Autoriteti Kombëtar i Ushqimit, në bashkëpunim me Drejtorinë e Përgjithshme të Tatimeve, ka zhvilluar një aksion të përbashkët kontrolli në tregun ushqimor të Shkodrës. Objektivi i këtij operacioni ishte garantimi i sigurisë ushqimore dhe frenimi i informalitetit në sektor.

Gjatë inspektimeve në pika të ndryshme shitjeje, u konstatuan shkelje të rënda në standardet e ruajtjes së ushqimeve, si dhe mungesë dokumentacioni mbi origjinën e produkteve.

Si pasojë, autoritetet morën 8 masa administrative me gjobë dhe bllokuan rreth 3 mijë kilogramë fruta e perime, që nuk përmbushnin kriteret ligjore për tregtim.

AKU ka njoftuar se kontrollet do të vijojnë në të gjithë vendin, me qëllim mbrojtjen e konsumatorit dhe rritjen e formalizimit të tregut ushqimor. / abcnews.al/

Pas njoftimit se në fshatin Kosharisht disa shtetas po konfliktoheshin me njëri-tjetrin, shërbimet e Komisariatit të Policisë Kukës kanë organizuar menjëherë punën dhe kanë mbërritur në vendngjarje. Nga ndërhyrja e shpejtë dhe profesionale e shërbimeve të Policisë, u bë i mundur parandalimi i një ngjarjeje të mundshme kriminale, si dhe arrestimi i shtetasve të përfshirë në konflikt, konkretisht:

M.M., 53 vjeç, dhe B.M., 18 vjeç (babë e bir), banues në fshatin Kosharisht.

Këta shtetas, pas një konflikti për motive të dobëta me të afërmin e tyre, shtetasin O. K., 50 vjeç, banues në Tiranë, në hyrje të fshatit e kanë goditur me sende të forta, duke i shkaktuar dëmtime. / abcnews.al /

Më datë 21.08.2025, në lagjen “28 Nëntori”,  dyshohet se është vetëhedhur nga kati i pestë i pallatit ku banonte shtetasja E. M., 32 vjeç, e cila, si pasojë e dëmtimeve, ka ndërruar jetë. Nga hetimet ka rezultuar se kjo shtetase vuante prej disa kohësh nga probleme të shëndetit mendor.

Përpjekjet e Donald Trump për të përfunduar luftën në Ukrainë kanë rikthyer fushatën e tij për të fituar Çmimin Nobel të Paqes. Gjatë një takimi me Presidentin Volodymyr Zelensky dhe liderët evropianë më 18 gusht, Trump tha: “Kam mbyllur gjashtë luftëra”, duke shtuar më pas se në fakt kishte mbyllur shtatë.

Trump nuk ka fshehur kurrë dëshirën e tij për të fituar këtë çmim prestigjioz, dhe përpjekjet e tij janë përmendur që nga mandati i tij i parë si president. Në vitin 2019, Trump deklaroi se Kryeministri i Japonisë, Shinzo Abe, e kishte nominuar për Çmimin Nobel të Paqes pas samitit të tij me liderin koreanoverior Kim Jong Un.

Fushata për Nobel – Përpjekjet e mëparshme

Në shkurt të vitit 2019, Trump tha se Abe kishte dërguar një letër të bukur që e nominonte për çmimin. Më pas, Trump e përdori fitoren e Barack Obamës në 2009 si një shembull, duke e quajtur atë një fitore të shpejtë pa ndonjë sukses të madh pas 9 muajsh si president.

Në vitin 2020, ai tha se meritonte Çmimin Nobel më shumë se Kryeministri i Etiopisë, Abiy Ahmed, për arritjet e tij në marrëveshjen e paqes me Eritrean, një akt për të cilin Trump e ndjeu se kishte kontribuar në mënyrë të drejtpërdrejtë.

Shtatë luftërat që Trump thotë se ka mbyllur

Në takimin e tij më 18 gusht me Zelensky dhe liderët evropianë, Trump u shpreh se kishte “mbyllur shtatë luftëra”, duke përfshirë disa konflikte të cilat përfshinin ndërhyrjen amerikane. Ja një përmbledhje e luftërave që ai pretendon të ketë mbyllur:

