TEL AVIV, 9 korrik /ATSH-DPA/-  Ushtria izraelite tha sot se kishte sulmuar dhe shkatërruar pozicionet e Hezbollahut, në territorin libanez në kuadër të operacioneve speciale dhe të shënjestruara.

“Në disa zona të Libanit jugor, zyrtarët e inteligjencës identifikuan armë dhe infrastrukturë terroriste – që i përkisnin milicisë pro-iraniane”, tha ushtria.

Një operacion në kreshtën malore Jabal Balat thuhet se zbuloi depo armësh dhe disa pozicione të Hezbollahut, të cilat u shkatërruan.

Gjatë një operacioni tjetër, ushtarët zbuluan armë të fshehura – duke përfshirë mitralozë dhe pajisje shpërthyese – si dhe një depo nëntokësore armësh në terrenin pranë Labbuneh-ut.

Izraeli dhe Hezbollahu ranë dakord për një armëpushim, në nëntor të vitit të kaluar pas disa muajsh sulmesh ndërkufitare – që u përshkallëzuan me pushtimin izraelit në Libanin jugor.

Pavarësisht armëpushimit, forcat ajrore të Izraelit kanë vazhduar të sulmojnë objektiva në Liban, pothuajse çdo ditë.

Sipas marrëveshjes, Hezbollahu pranoi të tërhiqej pas lumit Litani, i cili shtrihet rreth 30 kilometra në veri të kufirit.

Izraeli ka akuzuar milicinë për shkelje të kërkesës – në mënyrë të përsëritur.

Sipas IDF-së, qëllimi i operacioneve më të fundit speciale në territorin libanez – ishte të parandalohej përgjithmonë Hezbollahu nga rigrupimi në rajon – duke shkatërruar infrastrukturën e milicisë. //a.i/

The post TEL AVIV – Ushtria izraelite sulmon pozicionet e Hezbollahut në Libanin jugor appeared first on Agjencia Telegrafike Shqiptare.

BEJRUT, 7 korrik /ATSH-AFP/ – Udhëheqësi i Hezbollahut, Naim Qassem tha sot se grupi i tij nuk do të dorëzohej ose nuk do të lëshonte armët në përgjigje të kërcënimeve izraelite, pavarësisht presionit ndaj militantëve libanezë për t’u çarmatosur.

Fjalimi i tij erdhi përpara një vizite sot nga i dërguari i SHBA-së, Thomas Barrack – gjatë së cilës autoritetet libaneze pritet t’i përgjigjen një kërkese për të çarmatosur Hezbollahun deri në fund të vitit.

Udhëheqësit libanezë që erdhën në detyrë pas luftës Izrael-Hezbollah, vitin e kaluar – janë zotuar vazhdimisht për një monopol shtetëror për mbajtjen e armëve, ndërsa kërkojnë që Izraeli të respektojë armëpushimin e nëntorit që synonte t’i jepte fund armiqësive.

Qassem, i cili pasoi udhëheqësin e hershëm Hassan Nasrallah – i  cili u vra nga një sulm izraelit në shtator – tha se luftëtarët e grupit nuk do t’i braktisnin armët e tyre duke shtuar se “agresioni” i Izraelit duhej të ndalej, së pari.

Ushtria izraelite ka vazhduar të zërë pozicione në Liban dhe të sulmojë vendin pavarësisht armëpushimit të nëntorit, duke thënë se po synon vendet e Hezbollahut dhe duke akuzuar Bejrutin se nuk po bën mjaftueshëm për të çarmatosur grupin.

Agjencia zyrtare e Lajmeve e Libanit njoftoi dje një seri sulmesh izraelite në jug dhe lindje të vendit – një ditë pasi autoritetet thanë se një person ishte vrarë dhe gjashtë të tjerë ishin plagosur – në sulmet izraelite në jug.

Më vonë, ushtria izraelite konfirmoi se kishte kryer sulme në luginën lindore të Bekaas dhe në jug – duke argumentuar se kishte shënjestruar vendndodhjet ushtarake dhe sistemet e armëve të Hezbollahut. /Ad.Ab/ /a.i/

The post LIBAN – Kreu i Hezbollahut: Nuk do të dorëzohemi pavarësisht kërcënimeve izraelite appeared first on Agjencia Telegrafike Shqiptare.

Që nga kohërat e lashta, rajoni i gjerë që ne e quajmë Lindja e Mesme ka formuar urën midis Azisë Perëndimore dhe Jugore, Afrikës dhe Evropës. Si qendra e revolucionit bujqësor neolitik – në “Gjysmëhënën Pjellore” midis Eufratit, Anadollit juglindor, Gjirit Persik dhe Mesdheut lindor – ai ishte shporta origjinale e bukës së njerëzimit, ku […]

The post Lufta dhe transformimi në Lindjen e Mesme appeared first on Reporter.al.

