Më 29 gusht 1958 lindi Michael Jackson, një nga ikonat më të mëdha të muzikës pop të shekullit XX. Trashëgimia e tij muzikore nuk është vetëm një koleksion hitesh; është një ndikim i jashtëzakonshëm që ka ndryshuar mënyrën se si prodhohet dhe perceptohet muzika në botë.

Fillimet: Jackson 5 dhe fëmijëria e artit

Karriera e Michael Jackson filloi në vitet 1960 me grupin e familjes, Jackson 5, ku ai dallohej për zërin e tij të jashtëzakonshëm dhe energjinë në skenë. Këngët si I Want You Back (1969), ABC (1970) dhe The Love You Save (1970) u bënë hite ndërkombëtare dhe e vendosën Jackson-in si një talent të jashtëzakonshëm të muzikës pop, shkruan KultPlus.

Kalimi në karrierën solo: “Mbret i Pop-it”

Në vitin 1971, Michael filloi karrierën solo dhe shpejt bëri një hap të madh drejt statusit të legjendës. Albume si Off the Wall (1979) dhe më pas Thriller (1982) nuk ishin vetëm të suksesshëm komercialisht, por edhe revolucionarë në mënyrën e produksionit dhe promovimit të muzikës.

“Thriller” mbetet albumi më i shitur në historinë e muzikës, duke shitur mbi 66 milion kopje globalisht. Videoja muzikore e këngës Thriller, me elemente të filmit horror dhe koreografi të jashtëzakonshme, krijoi një standard të ri për videoklipet, duke transformuar mënyrën se si artistët lidhen me audiencën.

Këngë që ndryshuan botën

Michael Jackson nuk ishte vetëm një këngëtar; ai përdorte muzikën për të adresuar çështje sociale dhe për të bashkuar njerëzit. Disa prej këngëve më ndikuesve përfshijnë:

“Billie Jean” (1983) – Një hit global që revolucionoi përdorimin e basit dhe ritmit në pop, duke kombinuar elementë të funk dhe R&B. Një performancë ikonike në Motown 25, ku prezantoi moonwalk, e bëri këtë këngë simbol të kulturës pop.

“Beat It” (1983) – Një këngë me mesazh kundër dhunës dhe për bashkimin e komuniteteve, e njohur edhe për solo-in e famshëm të kitarës nga Eddie Van Halen.

“We Are the World” (1985) – Një himn bamirësie bashkë me artistë të tjerë të famshëm, që mbështeti luftën kundër urisë në Afrikë dhe tregoi fuqinë e muzikës për të ndryshuar botën.

“Man in the Mirror” (1988) – Një thirrje për reflektim personal dhe ndryshim social, që vazhdon të frymëzojë breza të rinj.

“Black or White” (1991) – Një himn për barazi racore dhe tolerancë, me një video që përdorte teknologji të reja të morphing, duke theksuar rëndësinë e teknologjisë në muzikë.

Trashëgimia muzikore

Jackson ndryshoi mënyrën se si muzikës i jepet forma dhe promovimi. Ai solli inovacione në koreografi, videoklipe dhe stilin e performancës live. Performancat e tij, të njohura për energjinë dhe precizionin e jashtëzakonshëm, shërbyen si model për artistët që erdhën pas tij.

Trashëgimia e Michael Jackson nuk qëndron vetëm tek numrat rekord të shitjeve apo çmimet Grammy, por tek aftësia e tij për të bashkuar njerëz nga kultura të ndryshme përmes muzikës dhe mesazheve të saj. Ai e tregoi se pop muzikë nuk është vetëm argëtim, por edhe një mjet për ndryshim social dhe frymëzim global.

Michael Jackson mbetet simbol i padiskutueshëm i muzikës pop. Këngët e tij, nga Thriller e deri te Man in the Mirror, nuk kanë ndryshuar vetëm tregjet muzikore, por kanë formuar një mënyrë të re të të menduarit për artin, mesazhet sociale dhe performancën skenike. Trashëgimia e tij vazhdon të influencojë artistë të rinj dhe të magjepsë publiku në mbarë botën, duke e bërë atë një nga figurat më të rëndësishme të shekullit XX në muzikë./KultPlus.com

Çifti i famshëm, George dhe Amal Clooney, bëri një paraqitje të veçantë në premierën e filmit “Jay Kelly” në Festivalin e Filmit në Venecia, duke lënë pas hije shqetësimet shëndetësore të aktorit.

64-vjeçari George Clooney dukej në humor të mirë dhe kaloi rreth 20 minuta duke dhënë autografe për fansat, megjithatë u pa duke mbajtur qafën dhe duke ndaluar për të shpjeguar turmës: “Nuk mund të flas”. Përfaqësuesi i tij njoftoi se aktori po përballet me një infeksion të sinuseve, i cili e detyroi të kufizojë aktivitetet.

Nga ana tjetër, Amal Clooney mahniti me një fustan vintage fuksie nga Jean-Louis Scherrer, pjesë e koleksionit të vjeshtës 1995. Fustani prej tafteje me rresht kopsash, shumë palosje dhe bisht dramatik u kombinua me sandale Aquazzura, çantë dore Jimmy Choo dhe vathë tërheqës, duke e bërë atë qendër të vëmendjes.

Pak më parë, George kishte munguar në konferencën për shtyp për shkak të gjendjes shëndetësore, por kolegët e tij e përshkruan performancën si të fuqishme dhe autentike. Laura Dern tha: “George është aq i përkushtuar sa të gjithë u ndjemë të bekuar që punuam me të”.

