Në fshatin Shtërmen, dyshohet se aksidentalisht është mbytur në një kanal vaditës, shtetasi G. B., rreth 65 vjeç.

Trupi i pajetë është dërguar për kryerjen e ekspertizës mjeko-ligjore.

Grupi hetimor po punon për zbardhjen e rrethanave të rastit./E.T

Të gjithë qytetarët që kanë nevojë për ndihmë në përdorimin e platformës e-Albania mund t’i drejtohen zyrave të posaçme që janë hapur nga bashkitë në të gjithë vendin, me qëllim ofrimin e asistencës dhe shërbimeve të nevojshme.

Zëvendëskryeministrja dhe njëherësh Ministrja e Infrastrukturës dhe Energjisë, Belinda Balluku, zhvilloi sot një vizitë në qytetin e Patosit, ku inspektoi funksionimin e “zyrës me një ndalesë”.

Gjatë vizitës, Balluku u bëri thirrje qytetarëve të paraqiten pranë këtyre zyrave për të marrë asistencë falas për çdo shërbim të nevojshëm në platformën digjitale.

Në këto zyra, theksoi Balluku, ofrohen të gjitha shërbimet, përfshirë edhe shërbimet e Postës, së IdentiTek për marrjen e letërnjoftimeve dhe pasaportave, ashtu si edhe shërbimet që lidhen me bashkitë.

“Të gjitha shërbimet e e-Albania, veçanërisht për moshat e treta që e kanë më të vështirë përdorimin e teknologjisë, ofrohen falas nëpërmjet zyrave me një ndalesë. Çdo zyrë avokatie apo noterie që ofron këto shërbime me pagesë është në shkelje të plotë të ligjit”, theksoi Balluku.

Këto zyra synojnë të lehtësojnë aksesin në shërbimet digjitale për të gjithë qytetarët, duke ndihmuar në mënyrë të veçantë ata që hasin vështirësi teknologjike./E.T

Shqipëria do të përfshihet nga një valë të nxehti me temperatura ekstreme gjatë kësaj jave. Meteorologu Hakil Osmani, në një lidhje “live”, paralajmëroi se vendi do të jetë nën ndikimin e temperaturave shumë të larta dhe kthjellimeve të gjata.

“Kushtet atmosferike gjatë kësaj jave do të vijojnë të jenë të qëndrueshme, me temperatura të larta, sidomos në orët e mesditës. Sot pritet që termometri të shënojë deri në 39°C, ndërsa të enjten dhe të premten do të arrijë kulmin me vlera maksimale deri në 41°C, veçanërisht në qarqet e Elbasanit, Beratit dhe zonat më të izoluara të këtyre qarqeve,” deklaroi Osmani./e.t

Gjykata e Tiranës ka liruar nga qelia dy vëllezërit Agim dhe Florenc Domi administrator dhe magazinier të një ambjeti që u gjetën produkte të skaduara në Vorë. Me kërkesë edhe te prokurorisë dy vëllezërit do të hetohen në masën e sigurisë arrest në shtëpi.

Ata kanë ngritur pretendimin në gjykatë se mallrat e gjetura nuk i kishin për hedhjen në treg por për asgjësim. Kjo procedurë do të ndodhte sapo të ishin krijuar kushtet financiare.

Ndaj tyre rëndojnë akuzat “Shkelja e të drejtave të pronësisë industriale”, “Falsifikimi i vulave, stampave ose formularëve”, “Fshehja e të ardhurave”, “Mospagimi i taksave dhe tatimeve”, “Punësim i paligjshëm” dhe “Importi, prodhimi, shitja, ruajtja e ushqimeve të rrezikshme për shëndetin ose jetën e njerëzve”.

Gjatë kontrolleve të një magazine të kompanisë Master al, në Vorë më 19 korrik policia gjeti produkte ushqimore, kroasant, fruta të thata e të tjera, të cilt kishin skaduar që në muajin janar dhe shkurt.

Sipas autoriteteve  mbi to, ishin vendosur etiketa skadence të falsifikuara me data më të largëta, dhe ishin bërë gati të nxirreshin në treg. Në një operacion të koduar “Siguria Ushqimore” policia sekuestroi 716 koli dhe dhjetëra kilogramë mallrash ushqimore të përpunuara të skaduara që 7 muaj më parë, me etiketat e falsifikuara./e.t

Juristi Kreshnik Spahiu theksoi sot se Sali Berisha politikisht vepron me dy standarde pas humbjes së zgjedhjeve. Teksa dikur i kërkonte dorëheqjen Lulzim Bashës për humbjen, vetë bën të kundërtën duke pretenduar farsë elektorale.

Ai ndau mendimin se nëse kreu i PD hyn në Parlament në shtator, do të thotë se bën lojën e Ramës, pasi e legjitimon atë si pushtet dhe fitues të zgjedhjeve, edhe pse prej dy muajsh thotë se nuk e njeh rezultatin e 11 majit.

“Nëse Berisha do pranojë mandatin e deputetit, nëse do hyjë në Parlament, nëse do pranojë të jetë krah Ramës në Kuvend dhe do e njohë Kuvendin në shtator, kjo do të thotë se ai do jetë në krah të Ramës, do e legjitimojë këtë pushtet. Pra, do bëjë hapur lojën e Ramës”, u shpreh Spahiu./e.t

Kremlini ka bërë të ditur se nuk e përjashton mundësinë e një takimi midis Vladimir Putin dhe Donald Trump nëse presidentët rusë dhe amerikanë do të ishin të dy në Pekin në të njëjtën kohë në shtator. Zëdhënësi i Kremlinit, Dmitry Peskov, konfirmoi se Putin do të vizitonte Kinën për ngjarjet që shënojnë 80-vjetorin e përfundimit të Luftës së Dytë Botërore, por tha se Moska nuk kishte dëgjuar nëse Trump planifikonte të shkonte.