Ministri i Mbrojtjes i Izraelit, Israel Katz, ka paralajmëruar grupin libanez Hezbollah që të jetë i kujdesshëm, duke shtuar se durimi i Izraelit ndaj “terroristëve” që e kërcënojnë është shteruar.

Në një postim në X, Katz ka thënë se Hezbollahu do të zhduket nëse organizata terroriste nga Libani sulmon Izraelin në mbështetje të Iranit.

“Sekretari i përgjithshëm i Hezbollahut nuk po nxjerr mësim nga paraardhësit e tij dhe po kërcënon të veprojë kundër Izraelit në përputhje me urdhrat e diktatorit iranian. Unë sugjeroj që përfaqësuesi libanez të jetë i kujdesshëm dhe të kuptojë se Izraeli e ka humbur durimin me terroristët që e kërcënojnë. Nëse do të ketë terrorizëm, nuk do të ketë Hezbollah”, shkruan Katz.

Hezbollahu është shpallur grup terrorist nga Shtetet e Bashkuara. Ndërkaq, Bashkimi Evropian ka në listën e zezë krahun ushtarak të grupit libanez, por jo edhe partinë politike.

Kreu i Hezbollahut, Naim Qassemi, tha një ditë më parë se grupi libanez do të veprojë si ta vlerësojë, në dritë të asaj që e quajti “agresion brutal izraelito-amerikan” kundër Iranit.

Në një deklaratë tjetër të bërë javën e kaluar, Hezbollahu nuk bëri ndonjë zotim të qartë lidhur me bashkimin me Iranin në konfliktin kundër Izraelit.

Ky grup libanez bën pjesë në të ashtuquajturin “Bosht i Rezistencës” – një rrjet i bashkëpunëtorëve rajonalë të Iranit, ku përfshihen grupe milicie, por edhe Hamasi, grupi palestinez i shpallur organizatë terroriste nga SHBA-ja dhe BE-ja.

Hezbollahu dhe Izraeli zhvilluan një luftë njëvjeçare, që përfundoi me një armëpushim të arritur në nëntor të vitit të kaluar. Por, pavarësisht armëpushimit, Izraeli vazhdon të kryejë sulme ndaj caqeve të Hezbollahut në Liban.

LEXONI GJITHASHTU:

• Netanyahu: Rënia e regjimit në Iran nuk është qëllimi jonë, por mund të ndodhë
• Programi bërthamor i Iranit/ Ministrat e jashtëm evropianë mblidhen sot në Gjenevë

The post Izraeli paralajmëron grupin libanez: Nëse do ketë terrorizëm, nuk do ketë Hezbollah appeared first on Euronews Albania.

Konflikti ushtarak që po përshkallëzohet me shpejtësi midis Izraelit dhe Iranit përfaqëson një përplasje ambiciesh. Irani synon të bëhet një fuqi bërthamore, ndërsa kryeministri izraelit Binyamin Netanyahu dëshiron të mbahet mend si udhëheqësi që përfundimisht pengoi programin bërthamor iranian, të cilin ai e sheh si një kërcënim ekzistencial për mbijetesën e Izraelit. Të dyja këto […]

The post Lufta e ambicies së madhe e Izraelit appeared first on Reporter.al.

Forcat Ajrore Izraelite thanë se kanë goditur objekte nëntokësore të përdorura nga Hezbollahu për të prodhuar dhe ruajtur dronë në periferi të Bejrutit dhe në Libanin jugor. Udhëheqësit libanezë thanë se sulmi ajror minon armëpushimin e rënë dakord në nëntor pas më shumë se një viti sulmesh ndërkufitare dhe një pushtimi tokësor nga Izraeli. Ushtria […]

The post Ushtria izraelite sulmon objektet nëntokësore të Hezbollahut në Liban appeared first on BoldNews.al.

Pas muajsh dhune sektare, rrëmbimesh dhe përplasjesh ndërkufitare, gjëja e fundit që i duhet qeverisë së re të Sirisë është një fqinj që nxit tensione. Por kjo është ajo që po bën Izraeli, ndërsa ngre baza ushtarake në “zonën tampon” të demilitarizuar të vendeve, godet baza ushtarake dhe vret zyrtarë të sigurisë – të gjitha […]

The post Strategjia e rrezikshme e Izraelit në Siri appeared first on Reporter.al.

Kjo zor se mund të quhet një epokë e artë për diplomacinë. Një armëpushim – e lëre më një paqe e qëndrueshme – midis Rusisë dhe Ukrainës mbetet një mundësi e largët dhe as Izraeli dhe as Hamasi nuk duket se e shohin një armëpushim afatgjatë në Gazë si përparësi. E vetmja pikë e ndritshme […]

The post Mos e përjashtoni ende një marrëveshje bërthamore SHBA-Iran appeared first on Reporter.al.

