Deputeti socialist Erion Braçe vijon denoncimin publik të problematikave sociale dhe shëndetësore që prekin qytetarët e kryeqytetit.

Braçe denoncon se korsia në fjalë zihet kryesisht nga shërbimet që ndodhen pranë rrugës, ku ka avokatë, noterë, subjekte tregtare të ndryshme apo lokale. Por edhe pse ka orare për veprime dhe furnizime, ata përsëri kryejnë shkeljet.

“Dhe ka arsye; në të gjithë këtë aks ka shërbime, veçanërisht avokatë, noterë, përkthyes, pastaj lokale shërbimi, ushqimore etj; edhe pse këtu janë vënë tabela me orare të caktuara për furnizime, janë ata që marrin e blejnë shërbime e mallra këtu, të cilët bllokojnë korsinë për to!”, shkruan ai mes të tjerave.

Ligjvënësi propozon që të ketë një zgjidhje konkrete.

Postimi i plotë i deputetit Erion Braçe:

“Në Unazë, duke vëzhguar korsinë e re për autobusë, taksi, ambulancë, zjarrfikës, Polici! Edhe koshat u hipën mbi trotuar, por përsëri korsia është e zënë dhe autobusi është në rrugë!

Dhe ka arsye; në të gjithë këtë aks ka shërbime, veçanërisht avokatë, noterë, përkthyes, pastaj lokale shërbimi, ushqimore etj; edhe pse këtu janë vënë tabela me orare të caktuara për furnizime, janë ata që marrin e blejnë shërbime e mallra këtu, të cilët bllokojnë korsinë për to!

The post Braçe denoncon një tjetër ‘plagë’ të Tiranës, bllokimin e korsisë së emergjencës në Unazë appeared first on Albeu.com.

Disa javë më parë, SPAK ndezi një debat publik pasi konfirmoi se një ish-ministër është nën hetim, por zgjodhi të mos zbulojë emrin duke u mbështetur tek sekreti hetimor.

Tashmë, në publikimin periodik të korrespondencës me gazetarët dhe mediat, i shpërndarë përmes faqes së transparencës, Prokuroria e Posaçme ka dhënë disa të dhëna të tjera mbi hetimet që po kryen.

Sipas informacionit të bërë publik, aktualisht janë 14 zyrtarë dhe ish-zyrtarë me statusin e personit nën hetim, përfshirë tre deputetë, një ish-ministër dhe një ish-deputet.

Megjithatë, SPAK nuk ka zbuluar as emrat e tyre, as veprat penale konkrete për të cilat po hetohen.

Në pyetjet drejtuar këtij institucioni për të identifikuar ministrin nën hetim dhe nëse po shqyrtohet aplikimi i një mase sigurie ndaj tij/saj, SPAK është përgjigjur duke refuzuar dhënien e informacionit.

Po ashtu, Prokuroria e Posaçme është pyetur lidhur me veprimet e IKMT-së dhe AKSH-së, në kuadër të aksionit të paralajmëruar nga kryeministri Edi Rama për prishjen e ndërtimeve pa leje.

Për këtë çështje, SPAK është shprehur se nuk bën pjesë në kompetencat e këtij organi.

The post Tre deputetë, dhe një ish ministër mes 14 zyrtarëve nën hetim nga SPAK appeared first on Albeu.com.

Ministria e Mbrojtjes ka bërë përditësimin e fundit lidhur me situatën e zjarreve në vend.

Sipas njoftimi të Ministrisë së Mbrojtjes gjatë orëve të fundit janë evidentuar 13 vatra zjarri, ku për momentin vetëm 2 vatra janë aktive.

Njoftimi:

Situata e zjarreve në vend

Forcat zjarrfikëse, me ndihmën edhe të Forcave të Armatosura po vijojnë ndërhyrjet në disa zona të vendit për shuarjen e vatrave të zjarrit.

Në Finiq të Vlorës, dy helikopterë të FA janë duke kryer operacione intensive nga ajri, duke mbështetur forcat tokësore në shuarjen e flakëve.

Gjatë orëve të fundit janë evidentuar 13 vatra zjarri, nga të cilat:

– 9 vatra janë shuar,
– 2 vatra janë aktive,
– 2 vatra janë në monitorim.

Aktualisht aktive mbeten vatrat në:

* Pezë Helmës, njësia Pezë, Tiranë: Vatra e zjarrit po mbahet në mbikëqyrje deri në fikjen përfundimtare. Sot janë shfaqur disa vatra të vogla brenda perimetrit të djegur.

* Ibë, njësia Bërzhitë, Tiranë: Është aktivizuar një vatër zjarri në sipërfaqe me shkurre dhe mare, pranë zonës ku një vatër u shua një ditë më parë. Terreni është i paarritshëm për mjetet zjarrfikëse.

Në ndërhyrje kanë marrë pjesë 12 forca zjarrfikëse me pajisje individuale dhe 4 forca të APR.

* Parku Natyror Gërmenj, njësia Leskovik: Vijon puna për shuarjen e zjarrit, me angazhimin e 3 mjeteve dhe 14 efektivëve zjarrfikës të MZSH Kolonjë, si dhe 6 forcave policore.

