Të mbetesh shtatzënë shpesh duket një proces i thjeshtë, por për shumë çifte mund të jetë sfidues për shkak të faktorëve shëndetësorë, moshës, stresit apo stilit të jetesës

Lajmi i mirë është se ka mënyra natyrale dhe hapa të thjeshtë që mund të ndihmojnë në rritjen e shanseve për të arritur një shtatzëni të shëndetshme.

Nëse keni përdorur kontraceptivë hormonalë (pilula) për një kohë të gjatë, është mirë t’i ndaloni disa muaj para se të përpiqeni të mbeteni shtatzënë. Kjo i jep kohë trupit të rikthejë ciklin menstrual natyral dhe të rregullojë ovulacionin.

Por përveç kësaj, janë disa këshilla të rëndësishme që mund të rrisin ndjeshëm shanset për të mbetur shtatzënë, transmeton Telegrafi.

Këshilla praktike për të mbetur shtatzënë natyrshëm

Komunikoni hapur me partnerin

Vendimi për të sjellë në jetë një fëmijë duhet të jetë i përbashkët dhe i koordinuar. Mbështetja emocionale dhe mirëkuptimi janë të rëndësishme gjatë këtij procesi.

Njihni ciklin tuaj menstrual

Një nga çelësat kryesorë është të njihni ditët më fertile. Ovulacioni ndodh zakonisht rreth 12-14 ditë para menstruacioneve të ardhshme. Mund të përdorni kalendarë menstrualë ose teste të ovulacionit për të përcaktuar kohën më të mirë.

Bëni marrëdhënie të rregullta seksuale

Ekspertët rekomandojnë marrëdhënie çdo 2-3 ditë gjatë gjithë muajit, por veçanërisht gjatë ditëve më fertile. Marrëdhëniet shumë të shpeshta nuk dëmtojnë, përkundrazi, mbajnë spermën të freskët dhe cilësore.

Mbani një stil jetese të shëndetshëm

Shmangni duhanin, alkoolin dhe kafeinën e tepruar. Ushqehuni me shumë fruta, perime të freskëta, drithëra integrale, proteina të dobëta dhe yndyra të shëndetshme (si ato që gjenden te peshku dhe arrat).

Kujdesuni për peshën trupore

Mbipesha ose nën-pesha mund të ndikojnë në ovulacion dhe fertilitet. Një peshë e shëndetshme rrit gjasat për një shtatzëni të suksesshme.

Merrni suplementet e duhura

Filloni të merrni acid folik (400–800 mikrogramë në ditë) disa muaj para shtatzënisë. Acid foliku ul ndjeshëm rrezikun për defekte të tubit nervor tek fetusi. Gjithashtu, sigurohuni që të keni nivele të mjaftueshme hekuri, vitaminë D dhe jod.

Menaxhoni stresin

Stresi mund të ndikojë negativisht në fertilitet. Provoni teknika relaksimi si joga, meditimi, shëtitjet në natyrë ose aktivitetet që ju bëjnë të ndiheni mirë.

Vizitoni mjekun për një kontroll paraprak

Bëni një vizitë tek gjinekologu për të vlerësuar shëndetin tuaj riprodhues dhe për të kontrolluar nëse keni ndonjë problem që mund të kërkojë trajtim (si infeksionet, çrregullimet hormonale apo problemet me tiroiden).

Kur të kërkoni ndihmë profesionale?

Nëse jeni nën moshën 35 vjeç dhe nuk keni mbetur shtatzënë pas një viti përpjekjesh, këshillohet të konsultoheni me mjekun. Nëse jeni mbi 35 vjeç, mos prisni më shumë se 6 muaj për të kërkuar këshillim profesional.

Përfundim

Shtatzënia është një rrugëtim natyral që mund të lehtësohet shumë me kujdes, informim dhe një stil jetese të shëndetshëm. Ndiqni këto hapa, ruani optimizmin dhe mos hezitoni të kërkoni ndihmë profesionale nëse është e nevojshme. /Telegrafi/

The post Si të mbeteni shtatzënë më shpejt, më sigurt dhe në mënyrë natyrale? appeared first on Telegrafi.

Faza kur provoni të ngjizni një bebe mund të jetë stresuese dhe emocionuese njëkohësisht. Shumë çifte e gjejnë veten duke pyetur veten: A po bëjmë gjithçka siç duhet? A ka mënyra më të mira për të ndihmuar trupin tonë?

Ekspertët tregojnë se disa gjëra mund të ndihmojnë, ndërsa disa mite nuk kanë bazë shkencore.

A ka pozicione të seksit që ndihmojnë më shumë?

Sipas Dr. Amos Grunebaum, obstetër dhe gjinekolog me përvojë në fertilitet, nuk ka prova shkencore bindëse që ndonjë pozicion specifik ndihmon drejtpërdrejt ngjizjen. Por logjikisht, pozicionet që mundësojnë penetrim më të thellë, si pozicioni i misionarit ose pozicioni “doggy style”, mund të ndihmojnë që sperma të depozitohet më afër qafës së mitrës.

Koha e duhur është çelësi

Planifikoni marrëdhëniet gjatë ditëve më pjellore të ciklit. Kjo është mënyra më e sigurt për të rritur shanset. Shanset janë më të larta dy deri në tri ditë para ovulimit dhe ditën e ovulimit.

Sipas American Pregnancy Association, gjurmimi i ovulacionit mund të bëhet përmes:

Testit të ovulacionit (OPK)
Matjes së temperaturës bazale trupore
Vëzhgimit të sekrecioneve cervikale (të cilat bëhen më të tejdukshme dhe elastike)

Duhet të urinoni pas seksit?

Po! Për shumë gra rekomandohet të urinojnë pas seksit për të parandaluar infeksionet e traktit urinar, veçanërisht nëse jeni të prirur ndaj tyre. Kjo nuk ndikon negativisht në shanset për të mbetur shtatzënë, sepse pjesa më e madhe e spermës arrin në qafën e mitrës brenda pak sekondash deri në minuta pas ejakulimit, shkruan Mayo Clinic, përcjell Telegrafi.

Duhet të qëndroni shtrirë pas seksit?

Nuk ka dëshmi të forta që të mbani këmbët lart për 20 minuta e rrit gjasën e shtatzënisë. Por të shtriheni për disa minuta pas marrëdhënies mund të ndihmojë gravitacionin, sidomos për çiftet që po përpiqen prej kohësh. Nuk ka asgjë të keqe, por nuk është e domosdoshme.

Çfarë tjetër ndikon?

Jeta e shëndetshme: Mos pini duhan, mos e teproni me alkoolin dhe mbani një peshë të shëndetshme.

Shmangni stresin e tepërt: Stresi kronik mund të ndikojë në hormonet e ovulimit.

Bëni kontrolle: Bëni një vizitë tek gjinekologu ose specialisti i fertilitetit nëse keni më shumë se 12 muaj që provoni pa sukses (6 muaj nëse jeni mbi 35 vjeç).

Përfundimisht…

Nuk ekziston një recetë magjike, por planifikimi i kohës, njohja e trupit dhe një stil jete i shëndetshëm janë faktorët më të rëndësishëm. Për çdo paqartësi, konsultohuni me mjekun tuaj. /Telegrafi/

The post Marrëdhënia intime që ndihmon në ngjizje: Si të rritni shanset për shtatzëni appeared first on Telegrafi.

Ndoshta mund t’ju duket e çuditshme, por në fakt ekziston një efekt që mund t’u japë grave rezultate negative në testin e shtatzënisë – edhe kur ato janë realisht shtatzëna

Në një forum për prindër, një grua ka rrëfyer se nuk e ka konfirmuar shtatzëninë deri në tremujorin e dytë, pavarësisht se ishte e bindur se ishte shtatzënë.

Ajo ka shkruar: “Kam qenë shtatzënë në javën e 17-të dhe kam bërë si testin e gjakut, ashtu edhe atë të urinës – por të dy dolën negativë.”

