Nga piramidat e Egjiptit te rrënojat e mbuluara nga xhungla në Angkor Wat, nga qyteti-shkëmb i Petra-s në Jordani te jeta e përditshme romake e ruajtur në Pompeii, këto vende të lashta nuk janë thjesht mrekulli arkeologjike.

Ata na kujtojnë kush kemi qenë dhe çfarë mund të mësojmë për të ardhmen. Lexoni më poshtë për të mësuar më shumë për destinacionet e jashtëzakonshme që ia vlejnë të vizitohen të paktën një herë.

1. Piramidat e Gizës, Egjipt

Monumente madhështore të shekullit XXVI p.e.s. që ndodhen pranë qendrës urbane të Kairos. Vizitojini herët në mëngjes për të shmangur nxehtësinë dhe turmat.

Merrni një udhërrëfyes për të kuptuar më mirë historinë dhe për të shmangur shitësit informalë. Përfshini në vizitë edhe Muzeun e ri Egjiptian të sapohapur.

2. Chichén Itzá, Meksikë

Një nga vendet e ruajtura më mirë të qytetërimit Maja. Piramida e Kukulkán është një kalendar prej guri me 365 shkallë.

Vizita bëhet më domethënëse kur përqendroheni te simbolika dhe mënyra e jetesës së banorëve të dikurshëm.

3. Angkor Wat, Kamboxhia

Kompleksi më i madh fetar në botë, i shekullit XII. Vizitoni tempullin Bayon në mesditë për qetësi, dhe Ta Prohm në pasdite për dritën magjike mes xhunglës.

Blerja e një bilete tre-ditore dhe marrja me qira e një biçiklete është mënyra më e mirë për të eksploruar të gjithë parkun.

4. Akropoli, Greqi

Qendra simbolike e qytetërimit perëndimor. Parthenoni dhe muzeu përballë tij sjellin në jetë demokracinë, filozofinë dhe arkitekturën klasike.

Vizitojeni në mëngjes ose në mbrëmje për të shmangur temperaturat e larta. Një udhërrëfyes vendas do t’ju ndihmojë të kuptoni mitet dhe historinë.

5. Pompeii, Itali

Një dritare në jetën e përditshme romake të vitit 79 të erës sonë. Mund të ecni mes rrugëve me kalldrëm, të shihni mure të dekoruara me afreske, furrat e bukës dhe tregjet.

Një përvojë unike që sjell në jetë përditshmërinë e një qyteti romak, me detaje që rrallë gjenden gjetkë. Vizitoni herët për të shmangur turmat dhe për të shijuar qetësinë e rrënojave.

6. Petra, Jordani

Qyteti i lashtë i Nabateanëve është një mrekulli e gdhendur në shkëmb. Përvoja e parë përballë Thesarit (al-Khazneh) është e paharrueshme.

Vizitoni Manastirin në mbrëmje për ndriçim përrallor. Mund të hyni edhe përmes “derës së pasme”, një shteg që zgjat 2-3 orë nga Little Petra.

7. Machu Picchu, Peru

Qyteti inka në majë të Andeve është një kryevepër arkitekturore e harmonizuar me natyrën dhe kozmosin. Me ndërtesa prej guri të përpunuar me saktësi, terasa bujqësore dhe sistem ujësjellës, ai dëshmon për mjeshtërinë arkitekturore dhe inxhinierike të civilizimit inka.

Pozicionimi i tij sipas orientimeve kozmike e shton misterin dhe madhështinë. Për një përvojë më të plotë, përfshini edhe vizitën në Cusco dhe Luginën e Shenjtë përreth. / NatGeo, Shqip.al

The post Udhëtoni në zemrën e qytetërimeve të lashta appeared first on Revista Monitor.

Porti i kroçerave në Barcelonë do të mbyllë dy nga terminalet e tij vitin e ardhshëm, duke i ulur ato në pesë gjithsej, si pjesë e një marrëveshjeje me bashkinë për të frenuar mbingarkesën turistike në qytet.

Marrëveshja përfshin gjithashtu financimin e një studimi mbi mënyrën se si lëvizin pasagjerët e kroçerave në qytet, hap i parë drejt një plani për mobilitet të qëndrueshëm.

Po ashtu, do të modernizohen infrastrukturat portuale, përfshirë ndërtimin e linjave të energjisë elektrike të gjelbër për kroçerat që qëndrojnë në port, në mënyrë që të mos përdorin motorët dhe të reduktojnë ndotjen.

Investimi total për këtë plan arrin në 185 milionë euro, fond publik dhe privat.

Barcelona është përballur vitet e fundit me protesta të banorëve kundër turizmit masiv, i cili konsiderohet si shkaktar i mbipopullimit dhe mungesës së banesave të përballueshme për vendasit, për shkak të dhënies me qira për turistët afatshkurtër.

Një protestë e famshme në korrik 2024 përfshiu edhe sulme me ujë ndaj turistëve.

Porti i Barcelonës, më i madhi në Europë për kroçera, priti 1.6 milionë pasagjerë në tranzit gjatë vitit 2024.

Shumica e tyre zbresin në mëngjes për të vizituar qytetin dhe kthehen pasdite për të vazhduar udhëtimin, duke shkaktuar mbipopullim në rrugë si La Rambla dhe lagjen e vjetër Gotike.

Ky vendim vjen pas një sërë masash të mëparshme: në tetor 2023 u mbyll terminali verior i portit për anijet turistike, ndërsa në marrëveshjen e vitit 2018 u vendos zhvendosja e aktivitetit të kroçerave larg qendrës urbane për qëllime të qëndrueshmërisë.

Terminali Maremagnum tashmë është shndërruar në një hapësirë për restorante, dyqane, një marinë dhe akuarium. / CNN, Shqip.al

The post Barcelona do të mbyllë dy terminale të anijeve turistike për të frenuar fluksin e vizitorëve appeared first on Revista Monitor.

Qeveria portugeze dhe Agjencia Portugeze për Mjedisin (APA) kanë premtuar forcimin e zbatimit të rregullave për aksesin publik përgjatë një segmenti të njohur 45-kilometra të vijës bregdetare, ku ndërtimi i shpejtë i resorteve luksoze po ngre shqetësime për rritjen e çmimeve të banesave, kufizimin e aksesit në plazhe dhe humbjen e identitetit lokal.

Zona si Melides, Comporta dhe Troia janë shndërruar nga vende kampingu e fshatra peshkimi në enklava luksoze që tërheqin investitorë ndërkombëtarë dhe turistë të pasur. Kjo ka sjellë rritje të ndjeshme të kostove të jetesës dhe kufizim të aksesit në hapësira publike, veçanërisht plazhe.

Pas inspektimit të 22 plazheve në këtë segment bregdetar, APA konstatoi se nëntë prej tyre kishin kufizime, dy me hyrje të kontrolluar dhe shtatë të bllokuara nga prona private. Në disa raste, qasja është e mundur vetëm përmes zonave të kontrolluara nga resorte, me kërkesë për dokument identifikimi ose rrugë alternative të vështira, ndërkohë që mungesa e parkimeve e vështirëson edhe më tej aksesin.

Një nga plazhet e prekura, Galé-Fontainhas, është aktualisht i aksesueshëm vetëm përmes resortit Costa Terra, në pronësi të investitorit amerikan Mike Meldman. Resorti përfshin ambiente luksoze, fusha sportive private dhe kopshte organike.

Ministrja e Mjedisit njoftoi se asnjë zhvillim i ri turistik nuk do të miratohet në vijën bregdetare të Portugalisë kontinentale, pa garantuar më parë akses publik në plazh.

Ndikimi tek komuniteti lokal

Në Comporta, një destinacion turistik gjithnjë e më i shtrenjtë, përdorimi i gjuhëve të huaja në rrugë dhe rritja e çmimeve kanë zbehur praninë e komunitetit vendas. Shërbimet dhe ndërtimet i adresohen gjithnjë e më shumë një publiku elitar, ndërsa kostot e jetesës janë bërë të papërballueshme për banorët.

