Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv — Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër! /Telegrafi/

The post Zyrtare: Ferizaj përforcohet në qendër të mbrojtjes, prezantojnë Ardit Iljazin appeared first on Telegrafi.

Erion Sadriu është një nga zbulimet e sezonit 2024/25 në Superligën e Kosovës në futboll.

20-vjeçari është vëllai i vogël i kapitenit të Ferizajt, Edon Sadriut, derisa këtë edicion nuk ka qenë titullar i rregullt te skuadra e Arsim Abazit.

Megjithatë ai sa herë është aktivizuar në lojë, ka dhënë kontribut të madh për skuadrën e qytetit të tij.

Sadriu ka zhvilluar 34 ndeshje këtë edicion, megjithatë ai ka në këmbët e tij vetëm 1007 minuta nga 3060 të mundshmet, por limiti i kohës së kaluar në fushë nuk e ka munguar të lë gjurmë sa herë ka luajtur.

Sulmuesi anësorë ka qenë fantastik, duke e mbyllur sezonin me shtatë gola dhe dy asistime dhe kjo ka bërë që forma e tij e lartë të vlerësohet edhe nga përzgjedhësi i Kombëtares U21 të Kosovës, Afrim Tovërlani.

Në një intervistë për Telegrafin, Sadriu flet për sezonin më të mirë në karrierë, golat e asistimet, ftesën nga Kombëtarja U21 si dhe të ardhmen e tij.

“Ishte një sezon sfidues, por shumë i vlefshëm për mua. Nuk kam qenë gjithmonë titullar, por kam punuar çdo ditë për të qenë gati. Çdo minutë në fushë e kam parë si mundësi për t’u dëshmuar dhe jam përpjekur ta shfrytëzoj maksimalisht”, tha fillimisht Sadriu për Telegrafin.

Erioni është i lumtur me atë që ka dhënë këtë edicion me fanellën bardhekaltër të Ferizajt.

“Ndihem krenar me atë që kam arritur këtë edicion, por unë gjithmonë kërkoj më shumë nga vetja. Ky është shpërblim i përkushtimit të përditshëm dhe mbështetjes që kam marrë nga stafi i trajnerëve dhe bashkëlojtarët. Unë jam sulmues dhe gjithmonë kam dëshirë të ndihmoj skuadrën me gola e asistime. Jam i lumtur për këtë sezon, por e di se mund të jap edhe më shumë”, vazhdon tutje Sadriu.

Ftesa nga Kombëtarja e Kosovës U21 sigurisht që e ka bërë të lumtur Erionin, i cili pritet të luaj ndaj Maqedonisë së Veriut në miqësoren e së mërkures.

“Për mua ka qenë një emocion i madh të ftohem nga Kombëtarja U21 e Kosovës, por edhe një vlerësim për atë që kam bërë në fushë. Të përfaqësosh vendin tënd është nder dhe përgjegjësi. Falënderoj trajnerin Toverlani për besimin, kjo ftesë është motivim shtesë për të punuar edhe më shumë dhe për të dëshmuar veten edhe me fanellën e shenjtë të Kosovës”, thotë Sadriu.

Erioni shpesh herë e sheh vetën me vëllanë e tij të madh në fushë, Edonin. Ai thotë se është një moment i bukur sa herë luan përkrah vëllait të madh, të cilin e ka edhe idoll.

“Unë jam rritur duke parë vëllanë tim Edonin duke luajtur dhe ai është model për mua. Sigurisht që kur jam me të në fushë më jep ndjesi të mirë, por edhe është diçka e veçantë për më tepër që luajmë për skuadrën e qytetit”, tha Sadriu.

Talenti ferizajas ka kontratë me klubin e tij edhe për dy vite, megjithatë ai të ardhmen e sheh në ndonjë klub evropian dhe me punë e formë të mirë beson se mundet që këtë ëndërr ta bëj realitet.

“Besoj që nga sezoni i ardhshëm do të kem më shumë hapësira, të jem i rëndësishëm për ekipin dhe ta ndihmoj Ferizajn t’i arrij objektivat. Natyrisht, synoj të avancoj në karrierë, por çdo gjë në kohën e vet pasi ëndrra ime mbetet që një ditë të luaj në ndonjë kampionat evropian dhe me punë kjo ëndërr mund të realizohet. Tani jam i fokusuar te Kombëtarja U21 dhe përmirësimi im personal”, përfundoi Erion Sadriu. /Telegrafi/

The post Erion Sadriu, zbulimi i sezonit në Superligë, nga shkëlqimi me Ferizajn te ftesa nga Kombëtarja U21 e Kosovës: Një ditë dua të luaj në Evropë appeared first on Telegrafi.