* Fshati Dërmish, njësia Finiq, Vlorë: Vijon puna për shuarjen e zjarrit në një sipërfaqe me shkurre. Në terren po veprojnë 5 automjete zjarrfikëse me 20 efektivë të MZSH Finiq, 20 forca vullnetare dhe dy helikopterë të Forcave të Armatosura, të cilët po kryejnë operacione nga ajri për shuarjen e flakëve. Momentalisht nuk ka rrezik për banesa.

The post Situata e zjarreve në vend/ Ministria e Mbrojtjes: 2 vatra aktive në orët e fundit, ja ku po ‘luftohet’ ende me flakët appeared first on Albeu.com.

Një vrasje brutale ndodhi në Volos të premten pasdite, më 22 gusht, ku një burrë 40-vjeçar goditi për vdekje gruan e tij 36-vjeçare me thikë.

Gruaja 36-vjeçare pësoi lëndime në qafë dhe shpinë, ndërsa autori u zhduk pas krimit dhe autoritetet kanë nisur për ta gjetur atë. Katër fëmijët e çiftit, të moshës 5 deri në 18 vjeç, dëshmuan tragjedinë.

Në fakt, një video nga protothema.gr kap momentin kur një nga vajzat e viktimës mbërrin në vendngjarje dhe sheh pellgun e gjakut në hyrje të pallatit ku jeton familja:

Vajza e madhe foli për gegonotaneës, duke deklaruar se prindërit e saj kishin grindje të shpeshta. Këtë mëngjes, ndërsa e gjithë familja ishte në shtëpi, shpërtheu një tjetër grindje dhe më pas shtetasi 40-vjeçar shqiptar rrëmbeu një thikë dhe e goditi gruan.

“Nuk e di pse u grindën”, tha vajza e tyre 16-vjeçare, e cila zbuloi megjithatë se 40-vjeçari ishte xheloz për nënën e saj dhe për një kohë ajo e kishte larguar nga shtëpia.
36-vjeçari vrapoi për t’u arratisur duke u larguar nga apartamenti në katin e parë në rrugën Konstanta, ku jeton familja. Ai e ndoqi poshtë shkallëve dhe në hyrje të pallatit e goditi përsëri.

Njëri nga fëmijët thuhet se i tha policisë: “E pashë babin duke e therur mamin me thikë”, sipas medias vendase.

Autori i krimit, me profesion ndërtues, doli me vrap nga pallati dhe iku në Rrugën Gladstonos, ndërsa policia ka nisur një kërkim për ta gjetur dhe arrestuar atë. Sipas informacioneve nga protothema.gr, nuk kishte histori dhune në familje, megjithatë, autori i krimit ishte përdorues droge dhe kishte tentuar vetëvrasjen në qershor.

The post “Pashë babin të godiste mamin”, zbardhet dëshmia e njërit prej fëmijëve të 36-vjeçares appeared first on Albeu.com.

6.6 milionë shtetas të huaj kanë vizituar Shqipërinë në periudhën janar-korrik të këtij viti. Instituti i stattistikave ka publikuar raportin i cili konfirmon se krahasuar me të njëjtën periudhë të një viti më parë rritja e numrit të turistëve është me gati 4% ose mbi 225 mijë vizitorë më tepër.

Numri i shtetasve të huaj që kanë hyrë në territorin shqiptar është  mbi 1.8 milionë udhëtarë. Këto shifra konfirmojnë se turizmi edhe për këtë vit do mbetet një motor i fuqishëm për ecurinë ekonomike dhe punësimin në vend. Turistët vijnë kryesisht nga rajoni i Evropës në rreth 95 % e hyrjeve të shtetasve të huaj.

Por kryesojnë  turistet nga shtete të Evropës jugore ku përmendim Italianët,Spanjollët dhe Francezët.Kjo konfirmon se Shqipëria mbetet kryesisht një destinacion rajonal dhe mesdhetar, por nuk mungojnë edhe turistë nga tregje të  largëta  si Amerika, Azia apo  Afrika që edhe pse po japin një kontribut modest,mbeten në rritje.

Parashikimet janë që Shqipëria të presë mbi 12 milionë vizitorë të huaj përgjatë këtij viti. Vendi vijon të promovohet edhe nga mediat ndërkombëtare si një nga destinacionet më të mira për pushime, jo vetëm për bregdetin por edhe bukuritë e tjera natyrore. Kjo ka bërë që turizmi gradualisht të shtrihet përtej sezonit veror.

Turizmi pritet të jetë një ndër shtyllat kryesore ekonomike në Shqipëri edhe në vitet që vijnë. Në vlerësimet e institucioneve turizmi pritet që të sjellë në ekonominë shqiptare rreth 6.7 miliardë euro deri në vitin 2030.

The post 4% më shumë turistë se në 2024/ Instat: Shqipëria u vizitua nga 6.6 milionë të huaj në 7 muaj appeared first on Albeu.com.

Një gjykatë apeli ka hedhur poshtë një gjobë prej 500 milionë dollarësh (mbi 430 milionë euro) që presidenti amerikan, Donald Trump ishte detyruar të paguante vitin e kaluar në një proces civil për mashtrim në New York.

