Ish-Presidenti Ilir Meta në një telefonatë të drejtpërdrejtë për avokatin Kujtim Cakrani, foli në MCN Live mbi hetimet e SPAK, duke u shprehur se nuk ka përdorur kurrë kartë në jetën e tij. Meta tha që uroj të mos jenë të vërteta as pretendimet e SPAK-ut për Kryemadhit, pasi do të ishte e rëndë për […]

The post “S’kam përdorur kurrë kartë”/ Meta: SPAK-u të tregojë personin që mori faturat për lobimin (VIDEO) appeared first on BoldNews.al.

Të martën, zyra ligjore britanike “Mishcon de Reya LLP” dhe ajo amerikane “Kasowitz LLP”, të cilat deklarojnë se përfaqësojnë kryetarin e Bashkisë së Tiranës, Erion Veliaj, publikuan një raport ku pretendojnë se ai po mbahet në burg në mënyrë të padrejtë.

Raporti, i cili nis me një citim të Alistair Campbell – ish-këshilltar për mediat i ish-kryeministrit britanik Tony Blair dhe i atij shqiptar Edi Rama, pretendon se mbajtja në paraburgim e Veliajt shkel Konventën Evropiane për të Drejtat e Njeriut.

“SPAK e ka arrestuar kryetarin e Bashkisë Veliaj pa ngritur asnjë akuzë, në kushte që e kanë penguar atë të ushtrojë mandatin si kryetar bashkie dhe të përmbushë detyrimet e tij gjatë fushatës për zgjedhjet parlamentare të 11 majit 2025,” deklarojnë Mishcon de Reya LLP dhe Kasowitz LLP në një njoftim për shtyp.

Mishcon de Reya LLP është studioja e dytë ligjore që Veliaj angazhon, pas asaj amerikane Kasowitz LLP. Ajo është themeluar në vitin 1937 dhe në vitin 2022–2023 pati të ardhura të raportuara prej 225 milionë paund britanikë. Studio ligjore britantike njihet për përfaqësimin e klientëve të pasur, të famshëm dhe të fuqishëm – përfshirë përfaqësimin e princeshës së ndjerë të Uellsit, Diana Spencer, gjatë divorcit të saj me mbretin Charles.

Megjithëse konsiderohet një nga firmat ligjore më të mëdha britanike, ajo është gjobitur në vitin 2022 për shkeljen e rregullave për pastrimin e parave në Mbretërinë e Bashkuar.

Firma ligjore nuk ishte menjëherë e arritshme nëpërmjet telefonit ditën e martë. Është e paqartë nëse ajo është kontraktuar drejtpërdrejt nga Veliaj për hartimin e raportit apo nëpërmjet Kasowitz LLP.

Kryetari i Bashkisë së Tiranës u arrestua më 10 shkurt me urdhër të Gjykatës së Posaçme Kundër Krimit të Organizuar dhe Korrupsionit, pasi dyshohet për përfshirje në korrupsion dhe pastrim parash, nëpërmjet një rrjeti kompanish dhe OJF-ësh të lidhura me bashkëshorten e tij, Ajola Xoxa.

Veliaj dhe Xoxa i kanë mohuar akuzat.

Studioja amerikane “Kasowitz Benson Torres” është angazhuar për mbrojtjen e kryebashkiakut nga i vëllai, Arbër Veliaj, i cili ka bërë një parapagesë me vlerë 300 mijë USD.

Sipas të dhënave të bëra publike nga Departamenti i Drejtësisë në SHBA, avokatët e studios Kasowitz marrin një pagesë për orë pune që varion nga 500 USD deri në 1950 USD.

Masa e sigurisë ndaj Erion Veliajt pritet të vlerësohet nga Gjykata e Lartë me 8 korrik. /Reporter.al

The post BIRN: Erion Veliaj angazhon studio ligjore britanike për mbrojtjen appeared first on Lapsi.al.

Kompania e lobimit “Continental Strategy”, e cila ka lidhur kontratën 6 milionë dollarëshe me Partine Demokratike për të lobuar pranë qeverisë amerikane, ka bërë dy kërkesa në emër të Sali Berishës në Departamentin Amerikan të Shtetit për të pajisur me vizë hyrësë për në SHBA liderin demokrat. Kjo vërtetohet nga dokumentet zyrtare të depozituar në […]

The post DOKUMENTET/ Kompania lobuese e PD i dërgoi dy letra Rubios për të pajisur me vizë Berishën appeared first on BoldNews.al.

Kryetari i Partisë Demokratike, Sali Berisha, ka deklaruar se PD nuk ka lobuar kundër mbajtjes së Samitit të Komunitetit Politik Europian në Tiranë, ndonëse kishte arsye për ta bërë këtë për shkak të kryeministrit Edi Rama.

Në një intervistë televizive, Berisha u shpreh se vendimi për zhvillimin e samitit është marrë një vit më parë, por PD vendosi të mos veprojë kundër, për të mos dëmtuar interesat e vendit.

“Po të lobonim, nuk mund të them se e prishnim por… nuk lobuam asnjë ditë kundër. Ne nuk lobuam. Edi Rama e meritonte, por Shqipëria është tjetër, Edi Rama është tjetër”, tha Berisha.

Samiti i Komunitetit Politik Europian do të mbahet më 16 maj në Tiranë, ku pritet të mblidhen të gjithë liderët e Europës.

