Pas pak “Real Story”, na ndiqni live në ABC News.

Abc News Live

Felix Baumgartner, atleti ekstrem austriak i njohur për hedhjet spektakolare me parashutë dhe për thyerjen e rekordeve botërore, ka ndërruar jetë në moshën 56-vjeçare pas një aksidenti tragjik në Itali.

Lajmi u konfirmua sot nga mediat ndërkombëtare dhe bashkëpunëtorët e tij të ngushtë. Sipas raportimeve, Baumgartner humbi jetën në Porto Sant’Elpidio gjatë një fluturimi me parashutë, pasi pësoi një gjendje të papritur shëndetësore që e bëri të humbiste kontrollin.

Ai përfundoi në një pishinë në një kompleks turistik, duke plagosur edhe një grua të re. Për fat të keq, ndihma mjekësore nuk mundi t’i shpëtojë jetën dhe ai vdiq në vendngjarje.

Njeriu që kërceu nga stratosfera

Felix Baumgartner lindi në Salzburg në vitin 1969 dhe që në moshë të re u pasionua pas fluturimeve dhe sporteve ekstreme. Në moshën 16-vjeçare filloi hedhjet me parashutë, ndërsa më pas u bë një nga pionierët e BASE Jumping, duke kërcyer nga ndërtesat dhe objektet më të larta e më të rrezikshme në botë.

Ai u bë i famshëm për hedhjen nga Kullat Petronas në Kuala Lumpur, statuja e Krishtit Shëlbues në Rio de Janeiro, viadukti Millau në Francë dhe Taipei 101 në Tajvan.

Por momenti kulmor i karrierës së tij erdhi në vitin 2012, kur si pjesë e projektit Red Bull Stratos, ai u hodh nga stratosfera nga një lartësi prej 39 kilometrash mbi shkretëtirën e New Mexico-s. Gjatë rënies, Baumgartner theu barrierën e zërit, duke arritur një shpejtësi rekord prej 1,357 km/h dhe duke vendosur disa rekorde botërore. Ngjarja u transmetua drejtpërdrejt dhe u ndoq nga mbi 8 milionë njerëz në mbarë botën.

 

Felix Baumgartner ist tot. Der 56-jährige Extremsportler starb bei einem Paragliding-Unfall in Italien. https://t.co/9bHMT7RUIQ#Baumgartner #Stratosphäre #Unfall pic.twitter.com/tSOBx0eM1m

— Sky Sport Austria (@SkySportAustria) July 17, 2025

Një jetë në kufijtë e mundësisë

Gjatë karrierës së tij, Felix Baumgartner vendosi 14 rekorde botërore dhe fitoi çmime prestigjioze, përfshirë Laureus World Sports Award. Ai ishte gjithashtu i pari që fluturoi përtej Kanalit Anglez me një kostum me krahë (wing suit).

Përveç sportit, Baumgartner ishte pilot helikopteri i licencuar, aviator akrobatik dhe personalitet televiziv. Ai ishte aktiv edhe në projekte humanitare, duke mbështetur fondacionin Wings for Life, që financon kërkime për shërimin e dëmtimeve të palcës kurrizore.

Vdekja e tij shënon humbjen e një prej emrave më të mëdhenj të sporteve ekstreme – një ikonë e guximit dhe një pionier i sfidimit të kufijve njerëzorë. /Telegrafi/

The post Vdiq njeriu që e kujtojmë për kërcimin e tij nga stratosfera – Felix Baumgartner appeared first on Telegrafi.

Këngëtari Mevlan Shaba, është bërë baba për herë të parë.

Pas një kohë të shkurtër, ai vendosi të ndaj portretin e vogëlushes. Ai tregoi që vogëlushen e kanë pagëzuar me emrin Mei.

“Princesha ime ti, Mei”, shkroi krahas përshkrimit I cili mori qindra pëlqime për pak minuta.

Ju rikujtojme qe Mevlani ka qene pjese e Perputhen dhe e Big Brother Vip Kosova.

View this post on Instagram

A post shared by Mevlan Shaba (@mevlanshabaa)

The post FOTO/ Mevlani publikon portretin e vajzës, mahnit me fjalët e ëmbla appeared first on Albeu.com.

Këngëtarja shqiptaro-britanike Rita Ora, 34 vjeç, ka rrëfyer së fundmi se në fund të të njëzetave të saj e ka ndier veten “të shëmtuar”, për shkak se nuk ishte aq e dobët sa njerëzit rreth saj.

Në një bisedë të sinqertë për vetëbesimin në trup, gjatë podcast-it “Happy Place” të prezantuar nga Fearne Cotton dhe në bashkëpunim me projektin “Self Esteem” të markës Dove, Rita tregoi për sfidat që ka përjetuar me pranimin e trupit të saj dhe mënyrën se si kjo marrëdhënie ka evoluar gjatë viteve, shkruan DailyMail.

“Për mua, ideja e të dukurit në një formë të caktuar filloi të më rëndonte në fund të të njëzetave. Fillova të kisha më pak energji, nuk kujdesesha për trupin tim, sëmuresha shpesh dhe nuk ndihesha mirë me pamjen time”, tha Rita.

“Dhe nuk e pranoja faktin që ‘nuk jam aq e dobët sa këta të tjerët – prandaj jam e shëmtuar’. Tani që e kujtoj, kjo është shumë e trishtueshme, sepse e di që nuk ishte e vërtetë”.

“Është si kur në terapi përballesh me versionin më të ri të vetes dhe e kupton që ajo vajzë ishte vërtet e bukur”.

 

View this post on Instagram

 

A post shared by RITA ORA (@ritaora)

Në një postim në Instagram të mërkurën, Rita ndau një klip nga intervista dhe shkroi: “U ula me @Dove dhe @HappyPlaceOfficial për të ndarë arsyen pse besoj që vetëbesimi në trup fillon me kujdesin për veten – duke u fokusuar te ajo që i nevojitet trupit tënd, jo te pamja e tij”.

“Jam krenare që jam pjesë e projektit Dove Self Esteem me #Why2k – së bashku po rishkruajmë rregullat dhe po ndihmojmë gratë të ndërtojnë vetëbesimin e tyre”.