Kreu i bllokut parlamentar të Hezbollahut, Mohammed Raad, ka bërë thirrje për unitet më të fortë kombëtar dhe një qëndrim më të fortë përballë “agresionit” izraelit dhe i bëri thirrje qeverisë libaneze të ndërmarrë “hapa praktikë” për të ndaluar sulmet ndaj vendit.

Komentet e tij erdhën pasi forcat izraelite goditën Bejrutin më herët sot, pavarësisht nga një armëpushim i brishtë që hyri në fuqi vitin e kaluar pas 13 muajsh lufte midis Izraelit dhe grupit libanez.

Raad tha se Hezbollahu nuk e ka shkelur armëpushimin dhe se shteti “duhet të përmbushë detyrën e tij për të penguar armikun”.

Qeveria nuk ka “autoritet ekskluziv” mbi vendimet në lidhje me luftën, tha ai, duke shtuar se është e paaftë të mbrojë Libanin më vete.

“Kushdo që mendon se rezistenca i përket të shkuarës, gabon,” tha ai.

BEJRUT, 7 shkurt /ATSH-DPA/ – Lëvizja Hezbollah, e mbështetur nga Irani, nuk duhet të luajë asnjë rol në qeverinë e re të Libanit, tha sot zëvendësja e të dërguarit special të SHBA për Lindjen e Mesme.

“Ne kemi vendosur vija të qarta të kuqe në Shtetet e Bashkuara se Hezbollahu nuk duhet të jenë në gjendje të terrorizojnë popullin libanez dhe kjo përfshin të qenit pjesë e qeverisë”, tha Morgan Ortagus, pas takimit me presidentin Joseph Aoun në Bejrut.

Ortagus falënderoi Izraelin për fitoren mbi Hezbollahun në konfliktin e fundit, i cili pa një pushtim tokësor izraelit në Libanin jugor, në fund të shtatorit.

Një armëpushim hyri në fuqi në fund të nëntorit dhe u zgjat kohët e fundit, me Hezbollahun që do të tërhiqej nga Libani jugor dhe forcat izraelite për t’u tërhequr.

Ortagus ripohoi se planet për një tërheqje izraelite që fillon më 18 shkurt duhet të mbeten në fuqi.

Ajo shprehu gjithashtu mirënjohjen e saj për kryeministrin e caktuar të Libanit, Nawaf Salam, i cili synon të formojë një qeveri pa pjesëmarrjen e Hezbollahut.

Libani ka vuajtur nga paraliza politike gjatë dy viteve të fundit dhe është qeverisur nga një administratë e përkohshme.

Partitë politike të ndara të vendit ishin në gjendje të bien dakord për kandidaturën e Aoun si president në janar, por formimi i një qeverie është më i ndërlikuar nga rregullat në lidhje me pjesëmarrjen e grupeve të ndryshme fetare në vend.

Hezbollahu ka vepruar prej kohësh si shtet brenda shtetit, duke luajtur një rol dominues në politikën libaneze.

Stabiliteti politik nevojitet urgjentisht për të trajtuar problemet ekonomike dhe sociale të Libanit./ a.jor.

The post BEJRUT – SHBA kundërshton pjesëmarrjen e Hezbollahut në qeverinë libaneze appeared first on Agjencia Telegrafike Shqiptare.

Eksportet e armëve serbe në Izrael arritën në 42 milionë euro në vitin 2024, ndërsa Beogradi shpërfilli akuzat e përhapura për krime lufte izraelite në Gazë dhe thirrjet nga ekspertët e të drejtave të njeriut të Kombeve të Bashkuara për ndalimin e dërgimit të armëve vdekjeprurëse, raportojnë BIRN dhe Haaretz. Shifra prej 42.3 milionë eurosh […]

The post Pavarësisht pretendimeve për krime lufte, Serbia shton shitjen e armëve në Izrael appeared first on Reporter.al.

Afati i fundit për tërheqjen izraelite nga Libani jugor skadoi herët të dielën, por trupat do të mbeten në disa zona pasi Izraeli thotë se një marrëveshje armëpushimi me Hezbollahun nuk është zbatuar plotësisht.

Marrëveshja 60-ditore , e cila u ndërmjetësua nga SHBA dhe Franca dhe i dha fund konfliktit 14 muajsh, përcaktoi tërheqjen e trupave izraelite nga Libani jugor dhe largimin e luftëtarëve dhe armëve të Hezbollahut prej andej, shkruan BBC.

Në të njëjtën kohë, mijëra ushtarë libanezë do të dislokoheshin në zonën ku, për dekada, Hezbollahu ka qenë forca dominuese.

Ky është testi i parë i madh për presidentin e ri libanez, shefin e ushtrisë Joseph Aoun, i cili dëshiron të sjellë stabilitet në vend.

Të shtunën, zyra e tij tha se “kontaktet dhe konsultimet intensive” vazhduan për të adresuar situatën në jug, duke përfshirë “praktikat e rrezikshme izraelite”.

