Gjykata e Posaçme la në fuqi masat e arrestit në burg për 7 personat e arrestuar në kuadër një operacioni për goditjen e një grupi të strukturuar kriminal të trafikimit të tonaletave me kokainë, nga vendet e Amerikës Latine drejt vendeve të Bashkimit Europian.

Mes të dyshuarve është edhe ish-drejtuesi i policisë Erjon Dani, që akuzohet se ka nxjerrë të dhëna nga sistemi TIMS duke ua vënë në dispozicion anëtarëve të grupit kriminal.

Sipas SPAK, këta persona janë përgjegjës për trafikimin e rreth 3.8 ton kokainë, ndërsa janë të dyshuar edhe për disa raste të korrupsionit të zyrtarëve të drejtësisë.

Gjatë operacionit SPAK ushtroi 12 kontrolle banesash, automjetesh, dhe personash, ku sekuestroi 5 makina, 39 mijë Euro, 8 telefona celularë, kokainë, armë, dokumente etj.

The post Operacioni i SPAK, lihen në burg 7 të arrestuarit për trafik ndërkombëtar droge appeared first on Gazeta Si.

Tre personat që lëviznin me një automjet tip Porsche që u ndalua nga policia mbrëmjen e djeshme në Sarandë janë arrestuar. Bëhet fjalë për E. D. 27-vjeç, I. G. 21-vjeç dhe E. C. 27-vjeç. Ky i fundit rezulton një person në kërkim për armëmbajtje pa leje dhe sigurim të kushteve për të kryer vrasje.

Automjeti u ndalua në rrugën “Butrinti”, dhe në atë moment, E. D. ka zbritur me vrap duke u hedhur në det për t’i shpëtuar policisë. Ai mbante me vete edhe një çantë, brenda së cilës u gjet një armë zjarri.

Brenda një kohe të shkurtër, u gjet edhe çanta që hodhi në det. Policia thotë se pistoleta, municioni luftarak dhe automjeti “Porsche” u sekuestruan në cilësinë e provës materiale.

Një nga të arrestuarit, Ervis Cukali është një emër i njohur për policinë, pasi rezulton pjesë e grupit të Albi Mecinit. Në gusht të atij vitit 2023, Mecini u kap me 23 kg plasëse në makinë, ku u gjet edhe karta e identitetit të Ervis Cukalit dhe dyshohej se do të bënte një atentat.

The post U ndaluan teksa lëviznin me ‘Porsche’ në Sarandë, njëri u hodh në det! Policia: Brenda çantës u gjet një armë, 3 të arrestuar appeared first on Gazeta Si.

Nga Gazeta Si- Europol ka finalizuar një operacion ndërkombëtar në 43 shtete, përfshi edhe Shqipërinë, për shkatërrimin e një rrjeti të trafikut të qenieve njerëzore, prostitucionit dhe lypjes, ku 3 prej viktimave janë shpëtuar në Shqipëri.

Në këtë operacion janë arrestuar 158 trafikantë dhe janë shpëtuar 1194 viktima.

Operacioni me emrin e koduar “Zinxhiri Global” u zhvillua nga data 1 deri më datë 6 qershor dhe u përqendrua te trafikimi për shfrytëzim seksual, kriminalitet të detyruar dhe lypje të detyruar.

Viktimat e mundshme u raportuan nga 64 vende të ndryshme, me shumicën nga Rumania, Ukraina, Kolumbia, Kina dhe Hungaria. Shumë prej viktimave ishin trafikuar përtej kufijve dhe madje edhe kontinenteve, duke demonstruar natyrën globale të skemave të trafikimit të qenieve njerëzore. Hetimet tregojnë se shumica dërrmuese e viktimave të shfrytëzimit seksual janë femra dhe të rritur, ndërsa shfrytëzimi i viktimave të mitura është kryesisht i lidhur me lypjen e detyruar dhe aktivitetin kriminal të detyruar, siç është vjedhja. Në shumë nga këto raste, mbrojtja e viktimave mund të jetë sfiduese, pasi ato shpesh shfrytëzohen nga anëtarët e familjes.

Aksion pati edhe në vendin tonë, ku u godit një rast i trafikimit për prostitucion të grave kineze që shfrytëzoheshin në një qendër masazhi.

“Në Shqipëri u shpëtuan 3 gra kineze të shfrytëzuara seksualisht. Ato ishin rekrutuar në Dubai nga një rrjet kinez dhe ishin transferuar në Shqipëri për të punuar në një qendër masazhi. Një trafikant u arrestua dhe një tjetër është shpallur në kërkim”, nënvizon organizata.

Pikat kryesore të operacionit:

Austria: Policia arrestoi 7 trafikantë të dyshuar (1 hungarez dhe 6 rumunë) dhe shpëtoi 8 gra. U identifikua një grup kriminal familjar nga Rumania që vepronte në disa vende të BE-së. Gratë rekrutoheshin me metodën “lover-boy” dhe detyroheshin të prostituonin, të mashtronin klientët për para apo të vidhnin prej tyre.

Rumania: Policia kreu kontrolle në banesa, thirri 11 dëshmitarë dhe arrestoi 9 persona për trafikimin e 8 fëmijëve (mosha 7–15 vjeç) për lypje të detyruar.

Italia: Kontrolle në qendra masazhi; u identifikuan 75 viktima të mundshme nga Rumania, Kina dhe Kolumbia. U sekuestruan drogë dhe armë. U arrestua një italian për trafikim dhe 5 të tjerë për vepra të tjera penale.

Malta: U arrestua një trafikant dhe u shpëtuan 3 gra nga Kolumbia (2 motra dhe halla e tyre), të cilave iu ofrua punë si pastruese nga një shtetas italian, por pasi mbërritën në Maltë, iu morën pasaportat dhe u detyruan të prostituonin.

