Lëvizja “Shqipëria Bëhet” e drejtuar nga Adriatik Lapaj, ka reaguar zyrtarisht pas publikimit të një audioje ku një aktivist i kësaj force partiake, kërcënonte dhe ofendonte Endrit Shabanin dhe Zeqir Kordhonin, i njohur si daja i Shabanit.

Në reagimin zyrtar, lëvizja “Shqipëria Bëhet”, i bën thirrje të gjithë simpatizantëve, aktivistëve dhe anëtarëve të angazhuar në këtë forcë politike, të distancohen nga gjuha e dhunës, pavarësisht situatës së padrejtë, siç e cilëson kjo parti.

Përplasjet mes Endrit Shabanit dhe Adriatik Lapajt, të cilët në parlamentaret e 11 Majit garuan së bashku nën siglën e koalicionit “Nisma Shqipëria Bëhet”, kanë ndodhur për 1 mandat të fituar në qarkun e Tiranës, mandat për të cilin palët nuk po bien dakord se cili prej tyre duhet ta marrë.

Gjuha kërcënuese për të cilën flitet në reagimin zyrtar të Lëvizja “Shqipëria Bëhet”, i atribuohet një audioje të publikuar nga emisioni investigativ “Piranjat”, ku një aktivisit i Shqipëria Bëhet, i paidentifikuar, ka kërcënuar Shabanin dhe të afërmin e tij, Zeqir Kordhoni.

Ky i fundit, sipas palës së Lapajt, ka shkelur marrëveshjen, i cili me një shkresë drejtuar KQZ-së ka kërkuar revokim të dorëheqjes nga kandidimi, duke pretenduar mandatin e Tiranës. Sipas arsyetimit të palës “Nisma Thurje”, pakti fillimisht është shkelur nga Lapaj, i cili fillimisht deklaroi publikisht se nuk do e mbante për vete mandatin, dhe më pas vendosi që të ishte ai, si drejtuesi i koalicionit, që të shkonte në Kuvend.

Fiktivisht mandati i Tiranës i përket 60-vjeçares Ana Dajko, e njohur si tezja e Adriatik Lapaj, pasi është e para në listën e Tiranës. Pas saj në renditje është Livia Stavri, e cila është bashkëshortja e Endrit Shabanit, e cila mund të fitojë vendin në Parlament nëse Dajko vendos të largohet.

Reagimi i Lëvizja Shqipëria Bëhet:

Në dritën e ngjarjeve të fundit dhe përmbajtjeve të publikuara në rrjet, dëshirojmë të sqarojmë se nuk përfaqësojmë dhe nuk mbështesim asnjë formë gjuhe fyese, kërcënuese apo të dhunshme që bie ndesh me vlerat tona.

Ne u bëjmë thirrje të gjithë ndjekësve tanë, simpatizantëve, aktivistëve dhe anëtarëve të angazhuar me ne, të refuzojnë në çdo moment gjuhën e dhunës pavarësisht ngarkesës emocionale nga çdo padrejtësi.

Por, po aq të qartë duam të jemi edhe për një tjetër të vërtetë:

Në këtë histori, të dhunuarit e vetëm janë 64.000 qytetarët që na votëbesuan dhe qindra aktivistët tanë që dhanë gjithçka në këtë betejë.

Ndiejmë keqardhje të sinqertë për situatën e krijuar në lidhje me çështjen e mandatit dhe ju sigurojmë se nuk po i shmangemi përgjegjësisë sonë, por po bëjmë çdo përpjekje të ndershme për të mos ju zhgënjyer dhe për të ruajtur besimin që na keni dhënë.

Sepse për ne, gara e ndershme dhe meritokracia janë dy shtyllat mbi të cilat u ngrit “Shqipëria Bëhet”. Ishin të vetmet armë që kishim përballë një sistemi të kalbur. Ishin këto dy parime që frymëzuan 64.000 qytetarë të na mbështesin pa interes.

Ndaj po goditen sot, me shënjestër të saktë, si nga snajperistët e zakonshëm të sistemit, ashtu edhe nga ata që u shërbejnë si zëdhënës.

Nëse gabimi ynë është dorështrirja për bashkëpunim, mund të na gjykoni! Ne po kërkojmë thjesht që marrëveshja parazgjedhore të realizohet ashtu siç u dolëm qytetarëve në fushatë. Është pikërisht ajo pika që dëshmon qasjen tonë për garën.

Theksojmë se ne nuk do të heqim dorë nga besimi që gara e ndershme është rruga e vetme për të rikthyer besimin në demokraci. Përtej çdo shantazhi e hileje, brenda e jashtë sistemit, ne do të qëndrojmë.

Jemi në pritje të reflektimit dhe uljes për zgjidhje nga pala tjetër në Koalicion. Ne e konsiderojmë këtë një moment që duhet tejkaluar si detyrë ndaj zgjedhësve tanë. Jemi në pritje të Z.Shabani dhe Z.Soko për ta adresuar me maturi e të vazhdojmë punën për zgjedhjet vendore.

Sepse rrugën e nisur, nuk do ta lëmë në mes!

The post “Dajos do t’i q*het motra”, aktivisti i Lapajt kërcënoi Endrit Shabanin, reagon “Shqipëria Bëhet”: Distancohemi nga dhuna, por nuk do ta lëmë me kaq appeared first on Albeu.com.

Presidentja e Kosovës, Vjosa Osmani ka zhvilluar të premten takim me kryetarin e Nismës Socialdemokrate, Fatmir Limaj, pak para seancës parlamentare të së shtunës për konstituim të Kuvendit të Kosovës.

Deri më tani, 48 përpjekje kanë rezultuar të pasuksesshme.