“Ju e dini që ne po përgatitemi për një udhëtim në Pekin, presidenti ynë po përgatitet për këtë udhëtim… Por nuk kemi dëgjuar që Presidenti Trump po shkon edhe atje, në Pekin”, tha Peskov kur u pyet nëse të dy udhëheqësit mund të takohen, përfshirë ndoshta në një format trepalësh me Presidentin kinez Xi Jinping. “Nëse ndodh që (Trump) të jetë atje, atëherë, sigurisht, nuk mund ta përjashtojmë që çështja e përshtatshmërisë së mbajtjes së një takimi do të ngrihet”, u tha Peskov gazetarëve.

Gazeta britanike The Times raportoi javën e kaluar se Kina po pozicionohej për të mbajtur një samit midis Trump dhe Putin. Putin dhe Trump kanë folur të paktën gjashtë herë që kur Trump u kthye në Shtëpinë e Bardhë në janar. Kremlini ka thënë se është në favor të një takimi ballë për ballë midis tyre, por kjo do të kërkonte përgatitje të kujdesshme në mënyrë që të jepte rezultate.

Trump ka shprehur zhgënjim në rritje me udhëheqësin rus për mungesën e përparimit drejt përfundimit të luftës në Ukrainë, duke thënë më parë këtë muaj se “na hidhen shumë budallallëqe nga Putini”.

Trump tha javën e kaluar se do të vendoste sanksione të reja ndaj Rusisë dhe blerësve të eksporteve të saj brenda 50 ditësh, nëse Moska nuk pranonte një marrëveshje paqeje. Ky afat do të skadojë në fillim të shtatorit, duke përkuar me ngjarjet e përvjetorit të luftës në Pekin./E.T

Besimi i qytetarëve shqiptarë tek Sali Berisha ka humbur plotësisht, por tashmë ai ka humbur edhe besimin e të vetëve, pasi PD nuk mbledh dot as 300 veta në shesh.

Kështu tha për emisionin ‘Sot, Live në Shqipëri’, juristi Kreshnik Spahiu. Dhe argumenti i tij analitik ishte se nëse PD-së iu vodhën 300 mijë vota më 11 maj, atëherë përse Berisha nuk mbledh dot as 300 protestues në shesh?

“Ka dy muaj që thotë se u vodhën votat. Thotë se u vodhën 300 mijë vota me tren bullgar. Por nuk ka mbledhur dot as 300 vetë në shesh, s’ka bërë tre protesta, i shmanget protestave dhe i shtyn ato pas pushimeve. Si ka mundësi? Ka një gjë, ose nuk janë vjedhur 300 mijë vota, ose ka humbur mbështetjen”, u shpreh juristi për Report Tv.

Madje duke e njohur mirë kreun e PD-së, ai ndau mendimin se po të kishte 300 mijë mbështetës të opozitës, jo vetëm pushime nuk do bënte Berisha, por do të ishte në shesh për protestë.

“Por të jeni të bindur, se po të kishte 300 mijë njerëz, ai as pushime nuk do bënte. Do dilte në shesh për protesta”, komentoi juristi./E.T

Nga sot, rituali i dollisë do të njihet si vlerë kombëtare e trashëgimisë.

Vendimi është marrë në mbledhjen e Këshillit Kombëtar të Trashëgimisë Kulturore Jomateriale.

Ngritja e dollisë, gjerësisht e njohur në Shqipëri ka si objekt respektimin dhe kushtimin e vëmendjes ndaj mikut.

Dollia është një element i traditës shqiptare, një kod i mikpritjes shqiptare dhe gjatë shekujve ka marrë trajtën e një kodi moral të respektuar dhe zbatuar në shumë krahina të vendit.

Si karakteristikë e mirëfunksionimit dhe rregullave në sofër, ka qenë prania e dollibashit si i pari i tavolinës dhe përballë tij e pritësit të dollisë të cilët janë të ndryshueshëm në rolin e tyre.

Marrëdhënia mes tyre ka të bëjë me urimet e ndërsjella dhe respektin reciprok të palëve, sjellje kjo e cila demonstrohet përballë të gjithë miqve të ftuar në sofër./E.T

Nuk ndalen dorëheqjet në Bashkinë e Elbasanit.

Katër nënkryetarët janë larguar nga detyra ndërsa mbetet e paqartë nëse kjo vendimarrje vjen pas ultimatumit të kryeministrit Edi Rama për rifreskim të stafit të këtij institucioni apo dorëheqjet kanë ardhur përshkak të aksionit të ndërmarrë mëngjesin e kësaj të hëne nga prokuroria e Elbasanit.

Po ashtu, mësohet se është dorëhequr edhe kryetari i njësisë administrative që ka në menaxhim varrezat e qytetit, pas kritikave publike që kreu I qeverisë I bëri kryebashkiakut Llatja, për keqmenaxhimin e mbetjeve.

Pak ditë më parë, edhe dy drejtorë dhe kryetarët e njësive administrative u larguan nga detyra, ndërsa pjesa tjetër e drejtorive vijon punën normalisht. Por Elbasani, nuk ishte e vetmja bashki, e cili u përball me largime masive.

