BEJRUT, 11 korrik /ATSH/ – Libani nuk ka në plan të normalizojë marrëdhëniet me Izraelin për momentin, dhe synimi kryesor i Bejrutit është të arrijë një “gjendje pa lufte” me fqinjën e tij jugor, tha sot presidenti i vendit, sipas AP.

Komentet e presidentit Joseph Aoun erdhën ndërkohë që administrata Trump po përpiqet të zgjerojë marrëveshjet Abraham të nënshkruara në vitin 2020, ku Izraeli arriti marrëveshje historike me Emiratet e Bashkuara Arabe dhe Bahreinin.

Në maj, presidenti sirian Ahmad al-Sharaa tha gjatë një vizite në Francë se vendi i tij po zhvillon bisedime indirekte me Izraelin për të parandaluar që aktivitetet ushtarake përgjatë kufirit të tyre të dalin jashtë kontrollit. Bisedimet për paqe midis Izraelit dhe Sirisë janë shtuar pas rrëzimit nga pushteti të presidentit Bashar Assad në dhjetor.

Aoun shtoi në komentet e shpërndara nga zyra e tij se vetëm shteti libanez do të ketë armë në të ardhmen, dhe vendimin nëse Libani do të hyjë në luftë apo jo do ta marrë qeveria libaneze.

“Paqja është gjendja e mungesës së luftës dhe kjo është ajo që ka rëndësi për ne në Liban për momentin,” citohet të ketë thënë Aoun për vizitorët të premten. Ai shtoi gjithashtu se “çështja e normalizimit (me Izraelin) nuk përfshihet në politikën e jashtme aktuale të Libanit”. /Ad.Ab./

 

The post BEJRUT – Presidenti Aoun: Libani nuk ka në plan të normalizojë marrëdhëniet me Izraelin appeared first on Agjencia Telegrafike Shqiptare.

BEIRUT, 8 korrik /ATSH-DPA/ – Një sulm izraelit me dron në veri të Libanit ka vrarë të paktën dy persona, bëjnë të ditur burime të sigurisë libaneze dhe Ministrisë së Shëndetësisë.

“Sulmi goditi një automjet në zonën Al-Ayrouniyeh në veri të Tripolit, duke shkatuar plagosjen e tre personave të tjerë”, raportoi Ministria e Shëndetësisë.

Zyrtarë të sigurisë libaneze thanë se objektivi kryesor ishte një anëtar i Hamasit.

Ushtria izraelite e konfirmoi sulmin, duke deklaruar se kishte goditur dhe eliminuar një nga komandantët kryesor të Hamasit në Liban.

Hamasi, një grup militant palestinez me qendër në Gazë, ka lidhje të ngushta me lëvizjen pro-iraniane Hezbollah, në Liban.

Sipas një marrëveshjeje armëpushimi të arritur në nëntor mes Hezbollahut dhe Izraelit, grupi i mbështetur nga Irani duhej të tërhiqte luftëtarët e tij në veri të lumit Litani, rreth 30 kilometra nga kufiri me Izraelin.

Ushtria libaneze dhe paqeruajtësit e OKB-së u caktuan si forcat e vetme të armatosura që u lejuan të vepronin në Libanin jugor.

Megjithatë, Izraeli ka ruajtur pozicione ushtarake në pesë zona strategjike të Libanit jugor dhe është zotuar të vazhdojë operacionet e tij deri në çarmatosjen e plotë të Hezbollahut. /Ad.Ab./ /a.i/

 

The post TEL AVIV – Ushtria izraelite vret një komandant të Hamasit në Liban appeared first on Agjencia Telegrafike Shqiptare.

BEJRUT, 7 korrik /ATSH-AFP/ – Udhëheqësi i Hezbollahut, Naim Qassem tha sot se grupi i tij nuk do të dorëzohej ose nuk do të lëshonte armët në përgjigje të kërcënimeve izraelite, pavarësisht presionit ndaj militantëve libanezë për t’u çarmatosur.

Fjalimi i tij erdhi përpara një vizite sot nga i dërguari i SHBA-së, Thomas Barrack – gjatë së cilës autoritetet libaneze pritet t’i përgjigjen një kërkese për të çarmatosur Hezbollahun deri në fund të vitit.

Udhëheqësit libanezë që erdhën në detyrë pas luftës Izrael-Hezbollah, vitin e kaluar – janë zotuar vazhdimisht për një monopol shtetëror për mbajtjen e armëve, ndërsa kërkojnë që Izraeli të respektojë armëpushimin e nëntorit që synonte t’i jepte fund armiqësive.