“Ky takim vjen në prag të përfundimit të afatit kushtetues të përcaktuar me Aktgjykimin e Gjykatës Kushtetuese në rastin KO124/25, i cili obligon deputetët që të konstituojnë Kuvendin brenda 30 ditëve, konkretisht deri më 26 korrik”, është thënë në një komunikatë të lëshuar nga Presidenca.

Gjykata Kushtetuese e ka përcaktuar 26 korrikun si afat të fundit për konstituim, ajo nuk ka ofruar më shumë hollësi se çfarë ndodh tutje nëse partitë nuk merren vesh deri atëherë.

Presidentja Osmani është cituar të ketë thënë se zbatimi i këtij aktgjykimi është detyrim i qartë kushtetues dhe e ka potencuar rëndësinë që të gjithë përfaqësuesit e qytetarëve të veprojnë në frymën e bashkëpunimit dhe mirëbesimit, me qëllim të arritjes së një zgjidhjeje sa më të shpejtë për konstituimin e Kuvendit.

Palët janë takuar një ditë pasi deputetja e Nismës Socialdemokrate, Xhevahire Izmaku, ka thënë se pret që kryetari i partisë, Fatmir Limaj, të takohet me liderin e Lëvizjes Vetëvendosje, Albin Kurti, për një marrëveshje të mundshme në fundjavë.

“Presim që në fundjavë të ketë një epilog pozitiv, pra shpresojmë se këto bisedime që kanë vazhduar me muaj të tërë, të prodhojnë rezultat dhe Kosova të ketë institucione”, ka thënë Izmaku për gazetarë.

Sipas saj, temë e bisedimeve është që Limaj të jetë kandidat për kryetar të Kuvendit, duke shtuar se “më në fund dikush po del mbi egot personale dhe partiake, e ky duket që do të jetë zoti Limaj pra, sepse nga fillimi e ka ndryshuar diskursin në këtë vend”.

Kush sa vota i ka?
Në Kuvendin e Kosovës me 120 ulëse, nevojiten 61 vota për të votuar me sukses emrin e ri të kryekuvendarit.

Lëvizja Vetëvendosje, si fituesja e më së shumti votave në zgjedhjet e 9 shkurtit, i ka 48 ulëse në Kuvend, pasuar nga Partia Demokratike e Kosovës me 24, Lidhja Demokratike e Kosovës me 20, Lista Serbe – partia më e madhe e serbëve në Kosovë me 9 dhe koalicioni mes Aleancës për Ardhmërinë e Kosovës dhe Nismës Socialdemokrate, me 8 të tilla. Edhe 11 ulëse tjera janë të pakicave.

Vetëm Nisma Socialdemokrate i ka tre deputetë në Kuvend. Përveç Limajt kjo parti përfaqësohet nga Xhevahire Izmaku dhe Arbëreshë Kryeziu.

Ministri në detyrë i Administrimit dhe Pushtetit Lokal dhe kryetari i Iniciativës së re Demokratike të Kosovës (IRDK), Elbert Krasniqi, ka sinjalizuar më parë se shtatë deputetë të pakicave joserbe do të votonin pro konstitutimit të Kuvendit të ri dhe një qeverie të re të udhëhequr nga Lëvizja Vetëvendosje.

Në një skenar kur Lëvizja Vetëvendosje, deputetët e Nismës dhe shtatë të pakicave do të votonin për konstituim të Kuvendit, do të duheshin edhe tri vota për finalizim të procesit me sukses.

Deri më tani, deputetët e pakicave, Duda Balje, Veton Berisha dhe Adem Hoxha janë deklaruar se nuk ofrojnë mbështetje pa u plotësuar kushtet e tyre.

Osmani ka paralajmëruar se do t’i drejtohet Gjykatës Kushtetuese në javën e ardhshme, nëse Kuvendi i Kosovës nuk do të konstituohet brenda këtyre ditëve.

Situata është bllokuar pasi Partia Demoratike e Kosovës, Lidhja Demokratike e Kosovës , Aleanca për Ardhmërinë e Kosovës dhe Lista Serbe nuk pranojnë të propozojnë nga një kandidat për formim të një komisioni për votim të fshehtë, me arsyetimin se mënyra e ndryshimit të votimit nga kryesuesi i seancës Avni Dehari është jokushtetuese.

Lëvizja Vetëvendosje kërkon që për Albulena Haxhiun – të propozuar për kryeparlamentare – të votohet vetëm një herë përmes votimit të fshehtë dhe nëse nuk i siguron 61 votat e nevojshme, ajo do të tërhiqet nga gara.

Ajo nuk i ka siguruar votat e nevojshme në disa seanca radhazi që janë mbajtur me votim të hapur. Për disa parti, ajo është figurë përçarëse dhe e papranueshme.

Pjesëtarë të shoqërisë civile kanë protestuar disa herë para ndërtesës së Kuvendit duke i thirrur deputetët në përgjegjësi./rel

The post Osmani takon Limajn në prag të seancës së re për konstituim të Kuvendit appeared first on Albeu.com.

Këngëtarja Dafina Zeqiri ka ndarë disa momente nga lindja e djalit.

Përmes një videoje të postuar në rrjetet sociale nga klinika, artistja shfaqet e emocionuar, ndërsa përlotet në çastin kur prek për herë të parë Daskanin, së bashku me partnerin e saj, Kreshnikun.

Dafina Zeqiri dhe Kreshnik Gjergji, që u martuan në tetor të vitit të kaluar, u bënë prindër për herë të parë.

The post FOTO/ Dafina Zeqiri publikon pamjet emocionuese nga lindja e djalit appeared first on Albeu.com.

Mario Nikprelaj 23 vjeç ka tentuar të hapë derën e avionit gjatë një fluturimi nga Omaha për në Detroit pas një sherri me stjuardësën.

