Sot në Shtëpinë e Bardhë do mbahet një takim i nivelit të lartë mes Presidentit amerikan Donald Trump dhe udhëheqësve kryesorë evropianë, me fokus kryesor luftën Rusi-Ukrainë dhe sigurinë ndërkombëtare.

Pasditen e së hënës, Sekretari i Përgjithshëm i NATO-s, Mark Rutte wshte i pari që mbërriti në ambientet e Shtëpisë së Bardhë, i ndjekur nga Presidentja e Komisionit Evropian, Ursula von der Leyen dhe Kryeministri britanik, Keir Starmer. Të gjithë u pritën nga Shefja e Protokollit, Monica Crowley.

Në takim pritet të marrin pjesë gjithashtu Presidenti francez Emmanuel Macron, Kancelari gjerman Friedrich Merz, Kryeministrja italiane Giorgia Meloni, Presidenti finlandez Alexander Stubb si dhe Presidenti ukrainas Volodymyr Zelensky.

Në prag të bisedimeve, Presidenti Trump deklaroi se gjatë mandatit të tij ka arritur të shuajë gjashtë konflikte ndërkombëtare, duke nënvizuar rolin e SHBA-së në ruajtjen e paqes globale.

Takimi i sotëm shihet si një moment vendimtar për koordinimin e qëndrimeve mes SHBA-së dhe aleatëve evropianë mbi mbështetjen ndaj Ukrainës dhe strategjinë e ardhshme ndaj Rusisë.

The post Sot takimi Trump-Zelensky, udhëheqësit evropianë fillojnë të mbërrijnë në Shtëpinë e Bardhë appeared first on Albeu.com.

Tre shqiptarë kanë humbur jetën tragjikisht e një tjetër ka mbetur i plagosur rëndë pas një aksidenti të ndodhur ndodhur mesditën e sotme në autostradën Egnatia pranë Komotinisë në lindje të Greqisë.

Shqiptarët Viktor Bushi 59 vjeç, Klarenc Kacaj 61 vjeç, Marianka Bushi Aliraj 57 vjeçe (viktimat) dhe Mardalena Kacaj 49 vjeçe, kjo e fundit e plagosur e të tjerët tashmë viktima, ishin duke u kthyer nga dasmë në momentin që janë përplasur nga një kamion që drejtohej nga një shtetas bullgar.

Nga përplasja e fortë, automjeti ka shpërthyer menjëherë në flakë ndërsa personat që ndodheshin brenda kanë thirrur me të madhe për ndihmë, por askush nga personat e pranishëm nuk mundën që t’i shpëtonin. Vetëm 49-vjeçarja ka mundur që të dalë nga makina, ndërsa personat e tjerë janë karbonizuar brenda në automjet nga flakët.

Dëshmitarët okularë janë shprehur se flakët ishin aq të mëdha saqë ishte e pamundur për ne që t’i ndihmonim.

Në aksident gjithashtu është përfshirë dhe një tjetër automjet ku po udhëtonin 4 shtetas grekë, të moshave 36 vjeç, 28 vjeç dhe dy djem të moshës 4 dhe 5 vjeç. Të gjithë këta persona janë dërguar për ndihmë mjekësore në spital dhe ndodhen jashtë rreziku për jetën. I plagosur nga ky aksident ka mbetur dhe shoferi bullgar i kamionit ndërsa hetimet po vijojnë për zbardhjen e plotë të rrethanave të rastit.

The post “Na kërkuan ndihmë, por s’i shpëtuam dot”, detaje tronditëse nga aksidenti ku humbën jetën 3 shqiptarë; Po ktheheshin nga dasma, u dogjën të gjallë në automjet appeared first on Albeu.com.

Lidhur me aksidentin e ndodhur në autostradën e Ksanthit, viktimat janë:

Viktor Bushi, 59 vjeç banues në Metamorfosi, Athinë.

Klarenc Kacaj i datëlindjes 61 banues Dhrapecona, Athinë.

Marianka Bushi Aliraj datëlindje 57 vjeçe.

Dhe e plagosur ne spital ndodhet Mardalena Kacaj e datëlindjes 49. Ajo ndodhej në sediljen mbas drejtuesit të automjetit dhe u nxor nga kalimtaret qe iu erdhën në ndihmë.

The post Aksidenti me tre v*ktima në Greqi, zbardhen emrat e shqiptarëve appeared first on Albeu.com.

Para takimit të shumëpritur në Shtëpinë e Bardhë me presidentin ukrainas Volodymyr Zelensky dhe udhëheqësit evropianë, Donald Trump dërgoi një mesazh të fortë përmes platformës së tij ‘’Truth Social’’.

