Një kopje e shkruar me dorë e Amendamentit të 13-të të Kushtetutës së SHBA-së, e nënshkruar nga presidenti Abraham Lincoln, është shitur në ankand për një shifër rekord prej 13.7 milionë dollarësh.

Ky është çmimi më i lartë i paguar ndonjëherë për një dokument të nënshkruar nga presidenti i 16-të të vendit.

Blerësi është koleksionisti miliarder i arteve dhe themeluesi i fondeve të investimeve, Kenneth Griffin, i cili synon t’ia huazojë këtë dokument një institucioni amerikan. Amendamenti, i cili shfuqizoi skllavërinë kur u ratifikua në vitin 1865, është një nga dokumentet më të rëndësishme historikisht në SHBA.

Gjithashtu, Griffin bleu një kopje të rrallë të Proklamatës së Emancipimit për 4.4 milionë dollarë, duke vendosur një rekord të ri për këtë dekret të vitit 1863, që liroi skllevërit në shtetet Konfederate.

Në vitin 2021, Griffin pagoi 43.2 milionë dollarë për një kopje të Kushtetutës së SHBA-së, duke e bërë atë një nga dokumentet më të shtrenjta të shitura ndonjëherë.

Në maj të këtij viti, biznesmeni me bazë në Florida njoftoi se do t’ia jepte hua Kushtetutën Qendrës Kombëtare të Kushtetutës në Filadelfia.

LEXONI GJITHASHTU:

• Abraham Linkolnit “i shkrin koka”, statuja prej dylli s’i mbijetoi dot të nxehtit
• Capitol Hill mund të sulmohet sërish? Flet eksperti i sigurisë nga SHBA

The post Rekord në ankand, shitet për miliona dollarë kopja e Amendamentit të 13-të appeared first on Euronews Albania.

Një nga lodrat më të kërkuara të momentit, një figurë e rrallë e Labubu nga gjenerata e parë, është shitur për plot 150 mijë dollarë në një ankand të organizuar në Pekin.

Figurina me ngjyrë menteje, me përmasa mbresëlënëse prej 131 centimetrash, u shit për 1.08 milionë juanë në Ankandin Ndërkombëtar Yongle një event i organizuar ekskluzivisht për lodrat koleksionuese që po bëjnë bujë në mbarë botën. “Urime blerësit online për përvetësimin e një figure unike në botë”, deklaroi drejtuesi i ankandit pas përfundimit të shitjes.

Labubu është një linjë lodrash prej pelushi e krijuar nga ilustruesi Kasing Lung dhe e shpërndarë nga kompania gjigante Pop Mart. Këto figura, që duken si krijesa elfish me pamje paksa djallëzore, por gjithashtu simpatike, janë kthyer në një fenomen global, duke shkaktuar radhë të gjata, blerje impulsive dhe në disa raste edhe përplasje pranë dyqaneve.

Vetëm gjatë këtij ankandi, që konsiderohet si i pari i këtij lloji për lodra koleksionuese, u shitën 48 figura Labubu. Një tjetër Labubu ngjyrë kafe, me lartësi 160 centimetra, u shit për 114.086 dollarë – çmimi i dytë më i lartë i ankandit. Pop Mart bëri të ditur se ekzistojnë vetëm 15 figura të tilla në të gjithë botën.

Çdo figurë tjetër u shit me çmime që kalonin 1.000 dollarët. Një çift figurash që ngjajnë me personazhet Minion u shit për 1.391 dollarë.

Përveç çmimit të objektit, blerësit duhej të paguanin edhe një komision prej 15%.

Çmimi i lodrave Labubu ka pësuar rritje të ndjeshme për shkak të kërkesës së lartë. Një kuti e versionit 3.0, që fillimisht kushton 81 dollarë, arrin të shitet deri në 278 dollarë në tregun e dorës së dytë.

