Policia e Vlorës ka identifikuar dhe arrestuar autorët e dyshuar të dy rasteve të zjarrvënies, në Konispol dhe Dukat.
Strukturat e Komisariatit të Policisë Sarandë, si rezultat i veprimeve të shpejta hetimore për dokumentimin e rasteve të zjarrvënieve në territor, bënë të mundur identifikimin e dy shtetasve të dyshuar për zjarrvënie në Konispol.

Në vijim të veprimeve u arrestua në flagrancë shtetasi R. L., 25 vjeç, banues në fshatin Shalës, Konispol, dhe u referuan materialet në Prokurori ku nisi procedimi në gjendje të lirë për shtetasin S. I., 51 vjeç, banues në fshatin Janjar, Konispol.

Nga veprimet hetimore dyshohet se shtetasi R. L., më datë 27.07.2025, është larguar nga banesa duke thyer masën e sigurisë “Arrest në shtëpi”, për veprën penale “Vjedhja”, dhe rreth orës 23:30, në bashkëpunim me shtetasin S. I., ka ndezur zjarr në një sipërfaqe kullote, në fshatin Janjar, Konispol, ku si pasojë e përhapjes së flakëve janë djegur rreth 8 hektarë me barishte dhe shkurre.

Dukat/Procedohet penalisht një 15-vjeçar, i dyshuar për zjarrvënie në një sipërfaqe toke me bimësi, në fshatin Dukat.

Nga specialistët për Hetimin e Krimeve të Stacionit të Policisë Orikum është bërë identifikimi i autorit të një rasti tjetër të zjarrvënies, në fshatin Dukat. Për këtë rast u referuan materialet në Prokurori ku nisi procedimi penal për një shtetas 15 vjeç, pasi dyshohet se ka ndezur zjarr në vendin e quajtur “Fëngu i Bozhanajve”, në fshatin Dukat, dhe si pasojë është djegur një sipërfaqe toke me shkurre dhe bimësi të ndryshme.

Njoftimi i policisë

DVP Vlorë- Vijon puna për identifikimin dhe vënien përpara përgjegjësisë ligjore të çdo autori zjarrvënieje në qarkun Vlorë. Identifikohen autorët e dyshuar të dy rasteve të zjarrvënies, në Konispol dhe Dukat.

Konispol/Theu masën e sigurisë “Arrest në shtëpi” dhe ndezi zjarrin që dogji 8 hektarë me bimësi, arrestohet në flagrancë 25-vjeçari. Procedohet penalisht një 51-vjeçar, i dyshuar si bashkëpunëtor.

Strukturat e Komisariatit të Policisë Sarandë, si rezultat i veprimeve të shpejta hetimore për dokumentimin e rasteve të zjarrvënieve në territor, bënë të mundur identifikimin e dy shtetasve të dyshuar për zjarrvënie në Konispol. Në vijim të veprimeve u arrestua në flagrancë shtetasi R. L., 25 vjeç, banues në fshatin Shalës, Konispol, dhe u referuan materialet në Prokurori ku nisi procedimi në gjendje të lirë për shtetasin S. I., 51 vjeç, banues në fshatin Janjar, Konispol.

Nga veprimet hetimore dyshohet se shtetasi R. L., më datë 27.07.2025, është larguar nga banesa duke thyer masën e sigurisë “Arrest në shtëpi”, për veprën penale “Vjedhja”, dhe rreth orës 23:30, në bashkëpunim me shtetasin S. I., ka ndezur zjarr në një sipërfaqe kullote, në fshatin Janjar, Konispol, ku si pasojë e përhapjes së flakëve janë djegur rreth 8 hektarë me barishte dhe shkurre.

Dukat/Procedohet penalisht një 15-vjeçar, i dyshuar për zjarrvënie në një sipërfaqe toke me bimësi, në fshatin Dukat.

Nga specialistët për Hetimin e Krimeve të Stacionit të Policisë Orikum është bërë identifikimi i autorit të një rasti tjetër të zjarrvënies, në fshatin Dukat. Për këtë rast u referuan materialet në Prokurori ku nisi procedimi penal për një shtetas 15 vjeç, pasi dyshohet se ka ndezur zjarr në vendin e quajtur “Fëngu i Bozhanajve”, në fshatin Dukat, dhe si pasojë është djegur një sipërfaqe toke me shkurre dhe bimësi të ndryshme.

Materialet procedurale i kaluan prokurorive përkatëse.

Drejtoria Vendore e Policisë Vlorë apelon për të gjithë qytetarët që të mos ndezin zjarre për asnjë arsye, pasi do të përballen me ligjin dhe fton qytetarët të denoncojnë në numrin 112, çdo rast zjarrvënieje apo paligjshmërie, duke iu garantuar anonimat të plotë dhe reagim të menjëhershëm./E.T

Prokuroria e Posaçme ka përfunduar fazën hetimore dhe dosja tashmë është dërguar për gjykim në Gjykatën e Posaçme Kundër Korrupsionit dhe Krimit të Organizuar (GJKKO).

Nëna e Monika Kryemadhit, Fatime Kryemadhi, është paraqitur sot në ambientet e SPAK, pasi hetimet ndaj saj janë zyrtarisht të mbyllura. Fatime Kryemadhi dyshohet për përfshirje në pastrim parash, në kuadër të një hetimi më të gjerë që përfshin Ilir Metën dhe Monika Kryemadhin.

Sipas SPAK, ajo ka pasur një rol të rëndësishëm në skemën e dyshuar të korrupsionit dhe transaksioneve të pajustifikuara financiare./E.T

Në sallën kur të premten e kaluar u prezantua drafti i kodit të ri penal, mungonte Prokurori i përgjithshëm Olsian Cela, pavarësisht ftesës nga Ministria e Drejtësisë. Ai shprehet se zgjedhja e tij për të mos marrë pjesë erdhi “për shkak të mosnjohjes paraprake me draftin në fjalë“.

