Milani ka shprehur interesim për sulmuesin e Zvicrës dhe të Monacos, Breel Embolo, ka raportuar Sky Sport Italia.

Zërat për një transferim të mundshëm të Embolos në ‘San Siro’ kishin nisur që më herët këtë muaj, kur eksperti Fabrizio Romano zbuloi se sulmuesi i ishte propozuar klubit kuqezi. 

Tani duket se drejtuesit e Milanit janë të gatshëm të hetojnë më thellë mundësinë e transferimit dhe të shohin nëse mund të arrihet një marrëveshje konkrete. 

Çmimi i kartonit nuk pritet të jetë shumë i lartë, pasi kontrata aktuale e Embolos me Monacon skadon në qershor 2026, duke e bërë këtë një nga shanset e fundit për klubin francez për të përfituar financiarisht nga shitja. 

.@acmilan, interesse concreto per Embolohttps://t.co/eUjPftks5y

— Gianluca Di Marzio (@DiMarzio) July 14, 2025

Sulmuesi 28-vjeçar u transferua te Monaco nga Borussia Monchengladbach për 12.5 milionë euro në verën e vitit 2022, pas eksperiencave të mëparshme me Basel dhe Schalke 04. 

Me përfaqësuesen e Zvicrës, Embolo ka luajtur 77 ndeshje, duke shënuar 18 gola. 

Gjatë sezonit të kaluar, ai zhvilloi 42 paraqitje zyrtare me Monacon, duke kontribuar me shtatë gola dhe nëntë asistime. 

Profili i tij, një sulmues me fuqi fizike dhe shpejtësi, i përshtatet asaj që Milani kërkon për repartin ofensiv në këtë afat kalimtar./Telegrafi/

The post Sulmuesi i njohur zviceran po diskutohet si përforcim i mundshëm për Milanin appeared first on Telegrafi.

Konsiderohet një “fanellë e rëndë” në Evropë dhe këtë e vërtetuan këtë të martë, pavarësisht se kundërshtari nuk ishte i një niveli shumë të lartë.

“Djajtë” e Milan kanë lënë pas krahëve disfatat në dy javët e para të Champions League, duke mundur me rezultatin e thellë, 3-1 belgët e Club Brugge, për të regjistruar fitoren e parë në formatin e ri të kompaticionit më të rëndësishëm për klube në “Kontinentin e Vjetër”.

Pulisic në minutën e 34’-t dhe Tijjani Reijnders me një dopietë në minutat 61’ e 71’ ishin heronjtë absolut të “Kuqezinjve”, ndërsa Sabbe barazoi shifrat përkohësisht në minutën e 51’-të, por pa mundur të bëjë më shumë, teksa ndikim të madh pati edhe dalja me kartonin e kuq të Onyedika për belgët, duke i lënë këta ta fundit për afro 1 orë lojë me 10 lojtarë.

Fitore të madhe arriti edhe Monaco me “Princat” e Ligue 1, që mundën me shifrat e thellë, 5-1, skuadrën e Crvena Zvezda.

Embolo në fundin e pjesës së parë, Singo në të 54’-tën, Akliouche në të 96′-n dhe Minamino me një dopietë në minutat 20’ e 70’ i siguruan fitoren francezëve, ndërsa golin e nderit për kampionët serb e shënoi Ndiaye nga pika e bardhë e penalltisë. /i.m /abcnews.al