Pop Mart ka përfituar ndjeshëm nga mania globale për Labubu. Vetëm gjatë vitit të kaluar, të ardhurat globale të kompanisë u rritën me 125%, ndërsa fitimet në tregun kinez arritën mbi 1.09 miliardë dollarë – një rritje prej 34% krahasuar me vitin 2023.

Kompania ka njoftuar se do të vijojë me ankande të tjera për figura Labubu dhe vepra të tjera moderne./abcnews.al

Ferrari F2001 e drejtuar nga Michael Schumacher gjatë sezonit që i dha atij titullin e katërt botëror (të dytin me Ferrarin) është shitur në ankand për 18,17 milionë dollarë (pothuajse 16 milionë euro), duke vendosur një rekord të ri për një makinë njëvendëshe të drejtuar nga piloti gjerman, i cili është zhdukur nga skena publike pas aksidentit me ski në dhjetor të vitit 2013. Rekordi i mëparshëm ishte vendosur në vitin 2022 me 13,2 milionë dollarë (11,6 milionë euro) për F2003-GA.

Shitja u bë në ankandin e organizuar nga RM Sotheby’s, pak para sesioneve kualifikuese të Çmimit të Madh të Monakos në Formula 1. Dhe pikërisht GP e Monakos ishte një nga garat e fituara nga shasia 211, ajo e cila ishte protagoniste e ankandit, përveç fitores në Hungari, ajo që i dha Schumit sigurinë matematikore të titullit botëror. Atë vit Ferrari fitoi gjithashtu edhe kampionatin për konstruktorë.

Lexo më tej: Schumacher, zbulimi i ri: “Nuk mund të flasë më, i duhet asistencë për gjithçka”

F2001 e sapo shitur është makina e katërt më e shtrenjtë në histori për sa i përket makinave njëvendëshe të Formula 1: në krye të renditjes qëndron Mercedes W196 R Stromlinienwagen e vitit 1955, e drejtuar nga Juan Manuel Fangio dhe Stirling Moss, e shitur në fillim të këtij viti për 54 milionë dollarë (47,5 milionë euro).

‘The Schumacher Crown Jewel’—the 2001 Ferrari F2001—crosses the block in just a few minutes at the FORMULA 1 GRAND PRIX DE MONACO, in partnership with F1 Paddock Club. Watch it live here: https://t.co/jeV35ZtFgc pic.twitter.com/ghxVemE7wL

— RM Sotheby's (@rmsothebys) May 24, 2025

The post F1, F2001 e Michael Schumacher shitet në ankand për 18,17 milionë dollarë appeared first on Lapsi.al.

PARIS, 24 maj /ATSH-DPA/ – Një shpatë që i përkiste Napoleon Bonapartit është shitur në ankand në Paris për 5,2 milionë dollarë.

”Kjo do të thotë se arma e ftohtë pothuajse ka vendosur një rekord botëror për një artefakt të Napoleonit”, tha shtëpia e ankandeve ”Drouot”.

Arma fillimisht ishte vlerësuar midis 800 000 dhe 1,1 milionë dollarë.

Shpata u prodhua midis viteve 1802 dhe 1803 nga Nicolas-Noël Boutet, drejtor i fabrikës mbretërore të armëve në Versajë, për Bonapartin, i cili ishte konsulli i parë i Francës në atë kohë.

Napoleoni (1769-1821) më vonë ia dha atë aleatit të tij të ngushtë Emmanuel de Grouchy, të cilin e emëroi mareshalin e fundit të perandorisë.

Që atëherë, shpata ka qenë në zotërim të pasardhësve të De Grouchy-ve.

Një kopje e dytë, identike e shpatës, e cila u shit në ankand, ndodhet në muzeun ”Hermitage” në Shën Petërburg./ a.jor.

The post SOFT NEWS – Një shpatë e Napoleonit shitet 5,2 milionë dollarë appeared first on Agjencia Telegrafike Shqiptare.

