Në kulmin e pushimeve në gjyqësor, lëndët me interes më të madh për publikun janë lënë në pritje – nga 15 korriku deri më 15 gusht zgjasin pushimet e gjyqtarëve në mbarë vendin, megjithatë kjo nuk do të thotë se sallat e gjyqit janë të mbyllura apo se nuk punohet fare.

Nga Gjykata Penale kanë informuar për Alsat se edhe gjatë kësaj periudhe punohet në lëndët e paraburgimeve dhe se çdo ditë caktohen seanca në të cilat gjyqtari duhet të vendosë për paraburgim me kërkesë të prokurorit publik.

Një lëndë që gjatë këtyre pushimeve tërheq veçanërisht vëmendjen e opinionit, është gjykimi ndaj kriminelit Rade Trajkovski Shtekli dhe nëntë personave të tjerë të akuzuar për tregti të paligjshme me drogë. Procesi gjyqësor kundër Shteklit duhej të fillonte më 17 korrik, por seanca u shty menjëherë për shkak të hospitalizimit të të akuzuarit Trajkovski dhe pritet të vazhdojë nesër. Nga Gjykata Penale thonë se çështja është caktuar dhe duhet të mbahet nesër, megjithëse faqja e gjykatës ku ndodhet kalendari i seancave aktualisht nuk funksionon. Ndërkohë, publiku ende pret që Gjykata Penale të shqyrtojë aktakuzën për zjarrin në klubin e natës “Puls” në Koçan dhe të caktojë datën e gjykimit për një nga tragjeditë më të mëdha në historinë e re të vendit, në të cilën humbën jetën 62 persona.

Jozyrtarisht, aktakuza pritet të shqyrtohet në fillim të shtatorit, dhe pritet që më vonë të nisë edhe gjykimi. Njoftohet se gjykimi do të mbahet në sallën e re, më të madhe, në Idrizovë, por ende pritet konfirmim. Në këtë rast ka aktakuzë kundër 34 personave fizikë dhe 3 persona juridikë. Gjithsej 31 persona janë të akuzuar në rastin “Aditivët”, çështja për të cilën seancat e gjykimit tashmë kanë nisur të mbahen pikërisht në sallën në Idrizovë, por pavarësisht se çështja ka hyrë në procedurën e provave, pjesa më interesante për publikun pritet të vazhdojë në shtator, kur gjyqtarja Daniela Dimovska ka paralajmëruar që gjykimet do të vazhdojnë me një ritëm më intensiv.

Në këtë çështje, dëmi nga prokurimi i aditivëve të dyshimtë për TEC manastir dhe TEC Negotinë vlerësohet rreth 6.5 milionë euro, ndërsa i pari i akuzuar, ish-drejtori i EMV-së, Vasko Kovaçevski, vazhdon të jetë në arrati. Më 5 shtator do të fillojë gjykimi për “Onkologjinë”, ku të parë në listën e të akuzuarve janë ish-drejtuesit e klinikës, si dhe katër mjekë të cilët ngarkohen për trajtim të pakujdesshëm mjekësor. Ishte një rast tjetër i madh që tronditi opinionin publik, pasi mediat publikuan informacione për keqpërdorime me barnat e shtrenjta për personat me kancer në klinikën e onkologjisë.

Përveç kësaj, më 22 shtator pritet të vazhdojë seanca e përsëritur për rastin e njohur në publik si “Besa Trans”, që lidhet me aksidentin rrugor që ndodhi në Bullgari para 4 vjetësh dhe ku humbën jetën 45 persona. Në këtë rast i pari i akuzuar është pronari i kompanisë, Bekim Haxhiu, i cili akuzohet se ka transportuar persona me licencë false për transport ndërkombëtar./Alsat/

The post Lëndët në interes të publikut lihen në pritje appeared first on Telegrafi.

Prokurori Publik i Prokurorisë Themelore Publike të Gjevgjelisë lëshoi një Urdhër për të zhvilluar një procedurë hetimore kundër një personi të dyshuar për kryerjen e një vepre penale “Prodhim dhe shpërndarje e paautorizuar e drogave narkotike, substancave psikotrope dhe prekursorëve”. Njëkohësisht, ai dyshohet edhe për veprën “Sekuestrim ose shkatërrim të një vule zyrtare ose dokumenti”.

“I dyshuari, në shtëpinë e tij në Gjevgjeli, mbante në mënyrë të paautorizuar 26.42 gramë drogë narkotike kokainë me qëllim shitjeje. Drogat dhe disa sende të tjera me gjurmë kokaine u gjetën më 1 gusht, gjatë një kontrolli të xhaketës së tij të varur në korridorin e shtëpisë familjare.

Gjatë kontrollit, policia ia dorëzoi të dyshuarit dhe e lexuan urdhrin e kontrollit të lëshuar nga gjykatësi i procedurës paraprake në Gjykatën Themelore të Gjevgjelisë. Ai e mori urdhrin, i cili ishte pranuar në Ministrinë e Brendshme dhe kishte vulën zyrtare të Ministrisë së Brendshme, dhe e grisi atë para personave zyrtarë, duke dëmtuar kështu një dokument që i përkiste një organi shtetëror, përkatësisht një urdhër të lëshuar nga Gjykata Themelore e Gjevgjelisë dhe të pranuar nga Ministria e Brendshme dhe Drejtoria e Përgjithshme e Punëve të Brendshme të Gjevgjelisë.

Meqenëse ekzistojnë baza ligjore, prokurori publik kompetent i paraqiti një propozim gjykatësit të procedurës paraprake për caktimin e masës së paraburgimit për të dyshuarin”, thuhet në njoftim./Telegrafi/

The post Prokuroria hap hetim ndaj një të dyshuari për trafik të lëndëve narkotike në Gjevgjeli appeared first on Telegrafi.

Është e qartë se Hristijan Mickoski dëshiron një prokuror nën kontrollin e tij, thuhet në reagimin e LSDM-së.

Nga LSDM thonë se Mickoski nuk dëshiron drejtësi, por një ndjekje penale të kontrolluar, me urdhër të partisë së OBRM-PDUKM-së.