The post ‘Vendimi është marrë një vit më parë’, Berisha: Do të lobonim kundër Ramës, por të dëmtonim… appeared first on Sot News | Lajme.

TIRANË, 4 maj/ATSH-Maela Marini/ Kryeministri Edi Rama, njëkohësisht kryetar i Partisë Socialiste komentoi sot lobimin 6 milionë dollarë të kreut të Partisë Demokratike, Sali Berisha për heqjen e “non gratës” nga SHBA.

Në takimin përmbyllës elektoral në Shkodër, Rama komentoi edhe deklaratat e fundit të Berishës.

“Ore ia hoqën atë non gratën? Apo në datën 12 do t’ia heqin?  Sikur do t’ia hiqnin se 6 milionë dollarë janë shumë. Bufi dje ishte kapur me Lamborghini-n e Noizy. ‘Ai ka lekët e veta’ tha por janë 50 mijë pensione. Në fillim tha janë 10 mijë se tani di çfarë thotë. Tani çfarë ka me Noizy-n? Si qenkan 50 mijë pensione për Lamborghini-n e Noizy-t? Sa kushton Lamborghini? Kushton shumë më pak se 6 milionë dollarë”, tha Rama.

Rama tha se “nëse shkojmë me logjikën aritmetike të bufit, 6 milionë dollarë janë 500 mijë pensione”.

“Bufi për të larë damkën, siç ia vënë deleve, që ia kanë vurë bam për të larë atë numrin në kokë, sa pensione paska paguar? Nëse Noizy për Lamborghini-n e vet janë 50 mijë pensione, po bufi me lekët e kujt? Se i bie me aritmetikën e tij 500 mijë pensione. Se Lamborghini është shumë më pak se 1 milion. Çfarë aritmetike është kjo? Tani për çfarë do të diskutojmë ne?”, tha Rama. /j.p/

The post Rama: Lobimi 6 milionë dollarë i “bufit” për të larë damkën, sa 500 mijë pensione appeared first on Agjencia Telegrafike Shqiptare.

Një tjetër zë kritik brenda opozitës ka ngritur shqetësime mbi kontratën e lobimit të Partisë Demokratike në SHBA, me një vlerë prej 6 milionë dollarësh. Ish-ministri i Drejtësisë, Enkelejd Alibeaj, e ka konsideruar këtë veprim si një përpjekje për të pastruar moralin politik, në një kohë kur, sipas tij, përfaqësohet një popull i varfër.

“Para e madhe. Sigurisht që të flasësh për një para kaq të madhe në mes të fushatës, me idenë që po përfaqëson një popull të varfër, ka një kontradiktë të madhe. Me para nuk mund të blihet morali politik”, u shpreh Alibeaj.

Në një deklaratë të bërë mbrëmjen e kaluar, Sali Berisha nuk e lidhi kontratën me zgjedhjet, edhe pse Flamur Noka ka firmosur në emër të subjektit zgjedhor Aleanca për Shqipërinë Madhështore. Berisha e justifikoi lobimin si mënyrë për të informuar SHBA-të mbi “kauzat e drejta të opozitës”.

Ndërkohë, Kodi Zgjedhor dhe ligji për partitë politike detyrojnë publikimin e emrave të donatorëve dhe vendosin kufij të rreptë mbi shumat që mund të financohen, shumë më të ulëta se kontrata aktuale.

Kreu i “Djathtas për Zhvillim” propozoi që çështja e financimeve të huaja dhe nga palë të treta të adresohet qartë në Kodin Zgjedhor. Ai theksoi se duhet pritur vendimi i Prokurorisë, e cila tashmë ka nisur verifikimet për këtë çështje:

“Çështjet e financimeve të huaja apo financimet e palëve të treta, është një çështje që do duhet të adresohet në Kodin Zgjedhor… Me para nuk mund të blihet morali politik.”

Përtej reagimeve politike, SPAK është vënë në lëvizje për të hetuar këtë marrëveshje të shumëdiskutuar. Figura të tjera opozitare si Endri Shabani, Arlind Qorri dhe Lulzim Basha kanë akuzuar Berishën se po përpiqet të përdorë fondet e lobimit për të “pastruar” vendimin e non gratës ndaj tij, duke e lidhur kontratën me paratë e korrupsionit.

The post ‘Morali politik nuk blihet me para’, Alibeaj për lobimin e PD: Kodi Zgjedhor të adresojë financimet e partive appeared first on Sot News | Lajme.

Ambasadori i BE në Tiranë, Silvio Gonzato zhvilloi një takim me kryekomisionerin Ilirjan Celibashi. Takimi i tyre vjen ndërsa na ndajnë edhe 9 ditë nga zgjedhjet parlamenatre të 11 majit. Në një prononcim për mediat pas takimit, Gonzato u pyet edhe për lobimin 6 milionë dollarësh të PD.

“Nuk bëj komente. Do të pres autoritetet kompetente”, ka deklaruar ambasadori i BE.

Ndërkohë, i pyetur për përgenjeshtrimin e lajmit të portalit të familjes Berisha, ku pretendohej se ai ka hequr nga raporti i OSBE emra banditësh dhe policësh të përfshirë në krim elektoral, ambasadori tha se BE është këtu për të mbështetur Shqipërinë dhe jo për të manipuluar gjërat. Nga ana tjetër, Prokuroria e Posaçme po kryen veprime hetimore mbi veprën penale të pastrimit të parave në lidhje me kontratën e lobimit të firmosur mes Partisë Demokratike dhe një kompanie në Shtetet e Bashkuara të Amerikës.

