Kombet e Bashkuara bën thirrje që shtetet të ushtrojnë presion diplomatik ndaj sundimtarëve talibanë në Afganistan, duke thënë se ndalesa që ata kanë vendosur ndaj shkollimit të vajzave, ka lënë miliona fëmijë jashtë klasave shkollore që kur grupi u rikthye në pushtet katër vjet më parë.

“Në një kohë kur disa po përpiqen të normalizojnë marrëdhëniet me talibanët, unë bëj thirrje që komuniteti ndërkombëtar të mbetet më i mobilizuar se kurrë për rivendosjen e plotë dhe të pakushtëzuar të të drejtës së grave afgane për arsimim”, tha Audrey Azoulay, drejtoreshë e Agjencisë Kulturore dhe Arsimore të OKB-së, UNESCO.

Afër 2.2 milionë vajzave u ndalohet të ndjekin shkollimin përtej nivelit fillor, sipas UNESCO-s.

“Fatkeqësisht, Afganistani është vendi i vetëm në botë ku arsimi i mesëm dhe i lartë është rreptësisht i ndaluar për vajzat dhe gratë”, tha Azoulay.

“Një gjeneratë e tërë e grave afgane po sakrifikohet”, shtoi ajo, duke bërë thirrje që komuniteti ndërkombëtar të “mbajë presionin diplomatik”.

Talibanët, të cilët premtuan një sundim më të butë pas marrjes së pushtetit në gusht të vitit 2021, kanë vendosur kufizime të mëdha për gratë, duke i ndaluar ato të ndjekin universitetet, të shkojnë në parqe publike, palestra dhe sallone bukurie – masa që OKB-ja i ka cilësuar si “aparteid gjinor”.

Rusia – e cila nuk përmendet në deklaratë – është vendi i vetëm që ka njohur qeverinë e talibanëve që kur ata morën pushtetin më 2021, pas tërheqjes së trupave të huaja nga Afganistani./ REL

The post OKB bën thirrje për presion ndaj talibanëve për shkak të shkollimit të vajzave appeared first on Albeu.com.

Enedio Guri 14-vjeçari autor i vrasjes së bashkëmoshatarit të tij, Erald Xhenjo, ka lënë spitalin dhe është shoqëruar në komisariat nga policia.

Fillimisht, Enedio Guri u dërgua në qendrën rajonale spitalore të Korçës për të marrë mjekim.

Tashmë 14-vjeçari pritet të merret në pyetje për të sqaruar rrethanat e ngjarjes dhe për të hedhur dritë mbi tragjedinë që ndodhi.

Konfrontimi fizik mes dy të miturve ndodhi në ambientet e jashtme të një lokali në zonë, ku një sherr banal degjeneroi në përdorimin e armëve të ftohta. Si pasojë, Erald Xhenjo humbi jetën, ndërsa Enedio Guri mbeti i plagosur.

Dy 14-vjeçarët mësohet të jenë nxënës të së njëjtës shkollë në zonën e Pirgut në Maliq, ndërsa të paqarta mbeten arsyet e konfliktit midis tyre. Sipas burimeve për media, është mësuar se dy adoleshentët fillimisht janë konfliktuar ditën e djeshme nëpërmjet rrjeteve sociale, ndërsa sot janë takuar në ambientet e një lokali për tu sqaruar.

The post Vrau me thikë 14-vjeçarin Erald Xhenjon në Maliq, me pranga në duar policia shoqëron në komisariat autorin appeared first on Albeu.com.

Agjencia e mbrojtjes civile e Gazës ka njoftuar se të paktën 17 persona kanë humbur jetën sot nga sulmet izraelite, ndërsa ushtria intesifikoi bombardimet e saj në qytet.

Mes viktimave janë 6 civilë, të cilët ishin duke pritur për ndihma humanitare, deklaroi zëdhënësi i mbrojtjes civile, Mahmud Bassal.

“Forcat pushtuese izraelite po intensifikojnë bastisjet e tyre në zonën Zeitun të qytetit të Gazës”, tha ai.

Ushtria izraelite ende nuk ka komentuar për ngjarjen.

“Për të katërtën ditë radhazi, zona ka qenë subjekt i një operacioni ushtarak, duke rezultuar në vdekje dhe plagosje të shumta”, tha Bassal.

“Që nga agimi i sotëm, kemi marrë 28 telefonata nga familjet dhe banorët e kësaj lagjeje, disa prej fëmijëve të të cilëve janë vrarë.

“Shumë njerëz nuk mund të largohen nga këto zona për shkak të zjarrit të artilerisë”, shtoi zëdhënësi.

The post Izraeli bombardon Gazën, të paktën 17 të vrarë ditën e sotme appeared first on Albeu.com.

AC Milan arrin rekord historik në shitjet e lojtarëve, falë menaxhimit të Igli Tares

AC Milan ka arritur këtë verë një rekord historik në shitjet e lojtarëve, duke regjistruar fitime totale prej 149.8 milionë euro, shifër më e lartë në historinë e klubit. Sipas raportimeve të Transfermarkt, ky sukses i jashtëzakonshëm i klubit italian është rezultat i një strategjie të kujdesshme dhe menaxhimi të talentëve nga drejtori sportiv, Igli Tare.