Thuajse në të gjitha bashkitë që drejtoheshin nga të majtën u dorëhoqën drejtorët, administratoret lokkalë, ndërsa një pjesë edhe nëkryetarët. Sipas kryeministrit Rama, këto largime janë një domosdoshmëri, për ti hapur rruge riorganizimit, vetëpastrimit dhe emërimëvë të reja mbi bazën e meritokracisë në pushtetin vendor.

The post Urdhri i Ramës apo hetimet për inceneratorin? Çfarë i shtyu nënkryetarët e Bashkisë së Elbasanit të dorëhiqen first appeared on JavaNews.al.

Prokuroria e Fierit ka dhënë pretencën për 3 personat e akuzuar, Albi Mecini, Ervis Cukali dhe Arafat Manërkolli, se po transportonin një sasi prej më shumë se 21 kg lëndë plasëse në qytetin e Fierit.

Ata akuzohen për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Kundërshtimi i punonjësit të policisë së rendit publik”, ndërsa në momentin e kapjes me lëndë eksplozive policia informoi se kishte dyshime se do të kryenin atentat.

Prokuroria ka kërkuar dënimin me 18 vite burgim për Albi Mecinin, i cili përfiton nga gjykimi i shkurtuar dhe nëse dënohet nga gjykata do qëndrojë pas hekurave 12 vite.

Për Ervis Cukali, Prokuroria kërkoi dënimin me 14 vite burgim. Ai përfiton nga gjykimi i shkurtuar dhe nëse dënohet nga gjykata do qëndrojë pas hekurave 9.4 vite.

I njëjti dënim si për Ervis Cukalin u kërkua edhe për Arafat Manërkolli, i cili do qëndrojë pas hekurave 9.4 vite nëse dënohet.

“Nga hetimi dhe gjykimi i këtij procedimi penal rezultoi e provuar se, të pandehurit A.M., Ar.M. dhe E.C., në bashkëpunim me njëri-tjetrin, në datë 28 Gusht 2023 kanë poseduar dhe transportuar 21 kg e 265 gr lëndë eksplozive në qytetin e Fierit”, informoi Prokuroria.

Prokuroria pranë Shkallës së Parë të Juridiksionit të Përgjithshëm Fier, kërkon dënimin me 14 deri në 15 vite burgim për secilin prej tre shtetasve A.M., Ar.M. dhe E.C., të cilët në bashkëpunim me njëri-tjetrin tentuan të transportonin 21 kg e 265 gr lëndë eksplozive në qytetin e Fierit dy vite më parë.

Shtetasit në fjalë, janë hetuar e gjykuar në kuadër të procedimit penal nr.1070, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Kundërshtimi i punonjësit të policisë së rendit publik”, parashikuar nga nenet 278/7 dhe 236/2 të Kodit Penal.

Nga hetimi dhe gjykimi i këtij procedimi penal rezultoi e provuar se, të pandehurit A.M., Ar.M. dhe E.C., në bashkëpunim me njëri-tjetrin, në datë 28.09.2023 kanë poseduar dhe transportuar 21 kg e 265 gr lëndë eksplozive në qytetin e Fierit.

Në diskutimet përfundimtare Prokuroria pranë Gjykatës së Shkallës së Parë të Juridiksionit të Përgjithshëm, Fier kërkoi:

– Në aplikim të nenit 406 të K.Pr.Penale uljen e dënimit me 1/3 dhe dënimin e tij me 9 vjet e 4 muaj burgim.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë dhe vënien para përgjegjësisë ligjore të të gjithë personave që kryejnë vepra penale në fushën e narkotikëve, si dhe që gjatë ushtrimit të detyrës kryejnë veprime në kundërshtim me ligjin.

Kujtojmë që Ervis Cukali është arrestuar nga policia në Sarandë gjatë një aksioni policor në lagjen nr.1 të qytetit mbrëmjen e 12 Korrikut teksa udhëtonte në automjet me Endri Dokun dhe Imer Gegën.

Gjatë veprimeve, njëri prej tyre, 27-vjeçari Endri Doku, tentoi të largohej duke u hedhur në det, së bashku me çantën ku ndodhej arma e zjarrit.

Në ndihmë të efektivëve kanë ardhur Policia Kufitare që ndodhej në patrullim në afërsi me mjetin e tyre lundrues, duke bërë të mundur kapjen në det të të riut nga Kamza.

Gjithashtu, efektivët gjetën çantën me armën që 27-vjeçari Endri Doku tentoi të fshihte duke e hedhur në det.

Albi Mëcini nga Kamza, i cili dyshohet se është një ndër autorët e rrëmbimit të Leonard Theodhorit dhe Fatmir Sulovarit në Sarandë, u kap në flagrancë me dy çanta brenda të cilave kishte eksploziv të montuara me celular për shpërthim në distancë.

Po ashtu policia njoftoi se kishte shpallur në kërkim dhe bashkëpuntorë të tjerë të 29-vjeçarit që ishin bërë gati për të kryer një vrasje, Ervis Cukali, Sebastian Lataj dhe Arafat Manërkolli.

Dërgimi për gjykim nga Prokuroria

Transportonin 21 kg lëndë eksplozive, Prokuroria Fier dërgon për gjykim tre shtetasit A.M, E.C dhe A.M

Prokuroria pranë Gjykatës së Shkallës së Parë të Juridiksionit të Përgjithshëm Fier, përfundoi hetimet dhe dërgoi në gjyq tre shtetasit A.M., E.C., dhe A.M. për ‘Prodhimi dhe mbajtja pa leje e armëve luftarake e municionit’ e kryer në bashkëpunim dhe në sasi të mëdha, parashikuar nga neni 278/6 i Kodit Penal.