Hetuesit pritet të sekuestrojnë dokumentacionin dhe kontratën e lidhur mes kompanisë lobuese në SHBA dhe Partisë Demokratike vlera e të cilës shkon në 6 milionë dollarë në harkun kohor të dy viteve. Nga ana tjetër në SPAK pritet të thirren të gjithë personat që kanë dijeni për lidhjen e kësaj kontrate mes të cilëve edhe sekretari i përgjithshëm i Partisë Domokratike Flamur Noka që ka firmosur dokumentin.

Një ditë më parë SPAK njoftoi zyrtarisht nisjen e hetimeve pas publikimit në media të detajeve të kontratës. Sipas kontratës thuhet se në total për dy vite Berisha duhet t’i paguajë kompanisë 6 milionë dollar, 250 mijë dollarë në muaj. Ndërsa garantori i kontratës është shqiptaro-amerikani Nuredin Seci, me origjinë nga Tropoja, njëkohësisht anëtar kryesie i shoqatës Vatra në Neë Jersey. Kontratën e ka firmosur sekretari i përgjithshëm i PD, Flamur Noka, dhe ish këshilltari i presidentit Trump, Carlo Trujillo, në cilësinë e Presidentit të kompanisë lobuese ‘Continental Strategy’.

Në kontratë, emigranti 72-vjecar elektricisto-alpinist Nuredin Seci dhe fondacioni fantazmë “Make Albania Great Again”, janë zotuar të paguajnë kompaninë Continental Strategy, 250 mijë dollarë në muaj, dhe 6 milionë dollarë deri në vitin 2027.

The post Lobimi 6 mln dollarësh i PD në SHBA, ambasadori i BE: Nuk bëj komente, presim SPAK të flasë appeared first on Sot News | Lajme.

Gazetari Artan Hoxha u shpreh se Edi Rama ka përdorur paratë dhe burimet njerëzore në mënyrë të frikshme që të lobonte për veten e tij, dhe jo për Shqipërinë. Hoxha ka sjellë në vëmendje rastin e Bilal Shehut i cili u dënuar në Amerikë, se kishte paguar 80 mijë dollarë të Edi Ramës, që ky […]

The post Artan Hoxha: Rama ka përdorur në mënyrë të frikshme paratë që të lobonte për veten e tij appeared first on BoldNews.al.

Deputetja demokrate Jorida Tabaku ka komentuar kontratën e lobimit të PD-së në SHBA, për të cilën SPAK ka nisur verifikime pasi dyshohet se bëhet fjalë për 6 milionë dollarë të paguara.

Tabaku tha në studion e News24 se PD do të bëjë transparencë për këtë kontratë kur të deklarohet në KQZ, ndërsa shtoi se lajmi është që forca politike në të cilën ajo bën pjesë, i ka dyert e hapura në SHBA.

“PD do të bëjë transparencë për kontratë. Kur të jetë për të deklaruar do të deklarohet. E sigurt është se çdo gjë është ashtu siç është, ashtu siç duket. Është e reflektuar në kontratë. Ndjej keqardhje se të flasë mazhoranca për shumë lebetitëse, është jashtë çdo realiteti. Lajmi me atë kontratë është fakti që PD i ka dyert e hapura në SHBA dhe ka rënë një tabu e madhe”, tha Tabaku.

Lexo më tej: Kontrata 6 milionëshe/ Sa afër Trump ka mbërritur PD-ja? 

The post Kontrata lobuese 6 mln dollarë/ Tabaku: PD i ka dyert e hapura në SHBA appeared first on Lapsi.al.

Gazetarja Klodiana Lala, e ftuar në një emision televiziv ka folur për verifikimin që SPAK ka nisur lidhur me kontratën e lobimit të Partisë Demokratike në SHBA, me një vlerë 6 milionë dollarë për dy vite. Lala tha se SPAK po verifikon disa aspekte për të kuptuar nëse ka dyshime për vepër penale, ndërkohë që shtoi se nëse paratë do të konsiderohen si donacion i huaj, Flamur Noka, firmëtar i kontratës, përfundon në pranga.

“SPAK ditën e djeshme ka deklauar zyrtarisht, që ka nisur verifikimet për kontratën e PD me një kompani lobuese në SHBA.

Duhet theksuar, ligjërisht, kontratat për lobim janë të ligjshme. Në rastin konkret janë dy problematika. Bëhet fjalë për kontratë me afat 24 mujor. Prokurorët do të shohin, se cilat janë të ardhurat e përdorura për të paguar kompaninë lobuese. Është deklaruar se bëhet fjalë për një fondacion, MAGA, të financuar nga shqiptarë të Amerikës, por nuk është hetuar ende nga prokuroria. Duhet që prokuroria amerikane, të hetojë për shkeljet e ligjit atje. Por mënyra e financimit është pika e parë që do të hetohet nga prokurorët këtu.

Pika e dytë, objekti i kontratës. Ligji për partitë politike dhe ligji për fushatën zgjedhore, ndalon financimet nga jashtë dhe lobimin për arsye elektorale. Përmbajtja është rindërtimi i marrëdhënieve mes administratës së SHBA dhe PD. Por, kontrata mund të ketë shtojca ose anekse që mund të japin panoramë tjetër. Me fjalë të thjeshta, kontratat lobuese janë të ligjshme. Këto kontrata sipas ligjeve në SHBA, deklarohen atje. Por interes për prokurorinë shqiptare, bën burimi i parave. Kush është personi ndërmjetës dhe garant? Deklarohet Nuredin Seçi, çfarë përfaqëson dhe pse është garant. Është si kredimarrje, me garantor. Seçi ka hyrë garantor nëse nuk paguhen paratë.