Qassem, i cili pasoi udhëheqësin e hershëm Hassan Nasrallah – i  cili u vra nga një sulm izraelit në shtator – tha se luftëtarët e grupit nuk do t’i braktisnin armët e tyre duke shtuar se “agresioni” i Izraelit duhej të ndalej, së pari.

Ushtria izraelite ka vazhduar të zërë pozicione në Liban dhe të sulmojë vendin pavarësisht armëpushimit të nëntorit, duke thënë se po synon vendet e Hezbollahut dhe duke akuzuar Bejrutin se nuk po bën mjaftueshëm për të çarmatosur grupin.

Agjencia zyrtare e Lajmeve e Libanit njoftoi dje një seri sulmesh izraelite në jug dhe lindje të vendit – një ditë pasi autoritetet thanë se një person ishte vrarë dhe gjashtë të tjerë ishin plagosur – në sulmet izraelite në jug.

Më vonë, ushtria izraelite konfirmoi se kishte kryer sulme në luginën lindore të Bekaas dhe në jug – duke argumentuar se kishte shënjestruar vendndodhjet ushtarake dhe sistemet e armëve të Hezbollahut. /Ad.Ab/ /a.i/

The post LIBAN – Kreu i Hezbollahut: Nuk do të dorëzohemi pavarësisht kërcënimeve izraelite appeared first on Agjencia Telegrafike Shqiptare.

Rusia njoftoi sot se ka pranuar kredencialet e një ambasadori të ri afgan në Moskë, duke e bërë atë vendin e parë në botë që njeh qeverinë e talebanëve.

“Ne besojmë se akti i njohjes zyrtare të qeverisë së Emiratit Islamik të Afganistanit do t’i japë shtysë zhvillimit të bashkëpunimit produktiv dypalësh midis vendeve tona në fusha të ndryshme”, tha Ministria e Jashtme ruse në një deklaratë.

Ministria e Jashtme e Afganistanit gjithashtu konfirmoi vendimin, duke thënë se ambasadori rus, Dmitry Zhirnov u takua me ministrin e jashtëm taleban, Amir Khan Muttaqi, dhe i përcolli vendimin e qeverisë që nënvizon “rëndësinë e këtij zhvillimi”. Zhirnov e quajti atë një hap historik drejt forcimit të marrëdhënieve midis dy vendeve.

The post Rusia bëhet shteti i parë në botë që njeh qeverinë e talebanëve, ambasadori rus në Afganistan: Hap historik drejt forcimit të raportit tonë appeared first on Albeu.com.

Izraeli kreu gjatë natës së kaluar një sulm me raketa ndaj qytetit Nabatieh në Libanin jugor duke vrarë një person dhe duke plagosur 11 të tjerë. Në fokus të sulmit ka qenë me gjasë ndonjë bazë e Huthis, grupit paramilitar të mbështetur nga Irani. Nuk vonoi dhe drejt territorit izraelit u lëshuan disa raketa, por që sipas autoriteteve të Tel Avivit u neutralizuan me sukses në ajër.

Armëpushimi me Izraelin duket se i ka shërbyer Iranit të kryejë ceremonitë mortore të zyrtarëve të lartë të vrarë gjatë luftës 12 ditore. Arkivolet e mbuluar me flamurin iranian, me portrete të komandantëve të vrarë, u shoqëruan nga turma të mëdha në Teheranin qendror.

Mes viktimave ishte edhe Mohammad Bagheri, oficeri më i lartë ushtarak në Iran si shefi i shtabit të forcave të armatosura të vendit. Tensioni megjithatë është rritur në Iran pasi një ditë më parë presidenti amerikan Donald Trump tha se mund ta konsideronte një tjetër sulm ndaj Iranit nëse vendi vijonte pasurimin e uraniumit.

Trump tha se e dinte ku fshihej Khamenei, por e kishte shpëtuar nga një vdekje e shëmtuar dhe e turpshme. Trump hodhi poshtë edhe lajmet se administrata e tij kishte diskutuar mundësinë e një ndihme ndaj Iranit prej 30 miliardë dollarësh për të ndërtuar një program bërthamor që prodhon energji për përdorim civil.

The post Izraeli sulmon Libanin me raketa appeared first on Sot News | Lajme.

Ministria e Shëndetësisë e Libanit thotë se një grua u vra dhe 20 persona u plagosën në një seri sulmesh ajrore izraelite në Nabatieh, në jug të Libanit, më herët gjatë ditës.

