Adelina Ismajli, një nga figurat më të guximshme të muzikës shqiptare, ka hapur zemrën në emisionin “21 Gradë” në RTV21. Ajo ka folur për vështirësitë dhe përjetimet gjatë karrierës, duke theksuar se ndjenja e vlerësimit ndryshon nga vendi në vend. “Në Shqipëri e ndjej veten më të vlerësuar. Në Kosovë kam pasur rastin që disa mediume m’kanë fut në lloq… Shqipëria më ka nxjerrë nga ajo baltë. Shqipëria ma ka shpëtuar karrierën,” tha ajo.

Adelina e konsideron publikun shqiptar si një faktor kyç për ringritjen e saj artistike dhe përballimin e vështirësive, duke shtuar “Në Shqipëri kam gjetur gjithmonë mbështetje dhe ndihmë që nuk e kam marrë kudo.”

The post Adelina Ismajli rrëfen për sfidat e karrierës: Shqipëria më ka shpëtuar appeared first on iconstyle.al.

Sot festohet Dita Ndërkombëtare e Mëngjarashëve, një grup i minorancës që kryen veprime të ndryshme kryesisht me dorën e majtë. Në këtë kategori përfshihen emra të njohur si Barack Obama, Bill Gates, Oprah Winfrey, Noel Gallagher dhe Princi William.

Studimet tregojnë se mëngjarashët kanë disa cilësi interesante: ata që shkojnë në universitet fitojnë 13% më shumë se homologët e djathtë, ndërsa rreth 50% e maceve janë gjithashtu mëngjarashe. Megjithatë, ky grup mund të jetë më i rrezikuar nga pagjumësia, alkoolizmi dhe skizofrenia, dhe thuhet se jetojnë mesatarisht 9 vite më pak se të tjerët.

Në anën pozitive, mëngjarashët shpesh shquhen në art dhe udhëheqje. Në SHBA, përveç Obamës, mëngjarashë kanë qenë edhe Bill Clinton, George Bush dhe Gerald Ford, duke treguar se të qenit mëngjarash nuk është pengesë për suksesin.

The post Dita e mëngjarashëve: Këtu janë disa fakte që nuk i dinit! appeared first on iconstyle.al.

Një valë zjarresh me përmasa të mëdha ka përfshirë disa zona të vendit, duke shkaktuar dëme të konsiderueshme dhe duke vënë në rrezik jetën e banorëve. Në Gramsh, veçanërisht në Skënderbegas, flakët kanë djegur 39 banesa dhe kanë shkaktuar një viktimë, ndërsa situata mbetet jashtë kontrollit me vatra të reja që hapen gjatë gjithë natës. Forcat e ushtrisë dhe emergjencës po punojnë intensivisht për të parandaluar përhapjen e flakëve drejt fshatit Nartë, ndërsa po monitorohen edhe zonat e Sulovës dhe Cërrikut.

Në Qarkun Vlorë, zjarret kanë prekur fshatrat Pecë, Sirakat dhe Kardhikaq në Delvinë, duke djegur 5 shtëpi dhe duke u shtrirë drejt Vllahatit dhe Kakodhiqit. Operacionet po mbështeten edhe nga ajri me helikopterë çek dhe sllovak. Gjithashtu, situata mbetet kritike në Tepelenë, Fushë Arrëz, Tiranë, Dibër dhe Kolonjë, ku vatrat e zjarrit po monitorohen dhe ndërhyhet me forca vendore, zjarrfikëse, policore dhe ushtarake.

Gjatë 24 orëve të fundit janë evidentuar 64 vatra zjarri, nga të cilat 24 janë ende aktive. Mbi 10 mijë forca emergjencash, nën koordinimin e Agjencisë së Mbrojtjes Civile, ndodhen në terren për të stabilizuar situatën. Autoritetet bëjnë thirrje të gjithë banorëve të ndjekin udhëzimet e emergjencës dhe të evakuohen menjëherë drejt zonave të sigurta, ndërsa kujdesi për veten dhe raportimi i çdo vatre të re konsiderohet jetik për parandalimin e përhapjes së mëtejshme të zjarreve.

