Një tjetër rast evazioni fiskal është zbuluar nga administrata tatimore.

Ky biznes, me vendndodhje pranë Piramidës në Tiranë, nuk kishte përmbushur detyrimet fiskale, duke bërë bërë evazion fiskal në vlerën e 314 mijë eurove.

Pas monitorimit dhe identifikimit në terren Administrata Tatimore identifikoi shkelje të tjera duke përfshirë edhe punonjës të padeklaruar.

The post Tatimet zbulojnë një rast evazioni në qendër të Tiranës në vlerën e 314 mijë eurove appeared first on Albeu.com.

Lidhja trevjeçare e Hande Erçel dhe i dashuri i saj Hakan Sabancı ka mbaruar. Aktorja e famshme u pa së bashku për herë të parë që nga ndarja e tyre. Erçel, dukej mjaft e dëshpëruar, duke injoruar pyetjet e gazetarëve.

Duke folur me përfaqësuesit e shtypit në aeroport, pasi u kthye nga Parisi disa javë më parë, aktorja komentoi mungesën e të dashurit të saj Hakan Sabancı, duke thënë: “Hakan nuk ishte me mua sepse shkova për punë. Ai zakonisht nuk vjen me mua në udhëtimet e mia të biznesit; ne jemi kryesisht bashkë gjatë pushimeve.”

Hakan Sabancı ndau në rrjetet sociale foto të tij dhe të dashurës së tij Hande Erçel në trenin Romë-Paris. Këto foto surprizë mohuan përfundimisht raportet për ndarjen e tyre.

Pikërisht kur gjithçka po shkonte mirë, Hande Erçel hoqi fotot e saj me Hakan Sabancın nga llogaria e saj në Instagram. Edhe pse çifti nuk bëri një deklaratë zyrtare në lidhje me lajmin e ndarjes së tyre, ata u panë duke vazhduar të ndiqnin njëri-tjetrin në rrjetet sociale.

Pas aktores, edhe Hakan Sabancı hoqi të gjitha fotot e tyre së bashku nga llogaria e tij në Instagram. Ky zhvillim i habitshëm konfirmoi ndarjen e çiftit.

DEKLARATA E PARË PAS NDARJES

Hande Erçel, i shmangu pyetjes së tradhtisë.

Kur një gazetar e pyeti nëse do të bënte ndonjëherë një deklaratë në lidhje me ndarjen e saj nga Hakan Bey, Erçel u përgjigj: “Nuk do të flas për këtë, faleminderit. Gëzuar Ditën e Fitores. Nuk dua të flas për këtë, dhe e përsëris, nuk do të flas.”

Erçel e la pa përgjigje pyetjen, “A është kjo ndarje një tradhti?”.

Burime të shumta nga mediat turke pohojnë se ndërhyrja e nënës së Hakan-it, Arzu Sabancı, ka qenë arsyeja kryesore që çoi çiftin drejt fundit. Thuhet se Arzu Sabancı kurrë nuk e ka shikuar me sy të mirë lidhjen e djalit të saj me aktoren e njohur. Ajo nuk e ka miratuar idenë e martesës mes tyre dhe në prapaskenë ka ushtruar vazhdimisht presion, duke krijuar tensione të padurueshme.

The post Ndërhyri vjehrra? Aktorja e njohur turke ndahet nga i dashuri pas 3 vitesh lidhje appeared first on Albeu.com.

Një incident i rëndë ndodhi në orët e para të mëngjesit të sotëm në detin Egje, kur një i burgosur turk që po transferohej nga burgu i Koridallos në Mytilene u hodh i prangosur në det nga anija e pasagjerëve “ARIADNI”.

Incidenti ndodhi ndërsa anija po lundronte në zonën detare midis Kiosit dhe Oinousses.

Sipas informacioneve të fundit, i burgosuri po flinte në dyshemenë e anijes, i ruajtur nga katër oficerë policie dhe i prangosur. Me një lëvizje të papritur, ai u ngrit, vrapoi dhe i habiti shoqëruesit e tij, të cilët nuk kishin kohë ta mbanin.

Në momentin kritik, një qytetar që ndodhej në anije hapi derën e kuvertës, gjë që i lejoi të burgosurit të arrinte atje dhe të hidhej në det.