1. Armenia dhe Azerbajxhani – Në gusht të vitit 2023, pas disa viteve tensionesh për Nagorno-Karabakh, një marrëveshje paqeje u nënshkrua në Shtëpinë e Bardhë, për të cilën Trump mori lavdërime nga liderët e të dy vendeve.
2. Tajlanda dhe Kamboxhia – Në korrik 2024, pas përleshjeve kufitare mes dy vendeve, Trump ndërhyri për të ndihmuar në arritjen e një marrëveshjeje armëpushimi.
3. Ruanda dhe Republika Demokratike e Kongos – Në qershor 2025, një marrëveshje midis dy vendeve për të ruajtur armëpushimin u nënshkrua në Shtëpinë e Bardhë, edhe pse mungonte përfshirja e grupeve kryesore të rebelëve.
4. Izraeli dhe Irani – Trump pretendoi të kishte ndërmjetësuar një armëpushim ndërmjet dy vendeve pas një periudhe tensioni të lartë në vitin 2024.
5. India dhe Pakistani – Në maj të vitit 2024, pas një periudhe tensionesh në Kashmirit e kontrolluar nga India, Trump thotë se ndërhyri për të arritur një armëpushim të përkohshëm mes dy vendeve.
6. Egjipti dhe Etiopia – Edhe pse konflikti mbi digën e Etiopisë në lumin Nil vazhdon, Trump pretendon se ka luajtur një rol për të zgjidhur mosmarrëveshjet mes dy vendeve.
7. Serbia dhe Kosova – Trump mburret se ka ndërhyrë për të ndihmuar në shmangien e luftës mes dy vendeve.

A mund ta fitojë Trump Çmimin Nobel të Paqes?

Donald Trump është nominuar për Çmimin Nobel të Paqes më shumë se 10 herë, përfshirë nga liderë të ndryshëm si Benjamin Netanyahu dhe Kryeministri i Kamboxhës, Hun Manet. Ndërkohë, disa ekspertë sugjerojnë se ndërhyrjet e tij mund të kenë qenë të dobishme për menaxhimin e konflikteve, por nuk kanë arritur të zgjidhin problemet në thelb të këtyre konflikteve.

Dr. Theo Zenou, një specialist i politikës ndërkombëtare, thotë se ndihma e Trump për arritjen e Marrëveshjes së Abrahamit, që ka ndihmuar disa shtete arabe të njohin Izraelin, është një arritje e tij më e madhe diplomatike. Ai thekson se, pavarësisht kritikave, Trump ka pasur sukses në mbajtjen e paqes në disa raste pa përdorur ndërhyrje ushtarake të drejtpërdrejta.

Në fund, edhe pse Trump ka bërë disa përpjekje për të menaxhuar konflikte, ekspertët theksojnë se ka një dallim të madh mes menaxhimit të konflikteve dhe zgjidhjes së tyre.

Në vijim të veprimeve hetimore për ngjarjen e ndodhur ditën e djeshme, rreth orës 12:10, në Kombinat, ku u qëllua me armë zjarri në drejtim të automjetit me të cilin lëviznin shtetasit R. K., 38 vjeç, dhe Zh. K., specialistët për Hetimin e Krimeve të Rënda, në bashkëpunim me Forcat Operacionale të DVP Tiranë dhe me Komisariatin e Policisë Nr. 6, në kuadër të operacionit “Quick Response”, kapën dhe vunë në pranga shtetasit:

1. A(V)., 28 vjeç
2. B., 30 vjeç, të dy banues në Kombinat

Gjithashtu, u proceduan penalisht shtetasit R. K., Zh. K., F. K. dhe B. M.

Nga hetimet paraprake ka rezultuar se 4 shtetasit e proceduar penalisht janë konfliktuar fizikisht me 2 autorët e ngjarjes. Pas konfliktit, për motive të dobëta, shtetasi O. A(V). ka qëlluar me armë zjarri në drejtim të automjetit të 38-vjeçarit, ndërsa shtetasi S. B. drejtonte automjetin nga ku qëlloi me armë zjarri 28-vjeçari. / abcnews.al /

Kryeministri Edi Rama me një postim në rrjetet sociale, ftoi qytetarët të bashkohen në nismën ‘Male të pastra’ i cili është një aksion pastrimi organizuar nga Agjencia Kombëtare e Zonave të Mbrojtura.

Kjo nismë do të mbahet në datë 26 gusht në dhjetë parqe kombëtare të vendit. Kryeministri Rama theksoi se ky është një kontribut modest i çdo individi, por një mesazh i fortë për kujdesin ndaj natyrës së përbashkët. / abcnews.al /

Ditën e shtunë vendi ynë do të ndikohet nga kushte atmosferike relativisht të paqëndrueshme.

Moti parashikohet fillimisht me kthjellime si dhe vranësira të pakta kalimtare ndërsa prej orëve të mesditës deri ato të pasdites vonë mot me vranësira mesatare deri të dendura si dhe intervale të herëpashershme me diell.

Vranësirat e dendura do të shoqërohen me reshje shiu të herëpashershme me intensitet të ulët në pjesën më të madhe të territorit ndërsa në relievet malore në zonën e veriut reshjet në periudha afatshkurtra në formën e shtrëngatave shoqëruar me shkarkesa elektrike.