Ministria thotë se gruaja u vra dhe 13 persona të tjerë u plagosën kur një sulm ajror goditi një ndërtesë apartamentesh në Nabatieh.

Shtatë të tjerë u plagosën në sulmet ajrore në periferi të qytetit, thonë zyrtarët.

Presidenti i Libanit Joseph Aoun i është bashkuar kryeministrit të vendit, Nawaf Salam, në dënimin e sulmeve të Izraelit në Libanin jugor më herët gjatë ditës së sotme.

“Izraeli vazhdon të shpërfillë rezolutat dhe thirrjet rajonale dhe ndërkombëtare për të ndaluar dhunën dhe përshkallëzimin në rajon, gjë që kërkon veprime efektive nga bashkësia ndërkombëtare për t’i dhënë fund këtyre sulmeve që nuk i shërbejnë përpjekjeve të bëra për të vendosur stabilitet në Liban dhe në vendet e rajonit”, shkroi Aoun në X.

LEXONI GJITHASHTU:

• Berisha: Kutitë e votimit u mbushën jashtë dhe u zëvendësuan në qendrat zgjedhore
• Plaurent Dervishaj ballafaqohet me Ndojën në GKKO, përmendet kryeministri

The post Një i vrarë dhe 20 të plagosur në sulmet izraelite në Liban appeared first on Euronews Albania.

Qeveria shqiptare është përfshirë në një operacion evakuimi të pesë shtetasve shqiptarë nga Izraeli. Detajet e këtij operacioni i jep konsulli i Shqipërisë në Liban, Marc Ghoryeb. ”Pesë qytetarë shqiptarë, që ndodheshin në Izrael për arsye turistike dhe profesionale, janë larguar sot nga Izraeli në mënyrë të sigurt përmes Egjiptit. Ata ndodhen tashmë në Egjipt, në gjendje të mirë shëndetësore…

Source

Pretendimi: Libanezët nisën festën pas nisjes së raketave balistike të Iranit ndaj Izraelit

Verdikti: Mungon konteksti

——————————————————————

Një video që po qarkullon në rrjete sociale, përfshi ato shqipfolëse, pretendohet se tregon “libanezët [që] festojnë me muzikë e kërcim raketat balistike të Iranit ndaj Izraelit.”

Me anë të motorit të kërkimit pamor Google Lens, Faktoje gjeti se video në fjalë është postuar në Instagram më 14 qershor 2025. 

E etiketuar si bashkëpunëtore në postim është llogaria djskya_, e cila duket se i përket një DJ libaneze. Në llogarinë e saj, ajo ka postuar edhe pamje të tjera të “një tjetër feste nën raketa” në klubin HAI Beirut.

Në llogarinë e Instagram të klubit gjejmë se DJ Skya ishte e ftuar të luante mbrëmjen e të shtunës, më 14 qershor. Kjo konfirmon më tej se video e mësipërme është xhiruar në Beirut më 14 qershor 2025, kur Irani lëshoi një numër raketash me shënjestër Izraelin.

Megjithatë, në asnjë nga postimet origjinale, apo postime të tjera nga po e njejta natë, nuk përmendet gjëkundi se libanezët në video po festojnë sulmet iraniane kundër izraelit. Përkundrazi, përshkrimet e videos origjinale theksojnë absurditetin e situatës.

Video tregon një natë tipike në një klub nate, ku njerëzit shkojnë për të dëgjuar muzikë dhe për të festuar, qoftë edhe nën dritën e raketave balisitike.

Libani tha se nga sulmet me dronë të kryera nga Izraeli më 10 qershor, janë vrarë një burrë dhe djali i tij në një fshat në jug të vendit.

Ky është sulmi i fundit vdekjeprurës, pavarësisht një armëpushimi të arritur në nëntor. Izraeli tha se të vrarët ishin militantë.

Ministria Libaneze e Shëndetësisë tha përmes një deklarate se “dronët e Izraelit armik kryen një sulm në fshatin Sheba, duke vrarë dy persona dhe duke plagosur një tjetër”.

Sipas agjencisë shtetërore të lajmeve në Liban, të vrarët ishin babai dhe djali i tij, ndërkaq djali tjetër i viktimës mbeti i plagosur.

Ushtria izraelite tha se ka vrarë një anëtar të Hezbollahut dhe një operativ të Brigadës Libaneze të Rezistencës, që është një grup i lidhur me grupet militante të mbështetura nga Irani.

