Ambasadori i Palestinës në Mbretërinë e Bashkuar, Husam Zomlot, thotë se palestinezët janë zhgënjyer nga propozimi i presidentit amerikan, Donald Trump, për largimin e palestinezëve nga Gaza dhe për marrjen nën kontroll të vendit nga SHBA-të.

“Ne kemi vetëm një atdhe, nuk duam që qytetarët tanë të largohen nga Gaza”, tha ambasadori për Sky News.

E ardhmja, tha ai, ka të bëjë me “të drejtat e patjetërsueshme të popullit palestinez” dhe “krijimin e një shteti të Palestinës”.

Kujtojme se presidenti i Shteteve të Bashkuara, Donald Trump, shpalli më 4 shkurt një propozim, sipas të cilit, palestinezët e zhvendosur do të largoheshin nga Rripi i Gazës, duke i hapur rrugën SHBA-së për të marrë në pronësi këtë territor bregdetar dhe për ta zhvilluar ekonomikisht në një vend “fenomenal”, ku kombësi të ndryshme mund të jetojnë në paqe.

Trump tha se kjo do të ndodhte pas zhvendosjes së popullit palestinez në vende të tjera, për t’i larguar nga ajo që ai e quajti “gropë ferri” me ndërtesa të shkatërruara, pas më shumë se një viti luftë mes Izraelit dhe Hamasit, të cilin SHBA-ja dhe Bashkimi Evropian e kanë shpallur organizatë terroriste.

Trump e bëri këtë propozim gjatë një konference të përbashkët me kryeministrin izraelit, Benjamin Netanyahu, duke thënë se një hap kaq drastik është i nevojshëm, sepse idetë e tjera për t’i dhënë fund konfliktit dekadësh mes palestinezëve dhe izraelitëve nuk kanë funksionuar.

Propozimi i tij për Gazën do të nënkuptonte se SHBA-ja do ta ketë atë nën kontroll, si dhe do të përmbyste politikën amerikane afatgjate që mbështeste zgjidhjen me dy shtete për konfliktin izraelito-palestinez.

Trump tha se SHBA-ja do të punojë për çmontimin e të gjitha bombave të pashpërthyera dhe armëve të tjera në këtë territor, si dhe për pastrimin e ndërtesave të shkatërruara, para se ta zhvillojë ekonomikisht zonën.

“Nëse është e nevojshme, ne do ta bëjmë këtë. Do ta marrim atë pjesë, do ta zhvillojmë, do të krijojmë mijëra e mijëra vende pune dhe do të jetë diçka për të cilën e gjithë Lindja e Mesme mund të ndihet krenare”, tha Trump.

Presidenti nuk dha menjëherë detaje mbi vendet ku palestinezët do të zhvendoseshin, por tha se do të mbështeste vendosjen e tyre “në mënyrë të përhershme” në shtete të tjera. Më herët gjatë ditës, ai përsëriti thirrjen e tij që Jordania, Egjipti dhe shtetet e tjera arabe t’i pranojnë palestinezët nga Gaza.

Hamasi ka këmbëngulur se dëshiron të mbetet në Gazë.

Zyrtari i lartë i Hamasit, Sami Abu Zuhri, e dënoi më herët thirrjen e Trumpit për largimin e palestinezëve si një “dëbim nga toka e tyre”.

Mark Dubowitz, drejtor ekzekutiv i Fondacionit për Mbrojtjen e Demokracive, tha se Trump mund ta ketë hedhur këtë ide për të rritur presionin pasi vendet arabe refuzuan kërkesën e tij për të pranuar palestinezët.

The post “Ne kemi vetëm një atdhe, ndihemi të zhgënjyer nga qasja e SHBA-ve” – Reagon ambasadori palestinez pas propozimit të Trump për largimin e qytetarëve nga Gaza appeared first on Gazeta Shqiptare Online.

Sistemi i pensioneve në Shqipëri po përballet me vështirësi të shumta, që burojnë nga informaliteti në tregun e punës, migrimi dhe plakja e shpejtë e popullatës. Afro një dekadë pas reformës së parë në sistemin e pensioneve, autoritetet në Tiranë po përgatisin një reformim të dytë të këtij sistemi, për të zbutur diferencat mes pensioneve dhe për të çuar tek të moshuarit më shumë fonde prej rritjes ekonomike. Një përfaqësuese e Bankës Botërore tha sot gjatë një konference ndërkombëtare se migrimi dhe informaliteti janë në shkallë të lartë, ndërsa pensionet cënohen nga mosdeklarimi i saktë i të ardhurave.

Raporti i pensionistëve me punonjësit aktivë në Shqipëri është aktualisht 1 me 1.19, çka përbën një nga treguesit më domethënës të situatës së vështirë në këtë fushë.

Gjatë këtyre 10 vjetëve të reformës në pensione numri i kontribuesve u rrit me 50 për qind, ndërsa sistemi vuan nga boshllëqet e mospagimit të sigurimeve, nga puna në të zezë, nga papunësia periodike gjatë tranzicionit 1990-2013, si dhe pensionimi i parakohshëm i një morie punonjësish nga industritë e regjimit komunist.

Drejtoresha e Bankës Botërore për Ballkanin Perëndimor, Shiaoshing Ju, tha se ndryshimet në politikën e pensioneve do të ndikojnë në të gjtihë popullatën, por ato do të kenë sukses vetëm nëse publiku e kupton nevojën për reformën dhe e mbështet atë.

“Migrimi në shkallë të lartë, informaliteti në shkallë të lartë, nëndeklarimi i të ardhurave cënojnë edhe detyrimet mbi pensionet. Ne së bashku do të punojmë për përmirësuar disa mekanizma të sistemit të pensioneve për të shmangur problemet në të ardhmen”, tha zonja Ju e Bankës Botërore.

Ajo tha se ngritja e pensioneve pa u balancuar me kontributet do të shkaktojë kosto për shoqërinë, ndërsa theksoi se pensionet private nevojitet të kenë një rol plotësues, duhet të jenë shtesë dhe jo zëvendësues të sistemit të pensioneve.

Aktualisht pensionet e qytetarëve me të njëjtat parametra pas vitit 2014 kur nisi reforma janë shumë më të larta se sa pensionet e atyre para vitit 2014, të cilët vuajnë efektet e skemës pararendëse, ndërsa kryeministri Rama theksoi se zbutja e kësaj diference është një nga qëllimet e reformës së dytë.

“Sistemi ishte një sistem asistence, nuk ishte një sistem kontributiv dhe kjo ka shkaktuar të gjithë plagën e madhe që po mbyllet dalëngadalë, por sidoqoftë në gjithë këtë proces mbylljeje, vazhdojmë të kemi një pjesë që vuajnë nga ajo plagë”, tha zoti Rama.

Autoritetet shqiptare dhe ekspertët ndërkombëtarë e cilësuan këtë reformë të dytë në sistemin e pensioneve si një sfidë që lidhet me tregun e punës, me informalitetin e pagave dhe investimet, me lindshmërinë e ulët dhe migracionin, me kushtet dhe kostot e jetesës. Zoti Rama tha se paralelisht me reformën, pensionistët marrin edhe bonuset që dalin nga rritja ekonomike.

“Duam që këto bonuse të vazhdojnë dhe që pensionistët të marrin pjesë në shpërndarjen e fryteve të rritjes, ndërkohë paralelisht duke rindërhyrë në sistemin e pensioneve, duam që të bëjmë një akselerim pa prishur në asnjë mënyrë themelet që ka sistemi”, tha zoti Rama.