Ngjashëm, e njëjta situatë kishte përfshirë dhe Gjykatën e Lartë, kryetari i së cilës Sokol Sadushi, e bëri të qartë në takim pakënaqësinë e tij, ndaj mospërfshirjes së komunitetit të magjistratëve në proces. “Prokuroria e Përgjithshme nuk ka qenë e përfaqësuar zyrtarisht në grupin e punës për hartimin e një kodi të ri penal“, shpjegon Cela.

Por ky nuk duket të jetë aspekti më i rëndësishëm i kritikave të forta të kryeprokurorit, të cilat nisin që me mënyrën e hartimit e shtrihen te mënyra e konceptimit, dhe përmbajtja e dokumentit që pritet të përcaktojë politikën penale për dekadat e ardhshme.

“Diskutimi mbi draftin e prezantuar do të kishte qenë e nevojshme që të ishte paraprirë nga një reflektim mbarëshoqëror mbi nevojën e pasjes së një kodi të ri“, thotë ai duke shpjeguar se pikënisja e hartimit të një kodi të ri penal duhet të ishte “një nevojë reale për shkak të evoluimit të vlerave shoqërore dhe përshtatjes me ndryshimet e vrullshme në nivel global në shumë aspekte”.

“Mungesa e këtij procesi përbën një gabim fatal strukturor në ngritjen e kësaj ngrehine, që në vend se të ishte produkt i një rrjedhe të natyrshme institucionale dhe shoqërore si domosdoshmëri historike, në fakt nuk përfaqëson më shumë se një veprim të nxituar që rrezikon të minojë në mënyrë të pariparueshme mirëfunksionimin e sistemit të drejtësisë penale në vend“.

Kryeprokurori është kritik dhe me përmbajtjen dhe zgjidhjet e ofruara.

“Nga produkti i sjellë për diskutim, unë vlerësoj se ai do të sillte shumë konfuzion tek magjistratët në aplikimin e normave dhe krijon premisat për interpretime tërësisht të ndryshme të tyre në raste të ngjashme“.

Olsian Çela e sheh si problematike tendencën për të paravendosur në dispozita çdo interpretim të mundshëm të normës ligjore.

“Fryma e përgjithshme në draft për të zgjeruar rrethin e veprimeve që kategorizohen si të rrezikshme në një masë të tillë sa të klasifikohen si vepra penale e të dënohen me burgim, tregon një tendencë represive që rrit potencialin e kriminalizimit të individit në shoqëri e që sjell pasoja të rëndësishme në jetën e qytetarëve“.

Por sa e mundur është që procesi i konsultimeve i hapur tanimë, të sjellë përmirësimet e nevojshme? Për kryeprokurorin Cela “procesi i konsultimit publik dhe ai parlamentar më pas, ndikojnë pak ose aspak në thelbin e tij, çka e shndërron procesin e debatit publik në formal dhe të padobishëm, pasi nuk do të lejonte një ndërhyrje sistematike në tërësinë e draftit“.

“Eksperienca ka treguar se procesi i ligjbërjes në vend, të paktën sa i përket sistemit të drejtësisë dhe sidomos kuadrit ligjor penal, është difektoz dhe shpesh herë ndikohet nga nevojat dhe emocionet e çastit” dhe “kur bëhet fjale për një kod, nuk duhet të lejohet që ky gabim të përsëritej për një ligj kaq të rëndësishëm”, thotë Olsjan Çela.

Për Prokurorin e Përgjithshëm “më tepër se për një kod të ri penal, sot vendi ka nevojë urgjente për ndërhyrje në Kodin e Procedurës Penale, për të korrigjuar gjërat që po shkojnë keq në funksionimin e tij dhe për të lehtësuar proceset nga burokracitë e panevojshme, që po ndikojnë në zvarritjen e hetimeve dhe gjykimeve“./E.T

Kreu i PD, Sali Berisha, ka bërë një tjetër denoncim ndaj qeverisë, duke përmendur një laptop të ministres Belinda Balluku që, sipas tij, përmban të dhëna për “terroristë elektoralë”.

Ai akuzon administratën publike se është shndërruar në polici politike për zgjedhjet. Berisha pretendon se përmes premtimeve për punësim dhe presioneve, qytetarëve u merret vota në mënyrë të paligjshme.

Sipas tij, ky është një kriminalizim elektoral i orkestruar nga shteti.

Pjesë nga deklarata e kreut të PD Sali Berisha:

Ju e keni parasysh, këto ditë paraqita para jush miliona metër katrorë ndërtime të dhëna me firmën e Edi Ramës dhe Adelajda Rrokës për kartelet e drogës.

Adelajda është drejtoresha e përgjithshme e zyrës kombëtare të urbanistikës, motra e dy Rrokove, lejtnantë kryesorë të Suel Çelës.

Adelajda në njëfarë mënyrë është Ergys Agasi me pantallona. Por Adelajda nuk është pa lidhje me familjen Rama. U bëj thirrje medieve me guxim të ndriçojnë këto të vërteta tragjike për shqiptarët.

Po, iu bëj thirrje medieve të pyesin veten si ka mundësi të bien eksportet nga një vit në një tjetër me 30 përqind në një vend me ekonomik tregu dhe pas kovidit?

Si mund të ndodhë? Shumë thjeshtë. Narkoeuro. Zhvlerësimi i monedhës evropiane nga narkoeurot në Shqipëri, shkatërroi dhe falimentoi me qindra dhe mijëra ndërmarrje eksporti. U bëj thirrje medieve të ndalen pse bie nga viti në vit prodhimi industrial. Si ka mundësi?

Por mos harroni se eksportet dhe prodhimi industrial janë dy gjeneratorët kryesorë të punësimit. Ato bien prej narkoeuros. Ato bien sepse ndërtimi është shndërruar në shtyllë kryesore ku trafikantët me në krye kreun e organizatës kriminale kanë gjetur parajsën. Bëra këtë hyrjen, e lidhur fund e krye me zgjedhjet, sepse narkozyrtarët, zyrtarët e narkoshtetit, mijëra e mijëra prej tyre, janë shndërruar në polici politike të votës së shqiptarëve.