Hezbollahu është shpallur grup terrorist nga Shtetet e Bashkuara. Ndërkaq, Bashkimi Evropian ka në listën e zezë krahun ushtarak të grupit libanez, por jo edhe partinë politike.

Në njoftimin e ushtrisë izraelite thuhet se dy burrat “posedonin armë të përdorura nga Hezbollahu për qëllime terroriste dhe për vëzhgimin e ushtarëve izraelitë në rajonin afër kufirit”.

Izraeli ka bombarduar në mënyrë të vazhdueshme Libanin, pavarësisht armëpushimit të nëntorit, që i dha fund më shumë se një viti armiqësish me Hezbollahun, përfshirë edhe dy muaj lufte në shkallë të plotë.

Javën e kaluar, Izraeli paralajmëroi se do të vazhdojë sulmet ajrore ndaj caqeve të Hezbollahut në mbarë Libanin.

Qeveria libaneze e ka dënuar një sulm masiv izraelit në jug të Bejrutit javën e kaluar, në prag të festës myslimane të Kurban Bajramit.

Hezbollahu tha se sulmi ajror izraelit rrafshoi nëntë ndërtesa banimi. Ushtria izraelite deklaroi se goditjet kishin në shënjestër fabrika nëntokësore ku prodhohen dronë.

Presidenti libanez, Joseph Aoun, e dënoi sulmin, duke e cilësuar “një shkelje flagrante” të marrëveshjes së armëpushimit.

LEXONI GJITHASHTU:

• Libani thotë se Izraeli kreu sulm vdekjeprurës në jug
• OKB: Talibanët po arrestojnë burra për shkak të modelit të flokëve dhe mosfaljes

The post Izraeli kryen sulme vdekjeprurëse në Liban appeared first on Euronews Albania.

TEL AVIV, 6 qershor /ATSH-DPA/- Forcat Ajrore Izraelite thanë sot se kishin goditur objekte nëntokësore të përdorura nga Hezbollahu për të prodhuar dhe ruajtur dronë në periferi të Bejrutit dhe në Libanin jugor.

Udhëheqësit libanezë thanë se sulmi ajror minon armëpushimin e rënë dakord në nëntor pas më shumë se një viti sulmesh ndërkufitare dhe një pushtimi tokësor nga Izraeli.

Ushtria izraelite akuzoi milicinë libaneze se vepron nën drejtimin dhe me mbështetjen financiare të zyrtarëve iranianë për të prodhuar mijëra dronë.

Pretendimi, i bërë nëpërmjet platformës së ushtrisë Telegram, nuk mund të verifikohet në mënyrë të pavarur.

Sulmi izraelit ndodhi dje në mbrëmje në prag të Kurban Bajramit, një nga festat më të rëndësishme në kalendarin mysliman.

Presidenti libanez Joseph Aoun i dënoi sulmet, ndërsa ushtria libaneze kritikoi ashpër veprimet e Izraelit, duke i quajtur ato shkelje të marrëveshjes së armëpushimit.

Udhëheqja ushtarake libaneze paralajmëroi se mund të pezullojë bashkëpunimin me komisionin e monitorimit të mbështetur nga OKB-ja që mbikëqyr respektimin e marrëveshjes së armëpushimit, i cili përfshinte kërkesa specifike të cilat duhej të përmbusheshin nga të dyja palët.

Si pjesë e marrëveshjes, e cila i dha fund muajve të luftimeve të ashpra midis Izraelit dhe Hezbollahut në fund të vitit të kaluar, ushtria libaneze po zëvendëson gradualisht milicinë e mbështetur nga Irani në patrullimin e rajonit kufitar jugor pranë Izraelit.

Hezbollahu duhej të tërhiqej pas lumit Litani, i vendosur afërsisht 30 kilometra në veri të kufirit. Izraeli ka akuzuar milicinë për shkelje të përsëritura të kësaj dispozite.

Trupat izraelite, nga ana e tyre, duhej të tërhiqeshin nga Libani jugor.

Ushtria libaneze vuri në dukje se koha e sulmeve – përpara festës së madhe fetare – dukej se synonte të minonte përpjekjet e stabilitetit dhe rimëkëmbjes së Libanit. //a.i/

The post TEL AVIV – Ushtria izraelite sulmon objektet nëntokësore të Hezbollahut në Liban appeared first on Agjencia Telegrafike Shqiptare.