Ka përfunduar sezonin 2024/25 në Albi Mall Superligën e Kosovës, me disa nga skuadrat e mëdha që befasuan të gjithë në këtë sezon.

Drita si kampione e mbylli sezonin me fitore, duke triumfuar 4-1 në shtëpi përballë Feronikeli ’74.

Ballkani që e mbyll këtë edicion në vendin e dytë barazoi përballë rivalit lokal Suharekës, me rezultat 2-2, ndërsa ishte me një lojtar më pak në fushë, pasi Bernard Karrica u përjashtua me kartonin e dytë të verdhë në minutën e 43-të.

Malisheva ia doli të siguronte kualifikimin në fazën kualifikuese të ligës në Ligën e Konferencës, duke i mjaftuar barazimin 2-2 me Prishtinën në stadiumin “Fadil Vokrri”.

Gjilani dhe Ferizaj po ashtu i ndanë pikë, duke barazuar 2-2, përkundër se mysafirët kërkonin kualifikimin në Evropë, por që atë vend e mori Malisheva.

Llapi ia doli të siguronte zonën e barazhit me fitoren 3-1 në shtëpi përballë Dukagjinit, ndërsa pas pak ditësh do të përballet me Vushtrrinë, nëse do të qëndrojë në elitë apo do të garojë në Ligën e Parë.

Drita do të luajë në kualifikimet për në fazë të ligës së Ligën e Kampionëve, Ballkani dhe Prishtina që fitoi Kupën e Kosovës, do të luajnë në kualifikimet për në fazën e ligës në Ligën e Evropës dhe Malishva që luanë në kualifikimet për në fazën e ligës në Ligën e Konferencës.

Nga liga kanë rënë Suhareka dhe Feronikeli ’74, derisa promovimin e kanë siguruar direkt Prishtina e Re dhe Drenica. /Telegrafi/

The post Përfundon sezonin 24/25 në Superligën e Kosovës: Përcaktohen vendi për Evropë dhe ai për barazh appeared first on Telegrafi.

Sot (e shtunë) është planifikuar të zhvillohen të gjitha ndeshjet e vlefshme për xhiron e 35-të në Albi Mall Superligën e Kosovës.

Superliga e Kosovës po shkon drejt fundit pasi sot zhvillohet xhiro e parafundit dhe garat është ende shumë e hapur dhe e zjarrtë për një vend që dërgon në Evropë, për pozitën e barazhit dhe për mbijetesë.

Në këtë kontekst, ndeshja mes Malishevës dhe Suharekës mund të jetë më interesantja, pasi vendasit synojnë të bëjnë thuajse hapin final për të siguruar pozitën e tretë dhe Evropën, teksa mysafirët me një fitore do të shpresonin shumë të kapnin pozitën e barazhit.

Po kaq interesant është situata edhe në ndeshjen mes Dukagjinit dhe Ferizajt, ku klinasit synojnë fitore për të siguruar thuajse qind për qind mbijetesën, ndërsa ferizajasit duan tri pikët për të pritur pastaj gabimin e Malishevës për t’ia rrëmbyer pozitën e tretë.

Prishtina do të synoj vetëm fitoren në udhëtim te Feronikeli ’74 pasi tri pikët do t’ia siguronin përfundimisht mbijetesën, ndërsa mysafirët tash e disa javë veçse kanë rënë matematikisht nga kategoria.

Sot zhvillohet edhe derbi i madh i Anamoravës mes Gjilanit dhe Dritës, ku fitorja është imperativ vetëm për vendasit e kuq pasi janë ende në garë për pozitën e tretë që i dërgon në Evropë, ndërsa bardhekaltrit tashmë janë shpallur kampion të Kosovës këtë edicion.

Në ndeshjen e fundit, por jo nga rëndësia, Llapi do të kërkoj pikë jetike në udhëtim te Ballkani, i cili ka siguruar pozitën e dytë, ndërsa për llapjanët një humbje do ta rrezikonte shumë qëndrimin e tyre në elitë.

Të gjitha ndeshjet është paraparë të fillojnë nga ora 16:00. /Telegrafi/

The post Luhet për Evropë, barazh dhe mbijetesë – sot zhvillohen të gjitha përballjet e xhiros së 35-të appeared first on Telegrafi.

Java e 33-të e Superligës së Kosovës solli disa barazime të rëndësishme dhe një fitore në udhëtim, duke e bërë edhe më të paqartë luftën për garat evropiane dhe mbijetesë.