“Së pari, ai njoftoi shkarkimin e Prokurorit Publik pa arsye specifike. Pastaj, kur shpërtheu tragjedia në Koçan, ai pretendoi në mënyrë hipokrite se do ta linte hetimin të vazhdonte, se ishte i kënaqur me trajtimin.

Kjo zgjati – derisa u përfshinë shefat e afërt me ministrin e tij Toshkovski. Kur LSDM njoftoi të vërtetën, kur Prokuroria Publike, nën presion, i përfshiu ata në hetim, Mickoski papritmas hesht. Ishte e qartë, e vërteta e shqetëson, e shqetësojnë institucionet që nuk i përulen. Që atëherë, filloi plani i tij për hakmarrje.

Mickoski dëshiron një ndërhyrje në sistemin gjyqësor.

Në të gjitha këto, Levica turpshëm e vuri veten në shërbim të OBRM-PDUKM-së. Partia që supozohet se mbron drejtësinë po ndihmon në instalimin e një prokurori partiak.

Bëhet e qartë pse nuk u miratua një Ligj i reformuar për Prokurorinë Publike dhe nuk u përfshinë vërejtjet thelbësore, por përkundrazi mbeti me dispozita problematike – qëllimi është të emërohet një prokuror vetëm me vullnetin e Mickoskit. Ky është një hyrje në partizimin e plotë të gjyqësorit, në kthimin e “fletores” dhe drejtësisë selektive”, thonë nga LSDM.

Nga atje thonë se LSDM kundërshton fuqimisht përpjekjet për pushtimin partiak të prokurorisë./Telegrafi/

The post LSDM: Mickoski dëshiron një prokuror nën kontrollin e tij appeared first on Telegrafi.

Qeveria nuk e pranoi listën e propozuar prej tre kandidatësh për gjyqtar në Gjykatën Evropiane të të Drejtave të Njeriut (GJEDNJ) – prokuroren Lence Ristoska, gjyqtaren e Gjykatës së Apelit Gabriela Gajdova dhe avokatin Jordan Apostolski, me arsyetimin se nuk i plotësonin kushtet e përcaktuara.

Pasi nuk i pranoi kandidatët, Qeveria formoi një komision të ri me anëtarë të rinj të cilët do të zgjedhin kandidatë të rinj për gjyqtar.

“Qeveria, në përputhje me procedurat ligjore, ka mundësinë të bëjë një ndryshim në Komisionin për përzgjedhjen e kandidatëve për gjyqtarë në GJEDNJ në Maqedoni, dhe komisioni i sapozgjedhur do të përcaktojë rrjedhën e mëtejshme të procedurës. Gjithashtu ju informojmë se arsyet pse Qeveria zgjodhi një komision të ri janë sepse kandidatët e propozuar më parë për gjyqtarë në GJEDNJ nuk i plotësonin kushtet e përcaktuara”, thanë nga Qeveria për Sloboden Peçat.

Vendimi i Qeverisë me anëtarët e rinj të Komisionit u publikua në Gazetën Zyrtare më 25 korrik dhe tani në vend të nëntë, ai ka pesë anëtarë./Telegrafi/

The post Qeveria anuloi listën e propozuar të kandidatëve për gjyqtar në Strasburg, pretendohet se Ristoska, Gajdova dhe Apostolski nuk i plotësojnë kushtet appeared first on Telegrafi.

Në hollin e zhurmshëm të aeroportit të Rinasit, mesditën e 13 korrikut, Maricel* qesh dhe qan njëkohësisht. “Jemi të lira, jemi të lira,” përsërit ajo me një gëzim të papërmbajtur. Vetëm pak çaste më parë, situata dukej e pashpresë. Maricel, një punëtore 40- vjeçare nga Filipinet ishte në prag të dëbimit të detyruar dhe të […]

The post Shqipëria hap dyert e ‘skllavërisë moderne’ për punëtorët e huaj appeared first on Reporter.al.

Sipas banorëve, vendimi për pushimin e hetimeve është absurd, pasi koncesioni ka probleme të shumta ligjore që duhej të ishin hetuar. “Kemi pritur 6 vite dhe asnjë hetim nuk është bërë. Madje Prokuroria ka zhdukur edhe shumë dokumente që ne, si komunitet, i kemi vënë në dispozicion,” tha Tonin Beqiri, banor i Kaçinarit. Ai shtoi […]

The post Banorët e Kaçinarit protestojnë para Prokurorisë: “Kallëzimi ndaj HEC-eve nuk u hetua” appeared first on Reporter.al.

Prokurori publik në detyrë inspektoi vendin e ngjarjes në Batincë ku vra një pjesëtar i Ushtrisë së Maqedonisë së Veriut.

Zyra e prokurorit njoftoi se janë lëshuar urdhra dhe udhëzime për mbledhjen e provave.

“Autori është identifikuar, por është në arrati dhe është në kërkim”, theksojnë nga Prokuroria.

Më herët sot, u njoftua se sot, rreth orës 10:55 të mëngjesit, një burrë 49-vjeçar u soll në Spitalin e Qytetit me dy plagë në gjoks, pa shenja jete, pas një shkëmbimi zjarri në Batincë të Shkupit.

Nga URMV konfirmuan se personi me iniciale A. M., i cili u vra në Batincë të Shkupit ishte pjesëtar i ushtrisë./Telegrafi/

The post Prokuroria për vrasjen në Batincë: Autori është identifikuar, por është në arrati appeared first on Telegrafi.

Procesi gjyqësor kundër katër mjekëve onkologë, në mesin e të cilëve edhe ish-drejtori i Klinikës së Onkologjisë, Nino Vasev për mjekim të pandërgjegjshëm të pacientëve, në lëndën “Onkologjia”, u shty për më 5 shtator për shkak të mungesës së të akuzuarës së dytë, Meri Peshevska.

Në Gjykatën Themelore Penale Shkup sot në bankën e të akuzuarve u ul i akuzuari i parë Nikolla Vasev dhe dy të akuzuar të tjerë onkologë Simonida Cërvenkovska dhe Dragan Jakimovski, përderisa për Peshevskën avokati i saj, Jovica Strashevski në Gjykatë dorëzoi dokumentacion mjekësor nga 10 korriku dhe kërkesë për shtyrjen e seancës së sotme.