Në kuadër të hetimeve të procedimit penal nr.1070, i kryer në bashkëpunim me policinë gjyqësore, rezultoi se shtetasi A.M u kap nga policia gjyqësore në flagrancë në fshatin Vajkan, të qarkut Fier, ku kishte lënë mjetin e tij pranë lëndës eksplozive, në një rrugë dytësore pranë rrethrrotullimit përballë qëndrës “Viva” në rrugën për tek vendi i quajtur “Safari”. Ndërkohë që bashkëpunëtorët e tjerë ishin duke u afruar pranë tij me një mjet tjetër pa targa, i trafikuar dhe me shasi të falsifikuar, brenda të cilës u sekuestruan 3 bidona me lëndë djegëse benzinë.

Nga hetimet rezultoi se të tre të pandehurit në bashkëpunim me njëri-tjetërin, më datë 28.09.2023 kanë poseduar dhe trasportuar lëndën eksplozive prej 21 kilogram e 265 gram në qytetin e Fierit. Të pandehurit, janë të dënuar më parë dhe dyshohet se janë përfshirë në ngjarje të rënda.

Pas kryerjes së veprime të plota, organi i akuzës ka arritur të provojë se të pandehurit kanë konsumuar plotësisht veprat penale për të cilën akuzohet dhe për këtë shkak ka përpiluar kërkesën për dërgimin e çështjes në gjyq.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë dhe vënien para përgjegjësisë ligjore të personave që kryejnë vepra penale kundër rendit dhe sigurisë publike.

Albi Mecini nga Kamza u kap me dy çanta brenda të cilave kishte eksploziv të montuara me celular për shpërthim në distancë. Përmes inteligjencës informative, blutë kishin të dhëna se do të kryhej një atentat me tritol ndaj një personi me rekorde kriminale që ushtron aktivitetin e tij në Fier, identitetin e të cilit policia nuk e tregoi për shkak të hetimeve.

Gjatë kontrollit policia gjeti dhe një tjetër automjet, brenda të cilit ishin 3 bidonë me benzinë dhe dy karta ID, të Arafat Manërkollit, 28 vjeç, nga Dibra, dhe Ervis Cukalin, 26 vjeç, nga Tirana.

Mendohet se makina ku u gjetën bidonët me benzinë do të përdorej për të asgjësuar gjurmët pas atentatit që u parandalua.

30-vjeçari dyshohet se së bashku me një person tjetër rrëmbyen Leonard Theodhorin, i njohur si Koçole, dhe Fatmir Sulovarin në Sarandë në prill të 2023 për llogari të një grupi kriminal.

Pak javë pas zhdukjeve së tyre, policia zbuloi 3 automjete në një vilë që autorët e dyshuar kishin marrë me qira në Nivicë. Në njërën prej tyre janë përftuar profile ADN-je të Albi Mecinit.

Ndërkohë, policia zbuloi se ka emrin e një tjetër të dyshuari që mund të fshihet pas rrëmbimeve, Sebastjan Lataj, 26 vjeç, gjithashtu nga Kamza.

Gjithashtu, 29-vjeçari Albi Mecini rezulton me precedent të theksuar kriminal edhe jashtë shtetit, në Angli dhe Francë, për trafikim droge dhe krime kundër personit.

Albi Mecini njihet dhe si miku i ngushtë i Admir Tafilit dhe është akuzuar nga Prokuroria e Korçës si bashkëpunëtor për arratisjen e Tafilit dhe 6 personave të tjerë nga burgu i Drenovës mbrëmjen e 23 Nëntorit 2013.

The post U kap me lëndë plasëse, Prokuroria e Fierit kërkon dënimin me 30.8 vite burg të krahut të djathtë të Admir Tafilit first appeared on JavaNews.al.

Besimi i qytetarëve shqiptarë tek Sali Berisha ka humbur plotësisht, por tashmë ai ka humbur edhe besimin e të vetëve, pasi PD nuk mbledh dot as 300 veta në shesh.

Kështu tha për emisionin ‘Sot, Live në Shqipëri’, juristi Kreshnik Spahiu. Dhe argumenti i tij analitik ishte se nëse PD-së iu vodhën 300 mijë vota më 11 maj, atëherë përse Berisha nuk mbledh dot as 300 protestues në shesh?

“Ka dy muaj që thotë se u vodhën votat. Thotë se u vodhën 300 mijë vota me tren bullgar. Por nuk ka mbledhur dot as 300 vetë në shesh, s’ka bërë tre protesta, i shmanget protestave dhe i shtyn ato pas pushimeve. Si ka mundësi? Ka një gjë, ose nuk janë vjedhur 300 mijë vota, ose ka humbur mbështetjen”, u shpreh juristi për Report Tv.

Madje duke e njohur mirë kreun e PD-së, ai ndau mendimin se po të kishte 300 mijë mbështetës të opozitës, jo vetëm pushime nuk do bënte Berisha, por do të ishte në shesh për protestë.

“Por të jeni të bindur, se po të kishte 300 mijë njerëz, ai as pushime nuk do bënte. Do dilte në shesh për protesta”, komentoi juristi.

The post Spahiu: Nëse u vodhën 300 mijë vota më 11 maj, pse PD nuk mbledh dot 300 protestues në shesh? first appeared on JavaNews.al.

Gjykata e Posaçme Antikorrupsion ka reaguar pas deklaratës së kreut të PD, Sali Berisha se kreu i SPAK është konfliktuar me një gjykatëse.