Shqiptari ka detyruar pilotët që të bëjnë një ulje emergjente. Fluturimi 3612 i Delta Connection, i operuar nga Skywest Airlines, u detyrua të devijonte në Aeroportin Lindor të Ajovës në Cedar Rapids, Ajova, sipas CNN.

“Më 17 korrik 2025, afërsisht në orën 6:13 pasdite, Policia e Cedar Rapids u dërgua në Aeroportin Lindor të Ajovës pas një shqetësimi gjatë fluturimit nga një pasagjer në një fluturim Skywest nga Omaha në Detroit”, tha Departamenti i Policisë së Cedar Rapids.

I riu shqiptar tashmë do të përballet me akuzat e sjelljes jo korrekte, sulm dhe ngacmim ndërsa shkaqet e sherrit të tij me stjuardesën janë ende të paqarta. Sipas Flight Ware, avioni u ul në Detroit rreth 1 orë e gjysmë më vonë sesa ishte planifikuar.

The post VIDEO/23-vjeçari shqiptar sherr me stjuardesën në avion, tenton të hapë derën gjatë fluturimit, pilotët bëjnë ulje emergjente appeared first on Albeu.com.

Kryeministri Edi Rama ka zhvilluar ditën e sotme një takim në qytetin e Beratit me përfaqësues të teknologjisë ndërsa gjatë këtij takimi nuk kanë munguar batutat teksa po ndaheshin konkluzionet e mbledhjes.

Një prej tyre tha se integriteti për ta është shumë i rëndësishëm ndërsa Rama me batutë iu përgjigj “për qeverinë nuk është, se ne dava hajdutësh”.

Përfaqësuesi i teknologjisë: Disa prej miqve tanë, mund të them me bindje të plotë janë në portale dhe janë të persekutuar që punojnë me shtetin. Duhet ta provosh, unë nuk e kam provuar, nuk kam punuar ndonjëherë, ideja është që është e padrejtë. Sepse kemi të bëjmë me heronj të kohërave moderne dhe me njerëz që punojnë shumë herë më lirë se sa kompani që punojnë me administratën publike në Itali, vendet fqinje.

Ministrja Ibrahimaj: Po flet për portale që punojnë me shtetin por që ofrojnë shërbime të cilat janë shumë herë më të lira se në vendet e tjera, të njëjtat shërbime.

Kryeministri Edi Rama: Këtë hall qajeni vetë se ne nuk ua qajmë dot. Ne nuk po kërkojmë të na qani hallin, po hallin s’ua qajmë dot. Në qoftë se ju sulmojnë, ta gëzoni edhe shëndet t’ju bëhet.

Përfaqësuesi i teknologjisë: Integriteti për ne është shumë i rëndësishëm.

Kryeministri Edi Rama: Jo për ne nuk është në fakt se…për ju është i rëndësishëm, për ne jo.. ne dava hajdutësh.

The post Rama ‘shpërthen’ në Berat me përfaqësuesit e teknologjisë: Ne jemi dava hajdutësh, nuk kemi integritet appeared first on Albeu.com.

Kujtim Cakrani, avokati i Ilir Metës ka një qëndrim ndryshe mbi takimet speciale të të burgosurve me eskortat dhe vajzat e shoëbizz-it.

Sipas Cakranit nuk ka asnjë problem për sa kohë ato janë beqare, ndërsa thekson se problemi i vërtetë është korrupsioni.

Pjesë nga intervista:

Borakaj: A keni ju klientë që ju kërkojnë takime të shtuara speciale?

Cakrani: Ne po i trajtojmë takimet speciale si herezi e madhe. Unë nuk mendoj se ka problem se shkoi me një eskortë apo nuk shkoi. Problemi në sitemin e burgjeve janë të pafundme.

Që nga mungesa e orëve shtesë të punonjësve, mungesa e veshjesh, të paraburgosurit nuk marrin ushqimin. Ne nuk flasim për rehabilitimin, pasi kjo është më kryesorja. A flasim për mbipopullimin në burgje. Ne merremi me gjëra anësore që nga pikëpamja ligjore unë nuk mendoj se ka shkelje ligji.

Secili ka të drejtën e tij kur është në burg që të njihet me një vajzë nëse është beqar. Ata që duan të zgjidhin njëherë e mirë hallet e popullit të burgosur nuk duhet të merret me hallet e Laert Haxhiut.

Ka shkaur një vajzë atje, ai e ka të dashur, ku është këtu për të diskutuar, sa shkoi, ku shkoi, sa pagoi, pse nuk merremi me problematikat. Unë kam pafund klientë në burgje, ata kanë problem që nuk marrin ditët. Nëse ti nuk paguan administratën e burgjeve ti nuk merr ditët që të takojnë me ligj.

Borakaj: Sa paguan?

Cakrani: Nuk është problem se korrupsion është, s’ka rëndësi shuma. A kemi sistem arsimor në paraburgim? Nuk kemi, kjo është kryesorja.

Borakaj: Ju nënshtrua kontrolleve blic qelia e zotit Meta?

Cakrani: Nuk e di, nuk ma kanë komentuar këtë fakt. Por besoj se po. Sepse Metën e trajtojnë si një njeri të panjohur dhe kështu që edhe ta kenë kontrolluar, nuk do të ishte surprizë. Nuk ka asgjë për të fshehur.

Borakaj: Si i ka raportet me pjesën tjetër të të dënuarve?

Cakrani: Rri vetëm në dhomë, i kryen vetëm veprimet e tij.

Borakaj: Po takime, sa bën në një muaj?

Cakrani: Sipas ligjit duhet të bëjë 4 takime, por këta kanë marrë urdhër që edhe ushqimet që i çojnë t’i marrin si takim. Kjo është një shkelje e rregullores.

