KF Llapi ka bërë një goditje të rëndësishme në afatin kalimtar të verës, duke zyrtarizuar rikthimin e mesfushorit Kushtrim Shabani në radhët e veta.

Futbollisti 28-vjeçar ka nënshkruar kontratë dyvjeçare me klubin bardhekaltër, e cila do ta mbajë të lidhur me skuadrën e Podujevës deri në qershor të vitit 2027.

Pas dy edicioneve të kaluara tek SC Gjilani, Shabani kthehet në shtëpinë e tij, aty ku u rrit si futbollist dhe ku ka qenë një nga figurat kryesore në sukseset e klubit në vitet e fundit.

I njohur për angazhimin, përkushtimin dhe lidershipin në fushën e blertë, Shabani rikthehet me më shumë përvojë dhe me motivim të shtuar për të ndihmuar Llapin në realizimin e objektivave për sezonin e ri.

Rikthimi i tij përbën një hap të rëndësishëm në ndërtimin e një skuadre të fortë dhe konkurruese, e përbërë nga futbollistë me karakter dhe cilësi, që do të synojë rezultate të mëdha në edicionin e ardhshëm. /Telegrafi/

The post Zyrtare: Kushtrim Shabani rikthehet te Llapi appeared first on Telegrafi.

Llapi ka vazhduar me përforcime, teksa Hasan Hyseni është transferimi më i ri i tyre.

Anësori pati një sezon personal shumë të mirë me Feronikelin ’74, teksa ka nënshkruar kontratë me Llapin.

Njoftimi i plotë nga Llapi:

Mirë se vjen, Hasan Hyseni.

Hasan Hyseni pjesë e Llapit për edicionin 2025/26.

Klubi Futbollistik Llapi me kënaqësi njofton se ka arritur marrëveshje me sulmuesin e krahut, Hasan Hyseni, i cili do të jetë pjesë e skuadrës sonë për edicionin garues 2025/26.

26-vjeçari vjen nga skuadra e Feronikeli ’74, ku gjatë edicionit të fundit regjistroi 30 paraqitje, duke realizuar 6 gola dhe dhuruar 2 asistime.

Gjatë karrierës së tij, Hyseni ka mbrojtur ngjyrat e disa klubeve të njohura në futbollin vendor, si Prishtina, Trepça ’89, Malisheva dhe Drenica, duke dëshmuar vazhdimisht cilësitë e një sulmuesi të rrezikshëm dhe të shpejtë.

I njohur ndryshe si “Cani”, Hyseni konsiderohet si një nga futbollistët më të shpejtë në Superligë. Shpejtësia e tij e jashtëzakonshme pritet të jetë një armë shtesë në fazën tonë sulmuese për edicionin e ri.

“Cani” – mirë se erdhe në shtëpinë tënde të re, “Zahir Pajaziti”! Të urojmë shumë suksese dhe sa më shumë gola me fanellën bardhekaltër! /Telegrafi/ 

The post Zyrtare: Llapi përforcohet me Hasan Hysenin appeared first on Telegrafi.

Tahir Batatina ka qenë mysafiri i radhës në podcastin që është prodhim i Telegrafit, “Arena e Yjeve”.

Trajneri i Llapit ka folur për shumë prapaskena që e rrethojnë karrierën e tij.

“Kisha shumë besim në vete dhe te Allahu se ne do shënonin gol dhe do të barazonim”, rrëfen fillimisht Batatina në “Arena e Yjeve”.

“E dominuam lojën, por nga një gabim i vogël pranuam gol dhe në ato momentet e kam ditur që do ta shënonim golin e barazimit dhe do ta fitonim ndeshjen”.

“Është e vërtetë që ka qenë momenti që ndoshta asnjëherë nuk harrohet, pasi është momenti më kreanr dhe më i gëzueshëm i imi…”, vazhdon rrëfimin e tij trajneri i Llapit.

Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorëve tanë  KGM Kosova dhe Golden Eagle Energy Drink. /Telegrafi/

The post Momenti më i paharruar apo gëzimi më i madh i Tahir Batatinës me Llapin appeared first on Telegrafi.

Trajneri i njohur kosovar, Tahir Batatina, është mysafiri i radhës në episodin e sotëm të podcastit “Arena e Yjeve”, prodhim i Telegrafit dhe i transmetuar në RTV Dukagjini.

Trajneri i Llapit ka folur për shumë prapaskena që e rrethojnë karrierën e tij.

“Ka qenë një kohë kur Llapi ndoshta e ka merituar Llapi atë trofe, pasi kemi pasur shumë cilësi”, rrëfen fillimisht Batatina.

“E luajtëm atë finale, ishte një finale e dhimbshme, pasi e humbëm, mund të them se është dëshpërimi më i madh i imi”.