Pas orëve të pasdites mot përsëri i kthjellët në të gjithë territorin.

Era do të fryjë me drejtim veriperëndim – jugperëndim me shpejtësi mesatare 8 m/s, ndërsa në zonat luginore dhe përgjatë vijës bregdetare hera-herës do të fitojë shpejtësi 15 m/s.

Dashi

Nëse flisni shumë mund të ketë komplikime, sidomos në dashuri, ku fundjava do të jetë e vështirë. Parashikohet që të ketë debate. Mund të ndiheni të demotivuar nga sjelljet tuaja, kështu që mundohuni që të rigjeni entuziazmin. Po ashtu mundohuni që të rrini me miq që i keni përzemër dhe mos u pushtoni nga nervozizmi.

Demi

Ju pret një ditë pozitive, ku do të ketë shtysa të rëndësishme lidhur me çështje që i keni përzemër. Mund ta përballoni situatën me më shumë qetësi. Vetëm gjendja fizike nuk do të jetë shumë e mirë. Me afrimin e mbrëmjes dhe me kontaktet që do të keni me njerëz që i doni, situata do të përmirësohet.

Binjakët

Do të keni mundësi për të pasur kontakte të reja, edhe pse në dashuri do të ketë jo pak tensione. Jeni jo pak të lodhur, por pavarësisht kësaj ky është një moment i mirë për të bërë atë që doni. Do të jeni më të hapur me të tjerët në sferën sentimentale, veç nuk duhet ta teproni me ankesat, sidomos ndaj njerëzve të cilët tashmë i keni larg.

Gaforrja

Ju pret një e shtunë shumë interesante në sajë të ndikimit të Hënës në shenjën tuaj. Jeni shumë të pasionuar ndaj të tjerëve dhe fati do ju prijë. Edhe sfera sentimentale do të jetë tejet e favorshme. Gjithashtu mundohuni që të gjeni stimujt e duhur brenda vetes pasi keni nevojë për emocione të vërteta.

Luani

Në dashuri do të merrni konfirmime të rëndësishme, ndonëse sfidat nuk do të mungojnë. E shtuna do të jetë mjaft e veçantë, ndaj mundohuni që të mos debatoni sidomos me të lindurit e shenjës së Dashit dhe Demit. Lëreni veten të rrëmbeheni nga ndjenjat, pa menduar për pasojat. Humbja e kontrollit ndonjëherë mund të dhurojë kënaqësi.

Virgjëresha

E shtuna do të jetë më e mirë, pasi do ju lejojë që të ktheni në plan të parë raportet me të tjerët. Në dashuri gjërat do të përkeqësohen, për shkak të keqkuptimeve me të cilat do të përballeni. Ndikimi i kundërt i Venusit, do të shkaktojë mjaft konfuzion dhe ende nuk do arrini që t’iu besoni njerëzve që keni përreth. Përmirësimi do të nisë vetëm pas tre ditëve.

Peshorja
Mundohuni që të mos humbni qetësinë. Pavarësisht ndikimit të Hënës në shenjën tuaj, lodhja do të ndihet. Ndoshta jeni të zhgënjyer nga sjellja e një personi të cilin e ndjeni të largët. Nëse do ju bëhet një ftesë pranojeni dhe mundohuni që të rigjeni qetësinë.

Akrepi

Kjo fundjavë do të jetë shumë pozitive sidomos në sferën sentimentale. Ndikimi i Hënës do të ngjallë erosin dhe pasionin, duke përjetuar emocione të bukura. Me njeriun e zemrës jini vetvetja dhe mos krijoni probleme aty ku nuk ka.

Shigjetari

Lidhjet e dashurisë duhen jetuar me kujdes. Momentalisht asgjë nuk iu bën që të ndiheni mirë. Një moment reflektimi mund t’iu bëjë shumë mirë.

Bricjapi

Hëna do të ketë ndikim të kundërt në shenjën tuaj. Të lindurit e shenjës së dashit dhe gaforres, nuk do të jenë në harmoni. Do të ndiheni disi dembelë, por bëni mirë që të mos përhumbeni nga rrjedha juaj normale.

Ujori

Duhet të rikuperoni energjinë, pasi kjo fundjavë është ideale sa i takon ndjenjave. Mundohuni që të përgatiteni ndaj të papriturave. Nëse dashuria nuk shkon ashtu siç duhet, kjo ndodh edhe për fajin tuaj, shkruan noa.al. Mundohuni që të bëni diçka më shumë dhe rezultatet nuk do të mungojnë.

