Prishtina ka pësuar një humbje të thellë në ndeshjen e parë të raundit të parë kualifikues të Ligës së Evropës, duke u mposhtur me rezultat 4-0 nga Sheriff Tiraspol në Moldavi.

Moldavët e nisën furishëm ndeshjen dhe kaluan në epërsi që në minutën e 11-të, me golin e Cyrille Bayala pas një asisti nga Amarildo Gjoni.

Vetëm tetë minuta më vonë, Bayala realizoi sërish, duke dyfishuar epërsinë pas një goditjeje të saktë nga zona.

19′ | Bayala again to make it two for the hosts.

Sheriff [2]-0 Prishtina
Bayala#UEL | #Prishtina | pic.twitter.com/7oZc7Extiy

— Kosovo Football (@FootballKosovo) July 10, 2025

Prishtina pati disa mundësi për të ngushtuar rezultatin në pjesën e parë – fillimisht Aridan Muja goditi në portierin vendas, ndërsa Valmir Veliu nga topi i kthyer goditi shtyllën.

Një tjetër rast i mirë u shpërdorua edhe nga Blend Baftiu.

23′ | Nah bruh, how could we miss that!

Sheriff 2-0 Prishtina#UEL | #Prishtina | pic.twitter.com/2X6zMTaaDS

— Kosovo Football (@FootballKosovo) July 10, 2025

Në pjesën e dytë, ekipi i Arsim Thaçit tentoi të rikthehet në lojë, por Sheriffi vazhdoi dominimin.

Bayala kompletoi “hat-trick”-un në minutën e 74-të, para se Elijah Odede të shënonte golin e katërt pesë minuta më vonë.

79′ | Sheriff makes it four. Nice goal.

Sheriff [4]-0 Prishtina
Odede#UEL | #Prishtina | pic.twitter.com/J6aMYQ2BrN

— Kosovo Football (@FootballKosovo) July 10, 2025

Një paraqitje nën pritshmëri për Prishtinën, që tani do ta ketë shumë të vështirë të përmbysë gjithçka në ndeshjen e kthimit në “Fadil Vokrri”. /Telegrafi/ 

The post Sheriff Tiraspol dominon ndaj Prishtinës – humbje e rëndë për kryeqytetasit appeared first on Telegrafi.

Prishtina ka konfirmuar zyrtarisht transferimin e sulmuesi nga Maqedonia e Veritur, Mario Ilievski.

Klubi kryeqytetas ka vazhduar me përforcime këtë verë dhe i fundit që i është bashkuar atyre është Ilieski, i cili ka bërë karrierë në Maqedoni të Veriut, Bullgari dhe Hungari.

“Me kënaqësi njoftojmë afrimin më të ri në skuadrën tonë – sulmuesi i talentuar Mario Ilievski, i cili bashkohet me ne për të forcuar repartin ofensiv dhe për të ndihmuar ekipin drejt objektivave të sezonit!”, thuhet në njoftimin e Prishtinës.

Në faqen zyrtare të klubit shtohet se Mario ka treguar potencialin e tij si një sulmues i aftë dhe i vendosur, duke lënë gjurmë në ekipet ku ka luajtur më parë në Bullgari, Hungari si dhe në përfaqësueset e moshave të Maqedonisë së Veriut.

Mario ka thënë se vjen te Prishtina me një dëshirë të madhe për të dhënë më të mirën dhe për të kontribuar me gola, energji dhe pasion në çdo ndeshje.

“Jam i lumtur për këtë transferim, është një klub i madh dhe gëzohem që jam pjesë e Prishtinës. Mund të premtoj se do ta jap më të mirën nga vetja në çdo ndeshje për të luftuar për titullin dhe për të luajtur prapë në Evropë”, ka thënë Ilieski. /Telegrafi/

The post Zyrtare: Mario Ilievski, lojtar i ri i Prishtinës appeared first on Telegrafi.

Prishtina ka zyrtarizuar transferimin e mbrojtësit të majtë Djordje Saletic, duke forcuar radhët në prag të sezonit të ri.

Saletic është 23 vjeç dhe luan në krahun e majtë të mbrojtjes, pozitë të cilën do ta mbulojë pas largimit të Dion Gallapenit.

Futbollisti malazez vjen nga kampionati i Malit të Zi, ku ishte pjesë e klubit Sutjeska Niksic për dy vite me radhë.

Karrierën e tij e ka nisur te FK Iskra, ndërsa më pas ka luajtur edhe për Drezga dhe disa skuadra të tjera në vendlindje.

Saletic ka përfaqësuar Malin e Zi në të gjitha grupmoshat nga U17 deri te U21, duke dëshmuar potencialin e tij që në moshë të re.

Te Prishtina, ai shihet si zëvendësuesi i drejtpërdrejtë i Gallapenit dhe pritet të ketë rol të rëndësishëm në skemat e trajnerit Arsim Thaqi.