Presidenti Trump theksoi se në gjashtë muajt e fundit ka arritur të zgjidhë gjashtë konflikte, njëri prej të cilëve sipas tij kishte potencialin të shkaktonte një katastrofë bërthamore. Megjithatë, ai akuzoi Ëall Street Journal dhe analistë të tjerë se nuk kuptojnë asgjë rreth situatës në Ukrainë.

“Në gjashtë muajt e fundit, kam zgjidhur 6 luftëra, njëra prej të cilave mund të kishte shkaktuar një katastrofë bërthamore. Megjithatë, më duhet të dëgjoj Ëall Street Journal dhe shumë të tjerë, të cilët realisht nuk kanë asnjë ide, të më thonë se çfarë po bëj gabim në situatën Rusi/Ukrainë, e cila është lufta e fshehtë e Joe Biden, jo e imja. Personalisht, jam këtu për ta ndaluar atë, jo për ta çuar më tej.

Nëse do të isha president, kjo nuk do të kishte ndodhur kurrë. E di saktësisht çfarë po bëj dhe nuk kam nevojë për këshillat e njerëzve që kanë punuar me këto konflikte për vite me radhë dhe që nuk kanë arritur kurrë të bëjnë asgjë për t’i ndaluar ato’’. – përfundoi Trump.

Takimi i radhës në Shtëpinë e Bardhë pritet me interes të madh, ndërsa qëndrimet e Trump ndaj Ukrainës dhe marrëdhënieve me Evropën po ngjallin debat të gjerë si brenda SHBA-së, ashtu edhe ndërkombëtarisht.

The post Trump para takimit me Zelenskyn: Kam zgjidhur 6 konflikte, tani është radha e Ukrainës appeared first on Albeu.com.

Presidenti ukrainas Volodymyr Zelenskyy sapo ka zhvilluar bisedime me të dërguarin special të SHBA-së, Keith Kellogg, në Uashington DC, përpara takimit me Donald Trump dhe udhëheqësit evropianë.

“Rusia mund të detyrohet të hyjë në paqe vetëm përmes forcës, dhe Presidenti Trump e ka këtë forcë”, tha Zelensky në një postim në rrjetet sociale duke falënderuar Kellogg për takimin.

Ai shton se Ukraina është e gatshme të vazhdojë të punojë me përpjekje maksimale për t’i dhënë fund luftës dhe për të siguruar siguri të besueshme.

“Ne duhet të bëjmë gjithçka siç duhet në mënyrë që paqja të vijë vërtet”, thotë Zelenskyy duke shtuar: “Kur diskutohet paqja për një vend në Evropë, kjo do të thotë paqe për të gjithë Evropën”.

The post Zelensky para takimit në Shtëpinë e Bardhë: Trump ka forcë ta detyrojë Rusinë të bëjë paqe appeared first on Albeu.com.

Një aksident tragjik ka ndodhur rreth orës një të mesditës së sotme, në autostradën Egnatia pranë Komotinisë në lindje të Greqisë me viktima 3 shtetas shqiptarë.

Aksidenti ka ndodhur pasi një kamion është përplasur me dy makina pak para stacionit të Iasmës ku paguhen taksat e rrugës.

Dy automjetet me pasagjerë kanë ulur shpejtësinë për shkak të radhës së krijuar, ndërsa kamioni nuk ka mundur të frenojë për arsye ende të panjohura dhe është përplasur me to.

Shoferi i kamionit u dërgua gjithashtu në spital me lëndime të rënda, ndërsa automjeti i tretë mbante katër persona të tjerë, të cilët u dërguan gjithashtu në spital nga ambulancat . Ata kanë lëndime të lehta dhe gjendja e tyre shëndetësore nuk është shqetësuese.

Përplasja shkaktoi një zjarr të madh, i cili u përhap edhe në zonat rurale.

22 zjarrfikës me 9 automjete nxituan në vendngjarje për të shuar zjarrin dhe për të nxjerrë të lënduarit dhe viktimat nga automjetet që digjeshin.

Për shkak të aksidentit tragjik, policia rrugore bllokoi për disa orë aksin rrugor .

Konkretisht, u vendos të ndalohet qarkullimi i të gjitha automjeteve në Autostradën Egnatia Iasmos – Ksanthi, në itinerarin Komotini – Ksanthi.

The post Aksident në Greqi, ndërrojnë jetë tre shqiptarë appeared first on Albeu.com.

Kryeministri i Kosovës, Albin Kurti ka shprehur pakënaqësitë e tij lidhur me Gjykatën Kushtetuese vendase si dhe dyshime për vonesën e publikimit të vendimit të gjykatës për konstituimin e Kuvendit të Kosovës.

Teksa thekson se çdo vendim kushtetues është respektuar me rigorozitet nga ai dhe prej ekzekutivit të drejtuar prej tij, Kurti tregon se vendimi i radhës pritet të jetë “i padrejtë e i padurueshëm”.