Shpata e përdorur nga perandori francez Napoleon Bonaparte gjatë gjithë periudhës së tij si sundimtar është shitur në një ankand në Paris për 4.663 milionë euro, duke arritur pothuajse çmimin rekord botëror prej 4.8 milionë eurosh të vendosur në vitin 2007 për një tjetër shpatë të tij. Ky ankand u organizua nga shtëpia e ankandeve […]

The post Shpata e Napoleonit shitet për 4.7 milionë euro në ankand appeared first on BoldNews.al.

GJENEVË, 30 prill /ATSH-ANSA/ – Maji është muaji i blerjeve të diamanteve të rralla apo xhevahireve madhështore për miliarderët.

Midis panairit ”GemGeneve”, shtëpisë së ankandeve ”Christie’s” dhe ekspozitave paraprake në Londër, shumë bizhuteri të jashtëzakonshme janë gati për shitje.

Nëse buxheti është midis 30 dhe 50 milionë dollarëve, ekziston një ”copë e fortë” që do të dalë në ankand nga ”Christie’s” në Gjenevë më 14 maj në seksionin e xhevahireve madhështore, një ”Golconda blue”, një nga diamantet më të rralla në histori.

Guri i çmuar në formë dardhe, 23,24 karat dhe i vendosur në mënyrë të përsosur në një unazë, ka një ngjyrë magnetike blu.

Kjo është një kryevepër e vërtetë  falë prejardhjes mbretërore të zbuluar së fundmi, ngjyrës hipnotike dhe dimensioneve të saj sensacionale.

”Është ndër diamantet më të rralla dhe më të rëndësishme të zbuluara ndonjëherë në histori”, thonë analistët.

Në pronësi të Lartësisë së Saj, Sanyogitabai Devi Maharani të Indisë (1881-1949), diamanti i shkëlqyer është i vendosur në një byzylyk.

I rishitur te pronari i tij aktual, guri i çmuar u vendos në një unazë nga stilisti i famshëm parizien Jar, i njohur edhe si Joel Arthur Rosenthal, i konsideruar si mjeshtër i bizhuterive bashkëkohore.

Më shumë se një shekull më vonë, ky diamant legjendar blu po del në ankand për herë të parë dhe do të rrëmbejë zemrat e koleksionistëve dhe miliarderëve, ndoshta midis atyre 3 028 njerëzve në botë që kanë një pasuri neto totale prej 16,1 trilion dollarësh.

”Goloconda Blue” nuk është i vetmi xhevahir që do të dalë në ankand në Gjenevë në maj.

Do të ketë edhe xhevahire të tjera historike me vlerë të jashtëzakonshme./  /os/

The post FOKUS – Del në ankand diamanti i famshëm ”Golconda blue” appeared first on Agjencia Telegrafike Shqiptare.

Një set i rrallë me katër botimet e para të veprave të përmbledhura të William Shakespeare pritet të shitet për një çmim marramendës deri në 4.5 milionë paund ose 6 milionë dollarë në një ankand të veçantë që do të mbahet muajin e ardhshëm. Shtëpia e famshme e ankandeve njoftoi se shitja do të zhvillohet […]

The post Veprat e para të Shekspirit dalin në ankand, 4 botimet do shiten për 6 mln dollarë appeared first on BoldNews.al.

Një letër e shkruar nga një pasagjer i Titanikut disa ditë para se anija të fundosej është shitur për një shifër rekord prej 400,000 dollarësh (rreth 350 mijë dollarë) në një ankand në Mbretërinë e Bashkuar.

Letra e Kolonel Archibald Gracie u ble nga një blerës anonim në shtëpinë e ankandeve Henry Aldridge and Son në Wiltshire të dielën, me një çmim pesë herë më të lartë se që pritej të shitej, shkruajnë mediat e huaja.

Kolonel Gracie ishte një nga rreth 2,200 pasagjerët dhe ekuipazhin në bordin e Titanikut që lundronte për në Nju Jork. Më shumë se 1,500 vdiqën në katastrofë. Pasagjeri i klasit të parë e shkroi letrën nga kabina C51.

