Avokati Idajet Beqiri në një intervistë për “ABC News”, akuzoi Partinë Demokratike dhe Lëvizjen Socialiste për Integrim për përfshirje në veprimtari kriminale gjatë fushatave elektorale.
Sipas tij, këto parti kanë përdorur para të pista për financimin e fushatave, përfshirë edhe blerjen e votave të qytetarëve.
Beqiri u shpreh se lobimi në SHBA është bërë me qëllim të heqjes së “non gratës” ndaj Sali Berishës, duke e cilësuar këtë si një krim zgjedhor dhe pastrim parash. Ai kritikoi gjithashtu SPAK-un dhe KQZ-në për mungesë reagimi ligjor dhe kërkoi trajtim të barabartë për të gjithë aktorët politikë, duke theksuar nevojën për ndëshkim konkret në shtator ndaj Berishës dhe familjes së tij.
“Kontratat që PD i ka bërë në fushatë kanë qenë të vjedhura më kusari. Gjithmonë fushatat elektorale i bënë me para të pista dhe këtë gjë e shtynë deri tek LSI. Ku më pas LSI dhe PD u bënë dy organizata kriminale. KQZ nuk ka marrë vendimet ligjore të duhura, për të gjithë paratë që shpërndahen për fushata elektorale, që shpërndaheshin me thasë dhe më pas përfundojnë edhe për të blerë votat e qytetarëve. Lobimi me shumën e madhe u bënë vetëm për të hequr “non gratën” e Berishës.
Ligjërisht ky kjo vetëm që është një krim zgjedhor, Berishën dhe LaCivita-n për ndikimin në zgjedhje, sepse një person nga SHBA nuk ka të drejtë që të bëjë fushatë në Shqipëri. Berisha duhet të japë llogari për ndikimin në zgjedhje dhe për fshehjen e të ardhurave. Kjo është një pastrim i parave që rrjedhin nga krimi. Kjo është një vepër penale. SPAK dhe Gjykata duhet të venë në peshore të drejtën, duhet të kuptojnë që nuk ka standard të dyfishtë.
Duhet që të veprojnë me Berishën njësoj si me Metën. SPAK po përdor dy standard dhe e ka future veten e vet në një llum, pasi po merret me gjëra të vogla dhe kjo të mëdha. Në shtator duhet që të dënohet Berisha dhe familja e tij, në të kundërt SPAK-ut duhen vënë minat”, tha avokati./abcnews.al
Kryeministri britanik, Keir Starmer, ka dhënë një mesazh të prerë dhe të rëndësishëm lidhur më mbërritjen e emigrantëve të paligjshëm në brigjet e Mbretërisë së Bashkuar nëpërmjet Kanalit Anglez, prurje të cilat mbeten në nivele rekord.
Kryeministri po përballet me presion në rritje për të treguar rezultate në trajtimin e kalimeve të Kanalit dhe në ndalimin e përdorimit të hoteleve për azil, me protesta në shkallë të vogël jashtë hoteleve që vazhdojnë.
Sir Keir shkroi në X: “Jam i qartë: ne nuk do të shpërblejmë hyrjen e paligjshme. Nëse kaloni Kanalin në mënyrë të paligjshme, do të ndaloheni dhe do të ktheheni mbrapsht.”
Mbretëria e Bashkuar dhe Franca po testojnë një skemë për të kthyer emigrantët që mbërrijnë me anije të vogla në Francë, në këmbim të sjelljes së një azilkërkuesi në Mbretërinë e Bashkuar nëpërmjet një rruge të ligjshme.
Por shifrat e përfshira në këtë skemë ka të ngjarë të përfaqësojnë vetëm një pjesë të vogël të atyre që mbërrijnë. Deri më tani në vitin 2025, 29,003 emigrantë kaluan Kanalin me varka të vogla, një numër rekord për këtë pikë brenda një viti. m.p.