“Nuk ka vendim të Gjykatës Kushtetuese që Qeveria e Kosovës, nën udhëheqjen time si Kryeministër, nuk e ka respektuar. Dhe nuk ka vendim të Gjykatës Kushtetuese që unë, si udhëheqës i VV-së, nuk e kam respektuar. Por kur më pyesin përsëri nëse do ta respektoj vendimin e Gjykatës Kushtetuese, kjo më bën të mendoj se do të jetë i pazakontë, i padrejtë, i padurueshëm, kështu që ndoshta duhet të mendojmë se çfarë duhet të bëjmë”, tha Kurti.

Kushtetuesja ka urdhëruar Kuvendin që brenda 30-ditësh të zgjedhë kryeparlamentarin e ri përmes votimit të hapur, duke e hedhur në votim të njëjtin kandidat jo më shumë se tri herë. Ky afat njëmujor do të nisë sapo të publikohet aktgjykimi i plotë, por ende nuk është përcaktuar se kur ky publikim do të ndodhë.

Kryeministri në detyrë shton se vonesa në publikimin e vendimit të plotë – ndryshe nga rasti i 26 qershorit, kur gjithçka u publikua në të njëjtën ditë, ngre dyshime për mospërputhje dhe zbulon një precedent shqetësues në qasjen e Gjykatës.

“Edhe një herë, e përsëris se ne gjithmonë i kemi respektuar vendimet e Gjykatës Kushtetuese, por këtë herë, ndryshe nga 26 qershori, kemi vetëm njoftimin e Gjykatës Kushtetuese dhe kemi vendimin e plotë, i cili është vonuar, të cilin duhet ta lexojmë të plotë. Më 26 qershor, patëm njoftimin dhe vendimin në të njëjtën ditë. Tani, më 8 gusht, patëm njoftimin, por ende nuk e kemi vendimin. Kur ta lexojmë, do të shprehim vlerësimin tonë për meritat. Por nuk është mirë që kemi këtë vonesë, por bazuar në njoftim, sipas mendimit tim, ka një mospërputhje midis këtij vendimi në versionin e plotë që po presim dhe atij të 26 qershorit të kësaj përvoje të njëjtë të Gjykatës Kushtetuese”.

The post Çfarë do të ndodhë me Kuvendin e Kosovës, Albin Kurti: Pse po vonohet Gjykata Kushtetuese? appeared first on Albeu.com.

Presidentit të Republikës Sërpska, Millorad Dodik, i ka përfunduar zyrtarisht mandati, pasi Gjykata e Bosnje dhe Hercegovinës e hodhi poshtë ankesën e avokatit të tij ndaj vendimit të Komisionit Qendror të Zgjedhjeve të Bosnje dhe Hercegovinës, me të cilin atij i hiqet mandati për këtë funksion.

Vendimi i Gjykatës është përfundimtar, sipas njoftimit të këtij institucioni gjyqësor më 18 gusht.

Sipas Ligjit Zgjedhor të Bosnje dhe Hercegovinës, KQZ-ja duhet të shpallë zgjedhje të parakohshme për presidentin e Republikës Sërpska, të cilat duhet të mbahen brenda 90 ditësh.

Mandati i presidentit të zgjedhur në këto zgjedhje do të zgjasë deri në zgjedhjet e përgjithshme, të planifikuara për në tetor të vitit të ardhshëm.

Më herët, KQZ-ja e Bosnje dhe Hercegovinës mori vendim për t’i hequr mandatin Dodikut, pasi Gjykata e këtij vendi, në fillim të gushtit, njoftoi se ai është dënuar me një vit burgim dhe gjashtë vjet ndalim të ushtrimit të funksioneve publike në Bosnje dhe Hercegovinë, për shkak të mosrespektimit të vendimeve të përfaqësuesit të lartë ndërkombëtar.

Në ankesën, në të cilën ka pasur qasje Radio Evropa e Lirë, ekipi juridik i Dodikut e kundërshton zbatimin retroaktiv të përfundimit të mandatit, pasi si datë e përfundimit është përcaktuar 12 qershori, ndërsa vendimi për përfundimin e mandatit është marrë më 6 gusht.

Po ashtu kundërshtohet edhe pjesëmarrja në votim e anëtares së KQZ-së, Vanja Bjellica Prutina, për përfundimin e mandatit të Dodikut, meqë ajo është në një proces gjyqësor civil me të.

Në bazë të padisë së saj për shpifje, pranë Gjykatës Themelore në Sokollac po zhvillohet një procedurë civile.

Në tetor të vitit 2024, gjykatësi ka marrë një vendim të shkallës së parë, me të cilin e ka hedhur poshtë padinë, por Vanja Bjellica Prutina ka paraqitur ankesë kundër këtij vendimi.