Më shumë se një e treta e punonjësve në Shqipëri nuk kontribuojnë në skemën e sigurimeve shoqërore. Një pjesë tjetër paguajnë sigurime të ulëta bazuar në paga të ulëta ose vetëdeklaruar të ulëta, duke ndikuar tek pensione të ulëta për të tjerët dhe për veten e tyre.

Skema e pensioneve në Shqipëri vazhdon të përballet me presione të vazhdueshme prej zhvillimeve demografike si plakja e popullsisë, migrimi, rënia e lindjeve si dhe rritja e jetëgjatësisë dhe i popullatës në moshë pensioni./VOA

The post “Sistemi i pensioneve në Shqipëri drejt një reforme të dytë” – VOA: Mbi një e treta e punonjësve nuk kontribuojnë në skemën e sigurimeve appeared first on Gazeta Shqiptare Online.

Sipas astrologjisë dy shenja të horoskopit pritet të kenë ndryshime të mëdha gjatë muajit shkurt.

Lexoni më poshtë se për kë bëhet fjalë:

Luani

Nëse i përkisni shenjës së zodiakut të Luanit (ose keni Diellin, Hënën ose Ashendentin në Luan), prisni një transformim intensiv personal në shkurt.

Astrologia Helena Hathor vëren se ky muaj do t’ju shtyjë të shprehni ndjenja që mund t’i keni ndrydhur për një kohë të gjatë.

Megjithatë, ky proces nuk do të jetë i lehtë, pasi do të detyroheni të përballeni me kontradiktat tuaja të brendshme dhe të bëheni më të pambrojtur. Megjithëse shprehja e këtyre ndjenjave mund të shkaktojë konflikt në marrëdhëniet tuaja, është mirë të jeni të kujdesshëm se si i komunikoni nevojat tuaja.

Ujori

Nëse jeni një Ujor (ose keni Diellin, Hënën ose Ashendentin në Ujor), sipas Hathor, shkurti është muaji ku ju do ta gjeni veten në qendër të vëmendjes, duke ecur përpara dhe duke zbuluar fuqinë tuaj.

Astrologia thotë se gjatë këtij muaji do të përjetoni ndryshime të rëndësishme në marrëdhëniet tuaja, pasi jeni gati të pranoni realitete të reja dhe të lini pas të shkuarën.

Megjithëse këto ndryshime mund të nënkuptojnë fundin e një marrëdhënieje, Hathor shpjegon se është një proces i natyrshëm që do t’ju çojë në vendimin për të kaluar në një fazë të re të jetës suaj.

The post Këto dy shenja pritet të kenë një transformim intensiv në jetë, ja çfarë i pret appeared first on Gazeta Shqiptare Online.

Një ngjarje e pazakontë ndodhi të martën në mëngjes. Klubi i ligës së tretë në Zvicër, Granges Pakot, njoftoi se lojtari i tyre Jelkiç ka ndërruar jetë.

24-vjeçari ishte raportuar më parë i humbur pas një mbrëmje në Spanjë me shokët e tij. Vetë klubi ndërkohë ndodhej atje për një turne.

Pasi familja e tij e raportoi të zhdukur, policia filloi kërkimet. Dhe në mëngjes u njoftua se trupi i lojtarit u gjend i portin e Alikantes.

Ngjarja tregohet të jetë aksidentale, pasi ai ka rënë në ujë.

PANORAMASPORT.AL

The post Ngjarje e pazakontë në Spanjë, futbollisti del për jetë nate dhe gjendet i vdekur në det appeared first on Gazeta Shqiptare Online.

Pas sulmit masiv në Suedi, ku u vranë 11 persona qëndron 35-vjeçari Rickard Andersson, fotografia e të cilit publikohet për herë të parë, raporton DailyMail.

I armatosuri i dyshuar ishte mes 11 personave të vrarë pasi hapi zjarr dje në shkollën Campus Risbergska në Orebro .

Andersson vuante nga probleme të shëndetit mendor dhe jetonte vetëm, thonë raportet lokale.

I dyshuari gjithashtu thuhet se fillimisht quhej Jonas Simon dhe ishte quajtur i vetmuar në shkollë.

Një burrë që shkonte në të njëjtën shkollë i tha Expressen se Andersson ecte me kapuçin lart dhe dorën mbi gojë për vite me radhë.

Një person tjetër tha se ai quhej “Luvan” dhe besonte se sjellja e tij e çuditshme “duhet të ketë qenë një formë e fobisë ekstreme sociale”.

Në vitin 2017, Jonas Simon thuhet se ndryshoi emrin e tij në Rickard Andersson.

Një i afërm i ngushtë i Andersson tha gjithashtu se ajo e kujton atë si një “fëmijë normal”, por nuk kishte “fare miq”, tha ajo për Expressen.

The post Sulmi me 11 viktima në Suedi/ Zbulohet autori 35-vjeçar që ngeli edhe vetë i vrarë! Kishte ndryshuar emër disa herë, ja për çfarë dyshohet appeared first on Gazeta Shqiptare Online.

 Presidenti argjentinas Javier Milei ndjek shembullin e presidentit amerikan Donald Trump duke vendosur të tërheqë vendin e tij nga Organizata Botërore e Shëndetësisë (OBSH).

Zëdhënësi i presidencës argjentinase tha se vendimi është për shkak të “ndryshimeve të thella në lidhje me menaxhimin shëndetësor” dhe “ndikimit politik të shteteve të caktuara”.

“Presidenti ka udhëzuar ministrin e Jashtëm Gerardo Ëorthen që të tërheqë Argjentinën nga OBSH”, tha Manuel Antoni në një konferencë për shtyp.

Argjentinasit “nuk do të lejojnë një organizatë ndërkombëtare të ndërhyjë në sovranitetin tonë, e lëre më kur ka të bëjë me shëndetin tonë,” tha ai.

Vendimi vjen pas një vendimi të ngjashëm të presidentit amerikan Donald Trump, i cili me marrjen e detyrës nënshkroi një urdhër ekzekutiv për tërheqjen e SHBA nga OBSH më 22 janar 2026.

The post Ndjek shembullin e Donald Trump, presidenti argjentinas vendos të tërhiqet nga Organizata Botërore e Shëndetësisë appeared first on Gazeta Shqiptare Online.

Një makinë është djegur të martën në fshatin Gllamnik të Podujevës në Kosovë, ndërsa raportohet se brenda saj dyshohet se ka qenë edhe një person.

Kryeprokurori i Prokurorisë Themelore në Prishtinë, Zejnullah Gashi ka thënë se makina Golf 7 ishte me targa serbe.

“Vetura është me targa të shtetit serb. Hetimet po vazhdojnë”, – ka thënë ai, raporton Koha.

Prokuroria Themelore e ka konfirmuar se në veturë pati mbetje të eshtrave të njeriut.

Përveç policisë në vendin e ngjarjes kanë dalë edhe njësitet e mjekësisë ligjore.

The post Gjenden eshtra njeriu në makinën e shkrumbuar me targa serbe, ja për çfarë dyshohet appeared first on Gazeta Shqiptare Online.

Bilanci i vitit 2023 i kompanisë Integrated Energy BV SPV tregon se para sekuestrimit, aksionerët tërhoqën nga kompania miliona euro në formën e “huave” apo “parapagesave” ndërsa lanë miliona të tjera detyrime të papaguara në Tatime dhe banka, të cilat rrezikojnë të rëndojnë më tej mbi xhepat e taksapaguesve.

Në maj të vitit 2023, thuajse dy muaj përpara sekuestrimit të incineratorit të Tiranës, kryeministri Edi Rama i mbrojti projektet e incineratorëve si vepra të një rëndësie të veçantë.