“Dëshiroja të bëja histori, të dilja në garat e Evropës…”, vazhdon rrëfimin e tij trajneri i Llapit.

Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorëve tanë  KGM Kosova dhe Golden Eagle Energy Drink. /Telegrafi/

The post “Nuk dola jashtë nga shtëpia një javë” – Batatina tregon momentin më të vështirë me Llapin appeared first on Telegrafi.

Trajneri i njohur kosovar, Tahir Batatina, është mysafiri i radhës në episodin e sotëm të podcastit “Arena e Yjeve”, prodhim i Telegrafit dhe i transmetuar në RTV Dukagjini.

Në një intervistë të ngrohtë dhe rrëfyese, Batatina flet për rrugëtimin e tij jetësor dhe profesional — nga dashuria për futbollin, pjesëmarrja në radhët e UÇK-së dhe më pas TMK-së, e deri te ngritja e klubit të Llapit në Superligën e Kosovës.

Ai rrëfen sesi mori drejtimin e Llapit në kohën e barazhit dhe si, me përkushtim dhe investim të madh, arriti ta kthejë në një nga klubet më stabël të futbollit kosovar. Batatina tregon se familja e tij ka investuar miliona euro në këtë projekt sportiv, duke mos kursyer asgjë për ta ndërtuar një klub të fuqishëm dhe të qëndrueshëm.

“Nuk dola nga shtëpia për një javë”, thotë ai, duke përshkruar momentin më të vështirë që ka kaluar në aventurën e tij me Llapin. Por krahas sfidave, trajneri zbulon edhe momentet më të bukura, përfshirë gëzimet e mëdha që ka përjetuar me ekipin.

Në bisedë, ai flet edhe për të ardhmen e klubit, duke theksuar potencialin e madh që ka Llapi me talentët e rinj dhe të ardhurat që mund të sigurohen nga ta. Po ashtu, Batatina ndalet edhe te përfaqësuesja shqiptare, duke ndarë mesazhin dhe besimin e tij për sulmuesin Mirlind Daku, para përballjes së shumëpritur Shqipëri – Serbi.

Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorëve tanë  KGM Kosova dhe Golden Eagle Energy Drink. /Telegrafi/

The post Nga lufta, tek suksesi me Llapin dhe momenti më i paharruar: Tahir Batatina, mysafir në “Arena e Yjeve” appeared first on Telegrafi.

Pas sigurimit të mbijetesës në Superligë në ndeshjen vendimtare ndaj Vushtrrisë, ku fitoi 4-1 pas penalltive, trajneri Tahir Batatina reagoi në rrjetin e tij social Facebook.

Batatina i dërgoi urime të sinqerta të gjithë banorëve të Llapit për qëndrimin në Superligë. Ai i sfidoi kritikët duke kërkuar nga ata që të jenë të qetë dhe të presin, duke theksuar se pa Llapin nuk do të kishte Superligë.

Në reagimin e tij pas ndeshjes, trajneri Batatina shtoi se skuadra e Llapit nuk do të ndeshet më në barazhe për të paktën dy dekada të ardhshme. Trajneri llapjan gjithashtu akuzoi pesë klube të tjera se kishin bashkëpunuar për ta nxjerrë ekipin jashtë elitës, pa përmendur emrat e tyre.

Batatina vlerësoi organizimin e Llapit dhe theksoi se do të ishte gabim që skuadra të largohej nga Superliga.

Ai shtoi se Llapi ka potencial të madh për të ardhmen dhe do të forcohet fuqishëm në periudhën që vjen.

Për rivalët e tij, të cilët sipas tij janë pesë në numër, Batatina u bëri me dije se Llapi do të vazhdojë të qëndrojë në elitë dhe nuk do të harrojë përpjekjet që disa klube bënë për ta hequr nga liga.

Në një fotografi që bashkëngjiti me reagimin e tij, shihen emra të njohur si Shefki Kuqi, Milot Rashica, Besnik Kollari dhe Florent Hasani, të cilët i dhanë mbështetje skuadrës së Vushtrrisë, vendlindjes së tyre./Telegrafi/

The post Tahir Batatina me reagim thumbues pasi Llapi siguroi mbijetesën në Superligë appeared first on Telegrafi.

Ka përfunduar me rezultat të barabartë 0-0 pas 90 minutave ndeshja e barazhit për inkuadrim në Superligë mes Vushtrrisë dhe Llapit.

Në pjesën e parë ishin vushtrriasit ata të cilët patën iniciativën, duke rrezikuar portën e Llapit në disa raste.

Rasti i parë për Vushtrrinë erdhi në minutën e 18-të, por goditja e tyre përfundoi jashtë portës.