Ajo u postua kur anija u ankorua në Queenstown, Irlandë, më 11 prill 1912. Gjithashtu, vula postare e saj ishte “Londër më 12 prill”. Ankandi që lehtësoi shitjen tha se letra kishte tërhequr çmimin më të lartë nga çdo korrespondencë e shkruar në bordin e Titanikut.

Rrëfimi i Kolonel Gracie për fundosjen është ndër më të njohurit. Më vonë ai shkroi librin “E Vërteta rreth Titanikut”, duke kujtuar përvojën e tij në bordin e anijes oqeanike të dështuar.

Ai tregoi se si mbijetoi duke u ngjitur në një varkë shpëtimi të përmbysur në ujërat e akullta. Më shumë se gjysma e burrave që kishin arritur fillimisht në varkën e shpëtimit vdiqën nga lodhja ose të ftohtit, shkroi ai.

Edhe pse Kolonel Gracie i mbijetoi katastrofës, shëndeti i tij u prek rëndë nga hipotermia dhe lëndimet fizike që pësoi. Ai ra në komë më 2 dhjetor 1912 dhe vdiq nga ndërlikimet e diabetit dy ditë më vonë.

Një letër e shkruar nga një i mbijetuar i Titanikut është shitur për një rekord prej 300 000 £ në një ankand. Pasagjeri i klasit të parë, Kolonel Archibald Gracie, shkroi librin “E vërteta rreth Titanikut”, ku përshkruante përvojën e tij të tragjedisë së 15 prillit 1912 që mori 1 500 jetë njerëzish gjatë udhëtimit për në Nju Jork.

Kartolina mban datën 10 prill 1912, dita kur ai hipi në anije dhe ka vulën postare të Queenstown, ora 3.45 pasdite më 11 prill dhe Londër më 12 prill. Aty shkruhej: “Është një anije e mirë, por do të pres që udhëtimi im të përfundojë para se të jap një gjykim për të.”

Letra u shit 5 herë më shtrenjtë se çmimi bazë prej 60 000 £ në ankandin “Henry Aldridge and Son of Devizes” në Wiltshire. Ky është çmimi më i lartë i arritur ndonjëherë për një letër të shkruar në bordin e Titanikut.

Letra nga “të mbijetuarit si Grace” rrallë ose nëse kurrë, dalin në treg dhe ajo nuk ishte ofruar kurrë më parë për shitje. Xhaxhai i madh i shitësit, i cili ishte një i njohur i Gracie, e mori letrën në hotelin Waldorf në Londër.

Koloneli “e kaloi pjesën më të madhe të udhëtimit me Titanikun duke shoqëruar gra të ndryshme”, përfshirë edhe një grua dhe tre motra që mbijetuan. Më 14 prill, ai kishte luajtur me luajtur me letra dhe kishte notuar në pishinën e Titanikut përpara se të shkonte në kishë.

Rreth orës 23:40 ai rrëfeu më vonë se u zgjua nga një tronditje dhe kuptoi se motorët e anijes nuk po lëviznin. Ai ndihmoi gratë dhe fëmijët të hipnin në varkat e shpëtimit dhe u solli batanije përpara se anija të zhytej nën sipërfaqen e ujit në Oqeanin Atlantik të Veriut.
Gracie arriti të hipte në një varkë të përmbysur së bashku me disa dhjetëra burra të tjerë.

Kishte të tjerë përreth tyre, por ata në bord u larguan nga frika se varka mund të mbingarkohej. Koloneli më vonë shkroi: “Në asnjë rast, jam i lumtur ta them, nuk dëgjova ndonjë fjalë qortimi për shkak të refuzimit për të dhënë ndihmë.”

“Henry Aldridge dhe Son” deklaroi se “E vërteta rreth Titanikut” është “një nga rrëfimet më të detajuara të ngjarjeve të asaj mbrëmjeje. Një vepër vërtet e jashtëzakonshme për muze”. ©LAPSI.al

The post Arrin një çmim rekord në ankand letra e një të mbijetuari të Titanikut appeared first on Lapsi.al.

