Komisioni i BE-së u ka paraqitur zyrtarisht shteteve anëtare listën e kundërtarifave prej 72 miliardë eurosh të gatshme për t’u zbatuar në përgjigje të së ashtuquajturave tarifa reciproke të SHBA-së për makinat.

Pas mbylljes së konsultimit publik më 10 qershor, paketa fillestare prej 95 miliardë eurosh u zvogëlua, por – sipas listës së parë nga ANSA – ajo ruan bazat e eksporteve të SHBA-së si mishin e viçit dhe derrit, SUV-ët, kamionçinat dhe komponentët e avionëve të lidhur me ”Boeing ”.

Gjithashtu në shënjestër është uiski ikonik i Kentuckyt.

”Lista është ende subjekt i ndryshimeve ”, specifikon një burim diplomatik, duke konfirmuar se shqyrtimi nga të 27-t do të çojë në “rregullime të mëtejshme” para miratimit.

Lista, e reduktuar në afërsisht 200 faqe nga 218 faqet fillestare të hartuara midis prillit dhe majit, u vu në tryezën e të 27-ve me një vlerë totale prej 72,1 miliardë eurosh, që do t’i shtohet paketës fillestare prej 21 miliardë eurosh të ngrira deri më 1 gusht.

Lista mban një strukturë të synuar që synon sektorët me ndikim të lartë ekonomik dhe politik, me qëllim ribalancimin e bilancit tregtar me Uashingtonin: nga uiski i Kentuckyt, pavarësisht presionit të fortë nga Italia, Franca dhe Irlanda për të mbrojtur sektorin e pijeve nga hakmarrja e Trump – te karavidhet e Maineit, nga agrumet e Floridës te mikroçipat e Teksasit dhe teknologjia ”Silicon Valley”.

Ajo gjithashtu përfshin sektorë kyç për shtetet bujqësore dhe prodhuese, të tilla si soja e Luizianës, mishi i viçit dhe shpendët dhe produktet e drurit, të konsideruara si impute strategjike për prodhimin amerikan dhe thelbësore për ekonomitë e shteteve si Xhorxhia, Virxhinia dhe Alabama.

Brukseli po përgatit një kundërsulm në dy fronte, industrinë agro-ushqimore dhe të rëndë.
Kundërtarifat për produktet ushqimore të konsumit ndikojnë në një vlerë prej afërsisht 6,3 miliardë eurosh si fruta, perime, reçel, mish të freskët dhe të përpunuar, pije alkoolike (verë, birrë, pije alkoolike), ëmbëlsira, erëza, duhan, lëngje dhe shurupe.

Vetëm sektori i prodhimeve të detit vlen 510 milionë euro dhe përfshin salmonin, butakët dhe peshkun e Alaskës.

Bllokada industriale shumë më e madhe prek industritë e rënda dhe teknologjike, me një vlerë prej 65,7 miliardë eurosh si avionë dhe pjesë këmbimi ”Boeing” (10,8 miliardë euro), përbërës automobilistikë (9,9 miliardë euro), makineri (9,4 miliardë euro), pajisje mjekësore (7,6 miliardë euro), kimikate dhe plastikë (7,7 miliardë euro), pajisje elektrike (6,1 miliardë euro) dhe instrumente precize.

Produktet farmaceutike, gjysmëpërçuesit dhe lëndët e para të rëndësishme si bakri dhe druri, ende të përjashtuara nga tarifat e Uashingtonit, mbeten jashtë fushëveprimit.
Një përjashtim i mëtejshëm ka të bëjë me produktet për përdorim ushtarak, të cilat Brukseli i ka lënë qëllimisht jashtë perimetrit të tarifave, edhe në dritën e lëshimeve të bëra nga Shtëpia e Bardhë në lidhje me blerjet e armëve nga SHBA-ja.

Krahas kundërtarifave, ekzekutivi i BE-së po propozon gjithashtu një paketë të synuar kufizimesh mbi eksportet evropiane jashtë shtetit, me vlerë 94,4 milionë euro duke u përqendruar në skrapin e metaleve me ngjyrë dhe aluminin.

Një nga lodrat më të kërkuara të momentit, një figurë e rrallë e Labubu nga gjenerata e parë, është shitur për plot 150 mijë dollarë në një ankand të organizuar në Pekin.