Në minutën e 31-të Vushtrria pati një mundësi të mirë të realizonte pas një kundërsulmi, por mbrojtja e Llapit bllokoi një goditje të rrezikshme që po shkonte në drejtim të Marijan Coric.

Llapi u fut në pjesën e dytë me një fytyrë krejtësisht tjetër, duke krijuar disa raste të cilat shumë lehtë kanë mundur të përfundojnë në rrjetë.

Po luhej minuta e 60-të e takimit kur Elvir Gashijani bëri një super goditje e cila u prit me shumë vështirësi nga portieri Arlis Shala.

Të besuarit e Tahir Batatinës patën një tjetër rast të mirë shënimi në minutën e 68-të, kur pas ekzekutimit të një rivënie këndore, shtylla ishte aleat i Vushtrrisë.

Vushtrria doli në rast sërish në minutën e 69-të, por pas krosimit të Maxhunit, Hajdari nga afërsia nuk goditi siç duhet.

Në minutën e 90-të Arianit Hasani i Llapit ishte shumë afër golit, por Shala ia mohoi atë me një super pritje.

Mbetet të shihet nëse 30 minutat në vazhdim do të përcaktojnë fituesin, apo do të duhet të ekzekutohen penalltitë për t’u vendosur ekipi që do të luajë në Superligë edicionin e ardhshëm./Telegrafi/

The post Nuk ka fitues pas 90 minutave, ndeshja Vushtrria – Llapi shkon në vazhdime appeared first on Telegrafi.

Vushtrria dhe Llapi kanë publikuar tashmë formacionet zyrtare për ndeshjen e barazhit për një vend në edicionin 2025/26 në Superligën e Kosovës.

Vushtrriasit dhe llapjanët do të ndeshen sot (e shtunë) mes vete në ndeshjen që pritet të zhvillohet në stadiumin “Fadil Vokrri” në Prishtinë, me fillim nga ora 16:00.

Ekipi i Armend Dallkut vjen në këtë takim pas një forme brilante me pesë fitore nga pesë ndeshjet e fundit në Ligën e Parë, teksa fituan edhe ‘play-off’-in ndaj Lirisë, para kësaj përballje me Llapin.

Në anën tjetër, ekipi i Tahir Batatinës pati një formë të përzier në kampion, e cila bëri që të përfundoj në pozitën e tetë, aty ku do të luajë në barazh për të mbetur në Superligë, teksa disa ditë më parë humbi edhe finalen e Kupës së Kosovës ndaj Prishtinës.

Si Dallku, ashtu edhe Batatina kanë vendosur të startojnë me formacionet më të mira të mundshme.

Vushtrria: Shala, Dallku, Krasniqi, Peposhi, Likaj, Shabani, Shurdhiq,i Solomon, Maxhuni, Fazliu.

Llapi: Coric, Namani, Vokrri, Ramadani, Rama, Bytyqi, Useini, Musolli, Hasnai, Gashijani, Tahiri.

/Telegrafi/

The post Vushtrria – Llapi, formacionet zyrtare të barazhit të çmendur appeared first on Telegrafi.

Federata e Futbollit të Kosovës dhe sponsori i Superligës, Albi Mall, vazhdojnë të ndajnë çmimin “Ylli i Javës”. Ky çmim për javën e 36-të në Albi Mall Superligë i është ndarë futbollistit të FC Llapit, Ahmed Januzi.

Vlerësimi i më të mirit të javës është bërë nga Komisioni i Veteranëve të Futbollit në përbërje të Besim Slishani, Bujar Asllani dhe Berat Berisha.

Ky komision vendosi që çmimi “Ylli i Javës” për xhiron e fundit në këtë edicion t’i takojë Ahmed Januzit, i cili shënoi dy gola në ndeshjen kundër FC Dukagjini (3:1), duke i dhënë mundësi skuadrës së tij të jetë në barazhin e sivjetmë.

Pasi mori këtë çmim, Januzi u shpreh i lumtur që u vlerësua më i miri i javës: “Ky vit ka qenë shumë zhgënjyes për ne, sepse kishim ambicie të mëdha: lufta për titull dhe fitorja e Kupës. Nuk ishte një vit i mirë, por sido që të jetë, jemi këtu ku jemi dhe jemi të përqendruar te barazhi”.

“Do ta japim më të mirën për këtë fanellë. Janë shumë faktorë që kanë ndikuar në këtë ecuri, por këto i përkasin së kaluarës. Kampionati i sivjetmë ka qenë shumë më i vështirë se vitet e kaluara, sepse as Llapi nuk është paraparë të jetë në fund të tabelës, por ky është futbolli”.

