Dashi

Jeta juaj ne çift do jete mjaft e animuar gjate kësaj dite. Do ja kaloni për mrekulli pranë atij qe dashuroni dhe nuk do keni me çfarë te kërkoni tjetër prej tij. Beqaret duhet te reflektojnë njëqind here para se te pranojnë ftesat qe do iu bëhen. Jo te gjithë personat janë ashtu si duken. Qielli yjor do jete i qete për sa iu përket financave. Nuk priten as probleme dhe as vështirësi.

Demi

Gjate gjithë ditës se sotme do reflektoni për te ardhmen e jetës suaj ne çift ne mënyrë qe me pas te merrni edhe vendimet e duhura. Beqaret do kenë mbështetjen e Venusit, planetit te dashurisë. Shume gjera do ndryshojnë sot për ta. Nëse e neglizhoni sektorin e financave dhe kryeni shpenzime te pamenduara, situata mund te përkeqësohet me shume sesa e keni menduar.

Binjaket

Nuk do keni as vështirësi dhe as probleme gjate kësaj dite ne jetën tuaj ne çift. Përkundrazi do i shtoni dozat e komunikimit dhe do flisni për çdo gjë me partnerin. Edhe beqaret do kenë një dite te bukur dhe me disa takime te veçanta. Shume shpejt jeta do ndryshoje rrënjësisht për ta. Financat do jene te mbrojtura. Mund te kryeni te gjitha shpenzimet e domosdoshme.

Gaforrja

Nëse doni qe lidhja juaj ne çift te jete me e forte dhe te vazhdoje për shume kohe, duhet te dini te toleroni dhe te hapni rruge. Jo gjithmonë duhet te dale e juaja. Beqaret qe kane njëfarë moshe do jene me fat, te tjerët do duhet ende te presin edhe pak kohe. Financat do jene te qëndrueshme fale perkujdesit qe keni treguar kohet e fundit.

Luani

Do keni një nevoje te tejskajshme për qetësi ne jetën tuaj ne çift sot. Për këtë duhet te flisni me partnerin. Ai do ua plotësojë dëshirën. Beqaret nuk do kenë ne humorin e duhur për te kërkuar princin e kaltër dhe do mbeten serish vetëm. Gjithsesi kjo nuk do i shqetësojë aspak. Sektori i financave do jete goxha i trazuar. Kujdes me çdo hap qe do hidhni.

Virgjeresha

Çastet romantike do jene te shumta gjate kësaj dite për ju te dashuruarit. Emocionet do jene te fuqishme dhe shpesh do iu duket vetja si ne ëndërr. Beqaret do fiksohen keq pas dikujt dhe nuk do mendojnë aspak se çfarë do thonë te tjerët. Financat duhet t’i mbani me patjetër ne një gjendje te qëndrueshme. Mos jepni hua dhe hiqni dore nga shpenzimet e panevojshme.

Peshorja

Ka shume mundësi qe ambienti ne çift te jete i zymte gjate kësaj dite dhe shpesh te bini ne melankoli. Nuk do ndodhe asgjë emocionuese sikurse ju e prisnit. Beqaret do e forcojnë edhe me shume shoqërinë me dike qe kane njohur para disa kohesh dhe do mendojnë te kalojnë ne një tjetër etape. Ne planin financiar do jeni me fat dhe çdo gjë qe doni do iu plotësohet.

Akrepi

Do merrni bekimin e yjeve sot ne planin sentimental dhe emocionet do jene te njëpasnjëshme. Do ndiheni me se miri. Beqaret do përballen me surpriza te këndshme. Shume gjera kane për te ndryshuar ne jetën e tyre. ne planin financiar do korrni ato qe keni mbjelle. Nëse keni shpenzuar kuturu pa menduar për ta ardhmen situata do jete e trazuar.

Shigjetari

Do keni shume dyshime për partnerin tuaj gjate kësaj dite dhe do shihni me vëmendje çdo veprim qe ai do beje. Do bënit mire qe te ruanit qetësinë dhe te mos nxitoheni te debatoni me te. Beqaret do kenë një dite te bukur dhe plot takime interesante. Për financat do kujdeseni me shume de kurrë. Do e dini mire sa te shpenzoni dhe çfarë te bëni qe situata te përmirësohet.

Bricjapi

Mos kërkoni me shume sesa duhet nga partneri juaj sot, por mundohuni edhe ju te jepni me tepër nga vetja. Beqaret do jene ata qe do kenë me tepër fat dhe do e gjejnë me ne fund personin qe kane kërkuar prej kaq shume kohesh. Ne planin financiar do jeni te detyruar te bëni paksa ekonomi sepse situata mund te dale tërësisht jashtë kontrollin ne rast te kundërt.

Ujori

Do keni disa debate te vogla sot me atë qe keni ne krah, megjithatë gjithçka do rregullohet sa hap e mbyll sytë. Si ju ashtu dhe partneri do i pranoni gabimet dhe do dini te kërkoni falje. Beqaret do ndihen mire ashtu si janë dhe nuk do kërkojnë asgjë me shume sesa aq. Edhe pse te ardhurat do jene te mira nuk duhen kryer shpenzime marramendëse.

Peshqit

Dita e sotme do jete e mrekullueshme për te dashuruarit. Ne disa momente pasioni do jete i zjarrte dhe emocionet do arrijnë kulmin. Beqaret do kenë veten dëshirë për aventura kalimtare kështu qe gjithçka do iu realizohet. Ne planin financiar nuk duhet te tregoheni impulsive. gabimi me i vogël mund t’iu kushtoje rende.

The post Horoskopi 6 Gusht, ja çfarë kanë parashikuar yjet për ju appeared first on Albeu.com.

