Nga Eva Sandoval- Ischia është e famshme për ujërat e saj termale shëruese, por fuqitë e energjisë së saj gjeotermale janë më pak të njohura, dhe ato fshehin një traditë të lashtë kulinare nën sipërfaqe.

Po endem nëpër fshatin Sant’Angelo në ishullin italian të Ischias, duke kërkuar shtegun që do të më çojë në zonën vullkanike në bregun jugor të ishullit dhe drejt një prej vakteve më unike të Italisë.

Një shitës më tregon një shkallë guri që gjarpëron lart nga një rrugicë që ngjitet mbi shkëmbinj dhe male. Shtegu i pjerrët më çon pranë dardhave dhe vilave prej llaçi, dhe ndërsa ngjitem me vështirësi në majë të shkëmbit, admiroj ujërat blu të Gjirit të Napolit. Ndërsa zbres në plazhin me pika vullkani, i afrohem Gjirit Maronti në formë gjysmëhëne.

Shpejt më shoqërojnë në një tavolinë qoshe në tarracën e restorantit bregdetar Chalet Ferdinando a Mare. Borziloku dhe domatet parfumosin ajrin ndërsa njerëzit argëtohen në det. Porosit drekë dhe një gotë verë.

Poshtë tarracës është një copë rëre e rrethuar nga një gardh. Shenjat e rrezikut shkëlqejnë në italisht dhe anglisht: “Ndalohet hyrja për persona të paautorizuar. Rëra vlon 100°C”.

Këto janë gropat e Ischias, ku rëra nxehet deri në vlim nga avujt vullkanikë nëntokësorë.

Është vendi ku po konsumoj drekën time.

Një traditë ishullore

Gatimi i vakteve në një gropë vullkanike nuk është ndonjë dredhi kulinare, është traditë e vendit.

“Babai im gatuante gjithmonë nën rërë”, thotë Fernanda Iacono, pronarja e vilës.

“Është diçka që bëjmë në këtë pjesë të ishullit. Ne gatuajmë pulë, patate, oktapod, perime, peshk, midhje… çdo gjë që gatuhet në temperaturë të ulët.”

Ischia është plot me gropa vullkanike, por ato janë më të nxehta në Gjirin Maronti. Gjenerata të tëra banorësh të Ischias kanë shkuar aty për të gatuar, duke mbështjellë ushqimin e tyre dhe duke e vendosur në rërë, ku avulli vepron si një sobë.

“Ne bënim festa në plazh ku gatuanim nën rërë. Edhe me muzikë”, kujton Iacono, e cila drejton vilën me fëmijët e saj, Giorgio dhe Desideria Migliaccio, dhe dhëndrin e saj, Angelo Russo.

Banorët e ishullit gatuajnë gjatë gjithë vitit, por tradita arrin kulmin e saj çdo verë.

“Të gjithë banorët e Ischias e bëjnë këtë të paktën një herë në vit”, thotë Mariangela Mattera, një Eksperte Përvoje në operatorin turistik.

“Në verë, veçanërisht në perëndim të diellit, ne shkojmë në plazh, vendosim ushqimin në rërë dhe ndërsa gatuhet, lahemi në det, i cili është i ngrohtë për shkak të avullit vullkanik që ngrihet nëpër ujë.”

Gatimi në gropa vullkanike kërkon njohuri pasi rëra mund të shkaktojë djegie serioze. Për fat të mirë, restorante të zgjedhura në ishull specializohen në “kuzhinën gjeotermale”, duke u lejuar vizitorëve të verës të Ischias ta përjetojnë vetë këtë traditë të çmuar.

Dy nga më të njohurit janë Chalet Ferdinando a Mare dhe, vetëm 65 metra larg, Ristorante Emanuela, e drejtuar nga Sergio Iacono (pa lidhje me Fernandën).

“Ne kemi shërbyer ushqim të tillë që kur isha fëmijë”, thotë Sergio. Mbaj mend që kam parë fotot e babait tim nga kur ishte i vogël, kur gatuante në rërë”.

Me dy restorante gjeotermale në një afërsi kaq të madhe, ka në mënyrë të pashmangshme debat se cili filloi të gatuante në rërë i pari.

“Stërgjyshërit e mi ishin të parët që gatuanin këtu”, pohon Desideria, vajza e Fernandës.

“Familja ime ka menaxhuar këtë vend që nga viti 1975”. Por ajo pranon se “Ischia u përket të gjithëve, të gjithë mund të gatuajnë për sa kohë që sillen me respekt!”

Pula është proteina klasike; një element historik i fermave familjare të Ischias, thotë Russo.

“Njerëzit filluan të gatuanin gjëra si oktapodi më vonë.”

Menuja ofron pjata tradicionale dhe të modernizuara, nga pula te kalamari me qepë të ëmbla por kryesisht ka pulë dhe patate.

Dhuratat vullkanike të Ischias

Gjurma sizmike e Ischias është kudo, nga spa-të e saj termale shëruese deri te vendbanimi i lashtë romak i Aenarias; i zhytur nën det nga një shpërthim 2,000 vjet më parë. Megjithëse shpërthimet dhe rrëshqitjet e baltës janë gjithmonë një mundësi e fshehur, toka e Ischias është veçanërisht pjellore, duke i dhënë shije të pasura bimësisë së saj.

Megjithëse nuk janë gjetur tekste që përshkruajnë gatimin në gropat vullkanike në Ischia para shekullit të 21-të, shumica e vendasve besojnë se ajo rrjedh ose nga grekët e lashtë, të cilët themeluan ishullin si koloninë e tyre të parë italiane në vitin 750 para Krishtit, ose nga romakët e lashtë, të cilët përqafuan vetitë vullkanike të ishullit.

“Është një nga metodat më të lashta të gatimit,” thotë Fernanda. “Të paktën për aq kohë sa ishulli ka ekzistuar.”

Çfarë shije ka ushqimi i gatuar në rërë vullkanike?

E shikoj me entuziazëm teksa Russo nxjerr vaktin tim nga rëra. Ai mbërrin me një gotë verë: pulë dhe oktapod në ‘salsa verde’, me një pjatë patate me shafran Indie.