Figurina me ngjyrë menteje, me përmasa mbresëlënëse prej 131 centimetrash, u shit për 1.08 milionë juanë në Ankandin Ndërkombëtar Yongle një event i organizuar ekskluzivisht për lodrat koleksionuese që po bëjnë bujë në mbarë botën. “Urime blerësit online për përvetësimin e një figure unike në botë”, deklaroi drejtuesi i ankandit pas përfundimit të shitjes.

Labubu është një linjë lodrash prej pelushi e krijuar nga ilustruesi Kasing Lung dhe e shpërndarë nga kompania gjigante Pop Mart. Këto figura, që duken si krijesa elfish me pamje paksa djallëzore, por gjithashtu simpatike, janë kthyer në një fenomen global, duke shkaktuar radhë të gjata, blerje impulsive dhe në disa raste edhe përplasje pranë dyqaneve.

Vetëm gjatë këtij ankandi, që konsiderohet si i pari i këtij lloji për lodra koleksionuese, u shitën 48 figura Labubu. Një tjetër Labubu ngjyrë kafe, me lartësi 160 centimetra, u shit për 114.086 dollarë – çmimi i dytë më i lartë i ankandit. Pop Mart bëri të ditur se ekzistojnë vetëm 15 figura të tilla në të gjithë botën.

Çdo figurë tjetër u shit me çmime që kalonin 1.000 dollarët. Një çift figurash që ngjajnë me personazhet Minion u shit për 1.391 dollarë.

Përveç çmimit të objektit, blerësit duhej të paguanin edhe një komision prej 15%.

Çmimi i lodrave Labubu ka pësuar rritje të ndjeshme për shkak të kërkesës së lartë. Një kuti e versionit 3.0, që fillimisht kushton 81 dollarë, arrin të shitet deri në 278 dollarë në tregun e dorës së dytë.

Pop Mart ka përfituar ndjeshëm nga mania globale për Labubu. Vetëm gjatë vitit të kaluar, të ardhurat globale të kompanisë u rritën me 125%, ndërsa fitimet në tregun kinez arritën mbi 1.09 miliardë dollarë – një rritje prej 34% krahasuar me vitin 2023.

Kompania ka njoftuar se do të vijojë me ankande të tjera për figura Labubu dhe vepra të tjera moderne./abcnews.al

Në tregun e këmbimit valutor shqiptar, një dollar amerikan do të blihet sot me 85.4 lekë dhe do shitet me 86.6 lekë. Ndërkohë monedha evropiane euro do blihet me 97.6 lekë dhe do shitet me 98.4 lekë. Franga zvicerane sot në tregun shqiptar do blihet me 103.9 lekë dhe do shitet me 105.1 lekë. Ndërsa […]

The post Këmbimi valutor 5 qershor/ Me sa blihen e shiten dollari dhe euro appeared first on BoldNews.al.

Bitcoin ka arritur një nivel të ri historik, duke kaluar për herë të parë pragun prej 110,000 dollarësh për njësi, sipas të dhënave nga platforma e tregtimit Binance.

Rreth orës 02:27 të mëngjesit me orën e Moskës (23:27 GMT), çmimi i kriptomonedhës u rrit me 3.65%, duke arritur në 111,000 dollarë. Megjithatë, disa minuta më vonë, çmimi pësoi një korrigjim të lehtë, duke u ulur në 109,600 dollarë, me një rritje totale ditore prej 2.59%.

Ekspertët e tregut, të cituar nga agjencia ruse TASS, kanë parashikuar që rritja e Bitcoin mund të mos ndalet në këtë pikë. Sipas tyre, monedha më e madhe dixhitale në botë ka potencialin të arrijë deri në 300,000 dollarë në periudhë afatmesme, duke reflektuar interesin në rritje institucional dhe qëndrueshmërinë e teknologjisë blockchain.

Bitcoin, i prezantuar për herë të parë në nëntor 2008 nga një autor (ose grup autorësh) nën pseudonimin Satoshi Nakamoto, është një sistem i decentralizuar që operon pa një bankë qendrore apo ndërmjetës financiar. Transaksionet verifikohen dhe ruhen në një regjistër publik të quajtur blockchain, ndërsa njësitë e reja të monedhës krijohen përmes procesit të minimit.