Një qytetar ka denoncuar se i është vendosur një gjobë në mënyrë të paligjshme nga Rrugorja e Tepelenës, ndërsa pretendon se makina ishte në Tiranë.
“Po na vendosin gjoba pa qenë fare në ato vende”, ishte reagimi i qytetarit, që denoncoi publikisht se është gjobitur në një qytet tjetër, kur fizikisht mjeti rezultonte në një tjetër vend nga ai që ishte shënuar në fletën e gjobës.
Menjëherë pas denoncimit dhe pretendimit të qytetarit, ka ardhur edhe reagimi i Policisë Rrugore Gjirokastër.
“Policia Rrugore Gjirokastër në vijim të kontrolleve intensive me dron dhe me radar, me qëllim sigurinë rrugore, më datën 26.08.2025, kanë instaluar radarin automatik në aksin rrugor “Tepelenë-Krahës” në vendin e quajtur “Lapidari”, Mogila, ku në orën 15:34, është konstatuar automjeti tip “Volkswagen Tiguan”, duke udhëtuar me shpejtësi tej normave të lejuara. Meqënëse radari është automatik, punonjësi i Policisë në përfundim të shërbimit, ka plotësuar masat administrative bazuar në pamjet filmike të regjistruara nga radari automatik. Drejtuesi i automjetit në rast kontestimi, Policia Rrugore do t’i vendosë në dispozicion pamjet filmike dhe orën e konstatimit”, thuhet në njoftimin e Policisë.
Qytetari tha se është gjobitur në vlerën 1000 lekë, me pretendimin se mjeti i tij ka kryer shkelje në qytetin e Tepelenës, më datë 26 gusht 2025, ora 22:07. Ndërkohë, nga të dhënat e siguruara nga GPS-i i makinës, rezultoi se automjeti në atë moment ndodhej në kryeqytet. m.p.
Nuk ka amulli dhe paqartësi më të madhe për betejat politike që e presin një formacion, nëse ka të paqarta strukturat e veta. Kjo është situata e sotme e PD-së, dukuri që po ndodh normalisht, sidomos qysh pas inicimit nga Berisha të “Foltores” por edhe konjukturave meskine të gjithë shpurës së tij të ngushtë që ia doli ta vendosi veten në Listat e Sigurta.
Për fat të keq, shumë të tjerë nuk mundën t’ia dilnin dot në Listat e Hapura për përballjen e vështirë dhe pa rregulla të PS-së dhe një pjesë tjetër që e kundrojnë tashmë PD-në me nostalgji por aspak dëshirë për t’u identifikuar.
Në shumë raste, artikullshkrues të ndryshëm dhe opinionistë po merren me kanonet demokratike dhe krahasimi me përvoja të ndryshme në PD e PS, por sot mënyra sesi bëhet politika në Shqipëri po tregon se ajo është dhe mbetet domen i kryetarëve dhe i një rrethi të ngushtë të partisë që ngurtësohen në krye të saj dhe luajnë të gjitha fijet.
Rasti i Berishës dhe dorëzimi i të gjithë zërave qoftë dhe kundërshtare para tij tregon se PD-ja është një makinë politike me të cilën mund të punohet dhe përfitohet. Kurse PS-ja nga ana tjetër mbetet një strukturë teknologjike votimi që nuk ia del ndonjë formacion.
Por që kjo lloj makinerie e PD-së të mbetet ende në punë duhet të funksionojë me karburantin e Berishës dhe këtë e kupton cilido. Për ata që përpiqen të mëtojnë për karburant tjetër nuk ka mundësi ose më saktë ka paqartësi. PD-ja është një formacion që ka prodhuar partiza pafund, tradhtarë, të pakënaqur dhe laramanë, pasi të gjithë nuk orientohen dot në turbullirën që u sajon prej kohësh Berisha dhe njerëzit e tij.