Nuk është e qartë se si Hezbollahu do të përgjigjet, por çdo rifillim i armiqësive ka të ngjarë të përballet me kundërshtime të forta në vend.

Konflikti u përshkallëzua shtatorin e kaluar, me një fushatë intensive ajrore izraelite në të gjithë Libanin, me vrasjen e udhëheqësve të lartë të Hezbollahut dhe me një pushtim tokësor të Libanit jugor.

Ofensiva vrau rreth 4,000 njerëz në Liban – duke përfshirë shumë civilë – dhe çoi në zhvendosjen e më shumë se 1.2 milion banorëve./abcnews.al

Në fjalimin e tij të parë pasi u betua si president i Libanit, Joseph Aoun u zotua se shteti do të ketë një monopol mbi armët në vend.

Por David Wood, analist i lartë i Grupit Ndërkombëtar të Krizave për Libanin, thotë se qeveria libaneze nuk do të jetë në gjendje të heqë armët e Hezbollahut kundër vullnetit të grupit.

“Shteti libanez nuk mund të çarmatosë realisht Hezbollahun pa bashkëpunimin e Hezbollahut,” tha Wood për Al Jazeera.

Ndërsa Hezbollahu ka rënë dakord të përfundojë praninë e tij ushtarake në jug të lumit Litani pranë kufirit izraelit, si pjesë e marrëveshjes së armëpushimit të ndërmjetësuar në nëntor, grupi ka këmbëngulur se nuk do të heqë dorë plotësisht nga armët.

“Me kalimin e kohës, Hezbollahu mund të shohë një interes për të bashkëpunuar ngushtë me ushtrinë në drejtim të çmontimit të infrastrukturës së saj ose rishikimit të propozimeve të dekadave më parë për të integruar në fakt Hezbollahun dhe luftëtarët e tij dhe armët e tij në ushtri,” tha Wood.

Por ai shtoi se një lëvizje e tillë nuk mund t’i detyrohet grupit nga qeveria libaneze sepse Hezbollahu ka përfaqësim në parlament dhe në institucionet shtetërore të Libanit dhe ai ka ende njëfarë fuqie ushtarake.

Ambasadori i Izraelit në Kombet e Bashkuara, Danny Danon, i ka paralajmëruar për “herë të fundit” rebelët Huthi që t’i ndalin sulmet raketore kundër Izraelit, duke thënë se ata rrezikojnë ta përjetojnë fatin e njëjtë “mizor” sikurse Hamasi, Hezbollahu dhe Bashar al-Assadi i Sirisë, nëse ngulin këmbë.

Danon gjithashtu e paralajmëroi Iranin, i cili i mbështet Huthit, se Izraeli ka aftësi për ta goditur çdo shënjestër në Lindjen e Mesme, përfshirë në Iran.

Disa orë pas fjalimit të tij të hënën në mbrëmje, ushtria izraelite njoftoi se e rrëzoi një raketë të shkrepur nga Jemeni, e cila bëri që sirenat të binin në gjithë vendin.

Rebelët Huthi i sulmuan aeroportin “Ben Gurion” afër Tel Avivit dhe një stacion të energjisë elektrike në jug të Jerusalemit duke përdorur një raketë balistike hipersonike dhe një raketë balistike Zulfiqar, përkatësisht, tha të martën zëdhënësi ushtarak i grupit, Yahya Saree.

Sulmet ndaj Izraelit nuk do të ndalen, tha Mohamed Ali al-Houthi, kreu i komitetit suprem revolucionar i Huthit, pasi ushtria izraelite njoftoi për sulmet raketore.

“Bombardimi i entitetit [Izraelit] po vazhdon, siç po vazhdon edhe mbështetja për Gazën”, shkroi ai në platformën X.

Danon, duke iu drejtuar Këshillit të Sigurimit të OKB-së, deklaroi se Izraeli nuk do t’i tolerojë sulmet e mëtejshme nga rebelët Huthi.

“U them rebelëve Huthi, mbase ju nuk i keni kushtuar vëmendje asaj që ndodhi në Lindjen e Mesme gjatë vitit të fundit”, tha Danon.

“Epo, më lejoni t’jua kujtoj se cfarë ka ndodhur me Hamasin, Hezbollahun dhe Assadin, me të gjithë ata që u përpoqën të na shkatërrojnë. Lë të jetë ky paralajmërimi i fundit për ju. Ky nuk është kërcënim. Ky është premtim. Ju do ta përjetoni fatin e njëjtë mizor”, tha Danon.

Javën e kaluar, kryeministri i Izraelit, Benjamin Netanyahu, i paralajmëroi rebelët Huthi se Izraeli “sapo ka filluar”, pas sulmeve izraelite ndaj disa objektivave të lidhura me Huthit në Jemen, përfshirë aeroportin e Sanaas, portet në bregun perëndimor të vendit dhe dy termocentrale.