Këto deklarata vijnë pasi Rita e shfrytëzoi në maksimum udhëtimin e saj në Nju Jork, duke spikatur me një garderobë të mrekullueshme dizajnerësh gjatë qëndrimit atje. Ajo ishte në qytet për të performuar në një koncert falas në Brooklyn Bridge Park, dhe për një javë të tërë, trotuaret e qytetit i ktheu në pasarelën e saj personale.

Të dielën në mbrëmje, Rita veshi një shall karakteristik të markës Pucci (me vlerë 400 funte), të kombinuar me një fund të ngushtë dhe çizme kaubojsi. Më herët gjatë ditës, ajo ishte parë me pantallona rozë me printe të njëjta të Pucci (750 funte), një bluzë të lirshme dhe aksesorë të theksuar.

Të hënën, Rita u shfaq me një minifund gri dhe xhaketë elegante, gjatë intervistave për shtyp dhe promovim në qytet. Ajo e plotësoi pamjen me një bluzë me mbishkrimin “Thashethemet janë të vërteta” dhe çorape të verdha të ndritshme që sillnin ngjyra në veshjen e saj.

Po atë mbrëmje, ajo doli me një pamje më të guximshme – pantallona shumë të shkurtra (hotpants) dhe një korsetë provokuese, që tërhoqi vëmendjen e të gjithëve.

Gjatë qëndrimit në SHBA, Rita e mori me vete edhe “një copëz shtëpie” duke shkuar në stadiumin MetLife në New Jersey për të mbështetur ekipin e saj të zemrës, Chelsea. Sipas fotografeve të saj, ajo u quajt “fatsjellësja njerëzore” e ekipit, pasi Chelsea fitoi 3-0 ndaj Paris Saint-Germain në FIFA Club World Cup 2025.

Rita ka dhënë intervista edhe në emisionin radiofonik Elvis Duran and the Morning Show, ku u pyet për miqësinë e saj me këngëtarin e ndjerë Liam Payne. Ajo tha se ende mendon për të, dhe kjo e ndihmon të mbajë të gjallë kujtimin e tij, pas vdekjes së tij tragjike në Argjentinë në fund të vitit të kaluar.

Kur u pyet nëse do të ndjekë “Building the Band”, seriali i fundit në të cilin Liam mori pjesë dhe që u përfundua pak para vdekjes së tij, Rita u tregua emocionale. Katër episodet e para të këtij emisioni tashmë janë transmetuar në Netflix, ndërsa tre episodet e fundit pritet të publikohen më 16 korrik. /Telegrafi/

The post Rita Ora: Në fund të të njëzetave u ndjeva e shëmtuar, sepse nuk isha aq e dobët sa të tjerët appeared first on Telegrafi.

Tifozët e Real Madridit u prekën deri në lot sot (e enjte) kur Lucas Vázquez, një produkt i akademisë së famshme të klubit La Fabrica, njoftoi largimin e tij me një mesazh emocional.

Anësori i gjithanshëm, i cili ka qenë një nga të preferuarit e tifozëve për ritmin e tij të punës dhe besnikërinë, reflektoi mbi udhëtimin e tij me klubin në një lamtumirë prekëse.

“Kjo është një nga ditët më të rëndësishme të jetës sime, faleminderit për çdo duartrokitje dhe çdo gjest mbështetjeje. Më keni bërë të ndihem si në shtëpi. Sot është koha për lamtumirë, por unë kurrë nuk do t’i them lamtumirë Real Madridit”, tha fillimisht Vazquez.

 

Lucas Vázquez: “Today is the time to say bye, but I will never bid farewell to Real Madrid.” pic.twitter.com/H4i3swcWqV

— Madrid Zone (@theMadridZone) July 17, 2025

Vazquez, i cili luajti një rol kyç në sigurimin e shumë titujve, përfshirë pesë kurora të Ligës së Kampionëve, foli për nderin e të luajturit përkrah disa prej talenteve më të mëdha të futbollit.

“Kam pasur privilegjin të ndaj një dhomë zhveshjeje me legjenda dhe të fitoj tituj, por mbi të gjitha, kam qenë i lumtur. Jam ndjerë i vlerësuar, i respektuar dhe i dashur. Presidentit, faleminderit që më lejuat të përmbush ëndrrën time”.

“Për Jose Angel Sanchez, faleminderit që keni dhënë gjithçka në negociata. Prindërve të mi, që kur u bëra baba, i kuptoj edhe më mirë gjithçka që keni bërë për mua”.

“Ty, Mateo, vëllai im, të falënderoj që më ngulite dashurinë për futbollin. Pa ty, nuk do të isha futbollist; i kam përmbushur ëndrrat e të dyve”.

 

#GraciasLucas pic.twitter.com/dBUuV0PLGV

— Real Madrid C.F. (@realmadriden) July 17, 2025

“Dhe ty, Maca, më dhe qetësi shpirtërore dhe mbështetje për të vazhduar të besoj në veten time. Kemi qeshur dhe qarë së bashku. Ti je personi që më njeh më mirë dhe gjithashtu ai që më ka duruar më gjatë, duke qenë partnerja ime më i mirë e jetës”.

“Nuk mund të të falënderoj kurrë për gjithçka që ke bërë për mua. Më ke dhënë fëmijët e mi; ti je krenaria ime më e madhe. Shpresoj që një ditë ta kuptosh se çfarë do të thoshte veshja e kësaj bluze për babanë tënd”.

“E kam përmbushur ëndrrën e jetës sime dhe e bëra këtë në klubin më të madh në botë”, përfundoi spanjolli. /Telegrafi/

The post “Nuk do t’i them kurrë lamtumirë Real Madridit”, lamtumira me lot e Lucas Vazquez appeared first on Telegrafi.

Liverpooli zyrtarisht i ka paraqitur një ofertë zyrtare Eintracht Frankfurt për Hugo Ekitike, pasi ka shtuar përpjekjet për ta nënshkruar atë në 24 orët e fundit.

Kampioni i Ligës Premier ka bërë tashmë lëvizjen e parë drejt transferimit të Ekitikes nga Eintracht Frankfurti duke bërë një ofertë zyrtare.