“Ato janë vepra shumë të rëndësishme dhe unë jam shumë krenar që i kam bërë ato,” – tha Rama në një intervistë për Euronews Albania, duke nënkuptuar se incineratorët po funksionin dhe po shpëtonin “popullata të tëra nga helmet”.

Por ndryshe nga ç’pretendon kryeministri, në incineratorin “fantazmë” të Tiranës gjithë sa ka mbetur mbrapa është një mal gjigand me plehra dhe një gropë e thellë financiare.

Kompania Integrated Energy BV SPV, e cila menaxhon landfillin e Sharrës, ka gjasa do t’u kushtojë taksapaguesve shqiptarë edhe së paku 47 milionë euro të tjera për shkak se, sipas të dhënave të bilancit të kompanisë, pronarët kanë tërhequr prej saj shuma të mëdha parash në formën e “parapagimeve” për punimet e supozuara të investimit apo në formën e huave nga kompania te aksionerët, ndërsa kanë lënë miliona euro të tjera detyrime të papaguara kundrejt Drejtorisë së Përgjithshme të Tatimeve dhe dy bankave.

Llogaritë e BIRN nga shënimet në bilancin e publikuar sugjerojnë se afërsisht gjysma e aktiveve të kompanisë ose 2.4 miliardë lekë përbëhen nga të drejta që me gjasa, janë të paarkëtueshme dhe këtyre u shtohen edhe detyrimet në masën 2.3 miliardë lekë, të cilat do të duhet të paguhen, për një kosto totale prej 4.7 miliardë lekë ose 47 milionë euro.

Fitime të majme

Kompania “Integrated Energy” BV SPV u sekuestrua në fund të korrikut 2023 nga Prokuroria e Posaçme dhe prej asaj kohe menaxhohet nga Agjencia e Administrimit të Pasurive të Sekuestruara dhe Konfiskuara. Sipas SPAK, kompania kontrollohej nga dy biznesmenët famëkeqë, Mirel Mërtiri dhe Klodian Zoto, të cilët gjenden në arrati.

SPAK akuzon gjithashtu 13 zyrtarë për veprat penale të korrupsionit dhe shpërdorimit të detyrës, mes së cilëve ish-ministrin e Mjedisit, Lefter Koka, ish-deputetin e PS, Alqi Bllako dhe ish- drejtorin e Bashkisë së Tiranës, Taulant Tusha.

Në korrik të vitit 2024, SPAK njoftoi lëshimin e tetë urdhër-arresteve të tjera për pastrimin e rreth 20 milionë eurove përmes faturave fiktive nga incineratori i Tiaranës, por asnjëri prej personave të dyshuar nuk u arrestua.

Të dhënat e bilancit të vitit 2023 tregojnë se falë tarifave dukshëm të majme të paguara nga bashkitë që depozitojnë mbetjet në landfillin e Sharrës si dhe nga kompanitë e ndërtimit, të cilat depozitojnë me detyrim dherat e gropave të hapura gjatë punimeve të ndërtimit, kompania duket se ka gjendje financiare të shëndoshë në pamje të parë.

Të ardhurat e saj në vitin 2023 ishin 1.56 miliardë lekë ose rreth 15 milionë euro, ndërsa fitimet neto ishin 610 milionë lekë ose 6.1 milionë euro. Me një normë fitimi prej gati 40% mbi të ardhurat, këto shifra sugjerojnë se bashkitë e qarkut po mbifaturohen për një shërbim që normalisht duhet të jetë shërbim publik jo për qëllime fitimi.

Kompania realizoi të ardhura nga pagesat e bëra për depozitim nga bashkitë Tiranë, Durrës, Vorë dhe Kavajë, nga depozitimi i dherave nga kompanitë e ndërtimit si dhe nga shitja e materialeve të riciklueshme. Të gjitha kategoritë e të ardhurave pësuan rënie gjatë vitit 2023 në krahasim me vitin 2022. Kështu, pagesat nga bashkitë ranë nga 1.2 në 1.16 miliardë lekë, të ardhurat nga depozitimi i dherave ranë nga 424 milionë në 257 milionë, ndërsa të ardhurat nga shitja e materialeve të riciklueshme ranë nga 42 milionë që ishin në vitin 2022, në 30 milionë në vitin 2023.

Fitimet në fakt kanë qenë të konsiderueshme dhe krejtësisht jashtë logjikës normale ekonomike që nga dita e parë e koncesionit. Kompania Intergrated Energy BV SPV u regjistrua në dhjetor të vitit 2017 dhe aksionerët rrezikuan gjithsej nga paratë e tyre 100 mijë lekë ose më pak se 1 mijë euro. Që në muajin e parë të punës, kompania siguroi të ardhura në masën 106 milionë lekësh dhe fitime neto në masën 157 milionë lekësh. Të ardhurat u rritën në 1.1 miliardë më 2018 dhe 2.7 miliardë më 2022, ndërsa aksionerët nuk rezulton të kenë depozituar ndonjë kapital përveç atij fillestarit.

Në total për periudhën 2017-2023, kompania realizoi të ardhura në masën 12.2 miliardë lekë dhe fitime neto në masën 2.7 miliardë lekë, të cilat, me kursin aktual të këmbimit, arrijnë në 120 milionë euro të ardhura dhe 27 milionë euro fitime.

Por kjo është vetëm pamja e parë.

Në shënimet e bilancit të depozituar në QKB bëhet e ditur se aksionerët dhe kompani të lidhura me to kanë tërhequr nga kompania e koncesionit mbi 15 milionë euro, duke i deklaruar si parapagime për punimet e supozuara që do të bëheshin në incinerator, ndërsa kanë lënë mbi 5.4 milionë euro të papaguara në Drejtorinë e Përgjithshme të Tatimeve si dhe afërsisht 9 milionë euro të tjera kredi nga dy banka, të cilat nuk janë shlyer dhe ndaj të cilave, tatimpaguesit ka gjasa do të duhet të shlyejnë jo vetëm principalin, por edhe kamatëvonesat.

Në bilanc shënohet se kompania Integrated Technology Service, e cila ishte nën pronësinë e Klodian Zotos, biznesmenit në arrati që nga prokurorët konsiderohet si një nga pronarët de facto të incineratorit, mori nga kompania e incineratorit në vitin 2021 gati 1.2 miliardë lekë “parapagime”, për punime të cilat, nuk u kryen. Fatura të tjera “parapagimesh” janë bërë edhe për kompanitë De Mare, Air Waste Water si dhe ndaj shoqërisë mëmë ndërsa një shumë prej 144 milionë lekësh është “marrë hua” nga ortakët.

Miliona euro borxhe në Tatime dhe banka

Administratori shtetëror, i cili administron kompaninë për llogari të autoriteteve të drejtësisë, të cilat e kanë vendosur nën sekuestro preventive kompaninë që nga gushti i vitit 2023, dorëzoi së fudmi bilancin e vitit 2023 në Qendrën Kombëtare të Biznesit, rreth gjashtë muaj pas mbarimit të afatit ligjor.

Gjendja financiare e një kompanie shfaqet në dy tabela që njihen nga ekspertët si “aktivet” dhe “pasivet”. Te aktivet paraqitet situata e materialeve fizike dhe jofizike të kompanisë. Fjala vjen, nëse ajo ka mall apo prona, këto të gjitha vendosen te aktivet. Te aktivet vendosen edhe “të drejta të arkëtueshme”, pra para, të cilat, kompanisë i takojnë por që nuk janë shlyer ende nga kompanitë apo individët që i detyrohen këto shuma kompanisë. Në rastin e Integrated Energy BV SPV, asetet e kompanisë janë më masën 5 miliardë lekë ose 50 milionë euro. Problemi është se në këto asete bëjnë pjesë edhe 1 miliardë lekë të titulluara “Llogari të arkëtueshme tregtare dhe llogari të tjera të arkëtueshme” si dhe 1.4 miliardë lekë “Kërkesa në lidhje me kontratat e ndërtimit”. Këto 2.3 miliardë lekë teorikisht kompania do të mund t’i arkëtojë në të ardhmen, ose, nëse nuk arkëtohen, do të duhet të deklarohen borxh i keq i paarkëtueshëm dhe do të konsiderohen me vlerë zero.