Dodik e ka hedhur poshtë edhe aktgjykimin përfundimtar të Gjykatës së Bosnje dhe Hercegovinës, edhe vendimin e KQZ-së, duke paralajmëruar se në fund të shtatorit do të mbahet një referendum në Republikën Sërpska.

Ekipi i avokatëve të Dodikut ka kërkuar nga Gjykata Kushtetuese e Bosnje dhe Hercegovinës edhe një masë të përkohshme për ndalimin e ekzekutimit të aktgjykimit deri në vendimin përfundimtar të kësaj gjykate, edhe pse Dodik, publikisht, nuk e njeh këtë gjykatë.

Nga ekipi juridik i Dodikut kanë thënë më herët se paraqitja në Gjykatën Kushtetuese është parakusht që më pas t’i drejtohen Gjykatës Evropiane për të Drejtat e Njeriut në Strasburg.

Sipas aktgjykimit përfundimtar të Gjykatës së Bosnje dhe Hercegovinës, Dodiku është dënuar sepse ka nënshkruar publikimin e ligjeve, të cilat më herët janë shfuqizuar nga përfaqësuesi i lartë, Christian Schmidt, e që kanë paraparë moszbatimin e vendimeve të Gjykatës Kushtetuese dhe të Zyrës së Përfaqësuesit të Lartë në territorin e Republikës Sërpska.

Ekipi i avokatëve të Dodikut ka kërkuar nga Gjykata e Bosnje dhe Hercegovinës që dënimi me burg prej një viti të zëvendësohej me gjobë – një mundësi që e parasheh Kodi Penal i këtij vendi – dhe gjykata e ka pranuar atë kërkesë.

Kështu, Dodik do të paguajë rreth 36.500 marka (më shumë se 18.000 euro) brenda një viti, përkatësisht 100 marka (50 euro) për çdo ditë burgu./REL

The post Gjykata e Bosnje dhe Hercegovinës vendos: Dodik nuk është më president i Republikës Sërpska appeared first on Albeu.com.

Dashi
Të lindur më: 21 Mars – 19 Prill
Në marrëdhëniet dashurore sot do ndiheni të mbështetur dhe do keni mundësi të shprehni ndjenjat tuaja më hapur, ndërsa beqarët mund të njohin dikë interesant në një ambient të papritur. Në punë, mund të përballeni me sfida të vogla, por përkushtimi juaj do të vlerësohet nga eprorët. Shëndeti do jetë i mirë, por mos e teproni me aktivitetet fizike. Financat janë të qëndrueshme, por shmangni shpenzimet e panevojshme për të ruajtur balancën.

Demi
Të lindur më: 20 Prill – 20 Maj
Sot do ndjeni nevojën të jeni më të afërt me partnerin, duke sjellë harmoni dhe mirëkuptim në marrëdhënie; beqarët mund të marrin një ftesë surprizë. Në aspektin profesional, do të ketë mundësi për bashkëpunime të reja që mund të sjellin përfitime afatgjata. Kujdesuni për shëndetin, pasi lodhja mund të ndikojë në energjinë tuaj gjatë ditës. Financat janë në një periudhë të qëndrueshme, por është mirë të planifikoni shpenzimet për javët në vazhdim.

Binjakët
Të lindur më: 21 Maj – 20 Qershor
Dashuria sot merr ngjyra të reja, ku komunikimi i sinqertë do të forcojë lidhjet ekzistuese, ndërsa beqarët mund të nisin një njohje të re përmes miqve të tyre. Në punë, kreativiteti juaj do të vlerësohet, ndaj mos hezitoni të shprehni idetë tuaja. Shëndeti kërkon vëmendje ndaj ushqimit dhe pushimit, pasi stresi mund t’ju lodhë lehtë. Në aspektin financiar, mund të merrni një lajm të mirë ose një pagesë të vonuar.

Gaforrja
Të lindur më: 21 Qershor – 22 Korrik
Marrëdhëniet sentimentale sot janë të qëndrueshme, me mundësi për biseda të thella dhe mirëkuptim të ndërsjellë, ndërsa beqarët mund të ndjejnë nevojën për të reflektuar mbi dëshirat e tyre. Në punë, një projekt i ri mund të kërkojë më shumë përkushtim, por rezultatet do jenë të kënaqshme. Kujdesuni për shëndetin mendor përmes meditimit ose relaksit. Financat janë të mira, por është e këshillueshme të shmangni investimet e rrezikshme sot.

