Neutralizohet vatra e zjarrit qe ru shenua ne Njesine Administrative Cepo te Gjirokastres.

Vatra e zjarrit perfshiu hapesiren mes dy fshatrave  Picar dhe Humelice ku flaket po drejtoheshin drejt zonave te banuara,kjo edhe si shkak i drejtimit te eres.

Fale nderhyrjes ne kohe te nderhyrjes se te gjithe efektivit te repartit zjarrefikes se Gjirokastres eshte bere e mundur neutralizimi dhe shuarja e zjarrit.

Ende nuk dihet shkaku ndersa organet kane nisur hetimet. / abcnews.al /

Rreth orës 23:00, është vetëparaqitur në spital shtetasi R. Ç., rreth 27 vjeç, i plagosur në këmbë dyshohet me armë zjarri në vendin e quajtur “Zona e Treshit”. 27-vjeçari ndodhet jashtë rrezikut për jetën.

Grupi hetimor po punon për sqarimin e rrethanave të ngjarjes me qëllim dokumentimin e plotë të saj.

DASHI

Këtë të shtunë keni një energji të fuqishme, pothuajse të vluar, por është e rëndësishme ta kanalizoni në mënyrën e duhur. Në punë mund të merrni një propozim interesant ose të përfshiheni në një projekt ambicioz: pranoni, por mos e humbni nga sytë kujdesin për detajet. Në dashuri mund të dukeni pak të ftohtë ose shumë të drejtpërdrejtë. Emocionet ekzistojnë, por ju e keni të vështirë t’i shprehni. Ata që janë në çift mund të kenë një debat të vogël verbal: ruani gjakftohtësinë. Mbrëmja është ideale për t’u çlodhur, ndoshta me aktivitet fizik ose në ajër të pastër.

—

DEMI

Dita e parafundit e javës duket se do të jetë e mbushur me nuanca: mund t’ju zënë mendimet për të kaluarën më shumë se zakonisht. Kujdes, mos ngatërroni nostalgjinë me dëshirën për t’u kthyer pas. Në dashuri ka reflektime për të bërë: a jeni vërtet të lumtur apo thjesht “po ecni përpara”? Puna ecën ngadalë por pa pengesa të veçanta. Fati është i lartë për ata që veprojnë me instinkt ose ndjekin intuitën: mund të gjeni ose zbuloni diçka me vlerë aty ku nuk e prisni. Një ëndërr ose një rastësi mund t’ju habisë.

—

BINJAKËT

Të dashur Binjakë, fjala kyçe e ditës është përshtatja. Disa të papritura ose ndryshime plani mund t’ju prishin rutinën, por ju keni fleksibilitetin e duhur për t’ia dalë. Në dashuri jeni tërheqës dhe argëtues: beqarët mund të bëjnë një njohje interesante, ndoshta përmes rrjeteve sociale ose në një mjedis jo të zakonshëm. Në punë mund të ndiheni të pavlerësuar ose të keqkuptuar: mos reagoni impulsivisht, balanca do të rikthehet në ditët në vijim. Jepni kohë për të dëgjuar, jo vetëm për të folur.

—

GAFORRJA

Të dashur Gaforre, dita është shumë pozitive për emocionet dhe marrëdhëniet ndërpersonale. Sot mund të jeni në qendër të vëmendjes pa e kërkuar fare. Nëse jeni në çift, do të rizbuloni një butësi që dukej se ishte zhdukur; nëse jeni beqarë, mund të tërhiqni dikë vetëm me një shikim. Në punë jeni pak të shpërqendruar: ndoshta sepse mendja ju rri diku tjetër, ndoshta tek një kujtim apo një ëndërr personale. Megjithatë, mos e shtyni shumë: disa afate duhet t’i menaxhoni tani. Mbrëmja është perfekte për një darkë intime ose për të shkruar atë që ndjeni.

—

LUANI

Të dashur Luanë, ju keni një forcë magnetike që ju bën protagonistë kudo që shkoni. Në punë gjithçka ecën mirë: jeni të vendosur, bindës dhe arrini të motivoni edhe skeptikët. Nëse keni një objektiv ambicioz, kjo është dita e duhur për ta shprehur. Në dashuri ka diçka që ju bën të ndiheni të pasigurt: ndoshta prisni shumë ose kërkoni gjeste që tjetri nuk është ende gati t’i bëjë. Mundohuni të jeni më empatikë, edhe ju keni nevojë të kuptoheni. Një takim i rëndësishëm mund të ndodhë në orët e pasdites.