Duke qenë se këto janë para që kompanitë e lidhura si Integrated Technology Services i kanë marrë para se pronarët të zhdukeshin, gjasat janë që këto para nuk do të mund të arkëtohen. Rrjedhimisht, administratorëve të kompanisë u mbetet që të merren me anën tjetër të bilancit, me pasivet.

Teorikisht, pasivet janë burimet financiare që kanë krijuar aktivet. Kapitali aksioner, i derdhur në themelimin e kompanisë apo i siguruar nga fitimet e pashpërndara kanë një kategori e pasiveve ndërsa kreditë bankare apo faturat e papaguara por që duhet të paguhen janë kategori të tjera të pasiveve. Në rastin e kësaj kompanie, ajo rezulton se ka detyrime të tilla totale në masën 5 miliardë lekë, nga të cilat, 2.7 miliardë janë fitimet e akumuluara dhe 2.33 miliardë janë detyrime që duhen paguar. Nga këto, dy banka që kanë dhënë kredi kërkojnë afërsisht 9 milionë euro ndërsa Drejtoria e Përgjithshme e Tatimeve kërkon afërsisht 5.4 milionë euro për shkak të mospagesave të Tatimit mbi Vlerën e Shtuar dhe të Tatimit mbi Fitimin nga ana e kompanisë. Kompani të tjera kërkojnë 5.7 milionë euro të tjera për gjëra të tilla si, punime të kontraktuara, të kryera dhe të papaguara.

Këto detyrime teorikisht do të duhej të kishin krijuar asete por në fakt ato kanë krijuar “të drejta të arkëtueshme”, të cilat, në rastin konkret duken të pagjasa për t’u arkëtuar. Në total, nga të 12.2 miliardë lekët e arkëtuara, kompania ka në llogaritë e saj bankare vetëm 268 milionë lekë ose afërsisht 2.7 milionë euro.

Në rast se Integrated Energy BV SPV do të kalojë nga statusi i Sekuestros Preventive në statusin e kompanisë së konfiskuar, tatimpaguesve do t’u duhet të paguajnë kreditë bankare, faturat e pashlyera dhe tatimet e papaguara, kosto këto që i shtohen 12.2 miliardë lekëve sakaq të shpenzuara për gropën e plehrave të Sharrës dhe 5 miliardë lekëve të tjera të shpenzuara për dy sipërmarrjet e tjera të kësaj natyre, incineratorit të Elbasanit dhe incineratorit të Fierit, me një faturë totale që i kalon të 200 milionë eurot dhe që me gjasa, do të njihet si një nga skemat mashtruese më të mëdha në historinë e Shqipërisë.

 

 

The post Investigimi, BIRN: Incineratori i Tiranës lë pas një gropë me 47 milionë euro borxhe dhe parapagime appeared first on Gazeta Shqiptare Online.

Mister në Elbasan! Banorët gjejnë një arkivol të mbyllur në përroin e Zaranikës.

Burime për News 24 bëjnë me dije ne sot në mesditë disa banorë kanë konstatuar një arkivol të mbyllur në rrjedhën e përroit të Zaranikës në periferi të Elbasanit

Mbeten mister rrethanat në të cilat arkivoli ka përfunduar në rrjedhën e Zaranikës.

Ndërkohë që është njoftuar Policia dhe Agjencia e Shërbimeve Publike të Bashkisë së Elbasanit për rastin, që ka shkaktuar një gjendje të pazakontë te të gjithë ata që e kanë parë arkivolin e mbyllur të hedhur në rrjedhën e Zaranikës pranë një blloku banimi.

The post Ngjarje e pazakontë në Elbasan/ Banorët gjejnë një arkivol të mbyllur në përrua, rrethanat ende misterioze! appeared first on Gazeta Shqiptare Online.

Guvernatori i Bankës së Shqipërisë, Gent Sejko, foli sot për kursin e këmbimit valutor në vendin tonë.

Ai tha se Banka e Shqipërisë ka vënë re se ka patur një forcim të lehtë të kursit të këmbimit.

Teksa theksoi se kjo mund të ketë ardhur si pasojë e rritjes së shpenzimeve të qeverisë shqiptare ne tregun valutor, Sejko tha gjatë vitit 2024 BSH ka tërhequr nga tregu 1 mld euro për efekt të rezervës valutore si edhe për të stabilizuar kursin e këmbimit.

Sejko: Patëm një forcim të lehtë në kursin e këmbimit dhe sigurisht kursi mbiçmohet  ose nënçmohet sipas kërkesës në treg.

Ditët  e fundit këtu mund të ketë ndikuar edhe rritja e shpenzimeve të qeverisë shqiptare në tregun valutor. Por sigurisht ka një korrektim. Kursi i këmbimit e kemi theksuar vazhdimisht është si pasojë e kërkesës dhe ofertës. Pa bërë analizë të mëtejshme në kursin e këmbimit unë do thoja që Banka e Shqipërisë ndërhyn në tregun valutor sipas kërkesave ligjore dhe rregullatorë.

Vetëm gjatë vitit 2024 BSH ka tërhequr nga tregu 1 mld euro për efekt të rezervës valutore dhe gjithashtu për ndërhyrje të kursit të këmbimit për të stabilizuar kursin e këmbimit. Është bërë për objektiv të formës së inflacionit pra stabilitetit të çmimeve. Kursi i këmbimit është i paparashikueshëm dhe BSH  do monitorojë me kujdes tregun.

The post “Gjatë vitit 2024 BSH ka tërhequr nga tregu një mld euro për efekt të rezervës valutore” , Sejko: Kjo ka ardhur si pasojë e… appeared first on Gazeta Shqiptare Online.

Zëdhënësja e Partisë Demokratike, Floriana Garo, ka zhvilluar një takim me demokratët e Durrësit, Spitallës dhe Kënetës.

Përmes një postim në rrjetin e saj social Instagram, zëdhënësja e PD shkruan se takimet e saj me demokratët ishin entuziaste.

Teksa bën me dije se një ndër temat që ajo diskutoi me ata ishte protesta kombëtare e PD, që do të mbahet në Tiranë më 8 shkurt ora 17:00.

Ajo ka ftuar qytetarët dhe mbështetësit e opozitës në protestën e ditës së shtunë.

“Demokratet jane ne kembe! Te gjithe bashke do mbushim rruget e Tiranes me 8 shkurt ora 17.00!”, ka shkruar Floriana Garo krahas fotove që postoi në rrjetin social me demokratët.

The post “Më 8 Shkurt të gjithë bashkë do mbushim rrugët e Tiranës” – Floriana Garo takim me qytetarët në Durrës appeared first on Gazeta Shqiptare Online.

Lëkundje tërmeti janë regjistruar mesditën e sotme në qytetin e Pukës.

Lajm në përditësim

The post LAJM I FUNDIT/ Tërmet në Shqipëri! Ja zonat e prekura appeared first on Gazeta Shqiptare Online.

Presidenti i Shteteve të Bashkuara, Donald Trump pret sot në Shtëpinë e Bardhë Kryeministrin e Izraelit, Benjamin Netanyahu dhe armëpushimi mes Izraelit dhe Hamasit në Rripin e Gazës do të jetë tema kryesore.