Fanella e Kobe Bryant, të cilën legjenda e NBA-së e mbajti veshur në debutimin e tij me Los Angeles Lakers në vitin 1996, është shitur për 7 milionë dollarë në ankand. Kjo ishte fanella e parë e Brajant me Lakers në edicionin 1996- 1997 dhe është bërë bluza e katërt më e shtrenjtë e të […]

The post Fanella debutuese e Kobe Bryant shitet për shumën marramendëse appeared first on BoldNews.al.

PARIS, 25 prill /ATSH-AFP/ – Një shpatë që i përkiste Napoleon Bonapartit, e porositur për përdorim personal në vitin 1802 dhe e mbajtur gjatë mbretërimit të tij, do të jetë në qendër të një ankandi më 22 maj në Paris.

Vlera e kësaj vepre, e ofruar nga shtëpia e ankandeve ”Giquello”, vlerësohet midis 700 000 dhe një milion euro.

“Bonaparti, atëherë Konsulli i Parë, e porositi këtë shpatë midis viteve 1802 dhe 1803 nga Nicolas-Noël Boutet, drejtor i një fabrike në Versajë”, shpjegoi në një njoftim për shtyp të premten ”Hôtel Drouot”, ku do të zhvillohet shitja.

”Pasi u bë perandor, Napoleoni I e mbajti atë deri në fund të mbretërimit të tij përpara se t’ia ofronte Emmanuel de Grouchyt, njërit prej ndjekësve të tij besnikë, të cilin më vonë do ta ngrinte në pozicionin e marshallit të fundit të Perandorisë”, tha burimi.

“I ruajtur që nga viti 1815 nga pasardhësit e marshallit, ajo do të vihet në shitje publike për herë të parë”, shtoi ai.

Një kopje e dytë, identike me këtë dhe gjithashtu e porositur nga Napoleoni, mbahet në muzeun ”Hermitage”, në Shën Petërburg.

Ankandet napoleonike po lulëzojnë, më shumë se dy shekuj pas vdekjes së “Perandorit të francezëve”, i cili vdiq në mërgim në vitin 1821, në moshën 51-vjeçare, pasi kishte dominuar Evropën.

Në mars, vëllimi i Kodit Civil që i përkiste Napoleonit, i cili këmbënguli që Franca të miratonte këtë grup ligjesh që standardizonin rregullat e jetës në fillim të shekullit XIX, gjeti një blerës për 395 000 euro./  a.jor.

The post PARIS – Një shpatë e Napoleonit del në ankand appeared first on Agjencia Telegrafike Shqiptare.

Një shpatë që ka qenë e Napoleon Bonapartit, e porositur për përdorim personal në vitin 1802, do të ofrohet në një ankand më 22 maj në Paris. Shpata, e cila ka mbajtur Napoleonin gjatë periudhës së tij si konsull dhe më pas si perandor, vlerësohet të arrijë një çmim mes 700,000 dhe 1 milion euro.

Shtëpia e ankandeve “Giquello” do ta ofrojë këtë objekt historik të jashtëzakonshëm në Hôtel Drouot të Parisit, ku do të zhvillohet ankandi. Shpata, e krijuar nga Nicolas-Noël Boutet, drejtor i një fabrike në Versajë, u porosit nga Napoleoni kur ai ishte konsulli i parë, midis viteve 1802 dhe 1803.

Pas një periudhe të gjatë përdorimi, shpata iu ofrua Emmanuel de Grouchy, një nga ndjekësit më të besuar të Napoleonit, i cili më vonë do të bëhej marshall i fundit i Perandorisë. Ajo është ruajtur që nga 1815 nga pasardhësit e marshallit dhe për herë të parë do të ofrohet për shitje publike.