“Gjykata e Posaçme përgënjeshtron kategorikisht çdo pretendim që aludon për përplasje apo tensione ndërinstitucionale me Prokurorinë e Posaçme kundër Korrupsionit dhe Krimit të Organizuar, e cila, në përputhje me rolin e saj kushtetues dhe ligjor, është palë në procesin gjyqësor dhe si e tillë, nuk ka dhe nuk mund të ketë asnjë kompetencë për të ndikuar në vendimmarrjen e gjykatës.

Gjykata e Posaçme thekson se nuk ekziston asnjë konflikt institucional apo personal me ndonjërën prej palëve në çështjen penale të sipërcituar, përfshirë Prokurorinë e Posaçme. Marrëdhënia midis gjykatës dhe të gjitha palëve është e bazuar në respektimin e rolit dhe kompetencave përkatëse të secilit subjekt procedural, në funksion të zhvillimit të një procesi të rregullt dhe të drejtë gjyqësor”, theksohet në deklaratën e siguruar nga gazetarja e Top Channel, Anila Hoxha.

REAGIMI I PLOTË:

Në përgjigje të interesit publik/mediatik mbi dosjen “Partizani”, në ngarkim të të pandehurve Sali Berisha, Jamarbër Malltezi, Fatmir Bektashi, Xhimi Begeja, Andia Pustina, “Studio Pustina”, “Studio Homeplan” dhe “Shoqëria Kontakt”, si dhe raportimeve të ditës së sotme në disa media lidhur me një konflikt institucional të supozuar, ndërmjet Drejtuesit të Prokurorisë së Posaçme kundër Korrupsionit dhe Krimit të Organizuar z. Altin Dumani dhe një prej gjyqtareve të Gjykatës së Posaçme të Shkallës së Parë për Korrupsionin dhe Krimin e Organizuar, kjo gjykatë sqaron me vendosmëri dhe qartësi se një konflikt i tillë nuk ekziston dhe as nuk ka ekzistuar.

Gjykata e Posaçme përgënjeshtron kategorikisht çdo pretendim që aludon për përplasje apo tensione ndërinstitucionale me Prokurorinë e Posaçme kundër Korrupsionit dhe Krimit të Organizuar, e cila, në përputhje me rolin e saj kushtetues dhe ligjor, është palë në procesin gjyqësor dhe si e tillë, nuk ka dhe nuk mund të ketë asnjë kompetencë për të ndikuar në vendimmarrjen e gjykatës. Gjykata e Posaçme thekson se nuk ekziston asnjë konflikt institucional apo personal me ndonjërën prej palëve në çështjen penale të sipërcituar, përfshirë Prokurorinë e Posaçme. Marrëdhënia midis gjykatës dhe të gjitha palëve është e bazuar në respektimin e rolit dhe kompetencave përkatëse të secilit subjekt procedural, në funksion të zhvillimit të një procesi të rregullt dhe të drejtë gjyqësor.

Kjo gjykatë funksionon si një organ gjyqësor tërësisht i pavarur dhe i paanshëm, në përputhje me parimet themelore kushtetuese dhe ligjore të shtetit të së drejtës. Pavarësia e gjyqtarëve është e sanksionuar në nenin 145 të Kushtetutës së Republikës së Shqipërisë, si dhe në legjislacionin organik për sistemin e drejtësisë, përfshirë ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, ligjin nr. 98/2016 “Për organizimin e pushtetit gjyqësor në Republikën e Shqipërisë” dhe ligjin nr. 115/2016 “Për organet e qeverisjes së sistemit të drejtësisë”.

Gjyqtarët e kësaj gjykate gjykojnë mbi bazën e provave, duke interpretuar ligjin me paanësi, profesionalizëm dhe integritet të lartë, të udhëhequr vetëm nga bindja e tyre e brendshme dhe nga ligji, të lirë nga çdo ndikim i jashtëm apo trysni politike dhe mediatike. Theksojmë se çdo ndërhyrje e drejtpërdrejtë apo e tërthortë në punën e gjykatës përbën jo vetëm cenim të rëndë të parimit të ndarjes së pushteteve, por edhe shkelje të rendit kushtetues dhe ligjor në vend.

Gjykata e Posaçme e Shkallës së Parë për Korrupsionin dhe Krimin e Organizuar mbetet e palëkundur në misionin e saj për të garantuar një drejtësi të drejtë, të barabartë dhe të pavarur për çdo qytetar të Republikës së Shqipërisë. Ne do të vijojmë me vendosmëri punën tonë në respekt të plotë të Kushtetutës dhe ligjit, duke garantuar transparencë dhe llogaridhënie ndaj publikut, por pa lejuar në asnjë rast që kjo transparencë të kthehet në mjet presioni apo cënimi të integritetit të vendimmarrjes gjyqësore.

Ftojmë median të mbështesë përpjekjet për forcimin e shtetit të së drejtës me raportim të saktë, të verifikuar dhe në përputhje me standardet profesionale të informimit.

The post “Dumani gati sa nuk u përlesh fizikisht me gjyqtaren”/ GJKKO përgënjeshtron Berishën: Asnjë përplasje! Jemi të pavarur first appeared on JavaNews.al.

Gazetari Carlo Bollino ka fituar në Itali edicionin e XIV të Çmimit Kombëtar të Gazetarisë për Karrierën “Antonio Maglio”. Çmimi për shkrimin më të mirë investigativ është fituar nga Francesco G. Gioffredi për reportazhin “Taranto, qyteti i fateve të pezulluara sërish në udhëkryqin mes mosbesimit dhe shpresës”, botuar në Nuovo Quotidiano di Puglia, më 24 maj 2025.