Megjithatë, sipas ekspertit të transferimeve, Fabrizio Romano, oferta e pazbuluar është refuzuar, me skuadrën e Bundesligës që ka njoftuar se dëshiron më shumë.

Bisedimet janë duke vazhduar midis të dy klubeve dhe Ekitike është i vendosur t’i bashkohet Liverpoolit, pavarësisht interesit nga Chelsea, Neëcastle United dhe Manchester United.

 

EXCL: Liverpool have submitted official bid to Eintracht for Hugo Ekitike!

Eintracht already informed Liverpool that they want more, proposal rejected but it was initial contact as talks continue.

Ekitike said 𝐲𝐞𝐬 Liverpool, no issues on personal terms. He wants #LFC. pic.twitter.com/AflvOaro2h

— Fabrizio Romano (@FabrizioRomano) July 17, 2025

Në fakt, Romano shton se Ekitike i ka thënë “po” Liverpoolit dhe të dyja palët nuk kanë probleme personale.

Oferta e Liverpoolit për francezin mendohet të jetë 70 milionë funte apo rreth 81 milionë euro. /Telegrafi/

The post Liverpooli dorëzon ofertë zyrtare për Ekitiken, Eintracht Frankfurt e refuzon appeared first on Telegrafi.

Drejtoria e Tatimeve ka njoftuar se në kuadër të aksionit për formalizimin dhe përmirësimin e sigurisë ushqimore në tregun e produkteve bujqësore dhe blegtorale, nga strukturat e Administratës Tatimore dhe Ministrisë së Bujqësisë janë bllokuar 20 ton mallra.

Ky bllokim ka ardhur nga inspektimi i 87 subjekteve deri tani.

“Rezultatet e 3 ditëve të para tregojnë qartë nevojën për formalizimin e plotë të këtij sektori, si një garanci për cilësinë, sigurinë ushqimore dhe mbrojtjen e konsumatorit.

Ftojmë të gjithë tatimpaguesit të zbatojnë ligjin duke lëshuar faturët fiskale në çdo hallkë të zinxhirit ushqimor, për të siguruar gjurmueshmëri dhe transparencë nga prodhuesi te konsumatori”, thuhet në këtë njoftim.

Aksioni i tatimeve ka krijuar ndërkohë konfuzion në të gjithë zinxhirin e tregtimit të mallrave bujqësore për shkak të paqartësisë për mënyrën si duhet të veprojnë me lëshimin e faturave.

Marketet e vogla mbeten pa furnizime qumështi; Tatimet sqarojnë si do të bëhen faturat

Drejtoria e Përgjithshme e Tatimeve (DPT) ka sqaruar për Monitor se referuar udhëzimit nr.16, datë 03.04.2020, “Për faturën dhe sistemin e monitorimit të qarkullimit”, i ndryshuar, të gjithë njësitë tregtare pa përjashtim që blejnë mallra nga prodhuesit bujqësorë e blegtoralë duhet të shoqërohen me faturë të fiskalizuar, të llojit autofaturim. Skema për faturimin e mallrave të blera direkt prej fermerëve, nga një market lagjeje, bar, restorant apo supermarkete të mëdhenj është e njëjtë, si në rastin e tregtimit të mallrave bujqësore apo blegtorale te përpunuesit apo grumbulluesit e mëdhenj.

Në fillim të aksionit Ministri i Financave Petrit Malaj dhe ministraj e Bujqësisë Anila Denaj thanë se përmes këtij aksioni të përbashkët synojnë të rrisin transparencën, të forcojnë sigurinë ushqimore dhe të ulin informalitetin në sektor.

Nis aksioni për produktet ushqimore dhe bujqësore, edhe fermerët me faturë fiskale (E-fatura)

 

The post Formalizimi i tregut të produkteve ushqimore, bllokohen 20 ton mallra appeared first on Revista Monitor.

Një zjarr ka përfshirë skenën e festivalit muzikor Tomorrowland në Belgjikë. Në vendngjarje kishte rreth 1,000 punëtorë, por asnjë spektator. Ende nuk është e qartë nëse ka pasur ndonjë të lënduar nga zjarri. Banorëve të zonës u është kërkuar të mbyllin dritaret dhe dyert e tyre pasi zjarri ende nuk është nën kontroll.

Festivali duhej të fillonte të premten. Mijëra vizitorë dynden në festival çdo vit për një fundjavë me muzikë elektronike.

Një zëdhënës i festivalit i tha medias lokale: “Prioriteti ynë tani është siguria e vizitorëve tanë dhe banorëve të zonës përreth.”

Kryetari i bashkisë së Boom, Jerome Baer, thuhet se ka anuluar pushimet e tij në Gjermani dhe do të kthehet për t’u marrë me pasojat e zjarrit.

Wow, @tomorrowland main stage is absolutely gone.. fire has gone down dramatically but honestly what are they going to do now?#tml #tomorrowland
(not my video saw it on discord) pic.twitter.com/GbQtdFEZzz

— Andrew (@Andrew18AL) July 16, 2025

NEW: Mainstage at Tomorrowland music festival completely destroyed, 2 days before event was due to begin pic.twitter.com/z5WcrVNMaC

— BNO News Live (@BNODesk) July 16, 2025

BREAKING: Tomorrowland 2025 mainstage is on fire just one day before the festival’s opening. Emergency crews are responding on site. pic.twitter.com/N1C63ibHMt

— We Rave You (@weraveyou) July 16, 2025

The post Video/ Skena kryesore e Tomorrowland në Belgjikë përfshihet nga flakët appeared first on iconstyle.al.

Meteoriti NWA 16788, me peshë 25 kilogramë, u shit së fundmi në një ankand të organizuar nga shtëpia prestigjioze e ankandeve Sotheby’s në New York, duke tërhequr vëmendjen e koleksionistëve dhe pasionantëve të hapësirës nga e gjithë bota.

Çmimi përfundimtar i shitjes, i cili përfshin edhe tarifat e ankandit, arriti në rreth 5.3 milionë dollarë amerikanë.

Me këtë shumë mbresëlënëse, NWA 16788 u bë meteoritin marsian më i shtrenjtë ndonjëherë i shitur në një ankand publik, duke thyer çdo rekord të mëparshëm për objekte të ngjashme.