Burri në fjalë u arrestua më 7 korrik 2025 nga Autoritetet Portuale të Lesvosit për një rast kontrabande emigrantësh. Ai u ndalua përkohësisht dhe u transferua në Korydallos. Transferimi i tij do të paraqitej para një autoriteti gjyqësor në Mytilene.

Policia informoi menjëherë kapitenin, i cili ndaloi motorët e anijes dhe filloi procedurat e kërkimit. Anijet e Rojës Bregdetare morën pjesë në operacionin e shpëtimit, por nuk ishte e mundur të gjendej i burgosuri

Njoftim nga Selia Qendrore e Policisë Helenike

Në orët e para të mëngjesit të sotëm, më 31 gusht 2025, gjatë një transferimi të planifikuar të të burgosurve me anije, një nga të burgosurit e transferuar doli në kuvertë dhe u hodh në det, ndërsa anija po lundronte midis Kiosit dhe Mitilenit.

Menjëherë, oficerët e policisë-eskortë njoftuan kapitenin, i cili ndaloi anijen dhe filluan procedurat e kërkim-shpëtimit. Në të njëjtën kohë, u njoftua Roja Bregdetare, e cila mobilizoi anijet për të gjetur dhe shpëtuar të burgosurin.

Hetimet janë duke vazhduar me ndihmën e Rojës Bregdetare, e cila po kryen edhe punën paraprake hetimore, ndërsa përveç kësaj, për rastin u iniciua procedura disiplinore e përcaktuar.

Vërehet se i burgosuri specifik u arrestua më 7 korrik 2025 nga Autoritetet Portuale të Lesvosit për një rast kontrabande emigrantësh në ishull dhe u urdhërua ndalimi i tij i përkohshëm në Qendrën e Paraburgimit të Koridallos. Transferimi i tij në Mitilene u krye me qëllim që të paraqitej para një autoriteti gjyqësor.

The post Greqi, arratisje si në filma, kontrabandisti turk i shpëtoi policisë duke u hedhur në det me pranga në duar appeared first on Albeu.com.

Brenda 24-orëve të sotme janë identifikuar 7 raste dhune që kanë degjeneruar në përleshje me sende të forta.

Policia njofton se në rrugën “Sotir Caci”, persona ende të paidentifikuar kanë goditur me sende të forta, shtetasin M. P., 39 vjeç, i cili ndodhet në spital, jashtë rrezikut për jetën.

Në një zonë tjetër të Tiranës, shtetasit J. B., 25 vjeç dhe S. S., 24 vjeç, për motive të dobëta kanë goditur me grushte shtetasin E. P.;

Po ashtu, ka nisur procedimi penal për shtetasin A. S., 29 vjeç, pasi për motive të dobëta ka goditur shtetasen D. T.

Policia e komisariatit nr.1 në Tiranë shpallën në kërkim shtetasin A. P., 51 vjeç, pasi dyshohet se ka kanosur një 22-vjeçar;

Kurse të shtunën, në rrugën “28 Nëntori” në Tiranë, shtetasit Xh. Gj., 30 vjeç dhe A. P., 31 vjeç, për motive të dobëta, janë konfliktuar fizikisht me njëri-tjetrin.

Një tjetër rast dhune fizike u regjistrua nga komisariati i Policisë Nr. 3 ku u arrestuan shtetasi F. S., 34 vjeç, pasi për motive të dobëta ka kanosur familjen e komshies së tij dhe më pas ka ushtruar dhunë ndaj vëllait të tij.

The post 7 konflikte të ashpra brenda 24 orëve në Tiranë appeared first on Albeu.com.

Një detaj prekës ka dalë në dritë pas aksidentit tragjik që ndodhi në hyrje të qytetit të Peqinit, ku humbën jetën dy të rinj.

Njëri prej viktimave është Gabriel Lluca, një 24-vjeçar i cili i kishte mbijetuar një aksidenti të rëndë në moshën 8-vjeçare, pikërisht pranë shkollës “Demir Godelli” në Peqin, aty ku ndodhet edhe banesa e familjes Lluca.

Një automjet i kishte kaluar trupit të vogëlushit, duke i shkaktuar plagë të rënda dhe fraktura të shumta.