Nuk është një hetim i zakonshëm. Prokurorët do të thërrasin zotin Noka, për të dhënë shpjegime. Nëse konstatojnë indicie për shkelje penale, mund ti kërkohet kontrata zotit Noka. Nëse nuk sigurohet, kërkohet përmes letërporosisë SHBA-ve. Nuk mendoj se do të ketë histori hetimi penal me rezultate të shpejta, sepse duhet marrë kontrata dhe të shiheni donatorët, shqiptaro-amerikanët që kanë hedhur para, interesi i tyre, a kanë të ardhura të ligjshme e me rradhë.

A duhet ta deklaronte PD këtë kontratë?

Duke qenë kontratë shërbimi, PD është brenda afateve ligjore për ta deklaruar, pra nuk ka dyshim të arsyeshëm që PD e ka fshehur kontratën. SPAK po kryen verifikime. Nëse do të ishte donacion i huaj, zoti Noka do të ishte me pranga. Procesi i verifikimit po vijon. Dy momente po hetohen.

Për aspektin politik nuk jap argumenta, nuk marr përsipër të bëj analizë. Për procedurën ligjore, dy janë momente, cilët janë njerëzit që kanë bërë donacione dhe a lejohet kjo. Nëse ka elementë të veprës penale, regjistrohet procedim penal. Mund të ketë edhe vepër penale por jo në kompetencë të SPAK. SPAK ka procedurë të çelur mbi bazën e të dhënave të bëra publike në media. Çfarë do të japë hetimi, mbetet këtu”, tha Lala.

The post Hetimi i SPAK ndaj lobimit 6 mln dollarë të PD/ Lala paralajmëron: Nëse është donacion i huaj, Noka përfundon në pranga appeared first on Sot News | Lajme.

Fondacioni Shqiptaro-Amerikan ka nënshkruar një marrëveshje për të lobuar në favor të Partisë Demokratike pranë qeverisë amerikane. Marrëveshja është firmosur nga Nuredin Seci, një shqiptaro-amerikan që jeton në New York dhe ish-këshilltari i presidentit Trump, Carlo Trujillo, në cilësinë e Presidentit të kompanisë “Continental Strategy”.

Seci ka bërë edhe reagimin e parë pas publikimit të kontratës. Përmes një mesazhi të dërguar në emisionin “Shqipëria Live” në Top Channel ai është shprehur se për momentin ndodhet me pushime me familjen dhe nuk mundet të flasë, por nënvizon se kontrata e depozituar në Departamentin e Shtetit është e qartë.

“Ju faleminderit për interesimin por unë këto ditë jam me pushime me familjen larg e jam i pamundur. Për lobimin flet kontrata, e ka Departamenti i Shtetit e besoj që këtu çdo gja bahet transparente! Ju faleminderit për mirëkuptimin”, – ka shkruar ai.

Përveç Secit dhe Trujillo, kontrata është firmosur edhe nga sekretari i përgjithshëm i PD-së, Flamur Noka, në cilësinë e përfituesit, një detyrim ky i kërkuar nga ligji amerikan. Kjo marrëveshje mund të kushtojë deri në 6 milionë dollarë për 2 vite. Përfaqësues të Partisë Demokratike kanë thënë se kjo kontratë mund të ndërpritet edhe më shpejt se afati dhe shuma e paguar. ©LAPSI.al

The post Lobimi 6 milionë $ në SHBA/ Reagon Nuredin Seci që firmosi kontratën për PD appeared first on Lapsi.al.

Kontrata 6 milionë dollarëshe e Partisë Demokratike për heqjen e non gratës së Sali Berishës në Shba, për deputetin demokrat Ferdinand Xhaferraj, është nënshkruar në kushtet e mungesës së plotë të transparencës. Në një intervistë për ABC News, deputeti Xhaferraj hedh dyshime për burimin e parave.

“Kontrata 6 milionë dollareshe na provon vetëm një gjë, që aleanca për Shqipërinë madhështore deri tani vetëm nongratën e Berishës ka bërë madhështore. Është një kontratë që ajo që dimë deri tani, është e vendosur në kushtet e mungesës së plotë të transparencës dhe tregon që ka gjëra për të fshehur.”

Xhaferraj tha se kjo kontratë është vetëm për interesat përsonale të Sali Berishës, njëjti siç ishte edhe kthimi i tij në krye të PD, tre vite më parë.

“Kishim një Berishë që tre vite më parë u kthye për hallin e PD apo për hallin personal. Nëse kjo kontratë që ka efekte dy vjecare, nëse do të ishte deri në maj, që tregon se ky është hall i PD zgjedhjet e majit, do ishte një kontratë e bërë në interes të PD. Kontrata e bërë me efekt dy vjecar tregon se është  bërë për të zgjidhur hallin personal të Sali Berishës”

Xhaferaj është i bindur se në 11 maj, demokratët do t’i japin një mesazh të qartë Berishës, duke refuzuar të dalin në votime, si e vetmja mënyrë sipas tij, për të ripërtërirë Partinë Demokratike.