Takimi vjen në një fazë kyçe të armëpushimit. Izraeli dhe Hamasi kanë më pak se katër javë për të rënë dakord mbi parimet e fazës së dytë, që duhet të përfshijë lirimin e të gjitha pengjeve që ende po mbahen në Gazë, një përfundim të plotë të luftimeve dhe tërheqjen e Izraelit nga ky territor.

“Nuk kam garanci që paqja do të jetë e qëndrueshme”, tha Presidenti Trump të hënën.

Para takimit në Shtëpinë e Bardhë, zoti Netanyahu bisedoi të hënën me të dërguarin e posaçëm amerikan për Lindjen e Mesme Steve Witkoff, i cili ishte pjesë e përpjekjeve për të siguruar marrëveshjen e armëpushimit.

Zyra e Kryeministrit Netanyahu njoftoi përmes një deklarate se takimi ishte “pozitiv dhe miqësor” dhe se ai do të mbledhë Kabinetin e Sigurisë së Izraelit pas kthimit nga Shtetet e Bashkuara për të “diskutuar qëndrimet e përgjithshme të Izraelit përsa i përket fazës së dytë të marrëveshjes”.

I dërguari Witkoff pritet të takohet me zyrtarët e Katarit dhe Egjiptit ndërkohë që tre vendet vazhdojnë të ndërmjetësojnë përfundimin e luftimeve.

Përveç armëpushimit, zoti Netanyahu tha se ai dhe Presidenti Trump do të diskutojnë mbi kundërpërgjigjen ndaj agresionit të Iranit dhe zgjerimin e marrëdhënieve diplomatike me shtetet arabe.

Presidenti Trump ndërmjetësoi marrëveshjet për normalizimin e marrëdhënieve mes Izraelit dhe katër shteteve arabe gjatë mandatit të tij të parë. Tani ai po synon arritjen e një marrëveshjeje më të gjerë përmes të cilës Izraeli do të vendoste marrëdhënie me Arabinë Saudite.

Por Arabia Saudite ka thënë se do të pajtohet me një marrëveshje të tillë nëse përfundon lufta në Gazë dhe nëse ekziston një rrugë e qëndrueshme për krijimin e shtetit palestinez në Gazë, Bregun Perëndimor dhe në Jeruzalemin lindor, territore që Izraeli i pushtoi në luftën e vitit 1967 në Lindjen e Mesme.

Shtetet e Bashkuara përkrahin krijimin e shtetit palestinez, por qeveria e Kryeministrit Netanyahu e kundërshton atë.
Hamasi, që konsiderohet organizatë terroriste nga Shtetet e Bashkuara, ka liruar 18 pengje deri më tani, ndërsa Izraeli ka liruar qindra të burgosur palestinezë.

Lufta në Gazë filloi me sulmin e militantëve të Hamasit ndaj Izraelit më 7 tetor të vitit 2023, gjatë të cilët ata vranë 1,200 persona dhe rrëmbyen 250 pengje.

Kundërofensiva e Izraelit gjatë 15 muajsh luftime shkaktoi vdekjen e 47,500 palestinezëve, mbi gjysma e të cilëve gra dhe fëmijë. Ushtria e Izraelit thotë se kjo shifër përfshin 17 mijë militantë të vrarë./voa/

The post Armëpushimi mes Izraelit dhe Hamasit tema kryesore e takimit, Donald Trump pret sot në Shtëpinë e Bardhë kryeministrin izraelit! appeared first on Gazeta Shqiptare Online.

UEFA ka zyrtarizuar Shqipërinë dhe Serbinë si dy vendet organizatore në Europianin U-21 të vitit 2027.

Të dyja vendet do të presin nga 8 skuadra për fazën e grupeve. Finalja e madhe do të mbahet në stadiumin “Arena Kombëtare”.

Stadiumet e tjera që do të presin ndeshje do të jenë “Loro Boriçi”, “Elbasan Arena” dhe “Arena Egnatia”. Gjithçka do të marrë jetë në qershor të vitit 2027.

Njoftimi i FSHF:

“Federata Shqiptare e Futbollit mirëpret vendimin e sotëm të Komitetit Ekzekutiv të UEFA-s që i jep të drejtën Shqipërisë të jetë një nga vendet organizatore të Kampionatit Europian U-21 të vitit 2027.

Ky turne, i cili do të zhvillohet në qershor të vitit 2027, do të përfshijë 16 skuadra që përfaqësojnë talentet më të spikatura të futbollit të moshave në Europë, mes tyre edhe lojtarë që tashmë aktivizohen në ligat më të mira të kontinentit. Si një nga vendet pritëse, Shqipëria do të ketë për herë të parë mundësinë që të përfaqësohet me brezin e saj të ri të futbollistëve U-21 në një turne madhor ndërkombëtar.

Presidenti i FSHF-së, Armand Duka, deklaroi: “Ky është një vendim shumë i rëndësishëm nga UEFA, sepse Kampionati Europian U-21 i vitit 2027 do të jetë më shumë sesa një turne futbolli. Ai do të shërbejë si një katalizator për të thyer barriera, për të forcuar mirëkuptimin e ndërsjellë dhe për të krijuar një të ardhme më pozitive për popujt e Shqipërisë dhe Serbisë. Ky turne do të tregojë gjithashtu se çfarë mund të arrihet kur njerëzit bashkohen rreth një objektivi të përbashkët, të frymëzuar nga fuqia e futbollit”.

Presidenti Duka shtoi: “Ky do të jetë eventi më i madh sportiv në historinë e Shqipërisë. Prandaj, ai na jep mundësinë që, me mbështetjen e UEFA-s, të modernizojmë stadiumet dhe infrastrukturën e futbollit në të gjithë vendin. Gjithashtu, ky organizim do të krijojë një trashëgimi të qëndrueshme për të frymëzuar brezat e ardhshëm të lojtarëve, vullnetarëve dhe tifozëve në të dyja vendet”.

Dy vendet organizatore do të mirëpresin secila nga tetë skuadra pjesëmarrëse, ndërsa ekipet do të luajnë në vendin e tyre pritës deri në finalen e madhe, e cila do të zhvillohet në “Arenën Kombëtare” në Tiranë.

Ky stadium, me një kapacitet prej 22,000 spektatorësh, ka pritur finalen e UEFA Europa Conference League në vitin 2022. Ndërkohë, ndeshjet e tjera të Kampionatit Europian U-21 të vitit 2027 që do të zhvillohen në Shqipëri, do të luhen në stadiumin “Loro Boriçi” në Shkodër, “Elbasan Arena” në Elbasan dhe “Arena Egnatia” në Rrogozhinë.

PANORAMASPORT.AL

The post ZYRTARE/ Shqipëria organizon Europianin U-21 me Serbinë në vitin 2027, ja detajet appeared first on Gazeta Shqiptare Online.

Finalizohet operacioni policor i koduar “Escort 1”.

Rekrutonte shtetase të huaja, për prostitucion, nëpërmjet faqeve online, shpallet në kërkim 36-vjeçari.

36-vjeçari kishte përfituar rreth 200 000 euro nga kjo veprimtari, gjatë 1 viti.

Procedohen penalisht 16 shtetase me origjinë braziliane dhe kolumbiane, që ushtronin prostitucion në ambiente me qira ditore.

Sekuestrohen 7000 euro dhe 6 celularë.