Oktapodi është i mbështjellë fort si grusht, i larë në barishte jeshile. Jam i kënaqur që e gjej jashtëzakonisht të butë, dhe pula gjithashtu është jashtëzakonisht e lëngshme; aromatike me rozmarinë. Patatet shkrihen nën pirunin tim, të verdha të ndezura dhe me erëza tokësore.

The post Ischia: Ishulli italian ku vendasit gatuajnë në rërë vullkanike appeared first on Gazeta Si.

Hetimet mbi vdekjen e aktorit të njohur të serialit Friends, Matthew Perry, kanë zbuluar mesazhe shqetësuese mes mjekëve dhe personave të tjerë të akuzuar për furnizimin e tij me ketaminë. Sipas dokumenteve të bëra publike, një prej mjekëve, Dr. Salvador Plasencia, e ka quajtur aktorin “idiot” në një mesazh privat dhe ka pyetur kolegun e […]

The post “Sa do na paguajë ky idiot?”/Zbardhen mesazhet tronditëse të mjekëve pas vdekjes së Matthew Perry appeared first on BoldNews.al.

TIRANË, 20 gusht /ATSH/ Policia Rrugore ka intensifikuar monitorimet e akseve rrugore 24 orë në 7 ditë, duke përdorur dronë, radarë, kamera, makina inteligjente dhe patrulla me mjete të pauniformuara, me qëllim parandalimin e aksidenteve, garantimin e sigurisë rrugore dhe uljen e ndotjes akustike nga automjetet me modifikime të paligjshme.

Nga monitorimi gjatë dy javëve të fundit: 77 shtetas janë proceduar penalisht për pengim të lëvizjes me automjetet e parkuara gabimisht; automjetet e tyre janë tërhequr me mjet ngritës. 66 persona janë arrestuar ose proceduar penalisht për drejtim mjeti në gjendje të dehur, pa leje drejtimi ose për shkelje të rregullave të qarkullimit rrugor.  5 persona janë proceduar penalisht për tentativë korrupsioni ndaj punonjësve të Policisë Rrugore.  Janë kapur 3 persona të shpallur në kërkim.  108 automjete janë bllokuar për shkelje të ndryshme rrugore.  53 leje drejtimi janë pezulluar.  33 raste të automjeteve që kryenin transport publik në mënyrë të kundraligjshme janë evidentuar, përfshirë taxi pa dëshmi përkatëse, taksi me targa të bardha dhe autobusë me destinacion të ndryshuar nga leja e transportit.

Policia Rrugore apelon për respekt rigoroz të rregullave të qarkullimit rrugor nga drejtuesit e automjeteve, motomjeteve, këmbësorët dhe përdoruesit e biçikletave ose monopatinave, për të garantuar sigurinë e të gjithë përdoruesve të rrugës.

Qytetarët ftohen të denoncojnë çdo shkelje të rregullave të qarkullimit në numrin pa pagesë 112.

/a.f/

The post Tiranë – Policia Rrugore: 77 të proceduar, 108 automjete të bllokuara për dy javë appeared first on Agjencia Telegrafike Shqiptare.

Nga Boldnews.al Dosja hetimore e “çiftit të parë të Tiranës”, Erion Veliaj dhe Ajola Xoxa, për një rastësi interesante, ka brenda saj dy personazhe të tjerë, me të njëjtin emër-Gentian Sula. Njëri prej tyre, biznesmeni i ndërtimit, i njohur edhe për ngritjen e kompleksit rezidencial “Kodra e Diellit” në Tiranë, është marrë i pandehur në […]

The post “Sponsorizoi” Ajolën me vilë pa qira, Gent Sula i “Intersig” fitoi 530 mijë euro pa garë nga Veliaj appeared first on BoldNews.al.

Prej dy vitesh, fondet IPARD për bujqësinë shqiptare janë të bllokuara për shkak të dyshimeve për korrupsion, por hetimet e SPAK-ut nuk kanë sjellë ende rezultate konkrete. Brukseli këmbëngul që autoritetet shqiptare ta trajtojnë këtë çështje me seriozitet, duke theksuar se paratë europiane duhet të mbrohen siç duhet. Ministria e Bujqësisë deklaron se po punon për auditimin e jashtëm dhe të tjera masa përmirësuese, por ende nuk ka një datë të qartë për rifillimin e financimeve IPARD.

Esmeralda Topi 

Prej dy vitesh, bujqësia shqiptare është pa miliona euro nga programi IPARD III, pasi fondet e Bashkimit Europian për zhvillimin rural janë bllokuar për shkak të dyshimeve për korrupsion. Brukseli ka dy vite që u kërkon autoriteteve shqiptare ta trajtojnë me seriozitet këtë çështje, por deri më tani reagimi i tyre i ngjan ritmit të breshkës.

Që prej vitit 2020, dosja për hetimin e abuzimeve me fondet e IPARD ka kaluar nëpër tryezat e institucioneve të drejtësisë shqiptare, pa asnjë rezultat konkret. Fillimisht, çështja u regjistrua në Prokurorinë e Posaçme kundër Korrupsionit dhe Krimit të Organizuar (SPAK). Pas dy vitesh, SPAK shpalli moskompetencën dhe ia kaloi dosjen Prokurorisë së Tiranës. Në shtator 2023, dosja u rikthye sërish në SPAK.

Asokohe, SPAK i tha Faktoje.al se hetimi penal mbi shpërndarjen e fondeve ishte ende në fazë paraprake dhe, për shkak të sekretit hetimor, nuk mund të jepte më shumë informacion.

Të njëjtën përgjigje e dha edhe këtë fillim gushti.

“Çështja është në fazën e hetimeve paraprake. Për shkak të ruajtjes së sekretit hetimor, nuk mund të bëjmë publike informacione të mëtejshme,” – SPAK.

Pra, edhe pas dy vitesh, hetimi për dosjen IPARD vijon të endet në fazë paraprake. Asnjë emër. Asnjë arrestim. Asnjë akt akuze.