Por këtë fund gushti, fati nuk e kurseu. Në të njëjtin qytet ku dikur i kishte shpëtuar vdekjes, Gabriel Lluca humbi jetën në mesnatën e së dielës, pas një aksidenti të rëndë automobilistik.

Gabrieli ishte një nga katër fëmijët e familjes Lluca. Tre vite më parë, familja përjetoi edhe një tjetër humbje të rëndë, ndarjen nga jeta të babait të tij, Agron Lluca.

Policia ka nisur hetimet për zbardhjen e plotë të rrethanave të aksidentit.

Janë sekuestruar pamjet e kamerave të sigurisë në zonë dhe po bëhen verifikime për shpejtësinë e automjetit si dhe gjendjen e rrugës në momentin e ngjarjes.

The post I shpëtoi vdekjes kur ishte 8 vjeç, historia prekëse e të riut Gabriel Lluca që vd*q në Peqin appeared first on Albeu.com.

Policia e Tiranës njofton se një vajzë 16-vjeç ka tentuar të vrasë veten duke pirë një dozë të lartë medikamentesh.
Sipas policisë, e mitura u dërgua në spital për mjekim dhe aktualisht ndodhet nën kujdesin e mjekëve.
Materialet procedurale i janë referuar Prokurorisë së Tiranës, për veprime të mëtejshme.

The post Tentoi vetëvrasjen duke pirë dozë të lartë medikamentesh, përfundon në spital 16-vjeçarja appeared first on Albeu.com.

Prokuroria e Tiranës ka proceduar penalisht një edukatore në Tiranë, e cila u denoncua nga prindërit e një fëmije pasi goditi me shpullë fëmijën.

Sipas policisë, materialet iu  referuan Prokurorisë e cila do të hetojë rastin e shtetases E. D., 28 vjeçe, edukatore, e cila në ambientet e kopshtit ku punon dyshohet se ka qëlluar me shuplakë një fëmijë.

The post Tiranë, qëlloi me shuplakë fëmijën në kopsht, procedohet edukatorja 28-vjeçare appeared first on Albeu.com.

Dy infermiere u sulmuan dhunshëm mbrëmë në urgjencën e spitalit nga një burrë i dehur.

Agresori është një shtetas shqiptar që jeton në Sanremo, i lindur në vitin 1984, me precedentë penalë dhe i liruar së fundmi nga arresti shtëpiak.

Dy punonjëset e kujdesit shëndetësor thuhet se pësuan lëndime të rënda. Burri mbërriti në dhomën e urgjencës me ambulancë rreth orës 7:30 të mbrëmjes, pastaj filloi të tërbohej.

Për ta sjellë në vete, duke pasur parasysh trupin e tij të shëndoshë, u desh ndërhyrja e disa oficerëve të zbatimit të ligjit: Karabinierëve, policisë dhe Guardia di Finanza.

Lidhur me incidentin, nënkryetari i Rajonit të Ligurias, Alessandro Piana, shprehu solidaritetin e tij me dy infermierët dhe pacientët e tyre:

“Është e papranueshme që ata që refuzojnë trajtimin dhe rregulloret të jenë ende të lirë të qarkullojnë: ky individ duhej të ishte përjashtuar shumë kohë më parë dhe nuk duhej të kishte qenë kurrë në një dhomë urgjence, e cila duhet të mbetet një vend i sigurt për stafin dhe qytetarët. Siguria është e para: na duhen më shumë mbrojtje për punonjësit e spitalit dhe zbatim i rreptë i urdhrave të dëbimit për ata që nuk kanë të drejtë të qëndrojnë në vendin tonë.”

The post Sanremo e shokuar, një 41-vjeçar shqiptar sulmon dy infermiere dhe vandalizon urgjencën spitalore appeared first on Albeu.com.

Moti i keq i së shtunës nuk ka lënë pasoja të vogla!

Era dhe shiu i rrëmbyeshëm kanë shkulur disa pemë duke krijuar jo pak probleme!

Një ditë pas stuhisë së fuqishme pasojat e saj vijojnë të ndihen

Era e fortë mori përpara karrige lokalesh, çadra, mbeturina dhe sende të tjera.

Si pasojë, 23 persona u lënduan dhe u dërguan në Spitalin e Traumës.

Fluturimet në Aeroportin e Rinasit u vonuan ose u anuluan përkohësisht për shkak të kushteve atmosferike.