Ndeshja kryesore ndërmjet Ballkanit dhe Dritës përfundoi 1-1, një rezultat që nuk ndryshoi shumë, pasi gjilanasit u shpallën kampion më herët.

Po ashtu, Llapi dhe Ferizaj ndanë pikët me rezultat të njëjtë 1-1, ku kësaj radhe dy skuadrat kanë pretendime të ndryshime.

Gjilani dhe Malisheva nuk arritën të gjenin rrjetën duke përfunduar 0-0, ku në fundin e ndeshjes, Oltion Bilalli i Gjilani u lëndua dhe vazhdon të jetë në QKUK për trajtim.

Edhe takimi mes Dukagjinit dhe Prishtinës mbaroi pa gola, edhe pse rastet nuk munguan.  Fitore e vetme e javës u regjistrua në Drenas, ku FC Suhareka triumfoi 3-1 ndaj Feronikelit 74, për të shpresuar për mbijetesë.

Në renditje, Drita vazhdon të kryesojë me 70 pikë, e ndjekur nga Ballkani me 58. Malisheva dhe Ferizaj ndajnë vendin e tretë me nga 49 pikë, ndërsa Gjilani (46) dhe Prishtina (44) qëndrojnë pas tyre.

Dukagjini dhe Llapi janë në luftë për t’i ikur barazhit me 42 dhe 41 pikë respektivisht.

Suhareka, me fitoren e fundit, ka grumbulluar 36 pikë. Në fund të tabelës mbetet Feronikeli 74 me vetëm 15 pikë.

Në xhiron e 34-të takohen: Prishtina – Gjilani, Drita – Dukagjini, Suhareka – Llapi, Ferizaj – Ballkani, Malisheva – Feronikeli 74. /Telegrafi/ 

The post Rezultatet dhe renditja pas javës së 33-të në Superligën e Kosovës: Katër barazime e bëjnë të paqartë luftën për kreun dhe mbijetesën appeared first on Telegrafi.

Janë zhvilluar të gjitha ndeshjet e javës së 32-të në Albi Mall Superligën e Kosovës në futboll, me disa rezultate që ndikuan drejtpërdrejt në renditjen përfundimtare të sezonit.

Ndeshja kryesore e javës doli të jetë ajo mes Dritës dhe Llapin, ku gjilanasit fituan me rezultat 1-0, falë golit të Iljesa Zylfiut, duke e konfirmuar titullin e kampionit matematikisht.

Prishtina shënoi fitore të rëndësishme në derbi ndaj Ballkanit me rezultat 1-0, duke bërë hap të madh drejt mbijetesës.

Në ndeshjet tjera, Gjilani triumfoi 3-2 ndaj Feronikelit 74, në një ndeshje me shumë kthesa.

Malisheva dhe Dukagjini ndanë pikët me rezultat 1-1, duke mbetur në luftë për objektiva të ndryshëm. Ferizaj fitoi si mysafir ndaj Suharekës me rezultat 2-1, një fitore jetike në garën për Evropë.

Pas 32 javësh, Drita kryeson tabelën me 69 pikë dhe është kampion i Kosovës, kur kanë mbetur edhe katër xhiro deri në fund.

Ballkani ndodhet në vendin e dytë me 57 pikë, pozitë që duket e siguruar. Malisheva dhe Ferizaj ndajnë pozitën e tretë me nga 48 pikë, duke luftuar për biletën evropiane.

Gjilani me 45 pikë dhe Prishtina me 43 pikë ende shpresojnë në garën për Evropë. Dukagjini dhe Llapi me nga 41 dhe 40 pikë do të luftojnë deri në fund për të siguruar mbijetesën dhe për ti ikur barazhit.

Suhareka me 33 pikë është shumë pranë rënies, ndërsa  Feronikeli 74 tashmë ka rënë nga liga, me vetëm 15 pikë.

Në xhiron e ardhshme, atë të 33-të takohen: Gjilani – Malisheva, Dukagjini – Prishtina, Feronikeli 74 – Suhareka, Llapi – Ferizaj, Ballkani – Drita. /Telegrafi/ 

The post Rezultatet dhe renditja pas javës së 32-të në Superligën e Kosovës: Drita kampion matematikisht, luftë e nxehtë për Evropë dhe mbijetesë appeared first on Telegrafi.

Ylli i Ferizajt, Valmir Nafiu ishte i ftuari i radhës në podcastin që është prodhim i Telegrafit, “Arena e Yjeve”.