Punonjës të zonës përmendin çmime të majme për akomodim, mungesë qasjeje të lirë në plazhe dhe tarifa të larta për shërbime bazë si parkimi dhe qiraja e çadrave. Në disa raste, çmimet për një set çadër dhe shezlongë arrijnë deri në 200 euro në ditë.

Ministria ka premtuar gjithashtu se do të rregullojë çmimet e produkteve dhe shërbimeve në plazhe, përfshirë çadrat, ujin dhe kafenë.

Ndryshimet shqetësojnë edhe turistët

Disa vizitorë e vënë në dyshim vlerën e përvojës në këto zona për shkak të kostove të larta. Shtëpitë me qira arrijnë deri në 1,000 euro nata, duke e bërë zonën të papërballueshme edhe për turistët me të ardhura mesatare.

Stilisti Christian Louboutin, vizitor i hershëm i Comportës, është zhvendosur më në jug në Melides për t’i shpëtuar mbingarkesës dhe zhvillimit të tepërt. Ai ka theksuar rëndësinë e ruajtjes së autenticitetit të rajonit dhe se Melides nuk duhet të ndjekë modelin e destinacioneve si Saint-Tropez.

Pavarësisht shqetësimeve publike, përfshirë një peticion me mbi 10,000 firma që kërkonte mbrojtje më të fortë për Gadishullin e Troias, parlamenti portugez e rrëzoi kërkesën. Aktivistët lokalë kanë paralajmëruar se do të vazhdojnë presionin ndaj autoriteteve dhe kanë planifikuar një protestë më 27 korrik në plazhin e Melides gjatë maratonës “Atlantic UltraMarathon”. / Euronews, Shqip.al

The post Portugalia forcon rregullat për aksesin në plazhe mes rritjes së resorteve luksoze appeared first on Revista Monitor.

Një prirje e re po përhapet mes profesionistëve që kërkojnë ekuilibër, kursim dhe përvojë: bleisure është kryefjala.

Gjithnjë e më shumë punonjës po i bashkojnë udhëtimet e punës me pak kohë për veten. Kjo prirje e re, e quajtur “bleisure”, një kombinim i fjalëve business (punë) dhe leisure (kohë e lirë), po përhapet me shpejtësi, sidomos në një kohë kur rritja e kostove i ka zbehur pushimet tradicionale.

Koncepti është i thjeshtë: gjatë një udhëtimi pune, zgjateni qëndrimin edhe për disa ditë për të eksploruar destinacionin, me shpenzimet personale. Shumë kompani po e përkrahin këtë model, si mënyrë për të shmangur burnout dhe për të nxitur mirëqenien e punonjësve.

Përfitime të dyanshme
Për punonjësit, përfitimi është i qartë: fluturimi dhe akomodimi gjatë ditëve të punës paguhen nga kompania, ndërsa pjesa e pushimit mbulohet vetë. Kështu, një pjesë e konsiderueshme e shpenzimeve kursehen. Për shembull, një udhëtim pune në Paris mund të zgjatet lehtësisht me një fundjavë në Bruksel apo Amsterdam, pa kosto shtesë për kompaninë.

Nga ana tjetër, për kompanitë, kjo qasje është një mënyrë për të rritur angazhimin dhe motivimin pa shpenzime shtesë. Platforma si Navan tashmë ofrojnë opsione, që ndajnë automatikisht shpenzimet e biznesit nga ato personale, duke ruajtur transparencën financiare.

Si ta planifikoni si duhet
Ekspertët këshillojnë që gjithçka të bëhet me transparencë: flisni me menaxherin tuaj dhe kërkoni aprovimin për të zgjatur udhëtimin. Sigurohuni që shpenzimet personale të jenë të ndara qartë nga ato të punës dhe mbani faturat në mënyrë të organizuar.

Një tjetër këshillë: mbrojeni kohën tuaj të lirë. Nëse keni rënë dakord të kontrolloni email-et vetëm një herë në ditë, mos e ktheni pushimin në një zyrë tjetër. Ju e keni fituar të drejtën për pak kohë për veten, prandaj përfitoni prej saj.

Në epokën e punës hibride dhe në distancë, bleisure po bëhet më i lehtë dhe më i pranueshëm. Ekspertët e udhëtimeve dhe drejtuesit e kompanive po bien dakord për një gjë: një punonjës i cili ka pushuar dhe është i frymëzuar, është më i angazhuar dhe produktiv.

Ndaj herën tjetër që ju bie të udhëtoni për punë, mendoni të shtoni edhe disa ditë për të shijuar vendin. Është një mënyrë e zgjuar për të udhëtuar më shpesh, me më pak shpenzime, dhe pa ndjenja faji. / Huffpost, Shqip.al

The post Si të kombinoni punën me pushimet dhe të keni dyfish përfitime appeared first on Revista Monitor.

Në qershor, temperaturat në të gjithë Europën shënuan rekorde të reja, ndërsa një valë e fortë e të nxehtit përfshiu pjesën më të madhe të Shteteve të Bashkuara, duke sjellë temperatura përvëluese në shumë zona të globit.

Ndërsa verërat po bëhen gjithnjë e më të nxehta, shumë udhëtarë po kërkojnë pushime në vende me klimë më të freskët dhe të qëndrueshme, atje ku edhe në muajt më të nxehtë, një xhup i hollë mund të jetë i mjaftueshëm.

Kërkimi për destinacione të tilla është rritur ndjeshëm. Sipas një analize nga kompania turistike britanike Inghams Walking, interesimi për vende me klimë të butë dhe larg vapës është rritur me mbi 600 % gjatë vitit të fundit.

Për të ndihmuar udhëtarët që të zgjedhin vendin e duhur për pushime verore më të freskëta, ekipi i Inghams analizoi rreth 100 destinacione të ndryshme në Europë, duke marrë në konsideratë rritjen e kërkimeve online për hotele, fluturime dhe pyetje të lidhura me destinacionin.

Në krye të listës për vitin 2025 u rendit qyteti Akureyri në Islandë, një vend i vogël por mbresëlënës në veri të vendit. Popullariteti i tij është rritur me 264 %, falë përzierjes unike të natyrës së egër dhe kulturës urbane që ofron.

I njohur si “kryeqyteti i veriut” i Islandës, Akureyri ka vetëm rreth 19 mijë banorë, por u ofron vizitorëve përvoja të pasura: nga Muzeu i Artit dhe Muzeu i Aviacionit, deri te kisha karakteristike Akureyrarkirkja dhe kopshtet botanike që datojnë nga viti 1912, parku i parë publik në Islandë. Ujërat përreth janë gjithashtu të njohura për vëzhgimin e balenave.

Cortina d’Ampezzo

Në vendin e dytë u rendit Tisvilde, Danimarkë, një fshat i vogël bregdetar përgjatë asaj që njihet si “Riviera Daneze”, i rrethuar nga plazhe me rërë të artë dhe restorante të vogla që shërbejnë ushqime lokale. Ky destinacion ka tërhequr prej kohësh artistë e shkrimtarë, përfshirë edhe Hans Christian Andersen, i cili kaloi disa javë aty në shekullin XIX.

Nuuk

Listës i bashkohen edhe Nuuk në Groenlandë (vendi i 3-të), Cortina d’Ampezzo në Itali, Parku Kombëtar Lahemaa në Estoni, Lucerna në Zvicër, Malmö në Suedi, Arlberg në Austri, si dhe dy destinacione në Belgjikë: Riviera belge dhe qyteti Ghent.

Ghent

Të gjitha këto vende ofrojnë klimë të freskët, bukuri natyrore dhe kulturë të pasur, alternativa ideale për pushime larg zhurmës dhe vapës së verës. / Travel + Leisure, Shqip.al

The post Destinacionet më të mira për t’i shpëtuar vapës këtë verë appeared first on Revista Monitor.

Sipas Indeksit Global të Jetueshmërisë për vitin 2025, i përgatitur nga The Economist Intelligence Unit, qyteti më i banueshëm në botë është Kopenhageni, duke i dhënë fund epërsisë trevjeçare të Vjenës. Ky indeks vlerëson mbi 30 tregues të shpërndarë në pesë kategori: stabilitet, shëndetësi, kulturë dhe mjedis, arsim dhe infrastrukturë.