“Të detyrojnë të besosh se nuk ka drejtësi!” – thotë Romeo Nazarko, një nga denoncuesit e parë të skemës së abuzimeve me fondet IPARD në Shqipëri. “Kam bërë tre kallëzime në SPAK, përfshi edhe IPARD-in, të treja në gjumë,” shton ai.

Në vitin 2023, Zyra Evropiane Kundër Mashtrimit (OLAF) përfundoi hetimin administrativ mbi abuzimet me fondet e IPARD II dhe ia përcolli raportin përfundimtar, së bashku me rekomandimet, autoriteteve shqiptare dhe Komisionit Evropian. Në një reagim për Faktoje.al zyra e shtypit pranë OLAF nënvizon se tanimë vendimmarrja për çdo hap të mëtejshëm u takon autoriteteve kompetente vendase, sipas vlerësimit të tyre. Me fjalë të tjera, OLAF e kalon topin në fushën tonë.

“OLAF zhvillon hetime administrative. Më pas, u takon autoriteteve kompetente të vendosin mbi çdo veprim të mëtejshëm lidhur me rekomandimet e OLAF, sipas vlerësimit të tyre. Për këtë arsye, ne nuk jemi në gjendje të komentojmë më tej, përfshirë detajet e hetimit dhe provat e mbledhura nga OLAF”, nënvizon zyra e shtypit të OLAF për Faktoje.al.

Paratë europiane të mbrohen siç duhet

Që kur u pezulluan fondet IPARD, Komisioni Evropian ka përsëritur vazhdimisht kërkesën që çështja të trajtohet me seriozitet nga autoritetet shqiptare. 

Për dy vite me radhë, kanë theksuar nevojën për masa korrigjuese dhe për transparencë të plotë në hetimin e abuzimeve, duke e bërë këtë kusht të domosdoshëm për rifillimin e financimeve.

Komisioni është në dijeni të një auditimi të jashtëm që qeveria shqiptare ka kontraktuar për të verifikuar grantet dhe pagesat e IPARD II, si dhe sistemin e ri të menaxhimit dhe kontrollit të brendshëm. Por ndërkohë që procedurat bilaterale vazhdojnë, nuk jepen detaje të tjera, ndërsa pritshmëria është që çështja të zgjidhet shpejt e me përgjegjësi.

“Bashkimi Evropian është i gatshëm të vazhdojë të mbështesë fermerët shqiptarë, sektorin agroushqimor dhe zonat rurale në të ardhmen, me kusht që interesat financiare të Bashkimit Evropian të mbrohen siç duhet.”- bën të qartë një zëdhënës i Komisionit Evropian për Faktoje.al.

Nuk ka datë për rikthimin e IPARD

Ministria e Bujqësisë dhe Zhvillimit Rural deklaron për Faktoje.al se “është e angazhuar maksimalisht dhe po zbaton një plan veprimi me masa konkrete, dakordësuar me strukturat e Komisionit Evropian.” 

Auditimi i jashtëm, që sipas ministrisë “është në fazë zbatim dhe rezultatet e tij priten brenda këtij viti”, është një nga hapat kryesorë për rifillimin e fondeve.

Pas përfundimit të tij, ministria thekson se do të kryhen “procedurat në zbatim të Marrëveshjes Financiare Kuadër të Partneritetit dhe Marrëveshjes Sektoriale”, të cilat janë vendimtare për finalizimin e Marrëveshjes së Financimit për Programin IPARD III dhe hapjen e thirrjeve për aplikime.

Por pavarësisht përpjekjeve, ende nuk ekziston një datë konkrete për rikthimin e fondeve IPARD. Ministria shton se “në përfundim të auditimit dhe përmbushjes së rekomandimeve të dhëna, do të finalizohet Marrëveshja e Financimit dhe më pas do të hapen thirrjet për aplikime.” 

Megjithatë, për fermerët dhe gjithë sektorin e bujqësisë, këto janë vetëm hapa në një proces që po zvarritet prej kohësh. Ata kërkojnë një datë të saktë për rifillimin e financimeve që do t’i japin frymëmarrje bujqësisë shqiptare.

Programi i mbështetjes në bujqësi IPARD ofron grante në ndihmë të sektorit bujqësor për të gjitha vendet që janë në proces anëtarësimi me Bashkimin Evropian. Shqipëria është një prej pesë vendeve përfituese të mbështetjes me grante. Përmes programit IPARD II, i cili u zbatua gjatë viteve 2014 dhe 2020, Shqipëria përfitoi mbi 71 milionë euro fonde. Dhe teksa vendi priste të niste mbështetjen në bujqësi përmes IPARD III me 146 milionë euro grante, Komisioni Evropian vendosi pezullimin bazuar në dyshimet për korrupsion. 

IPARD #Bujqësi #SPAK #Korrupsion #Shqipëri #KomisioniEvropian

The post Ngecin hetimet për fondet IPARD appeared first on Faktoje.al.

Nga Ceppe Tabibian*- Ashtu si shumë amerikanë, gjithmonë kisha ëndërruar të transferohesha në Europë. Dhe në vitin 2015, në moshën 35-vjeçare, vendosa të largohesha nga Teksasi për në Spanjë.

Dy vjet më vonë, themelova “She Hit Refresh”, një komunitet që ndihmon gratë mbi 30 vjeç të bëjnë një hap jashtë vendit.

Që atëherë, kam ndihmuar qindra gra të ndërtojnë jetë të reja në vende si Portugalia, Spanja, Franca, Italia dhe Holanda.

Një nga vendet europiane – që amerikanët ndoshta nuk e njohin ende, është Shqipëria. Por kjo po ndryshon! Vitet e fundit, dëgjoja shpesh për Shqipërinë nga anëtarët e komunitetit tim.

Disa ishin transferuar atje dhe nuk mund të ndalonin së foluri me entuziazëm për të.

Në vitin 2024, qëndrova një muaj në Shqipëri – kryesisht në kryeqytet, Tiranë, dhe përgjatë bregdetit.

Doja të shihja se për çfarë bëhej fjalë dhe ajo që zbulova më habiti vërtet!