Specialistët për Hetimin e Trafiqeve të Paligjshme të DVP Tiranë në bashkëpunim dhe me DVKM Tiranë, në zbatim të planit të masave me qëllim goditjen e veprimtarive të paligjshme që lidhen me shfrytëzimin e prostitucionit, kanë evidentuar dhe goditur një rast, në kuadër të operacionit “Escort 1”. Për këtë rast u shpall në kërkim shtetasi:

M. N., 36 vjeç, banues në Tranë.

Ky shtetas bashkëpunonte me shtetas me huaj për dërgimin në Shqipëri dhe më pas i rekrutonte shtetaset e huaja, nga Kolumbia dhe nga Brazili, me qëllim shfrytëzimin për prostitucion, duke përdorur faqe online. Këtë aktivitet e ushtronte në ambiente me qira ditore, të cilat i siguronte nëpërmjet agjencive të ndryshme.

Vijon puna për lokalizimin dhe kapjen e tij.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

vijon…

The post Fitoi 200 mijë euro duke rekrutuar shtetase të huaja për prostitucion, shpallet në kërkim 36-vjeçari! appeared first on Gazeta Shqiptare Online.

Bianca Censori doli n*do në ndarjen e çmimeve Grammy 2025. Kjo gjë bëri bujë dhe duket se do të diskutohet edhe për një kohë të gjatë, si në mediat e huaja ashtu edhe në rrjetet sociale.

30-vjeçarja u shfaq përkrah bashkëshortit të saj, Kanye Ëest, në mbrëmjen e çmimeve, e veshur me një pallto të zezë leshi.

Kur çifti mbërriti në pikën ku ishin fotografët, Censori hoqi pallton dhe zbuloi trupin e saj të zhveshur, të cilin e “mbulonte” me një minifustan transparent.

Që nga ai moment, kjo lëvizje e saj është komentuar dhe analizuar në shtypin e huaj, ku shumica janë përpjekur të kuptojnë se çfarë po ndodh në fund të fundit në mendjen e kësaj gruaje dhe nëse ajo është kthyer në një “kukull” të Ëest.

Sipas ekspertes së gjuhës së trupit, Judy James, e cila analizoi videon e paraqitjes së Biancas, ndonëse bashkëshortja e reperit të famshëm fillimisht dukej e sigurt për pamjen, vetëbesimi i saj shpejt ia la vendin frikës pasi zbuloi fustanin transparent.

Siç raportoi ekspertja për Daily Mail, Censori e shikoi partnerin e saj pak para se të hiqte pallton, një lëvizje që tregonte një nervozizëm momental.

“Ajo dukej se “thyen” rregullin e pozimit duke qeshur në një moment, gjë që tradhtoi nervozizmin e saj”, tha James, duke shtuar se pasi zbuloi pamjen, fytyra e saj tregonte se po përpiqej të shtypte frikën.

Qëndrimi i saj tregoi gjithashtu ankth të minutës së fundit, pasi ajo kryqëzoi këmbët dhe vendosi duart mbi ijet e saj në një mënyrë jashtëzakonisht të vështirë.

Që kur u martua me Kanye West, Bianca Censori duket se ka humbur të gjithë ndjenjën e autonomisë.

Sipas burimeve, reperi i ka ndaluar përdorimin e rrjeteve sociale, duke promovuar një strategji izolimi me argumentin se “një yll duhet të ruajë misterin ” .

Në të njëjtën kohë, ai zgjedh veshjet e saj dhe drejton çdo paraqitje të saj.

“Ajo nuk ka zgjidhje tjetër, është e bllokuar ”, tha një burim për Daily Mail.

Familja e saj po i shikon me shqetësim zhvillimet, ku babai i saj, Leo Censori, beson se Ëest po e largon qëllimisht

Miqtë e saj theksojnë se femra dinamike që ata njihnin është zhdukur, pasi tashmë ajo shfaqet ekskluzivisht me sytë e reperit.

Në mediat sociale, publiku mbetet i ndarë: a është Censori një grua që menaxhon me vetëdije imazhin e saj apo thjesht një person tjetër nën kontrollin absolut të Kanye Ëest? Cilado qoftë e vërteta, emri i saj vazhdon të ngjall debate.

 

The post “Ishte nervoze dhe e frikësuar” – Bianca Censori doli n*do në Grammy 2025, ekspertja e gjuhës së trupit analizon sjelljen e saj appeared first on Gazeta Shqiptare Online.

Bashkia e Tiranës ka shpallur fituesit e fazës së parë të programit të subvencionimit të kredive të lehtësuara nga shteti.

Sipas njoftimit zyrtar në këtë fazë janë shpallur 2,337 fituas nga aplikimet e bëra, ndërsa 954 aplikime nuk kanë përmbushur kriteret e përcaktuara.

Qytetarët fitues duhet të plotësojnë formularin e strehimit elektronikisht në portalin e-Albania, duke bashkëngjitur dokumentacionin e kërkuar.

Dokumentet mund të dorëzohen nga data 4 shkurt deri më 4 mars 2025, pranë Sektorit të Informimit dhe Shërbimeve për Qytetarët në Bashkinë Tiranë, ose me postë, në adresën zyrtare të Bashkisë Tiranë.

Gjithashtu, për aplikimet brenda së njëjtës certifikatë familjare, dokumentacioni duhet të dorëzohet vetëm nga një prej aplikantëve për të gjithë anëtarët madhorë të familjes.

Që pas ardhjes së Erion Veliajt në krye të Bashkisë së Tiranës, programi i “Subvencionimit të interesave të kredisë”, u rihap sërish pasi ishte mbyllur nga administrata e mëparshme. Ky program ka në fokus përmirësimin e kushteve të jetesës së familjeve dhe çifteve të reja, të cilat nuk kanë aftësi ekonomike të përballojnë ofertën e tregut të lirë të banesave ose atë të kredive hipotekore në treg. Qëllimi i këtij projekti është mbështetja e familjeve dhe çifteve të reja në blerjen e shtëpive, me synim përmirësimin e kushteve të jetesës së tyre.

The post Bashkia e Tiranës shpall 2,337 fitues në fazën e parë për subvencionimin e kredive të buta appeared first on Gazeta Shqiptare Online.

“Nëse nuk mund të fitosh, është e rëndësishme të mos humbësh.” Këto ishin fjalët e Stefan De Vrajit, heroit të papritur zikaltër, që me golin e tij shmangu humbjen e tretë në po aq derbi në këtë sezon.

Fjalë të shenjta dhe të kuptueshme për një barazim që ndikon pak për renditjen e kampionëve të Italisë, por që rezulton thelbësore për moralin e një ekipi të cilin e presin ndeshje vendimtarë gjatë muajit shkurt.

Porta e Menjasë u duk e mallkuar për Interin gjatë gjithë pjesës së dytë, me portierin francez që gjeti një aleat të papritur dhe të paçmuar në shtyllën e tij të majtë, që i shmangu tri gola në po aq goditje nga Bisek, Turam dhe Dumfris.

Dhe kur fantazmat e Superkupës po fluturonin mbi një “San Siro” kuqezi që po shijonte një tjetër sukses ndaj kushërinjve, ja ku erdhi goditja e De Vrajit në të cilën kishte një ndikim edhe i ardhuri i fundit, Zalevski.

Nëse në Superkupë minuta e 93-të i kishte buzëqeshur “Djallit”, të dielën mbrëma rolet ndryshuan, duke respektuar objektivisht atë që ishte parë për më shumë se 90 minuta në fushë.

ZËVENDËSIME TË GJETURA – Krahasuar me rreth një muaj më parë në Riad, kur Konseisao kishte bërë zëvendësimet e duhura duke përmbysur avantazhin e dyfishtë, në derbin e fundit Inzagi nuk gaboi. Veçanërisht me besimin që i shfaqi Bisekut dhe Zalevskit.