Edhe me sfidat shëndetësore, Clooney dhe bashkëshortja e tij dukeshin të shkëlqyeshëm, duke treguar elegancë dhe karizëm në tepihun e kuq të Venecias./KultPlus.com

Presidentja e Republikës së Kosovës, Vjosa Osmani, priti sot në takim Koordinatorin e ri të Kombeve të Bashkuara për Zhvillim në Kosovë, z. Stephen O’Malley.

Gjatë takimit, Presidentja Osmani e uroi z. O’Malley për roli i tij të ri dhe i dëshiroi sukses gjatë mandatit që nis. Ajo gjithashtu shprehu mirënjohje për kontributin e Agjencive të Kombeve të Bashkuara në Kosovë, të cilat, në bashkëpunim me institucionet vendore, kanë ndihmuar në arritjen e objektivave të përbashkëta.

Mes fushave kryesore që u diskutuan përfshihen:

Fuqizimi i të drejtave të njeriut, me fokus te personat me nevoja të veçanta

Barazia gjinore dhe Agjenda për Gratë, Paqen dhe Sigurinë

Zhvillimi i qëndrueshëm ekonomik

Projekte të tjera strategjike me rëndësi për zhvillimin e vendit

Takimi nënvizoi rëndësinë e bashkëpunimit të vazhdueshëm mes institucioneve të Kosovës dhe OKB-së për të avancuar qëllimet e përbashkëta për një shoqëri më të drejtë, të qëndrueshme dhe gjithëpërfshirëse./KultPlus.com

Aktorja e njohur hollivudiane, Angelina Jolie, rikthehet në ekranin e madh me një rol të fuqishëm në dramën “Couture”, e cila zhvillohet gjatë Javës së Modës në Paris.

Filmi është realizuar nga regjisorja franceze Alice Winocour dhe shënon debutimin e saj në gjuhën angleze. Historia ndjek tre gra nga botë të ndryshme:

Maxine (Jolie), një regjisore amerikane filmash që përballet me lajmin e vështirë për kancer në gji

Ada (Anyier Anei), një modele nga Sudani i Jugut që përpiqet të gjejë vendin e saj në industrinë e modës

Angele (Ella Rumpf), një grimere franceze me të kaluarën e fshehur

Të tria përballen me ankthin dhe presionin që fshihet pas dritave të pasarelave, duke treguar anët më të errëta dhe emocionale të industrisë së modës.

Në film luajnë edhe Louis Garrel (The Dreamers), Garance Marillier (Grave, Titane) dhe Finnegan Oldfield. Prodhimi është realizuar nga CG Cinema (Charles Gillibert), ndërsa shpërndarja sigurohet nga Pathe.

“Couture” do të ketë premierën në Festivalin Ndërkombëtar të Filmit në Toronto këtë shtator dhe pritet të dalë në kinema në muajin tetor, duke premtuar një përvojë të fortë emocionale dhe artistike./KultPlus.com

Më 1 shtator, Shtëpia e Kulturës në Kumanovë do të hapë perdet për Festivali Teatror “KU FEST”, një nga ngjarjet më të rëndësishme teatrale në vend. Ky festival sjell një program të pasur me shfaqje nga zhanre të ndryshme ndërkombëtare, duke përfshirë drama, komedi, eksperimente teatrale dhe performanca që sfidojnë kufijtë e imagjinatës.

Organizatorët theksojnë se teatri është pasqyrë e shoqërisë, një vend ku emocionet, mesazhet dhe realiteti i përditshëm reflektohen përmes lojës së aktorëve. Në skenë, aktorët jo vetëm luajnë, por prekin zemrat e publikut, duke krijuar një përvojë të paharrueshme për të gjithë të pranishmit, transmeton KultPlus.

KU FEST synon të jetë më shumë se një festival; është një hapësirë ku publiku dhe artistët bashkohen për të ndjerë, reflektuar dhe qeshur së bashku. Ky është momenti ideal për të përjetuar kulturën dhe artin skenik në një ambient të gjallë dhe ndërkombëtar./KultPlus.com

Presidentja e Republikës së Kosovës, Vjosa Osmani, ka pritur dje në takim Komisionerin e Lartë të OSBE-së për Pakicat Kombëtare, Christophe Kamp.

Gjatë takimit, Presidentja Osmani theksoi se Kosova ka një nga sistemet më të avancuara në Evropë për mbrojtjen e të drejtave të njeriut dhe se vendi mbetet i përkushtuar ndaj garantimit të të drejtave të të gjithë qytetarëve, pa dallim etnie, feje apo përkatësie tjetër, përcjellë KultPlus.

Presidentja gjithashtu përmendi punën e përditshme të Presidencës përmes Këshillit Konsultativ për Komunitete, që bashkëpunon me përfaqësuesit e komuniteteve jo-shumicë për të adresuar shqetësimet e tyre dhe për të gjetur zgjidhje konkrete. Ajo ritheksoi rëndësinë e fuqizimit të qytetarëve, avancimit të standardeve demokratike dhe promovimit të diversitetit si vlerë të shoqërisë.

Osmani rikujtoi se Kushtetuta e Kosovës, e bazuar mbi standardet më të avancuara demokratike, ofron mekanizma të fuqishëm për mbrojtjen e identitetit kulturor, gjuhësor dhe fetar të komuniteteve, duke e bërë Kosovën shembull të demokracisë gjithëpërfshirëse.