Ish-lojtari i shumë skuadrave shqiptare dhe evropiane ka rrëfyer shumë prapaskena nga karriera e tij, që nuk janë dëgjuar më parë.

Si e refuzoi Ajaxin për të shkuar te Baseli – Valmir Nafiu zbuloi prapaskenat si u transferua te gjiganti zviceran.

Emocionet e debutimit para 70 mijë tifozëve në Bundesliga – Valmiri rrëfeu për ndeshjen e parë me Hamburgun.

Lidhja e Nafiut me Valon Behramin te Hamburgu: E kam pasur si vëlla të madh, më ka ndihmuar shumë.

Bashkëlojtarë me yje të mëdha si Van der Vart, Heung-Min Son e Calhanoglu – Nafiu tregon si është ta ndash dhomën e zhveshjes me yje të futbollit.

Si i humbi mundësia të luaj ndaj Bayernit pasi pranuan nëntë gola – Valmir Nafiu tregon lojtarin që e ‘çmendi’ më shumë se Toni Kroos.

Goli ndaj Tottenhamit të Jose Mourinhos dhe takimi me shokun e vjetër Heung-Min Son, Nafiu thotë se ishte momenti më special në karrierë

Pengu i madh në karrierë me fanellën e Shkëndijës dhe se si luajti së bashku me legjendën e Liverpoolit në Qipro.

Cilin transferim e konsideron gabim në karrierën e tij dhe si u bind për të ardhur në Kosovë, fillimisht te Gjilani e tani te Ferizaj.

Ka luajtur për skuadra shqiptare në Maqedoninë e Veriut, Shqipëri, Kosovë dhe Malin e Zi, ku është futbolli më cilësorë dhe shumëçka tjetër që ka rrëfyer Nafiu në “Arena e Yjeve”.

Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorëve tanë  KGM Kosova dhe Golden Eagle Energy Drink. /Telegrafi/

The post Valmir Nafiu, mysafir në “Arena e Yjeve”: Bashkëlojtarë me yje si Van der Vart, Son e Calhanoglu, refuzimi i Ajaxit për Baselin dhe shumëçka tjetër appeared first on Telegrafi.

Elita e futbollit kosovar, Albi Mall Superliga është futur në fazën finale dhe vazhdon të mbetet gjithçka e paqartë.

Titulli, Evropa dhe mbijetesa vazhdon të jetë ende e hapur me nëntë skuadra që vazhdojnë të jenë brenda objektivave që kishin në fillim të sezonit.

E vetmja skuadër pa objektiva është Feronikeli ’74, që tanimë edhe matematikisht ka rënë nga Superliga, por që po vazhdon të respektoj kampionatin duke luajtur fort ndaj të gjitha skuadrave.

Titulli mund të mbyllet këtë javë, por edhe mund të vazhdoj drama. Drita aktualisht ka nëntë pikë më shumë se Ballkani kur kanë mbetur edhe pesë xhiro për t’u zhvilluar deri në fund të kampionatit.

Gjilanasit shpresojnë ta mbyllin çështjen e titullit këtë xhiro dhe kjo arrihet vetëm nëse mposhtin Llapin dhe Ballkani humbet nga Prishtina. Nëse ndodh e kundërta që Drita të humbas dhe Ballkani të fitoj, atëherë edhe çështja e titullit do të jetë edhe më e zjarrtë, pasi pas dy javëve dy skuadrat takohen në Suharekë.

Drita deri në fund të sezonit do t’i luaj edhe pesë ndeshje, ku tre nga to i luan në shtëpi ndaj Llapit, Dukagjinit dhe Feronikelit ’74, ndërsa ndeshjet në udhëtim i ka ndaj Ballkanit dhe Gjilanit.

Nga ana tjetër Ballkani ka tre ndeshje në udhëtim dhe dy në shtëpi. Kampioni në fuqi i Kosovës që ka 57 pikë, nëntë më pak se lideri Drita luan ndaj Prishtinës, Ferizajt dhe Suharekës në udhëtim dhe para adhuruesve të vet pret Dritën dhe Llapin.

Gara e nxehtë për pozitën e tretë, por edhe për t’i ikur barazhit dhe t’iu shmangur rënies

Përveç Dritës dhe Ballkanit që po luftojnë për titullin, pjesa tjetër e skuadrave po luftojnë për pozitën e tretë, t’i shmangën rënies ose barazhit.

Nga Malisheva që është e treta në tabelë me 47 pikë te Dukagjini që është e teta në tabelë (pozitë që i dërgon skuadrat në barazh) me 40 sosh janë vetëm shtatë pikë diferencë.