Borakaj: Nuk besoj se konsumon ushqimin e burgut, apo jo?

Cakrani: Jo, konsumon ushqimet që i çojnë familjarët.

The post “Nuk ka asnjë problem se shkojnë me eskortat’’, avokati i Metës: Nëse janë beqarë, edhe atë në burg kanë të drejtë të njihen me vajza appeared first on Albeu.com.

Kryeministri Edi Rama gjatë një takimi me përfaqësuesit e teknologjisë që u zhvillua në Berat, u shpreh se qeveria ka për synim që në fund të dekadës, vendi ynë të mos përdorë para cash, por të gjitha transanksionet financiare të jenë digjitale.

Kreu i qeverisë, Edi Rama, theksoi se për të arritur këtë gjë duhet pak sforco ndërsa shtoi se kjo gjë është e realizueshme.

“Në fund të kësaj dekade, Shqipëria të mos ketë më cash, që gjithë transaksionet financiare të jenë digjitale. Për këtë na duhet sforco e madhe, na duhet goxha sensibizilim.

Teknologjia nuk mungon. Besoj që nëse do dimë ta bëjmë si duhet vizatimin e rrugës që do dimë të ecim, kjo është e realizueshme dhe do çlirojë vendin nga një barrë e madhe pluhuri dhe ferrash në të gjithë jetën e përditshme”, deklaroi Kryeministri Edi Rama.

The post Rama do ‘zhdukë’ lekët cash nga qarkullimi: Në fund të dekadës në Shqipëri do ketë vetëm transanksione digjitale appeared first on Albeu.com.

Vatra e zjarrit në Parkun Kombëtar të Lurës vazhdon aktiv i zhvilluar në dy vatra, një vatër po zhvillohet në drejtim të Lurës rreth liqenit të Zi dhe ku janë përqendruar forcat operacionale, por nuk po arrihet të vendoset nën kontroll për shkak të terrenit të vështirë të terrenit dhe intensitetit të madh që ka zjarri.

Ndërsa vatra tjetër po zhvillohet në pjesën e sipërme të vatrës nga krahu Malit të Dejës, por që po mbahet nën monitorim për shkak të sipërfaqes së madhe që ka përhapur vatra e zjarrit.

Një vatër aktive që dje po zhvendosej nga krahu fshatit Gurë Lurë sot është e shuar dhe nuk ka probleme.

E gjithë madhësia e vatrës është e mbushur me tym për shkak se digjen brenda vatrës trungje pishe e ahu të grumbulluara ndër vite.

Në operacion marrin pjesë:

6 forca të MZSH

5 forca të ADMZ

5 forca pyjore

7 forca të njësisë

30 efektiv të F.Armatosura.

Ndërsa vatra e zjarrit rënë në Livadhi i Peladhisë të Nj.Zerqan, vazhdon aktiv i zhvendosur në Nj. A Shupenzë:

Është vetëm një vatër zjarri aktive e zhvendosur ne lartësitë mbi fshatin Krajkë, (Nj.A. Zerqan), pasi në lartësitë mbi fshatin Vlashë është shuar dje komplet.

Aktualisht zjarri është aktiv në një vend me dushqe dhe shkurre jo të shpeshtë, por ku është terren i thyer, ka vështirësi për forcat operacionale. Vatra po mbahet në kontroll për të mos patur zgjerim të mëtejshëm.

Marrin pjesë në operacion:

Forca zjarrfikëse 10

Mjete zjarrfikëse 1

Forca pyjore 5

Forca vullbetare 3

Forca të bashkisë 6

-Të lënduar nuk ka.

Është përshkuar gjithsej nga zjarri një sip. reth 33 ha me dushqe, shkurre e barishte.

The post Dy vatra zjarri ende aktive në Dibër, Lura mbetet problem për shuarjen e flakëve appeared first on Albeu.com.

Biznesmeni i njohur, Elton Ilirjani, ka dhënë një intervistë për “Pushime On Top” me Lei Kraja. Moderatorja i ka bërë disa pyetje ‘pikante’ modelit, i cili si gjithmonë ka qenë shumë i sinqertë dhe i drejtpërdrejtë me përgjigjet e tij.

Pjesë nga intervista:

Jam me një yll, energjia që ka pushton të gjithë vendin. Është pak provokues por i ka shumë hije. Për kë e kam fjalën? Elton Ilirjani ekskluzivisht në shtëpinë e “Pushimeve On Top”. Intervista do të jetë super ‘hot’ siç jemi ne. Çfarë bën për të qenë kaq ‘hot’?

Faleminderit, po nuk isha gati për gjithë këto komplimente

Pse nuk të bëjnë komplimente në përditshmëri?

Vajzat shqiptare nuk komplimentojnë kaq shumë

Nga xhelozia besoj

Nuk mund ta them dot me siguri nga xhelozia, por mund të them ndoshta edhe nga padituria. Sepse edhe komplimenti është një formë diturie.

Sheh ndonjë ndryshim mes Shqipërisë që ke parë 8 vite më parë?

Shqipëria ndryshon shumë shpejt, problemi është se vektori i ndryshimit ka raste dhe ka vite që shkon ose negativisht, ose qëndron konstant. Këto dy vitet e fundit po shikoj që të paktën nga ana e mentalitetit po shkon drejt pozitives. Të kuptohemi, nuk do të thotë se çdo gjë është mirë, e përgjithshmja. Ka momente ku unë shikoj një rënie të mentalitetit, pra nuk ka përmirësim, njerëzit shkojnë më mbrapa në mendësi se sa duhet të ishim. Sepse nuk shkon pamja me mentalitetin, e këtë dua ta lidh edhe me mënyrën se si sillen kur unë shkoj në plazh. Ka njerëz që vishen shumë bukur por që habiten kur më shikojnë mua. Unë në plazh vishem me në veshje që mund të jetë edhe 10 dollarë, ndërkohë dikush aty mund t’a ketë veshjen edhe 1 mijë dollarë. Por i bën përshtypje ai 10 dollarëshi im, por nuk është kjo, i bën përshtypje qenia ime, që jam i lirë dhe që nuk jam si të tjerët, fals. Në Shqipëri ka gej, por ndoshta është bërë ky gejlliku me mjekër. Ndoshta ngacmoj pak këtu.