Biznesmeni Sokol Meqemeja, është liruar nga akuzat e ngritura ndaj tij lidhur me ndërtimin pa leje të një TEC-i në Delvinë. Meqemeja ishte shpallur në kërkim, si i dyshuar për veprat penale “ndërtim i paligjshëm” dhe “pushtim i tokës”

Në dëshminë e dhënë në komisariat pasi u vetëdorëzua biznesmeni është shprehur:

“Ka qenë një keqkuptim i ushqyer nga informacione dashakeqe. Impianti është pjesë integrale e procesit të filtrimit të gazit dhe nuk ka asnjë lidhje me prodhimin e energjisë.”

Ai ka deklaruar po ashtu se të gjitha dokumentet ligjore, teknike dhe mjedisore janë në rregull dhe se ndërtimi i impiantit është bërë me dijeninë e plotë të autoriteteve përkatëse. Biznesmeni është shprehur se ata që ngritën alarmin kanë dashur të dëmtojnë imazhin e tij mbi pretendime të pavërteta.

Ndërkohë policia pas inspektimit në terren, konfirmoi se objekti në fjalë nuk ishte një TEC, siç ishte dyshuar fillimisht, por një impiant pastrimi gazi, pjesë përbërëse e puseve aktive të nxjerrjes së gazit natyror. Edhe kompania “Delvina Gas Company menjëherë pas njoftimit të policisë, deklaroi se Impianti i Pastrimit nuk është TEC, por është pjesë integruese e pusit të gazit në Vendburimin e Delvinës. Sipas kompanisë, ngritja e impianteve të gazit në territorin e koncesionit është një e drejtë e ligjshme, që asaj i buron nga kontrata koncesionare, që ka me shtetin shqiptar.

The post U shpall në kërkim para disa ditësh për një impiant gazi në Delvinë, vetëdorëzohet në polici biznesmeni Sokol Meqemeja appeared first on Albeu.com.

Pas përfundimit të edicionit të këtij viti të Festivalit Sunny Hill, këngëtarja me famë botërore Dua Lipa ka zgjedhur të kalojë pushimet e saj verore në jugun piktoresk të Shqipërisë.

Pas një performance të zjarrtë në natën e parë të festivalit, që mblodhi artistë ndërkombëtarë dhe dashamirës të muzikës nga e gjithë bota, Dua ka ndarë me ndjekësit e saj një moment relaksi nga riviera shqiptare.

Në një postim në Instagram, ajo ka publikuar një fotografi mahnitëse të bregdetit shqiptar, ku shfaqet një perëndim dielli mbi ujërat kristal të detit Jon. “Arrita në shtëpi me kohë për këtë perëndim të mrekullueshëm të diellit”, ka shkruar ajo në foto, duke reflektuar emocionin dhe lidhjen me vendin e origjinës.

Dua Lipa prej vitesh është një ambasadore e rivierës së Shqipërisë, por edhe Kosovës. Përmes muzikës së saj, intervistave në mediat ndërkombëtare dhe përkushtimit për promovimin e trashëgimisë kulturore, ajo ka ndihmuar në rritjen e imazhit të vendeve tona në skenën botërore.

Përveç se ka folur shqip në shumë emisione ndërkombëtare dhe ka përfaqësuar me krenari identitetin e saj, Dua së fundmi mori nga Presidentja Vjosa Osmani edhe shtetësinë e Kosovës me dekret presidencial, përveç asaj shqiptare dhe britanike që gëzon prej më herët.

The post “Arrita në shtëpi”, Dua Lipa nis pushimet në jug të Shqipërisë pas “Sunny Hill” appeared first on Albeu.com.

Kryebashkiaku Ermal Dredha ka reaguar pas përmbytjes së qendrës dhe disa nga akset rrugore në qytetin e Vlorës.

Reshjet e dendura të shiut të cilat pushtuan jugun e Shqipërisë pasditen e sotme shkaktuan përmbytje masive në Vlorë duke shkaktuar bllokim të qarkullimit si dhe probleme serioze për bizneset në disa zona.

Dredha njofton se tashmë situata është nënkontroll dhe se rrugët e qytetit janë kthyer në normalitet të plotë.

“Pas reshjeve intensive të shiut, brenda më pak se 2 orësh, rrugët e qytetit janë kthyer në normalitet të plotë, falë angazhimit të menjëhershëm të Ujësjellësit dhe të gjitha ekipeve të bashkisë! Puna vazhdon për pastrimin e të gjithë territorit!”

The post Reshjet e dendura të shiut përmbytën Vlorën, reagon Ermal Dredha: Ekipet e bashkisë në terren, brenda 2 orëve situata u kthye në normalitet appeared first on Albeu.com.

Bashkia e Kamzës ka dalë në një reagim publik në lidhje me një lajm i cili ka qarkulluar ditën e sotme se oborri i shkollës 9-vjeçare “Ibrahim Basha” dhe “trualli” pranë Qendrës Shëndetësore është mbjellë me misër.

Përmes një reagimi zyrtar, Bashkia Kamëz sqaron se pretendimet janë të pavërteta dhe se ambienti brenda shkollës nuk është përdorur në asnjë moment për qëllime private.

“Fotoja e publikuar në media nuk i përket ambientit të shkollës, por një prone private, jashtë rrethimit të institucionit”, shkruhet në reagim ndërsa bën thirrje që qytetarët e interesuar të shkojnë të verifikojnë në terren.

Reagimi i plotë:

Reagim publik në lidhje me lajmin e publikuar ku pretendohet se “oborri i shkollës ‘Ibrahim Basha’ është mbjellë me misër” dhe se “trualli pranë Qendrës Shëndetësore është pushtuar për interesa private”, sqarojmë se pretendimet janë të pavërteta.