Gjykatësi Arthur Engoron kishte urdhëruar këtë dënim, pasi 79-vjeçari dyshohej se kishte rritur në mënyrë të paarsyeshme vlerën e pasurive të Organizatës Trump për të përfituar kushte më të favorshme kredi.

Në vendimin e tij, paneli i Apelit të Gjykatës Supreme të New Yorkut tha se, pavarësisht përgjegjësisë për mashtrim, gjoba prej gati gjysmë miliardë dollarësh ishte e tepruar dhe shkelte mbrojtjet kushtetuese të SHBA-së kundër dënimeve të tepërta.

The post Anulohet dënimi prej 500 milionë dollarësh ndaj Donald Trumpit appeared first on Albeu.com.

Presidenti i Ukrainës, Volodymyr Zelensky, gjatë vizitës së tij të fundit në Shtëpinë e Bardhë, ka mahnitur administratën e Donald Trump-it me stilin e tij të ri të veshjes. Mediat amerikane kanë zbuluar se pas këtij transformimi qëndron stilisti i njohur Viktor Anisimov.

Ndryshe nga vizita e tij e para dy viteve, kur Zelensky u kritikua ashpër për faktin se nuk kishte veshur kostum, këtë herë ai mori edhe vlerësime nga disa prej gazetarëve që dikur e kishin sulmuar më së shumti për pamjen e tij.

Në një intervistë për Washington Post, stilisti Anisimov tregoi se ai e ka veshur Zelenskyn për më shumë se 20 vite, që nga koha kur ky i fundit ishte aktor. Pikërisht ai është njeriu që e bindi presidentin ukrainas të zëvendësonte bluzën e tij të zakonshme ushtarake me një xhaketë solemne, e cila bëri përshtypje të madhe edhe te Trump.

“Me presidentin po punojmë intensivisht prej gjashtë muajsh. Procesi është i thjeshtë: unë krijoj diçka, në fillim e koordinoja çdo detaj, por tani shkojmë bashkë në takim dhe ai më thotë çfarë i pëlqen e çfarë jo. Ato që i pëlqejnë i mban, të tjerat më kthehen mua. Madje javën e kaluar më nënshkroi një kostum që nuk i përshtatej, dhe unë e futa në koleksionin tim personal”, tregoi Anisimov.

Ai u ndal edhe te kritikat e mëparshme që Zelensky mori në shkurt për mënyrën e tij të veshjes. “Njerëzit nuk u turpëruan nga presidenti apo nga rrobat e tij. Nuk ishte problemi pse të tjerët nuk e kuptonin, por pse gjërat e dukshme nuk u panë. Këtë ‘element shpërthyes’ tani e kemi zgjidhur në Washington. Falë Zotit që Trumpit i pëlqeu pamja e tij dhe, më e rëndësishmja, dëgjoi presidentin tonë”, tha stilisti.

Anisimov shtoi se puna me Zelenskyn nuk është aq e ndërlikuar sa duket. “Detyra kryesore ishte ruajtja e imazhit të tij si president në kohë lufte – pra të mbetej në linjën e stilit ushtarak, por duke zëvendësuar ngjyrën e gjelbër me të zezën dhe duke shtuar disa elemente modernë e elegantë”, shpjegoi ai.

Në fund, stilisti theksoi se, megjithëse moda e presidentit shpesh komentohet, ka gjëra shumë më të rëndësishme. “Ukraina pret paqen, dhe ajo që dikush vesh ka shumë pak rëndësi. Historia shpesh përsëritet: para 20 vitesh kaluam nga bluzat te kostumet klasike për trupën komike ku ishte edhe Zelensky. Sot, shpresoj që kalimi nga bluza ushtarake në një kostum tradicional të simbolizojë ardhjen e paqes për të gjithë ne”, përfundoi Anisimov.

The post I mahniti të gjithë me veshjen e tij në Shtëpinë e Bardhë, kush është stilisti “hero” i Volodymyr Zelenskyt që e bëri të marrë aq shumë komplimente appeared first on Albeu.com.

Hailey Bieber dukej me stil dhe e kuruar pa mundim teksa doli me miqtë në Los Angeles të mërkurën.

Modelja 28-vjeçare ishte në shoqërinë e mikes së saj të ngushtë, Kendall Jenner, 29 vjeçe.

Të dyja u takuan për të biseduar dhe kaluar kohë së bashku, përpara se të shkonin në restorantin San Vicente Bungalows.

Hailey kishte veshur një crop top të bardhë, të kombinuar me një palë xhinse të errëta model “barrel”, sandale me taka dhe syze dielli me formë ovale.

Kendall dukej elegante me një fustan të ngushtë në ngjyrë gri të errët, të cilin e kishte kombinuar me sandale me taka.

Pamjen e saj e plotësoi me një çantë lëkure ngjyrë kafe, flokët e kapur në një topuz të rregullt dhe syze dielli.

Më vonë, së bashku me disa nga miqtë e tyre, vajzat shkuan për të bërë pazar në Brentwood dhe më pas u freskuan me kafe të ftohta.