—

VIRGJËRESHA

Të dashur Virgjëresha, mendja juaj sot është e kthjellët, analitike dhe e kujdesshme ndaj detajeve: mund të gjeni zgjidhjen e një problemi që ju ka shqetësuar prej kohësh. Në punë jeni të palodhur dhe dikush mund ta vërë re këtë (më në fund!). Në dashuri, megjithatë, mund të jeni pak të ngurtë ose shumë selektivë. Nëse jeni në çift, shmangni sarkazmin dhe mos kërkoni përsosmëri. Nëse jeni beqarë, ndoshta është momenti të ndryshoni qasje: dëgjoni zemrën, jo vetëm gjykimin. Një telefonatë ose një mesazh i papritur mund t’ju përmirësojë humorin.

—

AKREPI

Të dashur Akrepë, këtë të shtunë 9 gusht jeni të mprehtë dhe të kthjellët si rrallëherë. Është një ditë ideale për të zgjidhur një çështje profesionale ose për të marrë vendime të rëndësishme. Forca juaj mendore ju lejon të përballoni çdo pengesë. Në dashuri, megjithatë, mund të jeni tepër të mbyllur ose mosbesues: dikush përreth jush po kërkon të afrohet, por ju dukeni sikur nuk doni të lëshoni terren. Mundohuni të kuptoni nëse muri që po ngrini shërben për t’ju mbrojtur apo për t’ju izoluar. Ditë shumë e mirë për studime, provime ose nënshkrime kontratash.

—

SHIGJETARI

Të dashur Shigjetarë, optimizmi po kthehet të ndihet, dhe kjo është një shenjë shumë pozitive. Ju keni nevojë për liri, por sot zbuloni se mund të gjeni entuziazëm edhe në stabilitet. Në dashuri gjithçka shkon mirë: beqarët mund të takojnë një person të veçantë gjatë një udhëtimi ose aktiviteti ndryshe nga rutina. Në punë, ende ka disa pasiguri, por asgjë që nuk mund të zgjidhet me vendosmërinë tuaj. Ditë perfekte për të planifikuar një udhëtim ose për t’u regjistruar në një kurs apo aktivitet të ri.

—

BRICJAPI

Të dashur Bricjapë, shpesh jeni tepër të rreptë me veten dhe sot mund të ndiheni të lodhur ose nën presion. Është momenti të vlerësoni edhe arritjet e vogla dhe t’i lejoni vetes një pushim. Në dashuri nevojitet më shumë lehtësi: nëse jeni në çift, lini mënjanë punën dhe kushtojini kohë personit që doni. Në punë, mund të merrni një propozim interesant, por që duhet ta vlerësoni me kujdes. Moment i mirë për ata që punojnë në mënyrë të pavarur ose që kanë kontakte me jashtë.

—

UJORI

Të dashur Ujorë, është e qartë se e keni kokën plot ide, por sot mund t’ju mungojë pak konkretësia. Mund të ndiheni të mbingarkuar nga përgjegjësi që nuk i ndjeni vërtet tuajat. Në dashuri ka disa keqkuptime për t’u zgjidhur: ndoshta nuk jeni shprehur qartë, ose ndoshta nuk jeni dëgjuar siç duhet. Kërkoni dialogun dhe jo shmangien. Puna ju stimulon, por shmangni vendimet e nxituara ose projektet e paqarta. Mbrëmja mund të shërbejë për të rigjetur ekuilibrin, ndoshta në shoqërinë e miqve të besuar.

—

PESHQIT

Të dashur Peshq, sot ndjeshmëria dhe intuita janë në kulmin e tyre. Jeni plotësisht në harmoni me botën tuaj të brendshme dhe kjo ju lejon të vini re detaje që të tjerët i shpërfillin. Në dashuri jeni romantikë dhe tërheqës: ata që ju rrethojnë ndihen të mirëpritur dhe të kuptuar. Nëse jeni beqarë, është një ditë e veçantë për të hapur zemrën. Në punë, diçka ju shpërqendron ose nuk ju bind: nuk është momenti për të shtyrë shumë përpara. Besoni instinktit tuaj dhe jepni përparësi marrëdhënieve të vërteta.

/ abcnews.al /

Ditën e premte, vendi ynë do të jetë nën ndikimin e kushteve atmosferike të qëndrueshme.