Je më i qetë kur vjen këtu apo të merr ajo valë shqiptare që të frymëzon të flasësh më shumë?
Pyetje shumë e zgjuar, të jesh i qetë në Shqipëri është në sfidë, aq më tepër për dikë që jeton në Nju Jork dhe mësohet me një rutinë, me një thjeshtësi të Nju Jorkut. Këtu nuk të lë syri i publikut, aq më tepër tani. Unë nuk e dija, por isha kthyer padashjen time në një personazh shumë publik, nuk isha gati për këtë.

Nuk të ka shijuar kjo pjesë?

Më ka bezdisur

Të bezdis vëmendja?

Nuk më bezdis vëmendja, më bezdis vëmendja që nuk ka një logjikë. Është një vëmendje e palogjikshme sepse unë jam i njëjti person që kam qenë edhe para 7 muajsh. Bëja modeling, kam qenë në media, kam dalë e kam thënë i pari që jam gej publikisht në vitin 2016. Kam bërë shumë gjëra, kam dalë nudo. Por me rastin e Parashqevi Simakut, nuk e dija ë kishte marrë dhenë. Ishte bërë një histori kombëtare.

Ti ke folur shumë për meshkujt shqiptarë, si të duken këtë verë?

E ke fjalën për djemtë? Kanë ndryshuar sepse e duan të bukurën, vëmendjen dhe protagonizmin. Djemtë dhe burrat shqiptarë janë protagonistë, e tregojnë atë që nga mënyra se si vishen, se si sillen, si ecin. Hapin këmbët, hapin krahët, ngrenë supin, është ai shikimi që ‘do të shqyej’.

Të ndodh shpesh ky shikimi?
Më ndodh shumë dhe më bëri përshtypje sot në plazh, që mirë që kalojnë dhe iu bëj përshtypje se ‘ky gej’, po si fryhen sikur shikojnë në vajzë. Se mënyra se si qëndron një djalë dhe një burrë kur shohin një vajzë, do t’i tregojë se jam unë këtu, ky është territori im, ti je e imja, po unë i kujt isha, i atij?

A ka ndonjë tip mashkulli që të bën të kthesh kokën dhe dua të di si kalove në plazh? A të bëri përshtypje ndonjë djalë, ndonjë burrë?

Unë i dua shumë burrat dhe djemtë, e kjo nuk ka pikë dyshimi tek unë dhe te të tjerët. Por kam një tip djali ose burri që kam qejf, kam qejf pak këto topolakët. E këtu kënaqem shumë, se ka shumë me bark. Dhe e di sa u shkon se e nxjerrin edhe mbi pantallonat e shkurtra, vënë edhe një varëse të trashë, kanë atë qethjen e përgjithshme. Po më josh sepse është shumë e bukur. Do të doja shumë që të mos përdornin parfumin shumë dru. Tipiku i burrit që unë kam qejf është jo shumë i gjatë po as shumë i shkurtër. Do të doja të ishte mbi 1.75 dhe jo më i gjatë se 1.85. Të jetë i mbushur, me krahë dhe këmbë të trasha. I kam qejf djemtë me qime nëpër këmbë, edhe sqetullat e padepiluara.

The post Elton Ilirjani nuk përmbahet: Nuk i kuptoj djemtë që fryhen para meje, unë jam g*j appeared first on Albeu.com.

Dashi
Të lindur më: 21 Mars – 19 Prill
Në marrëdhëniet në çift, sot mund të ndjeni nevojën për të komunikuar më hapur, por ruani durimin ndaj partnerit. Në punë, sfidat do të kërkojnë kreativitet dhe përkushtim; mos kini frikë të merrni iniciativa të reja. Shëndeti është i mirë, por shmangni mbingarkesën mendore dhe fizike. Financat kërkojnë vëmendje të veçantë; bëni kujdes me shpenzimet impulsive.

Demi
Të lindur më: 20 Prill – 20 Maj
Dashuria sot do të jetë më e qetë dhe ju mund të përjetoni momente të ëmbla me personin e zemrës, ndërsa beqarët mund të kenë një njohje të këndshme. Në aspektin profesional, bashkëpunimet sjellin përfitime dhe mund të merrni vlerësime nga eprorët. Kujdesuni për shëndetin duke qëndruar aktiv dhe duke konsumuar ushqime të shëndetshme. Në planin financiar, është dita e duhur për të bërë plane afatgjata, por shmangni rreziqet e panevojshme.

Binjakët
Të lindur më: 21 Maj – 20 Qershor
Sot në dashuri mund të lindin keqkuptime të vogla, ndaj dialogu është i rëndësishëm për të ruajtur harmoninë. Në punë do të ndjeni presion, por përpjekjet tuaja do të vlerësohen në fund të ditës. Shëndeti është i mirë, por bëni kujdes me lodhjen nervore. Financat mbeten të qëndrueshme, megjithatë shmangni shpenzimet për qejf.

Gaforrja
Të lindur më: 21 Qershor – 22 Korrik
Në marrëdhënie sot do të ndjeni nevojën për më shumë stabilitet dhe siguri emocionale, ndaj flisni hapur për ndjenjat tuaja. Në aspektin profesional, mund të merrni një ofertë të re ose të përfundoni me sukses një projekt të rëndësishëm. Shëndeti është në nivel të mirë, por rekomandohet të ushtroni aktivitet fizik. Në planin financiar, një pagesë e vonuar mund të vijë papritur, duke ju sjellë lehtësim.