Ambienti brenda rrethimit të shkollës dhe Qendrës Shëndetësore administrohet vetëm nga institucionet përkatëse dhe nuk është përdorur në asnjë moment për qëllime private.

Fotoja e publikuar në media nuk i përket ambientit të shkollës, por një prone private, jashtë rrethimit të institucionit. Bashkia Kamëz është e angazhuar në çdo moment në administrimin dhe mbrojtjen e hapësirave publike, duke garantuar që asnjë ambient i dedikuar për institucionet të mos keqpërdoret apo shfrytëzohet në mënyrë të paligjshme.

Ftojmë çdo media dhe qytetar të interesuar të verifikojë në terren gjendjen reale të ambienteve në fjalë dhe të mos bjerë pre e informacionit të pasaktë.

The post “Shkolla “Ibrahim Basha” mbillet me misër”, Bashkia Kamëz përgënjeshtron lajmet: S’është e vërtetë, toka në foto është jashtë ambientit të institucionit appeared first on Albeu.com.

Të paktën gjashtë persona kanë humbur jetën dhe disa të tjerë janë plagosur si pasojë e sulmeve ruse në veri-lindje dhe jug të Ukrainës. Nga ana tjetër, katër persona të tjerë u vranë në territoret e pushtuara të Luhanskut, pas bombardimeve të ushtrisë ukrainase.

Fillimisht, sulmet ruse goditën infrastrukturën hekurudhore në qytetin Lozova, në rajonin e Harkivit. Sipas autoriteteve lokale, dy persona humbën jetën dhe katër të tjerë u plagosën, ndërsa dëme të mëdha u regjistruan në disa ndërtesa. Sipas gazetarëve të AFP-së në terren, dëmet përgjatë linjës hekurudhore ishin të mëdha, përfshirë vagonë të shkatërruar dhe ndërtesa me dritare të thyera.

Presidenti ukrainas Volodymyr Zelensky konfirmoi se 10 persona u plagosën në këtë sulm, mes tyre edhe dy fëmijë.

Një tjetër sulm rus u regjistrua mëngjesin e sotëm pranë qytetit Sumy, ku sipas guvernatorit lokal dy persona vdiqën dhe disa të tjerë u plagosën kur u godit një kompleks bujqësor në komunitetin Pishchane. Operacionet e kërkim-shpëtimit janë ende në vijim.

Ndërkohë, forcat ajrore të Ukrainës njoftuan se kanë rrëzuar 29 dronë të tipit Geran-2, një variant rus i dronëve iranianë Shahed, gjatë natës në veri-lindje të vendit.

Në jug-lindje të Ukrainës, në rajonin Zaporizhia, dy persona humbën jetën nga një sulm me dron rus, sipas autoriteteve lokale.

Nga ana tjetër, në territoret e kontrolluara nga Rusia në rajonin e Luhanskut, katër punëtorë të një kompanie ujësjellësi humbën jetën nga bombardimet ukrainase, sipas udhëheqësit pro-rus Leonid Pasechnik. Ai shtoi se dy persona të tjerë janë plagosur dhe janë shkaktuar dëme në objekte të naftës.

Sipas një analize të AFP-së bazuar në të dhëna zyrtare nga Ukraina, vetëm në muajin korrik, Rusia ka përdorur 6,297 dronë në sulmet e saj, shifra më e lartë që nga fillimi i luftës në shkurt 2022.

The post Vazhdojnë bombardimet në Ukrainë, 10 të vdekur në territoret e pushtuara të Luhanskut appeared first on Albeu.com.

Presidentja e Kosovës, Vjosa Osmani, e ka pranuar të martën një letër nga presidenti i Shteteve të Bashkuara të Amerikës, Donald Trump, në të cilën ai e “falënderoi atë për përkushtimin dhe miqësinë” ndaj SHBA-së dhe shprehu dëshirën për të thelluar bashkëpunimin në vitet që vijnë, njoftoi Presidenca e Kosovës.

Trump shkroi në letër, sipas njoftimit, se vendimi i Kosovës për të pranuar shtetas nga shtete të tjera tregon “gatishmërinë e fortë” të saj për të bashkëpunuar me Shtetet e Bashkuara dhe se “lidershipi në këtë çështje tregon fuqinë dhe dhembshurinë e popullit të Kosovës”.

Në qershor, Qeveria në detyrë e Kosovës njoftoi se do të ofronte mbrojtje të përkohshme për 50 njerëz nga shtetet e treta, në kuadër të bashkëpunimit me Shtetet e Bashkuara.

Departamenti amerikan i Shtetit konfirmoi për REL-in në qershor se vendet e rajonit të Ballkanit janë përfshirë në kontaktet brenda një strategjie më të gjerë amerikane për dëbimin e shtetasve të huaj pa status të rregulluar.

Në letrën e tij, sipas Presidencës së Kosovës, Trump shtoi se “Shtetet e Bashkuara dhe Kosova ndajnë një lidhje të thellë, të bazuar në respektin e ndërsjellë, vlera të përbashkëta demokratike dhe një vizion për një të ardhme paqësore dhe prosperuese. Përkushtimi juaj për forcimin e kësaj lidhjeje nuk ka kaluar pa u vërejtur, dhe jam i bindur se së bashku do të vazhdojmë të avancojmë qëllimet tona të përbashkëta”.

Sipas njoftimit, Trump e ka falënderuar Osmanin “për lidershipin tuaj të guximshëm dhe për faktin që qëndroni si një mike e vërtetë e Shteteve të Bashkuara. Mezi pres të punojmë së bashku me ju në vitet që vijnë”.