Kryeqytetasit po vazhdojnë të përforcojnë skuadrën dhe transferimi i Saletic shihet si hap i rëndësishëm drejt një ekipi më konkurrues. /Telegrafi/

The post Prishtina zyrtarizon Djordje Saletic, zëvendësuesi i Gallapenit vjen nga Mali i Zi appeared first on Telegrafi.

Talenti i ri i futbollit kosovar, Dion Gallapeni, ka zyrtarizuar kalimin e tij në klubin polak Widzew Lodz. Mesfushori premtues i është bashkuar një prej klubeve elitare të Polonisë, duke hapur një kapitull të ri në karrierën e tij ndërkombëtare.

Pas një periudhe të rëndësishme zhvillimi me Prishtinën dhe pas përfaqësimeve të suksesshme me moshat e Kosovës dhe Kombëtaren A, Gallapeni ka vendosur të ndërmarrë hapin e radhës në rrugëtimin e tij profesionist.

Klubi polak ka shfaqur interes serioz për të, dhe transferimi është tashmë i kompletuar, ku Prishtina ka fituar 300 mijë euro nga shitja e tij.

Nëpërmjet një postimi emocional në rrjete sociale, Gallapeni falënderoi të gjithë ata që kanë qenë pjesë e rrugëtimit të tij deri më tani:

“Të dashur tifozë, nga sot po fillon një kapitull i ri në jetën time me ekipin polak Widzew Lodz, jam shumë i lumtur që i jam bashkuar këtij klubit të madhë me të cilët pres suksese të mëdha. Faleminderit shtyllën e jetës sime, familjen, për gjithçka çfarë ka bërë për mua”.

“Falënderoj përzemërsisht klubin ku u zhvillova, FC Prishtina, për gjithçka çfarë ka bërë për mu, për emocionet e jashtëzakonshme që ndamë së bashku, çdo përjetim aty do të jetë i paharruar për mua, ky klub dhe ai qytet do të jetë familja ime e dytë çdo herë. Falënderoj shkollën e futbollit Winner për hapat e parë dhe kujdesin ndaj meje”.

“Nuk gjej fjalë si të falënderoj njeriun që ka bërë gjithçka për mua, njeriun që ka sakrifikuar gjithçka nga vetja që të jem unë, ky që jam sot, Kadri Cikaqi është rrugëtari i karrierës sime dhe njeriu që pa të asgjë nuk do të ishe e mundur”.

“Ju premtoj që ky është vetëm fillimi i rrugëtimit tim, besoj dhe shpresoj në suksese të mëdha si me ekipin e re po ashtu edhe me ekipin kombëtar”.

“Falënderues përjetësisht të gjitha atyre që më kanë mbështetur dhe kanë bërë gjithçka për mua”.

Me këtë hap të rëndësishëm, Dion Gallapeni shpreson të shkëlqejë në arenën ndërkombëtare, ndërsa mbetet një prej emrave më premtues të gjeneratës së re të futbollit kosovar. /Telegrafi/

The post Gallapeni me postim emocionues pasi kompletoi transferimin te Widzew Lodz, falënderon të gjithë ata që e mbështetën appeared first on Telegrafi.

Fituesja e Kupës së Kosovës, Prishtina, ka mësuar kundërshtarin e saj në rrethin e parë kualifikues të Ligës së Evropës. Kryeqytetasit do të përballen me kampionin moldav Sheriff Tiraspol, një skuadër me përvojë të madhe në garat evropiane.

Sheriff njihet për pjesëmarrjet e rregullta në Ligën e Kampionëve dhe Ligën e Evropës, përfshirë fitoren historike kundër Real Madridit në vitin 2021. Kjo e bën përballjen një sfidë serioze për skuadrën nga Kosova.

Megjithatë, Prishtina po hyn në këtë edicion me ambicie të qarta dhe besim të madh pas suksesit në Kupën e Kosovës. Ekipi po punon për t’u përforcuar dhe për t’u përgatitur në mënyrën më të mirë të mundshme për këtë duel.

Nëse Prishtina arrin ta kalojë Sheriffin në rrethin e parë, atëherë në rrethin e dytë do të përballet me skuadrën e njohur holandeze Utrecht, një emër i respektuar në Eredivisie dhe në garat evropiane.

Përballja e parë ndaj Sheriffit do të luhet në fillim të korrikut, ndërsa ndeshjet e rrethit të dytë janë planifikuar për fundin e muajit. /Telegrafi/

The post Prishtina mëson kundërshtarin në rrethin e dytë të Ligës së Evropës nëse e eliminon Sheriff Tiraspolin appeared first on Telegrafi.

Rapid Bukureshti është shumë pranë transferimit të një tjetër talenti të madh nga futbolli kosovar.

Pas afrimit të Drilon Hazrollajt për shumën prej 900 mijë eurosh, klubi rumun ka hyrë në bisedime të avancuara për të siguruar shërbimet e Dion Gallapenit, një nga zbulimet më të rëndësishme të viteve të fundit në futbollin e Kosovës.