Një argument që justifikohet edhe me betejën dhe lojën e Ramës kundër tyre por më shumë me nevojën e mbajtjes së pushtetit të Berishës tek ky formacion, madje edhe kur gjoja ishte larg partisë. Po pse i lejohet dhe si e mundëson atë pushtet që po e lë me qëllim turbull formacionin e tij, lideri historik i PD-së?! Këtu duhet ti drejtohemi literaturës.
Ka disa lloje autoritetesh në botë, por sociologu Weber kur fliste për mënyrën sesi shoqëritë e administrojnë rendin përcaktonte tre të tilla syresh: Autoritetin Tradicional: Mbështetur më së shumti me mënyrën sesi një monark apo një i moçëm, përcakton zakonet dhe traditat e vendosura; Autoritetin Karizmatik: I cili lidhet me cilësitë personale të jashtëzakonshme të një udhëheqësi, të cilin e konsiderojnë si të ishte një profet ose një figurë revolucionare.
Dhe, i ashtuquajturi Autoriteti Ligjor-Racional, figurë që lidhet me shoqëritë moderne dhe bazohet në ligje, rregulla dhe procedura të vendosura, e personalitet që lidhet më shumë me detyrën sesa individin.
Berisha në këtë modul racional të një shekulli më parë nga dijetari i sociologjisë Weber i shkon gërshetimit të modelit të dy të parave, por me tharm shumë lokalist dhe me një njohje shumë të mirë të antropologjisë shqiptare. Dhe, ia ka dalë për bukuri: Sa më e turbullt PD-ja, aq më e padukshme se çfarë ndodh (po raportohen shpesh lidhje mes palëve) por aq edhe më i madh është adhurimi për Berishën në një parti që humb me qejf me kundërshtarin, me të cilin ndajnë një lojë me rregullat e bëra vetë!!! (Shkruar tek Java News) m.p.
Dy persona janë rikthyer në qeli pasi u kapën teksa kishin thyer masën e sigurisë “arrest me burg” të dhënë nga Gjykata e Vlorës për krime të ndryshme.
Madje një prej tyre u prangos nga policia vendore teksa po kryente një vjedhje dyqani në Orikum.
Specialistët për Hetimin e Krimeve njoftuan sot se arrestuan në flagrancë K. D., 41 vjeç, banues në Vlorë, pasi është konstatuar nga shërbimet duke thyer masën e sigurisë “arrest në shtëpi”.
Kurse efektivët e Stacionit të Policisë Orikum, arrestuan E. D., 24 vjeç.
“Ai është kapur në flagrancë duke thyer masën e sigurisë “arrest në shtëpi” dhe duke vjedhur në një dyqan 2 aparate celulare dhe disa produkte të tjera”, bëri me dije policia.
Për të dyja rastet dosjet iu referuan prokurorisë vendore, për veprime të mëtejshme hetimore. m.p.
Garancitë e sigurisë për Ukrainën do të ofrohen kryesisht nga vendet evropiane, ndërsa Shtetet e Bashkuara janë të gatshme t’i ndihmojnë ato, ishte deklarata e presidentit të SHBA-ve Donald Trump në një intervistë me The Daily Caller .
Trump u pyet nëse do të merrte në konsideratë t’i ofronte Ukrainës mbështetje ajrore si pjesë e garancive të tilla të sigurisë ndërsa u përgjigj: “Ndoshta do të bëjmë diçka. Dëgjoni, do të doja të shihja që diçka të zgjidhet. Ata nuk janë ushtarët tanë, por vriten pesë deri në shtatë mijë njerëz, kryesisht të rinj, çdo javë. Nëse do të mund ta ndaloja këtë dhe të kisha një aeroplan që fluturonte në ajër herë pas here, do të ishin kryesisht evropianët, por ne, ne do t’i ndihmonim ata. Ata, e dini, kanë nevojë për diçka, dhe ne do t’i ndihmonim nëse do të mund të bënim diçka”, tha ai, duke theksuar se nuk ka ndërmend të dërgojë trupa amerikane në Ukrainë.