Dy çmimet e dyta janë ndarë për Elisa Venco për hetimin mbi fuqinë dhe rolin e konsumatorëve “Dhe unë nuk të blej!”, botuar në revistën Focus të muajit qershor 2025, dhe për Maria Cristina Fraddosio për artikullin “Gjashtë mijë projekte të djegura nga një firmë. Udhëtim mes rrënojave të bashkëpunimit ndërkombëtar”, botuar në versionin online të HuffPost Italia, më 7 prill 2025.

Çmimi për Karrierën iu dha gazetarit Carlo Bollino, me origjinë nga Lecce. Carlo Bollino e nisi karrierën e tij shumë i ri, fillimisht në radiot private dhe më pas në median e shkruar, ku u përqendrua menjëherë në kronikën e zezë dhe krimin e organizuar, duke raportuar, ndër të tjera, për lindjen e organizatës kriminale Sacra Corona Unita në Puglia. U punësua nga e përditshmja Quotidiano di Lecce dhe u bë gazetar profesionist në vitin 1986. Në vitin 1988 shkroi librin investigativ “La posta in gioco” (Basti i madh) kushtuar vrasjes së këshilltares bashkiake të Nardòs, Renata Fonte, nga i cili u realizua edhe një film. Në vitin 1989 u transferua në Bari si i dërguar i gazetës Gazzetta del Mezzogiorno. Mbuloi krizën në Somali, Rumani, luftën në ish-Jugosllavi, luftën në Irak dhe rënien e komunizmit në Shqipëri. Bashkëpunoi me RAI-n në disa programe si “Telefono Giallo”, “Chi l’ha visto” dhe “Porta a Porta”. Në vitin 1992 u vendos në Tiranë ku themeloi për llogari të Gazzetta del Mezzogiorno të përditshmen Gazeta Shqiptare, portalin Balkanweb, radion Rash dhe News24, televizioni i parë informativ në Shqipëri. Në vitin 1999 u bë korrespondent i agjencisë Ansa për Shqipërinë dhe mbuloi, ndër të tjera, luftërat në Kosovë dhe Maqedoni. U përfshi në grupin e posaçëm të dërguarve në ndjekje të luftës të Ansa-s dhe mbuloi gjithashtu konfliktet në Izrael, Gaza dhe Irak.

Në vitin 2007 u bë shef i zyrës së korrespondencës së Ansa-s në Izrael dhe në maj të vitit 2008 drejtor i Gazzetta del Mezzogiorno. Në vitin 2012 dha dorëheqjen dhe u rikthye në Shqipëri ku themeloi Report Tv dhe Shqiptarja.com, sot ndër mediat më të njohura dhe prestigjioze në vend. Në Shqipëri ka shkruar dhe botuar librat “Heshtja e dyfishtë” dhe “Në tunelet e Shqipërisë së fshehtë”. Midis viteve 2014 dhe 2016 themeloi në Tiranë muzetë “Bunk’Art 1” dhe “Bunk’Art 2”, të ndërtuar në bunkerë bërthamorë të periudhës së Luftës së Ftohtë dhe të dedikuar 45 viteve të komunizmit në vend. Të dy muzeumet, për të cilat është ende kurator i përgjithshëm, konsiderohen ndër atraksionet më të rëndësishme turistike të Shqipërisë.

Në vitin 2009, Presidenti i Republikës së Shqipërisë, Bamir Topi, i dorëzon Carlo Bollino “Medaljen e Mirënjohjes”, një dekoratë në shenjë vlerësimi “për kontributin e dhënë në krijimin dhe zhvillimin e mediave në Shqipëri, si një faktor i rëndësishëm për zhvillimin dhe përparimin e demokracisë”.

Çmimi Special iu dha Salvatore Bellone për artikullin “Kulturë, det, fe dhe magji. Taranto: shumë më tepër se çelik”, botuar në Gazzetta del Mezzogiorno më 11 dhjetor 2024, dhe Anna Paola Lacatena për hetimin “Gra, drogë dhe burg: tavani prej kristali dhe shufrat prej hekuri”, botuar në faqen online të Limes më 16 dhjetor 2024.

Në këtë nismë, të promovuar nga Shoqata “Maglio” dhe Bashkia e Alezios, me mbështetjen e Urdhrit të Gazetarëve dhe të Federatës Kombëtare të Shtypit, bashkëpunojnë edhe Rotary Club Lecce Sud, Quarta Caffè, Kantina Coppola e Gallipolit, Konsorciumi i Vajit të Ullirit Ekstra të Virgjër me Origjinë të Kontrolluar të Tokës së Otrantos, kompania Foresta Forte, agroturizmi Santa Chiara i Alezios dhe revista online ilGrandeSalento.it.

Të gjashtë gazetarëve fitues, presidentja e Rotary Club Lecce Sud, Donata Anna Perrone, do t’u dorëzojë një stilolaps me vlerë, simbol historik i punës së gazetarisë dhe protagonistëve të saj që, edhe me mjetet më moderne të komunikimit, janë të thirrur, dje si sot, të garantojnë një informacion cilësor, të lirë dhe pluralist. Stilolapsi (i firmosur nga dizenjatori dhe argjendari me famë ndërkombëtare, Gerardo Sacco) është zbukuruar me një gdhendje origjinale të portretit të Paul Harris-it, themeluesit në vitin 1905 të Rotary-t si një shoqatë shërbimi e përkushtuar për të bërë shoqërinë më të drejtë dhe solidare në çdo cep të botës.

The post Carlo Bollino vlerësohet në Itali me Çmimin Kombëtar të Gazetarisë për Karrierën first appeared on JavaNews.al.

Krisja mes Endri Shabanit dhe Adriatik Lapajt ndezi një debat të gjerë në opinionin publik. A ishte kjo një përplasje egosh apo një përplasje parimesh.