Mbrojtësi i majtë 20-vjeçar ka shkëlqyer me fanellën e Prishtinës dhe është vlerësuar për pjekurinë dhe qëndrueshmërinë në repartin defensivë, pavarësisht moshës së re.

Aksionari kryesor i Rapidit, Dan Șucu, ka ofruar 500 mijë euro për kartonin e lojtarit, shumë kjo shumë afër vlerësimit që i bën Transfermarkt, ku Gallapeni vlerësohet me 650 mijë euro.

Sipas raportimeve të Iamsport.ro, negociatat midis dy klubeve janë në fazën përfundimtare dhe pritet që marrëveshja të zyrtarizohet në ditët në vijim. Synimi i Rapidit është të sigurojë një zëvendësues të mundshëm për Andrei Borzën, në rast se ai largohet gjatë kësaj vere.

I rritur dhe formuar te Prishtina, Gallapeni ka tërhequr vëmendjen e skautëve me paraqitje të qëndrueshme dhe potencial të madh për zhvillim të mëtejshëm.

Ai konsiderohet si një nga mbrojtësit më premtues të gjeneratës së re dhe ka filluar të konsolidohet edhe në arenën ndërkombëtare.

Në nivel kombëtar, ai ka zhvilluar tri paraqitje me Kosovën U21 dhe ka debutuar me ekipin A në muajin mars, në përballjen ndaj Islandës në kuadër të Ligës së Kombeve. Në qershor, shtoi edhe dy ndeshje të tjera me përfaqësuesen, në miqësoret ndaj Armenisë dhe Komoreve.

Nëse transferimi finalizohet, Gallapeni do të bëhet lojtari i pestë nga Kosova që i bashkohet Rapidit, pas Albion Rrahmanit, Ermal Krasniqit, Florent Hasanit dhe Drilon Hazrollajt, duke dëshmuar edhe një herë besimin që klubi rumun ka në cilësinë e futbollistëve kosovarë. /Telegrafi/

The post Dion Gallapeni drejt transferimit në Rumani, gjiganti rumun ofron 500 mijë euro për të appeared first on Telegrafi.

Kombëtarja e Kosovës i ka nisur sot përgatitjet për dy ndeshjet miqësore të muajit qershor, ku lajmi i fundit është se mbrojtësi i Prishtinës, Ron Raçi është ftuar nga lista rezervë. 

Dardanët do të përballen me Armeninë, më 6 qershor, në stadiumin “Fadil Vokrri”, ndërsa tri ditë më vonë, në të njëjtin stadium, kundër Komoreve. 

Kosova synon që me këto miqësore të përgatitet sa më mirë për ciklin kualifikues të Botërorit, që do të fillojë në muajin shtator. 

Sot, pasdite Ron Raçi është ftuar nga përzgjedhësi Franco Foda, nga lista rezervë.  

Ai në sezonin e  parë te Prishtina, fillimisht nuk u llogaritë fare, por që në debutimin e tij, ai zuri vend dhe nuk e lëshoi për asnjë moment, duke festuar në fund edhe triumfin në Kupën e Kosovës.  

Në total kishte 31 paraqitje në të dyja garat, ku shënoi dy gola dhe asistoi një herë, teksa ishte një nga mbrojtësit me më së shumti topa të rikuperuar.   

Raçi ishte pjesë e formacionit të sezonit 2024/25 të zgjedhur nga Telegrafi, me redaksinë tonë që ia njohur meritat dhe rritjen e madhe.

 

View this post on Instagram

 

A post shared by Telegrafi Sport (@telegrafisport)

Kujtojmë që Dardanët janë pjesë e Grupit B dhe do të zhvillojë ndeshje në sistemin vajtje-ardhje kundër Suedisë, Zvicrës dhe Sllovenisë. /Telegrafi/  

The post Mbrojtësi i FC Prishtina, Ron Raçi ftohet nga Franco Foda për ndeshjet e qershorit appeared first on Telegrafi.

Prishtina ka vazhduar rinovimin e kontratave me futbollistët kryesor dhe i fundit që ka nënshkruar një kontratë të re është mbrojtësi Ardian Limani.

Fituesi i Kupës së Kosovës dëshiron të mbajë shumicën e futbollistëve në ekip pasi ka siguruar kualifikimin në garat evropiane.

Gjatë ditëve të fundit, Prishtina ka rinovuar kontratën me portierin Agron Kolaj, mbrojtësin Ramiz Bytyqi dhe mesfushorin Ardian Muja.

I fundit që ka nënshkruar një kontratë të re është futbollisti gjilanas, Limani, i cili do të jetë i Prishtinës edhe për dy vite.

“Ardian Limani mbetet te Prishtina. Futbollisti i palodhur dhe me përvojë është i njohur për angazhimin e tij në çdo pozitë që kërkohet, do të vazhdoj të kontribuojë edhe më tej në projektin e Prishtinës”.