Ne disponojmë regjistrat e dhjetëra mijëra mercenarëve që marrin rrogat nga taksapaguesit e qytetarëve dhe bëjnë policin elektoral. Bëjnë patronazhistin. Kryejnë krimin e shëmtuar. Ata janë masivisht zyrtarë të administratës, janë zyrtarë të institucioneve të ashtuquajtura të pavarura, janë në polici, gjykata, prokurori, janë në ndërmarrjet publike.

Laptopi i Lubisë në Fier është sjellë si shembull këtu.

Çfarë paraqet?

Këtu janë të dhënat ku punojnë terroristët elektoralë që i përdori Lubi Balluku për zgjedhjet.

Vazhdo, urdhëroni. Pozicioni ku punojnë. Shef shërbimi, laborante, infermiere, arkëtar provizor, specialist i lartë…

Vazhdojmë…

Drejtor kabineti, kryespecialist, përgjegjës sektori. Përgjegjës operativ. Shikoni se si edhe sanitarë mund të gjeni këtu, se si Lubi Balluku në mënyrë kriminale e shndërroi të gjithë administratën shtetërore në Fier në polici politike.

Aa tani, këta terroristë politikë, kjo polici politike përdorin premtimet, miklime.

Për dy vjet pension, kërkon sanitare.

Shikoni si lozin me hallet e njerëzve. Urdhëroni votën tani.

Kërkon të ndryshojë punën se është i pakënaqur.

Kërkon pastruese shkolle nëse është mundësia.

Tjetra. E kanë hequr nga puna në bashki.

I është premtuar zgjedhjet e kaluara nga kryetari dhe nuk i është zgjidhur problemi i punësimit.

Kërkon punë në çfarëdolloj pune që ka në bashki. Por në bashki.

Ka bërë kurs për grafik dizajn.

Këta fushatën e kanë fushatë punësimesh.

Është anëtar përfaqësues i një fisi me 21 votues.

I është premtuar më parë punësim në kopsht dhe çerdhe dhe kjo sjellje ka sjellë distancimin. Kërkon në gjelbërim. Ja ku zbresin këta.

Kërkon në kopshtin numër 2.

Punësim i Brunildës pasi e kanë gënjyer shumë për punësim.

Kërkon sanitare në bashki.

Shitës ambulant ka punuar, kërkon të punësohet në çfarëdo lloj pune.

Kërkon të punësohet sanitare.

Kërkon të punësohet roje në bashki.

Mund t’u sillja këtu me qindra, mijëra.

Janë të gjitha këto përmbajtje e laptopit kriminal të Lubi Ballukut. Thonë se janë marrë aty, se Fierin vetëm ajo e kishte.

Kam shumë, por nuk doja të konsumoja kohën e qytetarëve dhe kohën tuaj.

Por lista e tyre është e pafundme.

Albpetroli i tëri.

Është një tjetër. Ajo ku burgu nga i pari tek i fundit PS.

Nga i pari tek i fundit punonjës i burgut.

Siç e shihni kemi të bëjmë me një kriminalizim elektoral jashtë çdo lloj përmase. Një aspekt tjetër i shëmtuar i narkoshtetit./E.T

Monika Kryemadhi u paraqit sot në ambientet e Prokurorisë së Posaçme, ku edhe iu komunikua edhe vendimi për mbylljen e hetimeve.

Kryemadhi ka ironizuar para SPAK dhe thirrjen e nënës së saj ditën e djeshme (28 Korrik) në Prokurorinë e Posaçme për t’iu komunikuar akuzat.

“Mamin tim ma kishit nxjerrë shumë bukur dje”, iu drejtua Kryemadhi gazetarëve, duke shtuar se “është më snapjer se unë ajo”.

”Mamin tim ma kishit nxjerrë shumë bukur dje, pavarësisht se.. Kam ardhur sot t’ju them që mos e fusni në skaner se i çekuilibron rrahjet e zemrës.

Dje e kishit ruajtur gjithë kohës, ju falendroj shumë që ishit kujdesur për të. I kishit ngjarë komplet zonja Kryemadhi.

Është më snapjer se unë ajo, se unë i kam ngjarë babit. Babai im i shkretë është përjashtuar 4 herë nga partia, 5 herë ëshyë pranuar në parti se ishte llafazan si puna ime. I shante njerëzit, u thoshte të vërtetat në sy.

Në fund fitoi? Çfarë fitoi mi ka vdekur, është harruar”, tha Kryemadhi./E.T

Policia e Tiranës ka vënë në pranga 59-vjeçarin Ilir Kociaj (Koçiaj), kreun e një organizate kriminale ndërkombëtare, i shpallur në kërkim dhe i dënuar me 18 vite burg nga autoritetet italiane për trafikim të lëndëve narkotike.

Policia njofton se Kociaj u kap në flagrancë teksa tentonte të largohej me automjetin e tij tip “Audi Q5” në autostradën Tiranë–Elbasan, ndërsa automjeti u sekuestrua nga Policia.

“59-vjeçari, u kap në flagrancë teksa tentonte të largohej me automjetin e tij, në autostradën “Tiranë–Elbasan”. Shtetasi Ilir Kociaj (Koçiaj) ishte shpallur në kërkim nga Drejtoria Vendore e Policisë Elbasan, në zbatim të vendimit të Gjykatës së Apelit Tiranë për njohjen e vendimit të Gjykatës së Firences, Itali, që e dënon atë me 18 vite burgim, për veprën penale “Trafikimi i lëndëve narkotike”, kryer në kuadër të një organizate kriminale”, njofton Policia.