Moti parashikohet i kthjellët, ndërsa vranësirat të pakta kalimtare në jug në orët e mesditës.
Era do të fryjë me drejtim veriperëndim-verilindje, me shpejtësi mesatare 7m/s. Përgjatë vijës bregdetare dhe zonat luginore, era fiton shpejtësi 7-15 m/s.

Valëzimi i detit pritet të jetë 1 deri në 3 ballë. / abcnews.al /

Rreth orës 21:40, në spitalin e Fierit, janë paraqitur për ndihmë mjeksore shtetasi A. M., 28 vjeç dhe shtetasi L. S., të cilët dyshohet të jenë dëmtuar me mjet prerës (thikë), pas një konflikti me njëri-tjetrin.

Grupi hetimor po punon për sqarimin e rrethanave të ngjarjes dhe identifikimim e personave të tjerë të përfshirë në konflikt.

Rreth orës 21:00, në fshatin Bogdan, Berat, shtetasi Th. K., 53 vjeç, banues në fshatin Bogdan, dyshohet se ka qëlluar me armë gjahu me qëllim për të vrarë një kafshë të egër dhe nga pakujdesia ka plagosur shtetasin A. T., 57 vjeç, i cili si pasojë e plagës së marrë ka ndërruar jetë në spital.

Shtetasi Th. K, është shoqëruar në ambientet e Drejtorisë Vendore të Policisë Berat, për veprime të mëtejshme.

Grupi hetimor ndodhet ne vendngjarje dhe po punon për zbardhjen e plotë të rrethanave të kësaj ngjarje

Dëshira për të kthyer karrierën në shinat e suksesit, pse jo për një revansh personal është e madhe. Dhe Armando Broja nuk ka humbur kohë për të nisur aventurën e tij të re në Premier League.

Sulmuesi i kombëtares zyrtarizoi transferimin nga Chelsea të Bërnli. Nuk ka më huazim. Këtë herë bëhet fjalë për një kalim përfundimtar me një kontratë të rëndësishme dhe afatgjatë.

Broja firmosi deri në qershor të vitit 2030 me Bërnli, që sipas mediave angleze shpenzoi 20 milion stërlina për të marrë shërbimet e tij.

“Jam shumë i kënaqur që jam këtu si një futbollist i Bërnlit. Është një periudhë me të vërtetë pozitive për t’u bashkuar me këtë klub përpara fillimit të sezonit të ri të Premier Ligës. Mezi pres të filloj! Ndihem mirë, jam gati dhe jam i emocionuar për sfidën e të luajturit për këtë klub. Mund t’ju them të gjithëve se do të jap gjithçka nga vetja”

Bërnli zgjodhi një mënyrë krejt origjinale për të prezantuar Armando Brojën te tifozët e tij. Në një pjesë të filmit të famshëm “Indiana Jones”, sulmuesi shqiptar ishte thesari i lakmuar.

Nga ana tjetër, 23 vjeçari shpreson se ka bërë ztjedhjen e duhur, pas një seri huazimesh të kushtëzuar nga dëmtimet e rënda.

Por te Bërnlei menjëherë ka marrë besimin e madh me kontratën afatgjatë.

Pas firmës, Broja ka nisur menjëherë stërvitjen me skuadrën e tij të re në prag të sezonit të Premier League që nis fundjavën e ardhshme. / abcnews.al /

Jim Lovell, astronauti në pension dhe komandanti i misionit të famshëm Apollo 13, është ndarë nga jeta në moshën 97 vjeç.

Lovell ishte një nga astronautët më të rëndësishëm të NASA në dekadën e parë të agjencisë dhe fluturoi katër here në hapësirë – në Gemini 7, Gemini 8, Apollo 8 dhe Apollo 13.

Lovell ndihmoi në kthimin e misionit të dështuar të Apollo 13 nga hëna në vitin 1970, në atë që u kthye në një triumf pasi misioni arriti të kthehej shëndoshë e mirë në Tokë pas një shpërthimi të bombolës së oksigjenit.

Ai supozohej të ishte bërë njeriu i pestë që ecte në hënë, por fluturimi hapësinor u rrezikua nga një shpërthim i papritur.

Të tre astronautët në bord, të udhëhequr nga Lovell, mezi mbijetuan dhe kaluan katër ditë të ftohta në hapësirë.