Peshqit

Do të jeni mjaft tërheqës dhe gjithashtu edhe më sensual. Në dashuri do të keni rikuperim terreni. Fundjava është shumë interesante ku ndikimi i favorshëm i Hënës do të sjellë një sërë dobish si dhe mundësinë për të jetuar një histori të re dashurie. /abcnews.al/

Një javë pasi presidenti amerikan, Donald Trump, ia shtroi qilimin e kuq homologut të tij rus, Vladimir Putin, nuk ka ndryshuar shumë në përpjekjet për t’i dhënë fund luftimeve në Ukrainë.

Takimi Trump-Putin në Alaskë u pasua nga bisedime me presidentin ukrainas, Volodymyr Zelensky, dhe udhëheqësit evropianë që përfundoi me një thirrje për një takim ballë për ballë mes Putinit dhe Zelenskyt.

Me Rusinë që po zvarrit mbajtjen e një takimi të tillë, ajo që ka dalë në sipërfaqe nuk i ngjan një rruge të qartë drejt paqes, por është një portret i negociatave që përcaktohen nga fshehtësia, mosbesimi dhe rreziku i ngërçit.

Disa përparime mbi garancitë e sigurisë për Ukrainën

Uashingtoni dhe shtetet evropiane janë afruar drejt përcaktimit se si mund të duken garancitë e sigurisë për Ukrainën pas luftës.

Planifikues ushtarakë amerikanë dhe evropianë kanë nisur takimet për të shqyrtuar se çfarë mund të përfshijë paketa e përgjithshme e sigurisë, para se udhëheqësit politikë të marrin një vendim përfundimtar për të.

Kjo përfshin furnizime afatgjata me armë, shkëmbim të informacioneve të inteligjencës dhe planifikim të përbashkët të mbrojtjes. Trump ka lënë të kuptohet se fuqia ajrore amerikane mund të përfshihet në paketën e sigurisë.

Londra, Parisi dhe Berlini kanë përsëritur qëndrimin e tyre të kamotshëm se garancitë e sigurisë duhet të jenë të prekshme ose Moska do ta trajtojë çdo armëpushim si një pauzë të përkohshme para ofensivës së radhës.

Rusia vazhdimisht ka përsëritur kundërshtimin e saj për praninë e forcave të NATO-s në Ukrainë.

Qëndrimi i Rusisë nuk ka ndryshuar

Teksa raportimet e mediave kanë thënë se Putini ka shtyrë përpara idenë e ngrirjes së vijave të frontit në disa zona, objektivat e tij të mëdha mbeten të pandryshuar: kontrolli i plotë mbi rajonet lindore të Ukrainës, Donjeck dhe Luhansk, njohja e aneksimit të Krimesë dhe zotime ligjërisht të detyrueshme që Ukraina të mos i bashkohet NATO-s.

Përveç këtyre, ka edhe kufizime të mëdha për forcat e armatosura të Ukrainës.

Këto nuk duken si koncesione, por kërkesa për të institucionalizuar humbjet territoriale të Kievit dhe për të vulosur cenueshmërinë e Ukrainës.

Refuzimi i Kremlinit, deri më tani, për t’u pajtuar për një takim mes Putinit dhe Zelenskyt vë në pah se si Rusia thjesht ngul këmbë në vijat e kuqe ekzistuese.

Ndërkaq, për Kievin, dhënia e tokës ndaj Rusisë do të ishte jo vetëm jokushtetuese, por politikisht dhe ushtarakisht dëmtuese.

Hezitimi i Uashingtonit për t’u angazhuar

Pas dy samiteve, Trump duket se po tërhiqet.

Presidenti amerikan veçse kishte deklaruar në Uashington se jo domosdo ai duhet të jetë i pranishëm në një samit Putin-Zelenesky, dhe që atëherë ka sugjeruar se mund të marrë pjesë vetëm pasi udhëheqësit rusë dhe ukrainas të jenë takuar.

Trump ka theksuar se trupat amerikane nuk do të dislokohen në Ukrainë, vendim që kurrë nuk ka qenë në pikëpyetje.

Se cila realisht mund të jetë “përfshirja” e SHBA-së në garancitë e sigurisë dhe çfarë roli mund të luajë forca e saj ajrore, po ashtu mbeten të paqarta – të paktën për publikun.

Qëndrimi i Trumpit reflekton si kujdes strategjik – shmangie të një përshkallëzimi të drejtpërdrejtë me Rusinë – ashtu edhe llogaritje politike. Shtëpia e Bardhë vazhdon të jetë painteresuar që të mbështesë arkitekturën e sigurisë të Evropës.

Për Kievin, kjo reflekton një të vërtetë të dhimbshme: Evropa është angazhuar për mbrojtje, por SHBA-ja mund të mos e mbështesë mjaftueshëm.

Ndarjet transatlantike

Samiti i Uashingtonit ishte shfaqje e unitetit transatlantik, por ndarjet dhe mosbesimi mbesin.