Mbrojtja, para fillimit të seancës së sotme, dorëzoi plotësim të dëshmive me të cilat kontestohen ekspertizat në Prokurori.

Avokati i Nino Vasevit, në Gjykatë ka dorëzuar dëshmi plotësuese, me të cilën, siç theksoi, dëshmohet se personi Maja Radnik, nuk ka status të ekspertit gjyqësor në Slloveni.

“Vlerësoj se dëshmitë e siguruara nga Prokuroria të cilat kanë të bëjnë me ekspertizën nga Sllovenia duhet të ndahen dhe të mos vlerësohen në procedurë”, reagoi avokati.

Prokurorja publike Ana Gogovska Jakimovska, për këtë theksoi se Aktakuza e kaloi procedurën për vlerësim dhe është e paqartë pse kjo nuk ishte theksuar në atë pjesë.

“Në këtë rast konkret, Serbisë dhe Sllovenisë i është dërguar një letër kërkese, e cila siguron ligjshmërinë e dëshmive. Nuk kontestohet përmbajtja e raporteve të ekspertëve, por procedura. Unë besoj se pretendime të tilla nga mbrojtja janë të pakuptimta, pasi ato kanë kaluar nëpër fazën e vlerësimit të aktakuzës”, deklaroi prokurorja Gogovska Jakimovska.

Gjykatësja Snezhana Markovska, e cila e udhëheq lëndën, pranoi kërkesën për shtyrjen e seancës së sotme për shkak të mungesës së të akuzuarit të dytë, dhe me qëllim, siç deklaroi edhe Gjykata të njihet me kërkesat e mbrojtjes për të hedhur poshtë disa nga dëshmitë e siguruara nga Prokuroria.

Sipas aktakuzës I akuzuari i parë, Vasev si drejtor i Klinikës, në bashkëveprim me mjek tjetër të repartit të njëjtë, akuzohet se ka kryer “vepra të rënda të vazhdueshme kundër shëndetit të njerëzve dhe mjekim të pandërgjegjshëm të të sëmurëve”.

Në aktakuzë thuhet se ekspertiza mjekësore ka përcaktuar se te 29 pacientë, i akuzuari i parë ka zbatuar një metodë trajtimi padyshim të papërshtatshme dhe, në kundërshtim me udhëzimet aktuale onkologjike, me devijime në dozë dhe në fazën e trajtimit, ka dhënë ilaçe nga gjenerata të reja të barnave të synuara dhe imunoterapike, duke dëmtuar rëndë shëndetin e pacientëve. Në disa raste, kjo është bërë e mundur nga e akuzuara e dytë, e cila i ka vënë në dispozicion atij faksimilen e saj me të cilin ai miratoi dhe përshkroi terapinë dhe emrin e përdoruesit dhe fjalëkalimin e saj me të cilët ai rinovoi terapinë në sistemin HIS të Institucionit Publik Shëndetësor Klinika Universitare për Onkologji dhe Radioterapi.

Dy mjekët e tjerë akuzohen për veprën themelore penale “mjekim pandërgjegjshëm i të sëmurëve”, e kryer si vepër e vazhdueshme penale.

Në bazë të historive mjekësore të këtyre dy mjekëve të akuzuar, është përcaktuar se ata kanë përshkruar terapi me ilaçe të gjeneratës së re të synuara dhe imunoterapie gjatë fazës së trajtimit, kur ishte shumë e qartë se pacientët nuk do të përfitonin fare nga një ilaç i tillë për shkak të gjendjes së tyre të dobët shëndetësore dhe mungesës së kohës për zhvillimin e mekanizmit të veprimit, pa specifikuar peshën dhe gjatësinë trupore të pacientëve, me devijime në dozë, të cilat e përkeqësuan më tej gjendjen e tyre.

Në rastin “Onkologjia”, prokuroria ngriti një aktakuzë tjetër, e cila është ende në shqyrtim nga Gjykata Penale, dhe ka të bëjë me punën ekonomike të Klinikës, në të cilën ish-drejtori Vasev është gjithashtu i akuzuari i parë, së bashku me ish-drejtorin ekonomik të Klinikës. Dy drejtorët akuzohen për keqpërdorim detyre, mashtrim dhe përvetësim në periudhën nga viti 2018 deri në vitin 2022, gjatë së cilës i kanë shkaktuar dëm buxhetit të shtetit prej mbi 2,2 miliardë denarësh përmes procedurave të paligjshme për furnizimin e ilaçeve. Vasev dhe Nuhi u dënuan me 30 ditë paraburgim për këtë rast më 20 qershor të këtij viti.

Në aktakuzë qëndron se ata, në kundërshtim me ligjet dhe pa dokumentacion të vlefshëm, mundësuan pagesa nga Fondi i Sigurimit Shëndetësor, me çka furnizuesit përfituan mbi 430 milionë denarë. Gjithashtu, drejtori mjekësor në mënyrë fiktive ka paguar ilaçe dhe ka përvetësuar një pjesë të tyre, me çka personalisht ka përfituar materialisht të paktën 13 milionë denarë.

Hetimin PTHP Shkup e përfundoi më 22 maj të këtij viti dhe në Penale parashtroi dy akuza për lëndën “Onkologjia”.

The post Rasti “Onkologjia”, gjykimi do të vazhdojë më 5 shtator appeared first on Telegrafi.

Gjykatësja Daniella Dimovska është zgjedhur u.d kryetare e re e Gjykatës Themelore Penale Shkup. Vendimi u mor në seancën e sotme të Këshillit Gjyqësor.

Përveç saj për ushtrues detyre kryetarë deri në zgjedhjen përfundimtare janë zgjedhur Eljesa Aliji për Gjykatën Themelore të Gostivarit, për Gjykatën Themelore të Dibrës, Mersim Marku dhe për Gjykatën Themelore të Sveti Nikollës, Valentina Burevska të cilët do të fillojnë detyrat e tyre më 6 korrik të këtij viti.