Një kopje e kësaj shpatë, e porositur gjithashtu nga Napoleoni, ndodhet në Muzeun “Hermitage” në Shën Petërburg. Kjo shpate e Napoleonit është një nga shumë objekte që janë bërë pjesë e ankandeve që i referohen perandorit, i cili vazhdon të tërheqë interes dhe admiratorë më shumë se dy shekuj pas vdekjes së tij.

The post Paris/ Një shpatë e Napoleon Bonapartit del në ankand, ja sa kushton appeared first on Sot News | Lajme.

 Një orë xhepi gruaje, e gjetur mes sendeve të një prej pasagjerëve që u mbyt gjatë udhëtimit tragjik të ”Titaniku”-ut, mund të arrijë deri në 50 000 paund në ankand.

Pasagjeri danez i klasit të dytë, Hans Christensen Givard, 27 vjeç, ishte në mesin e 1 500 njerëzve që vdiqën kur anija goditi një ajsberg në vitin 1912.

Givard po udhëtonte për në Shtetet e Bashkuara me dy shokë, të cilët gjithashtu vdiqën në fatkeqësi.

Ora u gjet kur trupi i Givard u gjet në Atlantikun e Veriut dhe më vonë u varros në Halifax, Kanada.

Në xhepa u gjet një librezë kursimi, çelësa, para në portofol, një orë argjendi, një busull dhe një pasaportë.

Është gjetur edhe ora e xhepit, e cila tregon gjurmë të gërryer nga kripa.

Të gjitha pasuritë e tij iu kthyen vëllait të tij në Danimarkë dhe janë pasardhësit e tij ata që e shesin orën.

Historia fatkeqe e Givard frymëzoi drejtpërdrejt kuratorin Jesper Hjermind dhe mbesën e tij, gazetaren dhe banoren në SHBA, Mette Hjermind McCall, për të shkruar librin ”Titanic – The Danish Stories”, në të cilin përmendet ora e xhepit.

Ajo u ekspozua gjithashtu nga Claes Goran Wetterholm, autoriteti kryesor në botë për elementin skandinav në historinë e ”Titanikut”, në Kopenhagë në 2012.

Ora do të dalë në ankand nga ”Henry Aldridge and Son”, më 26 prill./ atsh/ KultPlus.com

LONDËR, 15 prill /ATSH-DPA/ – Një orë xhepi gruaje, e gjetur mes sendeve të një prej pasagjerëve që u mbyt gjatë udhëtimit tragjik të ”Titaniku”-ut, mund të arrijë deri në 50 000 paund në ankand.

Pasagjeri danez i klasit të dytë, Hans Christensen Givard, 27 vjeç, ishte në mesin e 1 500 njerëzve që vdiqën kur anija goditi një ajsberg në vitin 1912.

Givard po udhëtonte për në Shtetet e Bashkuara me dy shokë, të cilët gjithashtu vdiqën në fatkeqësi.

Ora u gjet kur trupi i Givard u gjet në Atlantikun e Veriut dhe më vonë u varros në Halifax, Kanada.

Në xhepa u gjet një librezë kursimi, çelësa, para në portofol, një orë argjendi, një busull dhe një pasaportë.

Është gjetur edhe ora e xhepit, e cila tregon gjurmë të gërryer nga kripa.

Të gjitha pasuritë e tij iu kthyen vëllait të tij në Danimarkë dhe janë pasardhësit e tij ata që e shesin orën.

Historia fatkeqe e Givard frymëzoi drejtpërdrejt kuratorin Jesper Hjermind dhe mbesën e tij, gazetaren dhe banoren në SHBA, Mette Hjermind McCall, për të shkruar librin ”Titanic – The Danish Stories”, në të cilin përmendet ora e xhepit.

Ajo u ekspozua gjithashtu nga Claes Goran Wetterholm, autoriteti kryesor në botë për elementin skandinav në historinë e ”Titanik”-ut, në Kopenhagë në 2012.