Stuhia u shoqërua me erëra të forta dhe stuhi rëre, edhe në qytetet te tjera të vendit.

Policia e Shtetit dhe forcat e emergjencës ishin qenë në terren për t’u ardhur në ndihmë qytetarëve.

Sakaq Instituti i Gjeoshkencave njoftoi se stuhitë dhe reshjet pritet të vijojnë edhe gjatë së dielës në qarqet Lezhë, Durrës, Tiranë, Shkodër, Dibër, Elbasan, Vlorë, Fier dhe Gjirokastër.

The post PASOJAT E STUHISË! Moti i keq lë pas dëme, por edhe të lënduar appeared first on Albeu.com.

Presidenti i Serbisë, Aleksandar Vuçiç, theksoi se ai përgjigjet vetëm ndaj qytetarëve të vendit të tij dhe popullit serb, duke publikuar një video me mesazhe të forta në llogarinë e tij në Instagram.

The post “Nuk kam shef!”/ Vuçiç i prerë: U shërbej vetëm qytetarëve të Serbisë, nuk jap llogari… appeared first on Albeu.com.

Një rutinë e ndërprerë nga një e shtënë me armë zjarri, një burrë në tokë, një lagje e tronditur. Në Fontaniva, në Via Casoni Basse të Italisë, vdekja e Fatos Cenaj, 58 vjeç, nuk është më një mister.

Hetuesit po e trajtojnë atë si vrasje me dashje, me gjurmët e hakmarrjes që çojnë në të kaluarën shqiptare të viktimës. Ekziston një i dyshuar, dhe nga pamjet e kamerave të sigurisë deri te dëshmitë e dëshmitarëve, hetimi ka ndryshuar drejtim, duke distancuar teorinë e një aksidenti.

Më 8 qershor, si çdo mëngjes, Cenaj po udhëtonte me një motoçikletë në distancën e shkurtër nga shtëpia deri në stallën e kalërimit ku punonte. Një dëshmitar dëgjoi një të shtënë me armë zjarri. Disa minuta më vonë, dy roje peshkimi e gjetën 58-vjeçarin të shtrirë përtokë, të vdekur. Fillimisht, u supozua se ai kishte rënë aksidentalisht. Megjithatë, vetëm në spital mjekët zbuluan një plagë plumbi në kokën e tij. Pas tre ditësh agoni, burri vdiq.

Një ish-oficer burgu në Shqipëri, Cenaj, kishte jetuar në Fontaniva me gruan dhe vajzën e tij për dy vjet. Gazetat e përshkruan atë si një person të thjeshtë dhe të dobishëm: në stallën e kalërimit, ai bënte punë të vogla dhe kujdesej për kuajt, i thjeshtë, i lumtur që ndihej i dobishëm. Familja e tronditur u largua nga shtëpia pas tragjedisë. “Pas asaj që ndodhi, ata preferuan të shkonin të jetonin me një të afërm. Ata kishin frikë të qëndronin”, tha një fqinj.

Për më shumë se dy muaj, Karabinierët e Njësisë Hetimore të Komandës Provinciale të Padovës kanë punuar për të rindërtuar rrethanat. Pamjet e kamerave të sigurisë nga zona dhe disa dëshmi nga njerëz që e njihnin Fatosin besohet se kanë ofruar një pikë kthese.

Karabinierët gjithashtu u kthyen në stallat e kalërimit disa herë, pa ndonjë konflikt apo kërcënim në lidhje me jetën e tij në Itali. Për këtë arsye, vëmendja është përqendruar në të kaluarën e tij në Shqipëri: Autoritetet italiane po bashkëpunojnë me autoritetet shqiptare për të mësuar më shumë për marrëdhëniet, mosmarrëveshjet e mundshme dhe armiqtë e mundshëm prej kohësh. Janë intervistuar disa persona, përfshirë anëtarë të familjes, të njohur dhe banorë.

Ndërsa kuadri hetimor tregon qartë drejt vrasjes me dashje që lidhet me një “punë të papërfunduar”, motivi i saktë, koha e paramendimit dhe çdo detaj i zinxhirit të ekzekutimit mbeten të paqarta. Është një punë durimi dhe referencash të kryqëzuara dokumentesh që, sipas provave që janë aktualisht në dispozicion, tashmë ia ka mbyllur derën incidentit tragjik.