Kjo grua, të cilës vazhdimisht i ishte thënë se nuk ishte shtatzënë – megjithëse kishte përjetuar të vjella dhe ndalim të menstruacioneve – sot është nëna e një djali 13 muajsh.

Një tjetër grua ka rrëfyer për Kidspot se nuk ka pasur asnjëherë test pozitiv shtatzënie për asnjërin nga tre fëmijët e saj, transmeton Telegrafi.

Sipas mjekëve, ky efekt ndodh kur një grua ka nivele shumë të larta të hormonit hCG – hormon që prodhohet gjatë shtatzënisë.

Kur një grua është shtatzënë, molekulat e hCG-së zakonisht lidhen me një antitrup “sinjalizues” dhe një antitrup “kapës”, të cilët detektohen nga testi për të dhënë një rezultat pozitiv.

Mirëpo, në raste të rralla, sasitë e tepërta të këtij hormoni mund të shkaktojnë një fenomen të quajtur “efekti i goditjes me grep”, ku sasia shumë e madhe e hCG-së ndërhyn në procesin e lidhjes së antitrupave dhe testi del negativ – edhe pse gruaja është realisht shtatzënë.

Mjekët theksojnë se ky fenomen është më i zakonshëm te gratë që janë shtatzënë me binjakë apo trinjakë, për shkak të niveleve edhe më të larta të hCG-së në trup. /Telegrafi/

The post Te cilat gra testi i shtatzënisë rezulton negativ – edhe pse janë deri në muajin e gjashtë të shtatzënisë? appeared first on Telegrafi.

Hulumtimet e reja kanë zbuluar se ushtrimet energjike janë të sigurta dhe të shëndetshme për shtatzënat që janë në tremujorin e fundit të shtatzënisë

Ka një kohë të gjatë prej se shkencëtarët kishin treguar që aktiviteti i moderuar fizik është shumë fitimprurës për shtatzënat, në veçanti për parandalimin e komplikimeve shëndetësore.

Por, kishte pasur më shumë dilema për ushtrimet më intensive, e në veçanti gjatë tremujorit të fundit të shtatzënisë, ku shumica e femrave ndalojnë vrapimin apo shkuarjen në palestër nga frika e dëmeve.

Sidoqoftë, hulumtimet e reja kanë zbuluar se këto ushtrime janë të sigurta për gratë shtatzëna dhe bebet e tyre, madje edhe në tremujorin e tretë, transmeton Telegrafi.

Çfarë nënkuptojnë ushtrimet energjike?

Në parim, kjo nënkupton të ushtroni me një intensitet ku keni vështirësi të bisedoni me dikë, por që prapëseprapë menaxhoni ta thoni një fjali.

Ushtrime të tilla janë vrapimi apo ushtrimet me intervale në biçikletë rrotulluese (spin bike). /Telegrafi/

The post Ushtrimet energjike janë të sigurta dhe të shëndetshme për shtatzënat në tremujorin e fundit appeared first on Telegrafi.

Ambasada e SHBA-ve në vendin tonë ka bërë një thirrje që qytetarët shqiptarë të mos keqpërdorni vizat turistike, konkretisht të mos udhëtojnë për të lindur në SHBA.

Me anë të një njoftimi në Facebook, ambasada sqaron se vajtja me vizë turistike në SHBA për të lindur quhet turizmi i lindjes dhe kjo do të refuzohet nga oficerët konsullorë.

Kjo është e papranueshme -thekson ambasada- dhe nëse viza turistike keqpërdoret për këtë rast atëherë qytetarët mund të humbasin të drejtën për vizë apo për të udhëtuar në SHBA.

“Është e papranueshme që prindër të huaj të përdorin një vizë turistike amerikane me qëllimin parësor për të lindur në Shtetet e Bashkuara që të sigurojnë nënshtetësinë për fëmijën, çka mund të përfshijë edhe shpenzime për kujdesin mjekësor që mbulohen nga taksapaguesit amerikanë. Ky njihet si “turizmi i lindjes” dhe oficerët konsullorë të ShBA refuzojnë të gjitha aplikimet për viza të tilla sipas ligjit të emigracionit të ShBA. Ata që keqpërdorin sistemin tonë të emigracionit përmes turizmit të lindjes mund të humbasin të drejtën për viza në të ardhmen ose për të udhëtuar në Shtetet e Bashkuara. Kjo është një mënyrë më shumë se si Departamenti Amerikan i Shtetit po u shërben dhe mbron taksapaguesit dhe komunitetet amerikane”, thote ambasada.

The post Ambasada Amerikane jep një mesazh të fortë për gratë shqiptare shtatzëna appeared first on Lapsi.al.

Pesha në fillim të shtatzënisë mund të ndikojë në shëndetin e fëmijës, por nuk është një parashikues absolut. Është mirë të mbahet në kontroll, por gjithçka varet nga kujdesi i përgjithshëm gjatë shtatzënisë

Një hulumtim i ri ka treguar që femrat të cilat fillojnë shtatzëninë me peshë normale kanë shanse më të mëdha që gjatë shtatzënisë të shtojnë peshë, mirëpo pas lindjes shpejt kthejnë linjën e mëparshme të trupit.

Femrat të cilat hyjnë në shtatzëni me peshë të lartë trupore, kanë më shumë probleme me peshën pas lindjes, mirëpo njëkohësisht janë të ekspozuara ndaj rrezikut në shtatzëni.

Femrat të cilat janë të kequshqyera rrezikojnë që bebet e tyre të jenë jo mjaft të zhvilluara për vitet e pastajme në fëmijëri, ndërsa femrat me peshë të lartë më shpesh lindin me prerje cezariane dhe lindin bebe me peshë të madhe.

Ky studim ka treguar që femrat të cilat ngelen shtatzënë, ndërsa në atë rast kanë peshë të lartë trupore, ekspozojnë edhe veten edhe beben ndaj rrezikut sepse bebja mund të ketë probleme me zhvillimin, ndërkaq vetë shtatzëna mund të ketë probleme me zemrën dhe me lëvizjen,

Ky studim ka treguar që femrat të cilat ngelen shtatzënë, ndërsa në atë rast kanë peshë të lartë trupore, ekspozojnë edhe veten edhe beben ndaj rrezikut sepse bebja mund të ketë probleme me zhvillimin, ndërkaq vetë shtatzëna mund të ketë probleme me zemrën dhe me lëvizjen.

Shtatzënat e kequshqyera rrezikojnë që të lindin para terminit dhe të lindin bebe me peshë të vogël, ndërsa ato shtatzëna me peshë të lartë trupore kanë rrezik të zhvillimit të diabetit dhe të peshës së lartë të fëmijës, thuhet në këtë studim.

Nënat me peshë të lartë, të cilave indeksi i peshës trupore u është më i lartë se 30, kanë rrezik të madh që për shkak të gjendjes shëndetësore të shtrihen në spital deri sa të lindin dhe që më vonë kanë probleme me ngeljen shtatzënë. /Telegrafi/

The post Pesha në fillim të shtatzënisë mund të zbulojë se a do të lindë femra fëmijë të shëndetshëm appeared first on Telegrafi.

Shtatzëna të dashura, për të shmangur çfarëdo problemi, është me rëndësi që me kohë të informoheni për rregullat e reja jetësore

Qe se çfarë thonë ekspertët për larjen në ujë të ngrohtë gjatë shtatzënisë…

Shtatzënat nuk do të duhej të laheshin me ujin i cili është aq i nxehtë sa që të ngrejë temperaturën e trupit deri në 38 apo 39 gradë Celsius më shumë se dhjetë minuta.

Kapërcimi i kësaj temperature mund të shkaktojë hipertermi, gjendje në të cilën trupi absorbon më shumë nxehtësi se sa liron, transmeton Telegrafi.

Studimet e kanë lidhur temperaturën e lartë trupore, posaçërisht në shtatzëninë e hershme, me defektet e gypave neutralë, siç janë spina bifida.

Pos nëse nuk jeni adhuruese e vërtetë e djegieve pas larjes, nuk keni përse të frikësoheni.