Shqipëria mund të mos jetë për të gjithë – asnjë vend nuk është – por për shumë amerikanë që ëndërrojnë një jetesë jo shumë të shtrenjtë, ajo plotëson shumë kushte.

Ja pse e konsideroj “Destinacionin Numër 1” në Europë për ata që shpresojnë të zhvendosen nga SHBA-ja:

Çuditërisht është e përballueshme

Shqipëria është një nga vendet e pakta në Europë ku ende mund të marrësh me qira një apartament të rehatshëm për më pak se 500 dollarë në muaj.

Kjo kosto e ulët jetese është një nga arsyet më të mëdha pse amerikanët po dynden atje.

Merrni shembull Cheryl Orlov, e cila u zhvendos nga Redondo Beach, Kaliforni, në Tiranë.

Edhe pse kostoja e jetesës po rritet në Tiranë, është ende shumë më e ulët se në Kaliforni.

Qiraja për një apartament me dy dhoma gjumi në Tiranë, për shembull, është më pak se një e gjashta e asaj që paguhet për një vilë me dy dhoma gjumi në “Redondo Beach” në Kaliforni.

Ushqimet, ngrënia jashtë dhe kujdesi shëndetësor janë gjithashtu shumë më të përballueshme.

Për nomadët digjitalë dhe pensionistët, Shqipëria ofron një cilësi jetese që është gjithnjë e më e lirë se në shumë qytete të SHBA-së.

Mund të qëndroni deri në një vit pa vizë

Një nga avantazhet më të mëdha të Shqipërisë është se amerikanët mund të jetojnë atje pa vizë deri në 12 muaj, një përfitim i rrallë në Europë.

Mund të hipni në avion sonte dhe të filloni jetën tuaj të re në Shqipëri nesër, pa pasur nevojë për dokumente.

Kjo e bën ideale për ata që duan të “provojnë” jetën jashtë vendit pa pasur nevojë të kalojnë nëpër proceset komplekse të marrjes së vizave.

Ndërsa isha në Tiranë, u takova me Denisa Kaca Bradley, themeluese e “Expats in Albania”, për të mësuar më shumë rreth opsioneve të emigracionit.

Ajo më shpjegoi se ndërsa qëndrimi përtej një viti kërkonte dokumente, organizata e saj i ndihmonte të sapoardhurit me këtë proces.

Në takimet e saj javore, takova dhjetëra amerikanë: gra beqare, çifte dhe familje.

Shumë e shihin Shqipërinë si trampolinë. Ata qëndrojnë për një ose dy vite, të tjerë zgjedhin të qëndrojnë për një periudhë afatgjatë.

Është natyrshëm një vend mahnitës

Nga Alpet Shqiptare në veri deri te ujërat bruz të detit Adriatik në perëndim dhe detit Jon në jug, peizazhi i vendit është marramendës.

Gjatë udhëtimit tim, udhëtova me makinë përgjatë Rivierës Shqiptare dhe vizitova Sarandën, një qytet bregdetar të gjallë me një shëtitore të bukur.

Ishte shtator dhe moti ishte mjaftueshëm i ngrohtë për të notuar dhe për të marrë rreze – por plazhet ishin praktikisht bosh – një kënaqësi e rrallë krahasuar me vende si Spanja apo Italia.

Në një ditë të kthjellët mund ta shihni Greqinë në distancë! Ishulli i Korfuzit është vetëm 30 minuta larg me traget.

Nuk arrita të shkoja në malet veriore, por ato janë në listën time për vizitën tjetër.

Fshatrat e largëta, shtigjet e ecjes dhe peizazhet e mrekullueshme e bëjnë atë një ëndërr për adhuruesit e aktiviteteve në natyrë.

Shqiptarët janë mikpritës

Deri në fillim të viteve 1990, Shqipëria ishte kryesisht e mbyllur ndaj botës nën regjimin komunist.

Turizmi është rritur ndjeshëm në dekadën e fundit. Si rezultat, Shqipëria ende ndihet autentike shqiptare.

Në të njëjtën kohë, shqiptarët janë dukshëm mikpritës ndaj amerikanëve, diçka që i ka habitur shumë emigrantët.

Ndjenja pro-amerikane dhe miqësia ndaj emigrantëve e bën më të lehtë për të sapoardhurit të ndihen si në shtëpinë e tyre dhe të lidhen me komunitetin vendas.

Në qytete si Tirana dhe qytete bregdetare si Vlora, ka gjithashtu një numër në rritje të të huajve që po “lëshojnë rrënjë”.

Monica Miranda, një amerikane që u zhvendos nga Nju Xhersi në Vlorë në moshën 43-vjeçare me qenin e saj – ka gati dy vjet që jeton në Shqipëri dhe kohët e fundit mori kartën e saj të qëndrimit 5-vjeçar.

“Nuk dija shumë për Shqipërinë. Por në momentin që mbërrita, diçka më tërhoqi. Një muaj u shndërrua në dy”, tha ajo.

“Kam ndërtuar një komunitet mbështetës emigrantësh nga SHBA-ja, Britania e Madhe, Australia dhe Amerika Latine. Takohemi disa herë në javë. Ka qenë një përvojë tepër emocionuese”, tha Monica Miranda.

“Mund të mos jetë vendi i parë që më vjen ndërmend, por për shumë amerikanë që kam takuar, Shqipëria është bërë vendi i duhur në kohën e duhur”, theksoi ajo.

Burimi: CNBC/Përshtati Gazeta Si

The post CNBC: Qindra amerikanë po zhvendosen në Shqipëri – vendi ‘numër 1’ në Europë që përmbush shumë kritere appeared first on Gazeta Si.

Partia Demokratike ka reaguar në lidhje me skandalin që ka përfshirë arkitektin italian Stefano Boeri në Milanos në Itali, i cili në fund të vitit 2024 iu caktua “arrest në shtëpi” pas akuzve për korrupsion dhe shpërdorim detyre në lidhje me konkursin e Bibliotekës Evropiane të Informacionit dhe Kulturës (BEIC). Në Shqipëri Boeri njihet si […]

The post Stefano Boeri nën akuza për korrupsion në Itali/ PD: Në Shqipëri miqtë e Ramës përjashtohen nga hetimet appeared first on BoldNews.al.

