Gjykata e Shkallës së Parë e Juridiksionit të Përgjithshëm Dibër vendosi këtë të shtunë lirimin e katër prej pesë punonjësve të stafit teknik të kompanisë minerare , të arrestuar pas aksidentit tragjik që i mori jetën minatorit 66-vjeçar, Fari Veliu. Njëri prej të shoqëruarve pas aksidentit, Nj. P., me detyrë armator ishte lënë i lirë […]

The post Minatori humbi jetën në galerinë “GERTI Sh.p.k.”, Gjykata fal stafin teknik, i liron nga qelia appeared first on BoldNews.al.

Një aksident me pasojë vdekjen e një punëtori është shënuar këtë të mërkurë, rreth orës 11:00, në minierën e Bulqizës. Viktima është identifikuar si Fari Veliu, 66 vjeç, i cili ka humbur jetën gjatë punës në galeritë e minierës. Rrethanat e ngjarjes ende nuk janë bërë të qarta. Policia bëri me dije se grupi hetimor […]

The post Minatori humbi jetën në galerinë e Jeton Danit/ Babai i kandidatit të PS-së: Më lini rehat! appeared first on BoldNews.al.

Ylli ndërkombëtar i muzikës pop, Dua Lipa, u kthye si protagoniste në ditën e parë të Festivalit Sunny Hill, i organizuar nga familja e saj në qytetin e saj të lindjes, Prishtinë, në kuadër të turneut të saj botëror “Radical Optimism”. Gjatë pauzave midis performancave, Lipa iu drejtua publikut në gjuhën amtare, duke i falënderuar […]

The post Në foto: Rikthimi triumfues i Dua Lipës në Kosovë appeared first on Reporter.al.

Nga Gazeta ‘Si’– Presidenti Donald Trump dukej se e kishte të vështirë të mbante sytë hapur në një aktivitet të transmetuar në televizion në Shtëpinë e Bardhë me temë “Ta bëjmë teknologjinë shëndetësore përsëri të shkëlqyer”.

Presidenti foli për rreth 10 minuta, pastaj u ul dhe dëgjoi folës të tjerë, përfshirë Sekretarin e Shëndetësisë dhe Shërbimeve Njerëzore Robert F. Kennedy Jr. dhe administratorin e Qendrave për Shërbimet Medicare dhe Medicaid, Mehmet Oz .

Ndërsa Oz fliste, qepallat e Trump dukeshin sikur po rëndoheshin:

Trump is fighting for his life to stay awake during this roundtable event pic.twitter.com/369YDBTCa7

— Aaron Rupar (@atrupar) July 30, 2025

Presidenti sapo është kthyer nga një fundjavë e gjatë në Skoci, ku zhvilloi takime me disa udhëheqës evropianë dhe luajti golf në vendpushimin e tij.

Por ai është akuzuar edhe më parë për dremitje në publik, veçanërisht gjatë gjyqit të tij vitin e kaluar në rastin e Stormy Daniels. Trump është parë shpesh në gjykatë me sytë e mbyllur gjatë dëshmisë.

Avokati i Trump këmbënguli se ai thjesht po “përqendrohej” dhe gjithashtu mbylli sytë “për t’u çlodhur”.

Të pranishmit e kundërshtuan këtë.

“Isha në sallën e gjyqit. E pashë duke rënë në gjumë”, i tha analisti i MSNBC-së, Jonathan Alter, Ayman Mohyeldin.

Gazetarja e New York Times, Maggie Haberman, tha se “njerëzit përreth” Trumpit konfirmuan se ai dremiste “nganjëherë”, por në raste të tjera ishte zgjuar me sytë mbyllur.

The post Trumpi dremit gjatë një aktiviteti live (video) appeared first on Gazeta Si.

Dy aksidente në minierat e kromit në Bulqizë dhe Martanesh rikthejnë në vëmendje mungesën e sigurisë në sektorin minerar. Ngjarjet ndodhën më 29 dhe 27 maj, por u raportuan më vonë nga policia.

I.D, 40 vjeç, u plagos në Martanesh të enjten, më 29 maj, teksa policia e raportoi ngjarjen sot. Ajo tha për mediat se “40-vjeçari u lëndua në këmbë gjatë punës” dhe “ndodhet në spital jashtë rrezikut për jetën”.

Njësoj, me 24 orë vonesë, policia raportoi dhe aksidentin e së martës, ndodhur në galeritë e Bulqizës, ku mbeti i lënduar A.N, 40 vjeç. Policia tha se ai u godit nga një masiv gurësh teksa ndodhej nëntokë, por që aktualisht gjendet në spital pa rrezik për jetën.