The post Hailey Bieber dukej plot stil gjatë një daljeje me miken e saj Kendall Jenner appeared first on Albeu.com.

Këngëtarja e njohur shqiptare, Arta Bajrami, ka bërë një reagim të fuqishëm publik përmes një letre të hapur drejtuar Kryeministrit Albin Kurti dhe Presidentes Vjosa Osmani, ku ka ngritur shqetësimin e saj si nënë e dy fëmijëve me autizëm dhe si qytetare e vendit.

Në shkrimin e saj të publikuar në Facebook, Bajrami thekson se Kosova ndodhet në një ngërç të rëndë politik pas zgjedhjeve të 9 shkurtit, duke kritikuar klasën politike për dështimin në formimin e institucioneve dhe për pasojat që kjo krizë po sjell në jetën e qytetarëve. “Kuvendi ka dështuar mbi 50 herë të zgjedhë një kryetar, Qeveria nuk është formuar, dhe jeta e qytetarëve është lënë peng i pazareve politike”, shkruan ajo, duke e cilësuar situatën si një “kolaps shtetëror”.

Një nga pikat më të theksuara në letrën e saj është mungesa e Ligjit për fëmijët me nevoja të veçanta, i cili, sipas këngëtares, është zvarritur prej vitesh, duke lënë mbi 38 mijë fëmijë me aftësi të kufizuara jashtë sistemit arsimor dhe pa mbështetje adekuate. “Çdo ditë vonesë është një dëm i pariparueshëm për zhvillimin e këtyre fëmijëve”, shkruan Bajrami, duke shtuar se është turp për një shtet të kthejë shpinën ndaj më të pambrojturve.

Në letrën e saj, Bajrami ndalet edhe te projekti i humanistit Halil Kastrati, i cili ka nisur ndërtimin e një residence për fëmijët me autizëm, por që sipas saj ka mbetur i bllokuar për shkak të mungesës së përkrahjes institucionale.

Në fund, këngëtarja liston tre kërkesa kryesore për institucionet:

Formimin e menjëhershëm të institucioneve dhe daljen nga kriza politike.

Miratimin pa vonesë të ligjit për fëmijët me nevoja të veçanta.

Mbështetjen dhe aprovimin e projektit të Halil Kastratit.

“Unë nuk po ju lutem, po ju kërkoj me të drejtën që ma jep statusi i qytetares, i nënës dhe i një figure publike që përfaqëson shumë familje të ngjashme me timen”, përfundon Bajrami, duke paralajmëruar se historia do t’i gjykojë udhëheqësit që braktisin fëmijët më të brishtë të vendit

The post Arta Bajrami letër të hapur Albin Kurtit e Vjosa Osmanit, iu drejtohet me kërkesa për formimin e institucioneve dhe fëmijët me nevoja të veçanta appeared first on Albeu.com.

Margot Robbie ka bërë rikthimin e shumëpritur në tapetin e kuq, duke marrë vëmendjen e të gjithëve në premierën e filmit të saj të ri romantik A Big Bold Beautiful Journey.

Aktorja pozoi me Colin Farrell, bashkë-yllin në film, teksa u duk më e bukur se kurrë në një fustan të shkurtër e të zi që i theksonte linjat mahnitëse, ndërthurur me sandale të zeza dhe flokë bjonde të stiluar në mënyrë të përkryer.

Farrell zgjodhi një stil më të lehtë e të relaksuar, me xhinse, bluzë të bardhë dhe xhaketë të zezë, një kontrast i zhdërvjellët me elegancën e Robbie-së.

Ky event është paraqitja e saj e parë publike që nga nëntori i vitit të kaluar, kur konfirmoi se kishte sjellë në jetë djalin e saj të parë me bashkëshortin Tom Ackerley, pak kohë pas njoftimit të shtatzënisë gjatë verës së 2024.

Përveç jetës së re si nënë, Robbie nuk ka ndalur karrierën, që nga marsi është parë në xhirimet e adaptimit të Wuthering Heights (nën regjinë e Emerald Fennell). Ndërsa paraqitja e saj publike e parë pas sukseseve me Barbie, nënvizon njërin nga momentet më emocionuese të këtij sezoni.

The post Margot Robbie: Shfaqja e parë në tapetin e kuq pas lindjes së djalit të saj appeared first on Albeu.com.

Në fshatrat Maqellarë dhe Herbel të Dibrës, kishat e periudhës bizantine po ruhen falë përkujdesjes së besimtarëve ortodoksë dhe myslimanë, duke treguar traditën e bashkëjetesës fetare. Kishat, mes të cilave edhe Kisha e Shpërfytyrimit në Herbel, kanë mbijetuar shekuj duke ruajtur elementë arkitekturorë dhe afreske historike.

Një prej banorëve tregon: “Unë i kam pagëzuar fëmijët e mi fshehurazi, në shtëpi. Frika ishte e madhe, por ne nuk mund të hiqnim dorë nga tradita.” Bashkëshortja e tij, shton: “Në festën e 18 gushtit nuk mblidhemi vetëm ne ortodoksët, por edhe myslimanët e fshatit. Kjo është festa jonë e përbashkët.”