Sipas informacioneve të dhëna nga Sotheby’s, ky shkëmb i rrallë kozmik është rezultat i një ngjarjeje të fuqishme në Mars – një përplasje me një asteroid që e nxori jashtë sipërfaqes së planetit të kuq, shkruan usatoday.

@spacedotcom Anyone have a few million dollars lying around? You could own the largest piece of Mars on Earth! #mars #spacenews #sothebys #auction #spacedotcom #planet ♬ original sound – Space.com

Pas kësaj përplasjeje, meteoriti udhëtoi një distancë të jashtëzakonshme prej mbi 225 milionë kilometrash përmes hapësirës përpara se të hynte në atmosferën e Tokës dhe të binte në sipërfaqe, ku më pas u gjet dhe u identifikua si një fragment i Marsit.

Përpara se të dilte në ankand, NWA 16788 ishte pjesë e një ekspozite të veçantë në Agjencinë Hapësinore Italiane në Romë, ku tërhiqte interesin e vizitorëve si një ndër dëshmitë më të prekshme të ekzistencës së objekteve jashtëtokësore në planetin tonë.

Ndërkohë, identiteti i blerësit të ri të këtij objekti të rrallë nuk është bërë i ditur, duke shtuar një element misteri rreth këtij transaksioni të jashtëzakonshëm.

Megjithatë, ekspertët besojnë se blerësi mund të jetë një koleksionist privat apo një institucion shkencor që synon ta ruajë dhe studiojë meteoritin për qëllime kërkimore apo edukative. /Telegrafi/

The post Meteoriti më i madh marsian në Tokë u shit për 5.3 milionë dollarë appeared first on Telegrafi.

Moderatorja e njohur dhe e dashur për publikun, Kiara Tito ka ndarë disa foto në Instagramin e saj, ku shihet me mikeshën e ngushtë, Liesa Haxhiasllani dhe me dy vajzat e tyre.

Të veshura me fustane të bardha, Kiara dhe Liesa shihet të lumtura, teksa shijojnë kohën e çmuar me vogëlushet e tyre.

“Nga barku i shtatzënisë te përqafimet e foshnjave. Kemi ëndërruar së bashku, jemi rritur së bashku, dhe tani po rrisim qenie të vogla krah për krah. Disa miqësi kthehen në familje, e pastaj në skuadra mamash” – shkruan Kiara përbri fotove.

Kujtojmë se Kiara dhe Liesa janë shoqe të ngushta prej vitesh. Përveçse shoqe të ngushta ato kanë ndarë edhe skenën së bashku ku kanë qenë nën moderimin e programin “Select” që transmetohej në Top Channel.

View this post on Instagram

A post shared by Kiara Tito (@kiaratito)

The post “Nga barku i shtatzënisë te përqafimet e foshnjave”, Kiara Tito dedikim prekës për miqësinë shumëvjeçare me Liesën appeared first on Albeu.com.

PRISHTINË, 16 korrik/ATSH/ Organizata e Veteranëve të Luftës ka reaguar pas vendimit të sotëm të Gjykatës Speciale në Hagë për të refuzuar mocionin për rrëzimin e një pjese të aktakuzës në rastin ndaj ish-krerëve të UÇK-së

“OVL, SHIL, dhe SHFD kanë ndjekur me vëmendje rrëzimin e mocionit të paraqitur nga mbrojtja e ish-krerëve të UÇK-së në Dhomat e Specializuara. Ky vendim është zhgënjyes dhe ngjall shqetësime serioze për drejtësinë dhe paanshmërinë që kjo gjykatë pretendon ta përfaqësojë”, thuhet në reagim.

Sipas OVL-UÇK rrëzimi i mocionit është mesazh negativ për drejtësinë.

Përmes një postimi në Facebook, Organizata e Veteranëve të Luftës ka bërë thirrje për opinionin publik dhe komunitetin ndërkombëtar që të mos bien pre e narratives së shtrembëruar.

“I bëjmë thirrje opinionit publik dhe komunitetit ndërkombëtar që të mos bien pre e një narrative të shtrembëruar. Kjo gjykatë po rrezikon të shndërrohet në mjet për rishkrim të historisë, e jo në garanci të drejtësisë. Në emër të të gjithë atyre që sakrifikuan për lirinë e Kosovës, do të qëndrojmë gjithmonë në mbrojtje të së vërtetës dhe të drejtave të bashkëluftëtarëve tanë”, thuhet ndër të tjerash në reagim.

Specialja rrëzon mocionin e mbrojtjes në rastin ndaj ish-krerëve të UÇK-së

/Kosovapress/

The post OVL-UÇK: Vendimi i Speciales, zhgënjyes dhe shqetësues për drejtësinë appeared first on Agjencia Telegrafike Shqiptare.

Nga Sebi Alla-  Muçi zbarkoi në tregun e fruta-perimeve në Sarandë dhe me një dokument identifikues rreth qafës që vërtetonte se ishte punonjës i shtetit i mori mbarë gjithë tregtarët ambulantë, duke u kërkuar faturë tatimore për rigonin, çajin e malit, erëzat e fushës apo shalqirin. “Vajta i mblodha në mal, çfarë flet mo Muçi im. O tu bëftë Bardha kurban, ato janë gjëra të natyrës. Ato dihet se s’mund të jenë gjë tjetër”, iu kthye Muçit një nga tregtaret.

Pas tyre, ai (Muçi) zbriti në bregdet ku kërkoi kupon edhe për sardelet e detit që kishte kapur në mëngjes herët një peshkatar. “Sot po vij kështu, nesër ka tjetër mënyrë”, sugjeroi Mustafa Lama, i njohur gjerësisht nga tregtarët ambulantë me shkurtimin e emrit si Muçi, që rezulton të jetë drejtues në Drejtorinë e Bujqësisë, Veterinarisë, Pyjeve dhe Kullotave në Bashkinë Sarandë. Këto episode në dukje rutinë për të “fiskalizuar” deri edhe prodhimet e kopshtit të bahçes u kthyen në shqetësim në mbarë vendin, sidomos nga fermerët e vegjël dhe tregtarët ambulantë, problematikë që u trajtua përmes një artikulli më herët nga Faktoje.al

Problematika

Faktoje citonte se sipas ligjit nr. 92/2014 “Për Tatimin mbi Vlerën e Shtuar”, fermerët që shesin produkte bujqësore nuk janë të detyruar të lëshojnë faturë tatimore. Ata regjistrohen vetëm pranë tatimeve, pa qenë të detyruar të regjistrohen si biznese në QKB, të mbajnë kontabilitet apo të lëshojnë faturë.