Operacioni “Hierarkia” u finalizua nga Forca e Posaçme për Operacione Speciale dhe Kërkime në bashkëpunim me “Shqiponjat” dhe Seksionin e Kërkimit, ndërsa i arrestuari iu dorëzua Policisë së Elbasanit për veprime të mëtejshme procedurale. /e.t

Në muajin Qershor 2025 numërohen 107 aksidente rrugore, nga të cilët 140 persona janë të aksidentuar (të vrarë dhe të plagosur), sipas shifrave të INSTAT, i cili thekson se këto janë të dhënat e publikuara paraprake dhe subjekt përditësimi.

Gjatë periudhës Janar-Qershor 2025, numri i aksidenteve rrugore është ulur me 17,1%, krahasuar kjo me të njëjtën periudhë të një viti më parë.

Aksidentet rrugore, në 92,5% të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve, në këtë periudhë, është kryer nga grup-moshat 25-34 vjeç, duke zënë 27,1 % të numrit të aksidenteve gjithsej.

Në muajin Qershor 2025, numri më i lartë i aksidenteve rrugore ka ndodhur përgjatë ditës së Hënë me 19,6%, ndërsa numri më i ulët i aksidenteve ka ndodhur përgjatë ditës së Martë, me 6,5%.

Numri më i lartë i aksidenteve rrugore ka ndodhur përgjatë harkut kohor 19:00 – 24:00, duke zënë 22,4% të numrit të aksidenteve rrugore gjithsej./Monitor

Sot në orët e hershme të mëngjesit ka ndërruar jetë Edita Qosja-Rexhepi, vajza e akademikut Rexhep Qosja. Lajmin e ka bërë të ditur djali i të ndjerës, Valjet Rexhepi.

Varrimi do të bëhet sot, më 29 korrik 2025, në varrezat e qytetit të Prishtinës, në orën 13:00.

Me pikëllim ju njoftojmë se sot, më 29 korrik 2025, ka ndërruar jetë Edita Qosja-Rexhepi.

Varrimi i saj do të bëhet po sot, në orën 13:00, në varrezat e qytetit të Prishtinës.

E pamja do të mbahet në Hotelin “Grand” në Prishtinë për dy ditë: të mërkurën dhe të enjten, nga ora 10:00 deri në 18:00, duke filluar nga dita e nesërme, e mërkura./E.T

Policia e Lezhës ka reaguar lidhur me një video të publikuar një ditë më parë ku një efektiv policie shihej duke konsumuar lëndë narkotike dhe se autoritetet nuk kishin ndërmarrë masat e nevojshme.

Përmes një njoftimi zyrtar Drejtoria Vendore e Policisë Lezhë njofton se efektivi në fjalë, shtetasi Xhovano Tuci është pezulluar nga radhët e bluve.

Gjithashtu, para dhënies së masës “Përjashtim nga Policia” Tuci ka qenë në efektin e masës disiplinore “Shtyrje e afatit të gradimit për 3 muaj”, dhënë me vendim nr. 29, datë 24.04.2025, për mosmbajtje të rregullt të uniformës së Policisë dhe sjellje jokorrekte ndaj eprorëve.

Njoftimi i plotë i Policisë:

Reagim i Drejtorisë Vendore të Policisë Lezhë

Në lidhje me një video të publikuar në rrjete sociale, më datë 28.07.2025, në të cilën shfaqet një punonjës policie, i cili nga pamjet dyshohet duke konsumuar lëndë narkotike, dhe me pretendimin se Drejtoria Vendore e Policisë Lezhë nuk ka reaguar, sqarojmë opinionin publik se:

Shtetasi i shfaqur në video është përjashtuar nga radhët e Policisë së Shtetit.

Gjithashtu, sqarojmë se punonjësi i Policisë Xh. T., para dhënies së masës “Përjashtim nga Policia”, ka qenë në efektin e masës disiplinore “Shtyrje e afatit të gradimit për 3 muaj”, dhënë me vendim nr. 29, datë 24.04.2025, për mosmbajtje të rregullt të uniformës së Policisë dhe sjellje jokorrekte ndaj eprorëve.

Po ashtu, Drejtoria e Standardeve Profesionale ka pasur në proces shqyrtimi/verifikimi dhe hetimi disiplinor punonjësin e Policisë, Inspektor Xh. T., me detyrë Oficer i Patrullës së Përgjithshme në Seksionin e Rendit, Komisariati i Policisë Lezhë, në Drejtorinë Vendore të Policisë Lezhë, për shkelje disiplinore të parashikuar nga neni 121 “Llojet e shkeljeve disiplinore”, pika 1, gërma “j”, “Braktisja e detyrës dhe mungesa e pajustifikuar dhe e vijueshme për një periudhë prej 7 ditësh pune ose më shumë”, dhe me vendim nr. 127, datë 03.07.2025, të Komisionit Disiplinor në Drejtorinë e Standardeve Profesionale, i është dhënë masa disiplinore “Përjashtim nga Policia”, parashikuar nga neni 123, gërma “e”, të ligjit nr. 82/2024 “Për Policinë e Shtetit”.

Bazuar në ligjin “Për Policinë e Shtetit”, punonjësi i Policisë gëzonte të drejtën për ta ankimuar vendimin në Komisionin e Apelimit në Drejtorinë e Përgjithshme të Policisë së Shtetit, i cili më datë 25.07.2025, ka lënë në fuqi masën “Përjashtim nga Policia” për punonjësin e Policisë Inspektor Xh. T., të marrë me vendim nr. 127, datë 03.07.2025, nga Drejtoria e Standardeve Profesionale në Drejtorinë e Përgjithshme të Policisë së Shtetit.

Pas publikimit të videos ku shfaqet punonjësi i Policisë Xh. T., i cili dyshohet se konsumon lëndë narkotike kokainë, nga ana e strukturave përgjegjëse të AMP-së dhe të Policisë së Shtetit, po kryhen verifikime të tjera, në funksion të të cilave do të referohen materialet në Prokurori, për ndjekje të mëtejshme procedurale.