Tare, i cili ka një reputacion të lartë për aftësinë e tij në identifikimin dhe menaxhimin e lojtarëve të rinj, duket se po korr frytet e punës së tij. Një nga faktorët kryesorë të këtij suksesi është aftësia për të balancuar nevojën e skuadrës për performancë sportive me mundësitë financiare dhe strategjinë e fitimit nga shitjet e lojtarëve.

Sezoni i transferimeve verore tregoi qartë se AC Milan e ka përdorur me sukses këtë qasje. Shitjet e disa lojtarëve kyç dhe menaxhimi i tregut të futbollit ka sjellë jo vetëm të ardhura të larta, por edhe mundësinë për të investuar në blerje të reja që forcojnë ekipin për sezonin e ardhshëm.

Ky rekord nënvizon rëndësinë e një drejtori sportiv me përvojë, sidomos në një periudhë kur tregu i futbollit është i paqëndrueshëm dhe kërkon menaxhim të kujdesshëm të resurseve financiare. Për Milanin, strategjia e Tares nuk është thjesht një sukses financiar, por një shembull i menaxhimit të talentëve dhe vizionit afatgjatë që mund të vendosë klubin në një pozitë konkurruese në Serie A dhe në arenën evropiane.

Analistët vlerësojnë se modeli i përdorur nga Tare dhe AC Milan mund të shërbejë si shembull për klube të tjera, duke treguar se me planifikim dhe menaxhim strategjik, shitjet e lojtarëve mund të jenë një burim i qëndrueshëm fitimi dhe një mjet për përmirësimin e performancës së ekipit.

The post Igli Tare sjell sukses në merkato/ AC Milan arkëton shifrën më të lartë në histori appeared first on Albeu.com.

Një konflikt me dy 14-vjeçarëve ka çuar në vdekjen e njërit prej tyre dhe në plagosjen e tjetrit. Ngjarja tronditëse ka ndodhur rreth orës 17:30 të pasdites së sotme në ambientet e një lokali në Pirg të Maliqit.

Erlad Xhejo është viktima e këtij sherri banal ndërsa autor është Enedio Guri!

Burime për media kanë bërë me dije se dy adoleshentët janë banorë të fshatrave të ndryshëm, përkatësisht viktima ishte banues i fshatit Zvirina ndërsa autori nga Leminoti.

Të miturit janë konfliktuar një ditë më parë dhe janë takuar përsëri sot për tu sqaruar me njëri-tjetrin, ndërsa takimi mes tyre ka degraduar në përdorimin e thikave. Arsyet që kanë ndezur konfliktin mes Xhenjos dhe Gurit vijojnë të jenë të pazbardhura për mediat si dhe të tjera detaje nga rasti në fjalë.

Sakaq, skena e krimit është rrethuar totalisht nga autoritetet dhe ekspertët e policisë shkencore ku po kërkohet për gjurmë biologjike e prova. Ngjarja e rëndë raportohet të ketë ndodhur në verandën e lokalit ku janë konstatuar dhe gjurmë gjaku.

The post Vrasja tragjike e 14-vjeçarit, ekspertët mjeko-ligjorë e policia rrethojnë lokalin në Maliq/ Gjurmë gjaku në verandë, adoleshentët u konfliktuan dhe një ditë më parë appeared first on Albeu.com.

Pamje nga vendi ku ndodhi plagosja e 14-vjeçarit, Erald Xhejo janë publikuar.

Siç shihet në vendin e ngjarjes kanë mbërritur policia dhe ekspertë mjeko-ligjorë.

Lokali është rrethuar ndërsa kanë nisur hetimet për zbardhjen e shkaqeve që sollën vdekjen e një të mituri nga bashkëmoshatari i tij.

Ende nuk dihen shkaqet ndërsa bëhet me dije se viktima humbi jetën në spital pas plagëve të marra me thikë.

Autori i dyshuar i ngjarjes, një bashkëmoshatar me viktimën ndodhet në spital pasi edhe ai ka marrë plagë nga sherri i regjistruar rreth orës 17:50.

Ai gjithashtu është nën mbikëqyrjen e policisë.

The post Vra*ja e 14-vjeçarit në Maliq, dalin pamjet nga vendi i ngjarjes, policë dhe ekspertë mjeko-ligjorë rrethojnë lokalin appeared first on Albeu.com.

Mbrojtësi shqiptar Marash Kumbulla duket se ka marrë një vendim për të ardhmen e tij, duke synuar një transferim në Spanjë te Mallorca, pasi pritet të mbyllë kapitullin e aventurës me Romën. Sipas gazetarit të njohur Fabrizio Romano, Kumbulla ka pasur oferta nga disa ekipe të ndryshme në Itali dhe Spanjë, por destinacioni i tij i preferuar mbetet Mallorca, ku luan edhe sulmuesi i përfaqësueses së Kosovës, Vedat Muriqi.

Klubi spanjoll duket se ka në plan të përforcojë mbrojtjen dhe të përgatitet për sezonin e ardhshëm, duke marrë në konsideratë një lojtar me përvojë në Seria A dhe Champions League. Kumbulla do të sjellë eksperiencë dhe aftësi mbrojtëse që mund të ndihmojnë skuadrën në stabilizimin e repartit pas një sezoni të vështirë.

Transferimi pritet të përparojë gjatë ditëve në vijim, ndërsa tifozët e Mallorcas presin me padurim konfirmimin zyrtar nga klubi. Afrimi i Kumbullës mund të konsiderohet një goditje e rëndësishme për skuadrën spanjolle, e cila synon të ketë një mbrojtje të fortë dhe të qëndrueshme për të arritur objektivat e sezonit të ri.