Në diskutimin për zgjedhjen e kryetarëve të përkohshëm të Gjykatës Themelore Penale Shkup, pas largimit të Ivan Xholevit në Gjykatën e Apelit, Këshilli Gjyqësor shqyrtoi raportin e koordinatores Danka Ristova. Ajo në arsyetimin e saj tha se procedura për zgjedhjen është e kontestueshme për shkak të mënyrës së vlerësimit dhe se nuk janë plotësisht të harmonizuara dispozitat për emërimin e u.d kryetarëve. Propozimi i saj për ud. kryetare të Gjykatës Themelore Penale Shkup nga koordinatorja Ristova ishte Daniella Dimovska e cila u mbështet me shumicën e votave.

Këshilli gjyqësor në seancën e sotme shkarkoi gjyqtarët porotë në gjykatën e Sveti Nikollës, Gjykatën Themelore Penale Shkup dhe Gjykatën Themelore Civile Shkup të cilëve u skadoi mandati.

Këshilli miratoi edhe vendimin për formimin e komisioneve për shqyrtimin dhe vlerësimin e aplikacioneve për zgjedhjen e kryetarëve të gjykatave në Dibër, Gostivar dhe Sveti Nikollë, të cilët do të drejtojnë procedurën e mëtejshme.

Pas propozimit të anëtarit të Këshillit, Selim Ademi dhe koordinatorit kompetent, Këshilli gjyqësor solli vendim me të cilën në afat prej një viti delegohet gjyqtari Dragan Jakovleski nga Gjykata Themelore e Manastirit në Gjykatën Themelore të Prilepit.

The post Gjykatësja Daniella Dimovska, u.d. kryetare e re e Gjykatës Penale në Shkup appeared first on Telegrafi.

Lënda në lidhje me zjarrin në diskotekën “Puls”, e formuar nga Prokuroria Themelore Publike – Koçan, sot u transferua nga Gjykata Themelore Koçan në Gjykatën Themelore Penale Shkup, në përputhje me vendimin e Gjykatës Supreme të RMV-së, me të cilin përcaktohet se gjykata e Shkupit është kompetent për të vlerësuar aktakuzën.

Siç kumtuan nga Gjykata Themelore Penale e Shkupit, Gjykata Themelore Penale e Shkupit është përcaktuar si kompetente për procedurën, dhe në këtë drejtim, aktakuza e paraqitur, në përputhje me sistemin AKMIS, do t’i shpërndahet një këshilli për vlerësimin e aktakuzës, i cili më pas do t’ua dorëzojë aktakuzën të akuzuarve, pas së cilës fillon të ecë afati ligjor për ankesë të të njëjtës.

“Pas përmbushjes së kushteve të parapara për veprim, këshilli do të caktojë një seancë për të vlerësuar rezultatin, palët dhe opinioni do të njoftohen me kohë”, qëndron në kumtesën nga Gjykata Penale.

Nga atje kujtojnë se Gjykata Supreme e Republikës së Maqedonisë së Veriut, duke vepruar sipas propozimit të Gjykatës së Apelit në Shtip, ka vendosur që Gjykata Themelore Penale në Shkup të jetë kompetente për të vepruar për lëndën konkrete, për shkak të numrit të pamjaftueshëm të gjyqtarëve penalë në gjykatat në Shtip dhe Strumicë. Vendimi është marrë në bazë të një analize të kapaciteteve njerëzore dhe teknike, si dhe kompleksitetit dhe interesit publik të lëndës dhe në të theksohet nevoja për gjyqtarë me përvojë të cilët do të sigurojnë procedura efikase, profesionale dhe ligjore.

Sipas aktakuzës, 34 individë dhe tre persona juridikë të akuzuar për zjarrin në diskotekën “Puls” akuzohen për krime të rënda kundër sigurisë publike.

Midis të akuzuarve janë pronarë të lokalëve, menaxherë, inspektorë, kryetarë komunash, anëtarë të sigurimit dhe nëpunës civilë.

Për shkak të mungesës së provave të mjaftueshme, procedura ndërpritet për 11 persona, përfshirë dy ish-ministra.

Në zjarrin që ndodhi më 16 mars të këtij viti, humbën jetën 62 persona, përfshirë gjashtë fëmijë, ndërsa mbi 200 janë lënduar.

The post Lënda për zjarrin në diskotekën “Pulse” do të kalojë nën kompetenca të Gjykatës Penale të Shkupit appeared first on Telegrafi.

“Gjykata Kushtetuese, në përputhje me Kushtetutën dhe Aktin e gjykatës është kompetente që ta vlerësojë kushtetutshmërinë e ligjeve, ndërsa jo të propozim-ligjeve. Si rrjedhojë e kësaj, Gjykata Kushtetuese, nga aspekti i kontrollit abstrakt, është kompetente për të vlerësuar kushtetutshmërinë dhe ligjshmërinë e së drejtës pozitive, gjegjësisht rregulloret e përgjithshme dhe aktet e përgjithshme që janë pjesë e rendit juridik dhe kushtetutshmërinë dhe ligjshmërinë e tyre”.

Këtë e thekson në letrën me shkrim kryetari i Gjykatës Kushtetuese, Darko Kostadinovski dërguar si përgjigje e kërkesës së kandidateve të pavarur nga dhjetëra komuna që Gjykata të reagojë ndaj Propozim-ligjit të ri për ndryshimet në Kodin zgjedhor.

“Është e pakontestueshme se në përputhje me nenin 13 dhe 91 nga Akti i gjykatës, Gjykata Kushtetuese ndjek realizimin e kushtetutshmërisë, ligjshmërinë dhe lirinë e të drejtave të njeriut dhe qytetarit të përcaktuara me Kushtetutë dhe mund të miratojë raport të posaçëm në të cilin do të tregojë nevojën për të marrë masa për realizimin dhe mbrojtjen e tyre dhe do t’ia paraqesë atë organit kompetent, gjegjësisht në bazë të të dhënave dhe njoftimeve të marra më parë, Gjykata Kushtetuese mund të nxjerrë vendim të posaçëm me të cilin do të vërtetoj se vendimi i saj nuk është zbatuar dhe njofton prokurorinë publike kompetente, si dhe organin që emëroi ose zgjodhi udhëheqësin e organit ose trupit të cilin nuk arriti të zbatojë vendimin e Gjykatës”.

