së Kosovës, nuk është dhuratë e Rankoviqit.
Eksponentë të kësaj nomenklature me veprimet e Listës serbe duan të godasin Qeverisjen tonë. Edhe ata atje dhe këta këtu siç duket i pengon shumë që më në fund në veri kemi rrugë me emrin ‘'ISA BOLETINI' ’’, ka shkruar Pacolli. /Telegrafi/

Sali Berisha para gazetarëve ka deklaruar sot se ka qenë dhe është dakord që në Zvërnec të investohet.

Ai tha se edhe para tre vitesh kur u njoftua se Jared Kushner do të investonte në vendin tonë, ai ka thënë ‘po’ sepse sipas tij, investitorët kishin paratë.

“Para tre vitesh, kur u tha se do vinte dhëndri i ish-presidentit Trump në atë kohë, unë kam thënë po.

Reagimi im ndaj këtij lajmi ka qenë ky, plotësisht dakord. Sepse i ka paratë. Thuhej që fondi saudit janë fondet publike të investimeve, është fond trilionësh dhe natyrisht paratë ishin. Arsyeja bazë pse kam thënë po ka qenë kjo dhe e kam lidhur me paratë.

Me këtë unë nuk kisha dyshim se Rama po blinte influencë politike, por përsëri për mua interesi i vendit dilte mbi këtë. Investimi në Zvërnec është marrëdhënie private. Sa i përket atyre që qajnë për ishullin, janë hipokritë sepse Sazanin, në mënyrë absolute, ua kemi ofruar investitorëve edhe unë edhe Nano dhe nuk është investim i thjeshtë.

Asgjë nuk prishet aty, o miq, Çudia e Sazanit është kjo… është ajo bimësi e mrekullueshme në një ishull pa ujë. Bimësia do ruhet, pra Sazani është tokë publike. Zvërneci është tokë private në tërësinë e saj. Është e banueshme, dakord, tani ne mbështetëm investimin e huaj”, tha Berisha.

Lidhur me ndërtimin në një zonë të mbrojtur, Berisha tha se kjo ndodh kudo dhe se BE e ka përcaktuar me kritere. Po ashtu tha se Thethi dhe Valbona janë ndërtime në park kombëtar, e se kjo nuk dëmton por zhvillon zonën.

“Mund të zhvillohen ndërtime në zona të mbrojtura, BE ka përcaktuar standardet sesi zhvillohet zona e peizazhit. Në katër shkallë kalon. Doktrina nuk e përjashton. Atëherë mbetet të ndërtojmë vetëm në shkrepa dhe përroje. Por ne duhet t’i zhvillojmë në përshtatje të plotë me peizazhin. Thethi dhe Valbona janë në parqe kombëtare të dyja”, tha ai. /Tch/

SPAK ka zhbllokuar transaksionin e kryer nga investitorët e huaj që kanë blerë tokën për të investuar në Zvërnec.

Bllokimi u bë pak ditë më parë, teksa nisën verifikimet për të hetuar origjinën e pronës.

Lidhur me këtë zhvillim, Rama tha se e sheh këtë si pozitiv dhe tani merr fund çdo shqetësim i atyre që pretendojnë pronën.

SPAK bllokon transaksionin e investitorit të huaj në Zvërnec, Rama: Prokuroria të hetojë origjinën e pronës, por investimi nuk ndalon sa të jem unë

“Unë kam dalë për një arsye tjetër që nuk ka të bëjë me mbledhje e qeverisë por një zhvillim shumë pozitiv lidhur me procesin e verifikimit transaksionit për blerjen e tokës në Zvërnec. Me sqarimin e plotë dhe përfundimtar të origjinës së fondeve të kaluara përmes bankës dhe me çlirimin përfundimtar të investitorëve që tani më janë dhe pronarë.

Nga ana tjetër unë e konsideroj shumë pozitive që SPAK ka vendosur të mbajë të ngrira fondet pa i lënë të kalojnë te shitësi, për të cilin ka një proces hetimor. Kjo, në këndvështrimin tim, është shumë pozitive edhe për këdo që pretendon pronë në atë territor, pasi çështja do të mbulohet nga një hetim tërësisht i pavarur nga SPAK, dhe në të dyja rastet rezultati do të jetë i padiskutueshëm nga pikëpamja ligjore dhe do t’i japë fund çdo pretendimi që nuk është i bazuar në ligj”, tha kreu i qeverisë. /Tch/

Gjatë podcastit, “Shëndeti në rend të parë” i përkrahur nga United Hospital, fizioterapisti Blend Bytyqi foli për dhimbjet e përditshme dhe rastet kur ato nuk duhet të trajtohen menjëherë me fizioterapi, por kërkojnë fillimisht kontroll specialistik.