Kopenhageni arriti rezultatin më të lartë të përgjithshëm me 98 pikë nga 100 të mundshme, falë notave maksimale në stabilitet, arsim dhe infrastrukturë. Vjena dhe Zyrihu ndajnë vendin e dytë me nga 97.1 pikë.

Vjenë

Melburni dhe Gjeneva renditen më pas, ndërsa Australia konfirmon dominimin e saj në renditje me tre qytete në dhjetëshen e parë: Melburn, Sidnej dhe Adelaide.

Ndërkohë, Vankuveri është i vetmi qytet nga Amerika e Veriut që mbetet në listë, pasi Kalgari ra nga vendi i pestë në të tetëmbëdhjetin, për shkak të rënies së vlerësimeve në sektorin e kujdesit shëndetësor.

Zvicra gjithashtu shënon një prani të fortë me dy qytete, Zyrihun dhe Gjenevën, dhe është shpallur vendi më i mirë për të jetuar dhe punuar për vitin 2025.

Zyrih

Në rastin e Vjenës, rënia në renditje lidhet me një kërcënim për bombë para një koncerti të Taylor Swift dhe një sulm të planifikuar në një stacion treni, të cilat ndikuan negativisht në pikët për stabilitetin.

Në përgjithësi, qytetet e Europës Perëndimore dhe rajonit Azi-Paqësor vazhdojnë të dominojnë renditjen. Megjithëse rezultati mesatar global i jetueshmërisë mbeti i pandryshuar nga viti 2024 në 76.1 pikë, ka një rënie të vazhdueshme në kategorinë e stabilitetit për shkak të tensioneve gjeopolitike dhe trazirave civile në shumë pjesë të botës.

Renditja e 10 Qyteteve më të Banueshme në Botë për 2025:

1. Kopenhagen – Danimarkë – 98.0
2. Vjenë – Austri – 97.1
3. Cyrih – Zvicër – 97.1
4. Melburn – Australi – 97.0
5. Gjenevë – Zvicër – 96.8
6. Sidnej – Australi – 96.6
7. Osaka – Japoni – 96.0
8. Auckland – Zelandë e Re – 96.0
9. Adelaide – Australi – 95.9
10. Vankuver – Kanada – 95.8

/ VC, Shqip.al

The post Qytetet më të mira për të jetuar për 2025 appeared first on Revista Monitor.

Pushimet aktive në qytet po fitojnë gjithnjë e më shumë popullaritet në Europë. Nga pedalimi nëpër Ljubljanë te ngjitja mbi termocentrale në Kopenhagen apo surfi në kanalet e Roterdamit, qytetet po ofrojnë gjithnjë e më shumë për ata që kërkojnë më shumë sesa muze dhe restorante të njohura.

Në Porto, vizitorët mund të zbresin me litar nga ura ikonike e qytetit, ndërsa në Berlin mund të notojnë në pishina të në anije të vjetra. Në Stokholm, kajakët kalojnë pranë pallateve të shekullit XIII. Në Kopenhagen, pista për ski dhe muri për ngjitje janë ndërtuar mbi një impiant energjitik. Qytetet e Europës nuk ofrojnë më vetëm shëtitje të qeta, por përvoja që mbushin me adrenalinë.

Sipas një raporti të publikuar nga Neilson Beach Clubs, mbi 75% e udhëtarëve sot preferojnë pushime aktive. Drejtuesi i kompanisë thekson se gjithnjë e më shumë njerëz zgjedhin mirëqenien fizike mbi metodat tradicionale të turizmit. Ndikim ka pasur edhe pandemia dhe dëshira për të qëndruar në formë.

Për shembull, në Kopenhagen, kompania Go! Running Tours, që ofron guida për të vrapuar, është shtrirë në mbi 80 qytete në botë. Themeluesja Lena Andersson thekson se turistët kërkojnë përvoja autentike, për të kuptuar qytetin dhe banorët e tij. Shumë prej këtyre aktiviteteve janë gjithashtu të përballueshme dhe miqësore me mjedisin.

Një tjetër shembull është GreenKayak, një nismë që lejon turistët të marrin një kajak falas në këmbim të mbledhjes së mbeturinave, me mbi 85,000 pjesëmarrës në 20 qytete europiane.

1. Roterdam

Qytet modern me arkitekturë të guximshme, parqe të pazakonta si Dakpark dhe shtigje në pyllin Kralingse Bos. Surfi në RIF010, pishina e parë urbane për surfing në Europë, është një atraksion i ri, ndërsa Euromast ofron mundësinë për të bërë zbritjen me litar nga lartësia më e madhe në të gjithë kontinentin.

2. Kopenhagen

Kryeqyteti danez është shembull i gjallë i jetës së qëndrueshme: biçikletat mbizotërojnë, ndërsa uji i pastër i portit shfrytëzohet për not, kajak, paddleboard e më shumë. CopenHill, impianti energjetik me pistë për ski, simbolizon inovacionin, krijimtarinë dhe gjelbërimin urban.

3. Mynih

Me 1,200 km korsi biçikletash dhe parkun Englischer Garten, qyteti ofron mundësi të pafundme për not, surfing në lumenj, vrap dhe madje edhe hipizëm. Ndër më të veçantat është ngjitja mbi stadiumin olimpik, që përfundon me zbritje me zipline. / National Geographic, Shqip.al

The post Pushime aktive: Qytetet europiane përqafojnë aventurën appeared first on Revista Monitor.

E njohur gjithashtu si Perla e Tirrenit apo si Qyteti i 44 Kishave, Maratea do të magjepsë dhe të surprizojë jo vetëm ata që e vizitojnë për herë të parë, por edhe ata që kthehen vazhdimisht për të zbuluar vende të reja dhe të pazakonta, që nuk mund të gjenden askund tjetër në Itali.

Edhe në kulmin e sezonit të verës, Maratea mbetet një destinacion ëndrrash për ata që kërkojnë qetësi, natyrë të paprekur dhe një stil jetese të ngadaltë larg zhurmës dhe komercializmit të destinacioneve të mbipopulluara.

Në stacionin hekurudhor të Salernos, porta lindore drejt bregut të Amalfit, turma turistësh me kapele të mëdha presin trenin për në Napoli. Ndërkohë, platforma përballë është pothuajse bosh. Vetëm disa vendas presin trenin rajonal që lëviz në drejtimin e kundërt: përgjatë bregut të detit Tirren, drejt Marateas, një qytet i vogël, por me bukuri të jashtëzakonshme.

Pas një udhëtimi panoramik prej më pak se dy orësh, mes kodrave të pyllëzuara dhe pamjeve magjepsëse të detit, udhëtarët zbresin në këtë copëz të pazbuluar të rajonit Basilicata, një zonë që shpesh cilësohet si “e harruar” në jug të Italisë.

Ndryshe nga qytetet ikonike të bregdetit të Amalfisë si Positano, Maratea nuk ka ndërtesa që duken si të varura në shkëmbinj, por ofron një peizazh të natyrës së egër dhe të pacenuar, i cili për shumëkënd është më i bukur dhe më autentik. Bregdeti i saj, që shtrihet midis rajoneve Campania dhe Calabria, mbetet jashtë itinerareve të zakonshëm turistikë ndërkombëtarë, diçka që e bën edhe më tërheqëse.

Në portin e Marateas, një port i vogël peshkatarësh, vizitorët gjejnë një atmosferë me punishte artizanale, dyqane të vogla dhe restorante të rafinuara si Laterna Rossa, ku shërbehen pjata krijuese me përbërës vendas, si kanoli me karkaleca të gjallë, mousse me rikota dhe gazpacho, apo makarona të mbushura me peshk të ditës, djathë provola dhe limon.

Një nga ikonat e Marateas është Hotel Santavenere, i vetmi hotel me pesë yje në këtë bregdet. Që prej hapjes së tij në vitin 1953, hoteli ka tërhequr pushues italianë që kërkojnë elegancë të heshtur dhe shërbim diskret. Me makina të vogla elektrike që i marrin mysafirët nga stacioni, një plazh me guralecë dhe kopsht të madh që zbret drejt detit, Santavenere mishëron konceptin e “lukstit të heshtur” (quiet luxury) shumë përpara se të bëhej trend në rrjetet sociale.