Kreu i Organizatës Botërore të Shëndetësisë, Tedros Adhanom Ghebreyesus, tha se ishte duke u përgatitur për të hipur në një avion në aeroport kur ai u sulmua nga Izraeli. Ai shtoi se një anëtar i ekuipazhit të avionit u plagos.

Izraeli i vrau liderët kryesorë të grupit palestinez Hamas dhe grupit libanez Hezbollah, si dhe i shkatërroi strukturat e tyre ushtarake gjatë viteve së fundit. Eliminimi i tyre së bashku me rënien e regjimit të Assadit në Siri përfaqësojnë fitore monumentale për kryeministrin izraelit Netanyahu.

Huthit gjithashtu kanë kryer sulme ndaj anijeve tregtare në korridorin e Detit të Kuq, për, siç thonë ata, të treguar solidariteti me palestinezët në Gazë.

Rebelët Huthi kanë i sulmuar rreth 100 anije tregtare me raketa dhe dronë që nga fillimi i luftës mes Izraelit dhe Hamasit në Rripin e Gazës në tetor 2023, e cila nisi pas sulmit të papritur të Hamasit në jug të Izraelit, ku vranë 1.200 njerëz dhe u rrëmbyen 250 të tjerëve.

Lufta hakmarrëse e Izraelit në Gazë prej atëherë i ka lënë të vdekur mbi 45.000 palestinezë, sipas zyrtarëve shëndetësorë palestinezë. Hamasi është i shpallur organizatë terroriste nga Shtetet e Bashkuara dhe Bashkimi Evropian./REL

The post Izraeli i paralajmëron rebelët Huthi për mundësinë e një fundi si ai i Hamasit dhe Hezbollahut appeared first on Sot News | Lajme.

Trupat izraelite gjetën dhe shkatërruan një tunel nëntokësor më shumë se 300 metra të gjatë të përdorur nga forcat Radwan të Hezbollahut si një strehë terroriste, njoftoi IDF.

Ushtria izraelite tha se e zbuloi tunelin gjatë operacioneve në Libanin jugor. IDF ka nisur një seri sulmesh që synojnë të parandalojnë që armët të bien në duart e Hezbollahut, i cili ka sulmuar Izraelin për më shumë se një vit përpara se të miratohej një armëpushim muajin e kaluar.

Ushtria deklaroi se të gjitha armët u konfiskuan dhe u shkatërruan, së bashku me vetë tunelin, shkruan yahoonews.

Siç raportohet, Forca paqeruajtëse e Kombeve të Bashkuara në Liban (UNIFIL) bëri thirrje të enjten që forcat izraelite të tërhiqen nga Libani jugor, duke pretenduar se Izraeli kishte shkelur kushtet e marrëveshjes së armëpushimit të 27 nëntorit me Hezbollahun e mbështetur nga Irani.

Ndryshe, Izraeli dhe Hezbollahu ranë dakord për një armëpushim 60-ditor të ndërmjetësuar nga SHBA-ja që kërkon një tërheqje ushtarake izraelite pas më shumë se një viti lufte, në përputhje me një rezolutë të Këshillit të Sigurimit të OKB-së të vitit 2006 që i dha fund konfliktit të tyre.

Sipas marrëveshjes, luftëtarët e Hezbollahut duhet të largohen nga pozicionet në Libanin jugor dhe të lëvizin në veri të lumit Litani, së bashku me një tërheqje të plotë izraelite nga jugu.

Deklarata e UNIFIL-it tërhoqi vëmendjen ndaj asaj që tha se ishte shkatërrimi i vazhdueshëm nga forcat izraelite të zonave të banuara, tokës bujqësore dhe infrastrukturës në Libanin jugor.

“UNIFIL vazhdon të kërkojë tërheqjen në kohë të Forcave të Mbrojtjes të Izraelit dhe vendosjen e Forcave të Armatosura Libaneze (në vend të Hezbollahut) në Libanin jugor, krahas zbatimit të plotë të Rezolutës 1701 si një rrugë gjithëpërfshirëse drejt paqes”, thuhet në deklaratë.

Dy ish-agjentë të inteligjencës izraelite kanë zbuluar sesi anëtarët e grupit militant shiit libanez Hezbollah, përdorën radiolidhjet izraelite të mbushura me eksploziv për 10 vjet përpara se të shpërthenin në një sulm të befasishëm në shtator të këtij viti.

Dy ish-agjentët e Mossad-it i thanë US CBS News se si shërbimi mashtroi Hezbollahun të blinte mijëra radiolidhje të manipuluar dhe pejxherë pa e kuptuar se ato ishin prodhuar në Izrael, transmeton Telegrafi.