“Ardian Limani ka rinovuar me klubin për dy vite të tjera, pavarësisht interesimit nga klube të tjera. Limani ishte bashkuar ekipit në janar të vitit 2024”, thuhet në njoftimin e klubit kryeqytetas. /Telegrafi/

The post Prishtina blindon edhe Ardian Limanin me kontratë të re appeared first on Telegrafi.

Sot (e diel) ka përfunduar edicioni 2024/2025 në Superligën e Kosovës në futboll. 

Në një sezon me shumë befasi, Drita ia doli që ta rikthejë titullin kampion në Gjilan duke lënë pas veten ish-kampionin Ballkanin që nuk kaloi një sezon të suksesshëm. 

Në atë që ishte një maratonë ndeshjesh, këtë të premte u luajtën të gjitha ndeshjet në një orar. 

Drita triumfoi me rezultat 4-1 ndaj Feronikelit ‘74, ndërsa Prishtina luajti baras me rezultat 2-2 ndaj Malishevës. 

Lexo po ashtu Arsim Thaqi, "shpëtimtar" i Prishtinës: Dy herë në timon, dy herë në garat evropiane

Me rezultat të njëjtë përfunduan edhe dy duelet e tjera Suhareka-Ballkani dhe Ferizaj-Gjilani. 

Llapi në ndërkohë mori një fitore jetike ndaj Dukagjinit me rezultat 3-1, duke siguruar kështu barazhin. 

Tashmë janë konfirmuar edhe katër ekipet të cilat do ta përfaqësojnë Kosovën në arenën ndërkombëtare. 

Drita – si fituese e kampionatit kosovar do të luajë në kualifikueset e Ligës së Kampionëve. 

Lexo po ashtu Prishtina luan në kualifikueset e Ligës së Evropës – këta janë kundërshtarët e mundshëm

Ballkani – si nënkampion i Kosovës do të luajë në kualifikueset e Ligës së Evropës. 

Prishtina – si fituese e Kupës së Kosovës do të luajë po ashtu në kualifikueset e Ligës së Evropës. 

Malisheva – si e treta e pozicionuar në tabelë do të luajë në kualifikueset e Ligës së Konferencës. 

/Telegrafi/

The post Klubet nga Kosova që do të luajnë në garat evropiane sezonin e ardhshëm appeared first on Telegrafi.

Ka përfunduar sezonin 2024/25 në Albi Mall Superligën e Kosovës, me disa nga skuadrat e mëdha që befasuan të gjithë në këtë sezon.

Drita si kampione e mbylli sezonin me fitore, duke triumfuar 4-1 në shtëpi përballë Feronikeli ’74.

Ballkani që e mbyll këtë edicion në vendin e dytë barazoi përballë rivalit lokal Suharekës, me rezultat 2-2, ndërsa ishte me një lojtar më pak në fushë, pasi Bernard Karrica u përjashtua me kartonin e dytë të verdhë në minutën e 43-të.

Malisheva ia doli të siguronte kualifikimin në fazën kualifikuese të ligës në Ligën e Konferencës, duke i mjaftuar barazimin 2-2 me Prishtinën në stadiumin “Fadil Vokrri”.

Gjilani dhe Ferizaj po ashtu i ndanë pikë, duke barazuar 2-2, përkundër se mysafirët kërkonin kualifikimin në Evropë, por që atë vend e mori Malisheva.

Llapi ia doli të siguronte zonën e barazhit me fitoren 3-1 në shtëpi përballë Dukagjinit, ndërsa pas pak ditësh do të përballet me Vushtrrinë, nëse do të qëndrojë në elitë apo do të garojë në Ligën e Parë.

Drita do të luajë në kualifikimet për në fazë të ligës së Ligën e Kampionëve, Ballkani dhe Prishtina që fitoi Kupën e Kosovës, do të luajnë në kualifikimet për në fazën e ligës në Ligën e Evropës dhe Malishva që luanë në kualifikimet për në fazën e ligës në Ligën e Konferencës.

Nga liga kanë rënë Suhareka dhe Feronikeli ’74, derisa promovimin e kanë siguruar direkt Prishtina e Re dhe Drenica. /Telegrafi/

The post Përfundon sezonin 24/25 në Superligën e Kosovës: Përcaktohen vendi për Evropë dhe ai për barazh appeared first on Telegrafi.

Prishtina është fituese e Kupës së Kosovës, pasi në finale mposhti Llapin me rezultat 1-0, duke siguruar kështu pjesëmarrjen në kualifikimet për fazën e ligës në Ligën e Evropës.

Ndeshja nisi më mirë për llapjanët, të cilët rrezikuan nga krahu i djathtë, por mbrojtja e kryeqytetasve u tregua e vëmendshme. Në minutën e 11-të, Dion Gaallapeni harkoi në zonë, mirëpo portieri Marjan Coric ndërhyri me siguri.

Axel Gnapi humbi dy raste të njëpasnjëshme për Prishtinën, ndërsa Hasani nga Llapi provoi me një goditje në minutën e 16-të, por edhe ai u ndal nga mbrojtja.