“Ndeshja ndaj Vushtrrisë do të jetë një ndeshje shumë e vështirë; do të luaj kundër vendlindjes sime. Normalisht që është kënaqësi të marrësh tituj e trofe, si me klubin ashtu edhe individualisht, dhe këtu kanë meritë edhe bashkëlojtarët, sepse nuk mund të jesh individualist i mirë nëse nuk jemi grup. Uroj që lojtarët e rinj të shpallen më të mirët e javës, sepse kanë ambicie, kanë qëllime, por edhe kanë talent e cilësi –siç është Arianit Hasani”, tha ai për faqen zyrtare të FFK-së. /Telegrafi/

The post Vendimtar me dy gola në fitoren e Llapit, Ahmed Januzi më i miri i xhiros së 36-të appeared first on Telegrafi.

Llapi e ka mbyllur një nga sezonet më të dobëta në histori të tyre në Superligën e Kosovës.

Klubi nga Podujeva do të luajë në barazh, për të siguruar qëndrimin në elitën e futbollit kosovar.

Skuadra e drejtuar prej Tahir Batationës kishte një formë të tmerrshme këtë edicion, ndërsa fitorja 3-1 përballë Dukagjinit ua siguroi edhe një mundësi për të vazhduar në Superligë.

Por, Llapi e di se do të ketë shumë punë për të siguruar qëndrimin në Superligën e Kosovës, pasi përballë do të ketë një Vushtrri tejet të motivuar që mposhti Lirinë.

Batatina e humbi edhe finalen e Kupës së Kosovës përballë Prishtinës, me këta të fundit që luajnë në kualifikimet për në fazën e ligës së Ligës së Evropës.

Llapi shpreson që të triumfojë përballë Vushtrrisë për të vazhduar garën në elitën e futbollit tonë, ndërsa Tahiri e di se nëse e realizon duhet shumë punë për të mos e lënë skuadrën në këtë gjendje.

Nga liga ra një skuadër si Suhareka që bëri shumë transferime, por që nuk arriti të komponojë skuadrën dhe nga edicioni i ri do të luajnë në Ligën e Parë.

Befasi nuk është edhe Feronikeli ’74, që pas shumë probleme me emrin dhe drejtësinë me UEFA-n, do të luajë në Ligën e Parë.

Skuadra nga Drenasi nuk arriti pothuajse asnjë skuadrës t’i bëjë ballë, duke kaluar nëpër një formë skandaloze nga fillimi deri në fund.

Në Superligën e Kosovës nga Liga e Parë inkuadrohen direkt Prishtina e Re dhe Drenica, me këta të fundit që shijuan për herë të parë rënien nga liga në sezonin e kaluar. /Telegrafi/

The post Llapi përballë Vushtrrisë në barazh, Suhareka dhe Feronikeli ’74 bien nga liga, ngjiten Drenica e Prishtina e Re appeared first on Telegrafi.

Ka përfunduar sezonin 2024/25 në Albi Mall Superligën e Kosovës, me disa nga skuadrat e mëdha që befasuan të gjithë në këtë sezon.

Drita si kampione e mbylli sezonin me fitore, duke triumfuar 4-1 në shtëpi përballë Feronikeli ’74.

Ballkani që e mbyll këtë edicion në vendin e dytë barazoi përballë rivalit lokal Suharekës, me rezultat 2-2, ndërsa ishte me një lojtar më pak në fushë, pasi Bernard Karrica u përjashtua me kartonin e dytë të verdhë në minutën e 43-të.

Malisheva ia doli të siguronte kualifikimin në fazën kualifikuese të ligës në Ligën e Konferencës, duke i mjaftuar barazimin 2-2 me Prishtinën në stadiumin “Fadil Vokrri”.

Gjilani dhe Ferizaj po ashtu i ndanë pikë, duke barazuar 2-2, përkundër se mysafirët kërkonin kualifikimin në Evropë, por që atë vend e mori Malisheva.

Llapi ia doli të siguronte zonën e barazhit me fitoren 3-1 në shtëpi përballë Dukagjinit, ndërsa pas pak ditësh do të përballet me Vushtrrinë, nëse do të qëndrojë në elitë apo do të garojë në Ligën e Parë.

Drita do të luajë në kualifikimet për në fazë të ligës së Ligën e Kampionëve, Ballkani dhe Prishtina që fitoi Kupën e Kosovës, do të luajnë në kualifikimet për në fazën e ligës në Ligën e Evropës dhe Malishva që luanë në kualifikimet për në fazën e ligës në Ligën e Konferencës.

Nga liga kanë rënë Suhareka dhe Feronikeli ’74, derisa promovimin e kanë siguruar direkt Prishtina e Re dhe Drenica. /Telegrafi/

The post Përfundon sezonin 24/25 në Superligën e Kosovës: Përcaktohen vendi për Evropë dhe ai për barazh appeared first on Telegrafi.