Ky përjashtim është konfirmuar edhe në ligjin nr. 87/2019 “Për faturën dhe sistemin e monitorimit të qarkullimit”, ku përcaktohet se detyrimin për lëshimin e faturës e ka blerësi i produktit që zakonisht është grumbulluesi, baxhoja ose përpunuesi. 

Ku të gjejmë faturën? Kush e pret faturën? Ku të regjistrohemi e si të regjistrohemi për tu njohur me faturë? Pyetjet që prekën prodhuesin dhe tregtarin e vogël, morën një përgjigje zyrtare nga Administrata e Tatimeve, dy ditë pasi kontrollet e tatimorëve u shtrinë në të gjithë vendin.

Paqartësi

“Administrata Tatimore informon opinionin publik dhe individët e regjistruar si ‘tregtarë ambulantë’ se, bazuar në legjislacionin tatimor në fuqi, nuk kanë detyrim për të lëshuar faturë tatimore dhe as për të mbajtur dokumentacion tatimor për mallrat apo shërbimet që tregtojnë”, thuhet në njoftimin e Drejtorisë së Përgjithshme të Tatimeve. Por më herët një tjetër njoftim ishte shpërndarë nga ministria e Bujqësisë.

“Ka hyrë në fuqi detyrimi për lëshimin e faturës tatimore për çdo shitje të produkteve ushqimore, përfshirë ato bujqësore dhe blegtorale, edhe nga fermerët”, lajmëronte ministria e Bujqësisë dhe Zhvillimit Rural. 

Të gjithë me kupon

Deklarata e kryeministrit Edi Rama se nuk do të kishte më tregtim të qumështit dhe nënprodukteve të tij pa kupom tatimor, duke lënë një afat deri më 14 korrik u përkthye në lëvizje masive të zellshme jo vetëm të administratës lokale tatimore por edhe drejtorëve të bashkive (të shigjetuar po nga Rama me largim nga puna).

“Drejtoria e Përgjithshme e Tatimeve është angazhuar për të sensibilizuar të gjithë ata që tregtojnë qumësht e bulmet pa faturë, që mos ta bëjnë më këtë gjë. Nga java e ardhshme, (shënim: 14 korrik) do të konfiskohet çdo shishe qumështi pa faturë dhe çdo lloj bulmeti produkt pa faturë”, deklaroi kryeministri Rama.

Përfundimi

Deklaratat e kreut të qeverisë për tu dorëhequr masivisht drejtues lokal nga nënkryetarë bashkisë, drejtues njësish vendore dhe drejtorësh në bashki, është shoqëruar paralelisht (po me urdhër të tij) me “kontrolle të vazhdueshme” nga tatimet, policia bashkiake, policia e shtetit në lirimin e hapësirave publike dhe së fundmi edhe nga agjentët tatimorë.

Në paqartësi të plotë mbi kompetencat, udhëzimet dhe ligjet, fenomeni i kontrolleve në gjithë Shqipërinë po tregon më së paku një keqpërdorim të situatës nga funksionarët lokalë, dhe më së shumti veprime në terren pa udhëzime të qarta, mos njohje të ligjeve ekzistuese, si dhe përplasje qëndrimesh mes vetë institucioneve.

The post “Çfarë flet mo Muçi im”, kur shteti nuk di çfarë kërkon appeared first on Faktoje.al.

Ish-mesfushori i Real Madridit, Luka Modric, ka folur hapur për vendimin e tij për t’iu bashkuar AC Milanit, pas përfundimit të aventurës së gjatë në “Santiago Bernabeu”.

Shumë klube donin transferimin e veteranit kroat, por ai ka zbuluar se Milanit iu bashkua pasi donte të luante në Evropë dhe të luante futboll konkurrues.

“Pse AC Milan? Doja të qëndroja në Evropë dhe të vazhdoja të luaja futboll konkurrues,” deklaroi Modric.

“Kisha disa oferta të tjera, por kur Milani u shfaq, ishte e qartë për mua. Isha gati që nga momenti i parë”, deklaroi Modric.

Legend. #WelcomeModrić pic.twitter.com/U5lhhoACXX

— AC Milan (@acmilan) July 14, 2025

Ai tregoi se klubi kuqezi e kishte bindur që në fillim me seriozitetin e qasjes dhe me projektin e tyre.

“Më bëri përshtypje se si erdhën në Kroaci për të më prezantuar projektin dhe gjithçka tjetër. Kjo ishte shumë e rëndësishme për mua,” shtoi kroati.

“Milani është një nga klubet më të mëdha në Evropë,” përfundoi Modric, i cili pritet të jetë një nga liderët e rinj të skuadrës së Massimiliano Allegrit. /Telegrafi/

The post Modric zbulon pse zgjodhi Milanin pas largimit nga Real Madridi appeared first on Telegrafi.

Pretendimi: Dokumente të NASA përshkruajnë planin e agjencisë për një shfarosje masive.

Verdikti: E paprovuar

——————————————————————-

Në rrjetet konspiracioniste po qarkullon pretendimi i pazakontë se dokumente të agjencisë hapësinore amerikane NASA zbulojnë një plan për të shfarosur 5 miliardë njerëz brenda vitit 2025.

Si zakonisht, postimi i mësipërm nuk përmban ndonjë dokument apo ndonjë burim për të mbështetur pretendimin e jashtëzakonshëm.

Postimi duket se i referohet një artikulli të botuar më 27 gusht 2024 në portalin amerikan “The People’s Voice”, i njohur më parë si “News Punch”. 