“Duhet të kalosh oqeanin që të gjesh një të dytë si Berisha, kemi Fidel Kastron në Kubë, që qëndroi për dekada e dekada në krye, dhe i dyti që vjen në Europë duhet të kalosh oqeane e dete është Sali Berisha,  mjaft është mjaft. Dhe duke qenë se u kthye me imponim për hallet e tij edhe demokratët nga veriu në jug e kanë marrë mesazhin. Është për ardhur keq, por në 11 maj, demokratët do të qëndrojnë në shtëpi, si e vemtja mënyrë që pas 11 majit të hapet mundëisa që e djathtë të bëhet mbi themelet e veta të shëndosha si e vetmja mundësi që siguron rotacionin politik”

Zakonisht mezi e pret takimin me gazetarët dhe zyra e tij e shtypit njofton disa herë. Por si rrallë herë, të hënën doktori nxori njoftimin se nuk i doli koha prej axhendës së ngjeshur. Axhenda e tij e vetme, ishte një takim në një fasoneri, ku u kujdes të premtonte se do kompensonte punëtoret, për uljen e vlerës së euros.

Uljen e euros para zgjedhjeve, Berisha zakonisht e lidh me blerjen e votës, qe sipas tij ndodh nga socialistët. Por kësaj radhe, në tregjet shqiptare është vënë re, vetëm ulja e vlerës së dollarit.

Nëse do vazhdohej logjika e demokratëve, monedha amerikane ka rënë për shkak të 6 milionë dollarëve që janë blerë për te paguar kontratën e lobimit në Washington. Sigurisht rënia e dollarit ka lidhje me cështje të tjera, si tarifat e Presidentit Trump. Por shmangia e Berishës, ndaj mediave, ka sigurisht lidhje me tarifën që partia e tij ka paguar për t’u afruar me avokatin e tij.

“Janë frikësuar se kemi pajtuar avokatin e Donald Trump”

Në fakt kjo deklaratë të dielën në Kuçovë, duket se ka shkaktuar rrëmujën. Më herët po të dielën, Partia Demokratike lëshoi një deklaratë ku mohonte se kishte qenë selia blu që kishte pajtuar avokatin e Trump. Dukshëm në kundërshtim me deklaratën e kryetarit Berisha.

Ndaj të hënën, si Berisha, si PD, sinkronizuan heshtjen.

“Pas konsultimeve me ekipin amerikan është marrë vendimi politik që: asnjë përfaqësues i PD-ASHM të mos dalë në media për këtë temë. Partia Demokratike e ka dhënë variantin e saj final për këtë çështje në një deklaratë të bërë të shtunën. “

Çudia më e madhe thuhet zgjat vetëm tre ditë. Sali Berisha kthehet të mërkurën në Tiranë, nga një udhëtim në Spanjë. Por SPAK ndërkohë njoftoi thellim të hetimeve. Ku me siguri në dosje do të rezultojë edhe deklarate e tij entuziaste përballë militantëve të Kuçovës.

“E hëna duhet të ishte dita kur Sali Berisha duhet të sqaronte pozicionin lidhur me kontratën 6 milionë dollarë: tha të vërtetën PD apo ai? Është kontratë e PD, apo e ish elektricistit nga Tropoja Nuredin Seci? Çfarë është ky fondacion MAGA dhe a përfshin apo jo shërbimet e La Civitës? Ndoshta nën këshillën e këtij të fundit, Sali Berisha zgjodhi heshtjen. Tani mbetet që transparencën ta bëjë drejtësia.”/abcnews.al

Partia Demokratike ka reaguar pas njoftimit të SPAK për nisjen e verifikimeve mbi kontratën e saj me një firmë lobimi në Uashington, kontratë e cila është vlerësuar në 6 milionë dollarë për dy vjet. Në një deklaratë për mediat, PD ka akuzuar qeverinë se po përdor SPAK për të shmangur skandale të tjera të mëdha, duke përfshirë ato të lidhura me McGonigal, kartelët e drogës dhe inceneratorët.

Lexo më tej: Kontrata e PD-së për lobim në SHBA? Vjen reagimi i SPAK 

Në reagimin e saj, PD ka theksuar se kontrata me avokatin e Presidentit Trump është nënshkruar në përputhje të plotë me ligjet e Shqipërisë dhe të SHBA-së dhe se është depozituar siç kërkohet në regjistrat përkatës. PD ka ritheksuar se është e hapur dhe transparente për këtë marrëveshje dhe ka falënderuar komunitetin shqiptaro-amerikan për mbështetjen e vazhdueshme.

Për më tepër, PD ka akuzuar qeverinë se po mbyll sytë ndaj skandaleve të mëdha, duke e cilësuar këtë si një tentativë për të fshehur korrupsionin dhe përfshirjen e grupeve kriminale në proceset zgjedhore. Partia Demokratike ka shprehur besimin se me mbështetjen nga diaspora, fitorja e PD-së është shumë afër dhe ka bërë thirrje për një angazhim maksimal të demokratëve në dy javët e mbetura të fushatës.

DEKLARATË E PARTISË DEMOKRATIKE

Pasi e përdori SPAK për vite me radhë si kapak për pusetën e skandalit të tij me McGonigal, sot Rama ka zgjuar sërish nga gjumi ata që kanë mbyllur sytë teksa kartelët e drogës në Tiranë, Durrës, Elbasan dhe Shkodër janë përfshirë më fort se kurrë për të deformuar vullnetin e zgjedhësve, njëlloj siç mbyllën veshët para audiove të dosjeve 339 dhe 184!