Gjithashtu, Presidentja dhe z. Kamp diskutuan për rëndësinë e bashkëpunimit të vazhdueshëm mes institucioneve të Kosovës dhe OSBE-së, përmes programeve që synojnë forcimin e demokracisë, të drejtave të njeriut dhe sundimit të ligjit, ku Kosova ka shfaqur progres të qëndrueshëm./KultPlus.com

Kalaja e Bashtovës ka rihapur sot dyert për publikun pas restaurimit me mbështetjen e Bashkimit Evropian nëpërmjet programit “EU4Culture”.

Nga panairi, te koncertet dita e sotme është e mbushur plot aktivitete në Kalanë e Bashtovës. Të pranishmit mund të vizitojnë panairin me produktet e zonës. Gjithashtu do të ketë aktivitete dhe lojëra për fëmijë e të rinj.

Në hapjen e Kalasë së Bashtovës nuk mungon edhe ekspozita e makinave nga “Retro Albania” dhe e motorëve ikonikë nga “Steel Wings Albania”.

Gjithashtu të pranishmit kanë mundësinë të eksplorojnë kalanë nëpërmjet realitetit të shtuar (AR).

Mbrëmja vazhdon me koncertin e Rona Nishliut dhe Gent Rushit dhe me pjesëmarrjen e DJ Rossa.

E dëmtuar nga tërmeti i vitit 2019, Kalaja e Bashtovës rikthehet në jetë falë mbështetjes së Bashkimit Evropian, përmes programit EU4Culture. Restaurimi ka ruajtur elementët autentikë, ka sjellë hapësira të reja për vizitorët dhe ka zbuluar shtresa të reja historike, duke hapur një kapitull të ri për këtë monument./atsh

Këngëtarja Ariana Grande do të mbajë një sërë koncertesh në Mbretërinë e Bashkuar gjatë verës së ardhshme, zbulon The Sun. Ajo pritet të rikthehet në ikonën e muzikës, O2 Arena të Londrës, në gusht, për herë të parë pas shtatë vitesh.

Koncertet në O2 do të zhvillohen më 15, 16, 19, 20 dhe 23 gusht. Parashitja e biletave fillon më 16 shtator, ndërsa shitja e përgjithshme nis më 18 shtator.

Hera e fundit kur Ariana performoi në këtë sallë ishte pjesë e turneut Sweetener në vitin 2019, kur mbajti pesë koncerte në Londër, dy në Birmingham dhe një në Sheffield. Koncertet e reja do të jenë pjesë e një turneu botëror, por me data të përzgjedhura globalisht.

Shfaqjet, të titulluara Eternal Sunshine Tour, mbështesin albumin e saj të shtatë, Eternal Sunshine, të publikuar në mars 2024, i cili trajtonte përjetimet e saj personale, përfshirë prishjen e martesës me Dalton Gomez dhe gjetjen e dashurisë me bashkë-yllin e saj në Wicked, Ethan Slater.

Sipas The Sun, para koncerteve pritet të publikohet edhe muzikë e re, më pozitive dhe frymëzuese./KultPlus.com

Në prag të Ditës Ndërkombëtare të Personave të Zhdukur, kryeministri Albin Kurti, së bashku me presidenten Vjosa Osmani dhe kryetarin e Kuvendit Dimal Basha, u përkulën para monumentit kushtuar të zhdukurve me dhunë gjatë luftës në Kosovë.

Kurti tha se ende 1584 qytetarë të Kosovës mungojnë, ndërsa theksoi se institucionet e vendit janë të angazhuara në zbardhjen e fatit të tyre. Ai bëri të ditur se gjatë vitit të kaluar janë kryer gërmime në 23 lokacione, ndërsa këtë vit janë realizuar 18 aktivitete kërkimore, transmeton KultPlus.

Sipas tij, Serbia vazhdon të pengojë procesin. “Në Kozhle nuk kanë filluar gërmimet, ndërsa në Batajnicë nuk janë rifilluar, edhe pse kanë kaluar dy vjet nga Marrëveshja e Brukselit dhe Deklarata për këtë çështje”, tha Kurti.

Ai shtoi se mohimi i drejtësisë për viktimat po shoqërohet me mohimin e krimeve të kryera nga Serbia, ndërsa falënderoi partnerët ndërkombëtarë për mbështetjen profesionale dhe teknologjike në kërkime. Kurti u bëri thirrje aleatëve që të ushtrojnë më shumë presion mbi Beogradin, pasi “e vërteta dhe përgjegjësia për gjenocidin mbi shqiptarët e Kosovës ndodhen në arkivat e Serbisë”./KultPlus.com

Në Teatrin “ArTurbina” u zhvilluan sot homazhet në nderim të aktorit të njohur Naun Shundi, i cili nda dje nga jeta në moshën 66-vjeçare pas një sëmundje të rëndë.

Në homazhe ishin të pranishëm miq, të afërm, familjarë, kolegë, qytetarë etj, të cilët i dhanë lamtumirën e fundit aktorit Shundi.

Aktori Bujar Asqeriu në një prononcim për mediet pas homazheve tha se “Nauni jo vetëm si artist universal, regjisor, aktor, dramaturg, por edhe si burrë fisnik që ishte ka lënë mbresa tek ne. Ishte nga këta artistët e mëdhenj, kokulur dhe modestë, që asnjëherë nuk i ra gjoksit që “jam unë”, por vepra e tij, puna dhe talenti i tij vlerësoheshin gjithandej”.

“Rruga e tij artistike është një rrugë që duhet ndjekur, sidomos nga të rinjtë, sepse ai la mesazhe paqe, dashurie dhe artistike në komunitetin artistik. I paharruar emri dhe puna e artistit të madh shqiptar Naun Shundi”, tha Asqeriu.