Dhjetra njerëz u vranë dhe mijëra u plagosën në sulmet. Izraeli tha se ishte krijuar për të synuar vetëm anëtarët e Hezbollahut, por civilë ishin në mesin e viktimave, thanë zyrtarët libanezë. Shefi i OKB-së për të drejtat e njeriut e quajti sulmin një krim lufte.

Në kohën e sulmit, Izraeli dhe Hezbollahu po luftonin një konflikt i cili ishte përhapur që kur Hezbollahu qëlloi në pozicionet izraelite një ditë pas sulmit të paprecedentë të Hamasit në Izraelin jugor më 7 tetor 2023.

Më 17 shtator 2024, mijëra pejxherë shpërthyen njëkohësisht në të gjithë Libanin, kryesisht në zonat me një prani të fortë të Hezbollahut.

Shpërthimet plagosën ose vranë përdorues dhe disa njerëz aty pranë, duke përhapur panik dhe konfuzion. Të nesërmen, radiolidhjet shpërthyen në të njëjtën mënyrë, duke vrarë dhe plagosur qindra të tjerë.

Kryeministri izraelit Benjamin Netanyahu pranoi se Izraeli ishte përgjegjës dy muaj më vonë, raportuan mediat izraelite në atë kohë. Në një intervistë, dy ish-agjentët zbuluan detaje të operacionit.

Një nga agjentët, me emrin Michael, tha se Mossad kishte fshehur një pajisje shpërthyese brenda baterive që përdornin radiolidhjet, të cilat ai tha se zakonisht do të mbaheshin në një jelek më afër zemrës së përdoruesit.

Ai tha se Hezbollahu kishte blerë pa dashje mbi 16,000 radiolidhje, me “një çmim të mirë” nga një kompani e rreme 10 vjet më parë.

“Ne kemi një sërë mundësish të pabesueshme për të krijuar kompani të huaja që nuk mund të gjurmohen në Izrael”, tha Michael.

“Ne krijojmë një botë të pretenduar. Ne jemi një kompani globale prodhimi. Ne shkruajmë skenarin, jemi regjisorët, producentët, ne jemi aktorët kryesorë dhe bota është skena jonë”, shtoi ai.

Operacioni u zgjerua dy vjet më parë për të përfshirë pejxherët, i tha CBS-së.

Mossad zbuloi se në atë kohë Hezbollah po blinte pejxherë nga një kompani tajvaneze e quajtur Gold Apollo. Ajo ngriti një kompani të rreme e cila përdorte emrin Gold Apollo në pejxherët e montuar me eksploziv, pa e kuptuar kompania mëmë.

CBS tha se Mossad vendosi eksplozivë në brendësi të mjaftueshme për të dëmtuar vetëm përdoruesin.

“Ne testojmë çdo gjë trefish, dyfish, shumë herë në mënyrë që të sigurohemi se ka dëm minimal”, tha agjenti i dytë, të cilin programi e quajti Gabriel.

Ai tha se Mossad zgjodhi në mënyrë specifike një zile që do të tingëllonte mjaft urgjente që dikush të kontrollonte mesazhin në hyrje.

Gabriel tha se agjencia mashtroi Hezbollahun që të blinte pejxherët, të bënte filma reklamues dhe broshura dhe t’i shpërndante ato në internet.

“Kur ata blejnë nga ne, ata nuk kanë asnjë të dhënë se po blejnë nga Mossad,” tha ai.

“Ne bëjmë si filmin Truman Show, gjithçka kontrollohet nga ne prapa skenës”, shtoi ai.

Hezbollahu kishte blerë 5,000 nga pejxherët e mbushur me eksploziv deri në shtator 2024.

Shpërthimet shkaktuan valë tronditëse në të gjithë Libanin, me shpërthime kudo ku po transportoheshin pejxherët, duke përfshirë edhe supermarketet. Spitalet ishin të mbingarkuar me viktima, shumë prej të cilëve ishin gjymtuar.

Gabriel tha se kishte “thashetheme të forta” se njerëzit gjithashtu ranë viktimë para liderit të atëhershëm të Hezbollahut, Hassan Nasrallah.

Ditë më vonë, me Hezbollahun ende duke u tërhequr nga sulmi, Izraeli filloi valët intensive të sulmeve ajrore kundër objektivave të Hezbollahut, të ndjekur nga një pushtim tokësor i Libanit.

Të dy palët ranë dakord për një armëpushim më 26 nëntor.

Libani dënoi ashpër sulmet e pejxherëve dhe radiolidhjeve, ndërsa shefi i OKB-së për të drejtat e njeriut, Volker Turk, tha se ata e kishin lënë atë “të tmerruar”.