Shqipëria: U shpëtuan 3 gra kineze të shfrytëzuara seksualisht. Ato ishin rekrutuar në Dubai nga një rrjet kinez dhe ishin transferuar në Shqipëri për të punuar në një qendër masazhi. Një trafikant u arrestua dhe një tjetër shpallur në kërkim.

Greqia & Mali i Zi: U arrestuan persona që shfrytëzonin për lypje fëmijët e tyre apo të afërm të mitur, disa vetëm 2–3 vjeç.

Hungaria: Një vajzë 15-vjeçare u detyrua nga prindërit të prostituonte si burimi i vetëm i të ardhurave të familjes. Babai i saj u arrestua dhe ajo u dërgua në institucion për kujdesin e fëmijëve.

Bosnja dhe Hercegovina: Një vajzë e mitur u detyrua nga prindërit të martohej, pa pëlqimin e saj, për përfitime financiare. U shpëtua dhe vendosur në strehë të sigurt. Në një rast tjetër, 13 gra (9 kineze dhe 4 braziliane) ishin viktima të shfrytëzimit seksual; u arrestuan 3 trafikantë (2 boshnjakë dhe 1 kinez).

Ukraina: U zhvillua një operacion i fshehtë që zbuloi një rrjet që rekrutonte gra për shfrytëzim në Berlin. Një grua u arrestua dhe u zbuluan profile online për shërbime seksuale në Gjermani.

Brazili: Policia federale çmontoi një rrjet që rekrutonte viktima me premtime të rreme për punësim dhe i trafikonte në Myanmar për shfrytëzim seksual. Një viktimë u shpëtua përmes një njoftimi të INTERPOL-it.

Tajlanda: Policia çmontoi një rrjet prostitucioni me të mitur në një rrjet social të njohur. U arrestuan 12 persona (7 për trafikim), dhe u shpëtuan 2 viktima (14 dhe 17 vjeç).

The post Europol shkatërron rrjetin e trafikut të prostitucionit e lypjes! 158 të arrestuar, mbi 1000 viktima të shpëtuara, 3 në Shqipëri appeared first on Gazeta Si.

Nga Gazeta ‘Si’ – Ministri i Drejtësisë, Ulsi Manja, ka dërguar në ILD dhe KLP prokuroren e Shkodrës, Elsa Gjeli.

Ulsi Manja kërkon nisjen e procedimit disiplinor për Gjelin, sipas ligjit, për mosfillimin e hetimeve në rastin e ndërtimit pa leje në Theth.

Në shkresën drejtuar Inspektorit të Lartë të Drejtësisë, Artur Metani, thuhet se ‘prokurorja Gjeli vendosi mosfillimin e procedimit penal brenda 48 orëve nga regjistrimi i kallëzimit penal, pa kryer veprime hetimore ose verifikime në terren’.

Kujtojmë se ditët e fundit kryeministri Edi Rama ka nisur një aksion për pastrimin e hapësirave publike.

Ka qenë vetë kryeministri ai që ka shenjestruar Prokuroren e Shkodrës, Elsa Gjeli, për ndërtimet pa leje në Theth.

Prej ditësh në Theth policia dhe IKMT kanë nisur shembjen e objekteve pa leje. Ky aksion ka shkaktuar reagime të shumta, me banorët e Thethit që kundërshtojnë prishjen e ndërtesave të tyre.

The post Nuk nisi hetimet për ndërtimin pa leje në Theth, Manja kërkon nisjen e procedimit për prokuroren Gjeli appeared first on Gazeta Si.

Një 21-vjeçar në Tiranë ka rënë në prangat e Policisë, pasi dyshohet se falsifikonte karta identiteti dhe me ato aplikonte për kredi.

Përmes një njoftimi, Policia bën të ditur se S.M., falsifikonte karta identiteti, duke përdorur foton e tij dhe të dhëna të shtetasve të tjerë, dhe me to aplikonte dhe përfitonte kredi me vlera nga 1000 euro deri në 3400 euro.

Si rezultat i hetimeve janë dokumentuar 9 raste të përfitimit të kredive.

Policia ka sekuestruar 1 automjet, karta identiteti të dyshuara të falsifikuara, 2 celularë dhe 20 karta SIM.

The post Përfitonte kredi nga 1000-3400 euro me karta identiteti të falsifikuara, arrestohet 21-vjeçari në Tiranë appeared first on Gazeta Si.

Prokuroria e Fierit shpalli pretencën ndaj Azgan Mernicës dhe kërkoi dënimin me burg të përjetshëm të tij.

Sipas Prokurorisë, konflikti mes efektivit të Shqiponjave dhe Asllan Mërnicës ka lindur për shkak se ky i fundit, ndërsa drejtonte automjetin e tij, është futur në kthesë me shpejtësi, pa kontrolluar rrugën, duke përbërë rrezik për tw tjerwt.

Novruz Cenalia i ka tërhequr vëmendjen të pandehurit për këtë veprim dhe në atë çast Asllan Mërnica ka ndaluar makinën e tij, ka zbritur me çantën ku kishte armën e zjarrit dhe ndërsa shkoi drejt viktimës, i cili nuk kishte dalë nga mjeti i tij, ka nxjerrë armën e zjarrit dhe e ka mbushur duke qëlluar me plumb në fytyrë efektivin, që i shkaktoi vdekjen e menjëhershme.

The post Vrau efektivin e policisë, Prokuroria e Fierit kërkon burgim të përjetshëm për Azgan Mernicën appeared first on Gazeta Si.

Shtetasi E. R., i cili ishte shpallur në kërkim ndërkombëtar nga Italia është arrestuar në Tiranë.

46-vjeçari ishte shpallur në kërkim nga Interpol Roma, pasi gjykata e Romës ka caktuar urdhër arresti për veprat penale “Organizata kriminale” dhe “Trafikimi i lëndëve narkotike”.