The post Situatë kritike me zjarret: Evakuim i menjëhershëm për Nartë, Skënderbegas dhe Delvinë appeared first on iconstyle.al.

Sot klima astrologjike është më e ndjeshme, me Hënën në shenjën e Dashit, që krijon tension përmes ndikimit të saj me Jupiterin dhe Afërditën në Gaforre. Do të ndjehet një rritje e fortë e emocioneve dhe dëshirave, që mund të sjellë mosdurim, reagime të tepërta dhe pakënaqësi.

Të prekurit kryesorë të ditës janë Dashi dhe Gaforrja, që rrezikojnë të “rrëshqasin poshtë” emocionalisht dhe profesionalisht. Çështje praktike dhe pune mund të lihen pas dore, ndërsa ndjenja e mungesës së vlerësimit mund të rritet ndjeshëm.

Mos u çudisni nëse sot nuk keni dëshirë për dalje apo udhëtime – yjet favorizojnë qëndrimin në shtëpi dhe reflektimin. Kujdes me fjalët dhe vendimet e nxituara, sidomos në marrëdhënie personale dhe profesionale.

The post Parashikimi i sotëm: Dy shenja në sfida dhe pasiguri appeared first on iconstyle.al.

Një valë e nxehti ekstreme ka përfshirë vendet e Mesdheut, duke shkaktuar viktima dhe përhapje masive zjarresh. Të paktën tre persona kanë humbur jetën dhe mijëra banorë janë detyruar të largohen nga shtëpitë e tyre në Spanjë, Itali, Mal të Zi, Greqi dhe vende të tjera të rajonit.

Në Spanjë, një burrë rumun humbi jetën duke tentuar të shpëtonte kuajt nga një stallë në flakë afër Madridit. Në Itali, një fëmijë 4-vjeçar vdiq në Romë pas goditjes nga të nxehtit, pasi ishte lënë në makinë në Sardenjë. Ndërkohë, në Mal të Zi, një ushtar u vra dhe një tjetër mbeti i plagosur gjatë përpjekjeve për të ndalur zjarret.

Temperaturat kanë kaluar 40°C, ndërsa erërat e forta po e përkeqësojnë situatën. Zjarre të mëdha janë regjistruar në Spanjë, ku mbi 3,700 persona janë evakuuar dhe janë dëmtuar zona të mbrojtura nga UNESCO. Situata mbetet kritike edhe në Greqi, ku është kërkuar ndihmë nga BE, si dhe në Portugali, Shqipëri, Kroaci dhe Turqi.

Në Shqipëri, autoritetet raportojnë mbi 40 vatra zjarri, nga të cilat më shumë se 12 janë ende aktive, ndërsa mbi 34,000 hektarë tokë janë djegur prej korrikut. Policia ka arrestuar mbi 20 persona për zjarrvënie të qëllimshme.

Ndërkohë, shkencëtarët paralajmërojnë se valët e të nxehtit dhe zjarret janë një tjetër dëshmi e qartë e krizës klimatike, që po godet gjithnjë e më fort çdo vit.

Autoritetet në të gjithë rajonin kanë bërë thirrje për vigjilencë dhe bashkëpunim, teksa reshjet e pritshme mbeten të pakta dhe situata meteorologjike nuk jep shenja përmirësimi në ditët në vijim.

The post Tragjedi dhe alarm në Mesdhe: Zjarre, evakuime masive dhe temperatura ekstreme appeared first on iconstyle.al.

Aktorja britanike Ambika Mod (29 vjeçe), e njohur për rolin e saj në serialin e suksesshëm të Netflix-it One Day, ka folur hapur për pabarazitë në industrinë e filmit pas shpërthimit të famës.

Në një intervistë për The Times, Mod u shpreh se, ndonëse seriali i solli njohje ndërkombëtare, mundësitë e saj nuk kanë qenë të krahasueshme me ato të bashkë-yllit të saj, Leo Woodall. Ky i fundit ka siguruar tashmë një rol në filmin biografik Tony, për jetën e shefit të ndjerë Anthony Bourdain.