“Por, në lidhje me kërkesën tuaj për miratimin e raportit të posaçëm për Propozim-ligjin për ndryshimet dhe plotësimet në Kodin zgjedhor, me procedurë të shkurtër, ju informoj se Gjykata Kushtetuese, raporti nga aspekti i Nenit 13 nga Akti i gjykatës, mund të miratojë raport ekskluzivisht për një ligj i cili është pjesë e urdhrit parësor”, theksohet në letrën me shkrim të Kostadinovit, informojnë nga Gjykata Kushtetuese.

Letra, siç informojnë nga Kushtetuesja është dërguar deri te këshilltarët e pavarur për Karposhin – Për mbrojtjen e Karposhit në komunën e Karposhit; Këshilltarët e Pavarur nga Qyteti i gjelbër human në Qytetin e Shkupit; Këshilltarë të pavarur nga “Shansa” për Qendër në komunën Qendër; Këshilltarë të pavarur nga “Më ndryshe” në Komunën e Manastirit; Ish këshilltarët e pavarur nga Më mirë për Tetovën në Komunën e Tetovës, Iniciativa Qytetare Të Gjelbrit nga Gazi Baba etj.

The post Ndryshimi i Kodit Zgjedhor, Kostadinovski: Gjykata Kushtetuese nuk mund të vlerësojë propozim-ligjet appeared first on Telegrafi.

Katër të dënuarit me burgim të përjetshëm, Ljupço Palevski Palço, Velibor Manev, Bore Videvski, Vlatko Keshishev, mbeten në paraburgim deri në vendimin përfundimtar, ndërsa babai, Aleksandar Gjorçevski, është liruar.

Lexo po ashtu Burgim të përjetshëm për Ljupço Palevski-Palço dhe tre persona tjerë për vrasjen e Vanjës dhe Panços

Më parë, prokurorja Zhaklina Josifovska kërkoi që arresti shtëpiak i babait të zgjatej pavarësisht lirimit nga akuzat, por kolegia e saj Ana Stojanoviq e korrigjoi dhe kërkoi që ai të lihet i lirë, sepse nuk kanë kompetencë ligjore për të kërkuar zgjatjen e paraburgimit.

Prokuroria i akuzoi ata për planifikim të përbashkët të rrëmbimit të Pançe Zhezhovskit nga Velesi me qëllim rrëmbimin e të miturës Vanja Gjorçevska në makinën e tij dhe kërkimin e parave si shpërblim nga një anëtar i familjes së saj.

Vanja e mitur dhe Panço, nga Velesi, u raportuan të zhdukur më 27 dhe 24 nëntor, ndërsa më 3 dhjetor 2023 u gjetën të vdekur pranë qyteteve të Shkupit dhe Velesit./Telegrafi/

The post Vrasja e Vanjës dhe Panços, katër të dënuarit me burgim të përjetshëm mbeten në paraburgim deri në plotfuqishmërinë e aktgjykimit appeared first on Telegrafi.

Gjykimi për vrasjen e Vanja Gjorçevskës dhe Pançe Zhezhovskit vazhdon sot në Gjykatën themelore penale Shkup me fjalë përmbyllëse të të akuzuarve dhe mbrojtjes së Ljupço Palevskit pasi që në seancën e kaluar mbrojtja e Velibor Manevit, Bore Videvskit, Vllatko Keshishovit dhe Aleksandar Gjorçevskit kërkuan aktvendim lirues. Prokuroria themelore publike paraprakisht kërkoi dënim maksimal me burg të përjetshëm për Palevskin, Keshishovin, Videvskin dhe Manevin, përderisa për babain e Vanjës kërkoi gjykata t’ia caktojë dënimin adekuat me burg.

Në fjalën përmbyllëse, mbrojtësi i Aleksandar Gjorçevskit, avokati Vlladimir Tufegxhiq, vlerësoi se aktakuza kundër Gjorçevskit në tërësi është e pabazë, e paargumentuar, paushalle dhe e bazuar në supozime të cilat nuk mbështeten në dëshmitë e prokurorisë. Ai theksoi se mbrojtja dëshmoi se mu i akuzuari në mënyrë të pabazë Aleksandar, si babai i Vanjës, është viktimë në këtë procedurë së bashku me nënën Zorica dhe familjen e tij dhe dëshmoi se ai nl periudhën kritike ka vepruar në mënyrën në të cilën do të vepronte secili prind në situatën kur kërkohet fëmija i tij i zhdukur.

Mbrojtësi i të akuzuarit Velibor manev, avokati Goran Boshevski, kërkoi aktvendim lirues për klientin e tij lidhur me veprën penale vrasje, ndërsa ndëshkues për veprën penale rrëmbim. Sipas avokatit, nuk ka ekzistuar marrëveshje për vrasje dhe që këtej nuk ka paramendim për kryerje të llojit të tillë të veprave penale.

Aktvendim lirues kërkoi edhe avokati Bojan Manev, mbrojtës i të akuzuarit Bore Videvski, duke cekur se prokuroria nuk e ka dëshmuar fajin e klientit të tij. Sipas tij, drejtimi në të cilin është zhvilluar hetimi për këto ngjarje penale juridike është tërësisht i gabuar, ndërsa të gjitha pranimet e fajit kanë qenë të detyruara.

Mbrojtësi i të akuzuarit Vllatko Keshishov, avokati Igor Efremov, gjithashtu, kërkoi aktvendim lirues për klientin e tij me arsyetimin se ai jo vetëm që nuk ka marrë pjesë, por as nuk ka ditur, as nuk ka pasur për qëllim që kjo të ndodhë. Faj të mundshëm, siç theksoi, mund të bartë vetëm për rrëmbimin e Vanjës.