Luani
Të lindur më: 23 Korrik – 22 Gusht
Në dashuri, emocionet janë të forta dhe ndjenjat e sinqerta do të sjellin afërsi me partnerin, ndërsa beqarët mund të ndihen tërheqës për dikë të veçantë. Në ambientin e punës, do të keni mundësi të shfaqni aftësitë tuaja, sidomos nëse bashkëpunoni me të tjerët. Shëndeti është i qëndrueshëm, por kujdesuni të mos e teproni me ushqimet e rënda. Financat mund të përmirësohen falë një marrëveshjeje të re ose një fitimi të vogël.

Virgjëresha
Të lindur më: 23 Gusht – 22 Shtator
Sot do ndjeni ngrohtësi dhe përkujdesje në marrëdhëniet tuaja, ndërsa beqarët mund të krijojnë lidhje të reja në rrethin social. Në punë, një detyrë e rëndësishme do të kërkojë vëmendje të veçantë dhe përpikëri, ndaj mos nxitoni me vendimet. Shëndeti është i mirë, por relaksohuni më shumë në orët e mbrëmjes për të shmangur lodhjen. Financat janë stabël, por mos u tërhiqni nga blerjet impulsive.

Peshorja
Të lindur më: 23 Shtator – 22 Tetor
Në dashuri, dita premton afërsi dhe mirëkuptim me partnerin, ndërsa beqarët mund të njihen me dikë që do t’u zgjojë interesin. Në punë, do të keni mundësi të zgjidhni një problem të vjetër falë këmbënguljes suaj. Kujdesuni për shëndetin e përgjithshëm dhe merrni pak kohë për veten. Financat janë të qëndrueshme, por një planifikim i mirë do t’ju ndihmojë të shmangni surpriza të pakëndshme.

Akrepi
Të lindur më: 23 Tetor – 21 Nëntor
Sot do ndiheni më të lidhur emocionalisht me partnerin dhe do ndani momente të bukura, ndërsa beqarët mund të tërhiqen nga dikush me këndvështrime të ngjashme. Në aspektin profesional, pritet një përmirësim apo njohje që do t’ju motivojë të ecni përpara. Shëndeti është në nivel të mirë, por mos harroni të hidratoheni dhe të ushqeheni rregullisht. Në financa, është koha për të nisur kursime ose për të rishikuar buxhetin personal.

Shigjetari
Të lindur më: 22 Nëntor – 21 Dhjetor
Sot në dashuri vlerësoni më shumë mbështetjen nga partneri dhe ndjeni siguri, ndërsa beqarët mund të kenë një takim të këndshëm që hap mundësi të reja. Në punë, një detyrë e përfunduar me sukses do të sjellë vlerësime dhe mundësi të avancimit. Shëndeti kërkon vëmendje ndaj aktivitetit fizik, ndaj mos e lini pas dore lëvizjen. Financat janë të sigurta, por shmangni huazimet ose shpenzimet e panevojshme.

Bricjapi
Të lindur më: 22 Dhjetor – 19 Janar
Në marrëdhënie, sot mund të përjetoni një moment të rëndësishëm që forcon lidhjen, ndërsa beqarët do të kenë mundësi të tregojnë veten përpara dikujt që i tërheq prej kohësh. Në aspektin profesional, do të përballeni me sfida, por do të dilni fitues falë vendosmërisë. Kujdesuni për shëndetin duke balancuar punën dhe pushimin. Financat janë të mira, por është koha të mendoni për investime afatgjata.

Ujori
Të lindur më: 20 Janar – 18 Shkurt
Sot marrëdhëniet sentimentale janë të mbushura me pasion dhe mirëkuptim, ndërsa beqarët mund të ndihen të frymëzuar nga një bisedë e veçantë. Në punë, pritet një ditë produktive ku idetë tuaja do të marrin vëmendjen e kolegëve. Shëndeti është i mirë, por mos harroni të bëni pushime të shkurtra gjatë ditës. Financat janë të stabilizuara, megjithatë është mirë të shmangni shpenzimet e tepërta.

Peshqit
Të lindur më: 19 Shkurt – 20 Mars
Sot në dashuri do të ndjeni harmoni dhe qetësi në marrëdhënie, ndërsa beqarët mund të afrohen me dikë që i ka pëlqyer prej kohësh. Në punë, dëshira për perfeksion mund t’ju bëjë më të fokusuar dhe të arrini rezultate të mira. Kujdesuni për shëndetin emocional dhe mos u stërngarkoni me përgjegjësi. Financat janë të qëndrueshme, por planifikoni me kujdes për të shmangur shpenzime të papritura.

The post Horoskopi 17 Gusht, ja çfarë kanë parashikuar yjet për ju appeared first on Albeu.com.

Al Sharjah e ka nisur me fitore kampionatin në Emiratet e Bashkuara Arabe.

Rei Manaj luajti nga minuta e parë, ndërsa skuadra e tij fitoi 1 me 3 në transfertën e Diba Al Fujairah.