Suhareka është e nënta me 33 pikë dhe ndodhet në një pozitë më të vështirë, pasi objektivi është vetëm t’i shpëtoj rënies dhe gjasat për Evropë janë thuajse të pamundura.

Malisheva rrezikun më të madh e ka nga Ferizaj, pasi ndodhet vetëm dy pikë mbrapa, por edhe nga Gjilani me pesë sosh.

Skuadra e Bekim Isufit në pesë ndeshjet e fundit në kampionat luajnë tri në shtëpi ndaj Dukagjinit, Feronikelit dhe Suharekës, derisa në udhëtim përballen me Gjilanin dhe Prishtinën.

Në pozitën e katërt është Ferizaj me 45 pikë, por kjo skuadër do t’i luaj tre ndeshje në udhëtim ndaj Suharekës, Llapit dhe Dukagjinit, derisa pret në shtëpi Ballkanin dhe në fund Gjilanin.

Gjilani është një tjetër skuadër që kërkon Evropën, por edhe t’i shmanget barazhit. ‘Skifterat’ do të përballen me Feronikelin, Prishtinën dhe Ferizajn në udhëtim, por para adhuruesve të vet presin Malishevën dhe Dritën.

Llapi, Prishtina dhe Dukagjini ndajnë pozitat, gjashtë, shtatë dhe tetë me nga 40 pikë.

Llapjanët në pesë duelet e ardhshme luajnë ndaj Dritës në udhëtim, presin Ferizajn, përballen me Suharekën dhe Ballkanin jashtë shtëpisë dhe në fund kanë duelin direkt me Dukagjinin.

Prishtina do të luaj tre sfida në shtëpi dhe dy të tjera në udhëtim. Kryeqytetasit presin Ballkanin, Gjilanin dhe Malishevën, derisa luajnë jashtë shtëpisë me Dukagjinin në Klinë dhe Feronikelin ’74 në Drenas.

Ndeshje të vështira e presin edhe Dukagjinin, ku skuadra e udhëhequr nga Ismet Munishi përballet në udhëtim me Malishevën, Dritën dhe Llapin, derisa në shtëpi luajnë me Prishtinën dhe Ferizajn.

Suhareka është skuadra që u fut në Superligë me ambicie të mëdha, por tani i duhen pesë fitore në pesë xhirot e fundit për t’iu shmangur rënies. Të besuarit e Mirel Josës do të luajnë në shtëpi me Ferizajn, Llapin dhe Ballkanin, derisa sfidat jashtë shtëpisë i kanë me Feronikelin ’74 dheMalishevën. /Telegrafi/ 

The post Gara për titullin, Evropën dhe mbijetesën – Kush me kë luan në pesë xhirot e fundit në Superligë appeared first on Telegrafi.

Ferizaj ka shënuar fitore me rezultat 2-1 në shtëpi ndaj Dritës në kuadër të javës së 31-të në Albi Mall Superligën e Kosovës.

Pjesa e parë e këtij takimi ishte mjaft e vakët në aspektin e rasteve të krijuara, pasi të dy ekipet po mbronin mirë hapësirat ne mbrojtje.

Në pjesën e dytë filloi të ngritet ritmi i lojës ku si pasojë erdhën edhe tre gola.

Vendasit kaluan në epërsi në minutën e 48-të përmes golit të realizuar nga mbrojtësi Antonio Ilieski.

Në minutën e 58-të Ferizaj pati një tjetër rast të mirë shënimi me Abdul, por goditja e tij shkoi jashtë portës.

Po luhej minuta e 80-të e takimit kur Drita ia doli të barazojë rezultatin në 1-1 përmes Veton Tushës pas asistimit të Denys Kostyshyn.

Sidoqoftë, gëzimi i Dritës ishte tejet i shkurtë pasi Ferizaj ia doli të shënojë golin e epërsisë në aksionin vijues.

Golin e fitores për Ferizajn e realizoi Fatjon Bunjaku në minutën e 81-të i cili realizoi për rezultatin përfundimtar 2-1.

Pas kësaj fitore Ferizaj shkon në kuotën e 45 pikëve dhe mban pozitën e katërt në tabelë, teksa Drita numëron 66 sosh si lider me nëntë më shumë se Ballkani në vendin e dytë që ka 57 sosh./Telegrafi/

The post Ferizaj ‘ëndërron’ Evropën – mposht Dritën në shtëpi appeared first on Telegrafi.

Ka përfunduar xhiro e 30-të në Albi Mall Superligën e Kosovës, ku edhe këtë javë nuk munguan rezultatet befasuese. 