Në seancën e kaluar Porkuroria themelore publike në fjalët përmbyllëse kërkoi dënim maksimal me burgim të përjetshëm për katër të akuzuarit Ljupço Palevski, Vllatko keshishov, Bore Videvski dhe Velibor Manev, përderisa për babain e Vanjës, të akuzuarin Aleksandar Gjorçevski gjykata t’i caktojë dënim adekuat me burg. Prokuroria publike kërkoi burgim të përjetshëm për të gjithë katër të akuzuarit, sepse, sipas tyre, nuk ka rrethana lehtësuese, ndërsa veprimet e tyre plotësisht e traumatizojnë opinionin. Siç cekën, Aleksandar Gjorçevski, babai i Vanjës, nuk ka dashur ta dëmtojë, por ka marrë pjesë në rrëmbim, Velibor Manev pranoi pjesëmarrje në të dy vrasjet, Bore Videvski fillimisht pranoi fajin, por më vonë mohoi, Vllatko keshishov tentoi të shfaqet si i dëgjueshëm, por dëshmitë tregojnë rol aktiv, ndërsa Ljupço Palevski konsiderohet organizuesi i cili ka krijuar alibi dhe ka shkatërruar fakte.

Pas fjalëve përmbyllëse të Prokurorisë themelore publike, përfaqësuesit ligjorë të familjeve të dëmtuara para gjykatës deklaruan se në tërësi e pranojnë kërkesën e Prokurorisë, i bashkangjiten ndjekjes penale dhe kërkojnë dëmshpërblim juridiko-pronësor.

Fjalë përmbyllëse sot duhet të japin të akuzuarit Velibor Manev, Bore VIdevski, Vllatko Keshishov dhe Aleksandar GJorçevski, ndërkaq më pas edhe mbrojtja e Ljupço Palevskit.

Në aktakuzë qëndron se Lupço Palevski, Bore Videvski, Velibor Manev, Vllatko Keshishov dhe Aleksandar Gjorçevski, së bashku planifikuan rrëmbimin e 14-vjeçares Vanja me qëllim që të detyronin një anëtar të familjes së saj të ngushtë të jepte para për shpërblim. Rrëmbimi i të dëmtuarit, Pançe Zhezhovski në Veles, sipas aktakuzës ishte me qëllim që ta detyronin atë t’ua jepte automjetin e tij “Citroen” në mënyrë që ta përdornin atë për të rrëmbyer fëmijën në Shkup.

Të akuzuarit në fillim të gjykimit deklaruan se nuk ndjehen fajtorë, ndërsa i akuzuari i parë Palevski gjatë gjithë procesit pohoi se ky është është një proces i montuar politikisht.

Vanja e mitur dhe Pançe, banor i Velesit u raportuan të zhdukur më 27 dhe 24 nëntor, ndërsa më 3 dhjetor të vitit 2023 u gjetën të vdekur pranë Shkupit dhe Velesit.

The post Gjykimi për vrasjen e Vanja Gjorçevskës dhe Pançe Zhezhovskit sot vazhdon me fjalët përmbyllëse të të akuzuarve dhe mbrojtjes së Palevskit appeared first on Telegrafi.

Avokati Goran Boshevski, avokat mbrojtës i të akuzuarit Velibor Manev, në fjalën e tij përfundimtare për vrasjen e Vanja Gjorçevskës dhe Pançe Zhezhovskit kërkoi sot lirimin nga akuzat për klientin e tij në lidhje me krimin e vrasjes dhe dënimin për krimin e rrëmbimit.

Sipas avokatit, nuk kishte marrëveshje për vrasjet dhe për këtë arsye nuk kishte qëllim për të kryer krime të tilla.

“Nuk ka marrëveshje paraprake me të akuzuarit e tjerë për të kryer krimin e vrasjes, nuk ka qëllim për të kryer krime të tilla, dhe veprimet e inkriminuara që ai ka ndërmarrë në veprat penale të rrëmbimit nuk kanë elementë që përfaqësojnë një kontribut të veçantë në kryerjen e veprave penale të vrasjes. Në veprimet e tij nuk ka elementë të thelbit ligjor të veprës penale të vrasjes dhe nuk ka shkakësi midis veprimeve të ndërmarra, prandaj propozoj që gjykata të japë një vendim lirimi në lidhje me këto vepra penale”, theksoi ai.

Lidhur me kualifikimin ligjor, avokati theksoi se për të vërtetuar bashkëpunimin, duhet të ketë, siç tha ai, një marrëveshje me personat e tjerë për të kryer krimin.

Ai theksoi se, në rast të një marrëveshjeje, të gjithë janë përgjegjës për të njëjtat veprime, por nëse ajo mungon, të gjithë duhet të jenë përgjegjës për veprimet e veta./Telegrafi/

The post Boshevski: Manev nuk mori pjesë në vrasjen e Vanjës dhe Pançes, ai është fajtor vetëm për rrëmbim appeared first on Telegrafi.

Pas dy vitesh në listën e zezë të Departamentit Amerikan të Shtetit, Ramiz Merko pritet t’i dëgjojë vendimet e para këtë muaj për disa nga nëntë akuzat me të cilat përballet. Merko do të jetë përsëri në Gjykatë javën e ardhshme për blerjen e veturës luksoze Audi A6 në vlerë prej 67,000 euro dhe tre veturave të tjera me vlerë prej 114,000 euro në kohë kur Komuna e Strugës kishte llogari bankare të bllokuar dhe më pas edhe për emërimin e paligjshëm të drejtorëve në disa shkolla fillore.

“Jemi në atë fazë të procedurës kur tashmë e kemi përfunduar listën e provave. Tashmë mbrojtja e të akuzuarve, e cila gjithmonë vjen në fund, ka ardhur në atë stad të procedurës kur do ta dëgjojmë edhe personalisht mbrojtjen e tyre”, tha Jordan Jovanov – gjykatës.

Për rastin e blerjes së veturës Audi A6, përbërja e mëparshme e Antikorrupsionit hapi lëndë, ndërsa Prokuroria për Ndjekjen e Krimit të Organizuar dhe Korrupsionit ngriti aktakuzë pesë vite më vonë. Megjithatë, ish-anëtarja e Komisionit kundër korrupsion nuk është e sigurt se kur do të ketë aktgjykim.