Forcat ajrore izraelite kanë goditur objektiva nëntokësore në periferi të Bejrutit dhe në jug të Libanit, të cilat sipas ushtrisë izraelite përdoreshin nga Hezbollahu për prodhimin dhe magazinimin e dronëve.

Autoritetet libaneze reaguan menjëherë, duke e dënuar ashpër sulmin dhe duke e konsideruar si një shkelje serioze të armëpushimit të arritur në nëntor, pas një viti përplasje të ashpra ndërmjet Izraelit dhe Hezbollahut.

Ushtria izraelite deklaroi se Hezbollahu, i mbështetur nga Irani, prodhon mijëra dronë në këto objekte, megjithatë këto pretendime nuk janë verifikuar në mënyrë të pavarur.

Sulmi ndodhi në mbrëmjen e djeshme, pak para fillimit të festës së Kurban Bajramit. Presidenti libanez Joseph Aoun, së bashku me ushtrinë e vendit, e dënuan ashpër ndërhyrjen ajrore, duke e cilësuar si një veprim që cenon paqen dhe stabilitetin në vend, sidomos gjatë një periudhe të rëndësishme fetare.

Ushtria libaneze njoftoi gjithashtu se po shqyrton ndërprerjen e bashkëpunimit me komisionin e OKB-së për monitorimin e armëpushimit. Sipas marrëveshjes së nëntorit, Hezbollahu duhet të tërhiqet përtej lumit Litani, ndërsa forcat izraelite të largohen nga jugu i Libanit.

Autoritetet libaneze paralajmëruan se përshkallëzimi i situatës mund të rrezikojë marrëveshjen aktuale dhe përpjekjet për ruajtjen e qetësisë në rajon.

The post Izraeli godet objekte të Hezbollahut pranë Bejrutit, Libani dënon sulmin si shkelje armëpushimi appeared first on Sot News | Lajme.

Pretendimi: Kjo video tregon sulmet e grupit rebel Houthi nga Jemeni në Izrael më 22 dhe 23 maj 2025

Verdikti: E pavërtetë

———————————————–

Në rrjete sociale po qarkullon një video që pretendohet se tregon sulmet e grupit rebel Houthi në Izrael më 21 dhe 22 maj 2025.

Me anë të motorit të kërkimit pamor Google Lens, Faktoje gjeti se pamjet nga video e mësipërme janë botuar fillimisht në Tetor 2024 nga agjencia franceze e lajmeve AFP.

Sipas AFP, pamjet tregojnë “momentin kur një sulm izraelit godet një ndërtesë në lagjen Chiyah në jug të Beirutit,” kryeqytetit të Libanit.

Sipas raportimeve të BBC dhe Reuters nga ato data, të paktën 18 persona, përfshi 4 fëmijë, u vranë dhe 60 të tjerë u plagosën në një sulm izraelit më 21 tetor 2024 pranë spitalit kryesor qeveritar të Beirutit. Sulmi goditi një zonë banimi përballë Spitalit Universitar Rafik Hariri. Izraeli tha se sulmi goditi një strukturë të Hezbollahut dhe jo spitalin.

Pamje të tjera nga video që tregojnë shkatërrimin e një tjetër godine po ashtu në fakt tregojnë sulmet izraelite në Beirut, jo sulmet e Houthi kundër Izraelit.

Sipas videos së AFP të botur më 22 nëntor 2024, pamjet e mësipërme tregojnë “momentin kur një sulm izraelit godet një ndërtesë në periferitë jugore të Bejrutit pas një thirrjeje për evakuim nga ushtria izraelite. Bastisjet e fundit vijnë pas sulmeve intensive izraelite në jug të Bejrutit, si dhe në zona të tjera në jug dhe lindje të Libanit, ku Izraeli thotë se ka synuar militantët e Hezbollahut të mbështetur nga Irani.”

The post Këto pamje nuk dëshmojnë dëmet e raketave të Houthi në Izrael appeared first on Faktoje.al.

Tre ministra nga Qeveria e Pajtimit Kombëtar e Libisë, e njohur ndërkombëtarisht, kanë dhënë dorëheqjen në mes të tensioneve në rritje dhe përplasjeve të dhunshme në kryeqytetin Tripoli.

Të dorëhequrit janë:

• Ministri i Ekonomisë dhe Tregtisë, Mohammed al-Huwaij
• Ministri i Pushtetit Lokal, Badr al-Toumi
• Ministri i Strehimit, Abu Bakr al-Gawi

Lëvizja vjen vetëm pak ditë pas luftimeve intensive që tronditën kryeqytetin, duke reflektuar pasigurinë e thellë politike që vazhdon ta përfshijë vendin.