Rritja aktuale e çmimit po konsiderohet si një nga valët më të forta në historinë e Bitcoin-it dhe vjen në një moment kur tregjet financiare globale po përballen me paqëndrueshmëri dhe inflacion të lartë.

LEXONI GJITHASHTU:

• Tension në takimin e Trump dhe presidentit të Afrikës së Jugut, zbardhen diskutimet
• Dy punonjës të ambasadës izraelite vriten në Uashington, arrestohet i dyshuari

The post Çmimi i Bitcoin arrin nivelin më të lartë historik, tejkalon 110 mijë dollarë appeared first on Euronews Albania.

Presidenti ameriakn, Donald Trump, njoftoi më herët këtë muaj se kryeministri i Katarit i kishte ofruar si dhuratë një avion Boeing 747-8, i cili më parë kishte qenë në pronësi të familjes mbretërore të Katarit. Vlerësuar rreth 400 milionë dollarë, “pallati në qiell”, siç e quanin, do të ishte një nga dhuratat më të kushtueshme që një qeveri e huaj i ka bërë ndonjëherë një presidenti amerikan në histori.

“Është një gjest i shkëlqyer nga Katari. Nuk do të isha kurrë nga ata njerëz që do ta refuzonin një ofertë të tillë. Dua të them, mund të isha budalla dhe të thosha se nuk e duam një aeroplan falas, shumë të shtrenjtë,” u tha Trump gazetarëve javën e kaluar.

Demokratët e dënuan menjëherë marrëveshjen për arsye etike, sigurie, madje edhe kushtetuese, ndërkohë që edhe disa republikanë dhe aleatë të fortë të lëvizjes MAGA, si senatori i Missourit, Josh Hawley, shprehën shqetësime. Dhënia e dhuratës është plotësisht legale dhe normale, theksoi të martën kryeministri i Katarit, Sheikh Mohammed bin Abdulrahman Al-Thani, duke e quajtur këtë një gjë të zakonshme që ndodh mes aleatëve.

“Nuk e kuptoj pse njerëzit e konsiderojnë këtë si ryshfet apo si përpjekje të Katarit për të blerë ndikim te kjo administratë. U krijuan shumë polemika rreth kësaj, që unë e quaj një shkëmbim mes dy vendeve”, tha ai në Forumin Ekonomik të Katarit.

Ai shtoi se historia e aeroplanit është thjesht një transaksion midis dy ministrive të mbrojtjes, që në thelb realizohet në mënyrë krejtësisht transparente dhe ligjore. Administrata Trump ka kohë që përpiqet të zëvendësojë flotën e vjetruar të Air Force One, aeroplanin Boeing 747-200B, të cilët janë në përdorim që nga viti 1990.

Aktualisht, kompania Boeing po modifikon dy aeroplanë më të rinj të tipit Boeing 747 për të përmbushur kërkesat që nevojiten që aeroplanët të shërbejnë si Air Force One, me një kosto prej miliarda dollarësh amerikanë, por përfundimi i projektit është shtyrë për në vitin 2027, gjë që ka bërë që Trump të shprehë zhgënjimin e tij.

“Jemi shumë të zhgënjyer që Boeingut i duhet kaq shumë kohë për të ndërtuar një Air Force One të ri”, u ankua ai javën e kaluar.

Edhe nëse Trump e pranon dhuratën nga Katari të cilën ka premtuar se do t’ia dhurojë bibliotekës së tij presidenciale në fund të mandatit do të duheshin vite dhe qindra milionë dollarë për ta modifikuar atë që të mund të shërbente si aeroplan presidencial./POLITICO

The post Analiza e Politico: A po e blen Katari miqësinë e Trumpit me një aerpoplan luksoz? appeared first on Sot News | Lajme.

Qeveria shqiptare investon 10 milionë USD në kompaninë ‘Thinking Machines Lab’, një ‘start-up’ i themeluar nga ish-punonjësja ekzekutive e Open AI. Nisur nga një bisedë mes Kryeministrit Edi Rama dhe Mira Muratit, ish-drejtoreshës së teknologjisë së kompanisë “Open AI”, Këshilli i Ministrave ka firmosur me Akt Normativ financimin me 10 milionë dollarë të një kompanie […]

The post “Urgjente”/ Qeveria jep 10 milionë dollarë për kompaninë e Mira Muratit appeared first on BoldNews.al.