“Nuk mendoj se mund të zgjidhet pa një lloj garancie sigurie dhe nuk do të kemi ushtarë në terren apo ndonjë gjë tjetër. Por nëse mund ta ndihmojmë Evropën”, shtoi Trump.
Trump deklaroi më tej se konflikti në Ukrainë “nuk është një luftë e SHBA-së” dhe se ai e trashëgoi atë nga paraardhësi i tij në Shtëpinë e Bardhë. “Unë e trashëgova këtë luftë. Dhe e tëra çfarë po përpiqem të bëj është ta shuaj flakën”.
Më parë, në një intervistë me Fox Neës, Presidenti i SHBA-së vuri në dukje se garancitë e sigurisë për Ukrainën nuk mund të përfshijnë mbrojtje nën NATO-n. Në të njëjtën kohë, ai shtoi se Shtetet e Bashkuara do të ishin të gatshme të ndihmonin Evropën. m.p.
Presidenti i Serbisë, Aleksandar Vuçiç, theksoi se ai përgjigjet vetëm ndaj qytetarëve të vendit të tij dhe popullit serb, duke publikuar një video me mesazhe të forta në llogarinë e tij në Instagram.
“Mendoj se është e gabuar dhe e rrezikshme të mendosh se Serbia është një njeri i vetëm. Unë nuk kam shef; të vetmit të cilëve u përgjigjem janë qytetarët e Serbisë dhe populli serb. Nuk i përgjigjem askujt tjetër. As atyre në perëndim, as atyre në lindje”, tha Vuçiç.
Ai shtoi se Serbia mbetet në rrugën evropiane, por nuk do të vendosë sanksione ndaj Rusisë gjatë mandatit të tij. “Po, Serbia është në rrugën evropiane dhe do të mbetet deri në fund të mandatit tim. Po ashtu, Serbia nuk do të vendosë sanksione ndaj Federatës Ruse, ndërkohë që kam ndikim mbi shumicën në Qeverinë dhe Asamblenë Kombëtare të Serbisë”, përfundoi presidenti. m.p.
Të paktën tre persona kanë vdekur në një zjarr të vënë nga protestuesit në një ndërtesë qeveritare në qytetin lindor indonezian të Makassarit, sipas një zyrtari lokal.
Dy nga viktimat ishin punonjës të këshillit bashkiak të qytetit kryesor të Sulawesi-t Jugor dhe një tjetër ishte një zyrtar publik.
Të paktën katër persona u plagosën nga zjarri, i cili u shua më vonë. Tensionet janë rritur në të gjithë vendin, duke rezultuar në përleshje të dhunshme midis protestuesve dhe policisë, e cila qëlloi me gaz lotsjellës për të zmbrapsur qindra demonstrues në Xhakarta pasi një shofer taksie me motor u godit për vdekje nga një automjet policie.
TIRANË, 30 gusht /ATSH/ Alpet shqiptare me bukuritë e tyre natyrore mbeten një atraksion absolut i turizmit duke tërhequr pushues vendas dhe të huaj në çdo periudhë të vitit.
Kryeministri Edi Rama përcolli sot në rrjetet sociale pamje të Alpeve, me majat e thepisura të maleve, dhe retë që duken si një “kurorë” mbi to.
Një nga territoret më atraktive dhe më magjepse të trevave shqiptare me bukuri të shumta natyrore dhe pasuri të mëdha turistike, janë Alpet shqiptare.
Të përfaqësuara nga një reliev malor me kontraste të shumta, të përshkuara nga lugina lumenjsh me ujëra të kristalta, gryka dhe qafa malesh që të intrigojnë të vazhdosh më tej për të eksploruara natyrën, me një bimësi të pasur, Alpet shqiptare përfaqësojnë një perlë me vlera unikale për Shqipërinë.