Libia është e ndarë mes dy qeverive rivale që nga përmbysja e regjimit të Muammar Gadafit në vitin 2011. Tripoli është selia e qeverisë së Abdelhamid al-Dbeiba, e mbështetur nga komuniteti ndërkombëtar, ndërsa pjesa lindore e vendit kontrollohet nga forcat e Feldmarshal Khalifa Haftar. Konflikti i vazhdueshëm ka penguar përpjekjet për stabilizimin e vendit dhe organizimin e zgjedhjeve të përgjithshme.

The post Përplasjet e dhunshme në kryeqytetin Tripoli, japin dorëheqjen 3 ministra të qeverisë libiane appeared first on Sot News | Lajme.

Presidenti libanez, Joseph Aoun, kërkoi nga Shtetet e Bashkuara dhe Franca, si garantues të marrëveshjes së armëpushimit mes Izraelit dhe Hezbollahut, që të ushtrojnë presion mbi Izraelin për të ndaluar menjëherë sulmet ajrore, pas një goditjeje izraelite në sektorin jugor të Bejrutit.

Në një deklaratë të tij, presidenti Aoun dënoi sulmin e Izraelit dhe theksoi se SHBA dhe Franca duhet të mbajnë përgjegjësinë dhe të sigurojnë që Izraeli të ndalojë agresionin.

Ai paralajmëroi se veprimet e Izraelit për të minuar stabilitetin do të përshkallëzojnë tensionet dhe do të rrezikojnë sigurinë dhe stabilitetin e rajonit.

Sulmi i Izraelit u përqendrua në një depo të Hezbollahut në Bejrut, ku besohej se mbaheshin raketa precize që përbënin kërcënim për sigurinë e shtetit izraelit.

Ushtria izraelite goditi magazinën pas një urdhri të kryeministrit Benjamin Netanyahu dhe ministrit të Mbrojtjes, Yoav Katz.

Një shpërthim i fuqishëm goditi ndërtesën në sektorin jugor të Bejrutit, menjëherë pas një njoftimi për evakuimin e banorëve nga zona.

The post Presidenti libanez thirrje SHBA-së dhe Francës: Izraeli të ndalojë sulmet në Bejrut appeared first on Albeu.com.

BEJRUT, 24 prill /ATSH-DPA/- Ministri libanez i Financave, Yassine Jaber nënshkroi një marrëveshje kredie prej 250 milionë dollarësh me Bankën Botërore (BB), që synon të zbusë krizën e gjatë të energjisë elektrike në Liban, tha sot ministra në një deklaratë.

“Nënshkrimi u bë gjatë takimeve të nivelit të lartë në Uashington të Fondit Monetar Ndërkombëtar (FMN) dhe Bankës Botërore”, thuhet në deklaratë.

Jaber njoftoi gjithashtu se Libani ka siguruar miratimin paraprak për të rritur vlerën e kësaj kredie në 400 milionë dollarë, ndërkohë që bisedimet vazhdojnë me zëvendëspresidentin e Bankës Botërore, Ousama Wieden.

Qeveria libaneze nuk ka arritur t’i sigurojë vendit një furnizim të qëndrueshëm me energji elektrike gjatë dekadave të fundit.

Pjesa më e madhe e vendit mbështetet te gjeneratorët me naftë pasi energjia nga kompania shtetërore shpërndahet në intervale të parregullta dhe ndonjëherë është e disponueshme vetëm për dy orë në ditë.

Kredia prej 250 milionë dollarësh do të fokusohet në riparimin e sektorit të energjisë elektrike, me theks në rehabilitimin e rrjeteve të transmetimit dhe përmirësimin e besueshmërisë së shërbimit.

Ky komponent është pjesë e një përpjekjeje më të gjerë të reformës së energjisë elektrike që përfshin gjithashtu ndryshime strukturore të qeverisjes dhe investime në infrastrukturën e energjisë së pastër.

Kredia është pjesë e një programi më të gjerë rindërtimi që pritet të arrijë në 1 miliard dollarë, i cili do të financohet nëpërmjet ndihmës shtesë ndërkombëtare.

Kreditë do të ofrohen me kushte koncesionare, me afate shlyerje deri në 50 vjet.