Ora do të dalë në ankand nga ”Henry Aldridge and Son”, më 26 prill./   /os/

The post SOFT NEWS – Ankand për një orë xhepi të një pasagjeri të ”Titanik”-ut appeared first on Agjencia Telegrafike Shqiptare.

Fansat e Nirvana kanë marrë një lajm të papritur.

Një nga kitarat e Kurt Cobain do të dalë në ankand, dhe për më tepër, është Fender Stratocaster i bardhë që muzikanti shkatërroi gjatë turneut të tij evropian në 1992.

Këtë të mërkurë, më 9 prill, ofertat për të do të fillojë në orën 9:00 në Shtetet e Bashkuara të Amerikës, duke filluar me një çmim minimal prej 30,000 dollarë. Kitara u riparua gjatë  turneut, kur grupi po prezantonte albumin e tyre të ri ‘Nevermind’.

Ajo u inspektua nga tekniku i famshëm i kitarës Big John Duncan, siç bëri me një tjetër Fender Stratocaster, por në këtë rast blu, të cilin e thyen në vitet ’90, duke u shitur për gjysmë milioni euro në vitin 2023.

Kitara  do të shitet në internet në platformën GottaHaveRockAndRoll, vetëm disa ditë pas 31 vjetorit të vdekjes së Kurtit. Ai u vetëvra duke qëlluar veten më 5 prill 1994, në moshën 27-vjeçare.

Në lidhje me vdekjen e tij, fansat kanë hedhur shumë teori, si për shembull se ai nuk ka kryer vërtet vetëvrasje, duke lënë të kuptohet se është vrarë. Hetimi ka pohuar gjithmonë se në shtëpinë e tij është gjetur një fletë vetëvrasjeje, si dhe një armë gjahu gjysmë automatike  në dorën e majtë.

Një hetues, Tom Grant, publikoi detaje të raportit, ku thuhet se ai vdiq me një përzierje substancash në trupin e tij.

The post Del në ankand kitara e Kurt Cobain appeared first on Lapsi.al.

Këtë të shtunë, shtëpia e ankandeve ”Millon” nxjerr në ankand më shumë se 200 fanella dhe objekte të rralla që lidhen me futbollin francez. Koleksionistët kanë mundësi ta bëjnë për vete një nga fanellat historike. Në këtë ankand do të dalë në shitje edhe fanella e Zinedine Zidane, që kishte veshur në finalen e Kupës […]

The post Del në ankand fanella që veshi Zidane në finalen e Botërorit 1998 appeared first on BoldNews.al.

ROMË, 6 shkurt /ATSH-AFP/- “Ferrari” që fitoi edicionin e vitit 1965 të garës prestigjioze “24 Hours of Le Mans” u shit për 34,9 milionë euro (36,2 milionë dollarë) në një ankand në Paris, njoftoi sot kompania italiane e prodhimit të automjeteve.

“Ferrari” tha se shuma mahnitëse është më e paguara për modelin 250 LM.

Kjo makinë specifike ka fituar titullin e gjashtë radhazi të “Ferrari-t” në “Circuit de la Sarthe” në Francën perëndimore dhe të fundit deri në vitin 2023.

Masten Gregory dhe Jochen Rindt drejtuan makinën, e cila ishte ekspozuar në Muzeun “Motor Speedway” të Indianapolis që nga viti 1970 përpara se të ofrohej për shitje nga ankandi Sotheby’s, për Ekipin e Garave të Amerikës së Veriut (NART).

“Ferrari” nuk dha detaje për identitetin e blerësit të modelit 250 LM, që ishin prodhuar vetëm 32.

Rekordi për shitjen e një “Ferrari” ishte një 330 LM/250 GTO nga viti 1962, i cili u shit në ankand në Nju Jork për 51,7 milionë dollarë në nëntor 2023. //a.i/

The post “Ferrari” që fitoi garën e makinave sportive në Le Mans në 1965 shitet 35 milionë euro appeared first on Agjencia Telegrafike Shqiptare.