Vajza e aktorit Shundi tha se “edhe pse iku la diçka, dhe ajo që la është ‘Zonja e Bujtinës’, la jetën për atë teatër. Ai mendoi se do të jetonte. Iku pa na thënë asnjë fjalë. Babi po përgatitej për një shfaqje po nuk e përfundoi”.

Kineasti Edmond Topi u shpreh se “Shundi ishte vërtet i mirë, ishte si kasafortë, nuk fliste. Në optikën time ishte nga aktorët më brilantë që kemi pasur në një kategori të caktuar rolesh. Ai kishte bërë një teatër. Dashuria e tij për teatrin ishte e jashtëzakonshme. Ne takoheshim jo shumë shpesh, ai merrej me teatër, unë me film. Tentuam t’i bashkonim njëherë, por nuk na funksionoi”.

“Një gjë është e vërtetë, që bota e teatrit do të jetë më e mangët”, tha Topi.

Aktori i njohur Bujar Kapexhiu tha se “Naun Shundi një aktor i shkëlqyer i skenës shqiptare dhe i ekranit. Një njeri i mrekullueshëm, një shok i rrallë. Tërë jetën ia kushtoi artit dhe arriti suksese jo vetëm si aktor, por edhe dramaturg. Pasioni i tij bëri që të ngrejë vetë një teatër, të ndërtojë një teatër të vogël shumë komod në të cilin kanë interpretuar dhjetëra e dhjetëra talente të reja. Iku nga kjo jetë shumë shpejt, por ka lënë gjëra që do të jenë një shkollë në artin e teatrit dhe kinematografisë. Qoftë i përjetshëm kujtimi i tij”.

Naun Shundi dha një kontribut të çmuar për më shumë se katër dekada në fushën e aktrimit, regjisurës dhe dramaturgjisë. Gjatë karrierës së tij, Shundi interpretoi mbi 100 role në teatër dhe mori pjesë në rreth 20 filma.

Përveçse aktor dhe regjisor, ai ishte edhe themelues i teatrit të parë privat në Shqipëri, “Zonja e Bujtinës”.

Shfaqja e fundit që vetë Shundi shkroi dhe vuri në skenë ishte monodrama “Njeriu i Pyllit”./atsh/ KultPlus.com

Federata e Futbollit e Kosovës ka publikuar listën e futbollistëve të ftuar nga përzgjedhësi Franco Foda për ndeshjet e muajit shtator, ku “Dardanët” do të nisin rrugëtimin në Grupin B për kualifikimet e Kupës së Botës 2026.

Kosova do të zhvillojë dy sfidat e para ndaj Zvicrës dhe Suedisë, ndërsa lista e Fodës sjell surpriza, pasi mungon sulmuesi Milot Rashica, një prej lojtarëve më të rëndësishëm të kombëtares. Ai nuk është përfshirë as në listën rezervë.

Lista e zgjeruar e lojtarëve të ftuar është publikuar nga FFK dhe pritet që gjatë ditëve në vijim të zhvillohen stërvitjet përgatitore për sfidat e para eliminatore./KultPlus.com

Presidenti amerikan Donald Trump ka anuluar mbrojtjen e Shërbimit Sekret që i ishte siguruar Kamala Harrisit nga Joe Biden para se ai të largohej nga detyra, sipas njërit prej këshilltarëve të saj.

Si ish-nënpresidente, Harris kishte të drejtë sipas ligjit të merrte gjashtë muaj nga kjo siguri shtesë pas largimit nga detyra në janar, e cila duhej të skadonte në korrik.

Mbrojtja e saj ishte zgjatur për një vit tjetër me një direktivë ekzekutive të nënshkruar nga ish-shefi i saj, por kjo u revokua nga Trumpi në një dokument, të parë nga BBC, i cili mban datën e 28 gusht, transmeton Klankosova.tv.

Ky veprim vjen vetëm disa javë para se Harris të nisë një turne kombëtar librash për të promovuar “107 Ditë” – një kujtim i fushatës së saj presidenciale jetëshkurtër dhe të pasuksesshme në vitin 2024.

Një kopje e një letre të parë nga BBC, e datës 28 gusht, i drejtohet Shërbimit Sekret që të “ndërpresë çdo procedurë të lidhur me sigurinë të autorizuar më parë nga memorandumi ekzekutiv, përtej atyre të kërkuara me ligj” për Harrisin nga 1 shtatori.

Një zyrtar i lartë i Shtëpisë së Bardhë e konfirmoi këtë veprim. Burime i thanë CBS-së se një vlerësim i kohëve të fundit i kërcënimit nuk gjeti asgjë alarmuese që do të justifikonte zgjatjen e kësaj mbrojtjeje të saj përtej periudhës gjashtëmujore.

Në vitin 2008, Kongresi Amerikan miratoi një ligj që i lejonte Shërbimit Sekret të ofronte mbrojtje për ish-nënpresidentët, bashkëshortët e tyre dhe çdo fëmijë nën moshën 16 vjeç pas largimit nga detyra. 

Prishtina ka fituar një dimension të ri kulturor me hapjen e “Kinemasë për fëmijë”, një projekt i veçantë që i dedikohet posaçërisht gjeneratës më të re. Nga mbrëmë, fëmijët e kryeqytetit kanë mundësinë të shijojnë filma të përzgjedhur, të argëtohen dhe të mësojnë në një mjedis të krijuar enkas për ta.