Majat e maleve në këtë territor duket sikur arrijnë qiellin. Bukuria mahnitëse e tyre pasqyrohet në ujërat kthjellta të lumenjve si Shala, Valbona, Curraj, Cemi, Moraça, etj., si dhe në liqenet akullnajore të tilla si ato të Pejës, Jezercës, Dobërdolit, Sylbicës etj., ofrojnë një qetësi përrallore dhe një nivel adrenaline, e cila ndryshon në çdo moment që shijon bukuritë e shumta të kësaj hapësire.
Male të tilla si Radohima, Maja Hekurave, maja e Arapit, maja e Shkëlzenit ofrojnë një panoramë të ndryshme, e cila tundon shpirtin aventuror të çdo vizitori për të parë bukuritë natyrore përreth tyre.
Ti je kaq e bukur sa më jepet të pyes: “Çfarë më je ti? Njeri apo art?” Të shoh dhe vjershat e shkruara i gris se para teje zbehet çdo varg.
Ti je poezia. Të tjerat janë proza. Ti je poezia që s`bëhet dy herë, ti je frymëzimi që më dehu dhe bota më duket e tëra e larë me diell.
Kaq ditë ti ecën përkrahu me mua, ditë e përditë ne rrimë kaq pranë sa që më e dashura fjalë “Të dua” u bë e zakonshme si buka që hamë.
Kur më jepet e tëra qenia jote marr botën në dorë dhe të fshehtat ia di dhe puthja përsëritet e bëhet si kopje them gjëra të mençura që s`kanë poezi.
Prandaj ik e më ler deri në mbrëmje ose largohu një javë se vij e të marr unë dua të jetoj me mungesën tënde, të krijoj pa ty në vetvete një hall.
Më duhet një bosh që kërkon të mbushet, më duhet një gjemb që nga brenda më ther, më duhet të krijoj një dimër pa lule, më duhesh të të dua edhe një herë./KultPlus.com
Muzeu i Parfumeve Fragonard në Paris, i njohur si kryeqyteti i parfumeve, shpjegon aromat dhe shishet e parfumeve të përdorura gjatë shekujve dhe mënyrën se si prodhohen parfumet.
Gjithashtu tregon vendin e trëndafilit turk midis esencave që kontribuojnë në parfumet franceze nga e gjithë bota, raporton Anadolu.
Grasse, një qytet në Francën jugore ku rriten lule të ndryshme, është një vend i shquar në prodhimin e parfumeve. Muzeu i Parfumeve Fragonard në Paris, mirëpret vizitorët gjatë gjithë vitit në një udhëtim nëpër historinë e aromave.
Vizitorët në muze mund të mësojnë rreth llojeve të aromave dhe shisheve të parfumeve të përdorura në epoka të ndryshme, si dhe vajrave esencialë të përdorur për to.
Charlotte Urbain, menaxhere e Kulturës dhe Komunikimit e Shtëpisë së Parfumeve Fragonard (Maison Fragonard), dhe Nazan Özarslan, udhëzuese e Muzeut të Parfumeve Fragonard, folën për Anadolu rreth historisë së muzeut që nga themelimi i tij deri në ditët e sotme dhe evolucionit të kulturës së aromave me kalimin e kohës.
– Koleksioni më i vjetër në muze daton që nga 3.000 vjet para Krishtit
Urbain shpjegoi se Jean-François Costa, i cili hapi Muzeun e Parfumeve Fragonard në vitin 1983, ishte pronar i parfumerive Fragonard në Grasse dhe një koleksionist shishesh dhe objektesh arti të vjetra.
Ajo shpjegoi se Costa ka bashkuar objekte të shumta që tregojnë historinë e parfumerive pothuajse që nga fillimi i saj, dhe se vepra më e vjetër e ekspozuar në muze daton që nga afërsisht 3.000 vjet para Krishtit.