Jaber theksoi se këto fonde do të mbështesin axhendën e rimëkëmbjes dhe reformës së Libanit, duke theksuar momentin e fundit legjislativ dhe angazhimin ndërkombëtar. //a.i/

The post BEJRUT – Liban-BB marrëveshje kredie prej 250 milionë dollarësh në sektorin energjetik appeared first on Agjencia Telegrafike Shqiptare.

Është arrestuar në Liban, 49-vjeçari palestinez Fadi Alwan, i cili rreth dy muaj më parë ekzekutoi në Tiranë, vajzën e tij Rayan Alwan.

Arrestimi u krye me qëllim ekstradimin e tij në Shqipëri, ku ndaj tij është caktuar masa e sigurisë “arrest në burg” nga Gjykata e Shkallës së Parë e Juridiksionit të Përgjithshëm në Tiranë.

Sipas Policisë së Shtetit, ngjarja e rëndë ndodhi në muajin shkurt të këtij viti, në një apartament në rrugën “Gjon Muzaka” në kryeqytet, ku dyshohet se Alwan vrau me mjet prerës vajzën e ti.

Kapja e të dyshuarit u bë e mundur si rezultat i hetimeve të thelluara nga strukturat e Drejtorisë Vendore të Policisë Tiranë dhe bashkëpunimit të ngushtë me autoritetet homologe në Liban, përmes Interpol Tiranës dhe Interpol Beirutit.

Shqipëria nuk ka marrëveshje ekstradimi me Libanin, por kur bëhet fjalë për vepra të rënda penale është një konventë që mund të përdoret për të realizuar ekstradimin

“Në vijim të hetimeve të thelluara të kryera nga strukturat e Drejtorisë Vendore të Policisë Tiranë, dhe si rezultat i komunikimit të vazhdueshëm me strukturat homologe në Liban, nëpërmjet Interpol Tiranës dhe Interpol Beirutit, u kap në Liban, me qëllim ekstradimin në Shqipëri, shtetasi palestinez, F. A., 49 vjeç. Gjykata e Shkallës së Parë e Juridiksionit të Përgjithshëm Tiranë, i ka caktuar këtij shtetasi, masën e sigurisë “Arrest në burg”, për veprën penale ‘Vrasja për shkak të marrëdhënieve familjare’. Nga hetimet e deritanishme, dyshohet se shtetasi F. A., në shkurt 2025, në një apartament në rrugën ‘Gjon Muzaka’, Tiranë, ka vrarë me mjet prerës, vajzën e tij, shtetasen R. A. Vijon bashkëpunimi ndërmjet strukturave të Interpolit, për të finalizuar procedurën për ekstradimin e këtij shtetasi, në Shqipëri”, njofton policia. /Telegrafi/

The post Arrestohet në Liban 49-vjeçari që ekzekutoi me thikë vajzën e tij në Shqipëri appeared first on Telegrafi.

Fadi Alwan, babai i palestinezes Rayyan Alwan, të vrarë dy muaj më parë në Tiranë, është arrestuar në Liban.

Ai akuzohet për vrasjen e së bijës dy muaj më parë në kryeqytet. Tashmë, pritet që 49-vjeçari palestinez të ekstradohet drejt Shqipërisë.

Akuzohet se vrau me mjet prerës, vajzën e tij, rreth 2 muaj më parë, në një apartament në rrugën “Gjon Muzaka”, arrestohet në Liban, me qëllim ekstradimin në Shqipëri, 49-vjeçari palestinez.

Në vijim të hetimeve të thelluara të kryera nga strukturat e Drejtorisë Vendore të Policisë Tiranë, dhe si rezultat i komunikimit të vazhdueshëm me strukturat homologe në Liban, nëpërmjet Interpol Tiranës dhe Interpol Beirutit, u kap në Liban, me qëllim ekstradimin në Shqipëri, shtetasi palestinez, F. A., 49 vjeç.

Gjykata e Shkallës së Parë e Juridiksionit të Përgjithshëm Tiranë, i ka caktuar këtij shtetasi, masën e sigurisë “Arrest në burg”, për veprën penale “Vrasja për shkak të marrëdhënieve familjare”. Nga hetimet e deritanishme, dyshohet se shtetasi F. A., në shkurt 2025, në një apartament në rrugën “Gjon Muzaka”, Tiranë, ka vrarë me mjet prerës, vajzën e tij, shtetasen R. A.. Vijon bashkëpunimi ndërmjet strukturave të Interpolit, për të finalizuar procedurën për ekstradimin e këtij shtetasi, në Shqipëri.