Komuna e Prishtinës ka bërë të ditur se kjo nismë synon jo vetëm të sjellë argëtim cilësor, por edhe të krijojë një hapësirë edukative, ku filmi të shërbejë si mjet për zhvillim krijues e kulturor. “Kinemaja për fëmijë” është menduar si vend takimi për fëmijët dhe familjet, ku më të vegjlit do të afrohen më shumë me artin e kinemasë, duke ndërtuar kujtime dhe përvoja të reja.

Me hapjen e “Kinemasë për fëmijë”, Prishtina i bashkohet qyteteve që i kushtojnë rëndësi kulturës së hershme dhe edukimit përmes filmit, duke i dhënë një tjetër ngjyrë jetës kulturore të qytetit./KultPlus.com

Muzika klasike është një nga format më të sofistikuara dhe të pasura të artit muzikor në historinë e njerëzimit. Ajo mbështetet në një traditë që përfshin elemente si harmonia, melodia, ritmi, forma muzikore dhe orkestrimi, të zhvilluara dhe përsosura përmes shekujve.

Lindja e baletit- Historia e baletit fillon rreth vitit 1500 në Itali. ‘Baleti i parë zyrtar i oborrit’ i njohur ndonjëherë ishte ‘Balet des Polonais’, i porositur nga Catherine de’ Medici dhe i vënë në skenë në Paris në vitin 1573 për të nderuar ambasadorin polak. Baleti do të jepte jetë disa nga veprat më të famshme të muzikës klasike, duke përfshirë ‘Bukuroshja e Fjetur’ e Çajkovskit dhe ‘Coppélia’ e Delibes.

Opera e parë – Kompozitori dhe këngëtari italian Jacopo Peri (1561–1633) shpesh quhet shpikësi i operës. Ai e themeloi zhanrin në vitin 1597 me ‘Dafne’. Ai gjithashtu kompozoi operën e parë që ka mbijetuar deri në ditët e sotme, ‘Euridica’ (1600).

Muzika baroke – Ardhja e stilit muzikor barok rreth vitit 1580, dhe që zgjati deri në vitin 1750, përbën një pjesë të madhe të “muzikës klasike”. Periudha solli me vete stile të reja muzikore, instrumente të reja dhe hapësira të reja performuese. Veprat e George Frideric Handel (1685–1759) dhe Johann Sebastian Bach (1685–1750) konsiderohen kulmi i periudhës baroke.

Koncertet për violinë të Vivaldit – Italiani Antonio Vivaldi (1678–1741) ishte një violinist virtuoz, vepra më e njohur e të cilit është një seri koncertesh për violinë të njohura si ‘Katër stinët’. Ai konsiderohet si një nga kompozitorët më të mëdhenj barokë.

Shpikja e pianos – Prodhuesi italian i instrumenteve muzikorë Bartolomeo Cristofori (1655–1731) njihet si shpikësi i pianos, rreth vitit 1700. Instrumenti do të shërbente si frymëzim për disa nga veprat më të mëdha të muzikës klasike. Instrumentet muzikorë që i atribuohen mjeshtrit italian Antonio Stradivari janë ndër më të mirat e prodhuara ndonjëherë. Ai është veçanërisht i lidhur me violinën. Një Stradivarius sot është një nga instrumentet muzikorë më prestigjiozë dhe një artikull jashtëzakonisht i vlefshëm për koleksionistë.

Hapja e La Scala-s – Më 3 gusht 1778, u përurua “Teatro alla Scala” në Milano. La Scala është teatri i operës më i famshëm në botë dhe ka pritur qindra premiera, duke përfshirë tre operat më të famshme të Giuseppe Verdit, ‘Nabucco’, ‘Otello’ dhe ‘Falstaff’.

Shkopi dhe dirigjenti – Përpara përdorimit të shkopit, ansamblet orkestrale dirigjoheshin nga klaviçembali (familje e pianos) ose nga kolovita e parë e violinës. Më vonë, kompozitorët e nisnin punën në ritmin e muzikës duke përdorur një shkop të gjatë. E gjitha kjo ndryshoi në vitin 1820 kur përdorimi i shkopit filloi të fitonte popullaritet, dhe bashkë me të edhe cilësia e përvojës së koncertit të muzikës klasike.

Shpikja e gramafonit – Në fund të viteve 1800, shpikësi gjermano-amerikan Emile Berliner (1851–1929) krijoi gramafonin. Shpikja e tij i lejoi një audience më të gjerë të kënaqej me kënaqësitë e muzikës klasike në rehatinë e shtëpisë së tyre dhe pa pasur nevojë të shkonin në një koncert.

Kolona zanore e filmit të parë – ‘L’Assassinat du duc de Guise’ (1908), që përkthehet si ‘Vrasja e Dukës së Guise’, është një nga filmat e parë që paraqet një muzikë origjinale filmi, të kompozuar nga Camille Saint-Saëns (1835–1921). Muzika klasike papritmas iu ofrua një platformë krejt e re dhe ky kompozim shënon një nga momentet më të rëndësishme në historinë e muzikës së filmit.

/rtsh.al/

Në Festivalin e Filmit në Venecia u shfaq premierë filmi i ri i regjisorit Noah Baumbach, “Jay Kelly”, me George Clooney në rolin kryesor. Aktori 64-vjeçar interpreton një yll të madh të kinemasë që përballet me boshllëkun e brendshëm dhe nis një udhëtim personal e profesional pas humbjes së një miku të ngushtë.