Aksidentet në sektorin minerar kanë qenë të shpeshta ditët e fundit. Po të martën, më 27 maj, në minierën e Katjelit në Përrenjas humbi jetën Saimir Bego, 57 vjeç, me profesion minator.

Ai u zu nga një masiv minerar që u shkëput në galerinë ku po punonte.

Në fillim të muajit maj, për një javë rresht, 29 vjeçari Ardit Beshiri, punëtor pranë fabrikës së pasurimit të kromit në zonën e Bulqizës u shpall i humbur.

Trupi i tij u gjet  pas disa ditësh kërkimi, ndërkohë që familjarët ngritën akuza ndaj autoriteteve për neglizhencë dhe mungesë logjistike.

Më shumë se 65 punëtorë kanë humbur jetën në dy vitet e fundit, shumica në sektorin minerar dhe atë të ndërtimit. Sektorët me shkeljet më të rënda të standardeve të sigurisë në punë.

Po gjatë muajit maj, Abaz Basha, 22 vjeç, dhe Egzon Lleshi, 32 vjeç, humbën jetën në kantierin e ndërtimit të një hidrocentrali në fshatin Holtë në Gramsh.

Shumica e aksidenteve lidhen me mungesën e kontrolleve nga institucionet, mbikëqyrjes teknike, kushtet e amortizuara të galerive, logjistikës, apo mungesës së pajimeve dhe trajnimeve për sigurinë.

Lexo gjithashtu:

• Katjel, Përrenjas: Minatori humb jetën në galeri
• Humbi jetën në fabrikën e pasurimit të kromit, familja prej 4 ditësh në kërkim të trupit
• Minatorët e Bulqizës në protestë: S’punojmë pa u plotësuar kërkesat

The post Punëtorë të lënduar në dy aksidente minerare në Bulqizë dhe Martanesh appeared first on Citizens.al.

Galeria e arteve në Gjilan mbrëmjen e 15 korrikut, e kurorëzoi me hapjen e ekspozitës “Zeqa”, të krijuesit dhe piktorit Zeqirja Rexhepi, pikërisht në 70 vjetorin e lindjes së tij dhe 45 vjetorin e krijimtarisë.

Ekspozita “Zeqa” sjell për publikun një retrospektivë të veçantë pikturash të krijuesit, të ndërtuar mbi idenë e një kthimi në kohë. Përmes kësaj ekspozite, artisti ndërton një udhëtim emocional dhe artistik që rikthen kujtimet e vitit 1999, një periudhë e rëndë, e mbushur me dhimbje, humbje dhe përballje si për të si individ, njëlloj edhe për popullin e tij si kolektivitet.

Çdo vepër e paraqitur është më shumë se një kompozim estetik, është një dëshmi vizuale e plagëve të padukshme që bartin artisti dhe populli. Pikturat pasqyrojnë dhimbjen e artistit dhe të popullit të tij, duke shpalosur me ndjeshmëri dimensionet shpirtërore të një kohe të vështirë, e cila ka lënë gjurmë të thella në historinë tonë të afërt.

“Zeqa” më tepër se një ekspozitë arti, është një formë e kujtesës kolektive, një thirrje për të mos harruar dhe një dëshmi se si arti mbijeton edhe nëpërmjet vuajtjes, përcjellë KultPlus.

Nën udhëheqjen e kuratorit Avni Xh. Behluli, ekspozita “Zeqa” synon të vendosë publikun dhe artdashësit përballë dy periudhave jetësore thelbësore të artistit Zeqirja Rexhepi: periudha e jetës dhe krijimtarisë së tij në Kosovë, para vitit 1999, dhe periudha e mëvonshme, pas shpërnguljes së tij në Kanada.

“Të gjitha këto ndërtojnë jetën e tërë të artistit Zeqirja Rexhepi,” – shprehet kuratori Behluli, duke vënë theksin te forca e kujtesës dhe ndikimi i përvojave jetësore në krijimtarinë e tij.

Zeqirja Rexhepi, një artist me rrënjë shqiptare nga Gjilani, që jeton dhe vepron përtej oqeanit, përmes kësaj ekspozite synon të rikrijojë atmosferën shpirtërore të përjetimeve të tij më të thella, sidomos momentet dramatike të dëbimit nga forcat serbe në vitin 1999. Kjo ekspozitë është jo vetëm një rrëfim artistik, por edhe një akt kujtese që ngjall emocione dhe reflektim përmes fuqisë së pikturës.