Menaxherja Urbain shpjegoi se banorët e Grasse erdhën në Paris në shekullin e 19-të për të prezantuar parfumet e tyre.
“(Për ata që vizitojnë muzeun), ne së pari ju prezantojmë historinë e Grasse, i cili ishte një qytet prodhuesish lëkure dhe më vonë evoluoi në një qytet parfumierësh. Pastaj, përmes shisheve të ndryshme të vjetra dhe autentike, ne paraqesim historinë e parfumit nga periudha e Egjiptit të Lashtë deri në shekullin e 20-të. Së fundmi, ne ju prezantojmë se si prodhohet parfumi, në të kaluarën dhe në të tashmen, përmes imazheve nga fabrikat tona në jug të Francës”, tha ajo.
– “Në të kaluarën besohej se aromat e këqija transmetonin sëmundje”
Urbain theksoi se muzeu pret vizitorë nga e gjithë bota çdo vit dhe se muzeu ka një koleksion të konsiderueshëm “pomanderësh” (topa parfumi) dhe se stafi flet gjithsej 20 gjuhë.
“Në të kaluarën, besohej se aromat e këqija transmetonin sëmundje, dhe për këtë arsye, për t’u mbrojtur nga aromat e këqija dhe sëmundjet, njerëzit duhet të mbanin objekte të quajtura ‘pomanders’ (topa parfumi) në rripat, kyçet e duarve ose qafën e tyre”, tha Urbain.
– “Trëndafili turk është gjithmonë tre hapa përpara”
Nazan Özarslan theksoi se Franca, e cila ka një klimë dhe kushte rajonale të ngjashme me Turqinë, gjithashtu ka nevojë për bimë, lule dhe erëza endemike nga pjesë të ndryshme të botës. Ajo tha se vanilja e përdorur në parfume në këtë vend vjen nga Madagaskari, geraniumet nga Egjipti dhe trëndafilat nga provinca Isparta e Turqisë.
“Ka edhe trëndafila të bukur në Rumani dhe Bullgari, por trëndafili turk është gjithmonë tre hapa përpara”, tha Özarslan.
– Parfumi shihej si “ilaç” në Mesjetë
Özarslan theksoi se Mesjeta ishte një epokë e ndriçuar kur bota islame ishte shumë e përparuar në shkencë, por e njëjta gjë nuk ishte në Evropë. Ajo deklaroi se disa besojnë se një e treta, dhe të tjerë besojnë se gjysma e popullsisë vdiqën në epideminë e Vdekjes së Zezë që ndodhi në Evropë gjatë kësaj periudhe.
“Njerëzit e përdornin parfumin si një ilaç mjekësor gjatë asaj periudhe sepse besonin se sëmundjet shkaktoheshin nga aromat e këqija”, tha Özarslan, duke shtuar se njerëzit në atë kohë besonin se mbroheshin nga sëmundjet duke mbajtur shishe parfumi me forma të ndryshme.
– Deri në shekullin e 19-të, nuk kishte dallim midis parfumeve për burra dhe gra
Özarslan theksoi se në vitet 1700 në Evropë pati një rikthim te higjiena dhe njerëzit laheshin përsëri. “Sigurisht, parfumet ishin jashtëzakonisht të përhapura në Evropën Mesjetare. Megjithatë, si rikthimi te higjiena ashtu edhe dashuria e Marie-Antoinette për lulet i dhanë formë parfumeve në formën e tyre aktuale, me lule, elegante dhe të lehtë”, tha ajo.
Duke shpjeguar se një bust i Marie-Antoinette, mbretëreshës së fundit të Francës, përshëndet vizitorët në hyrje të muzeut. ajo tha: “Marie-Antoinette është një zonjë që ndryshoi ndjeshëm modën e parfumeve”.
Nazan Özarslan theksoi se, në një kohë kur esencat shtazore si ambra e qelibarit ishin të njohura, Marie-Antoinette punësoi një parfumier për të krijuar aromën e saj karakteristike.