Në vitin 1968, ekuipazhi i Apollo 8, i përbërë nga Lovell, Frank Borman dhe Ëilliam Anders, ishte i pari që la orbitën e Tokës dhe i pari që fluturoi drejt hënës dhe u rrotullua rreth saj. Ata nuk mundën të uleshin, por i vunë SHBA përpara sovjetikëve në garën hapësinore.

I quajtur nga presidenti Richard Nickson nje deshtim I suksesshem, Lovell frymezoi breza te tere, dhe u perjetesua ne nje film me emrin Apollo 13 nga aktori Tom Hanks.

Programi Botëror i Ushqimit (WFP) i Kombeve të Bashkuara njoftoi se ka arritur të dërgojë më pak se gjysmën e ndihmës së synuar në Rripin e Gazës që nga data 27 korrik, duke e theksuar përkeqësimin e krizës humanitare në territor.

Në një përditësim të fundit, WFP deklaroi se 266 kamionë me ndihma janë kthyer në pikat kufitare gjatë 12 ditëve të fundit, pavarësisht se 31% prej tyre kishin marrë miratimin paraprak nga autoritetet izraelite.

Programi gjithashtu tha se vetëm 60 shoferë të kamionëve të tij janë kontrolluar dhe miratuar nga ushtria izraelite deri më tani, duke theksuar se nevojiten urgjentisht më shumë shoferë për të përmbushur kërkesat.

WFP bëri thirrje që të lejohen të hyjnë të paktën 100 kamionë ndihmash çdo ditë në Gazë, duke paralajmëruar se sasia aktuale e ushqimit që futet në territor është “vetëm një pjesë e vogël e asaj që nevojitet”.

Ky njoftim vjen në kohën kur OKB raporton se uria dhe kequshqyerja në Gazë kanë arritur nivelet më të larta që nga fillimi i luftës pothuajse dy vite më parë, me një “skenar më të keq të mundshëm të urisë masive” që po shpaloset në territorin e rrethuar. / ABCNEWS.AL /

Autoritetet turke janë në kërkim të biznesmenit Halit Yukay, i cili rezulton i zhdukur që nga nata e së shtunës. Ai ishte nisur me jahtin e tij “Graywolf” nga Gialova drejt ishullit grek Mykonos dhe që prej asaj kohe nuk është më kontaktuar. Jahti i 43-vjeçarit u gjet disa ditë më vonë, i dëmtuar dhe gjysmë i mbytur pranë ishullit Prokonnisos në Detin Marmara. Ishte roja bregdetare turke që zbuloi mjetin lundrues, pasi u lajmerua per nje anije te fundosur.

Familjarët e Yukay-t ngritën alarmin pasi ai nuk u përgjigjej telefonatave. Ai ishte nisur të shtunën në mbrëmje, ndërsa rrënojat e jahtit u zbuluan të martën në mesditë nga një anije tregtare, e cila raportoi për mbetje në det. Pas verifikimeve, jahti u identifikua si “Graywolf”. Operacioni i kërkimit përfshin zhytës, helikopterë dhe njësi të shumta të rojës bregdetare, por deri tani nuk është gjetur asnjë shenjë e biznesmeni te zhdukur.

Halit Yukay është një emër i njohur në industrinë e jahteve luksoze. I lindur në vitin 1982, ai është themeluesi i kompanisë Mazu Yachts, e cila prodhon jahte moderne dhe të teknologjisë së lartë në Turqi. Ai nisi karrierën si ndërtues anijesh dhe e themeloi kompaninë e tij në vitin 2011, duke realizuar ëndrrën e tij për të krijuar një markë të njohur ndërkombëtarisht në fushën e mjeteve lundruese luksoze.

Arabia Saudite ka reaguar ashpër ndaj planit të ri të shpallur nga kryeministri izraelit Benjamin Netanyahu, i cili ka sinjalizuar vendosmërinë për një pushtim të plotë të Rripit të Gazës.

Në një deklaratë të publikuar në platformën X, Ministria e Jashtme saudite e cilësoi vendimin e autoriteteve izraelite si një hap të papranueshëm, duke e dënuar në mënyrë të prerë si një akt spastrimi etnik, që synon dëbimin sistematik të palestinezëve nga toka e tyre dhe përdorimin e urisë si armë lufte kundër popullsisë civile.