Nga Gazeta Si- “E pakrahasueshme! Shqipëria, një nga sekretet më të ruajtura të Evropës, është shndërruar në një nga destinacionet më të nxehta të pushimeve verore”, shkruan Rosa Campos në të përditshmen spanjolle “Super Deporte”., duke shtuar se vera është simbol i pushimeve, diellit, plazheve dhe aventurave të paharrueshme.

“Çdo vit, turistët kërkojnë destinacione të reja dhe emocionuese për të eksploruar, dhe Shqipëria kohët e fundit është pozicionuar si një nga vendet kryesore turistike dhe të përballueshme për t’u vizituar”.

SD shkruan se Shqipëria ofron një ndërthurje të historisë, kulturës dhe peizazheve mahnitëse, ku bregdeti, i përshkuar nga detet Adriatik dhe Jon, krenohet me plazhe që rivalizojnë ato të Greqisë dhe Italisë, por pa turma vizitorësh dhe çmime të larta.

Historia dhe kultura

Në Artikull shkruhet se Shqipëria ka një histori të pasur që daton mijëra vjet më parë, me ndikime nga qytetërimet ilire, greke, romake dhe osmane, me qytete si Butrinti, një Vend i Trashëgimisë Botërore të UNESCO-s, që u ofrojnë vizitorëve mundësinë të zbulojnë të kaluarën e lashtë të vendit.

Natyra dhe aventurat

“Për adhuruesit e natyrës, Shqipëria është një parajsë e vërtetë. Nga malet e Alpeve Shqiptare deri te Liqeni piktoresk i Ohrit, vendi ofron një shumëllojshmëri peizazhesh mahnitëse dhe mundësi për aventura në natyrë”, shkruhet në artikull, ku përmenden ecja në natyrë, çiklizmi, rafting dhe kajaku si disa nga aktivitetet që mund të shijojnë turistët.

Ndërkohë, në artikull përmendet edhe ushqimi, me “pjatat tradicionale si byreku (një lloj brumi i mbushur me djathë, spinaq ose mish) dhe tavë kosi (qengj me kos dhe oriz) janë një domosdoshmëri”.

Ndër destinacionet kryesore turistike në Shqipëri përmenden Tirana, Berati, Saranda, Gjirokastra, Elbasani.

Mikpritja shqiptare

Një nga aspektet më të paharrueshme të vizitës në Shqipëri është mikpritja e popullit të saj, sipas medias spanjolle që shkruan se shqiptarët janë të njohur për mirësjelljen dhe gatishmërinë e tyre për të ndihmuar vizitorët.

“Është e zakonshme që turistët të ftohen në shtëpitë lokale për të ndarë një vakt ose kafe, duke ofruar një mundësi unike për të përjetuar kulturën shqiptare nga afër”.

The post ‘Super Deporte’: Shqipëria, destinacioni kryesor i pushimeve appeared first on Gazeta Si.

E përditshmja franceze “Le Figaro” e ka renditur Shqipërinë mes pesë destinacioneve kulturore më të mira për të vizituar në një udhëtim të organizuar.

Nga kryeqyteti i Shteteve të Bashkuara të Amerikës te thesaret e Rilindjes Italiane, duke përfshirë Vendet e Trashëgimisë Botërore të UNESCO-s në Shqipëri, keto destinacione ofrojne nje nderthurje te peizazhit me kulturen.

Shqipëria dhe thesaret e UNESCO-s

Shqipëria, një perlë e vërtetë e fshehur e Ballkanit, joshëse me pasurinë e historisë së saj dhe diversitetin e peizazheve të saj. Nga Tirana në Gjirokastër, nëpërmjet Beratit dhe Butrintit, ky udhëtim ju çon në gjurmët e qytetërimeve që kanë lënë gjurmë në këto toka: ilirët, grekët, romakët dhe osmanët”, thuhet në artikull.

Ndër të tjera shkruhet se Shqipërinë nuk do ta zbuloni vetëm përmes monumenteve të saj por jeton në mikpritjen e popullit, pasurinë e traditave dhe shijet e gastronomisë.

“Shijoni një byrek krokant, dëgjoni polifonitë shqiptare të listuara në UNESCO dhe eksploroni tregjet, ku ndërthuren aromat mesdhetare dhe ndikimet orientale”.

Shëtitja nëpër rrugët e ngushta të Krujës, një performancë vallesh popullore apo zbulimi i vreshtave lokale janë të gjitha momente që dëshmojnë autenticitetin dhe ngrohtësinë e kësaj toke mikpritëse, sipas Figaro.

Cilat janë destinacionet më të mira kulturore për udhëtime të organizuara?

1-Shqipëria dhe Thesaret e UNESCO-s

2-Një shëtitje në zemër të Uashington DC, Merilendit dhe Virxhinias

3-Salzburg: Mozarti dhe Shkëlqimet e Salzkammergut

4-Madhështitë e Saksonisë: Dresden dhe Leipzig, dy qytete të artit dhe historisë

5-Firence, toka e mjeshtrave: Ekspozita “Fra Angelico” dhe Thesaret e Rilindjes

The post Le Figaro: Shqipëria mes destinacioneve më të mira kulturore për të udhëtuar appeared first on Gazeta Si.

Një agjenci federale ka nisur zyrtarisht hetime për ish-Prokurorin e Posaçëm, Jack Smith, i cili i ka mbikëqyrur dy hetime penale kundër presidentit amerikan, Donald Trump, pas mandatit të tij të parë në Shtëpinë e Bardhë. Zyra e Këshilltarit të Posaçëm ka konfirmuar për agjenci të lajmeve, përfshirë Reuters dhe Associated Press, se është duke […]

The post SHBA/ Nisin hetime ndaj ish-prokurorit Jack Smith appeared first on BoldNews.al.

Zyra e Këshilltarit të Posaçëm në SHBA ka nisur një hetim zyrtar ndaj ish-prokurorit Jack Smith, pas pretendimeve se ka abuzuar me postin për të ndikuar politikisht ndaj presidentit Donald Trump gjatë zgjedhjeve të vitit 2024, shkruajnë mediat amerikane.