Megjithatë, për të shmangur çfarëdo problemi qoftë, mbani temperaturën e cila do t’ju jetë e këndshme, mirëpo jo të nxehtë shumë që t’ju bëjë të djersiteni dhe të skuqeni në lëkurë.

Do ta dini që temperatura trupore rritet nëse ndieni që jeni skuqur dhe filloni të djersiteni. Nëse ndodh kështu, dilni nga vaska dhe lini që uji të ftohet. /Telegrafi/

The post Banja të ngrohta gjatë shtatzënisë: A bën shtatzëna të lahet në vaskë? appeared first on Telegrafi.

Të gjitha studimet kanë rezultuar se kafsha e njohur zakonisht si “miku më i mirë i njeriut”, mund të jetë i rëndësishëm për të mbajtur një grua shtatzënë të shëndetshme dhe në formë.

Nëpërmjet ecjes së shpejtë, që është një efekt i dallueshëm kur ke një qen, gratë shtatzëna kishin 50% më shumë mundësi për të arritur 30 minutëshin e aktivitetit të rekomanduar në ditë. E kombinuar edhe me një dietë të ekuilibruar, kjo mund të ndihmojë në sigurimin e një shtatzënie të shëndetshme.

Kërkuesit studiuan shëndetin dhe mënyrën e jetesës së mbi 11.000 grave shtatzëna në Angli duke përdorur të dhëna nga Studimet Avon Longitudinal për Prindër dhe Fëmijë. Duke ndihmuar gratë shtatzënë të jenë aktive, aktiviteti me qentë, mund të bëhet pjesë e një strategjie efektive për të kontrolluar rritjen e peshës gjatë shtatzënisë.

Dr. Sandra McCune, menaxhere e programit kërkimor në Qendrën Walttham Për Ushqyerjen e Qenve, thotë: “Ne po shohim gjithnjë e më shumë se të ushtruarit me një qen mund të na përmirësojë motivimin dhe efektshmërinë. Si një ushtrim i parrezikshëm, aktiviteti me qen mund t’i ndihmojë gratë që nuk mund të ushtrohen sipas rregullave, të jenë aktive dhe në formë gjatë shtatzënisë”.

Kërkimet u bënë në bashkëpunim me Universitetin e Liverpulit, Bristolit dhe Qendrës Waltham. /Telegrafi/

The post Qentë ndihmojnë shtatzënat të jenë aktive appeared first on Telegrafi.

Dr. Memli Morina, mr. sci
gjinekolog – obstetër
tel. 045 725 725

Tash e kemi marrë vesh si bëhen bebet, por kur kemi qenë të vegjël na është thënë që lejleku fluturon mbi kulmin e shtëpisë dhe e lëshon ngadalë beben në pragun e shtëpisë. Pastaj, nëna del e merr beben dhe e gjithë familja gëzohen dhe janë të lumtur që e kanë edhe një motër ose vëlla në familje.

Ndoshta me këtë tregim edhe tash shtatzënat iu shpjegojnë fëmijëve më të vegjël se si vjen në shtëpinë e tyre motra ose vëllai i tyre. Por, ndonjëherë ndodhë që lejleku të vonohet!

Në ditët e sotme gjithçka, secili veprim që bëjmë është i planifikuar dhe përpiqemi që të jemi sa më të saktë. Duhet të zgjohemi herët nga gjumi për të mbërritur me kohë në punë, duhet të përpilojmë raportet e punës në afatin e caktuar, bile edhe kur takohemi me shoqëri për kafe e caktojmë në ç’orë fillon takimi dhe kur pritet të përfundojë ndeja. Problemi lind nëse ne presim që edhe bebja të jetë e saktë dhe të lind atëherë kur ne e presim. Është e zakonshme që termini i lindjes nga shtatzëna dhe familja e saj përcaktohet si datë kur duhet të lind bebja dhe nëse nuk ndodhë lindja atëherë ata shqetësohen dhe duan të dinë arsyen se përse nuk po ndodhë lindja.

Për ta llogaritur terminin e lindjes mjeku bazohet në ditën e parë të menstruacioneve të fundit të cilës datë i shtohen 280 ditë ose 40 javë; mënyrë më e thjeshtë është nëse ditës së parë të menstruacioneve të fundit i shtohen 7 ditë dhe i hiqen tre muaj. Psh nëse menstruacionin e fundit e keni pasur me 1 shtator, atëherë termini i lindjes do të jetë me 8 qershor. Kjo llogaritje bazohet në ciklin menstrual 28 ditësh, por nëse cikli juaj menstrual është më i gjatë se 28 ditë, atëherë ju mund të lindni më vonë se termini i caktuar i lindjes dhe anasjelltas, nëse cikli menstrual është më i shkurtër, atëherë pritet që të lindni më herët.

Për të kalkuluar terminin e lindjes më të besueshme janë matjet të cilat bëhen në ekzaminimin ultrasonografik të tremujorit të parë. Gjatë këtij ekzaminimi mjeku e mat gjatësinë e embrionit dhe madhësinë e qeses së shtatzënisë. Këto matje në fillim të shtatzënisë janë shumë të sakta, prandaj edhe termini i lindjes i përcaktuar në këtë mënyrë është më i besueshëm.

Pa marrë parasysh së në ç’mënyrë caktohet termini i lindjes, mos pritni që do të lindni saktësisht në atë datë që ka përcaktuar mjeku juaj. Ne akoma nuk e dimë se cili është ai faktor që e nxit fillimin e lindjes.

Rreth 80% e grave lindin në periudhën prej javës 37 deri 41. Nga 20% i mbetur rreth 11% lindin para kohe (prematur).

Ndodhë shpesh që shtatzënat bëhen shumë merak nëse kalojnë disa ditë pas terminit të lindjes dhe dhimbjet nuk fillojnë. Po e përsëris se akoma nuk dihet se cili faktor (ose cilët janë faktorët) të cilët e iniciojnë lindjen. Dihet që gratë më të reja se 30 vjeç zakonisht kanë shtatzëni më të gjata. Nuk është fakt shkencor, por është vërejtur se bebet djem lindin më vonë se bebet vajza.

Gjatë terminit të lindjes (pra nga java 37 e tutje) e sidomos pas javës së 40 ju duhet të jeni në përcjellje të afërt të mjekut. Është shumë me rëndësi që të përcillet pjekuria e placentës dhe vëllimin i lëngut amnial. Nëse te bebja fillojnë të punojnë zorrët, atëherë ajo do të defekojë (jashtëqitja e fetusit quhet mekonium) dhe lëngu amnial do të bëhet mekonial (lëng i dendur me ngjyrë intensivisht të gjelbër). Pikërisht në këtë kohë bebja fillon “të bëjë ushtrime të frymëmarrjes” dhe është e mundur që të aspirojë në mushkëri lëngun mekonial. Nëse ndodhë një gjë e tillë mund të rrezikohet mirëqenia e bebes. Pikërisht për këto arsye mjeku mund t’ju rekomandojë që pas javës së 41 nëse nuk kanë filluar tkurrjet e mitrës të fillohet indukimi i lindjes.

Nuk ka rëndësi se a do të ndodhë lindja në javën 38, 39 apo 41. Nëse lindja ndodhë spontanisht kjo nuk ndikon aspak në mirëqenien e bebes, por është shumë e rëndësishme që pa kaluar 41 javë të mos indukohet lindja (nëse nuk ka ndonjë indikacion tjetër).

Nëse lindja paraprake është kryer me prerje Cezariane dhe ju keni vendosur që edhe këtë lindje ta kryeni me operacion, atëherë rekomandohet që lindja me operacion të kryhet pasi të kompletohen 39 javë të shtatzënisë. /Telegrafi/

The post Përse ndonjëherë lejleku vonohet? appeared first on Telegrafi.

Nëse me shtatzëninë është çdo gjë në rregull, mund të udhëtoni

Periudha më e mirë e udhëtimit është tremujori i dytë – nuk ka krupë, ndërkaq mitra nuk është aq e madhe që t’ju shkaktojë vështirësi.