Gjatë një vizite në Shtetet e Bashkuara në korrik, presidentja Osmani tha se Kosova është shumë e interesuar për një lloj të ri marrëdhënieje me SHBA-në, që do të bazohet më shumë në interesat ekonomike, dhe ka veçuar energjinë, mbrojtjen dhe teknologjinë informative si fusha kyçe për zhvillim të përbashkët.

Ndërkohë, më 1 gusht, Qeveria në detyrë e Kosovës e hoqi tarifën prej 10 për qind ndaj mallrave amerikane.

Osmani tha pas vendimit, në një postim në X iu drejtua Trumpit dhe popullit amerikan, se Kosova “është partnerja juaj e besueshme në përpjekjet për ta bërë Amerikën dhe aleatët e saj të fuqishme, të sigurt dhe më prosperuese”./REL

The post Trump i dërgon letër presidentes Osmani, e falënderon për përkushtimin në marrëdhëniet mes dy vendeve appeared first on Albeu.com.

Presidentja zvicerane Karin Keller-Sutter thuhet se është përpjekur ta sjellë në vete Presidentin e SHBA-së Donald Trump në mosmarrëveshjen për tarifat në një bisedë telefonike.

Siç raporton media gjermane Die Welt, nga Uashingtoni mbërriti një mesazh me tekst: “Ndërpriteni këtë telefonatë, përndryshe situata do të përkeqësohet.” Dy minuta më vonë, telefonata midis Zvicrës dhe SHBA-së përfundoi.

Sipas raportit, Presidentja Federale në fakt kishte arritur një sukses të pjesshëm në muajt paraprakë: Pasi Trump vendosi tarifa ndëshkuese prej 31 përqind ndaj Zvicrës më 2 prill, ajo të paktën arriti të arrinte një shtyrje – deri më 1 gusht.

Sekretariati Shtetëror për Çështjet Ekonomike filloi më pas negociatat me qeverinë amerikane. Brenda tre javësh, Këshilli Federal paraqiti një mandat zyrtar negociues: tarifa prej 10 përqind dhe investime zvicerane në SHBA deri në 200 miliardë franga zvicerane.

Trump caktoi dy herë një mbledhje të kabinetit për të nënshkruar marrëveshjen. Dy herë ajo u anulua. Kur u pyetën për këtë, ministrat amerikanë u përgjigjën: “Për aq sa dimë, keni bërë përparim të konsiderueshëm në negociata; ne do t’ju mbajmë të informuar.”

Thuhet se Keller-Sutter këmbënguli për një telefonatë tjetër me Donald Trump. Në orën 8 të mbrëmjes më 31 korrik, Presidentja zvicerane priti rreth dhjetë minuta për të folur me Trump.

Pas një shkëmbimi të shkurtër vërejtjesh të sjellshme, ata filluan punën. Trump e bëri të qartë pa mëdyshje se e konsideronte të pamjaftueshme një tarifë prej 10 përqind, duke marrë parasysh një deficit tregtar prej 39 miliardë dollarësh të shkaktuar nga nëntë milionë qytetarë zviceranë. Ai po kërkon një tarifë dukshëm më të lartë.

Presidentja zvicerane vazhdoi të përpiqej të shpjegonte veten – Trump i hodhi poshtë argumentet e saj si “moraliste” dhe nisi një tarifë të shtuar: 30 përqind.

Pas rreth 30 minutash, Sekretarja e Shtetit Helene Budliger mori një mesazh nga Uashingtoni. Mesazhi ishte i qartë: biseda duhej të ndërpritej përpara se të dilte jashtë kontrollit. Pasi telefonata mbaroi, Keller-Sutter i shpalli negociatat për çështjen X si të dështuara. Dy orë më vonë, Presidenti Federal mori lajme shkatërruese nga Uashingtoni: tarifa prej 39 përqind për Zvicrën.

The post “Ndërpriteni këtë telefonatë, përndryshe situata do të përkeqësohet” / Ja çfarë ndodhi gjatë bisedës mes presidentes së Zvicrës dhe Trump appeared first on Albeu.com.

Kush zyrtar abuzon me fondet e shtetit apo favorizon në tendera pa garë reale, mund t’ia hedhë pa u lagur me ndryshimet e kërkuara në Kodin Penal. Jo vetëm propozohet ulja e masës së dënimit me 3 vite më pak krahasuar me kodin aktual për ata funksionarë publikë që kryejnë veprime ose mosveprime në shkelje të ligjit, por rindërtimi i fjalive shton paqartësinë e gjykimit ku duhet vërtetuar qëllimi kriminal për nenin e shpërdorimit të detyrës apo qëllimi i përfitimit në dispozitën e shkeljes së barazisë në tendera.

Juristët kritikojnë se këto ndryshime të propozuara rrezikojnë të prodhojnë një klimë pandëshkueshmërie në sektorin publik në një kohë kur flitet se prioritet është lufta kundër korrupsionit.

“Shpërdorimi i detyrës është një dispozitë blanket që në formulimin që është në fuqi neni 248 është një thes i madh e quajmë ne avokatët që mund të interpretosh shumë shkelje të një zyrtari dhe parashikon një masë më të lartë deri në 7 vite burgim për ata që kanë vepruar ose s’kanë vepruar në kundërshtim me ligjin. Ky nen në mendimin tim do kishte nevojë për saktësime por jo për një tregim që e bën edhe më të paqartë. Vetë fakti të parashikimit të një dënimi më të ulët në draftin e ri përcakton një lehtësim në vetvete për personat e çuar para drejtësisë”, -shprehet avokati Altin Kaziaj.