Policia e Shtetit është e vendosur të largojë nga radhët e saj çdo punonjës policie që nuk përmbush detyrën, abuzon me atributet e punonjësit të Policisë së Shtetit dhe cenon imazhin e Policisë dhe besimin e qytetarëve te Policia e Shtetit./E.T

Gaza po përjeton krizën më të madhe të urisë. Për herë të parë në dy muajt e fundit, kamionët me ndihma në Rripin e Gazës kanë filluar të shpërndajnë ushqim. Fëmijët po mbijetojnë vetëm më ujë dhe sheqer, ndërsa Izraeli bën me dije se nuk është në dijeni të këtyre fakteve

Të dëshpëruar dhe të uritur. Mijëra palestinezë dynden drejt qendrave humanitare dhe kamionëve me ndihma të cilat sapo kanë hyrë në Rripin e Gazës. Ata marrin ç’të mundin, çdo gjë me një mundësi për të ushqyer veten dhe familjen e tyre, shumë prej të cilëve kanë disa ditë pa ushqim.

Dëshpërimi ka përshkruar këta njerëz për shumë ditë, pasi Izraeli ka shpallur kushte shumë të rrepta për shpërndarjen e ndihmave. Përballë një reagimi global, Izraeli është detyruar të ndryshojë kurs, të ndalojë luftimet në disa pjesë të Gazës për 10 orë në ditë. Kombet e Bashkuara bëjnë me dije se më shumë se 100 kamionë me ndihma është në Gaza që nga e diela dhe po shpërndajnë ushqim. Më shumë do të duhet, duke parë edhe fëmijët të cilët marrin miellin e rënë në tokë nga kamionët. Programi i ushqimit botëror bënë me dije se 25 për qind e popullsisë së Gazës tani po përjeton krizën e urisë. Izraeli nga ana e tij, po lejon ndihmat nga ajri për herë të parë në Gaza, duke i detyruar palestinezët të marrin ç’të munden.

“Unë nuk mora dot asgjë”, thotë një grua e vjetër në moshë, u shtypa nga turma.

E ndërsa disa morën kuti me ushqime, të tjerët tentojnë të marrin miell, vaj, pasta, shumë pak nga ato që ata vërtetë kanë nevojë.

“Kjo ndihmë është jo humane, ne nuk jemi qen që të vrapojmë pas ushqimit. Njerëzit po luftojnë për atë. Më mirë të vdesim nga uria me dinjitet se sa të vdesim në poshtërim”.

Palestinezët po goditen dhe vriten duke u përpjekur të marrin ndihma. Ministria e shëndetësisë së Palestinës tha se 25 persona janë vrarë nga forcat izraelite ndërsa merrnin ushqim gjatë 24 orëve të fundit.

Ndërsa ushtria izraelite thotë se nuk është në dijeni të këtyre fakteve.

“Ai është vetëm 12 vjeç. Çfarë faji ka ai. Ai kërkon miell për të ushqyer fëmijët e vegjël”, thotë një tjetër palestinez. Vëllai i tij mbijeton me sheqer dhe ujë. Gaza ndodhet përballë një gjendje katastrofike urie. /E.T

Bashkorganizimi i Kampionatit Europian 2027 për 21-vjeçarët nga Shqipëria dhe Serbia vijon të përplasë Federatën Shqiptare të Futbollit (FSHF) dhe grupimin e Tifozave Kuq e Zi (TKZ) të kombëtares.

Rruga e re Ersekë – Leskovik, nuk shkurton vetëm distancat por është një udhëtim magjepsës përmes natyrës së pazbuluar të kësaj zone. Kështu shprehet kryeministri Edi Rama në Facebook, teksa ndan pamjet nga ky aks rrugor. Sipas kreut të qeverisë ky aks nxit turizmin dhe motivon të rinjtë të mos emigrojnë por të investojnë në vendlindjet e tyre.

“Rruga e re Ersekë – Leskovik, jo vetëm një investim që shkurton distancat, por një udhëtim magjepsës përmes natyrës së pazbuluar të kësaj zone, që nxit turizmin, zhvillon sipërmarrjen lokale, ruan traditën e motivon të rinjtë të mos emigrojnë por të investojnë në vendlindjet e tyre”, shkruan Rama krahas videos.

/e.t

Pa vaksinat kundër COVID-19, koronavirusi SARS-CoV-2 do të kishte marrë 2.533 milionë jetë shtesë në të gjithë botën nga viti 2020 deri në vitin 2024, sipas vlerësimit më gjithëpërfshirës të ndikimit të fushatës së imunizimit në shëndetin publik global.

Sipas studimit të kryer nga Universiteti Katolik i Zemrës së Shenjtë në Milano dhe Universiteti Stanford (Kaliforni), vaksinat kundër COVID-19 kanë shpëtuar gjithsej 14.8 milionë vite jetë në të gjithë botën (një vit jetë i shpëtuar për çdo 900 doza vaksine të administruara).