Krahas Clooney-t, në film luajnë Adam Sandler, Laura Dern dhe Emily Mortimer. Sandler e ka cilësuar rolin e tij si “dhuratë”, ndërsa Dern e përshkroi përvojën si një mënyrë për të nderuar figurat që e kanë mbështetur në karrierë.

Kritikat në Venecia janë të ndara: The Telegraph e quajti filmin “kryevepër të krizës së moshës së mesme” dhe i dha pesë yje, The Independent katër, ndërsa The Guardian vetëm një yll, duke e përshkruar si “të zymtë e tepër emocional”.

Edhe pse Clooney mungoi në konferencën për shtyp për shkak të një infeksioni, filmi është pritur me interes të madh dhe shihet si një nga kandidatët seriozë për çmimet e mëdha të sezonit, përfshirë edhe “Oscar”-in./KultPlus.com

“Jeta si në film-Piro Milkani”, titullohet dokumentari kushtuar regjisorit të shquar shqiptar, që ndërroi jetë në maj të këtij viti në moshën 86-vjeçare.

Miq, kolegë, familjarë të Piro Milkanit ndoqën shfaqjen e filmit në kinemanë e Arkivit Qendror Shtetëror të Filmit, ku përmes zërit të tij, rrëfehet rrugëtimi artistik dhe jeta personale e një prej figurave më të rëndësishme të kinematografisë shqiptare.

Ky film një prodhim i Cinemania u realizua nga skenaristi Bashkim Hoxha dhe regjisorët Rigers Plaka e Marviks Shantoja.

Ky dokumentar është një rrugëtim emocional, artistik dhe njerëzor përmes kohëve dhe kujtimeve të një mjeshtri si Milkani.

I lindur më 5 janar 1939 në Drenovë, Korçë, Milkani ishte një nga kineastët e parë të kinematografisë shqiptare, duke realizuar filma që mbetën në kujtesën dhe zemrat tona. Veprat e tij si “Ngadhnjim mbi vdekjen”, “Çifti i lumtur”, “Zonja nga qyteti” u bënë pjesë e identitetit tonë kulturor dhe janë dëshmi e talentit dhe përkushtimit të tij ndaj artit”.

Përveç kontributit të tij si regjisor, Milkani ishte edhe një edukator i përkushtuar, duke ndihmuar në formimin e brezave të rinj të kineastëve shqiptarë.

Nga krijimtaria e regjisorit përmendim filmat si: 1990- Ngjyrat e moshës; 1988- Pranvera s’erdhi vetëm; 1987- Eja!; 1985- Në prag të jetës; 1984- Militanti; 1983- Fraktura; 1982- Besa e kuqe; 1981- Në kufi të dy legjendave; 1980- Një shoqe nga fshati; 1977- Shembja e idhujve; 1976- Zonja nga qyteti; 1975- Çifti i lumtur; 1971 -Kur zbardhi një ditë; etj./atsh/KultPlus.com

Në mes të natës së parë në serinë e koncerteve Edinburgh Summer Sessions, Chappell Roan ndalet për t’iu drejtuar turmës, duke përkundur një gargojl gome me madhësinë e një qeni të vogël. Apo është një dragua? Sfondet e çdo videoje paraqesin krijesa të shumta mitike që fluturojnë.

Kritikët online të Roan, thotë ajo, janë ankuar se këngëtarja nuk e ka shpjeguar rekuizitën, e cila është pjesë e skenës gotike përrallore për turneun e saj të fundit, Visions of Damsels & Other Dangerous Things.

Siç sugjeron edhe emri i saj i gjatë, skena për shëtitjen verore të Roan nëpër festivalet evropiane, nga Barcelona në Varshavë, është tepër e ekzagjeruar, e gjitha arkitekturë kështjellash e kaçurrelizuar në mënyrë të zymtë, tym i gjelbër dhe piro.

Kostumet e Roan bazohen në idenë e një shakaxhiu seksi të oborrit, një mori modelesh harlequin të shoqëruara me grim të verdhë, portokalli dhe rozë, dhe qerpikë si stamena lulesh. Ajo më parë ka veshur fustane të mbushura me zana të frymëzuara nga flutura e natës dhe fustane të çuditshëm trompe l’oeil, flokët e saj të gjatë të kuq të vetmin konstant në një album pamjesh gjithnjë të freskëta të një stili të lartë operistik lizergjik. Grupi i Roan-it, të gjitha gra, janë të veshura me pantallona kadifeje, të dhënë pas disko-rokut në një moment, të kitarës glam në tjetrin, me shpërthime orgoje kishtare si në filma horror midis këngëve.

Ka mjaft gjëra për të shijuar, pra, në këtë shesh ekspozitash bujqësore të vendosura në mënyrë të pahijshme pranë aeroportit të Edinburgut, dhe kjo përpara se Roan të zbulojë atë që e ka quajtur grotesku i përkëdhelur. “Më vjen keq që nuk i jam drejtuar Shigellës, kjo është kjo vajzë,” thotë ajo. “Ajo është 10 milionë vjeç dhe një bakter i lashtë.”

Tashmë një yll i pazakontë popi, Roan duket se po bëhet gjithnjë e më jokonvencionale ndërsa albumi i saj i vitit 2023, The Rise and Fall of a Midwest Princess, fiton edhe më shumë vëmendje. I saji është një ngritje me helium mbi steroid që e ka parë të kalojë nga një kauzë e njohur, queer-pop në një të përhapur kudo gjatë dy viteve të fundit. E nominuar për pesë çmime Grammy këtë vit, ajo fitoi çmimin e artistes më të mirë të re dhe përdori platformën e saj në ceremoni për t’i kërkuar industrisë së muzikës të bëjë më shumë për të mbështetur artistët në zhvillim.