Gnapi vazhdoi të ishte kërcënimi kryesor për Llapin, por nuk arriti të shënojë. Llapi, në anën tjetër, dilte shpejt në kundërsulm, por gabonte në pasimin e fundit.

Në minutën e 43-të, Ardit Tahiri pati një mundësi të artë për të shënuar, por portieri Kolaj doli me kohë dhe ia mori topin nga këmbët.

Pjesa e dytë nisi keq për Llapin. Arbnor Ramadani mori dy kartonë të verdhë për ndërhyrje të panevojshme dhe u përjashtua në minutën e 58-të, duke e lënë skuadrën me një lojtar më pak.

Prishtina shënoi në minutën e 60-të me Albin Krasniqin, pas një asistimi të bukur nga Ardian Limani.

Ramiz Bytyqi ishte pranë golit të dytë në minutën e 77-të, por Elvir Gashaj e bllokoi goditjen e tij.

Prishtina e ruajti epërsinë minimale deri në fund dhe fitoi Kupën e Kosovës, duke siguruar edhe kalimin në kualifikimet e Ligës së Evropës.

Ndërkohë, Llapi përballet me një të diel vendimtare, ku duhet të luftojë për të shmangur barazhin pas një sezoni shumë të vështirë. /Telegrafi/

The post Një gol, një trofe, një Evropë: Prishtina shkëlqen në finale përballë Llapit – fiton Kupën e Kosovës appeared first on Telegrafi.

Kanë përfunduar 45 minutat e parë në mes të Prishtinës dhe Llapit në finalen e Kupës së Kosovës.

Ndeshjen më mirë e nisën llapjanët, duke rrezikuar nga ana e djathtë, por mbrojta e kryeqytetasve ishte e kujdesshme.

Në minutën e 11-të, Dion Gaallapeni harkoi në zonë, mirëpo intervenoi sigurt Marjan Coric.

Axel Gnapi lëshoi dy mundësi të njëpasnjëshme, duke mos arritur që të mposhtë portierin e Llapit.

Hasani i skuadrës nga Podujeva tentoi me një goditje në minutën e 16-të, por edhe ky u bllokua.

Gnapi vazhdoi të jetë njeriu kryesor në sulmin e Prishtinës, por pa efikasitet.

Llapi në anën tjetër dilte shpejtë në sulm, por që në pasimin e fundit nuk ishin të saktë.

Në minutën e 43-të, Ardit Tahiri kishte një mundësi të artë shënimi, por Kolaj i Prishtinës lëshoi portën me kohë dhe ia largoi topin nga këmbë.

Me këtë intensitet të lartë të lojës, me gjasë në 45 minutat e dytë do të ketë së paku një gol. /Telegrafi/

The post Shumë raste shënimi, por mbyllet pa gola pjesa e parë e finales, Prishtina-Llapi appeared first on Telegrafi.

Prishtina dhe Llapi takohen sot (22 maj) në finalen e Kupës së Kosovës.

Ndeshja që fillon në ora 20:00, do të zhvillohet në stadiumin “Fadil Vokrri”.

Nga pesë përballjet e fundit, të dy skuadrat kanë nga një fitore, ndërsa tri të tjera kanë përfunduar më barazim.

Vlen të ceket se fituesi i Kupës së Kosovës shkon direkt në kualifikimet për fazën e ligës në Ligën e Evropës.

Formacionet zyrtare:

Prishtina:Kolaj, Islami, Vitija, Limani, Kryeziu, Krasniqi, Gallapeni, Bytyqi, Raçi, Boueye, Dable.

Llapi: Coric, Namani, Vokrri, Ramadani, Rama, Blakçori, Useini, Musolli, Hasani, Veliu, Tahiri. /Telegrafi/

The post Formacionet zyrtare të finales së Kupës së Kosovës: Prishtina – Llapi appeared first on Telegrafi.

Sot (e shtunë) është planifikuar të zhvillohen të gjitha ndeshjet e vlefshme për xhiron e 35-të në Albi Mall Superligën e Kosovës.

Superliga e Kosovës po shkon drejt fundit pasi sot zhvillohet xhiro e parafundit dhe garat është ende shumë e hapur dhe e zjarrtë për një vend që dërgon në Evropë, për pozitën e barazhit dhe për mbijetesë.

Në këtë kontekst, ndeshja mes Malishevës dhe Suharekës mund të jetë më interesantja, pasi vendasit synojnë të bëjnë thuajse hapin final për të siguruar pozitën e tretë dhe Evropën, teksa mysafirët me një fitore do të shpresonin shumë të kapnin pozitën e barazhit.

Po kaq interesant është situata edhe në ndeshjen mes Dukagjinit dhe Ferizajt, ku klinasit synojnë fitore për të siguruar thuajse qind për qind mbijetesën, ndërsa ferizajasit duan tri pikët për të pritur pastaj gabimin e Malishevës për t’ia rrëmbyer pozitën e tretë.