Edhe pas përfundimit “zyrtar” të pandemisë

Nga Shpëtim Luku

Para disa ditësh ndodhi një episod dhune që trazoi opinionin publik dhe që si zakonisht, nuk mbeti i izoluar vetëm te fakti se një polic, tashmë i pezulluar, me shokun e tij dhunuan një kamarier 18-vjeçar, thjesht sepse i kishte sjellë një shishe ujë të gabuar. Ngjarja mori përmasa të tjera, pasi pronari i hotelit, një gazetar lokal së bashku me 15 persona të tjerë, miq të pronarit u përfshinë në një përplasje fizike me të njëjtët persona që dhunuan kamarierin, duke i dëmtuar jo pak ata. Skena u kthye shpejt në legjendë moderne. Në portale u servir me tituj të bujshëm: “Pronari dhe gazetari bëjnë për spital dhunuesit e të riut”. Mbi 11 mijë like, rreth 5000 komente vetëm tek një portal. Me përgëzime e kompliente të tipit: “Bravo”, “Burrë i vërtetë”, “Kështu duhet bërë”, “Danoç” etj etj. Të shumtë ishin ata që e ngritën në piedestal Vasil Bedinajn, pronarin e “Rexhina”-s, si një hero të qytetit.
Por kjo lavdi e çuditshme që shqiptarët i japin dhunës, na bën të ndalemi e të mendojmë: Çfarë ka në të vërtetë pas kësaj dëshire për të përgëzuar grushtin, jo fjalën? Për të duartrokitur shkeljen, jo drejtësinë? Përse një akt dhune, edhe kur është i nxitur nga një padrejtësi, merr këtë lloj legjitimiteti moral në sytë e publikut?
Në thelb, kjo nuk është thjesht një ndjeshmëri e momentit, por një simptomë e thellë sociale. Shqiptarët nuk janë më të dhunshëm se popuj të tjerë, por ndryshe nga shumë të tjerë, ata janë mësuar të jetojnë për një kohë të gjatë në një sistem ku drejtësia rrallëherë vjen në kohë dhe në mënyrë të paanshme. Në një vend ku gjykata shihet si e korruptuar, policia si e kapur dhe ligji si një rrjetë që kap vetëm të vegjlit, njeriu i zakonshëm e humb shpresën se mund të marrë të drejtën në rrugë institucionale. Dhe në vend të saj, kërkon modele që “veprojnë”, që “ia tregojnë vendin” kujtdo që abuzon. Kështu, dhuna merr petkun e drejtësisë. Dhe dhunuesi, për çudi, bëhet shpesh i lavdëruar.
Kjo ndjeshmëri ndaj forcës ka edhe rrënjë të tjera, më të vjetra se tranzicioni shqiptar. Në kulturën tonë tradicionale, për shekuj me radhë, është ushqyer ideja se nderi nuk ruhet me ligj, por me gjak; se burrëria dëshmohet me reagim të menjëhershëm; se heshtja është dobësi, ndërsa zëri i lartë dhe krahu i rëndë janë forcë.
Por kjo nuk është vetëm çështje kulture. Është gjithashtu çështje zbrazëtie sociale. Kur një shoqëri nuk ofron as siguri, as drejtësi, as frymëzim për qytetari, njerëzit mbushin boshllëkun me të vetmen gjë që prodhon emocion të menjëhershëm: shfaqjet e dhunës. Media, nga ana tjetër, e kupton këtë. Portalet e dinë që një video ku dikush qëllon dikë tjetër do të marrë më shumë klikime sesa një reportazh për edukimin qytetar. Algoritmet e rrjeteve sociale e dinë që ndjekësit reagojnë më fort ndaj tronditjes sesa ndaj reflektimit. Dhe kështu, dhuna bëhet e padukshme në jetën reale, por tepër e dukshme në sferën publike. Krijohet iluzioni se dhuna është gjithandej dhe, më keq akoma, se është e pranueshme, madje e nevojshme.
Por ka edhe një arsye tjetër më të thellë. Shqiptarët, në thelb, janë të zhgënjyer, të lodhur e të zemëruar. Kanë parë shumë padrejtësi, shumë pabarazi, shumë arrogancë pa ndëshkim. Në këtë kontekst, edhe një pronar hoteli që reagon me grusht ndaj një ish-polici agresiv, perceptohet si simbolikë e një hakmarrjeje kolektive ndaj abuzuesve me pushtet. Ai nuk është më vetëm individ. Bëhet simbol. Dhe dhuna që ai ushtron, edhe kur është e gabuar, veshet me petkun e një akti të drejtë.
Kjo është arsyeja pse shqiptarët “adhurojnë” dhunën. Jo se janë të këqij, por sepse janë të etur për drejtësi, për ndëshkim, për hak. Dhe në mungesë të institucioneve që ua japin këtë, përqafojnë dhunën si zëvendësim. Dhe ky është një rrezik i madh.
Nëse një shoqëri arrin të duartrokasë grushtin para ligjit, forcën para arsyes, atëherë ky është një problem i madh. Kjo shoqëri ka nevojë për më shumë drejtësi. Dhe për më shumë reflektim mbi atë që po bëhemi, ndërkohë që klikojmë dhe komentojmë me pasion ngjarje që, në një vend normal, do të na turpëronin.

Moti parashikohet me vranësira dhe reshje shiu, fillimisht në zonat veriperëndimore dhe pjesërisht në qendër të vendit. Ditën e martë vendi ynë do të ndikohet nga kushte atmosferike të paqëndrueshme.

Sinoptikania e “Meteoalb” Lajda Porja në një lidhje direkte, solli dhe parashikimin e motit për orët dhe ditët në vijim.

“Jemi nën ndikimin e situatës termike duke filluar që nga dita e diel dhe pasi kaluam ditë me temperatura shumë të larta, moti ka qenë me temperatura shumë më të freskëta kjo për shkak të një mase ajri më të freskët që ka përfshirë Evropën.

Duke qenë se Ballkani po përjetonte temperatura të larta, kur hyri kjo masë e ftohtë shumë zona në Ballkan u përfshinë në reshje shirash edhe me intensitet të lartë.

Një situatë e tillë ndodhi dhe mbrëmjen e djeshme në vendin tonë, kryesisht në veri dhe në Shqipërinë qendrore.

Mbetet edhe sot situata e paqëndrueshme me reshje shiu, por do të jenë shumë më të pakta. Reshjet do të jenë kryesisht në Veri dhe në zonat qendrore, ndërsa Jugu mbetet pa reshje.

Do të ketë një përmirësim të situatës sa i përket ditës së nesërme, ndërkohë dita e enjte do të sjellë sërish reshje, ku sërish në fokus do të jetë veriu dhe pjesa lindore e vendit, duke përfshirë Librazhdin, Elbasanin dhe rrethinat e Tiranës.