Për Kumbullën, kjo mund të jetë një mundësi për të rikuperuar ritmin e lojës dhe për të demonstruar cilësitë e tij në një kampionat të fuqishëm si La Liga, duke kontribuar në suksesin e Mallorcas dhe duke rritur prezencën e tij në futbollin ndërkombëtar. Transferimi gjithashtu do t’i mundësojë mbrojtësit të luajë pranë bashkëkombësve dhe të forcojë marrëdhëniet sportive në skuadër, duke krijuar një ambient të favorshëm për performanca të mira.

Nëse gjithçka shkon sipas planit, Kumbulla do të bëhet një nga afrimet më të rëndësishme të Mallorcas këtë verë dhe pritet të ketë një rol kryesor në strategjinë e skuadrës për sezonin e ri.

The post Oferta nga Spanja dhe Italia, mbrojtësi kuqezi merr vendimin për të ardhmen appeared first on Albeu.com.

Erald Xhejo, është 14-vjeçari i cili humbi jetën pasditen e sotme pas një sherri në Maliq. I mituri nuk ka arritur tu shpëtojë plagëve të marra dhe ka ndërruar jetë në spital. Ngjarja e rëndë është regjistruar pasditen e sotme në fshatin Pirg rreth orës 17:50.

Plagosja ka ndodhur pas një konfliktii cili ka agravuar në përdorimin e thikave. Të dy të miturit e përfshirë janë plagosur por Xhejo nuk arriti të mbijetojë. Autori, një 14-vjeçar është shoqëruar në spital për të marrë mjekim dhe është nën mbikëqyrjen e policisë.

The post EMRI/ U plagos për vdekje nga bashkëmoshatari, identifikohet 14-vjeçari në Maliq appeared first on Albeu.com.

Situata e zjarreve në qarkun e Beratit vijon të jetë problematike, me tre vatra ende aktive, kryesisht në Poliçan, Berat dhe Skrapar.

Terreni në këto zona është kryesisht malor dhe puna po kryhet me mjete rrethanore, pompa uji shpine, si dhe me ndërhyrjen e avionëve nga ajri. Zjarret kanë shkaktuar dëme kolosale në sipërfaqe pyjore dhe bimësi.

Situata me zjarret në Berat, vatrat aktive deri tani janë:

1-Vijon aktive dhe me intensitet zjarri mesatar vatra në Zonën e Mbrojtur Balloll në NJA Tërpan në Poliçan. Zjarri zhvillohet brenda pyllit në terren të vështire dhe i pamundur për ndërhyje nga forcat tokësore. Kjo vatër zhvillohet në disa drejtime, në drejtim të fshatit Plashnik i madh, në drejtim të lagjes Selenicë, të fshatit Çorogjaf, si dhe vetë sipërfaqen pyjore. Vleresimi i dhënë nga Frejtuesi i MZSH-së dhe oficeri i forcave të ushtrisë është vetëm ndërhyrja nga ajri. Janë në vëndngjarje forcat e ushtrisë, 1 mjet zjarrfikës dhe 6 zjarrfikës, 15 forca të ushtrisë dhe 5 punonjës të ADZM-së Berat po nisen edhe 2 zjarrfikëse nga Poliçani.

2-Vatra e zjarrit në fshatin Velçan, NJA Sinjë në Berat është aktive në një drejtim, në terren të vështirë për ndërhyrje.Forcat zjarrfikëse, me 2 mjete dhe 12 zjarrfikës janë në vatër.

Në lidhje me zjarrin në fshatin Velçan, flakët tashmë janë larg nga banesat, banorët dhe banesat janë të sigurta. Në vatrën e zjarrit po operojnë 2 helikopterë dhe mjetet zjarrêfikëse.

3-Vatra e zjarrit në fshatin Orizaj NJA Qendër Skrapar vijon të jetë aktive dhe në terren të vështirë. Për momentin situata është e qetë. Po shkojnë 8 efektivë dhe 2 mjete zjarrfikëse. Mjetet nuk operojnë dot deri në vend.

The post Situata e zjarreve në qarkun e Beratit, 3 vatra mbeten ende aktive appeared first on Albeu.com.

Një ngjarje tragjike është regjistruar pasditen e sotme në fshatin Pirg. Policia bën e me dije se rreth orës 17:50 një konflikt ka agravuar në perdorimin e thikave ku për pasojë është plagosur një 14-vjeçar.

Fatkeqësisht i mituri nuk ka arritur tu mbijetojë plagëve dhe ka humbur jetën në spital. I riu është identifikuar me inicialet E.XH. Autori, një 14-vjeçar është shoqëruar në spital për të marrë mjekim dhe është nën mbikëqyrjen e policisë. Ende nuk dihen shkaqet e sherrit që sollën këtë ngjarje tragjike.

“Maliq/Informacion paraprak. Rreth orës 17:30, në fshatin Pirg, në ambientet e një lokali, ka ndodhur një konflikt dyshohet me mjet prerës (thikë) mes dy 14-vjeçarëve.

Si pasojë e plagëve të marra shtetasi E. Xh., 14-vjeç, ka ndërruar jetë në spital. 14-vjeçari tjetër autori i dyshuar i ngjarjes është shoqëruar në spital, për të marrë mjekim, dhe është nën mbikëqyrjen e Policisë. Grupi hetimor nën drejtimin e Prokurorisë po punon për zbardhjen e rrethanave të ngjarjes,” thuhet në njoftimin e policisë.