Veprat penale për të cilat, sipas Kodit Penal italian, parashikohet një dënim maksimal deri në 20 vjet burgim.

Sakaq pritet ekstradimi i tij drejt Italisë.

The post Në kërkim ndërkombëtar për pjesëmarrje në një organizatë kriminale dhe trafik narkotikësh, arrestohet 46-vjeçari appeared first on Gazeta Si.

Nga Gazeta ‘Si’- Komisioni Europian ka publikuar raportin përfundimtar për shtetin e së drejtës në Shqipëri ku ashtu si në draft, vlerësoi punën e SPAK-ut.

Komisioni Europian thotë se SPAK tregoi vizion të shëndoshë strategjik dhe pavarësi në kontributin në luftën kundër korrupsionit të nivelit të lartë.

KE evidenton se SPAK gëzon një nivel të lartë besimi publik. Për këtë arsye Komisioni Europian ka kritika sa i takon komisionit Xhafaj, për të cilin thotë se ekzistojnë mangësi në lidhje me punën, metodologjinë dhe ndikimin e komisionit ad hoc parlamentar për thellimin e reformave për qeverisje të mirë, sundimin e ligjit dhe antikorrupsionin. 

Edhe Marta Kos, Komisionere e Bashkimit Europian për Zgjerim kërkoi që reforma në drejtësi të mos preket.

“Rezultatet e mira të strukturës së posaçme kundër krimit të organizuar dhe korrupsionit, SPAK, janë hapa pozitivë që theksohen edhe në raportin e Parlamentit. Është jetike që Shqipëria të vazhdojë të tregojë progres konkret në fusha kyçe.  Në këtë kontekst, pavarësia e strukturës së posaçme kundër korrupsionit dhe krimit të organizuar, SPAK, duhet të ruhet plotësisht. SPAK është sot institucioni më i besuar në vend. Kjo duhet mbrojtur dhe forcuar”, tha Marta Kos.

Komisioni Europian përsërit shqetësimin e shprehur më herët dhe për emërimet e anëtarëve jo-magjistratë në Këshillin e Lartë Gjyqësor dhe Këshillin e Lartë të Prokurorisë, të cilët zgjidhen nga parlamenti.

Po ashtu vihet në dukje se mangësitë vazhdojnë në praktikë dhe në kuadrin ligjor për procedurën e emërimit të anëtarëve jo-magjistratë në KLGJ dhe KLP, të cilët nuk i nënshtrohen të njëjtave standarde për kontrollin e të kaluarës dhe deklarimin e pasurisë si anëtarët magjistratë, gjë që ndikon në transparencën dhe meritokracinë e procesit. 

Për përceptimin e korrupsionit, KE ka shtuar Barometrin Special të vitit 2025, që nuk ishin në draftin paraprak, që tregon se 86% e të anketuarve shqiptarë e konsiderojnë korrupsionin të përhapur në vendin e tyre (kur mesatarja e BE-së është 69%) dhe 45% e të anketuarve ndihen të prekur personalisht nga korrupsioni në jetën e tyre të përditshme (mesatarja e BE-së 30%).

Raporti vëren se keqpërdorimi i fondeve publike gjatë fushatave elektorale “mbetet shqetësim”. Raporti konsideron si “shqetësim” edhe transparencën e kufizuar në prokurimet publike, veçanërisht partneritetet publike-private, ndërsa konsideron si “joefikase” mekanizmat e kontrollit dhe inspektimit të brendshëm në administratën publike.

“Rreziku i korrupsionit është i konsiderueshëm në shëndetësi, arsim si dhe brenda policisë dhe Agjencisë Shtetërore të Kadastrës”, thuhet në raport.

The post KE publikon raportin për shtetin e së drejtës: SPAK punë të mirë! Kritika për KLGJ e KLP appeared first on Gazeta Si.

Nga Gazeta ‘Si’- Monika Kryemadhi është paraqitur këtë të hënë në SPAK në zbatim të masës së sigurisë, detyrim paraqitje.

Ajo foli për gazetarët në dalje nga SPAK, duke komentuar kartën 245 mijë dollarë që SPAK e akuzon se ka shpenzuar për hotele, veshje në Beverly Hills e Las Vegas me kartën e kushëririt Ardian Shatkut.

Kryemadhi tha se kishte shkuar atje për ditëlindjen e vajzës dhe tha se 245 mijë dollarë janë nga karta e tij.

“E para sa i përket kartës për të cilën Meta flet me fjalët e Altin Dumanit, dua të them diçka. Kam qenë edhe në Las Vegas e Beverly Hills. Me kushëririn tim Shatku, tre fëmijët, kushërira ime Bebe Rexha, për ditëlindjen e vajzës. Kanë qenë edhe mikeshat e mia.

Këto i thotë zëdhënësi i partisë së lirisë, Blushi, që merr direktiva nga SPAK. 245 mijë dollarë është karta e Shatkut, me hotele, bileta avioni, akullore. Dhe ajo që dua të them është që secili ka shpenzimet e veta.

Do ti kërkoj bankës, sa më përket mua, cilat janë biletat e mia. Adrian Shatku s’ka të bëjë me buxhetin e shtetit, as me tendera, as përfitime apo shpenzime nga qeveria e taksapaguesit, është një kompani amerikane që ka punuar dhe punon në 56 vende të tjera të botës”, tha Kryemadhi.

The post Kryemadhi në SPAK: Isha në Beverly Hills dhe Las Vegas për ditëlindjen e vajzës appeared first on Gazeta Si.

Nga Gazeta ‘Si’- GJKKO ka liruar nga arresti shtëpiak Jamarbër Malltezin lidhur me aferën Partizani.

Dhëndri i Berishës kishte kërkuar revokim të masës së sigurisë, ndërkohë që gjykata i ka caktuar një garanci pasurore prej 3 milionë lekësh.