Hotel Santovenere Burimi: Euronews, Rebecca Ann Hughes

Rrethinat përreth janë të pasura me gjelbërim, ku jasemini, pisha mesdhetare dhe bougainvillea lejla karakterizojnë çdo pamje. Vetë hoteli ofron pamje spektakolare të bregdetit, sidomos në orët e mëngjesit apo të perëndimit të diellit.

Qyteti i vjetër, i njohur si Maratea superiore, ngjitet lart në kodër me rrugica të ngushta, shtëpi në ngjyra pastel dhe plot 44 kisha të shpërndara në të gjithë zonën. Mbi të, qëndron monumenti 21 metra i lartë i Krishtit Shpëtimtar, me krahët e hapur mbi detin Tirren dhe gjiret e mbuluara me pyje. Nga maja, panoramat janë të paharrueshme, një përzierje e gjelbërimit, shkëmbinjve dhe detit të pafund.

Në mbrëmje, Maratea ofron edhe një udhëtim gastronomik në “cucina povera”, kuzhina e thjeshtë tradicionale e Basilicatës. Kuzhinieri Antonio Bufi në Santavenere propozon një menu që përfshin guanciale nga derri i zi i rajonit, bukë të fërguar që vendasit e quajnë “djathi i të varfërve”, rizoto me panxhar dhe midhje, si dhe shpatull derri me Amaro Lucano, një liker lokal aromatik.

Në fund të ditës, tingujt e vetëm që dëgjohen janë cicërimat e gjinkallave dhe përplasja e lehtë e dallgëve. Maratea mbetet një destinacion që ofron të njëjtën bukuri si Bregu i Amalfit, por pa radhë, pa trafik, pa çmime të fryra dhe pa nxitim. / Euronews, Shqip.al

The post Maratea, oazi i qetë italian që rivalizon Amalfin appeared first on Revista Monitor.

Ditët kur pasagjerëve u kërkohej pagesë shtesë për bagazhet e dorës në fluturime, së shpejti mund të jenë një gjë e së kaluarës, të paktën në Bashkimin Evropian. Më 24 qershor, u paraqit një propozim që do t’u lejonte pasagjerëve të mbanin një bagazh të vogël dore që peshon deri në 7 kilogramë pa pagesë shtesë, madje edhe në linjat ajrore me kosto të ulët.

Sipas rregullores së re, udhëtarët do të kenë të drejtë të marrin me vete një bagazh dore në kabinë, si dhe një send personal që futet nën sedilje me përmasa maksimale 40x30x15 cm, pa kosto shtesë. Ligji i propozuar ende duhet të marrë miratimin e 55% të shteteve anëtare të BE-së, por nëse miratohet pas negociatave që do të fillojnë në korrik 2025, rregullat e reja do të zbatohen për të gjitha fluturimet brenda BE-së, si dhe për itineraret për në dhe nga Bashkimi.

“Vota e sotme është një hap i rëndësishëm drejt udhëtimit më të drejtë dhe më transparent”, tha Matteo Ricci, nënkryetar i Komitetit të Transportit dhe Turizmit (TRAN) të Parlamentit Europian, në një deklaratë. Ai prezanton masa konkrete, siç është një përkufizim i qartë i bagazhit të dorës falas… një e drejtë themelore për të shmangur tarifat shtesë të pajustifikuara.”

Më parë, linjat ajrore me kosto të ulët me seli në BE, si EasyJet, Ryanair, Wizz dhe të tjera, ngarkonin shuma të konsiderueshme për bagazhet e dorës, varësisht nga madhësia dhe pesha e tyre. Si rezultat, Ministria Spanjolle e Konsumatorit gjobiti pesë linja ajrore me 179 milionë euro në nëntor 2024 për “praktika abuzive”. Vendimi spanjoll, së bashku me presionin nga organizatat e konsumatorëve dhe pasagjerëve, i hapi rrugën BE-së për të promovuar rregulla më të drejta dhe më të qëndrueshme për bagazhet e dorës.

Propozimi për bagazhet e dorës është pjesë e një përpjekjeje më të gjerë nga Parlamenti Evropian për të forcuar të drejtat dhe mbrojtjen e udhëtarëve. Për të siguruar që familjet të mund të ulen së bashku pa kosto shtesë, u propozua të ndalohen tarifat e mësipërme të përzgjedhjes së vendeve për fëmijët deri në 12 vjeç.

Përveç kësaj, qëllimi është të ndryshohet mënyra se si kompanitë trajtojnë kërkesat për kompensim dhe rimbursim, duke kërkuar që shitësit e biletave ose palët e treta të informojnë pasagjerët për koston e plotë të fluturimit në kohën e rezervimit.

The post Vendim i ri: Ndalohet tarifa shtesë për bagazhet e dorës në avionë appeared first on iconstyle.al.

Ndërsa temperaturat e korrikut dhe gushtit në Mesdhe kapin vlerat mbi 40°C, shumë turistë po kthejnë vëmendjen nga veriu i Europës për të shmangur valët e të nxehtit dhe turmat e njerëzve. Suedia, me klimën e butë, natyrën e paprekur dhe qasjen e qetë ndaj pushimeve, po shfaqet si një alternativë tërheqëse ndaj destinacioneve klasike si Spanja apo Greqia.

Në arkipelagun e Goteborgut, pushuesit gjejnë ishuj të qetë si Vrångö dhe Valö, ku vera përfaqësohet nga thjeshtësia. Rrugicat e ngushta mes livadheve me lule të egra, plazhet me rërë të artë, molet prej druri që çojnë drejt ujërave të qeta dhe shtëpitë verore me ballkone prej dërrase, krijojnë një atmosferë ku heshtja dhe natyra janë në qendër. Jeta në këto ishuj është e ngadaltë dhe e përqendruar te përjetimi i momentit: një piknik në një gji shkëmbor, një shëtitje mes të bimësisë vendase apo një ditë me kayak rreth brigjeve.

Ndryshimet klimatike dhe moti gjithnjë e më i paparashikueshëm në vendet mesdhetare kanë sjellë rritje të ndjeshme të interesit për pushime në destinacione më të freskëta. Agjencitë turistike raportojnë rritje të fortë në kërkesat për udhëtime drejt Skandinavisë gjatë sezonit të pikut, ndërkohë që rezervimet për destinacionet tradicionale si Italia dhe Kroacia kanë rënë ndjeshëm. Të dhënat nga platformat Booking.com dhe Expedia konfirmojnë prirjen: kërkimet për Suedinë, Norvegjinë dhe Zvicrën janë rritur krahasuar me një vit më parë.

Temperaturat në Suedi gjatë verës qëndrojnë mesatarisht në 20–22°C, ideale për aktivitetet në natyrë. Mbrëmjet mund të jenë të freskëta, por kjo është koha ideale për të shijuar traditën suedeze të saunës. Në ishujt e arkipelagut, saunat e vogla lundruese, zhytjet në detin e ftohtë dhe banjat me ujë të ngrohtë jashtë janë kthyer në pjesë thelbësore të përvojës turistike.

Burimi: Diana Jarvis, Time Out

Kuzhina vendase pasqyron një angazhim për qëndrueshmëri dhe përdorimin e përbërësve lokalë. Përdorimi i algave dhe bimëve bregdetare, i udhëhequr nga ekspertë të ushqimit të shëndetshëm, ofron një mënyrë të re për të kuptuar dhe shijuar natyrën. Gatimet përfshijnë sallata me alga, djathë haloumi të skuqur dhe bukë të pjekur në zjarr të hapur. Në restorantet buzë detit, darkat tradicionale me fruta deti, karkaleca të tymosur, molusqe me limon dhe koper, shërbehen me shije dhe thjeshtësi.

Burimi: Diana Jarvis, Time Out

Një përvojë autentike në Suedi nuk mund të jetë e plotë pa “fika”, një zakon kombëtar që përfaqëson pushimin e përditshëm për kafe dhe ëmbëlsira. Në qytetin Alingsås, i njohur si kryeqyteti i “fika”, guidat turistike lokale prezantojnë vizitorët me një larmi ëmbëlsirash tradicionale, nga biskotat me kanellë e kardamom te torta me vanilje dhe marzipan e njohur si Princesha.