Jack Smith ishte emëruar nga Prokurori i Përgjithshëm i Presidentit Biden, Merrick Garland, për të hetuar dy çështje të mëdha ndaj Trump: trajtimin e dokumenteve të klasifikuara dhe rolin e tij në ngjarjet e 6 janarit 2021. Të dy rastet janë hedhur poshtë nga gjykatat pas kthimit të Trump në pushtet.

Hetimi është nisur nga Njësia e Aktit Hatch – një ligj që ndalon zyrtarët federalë të marrin pjesë në aktivitete politike – dhe konfirmohet nga një email i zbuluar nga The New York Post, i shkruar nga këshilltari i lartë Charles Baldis.

Senatori republikan Tom Cotton, i cili kërkoi hetimin, deklaroi: “Askush nuk është mbi ligjin. Veprimet e Smith ishin të qarta: për të dëmtuar fushatën e Trump dhe për të mbështetur Bidenin. Ky është abuzim i pastër i pushtetit”.

Sipas Cotton, Smith ka përshpejtuar qëllimisht hetimet për të ndikuar në momente kyçe të fushatës presidenciale, si kaukuset në Iowa, duke synuar të ndikojë rezultatin e zgjedhjeve. Ai e quajti këtë një “aktivitet të paligjshëm elektoral nga një zyrtar publik”.

Smith ende nuk ka komentuar publikisht mbi hetimin, por më parë ka këmbëngulur se veprimet e tij kanë qenë të pavarura dhe në përputhje me ligjin. Ai dha dorëheqjen në janar 2025, pasi Trump u kthye në detyrë.

Nëse hetimi aktual ndaj Jack Smith për shkelje të mundshme të ligjit dhe përdorim politik të pushtetit si prokuror special çon në ngritjen e një aktakuze ndaj tij, mund të hapet një kapitull i ri edhe për rastin e ish-presidentit të Kosovës, Hashim Thaçi.

Natyrisht lind pyetja nëse prokurorja e përgjithshme Pam Bondi, me urdhër të presidentit Trump, do të ndërmarrë veprime për tërheqjen e të gjithë prokurorëve specialë të përfshirë në dosjen kundër Thaçit – të cilët janë të gjithë shtetas amerikanë – në rast se provohet se Smith ka shkelur procedurat gjatë arrestimit të tij.

Thaçi u arrestua në prag të një vizite të planifikuar në Shtëpinë e Bardhë, ku pritej të nënshkruhej një marrëveshje historike paqeje ndërmjet Kosovës dhe Serbisë. Akuza se ky arrestim ishte i motivuar politikisht ka qarkulluar më herët në qarqe politike në Ballkan, por tani, me nisjen e hetimeve zyrtare ndaj ish-prokurorit Smith, këto dyshime po marrin një dimension të ri.

Vulat në pasaportat do të zëvendësohen me kontrolle biometrike për njerëzit që udhëtojnë brenda dhe jashtë BE-së nga 12 tetori, kanë konfirmuar zyrtarët. Sistemi i Hyrjes/Daljes (EES) do të zëvendësojë kontrollet aktuale në letër. Kjo do të thotë se pasagjerët do të duhet të skanojnë gjurmët e gishtërinjve dhe fytyrën për të kaluar kufirin e […]

The post Mësoni si do të funksionojë sistemi EES, skema në zbatim nga 12 Tetori appeared first on BoldNews.al.

Gjatë një takimi informal me gazetarët, kreu i Strukturës së Posaçme Anti-Korrupsion, Altin Dumani i është përgjigjur pyetjes dhe në lidhje me hetimet për aferën e kompanisë “Bankers Petroleum Albania”, të cilat aktualisht janë në dorë të Prokurorisë së Fierit. Dumani tha se është në dorën e Prokurorisë së Fierit që të vendosë nëse do […]

The post Afera “Bankers”/ Dumani: E ka në dorë Prokuroria e Fierit, nëse do ta sjellë në SPAK appeared first on BoldNews.al.

TIRANË, 31 korrik /ATSH/ Drejtuesi i Prokurorisë së Posaçme Kundër Korrupsionit dhe Krimit të Organizuar, Altin Dumani bëri të ditur sot se po kryhen hetime intensive dhe të pandërprera për dosjen e vrasjes së 4 protestuesve para Kryeministrisë në protestën e 21 Janarit 2011.

Gjatë një bashkëbisedimi informal me gazetarët, kreu i SPAK tha se dosja e 21 Janarit është prioritare.

“Po kryhen hetime intensive për 2 vrasje, 3 plagosje dhe pengim të zbardhjes sa të vërtetës.  Është administruar kaseta audiovizive. Ajo është çështje prioritare”, është shprehur Dumani siç dhe raportojnë në medie gazetarët e pranishëm gjatë këtij takimi informal.

Ai theksoi se Prokuroria e Posaçme ka në vëmendje vendimin e Gjykatës Evropiane për të Drejtat e Njeriut në rastin e Aleks Nikës.

“SPAK ka marrë në konsideratë edhe vendimin e Gjykatës së Lartë dhe Strasburgut. Prokurori është ai që vendos si do të hetojë dhe radhën se si do të merren në pyetje personat. Është një nga dosjet prioritare”, tha Dumani.

Në 21 Janar të vitit 2011 gjatë protestës që u zhvillua përpara Kryeministrisë u vranë katër qytetarë: Aleks Nika, Ziver Veizi, Faik Myrtaj dhe Hekuran Dedaj.

Në nëntor të vitit 2023 Gjykata Ndërkombëtare për të Drejtat e Njeriut, në Strasburg, e cilësoi 21 Janarin si “krim shtetëror” dhe që duhet hetuar si i tillë.

Pas urdhrit të Gjykatës së Lartë, në korrik 2024, Prokuroria e Posaçme (SPAK) nisi zyrtarisht hetimet për 21 Janarin.