Për Top Channel, Endri Shabani zbulon prapaskenat e konfliktit, vizionin e tij politik dhe mundësinë ose jo për një bashkimi në të ardhmen.

“Grabitja e rezultatit si produkt e një njeriu të vetëm, padyshim që krijoi një klimë tensioni.

Ky debat nuk ka qenë kurrë për një mandat, debati ishte për standardin. Z. Lapaj bëri një zotim ndaj nesh, ndaj aktivistëve të vetë, ndaj votuesve të vetë.

U angazhua duke i thënë njerëzve se nuk po luftonte për karrigen e vetë. Pas zgjedhjeve pati një tërheqje nga ky zotim. La një zhgënjim dhe te elektorati, te aktivistët dhe te ‘Nisma Thurje’.

Ka një vitë që u kalua me kërcënimet. Pas kërcënimeve të aktivistëve tanë, ndaj meje… Kërcënimet kanë qenë me jetë. Kërcënime serioze nga aktorë të rrezikshëm. Po përgatitet një dosje.

Unë personalisht do të doja të mos shkojmë deri aty… Ky debat mos të shkojë në dyert e gjykatave. Sot nuk ka më një koalicion, ndërkohë që publikut me transparencë totale t’i tregojmë ç’po bëhet dhe ku po shkojmë.

Znj. Kleana Xhuveli ka revokuar dorëheqjen, ka kërkuar mandatin e deputetit. E fejuara ime ka dhënë dorëheqjen. Nëse njihen revokimet, sot Kleana Xhuveli do të jetë deputete e Nismës Shqipëria Bëhet.

Për shkak të dështimit të këtij koalicioni, ajo do të jetë përfaqësuese e Shqipëria Bëhet dhe ne heqim dorë nga mandati dhe ky koalicion”, tha ndër të tjera Shabani.

The post Shabani vulos ndarjen me Lapaj: Kleana Xhuveli do jetë deputete! Për kërcënimet do shkojmë në gjykatë first appeared on JavaNews.al.

Endri Shabani, kryetari i Nismës Thurje, deklaroi në studion e “Off the Record” me Andrea Dangllin, në A2 CNN, se sa herë që ka shkuar për një marrëveshje paszgjedhore me Adriatik Lapajn, është kthyer duarbosh.

“Ky nuk është konflikt për një mandat ose për një rrogë, është konflikt për një parim. Unë mendoj që zoti Lapaj duhet të hyjë në Parlament, por nuk i bind dot të tjerët që të mbajnë fjalën, ndërkohë që zoti Lapaj nuk e mban. Sepse i bie që të kemi dy standarde”, tha Shabani.

Kur u pyet nëse ka patur konflikte të mëhershme me Lapajn, Shabani u përgjigj: “Është një tension i natyrshëm në një komunitet demokratik. Jemi individë me identitetin dhe mendimet e tyre, kështu që ka pasur tension të vazhdueshëm dhe roli i drejtuesve është që t’i sheshojnë tensionet dhe të shohin përpara. Konteksti ku ka ndodhur sjellja e zotit Zeqir Kordhoni ka qenë që ne nuk kishim më një vizion për koalicionin. Jam kthyer duarbosh sa herë që kam shkuar për të negociuar për një marrëveshje paszgjedhore. Ka pasur mungesë dëshire ndoshta për të vazhduar bashkëpunimin. Kam dashur mos ta personalizojmë me një njeri koalicionin, vendosjen e një stafi dhe buxheti të përbashkët për koalicionin, por jam kthyer duarbosh dhe ka prodhuar tension”.

Sipas Shabanit, “kjo ka krijuar ndjesinë sikur i gjithë suksesi që është ngritur nga puna e një ekipi të tërë, është personalizuar nga një njeri i vetëm”.

“Adriatiku ka marrë më shumë vota sesa të tjerët, por nuk ka marrë vota mjaftueshëm. Çdokush tjetër nga kandidatët që do të merrte më shumë vota, do të hynte në Parlament, por jo kryetari i koalicionit. Nëse ne nuk e mbajmë fjalën, i shërbejmë politikës së vjetër sepse politika e vjetër këtë do, që të thotë se edhe të rinjtë nuk e mbajnë fjalën”, deklaroi më tej Shabani.

“Asnjë nga ne nuk ka marrë mjaftueshëm vota për një mandat, ky është mandat që përfaqëson të gjithë koalicionin, nuk mund të personalizohet. Ky është mentalitet i partive të vjetra, që “vetëm ky e bën”. Për një mandat në Tiranë duhen 13 500 vota. Në këtë garë kemi fituar si ekip. Ne duhet të jemi ndryshe nga klasa e vjetër politike”, theksoi më tej Shabani. m.p.

Ishte parashikuar që nesër të zhvillohej mbledhja e Këshillit Bashkiak, ku si rend të ditës do të kishte si shqyrtim dhënien e një hapësire toke me sipërfaqe të konsiderueshme në fshatin Kaninë, ku do të vendoseshin panelet fotovoltaike.

Një investim ky privat mbi tokën e ashtuquajtur të Bashkisë së Vlorës.

Por, ky vendim mesa duket është hequr nga rendi i ditës së nesërme të Këshillit Bashkiak.