Burimi: Diana Jarvis, Time Out

Ndryshe nga perceptimi i zakonshëm që Skandinavia është destinacion dimri, Suedia po e ndryshon këtë ide. Me mbi 200,000 ishuj, plazhe të qeta, ajër të pastër dhe ushqim të shkëlqyer, vendi ofron një alternativë të natyrshme, të qëndrueshme dhe tërheqëse për pushimet europiane. / Time Out, Shqip.al

The post Suedia, destinacioni ideal i verës mes temperaturave përvëluese në Mesdhe appeared first on Revista Monitor.

Europa po përballet me valën e parë të madhe të të nxehtit këtë verë, me temperatura që kanë arritur deri në 46°C në jug të Spanjës dhe paralajmërime të shumta për nxehtësi ekstreme në vende si Franca, Italia, Gjermania dhe Portugalia. Dy persona kanë humbur jetën në Itali, ndërsa qindra shkolla janë mbyllur në Francë për shkak të kushteve ekstreme.

Sipas MeteoAlarm, paralajmërime për temperatura të larta janë lëshuar në dhjetëra rajone turistike në të gjithë kontinentin, përfshirë edhe Ballkanin. Sekretari i Përgjithshëm i OKB-së, Antonio Guterres, deklaroi se “nxehtësia ekstreme nuk është më një ngjarje e rrallë, është bërë normaliteti i ri”.

Spanja
Në Spanjë janë bërë 118 paralajmërime për të nxehtin, që mbulojnë thuajse të gjithë vendin, përveç disa zonave bregdetare në juglindje dhe verilindje. Në Sevilje, temperaturat do të kalojnë 40°C tre ditët në vijim, ndërsa gjatë natës temperaturat priten të mbeten mbi 25°C. Mjekët kanë ngritur alarmin për ndikimin e rrezikshëm të netëve të nxehta mbi shëndetin.

Italia
Tetë rajone janë në alarm për të nxehtë: Basilicata, Calabria, Campania, Lazio, Puglia, Sardenja, Toskana dhe Umbria. Temperaturat kanë arritur deri në 42°C dhe janë raportuar dy viktima të lidhura me motin e nxehtë. Paralajmërime për stuhi janë lëshuar për Emilia-Romagna dhe Trentino-Alto Adige.

Franca
Në Paris temperaturat pritet të arrijnë 40°C, ndërsa disa rajone janë në alarm të kuq. Më shumë se 1,300 shkolla janë mbyllur tërësisht ose pjesërisht. Në rajonin Indre, ndalohet puna në fusha gjatë orëve të pikut për të shmangur zjarret. Fshatarët po punojnë natën për të korrur prodhimet.

Greqia
Në Greqi janë lëshuar 14 paralajmërime për mot ekstrem. Javën e kaluar, një zjarr i madh afër Athinës detyroi evakuime pranë Tempullit të Poseidonit.

Belgjika
Bruges, Antwerp dhe Brukseli janë në alarm portokalli për të nxehtin, me temperatura që arrijnë 32–33°C.

Portugalia
18 paralajmërime janë në fuqi, përfshirë edhe Lisbonën. Në Mora u regjistrua temperatura 46.6°C, një nga më të larta për qershorin. Gjatë javës pritet rënie në 31–34°C.

Holanda
Në Amsterdam dhe Hagë janë lëshuar 28 paralajmërime. Temperaturat do të arrijnë 32°C dhe parashikohet vapë e vazhdueshme, me rrezik për të moshuarit dhe fëmijët.

Gjermania
Temperaturat pritet të arrijnë 37°C të mërkurën. Janë lëshuar 122 paralajmërime dhe paralajmërohet për “stres të rëndë termik”, sidomos në zonat urbane si Berlini.

Austria, Zvicra, Luksemburgu dhe Çekia
Të gjitha këto vende po përjetojnë temperatura mes 33–34°C dhe kanë dhjetëra paralajmërime për mot të nxehtë gjatë javës.

Autoritetet në të gjithë Europën u bëjnë thirrje qytetarëve dhe turistëve të shmangin daljet gjatë orëve të nxehta, të konsumojnë shumë ujë dhe të ndjekin udhëzimet zyrtare për sigurinë. / The Independent, Shqip.al

The post Europa nën alarm për valë të nxehti, temperaturat arrijnë 46°C appeared first on Revista Monitor.

Ditët kur pasagjerët në Europë duhet të paguanin tarifa shtesë për bagazhin e dorës (carry-on) duket se po marrin fund. Parlamenti Europian ka votuar pro ndalimit të tarifave për bagazhin dorës në të gjitha linjat ajrore, që operojnë brenda Bashkimit Europian.

Sipas propozimit të ri, udhëtarët do të mund të marrin me vete në kabinë një bagazh dore deri në 7 kilogramë pa pagesë shtesë, përveç çantës që vendoset poshtë sediljes që të gjitha linjat ajrore e lejojnë falas.

Në një deklaratë zyrtare të Komitetit për Transport dhe Turizëm në Parlamentin Europian, nënkryetari Matteo Ricci e cilësoi këtë vendim si “një hap të rëndësishëm drejt një udhëtimi më të drejtë dhe më transparent” dhe theksoi se “bagazhi i dorës falas deri në madhësinë maksimale 100 cm është një e drejtë themelore, që shmang kostot e pajustifikuara.”

Ky vendim është një fitore e madhe për pasagjerët, por jo të gjithë janë të kënaqur. Linjat ajrore me kosto të ulët, si Ryanair, e cila vitin e kaluar fitoi 4.7 miliardë euro nga tarifat shtesë për vendet, bagazhet dhe shërbime të tjera, pritet të preken më shumë nga kjo masë.

Shoqatat e industrisë ajrore kanë paralajmëruar se kjo reformë mund t’i detyrojë kompanitë të rrisin çmimet e biletave për të kompensuar të ardhurat e humbura. Megjithatë, ndalimi i tarifave për bagazhin dorës është pjesë e një pakete më të gjerë reformash për të drejtat e pasagjerëve të udhëhequr nga Parlamenti Europian.

Ndër masat e tjera të propozuara përfshihen: sigurimi i vendit falas pranë të rriturit shoqërues për fëmijët nën 12 vjeç, ulëse falas për kujdestarët e personave me aftësi të kufizuara dhe detyrimi i linjave ajrore për të shfaqur koston e plotë të biletës, që në fillim të procesit të rezervimit.

Megjithëse vendimi është pranuar në parim, ende nuk është e qartë se kur do të hyjë në fuqi, pasi pritet një votim përfundimtar në Parlamentin Europian. / Time Out, Shqip.al

The post Lajm i mirë për pasagjerët: Bagazhi i dorës, falas në të gjitha fluturimet në BE appeared first on Revista Monitor.

Një studim i zhvilluar nga Clean Cities analizoi rrugët shkollore, shpejtësitë e qarkullimit dhe infrastrukturën për biçikleta

Parisi njihet tashmë si Qyteti i Dritës dhe Qyteti i Dashurisë, por tani mund të krenohet edhe si Qyteti me Infrastrukturën më Miqësore për Fëmijët.

Vlerësimi mbështetet nga të dhënat dhe planifikimi urban me fokus fëmijët. Clean Cities Campaign është një OJF që promovon transportin miqësor me klimën dhe ka analizuar 36 qytete europiane mbi bazën e rrugëve shkollore, kufizimeve të shpejtësisë në qarkullim dhe infrastrukturës së mbrojtur për biçikleta.

Parisi doli në krye të renditjes me një rezultat total 75 %, falë një sërë nismash të orientuara drejt fëmijëve në mbarë qytetin.

Qyteti ka ndryshuar hapësirat përreth shkollave duke krijuar 220 “rrugë shkollore”, të cilat janë bërë tërësisht pa makina. Për më tepër, kufiri i shpejtësisë 30 km/h është kthyer në normë, dhe korsitë e biçikletave po shfaqen me shpejtësi.