Prishtina është fituese e Kupës së Kosovës, pasi në finale mposhti Llapin me rezultat 1-0, duke siguruar kështu pjesëmarrjen në kualifikimet për fazën e ligës në Ligën e Evropës.

Ndeshja nisi më mirë për llapjanët, të cilët rrezikuan nga krahu i djathtë, por mbrojtja e kryeqytetasve u tregua e vëmendshme. Në minutën e 11-të, Dion Gaallapeni harkoi në zonë, mirëpo portieri Marjan Coric ndërhyri me siguri.

Axel Gnapi humbi dy raste të njëpasnjëshme për Prishtinën, ndërsa Hasani nga Llapi provoi me një goditje në minutën e 16-të, por edhe ai u ndal nga mbrojtja.

Gnapi vazhdoi të ishte kërcënimi kryesor për Llapin, por nuk arriti të shënojë. Llapi, në anën tjetër, dilte shpejt në kundërsulm, por gabonte në pasimin e fundit.

Në minutën e 43-të, Ardit Tahiri pati një mundësi të artë për të shënuar, por portieri Kolaj doli me kohë dhe ia mori topin nga këmbët.

Pjesa e dytë nisi keq për Llapin. Arbnor Ramadani mori dy kartonë të verdhë për ndërhyrje të panevojshme dhe u përjashtua në minutën e 58-të, duke e lënë skuadrën me një lojtar më pak.

Prishtina shënoi në minutën e 60-të me Albin Krasniqin, pas një asistimi të bukur nga Ardian Limani.

Ramiz Bytyqi ishte pranë golit të dytë në minutën e 77-të, por Elvir Gashaj e bllokoi goditjen e tij.

Prishtina e ruajti epërsinë minimale deri në fund dhe fitoi Kupën e Kosovës, duke siguruar edhe kalimin në kualifikimet e Ligës së Evropës.

Ndërkohë, Llapi përballet me një të diel vendimtare, ku duhet të luftojë për të shmangur barazhin pas një sezoni shumë të vështirë. /Telegrafi/

The post Një gol, një trofe, një Evropë: Prishtina shkëlqen në finale përballë Llapit – fiton Kupën e Kosovës appeared first on Telegrafi.

Kanë përfunduar 45 minutat e parë në mes të Prishtinës dhe Llapit në finalen e Kupës së Kosovës.

Ndeshjen më mirë e nisën llapjanët, duke rrezikuar nga ana e djathtë, por mbrojta e kryeqytetasve ishte e kujdesshme.

Në minutën e 11-të, Dion Gaallapeni harkoi në zonë, mirëpo intervenoi sigurt Marjan Coric.

Axel Gnapi lëshoi dy mundësi të njëpasnjëshme, duke mos arritur që të mposhtë portierin e Llapit.

Hasani i skuadrës nga Podujeva tentoi me një goditje në minutën e 16-të, por edhe ky u bllokua.

Gnapi vazhdoi të jetë njeriu kryesor në sulmin e Prishtinës, por pa efikasitet.

Llapi në anën tjetër dilte shpejtë në sulm, por që në pasimin e fundit nuk ishin të saktë.

Në minutën e 43-të, Ardit Tahiri kishte një mundësi të artë shënimi, por Kolaj i Prishtinës lëshoi portën me kohë dhe ia largoi topin nga këmbë.

Me këtë intensitet të lartë të lojës, me gjasë në 45 minutat e dytë do të ketë së paku një gol. /Telegrafi/

The post Shumë raste shënimi, por mbyllet pa gola pjesa e parë e finales, Prishtina-Llapi appeared first on Telegrafi.

Prishtina dhe Llapi takohen sot (22 maj) në finalen e Kupës së Kosovës.

Ndeshja që fillon në ora 20:00, do të zhvillohet në stadiumin “Fadil Vokrri”.

Nga pesë përballjet e fundit, të dy skuadrat kanë nga një fitore, ndërsa tri të tjera kanë përfunduar më barazim.

Vlen të ceket se fituesi i Kupës së Kosovës shkon direkt në kualifikimet për fazën e ligës në Ligën e Evropës.

Formacionet zyrtare:

Prishtina:Kolaj, Islami, Vitija, Limani, Kryeziu, Krasniqi, Gallapeni, Bytyqi, Raçi, Boueye, Dable.

Llapi: Coric, Namani, Vokrri, Ramadani, Rama, Blakçori, Useini, Musolli, Hasani, Veliu, Tahiri. /Telegrafi/

The post Formacionet zyrtare të finales së Kupës së Kosovës: Prishtina – Llapi appeared first on Telegrafi.