Që atëherë, Roan ka publikuar dy këngë: “The Giver”, një këngë country që tregon se si mund të joshë një grua më mirë se çdo burrë, dhe “The Subway”, një këngë dashurie e torturuar për të mos e kaluar një lidhje. “The Subway” debutoi në vendin e parë në top listat e Mbretërisë së Bashkuar në fillim të gushtit; videoja e saj mahnitëse, ku shfaqet Roan duke ndjekur një ish të dashur me flokë të gjelbër në sistemin e transportit publik të Nju Jorkut, shfaq syrin e saj të çuditshëm dhe fantastik.

Teknikisht, “The Subway” nuk është i ri, Roan dhe grupi i saj e kanë luajtur atë drejtpërdrejt për një vit. Kur e pashë duke e performuar në një teatër të vogël në Dublin pak më shumë se një vit më parë, karizma e Roan ishte tashmë e madhe në një arenë, e paketuar në një kuti këpucësh të djersitura. Tani, megjithëse po luan pothuajse të njëjtën listë, operacioni i saj ka buxhete, dizajnerë dhe dragonj, ajo ka shitur 60,000 bileta gjatë dy netëve në kryeqytetin skocez. Shfaqja e kësaj mbrëmjeje është koncerti më i madh kryesor i këngëtares amerikane deri më tani, thotë ajo. Në një moment shpërthen kënga tradicionale skoceze “Ja ku jemi, ja ku jemi, ja ku jemi, ja ku jemi”, përveçse është “Chappell, Chappell, Chappell, fucking Roan!”

Mjerisht, nuk ka shenja të tjera të një albumi të ri, vetëm versioni i Roan i këngës “Barracuda”, një këngë e vitit 1977 nga grupi amerikan i rokut Heart, i udhëhequr nga femra. Në një intervistë të kohëve të fundit, ajo theksoi se “projekti i dytë nuk ekziston ende. Nuk ka album. Nuk ka koleksion këngësh. Më duheshin pesë vjet për të shkruar të parin, dhe ndoshta do të duhen të paktën pesë për të shkruar tjetrin”. Ajo sqaroi: “Nuk jam ai lloj shkrimtari që mund ta nxjerrë me pompë”.

Mijëra njerëz të mbledhur këtu sonte duhet të kënaqen me interpretimet ekzistuese të Roan mbi takimet e kota, pasionin e pashpërblyer dhe energjinë seksuale të pakufizuar. Gjatë “Hot to Go!”, turma kërcen së bashku me koreografinë shoqëruese të këngës (duke shkruar shkronjat H-O-T- T-O-G-O me krahët e tyre), ndërsa gjurmët e cigareve elektronike përzihen me aromën e ushqimit të skuqur për ta marrë me vete.

Popi riciklon pafundësisht pasionin dhe dhimbjen e dashurisë. Megjithatë, ajo që është më e rrallë është një shkrimtar që mund të dalë me një kthesë të re mbi këto tema që gjithashtu ndihen të përjetshme. Roan ka shumë interpretime të nxehta, hiper-moderne, të tilla si “Femininomenon”, një seancë e fuqishme rreth savoir faire femërore, ose Casual, një ulërimë zemërimi e shekullit të 21-të ndaj një partneri që nuk do të angazhohet. Më e mira nga të gjitha, ndoshta, është se si ajo e shndërron zbavitjen me rënien e ish-partnerëve në një fetish të gëzueshëm seksual në “My Kink Is Karma”, një nga rastet më qesharake të schadenfreude muzikore në kohët e fundit. Këto melodi të sinqerta dhe të drejtpërdrejta nuk kanë zgjatur shumë.

Roan ka edhe më shumë për të thënë. Disa vëzhgues janë ankuar se, për një yll që dukej kaq e hapur në vitin 2024, ajo ka qenë mjaft e heshtur kohët e fundit. Por në një fjalim emocional ajo falënderon fansat që e lejuan të ishte “e lirë” në skenë.

“E di që tani për tani është vërtet e frikshme për homoseksualët”, thotë ajo, “dhe më vjen shumë keq. Por kjo është ajo që ndihet krenaria dhe gëzimi, dhe kjo është ajo që duhet të mbajmë… buzëqeshjet dhe gëzimin tonë”.

A mund të jetë kënaqësia një akt politik? Juria është ende jashtë. Por endorfinat që vijnë me muzikën mesjetare të klubit të kampit të Roanit sigurisht që ndihen si një antidot ndaj helmit./theobserver/KultPlus.com

Festivali Ndërkombëtar i Filmit në Prishtinë, PriFest, do të përmbyllë edicionin e tij të 17-të me premierën rajonale të filmit “Burri i Shtëpisë” (Man of the House), një dramë e thellë që eksploron konfliktet personale dhe normat shoqërore përmes rrëfimit të një figure të rrallë dhe komplekse, me regji, skenar dhe producent Andamion Murataj.

Në njoftimin në faqen zyrtare, PriFest ndan edhe idenë e filmit: historia e Fran, një grua që ka zgjedhur të jetojë si burrë sipas traditës së Burrneshave, një zakon i vjetër në veri të Shqipërisë ku gratë betohen të mbeten beqare dhe marrin rol social mashkullor. Por gjithçka vihet në pikëpyetje kur ajo përballet me një zgjedhje të dhimbshme: të qëndrojë besnike ndaj identitetit të saj si “burrë”, apo të dorëzohet përballë ndjenjave të forta amësore për të marrë përkujdesjen e mbesës së saj jetime.