Bitcoin ka arritur vlerën e më shumë se 100 mijë dollarëve, për herë të parë pas tre muajsh. Siç raporton Bloomberg, kjo rritje u nxit nga pritshmëritë për një zbutje të tensioneve tarifore globale, pas marrëveshjes tregtare SHBA-Britani dhe bisedimeve mes Uashingtonit dhe Kinës. Çmimi i Bitcoin arriti një rekord prej 109 mijë dollarësh në […]

The post Bitcoin, në nivelet më të larta që nga janari, kalon 100 mijë dollarë appeared first on BoldNews.al.

Statusi i një gazetari i cili thoshte se kishte pyetur nëse kreu i PD, Sali Berisha mund të udhëtojë drejt SHBA, u kthye në një lajm dhe qendër e vëmendjes, sidomos në kampin opozitar.

Në një intervistë për “Tirana Live” në ABC News, analisti Arben Meçe tha se vendimi i DASH është i qartë, ashtu sikurse rregullat e SHBA për të shpallurit ‘non grata’, prandaj nuk sipas tij nuk vend për interpretime e aq më pak për keqkuptime.

Sa i takon statusit të gazetarit në platformën “X”, (dikur Twitter), Meçe e konsideroi si një lajm ordiner dhe mashtrues. Analisti nuk la pa përmendur as lobimin prej 6 milion dollarët, të cilën e quajti thjesht të turpshëm.

“Kontrata e lobimit është një turp i madh për Berishën. Kontrata e lobimit ishte një goditje e rëndë ndaj opozitës, por edhe sot që flasim vazhdon të ketë ndikimin e vet në opinionin publik. Është një mashtrim, tipik mashtrues. Heqja e “non gratës” me një lobim 6 milionë dollarë nga emigrantët, është qesharake. Mesazhi i një gazetari, nuk është gjë tjetër veçse një mashtrim ordiner. Ndërkohë që mesazhi nga DASH ishte shumë korrekt. DASH e jep qartë fare këtë lloj politike që Amerika nuk mund ta përjashtojë për Shqipërinë. Lobimi 6 milionë dollarë tregoi para publikut një mashtrim të turpshëm. U kuptua nga populli shqiptar që qëndrimi i SHBA ndaj Berishës është i dukshëm”, tha Meçe.

Sa për përplasjet agresive të kohëve të fundit nga kandidatët apo simpatizantët e opozitës, analisti tha se Berisha ka qenë gjithmonë një figurë agresive dhe se PD-në e ka kthyer në një parti të interesave të tija personale.

“Berisha është i perceptuar si një figurë agresive në Shqipëri, pavarësisht “non gratës”. Lobimi 6 milionë bind njerëzit për këtë mashtrim. Berisha ka vdekur si figurë politike. E ka kthyer PD në një parti të interesave të tija personale. Sherri masiv ishte e pjella e një situate të mbarsur në Elbasan e PD-së, e cila shpërtheu përçarjen e madhe që ka PD në Elbasan. Rezultati i primareve në Elbasan u përmbysë në mënyrë të dhunshme nga Berisha dhe Boçi solli përçarje. Djali i Boçit nuk u dhunua, ai mori shpagimin”,  përfundoi analisti./abcnews.al

Bill Gates, do të dhurojë pothuajse të gjithë pasurinë e tij personale në dy dekadat e ardhshme. Miliarderi ka deklaruar se po përshpejton planet për të shitur pasurinë e tij dhe për të mbyllur Fondacionin Gates më 31 Dhjetor 2045.

“Njerëzit do të thonë shumë gjëra për mua kur të vdes, por jam i bindur që ‘ai vdiq i pasur’ nuk do të jetë njëra prej tyre”, shkroi Gates në një postim.

Ai gjithashtu, kritikoi ashpër Elon Musk, njeriun më të pasur në botë, një figurë kyçe në administratën e Presidentit Donald Trump, duke e akuzuar atë për vrasjen e fëmijëve më të varfër në botë.

Musk ka drejtuar Departamenti i Efikasitetit të Qeverisë dhe me rolin e tij ka ndikuar në vendimin e Presidentit Trump për të ndërprerë fondet për agjencinë e USAID, e cila më parë ka ofruar miliarda në fonde për gjithçka, nga vaksinat për fëmijët deri te ndihmat ushqimore.