Pas lirimit nga GJKKO, Jamarbër Malltezi foli për mediat jashtë ambienteve të SPAK. Malltezi u shpreh se u bë 20 muaj që u privua liria e tij me anë të një procesi politik.

Sipas tij ky proces u ndot rrugës dhe tani erdhi dhe lirimi i tij. Ai pretendon se është hetuar me 5 breza nga shteti.

“Nuk ka një shtet ligjor por një shtet që lufton armiqtë e PS njësoj si në ‘45. Vendimi sot vjen pas 20 muajsh privim lirie. Thjesht me një urdhër politik të Ramës. Në kongresin e PS, Rama urdhëroi SPAK të procedojë Sali Berishën. Të njëjtën gjë kërkoi një diplomate e korruptuar si Yuri Kim. Një proces politik që u ndot gjatë rrugës. Ja ku i keni 16 kërkesa brenda muajit. Më gjeni një rast në Shqipëri që janë hetuar 5 breza, jo një brez.

E kanë filluar që me stërgjyshin tim para 90 vitesh. Unë aty kam gjetur firmën e stërgjyshit tim, që i ka thënë italianëve ‘jo, shkoni në punën tuaj, s’keni punë me pronën tonë’.

Do jem në gjithë seancat dhe do përballemi. Ka kaq shumë gjëra qesharake. Duke filluar që nga pronat. Si u bë shteti pronar. Shteti u bë pronar njëlloj si Edi Rama. I nxori njerëzit me gaz lotsjellës nga Astiri”, tha ai.

Dosja për aferën Partizani, kaloi për gjykim më 19 maj, pak ditë pas zgjedhjeve të 11 majit. Malltezi akuzohet për korrupsion pasiv dhe pastrim parash.

Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.

The post ‘Partizani’/ GJKKO e liron nga arresti shtëpiak, Malltezi: SPAK më hetoi 5 breza appeared first on Gazeta Si.

Nga Gazeta ‘SI’ – Në Gjykatën e Shkallës së Parë të Rrethit Gjyqësor Fier, kanë mbërritur të arrestuarit në kuadër të operacionit hetimor të zhvilluar në zyrat qëndrore të kompanisë “ Bankers Petroleum”.

Bëhet fjalë për drejtorin kinez, Hong Ping Xiao dhe ish – administratorin, Leonidha Çobo.

Ata do të dalin sot pranë trupit gjykues ku do të japin dëshminë e tyre pranë trupit gjykues dhe do të njihen me akuzat që rëndojnë mbi ta.

Më 2 korrik 2025, u arrestuan drejtori aktual i kompanisë, Hongping Shiao, shtetas kinez, si dhe ish-drejtori, Leonidha Çobo.

Në total janë lëshuar 14 masa sigurimi, por vetëm nëntë prej tyre janë ekzekutuar.

Masat e sigurisë vijnë pas një hetimi gjashtë mujor, me metoda pro-aktive, që përfshijnë përgjimet ambientale dhe telefonike.

Prej një afati kohor 10-vjeçar, nga viti 2004 deri më 2024, kjo kompani rezultonte në shtet me humbje, duKe shmangur kështu pagimin e detyrimeve tatimore dhe të TVSH-së prej rreth 110 mln euro.

The post Evazioni miliona euro me ‘Bankers Petroleum’, dalin para gjykatës drejtuesit Hong Ping Xiao dhe Leonidha Çobo appeared first on Gazeta Si.

Gazeta Si – Gjatë ballafaqimit me njëri-tjetrin në sallë, Erion Alibej dhe Plaurent Dervishaj janë përplasur gjatë seancës së kësaj të premteje në Gjykatën Kundër Korrupsionit dhe Krimit të Organizuar.

Tensionet kanë qenë aq të forta, saqë për shkak të fjalorit jo etik, gjykata vendosi të largojë nga seanca Dervishajn dhe ta ndërpresë seancën për disa minuta.

Sipas burimeve, Dervishaj, i akuzuar se ka urdhëruar atentatin ndaj Arjan Ndoj, ka ofenduar nga gruaja Alibejn, i cili po dëshmon për këtë ngjarje në cilësinë e të penduarit të drejtësisë. Kjo ka bërë që togat e zeza ta nxjerrin atë nga salla.

Dervishaj reagoi ashpër, pasi Alibej rrëfeu takimet mes tyre dhe atë çfarë dinte lidhur me prokurorin që u krye ndaj ish-prokurorit Arjan Ndoja në 2019-ën.

“Të ishe aq trim ti, merrje hakun e vëllait. Altin Dumani t’i ka dhënë informacionet gabim djalë”- mësohet të ketë thënë mes të tjerash Dervishaj teksa u nxorr nga salla.

Ilia Ilia, avokati i Plarent Dervishaj, pyet Erion Alibej: E kam takuar Plarentin pak ditë para se t’i bëhej atentat. Plarenti kishte dyshime për disa persona se i kishin bëre atentat, dyshonte edhe te Pëllumb Muhameti (Rrumi) dhe te prokurori Ndoja. Rrumin nuk e llogariste fare. Prokurori Ndoja i referohej dhe e quante të korruptuar atë dhe të lidhur me shtetasin Rrumi. Ne kishim interes për çfarë na kishte ndodhur neve, ça merrja vesh unë për Plarentin, ia thoja dhe e anasjellta. Por nuk është se ishin fakte. Thjesht ia përcillja, madje me siklet.

Ndërhyn Plarent Dervishaj: Ça siklet ke ti aman? Ke dy orë rri aty, gënjen.

Erion Alibej: Informacionet ishin për atentatin që i kishin bërë. I kam dhënë foto që i bëri Nuredin Dumani, i kam thënë  mendoj se këtu janë “gjuajtësit”.

Plarent Dervishaj: The që ke qenë i gatshëm që të merrje pjesë në atentatin e Arjan Ndojës. Ta kërkova unë, të imponova apo e kërkove ti?