Por kjo nuk është gjithçka. Parisi po i gjelbëron edhe oborret e shkollave: 131 prej tyre janë kthyer në oaze të freskëta dhe me hije. Për familjet, transporti publik është falas për fëmijët, aktivitetet jashtëshkollore subvencionohen, artikujt shkollorë shpërndahen që në klasën e parë, kopshtet ofrojnë vakte 100% organike dhe çmimi i drekës në shkolla për familjet me të ardhura të ulëta mund të shkojë deri në vetëm 13 cent.

Për më tepër, mbi 20 shkolla tashmë ofrojnë klasa në ajër të hapur, ekziston një Akademi Gjuhësore në gjashtë shkolla, “Tumo Paris” po i josh fëmijët drejt aftësive dixhitale, ndërsa Akademia për Klimën po formon qytetarë të ndërgjegjshëm për mjedisin.

Gjatë pushimeve verore, 20,000 fëmijë kanë mundësinë të marrin pjesë në aktivitete në mbi 400 qendra të aktiviteteve të kohës së lirë të administruara nga bashkia e Parisit, si edhe aktivitetet nëpër muze, bibliotekat dhe qendrat publike ku huazohen lodra.

Treshja më e mirë e këtij studimi plotësohet nga Amsterdami, i cili mori 63 %, dhe Antwerp, që ndjek nga afër me 62 %.

Qytetet më miqësore për fëmijët në Europë:

1. Paris
2. Amsterdam
3. Antwerp
4. Bruksel
5. Lyon
6. Helsinki
7. Barcelona
8. Bristol
9. Oslo
10. Ghent

/ Time Out, Shqip.al

The post Qyteti më miqësor për fëmijët në Europë appeared first on Revista Monitor.

Sipas të dhënave të publikuara nga ACI World, Shtetet e Bashkuara mbetën tregu më i madh në botë për udhëtimet ajrore në vitin 2023, bazuar në numrin e pasagjerëve të transportuar sipas vendndodhjes së aeroporteve. Megjithatë, ky pozicion pritet të ndryshojë në dekadat e ardhshme.

Parashikimet e ACI tregojnë se deri në vitin 2042, Kina do të kryesojë si tregu më i madh ajror në botë, duke kaluar Shtetet e Bashkuara. Po ashtu, një rritje e ndjeshme pritet edhe për Indonezinë, e cila do të ngjitet me nëntë vende për të zënë vendin e katërt në nivel global. Nga ana tjetër, Japonia do të zbresë nga vendi i gjashtë në të shtatin deri në vitin 2052, një pasqyrim i ndryshimeve demografike dhe tendencave të reja të udhëtimit në rajon.

India, që ka parë një rritje të shpejtë të kërkesës për udhëtime ajrore, do të mbetet tregu i tretë më i madh ajror në botë gjatë gjithë kësaj periudhe, sipas të njëjtave projeksione. Megjithatë, një metodologji alternative nga Organizata Ndërkombëtare e Aviacionit Civil (ICAO), që klasifikon vendet sipas numrit të pasagjerëve të transportuar nga linjat ajrore të regjistruara në secilin vend, e renditi Indinë në vendin e 51-të në vitin 2000. Kjo u përmirësua në vendin e 35-të në 2010 dhe në të 30-tin në 2020, duke dëshmuar për rritjen dinamike të linjave ajrore indiane.

Sipas ICAO, rajoni i Azi-Paqësorit është tashmë tregu më i madh në botë për udhëtimet ajrore, me 3.42 miliardë pasagjerë në vitin 2024. Krahasimisht, Europa kishte 2.47 miliardë dhe Amerika e Veriut 2.17 miliardë pasagjerë. Brenda Azisë, rrugët ajrore brenda territorit të Kinës rezultuan më aktive, me 929 milionë pasagjerë vetëm në vitin 2024.

Udhëtimet midis Kinës, Azisë Jugore dhe Qendrore, Azisë Juglindore dhe Oqeanisë, përfshirë të dy drejtimet, regjistruan 422 milionë pasagjerë. Ndërsa trafiku ajror brenda Azisë Jugore dhe Qendrore numëroi 171 milionë pasagjerë, dhe linjat midis këtij rajoni dhe Lindjes së Mesme kapën shifrën e 189 milionëve.

Këto statistika dhe projeksione dëshmojnë për një zhvendosje graduale por të qëndrueshme të qendrës së gravitetit të aviacionit global drejt Azisë, një rajon që përfiton nga rritja ekonomike, urbanizimi i shpejtë dhe një klasë e mesme gjithnjë në rritje me kërkesa për udhëtime.

Në dekadat që vijnë, infrastruktura ajrore, strategjitë kombëtare të aviacionit dhe zhvillimi i qëndrueshëm do të jenë faktorë kyç që do të përcaktojnë se cilët do të jenë liderët e ardhshëm të qiellit global. / Statista

The post Vendet me numrin më të madh të pasagjerëve ajrorë appeared first on Revista Monitor.

Përpjekjet për të frenuar fluksin e vizitorëve po bëjnë bujë, falë masave krijuese të ndërmarra si nga autoritetet ashtu edhe nga vetë banorët.

Vera e vitit 2024 ishte një pikë kthese për shumë destinacione në Europë, pasi numri i madh i turistëve e ktheu turizmin nga përfitim në barrë për komunitetet lokale.

Meqë turizmi masiv nuk po jep shenja ngadalësimi as në vitin 2025, shumë zona të njohura kanë filluar të marrin masa për të zbutur ndikimin negativ. Disa prej këtyre masave janë të pritshme, kufizimi i anijeve turistike, rritja e taksave për turistët apo vendosja e kufijve për numrin e vizitorëve.

Por masa të tjera kanë tërhequr vëmendje ndërkombëtare për qasjen jashtë kornizave, shpesh të diktuara nga vetë banorët vendas.

Më poshtë janë disa nga masat më të çuditshme ndaj turizmit masit të ndërmarra gjatë këtij viti.

Banorët e Notting Hill i lyejnë shtëpitë e famshme me ngjyra të errëta

Notting Hill, lagja në Perëndim të Londrës që u bë e famshme në vitet ’90-të përmes filmit romantik me Julia Roberts dhe Hugh Grant, sot është bërë një nga vendet më të preferuara për fotografi në rrjetet sociale, falë shtëpive me ngjyra pastel.

Por banorët janë gjithnjë e më të pakënaqur nga turmat e turistëve që fotografojnë pa pushim, duke shkaktuar ndotje, zhurmë dhe mungesë privatësie. Ata raportojnë raste kur influencerë u ngjiten shkallëve të shtëpive për të bërë foto, organizojnë piknikë përballë dritareve dhe madje i kërkojnë pronarëve të largohen nga pamja për të mos “prishur” foton.

Si përgjigje, disa banorë kanë filluar të lyejnë fasadat e shtëpive me ngjyra më të errëta, e zezë apo gri, për të zbehur interesin e turistëve. Gjithashtu, janë vendosur tabela që tregojnë zona qetësie dhe janë varur zinxhirë apo litarë para shkallëve për të penguar hyrjen.

Policia në Cinque Terre kontrollon këpucët e vizitorëve

Cinque Terre, pesë fshatrat piktoreskë në Itali të lidhur përmes rrugëve të ngushta nëpër shkëmbinj, janë bërë shumë të frekuentuar nga turistët sidomos në pranverë dhe verë.

Autoritetet e Parkut Kombëtar janë detyruar të marrin masa sigurie, përfshirë vendosjen e drejtimit me një kalim në disa rrugë. Që nga viti 2019 është ndaluar përdorimi i sandaleve, shapkave apo këpucëve me taban të lëmuar gjatë ecjes.

Në rregulloren më të fundit të publikuar në internet për vizitorët, autoritetet njoftojnë se policia do të kryejë kontrolle për të verifikuar nëse turistët janë të pajisur me këpucë të përshtatshme. Shkelësit e rregullave mund të përballen me gjoba që variojnë nga 50 deri në 2,500 euro.

Zona për selfie pranë Sagrada Familia në Barcelonë

Sheshi Gaudí përballë kishës së famshme Sagrada Familia në Barcelonë ka qenë epiqendra e një trendi të TikTok-ut që po shkaktonte kaos: turistët vendosnin telefonët mbi shkallët lëvizëse të metrosë për të regjistruar video me monumentin në sfond, duke bllokuar daljet e stacionit.