Sfida e vlefshme për javën e parë u mbyll me barazim 1-1 në pjesën e parë. Golat e fitores erdhën në pjesën e dytë.

Manaj luajti të plotë neshjen në qendër të sulmit. Në këtë takim nuk pati minuta për Feta Fetain.

The post Manaj feston me fitore debutimin, nuk ka minuta për lojtarin tjetër të Kombëtares appeared first on Albeu.com.

Qeveria e Serbisë ka bërë të ditur se ia ka përfunduar mandatin Igor Popoviçit, i cili mbante pozitën e ndihmësdrejtorit të Zyrës për Kosovën. Vendimi duket se është i vlefshëm prej 13 gushtit, por aty nuk janë ofruar më shumë arsyetime.

Popoviç ishte i angazhuar në sektorin për mbrojtje juridike në Zyrën për Kosovën në Qeverinë e Serbisë. Ky vendim është marrë disa ditë pasi ai e ka pranuar fajësinë në Gjykatën Themelore në Prishtinë për nxitje të përçarjes dhe mosdurimit. Dënimi prej gjashtë muajsh burgim, i marrë më 8 gusht, i është zëvendësuar me gjobë prej 3.000 eurosh, dhe ndalim të hyrjes në Kosovë për dy vjet.

Ndonëse ai e ka pranuar fajësinë në gjykatë duke thënë se nuk i është ushtruar presion, Ministria e Drejtësisë e Serbisë ka thënë të nesërmen se Popoviç e ka nënshkruar marrëveshjen me prokurorët në Kosovë “nën presion dhe pa vullnetin e tij”.

Autoritetet e Kosovës e kanë hedhur poshtë këtë pretendim. Ai është ndaluar nga autoritetet e Kosovës më 18 korrik, pas një fjalimi që ka mbajtur në Hoçë të Madhe të Rahovecit, përgjatë së cilit e ka përshkruar Ushtrinë Çlirimtare të Kosovës si “organizatë terroriste”.

Zyrtarët në Kosovë kanë thënë se nuk do të tolerojnë që të fyhet dhe përdhoset historia dhe lufta e udhëhequr nga UÇK-ja. UÇK-ja ishte forcë politiko–ushtarake e cila ka luftuar për çlirimin e Kosovës nga sundimi serb në periudhën 1990-1999.

Gjatë luftës në Kosovë më 1998/99 janë vrarë më shumë se 13.000 civilë, ndërsa mijëra të tjerë janë zhdukur. Rreth 1.600 persona, kryesisht shqiptarë, nuk janë gjetur ende. Ndër vite, autoritetet e drejtësisë në Kosovë kanë akuzuar ose dënuar disa persona për krime lufte./ REL

The post Pranoi se ka nxitur përçarje, qeveria serbe i heq mandatin ndihmësdrejtorit të Zyrës për Kosovën, Igor Popoviç appeared first on Albeu.com.

Një aksident ka ndodhur mbrëmjen e sotme në Lungomare të Vlorës, ku një automjet tip Mercedes ka përplasur një vajzë të mitur.

Në vendngjarje kanë mbërritur menjëherë forcat e policisë dhe ambulanca, të cilat i kanë dhënë ndihmën e parë vajzës dhe më pas e kanë transportuar drejt spitalit.

Ende nuk dihet dinamika e aksidentit, teksa drejtuesi është shoqëruar në ambientet e komisariatit.

The post Aksident në Vlorë, makina përplas të miturën appeared first on Albeu.com.

Pippo Baudo ka ndërruar jetë në moshën 89-vjeçare. Mediat italiane bëjnë me dije se lajmi është konfirmuar nga këshilltari i tij ligjor dhe miku i ngushtë, Giorgio Assumma. Baudo ishte prezantues, mbajtës rekordi i Festivalit të Muzikës Sanremo (13 edicione) dhe një zbulues talentesh.

Ai ishte pjesë e televizionit për shumë vite dhe ishte një figurë e rëndësishme dhe e dashur për italianët por edhe për shqiptarët. Baudo lindi më 7 qershor të vitit 1936 në Militello. Ai e filloi karrierën e tij në RAI në fillim të viteve 1960. Në vitin 1968, ai drejtoi për hetë të Festivalin e Sanremos. Për 60 vite Baudo ishte aktiv dhe dha një kontribut te madh për ekranin ku edhe u shndërrua në ikonë.

The post Ndërron jetë në moshën 89-vjeçare Pippo Baudo, figurë e rëndësishme e televizionit italian appeared first on Albeu.com.

Izraeli ka njoftuar të shtunën se po përgatitet të zhvendosë civilët palestinezë nga zonat e luftimeve në jug të Gazës, ndërsa paralajmëron një ofensivë të re ushtarake në pjesët më të populluara të territorit.