“Vepra penale e shpërdorimit të detyrës ka nevojë për një rikonfigurim se praktikisht sot është shndërruar në një nen që dënon çdo lloj veprimi ose mosveprimi të zyrtarëve, por loja e fjalëve që kanë bërë në tekst nuk e zgjidh situatën. Për shembull thuhet ‘qëllimi kriminal”, kur kjo është pjesë thelbësore e analizës së ekzistencës ose jo të veprës penale. Ndërhyrja është jo e saktë, jo e plotë, për mua do të sjell keqësim dhe rritje të subjektivitetit të zbatimit të ligjit me këto çështje”, -shprehet Jaordan Daci.

Procedimet e deritanishme për abuzimet me tenderat nuk duhet të klasifikohen të gjitha vepra penale, sipas konstitucionalistit Jordan Daci. Reforma në vlerësimin e tij është e nevojshme, ku zgjidhjen nuk e sheh detyrimisht te prangosja.

“Ka shumë shkelje që nuk trajtohen si penale e ka shumë të tjera që nuk janë e trajtohen si të tilla. Kjo ka bërë që një zyrtar sot të ketë frikë të marr vendime sepse për shkak të një subjektivizmi masiv që mbizotëron dhe një dëshire që shoqëria ka për të parë gjithë zyrtarët në burg, praktikisht çdo shkelje kthehet në vepër penale e dënohet. Duhet një kod penal i cili duke bërë që burgu të jetë alternativa e fundit, duke bërë që Shqipëria të pasurohet nga gabimet e tyre, të shpaguhet. Për mua kjo do ishte mënyra më efektive. Se çdokush që bën vepër penale bën një shumë të madhe parash e bën me qejf një periudhë të caktuar burgu. Por nëse kjo do përkthehej dhe në humbje të asaj shume e sigurt që do e mendonin shumë herë para se ta bënin”, -shton Daci.

Për avokatin Altin Kaziaj, hiqen përgjegjësitë aty ku duhen përcaktuar me objektivitet dhe shtohen masat represive në lirinë e fjalës apo në kurriz të profesionistëve. “Drafti në tërësinë e vetë është skandaloz, i keqshkruar e mund të jetë marr nga vende totalitare siç mund të jetë Turqia ose Rusia se nuk ka mundësi që një hartues i Kodit Penal të ngarkojë me përgjegjësi edhe aty ku s’ka”-shton Kaziaj.

Ekspertët parashikojnë të ardhmen e errët nëse kodi penal ndryshon në bazë të këtij drafti që e cilësojnë një makth dhe regres të drejtësisë. “Gafat edhe konceptet e futura në kod janë në kufijtë e marrëzisë, këtu do rritesh keqbesimin në institucione apo rriten masat e shtrëngimit ndaj individit. Këto bien ndesh me parimet bazë, ata që do zbatojnë këtë kod do duhet të kthehen dhe njëherë në shkollë edhe librat të ndryshojnë”, -përfundon Daci.

The post Kodi i ri dënon më pak korrupsionin! Juristët sulmojnë draftin: Burgu, opsioni i fundit appeared first on Albeu.com.

Një incident i rëndë është regjistruar pasditen e sotme në Greqi ku një traget është përmbysur 10 minuta pas nisjes së tij nga porti.

Anija e cila operonte në itinerarin Nea Stira–Agia Marina u nis nga porti me 105 pasagjerë dhe 9 anëtarë të ekuipazhit.

Menjëherë pas raportimit të ngjarjes, tre anije të Rojës Bregdetare, një anije tjetër që transportonte pasagjerë dhe disa mjete private u angazhuan për të ndihmuar në operacionin e shpëtimit. Fatmirwsisht tw gjithw njerzit u nxorwn nga uji nw gjendje tw mirw shwndetwsore.

Autoritetet detare kanë nisur një hetim për të përcaktuar shkaqet e incidentit dhe për të garantuar sigurinë e udhëtimeve në këtë itinerar.

The post Ngjarje e rëndë në Greqi! Trageti me 105 pasagjerë mbytet 10 minuta pasi u nis nga porti appeared first on Albeu.com.

Ekipi më i lartë i diskutuarit e kryeministrit izraelit, Benjamin Netanyahu do të bëjë mbi vendimin për pushtimin e Gazës së plotë. Më herët sot, Netanyahu zhvilloi një takim të sigurimit të tre-orësh, ku peshoi opsionet në territor. Raportet sugjerojnë se takimi do të mbushet në orën 18:00, me ambiente lokale.

Lidhur me këtë zhvillime, ka reaguar edhe shefi i Hezllahut, i cili në një faqe ka kërcënuar faqen Izraelin. Naim Qassem tha se grupi militant dhe ushtria libaneze, e cila nuk është pjesë e Hezbollahut , do të mbrojnë veten nëse Izraeli angazhohet në agresion në shkallë të gjerë.

“Kjo mbrojtje do të çojë në rënie që ka të bëjë me sigurimin e entitetit të izraelit dhe të gjithë sigurinë që ka gjatë një ore”, shtoi ai.

Pasi Hamasi sulmoi Izraelin më 7 tetor 2023, Hezbollahu hapi zjarr ndaj pozicioneve izraelite, duke deklaruar solidaritet me palestinezët. Por më e madhe e komandës së Hezbollahut u dërrua nga Izraeli, i cili dërgoi trupa në jug të Libanit pas gati një viti sulmesh tregtare.