The post Agravon sherri mes adoleshentëve në një lokal në Maliq, plagoset me thikë 14-vjeçari, i mituri humb jetën në spital appeared first on Albeu.com.

Në Serbi mbrëmë pati incidente në protestat të cilat u zhvilluan në disa qytete të vendit. Në Novi Sad, pati një konflikt midis një grupi demonstruesish dhe mbështetësve të Partisë Progresive Serbe, të cilët u mblodhën para ambienteve të SNS-së për të mbrojtur ndërtesën. Kur demonstruesit arritën në ato ambiente, u qëlluan me mjete piroteknike dhe ndërtesa e selisë së SNS-së u dogj. Përleshje midis policisë dhe demonstruesve ndodhën edhe në Beograd, në disa vende.

Në lidhje me këtë situatë Ministria e Punëve të Brendshme serbe reagoi duke u shprehur se pamjet e shpërndara në mediat sociale janë nxjerrë nga konteksti dhe se policia nuk ka dhunuar demonstrueisit. Sipas ministrisë policia është sulmuar nga protestuesit. Më konkretish në reagim ministtia u ndal tek rasti i një videoje që qarkullon kur policia dhunon një grua.

Sipas njoftimit mbi policët u hodhën blloqe betoni, shishe qelqi dhe sende të tjera, duke vënë në rrezik jetën dhe shëndetin e tyre. Ministria e Punëve të Brendshme thotë se nuk do të tolerojë dhunën kundër oficerëve të policisë, as përpjekjet për të portretizuar në mënyrë të rreme punën e tyre me qëllim dëmtimin e reputacionit të tyre.

The post Përleshjet në Serbi, Ministria e Punëve të Brendshme: Policia nuk ka dhunuar demonstruesit! appeared first on Albeu.com.

Ministria e Mbrojtjes bën një përditësim të situatës nga zjarret në vend, deri në orën 17:00, datë 15 Gusht, dhe thotë se janë aktive 23 vatra. Sipas institucionit, pas angazhimit të forcave të emergjencave, situata nga zjarret paraqitet e stabilizuar në shumë zona problematike.

Aktualisht po punohet në këto zona:

* Syri i Kaltër (Delvinë) – Vazhdon puna për shuarjen e zjarrit në lartësitë e Malit të Sopotit. Në terren janë 67 forca zjarrfikëse me 11 automjete, 30 forca bashkiake, 80 efektivë të FA me 10 automjete, 6 autoambulanca dhe 30 forca mbështetëse. Në mbështetje edhe avioni italian “Canadair”.

* Pecë, Sirikat, Kardhikaq (Finiq) – Vatra në sipërfaqe me shkurre dhe pyje, po mbahet në vëzhgim nga strukturat vendore.

* Kuç (Himarë) – Zjarr në sipërfaqe pyjore, në operim forcat zjarrfikëse.

* Brataj (Selenicë) – Zjarr në shkurre dhe pyje, forcat zjarrfikëse në terren.

* Mali me Gropa, Val (Bulqizë) – Dy vatra në zonë të mbrojtur, terren i thyer; po monitorohet nga punonjës të AdZM dhe forca vullnetare.

* Tërnovë (Bulqizë) – Zjarr në pyje të dendura, në operacion 8 zjarrfikës, forca pyjore, bashkiake dhe FA, me mbështetje nga një helikopter.

* Zhapokikë, Plashnik, Rezervati Balloll (Poliçan) – Zjarr me përhapje të shpejtë, dje u evakuuan 20 banorë. Në terren po operojnë zjarrfikës, punonjës të AdZM, forca ushtarake dhe 3 helikopterë (2 nga Emiratet e Bashkuara Arabe dhe 1 nga Çekia).

* Velçan (Berat) – Pas angazhimit që në mesditë, me ndërhyrje nga toka dhe nga ajri, është arritur të shmanget rreziku për banesat në Velçan, Bashkia Berat. Situata po monitorohet nga pranë nga AKMC, teksa 20 efektivë shtesë të Forcave të Armatosura dhe 2 helikopterë të Forcës Ajrore do vazhdojnë të operojnë deri në neutralizimin e plotë të vatrës.

* Orizaj (Skrapar) – Zjarr në shkurre, pa rrezik për banesat, nën monitorim.

* Vokopolë (Poliçan) – Vatra me intensitet të ulët, nën monitorim.

* Mbrakull (Poliçan) – Situatë e qetë dhe nën kontroll.

* Ibë (Tiranë) – Zjarr i vënë nën kontroll, u shmang rreziku për banesat.

* Damjan-Fortuzaj dhe Isufaj (Tiranë) – Vatra e vënë nën kontroll, pa rrezik për banesat.

* Ferraj dhe Zall-Herr (Tiranë) – Vatra është vënë nën kontroll, pas një pune mjaft të vështirë për shkak të terrenit.

* Spanesh, Kazie (Rrogozhinë) – Zjarr i izoluar, nën vëzhgim.

* Dhuvjan, Lugar, Frashtan (Dropull) – Zjarr i vënë nën kontroll, situata e qetë.

* Hormovë (Tepelenë) – Zjarr në lartësitë e Majës së Golikut; një vatër tjetër pranë antenave të RTSH, po mbahet nën monitorim.