Ky i fundit është etiketuar si një portal burim lajmesh të rreme. Sipas një raporti të vitit 2017 nga Buzzfeed, “NewsPunch” ishte burimi i dytë më i madh i lajmeve të rreme që ishin shpërndarë në Facebook atë vit.

Sipas artikullit në fjalë, “dokumentet zyrtare të NASA zbulojnë se agjencia është përgatitur për dekada të tëra për të luajtur një rol udhëheqës në një ngjarje shfarosjeje masive në vitin 2025 që do të çojë në shembjen e qytetërimit dhe shpopullimin e shumicës së njerëzve në planetin Tokë.”

Ai citon një prezantim të NASA të vitit 2001 me titull “Çështjet Strategjike të së Ardhmes/Lufta e së Ardhmes [Rreth vitit 2025]”.

Megjithatë, prezantimi i vitit 2001 nuk përmend asnjë përgatitje nga NASA apo plan për “shfarosje masive.”

Në vend të kësaj, ai paraqet një analizë strategjike që diskuton teknologjitë në zhvillim dhe ndikimet e mundshme që ato do të kenë në luftë dhe shoqëri deri në vitin 2025.

Prezantuar nga Dennis Bushnell, shkencëtari kryesor i atëhershëm i NASA, prezantimi mbulon tema të tilla si inteligjenca artificiale, bioteknologjia dhe nanoteknologjia.

Në fillim të prezantimit thuhet qartë se qëllimi i tij është të “nxisë mendimin/diskutimin”.

Prezantimi në fjalë

Një zëdhënës i NASA tha për AAP FactCheck se prezantimi i vitit 2001 ishte bërë pjesë e një teorie konspirative të përsëritur.

“Qëllimi i sesionit të tij (të Dennis Bushnell) ishte të nxiste mendimin dhe diskutimin duke i kërkuar audiencës të imagjinonte se cilat teknologji mbrojtëse mund të zhvillohen në të ardhmen, dhe në këtë rast, në vitin 2025, bazuar në trendet në atë kohë,” tha zëdhënësi. “Prezantimi nuk është një dokument planifikimi dhe përmbajtja brenda prezantimit nuk përfaqëson ndonjë plan aktual ose të ardhshëm nga NASA.”

The post NASA nuk planifikon shfarosje në masë në vitin 2025 appeared first on Faktoje.al.

Real Madridi ka njoftuar largimin e veteranit të klubit, Lucas Vazquez.

Në një ceremoni lamtumire, që do të mbahet të enjten më 17 korrik në Ciudad Real Madrid, do të jetë i pranishëm edhe presidenti Florentino Perez.

Klubi ka shprehur mirënjohjen dhe dashurinë e tij për Lucas Vazquez, duke e cilësuar si një nga legjendat e mëdha të historisë së tyre.

Lucas Vazquez iu bashkua Real Madridit në vitin 2007, kur ishte vetëm 16 vjeç, dhe kaloi në të gjitha kategoritë e akademisë, nga Juvenil C te Castilla.

Comunicado Oficial: acto de despedida de Lucas Vázquez. #GraciasLucas

— Real Madrid C.F. (@realmadrid) July 16, 2025

Pas një sezoni huazim te Espanyol, ai debutoi me ekipin e parë në shtator 2015.

Gjatë 10 viteve me Real Madridin, ai ka luajtur në 402 ndeshje në një nga periudhat më të suksesshme të klubit.

Në këtë kohë, Vazquez ka fituar 23 trofe, duke përfshirë 5 Liga të Kampionëve, 5 Kupa Bote për Klube, 4 Superkupa Evropiane, 4 La Liga, 1 Kupë të Mbretit dhe 4 Superkupa Spanjolle. /Telegrafi/

The post Zyrtare: Real Madridi njofton largimin e Lucas Vazquez appeared first on Telegrafi.

Presidenti i SHBA, Donald Trump deklaroi se tashmë armët amerikane po dërgohen në Ukrainë.

Duke folur me gazetarët, ai tha gjithashtu se nuk kishte folur me Vladimir Putinin që kur sanksionet kundër Rusisë u njoftuan të hënën, shkruan Sky News.

Trump zbuloi se Uashingtoni do t’i shesë armë NATO-s, të cilat më pas mund t’i kalojnë Ukrainës.

Disa vende evropiane janë zotuar tashmë ta mbështesin këtë iniciativë, përfshirë Gjermaninë, Norvegjinë, Danimarkën, Holandën, Suedinë, Mbretërinë e Bashkuar, Kanadanë dhe Finlandën.

Në anën tjetër, këto armë prej kohësh janë kërkuar nga presidenti ukrainas, i cili vazhdimisht theksonte nevojën për armë moderne të kalibrit të madh që do t’ju ndihmonte të ndalin sulmet ruse.

Shqipëria po tërheq gjithnjë e më shumë vëmendjen e agjencive ndërkombëtare turistike, të cilat e cilësojnë vendin si një perlë të fshehur të Ballkanit dhe një nga destinacionet më të nënvlerësuara në botë.

Në një postim të fundit të platformës së njohur turistike Mirio_Travel, Shqipëria përshkruhet si një vend që “absolutisht duhet vizituar të paktën një herë në jetë”. Me një vendndodhje unike mes detit dhe malit, vendi ofron një kombinim të rrallë të plazheve të egra me ujëra kristal dhe natyrës së paprekur malore, ideale për adhuruesit e aventurës dhe hiking-ut.

“Është vendi më i nënvlerësuar në botë dhe absolutisht duhet ta shkosh atje një herë në jetën tënde. E lokalizuar mes detit dhe malit, ky destinacion ofron një mixim unik i plazheve mahnitëse dhe natyrës së paprekur. Këto plazhe janë ende të egra me ujë të pastra kristal. Malet ofrojnë pamje që të lënë pa frymë dhe mundësi për hiking për ata që duan aventurat. Më pak e njohur se destinacionet e tjera të Europës, Shqipëria ka potencialin që të fitojë zemrën”, thuhet në postim.

Shpesh, pacientët ndihen më të lehtësuar kur dhimbja që përjetojnë lidhet me një shkak të qartë dhe të verifikueshëm – për shembull, një tumor i zbuluar përmes rezonancës magnetike. Edhe pse diagnoza mund të jetë e rëndë, fakti që ekziston një shpjegim konkret ofron një lloj qetësie: dhimbja ka një arsye.