Gjithashtu tha se deri në shekullin e 19-të, të gjitha parfumet ishin unisex, duke shtuar: “Kur një burrë i një familjeje blinte një parfum dhe kthehej në shtëpi, e gjithë familja përdornin të njëjtin parfum”.
Özarslan theksoi se kolonja, një revolucion higjienik në Evropë, u zbulua gjithashtu gjatë kësaj periudhe, duke shpjeguar se Perandori Francez i lindur në Korsikë, Napoleon Bonaparti, përdorte 40 litra kolonjë në muaj sepse i kujtonte notat e agrumeve të fëmijërisë së tij.
Shtëpia në Los Anxhelos ku Marilyn Monroe kaloi ditët e fundit të jetës së saj, rrezikon të shembet.
Pronarët aktualë, Brinah Milstein dhe Roy Bank, e blenë pronën në vitin 2023 për 8.4 milionë dollarë dhe kanë kërkuar leje për ta rrënuar, me synim që ta bashkojnë me shtëpinë e tyre ngjitur.
Pas reagimeve, konservatorët kulturorë arritën që ndërtesa të shpallet monument historik, duke ndaluar përkohësisht shembjen. Çështja tani është në duart e Gjykatës së Lartë të Qarkut të Los Anxhelosit, e cila do të vendosë nëse planet e pronarëve do të realizohen.
Milstein dhe Bank kanë propozuar që ndërtesa të zhvendoset në një vend publik, për të shmangur shqetësimet nga vizitat e turistëve dhe përdorimi i dronëve që cenojnë privatësinë e tyre./KultPlus.com
Dashi Ndiheni plot energji dhe gati të kapërceni çdo pengesë – kjo është një ditë ideale për të çuar përpara projekte personale apo profesionale. Mos u lini të tërhiqeni nga impulsiviteti. Në dashuri, dëgjimi reciprok do të sjellë qartësi të dobishme. Përdorni forcën me mençuri! Demi Ditë reflektimi dhe introspeksioni, merrni kohën e nevojshme për […]
Ministri i Jashtëm turk, Hakan Fidan, paralajmëroi sot Izraelin se çdo kërcënim ndaj Turqisë do të marrë një përgjigje të menjëhershme. Deklarata u bë gjatë një seance të jashtëzakonshme të parlamentit turk mbi situatën në Gaza. “Nuk kemi ndërmend të sulmojmë askënd, përveç nëse kërcënohemi. Në atë rast nuk do të tërhiqemi dhe përgjigja jonë […]
Daily Mail ka shkruar për një shqiptar, Edmond Kallmi, i cili ka kryer një vrasje të tmerrshme në Shqipëri dhe më pas vazhdoi aktivitetin e tij kriminal në Mbretërinë e Bashkuar. Në artikull shkruhet se 50-vjeçari u dënua në tetor 2022 në Ferndale, Uells, pasi kërcënoi me armë një person gjatë një debati për trafik […]
Në një hark kohor prej tre vitesh të ardhurat e bashkëshortes së Eduart Shalsit janë rreth 450 mijë euro. Mbetet për t’u parë nëse pagesat për Eranda Shalsin janë apo jo produkt i keqpërdorimit të mandatit të deputetit nga Eduard Shalësi. “Mbi të gjitha, një premtim që mund ta bëjmë që tani: Nuk do vjedhim […]
Sipas buletinit më të fundit të Autoritetit të Mbikëqyrjes Financiare (AMF), gjatë periudhës janar – korrik 2025 të ardhurat nga primet e shkruara bruto të kompanive të sigurimeve kapën shifrën 15.473 milionë lekë, me një rritje prej 8.98% krahasuar me të njëjtën periudhë të vitit 2024. Në të njëjtën kohë, numri i kontratave të sigurimit […]
Presidenti i Serbisë, Aleksandar Vuçiç, theksoi së fundmi se ai u përgjigjet vetëm qytetarëve të vendit dhe refuzoi të pranojë ndikim të jashtëm mbi vendimet e Serbisë. Në një video të postuar në llogarinë e tij në Instagram, Vuçiç u shpreh: “Mendoj se është e gabuar dhe e rrezikshme të mendosh se Serbia është një […]
Në afërsi të fshatit Xhyherinë në Vlorë, reshjet e dendura të shiut kanë shkaktuar çarjen e kanalit të ujërave të larta, duke rrezikuar përmbytjen e dy banesave dhe një subjekti pularie.