Lideri Drita mori një fitore të rëndësishme në udhëtim ndaj Suharekës me rezultat 2-1, duke i dhënë këtyre të fundit një goditje të fortë në luftën për mbijetesë. 

Kampioni në fuqi i Kosovës, Ballkani, u ndal me barazim 3-3 në Drenas nga Feronikeli ‘74 që tashmë është përshëndetur me elitën e futbollit kosovar. 

Malisheva u mposht në shtëpi nga Llapi me rezultat 3-1 me djelmoshat e Tahir Batatinës që ishin tejet të disponuar për lojë. 

Prishtina e Arsim Thaçit luajti baras pa gola në stadiumin ‘Fadil Vokrri’ ndaj Ferizajt që po tregohet arrë e fortë këtë edicion. 

Me barazim përfundoi edhe dueli mes Gjilanit dhe Dukagjinit, me këta të parët që barazuan krejt në fund të takimit me Armend Thaçin. 

Drita po vazhdon me hapa të sigurt drejt tiullit me 66 pikë të grumbulluara, ndërsa pas tyre renditet Ballkani me 54 sosh. 

Luftë e madhe po zhvillohet në pjesën e poshtme të tabelës, ku shumë ekipe po tentojnë t’i shmangen barazhit. 

Dukagjini gjendet në pozitën e barazhit apo në të shtatën me 37 sosh, por ata i ndajnë vetëm dy pikë me ekipet e tjera si Gjilani, Llapi dhe Prishtina që kanë nga 39 pikë secila./Telegrafi/

The post Përfundon xhiro e 30-të në Albi Mall Superligë: Drita edhe më afër titullit, luftë e madhe për ikje nga barazhi appeared first on Telegrafi.

Prishtina ka luajtur baras me rezultat 0-0 në shtëpi ndaj Ferizajt në kuadër të javës së 30-të në elitën e futbollit kosovar.

Drilon Islami në minutën e 18-të goditi nga afërsia por ajo nuk ishte e rrezikshme për portën e mysafirëve.

Në minutën e 27-të kryeqytetasit mbetën me një lojtar më pak në fushë kur Philippe Boueye u ndëshkua me karton të kuq pas një ndërhyrje të ashpër.

Rasti më ideal në këtë ndeshje i takoi Ferizajt të cilët në minutën e 70-të goditën shtyllën përmes Edon Sadriut.

Në minutën e 75-të Albin Krasniqi tentoi të gjente portën por goditja e tij ishte e lehtë dhe u prit pa telashe nga Jovanovski.

Pas këtij barazimi Prishtina shkon në kuotën e 39 pikëve dhe mban pozitën e pestë në tabelë teksa Ferizaj gjendet në pozitën e katërt me 42 sosh./Telegrafi/

The post Prishtina dhe Ferizaj ndajnë pikët në ‘Fadil Vokrri’ appeared first on Telegrafi.

Prishtina dhe Ferizaj do të takohen me fillim nga ora 20:00 në stadiumin ‘Fadil Vokrri’ në kuadër të javës së 30-të në elitën e futbollit kosovar.

Në takimin e fundit mes këtyre dy skuadrave kishte triumfuar Ferizaj me rezultat minimal 1-0 me golin e Albion Kurtaj.

Risi tek Prishtina është rikthimi i dyshes Drilon Islami dhe Albin Krasniqi të cilët për një kohë të konsiderueshme nuk u ftuan nga klubi kryeqytetas.

Të dy trajnerët kanë vendosur në fushë formacionin me lojtarët më të mirë në dispozicion:

Prishtina: Kolaj, Boueye, Vitija, Raqi, Bytyqi, Gallapeni, Limani, Islami, Muja, Kryeziu, Gnapi.

Ferizaj: Jovanovski, Sadriu, Gligorov, Topalaj, Ramusa, Haxhimusa, Musulin, Avdulli, Lamçe, Kurtaj, Nafiu.

The post Prishtina dhe Ferizaj luajnë vetëm për fitore – formacionet zyrtare appeared first on Telegrafi.

Nuk ka pushim në elitën e futbollit kosovar, pasi xhiro e 30-të do të fillojë të shtunën.

Tanimë është publikuar orari, por edhe është hedhur shorti për gjyqtarët.

Ndeshja e parë zhvillohet të shtunën mes Malishevës dhe Llapit me fillim nga ora 15:00.

Ndërkohë të dielën lideri aktual Drita luan në udhëtim te Suhareka nga ora 15:00.

E nga ora 20:00 në stadiumin ‘Fadil Vokrri’, Prishtina pret Ferizajn.