Gates e bëri njoftimin me rastin e 25-vjetorit të fondacionit, të cilën e themeloi me ish-bashkëshorten Melinda. Që nga themelimi, fondacioni ka dhuruar 100 miliardë Dollarë, duke ndihmuar në shpëtimin e miliona jetëve.

The post Bill Gates do të dhurojë 200 miliardë dollarë: Njerëzit nuk do të thonë “ai vdiq i pasur” appeared first on Albeu.com.

Deputeti i Partisë Demokratike dhe krahu i djathtë i Sali Berishës, Flamur Noka, ka postuar një lajm sipas të cilit Sali Berisha tashmë mund të udhëtojë drejt Shteteve të Bashkuara të Amerikës.

“Gazetari amerikan Marc Caputo pyeti Departamentin Amerikan të Shtetit nëse Sali Berisha mund të vizitojë SHBA-të. Ne japim rregullisht përjashtime për të lehtësuar udhëtimin e individëve të caktuar në SHBA, në përputhje me detyrimet ndërkombëtare dhe interesat tona kombëtare. Si e tillë, ne nuk do të lejojmë që interesat tona të politikës së jashtme apo marrëdhëniet me Shqipërinë të mbahen peng nga vendime të politizuara të epokës së Biden-it”, citon Noka në postimin e tij.

Ky deklarim ka shkaktuar një përplasje online me aktivisten Evi Kokalari, e cila e vë Noken me shpatulla pas murit duke e pyetur pse firmosi një kontratë prej 6 milionë dollarësh nëse “non grata”-ja e Berishës ka rënë.

“Oh yeah! Atëherë pse firmose kontratën prej 6 milionë dollarësh me ish-shefin e shtabit të senatorit Rubio? Flamur, seriozisht… thjesht hesht, sepse dukesh si një idiot i vërtetë”, komentoi Kokalari në postimin e Nokës.

Komenti i Kokalarit:

“Oh yeah! Atëherë pse firmose $6 million kontratë ti me ishe shefin e stabit të Rubios?… Flamur, seriozisht. just shhhhh…be quite bc you look like a complete idiot”.

The post “Nëse u hoq non grata, pse firmose për 6 mln dollarë”/ Kokalari bën për ‘ujë të ftohtë’ Flamur Nokën: Je komplet idiot appeared first on Sot News | Lajme.

Monedha europiane euro vijon të qëndrojë në nivele të ulëta në raport me lekun. Ditën e fundit euro ka shënuar një rënie të lehtë, ku këtë të martë, 6 maj, blihet në tregun valutor me me 97.5 lekë dhe shitet me 98.4 lekë.

Nga ana tjetër, dollari amerikan qëndron në të njëjtat nivele, ku në tregun valutor blihet me 86 lekë dhe shitet me 87.2 lekë.

Paundi britanik gjithashtu ka shënuar rënie, ai blihet me 114 lekë dhe shitet me 115.5 lekë.

Ndërkohë që franga zvicerane qëndron në të njëjtat nivele, ajo blihet me 104 lekë dhe shitet me 105.2 lekë.

LEXONI GJITHASHTU:

• Këmbimi valutor: Euro në nivele të ulëta, me sa shiten e blihen monedhat e tjera
• Këmbimi valutor: Euro pëson një rritje të lehtë, bie dollari

The post Euro vijon rënien në tregun valutor, me sa këmbehen monedhat e tjera appeared first on Euronews Albania.

Edi Rama, gjatë mitingut të sotëm në Korçë, ka sulmuar edhe kundërshtarin e tij, Sali Berishën, si dhe ish-drejtuesin e fushatës së Trump, Chris LaCivita. Rama e krahasoi LaCivitan me aktorin korçar që luante tek filmi “Gjeneral Gramafoni”, teksa sipas tij, ai erdhi nga Amerika, erdhi ca vërdallë dhe iku, por mori 6 milion dollarë. […]

The post Rama për LaCivitan: Si korçari te “Gjeneral Gramafoni”. Erdhi nga Amerika, mori 6 mln dollarë e iku appeared first on BoldNews.al.