Jeni shtatzënë dhe keni dëshirë të udhëtoni. Mirëpo, a u rekomandohet shtatzënave të udhëtojnë, si do ta përballojnë udhëtimin, a do të komplikohet ndonjë gjë? Këto janë vetëm disa pyetje të cilat ia bëjnë vetes shumica e shtatzënave.

Qetësohuni – nëse me shtatzëninë është çdo gjë në rregull, mund të udhëtoni. Megjithatë, më parë shkoni në kontroll.

Tremujori i dytë është periudha nga tre muajt e mesëm kalendarikë të shtatzënisë suaj (nga java e 13-të deri në javën e 26-të), transmeton Telegrafi.

Për udhëtim përgatitni rroba të rehatshme dhe këpucë me taka të ulëta, ujë dhe diçka për të ngrënë, me kusht që të mos kenë sasi të mëdha ëmbëlsirash dhe yndyrash dhe ushqime të njelmët.

Ulësja e rehatshme është shumë me rëndësi, nëse është e mundshme, këmbët duhet të jenë të ngritura apo pak të ngritura, ndërsa nën shpinë mund të vendosni një jastëk të vogël.

Çdo dy orë ngrihuni në këmbë, bëni një pauzë nëse udhëtoni me veturë dhe shëtitni.

Sigurohuni a ka gjinekolog në vendin në të cilin do të shkoni dhe interesohuni mirë për ushqimin.

Pini vetëm ujë të paketuar në shishe. Shmangni diellin e fortë. /Telegrafi/

The post Udhëtimi me beben në bark appeared first on Telegrafi.

Ekspozimi para lindjes ndaj antidepresivëve SSRI lidhet me anomalitë e zhvillimit në trurin e fetusit, veçanërisht në zonat kritike për përpunimin emotiv

Këto janë konkluzionet e një studimi me autore kryesore Claudia Lugo-Candelas, Universiteti i Kolumbisë, Nju Jork.

“Ndonëse këto 30 vitet e fundit, përshkrimi i SSRI-ve (frenuesit përzgjedhës të rithithjes së serotoninës), për gratë shtatzëna është rritur, dihet ende pak në lidhje me ekspozimin prenatal ndaj këtyre antidepresivëve dhe për ndikimin e tij në zhvillimin nervor të fetusit”, thotë kërkuesja, duke kujtuar se nga studimet mbi modelet e kafshëve, del se ekspozimi ndaj SSRI-ve ndryshon qarqet limbike dhe prodhon sjellje ankthioze dhe depresive pas adoleshencës, ndërsa kërkimet në qenie njerëzore janë të kufizuara dhe të diskutueshme.

Në këtë studim, që kishte si objektiv shqyrtimin e lidhjes mes ekspozimit ndaj SSRI-ve para lindjes dhe zhvillimit cerebral, kanë marrë pjesë 98 nëna dhe fëmijët e tyre: 32% e tyre ishin të bardha, 27% hispanike dhe 27%, afro-amerikane. Të sapolindurit ishin në 47% të rasteve meshkuj, me moshë mesatare në momentin e hyrjes në studim, prej 3.43 javësh: 16 iu ishin ekspozuar SSRI-ve në uterus, 21 raste, depresionit të nënës të patrajtuar dhe 61 të tjera ishin raste të shëndetshme kontrolli.

Vlerësimet e vëllimit të materies gri janë bërë me rezonancë magnetike strukturale dhe analizat e lidhjes strukturale të materies së bardhë me tratografi, një ekzaminim që gjeneron një hartë mundësish lokalizimi të tufave nervore.

“Rezultatet tregojnë një shpërndarje kuptimplotë të vëllimit të materies gri në amigdalën e djathtë te fëmijët që ishin ekspozuar ndaj SSRI-ve, krahasuar me kontrollet e shëndetshme dhe me fëmijët që i ishin ekspozuar depresionit të nënës, të patrajtuar”, shpjegojnë autorët, duke saktësuar se nga analiza tratografike e materies së bardhë del një shtim i lidhjes mes amigdalës dhe insula destra në grupin SSRI, krahasuar me kontrollet e shëndetshme dhe me depresionin e patrajtuar.

“Këto të dhëna nxjerrin në pah nevojën për kërkime të mëtejshme afatgjata në fushën psikologjike dhe të sjelljes, për të ndjekur këto modifikime të zhvillimit nervor”, përfundon Lugo-Candelas. /Telegrafi/

The post Efektet e antidepresivëve gjatë shtatzënisë: Rreziqet dhe ndikimi në zhvillimin e fetusit appeared first on Telegrafi.

Shtatzënia është një përvojë e mrekullueshme dhe një kohë e bukur në jetë për shumicën e grave, por për shumë, shtatzënia ka edhe disa simptoma të pakëndshme. Për shembull, shumë nëna në pritje përjetojnë marramendje gjatë shtatzënisë.

Marramendja është një simptomë pothuajse e pashmangshme në shtatzëni. Nëse ndodh herë pas here dhe kalon shpejt, nuk ka arsye për t’u shqetësuar, pasi është një reagim normal fiziologjik i organizmit ndaj ndryshimeve që ndodhin gjatë asaj periudhe.

Marramendja shfaqet më shpesh në fazat e hershme të shtatzënisë dhe, së bashku me të përzierat, është një nga simptomat që shumica e grave shtatzëna përjetojnë në fillim të shtatzënisë. Edhe pse të përzierat mund të kontribuojnë në marramendje, nuk është shkaku i vetëm i saj. Marramendja mund të ndodhë në fazat e hershme dhe të mëvonshme të shtatzënisë për shkak të ndryshimeve në presionin e gjakut. Kjo zakonisht nuk është shkak për shqetësim, pasi është normale që trupi në të cilin një njeri i ri po rritet të reagojë ndaj faktorëve të jashtëm me ndryshime në presionin e gjakut.

Zgjerimi i enëve të gjakut në tru, i cili shkakton ulje të rrjedhjes së oksigjenit, është një dukuri e zakonshme tek gratë shtatzëna. Në këtë rast, është mirë që thjesht të shtriheni, të mbyllni sytë dhe të pushoni. Ajrosja e dhomës gjithashtu mund të ndihmojë, ose, kur ndiheni më mirë dhe marramendja kalon, shkoni për pak ajër të pastër.

Nivelet e ulëta të hemoglobinës mund të kontribuojnë gjithashtu në marramendje. Kjo ndodh shpesh në shtatzëni së bashku me të përziera dhe ulje të oreksit, gjë që bën që trupi të mos marrë mjaftueshëm hemoglobinë – substanca që mbart oksigjenin në qeliza.

Në këtë rast, është e rëndësishme të rrisni marrjen e ushqimeve të pasura me hekur, si dhe të shmangni stresin, jo punën e tepërt dhe të flini mjaftueshëm, pasi e gjithë kjo mund të kontribuojë në marrje mendsh.

The post Pse ndodh marramendja gjatë shtatzënisë? appeared first on Telegrafi.

Të vjellat e mëngjesit janë një dukuri e zakonshme në shtatzëni. Zakonisht fillojnë rreth javës së gjashtë të shtatzënisë dhe zhduken në fund të tremujorit të parë, megjithëse në disa gra mund të zgjasin më shumë.

Çdo shtatzëni është unike, kështu që simptomat mund të ndryshojnë ndjeshëm. Në shumicën e rasteve, të përzierat zvogëlohen gradualisht, por në disa gra ajo mund të vazhdojë gjatë gjithë shtatzënisë, megjithëse zakonisht është më e lehtë në fazat e mëvonshme.

Për të lehtësuar të vjellat e mëngjesit, këtu janë disa këshilla që kanë rezultuar të dobishme:

Rekomandohet të hani diçka të lehtë përpara se të dilni nga shtrati. Biskotat, biskotat ose buka e thatë mund të ndihmojnë në reduktimin e shqetësimit në stomak.