Prishtina do të synoj vetëm fitoren në udhëtim te Feronikeli ’74 pasi tri pikët do t’ia siguronin përfundimisht mbijetesën, ndërsa mysafirët tash e disa javë veçse kanë rënë matematikisht nga kategoria.

Sot zhvillohet edhe derbi i madh i Anamoravës mes Gjilanit dhe Dritës, ku fitorja është imperativ vetëm për vendasit e kuq pasi janë ende në garë për pozitën e tretë që i dërgon në Evropë, ndërsa bardhekaltrit tashmë janë shpallur kampion të Kosovës këtë edicion.

Në ndeshjen e fundit, por jo nga rëndësia, Llapi do të kërkoj pikë jetike në udhëtim te Ballkani, i cili ka siguruar pozitën e dytë, ndërsa për llapjanët një humbje do ta rrezikonte shumë qëndrimin e tyre në elitë.

Të gjitha ndeshjet është paraparë të fillojnë nga ora 16:00. /Telegrafi/

The post Luhet për Evropë, barazh dhe mbijetesë – sot zhvillohen të gjitha përballjet e xhiros së 35-të appeared first on Telegrafi.

Federata e Futbollit të Kosovës ka njoftuar se kanë dalë në shitje biletat për ndeshjen finale të Kupës së Kosovës, që do të zhvillohet mes Prishtinës dhe Llapit.

Finalja do të luhet më 22 maj në stadiumin “Fadil Vokrri” në Prishtinë, dhe interesimi pritet të jetë i madh, duke marrë parasysh rivalitetin dhe rëndësinë e takimit.

Çmimet e biletave janë të ndara sipas tribunave. Biletat VIP kushtojnë 30 euro, ato në tribunën perëndimore 10 euro, në tribunën lindore 5 euro, ndërsa në jug dhe veri çmimi është 3 euro.

Ndeshjet e rëndësishme mes Prishtinës dhe Llapi, sjellin gjithmonë një numër të madh tifozësh, ndërsa finalja luhet për një vend në kualifikimet në Ligën e Konferencës.

Prishtina vjen sërish në finale pas sezonit të shkuar, ndërsa eliminoi Dritën në gjysmëfinale. Në anën tjetër, Llapi vjen në finale pasi eliminoi paraprakisht Drenicën. /Telegrafi/ 

The post Nisin shitjet për biletat e finales së Kupës së Kosovës, Prishtina dhe Llapi luajnë për trofeun appeared first on Telegrafi.

Java e 33-të e Superligës së Kosovës solli disa barazime të rëndësishme dhe një fitore në udhëtim, duke e bërë edhe më të paqartë luftën për garat evropiane dhe mbijetesë.

Ndeshja kryesore ndërmjet Ballkanit dhe Dritës përfundoi 1-1, një rezultat që nuk ndryshoi shumë, pasi gjilanasit u shpallën kampion më herët.

Po ashtu, Llapi dhe Ferizaj ndanë pikët me rezultat të njëjtë 1-1, ku kësaj radhe dy skuadrat kanë pretendime të ndryshime.

Gjilani dhe Malisheva nuk arritën të gjenin rrjetën duke përfunduar 0-0, ku në fundin e ndeshjes, Oltion Bilalli i Gjilani u lëndua dhe vazhdon të jetë në QKUK për trajtim.

Edhe takimi mes Dukagjinit dhe Prishtinës mbaroi pa gola, edhe pse rastet nuk munguan.  Fitore e vetme e javës u regjistrua në Drenas, ku FC Suhareka triumfoi 3-1 ndaj Feronikelit 74, për të shpresuar për mbijetesë.

Në renditje, Drita vazhdon të kryesojë me 70 pikë, e ndjekur nga Ballkani me 58. Malisheva dhe Ferizaj ndajnë vendin e tretë me nga 49 pikë, ndërsa Gjilani (46) dhe Prishtina (44) qëndrojnë pas tyre.

Dukagjini dhe Llapi janë në luftë për t’i ikur barazhit me 42 dhe 41 pikë respektivisht.

Suhareka, me fitoren e fundit, ka grumbulluar 36 pikë. Në fund të tabelës mbetet Feronikeli 74 me vetëm 15 pikë.

Në xhiron e 34-të takohen: Prishtina – Gjilani, Drita – Dukagjini, Suhareka – Llapi, Ferizaj – Ballkani, Malisheva – Feronikeli 74. /Telegrafi/ 

The post Rezultatet dhe renditja pas javës së 33-të në Superligën e Kosovës: Katër barazime e bëjnë të paqartë luftën për kreun dhe mbijetesën appeared first on Telegrafi.

Janë zhvilluar të gjitha ndeshjet e javës së 32-të në Albi Mall Superligën e Kosovës në futboll, me disa rezultate që ndikuan drejtpërdrejt në renditjen përfundimtare të sezonit.

Ndeshja kryesore e javës doli të jetë ajo mes Dritës dhe Llapin, ku gjilanasit fituan me rezultat 1-0, falë golit të Iljesa Zylfiut, duke e konfirmuar titullin e kampionit matematikisht.