/m.q/r.e/

The post 21 Janari, Dumani: Dosje prioritare, hetime intensive për vrasjet dhe pengimin e zbardhjes së të vërtetës appeared first on Agjencia Telegrafike Shqiptare.

Kreu i Prokurorisë së Posaçme, Altin Dumani, ka zhvilluar këtë të enjte një takim informal jashtë kamerave me gazetarët që ndjekin çështjet e drejtësisë dhe mbulojnë institucionin e SPAK. Nga Kodi i ri Penal, kufizimi i konmpetencave të SPAK, apo tek çështjet e Veliajt me Gëllçit, Altin Dumani i është përgjigjur pyetjeve për disa çështje […]

The post Nga Kodi i ri Penal, Krimet zgjedhore tek Veliaj e Gëllçi, çfarë iu tha Altin Dumani gazetarëve appeared first on BoldNews.al.

Rreth 540 mijë euro në valuta të ndryshme dhe një armë sportive janë sekuestruar nga Policia, pas një hetimi të zhvilluar ndaj disa subjekteve të këmbimit valutor në Elbasan. Nga verifikimet ka rezultuar se administratorët e këtyre subjekteve nuk deklaronin të ardhurat e përfituara nga veprimtaria ekonomike. Operacioni i koduar “The Script” është zhvilluar në […]

The post Nën akuzë pronarët e 8 “Exchange” në Elbasan, sekuestrohen 540 mijë euro dhe dy armë appeared first on BoldNews.al.

Gazeta Si – Gadishulli Kamçatka, ku një tërmet i fuqishëm goditi në orët e para të mëngjesit të kësaj të mërkure, është pjesa më lindore e Federatës Ruse, e kufizuar nga Oqeani Paqësor dhe Deti i Okhotsk.

Me një gjatësi prej 1,200 kilometrash, banohet nga pak më shumë se 300,000 njerëz, pothuajse të gjithë rusë etnikë.

Një tokë zjarri, akulli dhe heshtjeje, e izoluar nga pjesa tjetër e vendit, pa lidhje rrugore me Rusinë kontinentale.

Rajoni është një parajsë vullkanike, një Vend i Trashëgimisë Botërore të UNESCO-s. Me mbi 160 vullkane, 30 prej të cilëve janë aktivë, është një nga zonat më sizmike aktive në botë.

Klyuchevskaya Sopka – një kolos prej 4,750 metrash – ngrihet mbi një peizazh llave, mjegulle dhe akullnajash.

Pranë saj, Lugina e famshme e Gejzerëve vlon me avull dhe ujëra sulfurore, duke ofruar një spektakël natyror që pak njerëz mund ta përballojnë ta shohin: jo vetëm për shkak të kostos, por edhe për shkak të logjistikës së ndërlikuar.

Arritja në Kamçatka është një udhëtim drejt të panjohurës. Duhet të paktën një fluturim 8-orësh nga Moska, duke u ulur në Petropavlovsk-Kamçatsky, i vetmi qytet i vërtetë në rajon.

Prej andej, brendësia hapet në një mozaik tundre, pyjesh dhe vargmalesh, ku arinjtë ngjyrë kafe janë më të shumtë se banorët.

Nuk ka hekurudha ose autostrada për të dalë: gadishulli është, në fakt, një ishull.

Për arsye strategjike ushtarake dhe veçanërisht për shkak të afërsisë me Shtetet e Bashkuara të Amerikës, rajoni ishte i mbyllur, si për të huajt, ashtu edhe për rusët deri në vitet 1990.

Vendndodhja e tij e bënte të përsosur për bazat e nëndetëseve, stacionet e radarëve dhe sitet bërthamore.

Disa pjesë të shtetit janë ende të paarritshme. Megjithatë, sot, shteti po përpiqet të rishpikë veten.

Turizmi i specializuar – duke përfshirë ecjen në vullkan, peshkimin ekstrem dhe vëzhgimin e jetës së egër – tërheq një numër të vogël udhëtarësh çdo vit. Por ekonomia mbetet e brishtë, e mbështetur kryesisht nga peshkimi dhe subvencionet qeveritare.

The post Vullkane aktive, një peizazh mjegulle dhe heshtjeje në Kamçatka (8 orë me avion nga Moska) appeared first on Gazeta Si.

Nga Gazeta Si- “Është një ide e mirë të ndërroni vendet e njohura dhe me kërkesë të lartë për pushime me rajone në zhvillim e sipër, ose të përfitoni nga vendet ku shpenzimet janë të ulëta. Për fat të mirë, ka mjaft mundësi për të zgjedhur nëse doni të kurseni para pa bërë kompromis me diellin ose cilësinë e përvojave”, shkruan Sarah Marshall në një artikull të botuar në të përditshmen britanike “Independent”.

Nga Spanja në Shqipëri, Independent ka renditur vendet më të mira për plazhe, për familjet, për aventura, për të bërë ski dhe për natyrën.

Kështu, Shqipërinë e ka renditur si vendin më të mirë për aventura.

“Qoftë duke shëtitur nëpër rrugët me kalldrëm, duke zbuluar majat e maleve apo duke notuar në ujërat e kaltra të shndritshme, Shqipëria ka një ngjashmëri të madhe me fqinjën e saj elegante përtej detit Adriatik”, thuhet në artikull, ku ndër të tjera shtohet se krahasuar me Italinë, plazhet janë më të qeta, vendet e fshehura janë më të shumta dhe çmimet janë dukshëm më të lira.

“Mësoni rreth të kaluarës përmes arkitekturës osmane, fashiste dhe sovjetike të kryeqytetit, Tiranës, ecni në shtigjet që të çojnë në Parkun Kombëtar të Valbonës dhe relaksohuni në plazhet e arta të Rivierës Shqiptare”, thuhet në artikull.

 “Independent” rendit vendet më të mira për t’u vizituar në vitin 2025 – për pushime të përballueshme:

1. Vendi më i mirë për aventura: Shqipëria

2. Vendi më i mirë për plazhet: El Gouna, Egjipt

3. Vendi më i mirë për familjet: Galicia, Spanjë

4. Vendi më i mirë për ski: Voss, Norvegji

5. Vendi më i mirë për natyrën: Bosnjë-Hercegovina

The post Independent: Shqipëria, vendi më i mirë për aventura appeared first on Gazeta Si.