Në vend që të hani vakte të mëdha, provoni të hani pjesë më të vogla, por më shpesh. Kjo dietë mund të ndihmojë në shmangien e mbingarkesës së stomakut.

Nëse disa aroma ju bëjnë të përzier, përpiquni t’i shmangni sa më shumë që të jetë e mundur.

Pini sasi të vogla lëngjesh rregullisht gjatë gjithë ditës për të qëndruar të hidratuar. Nëse keni probleme me pirjen e ujit të thjeshtë, mund të provoni pije të lehta si çaji me xhenxhefil ose të hani fruta të pasura me ujë.

Xhenxhefili është i njohur për efektet e tij qetësuese në sistemin tretës. Mund të provoni çaj xhenxhefili, karamele me xhenxhefil ose kapsula. Megjithatë, përpara se të vendosni të përdorni ndonjë suplement dietik ose ilaç natyral, konsultohuni me mjekun tuaj.

Nëse të përzierat rezultojnë të jenë një problem serioz dhe pengon aftësinë tuaj për të ngrënë normalisht ose për të mbajtur një peshë të shëndetshme, sigurohuni që të konsultoheni me mjekun tuaj.

The post Këshilla për gratë shtatzëna: Si të reduktoni të vjellat në mëngjes gjatë shtatzënisë? appeared first on Telegrafi.

Ja çfarë thotë shkenca pas kësaj këshille popullore për kujdesin e lëkurës – a ia vlen ta provoni!

Midis ushqimit të fëmijës me gji gjatë natës, mbajtjes në krahë të të vegjëlve që pretendojnë se janë shumë të lodhur për të ecur, por dhe të gjitha ndryshimeve të tjera nëpër të cilat trupi ynë kalon, është e qartë se trupi ynë po përjeton vërtet shumë.

Ndërsa këto ndryshime sjellin strija – ato vija të vogla që na kujtojnë se sa të mrekullueshëm janë trupat tanë – është e kuptueshme që, ndërsa ne i duam kujtimet, disa prej nesh mund të mos i shqetësojnë që ato shenja të zhduken ose të paktën të zbehen, apo jo?

Nëse keni kërkuar ndonjëherë këshilla për kujdesin e lëkurës, me siguri keni hasur në vazelinë si një hidratues mrekullibërës. Por a mund të ndihmojë vërtet vazelina në heqjen e strijave?

Vazelina ka qenë një produkt thelbësor në çdo shtëpi për dekada të tëra, i vlerësuar për aftësinë e saj për të mbajtur lagështinë dhe për të mbrojtur barrierën e lëkurës, transmeton Telegrafi.

Megjithatë, kur bëhet fjalë për reduktimin e strijave, ja çfarë duhet të dini:

Hidratim i thellë: Mbajtja e lëkurës suaj të hidratuar ndihmon në përmirësimin e elasticitetit të saj, duke i bërë strijat më pak të dukshme. Vazelina është e shkëlqyer për të mbajtur lagështinë e lëkurës.

Mbrojtja e barrierës: Krijon një shtresë mbrojtëse në lëkurë, duke parandaluar tharjen dhe acarimin e mëtejshëm (të dyja mund t’i bëjnë strijat edhe më të dukshme).

Pa përbërës aktivë për rinovimin e lëkurës: Ndryshe nga produktet me retinol ose vitaminë C, vazelina nuk stimulon prodhimin e kolagjenit dhe nuk përshpejton rinovimin e lëkurës.

Më e mira për parandalimin: Ndërsa nuk do të heqë strijat ekzistuese, përdorimi i rregullt i vazelinës gjatë shtatzënisë ose periudhave të rritjes së shpejtë mund të ndihmojë në mbajtjen e lëkurës elastike dhe zvogëlimin e rrezikut të strijave të reja.

Strijat: Çka janë, pse shfaqen dhe si t’i parandaloni?

Çfarë në fakt ndihmon në reduktimin e strijave? Nëse jeni duke kërkuar mënyra të provuara për të reduktuar strijat, këtu janë disa opsione të miratuara nga dermatologët:

Acidi Hyaluronik – Ndihmon lëkurën të mbajë lagështinë dhe përmirëson elasticitetin e saj, duke i bërë strijat më pak të dukshme.
Vitamina E dhe gjalpi i kakaos – Trajtime natyrale të njohura për përmirësimin e strukturës dhe hidratimit të lëkurës.
Trajtimet me laser – Një opsion më i shtrenjtë, por shumë efektiv për reduktimin e strijave të thella ose të vjetra.
Eksfolimi dhe masazhi – Eksfolimi i rregullt stimulon qarkullimin dhe mund të ndihmojë në reduktimin e strijave me kalimin e kohës.

Ndërsa vazelina mund të ndihmojë në mbajtjen e lëkurës të butë dhe të hidratuar, ajo nuk është një produkt i mrekullueshëm që fshin strijat. Megjithatë, nëse e kombinoni me trajtime të tjera, mund të luajë një rol të rëndësishëm në përmirësimin e strukturës së lëkurës.

A duhet të provoj vazelinë për strijat?

Nëse jeni duke kërkuar për një mënyrë të thjeshtë dhe të përballueshme për të mbajtur lëkurën tuaj të shëndetshme dhe të hidratuar gjatë shtatzënisë, vazelina është një zgjedhje e shkëlqyer.

Mund të mos heqë strijat, por mund t’i bëjë ato më pak të dukshme duke e mbajtur lëkurën të hidratuar dhe elastike. Plus, është i sigurt për të gjitha llojet e lëkurës, duke e bërë atë një shtesë të thjeshtë dhe praktike në rutinën tuaj.

Megjithatë, kombinimi i vazelinës me përbërës aktivë për kujdesin e lëkurës ose trajtime do të japë rezultate më të mira. Në fund të fundit, strijat janë një pjesë e natyrshme e jetës dhe nëse doni t’i lehtësoni ato apo thjesht t’i pranoni ato varet nga ju! Nëse keni në dorë një kuti vazelinë, provojeni – skenari më i keq? Lëkura juaj do të jetë më e butë se kurrë! /Telegrafi/

The post A mund të ndihmojë vërtet vazelina për të hequr strijat gjatë shtatzënisë? appeared first on Telegrafi.

Për shumë nëna, momenti i lindjes është ndoshta më i rrezikshmi në jetën e tyre, sepse nuk dihet kurrë se sa do të zgjasë lindja, nëse gjithçka do të shkojë mirë

Disa gjendje mjekësore e bëjnë këtë veçanërisht sfiduese.

Nëse lindja do të jetë e vështirë apo jo, varet nga gatishmëria e kanalit të lindjes, sa është zbutur, shkurtuar dhe e kalueshme qafa e mitrës nga një apo dy gishta obstetër. Sa më e butë të jetë qafa e mitrës, aq më i kalueshëm është kanali cervikal dhe sa më e shkurtër të jetë qafa e mitrës aq më i shpejtë është procesi i lindjes. Prandaj përgatitja për lindjen është e rëndësishme që gjithçka të jetë normale.

Çfarë e bën të vështirë lindjen?

Sindroma e vezores policistike, çrregullimet hormonale

PCOS është një sëmundje që prek 5 deri në 10 për qind të grave. Shumë ciste të vogla formohen në vezore dhe kjo çon në shumë probleme, duke përfshirë infertilitetin. Dhe nëse akoma arrini të mbeteni shtatzënë, atëherë teprica e androgjenit ndikon në rrjedhën e lindjes: te gratë me çrregullime hormonale, mitra është zakonisht e dendur, qafa e mitrës është më e shkurtër.

Shpesh, specialistët përgatisin paraprakisht nënat e ardhshme me probleme të tilla për lindjen e fëmijëve: nga java e 36-të deri në javën e 37-të të shtatzënisë, ato kanë nevojë për terapi të veçantë, transmeton Telegrafi.