Duke iu përgjigjur pyetjes se cilat janë simptomat që duhet të merren seriozisht, Bytyqi tha se ka disa shenja të cilat nuk duhet të neglizhohen nga pacientët, sidomos kur bëhet fjalë për persona me histori të mëparshme të sëmundjeve serioze.

“Nëse ke pasë histori të mëhershme të kancerit, mos hajde direkt te fizioterapeuti nëse ke dhimbje, por bëje një kontroll specialistik te mjeku”, tha ai.

Sipas tij, në këto raste pacienti duhet të kontrollohet nga mjeku që e përcjell gjendjen apo nga një specialist përkatës, para se të nisë çdo formë trajtimi fizioterapeutik.

Bytyqi përmendi edhe dhimbjen gjatë natës si një nga shenjat që kërkon kujdes më të madh. Ai tha se dhimbjet që shfaqen apo përkeqësohen natën nuk janë gjithmonë shenjë e mirë dhe duhet të vlerësohen me kujdes.

“Nëse ki dhimbje natën, këto nuk janë prej shenjave të mira”, u shpreh fizioterapisti.

Ai shtoi se ndër simptomat më serioze janë edhe humbja e kontrollit urinar apo të defekimit, si dhe humbja e forcës në trup.

“Humbja e kontrollit urinar apo defekimit, humbja e forcës, këto janë shenja që absolut nuk është linja e parë fizioterapia”, theksoi Bytyqi.

Në këto raste, sipas tij, pacienti ka nevojë për ekzaminim të saktë dhe, varësisht nga gjendja, për rezonancë magnetike apo kontrolle të tjera specialistike.

“Në këto raste e shpëton pacientin specialisti, rezonanca magnetike, ekzaminime tjera. Nëse gjithçka del në rregull, vetëm atëherë fillohet trajtimi me fizioterapi”, tha ai.

Megjithatë, Bytyqi sqaroi se jo çdo dhimbje kërkon menjëherë alarm. Dhimbjet më të zakonshme të qafës, shpinës apo krahut mund të jenë raste ku fizioterapia ka rol të rëndësishëm, por gjithmonë pas një ekzaminimi klinik.

“Shenjat më bazike janë dhimbja e qafës, dhimbja e shpinës, dhimbja e krahut që nuk përhapet, veç nuk është ndjesi djegie, pickimi”, tha ai.

Për më shumë shikoni podcastin e plotë të "Shëndeti në rend të parë":

- YouTube www.youtube.com

Paneli Zgjedhor për Ankesa dhe Parashtresa PZAP) ka marrë vendim në lidhje me dy ankesat e dërguara nga IKD dhe LDK për Lëvizjen Vetëvendosje (LVV) për shkak të pjesëmarrjes së fëmijëve në fushatë zgjedhore.

PZAP i ka pranuar si të bazuara këto ankesa duke e dënuar LVV-në me gjobë prej 5 mijë e 100 euro.

Përdorimi i të miturës në tubimin zgjedhor në Vushtrri, IKD dorëzon ankesë ndaj LVV-së në PZAP

Sipas vendimit të PZAP-së, thuhet se LVV e ka arsyetuar këtë duke thënë se e mitura nuk ka qenë pjesë e organizimit dhe ka dal në skenë me dëshirën e saj dhe lejën e prindit.

"PZAP e ka vlerësuar këtë pretendim si të pabazuar, “për faktin se në momentin kur organizatori i aktivitetit i ka mundësuar të miturës hyrjen në sallë, pastaj paraqitjen në skenë parapublikut në kuadër të tubimit zgjedhor, pjesëmarrja e saj konsiderohet përfshirje aktive në fushatë zgjedhore. Për zbatimin e kësaj norme nuk është vendimtare nëse iniciativa për paraqitje e të miturës ka ardhur nga organizatori apo nga vetë e mitura, por vet fakti se subjekti politik ka lejuar dhe mundësuar pjesëmarrjen e saj aktive, apo edhe pasive në një aktivitet zyrtar zgjedhor”, thuhet në vendimin e PZAP-së. /Telegrafi/