The post Ndryshon kursi i hetimeve/ Autoritetet italiane dalin në përfundim: “Fatos Cenaj u vr* me dashje, dyshohet për…” appeared first on Albeu.com.

Policia e Vlorës ka shpallur në kërkim një 40 vjeçar, banues në Vlorë, pasi akuzohet se ka kanosur dhe dhunuar fizikisht një 30 vjeçar.

Ka qenë ky i fundit, i cili e ka kallëzuar në Polici. Grupi hetimor po punon për lokalizmin dhe kapjen e autorit të dyshuar.

The post Kanosi dhe dh*noi fizikisht 30-vjeçarin/ Vlorë, shpallet në kërkim agresori appeared first on Albeu.com.

Deklarata e zëdhënëses së Antikorrupsionit në PD, Genta Vangjeli:

Partia Demokratike denoncon publikisht një tjetër rast që prek direkt interesat e qytetarëve shqiptarë.
Pa u shqetësuar për medikamentet jetësore që mungojnë qeveria e Edi Ramës i jep sigurisht prioritet ideve të të bërit biznes.

Kështu qendra më e madhe shëndetësore në vend QSUNT po kthehet në një qendër tregtare fitimprurëse.

Në shtator të vitit të shkuar FSHZH shpalli tenderin me objekt “Përmirësimi i transportit urban dhe parkimeve (Parkimi i QSUT): Ndërtimi i godinës së Parkimit Multifunksional me shumë nivele në Qëndrën Spitalore Universitare “Nënë Tereza” Tiranë (QSUT)”, procedurë e cila u fitua nga Salillari shpk me subjekt mbështetës ASL shpk , kundrejt vlerës 14 milion euro (me tvsh).

Kontrata e parashikuar të realizohet për 24 muaj përfshin dy ndërtesa , një parkim automjetesh 5 kate mbi tokë dhe 1 kat nën tokë, si dhe një hotel 5 kate mbi tokë për shërbimet e pritjes dhe logjistikës plus 1 kat nën tokë për ambjente teknike në funksion të tij.

Gjasat janë që menaxhimin e parkimit të ri mund ta kryejë Agjencia Ekonomike Mbështetëse e krijuar (në v.2018) nga Fondi Shqiptar i Zhvillimit, e drejtuar nga ish-zyrtarë të lartë të Partisë Socialiste.

Në krye të saj qëndron Alfred Dalipi, ish- zv.ministër i Mjedisit dhe ish deputet i PS-së. Kjo agjenci nisi aktivitetin e saj duke vendosur tarifa parkimi në QSUT, dhe tashmë është shndërruar në një strukturë që përveç parkimit të QSUNT menaxhon edhe parkime dhe projekte në të gjithë vendin, si:

• Qendra e Zhvillimit të Turizmit në Valbonë, Tropojë

• në Vermosh, Malësi e Madhe

• Kompleksi Agroturistik në Belsh

• Godina e Parkimit në Berat, në Sheshin “Teodor Muzaka”

• Qendra e Zhvillimit Rajonal në Korçë

• Godina e Parkimit në Gjirokastër, në Sheshin “Çerçiz Topulli”.

Përmes këtyre projekteve, Agjencia gjeneron miliona euro në kurriz të pasurisë publike. Ndërkohë, QSUT – spitali më i madh i vendit – përballet me mungesë të shërbimeve bazë dhe të hapësirave po përdoren për zona parkimi me pagesë.

Ky është një tjetër shembull i zhvatjes së pasurisë publike dhe i kthimit të institucioneve shëndetësore në biznese private, në kurriz të qytetarëve.

Partia Demokratike kërkon transparencë të plotë dhe ndalimin e menjëhershëm të projekteve që synojnë kthimin e QSUT-së në një qendër fitimprurëse, në vend që të jetë një institucion në shërbim të pacientëve dhe shëndetit publik.

The post DOKUMENTET/ PD: Në vend të ilaçeve, shqiptarëve po iu ofrohen dhoma hoteli në QSUT appeared first on Albeu.com.

Dy të rinjtë që shihni në foton e mësipërme janë viktimat e aksidentit të rëndë rrugor që ndodhi në orët e para pas mesnatës në Peqin, tek vendi i quajtur “Ura e Teqes”.