* Kullollas, Kodovjat, Ermenj (Gramsh) – Është ndërprerë përhapja drejt fshatit Nartë, pas punës së forcave. Në terren zjarrfikës, forca bashkiake, FA dhe vullnetarë.

* Mukaj, Sojnik (Gramsh) – Zjarr në shkurre e ferra, nuk rrezikohen banesat; në terren forca zjarrfikëse, FA dhe vullnetarë.

* Kunorë Dardhë – Laku Klyz, Rrafshi i Sakatit (Fushë Arrëz) – Situata e rënduar, zjarri po përparon në terren të vështirë drejt zonave malore. Në operacion janë mbi 150 forca bashkiake, pyjore, vullnetare dhe efektivë të FA.

* Gërmenj (Kolonjë) – Zjarr në pyje pishe, në operim nga forcat zjarrfikëse.

* Velës (Mirditë) – Zjarri në pyll pishe, në terren forca zjarrfikëse, bashkiake, pyjore dhe vullnetare, me vështirësi për shkak të dendësisë së bimësisë.

The post 23 vatra aktive në gjithë vendin, Ministria e Mbrojtjes: Qindra forca të emergjencave dhe ushtrisë në terren, edhe zonat problematike janë nën kontroll appeared first on Albeu.com.

Rusia dhe Ukraina realizuan sot një tjetër shkëmbim të të burgosurve të luftës, konfirmuan ministria ruse e Mbrojtjes dhe presidenti ukrainas Volodymyr Zelensky.

Ky zhvillim vjen në prag të samitit të shumëpritur mes presidentit rus Vladimir Putin dhe homologut të tij amerikan, Donald Trump, që pritet të mbahet në Alaskë.

Sipas Ministrisë së Mbrojtjes së Rusisë, “84 ushtarakë rusë janë kthyer nga territoret nën kontrollin e regjimit të Kievit. Në këmbim, forcat e armatosura ukrainase morën 84 të burgosur lufte.”

Presidenti Zelensky, nga ana e tij, bëri me dije se mes të liruarve janë edhe civilë që ishin mbajtur nga autoritetet ruse për pothuajse një dekadë.

“Ndër civilët e liruar sot janë persona të arrestuar që nga viti 2014, 2016 dhe 2017,” shkroi ai në një postim në rrjetin social X (ish-Twitter). Ai shtoi gjithashtu se “mes ushtarakëve të liruar janë mbrojtësit e Mariupolit.”

Shkëmbimi i të burgosurve dhe trupave të ushtarëve të vrarë mbetet një nga të paktat fusha ku Moska dhe Kievi vazhdojnë bashkëpunimin, më shumë se 3.5 vite pas nisjes së pushtimit rus të Ukrainës.

The post Rusia dhe Ukraina shkëmbejnë 84 të burgosur, një ditë para takimit Trump-Putin appeared first on Albeu.com.

Në një intervistë për Fox News Radio, presidenti amerikan Donald Trump u shfaq i bindur se homologu rus Vladimir Putin do të shfaqë gatishmëri për një marrëveshje. Sipas tij, kërcënimi për vendosjen e sanksioneve të reja ndaj Rusisë ka qenë një faktor vendimtar për organizimin e takimit. Trump theksoi se incentivat ekonomike dhe sanksionet janë “mjete shumë të fuqishme” në negociata.

Presidenti sqaroi se takimi i nesërm do të shërbejë si përgatitje për një takim të dytë, i cili, sipas tij, do të ketë për qëllim arritjen e një marrëveshjeje. Megjithatë, Trump shmangu dhënien e detajeve mbi përmbajtjen e mundshme të një marrëveshjeje apo mbi natyrën e incentiva­ve dhe sanksioneve që mund të diskutohen.

Ai shtoi se ekziston një mundësi prej 25% që ky takim të mos sjellë rezultate.

Në të njëjtën kohë, Trump deklaroi se duhet të ndodhë një “shkëmbim kufijsh” mes Kievit dhe Moskës, pa dhënë më shumë shpjegime për këtë propozim.

Gjithashtu, ai bëri të ditur se ka në plan të komunikojë me presidentin ukrainas Volodymyr Zelensky dhe me liderë evropianë pas përfundimit të samitit, por sqaroi se nuk do të ketë ftesa për palët e tjera nëse bisedimet me Putinin nuk shkojnë siç pritet.

I pyetur nëse do të ketë një konferencë të përbashkët për shtyp me presidentin rus, Trump u tregua i rezervuar, duke thënë se ende nuk është e sigurt nëse do të ketë një dalje të përbashkët për mediat. Megjithatë, ai premtoi se do të bëjë deklarata menjëherë pas takimit, pavarësisht rezultatit.

Nga ana tjetër, Shtëpia e Bardhë kishte njoftuar më herët se pas samitit do të mbahej një konferencë e përbashkët mes dy liderëve, çka lë të kuptohet se mund të ketë mospërputhje qëndrimesh brenda vetë administratës amerikane.

The post Trump optimist për një marrëveshje me Putinin: Ka vetëm 25% mundësi që takimi të dështojë appeared first on Albeu.com.

Një 39-vjeçar shqiptar, është denoncuar nga oficerët e Stacionit të Policisë së Comisos për mbajtje të armëve jashtë banesës pa leje.

Shqiptari ishte nisur për në Tiranë nga Aeroporti i Comisos dhe kishte fshehur një thikë me teh 7.5 cm si dhe një sfungjer metalik brenda valixhes së tij. Sendet u zbuluan gjatë kontrolleve të sigurisë, të kryera nga personeli i kompanisë SAC, nën mbikëqyrjen e oficerëve të Policisë së Shtetit në detyrë në aeroport.