“Është një reflektim mbi vuajtjet, mallin, shpresat dhe forcën që mban lidhjet e palëkundura me vendlindjen. Gjilani sot ndjehet më afër Kanadasë, falë artit që s’ka kufij. Falë një biri të këtij qyteti që, edhe pse larg në kilometra, kurrë nuk u largua në ndjenja dhe në përkushtim për kulturën shqiptare”, tha ndër të tjerë Morina Bunjaku, duke e falënderuar që me ngjyrat e shpirtit dhe fuqinë e kujtesës, ai rikthehet simbolikisht në vendlindje, duke ndihmuar në mbajtjen gjallë të identitetit dhe trashëgimisë sonë kulturore edhe jashtë kufijve./KultPlus.com

Në Qendrën për Hapje dhe Dialog në Kryeministri u çel ekspozita “Armiku i jashtëm” nga shkrimtari Bashkim Shehu. Tema që përcjellë ekspozita synon të shpërfaq mendësinë totalitare.

Ekspozita duke vënë theksin mbi totalitarizmin, nëpërmjet karikaturave të revistës politiko-humoristike Hosteni përgjatë viteve 1945-1990, paraqet përfytyrimet zyrtare të armikut të jashtëm, duke hedhur dritë mbi mënyrën se si është përfytyruar ky armik në diktaturë.

“Kjo ekspozitë fokusohet në 2 shtylla të totalitarizmit shqiptar, njëra është njeriu i ri dhe tjetra vetëizolimi total, i cili ishte në funksion të kontrollit total. Kjo ishte arsyeja e marrëzisë, e vetëizolimit të vendit”. shprehet Shehu.

Përmes artit të karikaturës, Shehu ofron një këndvështrim ndryshe mbi historinë e Shqipërisë, duke treguar se si një vend me shumë aleatë, gradualisht e ngushton rrethin e miqve të tij, derisa përfundon si një nga shtetet më të izoluara në botë, përcjellë KultPlus.

“Këta karikatura kanë për temë armikun e jashtëm, siç quhej në atë kohë. Në të vërtetë më shumë se regjimet në vendet e tjera, flasim për regjimin shqiptar të kohës”, shton ai.

Mekanizmat e propagandës së kohës rikthehen përmes kësaj kujtese vizuale dhe kulturore. Ekspozita “Armiku i Jashtëm” do të qëndrojë e hapur në COD deri më 23 gusht, ku vizitorët kanë mundësi të shohin karikaturat e paraqitura dhe të lexojnë si diçiturat origjinale të kohës, ashtu edhe komentet e vendosura nga vetë Bashkim Shehu./TopChannel/KultPlus.com

Reuters ka përzgjedhur disa nga shkrepjet më të pazakonta të javës që lamë pas, nga gjyqi i i Diddy tek temperaturat e larta që kanë skuqur Europën.

The post Fotot më të çuditshme të javës appeared first on Gazeta Si.

Mijëra tifozë futbolli janë drejtuar drejt stadiumit Anfield për t’i bërë homazhe sulmuesit të Liverpoolit, Diogo Jota, pas vdekjes së tij në një aksident me makinë në Spanjë.

Jota, 28 vjeç, ndërroi jetë kur një Lamborghini me të cilin udhëtonte me vëllain e tij më të vogël, Andre Silva, i shpërtheu goma, u përplas dhe u përfshi nga flakët në provincën Zamora.

Mijëra lule, fanella futbolli, shalle, tullumbace dhe flamuj janë vendosur jashtë stadiumit të Liverpoolit nga tifozët që kur u përhap lajmi për vdekjen e tij.

The post Lot dhe trishtim / Tifozët vajtojnë vdekjen e Diogo Jotës appeared first on Gazeta Si.

Nga Gazeta ‘Si’- Avokati Arianit Koçi dërgoi në oborrin e Kuvendit të Kosovës disa gomerë.

Ai shpjegoi se veprimi i tij vjen si simbolikë e kryeneçësisë së deputetëve para seancës së radhës për konstituimin e Kuvendit.

“Gomari është simbol i kryeneçësisë. Dua të tregoj që deputetët tanë janë kryeneçë në dëm të qytetarëve të Kosovës. Mos të na trajtojnë si gomerë sepse po ia kuptojmë lojën”, tha Arianit Koçi.

The post Kosovë/ Avokati dërgon në Kuvend 4 gomerë: Simbolizojnë kryeneçësinë e politikanëve (foto) appeared first on Gazeta Si.

I apasionuar pas biznesit, presidenti amerikan, Donald Trump ka hyrë edhe në botën e kozmetikës!