Erion Alibej: Ta kërkova unë, duke ditur që nuk ke nevojë.

Plarent Dervishaj: Ditën që më ke takuar mua që e dëshmove, gabon shumë me datën, orën. Pse nuk ke treguar për tentativën e vrasjes që do i bëje Franc Çopjas, që e kemi diskutuar në takim.

Erion Alibej: Kolegët e tu.

Plarent Dervishaj: T’i ka dhënë gabim informacionet Altin Dumani, djalë

Më herët, Alibej rrëfeu edhe takimin e parë që kishte patur me Dervishajn dhe kodet që ky i fundit përdorte në aplikacionet e koduara si “SkyEcc” dhe “Encrochat”.

The post Tensione dhe fyerje në gjyq mes Plaurent Dervishajt dhe Alibejt: Altin Dumani t’i ka dhënë informacionet gabim! appeared first on Gazeta Si.

Gazeta Si – I penduari i drejtësisë, Erjon Alibej, i cili akuzohet për disa ngjarje kriminale, ka dëshmuar këtë të premte në GJKKO në seancën gjyqësore që zhvillohet ndaj ish-krerëve të bandës së Durrësit, Plarent Dervishaj e Julian Meçe për atentatin ndaj ish-prokurorit Arjan Ndoj në nëntor 2019.

Alibej rrëfeu se i kishin ardhur fjalë se atentatin ndaj Dervishajt e kishte urdhëruar Lul Berisha. Ndërsa tregoi sesi informacionet i merrte nga një punonjës policie në Elbasan, të cilin e shpërblente me para.

Në dëshminë e tij, Alibej ka zbuluar sesi Dervishaj i kishte rrëfyer se për të prishur provat që njerëzit e tij kishin lënë në atentatin e dështuar ndaj ish-prokurorit Arjan Ndoj, i kishin kërkuar 300 mijë euro ryshfet.

Pas dështimit, Alibej tha se Dervishaj kishte planifikuar tjetër atentat ndaj Ndojës në Gjirin e Lalzit me anë të një snajperi.

“Diskutuam se kush di të ekzekutojë me snajper. Në bisedë e sipër diskutuam që prokurori (Ndoja) shkon në një lokal te Gjiri i Lalzit dhe më ka folur për plane që ta ekzekutonin me snajper aty”, tha Alibej.

Alibej thotë se e dinte që pas atentatit në fjalë fshihej Dervishaj. Këtu përmendet edhe emri i Redjan Rrajës, i dënuar për ngjarjen, i cili u zbulua falë profileve gjenetike nga një palë syze.

Për to Dervishaj është interesuar që të fshihen tek ekspertiza, por i kanë kërkuar 300 mijë euro. “Redian Rrajën e kam dëgjuar për herë të parë në televizor. Për Redjan Rrajën kemi biseduar me Plarentin pak pasi i kishin bërë atentat prokurorit, ku ndodhej nuk e di. E dija që pas atentatit të Ndojës, ishte Plarenti. Kishim biseduar për ato emra, ai nuk e kuptonte pse i kishin bërë atentat. Pasi u zbardh ngjarja, e pyeta pse ndodhi kështu. Po flitet për prova i thashë, syzet, shenjat e gishtave. Më tha jam interesuar për të fshirë gishtat tek ekspertiza. Më tha i kishin kërkuar 300 mijë euro”, tha Alibej.

I penduari i drejtësisë ka rrëfyer edhe se si ishte njohur me Plarent Dervishajn dhe komunikimin që kanë bërë më pas nëpërmjet aplikacioneve të enkriptuara.

“Kemi folur shumë gjatë në aplikacion, por fizikisht një herë. E thirrnin Lenti, Shoku. Kam folur në EnchroChat fillimisht, më pas me SKY [ECC]. Nofka e tij, ‘Barcelona’ tek EnchroChat, ‘Ghost’. Me Plaurentin nuk më lidh asnjë gjë. Mbaj mend që pak më vonë Plaurentit iu bë atentat, biseduam për këtë. Unë shqetësohesha për të, si për hallet e mia dhe ia përcillja çdo informacion”, tregoi Alibej.

Në atrentatin e vitit 2019 në autostradën Durrës-Tiranë, u vra Andi Maloku, shoferi i ish-prokurorit Arjan Ndo dhe mbetën të plagosur vetë Arjan Ndoj dhe Aleksandër Laho, ose “Rrumi i Shijakut”.

The post Atentati ndaj Arjan Ndoj, Alibej zbulon planin e Plaurent Dervishajt: Donte ta vriste me snajper te Gjiri i Lalzit appeared first on Gazeta Si.

Gazeta Si – Kreu i KPP, Joniad Myzyraj, i pezulluar nga detyra me vendin gjykate, u paraqit në GJKKO për verifikimin e masës “detyrim për paraqitje”.

Myzyraj është marrë i pandehur nga SPAK për “shkelje të barazisë së pjesëmarrësve në tëndera”. Pak ditë më parë, me kërkesë të SPAK, GJKKO caktoi ndaj tij masat e sigurimit “pezullim të ushtrimit të funksioneve publike” dhe “detyrim për paraqitje”.

Ai është marrë i pandehur nga SPAK në kuadër të një hetimi për shkelje të barazisë në tendera, vepër penale e dyshuar se është kryer në bashkëpunim me persona të tjerë.

Hetimet kanë nxjerrë në dritë dyshime se gjatë ushtrimit të funksionit, ai ka ndikuar në mënyrë të padrejtë në procedurat e prokurimit publik, duke cenuar parimet e barazisë dhe konkurrencës së ndershme në tendera.

Myzyri, u mor i pandehur së bashku me disa zyrtarë të tjerë të KPP dhe tre biznesmenë për një tender 2.2 milion euro që kishe si synim mirëmbajtjen e rrugës “Rrëshen-Shpal” dhe “Urra e Repsit”.