Pas ndalimit të këtij trendi, bashkia e Barcelonës ka vendosur të krijojë një zonë të posaçme për pushim dhe selfie përpara hyrjes në kishë.

Zona 6,200 metra katrorë do të vendoset midis fasadës së Lindjes së kishës dhe Plaça Gaudí, në rrugën Carrer de la Marina.

Benidorm vendos gjoba për përdorim të papërshtatshëm të skuterëve elektrikë

Në qytetin turistik Benidorm në Spanjë, autoritetet kanë ndërmarrë një fushatë kundër përdorimit abuziv të skuterëve elektrikë për lëvizshmëri.

Sipas policisë, shumë turistë i marrin me qira këto mjete për argëtim dhe i ngasin me shpejtësi të rrezikshme nëpër rrugë dhe trotuare. Tani, përdorimi i skuterëve është i lejuar vetëm për persona me nevoja mjekësore ose fizike.

Ata që shkelin rregullat përballen me gjoba deri në 500 euro.

Kufiri mes mirëpritjes dhe mbrojtjes së komuniteteve

Ndërsa disa nga këto masa mund të duken të çuditshme apo ekstreme, ato tregojnë qartë përpjekjet në rritje të qyteteve dhe komuniteteve për të ruajtur ekuilibrin mes përfitimeve nga turizmi dhe mbrojtjes së cilësisë së jetës së banorëve.

Në një kohë kur turizmi masiv është kthyer në normë, shumë destinacione po eksperimentojnë me mënyra të reja për të menaxhuar fluksin e vizitorëve, qoftë përmes gjobave, sinjalistikës ose ndërhyrjeve fizike. Pyetja kryesore është: a janë këto masa efikase dhe të qëndrueshme, apo thjesht zgjidhje të përkohshme për një problem që po bëhet gjithnjë e më kompleks? / Euronews, Shqip.al

The post Masat më të çuditshme për të kontrolluar sjelljen e turistëve në 2025 appeared first on Revista Monitor.

Një udhëtim rrugor bëhet shumë më i këndshëm kur shoqërohet me peizazhe mbresëlënëse. Nga pyjet e egra të Kanadasë deri te brigjet piktoreske të Kroacisë, itineraret e bukura janë të shumta – por cili është vendi me pamjet më mahnitëse nga të gjitha?

Për ta zbuluar këtë, platforma e makinave me qira DiscoverCars zhvilloi një sondazh me 6,449 drejtues nga e gjithë bota, duke i pyetur ata që të vlerësonin peizazhet që kanë parë gjatë udhëtimeve të tyre me makinë, nga 1 deri në 10. Më pas, u përllogarit një mesatare për çdo vend dhe u përpilua renditja.

Në krye të listës doli Irlanda, me një vlerësim mesatar 9.52 pikë. E njohur si “Ishulli i Gjelbër”, reshjet e shpeshta të shiut ushqejnë peizazhe të gjelbëruara dhe të pacënuara nga njeriu.

Një nga rrugët më të famshme është Wild Atlantic Way, një itinerar i gjatë bregdetar që shtrihet nga Donegal në veri deri në Cork në jug.

Irlandr

Në vendin e dytë u rendit Zelanda e Re, një destinacion që shpesh cilësohet si më i bukuri në botë për natyrën dhe rrugët e tij. Ndërsa vendin e tretë e ndajnë Portugalia dhe Mbretëria e Bashkuar.

Zelandë e Re

Për Portugalinë, bregdeti spektakolar i Algarve dha kontribut të madh, ndërsa për Britaninë, zonat si Lake District, Peak District, Uellsi Verior dhe malet Highlands të Skocisë ishin padyshim vendimtare.

Portugali

Renditja e vendeve me pamjet më të bukura sipas drejtuesve të makinave:

1. Irlanda
2. Zelanda e Re
3. Portugalia
4. Mbretëria e Bashkuar
5. Kroacia
6. Greqia
7. Polonia
8. Italia
9. Qipro
10.Franca
11.Spanja
12.SHBA
13.Mauritius

/ Time Out, Shqip.al

The post Vendet me peizazhet më të bukura në botë appeared first on Revista Monitor.

Ndërsa Europa përgatitet për pushimet e verës, platforma dixhitale e udhëtimeve Agoda zbulon se Tajlanda mbetet tregu aziatik më i kërkuar nga udhëtarët europianë për të dytin vit radhazi. Menjëherë pas saj vijnë Indonezia, Japonia dhe Malajzia, ndërsa Vietnami hyn për herë të parë në pesëshen kryesore.

Gjetjet nga raporti i Agoda-s “Trendet e Udhëtimeve Verore nga Europa në Azi” bazohen në kërkimet për akomodim për periudhën korrik–gusht, muajt e pikut të verës për udhëtarët europianë.

Nga destinacionet kryesore, Malajzia shënoi rritjen më të madhe të interesit, me një rritje 20% të kërkimeve krahasuar me vitin e kaluar. Kina, që ka përfituar nga heqja e vizave për disa vende europiane, regjistroi një rritje 14%, ndërsa Sri Lanka përjetoi një rritje 13%.

Mbretëria e Bashkuar, Franca, Gjermania, Spanja dhe Holanda mbeten tregjet kryesore europiane, që gjenerojnë më shumë kërkime për udhëtime drejt Azisë. Ndërkohë, Greqia (+23%), Turqia (+21%) dhe Polonia (+17%) dolën si destinacione të reja, duke reflektuar interesin në rritje nga këto rajone për destinacionet aziatike.

Destinacionet më të kërkuara në Azi:

1. Tajlanda
2. Indonezia
3. Japonia
4. Malajzia
5. Vietnami

Andrew Smith, zëvendëspresident për ofertën në Agoda, tha: “Tërheqja e Azisë si një destinacion veror për udhëtarët europianë mbetet e padiskutueshme, me Tajlandën, Indonezinë dhe Japoninë që janë të preferuara të përhershme. Ajo që është edhe më emocionuese është rritja e interesit për destinacione si Malajzia, Kina, Sri Lanka dhe Vietnami. Ky ndryshim thekson një kuriozitet në rritje midis udhëtarëve europianë për të eksploruar kulturat e ndryshme, peizazhet mahnitëse dhe thesaret e fshehura të Azisë gjatë aventurave të tyre verore.”

Sa i përket destinacioneve specifike, Bali në Indonezi është në krye të listës, i ndjekur nga Bangkoku dhe Koh Samui në Tajlandë. Vlen të përmendet se Koh Samui ka zëvendësuar Tokion në tre vendet e para, ndoshta i ndikuar nga popullariteti global i serialit televiziv të HBO-së ‘The White Lotus’. / Agoda, Yahoo Finance, Shqip.al

The post Ku do të udhëtojnë europianët këtë verë, Tajlanda mbetet e preferuara appeared first on Revista Monitor.

Presidenti Donald Trump po shqyrton mundësinë për të zgjeruar ndjeshëm ndalimin e udhëtimeve, duke ndaluar ndoshta hyrjen në Shtetet e Bashkuara të qytetarëve nga 36 vende të tjera, sipas një dokumenti të brendshëm të Departamentit të Shtetit që është parë nga agjencia Reuters.

Më herët këtë muaj, presidenti republikan nënshkroi një dekret që ndalonte hyrjen e qytetarëve nga 12 vende, duke deklaruar se kjo masë ishte e nevojshme për të mbrojtur Shtetet e Bashkuara nga “terroristët e huaj” dhe kërcënime të tjera ndaj sigurisë kombëtare.

Ky urdhër ishte pjesë e një fushate të ashpër ndaj emigracionit që Trump nisi këtë vit në fillim të mandatit të tij të dytë, e cila ka përfshirë deportimin në El Salvador të qindra venezuelianëve të dyshuar si anëtarë bandash, si edhe përpjekje për të mohuar regjistrimin e disa studentëve të huaj në universitetet amerikane dhe për të deportuar të tjerë.

Në një dokument të brendshëm diplomatik të firmosur nga Sekretari i Shtetit Marco Rubio, Departamenti i Shtetit rendit një dymbëdhjetëshe shqetësimesh për vendet në fjalë dhe kërkon ndërmarrjen e masave korrigjuese.