“Nuk më vjen keq për atë që kam thënë më herët. Është thjesht e vërteta. Ia thashë këtë edhe Leos në sy – nuk ka të bëjë me të personalisht, por me realitetin e industrisë dhe shoqërisë,” u shpreh Mod. Ajo shtoi se gratë me ngjyrë dhe pa lidhje në këtë industri duhet të punojnë shumë më tepër për të arritur gjysmën e suksesit që të tjerët mund ta kenë më lehtë.

Deklaratat e saj kanë nxitur reagime të shumta në rrjetet sociale, ku më herët ajo kishte theksuar se pavarësisht popullaritetit, aktoret me “ngjyrë tjetër lëkure” nuk përfitojnë të njëjtat oferta si kolegët e tyre të bardhë.

One Day, drama romantike që preku miliona shikues në mbarë botën, mbetet një nga prodhimet më të suksesshme të Netflix për vitin që lamë pas.

The post Ambika Mod: Aktoret me ngjyrë nuk marrin të njëjtat mundësi si kolegët e bardhë appeared first on iconstyle.al.

Fansat e “Camp Rock” mund të kenë arsye për të shpresuar. Joe Jonas ndezi thashethemet për një film të tretë gjatë paraqitjes së tij në “Hot Ones Versus” me vëllezërit Nick dhe Kevin Jonas më 12 gusht.

Gjatë lojës, Nick i kërkoi Joe-s të lexonte shënimin e fundit në aplikacionin Notes të telefonit. Pasi u mendua pak, Joe lexoi: “Camp Rock 3”, duke shkaktuar reagime të habitura dhe të qeshura nga të pranishmit. “Është e vërtetë,” tha ai, duke treguar ekranin e telefonit, dhe më pas shtoi me humor: “Më fal, Disney.”

Filmi i parë “Camp Rock” u shfaq në Disney Channel në 2008, duke sjellë në qendër Demi Lovato dhe Jonas Brothers. Pas suksesit të madh, në vitin 2010 u publikua vazhdimi “Camp Rock 2: The Final Jam”. Që prej asaj kohe nuk ka pasur njoftime zyrtare për një film të tretë.

The post “Camp Rock 3”? Joe Jonas ngre dyshimet tek fansat appeared first on iconstyle.al.

Ditën e mërkurë vendi ynë do të ndikohet nga kushte atmosferike të qëndrueshme.

Moti parashikohet i kthjellët dhe me kohëzgjatje të orëve me diell në të gjithë territorin, ku edhe sot temperaturat mbi 41 gradë C.

Era do të fryjë me drejtim veriperëndim – verilindje me shpejtësi mesatare 6 m/s, ndërsa në zonat luginore dhe përgjatë vijës bregdetare hera-herës do të fitojë shpejtësi 7-14 m/s.

The post Parashikimi i motit, edhe sot temperaturat mbi 41 gradë C appeared first on iconstyle.al.

Ashley Biden, vajza e ish-presidentit amerikan Joe Biden dhe Jill Biden, ka paraqitur kërkesën për divorc nga bashkëshorti i saj, mjeku Howard Krein, pas 13 vitesh martesë. Sipas The Philadelphia Inquirer, 44-vjeçarja dorëzoi dokumentet më 11 gusht në Gjykatën Bashkiake të Filadelfias.

Po atë ditë, Ashley ndau në Instagram një foto duke ecur në park me këngën Freedom të Beyoncé në sfond dhe një citat motivues për fillimet e reja, të cilin e fshiu më vonë.

Çifti u martua më 2 qershor 2012 në Greenville, në një ceremoni me rreth 200 të ftuar, ku Joe Biden e shoqëroi personalisht të bijën drejt altarit. As Ashley dhe as Krein nuk kanë komentuar mbi ndarjen.

The post Vajza e Joe Biden, Ashley, i jep fund martesës pas 13 vitesh appeared first on iconstyle.al.

Dashi (21 mars – 19 prill)

Kjo ditë do t’ju gjejë plot energji dhe dëshirë për veprim të shpejtë. Në punë mund të përballeni me vendime të rëndësishme – veproni, por mos e teproni me nxitimin. Në dashuri, kujdesni fjalët dhe dëgjoni me vëmendje për të shmangur tensionet. Beqarët mund të kenë një rast të mirë për njohje të re, por çelësi është sinqeriteti dhe qasja direkte.