Zëdhënësi i ushtrisë, Avichay Adraee, tha se duke filluar nga e diela, do të shpërndahen tenda dhe pajisje të tjera strehimi për banorët e Gazës që do të largohen nga zonat e luftimeve drejt jugut, në atë që ushtria e cilëson si “zona të sigurta”. Pajisjet do të kalojnë nga pika kufitare e Kerem Shalom, përmes OKB-së dhe organizatave të tjera ndërkombëtare të ndihmës, pas kontrolleve të Ministrisë së Mbrojtjes së Izraelit.

Ky njoftim vjen pak ditë pasi Izraeli paralajmëroi se synon të marrë kontrollin e qytetit të Gazës, qendra më e madhe urbane e enklavës me rreth 2.2 milionë banorë – një plan që ka ngritur shqetësime të forta ndërkombëtare.

Familjet e pengjeve në Izrael shpallin “ditë ndalese”

Paralelisht, familjet e pengjeve izraelite kanë bërë thirrje për një “ditë kombëtare ndalese” të dielën, për të shprehur zhgënjimin pas 22 muajsh lufte.

Ata shprehen të frikësuar se një ofensivë e re mund të rrezikojë më tej 50 pengjet e mbetur në Gaza, prej të cilëve mendohet se vetëm 20 janë ende gjallë. Publikimi i disa videove të fundit, ku pengje të dobësuar shfaqen duke folur nën presion dhe duke kërkuar ndihmë e ushqim, ka shtuar indinjatën në opinionin publik.

“Dua të besoj se ka shpresë, por ajo nuk do të vijë nga lart – do të vijë vetëm nga ne,” tha Dana Silberman Sitton, motra e Shiri Bibas dhe halla e fëmijëve Kfir e Ariel Bibas, të cilët u vranë në robëri. Deklarata u bë gjatë një proteste javore në Tel Aviv.

Një grup që përfaqëson familjet e pengjeve ka bërë thirrje për mobilizim mbarëkombëtar: “Në gjithë vendin, qindra nisma qytetare do të ndalojnë jetën e përditshme dhe do të bashkohen në kauzën më të drejtë dhe morale: kthimin në shtëpi të 50 pengjeve,” thuhet në deklaratë.

39 të vrarë nga sulmet izraelite

Ndërkohë, agjencia e mbrojtjes civile në Gaza raportoi se të paktën 39 persona u vranë të shtunën nga sulmet izraelite, ndërsa paralajmëroi se bombardimet intensive në një lagje të qytetit të Gazës po vënë në rrezik serioz jetën e civilëve që ende ndodhen aty.

The post Izraeli përgatitet për ofensivën e re në Gaza, paralajmëron zhvendosjen e palestinezëve nga zona e luftës appeared first on Albeu.com.

Kreu i Shtëpisë së Bardhë, Donald Trump, e ka cilësuar takimin me homologun rus Vladimir Putin si të shkëlqyer dhe shumë të suksesshëm.

Trump përmes rrjeteve sociale shprehet se takimi shkoi shumë mirë ndërsa bën me dije se ka zhvilluar dhe një telefonatë me Presidentin Zelenskyy të Ukrainës, dhe me disa udhëheqës evropianë, përfshirë Sekretarin e Përgjithshëm të NATO-s.

Trump shprehet që nëse gjithçka shkon sipas plani, mund të ketë takim midis Vladimir Putin dhe Volodymyr Zelensky dhe të arrihet marrëveshje për paqe.

“Një ditë e shkëlqyer dhe shumë e suksesshme në Alaskë! Takimi me Presidentin Vladimir Putin të Rusisë shkoi shumë mirë, po ashtu edhe një telefonatë vonë në mbrëmje me Presidentin Zelenskyy të Ukrainës, dhe me disa udhëheqës evropianë, përfshirë Sekretarin e Përgjithshëm të NATO-s, shumë të respektuar.

U vendos nga të gjithë se mënyra më e mirë për të përfunduar luftën e tmerrshme midis Rusisë dhe Ukrainës është të shkohet direkt drejt një marrëveshje paqeje, e cila do të përfundojë luftën, dhe jo vetëm një marrëveshje për armëpushim, e cila shpeshherë nuk mbahet.

Presidenti Zelenskyy do të vijë në Uashington, në Zyrën Ovale, të hënën pasdite. Nëse gjithçka shkon sipas planit, pastaj do të caktojmë një takim me Presidentin Putin. Potencialisht, do të shpëtohen miliona jetë njerëzish. Faleminderit për vëmendjen ndaj kësaj çështjeje!”, shkruan Trump.

The post “Takimi me homologun rus ishte i shkëlqyer”, Trump: Mund të ketë një takim Putin-Zelensky dhe të arrijmë marrëveshje për paqe! appeared first on Albeu.com.