Nënpresidenti amerikan, JD Vance, qëndroi i heshtur kur Zelensky dhe Trump u takuan para kamerave në Zyrën Ovale. Por, gjatë një interviste dhënë më vonë për Fox News, ai tha se e kishe paralajmëruar Zelenskyn: “Zoti president, për aq kohë sa silleni mirë, unë nuk do të them asgjë”.

Kjo intervistë rikujtoi përplasjen me Zelenskyn gjatë qëndrimit të tij në Shtëpinë e Bardhë në shkurt, duke sugjeruar se antagonizmat e së kaluarës nuk janë harruar plotësisht.

Ndërkaq, CBS raportoi më 21 gusht se drejtoresha e inteligjencës kombëtare, Tulsi Gabbard, në korrik lëshoi një udhëzim që klasifikonte të gjitha informacionet lidhur me negociatat e paqes si “NOFORN” – vetëm për përdorimin nga SHBA-ja – dhe këto informacione madje ndalohet që të ndahen me grupin Five Eyes.

Grupi Five Eyes bashkon SHBA-në me Britaninë, Kanadanë, Australinë dhe Zelandën e Re sa i përket këmbimit të inteligjencës. Përjashtimi i tyre nga një çështje kaq të ndjeshme do të lërë planifikuesit evropianë pa informacionin amerikan në momentin kur po u kërkohet të marrin udhëheqjen për garancitë e sigurisë.

Sulmet ruse kanë vazhduar

Ndërkaq, sulmet e Rusisë kanë vazhduar pa u ndalur.

Më 21 gusht, Zelensky dënoi Rusinë për lëshoi qindra dronëve dhe dhjetëra raketave në një sulm masiv të kryer gjatë natës, duke e quajtur sjelljen e Moskës dëshmi se ajo nuk ka interes të përfundojë konfliktin.

“Ata po përpiqen t’i shmangen mbajtjes së një takimi. Ata nuk duan ta përfundojnë këtë luftë”, deklaroi ai.

Ndërsa diplomatët, përfshirë edhe zyrtarët rusë, flasin për dialog, forcat ruse vazhdojnë të bombardojnë qytetet ukrainase, duke vrarë dhe plagosur civilë, përfshirë fëmijët, dhe duke shkatërruar infrastrukturën thelbësore. /REL/

Britanikja Ethel Caterham ka festuar 116-vjetorin e lindjes, duke u shpallur zyrtarisht njeriu më i vjetër në botë.

Ethel, e cila jeton në një shtëpi për të moshuar në Lightwater, Surrey (Angli), u bë personi më i vjetër në jetë në muajin prill të këtij viti, pas ndarjes nga jeta të murgeshës braziliane, Inah Canbarro Lucas, në moshën 116-vjeçare.

Ethel ka lindur më 21 gusht 1909, duke qenë kështu personi i fundit i mbetur gjallë nga koha e Edward VII. Madje, për ditëlindjen e saj të 115-të, mbreti aktual Charles III – stërnip i Edward VII – i dërgoi një kartolinë urimi.

Jeta e Ethel ka qenë një udhëtim i jashtëzakonshëm nëpër histori: ajo lindi tre vite përpara fundosjes së Titanikut, tetë vite para Revolucionit Rus dhe përjetoi dy luftëra botërore. E rritur në Wiltshire, ishte fëmija i parafundit nga tetë vëllezër e motra.

Në rininë e saj, punoi si dado në Indi, ndërsa më pas jetoi në Hong Kong dhe Gjibraltar së bashku me bashkëshortin e saj Norman, një kolonel në ushtri.

Shtëpia e kujdesit ku ajo jeton bëri një deklaratë për mediat, duke thënë: “Ethel dhe familja e saj janë thellësisht mirënjohës për të gjitha mesazhet dhe interesimin që i është treguar teksa ajo feston 116-vjetorin e saj këtë vit. Ajo do ta kalojë ditën në mënyrë të qetë me familjen, për ta shijuar sipas ritmit të saj. Faleminderit për urimet në këtë ditë të veçantë.”

Personi më i vjetër që ka jetuar ndonjëherë ka qenë francezja Jeanne Louise Calment, e cila vdiq në vitin 1997 në moshën 122 vjeç e 164 ditë. / abcnews.al /

Sot pasdite, rreth orës 15:45, në aksin rrugor Vlorë–Orikum ka ndodhur një aksident, ku dy automjete u përplasën si pasojë e një parakalimi të gabuar.

Nga ngjarja ka mbetur i plagosur një person, i cili u transportua menjëherë drejt Spitalit të Vlorës dhe ndodhet jashtë rrezikut për jetën.

Policia po heton shkaqet e aksidentit.

Presidenti turk Recep Tayyip Erdogan ka zhvilluar një telefonatë me homologun e tij francez Emmanuel Macron dhe ka konfirmuar gatishmërinë e Turqisë për të pritur një samit paqeje mes Rusisë dhe Ukrainës.