Demi (20 prill – 20 maj)

Qetësia do të jetë aleatja juaj kryesore. Në punë, analizoni me gjakftohtësi çdo propozim, pa u ndikuar nga ngutja. Në dashuri mund të lindin disa tensione, por me durim dhe bisedë të hapur do t’i zgjidhni. Për beqarët, kjo ditë ofron më pak mundësi takimesh, pasi yjet nuk favorizojnë shumë njohjet e reja.

Binjakët (21 maj – 21 qershor)

Do të keni mendje të kthjellët dhe kreative, duke gjetur zgjidhje jashtë skemave. Në punë, paraqiten mundësi interesante – mos kini frikë të rrezikoni. Marrëdhëniet në çift do të jenë të qeta dhe të favorshme për të sqaruar apo forcuar lidhjet. Nëse prisni diçka, është më mirë ta diskutoni hapur se sa ta mbani për vete.

Gaforrja (22 qershor – 22 korrik)

Do të ndiheni të sinqertë me veten dhe të qëndrueshëm në vendime. Në punë mund të ketë ndonjë situatë të papritur, por do ta menaxhoni mirë nëse ruani qetësinë. Në dashuri, sinqeriteti do të jetë thelbësor për të shmangur keqkuptime. Beqarët mund të përjetojnë një takim me ndjeshmëri të fortë emocionale.

Luani (23 korrik – 23 gusht)

Qielli ju mbështet, ndërsa Venusi dhe Merkuri ju japin shkëlqim dhe karizëm. Çiftet mund të forcojnë lidhjen dhe ta çojnë në një fazë më të pjekur. Beqarët mund të përjetojnë një takim të fuqishëm dhe të papritur, ndoshta falë një situate spontane.

Virgjëresha (24 gusht – 22 shtator)

Dita është e përshtatshme për të gjetur ekuilibrin e brendshëm dhe për të rikuperuar energjinë e harxhuar ditët e fundit. Tensionet e muajit korrik po lehtësohen. Në punë dhe në dashuri lëvizni me diplomaci, duke shmangur kritikat e tepruara. Edhe emocionalisht kjo ditë do t’ju sjellë pak qetësi.

Peshorja (23 shtator – 22 tetor)

Do të ndjeni nevojën për të rifituar ekuilibrin, i cili ndonjëherë është i brishtë. Dialogu, nëse nuk e shtyni për më vonë, do të jetë më i lehtë. Krijimtaria është në rritje dhe një ide e mirë mund të kthehet në një projekt konkret, veçanërisht në punë.

Akrepi (23 tetor – 21 nëntor)

Intensiteti juaj karakteristik do të jetë në kulm. Diçka po merr formë ngadalë, por në mënyrë vendimtare. Në punë, vendosmëria ju afron me objektivat, por është e rëndësishme të qëndroni të fokusuar. Në dashuri, mund të lindë ndonjë xhelozi, por sinqeriteti do të jetë mbrojtja juaj më e mirë.

Shigjetari (22 nëntor – 21 dhjetor)

Do të keni dëshirë për aventura dhe për të zbuluar rrugë të reja. Edhe nëse nuk mund të udhëtoni, mund ta ushqeni mendjen me plane dhe ide të reja. Në punë, mund të hapen horizonte të freskëta. Në dashuri, kërkoni bashkëpunim dhe mirëkuptim, jo vetëm praninë e tjetrit. Kujdes me premtimet e mëdha që mund të bëni nën efektin e entuziazmit.

Bricjapi (22 dhjetor – 19 janar)

Përqendrimi do të jetë maksimal dhe këmbëngulja do të shpërblehet. Në dashuri, konkretizoni ndjenjat me gjeste të thjeshta, por domethënëse. Nëse ndiheni të larguar ose të mërzitur me dikë, merrni kohë për të qartësuar mendimet dhe për të rikthyer qetësinë tuaj të brendshme.

Ujori (20 janar – 19 shkurt)

Kreativiteti do të dalë në pah dhe puna do të jetë e hapur për idetë tuaja. Projektet në grup apo bashkëpunimet do të ecin mirë. Në dashuri, lidhjet do të forcohen përmes sinqeritetit dhe mirëkuptimit. Beqarët do të tërheqin vëmendjen, por është mirë të kontrollojnë impulsivitetin.