Në javët e fundit, SHBA-të dhe Libani – qeveria e saj është e ndarë nga Hezbollahu – kanë qenë në bisedime mbi një plan veprimi për çarmatosjen e Hezbollahut. Kjo do të ishte në këmbim të ndërprerjeve të sulmeve nga Izraeli dhe tërheqjes së trupave të tij nga pesë pika në Libanin jugor. Propozimi fillon te nje kusht qeveria e Libanit te miratuar nje vendim kabineti qe zotohej te çarmatoste grupin. Publikisht, Hezbollahu ka refuzuar të dorëzojë arsenalin e tij të plotë, por grupi privatisht ka konsideruar zvogëlimin e tij.

The post Netanyahu diskuton të enjten me kabinetin planin për pushtimin e Gazës/ Shefi i Hezbollahut kërcënon Izraelin: Siguria që kanë ndërtuar do të shembet brenda një ore appeared first on Albeu.com.

Një tjetër aksident rrugor ka ndodhur pasditen e sotme në autostradën Lushnje-Fier. Sipas informacioneve, në aksidentin e ndodhur në kryqëzimin e Savrës janë përfshirë dy automjete.

Bëhet me dije se një automjet tip Volkswagen ka tentuar të kalojë në anën tjetër të rrugës dhe është përplasur nga një mjet tip ‘Benz’.

Si pasojë kanë mbetur të lënduar dy drejtuesit e makinave dhe janë dërguar në spital për të marrë ndihmë mjekësore. Policia ndodhet në vendin e ngjarjes për të zbardhur shkaqet e aksidentit.

Pak orë më parë një aksident i pesëfishtë ndodhi në këtë autostradë, ku dy persona mbetën të plagosur dhe u dërguan po ashtu në spital.

The post Aksident tjetër në autostradën Lushnje-Fier, përplasen dy automjete, lëndohen dy drejtuesit appeared first on Albeu.com.

“Asi” i Guangzhou FC, Jasir Asani, njoftoi transferimin e tij në Iran në mes të sezonit. Klubi Esteghlal njoftoi përmes faqes zyrtare se: “Ne kemi nënshkruar një kontratë 18- mujore me Asanin.”

Kontrata e Asanit me klubin e tij aktual, Guangzhou FC, skadon në janar të vitit të ardhshëm. Megjithatë, Esteghlal shtoi se po punojnë me Guangzhou FC për të siguruar që Asani t’i bashkohet ekipit sa më shpejt të jetë e mundur. Esteghlal është një klub prestigjioz, me nëntë tituj kampion dhe shtatë kupa në historinë e tij. Gjithashtu, ai ka bërë vazhdimisht paraqitje të mira në Ligën e Kampionëve të Konfederatës Aziatike të Futbollit (AFC).

Asani iu bashkua Guangzhou FC përpara sezonit 2023 dhe tërhoqi shpejt vëmendjen e tifozëve me goditjet e tij karakteristike me të majtën dhe depërtimet e shpejta. Ai ishte veçanërisht kërcënues nga distanca dhe në goditjet standarde, duke i dhënë gjallëri sulmit të Guangzhou FC-së. Në Ligën e Kampionëve AFC Elite (ACLE) 2024–25, të mbajtur në mars, ai luajti në dhjetë ndeshje, duke shënuar nëntë gola dhe duke dhënë një pasim për gol, çka e çoi skuadrën në çerekfinale.

Asani bëri transferimin duke përfituar nga rregulli “Bosman”, i cili u lejon lojtarëve të negociojnë lirisht me klube të tjera gjashtë muaj para skadimit të kontratës së tyre. Për shkak të situatës financiare të Guangzhou FC, pritej që Asani të transferohej te Yokohama F. Marinos në Japoni këtë verë, por ai zgjodhi të qëndrojë. Lajmi i papritur i transferimit, së bashku me mundësinë e largimit të tij të parakohshëm gjatë sezonit, ishte një tronditje për tifozët e Guangzhou FC-së.

Në Korenë e Jugut, disa e panë vendimin si zhgënjyes. “Asi” i skuadrës, Asani, sipas tyre, i zhgënjeu tifozët duke shpallur transferimin e tij ndërkohë që kontrata e tij ishte ende e vlefshme. Një burim i brendshëm i klubit korean tha: “Situata midis Esteghlalit dhe Asanit është e rrallë në futboll. Kur një lojtar transferohet, të dy klubet zakonisht bien dakord ta njoftojnë njëkohësisht në një moment të caktuar. Ose, zakonisht është klubi ‘mëmë’ që e bën njoftimin. Ky njoftim nga Esteghlal për transferimin e Asanit tregon mungesë respekti për Guangzhou FC-në.”

Vetë Guangzhou FC deklaroi: “Asani premtoi të qëndronte me ekipin nëse nuk do të transferohej deri në periudhën shtesë të regjistrimit të lojtarëve (24 korrik), por ai e tradhtoi besimin. Ne konfirmuam përmes rrjeteve sociale se Esteghlal dëshironte që ai të bashkohej më herët, por asgjë nuk është vendosur ende.” Një zyrtar i klubit korean përmblodhi situatën: “Nuk ka pasur ende kontakt me Esteghlalin. Nëse ata dëshirojnë që Asani të transferohet para kohe, do të duhet të zhvillohen negociata për një tarifë transferimi. Por përpara kësaj, vendimi i trajnerit është thelbësor. Ne do të vendosim nëse Asani do të luajë pjesën e mbetur të sezonit apo jo. Lojtarët aktualisht janë me pushime. Do të takohemi me trajnerin për të shqyrtuar situatën aktuale.”

The post Firmosi në Iran, Jasir Asani rrezikon të përfundojë në tribunë appeared first on Albeu.com.

Princ Leka dhe Blerta Celibashi po shijojnë disa ditë pushimi së bashku, larg zhurmës së jetës publike. Çifti së fundmi ka pushuar nën shoqërinë e njëri-tjetrit ne mës të detit, në një jaht luksoz.