Në një njoftim në faqen zyrtare të këtij të fundit sqarohet arsyeja:

Të nderuar banorë të Vlorës, por jo vetëm,

Në përgjigje të interesimit të disa mediave dhe në vazhdën e dizinformimit nga disa të tjera, sqarojmë se:

Është e vërtetë që prej 16 muajsh Bashkia Vlorë ka marrë disa kërkesa për një truall me sipërfaqe 831.7 ha, ku subjektet kërkuese synojnë të ndërtojnë një park fotovoltaik. Kërkesat janë depozituar përkatësisht në këto data:

1. 29.04.2024

2. 20.05.2024

3. 23.05.2024

Së fundmi, kërkesa është miratuar për t’iu përcjellë Këshillit Bashkiak.

Megjithatë, nga dokumentacioni i marrë nga Kadastra më datë 18.07.2025, me qëllim plotësimin e dokumenteve për mbledhjen e Këshillit, rezulton se trualli në zonën e Kaninës ka vetëm një vërtetim hipotekor si truall në emër të Bashkisë, por Bashkia Vlorë nuk figuron si zotëruese e titullit të pronësisë së këtij trualli.

Në këto kushte, Këshilli Bashkiak nuk mund të marrë një vendim në lidhje me këtë kërkesë.

Të gjitha komentet dhe insinuatat e tjera janë keqkuptime ose dizinformime me prapavijë keqdashëse.

Duke ju uruar një fillim jave sa më të paqtë, ju njoftojmë se nesër do të vijojmë me mbledhjen dhe shqyrtimin e projekt-vendimeve të tjera të rendit të ditës.

Me respekt,

Kryetare

Elpiniqi Mërkuri

The post Ishte parashikuar dhënia e një sipërfaqe toke për panelet fotovoltaike, Këshilli Bashkiak i Vlorës e heq nga rendi i ditës first appeared on JavaNews.al.

Një 62-vjeçar në Divjakë ka humbur jetën, duke punuar në një tokë arë me një mjet bujqësor.

Sipas policisë, dyshohet se aksidentalisht mjeti është përmbysur dhe për pasojë 62-vjeçari ka ndërruar jetë.

“Divjakë/Informacion paraprak. Në datë 20.07.2025, shtetasi M. M., 62 vjeç, duke punuar në një tokë arë me një mjet bujqësor, dyshohet se aksidentalisht mjeti është përmbysur dhe për pasojë 62-vjeçari ka ndërruar jetë’, njoftoi sot policia. Grupi hetimor po punon për sqarimin e rrethanave të rastit”. m.p.

Të shtëna me armë zjarri janë regjistruar pak minuta më parë në lagjen nr. 4 të qytetit të Sarandës, në rrugën “Mitat Hoxha”. Si pasojë e të shtënave ka mbetur i plagosur një person, identifikuar si Adil Veli, 54 vjeç, ish-efektiv policie.

Ngjarja dyshohet të ketë ndodhur për shkak të një konflikti mes disa personash, teksa kanë kaluar në nxjerrjen e mjeteve prerëse, thika. Burime bëjnë me dije se një nga personat e përfshirë në konflikt ka nxjerrë armën e zjarrit pistoletë dhe ka qëlluar në ajër. Më pas, ky person ka qëlluar Adil Velin 3 herë me qytë pistolete në kokë.

I plagosuri është transportuar me urgjencë drejt Spitalit të Sarandës, ndërsa ende nuk dihet gjendja e tij shëndetësore. Policia ndodhet në vendin e ngjarjes dhe po vijojnë hetimet për zbardhjen e rrethanave. Deri më tani, nuk ka të dhëna zyrtare për autorin apo motivin e sulmit.

Njoftimi i plotë i policisë:

Sot, rreth orës 19:10, në lagjen nr. 4, Sarandë, dyshohet se gjatë një konflikti është dëmtuar me një send të fortë, dyshohet me tytën e një pistolete, shtetasi A. V., 56 vjeç, i cili ndodhet në spital, nën kujdesin e mjekëve.

Nga këqyrja paraprake e vendit të ngjarjes, dyshohet se gjatë momentit të goditjes me tytën e armës, arma është shkrepur në mënyrë të pavullnetshme në ajër, pa shkaktuar pasoja. Si provë materiale, në vendin e ngjarjes është gjetur dhe sekuestruar një gëzhojë arme zjarri.

Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit të dyshuar, si dhe për dokumentimin e plotë ligjor të saj. m.p.

Një tjetër episod ka përfshirë telenovelën politike shqiptare, teksa aktivisti i Shqipëria Bëhet, Arjan Konomi ka publikuar një video në rrjetin social Instagram, duke iu drejtuar drejtpërdrejt Zeqir Kordhonit, kandidat për deputet aktual në koalicionin Lapaj-Shabani dhe njëkohësisht daja i Endri Shabanit.

Pas kërcënimeve që kanë shkuar në drejtim të zotit Kordhoni, ka ardhur reagimi i gazetarit Konomi.

Në videon e publikuar, Konomi i bën thirrje Kordhonit që të heqë dorë nga mandati i deputetit, ndërsa përmend edhe emrat e fëmijëve të tij. Këtu lindin disa pyetje: përse përmenden emrat e fëmijëve të Kordhonit pasi ai është kërcënuar? A përfaqëson kjo një formë të re presioni apo edhe kërcënimi të nënkuptuar?

Çfarë interesi publik kanë emrat e fëmijëve?

Kujtojmë që përplasja ka ardhur pasi Lapaj preu në besë aleatët dhe votuesit duke u tëhequr nga premtimi që nuk do merrte mandatin nëse koalicioni do merrte vetëm 1 mandat. Por për këtë akt politik, Konomi nuk ka asnjë thirrje ndaj Lapajt. Ama kërkon llogari ndaj një “ushtari”, pavarsisht se “gjenerali” Lapaj ka “tradhëtuar”. (Lexo.al) m.p.