Njëlloj siç kanë mbyllur sytë para 150 milionë eurove të vjedhura të inceneratorëve, nga të cilat SPAK jo vetëm nuk ka rekuperuar asnjë qindarkë, por hesht si fija e barit se ku kanë përfunduar 150 milionë euro për një vepër që nuk ekziston.

Mesa duket kontrata e PD me avokatin e Presidentit Trump nuk ka trembur vetëm Ramën, por dhe veglat e tij. Në fakt, jo pa të drejtë! Pasi sot denoncimet e saj për McGonigal, përzierjen e karteleve të drogës të mbështetur nga Edi Rama dhe narkopolicia në procesin zgjedhor, përfshirë bashkëpunimin e heshtur të organeve të drejtësisë, kanë veshin e administratës dhe Kongresit të SHBA!

Partia Demokratike është transparente për kontratën me avokatin e Presidentit Trump, e cila është nënshkruar në përputhje të plotë me ligjet e të dyja vendeve dhe depozituar në FARA sipas çdo rregulli! Partia Demokratike gjen dhe njëherë rastin të falënderojë patriotët e komunitetit shqiptaro-amerikan për bujarinë dhe ndihmën e pakursyer për çmontimin e regjimit të Edi Ramës!

Sot Partia Demokratike, falë diasporës, është më e fortë se kurrë! Ditët e Ramës janë të numëruara! Fitorja është afër dhe i bëjmë thirrje të gjithë demokratëve brenda dhe jashtë Shqipërisë të angazhohen fuqimisht në dy javët e mbetura të kësaj fushate për të realizuar qëllimin tonë final që është Shqipëria Madhështore!

The post SPAK nisi verifikimet për kontratën e lobimit/ Vjen reagimi i Partisë Demokratike appeared first on Lapsi.al.

TIRANË, 27 prill /ATSH/ Partia Demokratike reagoi sot pas nisjes së verifikimit nga SPAK për kontratën e lobimit në SHBA.

PD thekson se, “pasi e përdori SPAK për vite me radhë si kapak për pusetën e skandalit të tij me McGonigal, sot Rama ka zgjuar sërish nga gjumi ata që kanë mbyllur sytë teksa kartelet e drogës në Tiranë, Durrës, Elbasan dhe Shkodër janë përfshirë më fort se kurrë për të deformuar vullnetin e zgjedhësve, njëlloj siç mbyllën veshët para audiove të dosjeve 339 dhe 184”.

“Njëlloj siç kanë mbyllur sytë para 150 milionë eurove të vjedhura të inceneratorëve, nga të cilat SPAK jo vetëm nuk ka rekuperuar asnjë qindarkë, por hesht si fija e barit se ku kanë përfunduar 150 milionë euro për një vepër që nuk ekziston”, shprehet PD.

“Mesa duket kontrata e PD me avokatin e Presidentit Trump nuk ka trembur vetëm Ramën, por dhe veglat e tij. Në fakt, jo pa të drejtë! Pasi sot denoncimet e saj për McGonigal, përzierjen e karteleve të drogës të mbështetur nga Edi Rama dhe narkopolicia në procesin zgjedhor, përfshirë bashkëpunimin e heshtur të organeve të drejtësisë, kanë veshin e administratës dhe Kongresit të SHBA”, thuhet në reagimin e PD

“Partia Demokratike është transparente për kontratën me avokatin e Presidentit Trump, e cila është nënshkruar në përputhje të plotë me ligjet e të dyja vendeve dhe depozituar në FARA sipas çdo rregulli! Partia Demokratike gjen dhe një herë rastin të falënderojë patriotët e komunitetit shqiptaro-amerikan për bujarinë dhe ndihmën e pakursyer për çmontimin e regjimit të Edi Ramës”, thuhet në reagim

“Sot Partia Demokratike, falë diasporës, është më e fortë se kurrë! Ditët e Ramës janë të numëruara! Fitorja është afër dhe i bëjmë thirrje të gjithë demokratëve brenda dhe jashtë Shqipërisë të angazhohen fuqimisht në dy javët e mbetura të kësaj fushate për të realizuar qëllimin tonë final që është Shqipëria Madhështore!”, përfundon reagimi i PD.

SPAK nisi sot verifikimet për kontratën e lobimit 6 milionë dollarë në Shtetet e Bashkuara të Amerikës të Partisë Demokratike.

“Prokuroria e Posaçme ka nisur verifikimet në lidhje me kontratën e lobimit të subjektit politik Partia Demokratike”, bëri të ditur sot zyra për shtyp e SPAK.

/r.e/

The post Nisja e verifikimit nga SPAK për kontratën e lobimit në SHBA, reagon PD appeared first on Agjencia Telegrafike Shqiptare.

Një ditë pasi u bë publike se Partia Demokratikr bëri publike se ka lidhur një kontratë me kompaninë amerikane ‘Continental Strategy”, e zotëruar nga njerëz të afërt të Trump, për të lobuar pranë qeverisë amerikane për një periudhë dy vjeçare,, SPAK ka bërë reagimin e parë. Prokuroria e Posaçme kundër Korrupsionit dhe Krimit të Organizuar […]

The post Kontrata 6 mln euro e PD për lobim, SPAK: Po e verifikojmë appeared first on BoldNews.al.

TIRANË, 27 prill /ATSH/ SPAK nis verifikimet për kontratën e lobimit 6 milionë dollarë në Shtetet e Bashkuara të Amerikës të Partisë Demokratike.