Reshjet do t’i kemi prezente të paktën deri të premten. Në fundjavë do të kemi një qëndrueshmëri të kushteve dhe një përmirësim të dukshëm të situatës së motit”, u shpreh ndër të tjera sinoptikania Lajda Porja./e.t

Që prej rikthimit të Donald Trump në Presidencë në SHBA, Partia Demokratike dhe Sali Berisha kanë patur shpresë se kjo do të sjellë të mira edhe për ta. Por çfarë ka arritur PD me ndryshimin e administratës në SHBA dhe me angazhimin e lobistit të Trump në fushatë?

Analisti Andi Bushati, i ftuar në emisionin “Të Paekspozuarit” në MCN TV, deklaroi se Berisha nuk ka qenë ndonjë “trampist” i thekur, por është detyruar të ketë këtë linjë për shkak të lidhjeve të forta të Ramës me administratën e demokratëve. Bushati tha se PD ka disa “mini suksese”, kryesisht në formën e deklaratave që kanë ardhur nga SHBA.

“Besoj që Berisha nuk e kishte dashuri pasioni këtë, por dashuri interesi. Në dashuri interesi, humbja relativizohet pak. Berisha nuk ka qenë ndonjë trampist i madh, po ta shohësh ai ka qenë afër linjës së Republikanëve tradicionalë. Rrethanat e sollën të bëhet trampist, sepse kundërshtari politik në Shqipëri përfitoi shumë nga administrate demokrate. A ishte kjo një lëvizje koherente dhe e moralshme? Unë bëj pjesë te ata njerëz që afishimin përkrah trampizmit e quaj një mëkat dhe më duket si një lidhje oportunisti meskin ajo që bëri Berisha me Trump. Me koston e një manovratori politik, gjithsesi arriti disa mini sukseese.

E para pesonale, që mori deklarata që non-grata për Berishën ka dëmtuar marrëdhëniet mes dy vendeve, ka qenë e padrejtë, etj, etj. Loboi fuqishëm me Continental Strategy, një kompani që janë të gjithë njerëzit që kanë lobuar për Trump. I hoqi Ramës dafinat e fitimtarit që do ia jepnin si në 2021. U mundua të amortizojë goditjen që do të merrte nga humbja, ky qe avantazhi që mori Berisha duke veshur kapelen e trampistit”, deklaroi Bushati.

Ndërsa Baton Haxhiu, e quajti Berishën një “njeri në hall”, që gaboi me marrjen e LaCivita si strategjist i fushatës.

“Po flasim për një njeri që ishte në hall dhe një njeri në hall gjen hapësirë për t’u rikthyer në fitore duke përdorur edhe LaCivita, përrallën për Trump dhe duke provuar të manipulojë opinionin publik se ai është shpëtimi i Shqipërisë. Ai ishte shpëtimi i Berishës dhe jo i Shqipërisë. Nuk ishte arsye që do të fitonte zgjedhjet. Një i huaj nuk t’i fiton zgjedhjet, një i huaj mund të të rrëzojë vetëm nga pushteti. LaCivita ishte projekt i cili kishte dy rrugë. E para, gënjeshtra se do të hiqet non-grata dhe e dyta, do të bindë shqiptarët që ky është përfaqësues i Trump dhe Trump e ka vrarë gjarpërin Soros dhe kështu do të ndodhë edhe me Ramën.

Të dy rrugët dështuan dhe dështimi ishte jo pak i vogël, spektakolar. U vërtetua se një strategjist i huaj nuk ndërton rrëfimin për fitore, nëse nuk e ke idenë e fitores dhe seriozitetin e saj. Nuk e ndërton rrëfimin brenda vendit nëse nuk ke rrëfim tëndin. Berisha nuk pati rrëfim, ideologjikisht ishte i mangët, fyes dhe në momente të caktuara nuk kishte ide përse e kërkon pushtetin. Shpresa e madhe e kishtë emrin LaCivita, por për mua ai ka qenë dështim i madh dhe arsyeja pse nuk duhej thirrur. E kam thënë nuk është njeriu i duhur, sepse njeriu i duhur është njeriu shqiptar”, tha Haxhiu. /e.t

Policia e Pogradecit ka zbardhur rrethanat dhe autorësinë e ngjarjes së rëndë të ndodhur dje, në Pogradec, ku një 31-vjeçar vrau me thikë një 52-vjeçare në banesën e saj, dhe më pas i vuri zjarrin banesës.

Fillimisht, ngjarja u raportua si aksidentale pasi u dyshua se 52-vjeçarja kishte humbur jetën nga asfiksia gjatë djegies së banesës së saj.

Shërbimet e Policisë, gjatë veprimeve hetimore dhe këqyrjes së jashtme të trupit të pajetë, kanë krijuar dyshime se shkaku i humbjes së jetës së 52-vjeçares nuk ishte asfiksia, sepse në trupin e saj konstatuan dëmtime të dyshuara të shkaktuara me thikë.

Në vijim të veprimeve të thelluara hetimore, të kryera në drejtimin e Prokurorisë e Korçës, bazuar dhe në pamjet filmike, është bërë i mundur identifikimi i autorit të dyshuar të ngjarjes, shtetasit I. S., 31 vjeç, banues në Pogradec, i cili dyshohet se ka patur lidhje intime me 52-vjeçaren, prej 3 vitesh.

Shtetasi I. S. dyshohet se ka vrarë me thikë, shtetasen K. T., 52 vjeçe, i ka vënë zjarrin banesës së saj dhe është larguar nga banesa, rreth orës 05:00.

Në përfundim të veprimeve është arrestuar në flagrancë shtetasi I. S., 31 vjeç, banues në Pogradec, për veprën penale “Vrasja për shkak të marrëdhënieve familjare”./e.t

Situata me zjarret, veçanërisht në zonat bregdetare të jugut, është përkeqësuar ditët e fundit. Deri më 27 korrik, Ministria e Mbrojtjes ka evidentuar 45 vatra zjarri në të gjithë vendin, nga të cilat 21 janë ende aktive, 16 në monitorim dhe 8 të shuara.