Banorët kanë dërguar kërkesa për restaurim dhe sot, me ndihmën e Institutit Kombëtar të Trashëgimisë Kulturore, po kryhen ndërhyrje për konsolidimin e themeleve, restaurimin e fasadave dhe ruajtjen e elementëve origjinalë. Gentian Molla, teknik i restaurimeve, thotë: “Nëse nuk ndërhyhej, një tërmet i vogël do ta shkatërronte krejtësisht.”

Edhe fshati Kërçisht i Epërm ruan pesë kishat bizantine, ku banorët myslimanë kanë kontribuar në mirëmbajtjen e tyre. Një prej banorëve të kësaj zone shprehet: “Tradita jonë ka qenë që gëzimet dhe fatkeqësitë i ndanim bashkë, myslimanë dhe ortodoksë. Edhe sot vazhdon kështu, edhe pse këtu nuk kanë mbetur më banorë të besimit ortodoks.”

Mësuesi i historisë Gazmir Sejdi thekson: “Ruajtja e tyre, shpesh nga banorët myslimanë, është dëshmi e bashkëjetesës ndërfetare dhe e respektit për trashëgiminë historike dhe shpirtërore.”

Banorët shohin gjithashtu potencial turistik në këto objekte historike, por theksojnë nevojën për investime dhe organizim më të mirë të infrastrukturës lokale, në mënyrë që trashëgimia kulturore të kontribuojë në zhvillimin e zonës.

The post Bashkëjetesa fetare në Dibër: myslimanë dhe ortodoksë ruajnë kishat bizantine appeared first on Albeu.com.

Ujësjellës-Kanalizime Tiranë njofton se, për shkak të defekteve të shkaktuara në rrjet, do të ketë kufizime në furnizimin me ujë të pijshëm në disa zona të kryeqytetit. Sipas UKT-së zonat e prekura nga defekti në stacionin e pompimit janë Kombinat, Prush, Sharrë.

Ndërsa zonat e prekura nga defekti në linjën kryesore në depot qendrore të ujësjellësit mbi Qytetin Studenti: Rruga e Elbasanit, “3 Vëllezërit Kondi”, Zona e Sanatoriumit, Kodra e Diellit, Liqeni i Thatë, Sauku i Ri dhe Sauku i Vjetër.

UKT njofton gjithashtu se punonjësit janë në terren dhe po punojnë intensivisht për riparimin e defekteve dhe rikthimin sa më shpejt të furnizimit normal me ujë.

The post Defekte në rrjet, UKT jep njoftimin për qytetarët: Do të ketë ndërprerje të ujit appeared first on Albeu.com.

Japonezët prej kohësh njihen për përkushtimin e tyre ndaj mirëqenies, duke balancuar spiritualitetin me kujdesin për trupin dhe duke treguar një krijimtari të veçantë në mënyrën se si ruajnë ekuilibrin fizik e mendor.
Në vend që të mbushin palestrat, ata shpesh kanë ditur të shfrytëzojnë gjërat më të thjeshta që kanë në shtëpi për t’u ushtruar. Një shembull tipik është përdorimi i peshqirëve pambuku si pajisje ushtrimesh, duke besuar se pambuku, i ngopur me diell, ujë dhe minerale, sjell efekte pozitive për shëndetin kur bie në kontakt me trupin. Pikërisht nga kjo filozofi, lindi një teknikë e quajtur “truku me peshqir pesë minutash”, e cila po fiton popullaritet për mënyrën e thjeshtë dhe efektive të përdorimit.

Ushtrimi u zhvillua nga Dr. Toshiki Fukutsuji, ekspert japonez i refleksologjisë dhe masazhit, i cili më shumë se një dekadë më parë pretendoi se kjo metodë përmirëson qëndrimin e trupit, redukton dhjamin e barkut, forcon muskujt e shpinës dhe lehtëson dhimbjet e mesit. Sipas tij, depozitat e tepërta të yndyrës në zonën abdominale shpesh lidhen me pozicionimin jo të rregullt të muskujve të dyshemesë pelvike, dhe përmes këtij ushtrimi korrigjohet gradualisht vendosja e legenit, duke ndihmuar trupin të humbasë dhjamin e tepërt. Përtej efekteve estetike, kjo metodë thuhet se përmirëson qarkullimin e gjakut, tretjen dhe krijon një ndjesi më të fortë ekuilibri në trup. Për rezultate më të mira, ekspertët sugjerojnë një rutinë të qartë:

• Shtrihuni mbi një sipërfaqe të fortë, si dyshemeja.

• Vendosni një peshqir të mbështjellë horizontalisht nën pjesën e poshtme të shpinës.

• Shtrini krahët lart, mbi kokë, në mënyrë që gishtat e vegjël të prekin njëri-tjetrin.

• Kthejini këmbët nga brenda, duke bërë që gishtërinjtë e mëdhenj të prekin njëri-tjetrin.

• Relaksohuni dhe qëndroni në këtë pozicion për pesë minuta.