Rama këtë të hënë mbylli fushatën elektorale në Pogradec, nga ku tha se Sali Berisha pagoi 6 milionë dollarë për të hequr damkën në ballë.

Lobimin pre 6 milionë dollarësh Rama e ironizoi duke e cilësuar si problemet e një njeriu të pashpresë dhe të dëshpëruar.

“Ka rrëshqitur nuk është më në metro. Tani këtij derëziut dhe punëziut nuk i doli njeri që t’ia heqë të paktën këtë lloj degradimi në sy të njerëzve, por dhe ky nuk është se dëgjon njeri. Ka një hall shumë të madh. E mbani mend kur thoshte që ma vendosi “non gratën” Edi Rama me Sorosin, po tani pse nuk e hoqi “non gratën”?!

Për të hequr damkën, nxori 6 milionë dollarë. 7 herë 7 vajtën 6 milionë. Para e madhe, nga e nxori, ku i gjeti? Këto janë problem të mëdha që flasin për një njeri të pashpresë dhe të dëshpëruar që lufton si i mbyturi që kapet pas fijes së barit. Por, nuk mund të lejojmë ne një njeri të mbytur që mbyt”, tha Rama./abcnews.al

TIRANË, 4 maj/ATSH-Maela Marini/ Kryeministri Edi Rama, njëkohësisht kryetar i Partisë Socialiste komentoi sot lobimin 6 milionë dollarë të kreut të Partisë Demokratike, Sali Berisha për heqjen e “non gratës” nga SHBA.

Në takimin përmbyllës elektoral në Shkodër, Rama komentoi edhe deklaratat e fundit të Berishës.

“Ore ia hoqën atë non gratën? Apo në datën 12 do t’ia heqin?  Sikur do t’ia hiqnin se 6 milionë dollarë janë shumë. Bufi dje ishte kapur me Lamborghini-n e Noizy. ‘Ai ka lekët e veta’ tha por janë 50 mijë pensione. Në fillim tha janë 10 mijë se tani di çfarë thotë. Tani çfarë ka me Noizy-n? Si qenkan 50 mijë pensione për Lamborghini-n e Noizy-t? Sa kushton Lamborghini? Kushton shumë më pak se 6 milionë dollarë”, tha Rama.

Rama tha se “nëse shkojmë me logjikën aritmetike të bufit, 6 milionë dollarë janë 500 mijë pensione”.

“Bufi për të larë damkën, siç ia vënë deleve, që ia kanë vurë bam për të larë atë numrin në kokë, sa pensione paska paguar? Nëse Noizy për Lamborghini-n e vet janë 50 mijë pensione, po bufi me lekët e kujt? Se i bie me aritmetikën e tij 500 mijë pensione. Se Lamborghini është shumë më pak se 1 milion. Çfarë aritmetike është kjo? Tani për çfarë do të diskutojmë ne?”, tha Rama. /j.p/

The post Rama: Lobimi 6 milionë dollarë i “bufit” për të larë damkën, sa 500 mijë pensione appeared first on Agjencia Telegrafike Shqiptare.

Kandidat i PS në qarkun e Tiranës, Erion Braçe i ftuar në një intervistë televizive komentoi kontratën 6 milionë dollarë të PD-së, për heqjen e non grata-s së Sali Berishës. Braçe tha se ishte i habitur nga shuma e harxhuar për këtë lobim dhe se i vinte për të qeshur kur kujtonte se ai po e zhvillon fushatën e tij pa kamera dhe duke lëvizur në këmbë.

“Janë shifra të habitshme, dhe më bën të mendoj edhe një herë për vetëm time që po bëj fushat elektorale vetëm me mendjen, këmbët dhe duart e mia me vjen për të qeshur. E kam thënë një herë në komision që ka një lumë të paimagjinueshëm parash që do të deformojnë zgjedhjet askush se mori seriozisht. Dhe këto nuk ishin muhabetet e mia ato, ishin raportimet e agjencive të huaja.

Mua nuk më trembin aspak këto kontrata e as strategët. Janë çmime të habitshme. Fati ynë ishte që e zbuluam para zgjedhjeve sepse zakonisht veprime të tilla zbulohen pas zgjedhjeve”, u shpreh Braçe.