Dimensionet e legenit

Gjerësia e ijëve nuk ka të bëjë me të – po flasim për madhësinë e legenit të brendshëm. Nëse bëhet fjalë për një legen të njëtrajtshëm ose të ngushtë të shkallës së parë, atëherë procesi i lindjes vonohet natyrshëm: konfigurimi i kokës së fetusit në këtë rast zgjat më shumë sesa te një grua me madhësi normale të legenit, gjithashtu është më e vështirë që fëmija të kalojë nëpër kanalin e lindjes.

Madhësia e fetusit

Sa më i madh të jetë fetusi, aq më e vështirë është lindja. Sidomos nëse një fëmijë i madh lind nga një nënë me legen të ngushtë: me një madhësi fetale, për shembull, 3900 gram, lindja ka shumë të ngjarë të jetë e gjatë dhe e dhimbshme.

Afati

Shtatzënia mund të kryhet përtej datës së caktuar. Në rastin e dytë, kockat e kokës së foshnjës bëhen më të forta, gjë që mund të nënkuptojë lëndime si për nënën ashtu edhe për fetusin. Prandaj, lindja planifikohet kur shtatzënia të arrijë 40 javë. Në këtë fazë, fontanela e madhe në kokën e foshnjës nuk është mbyllur ende. Kockat e kokës së foshnjës bëhen më të dendura në javën e 42-të të shtatzënisë.

Lindja e parakohshme është një çështje e veçantë me nuancat e veta. Mund të shoqërohet me këputje të perineumit dhe vagjinës gjatë lindjes.

Por, si rregull, për shkak të lindjes së parakohshme, fetusi vuan më shumë, dhe lëndimet e lindjes janë më të zakonshme tek foshnja. Dhe nënat, për faktin se fëmijët lindin me peshë të vogël, rrallëherë vuajnë nga lëndimet dhe komplikimet gjatë lindjes.

Kur koka e fetusit me diametër të madh kalon nëpër kanalin e lindjes, mund të ndodhë lëndim. Prandaj hipertensioni intrakranial i foshnjës, lëndimet e qafës së mitrës dhe paraliza cerebrale. Ndodh që gratë vijnë dhe thonë se fëmija i tyre ka paralizë cerebrale, duke menduar se është e lindur, kur në fakt shpeshherë lindja keqmenaxhohet.

Prandaj, është e nevojshme të parashikohet mundësia e situatave të tilla, të llogariten paraprakisht rreziqet për pacientin: mosha, madhësia e legenit, madhësia e fetusit, si po ecën shtatzënia, çfarë sëmundjesh themelore ka gruaja, përfshirë ato kronike. Dhe në varësi të kësaj, përgatiteni gruan për lindje. /Telegrafi/

The post Cilat gra shtatzëna e kanë më të vështirë lindjen? Disa gjendje mjekësore mbartin rreziqe më të mëdha për nënën dhe foshnjën appeared first on Telegrafi.

Më tepër se gjysma e grave shtatzëna vuajnë nga urthi dhe për shumë prej tyre, kjo është përballja e parë me këtë gjendje

Në të vërtetë, urthi, i quajtur gjithashtu sëmundja e refluksit gastroezofagal, nuk ka asnjë lidhje me zemrën.

Ajo shkaktohet nga kthimi i ushqimeve që gjenden në stomak, të cilat kalojnë lart në ezofag. Kur ndodh kjo, acidet e stomakut ngacmojnë veshjen e ezofagut.

Kjo sëmundje e ka marrë emrin nga ndjesia e djegies që shkaktohet në pothuaj të njëjtin nivel me zemrën.

Urthi ndodh më shpesh gjatë shtatzënisë, sepse hormonet bëjnë që aparati tretës të ngadalësojë funksionin e tij.

Falë kësaj, lëndët ushqyese kanë më tepër kohë të thithen nga sistemi i qarkullimit të gjakut dhe të transportohen më pas te fetusi, por duhet gjithashtu më tepër kohë që stomaku të zbrazet. Shpeshherë kjo shoqërohet me mostretje të ushqimit ose me urth.

Përveç kësaj, gjatë muajve të fundit të shtatzënisë, mitra që është gjithmonë në zgjerim, ushtron shtypje në stomak, duke e spostuar atë më lart dhe duke e ngjeshur.

Presioni i ushtruar i detyron acidet e stomakut që të ngjiten lart duke shkaktuar urth.

Parandalimi dhe kujdesi

Urthi nuk është aspak i këndshëm, por ju mund të merrni disa masa për ta parandaluar ose trajtuar atë.

* Hani shpesh dhe pak, për shembull, pesë ose gjashtë vakte të vogla në ditë, në vend të tri vakteve të bollshme.

* Disa ushqime kanë më tepër gjasa që t’jua ngacmojnë stomakun dhe ezofagun, në krahasim me disa të tjera. Përcaktoni se cilat ushqime ju shkaktojnë urth dhe mundohuni të mos i përdorni ato.

Hiqni dorë nga ushqimet me dhjamë, yndyrë apo të skuqura, si dhe nga kafja, çaji, çokollata, alkooli, pijet e gazuara, ushqimet shumë të ëmbla, ato me acid, si: agrumet apo lëngjet e tyre, domatet, specat e kuq dhe ushqimet shumë pikante.

* Konsumoni sa më shumë lëngje, veçanërisht ujë.

* Hani duke e mbajtur trupin në pozicionin e duhur. Kërrusja mund t’ju shkaktojë presion të tepërt në stomak.

* Shtrihuni pas një ore ose më shumë pasi të keni ngrënë.

* Mos hani asgjë dy ose tri orë para se të shkoni të flini. Kur është bosh, stomaku prodhon më pak acide.

* Shmangni lëvizjet dhe pozicionet që duket se ua përkeqësojnë problemin që keni. Kur të merrni gjëra nga toka, uluni në gjunjë, dhe mos u përkulni.

* Kur të jeni duke pushuar apo fjetur, mbështetuni mbi jastëkë, që të ngrini kokën dhe shpatullat.

Kur të kërkoni ndihmë mjekësore?

Në qoftë se urthi shndërrohet në një problem serioz, bëni një vizitë te mjeku. Mos merrni asnjë kundëracid ose bllokues acidesh, pa u konsultuar më parë me të, shkruan Class.

Kundëracidet mund të përmbajnë shumë kripë dhe të rrisin grumbullimin e lëngjeve në indet e trupit.

Gjithashtu, nuk duhet të përdorni barna që përmbajnë aspirinë, etj. /Telegrafi/

The post Urthi, një nga problemet më të zakonshme gjatë shtatzënisë: Ç’duhet të bëni për ta parandaluar appeared first on Telegrafi.

Ndikimi i agjërimit gjatë shtatzënisë mund të varet nga shëndeti i përgjithshëm i nënës, faza e shtatzënisë dhe koha e vitit kur ndodh Ramazani

Nëse jeni shtatzënë dhe keni dëshirë të agjëroni, atëherë me siguri se e keni një dyshim: a është i rrezikshëm agjërimi gjatë shtatzënisë?

Studimet thonë se agjërimi, veçanërisht gjatë shtatzënisë, mund të ketë efekte afatgjate për beben në vitet e mëvonshme të jetës.

A është i sigurt agjërimi gjatë shtatzënisë?

Thënë më thjesht, nuk ka ndonjë përgjigje të qartë sepse nuk ka ndonjë hulumtim konkret që tregon se si agjërimi gjatë shtatzënisë mund të ndikojë te nëna apo te bebja.

Sidoqoftë, disa studime raportojnë se bebet e lindura nga shtatzënat që kanë agjëruar mund të kenë probleme shëndetësore më vonë në jetë, transmeton Telegrafi.

Si ndikon agjërimi gjatë shtatzënisë te bebja në mitër?

Megjithëse agjërimi nuk ndikon te bebja në mitër, faktikisht mund të ketë pasoja afatgjate.