Luani
Të lindur më: 23 Korrik – 22 Gusht
Marrëdhëniet sot janë të ngrohta dhe mund të përjetoni momente pasionante me partnerin, ndërsa beqarët mund të tërheqin vëmendjen e dikujt të veçantë. Në punë keni mundësi për të treguar talentin, por mos u nxitoni në vendime të rëndësishme. Shëndeti është në formë të mirë, vetëm mos e neglizhoni pushimin. Financat janë të balancuara, por kurseni për të ardhmen.

Virgjëresha
Të lindur më: 23 Gusht – 22 Shtator
Sot dashuria kërkon vëmendje dhe sinqeritet; mos lejoni që xhelozia të prishë harmoninë në çift. Në ambientin e punës, bashkëpunimi me kolegët do të jetë çelësi i suksesit, ndaj dëgjoni sugjerimet e tyre. Shëndeti është i qëndrueshëm, por kujdes me stresin dhe ushqimin e parregullt. Financiarisht, shmangni huamarrjet dhe rrisni kursimet tuaja.

Peshorja
Të lindur më: 23 Shtator – 22 Tetor
Dita sjell harmoni dhe mirëkuptim në marrëdhëniet romantike, ndërsa beqarët mund të marrin një ftesë interesante. Në punë, mund të ndiheni të frymëzuar për të nisur projekte të reja ose për të bërë ndryshime të nevojshme. Shëndeti është i mirë, por mos e teproni me aktivitetet fizike. Në planin financiar, ka shenja të përmirësimit, por menaxhoni me kujdes të ardhurat.

Akrepi
Të lindur më: 23 Tetor – 21 Nëntor
Në dashuri sot mund të shfaqen tensione për shkak të mungesës së kohës me të dashurit, ndaj përpiquni të balanconi angazhimet. Në fushën profesionale, një zgjidhje e papritur do të ndihmojë në tejkalimin e një pengese të vogël. Shëndeti kërkon më shumë kujdes, veçanërisht ndaj lodhjes. Në aspektin financiar, shmangni investimet e rrezikshme dhe fokusohuni në stabilitet.

Shigjetari
Të lindur më: 22 Nëntor – 21 Dhjetor
Sot ndjeni nevojën për më shumë afërsi emocionale në dashuri, ndaj mos hezitoni të shprehni ndjenjat tuaja. Në punë, rezultatet e përpjekjeve të mëparshme fillojnë të shihen, ndaj vazhdoni me të njëjtin ritëm. Shëndeti është i mirë, por bëni kujdes me sistemin tretës. Financat janë të qëndrueshme, por shmangni blerjet e panevojshme.

Bricjapi
Të lindur më: 22 Dhjetor – 19 Janar
Marrëdhëniet romantike kërkojnë më shumë vëmendje sot; një bisedë e thellë do të ndihmojë në zgjidhjen e mosmarrëveshjeve. Në punë, një koleg mund t’ju mbështesë në një detyrë të vështirë, ndaj mos hezitoni të kërkoni ndihmë. Shëndeti është i mirë, por kujdesuni për pushimin dhe hidratimin. Financiarisht, është momenti i duhur për të rishikuar buxhetin dhe për të bërë plane të reja.

Ujori
Të lindur më: 20 Janar – 18 Shkurt
Në dashuri sot do të përjetoni momente të këndshme dhe surpriza të vogla nga partneri, ndërsa beqarët mund të hapin zemrën për dikë të ri. Në aspektin profesional, një ide e re mund të sjellë përfitime të papritura. Shëndeti është i qëndrueshëm, por mos neglizhoni aktivitetet relaksuese. Financat janë të mira, por është e rëndësishme të mos rrezikoni me investime të pasigurta.

Peshqit
Të lindur më: 19 Shkurt – 20 Mars
Sot në marrëdhënie, ndjeshmëria juaj është e lartë dhe mund të përjetoni thellësi emocionale, por shmangni idealizimet e tepruara. Në punë, kreativiteti ju bën të dalloni, por përpiquni të jeni praktik në zbatimin e ideve. Shëndeti është i mirë, por ruani ekuilibrin mendor. Financat janë të qëndrueshme, por planifikoni shpenzimet me kujdes.

The post Horoskopi 18 Korrik, ja çfarë kanë parashikuar yjet për ju appeared first on Albeu.com.

Kryeministri izraelit, Benjamin Netanjahu njoftoi sot se është arritur një marrëveshje për armëpushim në Siri.

Sipas deklaratës së tij, është vendosur një politikë e qartë: çmilitarizimi i zonave në jug të Damaskut dhe mbrojtja e “vëllezërve tanë” druzi.

“Ne kemi krijuar një politikë të qartë: demilitarizimin e zonës në jug të Damaskut dhe mbrojtjen e vëllezërve tanë, Druzëve. Unë i dhashë udhëzime IDF-së të veprojë me forcë, sepse regjimi i Damaskut dërgoi ushtrinë e tij në jug të kryeqytetit dhe masakroi druzët. Si rezultat i veprimeve tona të intensifikuara, është vendosur një armëpushim dhe forcat siriane janë tërhequr përsëri në Damask”, tha ai.

Më herët, ai kishte urdhëruar ushtrinë izraelite të vepronte fuqishëm pasi “regjimi” në Damask kishte dërguar ushtrinë e vet dhe kishte “masakruar” druzët, një grup fetar arab që i përmbahen besimit druz.
Ai beson se sulmi izraelit çoi në vendosjen e armëpushimit dhe tërheqjen e ushtrisë siriane drejt Damaskut, sipas Jerusalempost.
Më herët gjatë ditës, qeveria e presidentit sirian Ahmed al-Sharaaa kishte njoftuar tërheqjen e ushtrisë nga zonat ku jetojnë druzët.