Finalja e madhe e Kupës së Kosovës luhet sonte (22 maj), ku përballen Prishtina dhe Llapi në një përballje që pritet me shumë interes.

Takimi zhvillohet në stadiumin “Fadil Vokrri” në kryeqytet, me fillim nga ora 20:00.

Në prag të kësaj sfide vendimtare, dy ish-lojtarë të Llapit, Mirlind Daku dhe Muhamet Hyseni, kanë shprehur përkrahjen e tyre për skuadrën nga Podujeva.

Ata kanë dërguar mesazhe motivuese për futbollistët llapjanë, duke u uruar triumf ndaj Prishtinës në këtë finale të rëndësishme.

The post Mirlind Daku dhe Muhamet Hyseni me mesazh për Llapin para finales me Prishtinën appeared first on Telegrafi.

Sot (e shtunë) është planifikuar të zhvillohen të gjitha ndeshjet e vlefshme për xhiron e 35-të në Albi Mall Superligën e Kosovës.

Superliga e Kosovës po shkon drejt fundit pasi sot zhvillohet xhiro e parafundit dhe garat është ende shumë e hapur dhe e zjarrtë për një vend që dërgon në Evropë, për pozitën e barazhit dhe për mbijetesë.

Në këtë kontekst, ndeshja mes Malishevës dhe Suharekës mund të jetë më interesantja, pasi vendasit synojnë të bëjnë thuajse hapin final për të siguruar pozitën e tretë dhe Evropën, teksa mysafirët me një fitore do të shpresonin shumë të kapnin pozitën e barazhit.

Po kaq interesant është situata edhe në ndeshjen mes Dukagjinit dhe Ferizajt, ku klinasit synojnë fitore për të siguruar thuajse qind për qind mbijetesën, ndërsa ferizajasit duan tri pikët për të pritur pastaj gabimin e Malishevës për t’ia rrëmbyer pozitën e tretë.

Prishtina do të synoj vetëm fitoren në udhëtim te Feronikeli ’74 pasi tri pikët do t’ia siguronin përfundimisht mbijetesën, ndërsa mysafirët tash e disa javë veçse kanë rënë matematikisht nga kategoria.

Sot zhvillohet edhe derbi i madh i Anamoravës mes Gjilanit dhe Dritës, ku fitorja është imperativ vetëm për vendasit e kuq pasi janë ende në garë për pozitën e tretë që i dërgon në Evropë, ndërsa bardhekaltrit tashmë janë shpallur kampion të Kosovës këtë edicion.

Në ndeshjen e fundit, por jo nga rëndësia, Llapi do të kërkoj pikë jetike në udhëtim te Ballkani, i cili ka siguruar pozitën e dytë, ndërsa për llapjanët një humbje do ta rrezikonte shumë qëndrimin e tyre në elitë.

Të gjitha ndeshjet është paraparë të fillojnë nga ora 16:00. /Telegrafi/

The post Luhet për Evropë, barazh dhe mbijetesë – sot zhvillohen të gjitha përballjet e xhiros së 35-të appeared first on Telegrafi.

Federata e Futbollit të Kosovës ka njoftuar se kanë dalë në shitje biletat për ndeshjen finale të Kupës së Kosovës, që do të zhvillohet mes Prishtinës dhe Llapit.

Finalja do të luhet më 22 maj në stadiumin “Fadil Vokrri” në Prishtinë, dhe interesimi pritet të jetë i madh, duke marrë parasysh rivalitetin dhe rëndësinë e takimit.

Çmimet e biletave janë të ndara sipas tribunave. Biletat VIP kushtojnë 30 euro, ato në tribunën perëndimore 10 euro, në tribunën lindore 5 euro, ndërsa në jug dhe veri çmimi është 3 euro.

Ndeshjet e rëndësishme mes Prishtinës dhe Llapi, sjellin gjithmonë një numër të madh tifozësh, ndërsa finalja luhet për një vend në kualifikimet në Ligën e Konferencës.

Prishtina vjen sërish në finale pas sezonit të shkuar, ndërsa eliminoi Dritën në gjysmëfinale. Në anën tjetër, Llapi vjen në finale pasi eliminoi paraprakisht Drenicën. /Telegrafi/ 

The post Nisin shitjet për biletat e finales së Kupës së Kosovës, Prishtina dhe Llapi luajnë për trofeun appeared first on Telegrafi.

Java e 33-të e Superligës së Kosovës solli disa barazime të rëndësishme dhe një fitore në udhëtim, duke e bërë edhe më të paqartë luftën për garat evropiane dhe mbijetesë.