“Departamenti ka identifikuar 36 vende problematike që mund të rekomandohen për pezullim të pjesshëm ose të plotë të hyrjes nëse nuk përmbushin standardet dhe kërkesat e përcaktuara brenda 60 ditëve,” thuhet në dokumentin që është dërguar gjatë fundjavës. Dokumenti u raportua fillimisht nga Washington Post.

Ndër shqetësimet e ngritura nga Departamenti i Shtetit ishin mungesa e një qeverie kompetente ose bashkëpunuese për të prodhuar dokumente të besueshme identiteti dhe “siguria e dyshimtë” në disa nga këto vende.

Disa prej këtyre vendeve, thuhet në dokument, nuk bashkëpunonin në kthimin e shtetasve të tyre të urdhëruar për deportim nga SHBA. Në disa raste, qytetarët e tyre kishin qëndruar në SHBA përtej afatit të vizës.

Shqetësime të tjera përfshijnë përfshirjen e disa shtetasve në akte terroriste në SHBA apo veprimtari antisemitike dhe anti-amerikane. Dokumenti nënvizon se jo të gjitha këto shqetësime vlejnë për çdo vend në listë.

Vendet që mund të përballen me ndalim të plotë ose të pjesshëm të hyrjes nëse nuk adresojnë këto shqetësime brenda 60 ditëve janë: Angola, Antigua dhe Barbuda, Benini, Butani, Burkina Faso, Cabo Verde, Kamboxhia, Kameruni, Bregu i Fildishtë, Republika Demokratike e Kongos, Xhibuti, Dominika, Etiopia, Egjipti, Gaboni, Gambia, Gana, Kirgistani, Liberia, Malawi, Mauritania, Nigeri, Nigeria, Saint Kitts dhe Nevis, Saint Lucia, Sao Tome dhe Principe, Senegali, Sudani i Jugut, Siria, Tanzania, Tonga, Tuvalu, Uganda, Vanuatu, Zambia dhe Zimbabve.

Kjo do të ishte një zgjerim i ndjeshëm i ndalimit që hyri në fuqi më herët këtë muaj. Vendet që u prekën më parë ishin: Afganistani, Mianmari, Çadi, Republika e Kongos, Guinea Ekuatoriale, Eritrea, Haiti, Irani, Libia, Somalia, Sudani dhe Jemeni.

Hyrja e njerëzve nga shtatë vende të tjera – Burundi, Kuba, Laosi, Sierra Leone, Togo, Turkmenistani dhe Venezuela – gjithashtu është kufizuar pjesërisht.

Gjatë mandatit të tij të parë, Trump shpalli ndalimin e udhëtarëve nga shtatë vende me shumicë myslimane, një politikë që kaloi disa ndryshime përpara se të miratohej nga Gjykata e Lartë në vitin 2018.

Reuters, përshtati në shqip ©Lapsi.al

The post Reuters: Trump planifikon të ndalojë hyrjen e qytetarëve nga 36 vende shtesë appeared first on Lapsi.al.

Të gjithë rrugët e pushimeve këtë verë të çojnë në Adriatik — më saktë në Kroaci. Shtatë ekspertë udhëtimesh të pyetur nga platforma e udhëtimit Travel + Leisure dhanë të njëjtën përgjigje: Kroacia është zgjedhja më e mirë për verën 2025.

Kjo rritje e popullaritetit nuk është rastësore. Sipas të dhënave zyrtare, vendi priti rreth 20 milionë turistë në vitin 2023, një rritje 10% nga viti paraardhës. Dhe kërkesa po rritet edhe më shumë këtë vit. “Kemi parë një rritje prej 800% në kërkesat për pushime në Kroaci,” thotë Edward Frampton-Fell nga Top Villas.

Ndërsa Dubrovniku, Hvari dhe Riviera e Splitit mbeten destinacione klasike, ishulli Korčula po fiton gjithnjë e më shumë vëmendje si një “mini Dubrovnik” – me arkitekturë veneciane, plazhe të qeta dhe pak më pak turistë. “Korčula ka gjithçka: natyrë, histori, verëra të mira si Pošip, dhe madje thuhet se është vendlindja e Marco Polos,” thotë Darijo Saric nga VIP Holiday Booker.

Kroacia po tërheq gjithnjë e më shumë edhe emra të njohur nga bota e showbiz-it. Ishulli i Korčulës, për shembull, është vizituar nga çiftet e famshëm si Beyoncé dhe Jay-Z, të cilët shijuan darka me ushqim deti në ishullin e vogël Vrnik. Kjo prani e të famshmëve vetëm sa ka rritur profilin ndërkombëtar të vendit, duke e kthyer në një destinacion të preferuar për pushime luksoze dhe të qeta larg zhurmës së zakonshme turistike.

Ekspertët rekomandojnë të eksploroni vendin me jaht ose katamaran, duke kaluar mes ishujve si Vis, Brac, Krk dhe Hvar. “Rezervimet janë mbushur më shpejt se kurrë këtë verë,” pohon Mitja Mirtic nga kompania Goolets, që ofron avionë charter në ujërat kroate.

Për ata që kërkojnë një kombinim të luksit me përvojat autentike, rajoni i bregdetit dalmat është ideal, nga qytetet mesjetare të Splitit e Dubrovnikut, tek shëtitjet me varkë, degustimet e verës dhe vizitat në zona të mbrojtura nga UNESCO.

Kroacia nuk është më thjesht një destinacion i bukur, është kthyer në zgjedhjen më të përfolur të verës në Europë. Dhe këtë herë, ekspertët bien të gjithë dakord. / Travel + Leisure, Shqip.al

The post Kroacia, destinacioni i preferuar i verës 2025 appeared first on Revista Monitor.

Turistët nga SHBA po shfaqin më pak interes për të udhëtuar këtë verë drejt Europës, por turistët kinezë po e zëvendësojnë këtë rënie, sipas të dhënave të publikuara nga Komisioni Europian i Udhëtimeve (ETC).

Vetëm 33% e amerikanëve të anketuar thanë se planifikojnë të vizitojnë Europën këtë verë — 7% më pak se një vit më parë. Shkaku kryesor duket të jenë kostot e larta të udhëtimit, të cilat u përmendën nga 54% e tyre, si dhe shqetësime politike, përfshirë mënyrën si perceptohet SHBA në botë.

Interesi më i lartë vërehet tek amerikanët e verilindjes (43%), një zonë që zakonisht voton për demokratët dhe nuk përputhet politikisht me ish-presidentin Trump.

Edhe interesimi global për pushime në Europë ka rënë lehtë: 39% e të anketuarve në total planifikojnë një udhëtim europian në 2025, krahasuar me 41% në 2024. Një tendencë e ngjashme vihet re tek udhëtarët nga Brazili, Kanadaja dhe Japonia.

Në kontrast, 72% e turistëve kinezë thanë se planifikojnë pushime verore në Europë — një rritje 10% nga viti i kaluar. ETC e lidh këtë me rritjen e të ardhurave, lehtësitë në politika udhëtimi dhe një orientim të konsumatorëve drejt përvojave personale dhe kulturore.

Të ardhurat për frymë në Kinë u rritën mbi 5% në tremujorin e parë të 2025, sipas Byrosë Kombëtare të Statistikave. Megjithatë, brenda vendit ka pasiguri për fuqinë blerëse, pasi kërkesa e dobët ka ndikuar në rënie çmimesh dhe ngadalësim të shitjeve me pakicë.

Europa është një destinacion i preferuar për turistët kinezë, shpesh për të blerë produkte luksi — një prirje që u ndërpre nga pandemia, por që po rikthehet. Më shumë se gjysma e tyre planifikojnë të bëjnë blerje.

Megjithatë, shpenzimet po ndryshojnë: vetëm 29% e turistëve kinezë parashikojnë të shpenzojnë mbi 200 euro në ditë — një rënie 44% nga viti i kaluar. Shumica tani synojnë të shpenzojnë 100 – 200 euro në ditë. / CNBC, Shqip.al

The post Më pak turistë amerikanë në Europë këtë verë, kinezët kompensojnë rënien appeared first on Revista Monitor.