Peshqit (20 shkurt – 20 mars)

Do të ndiheni të qetë dhe të orientuar drejt harmonisë. Në punë, instinkti juaj i mirë do t’ju mbrojë nga zgjedhjet e gabuara. Në dashuri, një qasje e butë dhe e sjellshme do të ndihmojë për të kapërcyer çdo keqkuptim. Beqarët do të spikasin për simpati dhe hapje, dikush mund të tregojë interes të sinqertë për ju.

The post Horoskopi për ditën e sotme, 13 gusht 2025 appeared first on iconstyle.al.

Musikanti Machine Gun Kelly i bëri një dhuratë të veçantë vajzës së tij Casie për ditëlindjen e 16-të. Gjatë eventit të tij “MGK Day” në Cleveland, Ohio, artisti 35-vjeçar i dhuroi asaj një makinë Acura TLX të zezë, makinën e ëndrrave të saj.

Në një video emocionuese që u përhap shpejt në rrjetet sociale, Casie shfaqet e befasuar dhe menjëherë përqafon babain. Para se të hipte në makinë, Kelly i kujtoi rregullin numër një: “Mos nga si unë,” të cilës ajo iu përgjigj me humor: “Saktë.”

Casie u shpreh se tani i mbetet vetëm të nxjerrë patentën për të mundur të ngasë makinën e re.

The post Surpriza luksoze e Machine Gun Kelly për ditëlindjen e vajzës së tij appeared first on iconstyle.al.

Aktorja Cheryl Hines ka folur hapur për martesën me Robert F. Kennedy Jr. dhe reagimet negative që ka marrë pas qëndrimit pranë tij, veçanërisht pas largimit të tij nga Partia Demokratike dhe afrimit me Donald Trumpin.

Në një intervistë për The Wall Street Journal, Hines shprehu habinë për zemërimin e ish-miqve dhe të panjohurve: “Disa as nuk duan të flasin për këtë.” Ajo gjithashtu pranoi se qëndrimet e saj për vaksinat janë më të afërta me ato të bashkëshortit, duke theksuar se “shkenca ndryshon gjithmonë.”

Intervista nuk preku skandalin e fundit të Kennedy-t me gazetaren Olivia Nuzzi, e cila u pezullua nga puna për shkak të marrëdhënies së tyre personale gjatë fushatës presidenciale.

The post Cheryl Hines reagon për martesën me RFK Jr. dhe skandalet rreth tij appeared first on iconstyle.al.

Portieri italian, Gianluigi Donnarumma, ka njoftuar zyrtarisht se nuk do të jetë më pjesë e Paris Saint-Germain, duke i dhënë fund një aventure trevjeçare në klubin francez.

Në një deklaratë publike, Donnarumma shprehu zhgënjimin për vendimin e klubit që të mos e mbajë më në skuadër, por falenderoi tifozët parizienë për mbështetjen e tyre të pakushtëzuar gjatë kësaj periudhe. “Mbështetja dhe dashuria juaj kanë qenë gjithçka për mua,” tha portieri 25-vjeçar, i cili falënderoi edhe shokët e skuadrës, të cilët i konsideroi si “familja e dytë”.

Largimi i tij pritet të nxisë një merkato të nxehtë në lidhje me të ardhmen e tij, ndërsa mediat europiane përmendin Manchester City si një nga klubet që po e ndjek me interes për të zëvendësuar Edersonin në portë.

The post Gianluigi Donnarumma konfirmon largimin nga Paris Saint-Germain appeared first on iconstyle.al.

Një ngjarje e tmerrshme ka tronditur një komunë në veri të Romës, ku një person i cili ndodhej në arrest shtëpie, u arratis dhe kreu një sulm brutal ndaj një gruaje të moshuar.

Sipas hetimeve, mes natës së 2 dhe 3 gushtit, 26-vjeçari hyri në banesën e gruas 80-vjeçare, e cila jeton vetëm. Ai e kërcënoi me thikë për të marrë para, bizhuteri dhe sende me vlerë. Kur viktima refuzoi, duke i thënë se nuk kishte as para e as ar në shtëpi, sulmuesi e hodhi në dysheme dhe e përdhunoi.