Sipas njoftimit të presidencës turke, gjatë kësaj telefonate Erdogan ka ritheksuar se Turqia është e gatshme të “bëjë pjesën e saj” dhe të “marrë rolin e mikpritësit”.

Mes të tjerash, mediatturke raportojnë se të dy liderët kanë diskutuar gjithashtu për planin e Izraelit për të marrë kontrollin e Rripit të Gazës, një plan që Erdogan e ka kritikuar ashpër, duke e quajtur “të domosdoshme” ndalimin e “arrogancës” së qeverisë së drejtuar nga Benjamin Netanyahu.

Të dy liderët ranë dakord të diskutojnë më në detaje për këto çështje gjatë Asamblesë së Përgjithshme të OKB-së që do të mbahet në shtator në New York.

Sipas deklaratës, “Erdogan theksoi gjithashtu rëndësinë që Turqia i jep zhvillimit të bashkëpunimit me Francën dhe tha se Ankaraja do të vazhdojë të ndërmarrë hapa për të forcuar marrëdhëniet në fusha të ndryshme, veçanërisht në industrinë e mbrojtjes.”

Ndërkohë, Macron deklaroi përmes platformës X se të dy liderët ndajnë të njëjtin synim: për t’i dhënë fund “luftës së agresionit” të Rusisë ndaj Ukrainës, duke theksuar nevojën për “ndërprerjen e luftimeve dhe garanci të forta sigurie për Kievin”.

Ai falënderoi Turqinë për bashkëpunimin e saj brenda Koalicionit të të Vullnetshmëve për këtë çështje.

Duke iu referuar Lindjes së Mesme, Macron dënoi vendimet e fundit të qeverisë izraelite për të nisur një ofensivë të re ushtarake në Gaza dhe për të zgjeruar vendbanimet në Bregun Perëndimor të pushtuar, veçanërisht në zonën E1.  / abcnews.al /

Mjekët okulistë në spitalin rajonal të Vlorës i kanë kthyer shikimin një pacienti 59-vjeçar, i cili e kishte humbur thuajse plotësisht për shkak të komplikacioneve nga diabeti.

Ndërhyrja e rrallë dhe tepër e ndërlikuar u realizua nga ekipi i mjekëve okulistë, Dilaver Haskaj, Edmond Isufaj dhe Odela Risilia, me asistencën e mjekut turk Kemal Ylsek.

Sipas mjekëve, operacioni i njohur si vitrektomi është një nga ndërhyrjet më të vështira në fushën e oftalmologjisë. Ndërhyrja zgjati rreth 90 minuta dhe pacientit iu rikthye jeta normale.

“Falë teknologjisë moderne, ne mund të asistojmë dhe të shohim me qartësi shkallën e dëmtimit të syrit edhe pas retinës, duke bërë të mundur ndërhyrjen në zona ku më parë nuk ishte e realizueshme.”, tha mjeku Dilaver Haskaj.

Nga muaji shkurt deri më sot, në këtë spital janë kryer 15 ndërhyrje të ngjashme, por sipas mjekëve kjo ishte më e vështira, pasi pacienti e kishte humbur tërësisht shikimin.

“Ishte një ndërhyrje shumë e ndërlikuar, por u realizua me sukses dhe rezultati është një arritje e madhe për mjekësinë rajonale.”, tha  mjeku Edmond Isufaj.

Ky shërbim i ri ofrohet falas për spitalin rajonal të Vlorës, pasi mbulohet nga buxheti i shtetit. Tashmë pacientët nga jugu i vendit mund ta marrin këtë shërbim në spitalin rajonal të Vlorës, pa qenë e nevojshme të praqiten në qendrën spitalore Nënë Tereza në Tiranë apo në klinikat private, ku një operacion i tillë tek këto të fundit

Kryeministri Rama ka reaguar sërish në rrjetin social Facebook lidhur me zaptimin e hapësirave publike.

Pas më shumë se 5 javësh boshatisje të zonave publike të zëna me ndërtime pa leje, Rama e ka cilësuar si fazën e parë të një transformimi të ri për Tiranën dhe qytetet e tjera. Më tej, Rama vijon të komentojë edhe njësitë e shërbimit si më bashkëpunuese dhe më miqësore me komunitetin.

Eshte arrestuar ne Itali një ukrainas i dyshuar për sulmet ndaj tubacioneve te Nord Stream në vitin 2022.

I dyshuari, i identifikuar vetëm si Serhii K, është akuzuar për vendosjen e eksplozivëve në tubacionet që transportojnë gazin rus në Gjermani pranë ishullit danez Bornholm. Ai u arrestua gjatë natës në provincën e Riminit të Italisë.