Prishtina shënoi fitore të rëndësishme në derbi ndaj Ballkanit me rezultat 1-0, duke bërë hap të madh drejt mbijetesës.

Në ndeshjet tjera, Gjilani triumfoi 3-2 ndaj Feronikelit 74, në një ndeshje me shumë kthesa.

Malisheva dhe Dukagjini ndanë pikët me rezultat 1-1, duke mbetur në luftë për objektiva të ndryshëm. Ferizaj fitoi si mysafir ndaj Suharekës me rezultat 2-1, një fitore jetike në garën për Evropë.

Pas 32 javësh, Drita kryeson tabelën me 69 pikë dhe është kampion i Kosovës, kur kanë mbetur edhe katër xhiro deri në fund.

Ballkani ndodhet në vendin e dytë me 57 pikë, pozitë që duket e siguruar. Malisheva dhe Ferizaj ndajnë pozitën e tretë me nga 48 pikë, duke luftuar për biletën evropiane.

Gjilani me 45 pikë dhe Prishtina me 43 pikë ende shpresojnë në garën për Evropë. Dukagjini dhe Llapi me nga 41 dhe 40 pikë do të luftojnë deri në fund për të siguruar mbijetesën dhe për ti ikur barazhit.

Suhareka me 33 pikë është shumë pranë rënies, ndërsa  Feronikeli 74 tashmë ka rënë nga liga, me vetëm 15 pikë.

Në xhiron e ardhshme, atë të 33-të takohen: Gjilani – Malisheva, Dukagjini – Prishtina, Feronikeli 74 – Suhareka, Llapi – Ferizaj, Ballkani – Drita. /Telegrafi/ 

The post Rezultatet dhe renditja pas javës së 32-të në Superligën e Kosovës: Drita kampion matematikisht, luftë e nxehtë për Evropë dhe mbijetesë appeared first on Telegrafi.

Prishtina ka fituar me rezultat minimal 1-0 në shtëpi ndaj Ballkanit në kuadër të javës së 32-të në elitën e futbollit kosovar. 

Ndeshja nisi me një ritëm të ngadaltë me të dyja skuadrat që kryesisht po e zhvillonin lojën me duele në mesfushë. 

Prishtina pati një rast shumë të mirë në 45 minutat e para me Dion Gallapenin, por Artan Iljazi nuk lejoi që të mposhtej. 

Ballkani në anën tjetër rrezikoi portën e Agron Kolajt përmes Sinday Adetunji, por që ky i fundit u ndal nga portieri i vendasve. 

Në pjesën e dytë Prishtina ia doli të realizojë me rastin e parë serioz, duke shënuar për rezultatin 1-0 përmes Leotrim Kryeziut në minutën e 86-të.

Për Prishtinën kjo ishte  fitorja e parë pas katër ndeshjeve pa rezultat pozitiv në kampionat, teksa Ballkani fitoren ndaj Malishevës javën e kaluar nuk arriti ta përsërisë në kryeqytet. 

Prishtina tashmë numëron 43 pikë dhe renditet në pozitën e gjashtë në tabelë, ndërsa Ballkani ka 57 sosh dhe mban pozitën e dytë, me nëntë më pak se Drita që ka 66 sosh, por këta të fundit me një ndeshje më pak./Telegrafi/

The post Prishtina merr një fitore të rëndësishme ndaj Ballkanit në kryeqytet appeared first on Telegrafi.

Elita e futbollit kosovar, Albi Mall Superliga është futur në fazën finale dhe vazhdon të mbetet gjithçka e paqartë.

Titulli, Evropa dhe mbijetesa vazhdon të jetë ende e hapur me nëntë skuadra që vazhdojnë të jenë brenda objektivave që kishin në fillim të sezonit.

E vetmja skuadër pa objektiva është Feronikeli ’74, që tanimë edhe matematikisht ka rënë nga Superliga, por që po vazhdon të respektoj kampionatin duke luajtur fort ndaj të gjitha skuadrave.

Titulli mund të mbyllet këtë javë, por edhe mund të vazhdoj drama. Drita aktualisht ka nëntë pikë më shumë se Ballkani kur kanë mbetur edhe pesë xhiro për t’u zhvilluar deri në fund të kampionatit.

Gjilanasit shpresojnë ta mbyllin çështjen e titullit këtë xhiro dhe kjo arrihet vetëm nëse mposhtin Llapin dhe Ballkani humbet nga Prishtina. Nëse ndodh e kundërta që Drita të humbas dhe Ballkani të fitoj, atëherë edhe çështja e titullit do të jetë edhe më e zjarrtë, pasi pas dy javëve dy skuadrat takohen në Suharekë.

Drita deri në fund të sezonit do t’i luaj edhe pesë ndeshje, ku tre nga to i luan në shtëpi ndaj Llapit, Dukagjinit dhe Feronikelit ’74, ndërsa ndeshjet në udhëtim i ka ndaj Ballkanit dhe Gjilanit.