Të hënën në program janë dy ndeshje për t’u zhvilluar, ku Gjilani pret Dukagjinin dhe Ballkani luan në udhëtim te Feronikeli ’74. /Telegrafi/

The post Orari i xhiros së 30-të në Superligë: Luhet të shtunën, dielën dhe të hënën appeared first on Telegrafi.

Xhiro e 29-të në Albi Mall Superligë do të vazhdojë sot me dy ndeshje shumë interesante.

Padyshim që dueli kryesor i ditës së sotme do të zhvillohet në Ferizaj, me Ferizajn që është nikoqir i Malishevës.

Dy skuadrat bardhekaltër kërkojnë tre pikët në këtë sfidë, me vendasit që synojnë të jenë më të qetë dhe mysafirët që kërkojnë të shtojnë diferencën me skuadrat tjera.

Në tre sfidat e para të këtyre dy skuadrave këtë edicion dy prej tyre janë mbyllur baras 1-1, derisa një fitore i ka takuar Malishevës.

Ndeshje interesant pritet të jetë edhe në Podujevë ku Llapi takohet me Feronkelin ’74.

Vendasit pas fitores së madhe në Gjilan synojnë të vazhdojnë me tre pikët, derisa Feronikeli ’74 synon të shkaktojë befasi.

Të dyja sfidat e ditës së sotme fillojnë nga ora 15:00. /Telegrafi/

The post Superliga vazhdon me ndeshjet e xhiros së 29-të, luhet në Ferizaj dhe Podujevë appeared first on Telegrafi.

Nuk ka pushim në elitën e futbollit kosovar, pasi xhiro e 29-të do të luhet në mesjavë.

Sa kalojnë xhirot kampionati vazhdon të bëhet edhe më interesant, ku thuajse 90 për qind e skuadrave janë brenda objektivave, përjashtim bën vetëm Feronikeli ’74 që tanimë thuajse mund të quhet skuadër e Ligës së Parë.

Xhiro e 29-të fillon të martën me fillim nga ora 15:00 ku ndeshja e parë luhet mes Dukagjinit dhe Suharekës.

Të mërkurën në program janë dy ndeshje për t’u zhvilluar, Ferizaj – Malisheva ku drejtohet nga Genc Nuza dhe Llapi – Feronikeli ’74.

Padyshim që ndeshjet kryesore të kësaj xhiro zhvillohen ditën e enjte.

Drita pret Prishtinën në Gjilan në një sfidë që do të ndajë drejtësinë Alban Shala, derisa sfida tjetër është ajo mes Ballkanit dhe Gjilanit ku do të gjykojë Mervan Bejtullahu.

Të gjitha ndeshjet e xhiros së 29-të fillojnë nga ora 15:00. /Telegrafi/

The post Orari dhe gjyqtarët e xhiros së 29-të në Albi Mall Superligë – ndeshjet kryesore të enjten appeared first on Telegrafi.

Janë mbyllur të pesë takimet e javës së 28-të të Superligës së Kosovës, ku nuk munguan golat dhe përballjet spektakolare, ku mysafirët morën katër fitore. 

Ballkani ka shkarkuar energjinë ndaj Dukagjinit, duke shënuar fitore me rezultat 5-0. 

Fitore ka marr edhe Ferizaj, që ka trimfuar ndaj Feronikelit 74 me rezultat 1-0.  Prishtina është kthyer te fitoret në kampionat, ku ka mposhtur Suharekën me rezultat 4-0, duke u ngjitur në renditje. 

Malisheva ka ndal Dritën, duke e mposhtur me rezultat 1-0, ku gjilanasit humbën dy penallti.  Fitore të madhe me rikthim ka marr edhe Llapi, duke mposhtur si mysafir Gjilanin me rezultat 3-2. 

Drita edhe përkundër humbjes mbetet lider me 60 pikë, dhjetë më shumë se sa Ballkani që ka 50 pikë. 

Malisheva mbetet e treta me 47 pikë, që duket e sigurt në këtë pozitë pasi ka nëntë pikë epërsi me ndjekësit. 

Prishtina është e katërta, Gjilani i pesti dhe Ferizaj i gjashti, që të tria me 38 pikë.  Dukagjini aktualisht mban vendin e shtatë me 35 pikë, ku aktualisht është jashtë rrezikut. 

Llapi del nga zona e rënies, duke u ngjitur në pozitën e tetë, atë të barazhit, ku ka 33 pikë.  Suhareka tani është e nënta me 32 pikë, duke rrezikuar dukshëm më shumë se sa të tjera. 