“Është e vështirë të komentohet përfundimi i tërë kësaj procedure gjyqësore, aq më tepër që ne si Komision Shtetëror për Parandalimin e Korrupsionit kemi dorëzuar lëndë për kryetarin e komunës së Strugës, Merkon, që në vitin 2019, e ende nuk ka epilog. Nëse nisemi nga kjo logjikë, nuk e di vërtet se kur do të mund të presim përfundim në Gjykatë”, tha Biljana Ivanovska – ish-kryetare e Komisionit Shtetëror për Parandalimin e Korrupsionit.

“Është për t’u pritur që të ketë të paktën një aktgjykim të shkallës së parë për një pjesë të këtyre lëndëve, sepse disa prej tyre nuk janë raste të reja që sapo kanë filluar, e as që bëhet fjalë për raste komplekse. Kështu që për disa mund të pritet, megjithatë nuk besoj se do të ketë vendim të plotfuqishëm deri në fund të këtij viti”, u shpreh Darko Avramovski – Koalicioni “Të gjithë për gjykim të drejtë”.

Për më pak se 5 muaj, përfundon mandati i katërt i Merkos si kryetar i Komunës së Strugës. /Alsat/

The post Gjykimet ndaj Ramiz Merkos po mbarojnë, pritet vendim për disa prej tyre appeared first on Telegrafi.

Prokuroria ka hapur hetim ndaj tre personave të cilët dyshohet se kanë dashur të mbysin një person tjetër.

“Prokurori Publik i Prokurorisë Themelore Publike në Shkup lëshoi ​​një Urdhër për të zhvilluar një procedurë hetimore kundër tre personave të cilët dyshohen se për kryerjen e veprës penale “tentim vrasje”

dyshuar për tentativë për të kryer një vepër penale si bashkëpunëtorë – Vrasje.

Të dyshuarit, dy vëllezër dhe i njohuri i tyre, me dashje u përpoqën t’i merrnin jetën një personi dhe rrezikuan jetën e dy të tjerëve. Ata e kryen krimin para një klubi fitnesi në Çair, më 1 qershor në mbrëmje.

Incidenti filloi si një grindje verbale në të cilën ata shkëmbyen fyerje dhe sharje, dhe vazhdoi me një përleshje fizike, dhe në një moment i dyshuari i parë nxori një thikë dhe e goditi të dëmtuarin në gju, bark dhe gjoks. Lëndime u shkaktuan edhe dy të dëmtuarve të tjerë të cilët u përpoqën t’i ndanin dhe t’i ndihmonin të plagosurit”, thuhet në njoftimin e Prokurorisë.

Nga atje shtojnë se prokurori publik i paraqiti gjykatësit të procedurës paraprake një propozim për caktimin e paraburgimit për të tre të dyshuarit./Telegrafi/

The post Prokuroria hap hetim ndaj tre personave për tentativë vrasjeje në Shkup appeared first on Telegrafi.

Këshilli Gjyqësor sot zgjodhi gjyqtarin suprem Afrim Fidani për kryetar të Gjykatës së Lartë të Republikës së Maqedonisë së Veriut.

Fidani u zgjodh kryetar me 8 vota pro dhe 5 kundër. Kryetarja e mëparshme e Gjykatës së Lartë, Besa Ademi, ishte gjithashtu kandidate, por mori vetëm dy vota.

Diskutimi midis anëtarëve të Këshillit Gjyqësor gjatë zgjedhjeve ishte se ish-kryetarja Besa Ademi kishte dështuar në punën e saj, ndërsa për gjyqtarin Afrim Fidani ata treguan se nuk e konsideronin atë si një gjyqtar të shquar, por se ai kishte plan veprimi specifik me afate kohore të përcaktuara saktësisht që synonin përmirësimin e situatës.

Fidani ka qenë gjyqtar i Gjykatës së Lartë që nga viti 2017.

Sipas një biografie të shkurtër të publikuar në faqen e internetit të gjykatës, pasi përfundoi shkollën e mesme dhe kreu shërbimin ushtarak, në vitin 1985 Fidani u regjistrua në Fakultetin Juridik në Universitetin e Prishtinës. Në vitin 1989 u diplomua në Fakultetin e Drejtësisë./Telegrafi/

The post Afrim Fidani zgjidhet kryetar i Gjykatës së Lartë appeared first on Telegrafi.

Gjykimi për vrasjen e Vanjës dhe Pançes vazhdon sot në Gjykatën Themelore Penale Shkup me fillim në orën 10. Në seancën e kaluar gjyqësore dëshmoi i akuzuari Ljupço Palevski, i cili mohoi vepra të dhunshme penale dhe deklaroi se motivi për vrasje është jologjik dhe i padëshmuar. Në seancën e sotme gjyqësore pritet të përfundojë procedura e dëshmive dhe të fillohet me plotësim.

Pas dëshmimit të tij, gjykatësi Ivica Stefanovski u deklarua pas më shumë kërkesave të të akuzuarit Palevski të cilat ishin dorëzuar gjatë procedurës. Gjykata informoi se pranon të sigurojë xhirime nga videot nga ekspozitura e Halk Bankës për ditën 27.11.2023 prej orës 9 deri në orën 12. Nuk u pranua kërkesa që të thirren si dëshmitarë dy ekspertë të cilët bën ekspertizë të gëzhojës, sepse kërkesa nuk ishte dorëzuar në kohë, sipas Ligjit për procedurë penale. Ishte pranuar që të nxirët si dëshmi gëzhoja e gjetur në vendin ku është vrarë Pançe Zhezhovski.

Gjatë marrjes në pyetje, Palevski shfaqi bindje se i gjithë procesi është përndjekje politike kundër tij. Lidhur me motivin për vrasjen, Palevski i mohoi të gjitha akuzat, duke theksuar se nuk ekzistojnë dëshmi të cilat i ngritin akuzat e prokurorisë.

Mbrojtja e tij, avokati Jovica Strashevski dhe mbrojtësi i të akuzuarit Bore Videvski, Bojan Manev, në deklaratë për mediat atëherë theksuan se si pjesë e plotësimit të procedurës dëshmuese do të kërkojnë edhe rikonstruim të ngjarjeve, për atë që, siç theksuan, shumë gjëra në procesin e deritanishëm mbetën të pasqaruara.