Ky ushtrim, i thjeshtë dhe i arritshëm për këdo, rekomandohet të përsëritet disa herë në ditë. Ai nxit shtrirjen e muskujve, relaksimin, korrigjimin e qëndrimit dhe qarkullimin më të mirë të gjakut. Nëse praktikohet rregullisht disa herë në javë, mund të lehtësojë dhimbjet e mesit dhe të forcojë muskujt e barkut, duke kontribuar në një trup më të tonifikuar dhe një ndjesi më të mirë fizike.

Megjithatë, ekspertët theksojnë se duhet treguar kujdes: personat që vuajnë nga probleme të shpinës duhet të konsultohen me një mjek përpara se ta provojnë këtë teknikë. Përveç kësaj, për rezultate afatgjata dhe të qëndrueshme, është e domosdoshme që ushtrimet fizike të kombinohen me një regjim ushqimor të ekuilibruar, gjumë cilësor dhe konsum të mjaftueshëm uji. Në këtë mënyrë, truku japonez me peshqir nuk shihet vetëm si një metodë për bark të sheshtë, por edhe si pjesë e një filozofie më të gjerë për mirëqenie dhe jetë të shëndetshme.

The post Truku japonez pesëminutësh: Ofron bark të sheshtë dhe më pak dhimbje shpine appeared first on Albeu.com.

Robbie Williams ka zgjedhur të marrë një qëndrim të fortë kundër përdorimit të celularëve nga fëmijët, duke e krahasuar dhënien e tyre me një formë abuzimi.

Në një intervistë për ITV News, këngëtari britanik dhe babai i katër fëmijëve u shpreh se nuk ka ndërmend t’u japë fëmijëve të tij celularë për një kohë sa më të gjatë të mundur. Ai tha:

“Ata nuk kanë telefona. Nuk do të kenë telefona për aq kohë sa të jetë e mundur nga ana njerëzore. Dhe e dini, ata do të thonë: ‘Unë jam në shkollë, të gjithë të tjerët kanë telefon, pse të mos kem edhe unë?’, them unë me ashpërsi. Është kaq e thjeshtë.”

Williams shtoi se edhe ai vetë e ka të vështirë të përballojë presionin dhe ndikimin që vjen nga interneti:

“Jam 51 vjeç, nuk mund ta përballoj natyrën gërryese të internetit dhe gjërave të tjera. Më dhemb. Ma prish ditën…”

Në një deklaratë të fortë, ai e krahasoi pajisjet teknologjike me substanca të rrezikshme:

“Si mund t’ia jap këtë ilaç një fëmije dymbëdhjetë vjeç? Si mund t’ia jap këtë ilaç një fëmije shtatëvjeçar? Është abuzim.”

Robbie dhe bashkëshortja e tij, Ayda Field, janë prindër të katër fëmijëve: Theodora “Teddy” Rose, Charlton “Charlie” Valentine, Colette “Coco” Josephine dhe Beau Benedict Enthoven. Ata kanë zgjedhur t’i mbajnë fëmijët sa më larg vëmendjes publike, me përjashtim të Teddy-t, e cila u shfaq në dasmën e Princeshës Eugenie në vitin 2018.

Këngëtari ka nisur turneun e tij “Britpop” në maj, në mbështetje të albumit me të njëjtin emër, që pritet të publikohet më 10 tetor.

The post Robbie Williams: T’u japësh fëmijëve celularë është si t’u japësh dr*gë appeared first on Albeu.com.

Georgina Rodriguez, 31 vjeçe, ka publikuar një seri fotografish të nxehta në plazh, ku shfaqte stilin e saj elegant dhe bizhuteritë luksoze.

Modelja pozonte pranë detit të Kuq, me një set të bardhë, duke kapur në një moment diellin që perëndonte.
Partnerja e Cristiano Ronaldos, 40 vjeç, konfirmoi fejesën e tyre pas gati një dekade lidhjeje në një postim në Instagram.

Fansat kishin spekuluar më parë për fejesën, pasi Georgina kishte ndarë foto nga një darkë, ku nuk mungonin dekorimet e veçanta dhe një unazë e madhe diamanti, që sinjalizonte fshehtësinë e propozimit.

Megjithëse në plazh nuk mbante unazën 30 karatëshe që Ronaldo i dhuroi së fundmi dhe që vlerësohet rreth 3 milion dollarë, Georgina po mbante një diamant tjetër të madh që kishte përdorur më parë.

Lajmi i fejesës u mirëprit me entuziazëm nga miqtë e njohur të çiftit, përfshirë Lauren Sanchez Bezos, Taylor Ward dhe Charlotte Tilbury.

Çifti tani po përgatitet për një kapitull të ri në jetën e tyre, duke festuar dashurinë dhe suksesin e marrëdhënies së gjatë, në sy të fansave dhe mediave ndërkombëtare.

The post Georgina Rodriguez mahnit me paraqitjen nga plazhi, merr vëmendje me bizhuteritë luksoze appeared first on Albeu.com.

Gerta Gixhari ka festuar ditëlindjen, këtë herë në një mënyrë më të veçantë, në Saint Tropez.

Ish-banorja e Big Brother VIP Albania 4 ka bërë një shkrim të gjatë në rrjete sociale, për vitet që ka kaluar dhe për ato që do të vijnë.