Metoda e sulmeve, tha ai, “shkel ligjin ndërkombëtar të të drejtave të njeriut dhe, siç është e zbatueshme, ligjin ndërkombëtar humanitar”. /Telegrafi/

Israel’s Mossad learned Hezbollah was buying pagers from a company in Taiwan, and in 2022 started its pager plot. Sunday, a retired Mossad agent, key to the operation, explains how they made pagers explode. pic.twitter.com/MwbgQXg5nM

— 60 Minutes (@60Minutes) December 20, 2024

The post Ish-agjentët izraelitë zbulojnë se si janë kryer sulmet me pejxherë dhe radiolidhje appeared first on Telegrafi.

Dy ish-agjentë izraelitë tregojnë për herë të parë detaje nga planifikimi i operacionit të fshehtë të agjencisë izraelite të zbulimit Mossad kundër grupit militant Hezbollah, të mbështetur nga Irani, që vepron në Liban.

Në intervistë me rrjetin televiziv amerikan CBS, dy agjentët e izraelitë, treguan se si Mossad-i realizoi operacionin e shpërthimit të ‘pagers’ dhe radiove të dorës, që goditi rëndë komandën dhe pjesëtarët e Hezbollahut. Në emisionin ‘60 minuta’, agjentët e zbulimit u paraqitën me fytyra të maskuara dhe me zë të ndryshuar për të fshehur identitetin e tyre.

Ish agjentët izraelitë të zbulimit thanë se agjencia izraelite e spiunazhit Mossad e kishte filluar operacioni për të futur eksplozivë në pajisjet e komunikimit të Hezbollahut para 10 vitesh. Dy ish agjentët, të cilët u identifikuan me emrat e sajuar Gabriel dhe Michael, rrëfyen për televizionin CBS procesin që çoi deri te goditja e njërës prej organizatave më të mëdha militante në Lindjen e Mesme, të shpallur terroriste nga qeveria e Shteteve të Bashkuara.

Pajisjet e komunikimit, të përdorura nga qindra anëtarë të grupit militant Hezbollah shpërthyen pothuajse njëkohësisht në Liban dhe në Siri në muajin shtator, duke vrarë dhjetra dhe lënduar qindra pjesëtarë të këtij grupi.

Hezbollahu, sipas agjentëve, nuk ishte i vetëdijshëm se po i blente radiot e dorës nga armiku i tyre, Izraeli.

Agjenti ‘Michael’ tha se Mossad-i krijoi një “botë të sajuar”, ndërkohë që agjenti ‘Gabriel’ përdor shembullin e filmit të zhanrit psikologjik të vitit 1998, “The Truman Show’, ku personazhi kryesor është një burrë që nuk e di se jeton në një botë të rreme dhe se familja e miqtë e tij janë në fakt aktorë që paguhen për ta bërë realitet këtë iluzion.

“Kur i blenë (pajisjet) nga ne, ata nuk kishin as idenë më të vogël se po i blinin nga Mossad-i… Ne kontrollonim çdo gjë nga prapaskena. Sa u përket atyre, çdo gjë dukej normale. Ishim përkujdesur për të gjitha detajet, përfshirë sipërmarrësin, marketingun, inxhinierët, pavijonin”, thotë ish agjenti i lartë izraelit i zbulimit, ‘Gabriel’.

Sipas ish agjentëve, faza e dytë e planit filloi në vitin 2022 pasi Mossad-i mori informacion se Hezbollahu kishte porositur ‘pagers’ nga një kompani tajvaneze. Këto pajisje të vogla komunikimi përdoren për dërgim të mesazheve dhe sinjaleve. Por, për t’u mbushur me eksplozivë, ato duhej të prodhoheshin me përmasa më të mëdha.

Sipas agjentëve ato u testuan shumë herë në manekinë, për të përcaktuar sasinë e duhur të eksplozivit, në mënyrë që shpërthimi të lëndonte vetëm pjesëtarët e Hezbollahut dhe jo njerëzit e tjerë që mund të ishin pranë tyre.

“I vetmi që do të plagosej ishte terroristi. Edhe nëse gruaja apo vajza e tij ishin afër tij, ai do të ishte i vetmi që do të plagosej”, sipas ‘Gabriel’. “Çdo hap u provua dy herë, tre herë, disa herë, për t’u siguruar që dëmi të ishte minimal.”

Sipas agjentëve, Mossad-i testoi zile të ndryshme telefoni për të gjetur njërën që jepte ndjenjë urgjence dhe që do t’i nxiste pjesëtarët e Hezbollahut ta nxirrnin ‘pager’-in nga xhepi.

Agjenti ‘Gabriel’ thotë se u deshën dy javë për ta bindur Hezbollahun që të përdorë ‘pager-a’ më të mëdhenj, pjesërisht duke përdorur reklama të sajuara në platformën YouTube, që i reklamonin ato si pajisje që nuk dëmtohen nga pluhuri, uji dhe që kanë bateri më të qëndrueshme.

Gjatë emisionit, agjenti ‘Gabriel’ përshkroi se si u përdorën kompanitë fantazmë, përfshirë njërën me seli në Hungari, për të mashtruar firmën tajvaneze, Gold Apollo, që të hynte në kontratë bashkëpunimi me Mossad-in pa e ditur një gjë të tillë.