Me një aromë që premton fitore, fuqi dhe shkëlqim, presidenti amerikan prezantoi linjën e tij të re të parfumeve të hënën në mbrëmje nëpërmjet Truth Social: “Victory 45-47”. Sigurisht, numrat nuk janë të rastësishëm pasi i referohen mandateve të tij presidenciale.

“Parfumet Trump janë këtu. Ato quhen ‘Victory 45-47’ sepse simbolizojnë Fitoren, Fuqinë dhe Suksesin, për burrat dhe gratë”, shkruan ai.

“Merrni një shishe për veten tuaj dhe mos harroni të merrni një për të dashurit tuaj. Shijojeni, argëtohuni dhe vazhdoni të fitoni!”, përfundon presidenti në postim.

The post Trump futet edhe në botën e kozmetikës, hedh në treg parfumin e rij ‘Victory 45-47’ appeared first on Gazeta Si.

Në të gjithë Europën, temperaturat që parashikohet të shkojnë deri në 46 gradë po shkaktojnë jo pak probleme. Autoritetet po lëshojnë paralajmërime për nxehtësi ekstreme, probleme me shëndetin dhe zjarre.

The post ‘Përvëlohet’ Europa nga vala e të nxehtit appeared first on Gazeta Si.

Lejlekët e bardhë, të quajtur Ciconia ciconia kanë ndërtuar shtëpinë e tyre mbi Kupolën e Xhamisë, në Fshatin Perlepnicë, Komuna e Gjilanit.

Fotografitë marrë nga fotografi Arian Mavriqi.

The post Kupola e Xhamisë, ‘shtëpia’ e lejlekëve appeared first on Gazeta Si.

Nga Emine Saner – Përballë një realiteti të dhunshëm që ndeshet çdo ditë me pasigurinë, mërgimin dhe humbjen, një grup fëmijësh palestinezë në Egjipt kanë mësuar të shohin botën përmes lentes së një aparati fotografik.

Me ndihmën e organizatës Save the Children dhe fotografit britanik Misan Harriman, këta fëmijë  të shpërngulur nga Gaza kanë realizuar imazhe që nuk kanë nevojë për fjalë për të prekur zemrat e publikut.

Çdo fotografi është një dëshmi e jetës, kujtesës, shpirtit dhe qëndresës. Më poshtë, përmes syve të tyre dhe zërit të Harriman, rrëfehen disa nga këto imazhe.

Dashuria e parë. Portreti i nënës, nga Rawan

Në këtë imazh të ndritshëm dhe të përmbajtur, një vajzë i jep vetes të drejtën ta përjetësojë dashurinë për nënën e saj. Drita që përshkon portretin është thuajse shpirtërore. Harriman e përshkruan si një akt respekti: “Nënat palestineze, për mua, janë hyjni  dhe kjo foto është një nderim i heshtur për to.”

Macja e Shadit

Në një përqafim të qetë me batanijen, një mace është bërë simbol i ngushëllimit. “Më e dashura është ajo e maces sime, sepse ajo është gjëja më e çmuar që kam”, thotë Shadi. Një gjest i vogël i butësisë në një realitet shpesh të pamëshirshëm.

Kujtim gjeneratash. Portreti i gjyshit

Portreti i gjyshit të Shadit, i ulur në heshtje, me duar që mbajnë mbi vete breza historie. “Ky është një burrë që ndoshta ka qenë fëmijë gjatë Nakbës së 1948-s”, vëren Harriman, “dhe ende është këtu, përballë nipit të tij që mban aparatin.”

Shtëpia si strehë. Portreti i motrës, nga Ayman

Në sfondin e një dhome të ngrohtë, e ndriçuar nga drita natyrale, Layla shfaqet me një qeshje spontane. Në një tjetër foto, Ayman ka kapur gjithë familjen e tij në një çast të zakonshëm aq i rrallë për realitetin palestinez. “Ata janë ende bashkë, pavarësisht gjithçkaje,” thotë Harriman.

Loja e thjeshtësisë. Autoportreti i Aymanit

Në një moment gazmor, Ayman i bën “brirë” vetes me gishta, si çdo fëmijë 11-vjeçar kudo në botë. Fotoja mbart diçka universale dhe thellësisht çliruese: të drejtën për të qenë fëmijë.

Rreth meje, bota: Toleen

Toleen kap jetën urbane me një godinë shumëkatëshe të zbukuruar për Ramazan, e më pas shfaq vetveten në pasqyrë paksa e turpshme, por e ndritur nga drita e aparatit. “Tani e shoh jetën ndryshe, më bukur,” thotë ajo.