Mbrojtësi gjerman goditi të parën nga tri shtyllat dhe më pas dërgoi krosin që ardhja e fundit e shënoi për De Vrajin i cili duke shënuar meritoi edhe çmimin “Lojtari i Ndeshjes”. Zielinski, dhe jo Asllani, ishte gjithashtu i paçmuar edhe në rolin e regjisorit në vend të Çalhanoglusë, i cili nuk ishte në maksimumin e tij pas një mungese të gjatë.

MORAL I LARTË – Në pjesën e dytë skuadra zikaltër me të vërtetë dha gjithçka, duke krijuar shumë raste, dhe nëse ka diçka për t’u zhgënjyer, është pjesa e parë, në të cilën Interi nuk mundi të sulmonte thellësinë siç duhet dhe në momentet e fundit lejoi një kundërsulm vdekjeprurës ndaj Leaos që solli në golin e Reijnders.

Lautaro me shokë u futën në telashe vetëm në 7-8 minutat e fundit, në të cilat i dhanë shanse portugezit dhe vetë holandezit. Më pas në pjesën e dytë ishte praktikisht një ndeshje në një portë, sidomos për çerek orëshin e fundit. Nuk mjaftoi për të marrë tri pikët, por morali dhe siguria e krijuar deri tani nuk pësuan asnjë goditje.

PANORAMASPORT.AL

The post Analiza/ Alternativa niveli, barazimi nuk i cënoi garancitë e Interit appeared first on Gazeta Shqiptare Online.

Pas mbylljes së shkollave për pesë ditë në Santorini, mësohet se institucionet arsimore do të mbyllen edhe në ishujt përreth siç janë Mykonos, Paros dhe Tinos.

Ky zhvillim vjen si pasojë e aktivitetit të lartë sizmik në Santorini në shtatë ditët e fundit, ku sipas EMSC janë regjistruar mbi 555 tërmete të magnitudave nga 2 Rihter deri në 5.1 Rihter.

“Për shkak të aktivitetit intensiv sizmik në Santorini, shkollat, kopshtet publike dhe çerdhet në Paros do të mbyllen për arsye parandalimi ditën e martë, 4 shkurt dhe të mërkurën, 5 shkurt”, njoftuan autoritete në Paros dhe Tinos.

Ndërkohë që në Mykonos mbyllja e shkollave është vetëm për nesër 4 shkurt.

Banorë të shumtë të ishullit të Santorinit dhe turistë që kishin shkuar atje për pushime janë dyndur drejt aeroportit për t’u larguar nga ishulli për shkak të aktivitetit të lartë sizmik që është regjistruar në vend ditët e fundit.

Komiteti i Sizmologëve u mblodh mesditën e sotme në prani të ministrit të krizës klimatike, Vasilis Kikilias dhe zv.ministrit Evangelos Tournas.

U vendos që shkollat të qëndrojnë të mbyllura deri të premten, më 7 shkurt, në Thira , Anafi , Ios dhe Amorgos , ndërsa qytetarëve iu dhanë një sërë rekomandimesh për të shmangur pasojat e mundshme nga një tërmet.

Qytetarët këshillohen të mos banojnë në ndërtesa të vjetra, në rast lëkundjesh të forta, të mos i afrohen bregdetit, të mos bëjnë panik dhe t’u binden autoriteteve.

The post Aktiviteti i lartë sizmik në Santorini/ Qytetarët të shqetësuar për tërmetet, mbyllen shkollat edhe në ishujt përreth appeared first on Gazeta Shqiptare Online.

Dhjetëra zyrtarë të lartë janë dërguar me leje të detyruar. Mijëra kontraktorë janë shkurtuar. Një ngrirje e fondeve ka pezulluar ndihmat prej miliarda dollarësh për vendet e tjera.

Gjatë dy javëve të fundit, administrata e Presidentit Donald Trump ka bërë ndryshime të konsiderueshme në agjencinë amerikane që menaxhon ndihmat humanitare për vendet e tjera. Kjo i ka lënë organizatat e ndihmave në pikëpyetje nëse mund të vazhdojnë me programet, si p.sh. ndihmat ushqimore për foshnjet e kequshqyera dhe për fëmijët.

Duke folur me gazetarët në El Salvador, Sekretari i Shtetit Marco Rubio tha të hënën se:

“Jam unë ushtruesi i detyrës së drejtorit të USAID-it. Ia kam deleguar këtë autoritet dikujt, por qëndroj në kontakt me të. Dhe sërish, qëllimi ynë ishte të angazhoheshim për ta përafruar ndihmën tonë për vendet e tjera me interesin kombëtar”.

“Zhgënjimi im me USAID-in daton që nga koha ime në Kongres. Është një agjenci që nuk ka aspak llogaridhënie. Duhet t’u përgjigjet direktivave të politikave të Departamentit të Shtetit dhe refuzon ta bëjë këtë”.

“E thashë shumë qartë që gjatë seancës time të konfirmimit, se çdo dollar që shpenzojmë dhe çdo program që financojmë do të jetë në përputhje me interesin kombëtar të Shteteve të Bashkuara. Dhe USAID-i vazhdimisht e ka injoruar këtë dhe ka vendosur që të jetë një organizatë globale bamirësie, e ndarë nga interesi kombëtar. Këta janë dollarë të taksapaguesve, dhe kështu unë jam shumë i shqetësuar nga këto njoftime se ata nuk kanë qenë të gatshëm të bashkëpunojnë me njerëz që po bëjnë pyetje të thjeshta se çfarë bën ky program? Kush i merr paratë? Kush janë kontraktorët tanë? Kush financohet, dhe një lloj i tillë mosbindjeje e bën të pamundur kryerjen e një lloji rishikimi të pjekur dhe serioz, që mendoj se duhet ta ketë ndihma për vendet e tjera”

“USAID-i nuk është një entitet i pavarur joqeveritar. Është një entitet që shpenzon dollarët e taksapaguesve dhe duhet t’i shpenzojë, siç thotë statuti, në përputhje me direktivat e politikave që ata marrin nga Sekretari i Shtetit, Këshilli i Sigurisë Kombëtare dhe Presidenti”, tha Sekretari Rubio.

Gjatë periudhës së Luftës së Ftohtë, ish-Presidenti John F. Kennedy themeloi Agjencinë e Shteteve të Bashkuara për Zhvillimin Ndërkombëtar, të njohur si USAID. Në dekadat në vazhdim, republikanët dhe demokratët kanë debatuar në lidhje me agjencinë dhe financimin e saj.

Le t’i hedhim një vështrim USAID-it, historikut të tij dhe ndryshimeve të bëra që kur mori detyrën Presidenti Trump.

Çfarë është USAID-i?

Ish-Presidenti Kennedy e krijoi USAID-in në kulmin e Luftës së Ftohtë me ish-Bashkimin Sovjetik. Ai dëshironte një mënyrë më efikase për t’iu kundërvënë ndikimit sovjetik në skenën ndërkombëtare, nëpërmjet ndihmave për vendet e tjera, një funksion për të cilin Departamenti i Shtetit iu duk më burokratik se ç’duhej.

Kongresi miratoi Ligjin për Ndihmën e Jashtme dhe ish-Presidenti Kennedy krijoi USAID-in si një agjenci të pavarur, në vitin 1961.

USAID-i vazhdoi të funksionojë edhe pas rënies së Bashkimit Sovjetik në vitin 1991. Në ditët e sotme, mbështetësit e USAID-it thonë se ndihma e USAID-it në vendet e tjera, i kundërvihet ndikimit të Rusisë dhe Kinës. Kina ka programin e saj “Një Brez Një Rrugë” për ndihmat për vendet e tjera dhe ushtron aktivitet në shumë vende që Shtetet e Bashkuara dëshirojnë t’i kenë partnere.