Pasaporta më e fuqishme në botë është zbuluar dhe Mbretëria e Bashkuar ka rënë ndjeshëm në renditje. Dokumenti i udhëtimit që u ofron pasagjerëve udhëtimin ndërkombëtar më pa probleme sipas Indeksit të Pasaportave Henley është pasaporta e Singaporit.

Indeksi i Pasaportave Henley analizon të dhënat nga Autoriteti Ndërkombëtar i Transportit Ajror (IATA) dhe shqyrton 199 pasaporta të ndryshme dhe 227 destinacione.

Japonia dhe Koreja e Jugut pasuan nga afër në vendin e dytë, me dokumentet e udhëtimit që ofrojnë qasje të lehtë në 190 vende të ndryshme. Ndërsa Danimarka, Finlanda , Franca , Gjermania , Irlanda, Italia dhe Spanja u renditën të tretat së bashku.

Pasaportat e të gjitha shtatë vendeve u lejojnë udhëtarëve të vizitojnë 189 destinacione.

Austria, Belgjika, Luksemburgu, Holanda, Norvegjia, Portugalia dhe Suedia u renditën të katërtat, së bashku, me qasje në 188 vende të ndryshme. Në vendin e pestë, pasaportat e Greqisë, Zelandës së Re dhe Zvicrës ofrojnë të gjitha qasje në 187 destinacione.

Megjithatë, dokumenti blu i udhëtimit i Mbretërisë së Bashkuar u rendit i gjashti, me të drejta të lehta vizite në 186 vende. Edhe pse mund të duket e lartë, pasaporta u rendit si më e fuqishmja midis viteve 2013 dhe 2015.

Pas Mbretërisë së Bashkuar, Australia, Çekia, Hungaria, Malta dhe Polonia renditen të gjitha në vendin e shtatë, me qasje pa viza në 185 vende. Kanadaja, Estonia dhe Emiratet e Bashkuara Arabe u renditën të tetat, duke dhënë vizita të lehta në 184 destinacione.

Ndërsa Kroacia, Letonia, Sllovakia dhe Sllovenia u renditën të nëntat. Pasaportat nga këto vende kanë qasje në 183 vende. Në vendin e dhjetë, Islanda, Lituania dhe Shtetet e Bashkuara barazuan me 182 vende. Nga 199 pasaportat e analizuara, Afganistani u rendit i fundit, me pasaportën që ofron qasje pa viza në vetëm 25 vende.

Renditja e pasaportave për udhëtim pa viza

Singapor, 193 destinacione
Japonia dhe Koreja e Jugut, 190 destinacione
Danimarka, Finlanda, Franca, Gjermania, Irlanda, Italia dhe Spanja, 189 destinacione
Austri, Belgjikë, Luksemburg, Holandë, Norvegji, Portugali dhe Suedi, 188 destinacione
Greqia, Zelanda e Re dhe Zvicra, 187 destinacione
Mbretëria e Bashkuar, 186 destinacione
Australia, Çekia, Hungaria, Malta dhe Polonia, 185 destinacione
Kanada, Estoni, Emiratet e Bashkuara Arabe, 184 destinacione
Kroacia, Letonia, Sllovakia dhe Sllovenia, 183 destinacione
Islanda, Lituania dhe Shtetet e Bashkuara, 182 destinacione

The post Zbulohet pasaporta më e fuqishme në botë appeared first on iconstyle.al.

Nga Gazeta Si- Me çmimet e udhëtimeve në rritje dhe destinacionet popullore të mbipopulluara, shumë udhëtarë po largohen nga pushimet kryesore në kërkim të përvojave të përballueshme ose të panjohura. Nga Europa bregdetare në Afrikën ekuatoriale, ‘Travel Radar’ e rendit Shqipërinë si një nga tre destinacione në zhvillim që mund të jenë ndër zgjedhjet më të mira të vitit 2025.

“Me malet e saj të ashpra, Alpet veriore të paprekura dhe bregdetin bruz Ksamilit, Shqipëria është shndërruar nga një sekret për udhëtarët me çanta shpine në një konkurrente serioze midis vendeve të nxehta turistike alternative të Europës”, shkruan ‘Travel Radar’, duke shtuar se Organizata Botërore e Turizmit e Kombeve të Bashkuara ka raportuar se u rendit i treti vend në rritjen globale të turizmit, me një rritje prej 80 për qind të vizitorëve krahasuar me vitin 2019.

Media e huaj shkruan se Shqipëria po shfaqet si një alternativë e përballueshme ndaj destinacioneve të njohura mesdhetare, duke ofruar peizazhe të larmishme për një gamë të gjerë udhëtarësh.

“Vija bregdetare i përshtatet pushimeve në plazh, ndërsa liqenet, gjiret dhe shtigjet malore u tërheqin vëmendjen eksploruesve të natyrës. Më pak i globalizuar se fqinjët e saj, vendi ka ruajtur mikpritjen e tij tradicionale, me një përzierje kulturore të ndikimeve osmane dhe greke. Muzika popullore, zakonet dhe identiteti i fortë lokal e bëjnë Shqipërinë gjithnjë e më tërheqëse për turistët”, shkruan ‘Travel Radar, teksa shton se plazhet mahnitëse dhe qytetet bregdetare të Rivierës Shqiptare rivalizojnë destinacione si bregdeti i Greqisë, por me një çmim shumë më të ulët.

“Infrastruktura turistike është përmirësuar gjithashtu vitet e fundit. Për më tepër, linjat ajrore kanë zgjeruar shërbimin drejt Aeroportit Ndërkombëtar të Tiranës gjatë pesë viteve të fundit”, shkruhet në artikull.

Në përfundim, shkrimi mbyllet duke thënë se Shqipëria nuk është vetëm një destinacion në zhvillim i përballueshëm me më pak turma por edhe po ripozicionohet në skenën ndërkombëtare.

The post Travel Radar: Shqipëria një nga 3 destinacionet për 2025 appeared first on Gazeta Si.