Një dëm financiar prej gati 500 mijë euro, shkaktuar buxhetit të shtetit, është bërë shkak për pezullimin nga detyra dhe marrjen të pandehur të kreut të Komisionit të Prokurimeve Publike, Jonaid Myzyrit.

Bashkë me Myzyrin tashmë të pandehur janë marrë dhe zyrtarët e KPP Vilma Zhupaj, Lindita Skeja, Merita Zeqaj, Enkelejda Bega, Vladimir Hodaj, Gerald Adhiaj dhe A.Hasani.

The post U mor i pandehur dhe u pezullua nga detyra, kreu i KPP, Joniad Myzyri shkon në GJKKO appeared first on Gazeta Si.

Gazeta Si – SPAK në bashkëpunim me autoritetet italiane, kanë sekuestruar 4 milionë euro pasuri të një organizate kriminale me bazë në Elbasan, e cila drejtohej nga i shumëkërkuari i drejtësisë, Suel Çela dhe vëllai i tij Mario Çela dhe që vepronte në Verona.

Sipas hetimeve, grupi kriminal ishte përgjegjës për transportin e sasive të mëdha të kokainës nga Amerika e Jugut në tregun europian.

Kjo shënon herën e parë që SPAK ka bërë sekuestrim të pasurive të krimit të organizuar jashtë territorit të Shqipërisë.

Por edhe për autoritetet italiane është hera e parë që një organizate kriminale shqiptare investon në pasuri të paluajtshme në territorin e një shteti të Bashkimit Europian, në këtë rast, Italisë.

SPAK njoftoi sot më 3 korrik se Gjykata e Veronës vendosi si masë preventive sekuestrimin e disa pasurive të luajtshme dhe të paluajtshme, burimeve financiare dhe aksioneve të pasurisë së një shoqërie tregtare.

Pasuritë e sekuestruara janë:

Një ndërtesë, pasuri e paluajtshme në Nogarole Rocca (Verona)

Një ndërtesë, në vlerë rreth 3 milionë euro, e përbërë nga 30 njësi (zyra dhe dyqane) (Verona)

Një llogari bankare ku depozitoheshin qiratë e zyrave dhe dyqaneve (rreth 400 mijë euro në vit)

Një shoqëri tregtare që operonte në fushën e ndërtimit, me kuota 100% në Itali.

Skema e pastrimit të parave

Vëmendja e autoriteteve ligjzbatuese shqiptare dhe italiane u përqendruan tek një shoqëri e pasurive të paluajtshme në Itali. Asaj i dërgoheshin shifra të mëdha parash përmes sistemit bankar.

Por ato para vinin nga Shqipëria, pasi organizata kriminale i transferonte të ardhurat nga një shoqëri tregtare në Shqipëri, në pronësi të vëllezërve Suel dhe Mario Çela. Ato shuma investoheshin në Itali në ndërtim, rikonstruksionin e ndërtesave dhe më pas jepeshin me qira.

Autoritetet kanë konstatuar se përdorimi i burimeve të mëdha financiare që derdheshin nga Shqipëria në ekonominë italiane, “përfaqësonte edhe hallkën përfundimtare të pastrimit të parave”.

Në Shqipëri janë kryer transaksione të dyshimta të pasurive të paluajtshme, me qëllim pengimin e gjurmueshmërisë së origjinës së paligjshme të parave.

Në këtë mënyrë organizata përfitonte shërbime të “pastruara”, me fitimin e përftuar nga transaksionet e dyshuara, të cilat mund të ripërdoreshin në investime në prona të paluajtshme, në territorin italian.

“Gjithashtu janë sekuestruar pasuritë e paluajtshme dhe burimet financiare që i përkasin administratorit të një shoqërie të pasurive të paluajtshme në Verona, në pronësi të një çifti shqiptarësh, të përfshirë në të kaluarën në trafikun e lëndëve narkotike”, njoftoi SPAK.

Ata konsideroheshin si njerëzit e besuar të dy vëllezërve Çela dhe rezultuan të figuronin në listën e pagesave të organizatës kriminale.

“Kontrolle janë kryer edhe ndaj subjekteve kryesore dhe ndihmësve të tyre italianë, me qëllim gjetjen e provave të mëtejshme”, njoftoi SPAK. Hetimet për këtë rast ndodhen në fazë paraprake.

Suel Çela në arrati, i vëllai, në burg në Belgjikë

Suel Çela konsiderohet si kreu i një organizate kriminale në Elbasan. Ai ndodhet në kërkim nga SPAK pas hetimeve për dhjetëra ngjarje kriminale në Shqipëri dhe pastrim parash nga trafiku i drogës. Nga ana tjetër, Mario Çela ndodhet i arrestuar në Belgjikë.

Ai u arrestua në Verona, në qershor të vitit 2024, pas ekzekutimit të një urdhër-arresti, të lëshuar nga autoritetet belge, mbi dyshimet për përfshirje në një vrasje mafioze në Antwerp, si pasojë e konflikteve mes grupeve rivale të trafikut të drogës.

The post Goditet klani i Suel Çelës, SPAK sekuestron 4 mln € pasuri në Itali. Paratë e drogës pastroheshin në ndërtim (video) appeared first on Gazeta Si.

Nga Gazeta ‘Si’ – Një skemë mashtrimi financiar prej 20 vitesh nga kompania e naftës “Bankers Petroleum” u zbulua nga Prokuroria e Fierit, e cila bastisi një ditë më parë zyrat e kompanisë në Patos-Marinëz.

Sipas hetimeve, kompania ka shmangur tatimet, duke i shkaktuar miliona euro dëm buxhetit të shtetit prej dy dekadash, që pavarësisht se shiti 532 miliardë lekë naftë brenda dhe jashtë vendit, deklaronte humbje, duke përfituar edhe nga rimbursimi i TVSH.