Gabriel Lluca, drejtuesi i automjetit dhe miku i tij Denis Korbi, të dy 24-vjeçarë, banues  në Peqin, po udhëtonin drejt Peqinit, teksa makina ka dalë nga rruga dhe është përplasur me shkallët anësore të një banese.

Policia e Elbasanit njoftoi se: “aksidenti ndodhi rreth orës 02;00 në Hyrje te Peqinit Tek ura e Teqes ka ndodhur  një aksident  mjeti tip WGolf ka dalë nga rruga është përplasur me shkallët anësore të një banese ku në mjet kanë qenë 2 persona G. Ll.,  24 vjec  banues në Peqin, drejtuesi i mjetit dhe D. K. 24 vjec banues  në Peqin”./BW

The post FOTO/ Këta janë dy të rinjtë që humbën jetën tragjikisht në aksidentin në Peqin appeared first on Albeu.com.

Reshjet e dendura të shiut kanë shkaktuar probleme të mëdha në rrugën nacionale Burrel-Milot, duke bllokuar trafikun dhe krijuar rrezik për përdoruesit e saj.

Sipas informacionit të fundit, në segmentin nga sektori C deri te tuneli i vogël i Shkopetit, ka pasur rrëshqitjesh guresh, pavarësisht përpjekjeve të punëtorëve të firmës që po punonin për pastrimin e rrugës.

The post Moti i keq, probleme të mëdha në rrugën nacionale Burrel-Milot appeared first on Albeu.com.

Kodi i ri Penal parashikon shtimin e disa veprave penale që lidhen me sigurinë ushqimore, duke synuar ndëshkimin e prodhimit dhe tregtimit të ushqimeve të pasigurta për konsum.

Ndryshimet përfshijnë dënime me burg për prodhimin e ushqimeve të rrezikshme, mashtrimin me produktet ushqimore, paraqitjen e rreme të tyre, si dhe shkeljet e shenjave të vendosura nga autoritetet shtetërore.

Një tjetër vepër e re është **ofrimi i ushqimit të pasigurt**, që përfshin therjen e kafshëve ose përdorimin e produkteve shtazore për konsum, duke e ditur se ato janë trajtuar me substanca të ndaluara. Për këtë shkelje parashikohet deri në katër vjet burgim. Po ashtu, penalizohet hedhja në treg e mishit ose produkteve shtazore pa respektuar periudhat e pritjes të përcaktuara me ligj.

Në nenin 460, parashikohet **mashtrimi me produktet ushqimore**, ku përfshihet importimi, prodhimi, ruajtja, falsifikimi, publiciteti ose tregtimi i ushqimeve me të dhëna të rreme për cilësinë, prejardhjen, kategorinë apo përbërjen e tyre. Për këtë vepër dënimi arrin deri në tre vjet burg.

Ndërsa **paraqitja e rreme e produktit ushqimor**, që lidhet me ndryshimin e të dhënave për skadencën apo përbërjen e produkteve, ose tregtimin e ushqimeve të destinuara për t’u bërë të papërdorshme, ndëshkohet me burg deri në gjashtë muaj.

Gjithashtu është kriminalizuar edhe **prishja e shenjave të organeve shtetërore në fushën e sigurisë ushqimore**, ku përfshihet heqja ose ndryshimi i shenjave bllokuese të vendosura nga autoriteti kombëtar i ushqimit. Në rastet kur aktiviteti vijon pavarësisht bllokimit, dënimi mund të arrijë deri në tre vjet burg./SCAN

The post Draft-Kodi Penal/ 4 vite burg për ata që do prodhojnë e tregtojnë ushqime të dëmshme për shëndetin appeared first on Albeu.com.

Një aksident tragjik ka ndodhur rreth orës 02:00 në hyrje të qytetit të Peqinit në vendin e quajtur “Ura e Teqes”.

Mjeti tip “Golf ka dalë nga rruga dhe për pasojë dy persona kanë humbur jetën. Të lënduarit fillimisht janë transportuar me ambulancë në spitalin e Elbasanit, por fatkeqësisht nuk mundën të mbijetonin si pasojë e plagëve të marra.

Viktimat janë Gabriel Lluca 24 vjeç dhe Denis Korbi 24 vjeç, të dy banues në Peqin.