Mjetet e gjetura u sekuestruan, ndërsa 39-vjeçari u denoncua në gjendje të lirë në Prokurorinë Publike pranë Gjykatës së Raguzës.

The post Tentoi të hipte në avion me thikë, arrestohet 39-vjeçari shqiptar në Itali appeared first on Albeu.com.

Rënia e Euros në kursin e këmbimit me Lekun po thyen rekorde të reja. Sipas kursit zyrtar të këmbimit të Bankës së Shqipërisë, të enjten monedha europiane u këmbye me 97.15 lekë, niveli më i ulët i shënuar ndonjëherë.

Kursi vazhdon të jetë në rënie edhe me bazë vjetore. Krahasuar me të njëjtën ditë të vitit të kaluar, kursi Euro-Lek është në rënie me 2.7%. Sipas ekspertëve të këmbimit valuator, kursi i këmbimit vazhdon të jetë nën efektet sezonale të lidhura me turizmin. Muajt e verës shoqërohen me ofertë të shtuar valutore, për shkak të rritjes së numrit të vizitorëve të huaj.

Oferta e lartë valutore në treg vazhdon të zhvendosë kursin e Euros në rënie, pavarësisht madje edhe ndërhyrjeve të vazhdueshme të Bankës së Shqipërisë. Duke filluar nga tremujori i dytë i vitit, Banka Qendrore ka rifilluar blerjet e valutës për të frenuar mbiccmimin e monedhës vendase. Megjithatë, as kjo nuk ka mjaftuar për të shmangur forcimin e mëtejshëm të Lekut.

Shifrat e blerjeve në tregun valutor publikohen me një tremujor vonesë dhe për momentin nuk ka një informacion lidhur me volumin e valutës që po tërheq Banka e Shqipërisë nga tregu. Në periudhën korrik-gusht të vitit të kaluar. Banka e Shqipërisë pati blerë 176 milionëeuro, blerje që mjaftuan vetëm për ta mbajtur kursin pak më lart kufirit të 98 lekëve.

Për tremujorin e parë të vitit, statistikat e Bankës së Shqipërisë treguan se deficiti i llogarisë korrente ra në vlerën e 212 milionë eurove, 41% më pak krahasuar me të njëjtën periudhë të vitit të kaluar. Tkurrja e deficitit të jashtëm në tremujorin e parë erdhi paralelisht nga rënia e deficitit në mallra dhe zgjerimi i mëtejshëm i suficitit në shërbime.

Kontributin kryesor në llogarinë e shërbimeve e dha përsëri turizmi, që solli të ardhura neto në vlerën e 295 milionë eurove, në rritje me 10.5% krahasuar me tremujorin e parë të vitit të kaluar.

Përveç efektit të zakonshëm sezonal, të lidhur me pushimet verore, flukset hyrëse të valutës në ekonominë shqiptare ngelen të larta edhe nga investimet e huaja, sidomos në pasuri të paluajtshme. Agjentët e tregut të pasurive të paluajtshme shprehen se blerjet nga subjektet nga jashtë vendit vazhdojnë të jenë të larta, veçanërisht në zonat bregdetare.

Të dhënat e Bankës së Shqipërisë tregojnë se investimet e huaja në pasuri të paluajtshme po rriten edhe këtë vit. Për tremujorin e parë, ato arritën vlerën e 104 milionë eurove, 24% më shumë krahasuar me të njëjtën periudhë të një viti më parë.

Nga ana tjetër, edhe politika fiskale shtrënguese e qeverisë, e karakterizuar nga suficite buxhetore, vlerësohet se po vazhdon të luajë një rol shtesë në forcimin e monedhës vendase.

Të dhënat e Ministrisë së Financave treguan se buxheti e mbylli 6-mujorin 2025 me suficit në shumën e 33.1 miliardë lekëve, në rënie sidoqoftë me 36% krahasuar me suficitin e regjistruar në të njëjtën periudhë të një viti më parë.

Leku i fortë vazhdon të jetë një faktor me ndikim në nivelete ulëta të inflacionit të ulët të importuar në ekonominë shqiptare. Në raportin e fundit të politikës monetare, Banka e Shqipërisë evidenton se inflacioni i ulët në ekonominë shqiptare vazhdon të jetë kryesisht efekt i faktorëve të jashtëm, ndërsa presionet rritëse mbi çmimet në ekonominë e brendshme ngelen të larta.

Nga ana tjetër, forcimi i vazhdueshëm i Lekut vazhdon të ndikojë negativisht eksportet e mallrave dhe shërbimeve, duke filluar nga turizmi, që po bëhet gjithnjë e më shumë sektor themelor për ekonominë shqiptare./ Monitor

The post Euro prek miminum të ri, më afër se kurrë pranë kufirit të 97 lekëve appeared first on Albeu.com.

Një aksident rrugor ka ndodhur këtë pasdite në segmentin Lushnjë-Berat, pranë Karbunarës, ku janë përplasur dy automjete.

Sipas informacioneve paraprake, mjeti tip Audi ka tentuar të kalojë në krahun tjetër të rrugës, në një moment kur një minifurgon po kryente parakalimin. Nga përplasja, minifurgoni ka përfunduar në anën tjetër të rrugës dhe një person është dërguar në spitalin e Lushnjes.