Kështu u tha neurologu Blerim Myftiu gjatë podcastit “Shëndeti në rend të parë” i përkrahur nga United Hospital, ku tregoi se në praktikën klinike përballen shpesh me një tjetër realitet – më të vështirë për t’u pranuar nga pacientët.

Ai theksoi se kur analizat e gjakut dhe imazheritë dalin normale, por simptomat përputhen saktësisht me kriteret për migrenë, shumë persona vazhdojnë të mos ndihen të bindur nga diagnoza.

“Nëse dikujt i zbulohet tumor pas disa ditësh dhimbje koke, për sa i rëndë të jetë lajmi, personi sërish e pranon më lehtë, sepse e kupton se pse po i dhemb koka.  Por, kur për pesë vite me radhë një person përjeton të njëjtën dhimbje – të njëanshme, me ndjeshmëri ndaj dritës, zhurmave apo aromave, shpesh me të përziera dhe vjellje, sidomos gjatë ciklit menstrual – dhe të gjitha analizat rezultojnë normale, është shumë më e vështirë që të pranojë se bëhet fjalë për migrenë”.

Sipas tij, këto karakteristika janë tipike për këtë gjendje neurologjike, dhe mjaftojnë për të vendosur diagnozën.

“Disa pacientëve nuk u mjafton që përshkrimi përputhet me migrenën – vazhdojnë të thonë ‘po unë kam ende dhimbje koke’ ”, shton ai, duke nënvizuar sfidën e madhe që qëndron jo vetëm në diagnostikimin, por sidomos në pranimin e një diagnoze që nuk mbështetet në prova të dukshme laboratorike apo imazherike.

Ky podcast mbështetet nga United Hospital. /Telegrafi/

The post Kur dhimbja nuk duket në analiza dhe sfida e pranimit të migrenës si diagnozë – sqaron neurologu Blerim Myftiu appeared first on Telegrafi.

Justin Timberlake është bërë pjesë e një kontestimi të ri, pasi një video e publikuar në internet e tregon atë duke humbur durimin gjatë performancës së tij në ‘Lytham Festival’ në Britani, në fillim të korrikut.

Në video shihet momenti kur këngëtari i famshëm reagon ashpër për shkak të një problemi teknik gjatë interpretimit të këngës së tij ikonike ‘Cry Me a River’.

Në fillim të videos, Timberlake duket i qetë, teksa flet me një anëtar të ekipit teknik, i cili – sipas gjuhës së trupit – duket se po i jep një afat kohor për rregullimin e problemit.

Por kur afrohet një teknik tjetër, këngëtari papritmas humb kontrollin, shpërthen në britma dhe largohet nga ekipi me nervozizëm.

Ky veprim ka shkaktuar një valë reagimesh në rrjetet sociale. Shumë e kanë cilësuar sjelljen e tij si joprofesionale.

@aydannzacc * SOUND CUTS #justintimberlake #lythamfestival ♬ original sound – Aydan-N-Zacc

“Të humbësh nervat në skenë dhe të reagosh ndaj stafit teknik – kjo thjesht nuk është në rregull”, ka shkruar një komentues.

Të tjerë kanë tentuar ta kuptojnë situatën nga këndvështrimi i artistit.

“Sinqerisht, është shumë e vështirë të qëndrosh krejtësisht i qetë kur teknika të saboton koncertin përpara mijëra njerëzve”, thuhet në një koment tjetër.

Ndërsa një fans ka shtuar: “Ai në fakt nuk i humbi nervat, vetëm ishte dukshëm i frustruar. Edhe unë do të isha po të isha në vendin e tij”.

Një përdorues në TikTok e ka mbështetur me fjalët: “Ai po përpiqej të ofronte një show të jashtëzakonshëm për njerëzit që kanë paguar biletën – është normale të jetë i ndjeshëm ndaj këtyre problemeve”.

Pavarësisht incidentit, Timberlake është treguar mirënjohës ndaj publikut. Ai postoi në Instagram një slideshow me fotografi nga koncerti, duke shkruar: “Lytham, JU DUA!”

Ky koncert ishte pjesë e turneut aktual të këngëtarit, që shënon rikthimin e tij në skenë pas një pauze të gjatë. Justin Timberlake, i cili e nisi karrierën në grupin e njohur NSYNC, sot mbetet një nga emrat më të rëndësishëm të muzikës pop. Ai është i martuar me aktoren Jessica Biel dhe së bashku kanë dy djem: Silas (10 vjeç) dhe Phineas (4 vjeç). /Telegrafi/

The post Justin Timberlake i bërtet një anëtari të ekipit teknik para mijëra njerëzve gjatë koncertit të tij appeared first on Telegrafi.

Pas përfundimit të aksionit për kontrollin e tregtimit me faturë të produkteve blegtorale, qeveria po përgatitet të rikthejë një skemë kompensimi për fermerët nëpërmjet rimbursimit të TVSH-së në nivelin 10%.

Sipas burimeve për Monitor, është gati një projektligj i ri, i cili parashikon që kompensimi për fermerët të aplikohet duke nisur nga viti 2026, si pjesë e një reforme më të gjerë për formalizimin e zinxhirit agroushqimor dhe uljen e kostove për prodhuesit vendas.

Deri tani në rang vendi rezultojnë të regjistruar 100 mijë fermerë të pajisur me NIPT që kanë të drejtë të shesin te përpunuesi, grumbulluesi apo supermaketet produktet e veta, pa faturë TVSH-je, por nëpërmjet autofaturës që plotësohet prej blerësit.

Skema e TVSH-së së rimbursueshme që përfitohej prej përpunuesve u hoq plotësisht në vitin 2022. Pas heqjes së saj, ku fermeri përfitonte tregtimin e produkteve me çmim të leverdisshëm, u rrit kostoja e prodhimit, sepse TVSH-ja e paguar nuk kreditohet më dhe bëhet pjesë e kostos së lëndës së parë.