Zjarre aktive janë regjistruar në bashkitë Lurë, Mat, Bulqizë, Delvinë, Gramsh, Elbasan, Pogradec, Milot, Mirditë, Pustec, Berat, Memaliaj dhe në malin me Gropa të Tiranës etj.

Për vitin 2025, 61 bashkitë e vendit kanë përfituar një fond prej 2,1 mld lekë apo rreth 21 mln euro për shërbimin e mbrojtjes nga zjarri, përmes transfertës së pakushtëzuar nga buxheti i shtetit. Krahasuar me vitin 2024, fondi është rritur me 36%.

Bashkia përfituese me fondin më të lartë për mbrojtjen nga zjarri është Tiranë me rreth 275 mln lekë për 2025 apo 104% më shumë se 2024. Tiranë ka 13% të totalit të fondit për mbrojtjen nga zjarri që iu shpërndahet bashkive nga transferta e pakushtëzuar. E ndjekur nga bashkia e Durrësit e cila ka përfituar 94,5 mln lekë fonde rreth 63% më shumë se 2024. Durrësi 5% të totalit të fondit.

Bashkitë e tjera përfituese të fondeve më të larta janë Kukësi me 75,3 mln lekë apo 19,6% më shumë se 2024. Fondi i dhënë për këtë bashki zë 4% të totalit të fondit të transfertës së pakushtëzuar. Bashkia e Elbasanit përfitoi për 2025 fondin me vlerë 70,2 mln lekë apo 74.6% më shumë se 2024.

Në Fier fondet për mbrojtjen nga zjarri ishin 64,3 mln lekë me rritje 63%. Në Vlorë bashkia përfitoi 63,6 mln lekë apo 31% më shumë. Në Kamëz 61,3 mln lekë apo 16% më shumë se 2024; Lezhë fondi është 52,1 mln lekë apo 21% më shumë se 2024, dhe Korçë me vlerë 43,9 mln lekë me rritje 25%.

Pavarësisht fondeve që u akordohen bashkive për mbrojtjen nga zjarri, sipas drejtorit ekzekutiv të Institutit të bashkive të Shqipërisë Agron Haxhimali sistemi mbetet i dobët dhe i pambështetur në teknologji moderne. Haxhimali thotë se financimi shkon kryesisht për rroga, sigurime shoqërore dhe karburant, ndërsa makineritë dhe pajisjet janë të amortizuara.

“Mungon infrastruktura në terren, nuk ka flotë ajrore, dhe teknologjia për zbulimin e hershëm të zjarreve është pothuajse inekzistente. Shërbimi pyjor është shpesh i neglizhuar dhe investimet në korridore sigurie, rrugë ndërhyrjeje apo stacione uji janë minimale. Në këtë situatë, bashkitë janë të mbingarkuara dhe të pafuqishme përballë rreziqeve që vijnë nga zjarret, sidomos në zonat pyjore e malore”, pohon ai.

Gjatë vitit 2024, Shqipëria u përball me një nga sezonet më të rënda të zjarreve, me mbi 46 mijë hektarë pyje dhe kullota të djegura sipas të dhënave të raportit të Institutit të Bashkive “për qeverisjen Vendore. Raport mbi situatën aktuale 2024”.

Në raport theksohet se pothuajse gjysma e bashkive nuk kishin as plane menaxhimi për pyjet që administrojnë.

Sipas të dhënave të raportit të Institutit të bashkive, mesatarisht, në Shqipëri kemi më pak se një zjarrfikës për 1,500 banorë dhe më pak se një automjet zjarrfikës për 10,000 banorë. Situata është më e rëndë në bashkitë e mëdha si Tirana, për shkak të përqendrimit të popullsisë, ndërsa shumë bashki të vogla ndonëse me më shumë personel për frymë, kanë vështirësi infrastrukturore dhe territoriale për ndërhyrje.

“Të dhënat tregojnë se bashkitë e vogla kanë më shumë zjarrfikës dhe automjete zjarrfikëse për frymë sesa bashkitë e mëdha. Kjo mund të lidhet me shpërndarjen e popullsisë në zona rurale, ku distancat janë më të mëdha dhe infrastruktura rrugore më e vështirë.

Tirana ka numrin më të ulët të zjarrfikësve dhe automjeteve zjarrfikëse për frymë, gjë që mund të shpjegohet me përqendrimin e popullsisë dhe infrastrukturën më të zhvilluar rrugore në kryeqytet. Mesatarja kombëtare është më e afërt me treguesit e bashkive të mëdha, duke treguar se këto të fundit kanë një ndikim më të madh në përllogaritjen e saj”, thuhet në raport.

Duke pasur parasysh se buxheti për mbrojtjen nga zjarri është i kufizuar dhe shpërndarja e burimeve nuk është e njëtrajtshme, Instituti për Bashkitë Shqiptare rekomandon rritjen e transfertave sektoriale për këtë funksion.

Kjo përfshin: shtimin e fondeve për modernizimin e flotës së automjeteve zjarrfikëse, veçanërisht në bashkitë me infrastrukturë të vështirë; mbështetje financiare për rritjen e numrit të zjarrfikësve në raport me popullsinë dhe nevojat specifike të secilës bashki; krijimin e një fondi të veçantë për emergjencat zjarrfikëse, që bashkitë mund ta përdorin për të përballuar situatat kritike; hartimin e planeve të detajuara për menaxhimin e rrezikut nga zjarret, të përshtatura sipas karakteristikave të secilës bashki; kapacitete në këtë sektor për shuarjen e zjarreve në pyje, pasi kjo përbën një tipologji të ndryshme nga zjarret urbane./Monitor