Hulumtimet kanë zbuluar dy hipoteza sa i përket efekteve të fetusit:

–  Peshë më të ulët të bebes. Mungesa e ushqimit gjatë agjërimit mund të ketë efekte në rritjen e fetusit. Gjithashtu, organet të cilat janë duke u zhvilluar mund të dëmtohen përjetësisht. Kjo mund të ndodh për shkak të mungesës së vlerave ushqyese. Efektet të cilat bebja mund t’i vuajë më vonë në jetë përfshijnë problemet me veshka, tipin 2 të diabetit, sëmundjet e zemrës, etj.

– Rrit mundësinë e dehidrimit nëse nuk keni konsum të ujit ose lëngjeve.

– Dëmtim të aftësive kognitive. Mungesa e vlerave ushqyese gjatë agjërimit mund ta rritë nivelin e hormonit, e kjo pastaj të shpie në dëmtim të aftësive njohëse te bebja.

A duhet të agjërojnë gratë shtatzëna gjatë Ramazanit?

Shtatzënat duhet të përpiqen të mos agjërojnë gjatë Ramazanit sepse mund ta vënë në rrezik shëndetin e bebes.

Megjithatë, nëse veç vendosni ta bëni këtë, atëherë sigurohuni të konsumoni shumë ujë dhe lëngje të pemëve të freskëta. Gjithashtu, duhet t’i shmangni ushqimet me shumë sheqer dhe pijet me kafeinë.

Gjithsesi nevojiten më shumë kërkime për të kuptuar plotësisht se çfarë ndikimi mund të ketë agjërimi në shëndetin dhe zhvillimin e foshnjës dhe çfarë mund të nënkuptojë për shëndetin e fëmijës në jetën e mëvonshme!

Megjithatë, agjërimi është një vendim personal dhe nëse vendosni ta bëni këtë, duhet të flisni me  mjekun tuaj për këshilla.  /Telegrafi/

The post Agjërimi gjatë shtatzënisë: A ka ndonjë rrezik të madh shëndetësor? appeared first on Telegrafi.

Mjekët e sotëm e rekomandojnë prerjen cezariane për shkak se femrat kanë frikë nga dhimbja gjatë lindjes normale. Por, prerja cezariane mund të ketë më shumë pasoja dhe komplikime të padëshirueshme.

Vendimin për mënyrën e lindjes duhet ta merrni pasi të shqyrtoni të gjitha faktet dhe rreziqet nën drejtimin e mjekut tuaj, i cili pas shqyrtimit të parametrave të indikacionit duhet të vendosë për metodën me anë të të cilës do të sillni në botë foshnjën tuaj, transmeton Telegrafi.

Mangësitë e prerjes cezariane:

1. Rikuperimi zgjat më shumë. Frika nga dhimbjet shpesh i orienton femrat kah prerja cezariane, për të cilën konsiderojnë se është proces më i shpejtë dhe do t’i mbajë vetëm një apo dy ditë në spital. Mirëpo, për shkak të përdorimit të anestezionit dhe barnave të tjerë, si edhe ndërhyrjes kirurgjike, rikuperimi është më i gjatë në krahasim me lindjen normale.

2. Rreziku i shtuar për infeksione, gjakderdhje dhe trombozë. Për dallim nga lindja natyrore, prerja cezariane shton gjasat për infeksione. Në disa raste mund të shfaqet infeksion i rëndë, i cili kërkon ndërhyrje të tjera kirurgjike dhe doza të mëdha të antibiotikëve.

3. Në shumë raste, femrat pas lindjes me prerje cezariane ankohen se kanë fituar shumë në peshë, sidomos nën pjesën ku është bërë prerja. Po ashtu, shumë femra ankohen për humbje të ndjesisë në dhe rreth vendit ku është kryer prerja.

4. Në krahasim me foshnjat e lindura me rrugë normale, foshnjat e lindura me ndërhyrje kirurgjike, për shkak të barnave të shfrytëzuar gjatë kohës së operacionit, nuk janë plotësisht perceptuese menjëherë pas lindjes. Po ashtu, gjidhënia e fëmijëve që lindin me operacion kërkon mundim më të madh në krahasim me atë të foshnjave që lindin me rrugë normale.

Si të shmangen efektet negative të prerjes cezariane

Për të shmangur dhimbjet dhe traumat pas lindjes, duhet që të bëni disa ndryshime në rutinën tuaj ditore.

1. Disa muaj pas lindjes, filloni të ecni rregullisht. Kjo do t’u ndihmojë që të ruani fleksibilitetin e trupit dhe do t’u ndihmojë të largoni plogështinë pas operacionit.

2. Mund të filloni me një regjim të rregullt ushtrimesh, ashtu që trupi juaj të mbetet aktiv dhe fleksibil.

3. Domosdo merrni të gjitha barnat për aq kohë sa ju ka rekomanduar mjeku, ashtu që të pengoni shfaqjen e infeksioneve dhe komplikimeve tjera të paslindjes.

4. Shkoni në kontrolle të rregullta që të shmangni çfarëdolloj komplikimi pas lindjes. /Telegrafi/

The post A është prerja cezariane vendim i drejtë? appeared first on Telegrafi.

Përdorimi i rezonancës magnetike gjatë shtatzënisë shoqërohet me shqetësime midis pacienteve dhe profesionistëve të kujdesit shëndetësor në lidhje me sigurinë e fetusit

Bsc. Mustafë Buzoku
Teknik i Radiologjisë

Rezonanca magnetike është një mjet i fuqishëm diagnostikues i indeve të buta me aftësinë për të ofruar anatominë e detajuar të prerjes tërthore të trupit të njeriut pa përdorimin e rrezatimit jonizues. Për vetë faktin që punon me fushë magnetike nuk shkakton asnjë efekt të dëmshëm mbi pacientin dhe shëndetin e tij.

Këto avantazhe e bëjnë rezonancën magnetike një modalitet tërheqës për imazhin e grave shtatzëna.

Ka disa shqetësime teorike që mund të shkaktojnë ankth të panevojshëm për pacientet, familjet e tyre dhe ekipin e kujdesit shëndetësor, duke kufizuar potencialisht përdorimin e gjerë të rezonancës magnetike gjatë shtatzënisë.

Kur kryhet rezonanca magnetike e fetusit?

Konsiderohet e paarsyeshme të kryhet një rezonancë magnetike nëse më parë nuk është kryer një vlerësim i detajuar ekografik nga gjinekologu kompetent që monitoron shtatzëninë.

Ekzaminimet standarde gjatë shtatzënisë nuk mund të japin informacion të mjaftueshëm për foshnjën ose kur imazhi me ultratinguj është i paqartë për shkak të pozicionit të fetusit, pesha e tepërt e nënës, pakësimi i lëngut amniotik (oligohydramnios) ose faktorë të tjerë.

Ky ekzaminim zakonisht bëhet në tremujorin e dytë ose të tretë të shtatzënisë.

Rezonanca magnetike mund të ndihmojë në vlerësimin e gjendjeve të ndryshme si:

• Anomalitë e trurit dhe shtyllës kurrizore në fetus (p.sh., hidrocefalus, spina bifida).
• Probleme me mushkëritë, zemrën ose organet e tjera të fetusit.
• Tumoret ose masat brenda ose rreth fetusit, si teratomat sakrokoksigjeale.
• Anomalitë e placentës, të tilla si placenta praevia ose placenta accreta, të cilat mund të përbëjnë rrezik për nënën dhe foshnjën gjatë lindjes.

Kjo metodë e modernizuar e imazherisë është gjithashtu e dobishme në situatat kur shtatzëna ka probleme specifike shëndetësore, të tilla si anomalitë e mitrës, operacionet e mëparshme abdominale ose të legenit, sëmundje kardiovaskulare ose komplikime të tilla si preeklampsia, ose nëse vërehen probleme me transfuzionin e gjakut,

Në raste të tilla, Rezonanca magnetike mund të sigurojë informacione shtesë që janë të rëndësishme për planifikimin e trajtimit dhe menaxhimin e shtatzënisë.

Përdorimi i kontrastit duhet të jetë i kufizuar

Vendimi për përdorimin e mjeteve të kontrastit të përdorura për imazhe me rezonancë magnetike duhet të merret rast pas rasti dhe pas konstatimit të përfitimeve dhe rreziqeve.