“Ju informojmë si vijon: Prokuroria e Posaçme ka nisur verifikimet në lidhje me kontratën e lobimit të subjektit politik Partia Demokratike”, bëri të ditur sot zyra për shtyp e SPAK.

PD reagoi dje për lobimin pranë Qeverisë dhe Kongresit të SHBA-së duke theksuar se “komuniteti shqiptaro-amerikan, përmes fondacionit “Make Albania Great Again”, ka kontraktuar kompaninë “Continental” për të ndihmuar në konsolidimin e marrëdhënieve miqësore të Partisë Demokratike, si forca më e madhe opozitare, me Kongresin dhe Qeverinë e SHBA-së. Synimi i bashkatdhetarëve tanë në SHBA është bashkëpunimi i PD-së me aleatin kryesor të Shqipërisë për të rivendosur demokracinë funksionale dhe shtetin e së drejtës në Shqipëri”.

/r.e/

The post SPAK nis verifikimet për kontratën e lobimit të PD në SHBA appeared first on Agjencia Telegrafike Shqiptare.

TiRANË, 26 prill/ATSH/ Partia Demokratke ka reaguar pas publikimit në media të një kontrate lidhur me lobimin në Shtetet e Bashkuara të Amerikë.

Sipas PD,  financimi është realizuar nga shqiptarë që jetojnë në SHBA dhe synon forcimin e marrëdhënieve mes PD dhe qeverisë së SHBA.

Deklarata e plotë e PD:

Në lidhje me një informacion të shpërndarë në media për lobimin e PD-së pranë Qeverisë dhe Kongresit të SHBA-së, dëshirojmë të sqarojmë sa vijon:

Komuniteti shqiptaro-amerikan, përmes fondacionit “Make Albania Great Again”, ka kontraktuar kompaninë “Continental” për të ndihmuar në konsolidimin e marrëdhënieve miqësore të Partisë Demokratike, si forca më e madhe opozitare, me Kongresin dhe Qeverinë e SHBA-së. Synimi i bashkatdhetarëve tanë në SHBA është bashkëpunimi i PD-së me aleatin kryesor të Shqipërisë për të rivendosur demokracinë funksionale dhe shtetin e së drejtës në Shqipëri.

Kompania “Continental” drejtohet nga Ambasadori Carlos Trujillo, i cili njihet gjithashtu si avokat i Presidentit Trump dhe si antikomunist i palëkundur në qëndrimet e tij!

Kontributi financiar për realizimin e këtij qëllimi është marrë përsipër 100% nga patriotë shqiptarë që jetojnë dhe punojnë prej dekadash në SHBA, si dhe demokratë të tjerë të larguar nga Shqipëria këto 10 vite për shkak të regjimit të Edi Ramës.

Partia Demokratike, duke falënderuar demokratët antikomunistë të komunitetit shqiptaro-amerikan për bujarinë dhe patriotizmin e tyre, sqaron opinionin publik se, ndonëse ka dhënë dakordësinë për marrjen e këtij shërbimi në përputhje të plotë me ligjet e të dy vendeve, nuk ka asnjë barrë financiare apo detyrim kontraktual që lind nga kjo marrëveshje.

Non grata e Berishës, PD kontratë e lobimi 6 milionë USD me kompaninë e ish-ambasadorit të Trump

Top Channel në një artikull të publikuar sot shkruan se Partia Demokratike ka nënshkruar një kontratë lobimi 6 milionë dollarëshe për dy vjet me një firmë në Uashington DC.

Sipas artikullit, firma është hedhur pikërisht në 4 prill nga sekretari i përgjithshëm i PD-së, Flamur Noka dhe si garant në SHBA ka dalë një shtetas me emrin Nuredin Seçi. Kjo është kontrata e dytë brenda pak muajsh që PD-ja nënshkruan me njerëz të afërt të Donald Trump, pas mbërritjes në Shqipëri të një prej dy strategëve të Presidentit të SHBA, Chris Lacivita.

Klienti (nëpërmjet Garantuesit/Garantuesve të tij) do t’i paguajë firmës një tarifë fikse mujore prej 250,000 dollarësh për një paketë gjithëpërfshirëse mbështetjeje që përfshin lobim, avokim dhe nisma strategjike ligjore për një periudhë prej 2 vitesh (24 muaj) (“Tarifa Mujore”) dhe në përputhje me Kushtet e Marrëveshjes. Pagesa për tre (3) muajt e parë (pagesë paraprake) do të jetë e detyrueshme në momentin e nënshkrimit të kësaj Marrëveshjeje”, thuhet në kontratë.

Continental Strategy është një firmë konsulence dhe lobimi me bazë në Shtetet e Bashkuara, e specializuar në marrëdhënie me qeverinë dhe strategji politike. E themeluar në fillim të vitit 2022 nga ish-ambasadori dhe përfaqësuesi shtetëror Carlos Trujillo.

Në kontratë thuhet se firma bie dakord t’i ofrojë PD-së shërbime të marrëdhënieve me qeverinë në lidhje me këtë fushë shërbimesh si krijimi i marrëdhënieve me aktorë kyç në degët ekzekutive dhe legjislative për të lehtësuar zhvillimin e politikave; ofrimi i mbështetjes për promovimin e demokracisë, nismave kundër korrupsionit dhe reformave qeveritare në përputhje me marrëdhëniet SHBA-Shqipëri; përdorimi i përvojës së gjerë në marrëdhënie me qeverinë, avokim të politikave, shërbime ligjore dhe angazhim të aktorëve të interesit në përputhje me objektivat e Partisë Demokratike dhe koalicionit të saj, Aleanca për Shqipërinë Madhështore.