Ajo thotë se është mirënjohëse për çdo gjë që jeta i ka sjell, e momentet që ka pasur, si të mira ashtu edhe të këqija.

Postimi i plotë i Gixharit (pa ndërhyrje):

“E dashur Jetë

Një kapitull i ri nis sot.

Në 22:45 vjen një tjetër vit për mua.

Pa e ditur se ç’farë më pret në të ardhmen, pavarësisht dëshirës time për të patur vetëm momente të bukura me shumë dashuri e tolerancë, le të shkojë gjithçka sikur nuk e vëmë re, se vetëm ashtu gjejmë paqe dhe jeta do të na duket si një tablo pikture me gjithë ngjyrat e saj.

Mos fajësoni veten për pëlqimet, dëshirat, pasionet tuaja se jeta vjen më e bukur kur dëgjoni veten tuaj
Mirënjohëse për çdo përvojë, për çdo njeri që qëndron e shkon në jetën time duke më zgjuar emocionet.

Çdo njeri të bukur e të shëmtuar pranë meje që më fal emocione dashurie, force, sfiduese, zhgënjimi, hidhërimi, dhimbje, durimi gjithçka që mban nga pas etiketën “Jetë”
Çdo ndjenjë që përjetoj quhet veçse “ Jetë”

Ajo që kam veç, pranë vetes quhet veçse “ Jetë”

Dhe, ajo që ndihet në faj e në gëzim

Në fakt jam vetëm “Unë”

Përballë “Jetës”

Faleminderit jetës që luan me mua me surprizat sfilitëse, që në fund marrin emrin dhuratë e zotit që të bën më të fortë dhe të bën të kuptosh se je gjithnjë në luftë me dashurinë më të madhe, që në fund ajo sërisht quhet Jetë”.

The post Gerta Gixhari feston ditëlindjen në Saint Tropez: Faleminderit jetës që luan me mua, që më bën më të fortë appeared first on Albeu.com.

Papa Leoni XIV po përgatitet të vizitojë Libanin këtë vit, në udhëtimin e tij të parë ndërkombëtar që pas zgjedhjes në krye të Kishës Katolike në muajin maj.

Lajmi u konfirmua nga Kryepeshkopi Paul Sayah, përfaqësues i lartë i Kishës Katolike në Liban, i cili tha për BBC se data e vizitës së Atit të Shenjtë është ende në shqyrtim.

Kjo vizitë ka një simbolikë të veçantë për Papën e parë amerikan, i cili e ka theksuar shpesh nevojën për paqe dhe dialog në Lindjen e Mesme.

“Libani është një vend dialogu dhe bashkëjetese ndërfetare, ku myslimanët dhe katolikët bashkëjetojnë me respekt”, tha Peshkopi Sayah, duke nënvizuar se prania e Papës do të dërgojë një mesazh shprese për të gjithë rajonin.

Spekulimet për destinacionin e parë jashtë Italisë kanë qenë të shumta, pasi vizitat papnore shpesh pasqyrojnë prioritetet e një papati. Në dekadat e fundit, ato janë shndërruar në gur themeli të shërbimit papnor, duke bashkuar komunitetet katolike dhe forcuar diplomacinë e paqes.

Libani, vend me mbi dy milionë katolikë dhe një histori të gjatë fetare, ka një rëndësi të veçantë për Selinë e Shenjtë.

Së fundmi, Papa Leoni shprehu solidaritet me popullin libanez në përvjetorin e tragjedisë së portit të Bejrutit, duke e cilësuar Libanin “të dashur dhe të vuajtur” dhe duke e vendosur në qendër të lutjeve të Kishës.

The post UDHËTIMI I PARË/ Papa Leoni XIV po përgatitet të vizitojë Libanin appeared first on Albeu.com.

I akuzuari Alban Bibaj është deklaruar i pafajshëm të enjten në Gjykatën Themelore në Prishtinë, në seancën fillestare në rastin ku po akuzohet për nxitje të përçarjes dhe mosdurimit.

Pas leximit të aktakuzës nga prokurorja Fikrije Fejzullahu, i akuzuari Bibaj tha se ndihet i pafajshëm për veprën për të cilën po akuzohet, raporton “Betimi për Drejtësi”.

Gjykatësi i rastit, Kushtrim Shyti njoftoi palët se në afat prej 30 ditësh kanë të drejtë të parashtrojnë kërkesë për hudhje të aktakuzës dhe kundërshtim të provave.

Gjithashtu, në këtë seancë mbrojtësi i të akuzuarit Bibaj, avokati Blerim Bajrami i propozoi Gjykatës që të akuzuarit t’i ndërpritet masa e paraburgimit ose t’i caktohet ndonjë masë tjetër alternative.

Lidhur me këtë propozim, prokurorja e rastit Fikrije Fejzullahu tha se mbetet pranë vendimit të Gjykatës për vazhdimin e masës së paraburgimit.

Më pas, gjykatësi Shyti refuzoi propozimin e avokatit Bajrami, duke lënë në fuqi masën e paraburgimit sipas aktvendimit të Gjykatës, të datës 18 gusht 2025.