The post “Fat që e zbuluam para votimeve”/ 6 milionë dollarë për heqjen e non grata-s, Kandidati i PS-së Braçe: Nuk më… appeared first on Sot News | Lajme.

Avokatja Brizida Gjikondi në “News Line” në ABC News tha se për shkak të lobimit me shifër marramendësi kreu i PD Sali Berisha po shmang takimet dhe pyetjet me gazetarët pasi kjo është tema më e nxehtë e sferës politike në vend.

Gjikondi e konsideroi si të turpshëm veprimin e Berishës dhe të Partisë Demokratike. Ajo i mëshoi faktit se është pa sens që të japësh lekë për të fshirë një njollë, ku je shpallur “non grata” për korrupsion. Sa i takon përfshirjes së gjithë strukturave të PD në këtë lobim, Gjikondi tha se nuk ka pse të përfshihet një parti në një çështje individuale siç është ajo e “non gratës” së Berishës.

“Unë mendoj se prandaj është anuluar dhe takimi, sepse u shmanget pyetjeve të gazetarëve. Për herë të parë kemi një lobimi kaq të frikshëm për të hequr njollën e Berishës. Është e turpshme, nuk ka asnjë shqiptar dhe asnjë kompani që t’i paguajë Berishës 6 milionë dollarë. Ajo është një kontratë dinake dhe me hile. SPAK duhet të shikojë se përse kjo kontratë po bëhen pikërisht tani që është fushata zgjedhore.

Mua gjëja që më ka shqetësuar në fakt është një imoralitet ekstrem, që një “non grata” për korrupsion ta paguash me lekë. Të lash njollën që të kanë vendosur me lekë. “Non grata” është e Berishës, nuk ka përse të përfshihet partia për diçka individuale”, tha Gjikondi.

Më tej Brizida Gjikondi ngriti dyshimin se nënkrontaktori i këtij lobimi mund të jetë LaCivita. Sipas saj nuk ka pse një amerikan apo një patriot shqiptar të paguajë një shumë marramendëse parash për të hequr një “njollë” të Berishës.

“Unë pres që SPAK ta shikojë në detaje këtë gjë. Kanë qenë shumë dinakë dhe të kujdesshëm që ngjasme të bëjmë ‘Shqipërinë të Madhërishme’, nuk e di unë se kur ka qenë kjo ‘Shqipëria Madhështore’ me Berishën. Duhet të shikojnë dhe LaCivita nëse është pjesë e këtij lobimi, mund të jetë nënkontraktues. Nuk ka më limit më ironia dhe tragjedi-komedia, që po konsumohet. Gjoja këta janë lidhur me një kompani që është afër Trump dhe LaCivita është afër Trump”, përfundoi avokatja./abcnews.al

Një fotograf, i ftuar nga një mik për të fotografuar dasmën e tij për vetëm 250 dollarë, fshiu të gjitha fotot para syve të dhëndrit. Arsyeja? Pas orësh të gjata pune në vapë përvëluese, pa ujë e pa një vend në tryezë, iu mohua edhe një pushim 20-minutësh për të ngrënë.

Kur kërkoi një moment për të marrë veten, dhëndri i tha prerazi: “Ose punon, ose ik pa pagesë.”

I lodhur dhe i revoltuar, fotografi fshiu të gjitha fotot në vend dhe u largua, duke deklaruar: “Për 250 dollarë do t’i kisha paguar vetë vetëm për një gotë ujë dhe pak pushim!”

Ngjarja u bë virale në rrjet, ku shumë komentues e mbështetën: “Qentë janë miq më të mirë se këta ‘miq’!” – shkroi dikush.

The post 250 dollarë, as një gotë ujë! Fotografi shuan dasmën me një klik! appeared first on Albeu.com.

Kryeministri Edi Rama ka komentuar hetimin e nisur nga SPAK për një lobim 6 milionë euro në SHBA nga Partia Demokratike.

Gjatë një takimi me gratë dhe vajzat në Vlorë Rama tha se shpenzimi i 6 milionë eurove është tepër i madh dhe e krahasoi këtë me një rast të mëparshëm, ku sipas tij për 500 mijë euro, ish-lideri i PD-së, Lulzim Basha u vu në qendër të akuzave.

Kryeministri theksoi se tani po jepen 6 milionë euro vetëm për të hequr damkën e një personi të cilit i është ndaluar hyrja në disa shtete perëndimore.