Paraprakisht, përveç Palevskit dhe shumë dëshmitarëve të Prokurorisë, ishte marrë në pyetje babai Aleksandar Gjorçevski, si dhe të akuzuarit e tjerë. I akuzuari Velibor Manev i sqaroi grabitjet dhe vrasjet e Vanjës dhe Pançes, duke theksuar se organizator kryesor ishte Lupço Palevski. Boro Videvski e mohoi pjesëmarrjen e tij në ngjarje, përderisa Vllatko Keshishev theksoi se ai nuk ka qenë dëshmitar në të njëjtat, sepse shpesh i ishte dhënë detyra të ruajë rojë.

Sipas akuzës, Ljupço Palevski, Boro Videvski, Velibor Manev dhe Vllatko Keshishov, si dhe babai i vajzës, Aleksandar Gjorçevski, akuzohen se bashkë planifikuan grabitjen e vajzës 14-vjeçare me qëllim që të detyrojnë një anëtar të familjes së saj më të ngushtë të japë të holla si shpërblim. Përderisa grabitja e të dëmtuarit Pançe Zhezhovski në Veles ishte bërë me qëllim që ta detyrojnë që tua japë veturën “Citroen” që ta shfrytëzojnë për grabitje të fëmijës në Shkup.

E mitura Vanja dhe Pançe nga Velesi, të cilët ishin raportuar si të zhdukur më 27 dhe 24 nëntor, ishin gjetur të vdekur në afërsi të Shkupit dhe Velesit më 3 dhjetor 2023.

The post Sot vazhdon gjykimi për vrasjen e Vanja Gjorçevskës dhe Pançe Zhezhovskit appeared first on Telegrafi.

Gjykata në Koçan po përballet me mungesë të gjyqtarëve penalë që duhet të veprojnë në rastet, prandaj Këshilli Gjyqësor delegoi gjyqtaren Emine Kallaç nga gjykata e Velesit në Gjykatën Themelore të Koçanit, ku ka një ngarkesë të shtuar pune pas tragjedisë në diskotekën “Pulse”.

Kryetari i Këshillit Gjyqësor, Aleksandar Kambovski, thotë se ky vendim nuk do ta zgjidhë mungesën e gjyqtarëve në Koçan, ndërsa vendimi për të deleguar një gjyqtar vetëm sa do ta lehtësojë atë.

“Ne besojmë se me këtë gjyqtar të vetëm, të paktën në këtë periudhë, ndërsa bëjmë një analizë të plotë të të gjithë gjyqtarëve në vend, ai do të jetë në gjendje t’i ndihmojë disi kolegët e tij që punojnë atje. Dua të shpreh fjalët e mia të lavdërimit jo vetëm për gjyqtarët, por edhe për të gjitha shërbimet dhe bashkëpunëtorët profesionalë, këshilltarët që punuan në atë gjykatë, nëpunësit e gjykatës, ata vërtet treguan një nivel të lartë të vetëdijes për situatën në Koçan”, tha Kambovski.

Gjyqtari Kallaç duhet të përmirësojë punën e gjykatës në dy muajt e ardhshëm në departamentin penal të gjykatës./Telegrafi/

The post Gjykata në Koçan nuk ka mjaftueshëm gjyqtarë, është deleguar një gjyqtare nga Velesi appeared first on Telegrafi.

Ministria e Drejtësisë në RMV njofton se ka përfunduar procesi i hartimit të projektligjit për Këshillin Gjyqësor, i cili bazohet në rekomandimet e Misionit Vlerësues të Bashkimit Evropian, përcjell Telegrafi Maqedoni.

Duke pasur parasysh fushëveprimin e ndryshimeve ligjore, pothuajse dy të tretat, siç thonë nga Drejtësia, janë hartuar një ligj krejtësisht i ri, i cili tani i është dërguar Komisionit të Venecias për të marrë mendim.

Ndër risitë kryesore që janë pjesë e projektligjit është përcaktimi i procedurës për shkarkimin e Kryetarit të Këshillit Gjyqësor. Kjo procedurë, siç thuhet nga Ministria, nuk duhet të kryhet në asnjë rrethanë pa përjashtuar publikun. Procedura për shkarkimin e Kryetarit të Këshillit ose zëvendësit të tij duhet të iniciohet nga të paktën katër anëtarë dhe duhet të votohet nga të paktën tetë.

Për më tepër, projektligji specifikon kushtet që duhet të plotësojnë kandidatët për anëtarë të Këshillit, të cilët zgjidhen nga parlamenti nëpërmjet një njoftimi publik ose me propozim të presidentit. Në këtë kuptim, sqarohet termi “jurist i shquar” dhe kualifikimet e nevojshme që duhet të plotësojnë kandidatët.

“Një ‘jurist i shquar’ nënkupton një i diplomuar në drejtësi me të paktën 15 vjet përvojë pune në profesionin ligjor pas dhënies së provimit të jurisprudencës ose një profesor universitar i drejtësisë me të paktën shtatë vjet përvojë pune në një pozicion mësimor-shkencor, i cili është dalluar me punë shkencore ose profesionale mbi çështje në fushën e drejtësisë, i cili është dalluar me punën e tij publike në mbrojtjen e sundimit të ligjit, pavarësisë së gjyqësorit dhe të drejtave të njeriut, si dhe që gëzon reputacion dhe posedon integritet për të kryer funksionin e anëtarit të Këshillit, për të cilin ai/ajo paraqet të paktën tre rekomandime nga profesorë universitarë të drejtësisë, avokatë, ish-gjyqtarë ose aktualë të Gjykatës Kushtetuese ose gjykatave ndërkombëtare, ose persona me të paktën 15 vjet përvojë pune në profesionin ligjor pas dhënies së provimit të jurisprudencës, dy prej të cilave nga persona që i përkasin të njëjtit profesion ligjor”, thonë nga Ministria e Drejtësisë./Telegrafi/

The post Ministria e Drejtësisë në RMV: Propozim ligji përcakton që shkarkimi i kryetarit të Këshillit Gjyqësor duhet të jetë ekskluzivisht publik appeared first on Telegrafi.