Ministri i Mbrojtjes Pirro Vengu, ka reaguar përmes rrjeteve sociale në lidhje me situatën e zjarreve në zonën e Fushë Arrëzit. Vengu thekson se ndërhyrja nga ajri ishte vendimtare për vendosjen nën kontroll të flakëve.

Pirro Vengu vlerëson bashkëpunimin mes forcave shqiptare dhe atyre të huaja, duke theksuar se kontributi ajror ishte thelbësor për të shmangur përhapjen e zjarrit dhe dëmet e mëdha në pyjet dhe zonat e banuara.

‘Një tjetër ditë në luftë me flakët nga ajri në Fushë Arrëz. Helikopterët e Forcës Ajrore dhe ata nga Emiratet e Bashkuara Arabe dominuan qiellin dhe ndihmuan forcat në tokë për të vendosur nën kontroll flakët.

Heronjtë e qiellit ulën ndjeshëm intensitetin e zjarreve, duke u ardhur në ndihmë banorëve dhe natyrës në zonën e veshur me kurorën e gjelbër’, shkruan ai.

The post Flakët në Fushë Arrëz, Pirro Vengu: Helikopterët nga Emiratet Arabe vendosën flakët nën kontroll appeared first on Albeu.com.

Një aksident i rëndë është regjistruar mbrëmjen e sotme në Qafë Thanë. Raportohet se në aksident janë përfshirë dy automjete të cilat nga përplasja kanë marrë dëmtime të shumta. Gjithashtu raporohet se nga ngjarja janë plagosur tre persona.

Fatkeqësisht një nga të plagosurit është në gjendje të rëndë dhe po lufton për jetën. Të plagosurit janë dërguar në spital dhe po marrin ndihmë mjekësore. Ende nuk dihen shkaqet e këtij aksidenti të rëndë. Policia ndodhet në vendin e ngjarjes dhe po punon për zbardhjen e arsyes së përplases së dy mjeteve.

The post Aksident në Qafë Thanë, tre persona të plagosur, një në gjendje të rëndë appeared first on Albeu.com.

Delvina pak ditë më parë ishte në një gjendje të jashtëzakonshme dhe alarmante përshkak të zjarreve. Era e fortë dhe temperaturat e larta ishin faktorë që ndikuan në përhapjen e flakëve duke e bërë të vëshirë neutralizimin e tyre.

Por Delvina para se të goditej nga zjarret mësohet se ka patur dëmtime nga era e fortë e cila për disa çaste krijoi një tornado. Ky fenomen natyror dëmtoi disa kosherë bletësh. Siç shihet edhe nga pamjet e publikuara, banorët të cilët ndodheshin në momentin e ngjarjes mbetën të habitur ndërsa era fortë kalon mes tyre dhe krijohet torndadoja.

The post VIDEO/ Para zjarreve Delvina u godit edhe nga një tornado, ja momenti kur era e fortë dëmton kosheret e bletëve appeared first on Albeu.com.

Ukraina nuk e vë në diskutim, rajoni i Donbasit nuk do t’i kalojë Rusisë!

Presidenti ukrainas, Volodymyr Zelensky, refuzon t’i japë kontrollin e këtij rajoni presidentit Vladimir Putin në këmbim të një shkëmbimi.

Në takimin e një dite më parë me presidentin amerikan, Donald Trump, në Alaskë, thuhet se Putin ka ofruar ndalim të luftimeve dhe ngrirje të vijës së frontit në këmbim të kontrollit mbi rajonin lindor të Ukrainës, Donbasin.

Propozimi do të ishte gjithashtu në kundërshtim me paralajmërimet e liderëve të BE-së se në çdo marrëveshje paqeje, “integriteti territorial” i Ukrainës duhet të respektohet dhe “kufijtë ndërkombëtarë nuk duhet të ndryshohen me forcë”.

The post Putin ofron armëpushim në këmbim të Donbasit? Zelensky, ‘i prerë’: Asnjë lëshim territori appeared first on Albeu.com.

Një aksident i rëndë me pasojë plagosjen e dy personave ka ndodhur pasditen e kësaj të shtune në aksin rrugor Elbasan-Cërrik në afërsi të kryqëzimit të Jagodinës.

Dy automjete janë përplasur me njëra-tjetrën ndërsa njëra nga makinat ka përfunduar në një kanal me ujë.

Dy të plagosurit janë transportuar me urgjencë drejt spitalit për të marrë ndihmë mjekësore ndërsa gjendja e tyre ende nuk dihet.

Policia dhe grupi hetimor ndodhen në vendngjarje për të zbardhur shkaqet dhe rrethanat e aksidentit.

The post Përplasen dy automjete në aksin Elbasan-Cërrik, makina përfundon në kanalin me ujë, plagosen rëndë dy persona appeared first on Albeu.com.