Në një njoftim zyrtar këtë të enjte, Prokuroria e Fierit ka dhënë detaje, ku të mërkurën e 2 korrikut u arrestua drejtori aktual i kompanisë, kinezi Hongping Shiao, si dhe ish-drejtori Leonidha Çobo.

Organi i akuzës ka lëshuar në total 14 masa sigurimi, nga ku janë ekzekutuar deri më tani 9 prej tyre. Përveç Shiao-s dhe Çobos, masat e sigurisë, me karakter shtrëngues, janë ekzekutuar edhe ndaj L.W., A.K., K.Xh., D.G., M.Th., M.I., dhe E.A., të cilët kanë pozicione drejtuese në kompani.

Ndërsa pesë personat e shpallur në kërkim janë kryesisht të huaj. “Ndërhyrja në këtë fazë të hetimit, lidhet me rrezikun e prishjes së provave, ndërprerjen e mëtejshme të aktivitetit kriminal dhe shmangien e rrezikut të ikjes”, njoftoi prokuroria.

Hetimet dhe akuzat

Hetimet kanë nisur më 30 dhjetor të vitit të kaluar, pas referimit nga Drejtoria e Hetimit Tatimor. Gjatë këtyre muajve, prokuroria thotë se në bashkëpunim të ngushtë me Tatimet kanë grumbulluar prova të mjaftueshme, të cilat krijojnë dyshimin e arsyeshëm se janë kryer disa vepra penale që po hetohen pas dyshimeve se janë kryer nga “Bankers Petroleum”.

Bëhet fjalë për: “Krijimi i skemave mashtruese lidhur me tatimin mbi vlerën e shtuar”; “Fshehja e të ardhurave”; “Pastrimi i produkteve të veprës penale ose veprimtarisë kriminale”; “Shpërdorimi i detyrës”; “Moskryerja e detyrave nga organet tatimore”

Nga hetimi i deritanishëm ka rezultuar se, shoqëria “Bankers Petroleum Albania Ltd”, nga viti 2004 e deri në fund të vitit 2024 ka dalë me humbje, çka ka bërë që shteti shqiptar të mos përfitojë asnjë të ardhur prej 20 vitesh nga ky aktivitet, pavarësisht se janë nxjerrë e tregtuar sasi të konsiderueshme karburanti në zonat e njohura me rezerva nafte, Patos-Marinëz-Fier.

Prokuroria njofton se është vërejtur se, shoqëria ka kryer eksporte dhe shitje nafte brenda vendit nga viti 2004 deri në vitin 2024 në vlerën prej 532 miliardë lekë.

Po ashtu, rezulton se shoqëria ka deklaruar shpenzime tatimore në vlera që tejkalojnë të ardhurat nga eksportet dhe shitjet, duke dalë në çdo vit ushtrimor me humbje, ku vlera totale për të gjitha periudhat është në shumën 11,691,799,688 lekë.

Nga hetimi, dyshohet se dëmi i shkaktuar në buxhetin e shtetit, përmes përfitimit të Tvsh-së, është në miliona euro.

Dyshohet se, gjatë gjithë periudhës që ka ushtruar aktivitetin e saj, shoqëria “Bankers Petroleum Albania Ltd” ka rritur në mënyrë fiktive shpezimet e saj, me qëllim që në bilancin vjetor të rezultojë me humbje, e më pas nuk ka paguar asnjë tatim mbi fitimin, por ka përfituar nga rimbursimi i TVSH-së nëpërmjet skemave mashtruese, e ndihmuar dhe nga individë e shoqëri të tjera kontraktuese të saj, me objekte dhe veprimtari të ndryshme.

Për arritjen e këtij qëllimi, nga shoqëria e punonjësit e saj dyshohet se janë falsifikuar dokumente të ndryshme dhe kryhen operacione financiare të natyrave të ndryshme me operatorë dhe individë të ndryshëm si brenda dhe jashtë Shqipërisë.

Skema

Skema e ndjekur ka qenë deklarimi i shpenzimeve shumë më të larta, duke bashkëpunuar edhe me kontraktorët e tjerë në mënyrë që kompania jo vetëm që të mos paguante tatime, por edhe të përfitonte nga rimbursimi i TVSH-së, duke i shkaktuar shtetit shqiptar miliona euro dëm ekonomik.

“Nga hetimi i deritanishëm ka rezultuar se, shoqëria “Bankers Petroleum Albania Ltd”, nga viti 2004 e deri në fund të vitit 2024 ka dalë me humbje, çka ka bërë që shteti shqiptar të mos përfitojë asnjë të ardhur prej 20 vitesh nga ky aktivitet, pavarësisht se janë nxjerrë e tregtuar sasi të konsiderueshme karburanti në zonat e njohura me rezerva nafte, Patos-Marinëz-Fier. Është vërejtur se, shoqëria ka kryer eksporte dhe shitje brenda vendit nga viti 2004 deri në vitin 2024 në vlerën prej 532,433,614,112 lekë. Po ashtu, rezulton se shoqëria ka deklaruar shpenzime tatimore në vlera që tejkalojnë të ardhurat nga eksportet dhe shitjet, duke dalë në çdo vit ushtrimor me humbje, ku vlera totale për të gjitha periudhat është në shumën 11,691,799,688 lekë. Nga hetimi, dyshohet se dëmi i shkaktuar në buxhetin e shtetit, përmes përfitimit të Tvsh-së, është në miliona euro”- shtohet më tej.

Hetimet janë ende në vijim pasi dyshohet se janë përdorur skema të ndryshme mashtrimi për TVSH-në dhe janë përfshirë edhe shumë persona dhe individë të tjerë.

The post Skema/ Si ‘Bankers’ shmangu tatimet për 20 vite. Prokuroria e Fierit lëshon 14 masa sigurie appeared first on Gazeta Si.