Policia ka nisur hetimet për zbardhjen e rrethanave të aksidentit të rëndë dhe paraprakisht dyshohet se shkak i aksident është bërë shpejtësia tej normave të lejuara.

The post EMRAT/ Aksident tragjik në Peqin! Makina del nga rruga, ndërrojnë jetë dy të rinj appeared first on Albeu.com.

Këshilltari për Çështjet Ekonomike në Partinë Demokratike, Dorjan Teliti ka reaguar sot lidhur me shifrat e punëtorëve shqiptarë e të huaj në sektorin e shërbimeve.

Përmes një postimi në rrjetet sociale, Teliti shprehet se teksa mijëra punëtorë të huaj po vijnë në vend, mijëra shqiptarë po largohen nga Shqipëria.

“Ikin shqiptarët e vijnë të huajt: një dështim politik me kosto të lartë sociale.
Kjo verë fatkeqësisht shënoi një dështim turistik me xhiro 30-40% më të ulët se një vit më parë. Por, mes shifrave zhgënjyese, një realitet i hidhur bie më shumë në sy: qindra e mijëra punëtorë të huaj po zënë vendet e punës në hotele, bare e restorante, ndërsa mijëra shqiptarë po braktisin vendin. Ky kontrast nuk është i rastësishëm, por një sinjal alarmant i politikave social-ekonomike që po dënojnë rininë tonë me emigracion.
Kapitullimi i sektorëve prodhues dhe i bujqësisë e ka bërë ekonominë tonë totalisht të varur nga importet, duke e bërë atë të paaftë për të konkurruar. Kjo nuk është thjesht një krizë ekonomike, por pasojë e drejtpërdrejtë e një modeli ekonomik që ka dështuar t’u japë shpresë dhe dinjitet qytetarëve të vet.
Për t’i dhënë fund kësaj situate, zgjidhja është politike dhe kërkon guxim për të vënë në qendër individin dhe sipërmarrjen, duke filluar që me uljen e barrës fiskale për të nxitur bizneset e vogla e të mesme, në krijimin e një ambjenti me konkurrencë të ndershme, duke ndalur favoret ndaj një grushti njerëzish, e deri te investimi “agresiv” te njerëzit dhe rinia jonë, duke u dhënë shqiptarëve mundësi për të punuar e zhvilluar veten dhe vendin e tyre.
Është koha për ndryshim thelbësor, për një Shqipëri që punohet nga shqiptarët dhe punon për të gjithë shqiptarët, jo vetëm për disa”,-shkruan Teliti.

The post “Ikin shqiptarët, vijnë të huajt”/ Teliti: Dështim politik me kosto të lartë sociale appeared first on Albeu.com.

Sot, më 31 gusht 2025, dollari amerikan blihet me 82.7 lekë dhe shitet me 84 lekë.

Euro blihet me 96.9 lekë dhe shitet 98 lekë.

Paundi britanik blihet me 111.4 lekë dhe shitet me 112.7 lekë.

Dollari kanadez sot në blerje këmbehet me 60 lekë, ndërsa në shitje me 61.5 lekë.

The post Çfarë po ndodh sot me monedhat e huaja? Ja me sa po blihen dhe shiten dollari dhe euro appeared first on Albeu.com.

Dashi

Bëjini sytë katër gjate kësaj dite juve qe jeni ne një lidhje. Disa persona te jashtëm do mundohet t’iu prishin pune dhe t’ua marrin nga duart atë qe keni ne krah. Beqaret do arrijnë me ne fund ta bëjnë për vete personin qe aq shume kane pëlqyer. Situata financiare do ketë ulje dhe ngritje te shpeshta. Nuk është koha për te dhënë hua apo për te bere investime.

Binjaket

Pasioni ne çift do shtohet sot. Do ndiheni me mire pranë atij qe dashuroni dhe gati për te marre edhe ndonjë vendim për te ardhmen. Beqaret me mire te qëndrojnë vetëm sepse jeta mund t’iu ndërlikohet me tepër nëse fillojnë ndonjë lidhje. Ne planin financiar do kaloni disa vështirësi megjithatë do arrini t’ia dilni me sukses. Nuk do e lëshoni veten asnjë çast.