“Mbretëria e Arabisë Saudite dënon në termat më të ashpra vendimin e autoriteteve pushtuese izraelite për të pushtuar Rripin e Gazës dhe kundërshton me forcë krimet e vazhdueshme të urisë, brutalitetit dhe spastrimit etnik kundër popullit vëllazëror palestinez,” thuhet në deklaratë.

Kjo deklaratë vjen menjëherë pas deklaratave të fundit të Netanyahut, i cili ka theksuar se fitorja në Gaza është “çështje kohe” dhe se Izraeli nuk do të tërhiqet nga kontrolli mbi të gjithë territorin e Rripit të Gazës, duke hedhur poshtë çdo plan ndërkombëtar për një administratë palestineze ose ndërkombëtare pas luftës.

Zhvillimet e fundit kanë shkaktuar shqetësim të thellë në rajon dhe më gjerë, ndërsa shtetet e tjera po shtojnë thirrjet për një armëpushim të menjëhershëm dhe për ndihmë humanitare të pakushtëzuar për popullsinë civile, e cila sipas organizatave humanitare, po përballet me nivele katastrofike të urisë dhe zhvendosjes.

Një zjarr masiv që ka djegur 16,000 hektarë pyje dhe fshatra në jug të Francës që nga e marta tani është vënë në kontroll, njoftuan autoritetet lokale të enjten.

Banorët që janë prekur nga zjarri ende nuk mund të kthehen në shtëpitë e tyre pa një leje zyrtare, pasi shumë rrugë mbeten të mbyllura dhe mund të jenë të rrezikshme për shkak të dëmeve dhe telave të rrëzuar të energjisë elektrike.

Zjarrvënia më e madhe në Francë në gati tetë dekada ka shkaktuar vdekjen e një gruaje, të cilën autoritetet thanë se kishte injoruar urdhrat për evakuim, ka shkaktuar 18 të lënduar, përfshirë 16 zjarrfikës. Zjarri shkatërroi 36 shtëpi, dëmtuar 20 të tjera dhe detyroi rreth 2,000 banorë dhe pushues të largoheshin nga zona.

Në kulmin e krizës, rreth 5,000 familje humbën energjinë elektrike dhe deri të enjten në mbrëmje, rreth 1,500 shtëpi ende nuk kishin energji, thanë autoritetet lokale.

Pluhurat e tymit ngriheshin mbi zonën pyjore në rajonin Aude. Pamjet me drone treguan një sipërfaqe të madhe të tokës të djegur pasi zjarri kaloi në një zonë që është një herë e gjysmë më e madhe se Parisi.

Zjarri, jo shumë larg kufirit me Spanjën dhe Detin Mesdhe, u përhap jashtëzakonisht shpejt, i nxitur nga erëra të forta, pas muajsh thatësire në zonë.

Zgjedhja e Kryetarit të Kuvendit të Kosovës duhet të bëhet nëpërmjet votimit të hapur dhe ky institucion duhet të Konstituohet brenda 30 ditësh. Ky ishte Vendimi i dhënë këtë të premte nga Gjykata Kushtetuese në Prishtinë ku shprehet qartë se një Kandidat për tu bërë Kryetar I Kuvendit mund të votohet deri në tri here.

Në vendimin e Gjykatës Kushtetuese të Kosovës, Institucionit më të lartë të vendit theksohet se Kyresuesi I Seancave Parlamentare  nga Lëvizja Vetëvendosje Avni Dehari ka shkelur kushtetutën me seancat e mbajtura nga data 27 qershor deri më 26 korrik. Gjykata Kushtetuese I shpalli këto seanca konstituive të pavlefshme.

Gjykata Kushtetuese e Kosovës ka urdhëruar kryesuesin e seancës konstituive të Kuvendit të Republikës së Kosovës të vazhdojë me pikën 3 të rendit të ditës së seancës konstituive, të miratuar më 8 prill 2025, dhe të “ftojë përfaqësuesin e grupit më të madh parlamentar për të propozuar kandidatin/en për kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në tre herë për kandidatin/en e njëjtë”.

Lëvizja vetëvendosje e Albin Kurtit e cila u shpall force e parë në zgjedhjet parlamentare të 9 shkurtit duhet të paraqesë Kandidatin e tyre për tu votuar në Kuvend.  Kjo force politike kishte propozuar deri më tani vetëm Albulena Haxhiun, e cila dështoi të bëhej kryetare e Kuvendit pas dhjetëra seanca votimesh.