“Për t’u bërë nënë për mbesën e saj jetime, Fran duhet të marrë një vendim të vështirë mes ruajtjes së statusit të saj si “burrë” ose heqjes dorë prej tij për t’u rilidhur me ndjenjat amësore që kishte shtypur prej kohësh. Kur vjen momenti për të ecur përpara, zgjedhja e vetë mbesës e detyron Franin të përballet me frikërat më të thella: të mbajë fëmijën pranë ose t’i japë krahë vajzës së re.”

Rrjedha dramatike e filmit thellohet më tej kur vetë mbesa merr një vendim që e detyron Franin të përballet me frikërat më të thella dhe të vendosë mes mbajtjes së saj pranë apo dhënies së lirisë, përcjellë KultPlus.

Në role kryesore janë aktorët Drita Kaba Karaga, Alesia Ruçi, Bislim Muçaj, Astrit Alihajdaraj dhe Armond Morina, të cilët sjellin në ekran një dramë të heshtur, por të fuqishme, duke ftuar shikuesin të reflektojë mbi identitetin, familjen dhe sakrificat.

Filmi është një bashkëprodhim i gjashtë shteteve: Shqipërisë, Kosovës, Italisë, Austrisë, Kroacisë dhe Maqedonisë së Veriut, ndërsa producent i Kosovës është Ismet Sijarina.

“Burri i Shtëpisë” do të shfaqet në mbyllje të festivalit më 14 shtator, në ambientet e Kino Armata në Prishtinë, duke sjellë për publikun një rrëfim emocional që pasqyron realitete të pazakonshme dhe shpesh të padukshme të shoqërisë shqiptare.

PriFest mbahet nga 9 deri më 14 shtator, duke sjellë filma të përzgjedhur nga mbarë bota në zemër të kryeqytetit të Kosovës./KultPlus.com

Në vitin 1960, teksa Sophia Loren ndodhej në Britaninë e Madhe për xhirimin e komedisë romantike “The Millionairess”, një skenar dramash u ishte ndodhur jashtë ekranit. Një nga çastet më të errëta në karrierën e saj ishte vjedhja e bizhuterive: tri sete me diamante, smeralde dhe rubina, me një vlerë të vlerësuar prej rreth £185,000, u vodhën nga një kasetë lëkure e fshehur në një kuti tejet private, brenda një kasetë komode të futur në një mobilie të vilës të saj temporare në Elstree, pranë Londrës.

Pikërisht ky rast mbeti i lidhur me Peter Scott, i njohur si “King of the Cat Burglars”, një hajdut i famshëm që spikaste për vjedhje të bujshme ndaj yjeve të Hollywood-it dhe figurave të shquara të kohës.

Scott vetë pretendonte se kishte vjedhur gjerdanin prej rreth £200,000 nga Sophia Loren dhe më pas e kishte shitur tek një “fence” kundrejt £30,000, të cilat i kishte humbur të gjitha në një kazino në Cannes.

Traditat dhe mediat e kohës e konsideruan këtë ngjarje si një nga vjedhjet më të mëdha të bizhuterive në Britani.

Një tjetër vjedhës, Ray Jones (ose Ray “The Cat” Jones), në vitin 1992 deklaroi se ai dhe një bashkëpunëtor i kishin marrë thesarin nga vila e Lorenës në Elstree, por fatkeqësisht, asnjëri prej tyre nuk u dënua, dhe bizhuteritë kurrë nuk u gjetën.

Kjo histori ngelet një mister i pandriçuar, një përplasje mes shkëlqimit dhe dhimbjes. Bizhuteritë nuk ishin vetëm sende luksi për Loren, ato simbolizonin triumfin e saj kundër varfërisë, një njollë e paharrueshme në rrugëtimin e një ylli që nuk u fsheh para askujt./theguardian/KultPlus.com

 “Shkodra Jazz Festival” edhe në edicionin e tij të 16-të vijon të gjallërojë jetën kulturore të këtij qyteti verior të Shqipërisë.

Mbrëmjen e djeshme artadshësit shkodranë, por edhe turistët ndoqën në Muzeun Historik “Oso Kuka” koncertin e laria Pilar Patassini, këngëtare, interpretuese dhe kompozitore, ku bota e saj përfshin muzikën kantautore, muzikën e dhomës, muzikën botërore, xhazin dhe teatrin e këngëve.

Ajo u shoqërua në fizarmonikë nga Alessandro D’Alessandro, i konsideruar unanimisht si një nga fizarmonistët më të talentuar në Itali dhe Evropë.

D’Alessando filloi të studionte fizarmonikë në moshën 9 vjeç në Coreno Ausonio, qytetin e tij të lindjes në Lazion jugore. Ai është gjithmonë i interesuar për një larmi të gjerë formash muzikore.

“Shkodra Jazz Festival” po  zhvillohet nga 26 deri më 30 gusht dhe marrin pjesë artistë vendas e ndërkombëtarë si : Slowklang, Ilaria Pilar Patassini & Alessandro D’Alessandro, si dhe Amphitrio me M. Kapidani, F. Piantoni, R. Lombardi, Gabriel Oscar Rosati & Kejdi Barbullushi.

Gushti në Shkodër po sjell një përvojë të jashtëzakonshme muzikore, nga tingujt klasikë tek ritmet e jazz-it./atsh/KultPlus.com