Blerta ka ndarë një fotografi të veçantë, ku vëmendjen e marrin qindra trëndafila që e rrethojnë.

Një gjest romantik nga ana e Princit, që duket se ka zgjedhur t’i shprehë dashurinë në mënyrën më të ëmbël.

Me këtë gjest, Princ Leka konfirmon edhe një herë se lidhja e tij me Blertën është e fortë dhe plot ndjenja të sinqerta.

The post FOTO/ Romancë mbretërore në det! Princ Leka nuk kursehet për Blertën, i mbulon jahtin luksoz me trëndafila appeared first on Albeu.com.

Kolegji Zgjedhor do të shqyrtojë më 13 gusht, në orën 10:00, ankimimin e Shqipëria Bëhet. Kjo forcë politike ka ankimuar vendimin e Komisionit të Ankimeve dhe Sanksioneve, që i dha mandatin e deputetes, kandidates së parë në listën e mbyllur, Ana Dajko. Shqipëria Bëhet kërkon nga Kolegji Zgjedhor që të njihen dorëheqjet e kandidatëve të listës së mbyllur dhe mandati t’i kalojë kandidatit më të votuar në listën e hapur, Adriatik Lapaj, njëkohësisht drejtuesit të kësaj force politike.

Më 30 korrik, Komisioni i Ankesave dhe Sanksioneve rrëzoi kërkesën e subjektit “Shqipëria Bëhet” që të njihte dorëheqjet e listës së mbyllur nga kandidimi. Në këtë mënyre mandati do t’i kalonte Adriatik Lapajt si më i votuari në listën e hapur. KAS është shprehur në shpalljen e vendimit se akti i dorëheqjeve të kandidatëve nga lista e mbyllur është një akt i pavlefshëm nga ana ligjore dhe nuk mund të merret në konsideratë. Ndërkohë KAS njoftoi se mandati i deputetit të “Nisma Shqipëria Bëhet” në qarkun e Tiranës, do t’i kalojë kandidatës, Ana Dajko.

Ky mandat deputeti është bërë shkak dhe për përplasjet mes koalicionit zgjedhor “Nisma Shqipëria Bëhet”. Dy partitë “Shqipëria Bëhet” dhe “Nisma Thurje” kishin rënë dakord që deputet do të bëhej kandidat ai që merrte më shumë vota nga lista e hapur. Ndërsa ata që ishin në listën e mbyllur do të jepnin dorëheqjen. Ndërkohë, mosmarrëveshjet shpërthyen pasi kandidati i Nismës Thurje në listën e mbyllur në Tiranë, Zeqir Kordhoni tha se nuk do të tërhiqej nga mandati.

Pas disa ditësh akuzash të ndërsjella mes Lapajt dhe Endri Shabanit, daja i këtij të fundit u tërhoq nga mandati dhe kështu KQZ i dha Kleana Xhuvelit. Disa ditë para se të bëhej ndarja e mandanteve, Xhuveli vendosi “të tërhiqte dorëheqjen” e saj të mëparshme. Përmes një letre zyrtare drejtuar KQZ, ajo thoshte se ky vendim vjen pas një rishqyrtimi të plotë të rrethanave dhe një konsultimi të gjerë me mbështetësit, familjen dhe strukturat e angazhimit politik.

The post “Mandati t’i kalojë Lapajt”, Kolegji Zgjedhor shqyrton më 13 gusht ankimimin e Shqipëria Bëhet për vendimin e KAS appeared first on Albeu.com.

Qyteti bregdetar i Vlorës është përballur pasditen e kësaj të mërkure me stuhi dhe reshje te forta shiu, të cilat kanë nisur papritur dhe kanë zënë në befasi pushuesit që kanë zgjedhur jugun.

Siç shihet dhe nga kjo foto, rrugët janë bërë gati të pakalueshme për shkak të intensitetit të lartë të reshjeve dhe sasisë së madhe të ujit që ka përfunduar në rrugë, ndërsa edhe fushëpamja është e kufizuar.

Pamje nga zona historike e Vlores
Problematike situata ka qenë në lagjet “Pavarësia”, “Skelë” dhe “Transballkanike”, ka pasur vështirësi në qarkullimin e mjeteve për shkak të prezencës së ujit në rrugë, por edhe trafikut të rënduar nga lëvizja e menjëhershme e pushuesve dhe banorëve vendas.

Rruga “Albano Romina” është përmbytur dhe niveli i ujit nga stuhia e fuqishme ka shkuar deri ne 30 centimetra. Kjo është një nga zonat më problematike, e cila përmbytet sapo nisin reshjet e shiut.

The post Stuhi me reshje të forta shiu në Vlorë, pushuesit “ia mbathin” nga plazhi, rrugët bëhen “gjol” appeared first on Albeu.com.

Gjykata e Apelit në Tiranë ka shtyrë për ditën e nesërme vendimin për masat e sigurisë ndaj zyrtarëve dhe ish-zyrtarëve të arrestuar për evazionin fiskal të kompanisë së naftës “Bankers Petroleum”.

Prokuroria ka kërkuar arrest me burg për 10 zyrtarët dhe ish-zyrtarët e “Bankers Petroleum”. Ish-drejtori Leonidha Çobo e drejtori aktual i kompanisë Hongping Xiao së bashku me zyrtarë të tjerë të kësaj kompanie, akuzohen për evazion fiskal dhe pastrim parash. Seanca u zhvillua me dyer të mbyllura për shkak të natyrës së çështjes dhe kërkesës së palëve për ruajtje të konfidencialitetit.