Policia ndodhet në vendngjarje dhe po menaxhon qarkullimin. Fatmirësisht, aksidenti ka shkaktuar vetëm dëme materiale.

The post Aksident në aksin rrugor Lushnje-Berat, makina përplaset me furgonin, përfundon në spital një person appeared first on Albeu.com.

Gjykata e Tiranës liroi Eduart Lamin, i arrestuar në fillim të vitit menjëherë pas vrasjes së Lulzim Vishës.

Pavarësisht versioneve jo zyrtare dhe shkaqeve reale se përse policia shkoi në banesë për të kryer kontrolle, teksa ishte vendosur në kërkim të autorëve të këtij krimi, autoritetet nuk gjetën indicie dhe prova për ta lidhur Eduart Lamin me ekzekutimin e Vishës.

Ai u gjet fajtor vetëm për armëmbajtje pa leje dhe për këtë ishte dënuar me gjykim të shkurtuar me dhjetë muaj burgim, që gjatë seancës u konstatua se i kishte shlyer me kohën e paraburgimit. Për këtë arsye, gjykata urdhëroi lirimin e menjëhershëm të 37-vjecarit, i cili u prangos nga policia e Tiranës në banesën që i përkiste kushëririt të tij, Ervis Lami dhe ku u bllokua një automatik me silenciator, fishekë dhe këllëf pistolete, raporton gazetarja e Top Channel, Anila Hoxha.

Në 24 janar, Lulzim Visha, i cili punonte si postier u gjet i vrarë brenda një makinë në fshatin Zall Mner. Një nga pistat që hetoi policia është ajo e vrasjes pas një konflikti për tokat, por nuk u përjashtua edhe pista e vrasjes për hakmarrje pasi i vëllai i viktimës gjatë 1997 kishte vrarë shtetasin Refik Domi.

Për këtë krim, autori kishte shlyer dënimin dhe familja e autorit nuk ka patur probleme në vijim. Gjithsesi, megjithë veprimet hetimore për ta zbardhur vrasjen e Lulzim Vishës, autori ende nuk është zbuluar.

The post U arrestua pas vrasjes së Lulzim Vishës, lirohet Eduart Lami appeared first on Albeu.com.

Dashi
Të lindur më: 21 Mars – 19 Prill
Në dashuri, sot mund të ndiheni më të lidhur me partnerin ose tërhiqeni nga dikush i ri që zgjon ndjenja të veçanta. Në punë, do të keni mundësi të tregoni aftësitë tuaja dhe të fitoni admirimin e kolegëve, por shmangni keqkuptimet me eprorët. Kujdesuni për shëndetin, veçanërisht ndaj lodhjes së tepërt ose dhimbjeve të muskujve. Financat janë të qëndrueshme, por shmangni shpenzimet e panevojshme për të ruajtur ekuilibrin.

Demi
Të lindur më: 20 Prill – 20 Maj
Sot në marrëdhënie mund të ndjeni nevojën për më shumë hapësirë ose qartësi, ndërsa beqarët mund të takojnë dikë interesant në një mjedis të papritur. Në aspektin profesional, një projekt i ri do t’ju frymëzojë, por kërkohet përqendrim dhe vëmendje ndaj detajeve. Shëndeti është i mirë, megjithatë mos e teproni me aktivitetet fizike. Në financa, një pagesë e vonuar mund të vijë sot, duke përmirësuar situatën tuaj.

Binjakët
Të lindur më: 21 Maj – 20 Qershor
Dashuria sot mbart energji pozitive, me mundësi për biseda të thella dhe zgjidhje të keqkuptimeve të kaluara. Në punë, një koleg mund t’ju kërkojë ndihmë, duke forcuar bashkëpunimin dhe harmoninë në ekip. Kujdes me dietën, pasi mund të tundoheni nga ushqime të pashëndetshme. Në aspektin financiar, është një ditë e mirë për të bërë plane afatgjata dhe për të kursyer.

Gaforrja
Të lindur më: 21 Qershor – 22 Korrik
Në marrëdhëniet personale, sot mund të dalin në pah ndjenja të pathëna; tregohuni të hapur dhe të sinqertë me partnerin. Në punë, pritet një ditë dinamike me sfida të vogla, por me vendosmëri do t’i tejkaloni lehtë. Shëndeti kërkon pak më shumë kujdes, sidomos për ata që vuajnë nga alergjitë. Në anën financiare, shmangni investimet e rrezikshme dhe fokusohuni në stabilitet.

Luani
Të lindur më: 23 Korrik – 22 Gusht
Sot ndjeni dëshirë për aventura në dashuri, por kini kujdes të mos lëndoni ndjenjat e dikujt tjetër. Në punë, idetë tuaja të reja do të vlerësohen nga shefat, ndaj mos hezitoni t’i shprehni. Në aspektin shëndetësor, prireni të jeni energjik, por mos harroni të pushoni mjaftueshëm. Financat janë në rritje, por një shpenzim i papritur mund të kërkojë rishikim të buxhetit.

Virgjëresha
Të lindur më: 23 Gusht – 22 Shtator
Dashuria sot kërkon më shumë vëmendje dhe ndoshta një bisedë të sinqertë për të zgjidhur një çështje të vogël. Në punë, pritet një takim i rëndësishëm që mund të sjellë mundësi të reja ose përgjegjësi shtesë. Kujdesuni për shëndetin mendor, duke gjetur kohë për relaks dhe reflektim. Në aspektin financiar, është mirë të mos merrni vendime të nxituara sot.