Tashmë vendimi i Gjykatës Kushtetuese parashikon qartë se nëse një kandidat dështon të zgjidhet në tre seanca votimi, forca politike duhet të ndryshojë kandidatin e propozuar për kryetar të Kuvendit. Po ashtu Gjykata Kushtetuese në vendimin e publikuar këtë të premte thotë se gjatë procedures së zgjedhjes së Kryetarit apo kryetares si dhe nënkryetarit apo nënkryetares së Kuvendit, të pranishëm në votim duhet të jenë të gjithë deputetet.

Megjithatë për Vetëvendosjen e Albin Kurtit, është gjykata kushtetuese ajo që është në shkelje dhe jo partia e tij që gjithë këto muaj ka mbajtur të bllokuar Kuvendin. Në një reagim Vetëvendosje thotë se njoftimi I Gjykatës kushtetuese përbën një devijim të rrezikshëm nga roli I saj, pasi nuk ka qartësuar asgjë veccse që Gjykata ka tejkaluar kompetencat kushtetuese.

Për partinë e Kurtit Kushtetuesja ka zgjedhur arbitrarisht të shpikë rregulla dhe po ndërhyn në kompetencat e Kuvendit, duke cenuar rendin kushtetues. Madje Vetëvendosje pretendon se vendimi u dha I motivuar nga vendime partiake dhe se gjykata ka zgjedhur të mbajë anë duke shkelur parimet demokratike dhe duke sfiduar vullnetin popullor.

Vendimi I Kushtetueses cilësohet një fitore për Opozitën e Kosovës, e cila njëzëri tha se u shënua një fitore për shtetin e së drejtës dhe demokracinë. / abcnews.al /

Kina ka nisur një operacion “të plotë” shpëtimi pas përmbytjeve të rënda që goditën rajonin e Yuzhong, në provincën Gansu, duke shkaktuar të paktën 10 viktima dhe duke lënë 33 persona të zhdukur, ndërsa rreth 4,000 njerëz janë bllokuar.

Moti ekstrem filloi të enjten në mbrëmje, kur reshjet e shumta të shiut shkaktuan përmbytje në rajon. Në disa zona, reshjet arritën deri në 195 mm, pothuajse gjysma e mesatares vjetore.

Presidenti Xi Jinping ka urdhëruar ndërhyrje urgjente shpëtimi, duke theksuar rëndësinë e gjetjes dhe shpëtimit të personave të zhdukur, zhvendosjes së atyre në rrezik dhe rikthimit sa më shpejt të rrjetëve të komunikimit dhe transportit.

/ abcnews.al /

Shkencëtarët kanë gjetur prova të forta për ekzistencën e një planeti gjigant gazi në sistemin yjor më të afërt me sistemin tonë.

Shenjat u gjetën në sistemin yjor Alfa Centauri nga Teleskopi Hapësinor i fuqishëm James Webb.

Planeti pa jetë ndodhet në një distancë prej katër vitesh e gjysmë dritë dhe është një fqinj i afërt i Tokës në terma astronomikë. Edhe pse u zbulua që vitin e kaluar, planeti ishte zhdukur në vëzhgimet pasuese dhe astronomët duhet të kërkojnë përsëri për të vërtetuar plotësisht se ai ekziston.

Shkencëtarët janë veçanërisht të entuziazmuar për këtë zbulim për shkak të ngjashmërive midis yllit të ekzoplanetit dhe Diellit tonë.

Planeti do të ishte i ngjashëm me gjigantët e gazit që ndodhen në sistemin tonë diellor, Saturnin dhe Jupiterin dhe do të ishte i mbështjellë nga një re e trashë gazi.

Kjo do të thotë se ai është i pabanueshëm, por mund të ketë satelitë që janë të banueshëm, të ngjashme me hënat e Jupiterit.

Shkencëtarët aktualisht po shqyrtojnë këtë mundësi në misione të quajtura Europa Clipper dhe Juice.

Shenjat u gjetën në imazhe të drejtpërdrejta nga Teleskopi Hapësinor James Ëebb. Vëzhgimi ishte tepër sfidues edhe me teleskopin hapësinore më të fuqishëm në botë sepse bëhet fjalë për yje shumë të ndriitshëm që lëvizin shpejt nëpër hapësirë.

Këto yje krijojnë sasi të mëdha drite të ndritshme që mund të bllokojnë objektet e afërta. Kjo mund të jetë arsyeja pse planeti u zbulua një herë, në gusht 2024, por më pas u zhduk kur shkencëtarët e kërkuan përsëri.