Një kuti kartoni bosh “Peckham Spring Water”, e cila u përdor si rekuizitës në një nga episodet më të famshme të serialit “Mućke”, u shit në ankand për shtatëfishin e çmimit të parashikuar.

Në ankandin, të cilin e ndoqën më shumë se 2000 persona, kjo kuti u shit për 2728 paund, ndërsa çmimi fillestar ishte 400, shkruan “Daily Mail”.

Kutia është përdorur si rekuizitëse në episodin “Mućki” të vitit 1992, i cili është ndjekur nga 20 milionë fansa të këtij seriali.

Në atë episod ikonik, Del Boy, i luajtur nga Sir David Jason, gjen një burim misterioz uji që më vonë rezulton të jetë ujë nga zorra e kopshtit të dikujt që ka kaluar nën shkëmbinj.

Më pas, Del Boy, në stilin e tij, i bindi autoritetet lokale që t’i jepnin një licencë për të paketuar ujin dhe për ta shitur atë si ujë mineral.

Një nga anëtarët e ekuipazhit që filmoi episodin e mbajti kutinë në ruajtje për 33 vjet përpara se të dilte përfundimisht në ankand./abcnews.al

TOKIO, 9 janar /ATSH-DPA/ – Një paketim me gjashtë kërpudha nga rajoni Noto, në Japoninë perëndimore, arriti një rekord prej 350 000 jenë ose 2 500 dollarë, në ankandin e parë të vitit.

Prania e varietetit të çmuar “Nototemari”, siç pritej, ka tërhequr shumë vëmendje në qytetin e Kanazawa, kryeqyteti i prefekturës Ishikawa, i goditur nga tërmeti 7,6 ballë saktësisht një vit më parë, ndërsa gadishulli Noto ende po lufton për t’u rikuperuar nga fatkeqësitë natyrore që ndodhën vitin e kaluar.

Sipas një komisioni të formuar nga prodhuesit vendas, kërpudhat nga katër komuna të rajonit, duke përfshirë Wajima, një nga zonat më të prekura nga tërmeti, duhet të plotësojnë disa kritere, të tilla si të kenë një ”kapak” të paktën tetë centimetra të gjerë dhe një trashësi prej tre centimetrash si dhe të jenë të varietetit “Nototemari”.

Presidenti i organizatës, Yoshikatsu Hinoshita, duke folur për mediat lokale, u kërkoi banorëve të konsiderojnë “blerjen e këtij produkti kaq cilësor pavarësisht vështirësive të përjetuara në zonë gjatë vitit të kaluar”./    /os/

The post SOFT NEWS – Sa kushtuan gjashtë kërpudha në ankandin japonez? appeared first on Agjencia Telegrafike Shqiptare.

Një letër nga kompozitori Wolfgang Amadeus Mozart që nga viti 1783 iu shit në një ankand online një ofertuesi privat evropian për 440,000 euro.

Çmimi i shitjes së letrës tejkaloi më shumë se katër herë çmimin fillestar prej 100,000 eurosh, njoftoi Shtëpia e Ankandeve International Autograph Auctions Europe, me seli në Malaga në Spanjën jugore.

Shtëpia e ankandeve thekson se ka pasur interes të madh në SHBA dhe Azi.

Një letër nga kompozitori austriak drejtuar botuesit francez Jean-Georges Siebert, e shkruar në gjermanisht, në fakt mendohej se kishte humbur, tha shtëpia e ankandit. Më vonë u gjet në arkivat e familjes.

Gjithashtu në shitje ishte letra me tetë faqe e John Lennon drejtuar Eric Clapton në vitin 1971, në të cilën ai propozon formimin e një “super bande” të re. Megjithatë, letra nuk u shit.

“Ka pasur interes, por nuk ka mjaftuar për ofertë”, ka thënë zëdhënësi i shtëpisë së ankandeve.

Çmimi fillestar i letrës ishte midis 80,000 dhe 100,000 euro./abcnews.al