Pas këtij akti makabër, ai e detyroi gruan të shoqërohej me të në një bankomat, ku e nxori me forcë të tërhiqte 500 euro. Më pas, 26-vjeçari u largua në këmbë, duke kërcënuar viktimën se do ta vriste nëse ajo do të denonconte ngjarjen.

Falë analizës së pamjeve të kamerave të sigurisë dhe zbardhjes së sendeve të lëna në vendngjarje, autoritetet arritën të identifikojnë dhe arrestojnë sulmuesin. Ai është dërguar në burg, ku përballet me akuza për sulm seksual të rëndë dhe grabitje.

The post E rëndë në Romë! 26-vjeçari i arratisur përdhunon dhe grabit një grua 80-vjeçare appeared first on iconstyle.al.

Aktorja e njohur Angelina Jolie po planifikon të shesë vilën luksoze në Los Angeles dhe të shpërngulet jashtë Shteteve të Bashkuara, raportojnë mediat amerikane. Lajmi vjen ndërsa Jolie po shqyrton disa destinacione të mundshme për zhvendosjen e saj, e cila pritet të ndodhë vitin e ardhshëm, pas mbushjes së 18-vjetorit të binjakëve të saj, Knox dhe Vivienne.

Burime pranë aktorës tregojnë se Jolie kurrë nuk kishte dëshiruar të jetonte përgjithmonë në Los Angeles, por e kishte bërë këtë për shkak të marrëveshjes së kujdestarisë me ish-bashkëshortin Brad Pitt. Ajo pritet të jetë shumë e lumtur kur të largohen nga qyteti, sipas burimeve.

Vila ku jeton prej vitit 2017 u ble për 24.5 milionë dollarë dhe më parë ishte pronë e legjendarit Cecil B. DeMille. Banesa ka gjashtë dhoma gjumi, 10 banjo, një kopsht të madh me pishinë, palestër dhe shumë ambiente të tjera luksoze.

The post Ç’ndodhi? Angelina Jolie planifikon të shesë vilën në Los Angeles dhe të shpërngulet jashtë SHBA-së appeared first on iconstyle.al.

Një burrë në Arabinë Saudite vendosi të divorcohej vetëm tre muaj pas martesës, pasi gruaja e tij e bllokoi në WhatsApp pas një grindjeje. Ai pretendoi se ajo kalonte shumë kohë në telefon, duke neglizhuar detyrimet ndaj shtëpisë dhe fëmijës së tyre.

Pas bllokimit në aplikacion, burri i dha gruas një ultimatum: ose të kthehej pranë tij, ose të kthente pajën dhe arin që i kishte dhuruar. Gjykata dha vendimin në favor të burrit, duke shpallur zyrtarisht divorcin dhe urdhëruar gruan të kthejë dhuratat e pajës.

Ky rast ka tërhequr vëmendjen për ndikimin e komunikimit në marrëdhëniet bashkëshortore dhe rëndësinë e respektit në komunikim.

The post Nga WhatsApp-i në gjykatë: divorci i pazakontë appeared first on iconstyle.al.

Marrëdhënia e Adrola Dushit dhe Capital është tashmë e konsoliduar dhe çifti po shijon disa ditë relaxi në një rezidencë private buzë detit.

Vip Magazine ka siguruar foto ekskluzive nga një darkë intime ku dyshja shoqërohen nga nëna e reperit dhe djali i modeles, Troi. Nga pamjet duket se Capital është shumë i afërt me Troin, duke ndërtuar një raport të ngrohtë dhe të shëndetshëm me të.

Edhe pse përfoljet për lidhjen e tyre datojnë prej kohësh, as Adrola dhe as Capital nuk e kanë konfirmuar publikisht marrëdhënien e tyre, megjithatë modelja është parë shpesh pranë reperit në koncertet e tij, si një mbështetëse e zjarrtë.

The post Foto/ Një dashuri që nuk fshihet më: Adrola, Capital, Troi dhe nëna e reperit në momentet më të ngrohta appeared first on iconstyle.al.