Deri në shtator të vitit 2024, militantët e Hezbollahut kishin 5,000 pajisje komunikimi në xhepat e tyre.

Izraeli e filloi sulmin më 17 shtator, duke aktivizuar të gjitha pajisjet në Liban. Ato shpërthyen edhe atëherë kur poseduesit e tyre nuk e shtypën butonin për të lexuar mesazhin e koduar.

Të nesërmen, Mossad-i aktivizoi radiot e dorës, disa prej të cilave shpërthyen ndërkohë që po mbahej ceremonia e varrimit për 30 të vrarët gjatë sulmit të parë.

Sipas agjentit ‘Gabriel’, qëllimi i operacionit ishte më shumë t’i dërgonte mesazh Hezbollahut sesa të vriste pjesëtarët e tij.

Disa ditë pas sulmit, forcat izraelite ndërmorën sulme ajrore duke goditur objektivat e Hezbollahut nëpër tërë Libanin. Udhëheqësi i Hezbollahut Hassan Nasrallah, ishte në mesin e të vrarëve, kur Izraeli goditi me bombë vendin ku ai fshihej.

Agjenti ‘Michael’ tha se pas shpërthimit të pajisjeve të komunikimit, banorët në Liban kishin frikë të ndiznin kondicionerët nga frika se edhe ata do të shpërthenin.

“Luftës së Hezbollahut iu ndal hovi pas këtij operacioni. Shpresoj që do të ketë ndikim te Hamasin dhe situata e pengjeve ngaqë tani po e shohin dhe po e kuptojnë që nuk kanë askënd pranë. Tani janë plotësisht të izoluar”, tha ish agjenti ‘Michael’.

Lufta ndërmjet Izraelit dhe Hezbollahut, që u shkaktua nga sulmi i Hamasit ndaj Izraelit më 7 tetor të vitit 2023, u ndal përmes një armëpushimi në nëntor. Lufta e Izraelit në Gazë, ku sipas zyrtarëve shëndetësorë janë vrarë 45,000 palestinezë, ende po vazhdon.

The post Agjentët e Mosad zbulojnë detaje nga sulmi ndaj “pagers” të Hezbollah appeared first on Euronews Albania.

Kreu i Hezbollahut, Naim Qassem ka njoftuar se grupi i armatosur libanez ka humbur rrugën e furnizimit përmes Sirisë, në komentet e tij të para që nga përmbysja e presidentit sirian Bashar al-Assad gati një javë më parë nga një ofensivë gjithëpërfshirëse rebele.

Nën Assadin, Hezbollahu i mbështetur nga Irani përdori Sirinë për të siguruar armë dhe pajisje të tjera ushtarake nga Irani, përmes Irakut dhe Sirisë dhe në Liban.

Por më 6 dhjetor, luftëtarët anti-Assad e bllokuan atë rrugë dhe dy ditë më vonë rebelët pushtuan Damaskun, shkruan Reuters.

“Po, Hezbollahu ka humbur rrugën e furnizimit ushtarak përmes Sirisë në këtë fazë”, tha Qassem në një fjalim televiziv, pa përmendur emrin e Assadit

“Një regjim i ri mund të vijë dhe kjo rrugë mund të kthehet në normalitet, dhe ne mund të kërkojmë mënyra të tjera”, shtoi ai.

Ndryshe, Hezbollahu filloi të ndërhynte në Siri në vitin 2013 për të ndihmuar Assadin të luftonte rebelët që kërkonin ta rrëzonin atë në atë kohë.

Milicia terroriste libaneze Hezbollah është gjithnjë e më aktive në Gjermani, sipas hulumtimit të gazetarëve gjermanë. Zyra për Mbrojtjen e Rendit Kushtetues paralajmëron rrezikun që paraqesin personat e radikalizuar. Simpatizantët e organizatës terroriste libaneze Hezbollah në Gjermani mund të kryejnë akte të rënda kriminale dhune, paralajmëron Torge Keller, kreu i Zyrës për Mbrojtjen e Rendit […]

The post Hezbollah kërcënon përtej Lindjes së Mesme, Gjermania nën alarm për “ujqit e vetmuar” të grupit terrorist appeared first on FaxWeb.

Rreth 54 vjet pasi Hafez al-Assad mori pushtetin në Siri, rebelët përmbysën dinastinë që i biri i tij Bashar-i e shkatërroi. Rënia e Bashar al-Assad-it u bë e mundur pjesërisht nga fakti se mbështetësit e tij iranianë dhe rusë ishin të hutuar nga problemet e tyre ekzistenciale. Por ishin të metat e vetë Assad-it ato […]

The post Shkaku i rënies së regjimit të Bashar al-Assad në Siri appeared first on Reporter.al.