“Aktivitetet mund të përfshijnë lobim, përgatitje dhe shpërndarje të materialeve informuese, si dhe angazhim me vendimmarrësit politikë amerikanë”, thuhet në kontratën e nënshkruar.

/a.f/

The post Kontrata 6 milionë dollarë e lobimit në SHBA, reagon Partia Demokratike appeared first on Agjencia Telegrafike Shqiptare.

Plot 6 milionë dollarë, me firmë të Flamur Nokës, do t’i paguhen një kompanie amerikane, për të lobuar për llogari të Partisë Demokratike pranë qeverisë amerikane.

ABC News siguron kontratën marramendëse të PD dhe Continental Strategy, firmosur nga Flamur Noka dhe Nuredin Seci, një shqiptaro-amerikan që jeton në New York.

Ashtu si në rastin me La Civita, për të cilin ende nuk është bërë transperencë me kontratën, edhe në këtë rast nuk dihet burimi i shumës marramendës që PD po paguan për të hequr non gratën e Sali Berishës në SHBA.

Sipas kontratës, kompania e lobimit do të ofrojë shërbimet si: Krijimi i marrëdhënieve me aktorët kryesorë në qeverinë dhe kongresin e SHBA-ve për të lehtësuar zhvillimin e politikave. Mbështetje për të promovuar demokracinë, nismat kundër korrupsionit dhe reformat qeveritare në përputhje me marrëdhëniet SHBA-Shqipëri.

“Klienti (nëpërmjet Garantuesit/Garantuesve të tij) do t’i paguajë firmës një tarifë fikse mujore prej 250,000 dollarësh për një paketë gjithëpërfshirëse mbështetjeje që përfshin lobim, avokim dhe nisma strategjike ligjore për një periudhë prej 2 vitesh (24 muaj) (“Tarifa Mujore”) dhe në përputhje me Kushtet e Marrëveshjes. Pagesa për tre (3) muajt e parë (pagesë paraprake) do të jetë e detyrueshme në momentin e nënshkrimit të kësaj Marrëveshjeje”, thuhet në kontratë.

Nuk dihet nëse në këtë kontratë dy vjecare, me një kosto prej 6 milionë euro, përfshihet edhe shërbimet e LaCivita, por ABC News po kontakton për këtë Partinë Demokratike./abcnews.al

PD ka firmosur një kontratë lobimi në SHBA me kompaninë Continental Strategy. Shuma e paguar si parapagim për 3 muaj është në shifrën 250 mije dollarë. Continental Strategy është e specializuar në marrëdhënie me qeverinë dhe strategjitë politike.

Marrëveshja është firmosur më 4 prill 2025 nga sekretari i përgjithshëm i PD-së, Flamur Noka, dhe Carlos Trujillo, ish-këshilltar i Presidentit Trump dhe themelues i kompanisë. Kontrata parashikon pagesë mujore prej 250 mijë dollarësh për një periudhë dyvjeçare. Pra në total për 24 muaj Partia Demokratike do të paguajë 6 milionë dollarë. Garantuesi financiar i kësaj marrëveshjeje është Nuredin Seci, shqiptaro-amerikan nga Tropoja, që jeton në New York.

Sipas dokumenteve, Continental Strategy do të ndihmojë PD-në në krijimin e kontakteve me zyrtarë të qeverisë dhe Kongresit amerikan, promovimin e kauzave si lufta kundër korrupsionit dhe reformat qeveritare në interes të marrëdhënieve SHBA- Shqipëri, si dhe do të angazhohet në çështje strategjike ligjore në emër të PD-së dhe koalicionit “Aleanca për Shqipërinë Madhështore”.

Aktivitetet mund të përfshijnë lobim, përgatitje dhe shpërndarje të materialeve informuese, si dhe angazhim me vendimmarrësit politikë amerikanë

Kompania pajtohet të ofrojë shërbime lidhje me qeverinë për Klientin në lidhje me fushën e mëposhtme të shërbimeve:

• Ndërmarrja e marrëdhënieve me palët kyçe të interesuara në degën ekzekutive dhe legjislative për të lehtësuar zhvillimin e politikave.
• Të ofrojë mbështetje për të promovuar demokracinë, nismat kundër korrupsionit dhe reformat qeveritare në përputhje me marrëdhëniet SHBA-Shqipëri.
• Duke përdorur përvojë të gjerë në marrëdhëniet me qeverinë, avokatinë të politikave, shërbime ligjore dhe angazhimin e palëve të interesuara në përputhje me objektivat e Partisë Demokratike dhe koalicionit të saj, Aleancës për Shqipërinë Madhështore

Pas nënshkrimit të kontratës PD ka vendosur kontakte me shefin e stafit të senatorit Marco Rubio, një nga figurat kryesore të politikës së jashtme amerikane.

1 of 20

LEXONI GJITHASHTU:

• Kontrata 6 mln dollarë e lobimit në SHBA, reagon Partia Demokratike
• Berisha në Pogradec: Çmimi i naftës do të jetë 40% më i lirë

The post Zbardhet kontrata e lobimit të PD me bashkëpunëtorët e Trump, në total shkon 6 mln $ appeared first on Euronews Albania.