Feronikeli mbetet në pozitën e fundit me 14 pikë të tubuara.  

Në xhiron e 29-të, do të takohen: Ballkani – Gjilani, Dukagjini – Suhareka, Llapi – Feronikeli 74, Ferizaj – Malisheva, Drita – Prishtina. /Telegrafi/  

The post Rezultatet dhe renditja pas javës së 28-të: Drita gabon ndaj Malishevës, Prishtina ringjallet, Llapi merr pikët e shpresës  appeared first on Telegrafi.

Gjilani ka triumfuar 1-0 ndaj Ferizajt në kuadër të javës së 27-të në Albi Mall Superligën e Kosovës.

Ndeshja ishte e barabartë mes dy skuadrave, ndërsa fati i duelit u përcaktua në minutat e fundit.

Pjesa e parë kishte raste të mira shënimi për të dyja ekipet, por që deri te portat e njëra-tjetrës mungonte efikasiteti.

Gjilani ishte shumë me fat, pasi në minutën e 81-të, Filip Gligorov i Ferizajt shënoi në portën e tij.

Me këtë fitore, Gjilani ka shkuar në kuotën e 38 pikëve, ndërsa Ferizaj ka tri më pak.

Në xhiron e 28-të, Gjilani do të takohet me Llapin, ndërsa Ferizaj do të ketë punë me Feronikelin ’74. /Telegrafi/

The post Gjilani merr fitore të rëndësishme përballë Ferizajt appeared first on Telegrafi.

Xhiro e 27-të në Albi Mall Superligë starton të premten me dy ndeshje që janë në program për t’u zhvilluar.

Të premten luhet ndeshja kryesore e kësaj xhiro, ku Malisheva pret Prishtinën, derisa kjo ndeshje gjykohet nga Ersen Janovali.

Po këtë ditë skuadra e fundit në tabelë, Feronikeli ’74 pret Dritën, derisa këtë ndeshja do ta gjykojë Lirim Jashari.

Derbi i Suharekës zhvillohet të shtunën mes Ballkanit dhe Suharekës, ndërsa Genc Nuza është gjyqtar kryesor.

Vigan Iberdemaj do ta ndajë drejtësinë në sfidën Gjilani – Ferizaj, derisa të dielën duelin mes Dukagjinit dhe Llapit e gjykon Mentor Ajeti.

Të gjitha ndeshjet e xhiros së 27-të fillojnë nga ora 15:00. /Telegrafi/

The post Orari dhe gjyqtarët e xhiros së 27-të në Albi Mall Superligë – derbi në Malishevë appeared first on Telegrafi.

Ferizaj dhe Dukagjini kanë publikuar tashmë formacionet zyrtare për ndeshjen e vlefshme për javën e 26-të të Albi Mall Superligës së Kosovës.

Ferizajasit janë nikoqir të klinasve në ndeshjen që pritet të zhvillohet në stadiumin me bari artificial me fillim nga ora 14:00.

Trajnerët e të dyja skuadrave kanë vendosur të startojnë me formacionet më të mira të mundshme.

Ferizaj: Terziu; Gligorov, Ilieski, Topalaj, Avdulli; Shabani, Ramusa; Er.Sadriu, Musolin, Jusufi; Haxhimusa;

Dukagjini: Margono; Sinani, Basri, Syla, Bardhoku; Pefqeli, Hugo, Millaku, Isufi; Mërlaku, Berisha;

/Telegrafi/

The post Ferizaj dhe Dukagjini luajnë vetëm për fitore, formacionet zyrtare appeared first on Telegrafi.

Sot (e shtunë) janë në program për t’u zhvilluar dy përballje shumë të forta në kuadër të javës së 26-të të Albi Mall Superligës së Kosovës.

Xhiro e 26-të përmbyllet sot me këto dy ndeshje, pasi të enjten është luajtur një dhe dje (e premte) janë luajtur edhe dy takime.

Ndeshja e parë e ditës së sotme është ajo në mes të dy rivalëve të mëdhenj të viteve të fundit, Llapit dhe Ballkanit, e cila do të luhet në stadiumin Zahir Pajaziti në Podujevë.

Në ndeshjen tjetër të ditës, Ferizaj është nikoqir i Dukagjinit në ndeshjen që pritet të zhvillohet në stadiumin e qytetit.

Të dy ndeshjet është paraparë të fillojnë nga ora 14:00. /Telegrafi/

The post Sot do të zhvillohen dy ndeshje të forta në Superligën e Kosovës appeared first on Telegrafi.