Astronomët tani do të kërkojnë më shumë shenja të planetit dhe shpresojnë të përdorin një teleskop të ri të NASA, Teleskopin Hapësinor Roman Grace, i cili pritet të fillojë punën në vitin 2027. / ABCNEWS.AL /

Prej mesditës së sotme, rreth orës një vater zjarti ka përfshirë kodrat e fshatit Tragjas. Flakët, të ndihmuara nga era, janë përhapur me shpejtësi drejt malit, duke djegur shkurre, pemëtari, por edhe sipërfaqe pyjore të kësaj zone.

Më shumë se 25 efektivë të zjarrfikëses së Vlorës kanë ndërhyrë menjëherë, por Situata mbetet e vështirë për shkak të terrenit të thyer dhe vështirësive për të ndërhyrë nga toka. / abcnews.al /

Policia spanjolle kanë arrestuar 34-vjeçarin Juxhin Drazhi. Ai ishte shpallur në kërkim ndërkombëtar për trafik droge dhe grup kriminal në kuadër të operacionit Ura.

Drazhi u vu ne pranga në qytetin e Malagas. Ai  ishte pjesë e grupit të Elvis Doçit, i njohur si Visi i Pojës, kreu i nje grupi trafiku droge në Itali, qe vazhdon te jete ende ne kerkim. Nga ky operacion i zhvilluar pak muaj më parë u goditën tre grupe kriminale ndërsa u ‘firmosën’ mbi 50 masa sigurie për anëtarët.

Pritet që pas plotësimit të dokumenteve ligjore, Juxhin Drazhi të ekstradohet në vendin tonë.

/ ABCNEWS.AL /

Dhjetë persona kanë vdekur nga virusi i Nilit Perëndimor në Itali këtë vit, me raste të sëmundjes së përhapur nga mushkonjat të raportuara edhe në pjesë të tjera të Evropës. Ndërsa vera po nxehet, autoritetet shëndetësore i kanë paralajmëruar evropianët të ndërmarrin hapa për të parandaluar infektimin me virusin e Nilit Perëndimor. I përhapur nëpërmjet pickimit të mushkonjave të infektuara, virusi i Nilit Perëndimor infekton si njerëzit ashtu edhe zogjtë. Por në raste shumë të rralla, ai mund të transmetohet edhe nëpërmjet transfuzioneve të gjakut, transplanteve të organeve dhe qumështit të gjirit.

Emri i virusit daton që nga viti 1937, kur u shfaq për herë të parë në rajonin e Nilit Perëndimor të Ugandës. U prezantua në Shtetet e Bashkuara në vitin 1999 dhe që atëherë është përhapur gjerësisht në të gjithë globin, sipas Organizatës Botërore të Shëndetësisë (OBSH). Sot, gjendet zakonisht në Afrikë, Evropë, Lindjen e Mesme, Amerikën e Veriut dhe Azinë Perëndimore. Virusi i Nilit Perëndimor shpesh përhapet nga mesi i verës deri në fillim të vjeshtës në rajonet me mot më të ngrohtë. Hulumtimet kanë treguar se ndryshimi i klimës po përshpejton përhapjen e viruseve të transmetuara nga mushkonjat në Evropë. Përveç Italisë, këtë vit janë raportuar infeksione në Bullgari, Francë, Greqi dhe Rumani, sipas Qendrës Evropiane për Parandalimin dhe Kontrollin e Sëmundjeve (ECDC).

Virusi u zbulua gjithashtu te mushkonjat në Mbretërinë e Bashkuar për herë të parë në fillim të këtij viti. Shumica e njerëzve që janë të infektuar me virusin e Nilit Perëndimor nuk do të kenë simptoma. Por rreth një në pesë persona do të zhvillojnë virusin e Nilit Perëndimor, i cili shkakton dhimbje trupi, dhimbje koke, të vjella, lodhje, skuqje dhe ënjtje të gjëndrave limfatike. Rreth një në 150 persona të infektuar zhvillojnë një formë më serioze të sëmundjes që mund të shkaktojë komplikacione neurologjike, komë, dridhje, konvulsione, dobësi muskulore dhe paralizë. Sëmundja serioze mund të ndodhë tek njerëzit e çdo moshe, megjithatë, njerëzit mbi moshën 50 vjeç dhe disa persona me imunitet të kompromentuar janë në rrezikun më të lartë për t’u sëmurë rëndë kur infektohen me ËNV.