Shpirt i qetë: Taleen me Kuranin

Një imazh i heshtur , Taleen, duke lexuar Kuranin në një qoshe të dhomës, ndërsa drita e mëngjesit përthyhet mbi faqet e librit. Më pas, ajo shfaqet në një skulpturë hënore gjatë Ramazanit spiritualiteti si ndihmesë për të përballuar të pamundurën.

Paqe dhe krenari. Masa me kefijen

Në një portret të fuqishëm, Masa shfaqet me kefijen në kokë dhe dorën në shenjë paqeje. “Është një imazh që flet butë, por me forcë,” shprehet Harriman. Kefija bëhet flamur i heshtur i identitetit të saj.

Mësuesja, figura që ngre urat

Adam ka fotografuar mësuesen e tij në hapësirën e komunitetit palestinez në Kajro. Në sfond ndihen zërat e fëmijëve dhe besimi që përçon prania e një të rrituri që nuk i ka braktisur. “Është një portret që flet për përkatësinë në një tokë të huaj,” thotë Harriman.

Këto imazhe janë akte kujtese, dëshmi të jetës, dhe një pohim i thellë: “Ne jemi ende këtu. Shikojeni botën me sytë tanë.” Dhe mbase, më në fund, dëgjojeni.

Burimi: The Guardian

The post Me sytë e fëmijëve të Gazës appeared first on Gazeta Si.

The post Paradë, protestë dhe patriotizëm në zemër të Uashingtonit appeared first on Reporter.al.

Nga Gazeta Si – Izraeli nisi sulme të paprecedenta kundër Iranit të premten, duke synuar programin e tij bërthamor dhe udhëheqësit ushtarakë.

Operacioni, “Rising Lion”, synon të ndalojë atë që Izraeli e quajti përparim të shpejtë të Teheranit në zhvillimin e armëve bërthamore. Synimet e tij përfshinin impiantin kryesor të pasurimit të Iranit në Natanz dhe atë që kryeministri izraelit Benjamin Netanyahu e quajti “zemra e programit të raketave balistike të Iranit”.

Ai tha se operacioni do të vazhdojë “për aq ditë sa të duhen” për të eliminuar kërcënimin bërthamor të Iranit.

The post Në foto: Izraeli kundër Iranit appeared first on Gazeta Si.

   

The post Ngjyrat e krenarisë LGBT në Uashington appeared first on Reporter.al.

Disa orë para nisjes së ndeshjes Shqipëri-Serbi në “Arenën Kombëtare”, Tirana është “përmbytur” nga tifozët kuqezi, të cilët krahas festës me këngë e valle patriotike, kanë bërë edhe banderola ku një ndër to e kanë shpalosur te Piramida, duke thënë se “Hasmi i vjetër nuk bahet mik i ri”.

The post ‘Hasmi i vjetër nuk bahet mik i ri’ appeared first on Gazeta Si.

Për herë të parë, flamingot kanë nisur të folezojnë në territorin tonë.

Lajmin e jep Organizata “Protection and Preservation of Natural Environment in Albania”, ku shkruan se janë regjistruar plot 281 fole me vezë, të cilat pritet të çelin së shpejti.

“Ky lajm i mrekullueshëm nuk kishte nga të vinte tjetër, veçse nga laguna e Nartës, në të cilën flamingot kishin vite që tentonin të folezonin”, shkruhet në postimin e Organizatën, ku ndër të tjera thuhet se çelja e flamingove të vegjël në Nartë do të thotë se territori shqiptar nuk e ka këtë lloj vetëm si vizitor nga vendet e tjera, por kontribuon në qëndrueshmërinë e kësaj popullate në Shqipëri dhe Europë, në rast se sigurohet mbarëvajtja e folezimit çdo vit.

Flamingo është lloji më i ri që i shtohet listës së shpendëve folezues në Shqipëri.

The post Flamingot folezojnë për herë të parë në Shqipëri appeared first on Gazeta Si.

Vullkani Etna në Itali shpërtheu këtë të hënë me një re që e pasoi atë deri në një lartësi të paktën disa kilometra.

Sipas Institutit Kombëtar Italian të Gjeofizikës dhe Vullkanologjisë, kjo u shkaktua nga një rrjedhë piroklastike, ndoshta e prodhuar nga një shembje e materialit në krahun verior të kraterit Juglindor.

Nga pamjet e siguruara shihet se si turistët largohen me vrap, ndërsa nga ana tjetër filmojnë.

The post Shpërthen vullkani Etna në Itali appeared first on Gazeta Si.