Agjencia Reuters ka raportuar gjithashtu se udhëheqësi fetar i druzëve, sheiku Yousef Jarbou, kishte deklaruar se druzët sirianë kishin arritur një marrëveshje me qeverinë siriane, e cila do të hynte në fuqi menjëherë.

The post Netanyahu konfirmon arritjen e armëpushimit në Siri: Kemi krijuar një politikë të qartë appeared first on Albeu.com.

Rita Ora ka folur me sinqeritet për një periudhë të errët të jetës së saj, kur pasiguritë për pamjen fizike i rënduan mendjen dhe vetëvlerësimin.

E ftuar në podcast-in “Happy Place”, këngëtarja shqiptaro-britanike tregoi se në fund të të njëzetave ndjeu se nuk përmbushte pritshmëritë e shoqërisë për “trupin perfekt”.

“Fillova të sëmuresha shpesh, nuk kisha energji dhe nuk ndihesha mirë me veten. Nuk kujdesesha për trupin tim. Dhe pastaj erdhi mendimi: ‘Nuk jam aq e dobët sa të tjerët – prandaj jam e shëmtuar’. Sot më duket tronditëse që e besoja këtë”, u shpreh ajo.

Në bashkëpunim me markën Dove dhe projektin “Self Esteem”, Rita theksoi rëndësinë e përballjes me versionin e mëparshëm të vetes. “Është si të takosh atë vajzën e vogël që ishe dikur dhe t’i thuash: ‘Ti je shumë më e bukur se ç’mendon’. Të gjithë meritojmë ta ndiejmë këtë.”

The post Rita Ora rrëfen periudhën e vështirë: Mendova se isha e shëmtuar, vetëm sepse nuk isha aq e dobët sa të tjerët appeared first on Albeu.com.

Loredana Brati ka rrëfyer së fundmi disa momente personale nga jeta e saj, duke prekur temën e marrëdhënieve, miqësive dhe zhgënjimeve që ka përjetuar kohët e fundit.

E pyetur nga Lei Kraja nëse është aktualisht në një romancë, Brati u përgjigj: “Vazhdoj të jem një shpirt.”

Në bisedë, ajo kujtoi një moment që, sipas saj, nuk ishte zgjedhja më e duhur:

“Më thuaj një rast,” i kërkoi Lei.

“Ndoshta kur u afrova me Jozin, që në fillim. Nuk do e ktheja kohën pas sepse gjithçka ndodh për një arsye, por kishte momente që ngecja në situata që nuk ishin situata të miat. Dhe ty thosha Lori çfarë po bën, nuk është gjë jotja!”, u shpreh ajo me sinqeritet.

Loredana foli edhe për ditëlindjen e saj të fundit, të cilën e organizoi dy muaj më parë me shumë miq dhe kolegë të ftuar. Megjithatë, ajo pranoi se nuk munguan zhgënjimet.

“Në ditëlindjen time, pata shumë të ftuar. I ftova se doja t’u ktheja mbështetjen që më kanë dhënë. Shumë njerëz e panë si mënyrë për të shtuar views dhe para. U ndjeva pak e tradhtuar nga disa njerëz. U zhgënjeva,” tha ajo.

The post Loredana Brati: “Vazhdoj të jem një shpirt” dhe rrëfen zhgënjimet nga miqtë në ditëlindje appeared first on Albeu.com.

Një vatër zjarri është regjistruar pasditen e sotme edhe në fshatin Borsh të bashkisë Himarë teksa mësohet se flakët kanë nisur në një pjesë shkurresh.

Sipas informacioneve, ndërhyrja e zjarrfikëses bëri të mundur mbrojtjen e banesave në zonë, ndërsa zjarri vijon ende. Të angazhuar për shuarjen e plotë të tij janë zjarrfikësit, por dhe banorë të fshatit.

The post Vatër zjarri edhe në Borsh, shmanget djegia banesave, zjarrfikësit dhe banorët vijojnë “luftën” me flakët appeared first on Albeu.com.

Biznesmeni dhe modeli Elton Ilirjani u vlerësua nga publiku për ndihmën që i dha këngëtares Parashqevi Simaku në ditët më të vështira të saj. Shqiptarët ndoqën me interes në fund të vitit të kaluar rastin e këngëtares që vitet e fundit i kishte kaluar në një stacion metroje në New York, ndërkohë që biznesmeni shqiptar ishte ndër ata që e ndihmuar t’i kthehej normalitetit.

Por kjo histori duket se e ka lodhur disi Ilirjanin, pasi sikurse thotë, shqiptarët e pyesin vetëm për Parashqevinë. Në një intervistë për “Pushime on Top”, teksa po pushon në jug në vendit, Ilirjani tha se ‘ndihet pak xheloz’.

“Me rastin e Parashqevi Simaku, nuk e dija që kishte marrë dhenë. Ishte bërë një histori kombëtare. Dhe tani kur dal në rrugë, më pyesin për Parashqevinë, gjë që është shumë e mirë se unë atë e dua fort, e kam si mamin tim.

Por, më vjen edhe pak keq, ndihem pak xheloz. Unë jam krenar për Parashqevinë, jam krenar për çfarë kemi bërë bashkë për përmirësimin e saj.

Por, ajo që më shqetëson është që mos ndoshta kjo mbivendosje kaq e madhe, ma ka sfumuar pak karrierën mua. Kjo është hera e parë që e them. Nuk është xhelozi më shumë se sa është një merak për karrierën time. Çfarë duhet të bëj unë tani që shqiptarët të vendosin në plan të dytë shpëtimin e Parashqevi Simakut”, u shpreh Ilirjani.