Nuk ka vaksinë ose trajtim specifik për njerëzit me virusin Nest Nile. Pushimi, lëngjet dhe ilaçet kundër dhimbjeve mund të ndihmojnë në lehtësimin e disa simptomave. Pacientët me një sëmundje neuro-invazive zakonisht shtrohen në spital dhe u jepen lëngje intravenoze dhe mbështetje respiratore ndërsa shërohen, tha OBSH. Pasi infektohen, njerëzit besohet se janë të mbrojtur nga virusi për gjithë jetën.

Egnatia vuan, por në fund merr një barazim të vyer pa gola në transfertën kundër Olimpija Ljubjanë, duke mbajtur gjallë shpresat për një vend në fazën e play off të Konferencë Ligës.

Në sfidën e vajtjes të raundit të tretë, kampionët e Shqipërisë bënë një ndeshje sakrifice, ndërsa kishin edhe fatin me vete.

Të besuarit e Edlir Tetovës e nisën mirë ndeshjen, por me kalimin e minutave i dhuruan topin dhe fushën të zotëve të shtëpisë.

Sllovenët ishin më kërkues, por mbrojtja e Egnatias mbajti, ndërsa pjesa e parë u mbyll me rrjeta të paprekura.

Pas pushimit, Olimpija rriti presionin, ndërsa momenti më deçiziv i ndeshjes u regjistrua në minutën e 67-të.

Arbitri u tregua bujar me 11-metërshin e akorduar për vendasit, pas një ndërhyrje të Sotës brenda zonës.

Por nga pika e penalltisë, Tam gaboi, duke lënë rezultatin të padryshuar.

Edhe minutat e fundit të ndeshjes do të ishin dramatike.

Në limitet e kohës së rregullt Fangaj u ndëshkua me karton të kuq, ndërsa në shtesën e gjatë arbitri sinjalizoi një tjetër 11-metërsh për sllovenët.

Por sistemi VAR korrigjoi vendimin e gabuar, duke anuluar shansin e fundit për gol në këtë sfidë.

Në fund vetëm 0-0, një barazim që i vlen më shumë Egnatias, që të enjten e ardhshme do të luajë në shtëpi sfidën e kthimit për të synuar një kualifikim historik në play off e Konferencë Ligës.

Kur gjithcka dukej thuajse gati për një takim mes Donald Trump dhe Vladimir Putin, një pengesë e re mund të ndryshojë gjithcka.

Sipas disa mediave ndërkombëtare, presidenti amerikan I ka vendosur kusht homologut të tij rus në mënyrë që të dy të kenë mundësinë të flasin përballë.

Sipas NYT, që citon një zyrtar të Shtëpisë së Bardhë, Trump do të pranojë një takim me Putin vetëm nëse presidenti rus pranon  të flasë me homologun e tij ukrainas Volodymyr Zelensky.

Ndërkohë Politico, që po ashtu citon një zytrat amerikan që foli në kushte anonimiteti, thotë se Putin duhet të takohet fillimisht me Zelenskyn, në mënyrë që të sigurojë një takim me Donald Trump.

Zhvillimet e reja vijnë pasi Kremlini kishte konfirmuar takimin mes dy liderëve që supozohet të mbahet në ditët në vijim. Presidenti rus Vladimir Putin tha se takimi mund të mbahet në Emiratet e Bashkuara, teksa nuk e hodhi poshtë mundësinë e një takimi me Zelenskyn.

Ky I fundit e kishte kërkuar më herët takimin me homologun e tij rus, duke theksuar se gjëja më e rëndësishme e momentit është që Moska të ndërmarrë hapa konkretë për t’I dhënë fund luftës.

Takimi mes Presidentit Amerikan Donald Trump dhe Presidentit Rus Vladimir Putin do të ishte I pari mes dy liderëve që prej kur Trump mori mandatin e dytë. Nëse skenari I një takimi tri palësh do të realizohej, kjo do të shënonte gjithashtu herën e parë që Putin dhe Zelensky do të ishin përballë njëri tjetrit që prej vitit 2019. Shancet që Takimi Trump Putin të sjellë mbylljen e Luftës në Europën Lindore janë të pakta sipas asaj që thonë ekspertët e çështjeve ndërkombëtare dhe diçka e tillë lidhet me faktin se Moska dhe Kievi kanë kërkesa shumë të ndryshme.