Një studim i ri astrologjik ka nxjerrë në pah se disa shenja horoskopi dallohen për aftësitë e tyre të veçanta në drejtimin e makinës, duke fituar epitetin “nona e timonit” në rrugët e qyteteve.

Shenjat që shkëlqejnë më shumë në drejtimin e automjeteve janë Dashi, Luani dhe Bricjapi.

Pikat e forta të tyre në rrugë:
•Dashi njihet për reflekset e shpejta dhe guximin, që i bëjnë të reagojnë menjëherë ndaj çdo situate të paparashikuar. Ata nuk hezitojnë të nisin lëvizje të guximshme, duke ruajtur kontrollin edhe në momentet e presionit.

•Luani është kampion i vendosmërisë në rrugë; parakalimet dhe manovrat e tyre janë të sigurta dhe të planifikuara, ndërkohë që natyra e tyre udhëheqëse i bën të dominojnë qetësisht trafikun.

•Bricjapi është shembulli i durimit dhe disiplinës, duke pritur momentin e duhur për të vepruar dhe duke respektuar rregullat e trafikut në mënyrë shembullore.

The post Yjet dhe timoni: shenjat e horoskopit që drejtojnë më mirë makinën appeared first on iconstyle.al.

Të paktën 89 palestinezë u vranë brenda një dite nga bombardimet izraelite në Gaza, përfshirë 15 persona që prisnin ndihma ushqimore, sipas autoriteteve vendase. Sulmet u intensifikuan pas vendimit të qeverisë së Netanyahut për zgjerimin e ofensivës.

Pesë persona, mes tyre dy fëmijë, humbën jetën nga uria, ndërsa ministrat e jashtëm të 24 vendeve paralajmëruan për “vuajtje të paimagjinueshme” dhe kërkuan hyrjen e menjëhershme të ndihmave.

Në veri, bombardimet goditën kalimin Zikim, ndërsa në jug, sulmet prekën Khan Younis dhe kampin me tenda në Mawasi. Numri i viktimave nga uria që nga tetori ka arritur në 227, sipas Ministrisë së Shëndetësisë.

Sulmet kanë vrarë gjithashtu edhe gazetarin e Al Jazeera, Anas al-Sharif, bashkë me katër kolegë, duke nxitur reagime të forta ndërkombëtare. Që nga 7 tetori 2023, ofensiva izraelite ka vrarë mbi 61 mijë palestinezë.

The post Gaza nën zjarr: 89 të vrarë në 24 orë, mes tyre dhe njerëz që prisnin ushqim appeared first on iconstyle.al.

Për herë të dytë brenda një muaji, Greqia ka aktivizuar Mekanizmin Evropian të Mbrojtjes Civile, duke kërkuar katër avionë zjarrfikës për të përballuar situatën alarmante të orëve të fundit.

Vetëm sot, në vend janë regjistruar 63 nga gjithsej 106 vatra zjarri aktive, me përqendrim kryesisht në Kefaloni, Vonicë, Zakinthos, Arta, Prevezë, Hios, Mesinia dhe Aitoliko. Forcat tokësore dhe ajrore po luftojnë me flakët, ndërsa erërat e forta po e përkeqësojnë situatën.

Një zjarr masiv në Ahaia, pranë Patras, është përhapur në shtëpi dhe fshatra, duke detyruar Mbrojtjen Civile të dërgojë mesazh urgjent për evakuim përmes numrit 112. Ekspertët paralajmërojnë se erërat e fuqishme të kombinuara me lagështinë e ulët nga thatësira e zgjatur krijojnë kushte ideale për shpërthimin e vatrave të reja.

Harta e Rrezikut për nesër tregon nivel shumë të lartë në Athinë, Peloponez, Greqinë Perëndimore e Qendrore, Ishujt e Detit Jon dhe disa zona të Greqisë Veriore. Sipas të dhënave të BE-së nga programi satelitor Copernicus, vetëm deri më 29 korrik janë djegur mbi 55 mijë hektarë pyje dhe toka bujqësore në të gjithë vendin.

The post Greqia në alarm nga zjarret, kërkon sërish ndihmë nga BE appeared first on iconstyle.al.