Peshorja
Të lindur më: 23 Shtator – 22 Tetor
Marrëdhëniet sot janë të mbushura me harmoni dhe ndjenja të thella, duke ju sjellë kënaqësi dhe siguri emocionale. Në punë, mund të merrni një lajm të mirë në lidhje me një avancim ose vlerësim. Shëndeti është i qëndrueshëm, por mos e neglizhoni aktivitetin fizik. Financat janë të balancuara, por është momenti ideal për të bërë një planifikim të ri.

Akrepi
Të lindur më: 23 Tetor – 21 Nëntor
Sot në dashuri mund të ndiheni të pasigurt ose të hutuar; komunikimi i hapur do të ndihmojë në qartësimin e situatës. Në aspektin profesional, një detyrë e re mund të kërkojë më shumë përkushtim, por do të arrini rezultate të mira nëse punoni me kujdes. Shëndeti kërkon më shumë vëmendje, veçanërisht ndaj stresit. Financat janë të qëndrueshme, megjithatë shmangni blerjet impulsive.

Shigjetari
Të lindur më: 22 Nëntor – 21 Dhjetor
Në marrëdhënie, sot do të ndjeni përkrahje dhe dashuri të sinqertë nga partneri ose miqtë e ngushtë. Në punë, do të keni mundësi të shfaqni kreativitetin tuaj dhe të fitoni besimin e atyre që ju rrethojnë. Shëndeti është i mirë, por kujdes me ndryshimet e motit që mund të ndikojnë në humorin tuaj. Financat janë të mira, por është këshillueshme të shmangni huatë ose borxhet.

Bricjapi
Të lindur më: 22 Dhjetor – 19 Janar
Sot dashuria kërkon më shumë durim dhe mirëkuptim, sidomos nëse keni pasur mosmarrëveshje të vogla kohët e fundit. Në aspektin profesional, një koleg mund të ofrojë mbështetje për një projekt të rëndësishëm. Shëndeti është stabil, por kini kujdes me ushtrimet fizike të rënda. Financat janë të qëndrueshme, por një shpenzim i papritur mund të kërkojë vëmendje.

Ujori
Të lindur më: 20 Janar – 18 Shkurt
Në dashuri, sot ndiheni më të lirë për të shprehur ndjenjat dhe dëshirat tuaja, duke forcuar lidhjen me partnerin ose duke krijuar një njohje të re. Në punë, pritet një ditë produktive me mundësi për të mësuar diçka të re. Shëndeti është i mirë, por mos e teproni me orët e gjata të punës. Në aspektin financiar, është mirë të ruani kursimet dhe të shmangni rreziqet.

Peshqit
Të lindur më: 19 Shkurt – 20 Mars
Marrëdhëniet romantike sot janë të mbushura me pasion dhe surpriza të këndshme, duke ju dhënë një ndjenjë të re të afërsisë. Në punë, një sfidë do të jetë motivim për të treguar aftësitë tuaja dhe për të fituar respektin e të tjerëve. Kujdes me shëndetin, sidomos për çështje të vogla që mund të injorohen lehtësisht. Financat janë të balancuara, por është mirë të planifikoni për të ardhmen.

The post Horoskopi 14 Gusht, ja çfarë kanë parashikuar yjet për ju appeared first on Albeu.com.

Në disa qytete të Serbisë edhe sonte janë mbajtur protesta antiqeveritare, ku po ashtu nuk ka munguar përleshja mes demonstruesve dhe mbështetësve të pushtetit, të udhëhequr nga Partia Progresive Serbe (SNS), partia e presidentit të këtij vendi, Aleksandar Vuçiç.

Protestat zhvillohen në Beograd, Novi Sad, Nish, Kragujevac dhe disa qytete të tjera në gjithë vendin.

Një nga vendet e protestës është Novi Beogradi, ku është pezulluar qarkullimi i trafikut, ndërsa në Novi Sad po mbahet një marsh protestues, në të cilin, siç raportoi N1, marrin pjesë shumë qytetarë.

Në Novi Beograd situata është e tensionuar, pasi demonstruesit janë ndaluar nga një kordon policor, pas të cilit ndodhen mbështetës të pushtetit. Ndërkohë, Vuçiç po i drejtohet mbështetësve të tij në rrugën Kneza Milosh.

Në Novi Sad nga ambientet e SNS-së janë hedhur mjete piroteknike, ndërsa demonstruesit kanë thyer dritaret e zyrave të kësaj partie. Policia pak minuta më vonë ka formuar një kordon mes ambienteve të SNS-së dhe demonstruesve.

Gjithashtu, edhe në qytetet e tjera ku po mbahen protesta, situata është e tensionuar mes demonstruesve, mbështetësve të pushtetit dhe policisë. Protestat e mbrëmjes janë reagim ndaj përleshjeve të djeshme mes kundërshtarëve të pushtetit dhe mbështetësve të tij.

Në mbarë Serbinë, që prej nëntë muajsh po mbahen protesta të organizuara nga studentët, si reagim ndaj shembjes së çatisë së rikonstruktuar të Stacionit Hekurudhor në Novi Sad më 1 nëntor 2024, ku humbën jetën 16 persona.

The post Protesta të reja në të gjithë Serbinë, mbështetësit e Vuçiç qëllojnë protestuesit me mjete piroteknike appeared first on Albeu.com.