“Nuk është aspak e ekzagjeruar të flasësh për katastrofën që goditi Vlorën atë vit dhe që ende ka pasoja të thella. E njëjta dorë që shkaktoi atë plagë, është ajo që sot kërkon votën e shqiptarëve për interesat e tij personale. Dhe, besoj se ju, ata që jeni këtu dhe ata që po e ndiqni këtë përballje, ndoshta jeni të habitur nga fakti që janë paguar plot 6 milionë euro, thuhet nga patriotët, janë paguar për të hequr damkën e një personi ‘non grata’. Ju kujtohet se herën e kaluar, Luli për 500 mijë euro u bë leckë, dhe ai tha se u mblodhën disa patriotë. Por 6 milionë euro për të hequr damkën e një personi ‘non grata’ janë shumë për të mos pyetur se ku janë gjetur ato para. Si mundet që për hallin e një individi të paguhen më shumë para sesa shteti i jep për të gjitha partitë politike së bashku? E çuditshme është edhe se më herët na thanë se sapo të vinte Trump, ai do të largohej nga lista ‘non grata’. Tani, na duhet edhe 6 milionë euro me shpresën se kjo do të ndodhë. Sidoqoftë, kjo çështje nuk është ajo që shqetëson shumicën dërrmuese të shqiptarëve, të cilët janë sot në një moment historik ku duhet të marrin një vendim të rëndësishëm dhe të drejtë për të ardhmen e vendit të tyre”, tha Rama.

Rama nga Vlora: 6 mln euro për non-gratën e Berishës! Ku u gjetën paratë? pic.twitter.com/AiYtxlWPZ5

— Euronews Albania (@EuronewsAlbania) April 27, 2025

LEXONI  GJITHASHTU:

• Kontrata 6 mln dollarëshe e lobimit të PD në SHBA, SPAK nis verifikimet
• Flamur Noka reagon për kontratën e lobimit: Në përputhje me ligjet e dy shteteve

The post Kontrata lobimit nga PD, reagon Rama: 6 milionë € për të hequr non gratën janë shumë appeared first on Euronews Albania.

Juristi dhe analisti Kreshnik Spahiu shprehet se pavarësisht tentativa që mund të bëjë Sali Berisha, SHBA nuk mund të blihet me para dhe të heqë non gratën. Në intervistën që dha për një emision televiziv, analisti tha se ky skandal do të jetë subjekt i një debati të gjatë politik, penal e mediatik edhe pas 12 Majit.

“Gjithë roli në këtë marrëdhënie lobimi është kompronmetues. Kanë gjetur njerëz të Marco Rubios, që e ka pasur shef stafi 10 vite përpara se të emërohej sekretar. Me qëllim që ti’ gjejnë anën sekretarit të Shtetit për hallet personale. 6 mln dollarë do të jenë të pavlefshme për të hequr non gratën Berishës. Do t’i shkojnë dëm.

SHBA s’mund të blihen as me 6 mln apo 6 miliardë. Koha do të tregojë se këto para të shkojnë dëm, unë uroj që të jenë me të vërtetë për forcimin e marrëdhënieve të PD me SHBA. Edhe SHBA do të reagojë për këtë kontratë, por pas 12 majit, do të jetë subjekt i një debati të gjatë juridik, penal, ligjor e mediatik. 12 maji do të jetë debat mbi këtë çështje. “, u shpreh Spahiu.

The post “Askush s‘mund ta blejë me para Amerikën”/ Spahiu: 6 milion dollarë s’mjaftojnë për heqjen e non gratës appeared first on Sot News | Lajme.

Fondacioni Shqiptaro Amerikan do t’i paguajë një shifër që mund të arrijë deri në 6 milionë dollarë një kompanie amerikane, të zotëruar nga njerëz afër Presidentit Donald Trump, për të lobuar për llogari të Partisë Demokratike pranë qeverisë amerikane. Kapitali zbardh kontratën e plotë të lobimit të firmosur nga Nuredin Seci, një shqiptaro-amerikan që jeton […]

The post 6 mln dollarë për 2 vjet/ PD lobon në SHBA me vajzën e Susie Wiles dhe ish shefin e stafit të Rubios appeared first on BoldNews.al.