Gaforrja

Venusi dhe Marsi do kujdesen mjaft gjate kësaj dite dhe do iu ndihmojnë t’iu gjeni zgjidhje te gjitha problemeve qe keni ne çift. Gjithçka do shkoje me se miri. Beqaret do vazhdojnë te jene ne kërkim te shpirtit binjak, por pa fat. Ne planin financiar situata mund t’iu dale tërësisht jashtë kontrollit nëse nuk merrni sa me shpejt masat e duhura.

Luani

Do iu duhet ende shume pune për t’ia mbushur mendjen partnerit se nuk do e gënjeni me dhe do tregoheni te sinqerte me te. Buka e thyer nuk ngjitet me. Gjithmonë ai do ketë hijen e dyshimit. Beqaret nuk do e vuajnë aspak vetminë megjithatë pritet te ndodhin disa takime impresionuese. Te ardhurat fatmirësisht nuk do kenë asnjë lloj problemi.

Virgjeresha

Pasioni do shtohet papritur sot ne jetën tuaj ne çift dhe vete do mahniteni nga gjerat qe do ndodhin. Shfrytëzojeni çdo sekonde sa me shume qe te mundeni. Beqaret do realizojnë takime mbresëlënëse te cilat kane për t’ua ndryshuar përgjithmonë jetën. Financat nuk do jene te këqija, por nëse doni qe te keni përmirësime duhet te flisni me specialistet.

Peshorja

Klima ne jetën tuaj ne çift do filloje te ngrohet pas një periudhe me debate dhe mosmarrëveshje. Do i kuptoni gabimet dhe do dini te kërkoni falje. Beqaret nuk do jene shume te shoqërueshëm dhe nuk do mundin ta ndryshojnë statusin. Ne planin financiar perspektivat janë te mrekullueshme. Do jeni shume te qarte për hapat qe duhet te hidhni.

Akrepi

Ne jetën tuaj ne çift do ndodhin gjera te jashtëzakonshme gjate kësaj dite. Rutina do marre fund dhe emocionet do jene me te fuqishme se kurrë me pare. Shfrytëzojeni ditën sa te mundni. Beqaret duhet te mendojnë me shume për te ardhmen dhe jo te hidhen ne krahët e dikujt vetëm për disa emocione te momentit. Ne planin financiar do jeni shume te kujdesshëm.

Shigjetari

Dite e mrekullueshme kjo e sotmja për ata qe janë ne një lidhje. Do bini dakord me partnerin tuaj për gjithçka dhe bashkëpunoni do jete goxha i forte. Beqaret nuk do këmbëngulin shume për ta bere për vete atë qe pëlqejnë, por do shohin edhe mundësi te tjera. Ne planin financiar do ketë disa probleme për shkak te shpenzimeve marramendëse qe do kryeni.

Bricjapi

Nëse marrëdhënia ne çift nuk është e mire mos e acaroni edhe me tepër atmosferën sepse me pas nuk do arrini dot ta rregulloni situatën. Beqaret jo te gjithë do jene me fat, megjithatë nuk duhet te mbyllen për asnjë moment ne vetvete. Sektori i financave do vije duke i stabilizuar fale perkujdesit tuaj, por edhe fale ndormes qe do iu japin disa familjare.

Ujori

Qielli yjor do dominohet nga Venusi gjate kësaj dite. Do i jepni me shume rëndësi se kurrë lidhjen qe keni krijuar dhe mund te bëni edhe ndonjë çmenduri vetëm qe te rikthehet pasioni i zjarrte. Beqaret do kenë vetëm flirtime dhe joshje me sy, asgjë me shume sesa aq. financat do mund te përmirësohen tej mase nëse ju shpenzoni me maturi dhe i menaxhoni mire te ardhurat.

Peshqit

Asnjë planet nuk do ndikoje ne sektorin tuaj te dashurisë sot. Nuk priten konflikte me partnerin, por as ndonjë pasion shume i zjarrte. Beqaret do kenë dashuri me shikim te pare ne momentet qe ata me pak i presin. Financat nuk do jene te këqija, megjithatë pak maturi dhe një menaxhim me i mire do iu ndihmonte se tepërmi.

The post Një ditë pasioni dhe vendimesh të rëndësishme për këto shenja – Horoskopi, e Diel 31 Gusht 2025 appeared first on Albeu.com.