Nga ana tjetër Ballkani ka tre ndeshje në udhëtim dhe dy në shtëpi. Kampioni në fuqi i Kosovës që ka 57 pikë, nëntë më pak se lideri Drita luan ndaj Prishtinës, Ferizajt dhe Suharekës në udhëtim dhe para adhuruesve të vet pret Dritën dhe Llapin.

Gara e nxehtë për pozitën e tretë, por edhe për t’i ikur barazhit dhe t’iu shmangur rënies

Përveç Dritës dhe Ballkanit që po luftojnë për titullin, pjesa tjetër e skuadrave po luftojnë për pozitën e tretë, t’i shmangën rënies ose barazhit.

Nga Malisheva që është e treta në tabelë me 47 pikë te Dukagjini që është e teta në tabelë (pozitë që i dërgon skuadrat në barazh) me 40 sosh janë vetëm shtatë pikë diferencë.

Suhareka është e nënta me 33 pikë dhe ndodhet në një pozitë më të vështirë, pasi objektivi është vetëm t’i shpëtoj rënies dhe gjasat për Evropë janë thuajse të pamundura.

Malisheva rrezikun më të madh e ka nga Ferizaj, pasi ndodhet vetëm dy pikë mbrapa, por edhe nga Gjilani me pesë sosh.

Skuadra e Bekim Isufit në pesë ndeshjet e fundit në kampionat luajnë tri në shtëpi ndaj Dukagjinit, Feronikelit dhe Suharekës, derisa në udhëtim përballen me Gjilanin dhe Prishtinën.

Në pozitën e katërt është Ferizaj me 45 pikë, por kjo skuadër do t’i luaj tre ndeshje në udhëtim ndaj Suharekës, Llapit dhe Dukagjinit, derisa pret në shtëpi Ballkanin dhe në fund Gjilanin.

Gjilani është një tjetër skuadër që kërkon Evropën, por edhe t’i shmanget barazhit. ‘Skifterat’ do të përballen me Feronikelin, Prishtinën dhe Ferizajn në udhëtim, por para adhuruesve të vet presin Malishevën dhe Dritën.

Llapi, Prishtina dhe Dukagjini ndajnë pozitat, gjashtë, shtatë dhe tetë me nga 40 pikë.

Llapjanët në pesë duelet e ardhshme luajnë ndaj Dritës në udhëtim, presin Ferizajn, përballen me Suharekën dhe Ballkanin jashtë shtëpisë dhe në fund kanë duelin direkt me Dukagjinin.

Prishtina do të luaj tre sfida në shtëpi dhe dy të tjera në udhëtim. Kryeqytetasit presin Ballkanin, Gjilanin dhe Malishevën, derisa luajnë jashtë shtëpisë me Dukagjinin në Klinë dhe Feronikelin ’74 në Drenas.

Ndeshje të vështira e presin edhe Dukagjinin, ku skuadra e udhëhequr nga Ismet Munishi përballet në udhëtim me Malishevën, Dritën dhe Llapin, derisa në shtëpi luajnë me Prishtinën dhe Ferizajn.

Suhareka është skuadra që u fut në Superligë me ambicie të mëdha, por tani i duhen pesë fitore në pesë xhirot e fundit për t’iu shmangur rënies. Të besuarit e Mirel Josës do të luajnë në shtëpi me Ferizajn, Llapin dhe Ballkanin, derisa sfidat jashtë shtëpisë i kanë me Feronikelin ’74 dheMalishevën. /Telegrafi/ 

The post Gara për titullin, Evropën dhe mbijetesën – Kush me kë luan në pesë xhirot e fundit në Superligë appeared first on Telegrafi.

Llapi ka luajtur baras me rezultat 1-1 në shtëpi ndaj Prishtinës në kuadër të javës së 31-të në elitën e futbollit kosovar.

Fillimi i ndeshjes ishte i qetë me të dyja skuadrat që kryesisht po zhvillonin lojën me duele në mesfushë.

Llapjanët kaluan në epërsi në minutën e 17-të përmes Ardit Tahirit i cili u tregua i saktë nga penalltia për rezultatin 1-0.

Kryeqytetasit ia dolën që të kundërpërgjigjen në minutën e 69-të përmes Leotrim Kryeziut i cili realizoi për rezultatin 1-1.

Vendasit patën edhe disa mundësi të mira deri në përfundim të takimit, por portieri mysafir Agron Kolaj intervenoi me disa pritje të mira.

Pas këtij barazimi Llapi shkon në kuotën e 40 pikëve dhe mban pozitën e shtatë në tabelë, ndërsa Prishtina me po aq pikë gjendet një pozitë më lartë, pra në të gjashtën.

Kujtojmë se këto dy skuadra do të përballen me njëra-tjetrën edhe në finale të Kupës së Kosovës./Telegrafi/

The post Nuk ka fitues në ‘Zahir Pajaziti’, Llapi dhe Prishtina ndajnë pikët appeared first on Telegrafi.