Nga Gazeta Si- Pas disa ditësh në kërkim, Policia ka arrestuar Lendi Palaj, i njohur si figura kryesore pas lokaleve të basteve “333” dhe “CR7”.

Palaj u ndalua mbrëmjen e djeshme, në heshtje, pasi u përfshi në një konflikt me armë më 10 qershor në zonën e Ali Demit.

Në njoftimin zyrtar, policia dha vetëm inicialet dhe gaboi vitin e ngjarjes, por burime konfirmojnë se bëhet fjalë për Njulend Palajn, i quajtur ndryshe Lendi.

Palaj nuk figuron në QKB me kompani të regjistruara dhe rezulton pothuajse i padukshëm, megjithatë konsiderohet “truri” i lokaleve ku lulëzojnë bastet sportive, pavarësisht ndalimit me ligj.

Palaj u përfshi në një konflikt me armë më 10 qershor në zonën e Ali Demit.

The post Arrestohet ‘truri’ i lojërave të fatit në Tiranë Lendi Palaj appeared first on Gazeta Si.

Gazeta Si – Gjykata e Apelit ka prishur vendimin dhe ka rikthyer për rigjykim në Shkallën e Parë çështjen ndaj Marjeta Karajt.

Kjo e fundit ishte dënuar me 22 vjet burg për akuzën e vrasjes me dashje në vitin 2017, ku në bashkëpunim me djalin e saj dhe një person tjetër, kishin vrarë dhe djegur Menduh Kurtdedën.

Sipas hetimeve, viktima u dhunua dhe më pas u dogj në zonën e Dajtit për një borxh prej 10 mijë euro. Për këtë krim makabër, është në burg edhe Gazmir Ngota, i cili ishte dënuar me 22 burg, por edhe për të çështja është kthyer për rigjykim. Ndërkohë djali i Marjetës, Besmir Karaj vazhdon të jetë në kërkim. Apeli ka vendosur që çështja të rigjykohet në Shkallë të Parë me një trupë tjetër gjykuese.

Në zonën e Kodër Shupalit në maj 2017, 61-vjeçari, Mehdi Shaban Kurtdeda u dhunua barbarisht dhe u lidh me zinxhirë në njërën prej pemëve, e më pas u dogj për së gjalli.

Krimi u zbardh 5 vjet më vonë. Shkak i ngjarjes së rëndë, do të bëhej një borxh i pashlyer në vlerën e afro 10 mijë eurove që viktima i kishte Marjeta Karajt. Mbetjet kockore të gjetura në atë kohë vendngjarje zbuluan identitetin e viktimës.

61-vjeçari punonte në një organizatë me Marjeta Karain, e cila ka mohuar të kishte lidhje me ngjarjen. Por ka qenë i arrestuari tjetër Gazmir Ngota, i cili ka pranuar se ka marrë pjesë në dhunimin e më pas djegien për së gjalli të Kurtdedës.

Sipas hetimeve, Marjeta Karai ka qenë e pranishme kur viktima është marrë me forcë në makinë, por jo kur është vrarë.

The post Dogjën të gjallë 61-vjeçarin në Dajt për 10 mijë euro, Apeli kthen për rigjykim çështjen ndaj 3 autorëve të dyshuar appeared first on Gazeta Si.

Gazeta Si – Gjykata e Lartë rrëzoi sërish kërkesën e Arben Meskutit për ndryshimin e masës së sigurisë dhe heqjen e sekuestros ndaj pasurive të tij.

Meskuti, i cili u arrestua për dosjen e mashtrimit me mikrokredi, akuzohet se ka mashtruar mijëra qytetarë debitorë përmes mikrokredive.

Ai rezulton të jetë pronar i disa prej shoqërive që ngritën skemën piramidale. Hetimi zyrtar për skemën e mashtrimit me mikrokreditë, nisi në shkurt të vitit 2020 nga Prokuroria e Tiranës, pas një kallëzimi që u bë nga Ministria e Drejtësisë, ku organi i akuzës zbuloi se 5 shoqëritë, “Micro Credit Albania”, “ADCA”, “SHP Zig”, “FS”, “FLASH”, morën nga një bankë e nivelit të dytë 3.999 kredi të konsideruara të këqija dhe të pashlyera ndër vite me një shumë totale prej rreth 7.3 milionë euro.

Më pas, Prokuroria e Tiranës, në dhjetor të vitit 2024 shpalli moskompetencë duke e kaluar çështjen për hetim në SPAK.

The post Mashtroi mijëra qytetarë me mikrokredi, Gjykata e Lartë lë në qeli Arben Meskutin appeared first on Gazeta Si.

Gazeta Si – Ka mbërritur në Gjykatën e Fierit, 36-vjeçari, Zamir Meta, i dyshuar për abuzim seksual me vajzën e tij të mitur 12-vjeçare.

Meta do të japë dëshminë e tij para trupit gjykues, i cili m do të caktojë masën e sigurisë për 36-vjeçarin nga Patosi.

Para policisë, babai i shtatë fëmijëve ka pohuar se ka abuzuar me vajzën e tij vetëm një herë, ndërkohë që ngjarja e rëndë tronditi mbarë opinionin publik.

Meta u vu në pranga me 1 korrik, pasi e mitura ishte larguar nga shtëpia duke kërkuar ndihmë te fqinjët. Ajo kishte rrëfyer abuzimin e rëndë, që sipas saj ka nisur kur ajo ishte vetëm 5 vjeç.

Nëna e të miturës deklaroi se nuk kishte pasur asnjë dijeni për këtë akt monstruoz, duke thënë para gazetarëve se bashkëshorti i saj “meriton të kalbet në burg”. E mitura është dërguar në Tiranë, ku po trajtohet në një qendër rehabilitimi.

The post Fier, mbërrin në gjykatë babai që dyshohet se abuzoi me vajzën e tij të mitur appeared first on Gazeta Si.