Në vendin e ngjarjes ndodhen shërbimet e policisë dhe ato të zjarrfikëses, ndërsa emergjencat civile kanë dërguar një mjet fadromë për të frenuar përhapjen e ujit. Autoritetet njoftojnë se për të shmangur përmbytjen, është i domosdoshëm përdorimi i një mjeti skrep për pastrimin e inerteve që kanë bllokuar kanalin.
Situata vijon të jetë nën monitorim nga autoritetet./abcnews/al
“Nëse kërcënohemi, nuk do të hezitojmë të përgjigjemi”. Kështu ka deklaruar ministri i Jashtëm turk, Hakan Fidan, në një intervistë televizive, duke folur për kërcënimin që, sipas Ankarasë, vjen nga “çmenduria e Hitlerit” që ka prekur qeverinë e shtetit të Izraelit, politikat e së cilit rrezikojnë stabilitetin e të gjithë rajonit.
“Nuk kemi ndërmend të sulmojmë askënd, përveç nëse do të kërcënohemi. Në atë rast nuk do të tërhiqemi dhe përgjigja jonë nuk do të vonojë”, tha Fidan. “Mesazhi ynë është i qartë dhe i drejtohet të gjithëve: mos u tregoni armiqësorë ndaj nesh dhe ne nuk do të jemi armiqësorë ndaj jush. Por nëse dikush guxon të na kërcënojë, do të përballet me pasojat”, theksoi ministri i Jashtëm turk.
Reagimi vjen një ditë pasi Fidan njoftoi se Ankaraja ka ndërprerë të gjitha lidhjet tregtare me Izraelin, ka ndaluar anijet turke të ankorohen në portet izraelite dhe ka mbyllur hapësirën ajrore për avionët izraelitë.
Ministri i Jashtëm turk e bëri këtë deklaratë gjatë një seance të jashtëzakonshme të parlamentit turk të thirrur për situatën në Gaza.
“Turqia ka ndërprerë çdo formë tregtie me Izraelin, anijet tona nuk do të ndalen më në portet izraelite dhe asnjë avion izraelit nuk do të mund të përdorë hapësirën ajrore turke”, tha Fidan, duke ritheksuar se vendimi vinte si përgjigje ndaj ofensivës së Izraelit në Rripin e Gazës.
Ky është një hap tjetër i ashpër në marrëdhëniet mes dy vendeve, pas vendimeve të mëparshme të qeverisë turke për të kufizuar lidhjet diplomatike e ekonomike me Izraelin.
Kujtojmë se në maj 2024, Turqia ndërpreu të gjitha lidhjet tregtare me Izraelin, duke ndaluar eksportet dhe importet, përfshirë produkte kyçe si çelik, çimento dhe aviacion. Ky hap erdhi pas refuzimit të Izraelit për të lejuar Turqinë të dërgojë ndihma humanitare në Gaza. Presidenti turk, Recep Tayyip Erdoğan, e akuzoi Izraelin për “krime kundër njerëzimit”.
Tanimë, Turqia ndodhet në një pozicion kritik në Lindjen e Mesme, pasi po përballet edhe me sfida të tjera rajonale, përfshirë tensionet me Iranin dhe përpjekjet për të ndërmjetësuar në konflikte të tjera.
Login