Ndeshja kryesore ndërmjet Ballkanit dhe Dritës përfundoi 1-1, një rezultat që nuk ndryshoi shumë, pasi gjilanasit u shpallën kampion më herët.

Po ashtu, Llapi dhe Ferizaj ndanë pikët me rezultat të njëjtë 1-1, ku kësaj radhe dy skuadrat kanë pretendime të ndryshime.

Gjilani dhe Malisheva nuk arritën të gjenin rrjetën duke përfunduar 0-0, ku në fundin e ndeshjes, Oltion Bilalli i Gjilani u lëndua dhe vazhdon të jetë në QKUK për trajtim.

Edhe takimi mes Dukagjinit dhe Prishtinës mbaroi pa gola, edhe pse rastet nuk munguan.  Fitore e vetme e javës u regjistrua në Drenas, ku FC Suhareka triumfoi 3-1 ndaj Feronikelit 74, për të shpresuar për mbijetesë.

Në renditje, Drita vazhdon të kryesojë me 70 pikë, e ndjekur nga Ballkani me 58. Malisheva dhe Ferizaj ndajnë vendin e tretë me nga 49 pikë, ndërsa Gjilani (46) dhe Prishtina (44) qëndrojnë pas tyre.

Dukagjini dhe Llapi janë në luftë për t’i ikur barazhit me 42 dhe 41 pikë respektivisht.

Suhareka, me fitoren e fundit, ka grumbulluar 36 pikë. Në fund të tabelës mbetet Feronikeli 74 me vetëm 15 pikë.

Në xhiron e 34-të takohen: Prishtina – Gjilani, Drita – Dukagjini, Suhareka – Llapi, Ferizaj – Ballkani, Malisheva – Feronikeli 74. /Telegrafi/ 

The post Rezultatet dhe renditja pas javës së 33-të në Superligën e Kosovës: Katër barazime e bëjnë të paqartë luftën për kreun dhe mbijetesën appeared first on Telegrafi.

Janë zhvilluar të gjitha ndeshjet e javës së 32-të në Albi Mall Superligën e Kosovës në futboll, me disa rezultate që ndikuan drejtpërdrejt në renditjen përfundimtare të sezonit.

Ndeshja kryesore e javës doli të jetë ajo mes Dritës dhe Llapin, ku gjilanasit fituan me rezultat 1-0, falë golit të Iljesa Zylfiut, duke e konfirmuar titullin e kampionit matematikisht.

Prishtina shënoi fitore të rëndësishme në derbi ndaj Ballkanit me rezultat 1-0, duke bërë hap të madh drejt mbijetesës.

Në ndeshjet tjera, Gjilani triumfoi 3-2 ndaj Feronikelit 74, në një ndeshje me shumë kthesa.

Malisheva dhe Dukagjini ndanë pikët me rezultat 1-1, duke mbetur në luftë për objektiva të ndryshëm. Ferizaj fitoi si mysafir ndaj Suharekës me rezultat 2-1, një fitore jetike në garën për Evropë.

Pas 32 javësh, Drita kryeson tabelën me 69 pikë dhe është kampion i Kosovës, kur kanë mbetur edhe katër xhiro deri në fund.

Ballkani ndodhet në vendin e dytë me 57 pikë, pozitë që duket e siguruar. Malisheva dhe Ferizaj ndajnë pozitën e tretë me nga 48 pikë, duke luftuar për biletën evropiane.

Gjilani me 45 pikë dhe Prishtina me 43 pikë ende shpresojnë në garën për Evropë. Dukagjini dhe Llapi me nga 41 dhe 40 pikë do të luftojnë deri në fund për të siguruar mbijetesën dhe për ti ikur barazhit.

Suhareka me 33 pikë është shumë pranë rënies, ndërsa  Feronikeli 74 tashmë ka rënë nga liga, me vetëm 15 pikë.

Në xhiron e ardhshme, atë të 33-të takohen: Gjilani – Malisheva, Dukagjini – Prishtina, Feronikeli 74 – Suhareka, Llapi – Ferizaj, Ballkani – Drita. /Telegrafi/ 

The post Rezultatet dhe renditja pas javës së 32-të në Superligën e Kosovës: Drita kampion matematikisht, luftë e nxehtë për Evropë dhe mbijetesë appeared first on Telegrafi.

Elita e futbollit kosovar, Albi Mall Superliga është futur në fazën finale dhe vazhdon të mbetet gjithçka e paqartë.

Titulli, Evropa dhe mbijetesa vazhdon të jetë ende e hapur me nëntë skuadra që vazhdojnë të jenë brenda objektivave që kishin në fillim të sezonit.

E vetmja skuadër pa objektiva është Feronikeli ’74, që tanimë edhe matematikisht ka rënë nga Superliga, por që po vazhdon të respektoj kampionatin duke luajtur fort ndaj të gjitha skuadrave.