Hetuesit kishin punuar në heshtje, por dy vjet më parë thanë se gjetën gjurmë eksplozivësh nënujorë në mostrat e marra nga një jaht që u kontrollua si pjesë e hetimit.

I arrestuari dhe personat e tjerë të përfshirë përdorën një jaht që u nis nga porti gjerman i Rostockut, i cili ishte marrë me qira nga një kompani gjermane duke përdorur dokumente identifikimi të falsifikuara dhe me ndihmën e ndërmjetësve.

Prokurorët nuk dhanë asnjë informacion mbi personat e tjerë në bordin e jahtit ose për motivin që i shtyu ata të planifikonin shpërthimin.

Shpërthimet më 26 shtator 2022 shkaktuan ccarje në tubacionet e Nord Stream 1, të cilat u ndërtuan për të transportuar gaz natyror rus në Gjermani nën Detin Baltik. Dëmi shtoi tensionet për shkak të luftës në Ukrainë, ndërsa vendet evropiane u përpoqën të shkëputeshin nga burimet ruse të energjisë, pas pushtimit të plotë të Ukrainës nga Kremlini.

Ato dëmtuan gjithashtu tubacionin Nord Stream 2, i cili nuk hyri kurrë në shërbim sepse Gjermania pezulloi procesin e certifikimit pak para se Rusia të pushtonte Ukrainën në shkurt të atij viti.

Rusia ka akuzuar Shtetet e Bashkuara për organizimin e shpërthimeve, një akuzë që Uashingtoni e ka mohuar. Tubacionet ishin prej kohësh një objektiv kritikash nga SHBA dhe disa nga aleatët e saj, të cilët paralajmëruan se ato përbënin një rrezik për sigurinë energjetike të Evropës duke rritur varësinë nga gazi rus. / abcnews.al /

Rusia sulmoi Ukrainën me rreth 600  dronë dhe 40 raketa të llojeve të ndryshme.

Një person u vra dhe tre të tjerë u plagosën në qytetin perëndimor të Lviv dhe disa ndërtesa banimi pësuan dëme.

Forcat ajrore të Ukrainës numëruan 614 dronë dhe raketa të tjera të qëlluara nga Rusia gjatë natës deri të enjten dhe thanë se kishin ndaluar 577 prej tyre. Ky është sulmi më i madh ajror që nga korriku.

Ndërsa sulmet ruse kanë tendencë të përqendrohen në rajonet lindore pranë vijave të frontit, sulmet e fundit goditën edhe zonat perëndimore.

Sulmi më i madh në gati 4 vite lufte ndodhi në fillim të korrikut, kur Rusia sulmoi me 728 dronë dhe 13 raketa në qytetet në të gjithë vendin.

Ndërkohë, Ukraina tha se forcat e saj të armatosura kishin goditur një rafineri nafte në rajonin e Rostovit të Rusisë, i cili kufizohet me Donbasin.

Zyrtarët thanë se ata goditën gjithashtu një depo dronësh rusë në Donetsk, si dhe objekte të tjera ushtarake dhe infrastrukturore.

Presidenti ukrainas Volodymyr Zelensky tha se nuk ka asnjë sinjal nga Moska se ata kanë ndërmend të angazhohen seriozisht në negociatat për fundin e luftës dhe kërkoi presion dhe sanksione të forta.

Sulmet vijnë teksa përpjekjet diplomatike për paqen po vazhdojnë, me synimin për të realizuar një takim mes Volodymyr Zelensky dhe Vladimir Putin deri në fund të muajt gusht.

Zelensky ka shprehur hapur se nuk do të donte që ky takim të mbahej në Budapest, një nga vendet që është propozuar si organizator, pasi Hungaria nuk ka qenë në mbështetje të Ukrainës në luftë. Vende të tjera që janë propozuar janë edhe Roma e Gjeneva, me këtë të fundit që preferohet më shumë për shkak të qëndrimin neutral të Zvicrës.

Sezoni parlamentar po afron, bashkë me të  dhe ndryshimet e posteve. Gazment Bardhi është zhdukur prej 11 majit, pas humbjes historike të tij në Fier, por në këmbim të postit, rezultati duhet justifikuar.

Me siguri nga pushimet, ai është shfaqur mjaft aktiv në rrjetet sociale. Denoncon me video farsën e Fierit.Me këtë video, Bardhi denoncon kontrollin masiv të votës dhe fshehtësisë së saj në Tërbuf, sipas tij komisionerët e PS.

Por, deputetja e re socialiste e Fierit, Zegjine Caushi e ka kapur mat Gazin. Me një videomesazh, ajo e korrigjon, e i thotë se komisionerët në video nuk janë të PS, por të PD.