Përfaqësuesit e ambasadës kineze në Tiranë, që ndodheshin në ambientet e jashtme të Apelit për të ndjekur nga afër procesin, nuk janë lejuar të marrin pjesë në seancë. Arsyeja për këtë është ndjeshmëria e lartë e çështjes. 10 zyrtarë dhe ish-zyrtarë të kompanisë mes tyre dhe ish-drejtori Leonidha Çobo e drejtori aktual i kompanisë Hongping Xiao, kërkuan ndryshimin e masës së “arrestit me burg”.

Drejtuesi i Bankers Hongping Xiao dhe ish-drejtori i përgjithshëm, Leonidha Çobo, u arrestuan nën akuzat e mashtrimit, pastrimit të parave dhe abuzimit me detyrën ndërsa katër persona u shpallën në kërkim.

Sipas prokurorisë, drejtuesit e Bankers akuzohen se kanë fryrë shpenzimet e kompanisë përmes transferimit të parave në palë të lidhura apo me kontrata të dyshimta, gjë që ka sjellë nxjerrjen e kompanisë më humbje dhe mospagesën e tatimit mbi fitimin në buxhetin e shtetit. Sipas ligjit aktual, kompanitë e naftës mundet të arrijnë marrëveshje me autoritetet shqiptare me qëllim që të nxjerrin naftë në operacione private, por në këtë rast, tatimi mbi fitimin është në masën 50%.

Që nga themelimi në vitin 2004, kompania ka shitur naftë me vlerë 532 miliardë lekë ndërsa ka deklaruar shpenzime në masën 684 miliardë lekë, duke i shtyrë prokurorët të pyesin se cili është motivimi që pronarët e kompanisë vijojnë operacionet kur kompania del në vijimësi me humbje si dhe të ngrenë dyshime nëse pronarët, të cilët mbeten të panjohur, kanë gjetur mënyra alternative për të transferuar fitimet nga kompania.

The post Çështja “Bankers”/ Prokuroria kërkoi arrest me burg për 10 zyrtarë dhe ish-zyrtarë, Gjykata e Apelit shtyn për nesër vendimin appeared first on Albeu.com.

Një aksident i rëndë raportohet se ka ndodhur pasditen e sotme në autostradën Fier-Lushnje. Mësohet se në aksident janë përfshirë persë makina.

Si pasojë e përplasjes bëhet me dije se dy persona janë plagosur.

Gjithashtu dy personat e lënduar janë dërguar në spitalin e Lushnjes.

Ndërkohë policia e qarkullimit po devijon trafikun në një kalim rruge dytësore.

The post Aksident në autostradën Fier-Lushnje/ Pesë automjete të përfshira, raportohet për dy persona të plagosur appeared first on Albeu.com.

Presidentja e Kosovës, Vjosa Osmani ka njoftuar se ka tërhequr kërkesën që kishte dorëzuar në Gjykatën Kushtetuese lidhur me konstituimin e Kuvendit. Ajo tha se këtë vendim e ka marrë pasi gjyqtar i si i rastit ishte caktuar gjyqtari Radomir Laban, një person që sipas Osmanit përbën rrezik kombëtar.

“Sot e kam tërhequr zyrtarisht kërkesën e paraqitur më 22 korrik. Vendimi vjen pasi mora konfirmimin se Radomir Laban është caktuar raportues – një person për të cilin institucionet e sigurisë kanë dhënë informacione shqetësuese në vitet 2018, 2021 dhe 2024,” – u shpreh Osmani në një konferencë për media.

Ajo shtoi se përfshirja e Labanit në këtë rast përbën rrezik për sigurinë kombëtare dhe bie ndesh me parimet kushtetuese të vendit.

Radomir Laban është anëtar i Gjykatës Kushtetuese që nga viti 2018, i propozuar nga Lista Serbe dhe i emëruar nga ish-presidenti Hashim Thaçi. Në të njëjtin vit, ai ishte shpallur fajtor për marrje ryshfeti nga një gjykatë serbe dhe ishte dënuar me gjashtë vjet burg. Edhe pse Serbia kërkoi arrestimin e tij përmes EULEX-it, kjo nuk ndodhi, pasi misioni pretendoi se nuk kishte mandat për një veprim të tillë.

Presidentja Osmani theksoi se përfshirja e një personi me të kaluar problematike në një çështje kaq të ndjeshme rrezikon seriozisht integritetin e institucioneve dhe vetë procesin kushtetues.

The post Moskonstituimi i Kuvendit, Osmani tërheq kërkesën e bërë në Gjykatën Kushtetuese: Më vendosën një gjyqtar serb! appeared first on Albeu.com.

Ditën e mërkurë vendi ynë do të ndikohet nga kushte atmosferike relativisht të qëndrueshme.

Moti parashikohet i kthjellët e me vranësira mesatare e hera-herës deri të dendura në orët e mesditës në relievet malore në verilindje e juglindje.

Vranësirat do të shoqërohen me reshje shiu me intensitet të ulët në zonën lindore të vendit, kryesisht në relievet malore, ndërsa pjesa tjetër e territorit parashikohet pa reshje.

Temperaturat maksimale do të arrijnë deri në 36 gradë celcius, ndërsa ato minimale në 14 gradë celcius.

Era do të fryjë me drejtim verilindje – veriperëndim me shpejtësi mesatare 7m/s, ndërsa në zonat luginore dhe përgjatë vijës bregdetare hera-herës do të fitojë shpejtësi 7-14m/s.

Valëzimi në det do të jetë i forcës 1-3 ballë.

The post Parashikimi i motit për ditën e nesërme, ja çfarë pritet të ndodhë me temperaturat appeared first on Albeu.com.