Kritikët thonë se programet janë një shpërdorim dhe nxisin një axhendë liberale.

Çfarë po ndodh tani me USAID-in?

Në ditën e tij të parë në detyrë më 20 janar, Presidenti Trump vendosi një ngrirje 90-ditore të ndihmave për vendet e tjera. Katër ditë më vonë, Peter Marocco, i emëruar politik që nga administrata e parë Trump, hartoi një interpretim më të ashpër se ç’pritej të këtij urdhri, duke mbyllur mijëra programe në mbarë botën, duke shkaktuar shkurtime dhe shkarkime.

Sekretari i Shtetit Marco Rubio ka ndërmarrë hapa për të ruajtur funksionimin gjatë ngrirjes, të disa programeve të emergjencës që shpëtojnë jetë njerëzish. Por konfuzioni se cilat programe përjashtohen nga urdhrat për ndalimin e punës dhe frika se mund ta humbasin përgjithmonë ndihmën amerikane, ka ndalur punën për ndihmat dhe zhvillimin në mbarë globin.

Dhjetëra zyrtarë të lartë janë larguar me leje të detyruar, mijëra kontraktorë janë shkurtuar dhe punonjësve iu tha të hënën të mos hyjnë në selinë qendrore në Uashington. Dhe faqja e internetit e USAID-it dhe llogaria e saj në platformën X nuk janë funksionale.

Kjo është në kuadrin e masave që administrata e Presidentit Trump po ndërmerr në qeverinë federale dhe për programet e saj. Por USAID-i dhe ndihma për vendet e tjera janë ndër ato që janë goditur më shumë.

Sekretari Rubio tha se qëllimi i administratës ishte një rishikim, program pas programi, për të parë se cilat projekte e bëjnë “Amerikën më të sigurt, më të fortë ose më të begatë”.

Vendimi për mbylljen e programeve të financuara nga Shtetet e Bashkuara gjatë rishikimit 90-ditor nënkuptonte se SHBA-të “do të merrnin shumë më tepër bashkëpunim” nga përfituesit e ndihmës humanitare, për zhvillimin dhe sigurinë, tha Sekretari Rubio.

Çfarë thonë kritikët e USAID-it?

Republikanët zakonisht kërkojnë që t’i jepet Departamentit të Shtetit – që i jep udhëzime të përgjithshme për politikën e jashtme USAID-it – më shumë kontroll mbi politikën dhe fondet e tij. Demokratët zakonisht kërkojnë autonominë dhe autoritetin e USAID-it.

Republikanët kanë synuar tradicionalisht të shkurtojnë financimin për agjencitë e Kombeve të Bashkuara, përfshirë agjencitë paqeruajtëse, të të drejtave të njeriut dhe refugjatëve. Administrata e parë Trump ndërmori hapa për të reduktuar shpenzimet për ndihmat ndërkombëtare, duke pezulluar pagesat për agjenci të ndryshme të OKB-së, përfshirë Fondin e Popullsisë së OKB-së dhe fondet për Autoritetin Palestinez.

Në mandatin e parë të Presidentit Trump, Shtetet e Bashkuara u tërhoqën nga Këshilli i OKB-së për të Drejtat e Njeriut dhe detyrimet e saj financiare ndaj këtij organi. Shteteve të Bashkuara gjithashtu u ndalohet të financojnë agjencinë e OKB-së për refugjatët palestinezë, ose UNRWA, sipas një projektligji të nënshkruar nga ish-Presidenti Joe Biden marsin e kaluar.

Përse Elon Musk-u është përqëndruar tek USAID-i?

Departamenti i Efikasitetit të Qeverisë (DOGE), i drejtuar nga zoti Musk, ka nisur një përpjekje gjithëpërfshirëse, të autorizuar nga Presidenti Trump, për të shkurtuar punonjësit e qeverisë dhe për të shkurtuar triliona dollarë nga buxheti i qeverisë. USAID-i është një nga objektivat e tij kryesore. Zoti Musk pretendon se fondet e USAID-it janë përdorur për të ngritur programe vdekjeprurëse dhe e quajti atë një “organizatë kriminale”.

Cilat janë pasojat e ngrirjes së fondeve të USAID-it?

Afrika Nën-Sahariane mund të vuajë më shumë se çdo rajon tjetër gjatë pauzës së ndihmës. Shtetet e Bashkuara i dhanë rajonit mbi 6.5 miliardë dollarë ndihma humanitare vitin e kaluar. Pacientët me HIV/AIDS në Afrikë që mbërrinin në klinika të financuara nga një program i mirënjohur amerikan që ndihmoi në frenimin e epidemisë globale të AIDS-it të viteve 1980, i gjetën dyert të mbyllura.

Tashmë ka pasoja edhe në Amerikën Latine. Në Meksikë, një qendër pritjeje për emigrantët në jug të Meksikës ka mbetur pa mjek. Një program për të ofruar mbështetje për shëndetin mendor për të rinjtë nga komuniteti LGBTQ+ që iknin nga Venezuela, u shpërbë.

Në Kolumbi, Kosta Rika, Ekuador dhe Guatemalë, të ashtuquajturat “Zyrat e Lëvizjes së Sigurt” ku emigrantët mund të aplikojnë për të hyrë ligjërisht në SHBA, janë mbyllur.

Komuniteti i organizatave të ndihmave po përpiqet të krijojë një ide të plotë – se sa mijëra programe janë mbyllur dhe sa mijëra punonjës janë pushuar nga puna me ngrirjen e programeve?

Sa shpenzojnë SHBA-të për ndihmën për vendet e tjera?

Në total, Shtetet e Bashkuara shpenzuan rreth 40 miliardë dollarë në ndihma për vendet e tjera në vitin fiskal 2023, sipas një raporti të publikuar muajin e kaluar nga Shërbimi Kërkimor i Kongresit, një entitet jopartiak.

Shtetet e Bashkuara janë kontribuesi më i madh i ndihmës humanitare në nivel global, megjithëse disa vende të tjera shpenzojnë një pjesë më të madhe të buxhetit të tyre për këtë qëllim. Ndihma për vendet e tjera në përgjithësi arrin në më pak se 1% të buxhetit të Shteteve të Bashkuara.

A mundet ta shkrijë Presidenti Trump USAID-in pa miratim nga legjislativi?

Demokratët thonë se presidentëve u mungon autoriteti kushtetues për të eliminuar USAID-in. Por nuk është e qartë se çfarë do ta ndalonte një përpjekje të tillë.

Një version në miniaturë i betejës së mundshme ligjore u zhvillua në mandatin e parë të Presidentit Trump, kur ai u përpoq të shkurtonte me një të tretën buxhetin për operacionet e huaja.

Kur Kongresi refuzoi, administrata Trump përdori ngrirje dhe taktika të tjera për të shkurtuar fluksin e fondeve të caktuara tashmë nga Kongresi për programet e jashtë vendit. Zyra e Përgjithshme e Kontabilitetit më vonë vendosi se ishte shkelur një ligj i njohur si Akti i Kontrollit të Mbylljes.

Është një ligj për të cilin mund të dëgjojmë më shumë në periudhën në vazhdim.

“Jeto me urdhër ekzekutiv, vdis me urdhër ekzekutiv”, tha zoti Musk të shtunën në rrjetin X, duke iu referuar USAID-it./VOA

The post Mbyllja e agjencisë USAID/ Sekretari i Shtetit Marco Rubio: Nga vijnë këto para dhe sa shpenzojnë SHBA-të për ndihma për vendet e tjera appeared first on Gazeta Shqiptare Online.