Sipas aktakuzës së Prokurorisë Speciale të Republikës së Kosovës të ngritur më 13 gusht 2025, Alban Bibaj akuzohet se ka nxitur dhe përhapur publikisht urrejtje dhe mosdurim midis grupeve fetare, si dhe ka propaganduar ideologji ekstreme fetare. Aty thuhet se prej vitit 2019 e deri më 22 maj 2025 përmes rrjetit social Facebook, në profilin e tij me emrin “Ubejdullah Abu Suhejla”, ka shpërndarë postime me përmbajtje nxitëse, përmes së cilave ka bërë thirrje për t’iu bashkuar luftërave të armatosura dhe luftën për xhihad, si dhe postime tjera ku shpërfaq thirrje të fuqishme të ekstremizmit fetar dhe publikisht përkrah veprimet të cilat janë bërë nga shteti islamik “ISIS” si dhe duke bërë thirrje për të kundërshtuar sistemin demokratik, simbolet shtetërore si dhe Ligjet  që votohen apo burojnë nga Parlamenti apo Qeveria e vendit dhe se duhet të pranohen vetëm ligjet e “Sheriatit”.

Aktakuza thotë se ai ka publikuar fotografi të ISIS-it, flamuj tjerë kombëtarë të kryqëzuar, materiale propagandistike, video me persona të ndryshëm të radikalizuar, nga të cilat postime potencialisht mund të prish rendin publik.

Me këtë, akuzohet se ka kryer veprën penale “Nxitja e përçarjes dhe mosdurimit” nga neni 141, par.1 të Kodit Penal.

The post Deklarohet i pafajshëm i akuzuari se bëri thirrje për t’iu bashkuar luftës për xhihad appeared first on Albeu.com.

Prodhuesi i kukullave Labubu raportuan një rritje prej gati 400% të fitimeve në gjysmën e parë të këtij viti, pasi kërkesa për lodrat të konsideruara si të shëmtuara dhe të lezetshme u rrit ndjeshëm.

Prodhuesi i kukullave, Pop Mart, ka publikuar rezultatet e gjysmëvjetorit, pasi aksionet e kompanisë janë rritur me më shumë se 230% që nga fillimi i vitit 2025 – duke e bërë kompaninë kineze më të vlefshme se prodhuesi i Barbie-t, Mattel, kompania mëmë e Hello Kitty, Sanrio, dhe prodhuesi i Transformers, Hasbro, së bashku.

Shitjet e kompanisë kineze të lodrave u trefishuan në 1.4 miliardë paund, ndërsa fitimi neto u rrit me pothuajse 400% në 474 milionë paund gjatë gjashtë muajve të parë të vitit, sipas Financial Times.

Rreth 40% e shitjeve thuhet se kanë ardhur nga jashtë Kinës. Labubu, një anëtare me buzëqeshje ku duken dhëmbët e serisë së lodrave “The Monsters” të dizajnuara nga ilustruesi Kasing Lung, është bërë një nga të preferuarat e personazheve të famshëm, përfshirë David Beckham, Rihanna dhe Paris Hilton.

Ato gjithashtu kanë rezultuar të vështira për t’u gjetur nga konsumatorët pasi janë shitur në vende të ndryshme anembanë botës. Shefi i Pop Mart, Ëang Ning, tha të mërkurën se kompania e tij e lodrave ishte në rrugën e duhur për të përmbushur objektivin e saj të të ardhurave prej 2.06 miliardë paund në vitin 2025.

Pasuria neto e drejtorit ekzekutiv 38-vjeçar është rritur ndjeshëm që nga viti 2024, sipas Forbes – nga 1.8 miliardë dollarë në 26.3 miliardë dollarë. Ai u emërua personi i 10-të më i pasur i Kinës në qershor.

The post Lodra e shëmtuar Labubu! Pasurohet drejtori ekzekutiv! Në 6 muaj, të ardhurat rriten me 400% appeared first on Albeu.com.

Këngëtarja e njohur shqiptare, Filloreta Raçi – Fifi dhe finalistja e Big Brother VIP Albania 4, Egli Tako, i kanë prishur prej kohësh raportet mes tyre.

Fifi së fundmi ka reaguar publikisht ndaj një ndjekëseje që i kishte dërguar mesazhe fyese dhe banale në rrjete sociale, në lidhje me partnerin e saj, Eglin.
Në një postim në “Instagram Story”, ajo publikoi screenshot-in e bisedës, ku gjuhës së rëndë të ndjekëses iu përgjigj me ironi, duke e quajtur “klienti i radhës të një kompanie pelenash”.

Ky reagim i artistes vjen vetëm dy ditë pas raportimeve se marrëdhënia e saj me Eglin është krisur, pasi të dy kanë hequr njëri-tjetrin nga Instagrami dhe duket se kanë ndërprerë çdo kontakt.

Me këtë postim, Fifi duket se ka dashur të japë një mesazh të qartë për ndjekësit e saj: pavarësisht çfarë mund të ndodhë në jetën e saj private, ajo nuk do të tolerojë gjuhën e urrejtjes dhe ofendimet në adresën e saj.

The post Fifi reagon publikisht ndaj kërcënimeve që po merr nga fansat e Eglit appeared first on Albeu.com.