The post Elton Ilirjani habit me deklaratën për Parashqevinë: Më ka sfumuar karrierën! appeared first on Albeu.com.

Ish-banorja e “Big Brother VIP”, në një intervistë me moderatoren Lei Kraja për “Pushime On Top” foli pa filtra për eksperiencën e saj gjatë dhe pas reality show-t, me të cili fitoi pëlqimin e publikut.

Ajo shprehu zhgënjimin nga qasja që disa ish-banorë kanë pasur me të pas “Big Brother VIP” dhe përmendi konkretisht këngëtaren Egli Tako. Loredana tregon nëj veprim që nuk ia fal aktores.

“Kam dëgjuar që Egli më ka marrë jastëkun kur kam qenë brenda në Big, i ka hipur me këpucë dhe ma ka vënë sërish te vendi.

Këtë gjë që ka bërë Egli, që unë nuk e dija, është diçka që nuk e fshij dot”, tha modelja.

The post “Është diçka që nuk e fshij dot”/ Loredana pa doreza, gjesti që nuk ia fal Egli Takos appeared first on Albeu.com.

Një aksident me pasojë plagosjen e tre personave ka ndodhur në Sotirë të Gramshit. Fuoristrada në të cilën udhëtonin tre personat ka dalë nga rruga.

Të plagosurit janë dërguar fillimisht në Spitalin e Gramshit për të marrë ndihmë mjekësore.

Burime bëjnë me dije se pas marrjes së ndihmës së parë, të plagosurit janë nisur drejt Spitalit të Traumës në Tiranë për ndihmë të specializuar mjekësore.

Policia dhe grupi hetimor kanë nisur punën për të zbardhur shkaqet dhe rrethanat e aksidentit.

The post Aksident i rëndë në Gramsh, makina del nga rruga dhe plagosen tre persona! Të lënduarit nisen me urgjencë drejt Traumës në Tiranë appeared first on Albeu.com.

Gjatë koncertit të Coldplay në Boston, një sipërmarrës e gjeti veten e në një moment të sikletshëm pasi u kap nga kamerat e transmetimit live duke u përqafuar më një vartësen e tij.

CEO i kompanisë amerikane të teknologjisë Astronomer, Andy Byron, ishte i përqafuar me shefen e burimeve njerëzore të kompanisë së tij Kristin Cabot.

Sipas mediave të huaja problemi i kësaj video ishte se Byron është i martuar dhe ka fëmijë, të cilët atë natë ndodheshin në shtëpi.

Pamjet po bëjnë xhiron e rrjetit, ku sipërmarrësi shtangu dhe tentoi të fshihej, por edhe punonjësja e tij u kthye me kurriz nga kamerat e më pas u largua.

Kjo skenë nuk i shpëtoi as syrit të Chris Martin, këngëtarit të Coldplay, i cili komentoi me ironi: “Shikoni këta të dy… Ose janë në një lidhje, ose janë thjesht shumë të turpshëm.”

The CEO of one of the largest tech companies in the world was just caught on camera having an affair with his head of HR 🤦🏻‍♂️ pic.twitter.com/dv13Xg2SDv

— Matt Wallace (@MattWallace888) July 17, 2025

The post VIDEO/ CEO amerikan u kap ‘mat’ me vartësen e tij në koncertin e Coldplay, përqafimi që mund t’i shkatërrojë martesën drejtuesit të kompanisë së famshme appeared first on Albeu.com.

Ditën e premte vendi ynë do të jetë në ndikimin e kushteve atmosferike relativisht të qëndrueshme.

Moti parashikohet i kthjellët si dhe vranësira përgjatë maleve, kryesisht në veri dhe jug nga ku do të pasohen me reshje të dobëta shiu në formë pikash.

Temperaturat maksimale do të arrijnë në 36 gradë celcius, ndërsa ato minimale në 16 gradë celcius.

Era do të fryjë me drejtim nga kuadrati i perëndimit me shpejtësi mesatare 6 m/s, ndërsa përgjatë vijës bregdetare e dhe zonat luginore era fiton shpejtësi 6-10 m/s.

Valëzimi në det do të arrijë 1-2 ballë.

The post Temperatura të larta në Shqipëri, ja sa do të shënojë termometri ditën e nesërme appeared first on Albeu.com.

Një pistoletë e futur në një çantë krahu është gjetur nga policia e Sarandës në vendin ku sot u plagosën dy të rinj. Sipas informacioneve, arma dyshohet se i përket njërit prej dy të plagosurve. Ndërkohë, Policia po heton lidhur me plagosjen ndërsa bashkë me FNSH-në po kryejnë kontrolle të shumta në qytet.

Gjithashtu bëhet me dije se në vendin e ngjarjes janë gjetur 4 gëzhoja të shkrepura nga arma e autorit/ëve, të cilën e ka marrë me vete.

Ernest Lama dhe Gëzim Hoxhaj janë dy personat që mbetën të plagosur mbasditen e sotme nga të shtënat me armë zjarr në Sarandë. Gjithashtu bëhet me dije se dy të plagosurit janë nisur drejt spitalit të Traumës në Tiranë.

Lidhur me ngjarjen në kërkim janë tashmë Ramadan Zoto alias Ramadan Canaj, 42-vjeç dhe vëllai tij Erjon Canaj, 35-vjeç, nga Saranda, persona me precedentë të rëndë penalë.

The post Plagosja e dyfishtë në Sarandë/ Në çantën e njërit prejt të lënduarve gjendet një armë zjarri, në vendngjarje 4 gëzhoja appeared first on Albeu.com.