The post Vrau vajzën dy muaj më parë në Tiranë, arrestohet në Liban babai i Rayan Alwan appeared first on Lapsi.al.

TIRANË, 23 prill /ATSH/ Policia në Liban ka arrestuar me qëllim ekstradimi 49-vjeçarin palestinez F.A, i cili akuzohet se vrau me mjet prerës vajzën e tij, rreth 2 muaj më parë, në një apartament në rrugën “Gjon Muzaka”, në Tiranë.

Policia njoftoi se “në vijim të hetimeve të thelluara të kryera nga strukturat e Drejtorisë Vendore të Policisë Tiranë, dhe si rezultat i komunikimit të vazhdueshëm me strukturat homologe në Liban, nëpërmjet Interpol Tiranës dhe Interpol Beirutit, u kap në Liban, me qëllim ekstradimin në Shqipëri, shtetasi palestinez, F. A., 49 vjeç”.

Gjykata e Shkallës së Parë e Juridiksionit të Përgjithshëm Tiranë, i ka caktuar këtij shtetasi, masën e sigurisë “Arrest në burg”, për veprën penale “Vrasja për shkak të marrëdhënieve familjare”.

Sipas Policisë “nga hetimet e deritanishme, dyshohet se shtetasi F. A., në shkurt 2025, në një apartament në rrugën “Gjon Muzaka”, Tiranë, ka vrarë me mjet prerës, vajzën e tij, shtetasen R. A.”.

Vijon bashkëpunimi ndërmjet strukturave të Interpolit, për të finalizuar procedurën për ekstradimin e këtij shtetasi, në Shqipëri. /j.p/

The post Akuzohet se vrau vajzën në Tiranë, arrestohet në Liban 49-vjeçari palestinez appeared first on Agjencia Telegrafike Shqiptare.

Policia ka arrestuar babain e 24-vjeçares palestineze Rayyan Alwan, i cili masakroi me thikë të bijën në banesën e marrë me qira në Tiranë. 49-vjeçari Fadi Alwan u kap në Liban me qëllim ekstradimin në vendin tonë. Ndaj tij Gjykata e Tiranës ka caktuar masën “Arrest në burg”, për veprën penale “Vrasja për shkak të […]

The post Vrau vajzën dy muaj më parë në Tiranë, arrestohet në Liban babai i Rayan Alwan appeared first on BoldNews.al.

BEJRUT, 22 prill /ATSH-DPA/ – Një komandant i lartë i Jamaa Islamiya, një fraksion islamik libanez, aleat me grupin ekstremist palestinez Hamas, u vra sot gjatë një sulmi izraelit me dron në jug të Bejrutit, sipas burimeve.

Sipas burimeve të mbrojtjes civile dhe policisë libaneze, një automjet u godit nga një dron izraelit pranë Bawerta, rreth 20 kilometra në jug të kryeqytetit Bejrut.

Në një deklaratë, grupi Jamaa Islamiya tha se anëtari i tij, Hussein Izzat Atwi ishte vrarë nga forcat sioniste në një sulm me dron.

Burimet libaneze të sigurisë identifikuan gjithashtu Atwi, një komandant i shquar në Forcat Al-Fajr, krahu i armatosur i Jamaa Islamiya, si personi i vrarë në sulm.

Ushtria izraelite tha se po hetonte raportet.

Jamaa Islamiya mban lidhje të forta me Hamasin në Gazë – dhe me lëvizjen pro-iraniane Hezbollah të Libanit dhe ka qenë e angazhuar në mënyrë aktive në sulme ndërkufitare që shënjestronin Izraelin verior gjatë vitit të kaluar.

Pavarësisht armëpushimit të ndërmjetësuar midis Izraelit dhe Hezbollahut në nëntor, Izraeli ka kryer disa sulme ajrore në Liban në muajt e fundit, ndërsa lëshimet e raketave nga territori libanez kanë vazhduar në mënyrë sporadike, duke përfshirë dy sulme të paprekura më 22 dhe 28 mars.

Javën e kaluar, ushtria Libaneze njoftoi arrestimin e disa individëve libanezë dhe palestinezë të dyshuar për përfshirjen në sulmet me raketa. Sipas burimeve të sigurisë, në mesin e të arrestuarve janë tre anëtarë të Hamasit. /  /i.s/ /a.i/

The post BEJRUT – Sulmet ajrore izraelite vrasin komandantin e lartë të Jamaa Islamiya, aleat me Hamasin appeared first on Agjencia Telegrafike Shqiptare.