Agjentët e kontrastit duhet të përdoren vetëm nëse ato ofrojnë informacion shtesë potencialisht thelbësor për pacientin ose fëmijën e palindur.

Nëse administrimi i një agjenti kontrasti konsiderohet i nevojshëm ose shumë domethënës, duhet të administrohet doza më e ulët e mundshme, pasi ata përmbajnë gadolinium që mund të depërtojë në placentë.

Agjentët e kontrastit të përdorur për imazhe me rezonancë magnetike nuk duhet të përdoren në shtatzëna me funksion të kufizuar të veshkave.

Ekzaminimi i fetusit zgjat mesatarisht 15 minuta, në rastet kur fetusi është i qetë, ndërsa te kompleksiteti i keqformimeve, ekzaminimi mund të zgjasë më shumë.

Sigurisht që ky ekzaminim ka kufizimet e veta, sepse nuk mund t’i bësh të gjitha sekuencat, si me një të rritur, një nga arsyet është lëvizja e fetusit, në të cilën nuk mund të ndikojmë.

Lexo po ashtu Përgatitja e pacientëve për Rezonancë Magnetike: Si të mposhtim frikën nga imazheria

Vetë ekzaminimi është intensiv dhe i zhurmshëm, por që nuk ndikon shumë tek fetusi dhe është në interesin e gruas shtatzënë që të bëhet kur ka indikacion adekuat nga gjinekologu.

Pavarësisht pranisë së frikës, është e rëndësishme të mbani mend se ekipi profesional është gjithmonë pranë jush për të dhënë përgjigje të hollësishme për të gjitha pyetjet tuaja dhe për të siguruar sigurinë e çdo ekzaminimi. /Telegrafi/

The post Rezonanca magnetike e fetusit për diagnozë më të saktë dhe një shtatzëni më të sigurt! appeared first on Telegrafi.

Dr. Memli Morina, mr. sci
gjinekolog – obstetër
tel. 045 725 725

Duket e pabesueshme, por edhe bebja brenda në mitrën e nënës mund të dallojë tonet e të folurit, ngjashëm sikur ne po të mbulojmë gojën me dorë dhe të flasim ose të këndojmë. Nëse veprojmë kështu askush nuk kupton se çfarë po themi, por gjithkush e dallon ritmin e të folurit, e kupton se a po këndojmë, a po flasim normalisht ose a po bërtasim apo shajmë.

Veshët e bebes fillojnë të zhvillohen që nga java e tetë e zhvillimit brenda në mitër, kurse marrin formën definitive rreth javës 24. Është vërtetuar tashmë se bebja brenda në mitrën e nënës dëgjon zëra dhe zhurma. Studimet kanë treguar se fëmija fillon të dëgjojë që nga java e 20. Sot është e mundur që me aparaturat e sofistikuara ultrasonografike të shihet edhe reagimi i bebes që e kthen kokën kur dëgjon zhurmë të menjëhershme.

Bebja brenda në mitrën e nënës nuk jeton në një qetësi absolute, por përkundrazi është vërtetuar se ajo dëgjon zhurmë e cila krahasohet me zhurmën që bën fshesa (thithësja) elektrike e pluhurit. Kjo zhurmë shkaktohet nga qarkullimi i gjakut tek nëna, nga ritmi i zemrës së nënës dhe nga zhurma që bëjnë zorrët e nënës. Megjithatë, bebja reagon nëse papritur dëgjon një zë dhe kjo manifestohet me ndryshim të frekuencës së zemrës së saj, ndryshon lëvizjet dhe bile edhe mund të urinojë.

Shumica e shtatzënave pohojnë se, ajo i shton goditjet nëse nëna trembet nga në zhurmë si thyerja e pjatës ose përplasja e derës. Është vërtetuar poshtu se bebja qetësohet kur e dëgjon nënën e vet duke folur (kjo manifestohet me ngadalësim të të rrahurave të zemrës). Pra, bebja jo vetëm që mund t’ju dëgjojë juve, por edhe mund të dallojë tonin e zërit me të cilin ju i flisni. Normalisht që nuk mund t’i kuptojë fjalët, por e dallon tonin e zërit me të cilin i flisni. Poashtu, ajo mund ta dallojë edhe muzikën nga të folurit.

Një pyetje që e bëjnë shpesh shtatzënat është se “a bëhet më kreative, më e mençur ose më e zhvilluar bebja nëse dëgjon një lloj të caktuar të muzikës?”. Akoma nuk është e qartë se a ndikon roli i muzikës në zhvillimin neurologjik të bebes.

Në fillim të viteve ’90 hulumtuesi francez Alfred Tomatis insistonte se ekziston “efekti Mozart” që do të thotë se nëse bebja brenda në mitrën e nënës dëgjon muzikë klasike, atëherë përmirësohet zhvillimi i trurit. Disa hulumtues tjerë mendojnë se ky përfundim është i ekzagjeruar dhe se nuk ka fakte se përmes këtyre intervenimeve in-utero, bebja bëhet më e mençur. Por, a ka dallim nëse një shtatzënë dëgjon Bethovenin, Rolling Stones apo dëgjon muzikë tallava?

Mendohet se nuk ka ndikim; një shtatzënë mund të dëgjojë gjithë ditën muzikë tallava dhe kur të rritet mund të bëhet përkundrazi një këngëtar i muzikës klasike ose t’i pëlqejnë këngët e Xenit. Sido që të jetë shtatzëna në asnjë mënyrë nuk duhet të vendosë kufjet në barkun e vet për t’ia bërë të mundur bebes të dëgjojë muzikë, sepse në këtë mënyrë çrregullohet ritmi i gjumit i bebes dhe rrezikohet rritja.

Edhe më herët është menduar (ndonëse nuk ka pasur fakte) se bebet e porsalindura mund të dallojnë zërat në një gjuhë të huaj nga zërat të cilët bebja është mësuar t’i dëgjojë sa ka qenë në mitrën e nënës. Ky përfundim është faktuar me studimin që është publikuar në janar të vitit 2013 në Acta Paediatrica.

Sipas autores Christine Moon ky është studimi i parë i cili tregon se fetusi mësohet me disa zëra të gjuhës amtare edhe përpara se të lindë (pra akoma sa është në mitrën e nënës). Është bërë një studim interesant për të vërtetuar se a ndikon në perceptimin fonetik tek saj nëse bebja dëgjon një gjuhë të caktuar derisa është në mitrën e nënës. Studimi është kryer në Suedi dhe në ShBA.

Janë studiuar reagimet e 40 bebeve në Suedi dhe 40 bebeve ne ShBA të cilat kishin lindur mesatarisht 33 orë më parë (pra pak më shumë se një ditë pas lindjes). Këtyre bebeve iu është dhënë një biberon i cili ishte i lidhur me një analizator kompjuterik. Gjatë thithjes bebeve iu janë lëshuar zëra me zanore karakteristike për gjuhën angleze dhe gjuhën suedeze dhe në mënyrë kompjuterike është analizuar se sa shpesh këto bebe e thithin biberonin. Zanore karakteristike për anglishten ishte zanorja “I” kurse për suedishten “Y”.

Rezultati ishte ky: bebet të cilat dëgjonin rrokjet e gjuhës amtare reagonin ndryshe kur dëgjonin rrokjet e gjuhës joamtare. Kur bebet dëgjonin zanoret e gjuhës joamtare ato thithnin biberonin më shpesh, krahasuar me zanoret e gjuhës amtare të cilat i perceptonin si “të njohura” dhe kjo manifestohej me një qetësi dhe rehati më të theksuar të bebes.

Si përfundim, gjuha të cilën e kanë dëgjuar bebet brenda në mitrën e nënës ndikon në perceptimin e gjuhës së tyre amtare. Koautor i këtij hulumtimi është Hugo Lagercrantz, profesor në Institutin Karolinska në Suedi. /Telegrafi/

The post A dëgjon bebja brenda në mitrën e nënës? appeared first on Telegrafi.