Titulli mund të mbyllet këtë javë, por edhe mund të vazhdoj drama. Drita aktualisht ka nëntë pikë më shumë se Ballkani kur kanë mbetur edhe pesë xhiro për t’u zhvilluar deri në fund të kampionatit.

Gjilanasit shpresojnë ta mbyllin çështjen e titullit këtë xhiro dhe kjo arrihet vetëm nëse mposhtin Llapin dhe Ballkani humbet nga Prishtina. Nëse ndodh e kundërta që Drita të humbas dhe Ballkani të fitoj, atëherë edhe çështja e titullit do të jetë edhe më e zjarrtë, pasi pas dy javëve dy skuadrat takohen në Suharekë.

Drita deri në fund të sezonit do t’i luaj edhe pesë ndeshje, ku tre nga to i luan në shtëpi ndaj Llapit, Dukagjinit dhe Feronikelit ’74, ndërsa ndeshjet në udhëtim i ka ndaj Ballkanit dhe Gjilanit.

Nga ana tjetër Ballkani ka tre ndeshje në udhëtim dhe dy në shtëpi. Kampioni në fuqi i Kosovës që ka 57 pikë, nëntë më pak se lideri Drita luan ndaj Prishtinës, Ferizajt dhe Suharekës në udhëtim dhe para adhuruesve të vet pret Dritën dhe Llapin.

Gara e nxehtë për pozitën e tretë, por edhe për t’i ikur barazhit dhe t’iu shmangur rënies

Përveç Dritës dhe Ballkanit që po luftojnë për titullin, pjesa tjetër e skuadrave po luftojnë për pozitën e tretë, t’i shmangën rënies ose barazhit.

Nga Malisheva që është e treta në tabelë me 47 pikë te Dukagjini që është e teta në tabelë (pozitë që i dërgon skuadrat në barazh) me 40 sosh janë vetëm shtatë pikë diferencë.

Suhareka është e nënta me 33 pikë dhe ndodhet në një pozitë më të vështirë, pasi objektivi është vetëm t’i shpëtoj rënies dhe gjasat për Evropë janë thuajse të pamundura.

Malisheva rrezikun më të madh e ka nga Ferizaj, pasi ndodhet vetëm dy pikë mbrapa, por edhe nga Gjilani me pesë sosh.

Skuadra e Bekim Isufit në pesë ndeshjet e fundit në kampionat luajnë tri në shtëpi ndaj Dukagjinit, Feronikelit dhe Suharekës, derisa në udhëtim përballen me Gjilanin dhe Prishtinën.

Në pozitën e katërt është Ferizaj me 45 pikë, por kjo skuadër do t’i luaj tre ndeshje në udhëtim ndaj Suharekës, Llapit dhe Dukagjinit, derisa pret në shtëpi Ballkanin dhe në fund Gjilanin.

Gjilani është një tjetër skuadër që kërkon Evropën, por edhe t’i shmanget barazhit. ‘Skifterat’ do të përballen me Feronikelin, Prishtinën dhe Ferizajn në udhëtim, por para adhuruesve të vet presin Malishevën dhe Dritën.

Llapi, Prishtina dhe Dukagjini ndajnë pozitat, gjashtë, shtatë dhe tetë me nga 40 pikë.

Llapjanët në pesë duelet e ardhshme luajnë ndaj Dritës në udhëtim, presin Ferizajn, përballen me Suharekën dhe Ballkanin jashtë shtëpisë dhe në fund kanë duelin direkt me Dukagjinin.

Prishtina do të luaj tre sfida në shtëpi dhe dy të tjera në udhëtim. Kryeqytetasit presin Ballkanin, Gjilanin dhe Malishevën, derisa luajnë jashtë shtëpisë me Dukagjinin në Klinë dhe Feronikelin ’74 në Drenas.

Ndeshje të vështira e presin edhe Dukagjinin, ku skuadra e udhëhequr nga Ismet Munishi përballet në udhëtim me Malishevën, Dritën dhe Llapin, derisa në shtëpi luajnë me Prishtinën dhe Ferizajn.

Suhareka është skuadra që u fut në Superligë me ambicie të mëdha, por tani i duhen pesë fitore në pesë xhirot e fundit për t’iu shmangur rënies. Të besuarit e Mirel Josës do të luajnë në shtëpi me Ferizajn, Llapin dhe Ballkanin, derisa sfidat jashtë shtëpisë i kanë me Feronikelin ’74 dheMalishevën. /Telegrafi/ 

The post Gara për titullin, Evropën dhe mbijetesën – Kush me kë luan në pesë xhirot e fundit në Superligë appeared first on Telegrafi.