Deri në vitin 2017, rimbursimi i TVSH-së për përpunuesit ishte 20%, çka do të thotë se psh,. për çdo blerje të qumështit me faturë tatimore nga fermeri, përpunuesi mund të kreditonte këtë vlerë në TVSH-në e zbritshme.

Kjo skemë e bënte ekonomikisht të leverdishme blerjen edhe me çmim të lartë për fermerin dhe siguronte marzh të qëndrueshëm fitimi për industrinë.

Nga viti 2019 deri në 2022, skema ndryshoi. TVSH-ja në blerje (nga fermerët) u ul në 6%. Ndërsa TVSH-ja në shitje e produkteve të bulmetit mbeti 20%. Kjo krijoi një pabarazi fiskale, pasi industria paguante më shumë në dalje sesa kreditonte në hyrje.

Prej vitit 2022, skema e TVSH-së së kreditueshme u heq plotësisht, duke vendosur 0% TVSH të zbritshme për blerjet e qumështit nga fermerët.

Shoqata e Industrisë së Përpunuesve të Qumështit propozoi që skema të harmonizohej me praktikat e rajonit, ku TVSH-ja e blerjes dhe e shitjes të unifikohej në 6% ose 9%, për të shmangur pabarazitë tatimore.

Skema e vjetër të zëvendësohej me një mekanizëm neutral fiskal, jo penalizues për përpunuesin. Ky propozim nuk u pranua nga Ministria e Financave në buxhetin e vitit 2022.

Në vend të rimbursimit të TVSH-së, qeveria aplikoi subvencione direkte deri në 10,000 lekë për krerë bagëtie/lopë për fermerët.

Por përpunuesit në atë kohë theksuan se skema e subvencioneve nuk do të ketë efekt të të drejtpërdrejtë në uljen e kostos së lëndës së parë për industrinë. Nuk garanton formalizimin, sepse nuk është e lidhur me volumin real të qumështit të shitur.

Ndryshe nga rajoni, ku subvencionet jepen për litër qumësht të prodhuar e dorëzuar, në Shqipëri mungon kjo logjikë e orientuar drejt prodhimit të formalizuar.

Situata me heqjen e TVSH-së së kreditueshme, kostot e larta të ushqimit të kafshëve nga fragmetizimi i tokave dhe mungesës së vaditjeve krijuan një zinxhir pasojash në sektor, duke ulur ndjeshëm volumin e përpunimit dhe duke vënë në rrezik vazhdimësinë e kapaciteteve prodhuese, ndërkohë që tregu po përballet me konkurrencë gjithnjë e më të fortë të mallrave të gatshme që vijnë nga importi.

Po ashtu për shkak të çmimit më të lirë të shitjes së qumështit jashtë, importet vijojnë të jenë në nivele të larta, pasi qumështi i prodhuar nga fermat e huaja po përdoret, kryesisht në sezonin e verës si lëndë e parë për përpunuesit vendas.

Si qumështi vendas po zëvendësohet me importe

Në periudhën janar-prill 2024 u importuan 6 mln litra qumësht sipas të dhënave të Doganave. Kjo ishte sasia më e larta e qumështit e importuar prej 2016-s. Për janar-prill 2025 u importuan 5,1 mln litra qumësht. Krahasuar me të njëjtën periudhë të vitit të kaluar importet janë ulur 15,4%.

Çfarë synon aksioni?

Nisja prej 14 korrikut të aksionit të tatimorëve për kontrollin e zinxhirit të tregtimit të mallrave blegtorale nga fermeri drejt grumbulluesit dhe konsumatorit final shkaktoi paqartësi te fermerët në radhë të parë dhe grumbulluesit ku nisën t’i kërkonin njëri-tjetrit fatura fiskale, teksa mes tyre transaksionet dokumentohet me autofaturim të blerësit. Po ashtu inspektorët tatimorë nisën të kërkonin origjinën e mallit edhe te tregtarët ambulantë.

Nisur nga situata Administrata Tatimore sqaroi për Monitor se fokusi i aksionit është forcimi i kontrollit në terren mbi lëshimin e autofaturës për tregtimin e produkteve blegtorale, ku rezulton informalitet i lartë në tregtimin e tyre, sidomos prej grumbulluesve dhe përpunuesve të mëdhenj. Nëpërmjet këtij aksioni tatimet synojnë të rrisin të ardhurat, dhe të forcojnë sistemin për gjurmueshmërinë e mallit.

Pavarësisht nisjes së aksionit skema e faturimit për tregtimin e mallrave blegtorale nga fermeri drejt grumbulluesit nëpërmjet faturës fiskale të llojit autofaturim, me qëllim më pas hedhjen në treg të tyre për konsumatorin final nuk ndryshoi. Do të vijojë të mbetet e njëjtë. Pra fermeri i pajisur me NIPT shet produktet e tij te grumbulluesi, përpunuesi apo supermarketet, ndërsa këta të fundit kanë detyrimin e lëshimit në SelfCare të autofaturës.

E njëjta skemë do të vijojë të funksionojë për shitjen e fermerëve të regjistruar si tatimpagues për kategorinë  “person fizik” apo “shpk”. Në këtë rast fatura e fiskalizuar për shitjen e mallit lëshohet prej tij. Në këtë rast nuk funksionon autofatura.

Po ashtu përmes një njoftimi Tatimet bënë me dije se tregtarët ambulantë nuk kanë asnjë detyrim për të lëshuar faturë dhe për të mbajtur dokumentacion tatimor për mallrat.

Ndërsa Ministria e Bujqësisë dhe Zhvillimit Rural në reagimin e saj bëri me dije se kontrollet për sigurinë ushqimore dhe pajisjen me faturë tatimore nuk janë aksion kundër fermerëve, por një hap për ta formalizuar, forcuar dhe mbështetur sektorin bujqësor./ Dorina Azo

https://monitor.al/pa-autofature-ska-mall-nga-fermeri-tatimet-aksioni-po-forcon-kontrollin-ndaj-grumbulluesve/

https://monitor.al/tatimet-sqarojne-aksionin-ambulantet-skane-detyrim-per-fature-apo-dokumentacion-tatimor/

The post Qeveria, gati të rikthejë skemën e kompensimit të TVSH-së për fermerët, në nivelin 10% appeared first on Revista Monitor.