“O gazo, po s’ka nevojë ta marrë vesh çdo ditë e gjithë dynjaja që ti nuk njohe kurrë komisionerët e PD-së në qarkun e Fierit, e jo më votuesit.  Dole Po mirë, pyet një herë, para se të nxjerrësh nga këto perlat që nxjerr, pyet një herë si turist kalimtar që ishe, kush janë këta që po tundin kutinë. Ja ta them unë, e ta marrin vesh të gjithë Gazo që ti vetëm drejtues politik nuk je. I pari është Behar Gjoshi, sekretari i komisionit për Partinë Demokratike dhe i dyti, Denis Murrizi, anëtar komisioni për PD-në”

Me korrigjimin e Zegjinesë, Gazi tani duhet të sqarojë, kush ka bërë vërtet farsën në Fier? Komisionerët e tij, apo të Berishës?

Por Zegjineja, që nuk e lë Gazin të turpërohet kollaj, i jep një këshillë për në shtator, para se të takohen në parlament.

“Eh, po nuk rri rehat e vazhdon e  gabon, se lë dot të turpërohet. Se në fund të ditës është Gazi im. Thuaji bababufit të të çojë në Kavajë, më dëgjo mua, mirupafshim deri në gafën e radhës” / abcnews.al /

Nje ngjarje e rende ka ndodhur mengjesin e kesaj te enjte ne Sukth te Durresit. Persona ende te paidentifikuar, te maskuar dhe te armatosur kane mesure ne nje banese ne zonen e sukthit.

Nen presion te vazhdueshem dhe kercenimin e armeve, autoret kane marre nje shume parash, kursime te familjes. Ngjarja, sipas burimeve nga policia ka ndodhur rreth ores 03.00 te mengjesit te kesaj te enjte.

Pasi kane marre shumen e parave, autoret jane larguar, ndersa te zotet e shtepise lajmeruan polixine. Blute shkuan menjehere ne vendin e ngjarjes dhe nisen hetimet per zbardhjen e ngjarjes, identifikimin dhe arrestimin e autoreve.

Policia ka marre edhe deshmite e antareve te familjes, te cilet kane treguar me detaje ate qe kishte ndodhur. Teksa po vijon hetimet dhe kerkimet per vendndodhjen e autoreve, policia eshte e rezervuar per te dhene me shume detaje ne lidhje me ngjarjen. / abcnews.al /

Ministri i Jashtëm i Rusisë, Sergei Lavrov, ka sulmuar ashpër të ashtuquajturin “koalicion i vullnetarëve” – grupin e vendeve që mbështesin Ukrainën – duke i akuzuar se po përpiqen të sabotojnë “progresin” që, sipas tij, ishte arritur mes Donald Trump dhe Vladimir Putin gjatë takimeve të tyre në Alaskë.

Në deklaratat e tij, Lavrov tha se ky grup po devijon vëmendjen nga “shkaqet rrënjësore” të luftës në Ukrainë dhe po synon të bllokojë përpjekjet për paqe.

“Shpresoj që ky aventurizëm evropian të dështojë,” u shpreh Lavrov, duke lënë të kuptohet për një zhgënjim në rritje të Moskës ndaj aleatëve të Ukrainës.

Ai gjithashtu kritikoi përpjekjet për të diskutuar garanci të sigurisë për Ukrainën pas përfundimit të luftës, në mënyra që, sipas tij, nuk përputhen me atë që ishte diskutuar në negociatat me Ukrainën në Stamboll në vitin 2022. Lavrov i cilësoi këto përpjekje si “të pashpresa”.

Sa i përket një takimi të mundshëm midis presidentit ukrainas Volodymyr Zelenskyy dhe presidentit rus Vladimir Putin, Lavrov tha se “Putin e ka thënë shpesh se është i gatshëm të takohet.”

Megjithatë, ai theksoi se çdo nënshkrim i një marrëveshjeje është i pamundur pa adresuar “çështjet e legjitimitetit” të udhëheqjes ukrainase, duke nënvizuar se këto çështje “duhet të zgjidhen” përpara se të ndodhë një takim.

Këto deklarata vijnë në një kohë tensionesh të shtuara ndërkombëtare dhe përpjekjesh të vazhdueshme për të gjetur një zgjidhje diplomatike për luftën në Ukrainë.

/ abcnews.al /

Ditët e nxehta të gushtit janë drejt fundit, por kjo nuk  i ndalon aspak pushuesit nga mbarë bota të shijojnë peisazhet e mrekullueshme dhe ujërat e kristalta të Jonit.

Kryeministri Rama në një postim në rrjetin social Facebook, ndau rrëfimet e pushuesve shqiptarë dhe të huaj për Rivierën tonë, veccanërisht për Himarën, Dhërmiun dhe Borshin që kryeministri i cilësoi si plazhe fantastike.